10 ᠰᠠᠷᠠᠶ᠋ᠢᠨ 12 ᠤ᠋ᠨ ᠡᠳᠦᠷ 2025 ᠣᠨᠤ ᠢᠯᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠬᠡᠲᠦ ᠲᠡᠰᠤᠨ ᠬᠣᠯᠪᠣᠭᠠᠲᠤ ᠤᠷᠤᠯᠳᠤᠭᠠᠨᠤ ᠬᠠᠭᠠᠰ ᠱᠢᠶ᠋ᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨᠤ ᠬᠣᠶᠠᠳᠤᠭᠠᠷ ᠡᠭᠡᠯᠵᠢᠶ᠋ᠢᠨ ᠲᠡᠮᠡᠴᠡᠭᠡᠨ ᠶᠠᠪᠤᠭᠳᠠᠵᠤ᠂ ᠬᠥᠬᠡᠬᠣᠲᠠᠶ᠋ᠢᠨ ᠠᠩᠭᠢᠶ᠋ᠢᠨ ᠬᠢᠨ 2᠄ 1 ᠪᠠᠷ ᠤᠯᠠᠭᠠᠨᠬᠠᠳᠠᠶ᠋ᠢᠨ ᠠᠩᠭᠢᠶ᠋ᠢ ᠢᠯᠠᠵᠤ᠂ ᠲᠦᠩᠯᠢᠶᠣᠤᠶ᠋ᠢᠨ ᠠᠩᠭᠢᠶ᠋ᠢᠨ ᠬᠢᠨ 1᠄ 0 ᠵᠢᠡᠷ ᠤᠯᠠᠭᠠᠨᠴᠠᠪᠤᠨ ᠠᠩᠭᠢᠶ᠋ᠢ ᠢᠯᠠᠵᠤ᠂ ᠲᠤᠰ ᠲᠤᠰ ᠱᠢᠶ᠋ᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠬᠤ ᠡᠷᠭᠡ ᠵᠢ ᠤᠯᠵᠠᠢ᠃
ᠲᠤᠰ ᠡᠳᠦᠷᠦᠨ 16 ᠴᠠᠭᠲᠤ ᠤᠯᠠᠭᠠᠨᠬᠠᠳᠠᠶ᠋ᠢᠨ ᠠᠩᠭᠢ ᠪᠣᠯᠤᠨ ᠬᠥᠬᠡᠬᠣᠲᠠᠶ᠋ᠢᠨ ᠠᠩᠭᠢᠶ᠋ᠢᠨ ᠤᠷᠤᠯᠳᠤᠭᠠᠨ ᠶᠠᠪᠤᠭᠳᠠᠵᠠᠢ᠃ ᠤᠷᠤᠯᠳᠤᠭᠠᠨ ᠡᠬᠢᠯᠡᠭᠡᠳ 1 ᠮᠢᠨᠦ᠋ᠲ ᠪᠣᠯᠤᠯ ᠦᠭᠡᠢᠪᠡᠷ ᠬᠥᠬᠡᠬᠣᠲᠠᠶ᠋ᠢᠨ ᠲᠠᠮᠢᠷᠴᠢᠨ ᠦᠷᠢᠰᠦᠯᠳᠦᠭᠴᠢ ᠡᠲᠡᠭᠡᠳᠦᠨᠢᠶᠡᠨ ᠠᠷᠤ ᠲᠠᠯᠠ ᠵᠢᠨ ᠬᠠᠮᠠᠭᠠᠯᠠᠯᠳᠠ ᠲᠤᠳᠠᠮᠠᠬ ᠪᠠᠢᠳᠠᠯᠢ ᠠᠵᠢᠬᠯᠠᠨ ᠤᠯᠵᠤ᠂ ᠡᠭᠦᠳᠡ ᠰᠤᠮᠤᠳᠠᠨ ᠬᠤᠪᠢ ᠣᠯᠵᠤ᠂ 1᠄ 0 ᠬᠤᠪᠢ ᠪᠡᠷ ᠤᠷᠢᠳᠠᠪᠠ᠃ ᠬᠥᠬᠡᠬᠣᠲᠠᠶ᠋ᠢᠨ ᠠᠩᠭᠢ ᠵᠠᠯᠭᠠᠭᠠ ᠪᠡᠷ ᠤᠶᠠᠨ ᠬᠠᠳᠠᠨ ᠪᠠᠢᠯᠳᠤᠵᠤ᠂ ᠬᠣᠷᠢᠭ᠍ᠯᠠᠯᠲᠠ ᠬᠢᠬᠦ᠌ᠶ᠋ᠢᠨ ᠬᠠᠮᠲᠤ ᠭᠠᠷᠮᠠᠭᠠᠶ ᠳᠠᠭᠠᠷᠢᠯᠲᠠ ᠬᠢᠭ᠌ᠰᠡᠨ ᠪᠠᠢᠨᠠ᠃ ᠤᠷᠤᠯᠳᠤᠭᠠᠨᠤ ᠳᠣᠣᠷᠠ ᠬᠠᠭᠠᠰ ᠲᠠᠯᠠᠪᠤᠷᠲᠤ ᠬᠣᠶᠠᠷ ᠲᠠᠯᠠᠪᠠᠷᠢᠶᠠᠨ ᠪᠠᠰᠠ ᠲᠤᠰ ᠪᠦᠷᠢ ᠨᠢᠭᠡ ᠪᠥᠮᠪᠥᠭᠡ ᠣᠷᠣᠭᠤᠯᠵᠤ᠂ ᠡᠴᠦᠰᠲᠡᠬᠡᠨ ᠤᠯᠠᠭᠠᠨᠬᠠᠳᠠᠶ᠋ᠢᠨ ᠠᠩᠭᠢ1᠄ 2 ᠬᠤᠪᠢ ᠪᠡᠷ ᠬᠥᠬᠡᠬᠣᠲᠠᠶ᠋ᠢᠨ ᠠᠩᠭᠢᠳᠤ ᠳᠡᠢᠯᠦᠭ᠌ᠳᠡᠪᠡ᠃ ᠬᠥᠬᠡᠬᠣᠲᠠᠶ᠋ᠢᠨ ᠠᠩᠭᠢ ᠬᠣᠶᠠᠷ ᠤᠳᠠᠭᠠ 4᠄ 2 ᠬᠤᠪᠢ ᠪᠡᠷ ᠤᠯᠠᠭᠠᠨᠬᠠᠳᠠ ᠵᠢᠨ ᠠᠩᠬᠢ ᠵᠢ ᠢᠯᠠᠵᠤ᠂ ᠱᠢᠶ᠋ᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨᠳᠤ ᠤᠷᠤᠬᠤ ᠬᠢᠷᠢ ᠬᠡᠮᠢ ᠤᠯᠤᠭᠰᠠᠨ ᠪᠠᠢᠨᠠ᠃
ᠲᠤᠰ ᠡᠳᠦᠷᠦᠨ 19 ᠴᠠᠭᠲᠤ ᠨᠥᠬᠥᠭᠡ ᠨᠢᠭᠡ ᠲᠠᠯᠠᠪᠤᠷ ᠬᠠᠭᠠᠰ ᠱᠢᠢᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨ ᠲᠦᠩᠯᠢᠶᠣᠤᠶ᠋ᠢᠨ ᠠᠩᠭᠢ ᠪᠣᠯᠤᠨ ᠤᠯᠠᠭᠠᠨᠴᠠᠪᠤᠨ ᠠᠩᠭᠢᠶ᠋ᠢᠨ ᠬᠣᠭᠣᠷᠣᠨᠳᠣ ᠶᠠᠪᠤᠭ᠍ᠳᠠᠪᠠ᠃ ᠠᠩᠬᠠᠨᠤ ᠨᠤᠭᠤᠯᠤᠭᠠᠳᠤ ᠬᠣᠶᠠᠷ ᠲᠠᠯᠠᠪᠠᠷᠢᠶᠠᠨ ᠬᠣᠭᠣᠰᠣᠨ ᠬᠠᠭᠤᠳᠠᠰᠤ ᠰᠣᠯᠢᠯᠴᠠᠵᠤ᠂ ᠲᠤᠰ ᠲᠠᠯᠠᠪᠤᠷᠤᠨ ᠤᠷᠤᠯᠳᠤᠭᠠᠨᠳᠤ ᠢᠯᠠᠭ᠍ᠰᠠᠨ ᠨᠢ ᠱᠢᠭᠤᠳ ᠱᠢᠶ᠋ᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨᠳᠤ ᠣᠷᠣᠬᠤ ᠪᠣᠯᠪᠠ᠃ ᠤᠷᠤᠯᠳᠤᠭᠠᠨ ᠡᠬᠢᠯᠡᠭ᠌ᠰᠡᠨᠦ ᠳᠠᠷᠠᠭᠠ ᠲᠦᠩᠯᠢᠶᠣᠤᠶ᠋ᠢᠨ ᠠᠩᠭᠢ ᠪᠥᠮᠪᠥᠭᠡᠨ ᠪᠠᠬᠠᠳᠠᠳᠤᠨ ᠳᠡᠮᠵᠢᠬᠦ᠌ ᠳᠠᠭᠤᠨᠤ ᠳᠤᠮᠳᠠ᠂ ᠰᠠᠨᠠᠭᠠᠴᠢᠯᠠᠭᠠᠲᠤ ᠪᠠᠢᠷᠢᠨ ᠳ᠋ᠤ ᠤᠷᠤᠵᠤ᠂ ᠤᠯᠠᠭᠠᠨᠴᠠᠪᠤᠨ ᠠᠩᠭᠢᠶ᠋ᠢᠨ ᠪᠥᠮᠪᠥᠭᠡᠨ ᠡᠭᠦᠳᠡᠨᠳᠦ ᠪᠠᠢᠨ ᠳᠠᠬᠢᠨ ᠰᠦᠷᠳᠡᠭᠦᠯᠦᠯ ᠪᠣᠯᠤᠭ᠍ᠰᠠᠨ ᠪᠥᠭᠡᠳ 37 ᠮᠢᠨᠦ᠋ᠲᠲᠦ ᠨᠢᠭᠡ ᠪᠥᠮᠪᠥᠭᠡ ᠣᠷᠣᠭᠤᠯᠵᠤ᠂ ᠳᠡᠭᠡᠷᠡ ᠬᠠᠭᠠᠰ ᠲᠠᠯᠠᠪᠤᠷᠲᠤ 1᠄ 0 ᠵᠢᠡᠷ ᠲᠡᠷᠢᠭᠦᠯᠡᠪᠡ᠃ ᠳᠣᠣᠷᠠ ᠬᠠᠭᠠᠰ ᠲᠠᠯᠠᠪᠤᠷᠲᠤ ᠳᠠᠬᠢᠨ ᠪᠠᠢᠯᠳᠤᠵᠤ᠂ ᠤᠯᠠᠭᠠᠨᠴᠠᠪᠤᠨ ᠠᠩᠭᠢ ᠬᠡᠳᠦᠢᠪᠡᠷ ᠶᠡᠬᠡ ᠴᠢᠷᠮᠠᠢᠬᠰᠨ ᠪᠣᠯᠪᠠᠴᠤ᠌ ᠪᠥᠮᠪᠥᠭᠡ ᠣᠷᠣᠭᠤᠯᠵᠤ ᠴᠢᠳᠠᠭᠰᠠᠨ ᠦᠭᠡᠢ᠃ ᠲᠦᠩᠯᠢᠶᠣᠤᠶ᠋ᠢᠨ ᠠᠩᠭᠢ ᠵᠢᠨ ᠬᠢᠨ ᠤᠯᠤᠭᠰᠠᠨ ᠬᠤᠪᠢ ᠪᠡᠨ ᠤᠷᠤᠯᠳᠤᠭᠠᠨᠤ ᠡᠴᠦᠰ ᠪᠤᠯᠳᠠᠯᠠ ᠪᠠᠷᠢᠮᠳᠠᠯᠠᠵᠤ᠂ ᠱᠢᠶ᠋ᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨᠳᠤ ᠤᠷᠤᠪᠠ᠃
ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠬᠡᠲᠦ ᠲᠡᠰᠤᠨ ᠬᠣᠯᠪᠣᠭᠠᠲᠤ ᠤᠷᠤᠯᠳᠤᠭᠠᠨᠤ ᠱᠢᠶ᠋ᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨᠤ ᠠᠩᠬᠠᠨᠤ ᠦᠵᠡᠯᠴᠡᠭᠡᠨ 10 ᠰᠠᠷᠠᠶ᠋ᠢᠨ 18 ᠤ᠋ ᠡᠳᠦᠷ ᠶᠠᠪᠤᠭ᠍ᠳᠠᠵᠤ᠂ ᠬᠣᠶᠠᠳᠤᠭᠠᠷ ᠨᠤᠭᠤᠯᠤᠭᠠ10 ᠰᠠᠷᠠᠶ᠋ᠢᠨ 25 ᠤ᠋ ᠡᠳᠦᠷ ᠶᠠᠪᠤᠭ᠍ᠳᠠᠨᠠ᠃