ᠬᠦᠵᠡᠯᠵᠡᠭᠡᠨᠠ ᠴᠤᠬᠤᠮ ᠬᠡᠷᠬᠢᠨ ᠤᠷᠭᠤᠵᠤ ᠵᠢᠮᠢᠰᠯᠡᠳᠡᠭ ᠪᠤᠢ？ ᠰᠤᠷᠪᠤᠯᠵᠢᠯᠠᠭᠴᠢ ᠪᠤᠭᠤᠳᠤ ᠬᠤᠳᠠ ᠶ᠋ᠢᠨ ᠲᠦᠮᠡᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ᠋ ᠰᠧ ᠸᠧᠢ ᠬᠦᠵᠡᠯᠵᠡᠭᠡᠨᠠ ᠶ᠋ᠢᠨ ᠦᠢᠯᠡᠳᠪᠤᠷᠢ ᠡᠴᠡ ᠰᠢᠨᠠ ᠲᠧᠭᠨᠢᠭ ᠮᠡᠷᠭᠡᠵᠢᠯ ᠤ᠋ᠨ ᠬᠦᠴᠦᠨ ᠳ᠋ᠤ ᠤᠷᠭᠤᠨ ᠵᠢᠮᠢᠰᠯᠡᠬᠦ ᠬᠦᠵᠡᠯᠵᠡᠭᠡᠨᠠ ᠶ᠋ᠢ ᠤᠯᠵᠤ ᠬᠠᠷᠠᠯᠠ᠃
ᠤᠯᠠᠮᠵᠢᠯᠠᠯᠳᠤ ᠲᠠᠷᠢᠵᠤ ᠤᠷᠭᠤᠭᠤᠯᠬᠤ ᠠᠷᠭᠠ ᠬᠡᠯᠪᠡᠷᠢ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠡᠨᠳᠡᠬᠢ ᠬᠦᠵᠡᠯᠵᠡᠭᠡᠨᠠ ᠶᠡᠷᠦ ᠪᠤᠰᠤ ᠶ᠋ᠢᠨ 《ᠠᠮᠢᠳᠤᠷᠠᠯ》 ᠢ᠋ ᠦᠩᠭᠡᠷᠡᠭᠦᠯᠵᠦ ᠪᠠᠢᠨᠠ᠄ ᠡᠨᠳᠡ ᠨᠠᠷᠢᠯᠢᠭ ᠲᠦᠰᠦᠪᠯᠡᠭᠰᠡᠨ ᠰᠢᠨᠠ ᠲᠧᠭᠨᠢᠭ ᠮᠡᠷᠭᠡᠵᠢᠯ ᠤ᠋ᠨ ᠲᠠᠩᠰᠤᠭ ᠦᠷᠦᠭᠡ 14 ᠪᠤᠢ᠃ ᠦᠷᠦᠭᠡ ᠳ᠋ᠤᠨᠢ ᠨᠠᠷᠠᠨ ᠤ᠋ ᠭᠡᠷᠡᠯ ᠦᠭᠡᠢ᠂ ᠰᠢᠪᠠᠷ ᠰᠢᠷᠤᠢ ᠦᠭᠡᠢ᠂ 4 ᠮᠦᠷ 8 ᠳᠠᠪᠬᠤᠷ ᠤᠷᠤ ᠲᠠᠢ᠃ ᠡᠨᠳᠡ LED ᠳ᠋ᠧᠩ ᠶ᠋ᠢᠡᠷ ᠬᠦᠵᠡᠯᠵᠡᠭᠡᠨᠠ ᠶ᠋ᠢᠨ ᠤᠷᠭᠤᠯᠳᠠ ᠳ᠋ᠤ ᠬᠠᠮᠤᠭ ᠤ᠋ᠨ ᠳᠤᠬᠢᠷᠠᠮᠵᠢᠳᠠᠢ ᠭᠡᠷᠡᠯ ᠤ᠋ᠨ ᠤᠷᠴᠢᠨ ᠢ᠋ ᠪᠦᠷᠢᠯᠳᠦᠭᠦᠯᠤᠨ ᠦᠭᠴᠦ᠂ ᠤᠶᠤᠨᠳᠤ ᠵᠤᠬᠢᠴᠠᠭᠤᠯᠭᠠ ᠶ᠋ᠢᠨ ᠰᠢᠰᠲ᠋ᠧᠮ ᠶ᠋ᠢᠡᠷ 24 ᠴᠠᠭ ᠶ᠋ᠢᠡᠷ ᠦᠷᠦᠭᠡᠨ ᠳ᠋ᠡᠬᠢ ᠠᠭᠠᠷ ᠤ᠋ᠨ ᠳᠤᠯᠠᠭᠠᠨ ᠪᠠ ᠴᠢᠬᠢᠭ ᠤ᠋ᠨ ᠬᠡᠮᠵᠢᠶᠠ ᠶ᠋ᠢ ᠬᠦᠳᠡᠯᠦᠩᠭᠦᠢ ᠪᠡᠷ ᠳᠤᠬᠢᠷᠠᠭᠤᠯᠵᠤ᠂ ᠲᠤᠰᠤᠯᠠᠭᠠᠨ ᠤᠰᠤᠯᠠᠬᠤ ᠰᠢᠰᠲ᠋ᠧᠮ ᠶ᠋ᠢᠡᠷ ᠰᠢᠮᠠ ᠲᠡᠵᠢᠭᠡᠯ ᠤ᠋ᠨ ᠪᠤᠳᠠᠰ ᠪᠠ ᠤᠰᠤ ᠶ᠋ᠢ ᠬᠦᠵᠡᠯᠵᠡᠭᠡᠨᠠ ᠪᠦᠷᠢ ᠶ᠋ᠢᠨ ᠦᠨᠳᠦᠰᠦᠨ ᠳ᠋ᠤ ᠨᠠᠷᠢᠯᠢᠭ ᠤᠨᠤᠪᠴᠢᠳᠠᠢ ᠪᠡᠷ ᠲᠤᠰᠤᠭᠠᠨᠠ᠃ ᠡᠨᠳᠡ ᠬᠦᠵᠡᠯᠵᠡᠭᠡᠨᠠ ᠵᠢᠯ ᠤ᠋ᠨ ᠳᠦᠷᠪᠡᠨ ᠤᠯᠠᠷᠢᠯ ᠶ᠋ᠢᠡᠷ ᠤᠷᠭᠤᠨ ᠲᠦᠯᠵᠢᠨᠠ᠃
《ᠪᠢᠳᠡ ᠭᠡᠭᠡ ᠲᠠᠢ ᠬᠤᠭᠤᠴᠠᠭᠠ ᠶ᠋ᠢᠨ ᠦᠷᠦᠭᠡ ᠶ᠋ᠢᠨ ᠲᠤᠯᠠᠭᠠᠨ ᠢ᠋ 20 ᠼᠧᠯᠰ ᠭᠷᠠᠳᠦ᠋ᠰ ᠤᠷᠴᠢᠮ᠂ ᠪᠦᠷᠦᠢ ᠬᠤᠭᠤᠴᠠᠭᠠ ᠶ᠋ᠢᠨ ᠦᠷᠦᠭᠡ ᠶ᠋ᠢᠨ ᠲᠤᠯᠠᠭᠠᠨ ᠢ᠋ 8 ᠼᠧᠯᠰ ᠭᠷᠠᠳᠦ᠋ᠰ ᠤᠷᠴᠢᠮ ᠶ᠋ᠢᠡᠷ ᠳᠤᠬᠢᠷᠠᠭᠤᠯᠤᠨ᠂ ᠡᠳᠦᠷ ᠰᠦᠨᠢ ᠶ᠋ᠢᠨ ᠠᠭᠠᠷ ᠤ᠋ᠨ ᠳᠤᠯᠠᠭᠠᠨ ᠤ᠋ ᠵᠦᠷᠢᠶᠠ ᠭᠠᠷᠭᠠᠵᠤ᠂ ᠬᠦᠵᠡᠯᠵᠡᠭᠡᠨᠠ ᠶ᠋ᠢᠨ ᠰᠢᠬᠢᠷᠯᠢᠭ ᠬᠡᠮᠵᠢᠶᠠ ᠶ᠋ᠢ ᠨᠡᠮᠡᠭᠳᠡᠭᠦᠯᠳᠡᠭ》 ᠭᠡᠵᠦ ᠦᠢᠯᠡᠳᠪᠤᠷᠢ ᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠸᠠᠩ ᠬᠤᠤ ᠮᠢᠩ ᠶᠠᠷᠢᠵᠤ ᠪᠠᠢᠯᠠ᠃