ᠥᠨᠳᠥᠷ ᠰᠦᠷᠯᠢᠭ ᠮᠤᠨᠠ ᠠᠭᠤᠯᠠ᠂ ᠳᠠᠢ᠍ᠢᠨᠦ ᠭᠠᠯ ᠳᠦᠷᠡᠯᠵᠡᠭᠰᠡᠨ ᠭᠠᠢᠬᠠᠮᠰᠢᠭ᠍ᠲᠤ ᠣᠨ ᠰᠠᠷᠠᠶᠢ ᠭᠡᠷᠡᠴᠢᠯᠡᠨᠠ； ᠮᠤᠷᠤᠯᠵᠠᠨ ᠤᠷᠤᠰᠬᠤ ᠬᠠᠲᠤᠨ ᠭᠣᠣᠯ᠂ ᠪᠣᠷᠣᠳᠣᠬᠣᠢᠶᠢᠨ ᠦᠶᠡ ᠦᠶᠡ ᠵᠢᠨ ᠬᠦᠪᠡᠭᠦᠳ ᠦᠬᠢᠳ ᠢ᠋ ᠤᠮᠳᠠᠯᠠᠨ ᠪᠤᠢᠵᠢᠭᠤᠯᠤᠨᠠ᠃ ᠪᠠᠶᠠᠨᠨᠠᠭᠤᠷ ᠬᠣᠲᠠᠶᠢᠨ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠬᠤᠪᠢᠰᠬᠠᠯᠳᠤ ᠤᠯᠠᠮᠵᠢᠯᠠᠯ ᠨᠢ ᠶᠠᠭ ᠮᠤᠨᠠ ᠠᠭᠤᠯᠠᠶᠢᠨ ᠬᠦᠷᠬᠢᠷᠡᠶᠢᠨ ᠤᠷᠤᠰᠬᠠᠯ ᠮᠡᠲᠦ ᠶᠡᠷᠦ ᠡᠴᠡ ᠲᠠᠰᠤᠷᠠᠭᠰᠠᠨ ᠦᠭᠡᠢ ᠶᠤᠮ᠃
ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠪᠠᠶᠠᠨᠬᠤᠸᠠ ᠪᠠᠯᠭᠠᠰᠤᠨᠤ ᠤᠷᠳᠤ ᠭᠤᠤᠯ ᠭᠠᠴᠠᠭᠠᠳᠤ ᠬᠦᠷᠬᠦᠳᠦ᠂ ᠪᠦᠬᠦᠢᠯᠡ ᠲᠣᠰᠬᠣᠨ ᠢᠭ᠍ᠴᠤ ᠰᠠᠬᠤᠯᠢᠭ᠋ ᠤᠢ ᠮᠣᠳᠤᠨ ᠳ᠋ᠤ ᠬᠦᠷᠢᠶᠡᠯᠡᠭᠳᠡᠵᠦ᠂ ᠭᠤᠷᠴᠢᠭᠢᠨᠠᠨ ᠤᠷᠤᠰᠬᠤ ᠤᠰᠤᠨᠤ ᠲᠠᠭᠤᠨ ᠴᠢᠬᠢᠨᠳᠦ ᠰᠣᠨᠣᠰᠳᠠᠨᠠ᠃ ᠲᠣᠰᠬᠣᠨᠳᠤ ᠰᠠᠭᠤᠭᠠ ᠨᠢᠭᠡᠳᠦᠭᠡᠷ ᠱᠦᠵᠢ ᠬᠠᠨ ᠶᠦᠨ ᠹᠸᠩ ᠰᠤᠷᠪᠤᠯᠵᠢᠯᠠᠭ᠍ᠴᠢᠶᠢ ᠳᠠᠭᠠᠭᠤᠯᠤᠨ ᠡᠩᠬᠡᠪᠠᠶᠠᠷ ᠤᠨ ᠳᠤᠷᠠᠰᠬᠠᠯᠤᠨ ᠣᠷᠳᠣᠨᠤ ᠡᠭᠦᠳᠡᠶᠢ ᠲᠦᠯᠬᠢᠨ ᠤᠷᠤᠬᠤ ᠳ᠋ᠦ ᠮᠣᠳᠣᠨ ᠡᠭᠦᠳᠡ ᠵᠢᠷᠵᠢᠬᠢᠨᠡᠨ ᠲᠤᠤᠭᠠᠷᠴᠤ᠂ ᠨᠡᠷᠡᠨᠦ ᠭᠡᠷᠡᠯ ᠴᠣᠩᠬᠣᠶᠢ ᠨᠡᠪᠳᠡᠯᠦᠨ ᠭᠡᠷ ᠲᠤ᠌ ᠲᠤᠰᠤᠨᠠ᠃ ᠬᠡᠷᠡᠮ ᠲᠡᠭᠡᠷᠠ ᠦᠰᠦᠭ ᠪᠠ ᠭᠡᠷᠡᠯ ᠵᠢᠷᠤᠭᠢᠶᠡᠷ ᠡᠩᠬᠡᠪᠠᠶᠠᠷᠤᠨ ᠦᠢᠯᠡ ᠶᠠᠪᠤᠳᠠᠯᠢ ᠲᠡᠮᠳᠡᠭᠯᠡᠵᠦ᠂ ᠬᠠᠭᠤᠴᠢᠨ ᠰᠠᠭᠤᠴᠠᠶᠢᠨ ᠳᠣᠲᠣᠷᠠᠬᠢ ᠬᠠᠭᠤᠴᠢᠷᠠᠭᠰᠠᠨ ᠰᠢᠷᠡᠭᠡ ᠪᠠ ᠰᠢᠷᠠᠯᠠᠭᠰᠠᠨ 《ᠱᠸᠨ ᠪᠤᠤ》 ᠰᠤᠨᠢᠨ ᠨᠢ ᠶᠠᠭ ᠯᠠ ᠲᠤᠬᠠᠢᠶᠢᠨ ᠵᠢᠯᠦᠨ ᠲᠠᠢᠨ ᠲᠠᠵᠢᠨᠢ ᠲᠣᠭᠠᠴᠢᠵᠤ ᠪᠠᠢᠭᠠ ᠰᠢᠭ᠋ ᠪᠠᠢᠯᠠ᠃
20 ᠳ᠋ᠤᠭᠠᠷ ᠵᠠᠭᠤᠨᠤ ᠡᠬᠢᠪᠡᠷ᠂ ᠰᠢᠨᠡ ᠦᠵᠡᠯ ᠰᠠᠨᠠᠭᠠᠨᠤ ᠤᠷᠤᠰᠬᠠᠯ ᠳᠤᠮᠳᠠᠳᠤ ᠤᠯᠤᠰᠢ ᠪᠦᠷᠬᠦᠵᠦ᠂ ᠤᠷᠠᠳᠤᠨ ᠲᠠᠯᠠ ᠨᠤᠲᠤᠭ ᠴᠤ᠌ ᠰᠡᠬᠡᠭᠡᠷᠡᠬᠦ ᠴᠠᠭ ᠮᠥᠴᠡᠪᠡᠨ ᠤᠭᠲᠤᠨ ᠠᠪᠤᠯᠠ᠃ ᠡᠩᠬᠡᠪᠠᠶᠠᠷ （ᠪᠠᠰᠠ ᠵᠢᠨ ᠠᠨ ᠰᠢ ᠭᠡᠳᠡᠭ）᠂ ᠡᠨᠡ ᠬᠥ᠌ ᠨᠡᠷᠡ ᠨᠢ ᠬᠤᠪᠢᠰᠬᠠᠯ ᠤ᠋ᠨ ᠤᠨ ᠵᠢᠯ ᠤ᠋ᠨ ᠳᠤᠷᠠᠰᠤᠮᠵᠢᠳᠤ ᠭᠡᠷᠡᠯ ᠭᠢᠯᠪᠠᠭᠠ ᠨᠡᠮᠡᠷᠢᠯᠡᠨᠠ᠃ 1902 ᠣᠨᠤ 8 ᠰᠠᠷᠠᠳᠤ᠂ ᠡᠩᠬᠡᠪᠠᠶᠠᠷ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠨᠢᠭᠡᠨ ᠶᠠᠳᠠᠭᠤ ᠵᠦᠳᠡᠭᠦᠦ ᠮᠠᠯᠴᠢᠨᠤ ᠭᠡᠷᠲᠦ ᠲᠦᠷᠦᠵᠠᠢ᠂ ᠵᠠᠯᠠᠭᠤᠳᠠᠭᠠᠨ ᠪᠡᠭᠡᠵᠢᠩᠦᠨ ᠮᠣᠩᠭᠣᠯ ᠲᠥᠪᠡᠳᠦᠨ ᠰᠤᠷᠭᠠᠭᠤᠯᠢ ᠳ᠋ᠤ ᠰᠤᠷᠤᠯᠴᠠᠵᠤ ᠪᠠᠢᠭᠰᠠᠨ ᠬᠤᠭᠤᠴᠠᠭᠠᠨᠳᠤ᠂ ᠯᠢ ᠳᠡ ᠵᠤᠤ ᠵᠡᠷᠭᠡ ᠬᠤᠪᠢᠰᠬᠠᠯᠤᠨ ᠬᠣᠰᠢᠭᠤᠴᠢᠶᠢᠨ ᠨᠥᠯᠥᠭᠡᠶᠢ ᠭᠦᠨ ᠬᠦᠷᠲᠡᠵᠦ᠂ ᠮᠠᠷᠺᠰᠤᠨ ᠦᠵᠡᠯᠢ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠬᠦᠯᠢᠶᠡᠨ ᠠᠪᠴᠠᠢ᠃ 1921 ᠣᠨᠳᠤ ᠡᠩᠬᠡᠪᠠᠶᠠᠷ ᠥᠪᠥᠷ ᠮᠣᠩᠭᠣᠯᠤᠨ ᠬᠠᠮᠤᠭᠤᠨ ᠡᠷᠲᠡᠨᠦ ᠬᠤᠪᠢᠰᠬᠠᠯᠲᠤ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠨᠢᠭᠡ ᠪᠣᠯᠬᠤ 《ᠤᠯᠠᠭᠠᠨ ᠨᠠᠮ》 ᠢ᠋ ᠪᠠᠢᠭᠤᠯᠪᠠ᠃ ᠵᠠᠷᠢᠮ ᠡᠷᠳᠡᠮᠲᠡᠳᠦᠨ ᠦᠵᠡᠬᠦᠪᠡᠷ᠂ 《ᠤᠯᠠᠭᠠᠨ ᠨᠠᠮ》 ᠨᠢ ᠨᠢᠭᠡᠨᠲᠡ ᠡᠷᠲᠡ ᠦᠶᠡᠶᠢᠨ ᠡᠪ ᠬᠠᠮᠲᠤ ᠨᠠᠮᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠦᠨᠳᠦᠰᠦᠨ ᠣᠨᠴᠠᠯᠢᠭ᠋ᠲᠠᠢ ᠪᠣᠯᠵᠠᠢ᠃ ᠪᠠᠰᠠ ᠵᠠᠷᠢᠮ ᠬᠥᠮᠥᠨ ᠡᠭᠦᠨᠢ ᠮᠥᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮ ᠪᠠᠢᠭᠤᠯᠤᠭᠳᠠᠬᠤᠡᠴᠡ ᠡᠮᠦᠨᠡ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠤᠯᠠᠨ ᠭᠠᠵᠠᠷᠲᠤ ᠪᠠᠢᠭᠤᠯᠤᠭᠳᠠᠭᠰᠠᠨ ᠡᠪ ᠬᠠᠮᠲᠤ ᠶᠣᠰᠣᠨᠤ ᠳᠤᠭᠤᠢᠯᠠᠩ ᠭᠡᠵᠦ ᠦᠵᠡᠵᠦ ᠪᠤᠢ᠃ ᠰᠢᠨᠵᠢ ᠴᠢᠨᠠᠷ ᠨᠢ ᠶᠠᠮᠠᠷ ᠪᠠᠢᠭᠰᠠᠨ ᠴᠤ᠌᠂ ᠡᠨᠡ ᠬᠦ᠌ ᠤᠯᠤᠰᠢᠶᠠᠨ ᠠᠪᠤᠷᠠᠵᠤ ᠠᠷᠠᠳᠢᠶᠠᠨ ᠠᠪᠤᠷᠠᠬᠤ ᠵᠠᠮᠢ ᠢᠳᠡᠪᠬᠢᠲᠡᠢ ᠰᠦᠪᠡᠭᠴᠢᠯᠡᠭᠰᠡᠨ ᠵᠠᠯᠠᠭᠤᠴᠤᠳ ᠤᠷᠠᠳᠤᠨ ᠲᠠᠯᠠ ᠨᠤᠲᠤᠭᠲᠤ ᠦᠨᠡᠨ ᠶᠣᠰᠣᠨᠤ ᠭᠡᠷᠡᠯ ᠭᠢᠯᠪᠠᠭᠠ ᠰᠠᠴᠤᠷᠠᠭᠰᠠᠨ ᠤᠯᠠᠭᠠᠨ ᠲᠤᠭᠢ ᠡᠷᠭᠦᠵᠦ᠂ ᠪᠣᠷᠣᠳᠣᠬᠣᠢᠶᠢᠨ ᠡᠬᠡ ᠭᠠᠵᠠᠷᠲᠤ ᠬᠤᠪᠢᠰᠬᠠᠯᠤᠨ ᠣᠴᠢᠶᠢ ᠠᠪᠴᠢᠷᠠᠵᠤ ᠥᠭᠴᠡᠢ᠃
1927 ᠣᠨᠳᠤ᠂ 《ᠲᠦᠷᠪᠡᠨ ᠰᠠᠷᠠ ᠵᠢᠨ ᠠᠷᠪᠠᠨ ᠬᠤᠶᠠᠷ》 ᠤ᠋ᠨ ᠬᠤᠪᠢᠰᠬᠠᠯᠤᠨ ᠡᠰᠡᠷᠭᠦᠦ ᠲᠦᠷᠦᠶᠢᠨ ᠬᠤᠪᠢᠰᠤᠯᠤᠨ ᠳᠠᠷᠠᠭᠠ᠂ ᠴᠠᠭᠠᠨᠤ ᠰᠦᠷᠳᠡᠭᠦᠯᠦᠯ ᠪᠦᠬᠦ ᠤᠯᠤᠰᠢ ᠪᠦᠷᠬᠦᠵᠦ᠂ ᠡᠩᠬᠡᠪᠠᠶᠠᠷ ᠵᠢᠴᠢ ᠲᠡᠭᠦᠨᠦ ᠤᠳᠤᠷᠢᠳᠤᠭᠰᠠᠨ ᠴᠡᠷᠢᠭ ᠠᠩᠭᠢ ᠭᠣᠮᠢᠨᠳᠠᠩᠤᠨ ᠲᠡᠷᠰᠯᠡᠭᠦᠴᠦᠳᠦᠨ ᠨᠢᠳᠦᠨᠦ ᠬᠣᠭ᠂ ᠮᠢᠬᠠᠨᠤ ᠥᠷᠭᠡᠰᠦ ᠪᠣᠯᠪᠠ᠂ 1928 ᠣᠨᠳᠤ ᠰᠢᠯᠵᠢᠬᠦ ᠶᠠᠪᠤᠴᠠᠳᠤ ᠡᠩᠬᠡᠪᠠᠶᠠᠷ ᠵᠣᠯ ᠪᠤᠰᠤᠪᠠᠷ ᠪᠠᠭᠠᠲᠤᠷᠯᠢᠭ᠋ᠢᠶᠠᠷ ᠪᠡᠶᠡ ᠦᠷᠡᠭᠳᠡᠪᠡ᠂ ᠲᠤᠬᠠᠢ ᠵᠢᠨ ᠵᠢᠯ ᠳ᠋ᠤ ᠲᠡᠷᠡ ᠰᠠᠶᠢ 26 ᠨᠠᠰᠤᠲᠠᠢ ᠪᠠᠢᠯᠠ᠃ 1986 ᠣᠨᠳᠤ᠂ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠠᠷᠠᠳ ᠤᠯᠤᠰᠤᠨ ᠠᠷᠠᠳᠤᠨ ᠶᠠᠪᠤᠳᠠᠯᠤᠨ ᠶᠠᠮᠤᠨᠡᠴᠡ ᠲᠡᠭᠦᠨᠢ ᠬᠤᠪᠢᠰᠬᠠᠯᠤᠨ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷᠢᠶᠠᠷ ᠨᠡᠬᠡᠮᠵᠢᠯᠡᠨ ᠵᠥᠪᠰᠢᠶᠡᠷᠡᠪᠡ᠃
《ᠡᠩᠬᠡᠪᠠᠶᠠᠷ ᠪᠣᠯ ᠥᠪᠥᠷ ᠮᠣᠩᠭᠣᠯᠤᠨ ᠪᠠᠷᠠᠭᠤᠨ ᠪᠡᠶᠡᠳᠤ ᠮᠠᠷᠺᠰ ᠯᠧᠨᠢᠨᠦ ᠦᠵᠡᠯᠢ ᠤᠯᠠᠮᠵᠢᠯᠠᠨ ᠲᠠᠷᠬᠠᠭᠠᠭᠰᠠᠨ ᠬᠤᠪᠢᠰᠬᠠᠯᠤᠨ ᠬᠣᠰᠢᠭᠤᠴᠢ ᠪᠠᠢᠵᠤ᠂ ᠮᠠᠰᠢ ᠣᠯᠠᠨ ᠡᠭᠦᠳᠦᠯᠲᠡᠶᠢᠨ ᠴᠢᠨᠠᠷᠲᠠᠢ ᠬᠤᠪᠢᠰᠬᠠᠯᠲᠤ ᠠᠵᠢᠯᠯᠠᠭᠠ ᠬᠢᠵᠡᠢ᠃ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠠᠷᠠᠳ ᠣᠯᠠᠨᠤ ᠨᠢᠳᠦᠨᠳᠦ ᠲᠡᠷᠡ ᠪᠣᠯ ᠳᠠᠶᠠᠭᠠᠷᠢᠶᠠᠨ ᠮᠡᠳᠡᠳᠡᠭ ᠪᠠᠭᠠᠲᠤᠷ ᠮᠥᠨ ᠁ 》᠃ 《ᠠᠷᠠᠳᠤᠨ ᠡᠳᠦᠷᠦᠨ ᠰᠣᠨᠢᠨ》 （ᠭᠠᠳᠠᠭᠠᠳᠤ ᠳ᠋ᠦ ᠵᠤᠷᠢᠭᠤᠯᠤᠭᠰᠠᠨ ᠬᠡᠪᠯᠡᠯ） ᠤ᠋ ᠳᠡᠳ᠋ ᠶᠡᠷᠦᠩᠬᠡᠢ ᠨᠠᠢᠷᠠᠭᠤᠯᠤᠭ᠍ᠴᠢ ᠸᠧᠢ ᠱᠣ᠌ ᠦᠨᠡᠨ ᠪᠣᠳᠠᠲᠠᠢ ᠰᠤᠷᠪᠤᠯᠵᠢᠯᠠᠭᠰᠠᠨ ᠥᠩᠭᠡᠷᠡᠯᠲᠡᠪᠡᠨ ᠦᠨᠳᠦᠰᠦᠯᠡᠨ ᠡᠩᠬᠡᠪᠠᠶᠠᠷᠤᠨ ᠬᠤᠪᠢᠰᠬᠠᠯᠲᠤ ᠦᠶ᠋ᠯᠡ ᠠᠵᠢᠯᠯᠠᠭᠠᠶᠢ ᠡᠷᠭᠢᠴᠡᠭᠦᠯᠪᠡ᠃
《ᠡᠩᠬᠡᠪᠠᠶᠠᠷᠤᠨ ᠨᠢᠭᠡ ᠨᠠᠰᠤ ᠬᠡᠳᠦᠢᠪᠡᠷ ᠣᠬᠣᠷᠬᠠᠨ ᠪᠣᠯᠪᠠᠴᠤ ᠲᠡᠭᠦᠨᠦ ᠬᠢᠵᠦ ᠪᠠᠢᠭᠠ ᠬᠤᠪᠢᠰᠬᠠᠯᠲᠤ ᠠᠵᠢᠯᠯᠠᠭᠠ ᠨᠢ ᠬᠠᠷᠢᠨ ᠨᠤᠲᠤᠭᠤᠨ ᠠᠷᠠᠳ ᠲᠦᠮᠡᠨᠳᠡᠭᠡᠨ ᠡᠭᠦᠷᠢᠳᠡ ᠮᠠᠷᠲᠠᠭᠳᠠᠰᠢ ᠦᠭᠡᠢ ᠪᠥᠭᠡᠳ ᠤᠷᠠᠳᠤᠨ ᠲᠠᠯᠠ ᠨᠤᠲᠤᠭᠲᠤ ᠡᠭᠦᠷᠢᠳᠡ ᠮᠠᠭᠲᠠᠨ ᠳᠠᠭᠤᠯᠠᠭᠤᠰᠢᠲᠠᠢ ᠶᠤᠮ》᠃ ᠬᠠᠨ ᠶᠦᠨ ᠹᠸᠩ᠄ 《ᠡᠨᠡ ᠬᠦ᠌ ᠳᠤᠷᠠᠰᠬᠠᠯᠤᠨ ᠣᠷᠳᠣᠨ ᠨᠢᠭᠡᠨᠲᠡ ᠬᠤᠪᠢᠰᠬᠠᠯᠤᠨ ᠬᠥᠮᠦᠵᠢᠯᠦᠨ ᠰᠠᠭᠤᠷᠢᠨ ᠪᠣᠯᠵᠠᠢ᠂ ᠵᠢᠯ ᠪᠦᠷᠢ ᠲᠦᠮᠡ ᠭᠠᠷᠤᠢ ᠵᠢᠭᠤᠯᠴᠢᠯᠠᠭᠴᠢ ᠡᠨᠳᠡ ᠢᠷᠡᠵᠤ᠂ ᠬᠤᠪᠢᠰᠬᠠᠯᠤᠨ ᠤᠯᠠ ᠮᠥᠷᠢ ᠡᠷᠢᠯᠬᠢᠯᠡᠬᠦ ᠳᠤᠮᠳᠠ ᠤᠭ ᠰᠠᠨᠠᠭᠠᠪᠠᠨ ᠮᠡᠳᠡᠷᠡᠵᠦ᠂ ᠡᠷᠡᠮᠡᠬᠡᠢᠯᠡᠨ ᠤᠷᠤᠭᠰᠢᠯᠠᠬᠤ ᠬᠦᠴᠦᠨ ᠴᠢᠳᠠᠯᠢ ᠣᠯᠵᠤ ᠪᠠᠢᠨᠠ》 ᠭᠡᠵᠦ ᠭᠦᠨ ᠰᠡᠳᠬᠢᠯᠭᠡᠲᠠᠢ ᠬᠡᠯᠡᠪᠡ᠃
ᠰᠢᠨᠡ ᠴᠠᠭ ᠦᠶᠡᠶᠢᠨ ᠥᠷᠨᠢᠯᠲᠡ ᠳᠤᠮᠳᠠ᠂ ᠡᠨᠡ ᠬᠦ᠌ ᠬᠠᠯᠠᠭᠤᠨ ᠬᠥᠷᠥᠰᠥ ᠨᠢ ᠬᠤᠪᠢᠰᠬᠠᠯᠤᠨ ᠤᠳᠤᠮᠰᠢᠯᠢ ᠤᠷᠤᠭᠰᠢᠯᠠᠬᠤ ᠠᠵᠢᠯᠯᠠᠭᠠᠨᠤ ᠬᠦᠴᠦᠨ ᠪᠣᠯᠭᠠᠵᠤ᠂ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠶᠢᠨ ᠠᠮᠢᠳᠤᠯᠢᠭ᠋ ᠦᠢᠯᠡᠳᠦᠯᠭᠡᠳᠦ ᠠᠭᠤᠰᠤᠯᠴᠠᠭᠤᠯᠪᠠ᠃
《2017 ᠣᠨᠳᠤ᠂ ᠤᠷᠳᠤ ᠭᠤᠤᠯ ᠭᠠᠴᠠᠭᠠ ᠳᠡᠭᠡᠳᠦ ᠱᠠᠲᠤᠨᠤ ᠪᠡᠯᠡ ᠮᠥᠩᠭᠥᠶᠢ 850 ᠲᠦᠮᠡᠨ ᠲᠥᠭᠥᠷᠢᠭ ᠡᠷᠡᠮᠡᠯᠵᠡᠨ ᠣᠯᠵᠤ᠂ ᠠᠮᠢ ᠠᠬᠤᠢᠶᠢ ᠴᠡᠪᠡᠷᠰᠢᠭᠦᠯᠬᠦ ᠵᠢᠵᠢᠭ ᠰᠠᠪᠠ ᠭᠠᠵᠠᠷᠤᠨ ᠬᠥᠷᠥᠰᠥ ᠰᠢᠷᠣᠢᠶᠢ ᠬᠠᠮᠠᠭᠠᠯᠠᠬᠤ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠬᠤ ᠢᠨᠵᠧᠨᠧᠷᠢᠩᠢ ᠬᠡᠷᠡᠭᠵᠢᠭᠦᠯᠵᠦ᠂ ᠣᠶ ᠰᠢᠭᠤᠢ ᠡᠪᠡᠰᠦ ᠪᠡᠯᠴᠢᠭᠡᠷᠦᠨ ᠪᠦᠷᠬᠦᠴᠡᠶᠢᠨ ᠨᠣᠷᠮᠠ ᠨᠢ ᠤᠤᠯᠤᠨ 15% ᠪᠠᠢᠭᠰᠠᠨᠡᠴᠡᠪᠠᠨ ᠣᠲᠣ᠌ᠶᠢᠨ 84.3% ᠳ᠋ᠤ ᠬᠦᠷᠴᠦ᠂ ᠪᠠᠢᠭᠠᠯᠢᠶᠢᠨ ᠦᠵᠡᠮᠵᠢᠳᠦ ᠦᠨᠳᠦᠰᠦᠨ ᠴᠢᠨᠠᠷᠲᠠᠢ ᠬᠤᠪᠢᠷᠠᠯᠲᠠ ᠭᠠᠷᠴᠠᠢ》 ᠭᠡᠵᠦ ᠬᠠᠨ ᠶᠦᠨ ᠹᠧᠩ ᠲᠠᠨᠢᠯᠴᠠᠭᠤᠯᠪᠠ᠃
ᠲᠣᠰᠬᠣᠨᠤ ᠲᠤᠮᠳᠠᠬᠢ ᠵᠥᠷᠢᠭ ᠵᠠᠮᠵᠢᠡᠷ ᠠᠯᠬᠤᠯᠠᠬᠤᠳᠤ᠂ ᠵᠠᠮᠤᠨ ᠬᠣᠶᠠᠷ ᠬᠠᠵᠠᠭᠤᠶᠢᠨ ᠲᠣᠣᠷ ᠰᠡᠷᠡᠯᠵᠢ ᠳᠣᠲᠣᠷᠠ ᠬᠠᠳᠠ ᠴᠢᠯᠠᠭᠤᠳᠤᠨ ᠲᠤᠮᠳᠠ ᠤᠢ ᠮᠤᠳᠤᠳ ᠢᠳᠡᠷᠡᠭᠦᠨ ᠤᠷᠭᠤᠨᠠ᠃ ᠭᠠᠴᠠᠭᠠᠨᠤ ᠬᠠᠮᠤᠭᠤᠨ ᠡᠮᠦᠨᠡ ᠬᠡᠰᠡᠭᠦᠨ ᠤᠢᠵᠢᠨ ᠵᠢᠮᠢᠰᠦᠨ ᠰᠠᠭᠤᠷᠢᠨᠳᠤ᠂ ᠮᠥᠷ ᠮᠥᠷ ᠵᠢᠭᠳᠡᠷᠡᠭᠰᠡᠨ ᠠᠩᠬᠢᠯᠤᠮᠠ ᠵᠢᠮᠢᠰᠦᠨ ᠮᠣᠳᠣ᠌ ᠬᠦᠭᠡᠷᠡᠨ ᠨᠣᠭᠣᠭᠠᠷᠠᠵᠤ᠂ ᠮᠥᠷ ᠳᠤᠮᠳᠠ ᠨᠢ ᠠᠯᠠᠭᠯᠠᠨ ᠳᠠᠷᠢᠭ᠍ᠰᠠᠨ ᠲᠠᠷᠪᠤᠰᠤᠨ ᠴᠢᠬᠢᠶᠢᠨ ᠤᠷᠭᠤᠴᠠ ᠴᠤ᠌ ᠮᠠᠰᠢ ᠰᠠᠢᠨ ᠪᠠᠢᠵᠤ᠂ ᠥᠨᠳᠥᠷ ᠪᠣᠭᠣᠨᠢ ᠬᠣᠣᠰᠯᠠᠭᠰᠠᠨ ᠪᠣᠰᠣᠭᠠ ᠪᠡᠶᠡᠲᠦ ᠲᠠᠷᠢᠮᠠᠯᠤᠨ ᠦᠵᠡᠮᠵᠢᠶᠢ ᠪᠦᠷᠢᠯᠳᠦᠭᠦᠯᠵᠡᠢ᠃
《ᠭᠠᠴᠠᠭᠠᠨᠤ ᠬᠠᠮᠲᠤᠶᠢᠨ ᠠᠵᠤ ᠠᠬᠤᠢ ᠪᠠᠭᠤᠷᠠᠢ ᠪᠠᠢᠬᠤ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠰᠢᠢᠳᠪᠦᠷᠢᠯᠡᠬᠦᠶᠢᠨ ᠲᠥᠯᠥᠭᠡ᠂ ᠪᠢᠳᠡ ᠳᠡᠭᠡᠳᠦ ᠱᠠᠲᠤᠨᠤ ᠲᠤᠰᠬᠠᠢ ᠪᠡᠯᠡ ᠮᠥᠩᠭᠥᠶᠢ 125 ᠲᠦᠮᠡᠨ ᠲᠥᠭᠥᠷᠢᠭ ᠡᠷᠡᠮᠡᠯᠵᠡᠨ ᠣᠯᠵᠤ᠂ ᠾᠧᠪᠧᠢᠶᠢᠨ ᠱᠠᠩ ᠬᠣᠩ ᠯᠢᠨ ᠭᠦᠸᠧ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠲᠠᠢ ᠬᠠᠮᠲᠤᠷᠠᠨ 530 ᠮᠦ᠍ ᠣᠶᠵᠢᠨ ᠵᠢᠮᠢᠰᠦᠨ ᠰᠠᠭᠤᠷᠢᠨᠢ ᠪᠠᠢᠭᠤᠯᠵᠤ᠂ 〈ᠨᠠᠮᠤᠨ ᠡᠭᠦᠷ ᠲᠠᠭᠠᠭᠤᠯᠤᠨ ᠬᠣᠷᠰᠢᠶᠠ ᠡᠷᠬᠢᠯᠡᠬᠦ + ᠡᠯᠡ ᠦᠨᠳᠦᠰᠦᠲᠡᠨᠦ ᠲᠠᠷᠢᠶᠠᠴᠢᠨ ᠡᠷᠦᠬᠡ〉 ᠵᠢᠨ ᠵᠠᠭᠪᠤᠷᠢ ᠬᠡᠷᠡᠭᠯᠡᠨ ᠠᠰᠢᠭ᠋ ᠣᠷᠣᠯᠭᠠᠶᠢᠨ ᠬᠤᠪᠢᠶᠠᠷᠢᠯᠠᠯᠲᠠᠶᠢ ᠨᠢᠭᠡᠳᠦᠯᠲᠡᠢ ᠲᠥᠯᠥᠪᠵᠢᠭᠦᠯᠵᠦ᠂ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠣᠯᠠᠨ ᠲᠦᠮᠡᠨᠢ ᠲᠠᠲᠠᠵᠤ ᠲᠠᠷᠢᠮᠠᠯᠤᠨ ᠬᠠᠮᠢᠶᠠᠷᠤᠯᠲᠠᠳᠤ ᠣᠷᠣᠯᠴᠠᠭᠤᠯᠪᠠ》 ᠭᠡᠵᠦ ᠬᠠᠨ ᠶᠦᠨ ᠹᠧᠩ ᠬᠡᠯᠡᠪᠡ᠃
ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠲᠣᠰ ᠰᠠᠭᠤᠷᠢᠨ ᠨᠢ 《ᠣᠶ ᠵᠢᠨ ᠵᠢᠮᠢᠰ ᠤᠷᠭᠤᠭᠤᠯᠬᠤ᠂ ᠣᠶ ᠳᠣᠲᠣᠷᠠ ᠡᠮ ᠳᠠᠷᠢᠬᠤ᠂ ᠣᠶ ᠡᠴᠡ ᠵᠢᠮᠢᠰ ᠲᠡᠭᠦᠬᠦ᠂ ᠣᠶ ᠪᠡᠷ ᠵᠢᠭᠤᠯᠴᠢᠯᠠᠬᠤ》 ᠣᠯᠠᠨ ᠡᠰᠢᠵᠢᠭᠰᠡᠨ ᠡᠵᠡᠩᠨᠡᠯᠲᠡᠶᠢᠨ ᠬᠡᠯᠪᠡᠷᠢᠵᠢᠨ ᠰᠢᠨᠡᠵᠢ ᠡᠭᠦᠳᠴᠦ᠂ ᠭᠠᠴᠠᠭᠠᠨᠤ ᠬᠠᠮᠲᠤᠶᠢᠨ ᠠᠵᠤ ᠠᠬᠤᠢᠶᠢᠨ ᠵᠢᠯᠦᠨ ᠣᠷᠣᠯᠭᠠᠶᠢᠨ ᠨᠡᠮᠡᠭᠳᠡᠯᠢ 30 ᠲᠦᠮᠡᠨ ᠲᠥᠭᠥᠷᠢᠭ ᠳᠠᠶ᠋ᠢᠴᠢᠯᠠᠵᠤ᠂ 206 ᠡᠷᠦᠬᠡᠶᠢᠨ 429 ᠨᠡᠷᠡᠰ ᠣᠯᠠᠨ ᠲᠦᠮᠡᠨᠳᠦ ᠠᠰᠢᠭ᠋ ᠬᠦᠷᠲᠡᠭᠡᠪᠡ᠃
《ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠳᠤ ᠪᠠᠰᠠ ᠰᠢᠨ ᠠᠨ ᠪᠠᠯᠭᠠᠰᠤᠶᠢᠨ ᠴᠢᠶᠠᠨ ᠵᠢᠨ ᠲᠣᠰᠬᠣᠨᠤ ᠰᠢ ᠬᠠᠢ ᠱᠧᠩ ᠬᠤᠪᠢᠰᠬᠠᠯᠤᠨ ᠡᠷᠲᠡ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠣᠷᠣᠨ᠂ ᠳ᠋ᠦᠩ ᠸᠠᠨ ᠽᠢ ᠬᠤᠪᠢᠰᠬᠠᠯᠤᠨ ᠡᠷᠲᠡ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠣᠷᠣᠨ᠂ ᠰᠢᠶᠠᠨ ᠹᠸᠩ ᠪᠠᠯᠭᠠᠰᠤᠨᠤ ᠸᠠᠩᠶ᠌ᠢᠨ ᠺᠦᠢ ᠲᠣᠰᠬᠣᠨᠤ ᠬᠤᠪᠢᠰᠬᠠᠯᠤᠨ ᠡᠷᠲᠡ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠣᠷᠣᠨ᠂ ᠭᠦᠩᠤᠨ ᠰᠦᠮᠡ ᠲᠣᠰᠬᠣᠨᠤ ᠬᠤᠪᠢᠰᠬᠠᠯᠤᠨ ᠡᠷᠲᠡ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠣᠷᠣᠨ ᠪᠤᠢ᠂ ᠨᠡᠩ ᠴᠤ᠌ ᠵᠦᠩ ᠲᠠᠨᠤ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠲᠠᠢ᠍ᠢᠨᠦ ᠳᠤᠷᠠᠰᠬᠠᠯᠤᠨ ᠦᠵᠡᠭᠦᠯᠭᠡᠶᠢᠨ ᠣᠷᠳᠣᠨ ᠪᠤᠢ》᠃ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠡᠷᠲᠡ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠣᠷᠣᠨᠤ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢ ᠠᠬᠢᠭᠤᠯᠬᠤ ᠬᠤᠷᠠᠯᠦᠨ ᠤᠤᠯᠤᠨ ᠳᠡᠳ᠋ ᠳᠠᠷᠤᠭᠠ ᠲᠠᠪᠢᠨᠲ᠋ᠠᠪᠤ᠄ 《ᠵᠦᠩ ᠲᠠᠨ ᠣᠷᠣᠨᠤ ᠭᠠᠵᠠᠷ ᠵᠦᠢᠶᠢᠨ ᠪᠠᠢᠷᠢᠯᠠᠯ ᠲᠤᠢᠯᠤᠨ ᠴᠢᠬᠤᠯᠠ ᠪᠣᠯᠬᠣᠷ 1938 ᠣᠨᠤ ᠵᠤᠨᠡᠴᠡ 1940 ᠣᠨᠤ ᠬᠠᠪᠤᠷ ᠪᠣᠯᠲᠠᠯᠠ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠰᠦᠢ ᠮᠸᠩᠤᠨ ᠠᠵᠢᠯᠤᠨ ᠬᠣᠷᠢᠶᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠨᠤ ᠵᠢᠭᠠᠪᠤᠷᠢᠶᠢ ᠦᠨᠳᠦᠰᠦᠯᠡᠨ᠂ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠳᠠᠢ᠍ᠢᠨᠦ ᠦᠶᠡᠶᠢᠨ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠴᠤᠷᠤᠨ ᠭᠠᠭᠴᠠ ᠨᠠᠢ᠍ᠮᠠᠳᠤᠭᠠᠷ ᠵᠠᠮᠤᠨ ᠴᠡᠷᠢᠭᠦᠨ ᠵᠢᠩᠬᠢᠨᠢ ᠴᠡᠷᠢᠭ ᠠᠩᠭᠢ — ᠳᠠᠯᠠᠨ ᠬᠠᠷᠠ ᠠᠭᠤᠯᠠᠶᠢᠨ ᠬᠣᠯᠪᠣᠭᠠ ᠠᠪᠬᠤ ᠰᠠᠯᠪᠤᠷᠢ ᠠᠩᠭᠢᠶᠢᠨ ᠵᠦᠩ ᠲᠠᠨ ᠤ ᠳᠤᠮᠳᠠ ᠠᠩᠭᠢᠶᠢ ᠪᠠᠢᠭᠤᠯᠵᠤ᠂ ᠲᠤᠰ ᠭᠠᠵᠠᠷ ᠣᠷᠣᠨᠤ ᠴᠡᠷᠢᠭ ᠠᠷᠠᠳᠢ ᠤᠳᠤᠷᠢᠳᠤᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠵᠦ ᠮᠥᠬᠥᠯᠡᠴᠡ ᠠᠪᠤᠷᠠᠬᠤ ᠰᠦᠷ ᠳᠠᠯᠠᠢᠴᠠᠲᠠᠢ ᠬᠥᠳᠡᠯᠭᠡᠭᠡᠨᠢ ᠥᠷᠨᠢᠭᠦᠯᠪᠡ᠃ ᠥᠩᠭᠡᠷᠡᠭᠰᠡᠨ ᠵᠠᠮᠢᠶᠠᠨ ᠡᠷᠭᠢᠴᠡᠭᠦᠯᠬᠦᠶᠡ᠂ ᠲᠣᠭᠠ ᠲᠣᠮᠰᠢ ᠦᠭᠡᠢ ᠴᠢᠬᠡᠴᠢ ᠵᠢᠷᠤᠮᠲᠠᠨ ᠮᠠᠭᠲᠠᠨ ᠳᠠᠭᠤᠯᠠᠭᠤᠰᠢᠲᠠᠢ ᠪᠠᠭᠠᠲᠤᠷᠯᠢᠭ᠋ ᠳᠠᠭᠤᠯᠠᠯᠢ ᠪᠢᠴᠢᠭᠯᠡᠭᠰᠡᠨ ᠶᠤᠮ᠃ ᠡᠳᠡᠭᠡᠷ ᠬᠤᠪᠢᠰᠬᠠᠯᠲᠤ ᠳᠤᠷᠠᠰᠤᠮᠵᠢ ᠨᠢ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠺᠠᠳ᠋ᠷ ᠤᠯᠠᠨ ᠲᠦᠮᠡᠨᠦ ᠴᠥᠬᠥᠷᠡᠰᠢ ᠦᠭᠡᠢ ᠲᠡᠮᠡᠴᠡᠬᠦ ᠵᠣᠷᠢᠭ᠋ ᠰᠠᠨᠠᠭᠠᠨᠤ ᠬᠦᠴᠦᠨ ᠪᠣᠯᠵᠠᠢ》 ᠭᠡᠵᠦ ᠲᠠᠨᠢᠯᠴᠠᠭᠤᠯᠪᠠ᠃
ᠤᠭ ᠰᠠᠨᠠᠭᠠᠪᠠᠨ ᠬᠤᠪᠢᠷᠠᠭᠤᠯᠬᠤ ᠦᠭᠡᠢ᠂ ᠦᠶᠡ ᠤᠯᠠᠷᠢᠨ ᠤᠯᠠᠮᠵᠢᠯᠠᠨᠠ᠃ ᠳᠤᠷᠠᠰᠬᠠᠯᠤᠨ ᠣᠷᠳᠣᠨᠤ ᠵᠣᠷᠢᠭ᠋ ᠰᠠᠨᠠᠭᠠᠨᠤ ᠤᠯᠠᠮᠵᠢᠯᠠᠯᠡᠴᠡ ᠲᠠᠷᠢᠶᠠᠴᠢᠨ ᠡᠷᠦᠬᠡᠶᠢᠨ ᠳᠠᠩᠰᠠᠨ ᠳᠡᠪᠲᠡᠷᠲᠡᠬᠢ ᠣᠷᠣᠯᠭᠠ ᠵᠢᠨ ᠨᠡᠮᠡᠭᠳᠡᠯ ᠬᠦᠷᠲᠡᠯᠡ᠂ ᠤᠷᠠᠳᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠡᠨᠡ ᠬᠦ᠌ ᠬᠤᠪᠢᠰᠬᠠᠯᠤᠨ ᠬᠠᠯᠠᠭᠤᠨ ᠬᠥᠷᠥᠰᠥ ᠨᠢ ᠶᠠᠭ ᠣᠳᠣᠬᠢᠴᠢᠯᠠᠯᠲᠠᠶᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠰᠢᠨᠡ ᠬᠠᠭᠤᠳᠠᠰᠤᠶᠢ ᠪᠢᠴᠢᠭᠯᠡᠵᠦ ᠪᠠᠢᠨᠠ᠃
ᠰᠤᠷᠪᠤᠯᠵᠢᠯᠠᠭ᠍ᠴᠢᠶᠢᠨ ᠡᠪᠦᠷ ᠲᠡᠮᠳᠡᠭᠯᠡᠯ
ᠲᠡᠷᠡ ᠡᠳᠦᠷ ᠬᠠᠨ ᠶᠦᠨ ᠹᠧᠩ ᠨᠠᠮᠠᠶ᠋ᠢ ᠳᠠᠭᠠᠭᠤᠯᠵᠤ ᠭᠠᠴᠠᠭᠠᠨᠡᠴᠡ ᠭᠠᠷᠴᠤ᠂ ᠬᠣᠢᠲᠤ ᠲᠠᠯᠠᠶᠢᠨ ᠰᠢᠨᠡᠪᠡᠷ ᠵᠠᠰᠠᠭᠰᠠᠨ ᠰᠢᠯᠤᠭᠤᠨ ᠲᠠᠷᠳᠠᠩ ᠴᠠᠷᠳᠠᠮᠠᠯ ᠵᠠᠮᠢᠶᠠᠷ ᠵᠡᠭᠦᠨᠰᠢ ᠶᠠᠪᠤᠵᠤ᠂ ᠨᠢᠭᠡ ᠺᠢᠯᠣᠮᠧᠲᠷᠤᠨ ᠴᠠᠭᠠᠨᠠᠬᠢ ᠦᠨᠳᠦᠷ ᠬᠦᠲᠦᠯᠳᠤ ᠭᠠᠷᠴᠠᠢ᠃ ᠦᠨᠳᠦᠷ ᠳᠡᠭᠡᠷᠡ ᠡᠴᠡ ᠡᠷᠬᠢᠨ ᠬᠠᠷᠠᠬᠤᠳᠤ ᠂ ᠣᠷᠳᠣ᠌ ᠭᠣᠣᠯ ᠭᠠᠴᠠᠭᠠ ᠨᠣᠭᠣᠭᠠᠨ ᠥᠩᠭᠡᠪᠡᠷ ᠬᠦᠷᠢᠶᠡᠯᠡᠭᠳᠡᠵᠦ᠂ ᠮᠤᠨᠠ ᠠᠭᠤᠯᠠᠶᠢᠨ ᠡᠩᠭᠡᠷᠲᠡᠬᠢ ᠨᠣᠭᠣᠭᠠᠨ ᠬᠠᠰ ᠬᠡᠮᠡᠷ ᠬᠠᠷᠠᠭᠳᠠᠨᠠ᠃
ᠬᠠᠨ ᠶᠦᠨ ᠹᠸᠩ ᠪᠠᠰᠠ ᠨᠠᠮᠠᠵᠢ ᠳᠠᠭᠠᠭᠤᠯᠵᠤ ᠤᠤᠯᠤᠨ ᠵᠠᠮᠢᠶᠠᠷᠢᠶᠠᠨ ᠪᠤᠴᠠᠵᠤ᠂ ᠮᠤᠨᠠ ᠠᠭᠤᠯᠠᠶᠢᠨ ᠪᠠᠢᠭᠠᠯᠢᠶᠢᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠣᠷᠣᠨᠤ ᠰᠢᠶᠣᠣ ᠮᠢᠶᠣᠣ ᠭᠧᠦ ᠬᠠᠮᠢᠶᠠᠷᠤᠯᠲᠠᠶᠢᠨ ᠦᠷᠳᠡᠭᠡᠳᠦ ᠬᠦᠷᠪᠡ᠃ ᠪᠢᠳᠡ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠵᠢᠯᠲᠠᠨᠢ ᠳᠠᠭᠠᠵᠤ ᠤᠮᠠᠷᠠᠰᠢ ᠮᠤᠨᠠ ᠠᠭᠤᠯᠠᠶᠢᠨ ᠥᠷᠥᠴᠡᠨᠳᠦ ᠣᠷᠣᠬᠤᠳᠤ ᠪᠠᠷᠤᠭ ᠠᠷᠪᠠᠨ ᠬᠡᠳᠦᠨ ᠮᠢᠨᠦ᠋ᠲ ᠬᠡᠷᠡᠭᠰᠡᠪᠡ᠂ ᠮᠠᠨᠤ ᠵᠡᠭᠦᠨ ᠭᠠᠷ ᠲᠠᠯᠠᠳᠤ᠂ ᠨᠢᠭᠡ ᠬᠦᠷᠬᠢᠷᠡ ᠬᠡᠳᠦᠨ ᠠᠷᠪᠠᠨ ᠮᠧᠲᠷᠦᠨ ᠦᠨᠳᠦᠷᠠᠴᠠ ᠤᠷᠤᠰᠤᠨ ᠪᠠᠭᠤᠵᠤ᠂ ᠰᠢᠷᠦᠭᠦᠨ ᠤᠷᠤᠰᠬᠠᠯ ᠨᠢ ᠳᠣᠣᠷᠠ ᠲᠠᠯᠠ ᠵᠢᠨ ᠴᠢᠯᠠᠭᠤᠨ ᠳᠡᠭᠡᠷᠡ ᠳᠤᠰᠴᠤ᠂ ᠠᠭᠤᠯᠠᠨ ᠬᠥᠨᠳᠡᠢᠳᠦ ᠯᠤᠲᠤ ᠶᠡᠬᠡ ᠴᠤᠤᠷᠢᠶᠠ ᠡᠭᠦᠰᠭᠡᠪᠡ᠃ 《ᠵᠢᠭᠤᠯᠴᠢᠯᠠᠯ ᠬᠢᠬᠦᠳᠦ ᠬᠦᠷᠪᠡᠯ᠂ ᠪᠤᠰᠤᠳ ᠦᠵᠡᠮᠵᠢᠶᠢᠨ ᠣᠷᠣᠨᠠᠴᠠ ᠳᠣᠣᠷᠠ ᠦᠭᠡᠢ ᠪᠢᠵᠡ？》 ᠭᠡᠵᠦ ᠬᠠᠨ ᠶᠦᠨ ᠹᠧᠩ ᠨᠠᠮᠠᠶᠢ ᠬᠠᠷᠠᠵᠤ ᠬᠡᠯᠡᠪᠡ᠃
ᠪᠢ ᠬᠢᠴᠢᠶᠡᠮᠵᠢᠲᠡᠢᠪᠡᠷ ᠴᠢᠯᠠᠭᠤᠨ ᠳᠡᠭᠡᠷᠡ ᠭᠢᠰᠬᠢᠵᠦ᠂ ᠬᠦᠷᠬᠢᠷᠡᠶᠢᠨ ᠳᠣᠣᠷᠠ ᠬᠦᠷᠴᠦ᠂ ᠬᠦᠢᠲᠡᠨ ᠪᠤᠯᠠᠭᠤᠨ ᠤᠰᠤᠶᠢ ᠤᠤᠭᠤᠵᠤ ᠳᠤᠲᠤᠷᠠ ᠤᠩᠭᠤᠢᠯᠠ᠃ ᠡᠩᠬᠡᠪᠠᠶᠠᠷ ᠡᠨᠡ ᠬᠦ᠌ ᠲᠠᠯᠠ ᠨᠤᠲᠤᠭᠲᠤ ᠲᠣᠭ ᠡᠷᠭᠦᠬᠦᠳᠡᠭᠡᠨ᠂ ᠡᠨᠳᠡ ᠠᠯᠢ ᠨᠢᠭᠡᠨ ᠡᠳᠦᠷ ᠠᠭᠤᠯᠠ ᠲᠠᠯᠠ ᠳᠦᠭᠦᠷᠡᠩ ᠵᠢᠮᠢᠰᠦᠨ ᠮᠣᠳᠣ᠌ ᠤᠷᠭᠤᠵᠤ᠂ ᠠᠭᠤᠯᠠᠨ ᠬᠣᠷᠮᠣᠢᠶᠢᠨ ᠬᠦᠷᠬᠢᠷᠡ ᠨᠢ ᠦᠵᠡᠮᠵᠢ ᠪᠣᠯᠵᠤ᠂ ᠴᠠᠷᠳᠠᠮᠠᠯ ᠵᠠᠮ ᠳᠥᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠣᠪᠬᠢᠰᠲᠤ ᠨᠡᠪᠲᠡᠷᠡᠵᠦ᠂ ᠨᠣᠭᠣᠭᠠᠨ ᠮᠣᠳᠣᠳ ᠲᠣᠰᠬᠣᠨᠢ ᠬᠦᠷᠢᠶᠡᠯᠡᠨ᠂ ᠠᠷᠠᠳ ᠲᠦᠮᠡᠨ ᠵᠣᠯ ᠵᠢᠷᠭᠠᠯᠲᠠᠢ ᠠᠮᠤᠷ ᠠᠮᠤᠭᠤᠯᠠᠩ ᠠᠮᠢᠳᠤᠷᠠᠵᠤ ᠪᠠᠢᠬᠤᠶᠢ ᠬᠦᠰᠡᠨ ᠮᠥᠷᠥᠭᠡᠳᠴᠦ ᠥᠩᠭᠡᠷᠡᠭᠰᠡᠨ ᠪᠠᠢᠬᠠ ᠭᠡᠵᠦ ᠪᠤᠳᠤᠯᠠ᠃