ᠨᠠᠪᠴᠢ ᠱᠤᠤᠬᠢᠵᠥ᠍ ᠱᠢᠪᠠᠭᠤ ᠵᠢᠷᠬᠢᠬᠦ᠌ ᠶᠠᠭᠠᠬᠢᠬᠤ ᠪᠤᠢ
ᠨᠠᠮ ᠵᠢᠮᠤᠨ ᠲᠤᠮᠳᠠ ᠪᠢ ᠦᠪᠡᠷ ᠲᠡᠬᠡᠨ ᠠᠭᠤᠰᠳᠠᠭ ᠶᠤᠮ
ᠨᠠᠷᠢᠬᠠᠨ ᠵᠦᠷᠢᠭᠢᠶᠠᠷ ᠡᠪᠡᠰᠤ ᠤᠷᠭᠤᠬ᠍ᠰᠠᠨ ᠴᠤ᠌ ᠶᠠᠭᠠᠬᠢᠬᠤ ᠪᠤᠢ
ᠨᠠᠷᠠ ᠢᠨᠢᠶᠡᠭ᠌ᠰᠡᠨ ᠵᠠᠯᠠᠭᠤᠶ᠋ᠢᠨ ᠮᠦᠷᠢᠶᠠᠨ ᠪᠢ ᠬᠠᠢᠳᠠᠭ ᠶᠤᠮ
ᠮᠦᠰᠦ ᠴᠠᠩᠲᠠᠢ ᠶᠢᠰᠤᠶ᠋ᠢᠨ ᠬᠦᠢᠳᠡᠨ ᠴᠤ᠌ ᠶᠠᠭᠠᠬᠢᠬᠤ ᠪᠤᠢ
ᠮᠦᠩᠬᠦᠨ ᠴᠠᠰᠤᠶ᠋ᠢᠨᠢ ᠴᠡᠴᠡᠭ ᠯᠡ ᠬᠡᠵᠥ᠍ ᠪᠢ ᠪᠤᠳᠤᠳᠠᠭ ᠶᠤᠮ
ᠡᠰᠡᠨᠢᠯ ᠲᠤᠮᠳᠠ ᠲᠡᠯᠬᠡᠷᠡᠬᠡᠳ ᠪᠠᠰᠠ ᠵᠤᠯᠭᠠᠷᠠᠳᠠᠭ
ᠡᠬᠡᠨᠡᠭ᠌ᠰᠢᠯ ᠲᠤᠮᠳᠠ ᠬᠠᠢᠷᠠᠯᠠᠭᠠᠳ ᠪᠠᠰᠠ ᠬᠠᠭᠠᠴᠠᠳᠠᠭ
ᠡᠬᠡᠬᠡ ᠯᠡ ᠵᠢᠮᠠ ᠦᠬᠡᠢ ᠬᠦᠮᠤᠨ ᠠᠭᠠᠯᠢᠶ᠋ᠢᠨ ᠤᠯᠠᠷᠢᠯ
ᠡᠨᠡ ᠪᠦᠬᠦᠨᠢ ᠮᠢᠨᠤ ᠰᠡᠳᠭᠢᠯ ᠲᠡᠬᠡᠷᠡ ᠱᠢᠪᠡᠳᠡᠭᠠᠴᠠ
ᠡᠷᠬᠢᠴᠡᠬᠦᠯᠦᠯᠳᠤ ᠬᠦᠨᠳᠤᠬᠡᠨ ᠦᠩᠬᠡᠷᠡᠭ᠌ᠰᠡᠨ ᠴᠠᠭᠤᠨ ᠬᠠᠭᠤᠳᠠᠰᠤᠶ᠋ᠢ
ᠡᠷᠬᠢᠵᠥ᠍ ᠰᠡᠬᠦᠬᠡᠳ ᠶᠠᠭᠠᠬᠢᠬᠤ ᠶᠤᠮ ᠪᠤᠢ？ ᠶᠠᠭᠠᠬᠢᠬᠤ ᠶᠤᠮ ᠪᠤᠢ？
ᠡᠬᠦᠷᠢᠳᠡᠶ᠋ᠢᠨ ᠨᠠᠮ ᠵᠢᠮᠳᠤ ᠠᠭᠤᠰᠴᠤ᠌ ᠠᠮᠢᠳᠤᠷᠠᠬᠤᠨᠢ
ᠡᠬᠡᠯᠬᠡᠨ ᠮᠢᠨᠤ ᠵᠢᠷᠤᠬᠡᠨᠳᠤ ᠮᠠᠨᠠᠬ᠍ᠳᠠᠬ᠍ᠰᠠᠨ ᠬᠦᠰᠡᠯ ᠶᠤᠮ ᠳ᠋ᠠ ᠁
ᠦᠨᠡᠬᠡᠷ ᠪᠢ ᠶᠠᠭᠤ ᠪᠦᠬᠦᠨᠢ ᠮᠠᠷᠳᠠᠬ᠍ᠰᠠᠨ ᠮᠡᠳᠤ ᠪᠠᠢᠶᠠ
ᠨᠠᠮ ᠵᠢᠮᠤᠨ ᠲᠤᠮᠳᠠ ᠦᠪᠡᠷ ᠲᠡᠬᠡᠨ ᠠᠭᠤᠰᠴᠤ᠌ ᠶᠠᠪᠤᠶᠠ
ᠦᠨᠡᠨ ᠮᠦᠨᠳᠤ ᠰᠦᠵᠢᠭᠢᠶᠠᠷ ᠰᠠᠮ ᠤᠨᠠᠭᠠᠳ
ᠨᠠᠷᠢᠬᠠᠨ ᠪᠤᠷᠤ ᠬᠦᠵᠢ ᠪᠤᠯᠵᠥ᠍ ᠦᠪᠡᠷᠢᠪᠠᠨ ᠠᠰᠠᠭᠠᠵᠥ᠍ ᠶᠠᠪᠤᠶᠠ
ᠨᠠᠰᠤᠪᠠᠨ ᠮᠠᠷᠲᠠᠬᠤᠶ᠋ᠢᠨ ᠬᠦᠬᠡᠷᠤᠬᠦᠨ ᠲᠤᠭᠠᠯᠠᠯᠢᠶᠠᠷ
ᠨᠠᠷᠠᠪᠴᠢᠨ ᠲᠡᠭᠡᠷᠡᠠᠴᠠ ᠲᠤᠷᠤᠨᠠ ᠵᠦᠭ ᠰᠠᠷᠠᠪᠴᠢᠯᠠᠶᠠ
ᠨᠠᠮ ᠵᠢᠮ ᠰᠡᠬᠦᠢᠳᠡᠭ ᠨᠤᠳᠤᠭᠤᠨ ᠴᠡᠩᠬᠡᠷ ᠠᠭᠤᠯᠠᠰ
ᠨᠠᠭᠠᠰᠢᠪᠠᠨ ᠶᠤᠭᠤᠭᠠᠳ ᠪᠠᠢᠬᠤ ᠶᠤᠮ᠂ ᠶᠤᠭᠤᠭᠠᠳ ᠪᠠᠢᠬᠤ ᠶᠤᠮ ᠡ！