ᠤᠨᠢᠶᠠᠷᠳᠤᠨ ᠤᠨᠢᠶᠠᠷᠳᠤᠬᠤ ᠬᠢᠩᠭᠠᠨᠤ ᠱᠢᠭᠤᠢ
ᠡᠯᠳᠡᠩ ᠴᠡᠯᠡᠭᠡᠷ ᠡᠪᠡᠰᠦ ᠪᠡᠯᠴᠢᠭᠡᠷ
ᠤᠮᠠᠷᠠ ᠵᠦᠭᠤᠨ ᠭᠠᠵᠠᠷᠤᠨ ᠮᠡᠯᠮᠡᠢ
ᠣᠯᠠᠭᠠᠨ ᠵᠢᠷᠦᠬᠡᠨᠤ ᠮᠢᠨᠢ ᠠᠷᠭᠠᠮᠵᠢᠶᠠ
ᠮᠢᠨᠦᠬᠢ ᠭᠡᠳᠡᠭ ᠠᠭᠤᠯᠠᠨ ᠲᠤᠰᠭᠤᠨ
ᠤᠨᠠᠭᠠᠨ ᠪᠠᠭᠤᠴᠠ ᠬᠠᠷᠠᠵᠢᠷᠦᠬᠡ
ᠪᠠᠭᠠ ᠨᠠᠰᠤᠨᠤ ᠦᠯᠢᠭᠡᠷ ᠤᠷᠤᠰᠤᠭ᠍ᠰᠠᠨ ᠪᠤᠳᠠᠩᠳᠤ ᠭᠤᠪᠢ
ᠪᠦᠳᠦᠷᠢᠬᠦ᠌ᠳᠤ ᠴᠢᠯᠠᠭᠤᠪᠠᠨ ᠵᠦᠭᠡᠯᠡᠯᠡᠭ᠌ᠰᠡᠨ ᠭᠠᠵᠠᠷ ᠱᠢᠷᠤᠢ ᠮᠢᠨᠢ
ᠪᠤᠳᠠ ᠰᠦᠬᠡᠭᠲᠠᠢ ᠵᠦᠷᠢᠭᠢᠶᠠᠷ ᠬᠦᠳᠦᠯᠵᠦ᠍ ᠬᠦᠯᠳᠤ ᠤᠷᠤᠭᠤᠯᠤᠭ᠍ᠰᠠᠨ
ᠪᠠᠯᠪᠠᠷᠬᠠᠢ ᠷᠠᠳᠢᠣ᠋ᠶ᠋ᠢᠨ ᠬᠤᠭᠤᠷᠤᠨ ᠦᠯᠢᠭᠡᠷ ᠤᠬᠠᠭᠠ ᠰᠡᠷᠭᠦᠭᠡᠭ᠌ᠰᠡᠨ
ᠴᠤᠩᠬᠤᠨ ᠲᠤᠱᠢᠶᠠ ᠰᠠᠷᠠᠨᠤ ᠭᠡᠭᠡ ᠠᠭᠤᠯᠠᠨ ᠲᠤᠰᠭᠤᠨᠤ ᠦᠳᠡᠰᠢᠶ᠋ᠢ ᠤᠩᠱᠢᠵᠤ
ᠴᠢᠮᠠᠳᠤ ᠯᠠ ᠭᠡᠬᠦ᠌ ᠰᠡᠳᠭᠢᠯᠤᠨ ᠬᠦᠨᠳᠦᠭᠦᠷᠢ ᠲᠤᠳᠤᠭ᠍ᠰᠢᠪᠠᠨ ᠤᠷᠤᠰᠤᠨᠠ ᠳ᠋ᠠ ᠨᠤᠳᠤᠭ ᠮᠢᠨᠦ᠍
ᠬᠠᠷᠠ ᠮᠤᠳᠤᠨ ᠭᠤᠪᠢᠠᠴᠠ ᠲᠦᠯᠡᠭᠡᠪᠠᠨ ᠲᠡᠭᠡᠭᠡᠳᠡᠭ
ᠬᠠᠷᠠ ᠭᠤᠣᠯᠤᠨ ᠤᠰᠤᠪᠠᠷ ᠠᠩᠭᠠᠭᠠ ᠪᠠᠨ ᠲᠠᠢᠯᠳᠠᠭ
ᠬᠠᠪᠠ ᠠᠪᠠᠯᠠᠭ᠍ᠴᠢᠶ᠋ᠢᠨ ᠭᠤᠪᠢᠠᠴᠠ ᠭᠠᠨᠵᠤᠭᠠ ᠲᠤᠰᠤᠳᠠᠳᠠᠭ
ᠬᠠᠢᠵᠢᠬᠢ ᠪᠠᠢᠱᠢᠩᠤᠨ ᠱᠢᠷᠤᠢᠨ ᠬᠠᠨᠵᠤᠨᠳᠤ ᠬᠡᠦᠬᠡᠳ ᠨᠠᠰᠤ ᠲᠤᠷᠨᠢᠭ᠍ᠰᠠᠨ
ᠬᠤᠯᠠᠶ᠋ᠢᠨ ᠬᠢᠵᠠᠭᠠᠷ ᠲᠡᠭᠦᠯᠢᠬᠦ᠌ ᠭᠡᠵᠦ᠍ ᠬᠤᠶᠠᠷ ᠨᠢᠳᠦ ᠴᠤᠴᠢᠮᠠᠭ ᠭᠡᠷᠡᠯᠳᠦᠳᠡᠭ
ᠬᠠᠷᠠᠵᠢᠷᠦᠬᠡ ᠭᠡᠵᠦ᠍ ᠡᠪᠦᠭᠡᠳᠤᠨ ᠮᠢᠨᠢ ᠦᠯᠦᠭᠡᠢ
ᠬᠠᠷᠠᠳᠤᠨᠢ ᠴᠦ᠍ ᠪᠢ ᠬᠠᠢᠷᠠᠳᠠᠢ ᠪᠤᠯᠬᠤᠷ
ᠬᠠᠷᠠᠪᠠᠨ ᠴᠦ᠍ ᠴᠠᠭᠠᠨ ᠭᠡᠵᠦ᠍ ᠪᠤᠳᠤᠳᠠᠭ
ᠬᠠᠷᠢ ᠬᠤᠯᠠᠠᠴᠠ ᠨᠤᠳᠤᠭᠤᠨ ᠪᠠᠷᠠ ᠬᠠᠷᠠᠬᠤᠳᠤ
ᠬᠠᠷᠢᠭᠠᠳ ᠢᠷᠡᠪᠡᠦ ᠭᠡᠳ ᠵᠢᠷᠦᠬᠡᠨ ᠠᠭᠤᠯᠠᠨᠢ ᠦᠨᠳᠡᠯᠵᠡᠨᠡ
ᠤᠯᠠᠷᠢᠯᠤᠨ ᠵᠠᠳᠠᠭᠠᠢ ᠰᠠᠯᠬᠢᠨᠢ ᠠᠭ᠍ᠰᠤᠮᠨᠠᠪᠠᠴᠤ᠌ ᠭᠠᠮᠱᠢᠭ ᠪᠤᠯᠬᠤ ᠦᠭᠡᠢ
ᠠᠭᠤᠯᠠᠨ ᠦᠶᠡᠷᠨᠢ ᠲᠤᠢᠯᠪᠠᠴᠤ᠌ ᠲᠦᠳᠡᠭᠡᠨ ᠨᠠᠮᠳᠠᠳᠠᠭ
ᠮᠦᠩᠭᠦᠷᠡᠨ ᠤᠷᠤᠬᠤ ᠪᠤᠷᠤᠭᠠᠨᠢ ᠮᠦᠬᠦ᠌ᠶ᠋ᠢᠨ ᠬᠦᠷᠢᠶᠡ ᠲᠠᠳᠠᠳᠠᠭ
ᠮᠠᠯ ᠲᠠᠷᠢᠶᠠᠯᠠᠩ ᠬᠤᠣᠰᠯᠠᠭ᠍ᠰᠠᠨᠠᠴᠠ ᠡᠪᠡᠰᠦ ᠪᠤᠳᠠᠭᠠ ᠢᠵᠢᠯᠢᠬᠡᠨ ᠵᠢᠩᠲᠠᠢ
ᠡᠭᠡᠯᠢᠶ᠋ᠢᠨ ᠲᠤᠯᠠᠭᠠᠨ ᠡᠪᠦᠷᠲᠤ ᠴᠢᠨᠢ ᠶᠠᠭᠤᠨᠳᠠᠭᠠᠨ ᠪᠢ ᠨᠠᠯᠠᠯᠠ
ᠡᠷᠬᠡᠰ ᠲᠡᠭ᠌ᠷᠢᠶ᠋ᠢᠨ ᠵᠠᠢᠴᠢᠨᠳᠡᠬᠢ ᠮᠢᠨᠦ᠍ ᠨᠤᠳᠤᠭ ᠬᠠᠷᠠᠵᠢᠷᠦᠬᠡ ᠡ！
ᠬᠦᠭᠡ ᠡᠪᠦᠭᠡᠳᠨᠢ ᠬᠦᠷᠴᠢᠭᠢᠨᠡᠭᠡ ᠭᠡᠨᠡ
ᠬᠡᠳᠦᠭᠦᠯᠡ ᠨᠡᠢᠯᠡᠮᠡᠭ᠌ᠴᠡ ᠬᠡᠯᠡᠨ ᠪᠠᠢᠯᠳᠤᠭᠠᠨ ᠪᠤᠯᠳᠠᠭ ᠭᠡᠨᠡ
ᠬᠠᠯᠠᠮᠱᠢᠯ ᠵᠤᠭᠤᠭᠢᠨᠢ ᠬᠠᠭᠤᠴᠢᠯᠠᠭ᠍ᠰᠠᠭᠠᠷ ᠪᠠᠢᠨᠠ
ᠬᠠᠳᠠᠭᠤ ᠪᠡᠷᠭᠡ ᠴᠠᠭᠲᠤ ᠲᠡᠭᠡᠳᠦᠰ ᠮᠢᠨᠢ ᠰᠡᠳᠭᠢᠯ ᠪᠠᠶᠠᠨ ᠶᠠᠪᠤᠵᠠᠢ
ᠬᠤᠣᠳᠤᠣ ᠬᠠᠷᠠᠲᠠᠢᠪᠠᠨ ᠨᠤᠴᠤᠯᠳᠤᠭ᠍ᠰᠠᠭᠠᠷ ᠪᠠᠢᠭᠠᠳ
ᠬᠤᠷᠸᠠᠶ᠋ᠢᠨ ᠵᠠᠮᠢᠶᠠᠷ ᠲᠡᠳᠡ ᠮᠢᠨᠢ ᠴᠦᠬᠡᠷᠡᠭ᠌ᠰᠡᠭᠡᠷ
ᠠᠶᠠᠭᠠᠨ ᠲᠤᠭᠤᠷᠢᠮᠤᠨ ᠲᠤᠩᠭᠠᠯᠠᠭ ᠤᠰᠤᠨ ᠴᠢᠯᠳᠡᠩ ᠨᠠᠰᠤᠶ᠋ᠢ ᠲᠤᠯᠢᠳᠠᠬᠤ
ᠠᠯᠠᠭ᠍ᠯᠠᠨ ᠤᠯᠠᠢᠬᠤ ᠱᠠᠭᠠᠷᠢᠭᠤᠨ ᠨᠠᠪᠴᠢᠶ᠋ᠢ ᠪᠠᠳᠤᠴᠠᠭᠠᠨᠢᠶᠠᠷ ᠲᠦᠰᠦᠭᠡᠯᠡᠬᠦ᠌
《ᠵᠢᠷᠦᠬᠡᠨ ᠬᠤᠯᠪᠤᠭᠠ》 ᠬᠦᠬᠦᠷᠭᠡᠨᠢ ᠨᠠᠮ ᠠᠷᠠᠳᠢ ᠬᠤᠯᠪᠤᠬᠤᠢ
ᠵᠢᠯ ᠲᠠᠷᠠᠭᠠᠯᠠᠨ ᠨᠡᠮᠡᠭ᠌ᠳᠡᠭ᠌ᠰᠡᠨ ᠲᠠᠪᠤᠨ ᠲᠠᠷᠢᠶᠠᠨᠤ ᠬᠤᠷᠢᠶᠠᠯᠳᠠᠲᠠᠢ
ᠡᠩ ᠲᠡᠯᠡᠬᠡᠢ ᠦᠷᠭᠡᠨ ᠬᠤᠷᠸᠠᠳᠤ ᠡᠷᠡᠬᠡᠢᠶ᠋ᠢᠨ ᠴᠢᠨᠡᠬᠡᠨ ᠴᠦ᠍
ᠠᠯᠠᠭᠠ ᠲᠠᠷᠤᠮᠠ ᠱᠢᠪᠠᠭᠤᠨᠤ ᠲᠤᠯᠠᠭᠠᠨ ᠬᠡᠪᠳᠡᠷᠢ ᠱᠢᠭ
ᠵᠢᠩᠳᠡᠭ᠌ᠰᠡᠨ ᠵᠢᠷᠦᠬᠡᠶ᠋ᠢ ᠮᠢᠨᠢ ᠪᠦᠭᠡᠴᠡᠢᠯᠡᠳᠡᠭ
ᠦᠷᠢᠯᠤᠨ ᠵᠢᠯᠠᠭᠠ᠂ ᠡᠪᠦᠭᠡᠳᠤᠨ ᠭᠤᠪᠢ᠂ ᠮᠦᠮᠦ᠍ᠶ᠋ᠢᠨ ᠠᠭᠤᠯᠠ
ᠤᠳᠠᠶ᠋ᠢᠨ ᠵᠢᠯᠠᠭᠠ᠂ ᠰᠦᠮᠡᠶ᠋ᠢᠨ ᠭᠤᠪᠢ᠂ ᠬᠠᠮᠠᠷ ᠠᠭᠤᠯᠠ ᠁
ᠴᠡᠯᠡᠯᠵᠡᠬᠦ᠌ ᠨᠢᠳᠦᠨᠳᠤ ᠪᠦᠷᠳᠦᠯᠵᠡᠬᠦ᠌ ᠪᠠᠷᠠᠲᠠᠢ
ᠴᠢᠮᠠᠳᠠᠭᠠᠨ ᠪᠢ ᠱᠢᠯᠦᠭ ᠲᠠᠳᠠᠯᠠᠬᠤᠳᠤ ᠠᠪᠢᠶᠠᠰ ᠭᠦᠢᠴᠡᠭᠦ᠌ ᠦᠭᠡᠢ
ᠴᠢᠮᠠᠳᠠᠭᠠᠨ ᠪᠢ ᠤᠶᠠᠩᠭᠠ ᠡᠷᠭᠦᠬᠦ᠌ᠳᠤ ᠪᠢᠯᠢᠭ ᠬᠦᠷᠬᠦ ᠦᠭᠡᠢ
ᠭᠡᠷᠡᠯᠳᠦ ᠤᠪᠤᠭᠠᠨᠤ ᠠᠮᠤᠭᠤᠯᠠᠩ ᠢᠪᠡᠭᠡᠯᠲᠠᠢ
ᠭᠡᠭᠡᠬᠡᠨ ᠰᠡᠳᠭᠢᠯᠳᠤ ᠦᠨᠢᠳᠡ ᠬᠤᠨᠤᠭ᠍ᠰᠢᠬᠤ
ᠬᠠᠷᠠᠵᠢᠷᠦᠬᠡᠳᠡᠭᠡᠨ ᠲᠡᠩᠳᠡᠭᠦᠤ ᠬᠠᠢᠷᠠᠳᠠᠢ᠃