ᠨᠠᠢᠷᠠᠬ᠍ᠴᠢᠳᠤᠨ ᠨᠠᠮᠤᠷ
ᠴᠠᠰᠤ ᠴᠠᠭᠠᠨ ᠦᠩᠭᠡᠲᠠᠢ
ᠦᠵᠦᠭᠤᠨ ᠦᠵᠦᠬᠦᠷᠠᠴᠠ ᠠᠰᠭᠠᠷᠠᠬᠤ ᠰᠦ
ᠰᠡᠳᠭᠢᠯᠤᠨ ᠪᠤᠯᠠᠭᠢ ᠰᠦᠯᠡᠵᠦ᠍
ᠴᠠᠭ ᠬᠤᠭᠤᠴᠠᠭᠠᠨᠤ ᠪᠤᠷᠤᠭᠠ ᠪᠤᠯᠵᠦ᠍ ᠱᠠᠭᠢᠨᠠ
ᠨᠠᠢᠷᠠᠬ᠍ᠴᠢᠳᠤᠨ ᠨᠠᠮᠤᠷ
ᠡᠭᠦᠯᠡᠨ ᠴᠡᠩᠭᠡᠷ ᠦᠩᠭᠡᠲᠠᠢ
ᠦᠰᠦᠭᠤᠨ ᠲᠠᠯᠠᠪᠴᠢᠲᠠᠢ ᠴᠡᠩᠭᠡᠷ ᠡᠷᠪᠡᠬᠡᠢ
ᠠᠨᠢᠰᠭᠠᠨ ᠲᠡᠭᠡᠷᠡ ᠮᠢᠨᠢ ᠦᠨᠦᠰᠴᠦ᠍
ᠱᠢᠯᠦᠭ ᠨᠠᠢᠷᠠᠭᠤᠨ ᠴᠡᠴᠡᠭᠡᠰ ᠪᠤᠯᠵᠦ᠍ ᠪᠦᠵᠢᠨᠡ
ᠨᠠᠢᠷᠠᠬ᠍ᠴᠢᠳᠤᠨ ᠨᠠᠮᠤᠷ
ᠭᠠᠯ ᠤᠯᠠᠭᠠᠨ ᠦᠩᠭᠡᠲᠠᠢ
ᠤᠯᠠᠭᠠᠨ ᠮᠦᠷᠢᠶᠠᠷ ᠲᠤᠪᠳᠤᠯᠬᠤ ᠠᠷᠠᠨᠵᠠᠯ ᠬᠦᠯᠦᠭ
ᠬᠠᠢᠷᠠᠶ᠋ᠢᠨ ᠨᠤᠲ ᠴᠢᠪᠬᠠᠳᠠᠵᠦ᠍
ᠲᠡᠯ ᠰᠡᠬᠦᠯᠨᠢ ᠰᠠᠯᠬᠢ ᠪᠤᠯᠵᠦ᠍ ᠬᠦᠬᠡᠮᠡᠢᠯᠡᠨᠡ
ᠨᠠᠢᠷᠠᠬ᠍ᠴᠢᠳᠤᠨ ᠨᠠᠮᠤᠷ
ᠠᠯᠳᠠᠨ ᠱᠢᠷᠭᠠᠯ ᠦᠩᠭᠡᠲᠠᠢ
ᠪᠠᠳᠠᠭ ᠪᠠᠳᠠᠭᠢᠶᠠᠷ ᠵᠢᠭ᠌ᠳᠡᠷᠡᠬᠦ᠌ ᠤᠳᠠ ᠤᠯᠢᠶᠠᠰᠤ
ᠨᠠᠷᠠᠨᠤ ᠰᠠᠴᠤᠷᠠᠭ ᠰᠠᠮᠨᠠᠨ ᠭᠠᠩᠭᠠᠷᠠᠵᠦ᠍
ᠨᠠᠪᠴᠢ ᠨᠠᠮᠠᠭᠠᠨᠢ ᠢᠯᠴᠢ ᠪᠤᠯᠵᠦ᠍ ᠪᠤᠳᠠᠷᠠᠨᠠ
ᠨᠠᠢᠷᠠᠬ᠍ᠴᠢᠳᠤᠨ ᠨᠠᠮᠤᠷ
ᠨᠤᠮᠢᠨ ᠨᠤᠭᠤᠭᠠᠨ ᠦᠩᠭᠡᠲᠠᠢ
ᠵᠡᠭᠦᠳᠦᠨ ᠬᠡᠲᠠᠢ ᠴᠡᠭ ᠲᠡᠮᠳᠡᠭᠤᠳ
ᠰᠡᠳᠭᠢᠯᠭᠡᠶ᠋ᠢᠨ ᠦᠩᠭᠡᠪᠠᠷ ᠠᠮᠢᠯᠠᠵᠦ᠍
ᠢᠳᠡᠬᠡᠯ ᠬᠦᠰᠡᠯᠤᠨ ᠨᠠᠬᠢᠶᠠ ᠪᠤᠯᠵᠦ᠍ ᠬᠦᠪᠦᠷᠡᠨᠡ
ᠨᠠᠢᠷᠠᠬ᠍ᠴᠢᠳᠤᠨ ᠨᠠᠮᠤᠷ
ᠲᠠᠪᠤᠨ ᠦᠩᠭᠡᠶ᠋ᠢᠨ ᠬᠠᠳᠠᠭ ᠱᠢᠭ᠋
ᠨᠤᠮᠤᠨ ᠭᠠᠨᠵᠢᠷᠠᠳᠤ ᠨᠠᠮᠢᠯᠵᠠᠨᠠ
ᠢᠷᠠᠭᠤ ᠨᠠᠢᠷᠠᠭᠤᠨ ᠱᠠᠩᠰᠢᠶ᠋ᠢ ᠴᠢᠮᠡᠵᠦ᠍
ᠤᠩᠭᠤᠳ ᠪᠢᠯᠢᠭᠤᠨ ᠠᠳᠢᠰ ᠲᠦᠬᠡᠬᠡᠨᠡ
ᠨᠠᠢᠷᠠᠬ᠍ᠴᠢᠳᠤᠨ ᠨᠠᠮᠤᠷ
ᠦᠨᠡᠨᠳᠡᠭᠡᠨ ᠴᠢᠷᠠᠮᠠᠨ ᠨᠢᠴᠦᠬᠦᠨ ᠶᠤᠮ
ᠬᠡᠨ ᠴᠦ᠍ ᠭᠠᠷ ᠬᠦᠷᠴᠦ᠍ ᠵᠢᠷᠦᠬᠡᠯᠡᠬᠦ᠌ ᠦᠭᠡᠢ
ᠲᠠᠷᠬᠠᠨ ᠪᠠᠢᠭᠠᠯᠢᠶ᠋ᠢᠨ ᠦᠵᠡᠰᠭᠦᠯᠡᠩᠲᠦ
ᠤᠷᠠᠨ ᠲᠠᠭᠢᠨᠢᠶ᠋ᠢᠨ ᠵᠢᠷᠤᠭ ᠶᠤᠮ
ᠨᠠᠢᠷᠠᠬ᠍ᠴᠢᠳᠤᠨ ᠨᠠᠮᠤᠷ
ᠶᠡᠷᠦ᠍ᠳᠡᠭᠡᠨ ᠲᠠᠰ ᠬᠠᠷᠠ ᠦᠩᠭᠡᠲᠠᠢ
ᠡᠴᠢᠨᠡ ᠶᠢᠷᠳᠢᠨᠴᠦ᠍ᠶ᠋ᠢᠨ ᠳᠠᠯᠳᠠᠠᠴᠠ
ᠦᠪᠡᠷᠮᠢᠴᠡ ᠦᠩᠭᠡᠪᠠᠷ ᠲᠤᠳᠤᠷᠠᠬᠤ
ᠵᠦᠩ ᠮᠡᠳᠡᠷᠡᠮᠵᠢᠶ᠋ᠢᠨ ᠲᠠᠢᠯᠤᠨ ᠶᠤᠮ