—— ᠳᠦᠡᠭᠯᠢᠶᠤᠤ ᠬᠤᠳᠠ ᠵᠢᠨ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠢᠳᠦ ᠬᠤᠰᠢᠭᠤᠨᠤ ᠮᠤᠳᠤᠳᠤ ᠰᠤᠮᠤ ᠵᠢᠨ ᠰᠢᠨᠡ ᠠᠢᠯ
ᠭᠠᠴᠠᠭᠠ ᠪᠡᠷ ᠨᠤᠲᠤᠭᠲᠠᠢ ᠵᠠᠯᠠᠭᠤ ᠠᠵᠦ ᠠᠬᠤᠢᠯᠠᠯᠲᠠᠨ ᠡᠦᠳᠠ ᠹᠠ ᠵᠢ ᠲᠡᠮᠲᠡᠭᠯᠡᠪᠡ
ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠪᠤᠯ
ᠨᠢᠬᠡ ᠶᠤᠰᠤᠨ ᠤ ᠨᠠᠷᠠᠨ ᠵᠦᠭ ᠤᠨ ᠠᠶᠠᠯᠠᠯ᠂ ᠦᠬᠦᠯ ᠬᠢᠬᠡᠳ ᠬᠦᠨᠭᠭᠡᠵᠢᠯ ᠪᠤᠯ ᠴᠠᠭ ᠵᠠᠢ ᠵᠢᠨ ᠬᠤᠶᠠᠷ
ᠬᠦᠷᠲᠦ᠂ ᠭᠠᠭᠴᠠ ᠬᠦ ᠰᠥᠨ ᠴᠠᠭᠠᠨ ᠬᠠᠢᠷᠠ ᠯᠠ
ᠮᠦᠨᠭᠭᠡ ᠲᠦᠰᠢᠬᠦ ᠦᠨᠢ ᠵᠢᠨ ᠠᠷᠠᠯ ᠪᠠᠢᠬᠤ ᠤᠴᠢᠷᠲᠠᠢ᠃ ᠲᠡᠢᠮᠦ ᠡ᠂ ᠬᠦᠮᠦᠨ ᠤ ᠬᠤᠷᠸᠠ ᠶᠠᠭᠤ ᠪᠡᠷ ᠲᠤᠲᠠᠭᠰᠠᠨ
ᠴᠤ᠌ ᠬᠠᠢᠷᠠ ᠪᠡᠷ ᠲᠤᠲᠠᠵᠦ ᠪᠤᠯᠬᠤ ᠦᠬᠡᠢ᠂ ᠠᠮᠢᠳᠤᠷᠠᠯ ᠬᠠᠢᠷᠠ ᠳᠡᠭᠡᠷᠡ ᠲᠤᠭᠲᠠᠲᠠᠭ ᠭᠡᠵᠦ ᠪᠢᠳᠡ
ᠦᠷᠬᠦᠯᠵᠢ ᠳᠠᠭᠤᠯᠠᠳᠠᠭ᠃ ᠶᠠᠭ ᠲᠡᠢᠮᠦ ᠪᠡᠷ ᠵᠢᠨᠨ ᠠᠮᠢᠳᠦ ᠶᠠᠪᠤᠬᠤ ᠵᠢ ᠦᠷᠦᠭᠡᠯ ᠪᠤᠰᠤᠳ ᠲᠤ᠌ ᠬᠠᠢᠷᠠ
ᠲᠦᠭᠡᠭᠡᠬᠦ ᠵᠢᠨ ᠨᠡᠷᠡ᠂ ᠠᠵᠠ ᠵᠢᠷᠭᠠᠯ ᠢ ᠪᠤᠰᠤᠳ ᠡᠴᠡ ᠬᠠᠯᠠᠮᠵᠢ ᠬᠦᠯᠢᠶᠡᠬᠦ ᠵᠢᠨ ᠨᠡᠷᠡ ᠭᠡᠵᠦ
ᠤᠢᠯᠠᠭᠠᠳᠠᠭ ᠬᠦᠮᠦᠰ ᠮᠠᠨ ᠤ ᠳᠤᠮᠳᠠ ᠮᠤᠨᠭᠳᠠᠬᠤ ᠪᠢᠰᠢ᠂ ᠲᠡᠢᠮᠦ ᠬᠦᠮᠦᠰᠤᠨ ᠨᠢᠬᠡ ᠨᠢ ᠡᠦᠳᠠ ᠹᠠ ᠭᠡᠳᠡᠭ
ᠮᠤᠨᠭᠭᠤᠯ ᠵᠠᠯᠠᠭᠤ ᠪᠢᠯᠡ᠃
ᠦᠰᠪᠦᠷᠢ ᠪᠠᠭᠠ ᠡᠴᠡ ᠪᠠᠨ
ᠦᠨᠡᠨᠴᠢ ᠰᠢᠳᠤᠷᠭᠤ ᠢᠲᠡᠭᠡᠯ ᠵᠢᠷᠤᠮ ᠲᠠᠢ ᠬᠦᠮᠦᠵᠢᠭᠳᠡᠪᠡ
ᠡᠦ ᠳᠠ ᠹᠠ 1995 ᠤᠨ ᠳᠤ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠢᠳᠦ ᠬᠤᠰᠢᠭᠤᠨ ᠤ ᠮᠤᠳᠤᠳᠤ ᠰᠤᠮᠤ
ᠵᠢᠨ ᠰᠢᠨᠡ ᠠᠢᠯ ᠭᠠᠴᠠᠭᠠᠳᠤ ᠵᠢᠷ ᠤᠨ ᠲᠠᠷᠢᠶᠠᠴᠢᠨ ᠡᠦ ᠬᠤᠤᠰᠪᠠᠭᠠᠨᠠ ᠪᠤᠯᠤᠨ ᠬᠠᠢ ᠶᠢᠡᠭ ᠤᠨ
ᠭᠤᠷᠪᠠᠨ ᠬᠡᠦᠬᠡᠳ ᠤᠨ ᠬᠢᠨᠢ ᠤᠳᠬᠤᠨ ᠨᠢ ᠪᠤᠯᠵᠦ ᠵᠠᠶᠠᠭᠠᠵᠠᠢ᠃ ᠲᠡᠬᠦᠨᠳᠤ ᠬᠤᠶᠠᠷ ᠡᠭᠡᠴᠢ ᠲᠠᠢ
ᠪᠠᠢᠵᠦ᠂ ᠭᠠᠯ ᠭᠤᠯᠤᠮᠳᠠ ᠪᠠᠨ ᠵᠠᠯᠭᠠᠬᠤ ᠬᠦᠦ ᠲᠠᠢ ᠪᠤᠯᠤᠭᠰᠠᠨ ᠠᠪᠤ ᠡᠵᠢ ᠵᠢᠨ ᠬᠢᠨᠢ ᠪᠠᠶᠠᠷᠯᠠᠭᠰᠠᠨᠢ ᠬᠡᠯᠡᠬᠦ ᠶᠠᠭᠤᠨ⁈ ᠦᠪᠡᠷᠰᠡᠳ
ᠵᠢᠨᠨ ᠶᠠᠳᠠᠭᠤ ᠵᠦᠳᠡᠬᠦᠦ ᠠᠮᠢᠳᠤᠷᠠᠵᠦ ᠪᠠᠢᠪᠠᠴᠦ ᠦᠷᠡ ᠬᠡᠦᠬᠡᠳ ᠤᠨ ᠵᠢᠨᠨ ᠪᠠᠶᠠᠷ ᠵᠢᠷᠭᠠᠯᠲᠠᠢ
ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠬᠤ ᠵᠢ ᠨᠢ ᠵᠦᠨᠭᠨᠡᠨ ᠪᠡᠯᠬᠡᠳᠡᠵᠦ ᠵᠦᠢᠴᠢᠯᠡᠨ ᠪᠤᠳᠤᠳᠠᠭ ᠨᠢ ᠠᠪᠤ ᠡᠵᠢ
ᠪᠤᠯᠤᠭᠰᠠᠳ ᠤᠨ ᠠᠷᠢᠭᠤᠨ ᠬᠠᠢᠷᠠ ᠨᠠᠨᠳᠢᠨ ᠰᠡᠳᠬᠢᠯ ᠪᠠᠢᠳᠠᠭ ᠪᠤᠯᠬᠤᠷ ᠲᠡᠳᠡ ᠡᠨᠭᠬᠦᠷᠡᠢ ᠬᠦᠦ
ᠳᠡᠭᠡᠨ 《ᠡᠦ ᠳᠠ ᠹᠠ》 ᠬᠡᠮᠡᠬᠦ ᠪᠡᠯᠬᠡᠲᠦ ᠨᠡᠷᠡ ᠬᠠᠢᠷᠠᠯᠠᠵᠠᠢ᠃ ᠡᠦ ᠳᠠ ᠹᠠ ᠪᠠᠭᠠ ᠡᠴᠡ ᠪᠠᠨ
ᠬᠤᠷᠴᠠ ᠰᠡᠷᠬᠦᠯᠡᠡᠭ ᠬᠡᠦᠬᠡᠳ ᠪᠠᠢᠵᠦ᠂ ᠰᠤᠷᠭᠠᠭᠤᠯᠢ ᠳᠤ ᠤᠷᠤᠭᠰᠠᠨ ᠤ ᠳᠠᠷᠠᠭᠠ ᠦᠨᠡᠨᠴᠢ ᠰᠢᠳᠤᠷᠭᠤ
ᠢᠲᠡᠭᠡᠯ ᠵᠢᠷᠤᠮ ᠲᠠᠢ ᠪᠡᠷ ᠵᠢᠨᠨ ᠪᠠᠭᠰᠢ ᠨᠦᠬᠦᠳ ᠤᠨ ᠵᠢᠨᠨ ᠬᠠᠢᠷᠠ ᠪᠠᠬᠠᠷᠬᠠᠯ ᠢ ᠬᠦᠷᠲᠡᠵᠦ
ᠶᠠᠪᠤᠵᠠᠢ᠃
ᠡᠦ ᠳᠠ ᠹᠠ ᠪᠠᠭᠠ ᠡᠴᠡ ᠪᠠᠨ ᠦᠪᠡᠷ ᠢ ᠪᠠᠨ 《ᠰᠠᠢᠨ ᠬᠦᠮᠦᠨ ᠤ ᠦᠷᠡ᠂ ᠰᠦᠲᠦ ᠬᠡᠬᠦᠦ
ᠵᠢᠨ ᠤᠨᠠᠭᠠ》 ᠭᠡᠵᠦ ᠪᠤᠳᠤᠵᠦ ᠶᠠᠪᠤᠳᠠᠭ᠃ ᠲᠡᠷᠡ ᠬᠡᠳᠦᠢᠪᠡᠷ ᠡᠪᠦᠬᠡ ᠪᠠᠨ ᠤᠯᠵᠦ ᠦᠵᠡᠭᠰᠡᠨ ᠦᠬᠡᠢ
ᠪᠤᠯᠪᠠᠴᠦ ᠡᠪᠦᠬᠡ ᠵᠢᠨ ᠵᠢᠨᠨ ᠤᠯᠠᠨ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠵᠦ ᠶᠠᠪᠤᠭᠰᠠᠨ ᠲᠡᠳᠡᠭᠡᠷ ᠤᠯᠠᠨ ᠦᠯᠢᠬᠡᠷ ᠦᠢᠯᠡ
ᠶᠠᠪᠤᠳᠠᠯ ᠢ ᠨᠢ ᠰᠤᠨᠤᠰᠴᠤ ᠦᠰᠴᠡᠢ᠃ ᠡᠦ ᠳᠠ ᠹᠠ ᠵᠢᠨ
ᠡᠪᠦᠬᠡ ᠮᠤᠯᠵᠠᠪ ᠭᠡᠭᠴᠢ ᠮᠠᠯ ᠤᠨ ᠡᠮᠴᠢ ᠵᠢᠨ ᠮᠡᠷᠭᠡᠵᠢᠯ ᠲᠠᠢ ᠬᠦᠮᠦᠨ ᠪᠠᠢᠵᠦ᠂ ᠠᠮᠢᠳᠤᠷᠠᠯ ᠤᠨ ᠨᠦᠬᠦᠴᠡᠯ
ᠠᠨᠠᠢ᠂ ᠡᠮ ᠲᠠᠡᠭ ᠬᠤᠪᠤᠷ ᠪᠠᠢᠭᠰᠠᠨ ᠲᠤᠬᠠᠢ ᠵᠢᠨ ᠦᠶᠠ ᠳᠤ ᠳᠤᠮ ᠵᠠᠰᠠᠯᠭᠠ ᠪᠡᠷ ᠢᠶᠡᠨ ᠨᠤᠲᠤᠭ ᠤᠨ ᠤᠯᠠᠨ ᠤ ᠪᠠᠨ
ᠮᠠᠯ ᠤᠨᠤᠭᠠ ᠵᠢ ᠡᠮᠨᠡᠨ ᠵᠠᠰᠠᠵᠦ᠂ ᠠᠴᠢ ᠲᠤᠰᠠ ᠪᠠᠨ
ᠦᠵᠡᠬᠦᠯᠵᠦ ᠶᠠᠪᠤᠭᠰᠠᠨ ᠪᠤᠶᠠᠨᠲᠤ ᠪᠤᠭᠤᠷᠤᠯ ᠠᠵᠢ᠃ ᠨᠢᠬᠡ
ᠵᠢᠯ ᠭᠡᠨᠡᠳᠳᠡ ᠮᠤᠷᠢᠨ ᠤ ᠬᠢᠵᠢᠭ ᠳᠡᠯᠬᠡᠷᠡᠭᠰᠡᠨ ᠳᠤ᠂ ᠮᠤᠯᠵᠠᠪ ᠭᠤᠸᠠᠢ ᠭᠠᠷ ᠤᠨ ᠡᠷᠳᠡᠮ ᠵᠢᠨᠨ
ᠭᠠᠷᠭᠠᠵᠦ ᠠᠢᠯ ᠠᠢᠮᠠᠬ ᠤᠨ ᠵᠢᠨᠨ ᠠᠮᠢ ᠭᠤᠤᠯ ᠲᠠᠢ ᠪᠠᠨ
ᠬᠤᠯᠪᠤᠭᠰᠠᠨ ᠬᠦᠯᠦᠰᠢᠨ ᠤᠨᠤᠭᠠ ᠨᠤᠭᠤᠳ ᠢ ᠡᠮᠨᠡᠨ ᠡᠳᠡᠭᠡᠷᠡᠬᠦᠯᠵᠦ ᠠᠪᠤᠭᠰᠠᠨ ᠰᠠᠢᠬᠠᠨ ᠳᠤᠷᠠᠰᠤᠮᠵᠢ ᠲᠠᠢ᠃
ᠡᠦ ᠳᠠ ᠹᠠ ᠵᠢᠨ ᠠᠪᠤ ᠡᠦ ᠬᠤᠤᠰᠪᠠᠭᠠᠨᠠ ᠭᠤᠷᠪᠠᠨ ᠨᠠᠰᠤᠲᠠᠢ ᠳᠠᠭᠠᠨ ᠬᠡᠦᠬᠡᠳ ᠤᠨ ᠲᠠᠬᠤᠯ ᠳᠤ ᠨᠡᠷᠪᠡᠭᠳᠡᠵᠦ᠂
ᠡᠪᠡᠳᠴᠢᠨ ᠤ ᠬᠤᠤᠷ ᠨᠢ ᠬᠦᠯ ᠳᠤᠨᠢ ᠦᠯᠡᠳᠡᠭᠰᠡᠨ ᠵᠢᠡᠷ ᠪᠠᠭᠠ ᠡᠴᠡ ᠪᠠᠨ ᠬᠦᠯ ᠵᠡᠮᠳᠡᠭ ᠪᠤᠯᠵᠠᠢ᠃ ᠬᠦᠨᠳᠦ
ᠬᠦᠴᠦᠨ ᠤ ᠠᠵᠢᠯ ᠬᠢᠵᠦ ᠳᠡᠢᠯᠬᠦ ᠦᠬᠡᠢ ᠪᠤᠯᠬᠤᠷ᠂ ᠬᠤᠤᠰᠪᠠᠭᠠᠨᠠ ᠠᠪᠤ ᠡᠴᠡ ᠪᠠᠨ ᠮᠠᠯ ᠤᠨ ᠡᠮᠴᠢ ᠵᠢᠨ
ᠮᠡᠷᠭᠡᠵᠢᠯ ᠰᠤᠷᠴᠦ᠂ ᠠᠬᠠ ᠪᠠᠨ ᠳᠠᠭᠠᠵᠦ ᠸᠠᠭᠠᠷᠴᠢᠨ ᠪᠤᠯᠤᠨ ᠮᠤᠳᠤᠨ ᠳᠠᠷᠬᠠᠨ ᠤ ᠮᠡᠷᠭᠡᠵᠢᠯ ᠡᠵᠡᠮᠰᠢᠵᠡᠢ᠃
ᠨᠢᠬᠡ ᠭᠡᠷ ᠤᠨ ᠵᠢᠨᠨ ᠨᠤᠶᠠᠨ ᠨᠢᠷᠤᠭᠤ ᠪᠤᠯᠤᠭᠰᠠᠨ ᠲᠡᠷᠡ ᠪᠡᠷ ᠠᠷᠤ ᠭᠡᠷ ᠠᠨᠭᠭᠠ ᠬᠡᠦᠬᠡᠳ ᠵᠢᠨᠨ ᠬᠡᠮᠡᠨ
ᠵᠡᠮᠳᠡᠭ ᠪᠡᠶᠡ ᠪᠠᠨ ᠡᠷᠡᠬᠦᠯ ᠬᠦᠮᠦᠨ ᠡᠴᠡ ᠢᠯᠡᠬᠦᠦ ᠵᠦᠳᠡᠭᠡᠵᠦ᠂ ᠡᠷᠳᠡᠯᠡᠨ ᠤᠷᠤᠢᠯᠠᠵᠤ ᠰᠢᠭᠤᠷᠬᠠᠢᠯᠠᠨ
ᠠᠵᠢᠯᠯᠠᠨ ᠬᠡᠲᠦᠷᠬᠡᠢ ᠶᠠᠳᠠᠷᠠᠭᠰᠠᠨ ᠡᠴᠡ ᠪᠤᠯᠵᠦ᠂ ᠪᠡᠶᠡ ᠳᠤᠨᠢ ᠠᠷᠬᠠᠭ ᠬᠡᠮ ᠰᠠᠭᠤᠭᠰᠠᠨ ᠴᠤ᠌ ᠠᠨᠭᠵᠠᠭᠠᠷᠠᠭᠰᠠᠨ
ᠦᠬᠡᠢ ᠶᠠᠪᠤᠵᠠᠢ᠃ ᠠᠮᠢᠳᠤᠷᠠᠯ ᠶᠠᠳᠠᠭᠤ ᠴᠤ᠌ ᠦᠷᠡ ᠬᠡᠦᠬᠡᠳ ᠵᠢᠨᠨ ᠡᠷᠳᠡᠮ ᠮᠡᠳᠡᠯᠬᠡ ᠲᠠᠢ ᠬᠦᠮᠦᠨ ᠪᠤᠯᠭᠠᠨ
ᠬᠦᠮᠦᠵᠢᠬᠦᠯᠦᠶᠡ ᠬᠡᠮᠡᠨ ᠬᠦᠮᠦᠬᠡᠢ ᠪᠠᠨ ᠵᠠᠭᠤᠵᠦ ᠬᠦᠴᠦᠯᠡᠨ ᠴᠢᠷᠮᠠᠢᠭᠰᠠᠭᠠᠷ ᠪᠠᠢᠵᠦ᠂ ᠰᠡᠬᠦᠯᠳᠡᠵᠦ ᠢᠷᠡᠬᠦ
ᠳᠤ ᠡᠪᠡᠳᠴᠢᠨ ᠨᠢ ᠤᠯᠠᠮ ᠬᠦᠨᠳᠦᠷᠡᠵᠦ ᠵᠠᠰᠠᠯᠭᠠ ᠠᠪᠬᠤ ᠪᠠᠨ ᠪᠠᠢᠵᠦ᠂ ᠲᠠᠪᠢᠨ ᠬᠤᠶᠠᠷᠬᠠᠨ ᠨᠠᠰᠤᠨ ᠳᠠᠭᠠᠨ
ᠶᠢᠷᠳᠢᠨᠴᠤ ᠵᠢᠨ ᠮᠦᠨᠭᠭᠡ ᠪᠤᠰᠤ ᠵᠢ ᠦᠵᠡᠬᠦᠯᠵᠡᠢ᠃ ᠠᠪᠤ ᠨᠢ ᠨᠠᠰᠤ ᠪᠠᠷᠠᠲᠠᠯᠠ ᠪᠠᠨ ᠪᠤᠰᠤᠳ ᠲᠤ᠌ ᠱᠡᠬᠡᠯᠡᠬᠡ
ᠪᠡᠷ ᠠᠵᠢᠯ ᠬᠢᠵᠦ ᠦᠭᠭᠦᠭᠰᠡᠨ ᠵᠤᠭᠤᠰ ᠵᠢᠨᠨ ᠴᠤ᠌ ᠪᠦᠷᠢᠨ ᠤᠯᠵᠦ ᠠᠪᠤᠭᠰᠠᠨ ᠦᠬᠡᠢ ᠭᠡᠳᠡᠭ ᠢ ᠨᠢ ᠡᠦ
ᠳᠠ ᠹᠠ ᠮᠡᠳᠡᠨᠡ᠃ ᠡᠪᠦᠬᠡ ᠪᠤᠯᠤᠨ ᠠᠪᠤ ᠵᠢᠨ ᠬᠢᠨᠢ ᠲᠡᠳᠡᠭᠡᠷ ᠤᠯᠠᠨ ᠦᠯᠢᠬᠡᠷ ᠤᠴᠠᠷᠠᠯ ᠤᠳ ᠪᠠᠭᠠ
ᠨᠠᠰᠤᠨ ᠤ ᠡᠦ ᠳᠠ ᠹᠠ ᠵᠢ ᠶᠡᠬᠡ ᠪᠡᠷ ᠨᠦᠯᠦᠬᠡᠯᠡᠵᠦ᠂ ᠨᠡᠢᠬᠡᠮ ᠨᠡᠢᠲᠡ ᠳᠡᠭᠡᠨ ᠲᠤᠰᠠᠲᠠᠢ ᠬᠦᠮᠦᠨ ᠪᠤᠯᠤᠶᠠ
ᠭᠡᠰᠡᠨ ᠬᠦᠰᠡᠯ ᠮᠦᠷᠦᠬᠡᠳᠦᠯ ᠲᠠᠢ ᠪᠤᠯᠭᠠᠵᠠᠢ᠃
2013 ᠤᠨ ᠤ ᠠᠷᠭᠠ ᠵᠢᠨ
ᠤᠯᠠᠷᠢᠯ ᠤᠨ 6 ᠰᠠᠷᠠ ᠵᠢᠨ 22 ᠤᠨ ᠡᠳᠦᠷ ᠢ ᠡᠦ ᠳᠠ ᠹᠠ ᠬᠡᠵᠢᠶᠡᠳᠡ ᠮᠠᠷᠳᠠᠵᠦ ᠴᠢᠳᠠᠬᠤ ᠦᠬᠡᠢ᠃ ᠲᠡᠷᠡ ᠡᠳᠦᠷ ᠠᠴᠢᠲᠦ ᠠᠪᠤ ᠵᠢᠨ ᠬᠢᠨᠢ ᠠᠭᠤᠰᠬᠢᠨ ᠡᠪᠡᠳᠴᠢᠨ
ᠨᠢ ᠬᠦᠨᠳᠦᠷᠡᠵᠦ᠂ ᠠᠮᠠᠷᠠᠭ ᠬᠡᠷᠭᠡᠢ ᠪᠤᠯᠤᠨ ᠬᠠᠢᠷᠠᠲᠠᠢ ᠭᠤᠷᠪᠠᠨ ᠦᠷᠡ ᠪᠠᠨ ᠬᠠᠶᠠᠵᠤ ᠨᠦᠬᠦᠬᠡ
ᠶᠢᠷᠲᠢᠨᠴᠦ ᠵᠢ ᠵᠤᠷᠢᠵᠠᠢ᠃ ᠲᠡᠷᠡ ᠦᠶᠡᠰ ᠬᠡᠦᠬᠡᠳ ᠤᠨ ᠬᠢᠨᠢ ᠤᠳᠬᠤᠨ ᠨᠢ ᠪᠤᠯᠤᠭᠰᠠᠨ ᠡᠦᠳᠠ ᠹᠠ ᠠᠷᠠᠢ
ᠭᠡᠵᠦ ᠠᠷᠪᠠᠨ ᠨᠠᠢ᠍ᠮᠠ ᠬᠦᠷᠴᠦ ᠪᠠᠢᠭᠰᠠᠨ ᠪᠦᠬᠡᠳ ᠶᠡᠬᠡ ᠰᠤᠷᠭᠠᠭᠤᠯᠢ ᠰᠢᠯᠭᠠᠭᠤᠯᠤᠭᠠᠳ ᠮᠠᠷᠭᠠᠰᠢ ᠨᠢ ᠨᠡᠢᠳᠡᠯᠡᠭᠳᠡᠬᠦ
ᠬᠤᠪᠢ ᠪᠠᠨ ᠬᠦᠯᠢᠶᠡᠵᠦ ᠪᠠᠢᠭᠰᠠᠨ ᠠᠵᠢ᠃
— ᠲᠠ ᠨᠠᠷ ᠬᠦᠦ ᠵᠢ ᠮᠢᠨᠢ
ᠶᠠᠭᠠᠬᠢᠬᠰᠠᠨ ᠴᠤ᠌ ᠶᠡᠬᠡ ᠰᠤᠷᠭᠠᠭᠤᠯᠢ ᠳᠤᠨᠢ ᠶᠠᠪᠤᠭᠤᠯᠤᠭᠠᠳ
ᠲᠡᠭᠡ ᠳᠠ᠂ ᠪᠢ ᠲᠠ ᠨᠠᠷ ᠢ ᠭᠤᠶᠤᠶᠠ ᠁ ᠭᠡᠳ ᠠᠪᠤ ᠨᠢ ᠠᠮᠢᠰᠬᠤᠯ ᠬᠤᠷᠢᠶᠠᠪᠠ᠃ ᠲᠦᠷᠦᠯ ᠰᠠᠲᠤᠨ ᠨᠢ ᠠᠪᠤ ᠵᠢᠨ ᠬᠢᠨᠢ ᠦᠬᠡ
ᠵᠢ ᠭᠠᠵᠠᠷᠳᠠᠭᠤᠯᠤᠭᠰᠠᠨ ᠦᠬᠡᠢ᠂ ᠡᠦᠳᠠ ᠹᠠ ᠵᠢ ᠶᠡᠬᠡ ᠰᠤᠷᠭᠠᠭᠤᠯᠢ ᠳᠤ ᠶᠠᠪᠤᠬᠤ ᠦᠶᠡᠰ ᠬᠤᠪᠢ ᠬᠤᠪᠢᠨ
ᠤ ᠴᠢᠳᠠᠯ ᠤᠨ ᠬᠢᠷᠢ ᠪᠡᠷ ᠵᠢᠨᠨ ᠬᠠᠪᠰᠤᠷᠤᠨ ᠳᠡᠮᠵᠢᠪᠠ᠃ ᠠᠩᠭᠢ ᠵᠢᠨ ᠡᠷᠬᠢᠯᠡᠭᠴᠢ᠂ ᠰᠤᠷᠭᠠᠭᠤᠯᠢ᠂ ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠢᠳᠦ ᠬᠤᠰᠢᠭᠤᠨ ᠤ ᠤᠯᠠᠭᠠᠨ
ᠵᠠᠭᠠᠯᠮᠠᠢᠲᠠᠨ ᠤ ᠨᠡᠢᠭᠡᠮᠯᠢᠭ᠂ ᠲᠦᠭᠡᠭᠡᠯ ᠤᠰᠤᠨ ᠤ ᠺᠤᠮᠫᠠᠨᠢ ᠵᠢᠨ ᠵᠤᠤ ᠠᠪᠠᠭᠠ ᠁ ᠵᠡᠷᠭᠡ ᠰᠠᠲᠤᠨ ᠲᠦᠷᠦᠯ ᠪᠤᠯᠤᠨ ᠬᠠᠯᠠᠭᠤᠨ ᠰᠡᠳᠬᠢᠯᠲᠦ
ᠬᠦᠮᠦᠰ ᠤᠨ ᠵᠢᠨᠨ ᠬᠠᠪᠰᠤᠷᠤᠯᠭᠠ ᠳᠡᠮᠵᠢᠯᠭᠡ ᠪᠡᠷ ᠡᠦ ᠳᠠ ᠹᠠ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠠᠯᠳᠠᠨ
ᠪᠤᠱᠤᠭᠠ ᠵᠢ ᠠᠯᠬᠤᠵᠠᠢ᠃ ᠶᠡᠬᠡ ᠰᠤᠷᠭᠠᠭᠤᠯᠢ ᠳᠤ
ᠶᠠᠪᠤᠬᠤ ᠡᠴᠡ ᠪᠠᠨ ᠡᠮᠦᠨᠡ᠂ ᠳᠠᠷᠠ ᠨᠢᠬᠡᠨ ᠬᠤᠭᠤᠯᠠᠨ ᠭᠡᠷ ᠲᠤ᠌ ᠪᠠᠰᠠ 40 ᠡᠳᠦᠷ ᠦᠢᠯᠡᠴᠢᠯᠡᠭᠴᠢ ᠪᠡᠷ
ᠠᠵᠢᠯᠯᠠᠵᠦ ᠦᠨᠭᠭᠡᠷᠡᠵᠡᠢ᠃ ᠦᠨᠡᠨ ᠳᠡᠭᠡᠨ ᠲᠡᠬᠦᠨ ᠤ ᠤᠯᠬᠤ ᠴᠠᠯᠢᠡᠭ ᠨᠢ 1800 ᠲᠦᠬᠦᠷᠢᠭ ᠪᠠᠢᠪᠠ᠂ ᠡᠦ
ᠳᠠ ᠹᠠ ᠵᠢ ᠠᠵᠢᠯ ᠢᠶᠡᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠰᠠᠢᠬᠠᠨ
ᠬᠢᠯᠠ ᠬᠡᠮᠡᠨ ᠵᠠᠨᠭᠭᠤᠢᠳᠠ ᠨᠢ 200 ᠲᠦᠬᠦᠷᠢᠭ ᠨᠡᠮᠡᠵᠦ ᠱᠠᠨᠭᠨᠠᠭᠰᠠᠨ ᠭᠡᠳᠡᠭ᠃ ᠡᠦ ᠳᠠ ᠹᠠ
ᠭᠡᠭᠴᠢ ᠲᠡᠢᠮᠦ ᠯᠠ ᠦᠨᠡᠨᠴᠢ ᠰᠢᠳᠤᠷᠭᠤ᠂ ᠢᠲᠡᠭᠡᠯ ᠵᠢᠷᠤᠮ ᠢ ᠡᠷᠬᠢᠮᠯᠡᠳᠡᠭ ᠰᠠᠢᠨ ᠵᠠᠯᠠᠭᠤ ᠪᠤᠯᠬᠤᠷ᠂
ᠬᠠᠮᠢᠭᠠ ᠶᠠᠪᠤᠭᠰᠠᠨ ᠴᠤ᠌ ᠪᠤᠰᠤᠳ ᠤᠨ ᠬᠠᠢᠷᠠ ᠪᠠᠬᠠᠷᠬᠠᠯ ᠢ ᠤᠯᠳᠠᠭ ᠪᠠᠢᠯᠠ ᠃ ᠳᠠᠭᠠᠷᠠᠤᠬᠠᠨ ᠠᠮᠢᠳᠤᠷᠠᠯ
ᠲᠠᠢ ᠶᠠᠳᠠᠭᠤᠬᠠᠨ ᠠᠢᠯ ᠳᠤ ᠲᠦᠷᠦᠵᠦ ᠦᠰᠦᠭᠰᠡᠨ ᠲᠡᠷᠡ ᠪᠡᠷ ᠲᠦᠷᠦᠯ ᠰᠠᠲᠤᠨ᠂ ᠨᠡᠢᠬᠡᠮ ᠨᠡᠢᠲᠡ ᠵᠢᠨ ᠬᠠᠢᠷᠠ
ᠬᠠᠯᠠᠮᠵᠢ ᠪᠡᠷ ᠰᠤᠷᠭᠠᠭᠤᠯᠢ ᠰᠤᠶᠤᠯ ᠤᠨ ᠮᠦᠷ ᠢ ᠬᠦᠭᠡᠭᠡᠵᠦ ᠶᠠᠪᠤᠬᠤᠳᠠᠭᠠᠨ ᠬᠤᠵᠢᠮ ᠨᠢᠬᠡ ᠡᠳᠦᠷ ᠴᠢᠳᠠᠯ
ᠤᠷᠤᠭᠰᠠᠭᠠᠷ ᠲᠡᠳᠡᠭᠡᠷ ᠬᠦᠮᠦᠰ ᠤᠨ ᠵᠢᠨᠨ ᠠᠴᠢ ᠲᠤᠰᠠ ᠵᠢ ᠬᠠᠷᠢᠭᠤᠯᠠᠨᠠᠳᠠ ᠭᠡᠵᠦ ᠬᠠᠳᠠᠭᠤᠬᠠᠨ ᠪᠤᠳᠤᠳᠠᠭ
ᠪᠠᠢᠵᠠᠢ᠃
ᠦᠪᠦᠷ ᠮᠤᠨᠭᠭᠤᠯ ᠤᠨ ᠪᠠᠭᠰᠢ ᠵᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ
ᠤᠷᠠᠨ ᠵᠢᠷᠤᠭ ᠤᠨ ᠰᠠᠯᠪᠤᠷᠢ ᠳᠤ ᠰᠢᠯᠭᠠᠨ ᠤᠷᠤᠭᠰᠠᠨ ᠡᠦ ᠳᠠ ᠹᠠ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳᠠᠭᠠᠨ ᠰᠢᠮᠳᠠᠬᠤ ᠵᠢᠨ ᠳᠠᠭᠠᠤ
ᠠᠮᠢᠳᠤᠷᠠᠯ ᠤᠨ ᠵᠠᠷᠤᠳᠠᠯ ᠵᠢᠨᠨ ᠠᠷᠭᠠᠴᠠᠭᠠᠬᠤ ᠵᠢᠨ ᠲᠦᠯᠦᠬᠡ᠂ ᠬᠤᠭᠤᠯᠠᠨ ᠭᠡᠷ ᠲᠤ᠌ ᠠᠶᠠᠭᠠ ᠫᠢᠯᠠ
ᠵᠦᠬᠡᠬᠡᠬᠦ ᠡᠴᠡ ᠪᠠᠷᠢᠯᠭᠠ ᠵᠢᠨ ᠭᠠᠵᠠᠷ ᠲᠤᠭᠤᠰᠬᠠ
ᠵᠦᠬᠡᠬᠡᠪᠦᠷᠢᠯᠡᠬᠦ ᠬᠦᠷᠳᠡᠯᠡ᠂ ᠡᠯᠠ ᠵᠦᠢᠯ ᠤᠨ ᠬᠦᠨᠳᠦ ᠬᠦᠴᠢᠷ ᠬᠦᠴᠦᠨ ᠤ ᠠᠵᠢᠯ ᠤᠳ ᠢ ᠪᠦᠷ
ᠬᠢᠵᠦ ᠦᠵᠡᠪᠡ᠃ ᠲᠡᠷᠡ ᠪᠠᠰᠠ ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦ ᠦᠶᠡᠰ᠂ ᠰᠢᠨᠡ ᠤᠶᠤᠳᠠᠳ ᠲᠤ᠌ ᠬᠦᠨᠵᠢᠯᠡ ᠳᠡᠪᠢᠰᠭᠡᠷ
ᠬᠤᠳᠠᠯᠳᠤᠬᠤ ᠭᠡᠬᠦ ᠮᠡᠲᠦ ᠪᠡᠷ ᠪᠠᠭᠠ ᠰᠠᠭᠠ ᠤᠷᠤᠯᠭᠠ ᠤᠯᠵᠦ᠂ ᠡᠳᠦᠷ ᠲᠤᠳᠤᠮ ᠤᠨ ᠵᠠᠷᠤᠳᠠᠯ ᠵᠢᠨᠨ
ᠠᠷᠭᠠᠴᠠᠭᠠᠵᠤ ᠪᠠᠢᠪᠠ᠃ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ
ᠬᠤᠶᠠᠳᠤᠭᠠᠷ ᠤᠨ ᠡᠴᠡ ᠪᠠᠨ ᠡᠬᠢᠯᠡᠨ ᠡᠦ ᠳᠠ ᠹᠠ ᠠᠷᠤ ᠭᠡᠷ ᠡᠴᠡ ᠪᠠᠨ ᠵᠤᠭᠤᠰ ᠠᠪᠤᠭᠰᠠᠨ ᠦᠬᠡᠢ ᠪᠡᠷ
ᠶᠡᠬᠡ ᠰᠤᠷᠭᠠᠭᠤᠯᠢ ᠪᠠᠨ ᠲᠡᠬᠦᠰᠭᠡᠬᠦ ᠦᠶᠡ ᠳᠤ ᠪᠠᠰᠠ ᠦᠪᠡᠷ ᠤᠨ ᠭᠡᠬᠦ ᠵᠢᠭᠠᠬᠠᠨ ᠬᠠᠳᠠᠭᠠᠯᠠᠮᠵᠢ
ᠲᠠᠢ ᠪᠤᠯᠵᠦ ᠠᠮᠵᠢᠭᠰᠠᠨ ᠭᠡᠳᠡᠭ᠃
ᠡᠷᠡᠬᠦᠯ ᠢᠳᠡᠭᠡᠨ
ᠤ ᠦᠢᠯᠡᠰ ᠡᠷᠬᠢᠯᠡᠵᠦ ᠤᠯᠠᠨ ᠲᠦᠮᠡᠨ ᠳᠡᠭᠡᠨ ᠦᠢᠯᠡᠴᠢᠯᠡᠪᠡ
ᠶᠡᠬᠡ
ᠰᠤᠷᠭᠠᠭᠤᠯᠢ ᠪᠠᠨ ᠲᠡᠬᠦᠰᠭᠡᠭᠰᠡᠨ ᠡᠦ ᠳᠠ ᠹᠠ ᠲᠤᠭᠲᠠᠭᠰᠠᠨ ᠠᠵᠢᠯ ᠡᠷᠢᠬᠦ ᠵᠢ ᠪᠤᠳᠤᠭᠰᠠᠨ ᠦᠬᠡᠢ᠂
ᠬᠠᠷᠢᠨ ᠬᠤᠪᠢ ᠪᠡᠷ ᠵᠢᠨᠨ ᠨᠢᠬᠡᠨ ᠦᠢᠯᠡᠰ ᠡᠷᠬᠢᠯᠡᠬᠦ ᠬᠦᠰᠡᠯ ᠲᠠᠢ ᠪᠠᠢᠪᠠ᠃ ᠭᠡᠪᠡᠴᠦ ᠴᠤᠬᠤᠮ ᠶᠠᠭᠤ
ᠬᠢᠬᠦ ᠪᠠᠨ ᠤᠯᠬᠤ ᠦᠬᠡᠢ ᠪᠤᠯᠬᠤᠷ ᠨᠢᠬᠡ ᠵᠢᠯ ᠵᠦᠬᠡᠷ ᠰᠠᠭᠤᠭᠰᠠᠨ ᠭᠡᠳᠡᠭ᠃ ᠰᠠᠶᠢᠬᠠᠨ ᠰᠤᠷᠭᠠᠭᠤᠯᠢ
ᠲᠡᠬᠦᠰᠦᠭᠰᠡᠨ ᠡᠦ ᠳᠠ ᠹᠠ ᠳᠤ ᠠᠪᠴᠦ ᠬᠡᠯᠡᠪᠡᠯ᠂ ᠨᠡᠢᠬᠡᠮ ᠭᠡᠳᠡᠭ ᠬᠦᠯ ᠦᠬᠡᠢ ᠶᠡᠬᠡ ᠳᠠᠯᠠᠢ ᠮᠡᠲᠦ
ᠰᠠᠨᠠᠭᠳᠠᠵᠦ᠂ ᠴᠤᠬᠤᠮ ᠬᠠᠮᠢᠭᠠ ᠨᠢ ᠶᠠᠭᠠᠬᠢᠵᠦ ᠬᠦᠯ ᠲᠠᠯᠪᠢᠬᠤ ᠪᠠᠨ ᠤᠯᠬᠤ ᠦᠬᠡᠢ ᠮᠡᠨᠭᠳᠡᠬᠦᠷᠡᠪᠡ᠃ ᠰᠡᠬᠦᠯ
ᠳᠤᠨᠢ ᠳᠠᠷᠠ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠡᠴᠡ ᠲᠠᠪᠤᠨ ᠲᠠᠷᠢᠶᠠᠨ ᠦᠷᠡ ᠪᠡᠷ ᠡᠷᠡᠬᠦᠯ ᠢᠳᠡᠭᠡᠨ ᠬᠢᠬᠦ ᠡᠷᠲᠡᠨ
ᠤ ᠵᠤᠷ ᠢ ᠤᠯᠵᠦ ᠦᠵᠡᠬᠡᠳ ᠲᠡᠬᠦᠨ ᠢ ᠬᠢᠵᠤ ᠬᠤᠳᠠᠯᠳᠤᠬᠤ ᠪᠤᠳᠤᠯ ᠤᠷᠤᠪᠠ᠃ ᠪᠤᠳᠤᠪᠠᠯ ᠬᠢᠵᠦ ᠬᠢᠪᠡᠯ
ᠪᠦᠲᠦᠭᠡᠬᠦ ᠪᠡᠷ ᠴᠢᠷᠮᠠᠢᠳᠠᠭ ᠨᠢ ᠲᠡᠬᠦᠨ ᠤ ᠵᠠᠡᠭ ᠡ᠃ 2019 ᠤᠨ ᠳᠤ ᠡᠦ ᠳᠠ ᠹᠠ ᠡᠵᠢ ᠪᠤᠯᠤᠨ
ᠬᠤᠶᠠᠳᠤᠭᠠᠷ ᠡᠬᠡᠴᠢ ᠲᠠᠢ ᠪᠠᠨ ᠭᠠᠷ ᠲᠠᠭᠠᠨ ᠪᠠᠢᠭᠰᠠᠨ 7000 ᠲᠦᠬᠦᠷᠢᠭ ᠵᠤᠭᠤᠰ ᠵᠢᠡᠷ ᠪᠡᠯᠡ ᠮᠦᠨᠭᠭᠦ
ᠪᠤᠯᠭᠠᠵᠦ᠂ ᠳᠦᠡᠭᠯᠢᠶᠤᠤ ᠳᠤ 20 ᠲᠡᠭᠰᠢ
ᠳᠦᠷᠪᠡᠯᠵᠢᠨ ᠮᠧᠲ᠋ᠷ ᠤᠨ ᠨᠢᠬᠡᠨ ᠲᠡᠷᠭᠡᠨ ᠬᠦᠮᠦᠷᠭᠡ ᠳᠦᠷᠢᠶᠡᠰᠦᠯᠡᠵᠦ᠂ ᠲᠡᠷᠡ ᠬᠦ ᠡᠷᠳᠡᠨ ᠤ ᠵᠤᠷ ᠢᠶᠡᠷ
ᠦᠷᠭᠡᠰᠦᠲᠦ ᠬᠡᠮᠬᠡ ᠵᠢᠨ ᠦᠷᠡ᠂ ᠰᠢᠯᠦᠬᠡᠢ ᠨᠤᠭᠤᠭᠠᠨᠤ ᠦᠷᠡ᠂ ᠬᠠᠷᠠ ᠴᠢᠨ᠋ᠸᠠ ᠵᠢᠨ ᠬᠠᠷᠠᠮᠠᠭ᠂
ᠤᠯᠠᠭᠠᠨ ᠴᠢᠨ᠋ᠸᠠ ᠵᠢᠨ ᠬᠠᠷᠠᠮᠠᠭ᠂ ᠳᠤᠯᠤᠨᠤ ᠵᠡᠷᠭᠡ ᠵᠢ ᠬᠠᠭᠤᠷᠴᠦ ᠪᠤᠯᠭᠤᠨ ᠬᠡᠮᠬᠡᠯᠡᠵᠤ ᠨᠢᠴᠠᠯᠤᠭᠰᠠᠨᠤ
ᠳᠠᠷᠠᠭᠠ ᠤᠭᠤᠳᠠᠯᠯᠠᠵᠦ ᠪᠤᠭᠤᠳᠠᠯᠯᠠᠭᠠᠳ ᠰᠢᠭᠤᠳ ᠨᠡᠪᠳᠡᠷᠡᠬᠦᠯᠭᠡ ᠬᠢᠵᠤ ᠬᠤᠳᠠᠯᠳᠤᠪᠠ᠃
— ᠠᠨᠭᠬᠠ ᠡᠬᠢᠨ ᠳᠡᠭᠡᠨ ᠳᠤᠰ ᠪᠦᠳᠦᠭᠡᠭᠳᠡᠬᠦᠨ ᠢ
ᠬᠦᠮᠦᠰ ᠳᠡᠮᠡᠢ ᠢᠲᠡᠭᠡᠬᠦ ᠦᠬᠡᠢ ᠪᠠᠢᠵᠦ᠂ ᠲᠡᠢᠮᠦ ᠰᠠᠢᠨ ᠦᠢᠯᠡᠳᠦᠯ ᠳᠠᠢ ᠶᠤᠮ ᠪᠤᠯ ᠡᠮᠨᠡᠯᠬᠡ ᠵᠢᠨ ᠬᠤᠷᠢᠶᠠ ᠪᠦᠷ ᠡᠬᠦᠳᠡ ᠪᠠᠨ
ᠬᠠᠭᠠᠴᠢᠬᠠᠬᠤ ᠦᠬᠡᠢ ᠤᠤ？ᠭᠡᠬᠦ ᠮᠡᠲᠦ ᠪᠡᠷ ᠦᠷᠬᠡᠰᠦ ᠰᠢᠪᠦᠬᠡ ᠲᠠᠢ ᠦᠬᠡ ᠬᠡᠯᠡᠵᠦ ᠪᠠᠢᠭᠰᠠᠨ᠃ ᠰᠡᠬᠦᠯ
ᠳᠤᠨᠢ ᠮᠠᠨ ᠤ ᠪᠦᠲᠦᠭᠡᠭᠳᠡᠬᠦᠨ ᠢ ᠲᠤᠷᠰᠢᠨ ᠢᠳᠡᠭᠡᠳ ᠪᠡᠶᠡ ᠳᠤᠨᠢ ᠰᠠᠢᠨ ᠢᠯᠡᠷᠡᠯ ᠭᠠᠷᠤᠭᠰᠠᠨ
ᠬᠦᠮᠦᠰ ᠳᠠᠬᠢᠨ ᠬᠤᠳᠠᠯᠳᠤᠨ ᠠᠪᠬᠤ ᠭᠡᠳ ᠬᠠᠷᠠ ᠦᠷᠯᠦᠬᠡ ᠵᠢᠨ ᠳᠦᠷᠪᠡ ᠲᠠᠪᠤᠨ ᠴᠠᠭ ᠤᠨ ᠦᠶᠡ ᠪᠡᠷ
ᠤᠳᠠᠰᠤ ᠢᠷᠡᠴᠢᠭᠡᠳᠡᠭ ᠪᠠᠢᠪᠠ᠃ ᠠᠡᠭᠬᠠᠨ ᠳᠠᠭᠠᠨ ᠡᠳᠦᠷ ᠲᠤ᠌ ᠬᠡᠳᠦᠨ ᠤᠭᠤᠲᠠ ᠬᠤᠳᠠᠯᠳᠤᠳᠠᠭ ᠪᠠᠢᠭᠰᠠᠨ
ᠵᠢᠨᠨ ᠳᠡᠮᠡᠢ ᠤᠳᠠᠭᠰᠠᠨ ᠦᠬᠡᠢ ᠬᠡᠷᠡᠭᠯᠡᠭᠴᠢᠳ ᠤᠯᠠᠰᠢᠷᠠᠵᠦ᠂ ᠬᠡᠷᠡᠭᠴᠡᠭᠡ ᠵᠢ ᠨᠢ ᠬᠠᠡᠭᠭᠠᠵᠤ ᠵᠠᠪᠳᠤᠬᠤ
ᠦᠬᠡᠢ ᠪᠤᠯᠤᠬᠰᠠᠨ ᠭᠡᠵᠦ ᠡᠦ ᠳᠠ ᠹᠠ ᠲᠤᠬᠠᠢ ᠵᠢᠨ
ᠦᠶᠡ ᠵᠢᠨ ᠪᠠᠢᠳᠠᠯ ᠵᠢᠨᠨ ᠡᠷᠬᠢᠴᠡᠬᠦᠯᠦᠨᠡ᠃
ᠪᠤᠰᠢᠭᠤ ᠭᠠᠷ᠂ ᠵᠢᠷᠬᠢᠶᠠ ᠵᠡᠷᠭᠡ ᠳᠠᠪᠴᠠᠡᠭ ᠢᠶᠡᠷ ᠬᠤᠳᠠᠯᠳᠤᠭᠰᠠᠨ
ᠪᠤᠯᠬᠤᠷ᠂ ᠲᠡᠳᠡᠨ ᠤ ᠵᠢᠷᠬᠢᠶᠠ ᠵᠢᠨ ᠨᠠᠢᠵᠠ ᠨᠢ ᠪᠦᠷ ᠲᠦᠮᠡᠨ ᠬᠦᠮᠦᠨ ᠳᠤ ᠬᠦᠷᠴᠦ᠂ ᠠᠰ ᠤᠨ ᠱᠤᠭᠤᠮ
ᠵᠢᠡᠷ ᠬᠤᠯᠪᠤᠭᠳᠠᠭᠰᠠᠨ ᠬᠦᠮᠦᠰ ᠤᠨ ᠠᠰᠠᠭᠤᠯᠲᠠ ᠵᠢ ᠬᠠᠷᠢᠭᠤᠯᠵᠦ ᠠᠮᠵᠢᠬᠤ ᠦᠬᠡᠢ ᠪᠤᠯᠤᠭᠰᠠᠨ ᠵᠢᠡᠷ ᠲᠤᠰᠬᠠᠢ ᠬᠦᠮᠦᠨ ᠡᠯᠰᠡᠨ ᠠᠰᠠᠭᠤᠨ ᠯᠠᠪᠯᠠᠯᠭᠠ ᠵᠢᠨ ᠤᠳᠠᠰᠤ
ᠭᠠᠷᠭᠠᠪᠠ᠃ ᠲᠡᠷᠭᠡᠨ ᠬᠦᠮᠦᠷᠭᠡ ᠳᠦᠷᠢᠶᠡᠰᠦᠯᠡᠨ
ᠬᠡᠳᠦᠨ ᠰᠠᠷᠠ ᠬᠢᠭᠰᠡᠨ ᠤ ᠳᠠᠷᠠᠭᠠ᠂ 130 ᠲᠡᠭᠰᠢ ᠳᠦᠷᠪᠡᠯᠵᠢᠨ ᠮᠧᠲ᠋ᠷ ᠤᠨ ᠪᠠᠢᠰᠢᠡᠭ ᠳᠤ 《ᠳᠠ
ᠹᠠ ᠨᠤᠭᠤᠭᠠᠨ ᠤ ᠦᠷᠡ ᠵᠢᠨ ᠬᠤᠳᠠᠯᠳᠤᠭᠠ》 ᠪᠠᠨ ᠡᠷᠬᠢᠯᠡᠵᠦ᠂ 2020 ᠤᠨ ᠳᠤ 《ᠳᠠ ᠹᠠ ᠬᠦᠦ》 ᠬᠡᠮᠡᠬᠦ
ᠲᠠᠸᠠᠷ ᠤᠨ ᠲᠡᠮᠲᠡᠭ ᠳᠠᠨᠭᠰᠠᠯᠠᠭᠤᠯᠵᠦ᠂ 《ᠳᠠ ᠹᠠ ᠬᠦᠦ ᠵᠢᠨ ᠲᠠᠪᠤᠨ ᠲᠠᠷᠢᠶᠠ ᠵᠢᠨ ᠠᠮᠤ》 ᠬᠡᠬᠦ 200
ᠲᠡᠭᠰᠢ ᠳᠦᠷᠪᠡᠯᠵᠢᠨ ᠮᠧᠲ᠋ᠷ ᠤᠨ ᠳᠡᠯᠬᠡᠬᠦᠷ ᠲᠠᠢ ᠪᠤᠯᠵᠠᠢ᠃
— ᠨᠢᠳᠦ ᠨᠡᠭᠡᠭᠡᠵᠦ ᠮᠡᠳᠡᠯᠭᠡ ᠰᠤᠷᠤᠯᠴᠠᠬᠤ ᠬᠦᠰᠡᠯ
ᠳᠡᠭᠡᠨ ᠬᠦᠲᠦᠯᠦᠭᠳᠡᠨ᠂ 2022 ᠤᠨ ᠤ ᠡᠪᠦᠯ ᠰᠢᠨᠡᠯᠡᠬᠦ ᠡᠴᠡ ᠡᠮᠦᠨᠡ᠂ ᠱᠧᠨᠶᠠᠡᠭ ᠳᠤ ᠨᠡᠬᠦᠵᠦ 1000 ᠭᠠᠷᠤᠢ ᠲᠡᠭᠰᠢ ᠳᠦᠷᠪᠡᠯᠵᠢᠨ
ᠮᠧᠲ᠋ᠷ ᠲᠠᠯᠠᠪᠠᠢ ᠪᠦᠬᠦᠢ 《ᠱᠧᠨᠶᠠᠡᠭ ᠬᠤᠲᠠ ᠵᠢᠨ ᠳᠠ ᠹᠠ ᠬᠦᠦ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨ ᠤ
ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠤᠮᠫᠠᠨᠢ》 ᠪᠠᠨ ᠡᠷᠬᠢᠯᠡᠵᠡᠢ᠃ 2024 ᠤᠨ ᠤ 10 ᠰᠠᠷᠠ ᠡᠴᠡ 19 ᠵᠦᠢᠯ ᠤᠨ ᠢᠳᠡᠰᠢᠨ
ᠨᠤᠭᠤᠭᠠ ᠵᠢ ᠬᠠᠮᠤᠷᠤᠭᠰᠠᠨ ᠢᠳᠡᠰᠢᠨ ᠨᠤᠭᠤᠭᠠᠨ ᠤ ᠨᠤᠨᠳᠠᠭ ᠵᠢᠨᠨ ᠦᠢᠯᠡᠳᠪᠦᠷᠢᠯᠡᠵᠦ ᠬᠤᠳᠠᠯᠳᠤᠵᠠᠢ᠃
ᠡᠨᠡ ᠬᠤᠭᠤᠷᠤᠨᠳᠤ ᠤᠯᠠᠨ ᠬᠦᠮᠦᠰ ᠪᠢᠳᠡᠨ ᠢ ᠡᠷᠢᠵᠦ ᠪᠤᠰᠤᠳ ᠪᠠᠷᠠᠭᠠ ᠬᠤᠳᠠᠯᠳᠤᠭᠤᠯᠬᠤ ᠭᠡᠰᠡᠨ ᠪᠤᠯᠪᠠᠴᠦ ᠬᠦᠯᠢᠶᠡᠵᠦ ᠠᠪᠤᠭᠰᠠᠨ
ᠦᠬᠡᠢ᠂ ᠤᠴᠢᠷ ᠨᠢ 《ᠪᠦᠲᠦᠭᠡᠭᠳᠡᠬᠦᠨ ᠪᠤᠯ ᠬᠦᠮᠦᠨ ᠴᠢᠨᠠᠷ᠂ ᠶᠠᠰᠤ ᠴᠢᠨᠠᠷ ᠪᠤᠯ ᠠᠮᠢ ᠨᠠᠰᠤ》᠂ ᠡᠨᠡ ᠪᠤᠯ
ᠮᠠᠨ ᠤ ᠠᠵᠦ ᠠᠬᠤᠢᠯᠠᠯ ᠤᠨ ᠬᠠᠲᠠᠭᠤ ᠪᠠᠷᠢᠮᠳᠠᠯᠠᠯ᠂ ᠪᠢᠳᠡ ᠦᠪᠡᠷᠰᠡᠳ ᠤᠨ ᠬᠢᠭᠰᠡᠨ ᠪᠦᠲᠦᠭᠡᠭᠳᠡᠬᠦᠨ ᠵᠢᠨᠨ
ᠯᠠ ᠢᠲᠡᠭᠡᠳᠡᠭ᠃ ᠦᠨᠦ ᠮᠠᠨ ᠤ ᠺᠤᠮᠫᠠᠨᠢ 26 ᠠᠵᠢᠯᠲᠠᠨ ᠠᠵᠢᠯᠴᠢᠨ ᠲᠠᠢ ᠪᠠᠢᠵᠦ᠂ ᠦᠨᠳᠦᠰᠦᠨ ᠴᠠᠯᠢᠡᠭ ᠨᠢ ᠬᠠᠮᠤᠭ ᠳᠤᠤᠷᠠ ᠨᠢ
ᠭᠤᠷᠪᠠᠨ ᠮᠢᠨᠭᠭᠠᠨ ᠲᠦᠬᠦᠷᠢᠭ ᠲᠤ ᠬᠦᠷᠴᠤ᠂ ᠬᠤᠪᠢᠳᠠᠯ ᠴᠠᠯᠢᠡᠭ ᠵᠢᠨᠨ ᠨᠡᠮᠡᠪᠡᠯ᠂ ᠠᠵᠢᠯᠳᠠᠨ ᠠᠵᠢᠯᠴᠢᠳ
ᠤᠨ ᠴᠠᠯᠢᠡᠭ ᠨᠢ ᠪᠦᠷ ᠲᠠᠪᠤᠨ ᠮᠢᠨᠭᠭᠠ ᠡᠴᠡ ᠲᠦᠮᠡ ᠭᠠᠷᠤᠢ ᠲᠦᠬᠦᠷᠢᠭ ᠤᠨ ᠬᠤᠭᠤᠷᠤᠨᠳᠦ ᠬᠦᠷᠴᠦ ᠪᠤᠢ᠃
ᠡᠨᠡ ᠵᠢᠯ ᠪᠢᠳᠠ ᠤᠤᠯ ᠤᠨ ᠬᠤᠶᠠᠷ ᠵᠦᠢᠯ ᠤᠨ ᠪᠦᠲᠦᠭᠡᠭᠳᠡᠬᠦᠨ ᠵᠢᠨᠨ ᠳᠡᠰ ᠳᠡᠪᠰᠢᠬᠦᠯᠦᠨ ᠲᠠᠪᠤᠨ ᠵᠦᠢᠯ
ᠤᠨ ᠪᠦᠲᠦᠭᠡᠭᠳᠡᠬᠦᠨ ᠪᠤᠯᠭᠠᠬᠰᠠᠨ ᠪᠦᠭᠡᠳ ᠪᠠᠰᠠ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠤᠷᠤᠯᠠᠨ ᠪᠤᠷᠤᠯᠠᠭᠤᠯᠤᠭᠴᠢ
ᠡᠯᠰᠡᠭᠡᠳ ᠪᠤᠢ ᠭᠡᠵᠦ ᠡᠦ ᠳᠠ ᠹᠠ ᠶᠠᠷᠢᠵᠤ
ᠪᠠᠢᠯᠠ᠃
《ᠡᠪᠡᠳᠴᠢᠨ ᠢ ᠰᠡᠷᠬᠡᠢᠯᠡᠬᠦ ᠨᠢ ᠡᠪᠡᠳᠴᠢᠨ ᠢ ᠵᠠᠰᠠᠬᠤ
ᠡᠴᠡ ᠴᠢᠬᠤᠯᠠ᠂ ᠡᠮ ᠵᠢᠡᠷ ᠨᠦᠬᠦᠪᠦᠷᠢᠯᠡᠬᠦ ᠨᠢ ᠢᠳᠡᠭᠡᠨ ᠵᠢᠡᠷ ᠨᠦᠬᠦᠪᠦᠷᠢᠯᠡᠬᠦ ᠵᠢ ᠬᠦᠷᠬᠦ ᠦᠬᠡᠢ》᠂ ᠡᠨᠡ
ᠪᠤᠯ ᠡᠦ ᠳᠠ ᠹᠠ ᠵᠢᠨ ᠦᠵᠡᠯᠲᠡ᠂ ᠮᠦᠨ ᠴᠤ᠌ ᠡᠳᠡᠭᠡᠷ ᠵᠢᠯ ᠤᠨ ᠲᠤᠷᠰᠢ ᠲᠠᠪᠤᠨ ᠲᠠᠷᠢᠶᠠ ᠵᠢᠨ ᠦᠷᠡ
ᠵᠢ ᠬᠤᠳᠠᠯᠳᠤᠨ ᠪᠤᠷᠤᠯᠠᠭᠤᠯᠵᠤ ᠢᠷᠡᠭᠰᠡᠨ ᠪᠠᠷᠢᠮᠲᠠᠯᠠᠯ᠃ ᠬᠡᠷᠪᠡ ᠬᠤᠪᠢ ᠪᠠᠨ ᠪᠤᠳᠤᠵᠦ ᠳᠤᠪᠤ ᠪᠠᠨ
ᠰᠢᠷᠠᠯᠠᠭᠤᠯᠳᠠᠭ ᠬᠦᠮᠦᠨ ᠪᠤᠯᠤᠭᠰᠠᠨ ᠪᠤᠯ ᠡᠦ ᠳᠠ ᠹᠠ ᠦᠨᠡᠨ ᠳᠡᠭᠡᠨ ᠦᠪᠡᠷ ᠤᠨ ᠬᠡᠳᠦᠨ ᠵᠦᠢᠯ ᠤᠨ
ᠪᠦᠲᠦᠭᠡᠭᠳᠡᠬᠦᠨ ᠵᠢᠨᠨ ᠬᠤᠳᠠᠯᠳᠤᠭᠠᠳ ᠤᠯᠬᠤ ᠶᠤᠰᠤᠲᠠᠢ ᠵᠤᠭᠤᠰ ᠵᠢᠨᠨ ᠤᠯᠤᠭᠠᠳ ᠰᠡᠳᠬᠢᠯ ᠠᠮᠤᠷ ᠰᠠᠭᠤᠵᠦ
ᠪᠤᠯᠬᠤ ᠯᠠ ᠪᠠᠢᠭᠰᠠᠨ᠃ ᠭᠡᠳᠡᠯᠠ ᠶᠡᠬᠡ ᠵᠢ ᠪᠦᠲᠦᠭᠡᠵᠦ ᠬᠤᠯᠠ ᠶᠠᠪᠤᠬᠤ ᠬᠦᠮᠦᠨᠤ ᠬᠠᠷᠠᠴᠠ ᠭᠡᠳᠡᠭ
ᠬᠠᠰᠢᠯᠠ ᠤᠨᠳᠤᠤ᠃ ᠭᠠᠬᠴᠠ ᠡᠷᠡᠬᠦᠯ ᠢᠳᠡᠭᠡᠨ ᠤ ᠪᠦᠲᠦᠭᠡᠭᠳᠡᠬᠦᠨ ᠬᠤᠳᠠᠯᠳᠤᠭᠠᠳ ᠤᠯᠠᠨ ᠲᠦᠮᠡᠨ ᠳᠡᠭᠡᠨ
ᠲᠡᠢᠮᠦ ᠶᠡᠬᠡ ᠠᠴᠢ ᠳᠤᠰᠠ ᠦᠵᠡᠬᠦᠯᠵᠤ ᠳᠡᠢᠯᠬᠦ
ᠦᠬᠡᠢ᠂ ᠤᠯᠠᠨ ᠲᠦᠮᠡᠨ ᠤ ᠡᠷᠡᠬᠦᠯ ᠮᠡᠨᠳᠦ ᠵᠢᠨ ᠦᠢᠯᠡᠰ ᠲᠤ᠌ ᠬᠦᠴᠦᠨ ᠨᠠᠮᠠᠷᠢᠯᠠᠶᠠ ᠬᠡᠪᠡᠯ᠂ ᠤᠯᠠᠨ ᠤ
ᠦᠵᠡᠯᠲᠡ ᠲᠠᠨᠢᠯᠲᠠ ᠵᠢ ᠬᠤᠪᠢᠷᠠᠭᠤᠯᠬᠤ ᠡᠴᠡ ᠭᠠᠷᠳᠠᠨ᠂ ᠡᠷᠡᠬᠦᠯ ᠠᠮᠢᠳᠤᠷᠠᠯ ᠤᠨ ᠮᠡᠳᠡᠯᠬᠡ ᠮᠡᠳᠡᠴᠡ
ᠵᠢᠨ ᠬᠦᠮᠦᠵᠢᠯ ᠬᠦᠷᠲᠡᠭᠡᠬᠦ ᠴᠢᠬᠤᠯᠠᠲᠠᠢ ᠬᠡᠮᠡᠨ ᠲᠡᠷᠡ 2025 ᠤᠨ ᠤ ᠳᠤᠤᠷᠠ ᠬᠠᠭᠠᠰ ᠵᠢᠯ ᠡᠴᠡ 《ᠡᠷᠡᠬᠦᠯ
ᠴᠢᠬᠢᠷᠠᠭ ᠤᠨ ᠠᠶᠠᠯᠠᠯ》 ᠵᠢᠨᠨ ᠰᠡᠲᠦᠨ ᠡᠷᠬᠢᠯᠡᠪᠠ᠃
— 《ᠡᠷᠡᠬᠦᠯ ᠴᠢᠬᠢᠷᠠᠭ ᠤᠨ ᠠᠶᠠᠯᠠᠯ》 ᠭᠡᠳᠡᠭ ᠨᠢ
ᠡᠷᠡᠬᠦᠯ ᠮᠡᠨᠳᠤ ᠵᠢᠨ ᠳᠠᠢᠯᠤᠮᠵᠢ ᠪᠤᠯᠤᠨᠠ᠂ ᠪᠢ ᠬᠤᠪᠢ ᠪᠡᠷ ᠢᠶᠡᠨ ᠮᠦᠡᠭᠬᠦ ᠭᠠᠷᠭᠠᠨ ᠪᠦᠬᠦ ᠤᠷᠤᠨ ᠤ
ᠡᠯᠡ ᠭᠠᠵᠠᠷ ᠤᠨ ᠨᠡᠷᠡᠲᠦ ᠡᠮᠴᠢ᠂ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠢ ᠤᠷᠢᠨ ᠤᠯᠠᠨ ᠳᠦᠮᠡᠨ ᠳᠡᠭᠡᠨ ᠦᠨᠠ
ᠳᠦᠯᠦᠪᠤᠷᠢ ᠦᠬᠡᠢ ᠪᠡᠷ ᠡᠷᠡᠬᠦᠯ ᠮᠡᠨᠳᠤ ᠵᠢᠨ ᠮᠡᠳᠡᠯᠭᠡ ᠬᠦᠷᠳᠡᠭᠡᠵᠤ ᠪᠠᠢᠨᠠ᠃ ᠤᠳᠤᠬᠠᠨ ᠪᠤᠯᠳᠠᠯᠠ᠂ ᠡᠢᠮᠦᠷᠬᠦ ᠲᠠᠢᠯᠤᠮᠵᠢ ᠵᠢ ᠨᠢᠬᠡᠨᠲᠡ ᠬᠤᠶᠠᠷ ᠤᠳᠠᠭᠠ
ᠡᠷᠬᠢᠯᠡᠨ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠪᠦᠬᠡᠳ ᠤᠳᠠᠭᠠ ᠪᠦᠷᠢ ᠬᠡᠳᠦᠨ ᠵᠠᠭᠤᠨ ᠬᠦᠮᠦᠨ ᠤᠷᠤᠯᠴᠠᠵᠠᠢ᠃ 《ᠡᠷᠡᠬᠦᠯ ᠴᠢᠬᠢᠷᠠᠭ ᠤᠨ ᠠᠶᠠᠯᠠᠯ》 ᠡᠴᠡ ᠮᠢᠨᠢ ᠬᠡᠳᠦᠬᠡᠨ
ᠬᠦᠮᠦᠨ ᠴᠤ᠌ ᠭᠡᠰᠡᠨ ᠦᠵᠡᠯᠳᠡ ᠲᠠᠨᠢᠯᠲᠠ ᠨᠢ ᠬᠤᠪᠢᠷᠠᠭᠠᠳ᠂ ᠡᠷᠡᠬᠦᠯ ᠮᠡᠨᠳᠦ ᠵᠢᠨ ᠮᠡᠳᠡᠯᠬᠡ ᠮᠡᠳᠡᠴᠡ ᠨᠢ
ᠳᠡᠭᠡᠭᠰᠢᠯᠡᠴᠢᠭᠡᠪᠡᠯ ᠮᠢᠨᠦ ᠬᠦᠰᠡᠯ ᠬᠦᠢᠴᠡᠬᠦ ᠨᠢ
ᠲᠡᠷᠡᠳᠠ ᠭᠡᠵᠦ ᠡᠦ ᠳᠠ ᠹᠠ ᠪᠠᠶᠠᠷᠲᠠᠢ ᠨᠢ ᠠᠷᠭᠠ ᠦᠬᠡᠢ ᠬᠡᠯᠡᠵᠦ ᠪᠠᠢᠯᠠ᠃
ᠤᠳᠤᠬᠠᠨ ᠪᠤᠯᠬᠤ ᠳᠤ᠂ ᠡᠦ ᠳᠠ ᠹᠠ ᠵᠢᠨ ᠡᠷᠡᠬᠦᠯ
ᠢᠳᠡᠭᠡᠨ ᠤ ᠪᠦᠲᠦᠭᠡᠭᠳᠡᠬᠦᠨ ᠤ ᠬᠦᠷᠢᠶᠡᠯᠡᠭᠴᠢ ᠵᠢᠨ ᠲᠤᠭᠠ 50 ᠲᠦᠮᠡ ᠵᠢ ᠳᠠᠪᠠᠵᠦ᠂ ᠵᠢᠯ ᠪᠤᠯᠭᠠᠨ
ᠮᠠᠰᠢ ᠤᠯᠠᠨ ᠬᠦᠮᠦᠰ ᠳᠤᠰ ᠪᠦᠳᠦᠭᠡᠭᠳᠡᠬᠦᠨ ᠡᠴᠡ ᠠᠰᠢᠭ ᠬᠦᠷᠳᠡᠵᠤ ᠪᠤᠢ᠃ ᠡᠦ
ᠳᠠ ᠹᠠ ᠵᠢᠨ ᠡᠷᠡᠬᠦᠯ ᠢᠳᠡᠭᠡᠨ ᠤ ᠪᠦᠳᠦᠭᠡᠭᠳᠡᠬᠦᠨ᠂ 《ᠡᠷᠡᠬᠦᠯ ᠴᠢᠬᠢᠷᠠᠭ ᠤᠨ ᠠᠶᠠᠯᠠᠯ 》 ᠨᠢ ᠨᠡᠡᠭ
ᠤᠯᠠᠨ ᠬᠦᠮᠦᠰ ᠲᠤ ᠠᠰᠢᠭ ᠬᠦᠷᠳᠡᠭᠡᠬᠦ ᠨᠢ ᠯᠠᠪᠳᠠᠢ ᠶᠤᠮ᠃ ᠲᠡᠢᠮᠦ ᠡ！ ᠬᠦᠴᠢᠷ ᠤᠨ ᠳᠤᠮᠳᠠ ᠬᠦᠮᠦᠵᠢᠭᠰᠡᠨ ᠬᠦᠳᠡᠭᠡ ᠵᠢᠨ
ᠬᠦᠦ ᠡᠦ ᠳᠠ ᠹᠠ ᠨᠢᠬᠡ ᠮᠡᠳᠡᠬᠦ ᠳᠤ ᠤᠳᠤ ᠨᠢᠬᠡᠨᠲᠡ ᠢᠲᠡᠭᠡᠯ ᠳᠡᠭᠡᠳᠦᠯᠡᠵᠦ ᠬᠠᠢᠷᠠ
ᠪᠢᠯᠬᠠᠭᠤᠯᠤᠭᠰᠠᠨ ᠵᠠᠯᠠᠭᠤ ᠠᠵᠦ ᠠᠬᠤᠢᠯᠠᠯᠲᠠᠨ ᠪᠤᠯᠴᠢᠬᠠᠭᠰᠠᠨ ᠬᠢᠯᠠᠷᠠᠵᠦ ᠶᠠᠪᠤᠨᠠ᠃