ᠨᠠᠮᠤᠷ ᠤ᠋ᠨ ᠰᠡᠭᠦᠯᠴᠢ ᠡᠪᠤᠯ ᠤ᠋ᠨ ᠡᠬᠢ ᠪᠡᠷ ᠪᠦᠬᠦ ᠤᠯᠤᠰ ᠤ᠋ᠨ ᠠᠮᠤ ᠪᠤᠳᠠᠭᠠᠨ ᠤ᠋ ᠭᠠᠷᠤᠯᠳᠠ ᠶ᠋ᠢᠨ ᠲᠤᠮᠤ ᠰᠢᠶᠠᠨ ᠪᠤᠯᠬᠤ ᠤᠯᠠᠭᠠᠨᠬᠠᠳᠠ ᠬᠤᠳᠠ ᠶ᠋ᠢᠨ ᠰᠦᠩᠱᠠᠨ ᠲᠤᠭᠤᠷᠢᠭ ᠤ᠋ᠨ ᠲᠠᠷᠢᠶᠠᠴᠢᠳ ᠡᠷᠳᠡᠨᠢ ᠰᠢᠰᠢ ᠪᠡᠨ ᠳᠡᠯᠭᠡᠵᠦ ᠬᠠᠳᠠᠭᠠᠬᠤ ᠪᠡᠷ ᠶᠠᠭᠠᠷᠠᠯᠳᠤᠨᠠ᠃
《ᠡᠨᠡ ᠵᠢᠯ ᠤ᠋ᠨ ᠡᠷᠳᠡᠨᠢ ᠰᠢᠰᠢ ᠶ᠋ᠢᠨ ᠤᠷᠭᠤᠯᠳᠠ ᠰᠠᠢᠨ᠂ ᠮᠤ᠌ ᠪᠦᠷᠢ ᠶ᠋ᠢᠨ ᠤᠨᠠᠯᠳᠠ 1500 ᠭᠠᠷᠤᠢ ᠵᠢᠩ ᠳ᠋ᠤ ᠬᠦᠷᠴᠤ᠂ ᠨᠢᠳᠤᠨᠤᠨ ᠡᠴᠡ 200 ᠵᠢᠩ ᠤᠷᠴᠢᠮ ᠢᠯᠡᠭᠦᠦ ᠬᠤᠷᠢᠶᠠᠵᠠᠢ᠃ ᠰᠠᠢᠬᠠᠨ ᠬᠠᠳᠠᠭᠠᠭᠠᠳ ᠰᠠᠢᠨ ᠦᠨᠠ ᠳ᠋ᠤ ᠬᠦᠷᠭᠡᠨᠠ ᠳ᠋ᠸ！》 ᠭᠡᠵᠦ ᠰᠦᠩᠱᠠᠨ ᠲᠤᠭᠤᠷᠢᠭ ᠤ᠋ᠨ ᠠᠩᠴᠢᠨ ᠭᠤᠤ ᠪᠠᠯᠭᠠᠰᠤ ᠵᠢᠨ ᠯᠤ᠌ ᠵᠢᠶᠠ ᠶᠢᠩᠽᠢ ᠲᠤᠰᠬᠤᠨ ᠤ᠋ ᠲᠠᠷᠢᠶᠠᠴᠢᠨ ᠴᠧᠨ ᠯᠢ ᠵᠢᠶᠦ᠋ᠨ ᠦᠲᠦᠷᠮᠠ ᠳᠦᠭᠦᠷᠡᠩ ᠡᠷᠳᠡᠨᠢ ᠰᠢᠰᠢ ᠪᠡᠨ ᠬᠠᠷᠠᠭᠠᠳ ᠪᠠᠶᠠᠷ ᠲᠠᠢ ᠶᠠᠷᠢᠪᠠ᠃
ᠤᠢᠯᠠᠭᠠᠭᠰᠠᠨ ᠶ᠋ᠢᠡᠷ᠂ ᠡᠨᠡ ᠵᠢᠯ ᠰᠦᠩᠱᠠᠨ ᠲᠤᠭᠤᠷᠢᠭ ᠤ᠋ᠨ ᠲᠠᠷᠢᠶᠠᠴᠢᠳ 100 ᠲᠦᠮᠡᠨ ᠮᠤ᠌ ᠡᠷᠳᠡᠨᠢ ᠰᠢᠰᠢ ᠲᠠᠷᠢᠵᠤ᠂ ᠨᠠᠷᠠ ᠬᠤᠷᠠ ᠲᠡᠩᠴᠡᠭᠰᠡᠨ ᠳᠡᠭᠡᠷᠠ ᠪᠡᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠲᠠᠷᠢᠵᠤ ᠠᠷᠠᠴᠢᠯᠠᠬᠤ ᠮᠡᠷᠭᠡᠵᠢᠯ ᠢ᠋ ᠬᠡᠷᠡᠭᠯᠡᠭᠰᠡᠨ ᠶ᠋ᠢᠡᠷ ᠡᠷᠳᠡᠨᠢ ᠰᠢᠰᠢ ᠶ᠋ᠢᠨ ᠤᠨᠠᠯᠳᠠ ᠨᠢ ᠳᠠᠬᠢᠨᠳᠠ ᠰᠢᠨᠠ ᠲᠡᠮᠳᠡᠭᠯᠡᠯ ᠢ᠋ ᠡᠭᠦᠳᠴᠠᠢ᠃ 《ᠮᠠᠨ ᠤ᠋ ᠬᠢ ᠡᠨᠡ ᠵᠢᠯ 200 ᠭᠠᠷᠤᠢ ᠮᠤ᠌ ᠡᠷᠳᠡᠨᠢ ᠰᠢᠰᠢ ᠲᠠᠷᠢᠵᠠᠢ᠂ ᠬᠠᠳᠠᠭᠠᠬᠤ ᠮᠠᠰᠢᠨ ᠲᠠᠢ ᠲᠤᠯᠠ ᠴᠠᠭ ᠴᠠᠭ ᠲᠠᠭᠠᠨ ᠬᠠᠳᠠᠭᠠᠭᠠᠳ ᠬᠦᠮᠦᠷᠭᠡᠯᠡᠵᠦ ᠪᠤᠯᠤᠨᠠ᠃ ᠡᠨᠡ ᠵᠢᠯ ᠪᠠᠷᠤᠭ 30 ᠲᠦᠮᠡᠨ ᠲᠦᠭᠦᠷᠢᠭ ᠤ᠋ᠨ ᠴᠡᠪᠡᠷ ᠤᠷᠤᠯᠭᠠ ᠤᠯᠤᠨᠠ》 ᠭᠡᠵᠦ ᠴᠧᠨ ᠯᠢ ᠵᠢᠶᠦ᠋ᠨ ᠬᠡᠯᠡᠨᠠ᠃
ᠯᠢ ᠹᠦ ᠸᠠᠩ ᠰᠢᠶᠠᠩ ᠳ᠋ᠦᠩ ᠭᠡᠷᠡᠯ ᠵᠢᠷᠤᠭ ᠶ᠋ᠢᠡᠷ ᠮᠡᠳᠡᠭᠡᠯᠡᠪᠡ