ᠠᠰᠭᠠᠷᠠᠭ᠍ᠰᠠᠨ ᠰᠠᠷᠠᠨᠤ ᠭᠡᠷᠡᠯᠳᠤ
ᠠᠩᠭᠠᠭ᠍ᠰᠠᠨ ᠰᠡᠳᠭᠢᠯᠢ ᠴᠢᠨᠢ ᠠᠷᠭᠠᠳᠠᠬᠤ ᠭᠡᠵᠤ
ᠪᠢ᠂ ᠪᠣᠷᠤᠭᠠ ᠪᠣᠯᠵᠤ ᠱᠢᠪᠡᠷᠡᠯᠡ᠃
ᠡᠭᠦᠯᠡᠨ ᠬᠡᠲᠠᠢ ᠣᠭ᠍ᠲᠠᠷᠭᠤᠢᠳᠤ
ᠥᠢᠳᠭᠠᠷ ᠭᠤᠨᠢᠭᠢ ᠴᠢᠨᠢ ᠠᠷᠴᠢᠬᠤ ᠭᠡᠵᠤ
ᠪᠢ᠂ ᠰᠣᠯᠣᠩᠭᠠ ᠪᠣᠯᠵᠤ ᠮᠢᠷᠠᠯᠵᠠᠯᠡ᠃
ᠢᠷᠮᠡᠭᠦᠨ ᠲᠡᠭ᠌ᠷᠢᠶ᠋ᠢᠨ ᠬᠠᠶᠠᠭᠠᠨᠳᠤ
ᠭᠡᠭᠡᠨ ᠪᠣᠳᠣᠯᠢ ᠴᠢᠨᠢ ᠠᠷᠢᠭᠤᠰᠭᠠᠬᠤ ᠭᠡᠵᠦ᠍
ᠪᠢ᠂ ᠠᠭᠢ ᠪᠣᠯᠵᠤ ᠤᠷᠭᠤᠯᠡ᠃
ᠣᠳᠣᠳ ᠲᠦᠭᠡᠬᠦ᠌ᠶ᠋ᠢᠨ ᠲᠣᠭᠠᠯᠠᠩᠳᠤ
ᠨᠢᠭᠤᠴᠠᠬᠠᠨ ᠰᠡᠳᠭᠢᠯᠢ ᠴᠢᠨᠢ ᠬᠤᠪᠢᠶᠠᠯᠴᠠᠬᠤ ᠭᠡᠵᠦ᠍
ᠪᠢ᠂ ᠰᠠᠯᠬᠢ ᠪᠣᠯᠵᠤ ᠰᠡᠪᠢᠯᠵᠡᠯᠡ᠃
ᠤᠴᠠᠷᠠᠯᠤᠨ ᠬᠡᠲᠠᠢ ᠬᠤᠷᠸᠠᠳᠤ
ᠮᠥᠷᠥᠭᠡᠳᠦᠯ ᠬᠦᠰᠡᠯᠢ ᠴᠢᠨᠢ ᠭᠦᠢᠴᠡᠬᠦ᠌ ᠭᠡᠵᠦ᠍
ᠪᠢ᠂ ᠱᠢᠪᠠᠭᠤ ᠪᠣᠯᠵᠤ ᠨᠡᠭᠦᠳᠡᠯᠯᠡᠯᠡ᠃
ᠥᠨᠢ ᠮᠥᠩᠬᠡᠶ᠋ᠢᠨ ᠬᠤᠨᠳᠠᠭᠠᠨᠳᠤ
ᠢᠯᠳᠠᠮᠬᠠᠨ ᠬᠠᠢᠷᠡᠶ᠋ᠢ ᠴᠢᠨᠢ ᠬᠡᠮᠨᠡᠬᠦ᠌ ᠭᠡᠵᠤ
ᠪᠢ᠂ ᠰᠦ ᠪᠣᠯᠵᠤ ᠮᠡᠯᠮᠡᠷᠡᠯᠡ᠃
ᠦᠨᠡᠨ ᠵᠠᠶᠠᠭᠠᠨᠤ ᠲᠤᠤᠯᠢᠳᠤ
ᠨᠢᠯᠪᠤᠰᠤᠲᠠᠢ ᠨᠢᠳᠦ᠍ᠶ᠋ᠢ ᠴᠢᠨᠢ ᠦᠨᠦᠰᠭᠦ ᠭᠡᠵᠤ
ᠪᠢ᠂ ᠱᠢᠯᠦᠭ ᠪᠣᠯᠵᠤ ᠤᠶᠠᠩᠭᠠᠷᠠᠯᠡ᠃
ᠴᠢᠨᠦ᠍ ᠵᠦᠭᠤᠨ ᠰᠠᠯᠬᠢ
ᠴᠢᠮᠡ ᠵᠦᠭ ᠭᠡᠭᠡᠯᠵᠡᠬᠦᠢ ᠰᠡᠳᠭᠢᠯ
ᠡᠭᠡᠱᠢᠭ ᠳᠣᠯᠣᠭᠠᠨ ᠠᠶᠠᠯᠭᠤᠨ᠃
ᠨᠤᠲᠤᠭ ᠵᠦᠭᠢᠶᠠᠨ ᠰᠡᠮᠡᠷᠡᠬᠦᠢ ᠰᠡᠳᠭᠢᠯ ᠮᠢᠨᠢ
ᠰᠡᠳᠭᠢᠯ ᠵᠦᠭ ᠤᠶᠠᠷᠠᠬᠤᠢ ᠴᠢ ᠮᠢᠨᠢ
ᠨᠠᠷᠠᠨᠠᠴᠠ ᠣᠢᠷᠠᠬᠠᠨ ᠳᠡᠯᠡᠬᠡᠢ ᠮᠢᠨᠢ
ᠨᠠᠳᠠᠠᠴᠠ ᠣᠢᠷᠠᠬᠠᠨ ᠬᠠᠢᠷᠡ ᠮᠢᠨᠢ ᠁
ᠪᠣᠷᠣᠭᠠᠨᠤ ᠲᠤᠰᠤᠯ ᠪᠣᠯᠵᠣ ᠴᠢᠮᠠ ᠳᠡᠭᠡᠷᠡ ᠠᠰᠭᠠᠷᠠᠬᠤ ᠶᠣᠮ ᠰᠠᠨ
ᠱᠢᠪᠡᠷᠡᠭᠡ ᠪᠣᠷᠣᠭᠠᠨᠢᠶᠠᠷ ᠴᠢᠮᠠᠪᠠᠨ ᠰᠠᠨᠠᠯᠠ
ᠱᠢᠪᠡᠨᠡᠵᠦ᠍ ᠶᠠᠷᠢᠭ᠍ᠰᠠᠨ ᠬᠡᠳᠦᠨ ᠦᠭᠡ ᠴᠢᠨᠢ
ᠱᠢᠯᠦᠭᠤᠨ ᠮᠢᠨᠢ ᠳᠠᠯᠳᠠ ᠬᠤᠯᠪᠣᠭᠠᠰᠣ ᠪᠠᠢᠵᠠᠢ
ᠰᠡᠳᠭᠢᠯ ᠢᠭ᠌ᠳᠦᠯᠦᠨ ᠤᠶᠡᠩᠭᠠᠷᠠᠭᠠᠳ ᠯᠠ᠁
ᠨᠠᠮᠢᠷᠠᠭᠠ ᠪᠣᠷᠣᠭᠠᠨᠢᠶᠠᠷ ᠴᠢᠮᠠᠪᠠᠨ ᠰᠠᠨᠠᠯᠠ
ᠨᠠᠬᠢᠯᠵᠠᠨ ᠨᠤᠷᠭᠠᠬᠤ ᠬᠤᠩᠭᠤᠷᠬᠠᠨ ᠢᠨᠢᠶᠡᠳᠦ ᠴᠢᠨᠢ
ᠨᠠᠳᠠ ᠵᠦᠭ ᠴᠢᠪᠬᠠᠳᠠᠬᠤ ᠴᠢᠨᠤ ᠠᠶᠠᠯᠭᠤᠨ ᠪᠠᠢᠵᠠᠢ
ᠨᠢᠭᠤᠴᠠᠬᠠᠨ ᠰᠡᠳᠭᠢᠯᠳᠤ ᠬᠡᠬᠡᠯᠵᠡᠭᠡᠳ ᠯᠠ ᠁
ᠵᠦᠰᠡᠷᠡᠬᠦ᠌ ᠪᠣᠷᠣᠭᠠᠨᠢᠶᠠᠷ ᠴᠢᠮᠠᠪᠠᠨ ᠰᠠᠨᠠᠯᠠ
ᠵᠦᠭᠡᠯᠡᠨ ᠢᠯᠳᠠᠮ ᠪᠤᠯᠪᠠᠷᠠᠢᠬᠠᠨ ᠠᠭᠠᠯᠢ ᠴᠢᠨᠢ
ᠵᠦᠩ ᠨᠢᠭᠤᠴᠠᠭᠠᠢ ᠢᠨᠠᠭ᠍ᠬᠠᠨ ᠰᠡᠳᠭᠢᠯ ᠪᠠᠢᠵᠠᠢ
ᠵᠡᠭᠦᠳᠦᠨᠳᠤ ᠵᠥᠩᠳᠡᠭᠡᠨ ᠡᠷᠢᠭ᠌ᠳᠡᠭᠡᠳ ᠯᠠ ᠁
ᠠᠰᠭᠠᠷᠠᠬᠤ ᠪᠣᠷᠣᠭᠠᠨᠢᠶᠠᠷ ᠴᠢᠮᠠᠪᠠᠨ ᠰᠠᠨᠠᠯᠠ
ᠠᠨᠢᠷ ᠦᠭᠡᠢᠶ᠋ᠢᠨ ᠳᠣᠮᠳᠠ ᠭᠡᠷᠡᠯᠲᠦᠬᠦ᠌ ᠴᠢ ᠮᠢᠨᠢ
ᠠᠯᠠᠭ᠍ᠬᠠᠨ ᠵᠢᠷᠦᠬᠡᠨᠤ ᠮᠢᠨᠢ ᠠᠷᠭᠠᠮᠵᠢᠶᠠ ᠪᠠᠢᠵᠠᠢ
ᠠᠮᠢᠨᠴᠢᠷᠬᠠᠨ ᠪᠣᠳᠣᠯᠳᠤ ᠪᠦᠷᠲᠦᠯᠵᠡᠭᠡᠳ ᠯᠠ ᠁
ᠪᠣᠷᠣᠭᠠᠨᠤ ᠲᠤᠰᠤᠯ ᠪᠣᠯᠣᠨ
ᠴᠢᠮᠠ ᠳᠡᠭᠡᠷᠡ ᠠᠰᠭᠠᠷᠠᠬᠤ ᠶᠣᠮ ᠰᠠᠨ
ᠪᠤᠳᠤᠯᠤᠨ ᠬᠠᠨᠠᠶ᠋ᠢ ᠴᠢᠨᠢ ᠨᠡᠪᠲᠡᠯᠦᠨ
ᠰᠡᠮᠬᠡᠨ ᠰᠡᠮᠬᠡᠨ ᠰᠡᠮᠡᠷᠡᠬᠦ᠌ ᠶᠤᠮ ᠰᠠᠨ᠃