— ᠬᠠᠢᠷᠠᠲᠤ ᠭᠡᠷᠭᠡᠢ ᠯᠢ ᠮᠸᠢ ᠷᠦᠩ ᠵᠢᠡᠨ ᠲᠤᠷᠠᠳᠬᠠᠬᠤᠢ
ᠦᠵᠦᠭ ᠪᠠᠷᠢᠭᠰᠠᠨ ᠵᠢᠭᠠᠬᠠᠨ ᠭᠠᠷ ᠲᠸ᠋ ᠦᠭᠡ ᠬᠤᠯᠪᠤᠬᠤ ᠤᠬᠠᠭᠠᠨᠢ ᠵᠢᠭᠠᠭᠰᠠᠨ᠂ ᠤᠬᠠᠭᠠᠨ ᠤᠷᠤᠬᠰᠠᠨ ᠪᠤᠳᠤᠯᠤᠨ ᠰᠠᠩ ᠳ᠋ᠤ ᠲᠤᠭᠠ ᠪᠤᠳᠤᠬᠤ ᠠᠷᠭᠠ ᠵᠢ ᠵᠢᠭᠠᠭᠰᠠᠨ ᠬᠡᠷᠡᠯᠳᠦ ᠨᠠᠷᠠᠨᠤ ᠲᠤᠤᠷᠠᠬᠢ ᠬᠠᠮᠤᠭᠤᠨ ᠰᠠᠢᠬᠠᠨ ᠦᠢᠯᠡᠰᠴᠢᠨ — ᠪᠠᠭᠰᠢ ᠬᠦᠮᠦᠨ ᠭᠡᠭᠴᠢ ᠡᠩ ᠵᠢᠷᠤᠨ ᠮᠦᠷᠳᠡᠭᠡᠨ ᠠᠭᠤᠤ ᠶᠡᠬᠡ ᠬᠦᠮᠦᠰ ᠪᠢᠯᠡ᠃ ᠬᠠᠢᠷᠠᠳᠤ ᠬᠡᠷᠭᠡᠢ ᠯᠢ ᠮᠸᠢ ᠷᠦᠩ ᠮᠠᠨᠢ ᠲᠡᠳᠡᠨᠤ ᠲᠤᠳᠤᠷᠠᠬᠢ ᠨᠢᠭᠡᠨ ᠶᠤᠮ᠃ ᠲᠡᠷᠡ ᠪᠡᠷ ᠬᠦᠮᠦᠨ ᠬᠤᠷᠸᠠᠶᠢᠨ ᠤᠬᠤᠷᠬᠠᠨ ᠨᠢᠭᠡ ᠨᠠᠰᠤᠨ ᠳ᠋ᠠᠭᠠᠨ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠦᠢᠯᠡᠰ ᠲᠸ᠋ 35 ᠵᠢᠯ ᠵᠢᠳᠭᠦᠬᠦ ᠳ᠋ᠡᠭᠡᠨ ᠠᠷᠠᠯᠤᠨ ᠱᠠᠷ ᠰᠢᠭ᠋ ᠦᠭᠡ ᠲᠠᠭᠤᠨ ᠦᠭᠡᠢ ᠮᠡᠷᠡᠢᠨ ᠴᠢᠷᠮᠠᠢᠵᠤ ᠶᠠᠪᠤᠭᠰᠠᠨ ᠶᠤᠮ᠃
ᠯᠢ ᠮᠸᠢ ᠷᠦᠩ ᠮᠠᠨᠢ ᠬᠦᠷᠢᠶᠡ ᠬᠤᠰᠢᠭᠤᠨᠤ ᠬᠦᠷᠢᠶᠡ ᠪᠠᠯᠭᠠᠰᠤᠶᠢᠨ ᠵᠤᠤᠬᠠᠴᠢᠨ ᠠᠶ᠋ᠢᠯᠤᠨ ᠡᠬᠡᠯ ᠵᠢᠷᠤᠨ ᠳᠠᠷᠢᠶᠠᠴᠢᠨᠤ ᠬᠡᠷ ᠪᠦᠯᠢ ᠳ᠋ᠤ ᠲᠦᠷᠦᠵᠦ ᠦᠰᠴᠡᠢ᠃ ᠲᠡᠳᠡᠨᠤ ᠬᠢᠨ ᠠᠮᠠ ᠪᠦᠯᠢ ᠤᠯᠠᠨ ᠪᠤᠯᠬᠤᠷ ᠲᠡᠷᠡ ᠪᠠᠷ ᠡᠷᠳᠡ ᠤᠬᠠᠭᠠᠵᠢᠵᠤ᠂ ᠠᠪᠤ ᠡᠵᠢ ᠪᠠᠨ ᠬᠠᠪᠰᠤᠷᠤᠨ ᠠᠵᠢᠯ ᠬᠦᠳᠡᠯᠮᠦᠷᠢ ᠬᠢᠬᠦ ᠵᠢᠨ ᠵᠡᠷᠬᠡ ᠪᠡᠷ ᠰᠤᠷᠤᠯᠭᠠ ᠵᠢᠨ ᠵᠠᠷᠤᠳᠠᠯ ᠮᠦᠩᠬᠦ ᠪᠠᠨ ᠰᠢᠢᠳᠪᠦᠷᠢᠯᠡᠵᠦ᠂ ᠪᠢᠴᠢᠭ ᠰᠤᠶᠤᠯᠤᠨ ᠮᠦᠷᠢ ᠬᠦᠬᠡᠬᠡᠵᠦ ᠡᠬᠢᠯᠡᠵᠡᠢ᠃ ᠲᠡᠷᠡ ᠪᠠᠯᠴᠢᠷ ᠪᠠᠭᠠᠠᠴᠠᠪᠠᠨ ᠳᠠᠷᠤᠤ ᠬᠢᠴᠢᠶᠡᠩᠭᠦᠢ᠂ ᠤᠬᠠᠭᠠᠨ ᠲᠤᠮᠤᠭᠠᠲᠠᠢ᠂ ᠠᠵᠢᠯ ᠰᠤᠷᠤᠯᠭᠠᠳ᠋ᠠᠭᠠᠨ ᠨᠢᠮᠪᠠᠢ ᠬᠠᠨᠳᠤᠵᠤ ᠰᠢᠷᠭᠠᠭᠤ ᠴᠢᠷᠮᠠᠶ᠋ᠢᠳᠠᠭᠠᠴᠠ ᠪᠠᠭᠠ ᠰᠤᠷᠭᠠᠭᠤᠯᠢᠠᠴᠠ ᠦᠨᠳᠦᠷ ᠵᠡᠷᠬᠡ ᠵᠢᠨ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠪᠠᠨ ᠲᠡᠭᠦᠰᠲᠡᠯᠡ ᠪᠦᠷ ᠠᠩᠭᠢᠶᠢᠨᠢᠶᠠᠨ ᠰᠤᠷᠤᠯᠭᠠᠶᠢᠨ ᠭᠡᠰᠢᠭᠦᠨ ᠪᠠᠶ᠋ᠢᠭ᠍ᠰᠠᠨ ᠶᠤᠮ᠃ ᠤᠳᠠᠭᠠ ᠪᠦᠷᠢᠶᠢᠨ ᠰᠢᠯᠭᠠᠯᠲᠠᠳ᠋ᠠᠭᠠᠨ ᠬᠢᠴᠢᠶᠡᠯ ᠪᠦᠷᠢ ᠪᠠᠨ 95 ᠬᠤᠪᠢᠠᠴᠠ ᠲᠡᠭᠡᠭᠰᠢ ᠰᠢᠯᠭᠠᠳᠠᠭ ᠪᠣᠯᠬᠤᠷ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠰᠢᠯᠢᠳᠡᠭ ᠰᠤᠷᠤᠭ᠍ᠴᠢᠪᠠᠷ ᠰᠤᠩᠭᠤᠭᠳᠠᠵᠤ ᠪᠠᠢᠬᠰᠠᠨ᠃ ᠲᠡᠭᠡᠬᠦᠯᠡᠷ ᠲᠡᠭᠦᠨᠤ ᠠᠩᠬᠠ ᠵᠡᠷᠭᠡᠶᠢᠨ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠠᠩᠬᠢᠶᠢᠨ ᠡᠷᠬᠢᠯᠡᠭᠴᠢ ᠵᠢᠷᠤᠮᠳᠤ ᠪᠠᠭᠰᠢ᠄ 《ᠮᠢᠨᠤ ᠰᠤᠷᠤᠭ᠍ᠴᠢᠳ ᠪᠦᠷ ᠯᠢ ᠮᠸᠢ ᠷᠦᠡᠭ ᠰᠢᠭ ᠪᠤᠯᠴᠢᠬᠠᠪᠡᠯ ᠰᠡᠳᠬᠢᠯ ᠵᠤᠪᠠᠬᠤ ᠤᠴᠢᠷ ᠦᠭᠡᠢ ᠰᠢᠤ》 ᠬᠡᠵᠤ ᠮᠠᠭᠳᠠᠵᠤ ᠪᠠᠶ᠋ᠢᠵᠡᠢ᠃
1964 ᠣᠨᠳᠤ ᠲᠡᠷᠡ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭ᠍ᠰᠢᠶᠢᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ （ᠤᠳᠣ᠌ᠶᠢᠨ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭ᠍ᠰᠢᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ） ᠵᠢᠨ ᠬᠠᠷᠢᠶᠠᠲᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠮᠠᠯᠵᠢᠬᠤ ᠤᠷᠤᠨᠤ ᠲᠤᠷᠰᠢᠯᠲᠠᠶᠢᠨ ᠠᠩᠭᠢ ᠳ᠋ᠤ ᠪᠠᠲᠤᠯᠠᠭᠳᠠᠨ ᠬᠦᠷᠬᠡᠭᠳᠡᠪᠡ᠃ ᠭᠡᠪᠡᠴᠦ ᠲᠤᠬᠠᠢᠶᠢᠨ ᠴᠠᠬ ᠦᠶᠠᠶᠢᠨ ᠨᠦᠯᠦᠭᠡᠠᠴᠠ ᠪᠣᠯᠵᠤ᠂ ᠲᠡᠷᠡ ᠰᠤᠷᠤᠯᠭᠠᠪᠠᠨ ᠵᠤᠭᠰᠤᠵᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠳ᠋ᠤ ᠳᠠᠪᠰᠢᠬᠤ ᠵᠠᠪᠰᠢᠶᠠᠨᠢᠶᠠᠨ ᠠᠯᠳᠠᠭᠰᠠᠨ ᠶᠤᠮ᠃ 1968 ᠣᠨᠳᠤ᠂ ᠰᠢᠯᠢᠶᠢᠨ ᠭᠤᠣᠯ ᠠᠶ᠋ᠢᠮᠠᠭᠤᠨ ᠰᠢᠯᠤᠭᠤᠨ ᠬᠦᠭᠡ ᠬᠤᠰᠢᠭᠤᠨᠳᠤ ᠰᠡᠭᠡᠭᠡᠲᠡᠨᠢᠶᠡᠷ ᠬᠦᠳᠡᠭᠡ ᠪᠠᠭᠤᠵᠤ᠂ ᠰᠡᠭᠦᠯᠡᠷᠨᠢ ᠲᠦᠩᠯᠢᠶᠤᠤ ᠬᠤᠳᠠᠶᠢᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠶ᠋ᠢᠲᠤ ᠬᠤᠰᠢᠭᠤᠨᠤ ᠴᠢᠯᠠᠭᠤᠲᠤ ᠨᠢᠭᠡᠲᠦᠯᠳᠤ ᠲᠠᠷᠢᠶᠠᠴᠢᠨ ᠪᠤᠯᠵᠠᠢ᠃ 1969 ᠣᠨᠤ ᠬᠠᠪᠤᠷ᠂ ᠴᠢᠯᠠᠭᠤᠲᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠠᠷᠠᠳᠠᠴᠠ ᠠ᠋ᠷᠬᠢᠯᠡᠭᠰᠡᠨ ᠪᠠᠭ᠍ᠰᠢᠪᠠᠷ ᠠ᠋ᠯᠰᠡᠭᠳᠡᠨ᠂ ᠪᠢᠴᠢᠭ ᠵᠢᠭᠠᠵᠤ ᠬᠦᠮᠤᠨ ᠬᠦᠮᠦᠵᠢᠬᠦᠯᠬᠦ ᠠᠶᠠᠨᠢᠶᠡᠨ ᠡᠯᠭᠦᠯᠡ᠃ ᠰᠡᠬᠦᠯᠡᠷᠨᠢ ᠦᠪᠤᠷ ᠮᠤᠩᠭᠤᠯᠤᠨ ᠦᠨᠳᠤᠰᠤᠳᠡᠨᠤ ᠪᠠᠭ᠍ᠰᠢᠶᠢᠨ ᠲᠡᠭᠡᠳᠤ ᠰᠤᠷᠭᠠᠭᠤᠯᠢᠳ᠋ᠤ ᠰᠤᠷᠤᠯᠴᠠᠨ ᠤᠯᠤᠰᠤᠨ ᠵᠢᠩᠬᠢᠨᠢ ᠪᠠᠭ᠍ᠰᠢ ᠪᠤᠯᠵᠤ᠂ ᠨᠠᠰᠤᠨᠤ ᠠᠮᠡᠷᠡᠯᠳᠡᠪᠠᠨ ᠠᠪᠳᠡᠯᠠ ᠰᠤᠷᠭᠠᠨ ᠬᠦᠮᠤᠵᠢᠯᠤᠨ ᠤᠶ᠋ᠢᠯᠡᠰᠲᠤ ᠵᠢᠳᠬᠦᠵᠤ ᠶᠠᠪᠤᠪᠠ᠃
ᠭᠡᠷᠭᠡᠢ ᠮᠢᠨᠢ 1969 ᠣᠨᠳᠤ ᠠᠷᠠᠳᠤᠨ ᠪᠠᠭᠰᠢ ᠵᠢᠨ ᠠᠯᠳᠠᠷ ᠵᠡᠬᠦᠵᠦ ᠴᠢᠯᠠᠭᠤᠲᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠠᠵᠢᠯᠯᠠᠭᠰᠠᠨ ᠡᠴᠡ ᠠᠪᠤᠭᠠᠳ ᠨᠤᠭᠤᠰᠤᠲᠠᠢ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ ᠭᠠᠨᠵᠤᠭᠠ ᠳᠦᠷᠪᠡᠳᠦᠭᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ᠂ ᠬᠤᠰᠢᠭᠤᠨᠤ ᠵᠢᠭᠠᠬᠤᠶᠢ ᠰᠤᠳᠤᠯᠬᠤ ᠲᠠᠰᠤᠭ ᠪᠣᠯᠣᠨ ᠲᠦᠩᠯᠢᠶᠤᠤ ᠬᠤᠳᠠᠶᠢᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠪᠠᠢᠭᠤᠯᠭᠠ ᠨᠤᠭᠤᠳᠵᠢᠡᠷ ᠰᠢᠯᠵᠢᠵᠦ ᠦᠩᠭᠡᠷᠡᠪᠡ᠃
ᠰᠤᠷᠤᠯᠭᠠᠶᠢᠨ ᠰᠠᠭᠤᠷᠢ ᠰᠠᠶ᠋ᠢᠨ ᠮᠦᠷᠳᠡᠬᠡᠨ ᠯᠠᠪᠲᠠᠭᠤᠨ ᠬᠢᠨᠠᠮᠠᠭᠠᠢ ᠲᠡᠷᠡ ᠪᠡᠷ ᠠᠩᠬᠠ ᠴᠢᠯᠠᠭᠤᠲᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠪᠠᠭᠰᠢᠯᠠᠬᠤᠳ᠋ᠠᠭᠠᠨ ᠲᠣᠭᠠᠨᠤ ᠤᠬᠠᠭᠠᠨ ᠵᠢᠭᠠᠵᠤ ᠦᠷᠭᠡᠨ ᠤᠯᠠᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠶᠢᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯᠢ ᠣᠯᠵᠤ᠂ 《ᠮᠡᠳᠡᠯᠭᠡ ᠶᠡᠬᠡ᠂ ᠮᠤᠷᠡᠯ ᠰᠠᠶ᠋ᠢᠨ》 ᠬᠡᠰᠡᠨ ᠦᠨᠳᠤᠷ ᠦᠨᠡᠯᠡᠯᠳᠡᠶᠢ ᠬᠦᠷᠳᠡᠪᠡ᠃ ᠡᠨᠡ ᠨᠢ ᠲᠡᠭᠦᠨᠤ ᠵᠢᠭᠠᠨ ᠰᠤᠷᠭᠠᠬᠤ ᠠᠷᠭᠠ ᠪᠠᠨ ᠦᠷᠬᠦᠯᠵᠢ ᠰᠤᠳᠤᠯᠵᠤ ᠰᠡᠳᠬᠢᠳᠡᠭ ᠲᠡᠢ ᠬᠤᠯᠪᠤᠭᠠ ᠲᠠᠢ᠃ ᠰᠤᠷᠤᠭ᠍ᠴᠢᠳᠲᠠᠭᠠᠨ ᠠᠮᠢᠳᠤᠯᠢᠭ ᠰᠠᠢᠬᠠᠨ ᠤᠢᠯᠠᠭᠠᠭᠤᠯᠬᠤ ᠵᠢᠨ ᠲᠦᠯᠦᠬᠡ ᠰᠤᠷᠭᠠᠭᠤᠯᠢ ᠪᠣᠯᠣᠨ ᠭᠡᠷᠤᠨ ᠬᠤᠭᠤᠷᠤᠨᠳᠤ ᠪᠠᠨ ᠨᠠᠭᠠᠰᠢ ᠴᠠᠭᠠᠰᠢ ᠶᠠᠪᠤᠬᠤᠳ᠋ᠠᠭᠠᠨ ᠴᠤ᠌ ᠬᠢᠴᠢᠶᠡᠯ ᠵᠢᠭᠠᠬᠤ ᠠᠷᠭᠠᠪᠠᠨ ᠪᠤᠳᠤᠵᠤ ᠶᠠᠪᠤᠨᠠ᠃ ᠲᠡᠭᠦᠨᠤ ᠰᠤᠷᠤᠭ᠍ᠴᠢᠳ 《ᠯᠢ ᠪᠠᠭ᠍ᠰᠢᠶᠢᠨ ᠬᠢᠴᠢᠶᠡᠯ ᠵᠢᠭᠠᠬᠤ ᠲᠦᠢᠯᠤᠨ ᠣᠶ᠋ᠢᠯᠠᠭᠠᠮᠵᠢᠲᠠᠢ᠂ ᠶᠠᠭ ᠯᠠ ᠮᠠᠨᠤᠰᠤᠨ ᠳᠠᠷᠢᠬᠢᠨᠳᠤ ᠰᠢᠭᠤᠳ ᠬᠢᠵᠦ ᠦᠭᠴᠦ ᠪᠠᠶ᠋ᠢᠭᠠ ᠰᠢᠭ᠋》 ᠬᠡᠵᠤ ᠶᠠᠷᠢᠳᠠᠭ ᠪᠠᠢᠵᠠᠢ᠃ ᠳᠤᠬᠠᠢ ᠵᠢᠨ ᠦᠶᠡ ᠳ᠋ᠤ ᠲᠡᠭᠦᠨᠤ ᠬᠠᠷᠢᠭᠤᠴᠠᠭᠰᠠᠨ ᠠᠩᠭᠢᠶᠢᠨ ᠤᠣᠯᠤᠨ ᠬᠢᠷᠢ ᠪᠦᠳᠦᠮᠵᠢ ᠲᠡᠭᠰᠢᠳᠬᠡᠭᠡᠳ ᠰᠠᠶᠢ 35 ᠬᠤᠪᠢ ᠬᠦᠷᠴᠤ ᠪᠠᠢᠪᠠ᠃ ᠲᠡᠷᠡ ᠠᠷᠭᠠ ᠪᠦᠬᠦᠨᠢ ᠰᠦᠪᠡᠭᠴᠢᠯᠡᠨ ᠵᠢᠭᠠᠨ ᠰᠤᠷᠭᠠᠬᠤ ᠦᠷᠡ ᠪᠦᠳᠦᠮᠵᠢᠪᠠᠨ ᠳᠡᠬᠡᠭᠰᠢᠯᠡᠬᠦᠯᠦᠭᠰᠡᠨ ᠵᠢᠡᠷ ᠲᠡᠬᠦᠨᠤ ᠵᠢᠭᠠᠭ᠍ᠰᠡᠨ ᠬᠤᠶᠡᠷ ᠠᠩᠬᠢᠶᠢᠨ ᠲᠤᠭᠠᠨᠤ ᠤᠬᠠᠭᠠᠨᠤ ᠬᠢᠴᠢᠶᠡᠯᠤᠨ ᠲᠡᠭᠰᠢᠳᠬᠡᠯ ᠬᠤᠪᠢᠨᠢ 65 ᠬᠤᠪᠢ ᠬᠦᠷᠴᠡᠢ᠃ ᠲᠡᠷᠡ ᠦᠷᠬᠦᠯᠵᠢ᠄ 《ᠰᠤᠷᠤᠭ᠍ᠴᠢᠳᠲᠤ ᠵᠢᠭᠠᠰᠤ ᠪᠠᠷᠢᠬᠤ ᠠᠷᠭᠠᠶᠢ ᠵᠢᠭᠠᠵᠤ ᠦᠭᠬᠦᠠᠴᠠ ᠪᠢᠰᠢ᠂ ᠵᠢᠭᠠᠰᠤ ᠪᠠᠷᠢᠵᠤ ᠦᠭᠴᠦ ᠪᠣᠯᠬᠤ ᠦᠭᠡᠢ》 ᠭᠡᠵᠦ ᠶᠠᠷᠢᠳᠠᠭ ᠪᠠᠢᠭᠰᠠᠨ᠃ ᠲᠡᠷᠡᠴᠢᠯᠡᠨ ᠴᠢᠷᠮᠠᠶ᠋ᠢᠯᠭᠠ ᠬᠦᠮᠦᠨᠢ ᠭᠤᠮᠤᠳᠠᠭᠠᠬᠤ ᠦᠭᠡᠢ ᠭᠡᠳᠡᠭᠴᠢᠯᠡᠨ᠂ 1986 ᠣᠨᠤ ᠦᠨᠳᠦᠷ ᠳᠤᠮᠳᠠᠳᠤ ᠳ᠋ᠤ ᠳᠠᠪᠰᠢᠬᠤ ᠰᠢᠯᠭᠠᠯᠲᠠᠳᠤ ᠲᠡᠭᠦᠨᠤ ᠠᠩᠭᠢᠶᠢᠨ 52 ᠨᠡᠷᠡᠰ ᠰᠤᠷᠤᠭ᠍ᠴᠢᠶᠢᠨ 40 ᠨᠢ ᠠᠮᠵᠢᠯᠳᠠᠲᠠᠢᠪᠠᠷ ᠰᠤᠷᠭᠠᠭᠤᠯᠢ ᠲᠠᠪᠰᠢᠵᠤ᠂ ᠰᠤᠷᠭᠠᠭᠤᠯᠢ ᠲᠠᠪᠰᠢᠭ᠍ᠰᠠᠨ ᠨᠤᠷᠮᠠᠨᠢ 77%ᠳᠤ ᠬᠦᠷᠴᠦ᠂ ᠴᠢᠯᠠᠭᠤᠲᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠬᠠᠮᠤᠭᠤᠨ ᠰᠠᠶ᠋ᠢᠨ ᠬᠢᠷᠢ ᠪᠦᠳᠦᠮᠵᠢ ᠵᠢ ᠡᠬᠦᠳᠴᠡᠢ᠃
ᠲᠡᠷᠡ ᠮᠢᠨᠢ ᠨᠤᠭᠤᠰᠤᠳᠡᠢ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠠᠷᠡᠳᠠᠴᠠ ᠠ᠋ᠷᠬᠢᠯᠡᠭᠰᠡᠨ ᠪᠠᠭ᠍ᠰᠢ ᠪᠡᠷ ᠠᠵᠢᠯᠯᠠᠵᠤ ᠪᠠᠶ᠋ᠢᠬ᠍ᠰᠠᠨ ᠴᠤ᠌ ᠠᠵᠢᠯ ᠠ᠋ᠬᠦᠷᠭᠡᠪᠠᠨ ᠬᠢᠯᠠᠯᠵᠡᠳᠡᠯᠠ ᠰᠠᠶ᠋ᠢᠬᠠᠨ ᠪᠠᠶᠠᠯᠡᠬᠦᠯᠳᠡᠭ ᠪᠠᠢᠭᠰᠠᠨ᠃ ᠪᠢ ᠠᠵᠢᠯ ᠶᠠᠭᠠᠷᠠᠤ᠂ ᠡᠷᠦᠬᠡ ᠬᠡᠷ ᠵᠢᠡᠨ ᠳᠤᠳᠤᠮᠳᠠᠵᠤ ᠠᠮᠵᠢᠬᠤ ᠦᠬᠡᠢ ᠪᠠᠶ᠋ᠢᠭ᠍ᠰᠠᠨ ᠳ᠋ᠤ ᠲᠡᠷᠡ ᠮᠢᠨᠢ ᠦᠳᠡᠯᠦᠬᠡ ᠨᠠᠰᠤᠳᠠᠨ᠂ ᠦᠷᠠ ᠬᠡᠦᠬᠡᠳᠢ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠬᠤ ᠵᠢᠨ ᠳᠠᠭᠠᠤ ᠶᠡᠷᠦ ᠡᠴᠡ ᠬᠢᠴᠢᠶᠡᠯ ᠰᠠᠭᠠᠲᠠᠳᠠᠭ ᠦᠭᠡᠢ᠃ ᠨᠢᠬᠡᠨ ᠤᠳᠠᠭᠠ ᠨᠢᠯᠬᠠ ᠬᠦᠦᠮᠢᠨᠢ ᠡᠪᠡᠳᠴᠢᠯᠡᠭᠰᠡᠨ ᠳ᠋ᠤ ᠲᠡᠷᠡ ᠬᠦᠦ ᠵᠢ ᠡᠬᠦᠷᠴᠤ ᠤᠷᠤᠢᠶᠢᠨ ᠲᠡᠪᠳᠠᠯᠭᠠ ᠪᠠᠨ ᠬᠠᠷᠢᠭᠤᠴᠡᠨ ᠠᠵᠢᠯᠯᠠᠵᠤ ᠪᠠᠶ᠋ᠢᠬ᠍ᠰᠠᠨ᠃ ᠨᠤᠭᠤᠰᠤᠳᠡᠢ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠤᠤᠯᠤᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠦᠯᠵᠡᠢ ᠪᠠᠭᠰᠢ ᠡᠴᠡ᠄ 《ᠤᠣᠯᠨᠢ ᠮᠠᠨᠤ ᠰᠤᠷᠭᠠᠭᠤᠯᠢᠶᠢᠨ ᠲᠣᠭᠠᠨᠤ ᠤᠬᠠᠭᠠᠨᠤ ᠬᠢᠴᠢᠶᠡᠯᠤᠨ ᠬᠢᠷᠢ ᠪᠦᠳᠦᠮᠵᠢ ᠪᠦᠬᠦ ᠬᠤᠰᠢᠭᠤᠨ ᠳ᠋ᠠᠭᠠᠨ ᠬᠤᠶ᠋ᠢᠭᠤᠷ ᠪᠠᠶ᠋ᠢᠷᠢᠨᠳᠤ ᠪᠠᠶ᠋ᠢᠭ᠍ᠰᠠᠨ᠃ ᠯᠢ ᠮᠸᠢ ᠷᠦᠩ ᠮᠠᠨᠤ ᠰᠤᠷᠭᠠᠭᠤᠯᠢᠳᠤ ᠢᠷᠡᠵᠦ ᠲᠣᠭᠠᠨᠤ ᠤᠬᠠᠭᠠᠨ ᠵᠢᠭᠠᠭᠰᠠᠨᠠᠴᠠ ᠰᠡᠭᠦᠯᠡᠷ ᠮᠠᠨᠤ ᠰᠤᠷᠭᠠᠭᠤᠯᠢᠶᠢᠨ ᠲᠣᠭᠠᠨᠤ ᠤᠬᠠᠭᠠᠨᠤ ᠬᠢᠴᠢᠶᠡᠯᠤᠨ ᠬᠢᠷᠢ ᠪᠦᠳᠦᠮᠵᠢ ᠪᠦᠬᠦ ᠬᠤᠰᠢᠭᠤᠨᠤ ᠲᠡᠷᠢᠭᠦᠨᠤ ᠠ᠋ᠩᠨᠡᠭᠡᠨᠳᠤ ᠳᠠᠪᠰᠢᠨ ᠤᠷᠤᠵᠠᠢ》 ᠬᠡᠵᠦ ᠡᠷᠬᠢᠴᠡᠬᠦᠯᠵᠦ ᠦᠩᠭᠡᠷᠡᠪᠡ᠃
1988 ᠤᠨᠳᠤ ᠲᠡᠷᠨ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠤᠢᠳᠤ ᠬᠤᠰᠢᠭᠤᠨᠤ ᠭᠠᠨᠵᠤᠭᠠᠳᠠᠬᠢ ᠲᠦᠷᠪᠡᠳᠤᠭᠡᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠠᠵᠢᠯ ᠰᠢᠯᠵᠢᠨ ᠪᠠᠭᠰᠢᠯᠠᠵᠤ ᠪᠠᠢᠬᠰᠠᠨ ᠵᠢᠡᠨ ᠵᠢᠭᠠᠨ ᠰᠤᠷᠭᠠᠬᠤ ᠳᠤᠷᠰᠢᠯᠭᠠ ᠪᠠᠶᠠᠯᠢᠭ᠂ ᠴᠢᠷᠮᠠᠢᠨ ᠠᠵᠢᠯᠯᠠᠳᠠᠭ ᠵᠢᠡᠷᠢᠶᠡᠨ ᠬᠤᠰᠢᠭᠤᠨᠤ ᠵᠢᠭᠠᠬᠤᠶᠢ ᠰᠤᠳᠤᠯᠬᠤ ᠲᠠᠰᠤᠭᠤᠨ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠲᠤᠭᠤᠶ᠋ᠢᠯᠠᠩᠳᠤ ᠠᠵᠢᠯ ᠰᠢᠯᠵᠢᠨ 10 ᠵᠢᠯ ᠠᠵᠢᠯᠯᠠᠵᠠᠢ᠃ ᠡᠨᠡ ᠬᠤᠭᠤᠷᠤᠨᠳᠤ ᠳᠡᠷᠡ ᠪᠦᠬᠦ ᠬᠤᠰᠢᠭᠤᠨᠤ ᠰᠤᠮᠤ ᠪᠠᠯᠭᠠᠰᠤᠶᠢᠨ ᠰᠤᠷᠭᠠᠭᠤᠯᠢ ᠪᠣᠯᠣᠨ ᠬᠤᠰᠢᠭᠤᠨᠤ ᠬᠠᠷᠢᠶᠠ ᠰᠤᠷᠭᠠᠭᠤᠯᠢᠨᠤᠭᠤᠳᠢᠶᠠᠷ ᠭᠦᠨᠵᠡᠭᠡᠶ᠋ᠢᠷᠡᠨ᠂ ᠬᠢᠴᠢᠶᠡᠯ ᠰᠤᠨᠤᠰᠬᠤ᠂ ᠦᠨᠡᠯᠡᠯᠲᠡ ᠬᠢᠬᠦ᠂ ᠤᠷᠤᠯᠳᠤᠭᠠᠨ ᠠ᠋ᠷᠬᠢᠯᠡᠬᠦ᠂ ᠪᠠᠭ᠍ᠰᠢ ᠨᠠᠷᠤᠨ ᠬᠢᠷᠢ ᠭᠡᠮᠢ ᠦᠨᠡᠯᠡᠨ ᠲᠤᠭᠲᠠᠭᠠᠬᠤ᠂ ᠰᠢᠯᠭᠠᠯᠲᠠ ᠪᠠᠶ᠋ᠢᠴᠠᠭᠠᠯᠲᠠ ᠬᠢᠬᠦ ᠵᠡᠷᠭᠡ ᠠᠵᠢᠯᠳᠤ ᠨᠠᠷᠢᠨ ᠨᠢᠭ᠍ᠲᠠ᠂ ᠲᠦᠪ ᠭᠤᠣᠯᠴᠢᠪᠠᠷ ᠬᠠᠨᠳᠤᠨ᠂ ᠪᠦᠬᠦ ᠬᠤᠰᠢᠭᠤᠨᠤ ᠲᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠵᠢᠭᠠᠨ ᠰᠤᠷᠭᠠᠬᠤ ᠦᠷᠡ ᠪᠦᠳᠦᠮᠵᠢᠶᠢ ᠨᠡᠶ᠋ᠢᠳᠡᠮ ᠲᠡᠭᠡᠭᠰᠢᠯᠡᠬᠦᠯᠬᠦᠳᠤ ᠬᠦᠴᠦᠨ ᠵᠢᠳᠬᠦᠯ ᠵᠢᠡᠨ ᠦᠵᠡᠬᠦᠯᠦᠭᠰᠡᠨ ᠶᠤᠮ᠃ 1999 ᠣᠨᠤ ᠬᠠᠪᠤᠷ᠂ ᠲᠦᠩᠯᠢᠶᠤᠤ ᠬᠤᠳᠠᠶᠢᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠰᠤᠷᠭᠠᠭᠤᠯᠢ ᠳ᠋ᠤ ᠰᠢᠯᠵᠢᠨ᠂ ᠬᠢᠴᠢᠶᠡᠯ ᠬᠦᠮᠦᠵᠢᠯᠤᠨ ᠭᠠᠵᠠᠷ ᠬᠤᠪᠢᠶᠠᠭᠳᠠᠨ ᠠᠵᠢᠯᠯᠠᠬᠤ ᠳ᠋ᠠᠭᠠᠨ ᠰᠤᠷᠭᠠᠭᠤᠯᠢᠶᠢᠨ ᠵᠢᠭᠠᠨ ᠰᠤᠷᠭᠠᠬᠤ ᠬᠢᠷᠢ ᠪᠦᠳᠦᠮᠵᠢᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦᠪᠡᠷ ᠨᠢᠬᠡ ᠯᠡ ᠰᠡᠳᠬᠢᠯ ᠵᠢᠡᠷ ᠴᠢᠷᠮᠠᠢᠪᠠ᠃ ᠳᠡᠷᠡ ᠦᠷᠬᠦᠯᠵᠢ ᠪᠠᠭᠰᠢ ᠨᠠᠷᠤᠨ ᠬᠢᠴᠢᠶᠡᠯᠢ ᠰᠤᠨᠤᠰᠴᠤ᠂ ᠦᠨᠡᠯᠡᠵᠦ᠂ ᠳᠠᠪᠠᠭᠤᠯᠢᠭ ᠳᠠᠯᠠ ᠵᠢ ᠨᠢ ᠦᠨᠡᠯᠡᠵᠦ᠂ ᠬᠦᠷᠤᠯᠴᠡᠬᠦ ᠦᠭᠡᠢ ᠲᠡᠯᠠᠶᠢᠨᠢ ᠵᠢᠭᠠᠵᠤ ᠳᠤᠬᠢᠨ᠂ ᠤᠨᠤᠯ ᠤᠶ᠋ᠢᠯᠡᠳᠤᠯᠭᠡᠶᠢ ᠤᠶᠠᠯᠳᠤᠭᠤᠯᠤᠨ ᠰᠢᠰᠲᠸᠮᠲᠠᠢ ᠵᠠᠳᠡᠯᠤᠨ ᠦᠨᠡᠯᠡᠵᠦ᠂ ᠪᠠᠭᠰᠢ ᠨᠠᠷᠵᠢᠡᠨ ᠲᠠᠪᠳᠠᠨ ᠪᠤᠯᠪᠠᠰᠤᠷᠠᠭᠤᠯᠵᠤ᠂ ᠠᠵᠢᠯ ᠳ᠋ᠤᠨᠢ ᠴᠠᠭᠠᠷᠠᠭᠤᠯᠳᠠᠭ ᠪᠠᠢᠯᠠ᠃
ᠠᠵᠢᠯ ᠬᠦᠳᠡᠯᠮᠦᠷᠢ ᠬᠦᠮᠦᠰ ᠲᠸ᠋ ᠬᠠᠮᠤᠭᠤᠨ ᠦᠨᠳᠦᠰᠦᠨ ᠮᠡᠳᠡᠯᠭᠡ ᠮᠡᠷᠭᠡᠵᠢᠯᠢ ᠡᠵᠡᠮᠰᠢᠭᠦᠯᠵᠦ᠂ ᠦᠭᠡᠳᠡᠯᠡᠨ ᠲᠠᠪᠰᠢᠬᠤ ᠡᠷᠴᠢ ᠬᠦᠴᠦᠨ᠂ ᠠᠷᠭᠠ ᠤᠬᠠᠭᠠᠨᠢ ᠤᠯᠭᠤᠳᠠᠭ᠃ ᠭᠡᠷᠭᠡᠢ ᠮᠢᠨᠢ ᠡᠨᠡ ᠬᠦ᠌ ᠲᠦᠭᠦᠮᠬᠡᠨ ᠮᠦᠷᠳᠡᠭᠡᠨ ᠦᠨᠳᠦᠰᠦᠨ ᠶᠤᠰᠤᠨᠢ ᠰᠤᠷᠤᠭᠴᠢ ᠬᠡᠤᠬᠡᠳ ᠲᠡᠭᠡᠨ ᠴᠸ᠋ ᠵᠢᠭᠠᠵᠤ᠂ ᠲᠡᠳᠡᠨ ᠲᠡᠢ ᠪᠠᠨ ᠴᠤᠭ ᠠᠵᠢᠯᠯᠠᠵᠤ ᠬᠦᠳᠡᠯᠮᠦᠷᠢᠯᠡᠵᠦ ᠯᠠ ᠶᠠᠪᠤᠬᠰᠠᠨ᠃ ᠲᠡᠭᠡᠷᠡ ᠵᠠᠭᠤᠨᠤ ᠨᠠᠶᠠᠭᠠᠳ ᠤᠨ ᠳ᠋ᠤ ᠰᠤᠷᠭᠠᠭᠤᠯᠢ ᠨᠤᠭᠤᠳ ᠴᠸ᠋ ᠦᠷᠬᠦᠯᠵᠢ ᠠᠵᠢᠯ ᠬᠦᠳᠡᠯᠮᠦᠷᠢ ᠬᠢᠵᠦ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯᠤᠨ ᠨᠦᠬᠦᠴᠡᠯᠢᠶᠡᠨ ᠰᠠᠢᠵᠢᠷᠠᠭᠤᠯᠳᠠᠭ ᠪᠠᠢᠯᠠ᠃ 1984 ᠣᠨᠤ 9 ᠰᠠᠷᠠᠶᠢᠨ 25ᠤ᠋ ᠠ᠋ᠳᠦᠷ ᠪᠠᠢᠵᠤ ᠪᠢᠯᠡ᠃ ᠲᠡᠭᠦᠨᠤ ᠮᠢᠨᠢ ᠪᠠᠢᠬᠰᠠᠨ ᠴᠢᠯᠠᠭᠤᠳᠤ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠡᠴᠡ ᠲᠡᠳᠡᠨᠤ ᠠᠩᠬᠢᠳᠤ ᠡᠪᠡᠰᠦ ᠵᠦᠭᠡᠭᠡᠬᠦ ᠠ᠋ᠭᠦᠷᠭᠡ ᠳᠤᠰᠢᠶᠠᠵᠠᠢ᠃ ᠠᠷᠤ ᠭᠠᠵᠠᠷᠤᠨ 9 ᠰᠠᠷᠠᠶᠢᠨ ᠰᠡᠭᠦᠯᠴᠢ ᠭᠡᠭᠴᠢ ᠰᠡᠷᠢᠭᠦᠦ ᠲᠠᠳᠠᠬᠰᠠᠨ ᠬᠦᠢᠳᠡᠨ ᠦᠶᠡ ᠶᠤᠮ᠃ ᠳᠡᠳᠡ ᠪᠠᠭᠰᠢ ᠰᠤᠷᠤᠭᠴᠢᠳ ᠬᠤᠰᠤᠲᠠᠢᠶᠢᠨ ᠬᠤᠯᠤᠰᠤᠨ ᠠ᠋ᠩᠭᠡᠷᠲᠤ ᠡᠪᠦᠳᠦᠭ ᠴᠢᠨᠡᠭᠡ ᠭᠦᠨ ᠬᠦᠢᠲᠡᠨ ᠤᠰᠤᠨᠳᠤ ᠣᠷᠣᠵᠤ᠂ ᠰᠤᠷᠭᠠᠭᠤᠯᠢᠶᠢᠨ ᠦᠬᠡᠷ ᠲᠡᠵᠢᠭᠡᠬᠦᠪᠠᠷ ᠬᠠᠳᠤᠭ᠍ᠰᠡᠨ ᠡᠪᠡᠰᠤ ᠬᠤᠯᠤᠰᠤᠶᠢ ᠲᠡᠪᠡᠷᠢ ᠲᠡᠪᠡᠷᠢᠪᠠᠷ ᠵᠦᠬᠡᠬᠡᠯᠡ᠃ ᠶᠠᠰᠤ ᠶᠠᠩᠭᠢᠨᠠᠮᠠ ᠬᠦᠢᠲᠡᠨ ᠤᠰᠤᠨᠳᠤ ᠬᠡᠳᠦᠷᠬᠡᠢ ᠲᠠᠭᠠᠷᠠᠵᠤ ᠵᠢᠩᠭᠢᠨᠡᠭᠰᠡᠨᠠᠴᠠ ᠪᠣᠯᠵᠤ ᠲᠡᠭᠦᠨ ᠳ᠋ᠤ ᠮᠢᠨᠢ ᠬᠡᠮ ᠠᠷᠬᠠᠭ ᠦᠯᠡᠳᠡᠵᠦ᠂ ᠤᠯᠠᠨ ᠵᠢᠯᠢᠶᠡᠷ ᠡᠪᠡᠳᠴᠦ ᠰᠢᠨᠠᠯᠵᠤ ᠪᠠᠢᠬᠰᠠᠨᠢ ᠶᠠᠭᠤ ᠭᠡᠬᠦᠪ ⁈
ᠦᠷᠦᠭᠡᠯᠤᠨ ᠪᠤᠶᠤ ᠦᠪᠡᠷᠤᠨ ᠬᠡᠤᠬᠡᠳ ᠭᠡᠮᠡᠨ ᠠᠯᠠᠭ ᠦᠭᠡᠢ ᠬᠠᠨᠳᠤᠳᠠᠭ ᠭᠡᠷᠭᠡᠢ ᠮᠢᠨᠢ ᠰᠤᠷᠤᠭ᠍ᠴᠢᠪᠠᠨ ᠭᠡᠪᠡᠯ ᠣᠨᠲᠠᠵᠤ ᠢᠳᠡᠬᠦ ᠪᠠᠨ ᠬᠦᠷᠲᠡᠯᠡ ᠮᠠᠷᠲᠠᠴᠢᠬᠠᠳᠠᠭ ᠬᠠᠯᠠᠭᠤᠮᠰᠤᠭ ᠰᠡᠳᠭᠢᠯᠭᠡ ᠲᠡᠢ ᠨᠢᠭᠡᠨ᠃ ᠨᠢᠬᠡᠨ ᠡᠪᠤᠯᠤᠨ ᠬᠦᠢᠳᠡᠨᠳᠤ ᠲᠡᠷᠡ ᠰᠢᠪᠡᠷ ᠵᠢᠭᠤᠷᠠᠵᠤ ᠠ᠋ᠮᠡᠭᠳᠡᠢ ᠰᠤᠷᠤᠭ᠍ᠴᠢᠳᠤᠨᠢᠶᠠᠨ ᠪᠠᠶ᠋ᠢᠷᠢᠶᠢᠨ ᠬᠠᠨᠵᠤᠶᠢᠨᠢ ᠵᠠᠰᠠᠵᠤ ᠪᠠᠶ᠋ᠢᠭᠠᠳ ᠲᠤᠯᠤᠭᠠᠢ ᠲᠡᠭᠡᠷᠠ ᠨᠢ ᠲᠤᠭᠤᠰᠬᠠ ᠤᠨᠠᠵᠤ ᠮᠡᠳᠡᠭᠡ ᠰᠡᠭᠡᠭᠡ ᠦᠭᠡᠢ ᠪᠤᠯᠤᠬᠰᠠᠨ ᠤᠳᠠᠭᠠ ᠲᠠᠢ； ᠰᠤᠷᠤᠭ᠍ᠴᠢᠳᠨᠢ ᠬᠢᠮᠤᠷᠠᠭᠠ ᠲᠠᠭᠰᠢᠭᠤᠷᠲᠤ ᠨᠡᠷᠪᠡᠭᠳᠡᠬᠦ ᠪᠤᠶᠤ ᠬᠤᠳᠤᠭᠤᠳᠤ ᠬᠡᠳᠡᠰᠤᠨᠢ ᠡᠪᠡᠳᠪᠡᠯ ᠬᠡᠷᠠᠴᠠ ᠰᠢᠩᠭᠡᠨ ᠪᠤᠳᠠᠭᠠ ᠴᠢᠨᠡᠵᠤ ᠠᠪᠡᠴᠢᠨ ᠢᠳᠡᠬᠦᠯᠳᠡᠭ； ᠰᠤᠷᠤᠭᠴᠢ ᠪᠠᠨ ᠵᠢᠳᠬᠦᠬᠦᠷ ᠲᠡᠷᠭᠡ ᠪᠡᠷ ᠵᠢᠳᠬᠦᠬᠡᠳ ᠡᠮᠨᠡᠯᠬᠡ ᠳ᠋ᠤ ᠬᠦᠷᠬᠡᠵᠦ ᠪᠠᠢᠭᠰᠠᠨ ᠤᠳᠠᠭᠠ ᠴᠤ᠌ ᠪᠤᠢ᠃ ᠡᠢᠮᠦᠷᠬᠦᠤ ᠡᠳᠦᠷᠤᠨ ᠤᠳᠠᠭᠠᠨ ᠳ᠋ᠤ ᠰᠤᠷᠤᠭᠴᠢᠳᠤᠨ ᠵᠢᠡᠨ ᠪᠢᠰᠢᠷᠡᠯ ᠬᠦᠨᠳᠦᠳᠭᠡᠯᠢ ᠤᠯᠵᠤ᠂ ᠰᠤᠷᠤᠭᠴᠢᠳ ᠨᠢ 《ᠡᠵᠢ ᠪᠠᠭᠰᠢ》 ᠬᠡᠵᠦ ᠲᠤᠳᠤᠨᠤᠴᠢᠯᠠᠨ ᠲᠠᠭᠤᠳᠠᠳᠠᠭ ᠪᠤᠯᠤᠯᠠ᠃
ᠬᠡᠦᠬᠡᠳ ᠪᠠᠭᠠᠴᠤᠳᠢ ᠬᠦᠮᠦᠵᠢᠬᠦᠯᠬᠦ ᠠᠷᠢᠭᠤᠨ ᠳᠠᠷᠬᠠᠨ ᠦᠢᠯᠡᠰ ᠲᠤ᠌ ᠨᠠᠰᠤ ᠪᠡᠷᠢᠶᠡᠨ ᠵᠢᠳᠬᠦᠭᠰᠡᠨ ᠭᠡᠷᠭᠡᠢ ᠮᠢᠨᠢ 2002 ᠣᠨᠤ ᠨᠠᠮᠤᠷ ᠦᠩᠬᠡ ᠭᠡᠷᠡᠯᠲᠡᠢᠪᠠᠷ ᠨᠠᠰᠤᠨᠤ ᠠᠮᠠᠷᠠᠯᠲᠠᠪᠠᠨ ᠠᠪᠴᠠᠢ᠃ ᠠᠮᠠᠷᠠᠯᠲᠠᠪᠠᠨ ᠠᠪᠤᠭᠰᠠᠨᠤ ᠲᠠᠷᠠᠭᠠ ᠴᠸ᠋ ᠬᠠᠮᠲᠤ ᠠᠵᠢᠯᠯᠠᠭᠰᠠᠳ ᠪᠤᠯᠤᠨ ᠰᠤᠷᠤᠭ᠍ᠴᠢ ᠬᠡᠤᠬᠡᠳᠨᠢ ᠲᠡᠭᠦᠨᠢ ᠦᠷᠬᠦᠯᠵᠢ ᠡᠷᠬᠢᠵᠦ ᠦᠵᠡᠳᠡᠭ ᠪᠠᠢᠬᠰᠠᠨ ᠨᠢ ᠰᠠᠢᠬᠠᠨ᠃ ᠠᠵᠢᠯᠴᠢ ᠬᠦᠮᠦᠨ ᠳ᠋ᠤ ᠠᠵᠢᠯ ᠮᠤᠩᠳᠠᠬᠤ ᠦᠭᠡᠢ ᠭᠡᠳᠡᠭᠴᠢᠯᠡᠨ᠂ ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠭᠰᠠᠨᠤ ᠳᠠᠷᠠᠭᠠ ᠲᠡᠷᠡ ᠪᠡᠷ ᠪᠡᠶᠠ ᠠᠨᠠᠢ ᠪᠠᠢᠭᠰᠠᠨ ᠴᠤ᠌ ᠨᠠᠮᠠ ᠵᠢ ᠬᠠᠪᠰᠤᠷᠴᠤ 《ᠪᠢᠩᠲᠤ ᠬᠤᠰᠢᠭᠤᠨᠤ ᠲᠡᠤᠬᠡ ᠲᠡᠮᠳᠡᠭᠯᠡᠯ》᠂ 《ᠠᠯᠳᠠᠨ ᠤᠭᠰᠠᠭᠠᠲᠠᠨᠤ ᠬᠤᠶ᠋ᠢᠴᠢᠰ》 ᠭᠡᠬᠦ ᠨᠣᠮ ᠪᠠ ᠠᠯᠳᠠᠷᠲᠤ ᠠᠶᠠᠯᠭᠤ ᠵᠣᠬᠢᠶᠠᠭ᠍ᠴᠢ ᠲᠤᠯᠭᠠᠭᠤᠷᠢ ᠠᠬᠠᠶᠢᠨᠢᠶᠠᠨ ᠲᠡᠤᠬᠡ ᠨᠠᠮᠲᠠᠷᠢ ᠪᠢᠴᠢᠬᠦᠳᠤ ᠶᠡᠬᠡᠬᠡᠨ ᠬᠠᠪᠰᠤᠷᠤᠯᠭᠠ ᠲᠡᠮᠵᠢᠯᠭᠡ ᠦᠵᠡᠭᠦᠯᠪᠡ᠃
ᠬᠠᠢᠷᠠᠳᠤ ᠭᠡᠷᠭᠡᠢ ᠮᠢᠨᠢ ᠨᠠᠰᠤᠨ ᠲᠤᠷᠰᠢ ᠰᠤᠷᠤᠭ᠍ᠴᠢ ᠬᠡᠤᠬᠡᠳᠢᠶᠠᠨ ᠰᠤᠷᠭᠠᠵᠤ ᠬᠦᠮᠦᠵᠢᠬᠦᠯᠦᠭᠰᠡᠨ ᠡᠴᠡ ᠭᠠᠳᠠᠨᠠ᠂ ᠨᠠᠰᠤᠳᠠᠨ ᠪᠤᠭᠤᠷᠤᠯ ᠠ᠋ᠮᠡᠭᠡ᠂ ᠡᠪᠡᠳᠴᠢᠨ ᠬᠠᠭᠤᠴᠢᠨᠲᠠᠢ ᠡᠵᠢᠪᠠᠨ ᠠᠰᠠᠷᠠᠵᠤ ᠬᠠᠷᠠᠭᠠᠯᠵᠠᠬᠤ ᠡᠴᠡ ᠭᠤᠷᠪᠠᠨ ᠬᠡᠤᠬᠡᠳᠢ ᠠᠷᠠᠴᠢᠯᠠᠵᠤ ᠲᠤᠳᠤᠮᠳᠠᠬᠤ ᠭᠡᠳ ᠠᠯᠢ ᠠᠯᠢᠨ ᠳ᠋ᠤᠨᠢ ᠴᠸ᠋ ᠤᠰᠤᠯᠳᠠᠯ ᠦᠬᠡᠢ ᠴᠢᠷᠮᠠᠢᠵᠤ ᠯᠡ ᠶᠠᠪᠤᠭᠰᠠᠨ᠃ 2022 ᠤᠨᠳᠤ ᠲᠡᠷᠡ ᠮᠢᠨᠢ 78 ᠨᠠᠰᠤᠨ ᠳ᠋ᠠᠭᠠᠨ ᠡᠯᠢᠭᠡᠨ ᠬᠠᠢᠷᠠᠳᠤ ᠨᠤᠳᠤᠭ ᠤᠰᠤᠨ᠂ ᠡᠷᠬᠡ ᠲᠠᠷᠬᠠᠨ ᠦᠢᠯᠡᠰ᠂ ᠡᠩᠬᠦᠷᠡᠢ ᠬᠠᠢᠷᠠᠳᠤ ᠭᠡᠷᠤᠨ ᠬᠦᠮᠦᠰ ᠡᠴᠡ ᠪᠠᠨ ᠠ᠋ᠬᠦᠷᠢᠳᠡ ᠠᠶᠠᠷᠯᠠᠨ ᠶᠢᠷᠳᠢᠨᠴᠦᠶᠢᠨ ᠮᠦᠩᠬᠡ ᠪᠤᠰᠤ ᠵᠢ ᠦᠵᠡᠭᠦᠯᠵᠡᠢ᠃ ᠲᠡᠭᠦᠨᠤ ᠮᠢᠨᠢ ᠦᠢᠯᠡᠰᠢᠶᠡᠨ ᠭᠡᠰᠡᠨ ᠲᠡᠮᠡᠴᠡᠯ ᠲᠡᠮᠡᠤᠯᠤᠯ᠂ ᠠᠢᠯ ᠭᠡᠷ ᠲᠡᠭᠡᠨ ᠦᠵᠡᠭᠦᠯᠦᠭᠰᠡᠨ ᠠᠴᠢᠯᠠᠯ ᠬᠠᠢᠷᠠ ᠨᠢ ᠦᠨᠢ ᠡᠭᠦᠷᠢᠳᠡ ᠲᠤᠷᠠᠰᠤᠭᠳᠠᠨ ᠰᠠᠨᠠᠭᠳᠠᠨᠠᠮ ！