ᠲᠥᠪᠦᠨ ᠴᠠᠭ ᠠᠭᠤᠷᠤᠨ ᠲᠣᠪᠴᠢᠶᠠ 9 ᠤ᠋ ᠡᠳᠦᠷᠦᠨ 10 ᠴᠠᠭᠲᠤ ᠲᠠᠢᠹᠧᠩ ᠰᠠᠯᠬᠢᠨᠤ ᠬᠠᠮᠤᠭᠤᠨ ᠳᠡᠭᠡᠳᠦ ᠲᠠᠰᠤᠨ ᠰᠡᠷᠡᠮᠵᠢᠶᠢᠨ ᠳᠣᠬᠢᠶᠠ ᠪᠤᠯᠬᠤ — ᠲᠠᠢᠹᠧᠩ ᠰᠠᠯᠬᠢᠨᠤ ᠤᠯᠠᠭᠠᠨ ᠥᠩᠭᠡᠶᠢᠨ ᠰᠡᠷᠡᠮᠵᠢᠶᠢᠨ ᠳᠣᠬᠢᠶᠠᠶᠢ ᠨᠡᠢᠲᠡᠯᠡᠪᠡ᠂ ᠵᠢᠱ᠌ᠢᠯᠲᠡᠪᠡᠷ 《ᠴᠠᠭᠠᠨ ᠭᠠᠬᠠᠢ ᠬᠠᠯᠢᠮᠤ》 9 ᠤ᠋ ᠡᠳᠦᠷᠦᠨ ᠣᠷᠣᠢ ᠡᠴᠡ 10 ᠤ᠋ ᠥᠷᠯᠥᠭᠡ ᠪᠣᠯᠲᠠᠯᠠ ᠵᠧᠵᠢᠶᠠᠩᠤᠨ ᠵᠧᠦ ᠱᠠᠨ ᠡᠴᠡ ᠹᠦᠵᠢᠶᠠᠨᠤ ᠹᠦ ᠳ᠋ᠢᠩ ᠣᠷᠴᠢᠮᠤᠨ ᠲᠡᠯᠡᠶ ᠳᠠᠭᠠᠤ ᠬᠡᠰᠡᠭᠢᠶᠡᠷ ᠬᠠᠭᠤᠷᠠᠢᠳᠤ ᠭᠠᠷᠴᠤ᠂ ᠵᠧᠵᠢᠶᠠᠩᠤᠨ ᠰᠠᠨ ᠮᠧᠨ ᠡᠴᠡ ᠹᠦᠵᠢᠶᠠᠨᠤ ᠹᠦ ᠳ᠋ᠢᠩ ᠣᠷᠴᠢᠮᠤᠨ ᠲᠡᠯᠡᠶ ᠳᠠᠭᠠᠤ ᠬᠡᠰᠡᠭᠢᠶᠡᠷ ᠬᠠᠭᠤᠷᠠᠢᠳᠤ ᠭᠠᠷᠬᠤ ᠪᠤᠯᠤᠮᠵᠢ ᠬᠠᠮᠤᠭ ᠦᠨᠳᠦᠷ ᠪᠠᠢᠨᠠ᠃
ᠲᠥᠪᠦᠨ ᠴᠠᠭ ᠠᠭᠤᠷᠤᠨ ᠲᠣᠪᠴᠢᠶᠠᠡᠴᠡ ᠲᠠᠢᠹᠧᠩ ᠰᠠᠯᠬᠢᠨᠤ ᠤᠯᠠᠭᠠᠨ ᠥᠩᠭᠡᠶᠢᠨ ᠰᠡᠷᠡᠮᠵᠢᠶᠢᠨ ᠳᠣᠬᠢᠶᠠ ᠨᠡᠢᠲᠡᠯᠡᠭᠦ ᠲᠣᠭᠲᠠᠭᠠᠯ ᠪᠣᠯ᠄ ᠵᠢᠱ᠌ᠢᠯᠲᠡᠪᠡᠷ ᠢᠷᠡᠬᠦ 48 ᠴᠠᠭᠲᠤ ᠬᠦᠴᠦᠲᠡᠢ ᠲᠠᠢᠹᠧᠩ ᠰᠠᠯᠬᠢ （ᠲᠥᠪᠦᠨ ᠣᠢᠷᠠ ᠬᠠᠪᠢᠶᠢᠨ ᠬᠠᠮᠤᠭᠤᠨ ᠶᠡᠬᠡ ᠳᠤᠮᠳᠠᠴᠢ ᠰᠠᠯᠬᠢᠨᠤ ᠬᠦᠴᠦ ᠨᠢ 14 ᠡᠴᠡ 15 ᠲᠠᠰ ᠲᠤ᠌ ᠬᠦᠷᠬᠦ） ᠢᠯᠡᠷᠡᠬᠦ᠂ ᠬᠡᠲᠦ ᠴᠢᠩᠭᠠ ᠲᠠᠢᠹᠧᠩ ᠰᠠᠯᠬᠢ （ᠲᠥᠪᠦᠨ ᠣᠢᠷᠠ ᠬᠠᠪᠢᠶᠢᠨ ᠬᠠᠮᠤᠭᠤᠨ ᠶᠡᠬᠡ ᠳᠤᠮᠳᠠᠴᠢ ᠰᠠᠯᠬᠢᠨᠤ ᠬᠦᠴᠦ ᠨᠢ 16 ᠲᠠᠰ ᠡᠴᠡ ᠳᠡᠭᠡᠭᠰᠢᠳᠦ ᠬᠦᠷᠬᠦ） ᠬᠠᠭᠤᠷᠠᠢᠳᠤ ᠭᠠᠷᠬᠤ ᠪᠤᠶᠤ ᠮᠠᠨᠤ ᠤᠯᠤᠰᠤᠨ ᠲᠡᠯᠡᠶ ᠳᠠᠭᠠᠤ ᠤᠷᠤᠨᠢ ᠨᠥᠯᠥᠭᠡᠯᠡᠭᠦ ᠪᠤᠯᠤᠨᠠ᠃
ᠲᠥᠪᠦᠨ ᠴᠠᠭ ᠠᠭᠤᠷᠤᠨ ᠲᠣᠪᠴᠢᠶᠠᠶᠢᠨ ᠲᠡᠷᠢᠭᠦᠨ ᠤᠷᠢᠳᠴᠢᠯᠠᠨ ᠮᠡᠳᠡᠭᠡᠯᠡᠭᠴᠢ ᠳ᠋ᠦᠩ ᠯᠢᠨ᠂ ᠲᠣᠰ ᠤᠳᠠᠭᠠᠨᠤ ᠲᠠᠢᠹᠧᠩ ᠰᠠᠯᠬᠢᠨᠤ ᠤᠯᠠᠭᠠᠨ ᠥᠩᠭᠡᠲᠦ ᠰᠡᠷᠡᠮᠵᠢᠶᠢᠨ ᠳᠤᠬᠢᠶᠠ ᠵᠢ ᠨᠡᠢᠲᠡᠯᠡᠭᠰᠡᠨ ᠭᠣᠣᠯ ᠦᠨᠳᠦᠰᠦᠯᠡᠯ ᠪᠣᠯ ᠲᠥᠪᠦᠨ ᠴᠠᠭ ᠠᠭᠤᠷᠤᠨ ᠬᠣᠷᠢᠶᠠ ᠡᠴᠡ ᠣᠳᠣᠬᠠᠨᠳᠤ 《ᠴᠠᠭᠠᠨ ᠭᠠᠬᠠᠢ ᠬᠠᠯᠢᠮᠤ》 ᠵᠢ ᠬᠦᠴᠦᠲᠡᠢ ᠲᠠᠢᠹᠧᠩ ᠰᠠᠯᠬᠢᠨᠤ ᠲᠠᠰᠢᠶᠠᠷ ᠮᠠᠨᠤ ᠤᠯᠤᠰᠤᠨ ᠲᠡᠯᠡᠶ ᠳᠠᠭᠠᠤ ᠤᠷᠤᠨᠢᠶᠡᠷ ᠬᠠᠭᠤᠷᠠᠢᠳᠦ ᠭᠠᠷᠬᠤ ᠪᠣᠯᠣᠯᠴᠠᠭᠠ ᠮᠠᠰᠢ ᠶᠡᠬᠡ ᠪᠠᠢᠨᠠ ᠭᠡᠵᠦ ᠰᠤᠳᠤᠯᠤᠨ ᠳᠤᠭᠳᠠᠭᠠᠭᠰᠠᠨᠳᠦ ᠪᠠᠢᠨᠠ ᠭᠡᠵᠦ ᠢᠯᠡᠳᠬᠡᠪᠡ᠃
《ᠴᠠᠭᠠᠨ ᠭᠠᠬᠠᠢ ᠬᠠᠯᠢᠮᠤ》 ᠢ᠋ᠢᠨ ᠬᠦᠴᠦᠷᠬᠡᠭ ᠶᠡᠬᠡ ᠨᠥᠯᠥᠭᠡᠳᠦ ᠴᠢᠭᠯᠡᠭᠦᠯᠦᠨ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠠᠭ ᠠᠭᠤᠷᠤᠨ ᠲᠣᠪᠴᠢᠶᠠ 9ᠤ᠋ ᠡᠳᠦᠷᠦᠨ 8 ᠴᠠᠭ 10 ᠮᠢᠨᠦ᠋ᠲᠲᠦ ᠬᠦᠨᠳᠦ ᠶᠡᠬᠡ ᠴᠠᠭ ᠠᠭᠤᠷᠤᠨ ᠭᠠᠮᠰᠢᠭ᠋ （ᠲᠠᠢᠹᠧᠩ ᠰᠠᠯᠬᠢ᠂ ᠰᠢᠷᠦᠭᠦᠨ ᠪᠣᠷᠣᠭᠠᠨ᠂ ᠴᠢᠩᠭᠠ ᠰᠣᠯᠢᠭ᠋ ᠤᠷᠤᠰᠬᠠᠯ） ᠤ᠋ᠨ ᠭᠤᠷᠪᠠᠳᠤᠭᠠᠷ ᠳᠡᠰᠤᠨ ᠪᠠᠴᠢᠮ ᠪᠠᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠠᠵᠢᠯᠯᠠᠭᠠᠶᠢ ᠬᠣᠶᠠᠳᠤᠭᠠᠷ ᠳᠡᠰᠤᠨ ᠪᠠᠴᠢᠮ ᠪᠠᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠠᠵᠢᠯᠯᠠᠭᠠ ᠪᠣᠯᠭᠠᠨ ᠲᠣᠬᠢᠷᠠᠭᠤᠯᠪᠠ᠃
ᠳ᠋ᠦᠩ ᠯᠢᠨ᠂ 《ᠴᠠᠭᠠᠨ ᠭᠠᠬᠠᠢ ᠬᠠᠯᠢᠮᠤ》 3 ᠢᠯᠡᠷᠬᠡᠢ ᠣᠨᠴᠠᠯᠢᠭ᠋ᠲᠠᠢ᠄ ᠠᠯᠤᠰ ᠳᠠᠯᠠᠢᠪᠡᠷ ᠠᠶᠠᠯᠠᠵᠤ᠂ ᠦᠷᠬᠦᠯᠵᠢᠯᠡᠬᠦ ᠴᠠᠭ ᠨᠢ ᠮᠠᠰᠢ ᠤᠷᠳᠤ； ᠳᠡᠰᠦᠷᠡᠬᠦ ᠴᠢᠨᠠᠷ ᠨᠢ ᠴᠢᠩᠭᠠᠷᠠᠵᠤ᠂ ᠥᠨᠳᠥᠷ ᠬᠦᠴᠦᠯᠡᠴᠡ ᠪᠡᠷ ᠤᠳᠠᠭᠠᠨ ᠴᠠᠭ ᠦᠷᠬᠦᠯᠵᠢᠯᠡᠨᠡ； ᠣᠷᠴᠢᠯ ᠤᠷᠤᠰᠬᠠᠯ ᠶᠡᠬᠡ᠂ ᠰᠠᠯᠬᠢ ᠪᠣᠷᠣᠭᠠᠨᠤ ᠨᠥᠯᠥᠭᠡ ᠥᠷᠭᠡᠨ ᠭᠡᠪᠡ᠃
ᠲᠥᠪᠦᠨ ᠴᠠᠭ ᠠᠭᠤᠷᠤᠨ ᠲᠣᠪᠴᠢᠶᠠᠶᠢᠨ ᠲᠡᠷᠢᠭᠦᠨ ᠤᠷᠢᠳᠴᠢᠯᠠᠨ ᠮᠡᠳᠡᠭᠡᠯᠡᠭᠴᠢ ᠹᠠᠩ ᠴᠦᠩ᠂ 《ᠴᠠᠭᠠᠨ ᠭᠠᠬᠠᠢ ᠬᠠᠯᠢᠮᠤ》ᠶ᠋ᠢᠨ ᠨᠥᠯᠥᠭᠡᠪᠡᠷ 9 ᠡᠴᠡ 12ᠤ᠋ᠨ ᠡᠳᠦᠷ ᠪᠣᠯᠲᠠᠯᠠ᠂ ᠵᠢᠱ᠌ᠢᠯᠲᠡᠪᠡᠷ ᠹᠦᠵᠢᠶᠠᠨᠤ ᠬᠣᠢᠲᠤ ᠬᠡᠰᠡᠭ᠂ ᠵᠧᠵᠢᠶᠠᠩ᠂ ᠱᠠᠩᠬᠠᠢ᠂ ᠵᠢᠶᠠᠩᠰᠢᠶᠢᠨ ᠬᠣᠢᠲᠤ ᠬᠡᠰᠡᠭ᠂ ᠵᠢᠶᠠᠩᠰᠥ᠂ ᠠᠨᠾᠦ᠋ᠢ᠂ ᠬᠤᠪᠧᠢ ᠵᠢᠨ ᠬᠣᠢᠲᠤ ᠬᠡᠰᠡᠭ ᠪᠠ ᠳᠤᠮᠳᠠ ᠵᠡᠭᠦᠨ ᠬᠡᠰᠡᠭ᠂ ᠾᠧᠨᠠᠨᠤ ᠳᠤᠮᠳᠠ ᠵᠡᠭᠦᠨ ᠬᠡᠰᠡᠭ᠂ ᠱᠠᠨᠳᠦ᠋ᠩᠦᠨ ᠳᠤᠮᠳᠠ ᠪᠠᠷᠠᠭᠤᠨ ᠬᠡᠰᠡᠭ ᠵᠢᠴᠢ ᠾᠧᠪᠧᠢ ᠵᠢᠨ ᠶᠡᠬᠡᠩᠬᠢ ᠬᠡᠰᠡᠭ᠂ ᠪᠡᠭᠡᠵᠢᠩ᠂ ᠲᠢᠶᠠᠨᠵᠢᠨ ᠵᠡᠷᠭᠡ ᠭᠠᠵᠠᠷᠲᠤ ᠤᠷᠢᠳ ᠬᠣᠵᠢᠳ ᠠᠭᠠᠳᠠᠷ ᠪᠣᠷᠣᠭᠠᠨ᠂ ᠶᠡᠬᠡ ᠠᠭᠠᠳᠠᠷ ᠪᠣᠷᠣᠭᠠᠨ ᠣᠷᠣᠨᠠ᠃ ᠡᠭᠦᠨᠳᠦ ᠵᠧᠵᠢᠶᠠᠩᠤᠨ ᠵᠡᠭᠦᠨ ᠬᠡᠰᠡᠭ ᠪᠠ ᠬᠣᠢᠲᠤ ᠬᠡᠰᠡᠭ᠂ ᠠᠨᠾᠦ᠋ᠢ ᠵᠢᠨ ᠬᠤᠸᠠᠩᠱᠠᠨ ᠠᠭᠤᠯᠠ ᠪᠠ ᠳᠠ ᠪᠢᠶᠸ ᠱᠠᠨ ᠣᠷᠣᠨ᠂ ᠾᠧᠨᠠᠨᠤ ᠬᠣᠢᠲᠤ ᠬᠡᠰᠡᠭ᠂ ᠾᠧᠪᠧᠢ ᠵᠢᠨ ᠡᠮᠦᠨᠡᠲᠦ ᠬᠡᠰᠡᠭ ᠵᠡᠷᠭᠡ ᠭᠠᠵᠠᠷ ᠣᠷᠣᠨᠳᠤ ᠣᠨᠴᠠ ᠶᠡᠬᠡ ᠠᠭᠠᠳᠠᠷ ᠪᠣᠷᠣᠭᠠᠨ ᠣᠷᠣᠬᠤ ᠪᠣᠯᠣᠨᠠ᠃ ᠡᠭᠦᠨᠦ ᠬᠠᠮᠲᠤ᠂ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠭᠠᠵᠠᠷ ᠣᠷᠣᠨᠳᠤ ᠣᠬᠣᠷᠬᠠᠨ ᠬᠤᠭᠤᠴᠠᠭᠠᠨᠳᠤ ᠰᠢᠷᠦᠭᠦᠨ ᠪᠣᠷᠣᠭᠠᠨ ᠣᠷᠣᠵᠤ᠂ ᠬᠡᠰᠡᠭ ᠭᠠᠵᠠᠷ ᠣᠷᠣᠨᠳᠤ ᠠᠶᠤᠩᠭᠠᠲᠤ ᠪᠣᠷᠣᠭᠠᠨ ᠣᠷᠣᠵᠤ ᠶᠡᠬᠡ ᠰᠠᠯᠬᠢ ᠰᠠᠯᠬᠢᠯᠠᠨᠠ᠃ ᠪᠦᠬᠦᠶ᠋ᠢᠯᠡ ᠲᠤᠨᠳᠠᠰᠤᠨᠤ ᠶᠠᠪᠤᠴᠠ ᠡᠴᠡ ᠦᠵᠡᠪᠡᠯ᠂ ᠵᠢᠱ᠌ᠢᠯᠲᠡᠪᠡᠷ 9 ᠡᠴᠡ 10ᠤ᠋ ᠡᠳᠦᠷ ᠪᠣᠯᠲᠠᠯᠠᠬᠢ ᠠᠭᠠᠳᠠᠷ ᠪᠣᠷᠣᠭᠠᠨ ᠭᠣᠣᠯᠳᠠᠭᠤ ᠬᠠᠲᠤᠨ ᠭᠣᠣᠯ ᠬᠤᠸᠠᠢᠾᠧ ᠭᠣᠣᠯᠤᠨ ᠡᠮᠦᠨᠡᠲᠦ ᠬᠡᠰᠡᠭ ᠵᠢᠴᠢ ᠡᠮᠦᠨᠡᠰᠢᠬᠢ ᠭᠠᠵᠠᠷ ᠣᠷᠣᠨᠳᠤ ᠣᠷᠣᠵᠤ᠂ 11 ᠡᠴᠡ 12ᠤ᠋ᠨ ᠡᠳᠦᠷ ᠪᠣᠯᠲᠠᠯᠠ ᠠᠭᠠᠵᠢᠮᠢᠶᠠᠷ ᠤᠮᠠᠷᠠᠰᠢ ᠬᠠᠲᠤᠨ ᠭᠣᠣᠯ ᠬᠤᠸᠠᠢᠾᠧ ᠭᠣᠣᠯᠤᠨ ᠶᠡᠬᠡᠩᠬᠢ ᠬᠡᠰᠡᠭ ᠪᠠ ᠤᠮᠠᠷᠠᠲᠤ ᠣᠷᠣᠨᠤ ᠡᠮᠦᠨᠡᠲᠦ ᠬᠡᠰᠡᠭᠢ ᠨᠥᠯᠥᠭᠡᠯᠡᠬᠦ ᠪᠣᠯᠣᠨᠠ ᠭᠡᠵᠦ ᠢᠯᠡᠳᠬᠡᠪᠡ᠃
（ᠰᠢᠨᠬᠤᠸᠠ ᠬᠤᠷᠢᠶᠠᠶᠢᠨ ᠪᠡᠭᠡᠵᠢᠩᠦᠨ 8 ᠰᠠᠷᠠᠶᠢᠨ 9 ᠤ᠋ ᠴᠠᠬᠢᠯᠭᠠᠨ ᠮᠡᠳᠡᠭᠡ）