ᠤᠢᠷᠠ ᠳ᠋ᠤ᠂ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠪᠡᠭᠡᠵᠢᠩᠦᠨ ᠨᠠᠢ᠍ᠮᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠤᠯᠠᠭᠠᠨᠴᠠᠪ ᠬᠤᠪᠢᠶᠠᠷᠢ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠢᠬᠢᠷᠢ ᠵᠢᠨ ᠨᠠᠭᠤᠷ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠣᠭᠣᠷᠢᠭᠤᠨ ᠰᠤᠷᠤᠭ᠍ᠴᠢᠳᠤᠨ ᠬᠣᠭᠣᠯᠠᠨ ᠭᠡᠷᠲᠦ᠂ ᠠᠵᠢᠯᠲᠠᠨ ᠶᠠᠨ ᠫᠢᠩ ᠲᠤᠬᠠᠶᠶ᠋ᠢᠨ ᠡᠳᠦᠷᠦᠨ ᠵᠢᠮᠢᠰᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠪᠠᠢᠴᠠᠭᠠᠨ ᠱᠢᠯᠭᠠᠵᠤ ᠪᠠᠢᠭᠠ ᠵᠢ ᠤᠯᠵᠤ ᠬᠠᠷᠠᠵᠠᠢ᠃ ᠲᠤᠰ ᠰᠤᠷᠭᠠᠭᠤᠯᠢᠶ᠋ᠢᠨ《ᠡᠵᠢ ᠲᠣᠭᠣᠭᠠᠨ ᠭᠡᠷ》 ᠤ᠋ᠨ ᠨᠢᠭᠡᠨ《ᠡᠵᠢ ᠲᠣᠭᠣᠭᠠᠴᠢ》 ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠲᠡᠷᠡ ᠢᠳᠡᠭᠡᠨᠦ ᠮᠠᠲ᠋ᠧᠷᠢᠶᠠᠯᠢ ᠬᠥᠮᠥᠷᠭᠡᠳᠦ ᠣᠷᠣᠭᠤᠯᠬᠤ᠂ ᠬᠥᠮᠥᠷᠭᠡᠡᠴᠡ ᠭᠠᠷᠭᠠᠬᠤ ᠠᠵᠢᠯᠢ ᠬᠠᠷᠢᠭᠤᠴᠠᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠬᠢᠨᠠᠯᠲᠠ ᠲᠠᠯᠪᠢᠭ᠍ᠴᠢᠶ᠋ᠢᠨ ᠬᠤᠪᠢᠪᠠᠷ ᠢᠳᠡᠭᠡᠨᠦ ᠮᠠᠲ᠋ᠧᠷᠢᠶᠠᠯᠢ ᠱᠢᠯᠭᠠᠨ ᠪᠠᠢᠴᠠᠭᠠᠬᠤ᠂ ᠡᠳ᠋ᠱᠢᠭᠦᠯᠬᠦ᠌ ᠪᠦᠬᠦ᠌ ᠶᠠᠪᠤᠴᠠᠳᠤ ᠣᠷᠣᠯᠴᠠᠳᠠᠭ᠃
《ᠡᠵᠢ ᠲᠣᠭᠣᠭᠠᠨ ᠭᠡᠷ》ᠭᠡᠳᠡᠭ ᠨᠢ ᠳᠠᠷᠤᠢ ᠰᠤᠷᠭᠠᠭᠤᠯᠢᠠᠴᠠ ᠰᠤᠷᠤᠭ᠍ᠴᠢᠶ᠋ᠢᠨ ᠭᠡᠷᠦᠨ ᠠᠬᠠᠮᠠᠳᠢ ᠡᠡᠭ ᠲᠠᠷᠢᠬᠦᠨ ᠳ᠋ᠤ ᠤᠷᠢᠨ ᠬᠡᠷᠡᠭ᠌ᠯᠡᠵᠦ᠍ ᠬᠣᠭᠣᠯᠠᠨ ᠭᠡᠷᠦᠨ ᠠᠵᠢᠯᠳᠤ ᠣᠷᠣᠯᠴᠠᠭᠤᠯᠬᠤ ᠵᠢ ᠵᠢᠭᠠᠵᠤ᠂ 《ᠡᠵᠢ ᠲᠣᠭᠣᠭᠠᠨ ᠭᠡᠷ》 ᠤ᠋ᠨ ᠤᠨᠴᠠᠯᠢᠬ᠍ᠳᠤ ᠲᠦᠷᠦᠯ ᠲᠡᠮᠳᠡᠭᠢ ᠡᠭᠦᠳᠬᠦ᠌ ᠨᠢ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠱᠢᠭᠤᠨᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠦ ᠬᠣᠭᠣᠯᠠᠨᠤ ᠬᠢᠨᠠᠯᠲᠠ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠱᠢᠢᠳᠪᠦᠷᠢᠯᠡᠵᠦ᠍᠂ ᠭᠡᠷᠦᠨ ᠠᠬᠠᠮᠠᠳ ᠪᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠭᠦᠨᠵᠡᠭᠡᠢ ᠬᠠᠮᠵᠢᠯᠴᠠᠬᠤᠶ᠋ᠢ ᠠᠬᠢᠭᠤᠯᠬᠤ ᠠᠮᠢᠳᠤᠯᠢᠭ ᠦᠢᠯᠡᠳᠦᠯᠭᠡ ᠪᠣᠯᠵᠠᠢ᠃
《ᠮᠠᠨᠤ ᠡᠳᠡᠭᠡᠷ ᠰᠤᠷᠤᠭ᠍ᠴᠢᠳᠤᠨ ᠡᠵᠢ ᠨᠠᠷ ᠨᠢᠭᠡ ᠲᠠᠯᠠᠪᠠᠷ ᠬᠡᠤᠬᠡᠳ ᠵᠢᠡᠨ ᠬᠠᠷᠠᠨ ᠰᠠᠭᠤᠵᠤ᠂ ᠨᠦᠬᠦᠭᠡ ᠲᠠᠯᠠᠪᠠᠷ ᠬᠣᠭᠣᠯᠠᠨ ᠭᠡᠷᠲᠦ ᠬᠥᠯᠥᠰᠥᠨ ᠠᠵᠢᠯ ᠬᠢᠵᠦ᠍ ᠣᠷᠣᠯᠭᠠ ᠣᠯᠤᠨ᠂ ᠪᠠᠰᠠ ᠬᠣᠭᠣᠯᠠᠨ ᠭᠡᠷᠦᠨ ᠢᠳᠡᠭᠡᠨᠦ ᠮᠠᠲ᠋ᠧᠷᠢᠶᠠᠯ᠂ ᠣᠷᠴᠢᠨ ᠲᠣᠭᠣᠷᠢᠨᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠳᠤ ᠬᠢᠨᠠᠯᠲᠠ ᠲᠠᠯᠪᠢᠵᠤ᠂ ᠬᠡᠦᠬᠡᠳᠦᠳᠲᠡᠭᠡᠨ ᠠᠮᠲᠠᠲᠠᠶ ᠬᠣᠭᠣᠯᠠ ᠬᠢᠵᠦ᠍ ᠥᠭ᠌ᠴᠦ ᠪᠤᠯᠤᠨᠠ》 ᠭᠡᠵᠦ᠍ ᠶᠠᠨ ᠫᠢᠩ ᠶᠠᠷᠢᠵᠠᠢ᠃
ᠪᠡᠭᠡᠵᠢᠩᠦᠨ ᠨᠠᠢ᠍ᠮᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠤᠯᠠᠭᠠᠨᠴᠠᠪ ᠬᠤᠪᠢᠶᠠᠷᠢ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠢᠬᠢᠷᠢ ᠵᠢᠨ ᠨᠠᠭᠤᠷ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠣᠭᠣᠷᠢᠭᠲᠤ ᠶᠠᠨ ᠫᠢᠩ ᠱᠢᠭ ᠬᠣᠭᠣᠯᠠᠨ ᠭᠡᠷᠲᠦ ᠬᠠᠪᠰᠤᠷᠤᠨ ᠠᠵᠢᠯᠯᠠᠵᠤ ᠪᠠᠢᠭᠠ 《ᠡᠵᠢ ᠬᠦᠮᠦᠨ》 ᠠᠷᠪᠠᠨ ᠬᠡᠳᠦ ᠪᠠᠢᠵᠤ᠂ ᠲᠡᠳᠡ ᠬᠣᠭᠣᠯᠠᠨ ᠭᠡᠷᠦᠨ ᠪᠦᠬᠦ᠌ ᠠᠵᠢᠯᠴᠢᠳᠤᠨ 53% ᠶ᠋ᠢ ᠡᠵᠡᠯᠡᠵᠤ ᠪᠤᠢ᠃ ᠥᠷᠯᠥᠭᠡ ᠪᠦᠷᠢᠶ᠋ᠢᠨ ᠲᠠᠪᠤᠨ ᠴᠠᠭ ᠬᠠᠭᠠᠰ ᠪᠤᠯᠬᠤ ᠳ᠋ᠤ᠂ ᠬᠣᠭᠣᠯᠠᠨ ᠭᠡᠷᠦᠨ ᠬᠥᠮᠥᠷᠭᠡ᠂ ᠢᠳᠡᠰᠢᠨ ᠨᠣᠭᠣᠭᠠ ᠵᠢᠨ ᠦᠷᠦᠭᠡ᠂ ᠭᠤᠯᠢᠷ ᠤ᠋ᠨ ᠦᠷᠦᠭᠡ᠂ ᠬᠣᠭᠣᠯᠠ ᠢᠳᠡᠭᠡ ᠠᠪᠬᠤ ᠴᠣᠩᠬᠣ ᠪᠡᠷ ᠪᠦᠷ 《ᠡᠵᠢ ᠲᠣᠭᠣᠭᠠᠴᠢ》 ᠵᠢᠨ ᠶᠠᠭᠠᠷᠠᠵᠤ ᠪᠠᠢᠭᠠ ᠪᠠᠷᠠ ᠬᠠᠷᠠᠭᠳᠠᠵᠤ᠂ ᠴᠡᠪᠡᠷᠯᠡᠭᠡ ᠬᠢᠵᠤ᠂ ᠢᠳᠡᠭᠡᠨᠦ ᠮᠠᠲ᠋ᠧᠷᠢᠶᠠᠯᠤᠨ ᠱᠢᠨᠡ ᠰᠣᠷᠭᠣᠭᠤᠨ ᠬᠡᠮᠵᠢᠶᠡᠶ᠋ᠢ ᠪᠠᠢᠴᠠᠭᠠᠨ ᠱᠢᠯᠭᠠᠵᠤ᠂ ᠨᠤᠭᠤᠭᠠ ᠤᠬᠢᠶᠠᠵᠤ ᠨᠤᠭᠤᠭᠠ ᠬᠡᠷᠴᠢᠵᠤ᠂ ᠬᠣᠭᠣᠯᠠ ᠬᠢᠵᠤ᠂ ᠬᠡᠦᠬᠡᠳᠦᠳᠲᠦ ᠠᠮᠲᠠᠲᠠᠶ ᠬᠣᠭᠣᠯᠠ ᠪᠤᠳᠠᠭᠠ ᠠᠶᠠᠭᠠᠯᠠᠨᠠ ᠁ ᠭᠠᠷᠠᠭ ᠪᠦᠷᠢ ᠰᠤᠷᠤᠭ᠍ᠴᠢᠳᠤᠨ ᠰᠠᠨᠠᠭᠤᠯᠭᠠ ᠪᠠ ᠲᠤᠷᠠᠰᠢᠯ ᠢ᠋ ᠦᠨᠳᠦᠰᠦᠯᠡᠨ ᠠᠳᠠᠯᠢ ᠪᠤᠰᠤ ᠬᠤᠭᠤᠯᠠ ᠰᠣᠯᠢᠵᠤ ᠨᠣᠭᠣᠭᠠᠪᠠᠨ ᠰᠠᠢᠵᠢᠷᠠᠭᠤᠯᠳᠠᠭ᠃ 《ᠡᠵᠢ ᠲᠣᠭᠣᠭᠠᠴᠢ》 ᠨᠠᠷ ᠬᠡᠦᠬᠡᠳᠦᠨ ᠵᠢᠡᠨ ᠢᠳᠡᠭᠡᠨ ᠤᠮᠳᠠᠭᠠᠨᠤ ᠬᠡᠷᠡᠭ᠌ᠴᠡᠭᠡᠶ᠋ᠢᠨ ᠲᠤᠬᠠᠶ ᠲᠥᠷᠥᠯᠬᠢ ᠮᠡᠳᠡᠷᠡᠮᠵᠢᠳᠡᠭᠡᠨ ᠲᠦᠱᠢᠭ᠌ᠯᠡᠨ᠂ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠦ ᠬᠣᠭᠣᠯᠠᠨᠤ ᠴᠢᠨᠠᠷ ᠴᠢᠨᠰᠠᠭᠠᠶ᠋ᠢ ᠳᠡᠭᠡᠭ᠌ᠰᠢᠯᠡᠭᠦᠯᠬᠦ᠌ ᠵᠠᠩᠭᠢᠯᠠᠭᠠᠶ᠋ᠢᠨ ᠬᠦᠴᠦᠨ ᠪᠣᠯᠵᠠᠶ᠃
《ᠲᠠᠳᠠ ᠨᠠᠷᠢᠨ ᠬᠢᠨᠠᠮᠠᠭᠠᠶ᠂ ᠬᠠᠷᠢᠭᠤᠴᠠᠯᠭᠠᠲᠠᠶ᠂ ᠬᠦᠯᠢᠴᠡᠩᠭᠦᠶᠪᠡᠷ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠣᠭᠣᠯᠠᠨ ᠬᠡᠷᠦᠨ ᠬᠡᠪᠦᠨ ᠡᠵᠡᠩᠨᠡᠯᠲᠡᠶ᠋ᠢ ᠪᠠᠲᠤᠯᠠᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠥᠬᠡᠶ᠂ ᠨᠠᠩ ᠴᠤ᠌ ᠬᠣᠭᠣᠯᠠ ᠪᠤᠳᠠᠭᠠᠨᠤ ᠠᠷᠢᠭᠤᠨ ᠴᠡᠪᠡᠷᠢ ᠪᠠᠲᠤᠯᠠᠵᠤ᠂ ᠬᠡᠦᠬᠡᠳᠦᠳᠦᠨ ᠢᠳᠡᠭᠡᠨᠦ ᠠᠮᠤᠷ ᠲᠦᠪᠱᠢᠨᠢ ᠬᠠᠮᠠᠭᠠᠯᠠᠵᠤ ᠪᠠᠢᠨᠠ︾ᠬᠡᠵᠤ ᠪᠡᠭᠡᠵᠢᠩᠦᠨ ᠨᠠᠢ᠍ᠮᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠤᠯᠠᠭᠠᠨᠴᠠᠪᠤᠨ ᠬᠤᠪᠢᠶᠠᠷᠢ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠢᠬᠢᠷᠢ ᠵᠢᠨ ᠨᠠᠭᠤᠷ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠣᠭᠣᠷᠢᠭᠤᠨ ᠳᠡᠳ᠋ ᠵᠠᠬᠢᠷᠤᠯ ᠳ᠋ᠦ᠋ ᠯᠢ ᠵᠢᠶᠦ᠋ᠨ ᠶᠠᠷᠢᠨᠠ᠃
ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠦ ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠠᠮᠤᠷ ᠲᠦᠪᠱᠢᠨ᠂ ᠨᠣᠭᠣᠭᠠ ᠴᠠᠭᠠᠶ᠋ᠢᠨ ᠶᠠᠰᠤ ᠴᠢᠨᠠᠷ ᠪᠠ ᠦᠨᠡ ᠬᠠᠩᠰᠢᠶ᠋ᠢᠨ ᠢᠯᠡ ᠲᠣᠳᠣᠶ᠋ᠢᠨ ᠬᠡᠮᠵᠢᠶᠡ ᠨᠢ ᠴᠥᠮ ᠬᠡᠷᠦᠨ ᠠᠬᠠᠮᠠᠳᠤᠨ ᠠᠩᠬᠠᠷᠤᠯ ᠢ᠋ ᠲᠠᠳᠠᠬᠤ ᠴᠢᠬᠤᠯᠠ ᠵᠤᠢᠯ ᠪᠤᠯᠵᠤ᠂ ᠪᠠᠰᠠ ᠴᠤ᠌ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠠᠮᠢᠶᠠᠷᠤᠯᠲᠠᠳᠠᠬᠢ ᠬᠦᠴᠢᠷ ᠠᠰᠠᠭᠤᠳᠠᠯ ᠪᠣᠯᠤᠭ᠍ᠰᠠᠭᠠᠷ ᠢᠷᠡᠵᠡᠶ᠃ ᠡᠨᠡ ᠬᠦ᠌ ᠬᠦᠴᠢᠷᠳᠡᠯᠢ ᠢᠯᠠᠨ ᠳᠠᠪᠠᠬᠤᠶ᠋ᠢᠨ ᠲᠥᠯᠥᠭᠡ᠂ ᠪᠡᠭᠡᠵᠢᠩᠦᠨ ᠨᠠᠢ᠍ᠮᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠤᠯᠠᠭᠠᠨᠴᠠᠪ ᠬᠤᠪᠢᠶᠠᠷᠢ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠢᠬᠢᠷᠢ ᠵᠢᠨ ᠨᠠᠭᠤᠷ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠣᠭᠣᠷᠢᠭ 《ᠡᠵᠢ ᠲᠣᠭᠣᠭᠠᠨ ᠭᠡᠷ》 ᠡᠨᠡ ᠬᠦ᠌ ᠣᠨᠴᠠᠯᠢᠭᠲᠠᠶ ᠲᠦᠷᠦᠯ ᠲᠡᠮᠳᠡᠭᠢ ᠰᠦᠪᠡᠭ᠌ᠴᠢᠯᠡᠨ ᠡᠭᠦᠳᠴᠦ᠍᠂ ᠭᠡᠷᠦᠨ ᠠᠬᠠᠮᠠᠳᠤᠨ ᠬᠦᠴᠦᠨᠢ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠦ ᠬᠣᠭᠣᠯᠠᠨᠤ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠱᠢᠰᠲ᠋ᠧᠮᠳᠦ ᠣᠷᠣᠭᠤᠯᠵᠤ᠂ ᠰᠤᠷᠭᠠᠭᠤᠯᠢ ᠪᠣᠯᠤᠨ ᠭᠡᠷᠦᠨ ᠠᠬᠠᠮᠠᠳᠤᠨ ᠬᠣᠭᠣᠷᠣᠨᠳᠣᠬᠢ ᠢᠲᠡᠭᠡᠯᠦᠨ ᠬᠥᠭᠥᠷᠭᠡᠶ᠋ᠢ ᠪᠠᠢᠭᠤᠯᠪᠠ᠃
《ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠦ ᠬᠣᠭᠣᠯᠠ ᠤᠮᠳᠠᠶ᠋ᠢᠨ ᠶᠠᠰᠤ ᠴᠢᠨᠠᠷ ᠪᠠ ᠤᠯᠠᠨ ᠤ᠋ ᠬᠠᠨᠤᠮᠵᠢᠶ᠋ᠢᠨ ᠬᠡᠮᠵᠢᠶᠡᠶ᠋ᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠳᠡᠭᠡᠭ᠌ᠰᠢᠯᠡᠭᠦᠯᠬᠦ᠌ᠶ᠋ᠢᠨ ᠲᠥᠯᠥᠭᠡ᠂ ᠪᠢᠳᠡ ᠪᠠᠰᠠ〈ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠦ ᠬᠣᠭᠣᠯᠠ ᠤᠮᠳᠠᠳᠤ ᠬᠢᠨᠠᠯᠲᠠ ᠲᠠᠯᠪᠢᠬᠤ ᠬᠡᠷᠦᠨ ᠠᠬᠠᠮᠠᠳᠤᠨ ᠵᠥᠪᠯᠡᠯ〉 ᠪᠠ 〈ᠬᠠᠮᠲᠤ ᠬᠣᠭᠣᠯᠠᠯᠠᠬᠤ ᠲᠦᠷᠢᠮ〉 ᠢ᠋ ᠪᠠᠢᠭᠤᠯᠵᠤ᠂ ᠡᠳᠦᠷ ᠪᠦᠷᠢ ᠵᠢᠷᠬᠢᠶᠠ ᠵᠢᠨ ᠬᠣᠯᠪᠣᠭᠠᠨᠳᠤ ᠲᠣᠰ ᠡᠳᠦᠷᠦᠨᠢᠶᠡᠨ ᠨᠣᠭᠣᠭᠠ ᠵᠢᠨ ᠪᠠᠢᠳᠠᠯ ᠢ᠋ ᠬᠤᠪᠢᠶᠠᠯᠴᠠᠵᠤ᠂ ᠭᠠᠷᠠᠭ ᠪᠦᠷᠢ ᠬᠡᠷᠦᠨ ᠠᠬᠠᠮᠠᠳᠢ ᠤᠷᠢᠨ ᠬᠣᠭᠣᠯᠠ ᠢᠳᠡᠭᠦᠯᠵᠦ᠍᠂ ᠬᠡᠷᠦᠨ ᠠᠬᠠᠮᠠᠳᠤᠨ ᠰᠠᠨᠠᠯᠢ ᠬᠤᠷᠢᠶᠠᠬᠤᠶ᠋ᠢᠨ ᠬᠠᠮᠲᠤ ᠴᠠᠭ ᠲᠤᠬᠠᠶᠳᠤᠨᠢ ᠴᠡᠭ᠌ᠴᠡᠯᠡᠨ ᠰᠠᠢᠵᠢᠷᠠᠭᠤᠯᠵᠤ᠂ ᠰᠤᠷᠤᠭ᠍ᠴᠢᠳᠤᠨ ᠬᠣᠭᠣᠯᠠ ᠤᠮᠳᠠᠶ᠋ᠢᠨ ᠠᠮᠤᠷ ᠲᠦᠪᠱᠢᠨ ᠪᠠ ᠱᠢᠮᠡ ᠲᠡᠵᠢᠭᠡᠯ ᠡᠷᠡᠭᠦᠯ ᠮᠡᠨᠳᠦ᠍ᠳᠦ ᠪᠠᠲᠤ ᠪᠠᠬᠢ ᠰᠡᠷᠭᠡᠢᠯᠡᠯᠲᠡᠶ᠋ᠢᠨ ᠱᠤᠭᠤᠮᠢ ᠬᠠᠮᠲᠤᠪᠠᠷ ᠪᠠᠢᠭᠤᠯᠵᠤ ᠥᠭ᠌ᠪᠡ》 ᠭᠡᠵᠦ᠍ ᠳ᠋ᠦ᠋ ᠯᠢ ᠵᠢᠶᠦ᠋ᠨ ᠶᠠᠷᠢᠪᠠ᠃