ᠣᠢᠮᠣᠷᠠᠬᠰᠠᠨ ᠰᠡᠳᠬᠢᠯᠢ ᠰᠡᠷᠬᠦᠭᠡᠵᠦ ᠠᠩᠬᠠᠨᠤ ᠴᠠᠰᠣ ᠬᠠᠶᠠᠯᠠᠨᠠ
ᠣᠷᠠᠬᠲᠠᠬᠰᠠᠨ ᠨᠠᠪᠴᠢᠰᠢ ᠠᠷᠭᠠᠲᠠᠬᠰᠠᠭᠠᠷ ᠡᠪᠦᠯᠤᠨ ᠡᠪᠦᠷ ᠲᠦ᠍ ᠣᠨᠲᠠᠭᠣᠯᠣᠨᠠ
ᠣᠷᠣᠬ ᠲᠦ᠍ ᠮᠣᠷᠲᠠᠬᠰᠠᠨ ᠭᠠᠯᠠᠭᠣᠳ ᠡᠴᠡ ᠢᠷᠡᠭᠰᠡᠨ ᠬᠠᠯᠠᠭᠣᠨ ᠴᠢᠮᠡᠭᠡᠶᠢ ᠴᠢᠩᠨᠠᠭᠠᠳ
ᠣᠰᠣ ᠭᠣᠣᠯ ᠰᠣᠷᠮᠣᠣᠰᠣ ᠪᠠᠨ ᠴᠡᠮᠴᠡᠭᠡᠨᠡᠬᠦᠯᠦᠭᠰᠡᠭᠡᠷ ᠰᠠᠢᠬᠠᠨ ᠵᠡᠬᠦᠲᠦᠨ ᠳ᠋ᠡᠭᠡᠨ ᠲᠣᠬᠵᠢᠷᠠᠨᠠ
ᠮᠦᠩᠬᠦᠨ ᠲᠠᠯᠠᠪᠴᠢᠨᠤ ᠲᠠᠪᠢᠬᠦᠶᠢ ᠰᠢᠷᠲᠡᠭᠰᠡᠭᠡᠷ ᠮᠢᠨᠴᠦᠬᠦᠷᠡᠭᠰᠡᠨ ᠰᠡᠳᠬᠢᠯ ᠠᠮᠢᠯᠠᠨᠠ
ᠮᠦᠷᠦᠭᠡᠲᠦᠯᠲᠦ ᠨᠠᠮᠣᠷ ᠡᠴᠡ ᠬᠠᠭᠠᠴᠠᠨ ᠰᠠᠯᠵᠦ ᠨᠠᠰᠣᠨᠤ ᠡᠷᠴᠢ ᠴᠢᠩᠭᠠᠷᠠᠨᠠ
ᠬᠠᠴᠠᠷ ᠢᠯᠪᠢᠬᠦ ᠵᠦᠭᠡᠯᠡᠭᠡᠨ ᠠᠮᠢᠰᠬᠣᠭᠠ ᠳ᠋ᠦ ᠪᠦᠬᠦᠢᠯᠡ ᠭᠣᠨᠢᠬ ᠠᠷᠢᠯᠣᠭᠠᠳ
ᠬᠣᠶᠠᠷᠬᠠᠨ ᠮᠦᠷ ᠲᠠᠰᠣᠷᠬᠠᠢ ᠪᠠᠲᠠᠬ ᠶ᠋ᠢᠡᠷ ᠴᠠᠬ ᠬᠣᠭᠣᠴᠠᠭᠠ ᠭᠠᠲᠣᠯᠣᠨᠠ
ᠨᠠᠷᠠᠨᠤ ᠵᠢᠩ ᠵᠢᠩᠬᠢᠨᠠᠨ ᠵᠢᠵᠢᠭᠷᠡᠭᠰᠡᠭᠡᠷ ᠭᠡᠷᠡᠯ ᠶ᠋ᠢᠡᠨ ᠴᠢᠨᠠᠬᠰᠢ ᠠᠰᠬᠠᠨᠠ
ᠨᠢᠴᠦᠬᠦᠷᠡᠭᠰᠡᠨ ᠮᠣᠲᠣᠳᠤᠨ ᠰᠡᠬᠦᠷᠡᠰᠦ ᠦᠷᠬᠦᠭᠡᠵᠦ ᠵᠡᠭᠡᠷᠡᠶᠢᠨ ᠰᠦᠷᠦᠭ ᠨᠠᠭᠠᠰᠢᠯᠠᠨᠠ
ᠨᠢᠰᠬᠦ ᠭᠠᠯᠠᠭᠣᠳ ᠵᠦᠰᠦᠭᠡᠳ ᠰᠠᠯᠭᠠᠬᠰᠠᠨ ᠨᠠᠭᠠᠨᠠ ᠴᠠᠭᠠᠨᠠᠬᠢ ᠶᠢᠷᠲᠢᠨᠴᠦᠶᠢ
ᠨᠢᠮᠬᠡᠨ ᠰᠢᠷᠬᠡᠭ ᠶ᠋ᠢᠡᠷ ᠬᠦᠪᠦᠷᠢᠲᠦᠨ ᠰᠠᠭᠣᠬᠣ ᠡᠬᠡ ᠪᠠᠢᠭᠠᠯᠢᠶᠢᠨ ᠭᠠᠢᠬᠠᠮᠰᠢᠬ ᠡ