ᠰᠤᠷᠪᠤᠯᠵᠢᠯᠠᠭ᠍ᠴᠢ ᠦᠪᠦᠷ ᠮᠤᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠨᠠᠮᠤᠨ ᠬᠣᠷᠢᠶᠠᠶᠢᠨ ᠨᠡᠢᠭᠡᠮᠦᠨ ᠠᠵᠢᠯᠤᠨ ᠬᠡᠯᠲᠡᠰᠡᠴᠡ ᠣᠢᠯᠠᠭᠠᠭᠰᠠᠨ ᠵᠢᠡᠷ᠂ ᠰᠢᠨᠡ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠪᠦᠯᠬᠦᠮ ᠨᠡᠢᠲᠡᠳᠤ ᠦᠢᠯᠡᠴᠢᠯᠡᠬᠦ ᠶᠠᠰᠦ ᠴᠢᠨᠠᠷ ᠵᠢᠡᠨ ᠳᠡᠭᠡᠭᠰᠢᠯᠡᠬᠦᠯᠬᠦᠶᠢᠨ ᠲᠥᠯᠥᠭᠡ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠨᠥᠬᠥᠷᠰᠡᠭ ᠲᠠᠯᠠᠪᠤᠷᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢ ᠦᠷᠭᠦᠯᠵᠢᠯᠡᠨ ᠠᠬᠢᠭᠤᠯᠵᠤ᠂ ᠣᠳᠣᠬᠠᠨᠳᠤ ᠦᠪᠦᠷ ᠮᠤᠩᠭᠤᠯᠳᠤ ᠨᠢᠭᠡᠨᠲᠡ ᠡᠯᠡ ᠲᠦᠷᠦᠯᠦᠨ ᠨᠥᠬᠥᠷᠰᠡᠭ ᠲᠠᠯᠠᠪᠤᠷ ᠢ᠋ 7013 ᠪᠠᠢᠭᠤᠯᠵᠠᠢ᠃
ᠣᠳᠣᠬᠠᠨᠳᠤ᠂ ᠦᠪᠦᠷ ᠮᠤᠩᠭᠤᠯᠤᠨ ᠰᠢᠨᠡ ᠠᠵᠢᠯ ᠤᠯᠭᠤᠯᠲᠠ ᠢ᠋ᠢᠨ ᠪᠦᠯᠬᠦᠮ ᠨᠡᠢᠲᠡ 53.2 ᠲᠦᠮᠡᠨ ᠬᠥᠮᠥᠨ ᠪᠤᠢ᠃ ᠦᠪᠦᠷ ᠮᠤᠩᠭᠤᠯ ᠰᠣᠶᠣᠯ ᠢᠷᠭᠡᠨᠰᠢᠯ ᠨᠦᠬᠦᠷᠰᠡᠭ᠂ ᠠᠶᠠᠯᠠᠬᠤᠳᠤ ᠨᠦᠬᠦᠷᠰᠡᠭ᠂ ᠬᠠᠮᠲᠦ ᠪᠡᠷ ᠡᠳ᠋ᠯᠡᠬᠦᠳᠤ ᠨᠦᠬᠦᠷᠰᠡᠭ᠂ ᠦᠢᠯᠡᠴᠢᠯᠡᠭᠡ ᠨᠦᠬᠦᠷᠰᠡᠭ᠂ ᠡᠷᠬᠡ ᠠᠰᠢᠬ ᠨᠦᠬᠦᠷᠰᠡᠭ᠂ ᠠᠭᠤᠰᠤᠯᠴᠠᠯ ᠨᠦᠬᠦᠷᠰᠡᠭ᠂ ᠤᠷᠤᠯᠴᠠᠯᠭᠠ ᠨᠦᠬᠦᠷᠰᠡᠭ ᠬᠡᠬᠦ 《ᠲᠤᠯᠤᠭᠠᠨ ᠨᠦᠬᠦᠷᠰᠡᠭ》 ᠲᠸ᠋ ᠠᠩᠬᠠᠷᠤᠯ ᠢ᠋ᠢᠡᠨ ᠲᠦᠪᠯᠡᠷᠡᠭᠦᠯᠵᠦ᠂ ᠨᠦᠬᠦᠷᠰᠡᠭ ᠨᠡᠢᠭᠡᠮ ᠲᠤᠭᠤᠷᠢᠭ（ᠰᠠᠭᠤᠭᠠᠯᠢ ᠠᠷᠠᠳᠤᠨ ᠲᠤᠭᠤᠷᠢᠭ）᠂ ᠨᠦᠬᠦᠷᠰᠡᠭ ᠵᠡᠭᠡᠯᠢ ᠲᠤᠭᠤᠷᠢᠭ᠂ ᠨᠥᠬᠥᠷᠰᠡᠭ ᠬᠤᠳᠠᠯᠳᠤᠭᠠᠨᠤ ᠲᠣᠭᠣᠷᠢᠭ᠋ （ᠠᠰᠠᠷ ᠪᠠᠢᠰᠢᠩ）᠂ ᠨᠥᠬᠥᠷᠰᠡᠭ ᠵᠠᠬᠠ ᠳᠡᠯᠭᠡᠭᠦᠷ᠂ ᠨᠥᠬᠥᠷᠰᠡᠭ ᠬᠦᠷᠢᠶᠡᠯᠡᠩ ᠲᠣᠭᠣᠷᠢᠭ᠋᠂ ᠨᠥᠬᠥᠷᠰᠡᠭ ᠰᠤᠷᠭᠠᠭᠤᠯᠢ᠂ ᠨᠥᠬᠥᠷᠰᠡᠭ ᠡᠮᠨᠡᠯᠭᠡᠶᠢᠨ ᠬᠣᠷᠢᠶᠠ᠂ ᠨᠥᠬᠥᠷᠰᠡᠭ ᠬᠤᠳᠠᠯᠳᠤᠭᠠᠨᠤ ᠲᠣᠣᠷ ᠴᠡᠭ᠂ ᠨᠥᠬᠥᠷᠰᠡᠭ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠲᠠᠯᠠᠪᠤᠷ ᠥᠷᠲᠡᠭᠡ᠂ ᠨᠥᠬᠥᠷᠰᠡᠭ ᠭᠡᠷᠦᠨ ᠭᠠᠳᠠᠨᠠᠬᠢ ᠠᠵᠢᠯᠲᠠᠨᠤ ᠥᠷᠲᠡᠭᠡ ᠴᠡᠭ ᠵᠡᠷᠭᠡ 《ᠠᠷᠪᠠᠨ ᠲᠥᠷᠥᠯᠦᠨ ᠨᠦᠬᠦᠷᠰᠡᠭ ᠲᠠᠯᠠᠪᠤᠷ》ᠤ᠋ᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢ ᠦᠷᠭᠦᠯᠵᠢᠯᠡᠨ ᠠᠬᠢᠭᠤᠯᠵᠤ᠂ ᠤᠯᠤᠰ ᠲᠥᠷᠥᠪᠡᠷ ᠬᠥᠲᠥᠯᠥᠨ ᠳᠠᠭᠠᠭᠤᠯᠬᠤ ᠪᠠ ᠰᠡᠳᠬᠢᠯᠢ ᠳᠤᠯᠠᠭᠠᠴᠠᠭᠤᠯᠬᠤ ᠦᠢᠯᠡᠴᠢᠯᠡᠭᠡᠨᠦ 《ᠬᠣᠣᠰ ᠵᠢᠭ᠍ᠰᠠᠭᠠᠯᠤᠨ ᠭᠠᠵᠠᠷ》ᠢ᠋ ᠪᠣᠶ ᠪᠣᠯᠭᠠᠵᠤ᠂ ᠰᠢᠨᠡ ᠠᠵᠢᠯ ᠤᠯᠭᠤᠯᠲᠠ ᠢ᠋ᠢᠨ ᠪᠦᠯᠬᠦᠮ ᠨᠡᠢᠲᠡ ᠵᠢ ᠨᠠᠮᠤᠨ ᠦᠭᠡᠶᠢ ᠰᠣᠨᠣᠰᠴᠤ ᠨᠠᠮᠢᠶᠠᠨ ᠳᠠᠭᠠᠨ ᠤᠷᠤᠬᠰᠢᠯᠠᠬᠤ ᠪᠡᠷ ᠬᠦᠲᠦᠯᠦᠨ ᠵᠢᠯᠤᠭᠤᠳᠪᠠ᠃
ᠦᠪᠦᠷ ᠮᠤᠩᠭᠤᠯᠤᠨ ᠳᠡᠭᠡᠷᠡ ᠲᠤᠤᠷᠠ ᠱᠠᠲᠤᠨᠤ ᠬᠢᠨ ᠮᠠᠰᠢ ᠣᠯᠠᠨ ᠪᠦᠲᠦᠮᠵᠢᠲᠡᠶ ᠲᠤᠷᠰᠢᠯᠭᠠ ᠪᠠ ᠠᠷᠭᠠ ᠬᠢᠳᠡᠯᠢ ᠪᠣᠶ ᠪᠣᠯᠭᠠᠪᠠ᠄ ᠬᠥᠬᠡᠬᠣᠲᠠ ᠰᠦᠯᠵᠢᠶᠡᠨ ᠳᠡᠭᠡᠷᠡ 《ᠬᠥᠬᠡᠬᠣᠲᠠᠶᠢᠨ ᠰᠢᠨᠡ e ᠥᠷᠲᠡᠭᠡ 》 ᠢ᠋ᠢᠨ ᠵᠢᠵᠢᠭ ᠫᠷᠣᠭ᠌ᠷᠠᠮᠢ ᠨᠡᠢᠲᠡᠯᠡᠵᠦ᠂ 24 ᠴᠠᠬᠤᠨ ᠬᠦᠰᠡᠯ ᠱᠠᠭᠠᠷᠳᠠᠯᠭᠠᠳᠤ ᠬᠠᠷᠢᠭᠤ ᠦᠭᠬᠦ ᠲᠣᠭᠲᠠᠴᠠᠶᠢ ᠪᠠᠢᠭᠤᠯᠤᠨ᠂ ᠰᠢᠨᠡ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠪᠦᠯᠬᠦᠮ ᠨᠡᠢᠲᠡ ᠢ᠋ᠢᠨ ᠪᠠᠴᠢᠮᠲᠠᠵᠦ ᠲᠦᠪᠡᠭᠳᠡᠵᠦ ᠵᠤᠪᠠᠨᠢᠵᠦ ᠬᠦᠰᠡᠵᠦ ᠪᠠᠢᠭᠠ ᠠᠰᠠᠭᠤᠳᠠᠯᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠰᠢᠢᠳᠪᠦᠷᠢᠯᠡᠪᠡ； ᠪᠤᠭᠤᠲᠤ ᠬᠤᠳᠠ ᠰᠢᠨᠡ ᠠᠵᠢᠯ ᠣᠯᠭᠣᠯᠲᠠᠶᠢᠨ ᠪᠦᠯᠬᠦᠮ ᠨᠡᠢᠲᠡ ᠢ᠋ᠢᠨ 《ᠠᠶᠠᠯᠠᠯ ᠢ᠋ ᠲᠤᠯᠠᠭᠠᠴᠠᠭᠤᠯᠬᠤ ᠲᠥᠯᠥᠪᠯᠡᠭᠡ》 ᠶ᠋ᠢ ᠬᠡᠷᠡᠭᠵᠢᠭᠦᠯᠵᠦ᠂ ᠬᠠᠮᠢᠭᠠ ᠬᠡᠷᠡᠭᠴᠡᠭᠡᠲᠠᠢ ᠪᠣᠯ ᠬᠠᠢᠷᠠᠯᠠᠨ ᠬᠠᠯᠠᠮᠵᠢᠯᠠᠬᠤ ᠦᠢᠯᠡᠴᠢᠯᠡᠭᠡ ᠲᠡᠨᠳᠡ ᠬᠦᠷᠬᠦᠶᠢ ᠬᠥᠳᠡᠯᠦᠩᠭᠦᠢᠪᠡᠷ ᠪᠡᠶᠡᠯᠡᠭᠦᠯᠪᠡ； ᠬᠢᠩᠭᠠᠨ ᠠᠢᠮᠠᠭ ᠠᠵᠢᠯᠤᠨ ᠵᠦᠭᠯᠡᠭᠦᠷᠲᠣᠭᠲᠠᠭᠠᠵᠤ᠂ ᠨᠥᠬᠥᠷᠰᠡᠭ ᠲᠠᠯᠠᠪᠤᠷᠤᠨ ᠪᠠᠢᠭᠤᠯᠤᠯᠲᠠᠶᠢᠨ ᠵᠠᠮᠢ ᠲᠣᠳᠣᠷᠬᠠᠢᠯᠠᠪᠠ； ᠤᠯᠠᠭᠠᠨᠴᠠᠪ ᠬᠣᠲᠠ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶᠢᠨ ᠭᠠᠷ ᠳᠡᠪᠲᠡᠷ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠵᠤ᠂ ᠵᠢᠭ᠍ᠰᠠᠭᠠᠯᠤᠨ ᠭᠠᠵᠠᠷᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠨᠣᠷᠮᠠᠶᠢ ᠳᠡᠭᠡᠭᠰᠢᠯᠡᠭᠦᠯᠪᠡ； ᠤᠯᠠᠭᠠᠨᠬᠠᠳᠠ ᠬᠣᠲᠠ ᠰᠢᠨᠡ ᠠᠵᠢᠯ ᠤᠯᠭᠤᠯᠲᠠ ᠢ᠋ᠢᠨ ᠪᠦᠯᠬᠦᠮ ᠨᠡᠢᠲᠡ ᠢ᠋ᠢᠨ ᠬᠣᠭᠣᠯᠠ ᠢᠳᠡᠬᠦᠳᠦ ᠬᠦᠴᠢᠷᠲᠡᠢ ᠪᠠᠢᠬᠤ ᠠᠰᠠᠭᠤᠳᠠᠯᠳᠤ ᠴᠢᠭᠯᠡᠭᠦᠯᠦᠨ᠂ ᠢᠳᠡᠭᠡᠨ ᠤᠮᠳᠠᠭᠠᠨᠤ ᠳᠡᠯᠭᠡᠭᠦᠷᠲᠠᠢ ᠵᠣᠬᠢᠴᠠᠭᠤᠯᠤᠨ 《ᠲᠦᠷᠬᠡᠨ ᠬᠦᠷᠬᠡᠭᠴᠢ ᠢ᠋ᠢᠨ ᠲᠤᠰᠬᠠᠢ ᠬᠤᠭᠤᠯᠠ》 ᠭᠠᠷᠭᠠᠪᠠ； ᠪᠠᠶᠠᠨᠨᠠᠭᠤᠷ ᠬᠤᠳᠠ ᠰᠢᠨᠡ ᠠᠵᠢᠯ ᠤᠯᠭᠤᠯᠲᠠ ᠢ᠋ᠢᠨ ᠪᠦᠯᠬᠦᠮ ᠨᠡᠢᠲᠡᠳᠤ 600 ᠭᠠᠷᠤᠢ ᠮᠠᠰᠢᠨ ᠲᠡᠷᠭᠡᠨᠦ ᠲᠦᠷ ᠵᠣᠭᠰᠣᠬᠤ ᠭᠠᠵᠠᠷ ᠭᠠᠷᠭᠠᠵᠤ᠂ ᠲᠡᠷᠭᠡ ᠵᠣᠭᠰᠣᠬᠤᠳᠤ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠰᠢᠢᠳᠪᠦᠷᠢᠯᠡᠪᠡ； ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠠᠵᠢᠯ ᠲᠦᠷᠦᠯᠦᠨ ᠨᠠᠮᠤᠨ ᠬᠣᠷᠢᠶᠠ 12328 ᠬᠠᠯᠠᠮᠰᠢᠯ ᠤᠲᠠᠰᠤ ᠢ᠋ᠢᠨ ᠭᠦᠢᠴᠡᠳᠬᠡᠬᠦ ᠶᠠᠪᠤᠴᠠᠶᠢ ᠰᠢᠯᠢᠳᠡᠭᠵᠢᠭᠦᠯᠬᠦᠶᠢᠨ ᠬᠠᠮᠲᠤ 39 《ᠵᠢᠯᠣᠭᠣᠴᠢᠶᠢᠨ ᠭᠡᠷ》 ᠪᠠ 14 《ᠵᠢᠯᠣᠭᠣᠴᠢᠶᠢᠨ ᠦᠷᠲᠡᠭᠡ》 ᠶ᠋ᠢ ᠪᠠᠢᠭᠤᠯᠪᠠ᠃