8 ᠰᠠᠷᠠ ᠵᠢᠨ 5ᠤ᠋ ᠡᠳᠤᠷ᠂ ᠥᠪᠥᠷ
ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠣᠶᠠᠷᠢ ᠬᠦᠷᠢᠶᠡᠯᠡᠬᠦ ᠠᠯᠪᠠᠨ ᠭᠡᠷ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ
ᠣᠷᠣᠨᠤ ᠨᠠᠮᠤᠨ ᠬᠣᠷᠢᠶᠠ ᠵᠢᠨ ᠤᠬᠠᠭᠤᠯᠬᠤ ᠬᠡᠯᠲᠡᠰ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠴᠡᠷᠢᠭᠦᠨ ᠠᠯᠪᠠᠠᠴᠠ
ᠬᠠᠯᠠᠭᠳᠠᠭᠰᠠᠳᠤᠨ ᠶᠠᠪᠤᠳᠠᠯᠤᠨ ᠲᠢᠩᠬᠢᠮ᠂ ᠥᠪᠥᠷ ᠮᠣᠩᠭᠣᠯᠤᠨ ᠴᠡᠷᠢᠭᠦᠨ ᠲᠣᠭᠣᠷᠢᠭ᠋ᠤᠨ ᠤᠯᠤᠰ ᠲᠥᠷᠥᠶᠢᠨ
ᠠᠵᠢᠯᠤᠨ ᠲᠣᠪᠴᠢᠶᠠᠠᠴᠠ ᠬᠠᠮᠲᠤᠷᠠᠨ ᠡᠷᠭᠢᠯᠡᠭᠰᠡᠨ 《ᠬᠠᠮᠤᠭᠤᠨ ᠭᠣᠶᠣ᠌ ᠤᠭ ᠰᠠᠨᠠᠭᠠ᠂ ᠥᠯᠢᠭᠡᠷ ᠳᠠᠭᠤᠷᠢᠶᠠᠯ
ᠲᠠᠢ ᠬᠠᠮᠳᠤ ᠪᠡᠷ ᠤᠷᠤᠬᠰᠢᠯᠠᠬᠤ》2026 ᠣᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ 《ᠬᠠᠮᠤᠭᠤᠨ
ᠭᠣᠶᠣ᠌ ᠴᠡᠷᠢᠭᠢᠶᠡᠨ ᠬᠦᠷᠢᠶᠡᠯᠡᠭᠰᠡᠨ ᠬᠥᠮᠥᠨ》᠂ 《ᠬᠠᠮᠤᠭᠤᠨ ᠭᠣᠶᠣ᠌ ᠴᠡᠷᠢᠭᠦᠨ ᠠᠯᠪᠠᠠᠴᠠ ᠬᠠᠯᠠᠭᠳᠠᠭᠰᠠᠳ》 ᠢ᠋
ᠨᠡᠢᠲᠡᠯᠡᠬᠦ ᠶᠣᠰᠣᠯᠠᠯ ᠥᠪᠥᠷ ᠮᠣᠩᠭᠣᠯᠤᠨ ᠷᠠᠳᠢᠣ᠋ ᠲᠧᠯᠸᠢᠰ ᠬᠣᠷᠢᠶᠠᠶᠢᠨ 800 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷᠦᠨ
ᠲᠣᠭᠯᠠᠯᠲᠠ ᠨᠡᠪᠲᠡᠷᠡᠭᠦᠯᠭᠡᠶᠢᠨ ᠲᠢᠩᠬᠢᠮᠳᠦ ᠶᠠᠪᠤᠭᠳᠠᠪᠠ᠃
ᠲᠣᠰ ᠤᠳᠠᠭᠠᠨᠤ ᠰᠢᠯᠭᠠᠷᠠᠭᠤᠯᠤᠯᠲᠠᠳᠤ
ᠥᠷᠭᠡᠨᠢᠶᠡᠷ ᠲᠠᠨᠢᠯᠴᠠᠭᠤᠯᠬᠤ᠂ ᠱᠠᠲᠤ ᠳᠠᠷᠠᠭᠠᠯᠠᠨ ᠰᠢᠯᠢᠨ ᠰᠣᠩᠭᠣᠬᠤ᠂ ᠴᠢᠩᠭᠠ ᠨᠢᠮᠪᠠᠢ ᠬᠢᠨᠠᠨ ᠲᠣᠭᠲᠠᠭᠠᠬᠤᠪᠠᠷ
ᠳᠡᠮᠵᠢᠨ᠂ ᠵᠧᠦ ᠢᠦᠢ ᠯᠦᠩ᠂ ᠵᠧᠦ ᠬᠤᠤ ᠸᠧᠢ᠂ ᠶᠠᠨ ᠸᠸᠨ ᠬᠤᠸᠠ᠂ ᠯᠢ ᠰᠢᠤᠸᠠᠢ ᠯᠢᠶᠠᠩ᠂ ᠸᠧᠨ ᠵᠢᠨ
ᠮᠣᠣ᠂ ᠪᠦᠷᠢᠨ᠂ ᠯᠢᠦ ᠰᠢ ᠵᠢᠶᠦ᠋ᠨ᠂ ᠸᠠᠩ ᠭᠦᠸᠧ ᠹᠧᠢ᠂ ᠲᠢᠶᠠᠨ ᠯᠦ᠍᠂ ᠸᠠᠩ ᠢᠦᠢ ᠵᠢᠤᠸᠠᠢ ᠵᠡᠷᠭᠡ ᠬᠦᠮᠦᠰ 2026 ᠣᠨᠤ 《ᠬᠠᠮᠤᠭᠤᠨ
ᠭᠣᠶᠣ᠌ ᠴᠡᠷᠢᠭᠢᠶᠡᠨ ᠬᠦᠷᠢᠶᠡᠯᠡᠭᠰᠡᠨ ᠬᠥᠮᠥᠨ》 ᠤ᠋ ᠴᠣᠯᠠᠶᠢ ᠭᠥᠷᠳᠡᠪᠡ᠂ ᠬᠠᠨ ᠪᠢᠩ᠂ ᠸᠠᠩ ᠯᠢ᠂ ᠸᠠᠩ ᠪᠥᠸᠧ᠂
ᠵᠦ᠍ ᠰᠢᠦᠢ ᠳ᠋ᠦᠩ᠂ ᠰᠠᠷᠠᠨᠲᠤᠶᠠᠭᠠ᠂ ᠰᠦᠨ ᠯᠢ ᠸᠧᠢ᠂ ᠭᠠᠩᠪᠤᠯᠤᠳ᠂ ᠴᠧᠨ ᠶᠤᠸᠠᠢ᠂ ᠸᠠᠩ ᠰᠢᠶᠣᠣ ᠯᠢ᠂ ᠴᠧᠨ
ᠴᠠᠩ ᠮᠢᠩ 《ᠬᠠᠮᠤᠭᠤᠨ ᠭᠣᠶᠣ᠌ ᠴᠡᠷᠢᠭᠦᠨ ᠠᠯᠪᠠᠠᠴᠠ ᠬᠠᠯᠠᠬᠳᠠᠬᠰᠠᠳ》 ᠤ᠋ᠨ ᠢᠷᠠᠭᠤ ᠠᠯᠳᠠᠷ ᠢ᠋
ᠬᠦᠷᠳᠡᠪᠡ᠃
ᠨᠡᠢᠲᠡᠯᠡᠬᠦ ᠶᠣᠰᠣᠯᠠᠯ ᠳ᠋ᠤ ᠳᠥᠷᠪᠡᠨ
ᠪᠦᠯᠦᠭ ᠲᠤᠬᠢᠷᠠᠭᠤᠯᠵᠤ᠂ ᠦᠶ᠋ᠯᠡ ᠠᠵᠢᠯᠯᠠᠭᠠᠶᠢᠨ ᠣᠬᠣᠷ ᠹᠢᠯᠢᠮ᠂ ᠲᠤᠬᠠᠢᠶᠢᠨ ᠲᠠᠯᠠᠪᠠᠶᠶᠢᠨ ᠰᠣᠷᠪᠤᠯᠵᠢᠯᠠᠭᠠ᠂
ᠲᠤᠬᠠᠢ ᠵᠢᠨ ᠬᠥᠮᠥᠨᠦ ᠲᠤᠭᠠᠴᠠᠯᠲᠠ᠂ ᠬᠦᠨᠳᠦᠳᠬᠡᠯᠦᠨ ᠦᠭᠡ ᠤᠶᠠᠩᠭᠠᠯᠠᠬᠤ ᠵᠡᠷᠭᠡ ᠬᠡᠯᠪᠡᠷᠢᠪᠡᠷ ᠱᠠᠩᠨᠠᠯ
ᠭᠥᠷᠳᠡᠭᠰᠡᠳᠦᠨ ᠰᠡᠳᠬᠢᠯ ᠬᠥᠳᠡᠯᠭᠡᠮᠡ ᠦᠶ᠋ᠯᠡ ᠠᠵᠢᠯᠯᠠᠭᠠ ᠪᠣᠯᠣᠨ ᠡᠷᠬᠢᠮ ᠳᠡᠭᠡᠳᠦ ᠵᠣᠷᠢᠭ᠋ ᠰᠠᠨᠠᠭᠠᠶᠢ
ᠠᠮᠢᠳᠤᠯᠢᠭ᠋ᠢᠶᠠᠷ ᠢᠯᠡᠷᠡᠭᠦᠯᠪᠡ᠃
ᠡᠬᠡ ᠤᠯᠤᠰᠤᠨ ᠤᠮᠠᠷᠠᠲᠤ ᠶᠢᠨ ᠠᠮᠤᠷ
ᠲᠦᠪᠰᠢᠨ ᠲᠣᠭᠲᠠᠭᠤᠨᠤ ᠬᠠᠯᠬᠠᠪᠴᠢ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠥᠪᠥᠷ ᠮᠣᠩᠭᠣᠯ ᠭᠦᠨ ᠵᠤᠵᠠᠭᠠᠨ ᠬᠣᠶᠠᠷᠢ ᠬᠦᠷᠢᠶᠡᠯᠡᠬᠦ
ᠤᠯᠠᠮᠵᠢᠯᠠᠯ ᠪᠠ ᠰᠢᠯᠢᠳᠡᠭ ᠬᠤᠪᠢᠰᠬᠠᠯᠲᠤ ᠤᠳᠤᠮᠰᠢᠯᠲᠠᠢ ᠶᠤᠮ᠃ 《ᠬᠠᠮᠤᠭᠤᠨ ᠭᠣᠶᠣ᠌》ᠵᠢ ᠰᠢᠯᠭᠠᠷᠠᠭᠤᠯᠬᠤ
ᠠᠵᠢᠯᠯᠠᠭᠠᠶᠢ ᠥᠷᠨᠢᠭᠦᠯᠬᠦ ᠨᠢ ᠣᠶᠤᠨ ᠰᠠᠨᠠᠭᠠᠨᠤ ᠬᠡᠪ ᠳᠠᠭᠤᠷᠢᠶᠠᠯᠢ ᠪᠣᠶ ᠪᠣᠯᠭᠠᠵᠤ᠂《ᠬᠠᠮᠤᠭᠤᠨ ᠭᠣᠶᠣ᠌》ᠵᠢᠨ
ᠥᠯᠢᠭᠡᠷᠢ ᠰᠠᠢᠲᠤᠷ ᠶᠠᠷᠢᠵᠤ᠂ ᠪᠥᠬᠥ ᠠᠷᠠᠳᠤᠨ ᠤᠯᠤᠰᠢᠶᠠᠨ ᠬᠠᠢᠷᠠᠯᠠᠵᠤ ᠴᠡᠷᠢᠭᠢᠶᠡᠨ ᠬᠦᠷᠢᠶᠡᠯᠡᠬᠦ ᠬᠠᠯᠠᠭᠤᠨ
ᠰᠡᠳᠬᠢᠯᠭᠡᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠬᠥᠭᠵᠢᠭᠡᠵᠦ᠂ ᠴᠡᠷᠢᠭ ᠵᠠᠰᠠᠭ ᠴᠡᠷᠢᠭ ᠠᠷᠠᠳᠤᠨ ᠪᠠᠲᠤ ᠪᠡᠬᠢ ᠪᠦᠯᠬᠦᠮᠳᠡᠯᠢ
ᠪᠡᠬᠢᠵᠢᠭᠦᠯᠦᠨ ᠬᠥᠭᠵᠢᠭᠦᠯᠵᠦ᠂ ᠪᠥᠬᠥ ᠣᠷᠣᠨᠤ ᠬᠣᠶᠠᠷᠢ ᠬᠦᠷᠢᠶᠡᠯᠡᠬᠦ ᠠᠵᠢᠯ ᠪᠠ ᠴᠡᠷᠢᠭ ᠤ᠋ᠨ ᠠᠯᠪᠠᠡᠴᠡ
ᠬᠠᠯᠠᠭᠳᠠᠭᠰᠠᠳᠤᠨ ᠶᠠᠪᠤᠳᠠᠯᠤᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠶᠢ ᠠᠬᠢᠭᠤᠯᠵᠤ᠂ ᠡᠬᠡ ᠤᠯᠤᠰᠤᠨ ᠤᠮᠠᠷᠠᠲᠤᠶᠢᠨ
ᠠᠮᠤᠷ ᠲᠦᠪᠰᠢᠨ ᠲᠣᠭᠲᠠᠭᠤᠨᠤ ᠬᠠᠯᠬᠠᠪᠴᠢᠶᠢ ᠪᠠᠲᠤ ᠴᠣᠭᠴᠠᠯᠠᠬᠤᠳᠤ ᠰᠦᠷ ᠳᠠᠯᠠᠢᠴᠠᠲᠠᠢ ᠬᠦᠴᠦᠨᠢ ᠨᠢᠭ᠍ᠲᠠᠷᠠᠭᠤᠯᠬᠤᠶᠢ
ᠵᠤᠷᠢᠪᠠ᠃