ᠠᠯᠣᠰᠤᠨ ᠪᠠᠷᠠ ᠴᠠᠢᠯᠵᠠᠵᠤ
ᠠᠭᠤᠯᠠᠶ᠋ᠢᠨ ᠲᠤᠯᠤᠭᠠᠳ ᠮᠥᠩᠬᠦᠯᠡᠭ᠌ᠳᠡᠨ
ᠡᠪᠦᠯᠤᠨ ᠠᠩᠬᠠᠨᠤ ᠴᠠᠰᠣ
ᠤᠮᠠᠷᠠᠳᠤ ᠣᠷᠣᠨᠳᠤ ᠪᠠᠭᠤᠵᠠᠢ
ᠣᠷᠢ ᠵᠠᠯᠠᠭᠤ ᠨᠠᠰᠣᠶ᠋ᠢᠨ
ᠡᠬᠦᠳᠡᠨ ᠴᠣᠩᠬᠤᠶ᠋ᠢ ᠲᠣᠭᠱᠢᠵᠠᠢ
ᠦᠨᠡᠨᠴᠢ ᠬᠤᠶᠠᠭᠤᠯᠠᠶ᠋ᠢᠨ ᠰᠡᠳᠭᠢᠯᠳᠤ
ᠡᠬᠦᠯᠡᠨ ᠴᠡᠴᠡᠭ ᠳᠡᠯᠭᠡᠷᠠᠵᠠᠢ
ᠴᠢᠮᠡᠲᠠᠢ ᠬᠠᠮᠳᠣ
ᠴᠠᠰᠣᠨ ᠳᠡᠭᠡᠭᠦᠷ ᠠᠯᠬᠤᠯᠠᠬᠤᠳᠤ
ᠬᠠᠢᠷᠠᠶ᠋ᠢᠨ ᠭᠠᠯᠳᠤ
ᠴᠠᠰᠣ
ᠬᠠᠢᠯ ᠪᠣᠯᠣᠨ ᠣᠷᠣᠰᠣᠨᠠ
ᠬᠠᠢᠷᠠ
ᠴᠡᠴᠡᠭ ᠪᠣᠯᠣᠨ ᠪᠦᠵᠢᠭ᠌ᠯᠡᠨᠡ
ᠴᠢᠮᠡᠲᠠᠢ ᠬᠠᠮᠳᠣ
ᠴᠠᠰᠣᠨ ᠳᠡᠭᠡᠭᠦᠷ ᠠᠯᠬᠤᠯᠠᠬᠤᠳᠤ
ᠠᠮᠠᠷᠠᠭ ᠬᠤᠶᠠᠭᠤᠯᠠᠶ᠋ᠢᠨ ᠬᠦᠯᠤᠨ ᠠᠢᠵᠠᠮ
ᠠᠯᠭᠠᠰᠠᠬᠤ ᠵᠢᠷᠦᠬᠡᠨ ᠴᠣᠬᠢᠯᠭᠠᠲᠠᠢ ᠬᠠᠨᠢᠰᠠᠵᠦ
ᠠᠶᠤᠤᠯᠢᠬᠠᠢ ᠴᠡᠬᠡᠵᠢᠶ᠋ᠢᠨ ᠬᠦᠨᠳᠤ
ᠠᠯᠠᠭ ᠬᠤᠷᠸᠠᠶ᠋ᠢᠨ ᠦᠷᠦ᠍ᠳᠤ
ᠠᠯᠮᠠᠰ ᠬᠠᠳᠠᠭᠤ ᠠᠮᠠᠯᠠᠯᠳᠠᠶ᠋ᠢ ᠲᠠᠮᠠᠭᠠᠯᠠᠨᠠ
ᠴᠢᠮᠡᠲᠠᠢ ᠬᠠᠮᠳᠣ
ᠴᠠᠰᠣᠨ ᠳᠡᠭᠡᠭᠦᠷ ᠠᠯᠬᠤᠯᠠᠬᠤᠳᠤ
ᠴᠠᠢᠷᠠᠵᠦ ᠬᠠᠷᠠᠭ᠍ᠳᠠᠬᠤ
ᠠᠯᠳᠠᠨ ᠳᠡᠯᠡᠬᠡᠢᠶ᠋ᠢᠨ ᠡᠩᠬᠡᠷᠲᠤ
ᠠᠷᠢᠭᠤᠨ ᠴᠠᠭᠠᠨ ᠴᠠᠰᠣᠨᠳᠤ
ᠠᠮᠢᠳᠣᠷᠠᠯᠤᠨ ᠮᠦᠷ ᠪᠠᠷᠯᠠᠭ᠍ᠳᠠᠵᠤ
ᠠᠯᠤᠰᠤᠨ ᠬᠦᠰᠡᠯ ᠵᠢᠷᠤᠭ᠍ᠯᠠᠭ᠍ᠳᠠᠨᠠ
ᠴᠢᠮᠡᠲᠠᠢ ᠬᠠᠮᠳᠣ
ᠴᠠᠰᠣᠨ ᠳᠡᠭᠡᠭᠦᠷ ᠠᠯᠬᠤᠯᠠᠬᠤᠳᠤ
ᠨᠠᠰᠣᠨᠤ ᠬᠤᠩᠭᠤᠷ ᠨᠠᠮᠤᠷ
ᠨᠠᠷᠠᠨᠤ ᠬᠡᠷᠡᠯᠢᠶᠠᠷ ᠳᠤᠶᠠᠭᠠᠷᠠᠵᠤ
ᠰᠠᠷᠠᠨᠤ ᠲᠤᠶᠠᠭᠠᠪᠠᠷ ᠰᠦᠯᠡᠭ᠌ᠳᠡᠵᠤ
ᠨᠠᠷᠠᠳᠣ ᠡᠨᠡ ᠣᠷᠴᠢᠯᠠᠩ
ᠰᠠᠪ ᠦᠬᠡᠢ ᠵᠢᠷᠭᠠᠯᠢᠶᠠᠷ ᠴᠠᠯᠬᠢᠯᠠᠨᠠ
ᠴᠢᠮᠡᠲᠠᠢ ᠬᠠᠮᠳᠣ
ᠴᠠᠰᠣᠨ ᠳᠡᠭᠡᠭᠦᠷ ᠠᠯᠬᠤᠯᠠᠬᠤᠳᠤ
ᠡᠪᠡᠳᠬᠦ᠌ ᠡᠪᠡᠳᠴᠢᠨ ᠮᠠᠷᠳᠠᠭ᠍ᠳᠠᠵᠤ
ᠦᠯᠦᠰᠭᠦ ᠬᠤᠳᠤᠭᠣᠳᠣ ᠲᠦᠬᠦᠷᠡᠵᠤ
ᠤᠬᠠᠭᠠᠨ ᠪᠣᠳᠣᠯᠭᠠ ᠬᠤᠷᠴᠠᠳᠴᠣ
ᠤᠷᠮᠠ ᠵᠣᠷᠢᠭ ᠪᠠᠳᠠᠷᠠᠵᠤ
ᠦᠳᠡᠯᠦᠬᠡ ᠨᠠᠰᠣ ᠵᠠᠯᠠᠭᠤᠵᠢᠨᠠ