ᠵᠦᠭᠡᠯᠡᠨ ᠬᠦᠷᠦᠰᠦᠨ ᠲᠡᠭᠡᠷᠡ ᠪᠤᠰᠤᠭᠠ ᠵᠤᠭᠰᠤᠨ ᠠᠯᠬᠤᠵᠤ ᠶᠠᠪᠤᠬᠤ ᠭᠡᠭᠴᠢ ᠶᠠᠮᠠᠷᠬᠠᠨ ᠪᠠᠢᠳᠠᠭ ᠪᠤᠯ ᠡ？ᠡᠰᠡᠬᠦᠯᠡ ᠵᠠᠮᠤᠨ ᠬᠦᠪᠡᠭᠡ ᠵᠢᠨ ᠬᠠᠢᠷ ᠴᠢᠯᠠᠭᠤ ᠵᠢ ᠠᠯᠢᠶᠠᠷᠬᠠᠨ ᠨᠢᠭᠡ ᠢᠰᠬᠦᠯᠵᠦ ᠦᠵᠡᠪᠡᠯ ᠶᠠᠮᠠᠷ ᠪᠠᠢᠳᠠᠭ ᠪᠤᠯ ？ ᠡᠨᠡ ᠪᠤᠯ ᠲᠤᠮᠳᠠᠳᠤ ᠵᠢᠨ ᠨᠡᠷᠡᠳᠦ ᠵᠤᠬᠢᠶᠠᠯᠴᠢ ᠱᠢ ᠲᠢᠶᠸ ᠱᠸᠩᠤᠨ ᠡᠪᠡᠳᠴᠢᠨ ᠡᠮᠭᠡᠭ ᠡᠴᠡ ᠪᠤᠯᠵᠤ ᠬᠦᠷᠳᠦᠳᠦ ᠰᠠᠨᠳᠠᠯᠢ ᠪᠡᠷ 《ᠬᠦᠯ ᠪᠤᠯᠭᠠᠵᠤ》 ᠶᠠᠪᠤᠬᠤ ᠪᠤᠯᠤᠭᠰᠠᠨ ᠬᠤᠢᠨᠠ ᠨᠢᠭᠡᠨ ᠪᠦᠳᠦᠭᠡᠯ ᠳ᠋ᠡᠭᠡᠨ ᠪᠢᠴᠢᠭᠰᠡᠨ ᠲᠤᠳᠤᠭᠠᠳᠤ ᠰᠡᠳᠬᠢᠯᠭᠡ ᠵᠢᠨ ᠬᠢᠨᠢ ᠡᠷᠢᠯᠬᠢᠯᠡᠯ ᠪᠤᠯᠤᠨᠠ᠃ ᠬᠦᠭᠡ ᠲᠡᠭᠷᠢ ᠬᠦᠷᠦᠰᠦᠳᠦ ᠲᠡᠯᠡᠭᠡᠢ ᠵᠢᠨ ᠲᠤᠮᠳᠠ ᠪᠤᠰᠤᠭᠠ ᠠᠯᠬᠤᠨ ᠶᠠᠪᠤᠬᠤ ᠭᠡᠭᠴᠢ ᠦᠨᠡᠨ ᠳ᠋ᠡᠭᠡᠨ ᠬᠦᠮᠦᠨ ᠲᠦᠷᠦᠯᠬᠢᠳᠡᠨᠤ ᠬᠠᠮᠤᠭᠤᠨ ᠦᠨᠳᠦᠰᠦᠨ ᠴᠢᠳᠠᠪᠤᠷᠢ ᠪᠤᠶᠤ ᠪᠤᠰᠤᠳ ᠠᠮᠢᠳᠠᠨ ᠭᠤᠤᠯᠳᠠᠨ ᠡᠴᠡ ᠢᠯᠭᠠᠭᠳᠠᠬᠤ ᠦᠨᠳᠦᠰᠦᠨ ᠨᠢᠭᠡᠨ ᠪᠡᠯᠭᠡ ᠲᠡᠮᠳᠡᠭ ᠮᠦᠨ᠃ ᠬᠡᠪᠡᠴᠦ ᠡᠨᠡᠬᠦ ᠦᠨᠳᠦᠰᠦᠨ ᠴᠢᠳᠠᠪᠤᠷᠢ ᠪᠠᠨ ᠠᠯᠳᠠᠭᠰᠠᠨ ᠬᠦᠨᠳᠦ ᠡᠪᠡᠳᠴᠢᠳᠡᠨ ᠳ᠋ᠤ ᠠᠪᠴᠤ ᠬᠡᠯᠡᠪᠡᠯ᠂ ᠡᠨᠡ ᠨᠢ ᠦᠨᠡᠭᠡᠷ ᠪᠡᠶᠡᠯᠡᠭᠳᠡᠰᠢ ᠦᠭᠡᠢ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠪᠤᠯᠴᠢᠬᠠᠳᠠᠭ ᠠᠵᠢ᠃
ᠵᠠᠷᠢᠮ ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠡᠴᠡ ᠬᠦᠮᠦᠨᠤ ᠠᠮᠢᠳᠤᠷᠠᠯ ᠢ ᠲᠤᠭᠠᠨᠤ ᠤᠬᠠᠭᠠᠨᠤ 《1》 ᠪᠠ《0》 ᠤ᠋ᠨ ᠯᠤᠬᠢᠭᠤᠨ ᠬᠠᠷᠢᠴᠠᠭᠠ ᠪᠡᠷ ᠦᠯᠢᠳᠭᠡᠨ᠂ ᠡᠷᠡᠬᠦᠯ ᠮᠡᠨᠳᠦ ᠦᠶᠡ ᠳ᠋ᠤ 《1》 ᠵᠢᠨ ᠠᠷᠤ ᠳ᠋ᠡᠬᠢ 《0》 ᠨᠢ ᠬᠡᠳᠦᠢ ᠤᠯᠠᠨ ᠪᠠᠢᠪᠠᠯ ᠲᠡᠳᠦᠢ ᠰᠠᠢᠨ᠂ ᠬᠡᠪᠡᠴᠦ ᠡᠷᠡᠬᠦᠯ ᠮᠡᠨᠳᠦ ᠪᠢᠰᠢ ᠪᠤᠯᠪᠠᠯ 《1》 ᠵᠢᠨ ᠠᠷᠤ ᠳ᠋ᠡᠬᠢ 《 0 》 ᠨᠢ ᠬᠡᠳᠦᠢ ᠤᠯᠠᠨ ᠪᠠᠢᠭᠰᠠᠨ ᠴᠸ᠋ ᠤᠳᠬᠠ ᠠᠭᠤᠯᠭᠠ ᠪᠠᠨ ᠠᠯᠳᠠᠬᠤ ᠪᠤᠯᠤᠨᠠ ᠭᠡᠵᠡᠢ᠃ ᠡᠬᠦᠨ ᠳ᠋ᠤ 《1》 ᠨᠢ ᠡᠷᠡᠬᠦᠯ ᠮᠡᠨᠳᠦ ᠵᠢ ᠲᠦᠯᠦᠭᠡᠯᠡᠵᠦ᠂ 《0》 ᠨᠢ ᠵᠤᠭᠤᠰ ᠮᠦᠩᠬᠦ᠂ ᠡᠷᠭᠡ ᠵᠢᠩᠰᠡ᠂ ᠢᠷᠠᠭᠤ ᠠᠯᠳᠠᠷ ᠁ᠢ ᠵᠢᠭᠠᠵᠤ ᠪᠤᠢ᠃ ᠡᠬᠦᠨᠢ ᠵᠠᠷᠢᠮ ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨ ᠡᠴᠡ ᠪᠠᠰᠠ ᠠᠶᠤᠯᠬᠦᠢ ᠦᠢᠯᠡᠳᠪᠦᠷᠢᠯᠡᠯ ᠲᠠᠢ ᠵᠦᠢᠷᠯᠡᠵᠦ᠂ 《1》 ᠡᠴᠡ 《0》 ᠪᠤᠯᠬᠤ ᠠᠶᠤᠯᠢ ᠴᠢᠩᠭᠠ ᠰᠡᠷᠭᠡᠢᠯᠡᠬᠦ ᠬᠡᠷᠡᠭᠳᠡᠢ ᠬᠡᠵᠦ ᠰᠡᠷᠡᠮᠵᠢᠯᠡᠬᠦᠯᠦᠭᠰᠡᠨ ᠪᠠᠢᠳᠠᠭ᠃ ᠡᠨᠳᠡ 《1》 ᠨᠢ ᠠᠮᠤᠷ ᠲᠦᠪᠰᠢᠨ ᠦᠢᠯᠡᠳᠪᠦᠷᠢᠯᠡᠯ ᠢ ᠲᠦᠯᠦᠭᠡᠯᠡᠵᠦ᠂ 《0》 ᠨᠢ ᠦᠷᠡ ᠠᠰᠢᠭ᠂ ᠬᠦᠭᠵᠢᠯᠳᠡ ᠵᠢ ᠶᠠᠷᠢᠵᠤ ᠪᠤᠢ᠃ ᠠᠮᠤᠷ ᠲᠦᠪᠰᠢᠨ ᠦᠢᠯᠡᠳᠪᠦᠷᠢᠯᠡᠯ ᠪᠠᠢᠬᠤ ᠦᠭᠡᠢ ᠪᠤᠯ ᠬᠦᠭᠵᠢᠯᠳᠡ᠂ ᠦᠷᠡ ᠠᠰᠢᠭ ᠢ ᠶᠠᠷᠢᠬᠤ ᠵᠢᠨ ᠠᠷᠭᠠ ᠦᠭᠡᠢ ᠨᠢ ᠮᠡᠳᠡᠭᠡᠵᠢ᠃ ᠡᠳᠡᠭᠡᠷ ᠨᠢ ᠦᠨᠡᠨ ᠳ᠋ᠡᠭᠡᠨ ᠪᠢᠳᠡᠨ ᠳ᠋ᠤ ᠵᠠᠩᠬᠢᠯᠠᠭᠠ ᠵᠢᠨ ᠦᠨᠳᠦᠰᠦᠨ ᠵᠦᠢᠯ ᠢ ᠵᠠᠪᠠᠯ ᠴᠢᠩᠭᠠ ᠡᠵᠡᠮᠳᠡᠵᠦ᠂ 《ᠬᠤᠷᠢᠭᠠ ᠱᠤᠭᠤᠮ》ᠤ᠋ᠨ ᠰᠡᠳᠬᠢᠬᠦᠢ ᠵᠢ ᠡᠷᠡᠰ ᠪᠠᠷᠢᠮᠳᠠᠯᠠᠬᠤ ᠵᠢᠨ ᠤᠴᠢᠷ ᠤᠳᠬᠠ ᠵᠢ ᠴᠢᠬᠤᠯᠠᠴᠢᠯᠠᠵᠠᠢ᠃ ᠬᠤᠪᠢ ᠬᠦᠮᠦᠨ᠂ ᠭᠡᠷ ᠪᠦᠯᠢ᠂ ᠨᠡᠢᠭᠡᠮ᠂ ᠤᠯᠤᠰ ᠦᠨᠳᠦᠰᠦᠳᠡᠨ ᠤ ᠤᠷᠤᠰᠢᠨ ᠲᠤᠭᠳᠠᠨᠢᠯ ᠪᠠ ᠬᠦᠭᠵᠢᠯᠳᠡ ᠳ᠋ᠤ ᠪᠦᠷ ᠡᠢᠮᠦᠷᠬᠦᠦ 《ᠬᠤᠷᠢᠭᠠ ᠱᠤᠭᠤᠮ 》 ᠤ᠋ᠨ ᠰᠡᠳᠬᠢᠬᠦᠢ ᠱᠠᠭᠠᠷᠳᠠᠭᠳᠠᠨᠠ᠃
ᠲᠦᠷᠦᠬᠦᠭᠡᠨ᠂ ᠨᠢᠭᠡᠨ ᠤᠶᠤᠳᠠᠨ ᠵᠠᠯᠠᠭᠤ ᠤᠯᠠᠨ ᠤᠯᠤᠰᠤᠨ ᠠᠶᠠᠨᠴᠢᠨᠤ ᠭᠠᠯᠳᠤ ᠲᠡᠷᠭᠡᠨ ᠲᠡᠭᠡᠷᠡ 100 ᠭᠠᠷᠤᠢ ᠴᠠᠭ ᠰᠠᠭᠤᠵᠤ ᠵᠠᠮ ᠭᠤᠳᠤᠰᠤᠨ ᠲᠠᠢᠨ ᠲᠠᠵᠢᠨ ᠳ᠋ᠤ ᠲᠠᠮᠳᠤᠭᠳᠠᠭᠰᠠᠨ ᠪᠠᠷᠢᠯᠭᠠ ᠵᠢ ᠬᠠᠷᠠᠭᠠᠳ᠂ 《ᠪᠢᠳᠡ ᠶᠡᠷᠦ ᠡᠴᠡ ᠡᠩᠭᠡ ᠲᠠᠢᠪᠤᠩ ᠴᠠᠭ ᠦᠶᠡ ᠳ᠋ᠤ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠪᠢᠰᠢ᠂ ᠬᠠᠷᠢᠨ ᠡᠩ ᠲᠡᠢᠪᠤᠩ ᠤᠯᠤᠰ ᠬᠦᠷᠦᠨ ᠳ᠋ᠤ ᠠᠮᠢᠳᠤᠷᠠᠵᠤ ᠪᠠᠢᠬᠤ ᠡᠴᠡ ᠁》 ᠬᠡᠵᠦ ᠸᠢᠳᠢᠣ᠋ ᠪᠢᠴᠢᠯᠭᠡ ᠳ᠋ᠡᠭᠡᠨ ᠪᠢᠴᠢᠭᠰᠡᠨ ᠨᠢ ᠰᠦᠯᠵᠢᠶᠡ ᠪᠡᠷ ᠦᠷᠭᠡᠨ ᠰᠠᠴᠤᠭᠳᠠᠵᠤ ᠪᠢᠯᠡ᠃ ᠨᠡᠭᠡᠷᠡᠨ᠂ ᠮᠠᠨ ᠤ ᠦᠨᠦᠳᠦᠷ ᠤᠨ ᠠᠮᠢᠳᠤᠷᠠᠯ ᠦᠢᠯᠡᠰ᠂ ᠦᠨᠦᠳᠦᠷᠤᠨ ᠬᠦᠭᠵᠢᠯᠳᠡ ᠬᠤᠪᠢᠷᠠᠯᠳᠠ ᠪᠤᠯ ᠦᠨᠡᠭᠡᠷ ᠬᠢᠯᠪᠠᠷ ᠪᠤᠰᠤ ᠪᠡᠷ ᠢᠷᠡᠭᠰᠡᠨ ᠶᠤᠮ᠃ ᠪᠢᠳᠡ ᠬᠤᠪᠢ ᠲᠠᠬᠢᠨ ᠵᠢᠡᠷ ᠨᠠᠨᠳᠢᠩᠨᠠᠨ᠂ ᠰᠠᠢᠳᠤᠷ ᠰᠠᠬᠢᠨ ᠬᠠᠮᠠᠭᠠᠯᠠᠪᠠᠯ ᠵᠤᠬᠢᠨᠠ᠃ 《ᠦᠨᠦᠳᠦᠷ》ᠵᠢᠡᠨ ᠰᠠᠢᠳᠤᠷ ᠰᠠᠬᠢᠨ ᠬᠠᠮᠠᠭᠠᠯᠠᠭᠰᠠᠨ ᠰᠠᠭᠤᠷᠢᠨ ᠲᠡᠭᠡᠷᠡ ᠰᠠᠶᠢ 《ᠤᠷᠢᠳᠤᠬᠢ》 ᠵᠢ ᠵᠠᠯᠭᠠᠮᠵᠢᠯᠠᠨ 《ᠬᠤᠢᠨᠠᠬᠢ》 ᠳ᠋ᠤ ᠵᠠᠮ ᠨᠡᠭᠡᠭᠡᠨ ᠤᠷᠤᠭᠰᠢᠯᠠᠵᠤ ᠴᠢᠳᠠᠨᠠ᠃ ᠪᠡᠶᠡ ᠮᠠᠬᠠᠪᠤᠳ ᠡᠷᠡᠬᠦᠯ ᠮᠡᠨᠳᠦ ᠪᠠᠢᠬᠤ ᠡᠴᠡ ᠵᠤᠯ ᠵᠢᠷᠭᠠᠯ ᠲᠠᠢ ᠠᠵᠢᠯ ᠦᠢᠯᠡᠰ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ ᠪᠤᠢ᠂ ᠤᠯᠤᠰ ᠭᠡᠷ ᠠᠮᠤᠷ ᠲᠤᠭᠳᠠᠭᠤᠨ ᠪᠠᠢᠬᠤ ᠡᠴᠡ ᠬᠦᠭᠵᠢᠯ ᠪᠠᠳᠠᠷᠠᠯ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠪᠤᠢ᠃ ᠲᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨᠤ ᠠᠭᠤᠤ ᠶᠡᠭᠡ ᠰᠡᠷᠬᠦᠨ ᠮᠠᠨᠳᠤᠯᠳᠠ ᠵᠢ ᠪᠡᠶᠡᠯᠡᠬᠦᠯᠬᠦ ᠠᠤᠭᠠ ᠴᠠᠭ ᠦᠶᠡ ᠳ᠋ᠤ ᠲᠤᠬᠢᠶᠠᠵᠤ᠂ ᠰᠠᠢᠨ ᠰᠠᠢᠬᠠᠨ ᠠᠮᠢᠳᠤᠷᠠᠯᠢ ᠡᠳ᠋ᠯᠡᠵᠦ ᠶᠠᠪᠤᠭᠠ ᠳ᠋ᠠᠭᠠᠨ ᠪᠢᠳᠡ ᠢᠮᠠᠭᠳᠠ ᠠᠴᠢ ᠲᠠᠯᠠᠷᠬᠠᠯᠤᠨ ᠰᠡᠳᠬᠢᠯᠭᠡ ᠵᠢ ᠡᠪᠦᠷᠯᠡᠵᠦ᠂ ᠡᠷᠡᠬᠦᠯ ᠡᠩᠭᠡ ᠠᠮᠢᠳᠤᠷᠠᠯᠤᠨ ᠠᠷᠭᠠ ᠬᠡᠯᠪᠡᠷᠢ ᠵᠢ ᠰᠤᠷᠳᠠᠯᠴᠢᠯᠠᠨ ᠲᠡᠯᠭᠡᠷᠡᠬᠦᠯᠵᠦ᠂ ᠠᠵᠢᠯ ᠦᠢᠯᠡᠰ ᠲᠡᠭᠡᠨ ᠵᠦᠪ ᠵᠢᠡᠷ ᠵᠢᠳᠬᠦᠨ᠂ ᠢᠳᠡᠪᠬᠢ ᠦᠭᠡᠳᠡᠷᠭᠡᠭ ᠵᠠᠩ ᠰᠤᠷᠳᠠᠯ ᠵᠢᠡᠷ ᠦᠪᠡᠷ ᠪᠤᠰᠤᠳᠢ ᠨᠦᠯᠦᠭᠡᠯᠡᠨ᠂ ᠦᠭᠬᠢᠶᠡᠮᠦᠷᠴᠢ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠪᠡᠷ ᠨᠡᠢᠭᠡᠮ ᠨᠡᠢᠳᠡ ᠳ᠋ᠤ ᠦᠢᠯᠡᠴᠢᠯᠡᠨ᠂ ᠪᠡᠶᠡ ᠮᠠᠬᠠᠪᠤᠳ᠂ ᠰᠡᠳᠬᠢᠴᠡ᠂ ᠶᠤᠰᠤ ᠰᠤᠷᠳᠠᠬᠤᠨ ᠪᠦᠬᠦ ᠲᠠᠯᠠ ᠪᠡᠷ ᠡᠷᠡᠬᠦᠯ ᠮᠡᠨᠳᠦ ᠠᠷᠠᠳ ᠢᠷᠭᠡᠨ ᠪᠤᠯᠬᠤ ᠪᠡᠷ ᠨᠢᠭᠡ ᠶᠤᠰᠤᠨᠤ ᠡᠷᠢᠯ ᠬᠦᠭᠡᠭᠡᠴᠡᠯᠳᠦᠯ ᠵᠢᠡᠨ ᠪᠤᠯᠭᠠᠵᠤ ᠶᠠᠪᠤᠶᠠ᠃