ᠦᠷᠦᠮᠠ — ᠲᠦᠭᠦᠬᠡᠢ ᠰᠦ ᠪᠠᠨ ᠪᠤᠴᠠᠯᠭᠠᠨ ᠰᠠᠮᠤᠷᠴᠦ᠂ ᠵᠦᠭᠡᠯᠡᠨ ᠭᠠᠯ ᠲᠡᠭᠡᠷᠡ ᠤᠳᠠᠭᠠᠨ ᠲᠠᠯᠪᠢᠭᠠᠳ ᠰᠦ ᠵᠢᠨ ᠲᠡᠭᠡᠷᠡ ᠰᠠᠭᠤᠭᠰᠠᠨ ᠵᠤᠵᠠᠭᠠᠨ ᠲᠤᠰᠤᠯᠢᠬ ᠲᠠᠪᠬᠤᠷᠭᠠ ᠵᠢ ᠦᠷᠦᠮᠡ ᠭᠡᠳᠡᠭ᠃ ᠦᠷᠦᠮᠠ ᠵᠢ ᠵᠠᠷᠢᠮ ᠭᠠᠵᠠᠷ ᠲᠦ᠍ ᠨᠤᠢᠳᠠᠨ ᠦᠷᠦᠮᠡ᠂ ᠬᠠᠳᠠᠭᠠᠭᠰᠠᠨ ᠦᠷᠦᠮᠡ ᠭᠡᠵᠦ ᠬᠤᠪᠢᠶᠠᠨ ᠶᠠᠷᠢᠳᠠᠭ ᠪᠦᠭᠡᠳ 《ᠵᠦᠭᠡᠭᠡᠢ》 ᠪᠤᠯᠤᠨ 《ᠦᠷᠦᠮᠡ》 ᠵᠢ ᠴᠦ᠍ ᠬᠤᠳᠬᠤᠨ ᠶᠠᠷᠢᠳᠠᠭ᠃ ᠬᠠᠷᠢᠨ 《ᠭᠠᠵᠠᠷ ᠪᠤᠯᠭᠠᠨ ᠳ᠋ᠤ ᠰᠦ ᠪᠠᠢᠳᠠᠬ ᠴᠦ᠍ ᠭᠠᠭᠴᠠᠬᠠᠨ ᠮᠤᠩᠭᠤᠯ ᠳ᠋ᠤ ᠦᠷᠦᠮᠡ ᠰᠠᠭᠤᠳᠠᠭ》 ᠭᠡᠬᠦ ᠤᠯᠠᠮᠵᠢᠯᠠᠯᠳᠤ ᠴᠠᠭᠠᠨ ᠢᠳᠡᠭᠡᠨ ᠵᠢᠡᠷ ᠵᠢᠡᠨ ᠪᠠᠬᠠᠷᠬᠠᠭᠰᠠᠨ ᠦᠭᠡ ᠪᠤᠢ᠃
ᠦᠷᠦᠮᠠ ᠴᠠᠭᠠᠨ ᠢᠳᠡᠭᠡᠨ ᠤ᠋ ᠤᠬᠢ ᠪᠤᠯᠤᠬᠰᠠᠨ ᠤ᠋ ᠬᠤᠪᠢ ᠳ᠋ᠤ ᠠᠮᠳᠠ ᠨᠢ ᠴᠦ᠍ ᠤᠨᠴᠠᠭᠠᠢ ᠰᠤᠳᠤᠨ᠃ ᠬᠠᠭᠤᠷᠠᠢ ᠪᠤᠳᠠᠭᠠ ᠲᠠᠢ ᠬᠤᠯᠢᠵᠤ ᠢᠳᠡᠬᠦ᠂ ᠰᠦ ᠲᠠᠢ ᠴᠠᠢ ᠳ᠋ᠠᠭᠠᠨ ᠬᠢᠵᠦ ᠢᠳᠡᠬᠦ ᠳ᠋ᠤ ᠯᠡ 《ᠴᠢᠬᠢ ᠵᠢ ᠨᠢ ᠤᠭᠳᠤᠯᠵᠦ ᠠᠪᠤᠭᠰᠠᠨ ᠴᠦ᠍ ᠮᠡᠳᠡᠬᠦ ᠦᠭᠡᠢ》 ᠭᠡᠮᠡᠷ᠃ ᠴᠠᠢ ᠵᠢᠨ ᠰᠢᠷᠡᠭᠡᠨ ᠲᠡᠭᠡᠷᠡ ᠦᠷᠦᠮᠡ ᠭᠡᠵᠢᠶᠡᠳᠡ ᠲᠤᠳᠠᠭᠳᠠᠰᠢ ᠦᠭᠡᠢ ᠪᠦᠭᠡᠳ ᠲᠡᠷᠢᠬᠦᠨ ᠪᠠᠢᠷᠢ ᠳ᠋ᠤ ᠰᠠᠭᠠᠳᠠᠳᠠᠭ᠃
ᠤᠢᠷᠠ ᠵᠢᠨ ᠵᠢᠯ ᠡᠴᠡ ᠦᠷᠦᠮᠠ ᠲᠠᠢ ᠪᠤᠭᠤᠷᠰᠤᠭ ᠭᠡᠳᠡᠯᠡ ᠰᠤᠪᠤᠭᠰᠠᠨ ᠦᠷᠦᠮᠡ᠂ ᠬᠠᠳᠠᠭᠠᠭᠰᠠᠨ ᠵᠢᠮᠢᠰ ᠲᠠᠢ ᠦᠷᠦᠮᠡ ᠬᠡᠬᠦ ᠵᠡᠷᠭᠡ ᠪᠡᠷ ᠲᠡᠭᠡᠳᠤ ᠲᠡᠰ ᠤ᠋ᠨ ᠬᠤᠭᠤᠯᠠᠨ ᠰᠢᠷᠡᠭᠡᠨ ᠤ᠋ ᠠᠮᠳᠠᠳᠤ ᠵᠠᠭᠤᠰᠢ ᠪᠤᠯᠤᠭᠰᠠᠨ ᠡᠴᠡ ᠦᠷᠦᠮᠠ ᠶ᠋ᠢᠨ ᠵᠠᠬᠠ ᠲᠡᠯᠭᠡᠬᠦᠷ ᠤ᠋ᠨ ᠭᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠪᠠ ᠦᠨᠡ ᠬᠠᠩᠰᠢ ᠨᠢ ᠪᠦᠷ ᠲᠦᠷᠭᠡᠨ ᠦᠰᠴᠠᠢ᠃ ᠬᠠᠷᠢᠨ ᠡᠨᠡ ᠨᠠᠮᠤᠷ ᠵᠠᠬᠠ ᠲᠡᠯᠭᠡᠭᠦᠷ ᠲᠡᠭᠡᠷᠡ ᠦᠷᠦᠮᠡ ᠶᠡᠭᠡ ᠳᠤᠳᠠᠭᠳᠠᠵᠠᠢ᠃ ᠰᠦᠯᠵᠢᠶᠡᠨ ᠠᠨᠳᠠ ᠨᠠᠷ ᠤ᠋ᠨ ᠦᠭᠡ ᠪᠡᠷ ᠬᠡᠯᠡᠪᠡᠯ 《ᠰᠠᠶᠢᠬᠠᠨ ᠤᠴᠠᠷᠠᠭᠠᠳ ᠰᠠᠢᠨ ᠤᠤ？ ᠭᠡᠵᠦ ᠮᠡᠨᠳᠦᠴᠢᠯᠡᠬᠦ ᠦᠭᠡᠢ ᠬᠠᠷᠢᠨ ᠦᠷᠦᠮᠡ ᠪᠠᠢᠨᠠ ᠤᠤ？》 ᠭᠡᠵᠦ ᠮᠡᠨᠳᠦᠴᠢᠯᠡᠬᠦ ᠪᠤᠯᠴᠢᠬᠠᠬᠰᠠᠨ ᠭᠡᠨᠡ᠃
ᠰᠢᠯᠳᠠᠭᠠᠨ ᠡᠢᠮᠦ！ ᠬᠡᠨ ᠨᠢᠭᠡ ᠨᠢ 《ᠦᠷᠦᠮᠡ ᠲᠠᠢ ᠰᠢᠬᠢᠷᠳᠤ ᠵᠢᠮᠢᠰ ᠤ᠋ᠨ ᠱᠤᠷᠤᠯᠠᠭ》 ᠭᠡᠬᠦ ᠠᠮᠳᠠᠳᠤ ᠢᠳᠡᠭᠡᠨ ᠢ᠋ ᠡᠬᠦᠳᠦᠨ ᠵᠤᠬᠢᠶᠠᠵᠦ᠂ ᠡᠨᠡ ᠨᠢ ᠪᠦᠬᠦ ᠢᠷᠭᠡᠳ ᠤ᠋ᠨ ᠠᠮᠳᠠ ᠵᠢᠨ ᠮᠡᠳᠡᠷᠡᠮᠵᠢ ᠵᠢ ᠰᠡᠳᠦᠭᠡᠳ᠂ ᠦᠷᠦᠮᠡ ᠲᠠᠢ ᠰᠢᠬᠢᠷᠳᠤ ᠵᠢᠮᠢᠰ ᠤ᠋ᠨ ᠱᠤᠷᠤᠯᠠᠭ ᠬᠢᠵᠦ ᠪᠠᠢᠭᠠ ᠲᠡᠯᠭᠡᠬᠦᠷ ᠤ᠋ᠨ ᠡᠮᠦᠨᠡ ᠤᠷᠳᠤ ᠡᠴᠡ ᠤᠷᠳᠤ ᠮᠦᠷᠯᠡᠨ ᠵᠤᠭᠰᠤᠵᠦ᠂ ᠲᠡᠷᠡ ᠨᠢᠭᠡ ᠠᠮᠳᠠᠳᠤ ᠢᠳᠡᠭᠡᠨ ᠢ᠋ ᠤᠯᠵᠦ ᠢᠳᠡᠬᠦ ᠪᠡᠷ ᠬᠦᠯᠢᠶᠡᠳᠡᠭ ᠪᠤᠯᠵᠠᠢ᠃ ᠡᠬᠦᠨ ᠢ᠋ ᠲᠠᠭᠠᠯᠳᠤᠭᠠᠳ ᠦᠷᠦᠮᠡ ᠲᠠᠢ ᠬᠠᠮᠪᠤᠢ᠍ᠷᠡᠭ᠂ ᠦᠷᠤᠮᠡ ᠲᠠᠢ ᠰᠢᠬᠢᠷᠯᠡᠭᠰᠡᠨ ᠲᠤᠯᠤᠨᠤ ᠴᠦ᠍ ᠭᠠᠷᠴᠦ ᠢᠷᠡᠭᠡᠳ ᠦᠪᠦᠷ ᠮᠤᠩᠭᠤᠯ ᠡᠴᠡ ᠪᠠᠨ ᠭᠠᠷᠴᠦ᠂ ᠡᠮᠦᠨᠡ ᠤᠷᠤᠨ ᠤ᠋ ᠱᠠᠩᠬᠠᠢ᠂ ᠨᠠᠨᠵᠢᠩ᠂ ᠬᠠᠩᠵᠸᠤ ᠵᠡᠷᠭᠡ ᠶᠡᠭᠡ ᠬᠤᠳᠠᠳ ᠤ᠋ᠨ ᠵᠠᠬᠠ ᠲᠡᠯᠭᠡᠭᠦᠷ ᠲᠦ᠍ 《ᠦᠢᠮᠡᠭᠡᠨ》 ᠲᠡᠭᠳᠡᠭᠡᠵᠡᠢ᠃ ᠭᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠶᠡᠭᠡ ᠪᠤᠯᠪᠠᠯ ᠶᠠᠭᠤᠮᠠ ᠡᠬᠢᠯᠡᠭᠡᠳ ᠬᠤᠪᠤᠷ ᠪᠤᠯᠴᠢᠬᠠᠨᠠ᠃ ᠬᠡᠨ ᠮᠡᠳᠡᠵᠡᠮ᠂ ᠠᠯᠢ ᠨᠢᠭᠡᠨ ᠡᠳᠦᠷ ᠤᠯᠠᠮᠵᠢᠯᠠᠯᠳᠤ ᠴᠠᠭᠠᠨ ᠢᠳᠡᠭᠡᠨ ᠤ᠋ ᠨᠢᠭᠡ ᠪᠤᠯᠤᠭᠰᠠᠨ ᠦᠷᠦᠮᠡ ᠢᠩᠬᠢᠵᠦ ᠨᠡᠷᠡ ᠲᠦᠷᠦ ᠮᠠᠨᠳᠤᠴᠢᠬᠠᠨᠠ ᠭᠡᠳᠡᠭ ᠢ᠋᠃
《ᠰᠢᠨᠠ ᠡᠭᠦᠳᠦᠯᠳᠡ》 ᠭᠡᠳᠡᠭ ᠶᠠᠭᠤᠮᠠ ᠶᠠᠭᠠᠬᠢᠭᠠᠳ ᠴᠦ᠍ ᠭᠡᠰᠡᠨ ᠠᠮᠢᠵᠢᠷᠠᠯ ᠤ᠋ᠨ ᠬᠦᠴᠦᠨ ᠵᠢᠡᠷ ᠴᠢᠩᠭᠠ ᠪᠦᠭᠡᠳ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ᠋ ᠨᠡᠢᠭᠡᠮ ᠲᠡᠦᠭᠡ ᠵᠢ ᠤᠷᠤᠭᠰᠢᠯᠠᠭᠤᠯᠤᠭᠰᠠᠭᠠᠷ ᠢᠷᠡᠵᠡᠢ᠃ ᠶᠠᠮᠠᠷ ᠠᠵᠢᠯ ᠲᠦᠷᠦᠯ᠂ ᠶᠠᠮᠠᠷ ᠤᠯᠤᠰ ᠤᠷᠤᠨ ᠦᠨᠳᠦᠰᠦᠳᠡᠨ ᠶᠠᠰᠤᠳᠠᠨ ᠭᠡᠰᠡᠨ ᠦᠭᠡᠢ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ᠋ ᠬᠦᠭᠵᠢᠯᠳᠡ ᠰᠢᠨᠡ ᠡᠬᠦᠳᠦᠯᠳᠡ ᠡᠴᠡ ᠰᠠᠯᠵᠦ ᠴᠢᠳᠠᠰᠢ ᠦᠭᠡᠢ᠃ ᠡᠪ ᠡᠩ ᠤ᠋ᠨ ᠨᠢᠭᠡᠨ ᠰᠢᠨᠠ ᠡᠭᠦᠳᠦᠯᠳᠡ ᠨᠢᠭᠡ ᠤᠯᠤᠰ ᠭᠡᠷ᠂ ᠨᠢᠭᠡ ᠦᠨᠳᠦᠰᠦᠳᠡᠨ ᠶᠠᠰᠤᠳᠠᠨ ᠢ᠋ ᠠᠪᠤᠷᠠᠴᠢᠬᠠᠵᠦ ᠲᠡᠢᠯᠦᠨᠡ᠃ ᠤᠯᠠᠮᠵᠢᠯᠠᠯ ᠤ᠋ᠨ ᠵᠢᠡᠨ ᠰᠠᠭᠤᠷᠢᠨ ᠲᠡᠭᠡᠷᠡ ᠬᠦᠭᠵᠢᠭᠰᠡᠨ ᠰᠢᠨᠡ ᠡᠬᠦᠳᠦᠯᠳᠡ ᠵᠢᠨ ᠠᠮᠢᠵᠢᠷᠠᠯ ᠤ᠋ᠨ ᠬᠦᠴᠦᠨ ᠨᠢ ᠨᠡᠩ ᠴᠢᠩᠭᠠ ᠪᠤᠯᠤᠯᠳᠠᠢ᠃
ᠦᠷᠦᠮᠡ ᠵᠢᠨ ᠬᠠᠯᠠᠭᠤᠷᠠᠯ ᠡᠴᠡ ᠵᠢᠱ᠌ᠢᠶᠡᠯᠡᠬᠦ ᠳ᠋ᠤ᠂ ᠤᠯᠠᠮᠵᠢᠯᠠᠯᠳᠤ ᠴᠠᠭᠠᠨ ᠢᠳᠡᠭᠡᠨ ᠵᠢᠨᠨ ᠬᠦᠯᠳᠡᠬᠦᠦ ᠰᠢᠬᠢᠷᠳᠤ ᠵᠢᠮᠢᠰ ᠤ᠋ᠨ ᠱᠤᠷᠤᠯᠠᠭ ᠲᠠᠢ ᠠᠭᠤᠰᠤᠯᠴᠠᠭᠤᠯᠤᠨ ᠪᠦᠲᠦᠭᠡᠭᠰᠡᠨ ᠨᠢ ᠲᠠᠷᠤᠢ ᠰᠢᠨᠡ ᠡᠬᠦᠳᠦᠯᠳᠡ᠃ ᠡᠨᠡ ᠰᠢᠨᠡ ᠡᠬᠦᠳᠦᠯᠳᠡ ᠬᠦᠮᠦᠰ ᠤ᠋ᠨ ᠪᠠᠢᠭᠠᠯᠢᠯᠢᠬ ᠪᠤᠬᠢᠷᠳᠤᠯ ᠦᠭᠡᠢ ᠢᠳᠡᠭᠡᠨ ᠤ᠋ ᠬᠦᠭᠡᠭᠡᠴᠡᠯᠳᠦᠯ ᠤ᠋ᠨ ᠱᠠᠭᠠᠷᠳᠠᠯᠭᠠ ᠵᠢ ᠬᠠᠩᠭᠠᠪᠠ᠃ ᠪᠢᠳᠠ ᠦᠪ ᠰᠤᠶᠤᠯ ᠵᠢᠡᠨ ᠤᠯᠠᠮᠵᠢᠯᠠᠨ ᠬᠦᠭᠵᠢᠬᠦᠯᠬᠦ ᠵᠢ ᠰᠠᠨᠠᠭᠠᠴᠢᠯᠠᠨ ᠬᠢᠭᠰᠡᠭᠡᠷ ᠢᠷᠡᠵᠡᠢ᠃ ᠰᠢᠨᠠ ᠡᠭᠦᠳᠦᠯᠳᠡ ᠰᠠᠶᠢ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠢ᠋ ᠤᠳᠤᠬᠢ ᠨᠡᠢᠭᠡᠮ ᠤ᠋ᠨ ᠬᠦᠴᠦᠨ ᠪᠤᠯᠭᠠᠵᠦ ᠴᠢᠳᠠᠨᠠ᠃ ᠭᠡᠳᠡᠯᠡ ᠡᠢᠮᠦᠷᠬᠦᠦ ᠰᠢᠨᠠ ᠡᠬᠦᠳᠦᠯᠳᠡ ᠠᠷᠠᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠢᠭᠠ ᠴᠦ᠍ ᠰᠢᠬ᠃ ᠤᠢᠷᠠ ᠵᠢᠨ ᠵᠢᠯ ᠳ᠋ᠤ ᠦᠪᠦᠷ ᠮᠤᠩᠭᠤᠯ ᠤ᠋ᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ᠋ ᠨᠠᠮ ᠤ᠋ᠨ ᠬᠤᠷᠢᠶᠠ ᠪᠠ ᠵᠠᠰᠠᠭ ᠤ᠋ᠨ ᠤᠷᠳᠤᠨ ᠡᠴᠡ 《ᠤᠯᠠᠮᠵᠢᠯᠠᠯᠳᠤ ᠴᠠᠭᠠᠨ ᠢᠳᠡᠭᠡᠨ ᠢ᠋ ᠬᠦᠭᠵᠢᠬᠦᠯᠬᠦ》 ᠲᠤᠬᠠᠢ ᠤᠯᠠᠨ ᠤᠯᠠᠨ ᠠᠰᠢᠬᠳᠠᠢ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢ ᠭᠡᠷᠡᠭᠵᠢᠬᠦᠯᠵᠦ ᠪᠤᠢ᠃ ᠡᠳᠡᠬᠡᠷ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢᠨ ᠠᠰᠢᠬᠳᠠᠢ ᠨᠦᠬᠦᠴᠡᠯ ᠲᠤᠤᠷᠠ ᠪᠢᠳᠠ ᠤᠯᠠᠮᠵᠢᠯᠠᠯᠳᠤ ᠴᠠᠭᠠᠨ ᠢᠳᠡᠭᠡᠨ ᠵᠢᠡᠨ ᠰᠢᠨᠠ ᠵᠢ ᠡᠬᠦᠳᠦᠨ ᠬᠦᠭᠵᠢᠬᠦᠯᠪᠡᠯ᠂ ᠯᠠᠪᠳᠠᠢ ᠪᠦᠬᠦ ᠤᠯᠤᠰ ᠴᠢᠨᠠᠭᠰᠢᠯᠠᠨ ᠪᠦᠬᠦ ᠲᠡᠯᠡᠬᠡᠢ ᠵᠢᠨ ᠬᠦᠯᠢᠶᠡᠨ ᠬᠦᠷᠳᠡᠬᠦ ᠪᠤᠬᠢᠷᠳᠤᠯ ᠦᠭᠡᠢ ᠠᠮᠳᠠᠳᠤ ᠢᠳᠡᠭᠡᠨ ᠪᠤᠯᠵᠦ ᠴᠢᠳᠠᠨᠠ᠃