ᠬᠢᠴᠢᠶᠡᠯ ᠰᠤᠷᠤᠯᠭᠠ ᠬᠡᠵᠦ ᠨᠢᠬᠡ ᠬᠤᠭᠤᠴᠠᠭᠠ ᠮᠤᠩᠭᠠᠨᠢᠭᠰᠠᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠮᠠᠨᠢ ᠵᠤᠨᠤ ᠰᠠᠢᠬᠠᠨ ᠠᠮᠠᠷᠠᠯᠳᠠ ᠪᠠᠨ ᠤᠭᠳᠤᠯᠠ᠃ ᠡᠨᠡ ᠬᠦ᠌ ᠤᠷᠳᠤ ᠠᠮᠠᠷᠠᠯᠳᠠ ᠨᠢ ᠲᠠ ᠪᠢᠳᠡᠨᠤ ᠵᠢᠭᠤᠯᠴᠢᠯᠠᠨ ᠰᠡᠯᠡᠬᠦᠴᠡᠵᠦ ᠶᠠᠳᠠᠷᠠᠭᠠ ᠴᠢᠯᠡᠬᠡ ᠪᠠᠨ ᠳᠠᠢᠯᠠᠬᠤ ᠰᠠᠢᠬᠠᠨ ᠮᠦᠴᠡ ᠪᠤᠯᠬᠤ ᠪᠡᠷ ᠪᠠᠷᠠᠬᠤ ᠦᠬᠡᠢ᠂ ᠨᠡᠩ ᠴᠤ᠌ ᠳᠠᠨᠢᠨ ᠮᠡᠳᠡᠬᠦᠢ ᠵᠢᠨ ᠵᠠᠭᠠᠭ ᠬᠢᠵᠠᠭᠠᠷ ᠵᠢᠡᠨ ᠦᠷᠬᠡᠳᠬᠡᠵᠦ ᠰᠤᠶᠤᠯ ᠮᠡᠳᠡᠯᠬᠡ ᠬᠤᠷᠠᠮᠳᠤᠭᠤᠯᠬᠤ ᠰᠠᠢᠬᠠᠨ ᠵᠠᠪᠰᠢᠶᠠᠨ ᠪᠤᠯᠬᠤ ᠶᠤᠮ᠃ ᠭᠠᠷ ᠤᠳᠠᠰᠤᠨᠤ ᠳᠡᠯᠬᠡᠴᠡ ᠪᠡᠷ ᠳᠠᠷᠠᠬᠠᠢ ᠪᠤᠳᠠᠷᠬᠠᠢ ᠤᠩᠰᠢᠯᠭᠠ ᠭᠠᠵᠠᠷ ᠵᠠᠢ ᠠᠪᠤᠭᠰᠠᠨ ᠦᠶᠠ ᠳ᠋ᠤ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠳᠠᠢᠪᠤᠭᠤᠨ ᠪᠠᠢᠯᠭᠠᠵᠤ᠂ ᠳᠡᠰᠪᠦᠷᠢᠳᠡᠢ ᠰᠠᠭᠤᠵᠤ ᠨᠤᠮ ᠤᠩᠰᠢᠬᠤ ᠬᠡᠭᠴᠢ ᠪᠠᠰᠠ ᠨᠢᠬᠡᠨ ᠬᠢᠯᠪᠠᠷ ᠪᠢᠰᠢ ᠶᠠᠪᠤᠳᠠᠯ ᠪᠢᠯᠡ᠃
ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠨᠤᠮ ᠤᠩᠰᠢᠯᠭᠠ ᠵᠢᠨ ᠳᠤᠬᠠᠢ 《ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠦᠬᠡᠳ ᠪᠠᠭᠠᠴᠤᠳᠤᠨ ᠤᠩᠰᠢᠯᠭᠠᠶᠢᠨ ᠣᠳᠣᠬᠢ ᠪᠠᠢᠳᠠᠯ ᠬᠢᠭᠡᠳ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠᠶᠢᠨ ᠲᠤᠬᠠᠢ ᠪᠠᠢᠴᠠᠭᠠᠨ ᠰᠤᠳᠤᠯᠤᠯᠲᠠᠶᠢᠨ ᠮᠡᠳᠡᠭᠦᠯᠦᠯᠲᠡ》 ᠳ᠋ᠤ᠂ ᠭᠠᠷᠠᠭᠤᠨ ᠰᠡᠭᠦᠯᠴᠢ ᠪᠤᠶᠤ ᠡᠪᠦᠯ ᠵᠣᠨᠤ ᠠᠮᠠᠷᠠᠯᠲᠠᠳ᠋ᠤ ᠵᠢᠷᠭᠤᠭᠠᠨ ᠬᠤᠪᠢ ᠠ᠋ᠴᠠ ᠳᠡᠭᠡᠭᠰᠢᠬᠢ ᠬᠡᠦᠬᠡᠳᠦᠨ ᠡᠳᠦᠷ ᠪᠦᠷᠢᠶᠢᠨ ᠤᠩᠰᠢᠯᠭᠠᠶᠢᠨ ᠴᠠᠭ ᠨᠢ 30 ᠮᠢᠨᠦ᠋ᠲᠡᠴᠡ ᠬᠡᠲᠦᠷᠡᠬᠦ ᠦᠭᠡᠢ ᠮᠥᠷᠲᠡᠭᠡᠨ ᠪᠠᠷᠤᠭ ᠨᠢᠭᠡ ᠬᠤᠪᠢ ᠣᠷᠴᠢᠮᠤᠨ ᠬᠡᠦᠬᠡᠳ ᠬᠢᠴᠢᠶᠡᠯᠦᠨ ᠭᠠᠳᠠᠭᠤᠷᠬᠢ ᠨᠣᠮ ᠤᠩᠰᠢᠳᠠᠭ ᠦᠭᠡᠢ ᠬᠡᠰᠡᠨ ᠪᠠᠢᠨᠠ᠃ ᠡᠬᠦᠨᠤ ᠳᠤᠬᠠᠢ ᠰᠢᠯᠳᠠᠭᠠᠨᠢ ᠵᠠᠳᠠᠯᠪᠠᠯ᠂ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠵᠢᠨ ᠳᠠᠷᠤᠭᠠᠰᠤ ᠪᠠ ᠰᠦᠯᠵᠢᠶᠡᠨᠤ ᠵᠤᠭᠠ ᠴᠡᠩᠬᠡᠯᠤᠨ ᠨᠦᠯᠦᠭᠡᠯᠡᠯ ᠵᠢᠴᠢ ᠬᠡᠷ ᠪᠦᠯᠢ ᠵᠢᠨ ᠨᠤᠮ ᠤᠩᠰᠢᠯᠭᠠ ᠵᠢᠨ ᠳᠤᠳᠠᠭᠤᠳᠠᠯ᠂ ᠨᠡᠢᠬᠡᠮᠤᠨ ᠤᠩᠰᠢᠯᠭᠠ ᠵᠢᠨ ᠡᠬᠢ ᠪᠠᠶᠠᠯᠢᠭᠤᠨ ᠳᠤᠬᠢᠷᠠᠭᠤᠯᠤᠯᠳᠠ ᠵᠢᠨ ᠬᠠᠮᠵᠢᠯᠴᠠᠭᠠ ᠬᠦᠷᠦᠯᠴᠡᠬᠦ ᠦᠬᠡᠢ ᠮᠡᠳᠤ ᠵᠢᠨ ᠤᠯᠠᠨ ᠳᠠᠯᠠ ᠪᠤᠢ ᠭᠡᠪᠡ᠃ ᠢᠯᠠᠩᠭᠤᠶᠠ ᠭᠠᠷ ᠤᠳᠠᠰᠤᠨᠤ ᠣᠬᠣᠷ ᠸᠢᠳᠢᠤ᠋᠂ ᠰᠦᠯᠵᠢᠶᠡᠨᠦ ᠲᠣᠭᠯᠠᠭᠠᠮ ᠵᠡᠷᠭᠡ ᠵᠤᠭᠠ ᠴᠡᠩᠭᠡᠯᠦᠨ ᠬᠡᠯᠪᠡᠷᠢ ᠨᠢ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠠᠩᠬᠠᠷᠤᠯ ᠢ ᠳᠠᠳᠠᠵᠤ᠂ ᠴᠦᠬᠡᠨ ᠪᠤᠰᠤ ᠨᠢ ᠴᠠᠭ ᠮᠦᠴᠡ ᠵᠢ ᠦᠯᠦ ᠮᠡᠳᠡᠬᠦ ᠵᠢᠨ ᠬᠤᠭᠤᠷᠤᠨᠳᠤ ᠦᠷᠡᠵᠦ ᠰᠦᠢᠳᠬᠡᠵᠦ ᠪᠠᠢᠭᠠ ᠶᠤᠮ᠃ ᠡᠬᠦᠨ ᠡᠴᠡ ᠭᠠᠳᠠᠨᠠ ᠪᠠᠰᠠ ᠵᠠᠷᠢᠮ ᠬᠡᠷᠤᠨ ᠠᠬᠠᠮᠠᠳ ᠬᠡᠦᠬᠡᠳᠤᠨ ᠠᠮᠠᠷᠠᠯᠳᠠ ᠵᠢᠨ ᠴᠠᠭ ᠢ ᠳᠡᠩᠳᠡᠬᠦᠦ ᠪᠠᠴᠢᠮ ᠳᠤᠬᠢᠷᠠᠭᠤᠯᠵᠤ᠂ 《ᠭᠤᠷᠪᠠᠳᠤᠭᠠᠷ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭᠠ》ᠰᠢᠬ ᠪᠤᠯᠭᠠᠵᠤ᠂ ᠬᠡᠯᠡ ᠶᠠᠷᠢᠶᠠ᠂ ᠳᠠᠭᠤᠤ ᠵᠢᠷᠤᠭ ᠪᠦᠵᠢᠭ᠂ ᠤᠷᠠᠨ ᠪᠢᠴᠢᠯᠬᠡ᠂ ᠰᠠᠭᠰᠤᠨ ᠪᠦᠮᠪᠦᠬᠡ᠂ ᠬᠦᠯ ᠪᠦᠮᠪᠦᠬᠡ᠂ ᠤᠰᠤᠨ ᠳ᠋ᠤ ᠤᠮᠪᠠᠬᠤ ᠬᠡᠬᠦ ᠮᠡᠳᠤ ᠤᠯᠠᠨ ᠵᠦᠢᠯᠤᠨ ᠳᠤᠷᠠ ᠰᠤᠨᠢᠷᠬᠠᠯᠳᠤ ᠬᠢᠴᠢᠶᠡᠯ ᠪᠤᠶᠤ ᠳᠤᠭᠠ᠂ ᠹᠢᠽᠢᠺ᠂ ᠬᠢᠮᠢ ᠬᠡᠮᠡᠨ ᠤᠷᠢᠳᠴᠢᠯᠠᠨ ᠰᠤᠷᠬᠤ ᠬᠢᠴᠢᠶᠡᠯ ᠳᠤᠬᠢᠷᠠᠭᠤᠯᠤᠭᠰᠠᠨ ᠡᠴᠡ ᠪᠤᠯᠵᠤ᠂ ᠰᠤᠷᠤᠭᠴᠢᠳᠤᠨ ᠪᠡᠶᠠ ᠪᠠᠨ ᠳᠠᠭᠠᠭᠠᠵᠤ ᠨᠤᠮ ᠤᠩᠰᠢᠬᠤ ᠴᠠᠭ ᠵᠠᠢ ᠵᠢ ᠪᠠᠭᠠᠰᠬᠠᠭᠰᠠᠨ ᠪᠠᠢᠨᠠ᠃
ᠨᠣᠮ ᠤᠩᠰᠢᠯᠭᠠ ᠪᠣᠯ ᠨᠢᠬᠡᠨ ᠤᠷᠲᠤ ᠬᠤᠭᠤᠴᠠᠭᠠᠪᠠᠷ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠬᠦ ᠪᠠ ᠭᠦᠨᠵᠡᠭᠡᠢ ᠰᠡᠳᠬᠢᠨ ᠪᠣᠳᠣᠯᠬᠢᠯᠠᠬᠤ ᠠᠵᠢᠯᠯᠠᠭᠠ ᠪᠣᠯᠣᠨᠠ᠃ ᠵᠤᠨᠤ ᠠᠮᠠᠷᠠᠯᠲᠠᠶᠢᠨ ᠴᠠᠭ ᠤᠷᠲᠤ ᠪᠤᠯᠬᠤᠷ ᠬᠡᠷᠪᠡ ᠪᠢᠳᠡ ᠴᠠᠭ ᠵᠢᠡᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠵᠦᠢ ᠵᠤᠬᠢᠰᠳᠠᠢ ᠳᠤᠬᠢᠷᠠᠭᠤᠯᠵᠤ ᠴᠢᠳᠠᠪᠠᠯ ᠤᠩᠰᠢᠯᠭᠠ ᠶ᠋ᠢᠨ ᠴᠢᠳᠠᠪᠤᠷᠢ ᠶ᠋ᠢ ᠬᠥᠮᠥᠵᠢᠭᠦᠯᠬᠦ ᠠᠵᠠ ᠲᠣᠬᠢᠶᠠᠯ ᠪᠤᠯᠬᠤ ᠶᠤᠮ᠃ ᠡᠢᠮᠦᠡᠴᠡ ᠪᠢᠳᠡ᠂ ᠵᠤᠨᠤ ᠠᠮᠠᠷᠠᠯᠲᠠᠶᠢᠨ ᠲᠣᠬᠢᠶᠠᠯᠢ ᠰᠠᠢᠲᠤᠷ ᠠᠰᠢᠭ᠍ᠯᠠᠵᠤ᠂ ᠬᠡᠤᠬᠡᠳᠢᠶᠡᠨ ᠬᠠᠮᠵᠢᠨ ᠤᠩᠰᠢᠯᠭᠠᠶᠢᠨ ᠲᠥᠯᠥᠪᠯᠡᠭᠡᠶᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢᠪᠠᠷ ᠲᠣᠭᠲᠠᠭᠠᠵᠤ᠂ ᠡᠯᠡ ᠲᠦᠷᠦᠯᠦᠨ ᠡᠯᠧᠺᠲᠷᠣᠨ ᠦᠢᠯᠡᠳᠬᠦᠨᠳᠦ ᠴᠠᠭ ᠵᠢᠡᠨ ᠬᠡᠰᠡᠭ ᠪᠤᠰᠠᠭᠢᠶᠡᠷ ᠦᠷᠡᠬᠦᠶᠢ ᠲᠡᠪᠴᠢᠵᠦ᠂ ᠰᠣᠩᠭᠣᠳᠠᠭ ᠵᠣᠬᠢᠶᠠᠯ ᠪᠦᠲᠦᠭᠡᠯᠢ᠋ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠦᠨ ᠰᠢᠰᠲᠧᠮᠲᠠᠢ ᠤᠩᠰᠢᠭᠤᠯᠪᠠᠯ ᠵᠤᠬᠢᠨᠠ᠂ ᠡᠭᠦᠨᠤ ᠤᠯᠠᠮᠢᠶᠡᠷ ᠭᠦᠨᠵᠡᠭᠡᠢ ᠰᠡᠳᠬᠢᠬᠦ ᠴᠢᠳᠠᠪᠤᠷᠢ ᠨᠢ ᠴᠸ᠋ ᠬᠥᠮᠥᠵᠢᠭᠳᠡᠬᠦ ᠪᠤᠯᠤᠨᠠ᠃ ᠬᠡᠷᠤᠨ ᠠᠬᠠᠮᠠᠳ ᠴᠤ᠌ ᠨᠤᠮ ᠤᠩᠰᠢᠬᠤ ᠵᠢᠨ ᠴᠢᠬᠤᠯᠠ ᠴᠢᠨᠠᠷᠢ ᠳᠠᠨᠢᠵᠤ᠂ ᠭᠠᠷ ᠤᠳᠠᠰᠤ ᠪᠠᠨ ᠳᠠᠯᠪᠢᠵᠤ ᠨᠤᠮ ᠰᠤᠳᠤᠷ ᠤᠷᠪᠠᠭᠤᠯᠵᠤ᠂ ᠪᠡᠶᠠ ᠪᠡᠷ ᠵᠢᠡᠨ ᠬᠡᠪ ᠳᠠᠭᠤᠷᠢᠶᠠᠯ ᠪᠤᠯᠬᠤ ᠵᠢᠨ ᠳᠠᠭᠠᠤ ᠴᠠᠭ ᠴᠢᠯᠦᠬᠡ ᠪᠠᠨ ᠵᠠᠢᠴᠢᠯᠠᠵᠤ᠂ ᠬᠡᠦᠬᠡᠳ ᠵᠢᠡᠨ ᠳᠠᠭᠠᠭᠤᠯᠤᠨ ᠨᠤᠮᠤᠨ ᠰᠠᠩ᠂ ᠨᠤᠮᠤᠨ ᠳᠡᠯᠬᠡᠬᠦᠷ ᠵᠢᠡᠷ ᠢᠯᠡᠬᠦᠬᠡᠨ ᠬᠦᠷᠴᠦ᠂ ᠨᠤᠮ ᠤᠩᠰᠢᠯᠭᠠ ᠵᠢᠨ ᠠᠭᠤᠷ ᠠᠮᠢᠰᠬᠤᠯᠢ ᠪᠤᠢ ᠪᠤᠯᠭᠠᠵᠤ ᠦᠭᠪᠡᠯ ᠵᠤᠬᠢᠨᠠ᠃ ᠰᠤᠷᠭᠠᠭᠤᠯᠢ ᠪᠣᠯ ᠮᠦᠨ ᠴᠤ᠌ ᠰᠤᠷᠤᠭ᠍ᠴᠢᠳᠤᠨ ᠵᠤᠨᠤ ᠠᠮᠠᠷᠠᠯᠲᠠᠶᠢᠨ ᠤᠩᠰᠢᠯᠭᠠᠶᠢᠨ ᠴᠢᠬᠤᠯᠠ ᠳᠠᠭᠠᠭᠤᠯᠤᠭ᠍ᠴᠢ ᠪᠥᠭᠡᠳ ᠵᠣᠬᠢᠶᠠᠨ ᠪᠠᠢᠭᠤᠯᠤᠭ᠍ᠴᠢ ᠪᠤᠯᠤᠨᠠ᠃ ᠵᠣᠨᠤ ᠠᠮᠠᠷᠠᠯᠲᠠ ᠪᠤᠯᠬᠤ ᠪᠡᠷ ᠡᠯᠡ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠪᠠᠭᠰᠢ ᠨᠠᠷ ᠰᠤᠷᠤᠭᠴᠢᠳᠲᠤ ᠱᠠᠲᠤ ᠬᠤᠪᠢᠶᠠᠨ ᠨᠣᠮ ᠤᠩᠰᠢᠬᠤ ᠬᠠᠭᠤᠳᠠᠰᠤ ᠬᠠᠩᠭᠠᠵᠤ᠂ ᠠᠮᠠᠷᠠᠯᠳᠠᠶᠢᠨ ᠬᠤᠭᠤᠴᠠᠭᠠᠨᠤ ᠤᠩᠰᠢᠯᠭᠠ ᠵᠢ ᠨᠢ ᠬᠦᠳᠦᠯᠦᠨ ᠵᠢᠯᠤᠭᠤᠳᠴᠤ ᠪᠤᠯᠤᠨᠠ᠃ ᠡᠨᠡ ᠦᠶᠠ ᠳ᠋ᠤ ᠬᠡᠷᠤᠨ ᠠᠬᠠᠮᠠᠳ ᠰᠠᠢᠳᠤᠷ ᠬᠠᠮᠵᠢᠯᠴᠠᠵᠤ᠂ ᠬᠡᠦᠬᠡᠳᠤᠨᠢᠶᠡᠨ ᠨᠤᠮ ᠵᠢᠡᠨ ᠴᠠᠭ ᠳᠤᠬᠠᠢ ᠳ᠋ᠤᠨᠢ ᠴᠢᠨᠠᠷᠯᠢᠭ ᠤᠩᠰᠢᠵᠤ ᠳᠠᠭᠤᠰᠬᠠᠬᠤ ᠵᠢ ᠰᠠᠢᠳᠤᠷ ᠬᠢᠨᠠᠵᠤ ᠬᠠᠮᠵᠢᠯᠴᠠᠪᠠᠯ ᠤᠩᠰᠢᠯᠭᠠ ᠵᠢᠨ ᠦᠷᠠ ᠪᠦᠳᠦᠮᠵᠢ ᠵᠢ ᠳᠡᠬᠡᠭᠰᠢᠯᠡᠬᠦᠯᠵᠦ ᠴᠢᠳᠠᠬᠤ ᠶᠤᠮ᠃
ᠨᠤᠮ ᠤᠩᠰᠢᠯᠭᠠ ᠨᠢ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠦᠷᠬᠡᠨ ᠠᠭᠤᠳᠠᠮ ᠳᠡᠯᠡᠬᠡᠢ ᠶᠢᠷᠳᠢᠨᠴᠤ ᠵᠢ ᠤᠢᠯᠠᠭᠠᠬᠤ ᠬᠦᠬᠦᠷᠬᠡ ᠬᠤᠯᠪᠤᠭᠠᠰᠤ ᠪᠤᠯᠵᠤ ᠴᠢᠳᠠᠳᠠᠭ᠃ ᠡᠢᠮᠦ ᠡᠴᠡ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ ᠮᠠᠨᠢ ᠠᠮᠠᠷᠠᠯᠳᠠ ᠪᠡᠷ ᠪᠡᠶᠠ ᠪᠠᠨ ᠳᠠᠭᠠᠭᠠᠵᠤ ᠂ ᠰᠤᠩᠭᠤᠳᠠᠭ ᠨᠤᠮ ᠳᠠᠢ ᠨᠦᠬᠦᠷᠯᠡᠵᠦ᠂ ᠤᠶᠤᠨ ᠤᠬᠠᠭᠠᠨᠢᠶᠡᠨ ᠲᠡᠯᠡᠵᠦ ᠶᠠᠪᠤᠶᠠ᠃