ᠲᠡᠭ᠌ᠷᠢᠶ᠋ᠢᠨ ᠴᠡᠩᠬᠡᠷ ᠪᠢᠳᠣᠷᠶᠡ ᠳᠣᠣᠷᠠ
ᠲᠠᠯᠠᠨᠢ ᠡᠭᠦᠯᠡᠲᠠᠢᠪᠠᠨ ᠤᠷᠤᠯᠳᠤᠭ᠍ᠰᠠᠨ
ᠲᠡᠯᠡᠮᠡᠭᠦᠯᠦᠭ᠌ᠰᠡᠨ ᠬᠥᠯᠦᠭᠤᠨ ᠰᠣᠪᠤᠳᠤᠨ ᠲᠣᠪᠬᠤᠶ᠋ᠢ
ᠲᠡᠭᠦᠭᠡᠳ ᠡᠪᠦᠷᠯᠡᠵᠦ᠍ ᠣᠳᠣᠳᠨᠢ ᠵᠢᠷᠭᠠᠭ᠍ᠰᠠᠨ
ᠲᠠᠯᠠᠨᠢ ᠰᠡᠳᠭᠢᠯᠢᠶᠠᠨ ᠱᠢᠭ ᠠᠭᠤᠵᠢᠮ ᠪᠣᠯᠬᠤᠷ
ᠲᠡᠭ᠌ᠷᠢᠨᠢ ᠪᠤᠷᠬᠠᠨ ᠳᠣᠯᠣᠭᠠᠨ ᠣᠳᠣᠨᠲᠠᠢᠪᠠᠨ ᠬᠥᠯᠯᠡᠳᠡᠭᠨᠢ ᠦᠵᠦᠮᠦᠴᠢᠨ ᠶᠤᠮ᠃
ᠦᠵᠢᠨ ᠡᠬᠡᠶ᠋ᠢᠨ ᠳᠣᠲᠤᠭᠠᠳᠤ ᠡᠩᠭᠡᠷᠠᠴᠠ ᠤᠨᠠᠵᠤ
ᠦᠵᠦᠮᠤᠨ ᠠᠭᠤᠯᠠᠶ᠋ᠢᠨ ᠬᠤᠷᠮᠣᠢ ᠪᠡᠯᠠᠴᠠ ᠳᠡᠯᠭᠡᠷᠡᠭ᠌ᠰᠡᠨ
ᠥᠨᠵᠢᠭᠦᠯᠤᠨ ᠴᠢᠯᠠᠭᠤᠳ ᠱᠢᠭ᠋ ᠬᠥᠬᠡ ᠡᠪᠦᠭᠡᠳᠤᠨ ᠬᠠᠭᠤᠴᠢᠳᠤ ᠮᠠᠨᠠᠭ᠍ᠳᠠᠭ᠍ᠰᠠᠨ
ᠥᠨᠳᠦᠷ ᠭᠤᠨᠱᠢᠨᠲᠠᠢ ᠵᠠᠩᠭᠢᠶᠠᠲᠤ ᠪᠥᠬᠡᠶ᠋ᠢᠨ
ᠥᠨᠳᠦᠷᠯᠢᠭ ᠳᠡᠭ᠌ᠵᠢᠭᠡᠭ᠌ᠰᠡᠨ ᠠᠭ᠍ᠰᠤᠮ ᠳᠡᠪᠢᠯᠲᠡ
ᠥᠷᠦᠨᠡ ᠲᠡᠭ᠌ᠷᠢᠶ᠋ᠢᠨ ᠬᠠᠶᠠᠭᠠᠨᠳᠤ ᠲᠠᠲᠠᠯᠠᠭ᠍ᠰᠠᠨ ᠰᠡᠳᠭᠢᠯᠤᠨ ᠲᠡᠩᠬᠡᠭᠡ ᠪᠣᠯ ᠦᠵᠦᠮᠦᠴᠢᠨ ᠶᠤᠮ᠃
ᠠᠷᠢᠭ ᠤᠰᠤᠨ ᠵᠠᠭᠤ ᠨᠠᠢ᠍ᠮᠠᠨ ᠪᠤᠯᠠᠭᠲᠠᠢ
ᠠᠯᠤᠨ ᠡᠬᠡᠶ᠋ᠢᠨ ᠰᠤᠷᠭᠠᠯ ᠱᠢᠭ᠋ ᠵᠢᠩᠭᠢᠷ ᠳᠠᠪᠤᠰᠤᠲᠠᠢ ᠡᠵᠢᠨᠠᠭᠤᠷ
ᠠᠷᠠᠯᠤᠨ ᠱᠠᠷᠢᠶᠠᠷ ᠠᠷᠤ ᠳᠠᠪᠠᠭᠠᠶ᠋ᠢ ᠥᠭ᠌ᠰᠦᠨ
ᠠᠮᠢᠳᠤ ᠶᠠᠪᠤᠬᠤᠶ᠋ᠢᠨ ᠴᠢᠰᠤᠨ ᠱᠢᠮᠡᠶ᠋ᠢ
ᠠᠪᠤᠶ᠋ᠢᠨ ᠠᠪᠤᠠᠴᠠ ᠮᠠᠨᠳᠤ ᠵᠠᠯᠭᠠᠭᠤᠯᠤᠭ᠍ᠰᠠᠨ
ᠠᠯᠳᠠᠭᠤᠷᠠᠰᠢ ᠦᠭᠡᠢ ᠡᠬᠡ ᠬᠦᠮᠦᠨᠤ ᠬᠠᠢᠷᠠᠶ᠋ᠢᠨ ᠬᠠᠯᠭᠢᠯᠠᠭᠠ ᠪᠣᠯ ᠦᠵᠦᠮᠦᠴᠢᠨ ᠶᠤᠮ᠃
ᠨᠣᠪ ᠨᠣᠭᠤᠭᠠᠨ ᠵᠠᠰᠠᠷ ᠴᠠᠮᠪᠠᠨᠢ ᠨᠣᠮᠤᠳᠠᠨ ᠲᠦᠯᠬᠢᠭ᠌ᠰᠡᠨ
ᠨᠣᠢᠷ ᠰᠡᠷᠭᠦᠮᠡ ᠤᠨᠢᠶᠠᠷᠤᠨ ᠴᠡᠩᠭᠡᠷ ᠠᠯᠴᠢᠭᠤᠷᠲᠠᠢ ᠲᠣᠯᠤᠭᠠᠳ
ᠨᠣᠭᠤᠭᠠᠨ ᠤᠲᠠᠢᠶ᠋ᠢᠨ ᠰᠡᠷᠢᠭᠦᠦ ᠤᠷᠢᠭ᠍ᠰᠠᠨ ᠢᠰᠭᠡᠷᠦᠭᠡ
ᠨᠣᠮᠤᠨ ᠭᠡᠭᠡᠲᠠᠢ ᠥᠨᠳᠦᠷᠯᠢᠭᠤᠨ ᠷᠠᠱᠢᠶᠠᠨ ᠠᠷᠢᠭᠤᠰᠭᠠᠯ
ᠨᠣᠷᠣᠭ᠍ᠰᠠᠨ ᠭᠡᠵᠢᠭᠡᠪᠠᠨ ᠡᠷᠬᠢᠮᠰᠦᠭ ᠠᠶᠠᠷᠬᠠᠨ ᠰᠠᠮᠨᠠᠭ᠍ᠰᠠᠨ
ᠨᠣᠮᠤᠳᠠᠨ ᠲᠠᠲᠠᠭ᠍ᠰᠠᠨ ᠰᠣᠯᠤᠩᠭᠠ ᠱᠢᠭ᠋ ᠲᠠᠯᠠᠶ᠋ᠢᠨ ᠪᠥᠰᠡᠭᠦᠢ ᠪᠣᠯ ᠦᠵᠦᠮᠦᠴᠢᠨ ᠶᠤᠮ᠃
ᠬᠦᠦᠷᠭᠡ ᠴᠠᠩᠳᠤ ᠬᠦᠢᠲᠡᠨ ᠬᠥᠷᠦᠰᠦᠨᠢ ᠨᠠᠷᠠᠨᠤ ᠨᠥᠭᠡᠴᠡᠲᠠᠢ
ᠬᠥᠭᠡᠷᠦᠭᠦᠯᠦᠭ᠌ᠰᠡᠨ ᠳᠡᠪᠡᠯᠤᠨ ᠡᠩᠭᠡᠷᠲᠡᠭᠡᠨ ᠰᠡᠳᠭᠢᠯᠤᠨ ᠢᠯᠴᠢᠲᠠᠢ
ᠬᠥᠬᠡᠪᠠᠷ ᠳᠦᠷᠡᠯᠵᠡᠬᠦ᠌ ᠲᠤᠯᠭᠠᠨᠢ ᠢᠲᠡᠭᠡᠯᠤᠨ ᠰᠤᠭᠤᠨᠠᠭᠲᠠᠢ
ᠬᠥᠷᠦᠰᠦᠯᠢᠭ ᠳᠦᠷᠭᠦᠶ᠋ᠢᠨ ᠴᠠᠭᠠᠨᠠ ᠳᠠᠭᠠᠭᠠᠮᠠᠭᠠᠢ ᠡᠷᠴᠢᠲᠠᠢ
ᠬᠥᠯᠦᠭᠤᠨ ᠳᠡᠯ ᠳᠡᠭᠡᠷᠡ ᠪᠤᠭᠤᠷᠤᠯ ᠵᠠᠭᠤᠨᠢ ᠨᠤᠭᠤᠴᠢᠵᠤ ᠢᠷᠡᠭ᠌ᠰᠡᠨ
ᠬᠥᠳᠡᠷ ᠬᠠᠳᠠᠨ ᠡᠷᠡᠰᠤᠨ ᠬᠥᠷᠥᠪᠡᠵᠢᠭ᠌ᠰᠡᠨ ᠨᠤᠲᠤᠭ ᠪᠣᠯ ᠦᠵᠦᠮᠦᠴᠢᠨ ᠶᠤᠮ᠃
ᠣᠩᠭᠤᠨ ᠪᠠᠯᠴᠢᠷᠠᠴᠠᠪᠠᠨ ᠳᠠᠪᠤᠰᠤᠨ ᠠᠶᠠᠨᠤ ᠦᠯᠢᠭᠡᠷᠲᠤ ᠨᠠᠰᠤᠪᠠᠨ ᠵᠥᠭᠡᠭ᠌ᠰᠢᠭᠦᠯᠦᠭ᠌ᠰᠡᠨ ᠪᠢ
ᠣᠭ᠌ᠶᠤᠨ ᠴᠡᠩᠬᠡᠷ ᠨᠤᠲᠤᠭᠢ ᠦᠵᠦᠮᠦᠴᠢᠨ ᠭᠡᠳᠡᠭᠢᠨᠢ ᠨᠢᠳᠦ ᠳᠦᠭᠦᠷᠡᠩ ᠬᠠᠷᠠᠶᠠ
ᠤᠬᠠᠭᠠᠨᠤ ᠪᠣᠯᠣᠷ ᠲᠠᠩᠬᠢᠰ ᠡᠵᠢᠨᠠᠭᠤᠷᠢᠶᠠᠨ ᠶᠠᠭᠠᠬᠢᠭ᠍ᠰᠠᠨ ᠴᠦ᠍ ᠨᠢᠭᠡ ᠡᠷᠭᠢᠶᠡ
ᠤᠳᠤᠮ ᠳᠠᠮᠵᠢᠨ ᠠᠮᠰᠠᠭ᠍ᠰᠠᠨ ᠡᠮ ᠱᠢᠭ ᠳᠠᠪᠤᠰᠤᠨᠠᠴᠠᠨᠢ ᠭᠠᠭ᠍ᠴᠠ ᠱᠢᠳᠦ ᠴᠦ᠍ ᠬᠠᠷᠮᠠᠶᠠ
ᠤᠨᠠᠭᠠᠨᠢ ᠲᠡᠩᠴᠡᠭᠡᠯᠡᠵᠦ᠍᠂ ᠤᠰᠤᠨ ᠵᠡᠷᠭᠡᠯᠡᠭᠡ ᠲᠠᠲᠠᠭ᠍ᠰᠠᠨ ᠡᠷᠢᠨᠢᠶᠠᠷ
ᠤᠷᠢᠳᠤᠶ᠋ᠢᠨ ᠳᠣᠮᠤᠭ ᠱᠢᠭ᠋ ᠦᠵᠦᠮᠦᠴᠢᠨ ᠡᠵᠢᠶ᠋ᠢᠨ ᠬᠤᠷᠮᠣᠢᠳᠤ ᠨᠢᠭᠡ ᠰᠦᠬᠦᠷᠡᠶᠡ᠃