— 《ᠮᠤᠩᠭᠤᠯᠵᠢᠨ ᠭᠤᠸᠠ》 ᠰᠡᠳᠦᠪᠲᠦ ᠡᠮᠡᠭ᠌ᠳᠡᠢᠴᠤᠳᠤᠨ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠭᠡᠶ᠋ᠢᠨ ᠪᠦᠳᠦᠭᠡᠯᠤᠨ ᠲᠤᠬᠠᠢ
ᠨᠢᠭᠡ᠂ ᠤᠷᠠᠨ ᠪᠢᠴᠢᠯᠭᠡ ᠵᠢᠨ 《ᠮᠤᠩᠭᠤᠯᠵᠢᠨ ᠭᠤᠸᠠ》
ᠤᠷᠠᠨ ᠪᠢᠴᠢᠯᠭᠡᠶ᠋ᠢᠨ ᠪᠦᠳᠦᠭᠡᠯᠳᠤ ᠠᠪᠴᠤ᠌ ᠬᠡᠯᠡᠪᠡᠯ᠂ ᠪᠦᠳᠦᠭᠡᠯ ᠪᠤᠯᠭᠠᠨᠨᠢ ᠪᠦᠷ ᠦᠯᠢᠭᠡᠷᠲᠠᠢ ᠪᠠᠢᠳᠠᠭ᠃ ᠡᠭᠦᠨᠳᠤ ᠶᠠᠮᠠᠷ ᠠᠭᠤᠯᠭᠠᠶ᠋ᠢ ᠰᠤᠩᠭᠤᠵᠦ᠍᠂ ᠶᠠᠮᠠᠷ ᠰᠠᠨᠠᠭᠠᠶ᠋ᠢ ᠢᠯᠡᠷᠬᠡᠢᠯᠡᠬᠦ᠂ ᠶᠠᠮᠠᠷ ᠵᠠᠭ᠍ᠪᠤᠷᠲᠤ ᠪᠦᠬᠦ᠌ ᠠᠭᠤᠯᠭᠠᠪᠠᠨ ᠬᠡᠳᠦᠢ ᠬᠡᠮᠵᠢᠶᠡᠨᠤ ᠶᠠᠮᠠᠷ ᠦᠩᠭᠡᠶ᠋ᠢᠨ ᠴᠠᠭᠠᠰᠤᠨᠳᠤ᠂ ᠶᠠᠮᠠᠷ ᠦᠩᠭᠡᠶ᠋ᠢᠨ ᠪᠡᠭᠡ᠂ ᠬᠡᠳᠦᠢ ᠬᠡᠮᠵᠢᠶᠡᠨᠤ ᠪᠢᠷᠢᠶᠠᠷ ᠶᠠᠭᠠᠬᠢᠵᠦ᠍ ᠵᠤᠬᠢᠶᠠᠮᠵᠢᠯᠠᠬᠤ ᠵᠡᠷᠭᠡᠪᠠᠷ ᠵᠤᠬᠢᠶᠠᠨ ᠪᠦᠳᠦᠭᠡᠭ᠌ᠴᠢᠨᠢ ᠴᠠᠭᠠᠰᠤ ᠲᠡᠯᠬᠡᠨ᠂ ᠪᠢᠷ ᠪᠠᠭᠤᠬᠤᠠᠴᠠᠪᠠᠨ ᠡᠮᠦᠨᠠ ᠵᠠᠪᠡᠯ ᠰᠡᠳᠭᠢᠨ ᠪᠤᠳᠤᠭ᠍ᠰᠠᠨ ᠪᠠᠢᠬᠤ ᠬᠡᠷᠡᠭ᠌ᠳᠡᠢ ᠶᠤᠮ᠃ ᠠᠳᠡ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠭᠡᠳᠡᠳᠤᠨ ᠨᠡᠢᠭᠡᠮᠯᠢᠭ ᠡᠴᠡ ᠡᠷᠬᠢᠯᠡᠭᠰᠡᠨ 《ᠮᠤᠩᠭᠤᠯᠵᠢᠨ ᠭᠤᠸᠠ》 ᠰᠡᠳᠦᠪᠳᠦ ᠡᠮᠡᠭ᠌ᠳᠡᠢᠴᠦᠳᠤᠨ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠭᠡᠶ᠋ᠢᠨ ᠬᠤᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠰᠦᠯᠵᠢᠶᠠᠨ ᠦᠵᠡᠰᠬᠦᠯᠡᠡᠭᠳᠤ ᠲᠡᠯᠭᠡᠭᠳᠡᠭᠰᠡᠨ 44 ᠪᠦᠳᠤᠭᠡᠯᠤᠨ ᠲᠤᠳᠤᠷᠠ ᠡᠴᠡ 6 ᠵᠢ ᠰᠤᠩᠭᠤᠨ ᠦᠪᠡᠷᠤᠨ ᠰᠤᠨᠢᠷᠬᠠᠬᠰᠠᠨ ᠦᠵᠡᠯᠳᠡ ᠲᠦᠷᠦᠭᠳᠡᠯ ᠵᠢᠡᠨ ᠲᠡᠯᠭᠡᠯᠡ᠃
《ᠱᠢᠳᠦᠭᠡᠨ ᠡᠬᠡ》
《ᠱᠢᠳᠦᠭᠡᠨ ᠡᠬᠡ》 ᠭᠡᠬᠦ᠌ ᠪᠦᠳᠦᠭᠡᠯ ᠪᠤᠯ ᠲᠤᠶᠠᠭᠠ ᠪᠠᠭ᠍ᠰᠢᠶ᠋ᠢᠨ ᠰᠡᠷᠡᠯ ᠮᠡᠳᠡᠯᠳᠤᠨᠢ ᠪᠠᠭᠤᠭ᠍ᠰᠠᠨ ᠬᠤᠷᠤᠮ ᠵᠠᠭᠤᠷᠠᠶ᠋ᠢᠨ ᠦᠭᠡ᠂ ᠬᠤᠷᠤᠮ ᠵᠠᠭᠤᠷᠠᠶ᠋ᠢᠨ ᠬᠦᠶᠤᠯᠬᠡᠨ ᠪᠢᠴᠢᠭ᠌ᠰᠡᠨ ᠪᠦᠳᠦᠭᠡᠯ ᠪᠤᠯᠤᠨᠠ᠃ ᠱᠢᠳᠦᠭᠡᠨ ᠭᠡᠭ᠌ᠴᠢ ᠬᠦᠨᠳᠦᠳᠭᠡᠨ ᠪᠢᠱᠢᠷᠡᠬᠦ᠂ ᠲᠡᠭᠡᠳᠦᠯᠡᠨ ᠱᠢᠳᠦᠬᠦ᠌ ᠰᠡᠳᠭᠢᠯᠭᠡᠨᠤ ᠬᠠᠮᠤᠭᠤᠨ ᠬᠦᠨᠳᠤᠴᠠᠲᠠᠢ ᠦᠭᠡ᠃ ᠡᠷᠳᠡ ᠲᠡᠭᠡᠳᠦᠰ ᠪᠤᠷᠵᠢᠬᠢᠨ ᠤᠪᠤᠭᠤᠨᠬᠢᠨᠤ ᠠᠯᠤᠡᠭᠭᠤᠸᠠ ᠡᠬᠡᠠᠴᠠ ᠡᠭᠦᠰᠦᠨ ᠮᠠᠨᠳᠤᠭ᠍ᠰᠠᠨ ᠪᠤᠯᠬᠤᠷ ᠠᠯᠤᠨᠭᠭᠤᠸᠠ ᠡᠬᠡᠶ᠋ᠢ 《ᠱᠢᠳᠦᠭᠡᠨ ᠡᠬᠡ》 ᠭᠡᠵᠦ᠍ ᠬᠦᠨᠳᠦᠳᠭᠡᠨ ᠲᠡᠭᠡᠳᠦᠯᠡᠭ᠌ᠰᠡᠭᠡᠷ ᠢᠷᠡᠵᠡᠢ᠃ ᠤᠷᠠᠨ ᠪᠢᠴᠢᠯᠭᠡᠴᠢᠨᠤ 《ᠱᠢᠳᠦᠭᠡᠨ ᠡᠬᠡ》ᠭᠡᠬᠦ᠌ ᠤᠷᠠᠨ ᠪᠦᠳᠦᠭᠡᠯᠨᠢ ᠲᠤᠰ ᠤᠳᠠᠭᠠᠨᠤ ᠦᠵᠡᠬᠦᠯᠭᠡᠶ᠋ᠢᠨ ᠭᠤᠤᠯ ᠰᠡᠳᠦᠪᠳᠦ ᠭᠤᠤᠯ ᠴᠢᠮᠦᠭᠡᠶ᠋ᠢᠨ ᠱᠠᠭᠠᠷᠳᠠᠯᠭᠠᠳᠤ ᠶᠠᠪ ᠴᠠᠪ ᠲᠤᠬᠢᠷᠠᠭ᠍ᠰᠠᠨ ᠪᠠᠢᠨᠠ᠃ ᠪᠦᠬᠦᠢᠯᠡ ᠬᠠᠭᠤᠳᠠᠰᠤᠨᠳᠤ ᠬᠠᠷᠠ ᠪᠡᠭᠡᠶ᠋ᠢ ᠭᠡᠷᠡᠭ᠌ᠯᠡᠵᠦ᠍᠂ ᠬᠤᠶᠠᠷ ᠦᠭᠡᠶ᠋ᠢ ᠬᠠᠭᠤᠳᠠᠰᠤᠨᠤ ᠭᠤᠤᠯᠢᠶᠠᠷ ᠬᠦᠴᠦᠳᠦ ᠤᠷᠤᠰᠭᠠᠯ ᠮᠡᠳᠦ ᠠᠰᠭᠠᠷᠠᠮᠠ ᠪᠦᠳᠦᠭᠦᠨ ᠪᠢᠴᠢᠭ᠌ᠰᠡᠨ ᠭᠡᠬᠦ᠌ᠳᠤ ᠲᠤᠤᠷᠠᠠᠴᠠ ᠲᠡᠭᠡᠭ᠌ᠰᠢᠯᠡᠨ ᠦᠵᠡᠬᠦ᠌ᠳᠤ ᠢᠳᠡᠷᠡᠭᠦᠨ ᠨᠠᠷᠠᠰᠤ ᠦᠭᠡᠳᠡᠯᠡᠨ ᠤᠷᠭᠤᠬᠤ ᠱᠢᠭ᠋ᠢᠶᠠᠷ ᠪᠠᠳᠠᠷᠠᠭᠤᠨ ᠪᠢᠴᠢᠵᠠᠢ᠃ ᠲᠤᠰ ᠪᠦᠳᠦᠭᠡᠯᠳᠤ ᠴᠤᠬᠤᠯᠠᠪᠤᠷᠢ ᠪᠢᠴᠢᠭ᠌ᠰᠡᠨ ᠦᠭᠡᠢᠨᠢ ᠮᠠᠰᠢ ᠤᠨᠤᠭᠠᠭ᠍ᠰᠠᠨ ᠵᠤᠭᠤᠭ ᠪᠤᠯᠵᠠᠢ᠃ ᠱᠢᠩᠬᠤᠨ ᠭᠤᠷᠪᠠᠨ ᠲᠠᠮᠠᠭᠠᠨᠢ ᠤᠷᠤ ᠤᠷᠤᠪᠠᠨ ᠤᠯᠵᠤ ᠲᠤᠷᠮᠤᠢᠭᠠᠳ᠂ ᠤᠳᠤ ᠱᠢᠭ᠋ ᠲᠤᠯᠠᠢᠭᠠᠳ᠂ ᠢᠯᠡᠭᠦᠳᠡᠭ᠌ᠰᠡᠨ ᠶᠠᠭᠤᠮᠠ ᠦᠭᠡᠢ ᠮᠦᠷᠳᠡᠭᠡᠨ ᠲᠤᠳᠠᠭ᠍ᠳᠠᠭ᠍ᠰᠠᠨ ᠶᠠᠭᠤᠮᠠ ᠴᠤ᠌ ᠠᠯᠠᠭᠠ᠃ ᠲᠤᠪᠴᠢ ᠲᠦᠭᠦᠮᠬᠡᠨ᠂ ᠲᠤᠪ ᠲᠤᠳᠤᠷᠬᠠᠢ᠂ ᠴᠡᠪᠡᠷ ᠴᠡᠮᠴᠡᠭᠡᠷ᠃ ᠴᠠᠭᠠᠨ ᠴᠠᠭᠠᠰᠤ᠂ ᠬᠠᠷᠠ ᠪᠡᠭᠡ᠂ ᠤᠯᠠᠭᠠᠨ ᠲᠠᠮᠠᠭᠠᠪᠠᠷ ᠤᠷᠠᠨ ᠪᠢᠴᠢᠯᠭᠡᠶ᠋ᠢᠨ ᠲᠡᠭᠦᠰ ᠲᠡᠭᠦᠯᠳᠡᠷᠢ ᠢᠯᠡᠷᠡᠭᠦᠯᠦᠨ᠂ ᠲᠠᠩᠨᠠᠢᠶ᠋ᠢᠨ ᠭᠤᠷᠪᠠᠨ ᠰᠤᠳᠠᠰᠤ ᠮᠡᠳᠦ ᠬᠤᠯᠪᠤᠯᠳᠤᠵᠤ᠂ ᠲᠠᠯᠠᠶ᠋ᠢᠨ ᠭᠤᠷᠪᠠᠨ ᠵᠡᠭᠡᠷᠡ ᠮᠡᠳᠦ ᠢᠵᠢᠯᠢᠱᠢᠨ ᠨᠢᠭᠡᠳᠴᠠᠢ᠃ ᠲᠤᠰ ᠪᠦᠳᠦᠭᠡᠯᠢ ᠰᠤᠨᠢᠷᠬᠠᠬᠤ ᠵᠠᠭᠤᠷᠠ ᠡᠨᠡ ᠬᠤᠷᠸᠠᠨᠢ ᠡᠬᠡᠶ᠋ᠢᠨ ᠬᠠᠢᠷᠠᠳᠤ ᠪᠦᠤᠪᠠᠢᠯᠡᠭᠳᠠᠨ᠂ ᠡᠬᠡᠶ᠋ᠢᠨ ᠪᠦᠪᠡᠢ ᠡᠩᠬᠡᠶ᠋ᠢᠨ ᠬᠤᠷᠸᠠ ᠭᠡᠬᠦ᠌ ᠲᠦᠷᠦᠭ᠌ᠳᠡᠯ ᠤᠯᠭᠤᠵᠤ᠂ ᠡᠬᠡ ᠬᠦᠮᠦᠨ ᠬᠠᠢᠷᠠᠶ᠋ᠢᠨ ᠱᠢᠳᠦᠭᠡᠨ ᠪᠠᠢᠬᠤᠶ᠋ᠢᠨ ᠤᠴᠢᠷ ᠤᠳᠭᠠᠶ᠋ᠢ ᠮᠡᠳᠡᠭᠦᠯᠵᠤ ᠴᠢᠳᠠᠭ᠍ᠰᠠᠨᠢᠶᠠᠷ ᠦᠷᠭᠡᠴᠡᠲᠠᠢ ᠦᠨᠳᠦᠷᠴᠡᠲᠠᠢ ᠪᠦᠳᠦᠭᠡᠯ ᠪᠤᠯᠵᠤ ᠲᠠᠢᠯᠵᠠᠢ᠃
《 ᠬᠠᠢᠷᠠᠶ᠋ᠢᠨ ᠲᠤᠮᠤᠭ 》
ᠰᠠᠢᠬᠠᠨᠴᠢᠮᠡᠭᠤᠨ 《ᠬᠠᠢᠷᠠᠶ᠋ᠢᠨ ᠲᠤᠮᠤᠭ》 ᠭᠡᠬᠦ᠌ ᠤᠷᠠᠨ ᠪᠦᠳᠦᠭᠡᠯ ᠪᠤᠯ ᠪᠦᠰᠡᠭᠦᠢ ᠬᠦᠮᠦᠨᠤ ᠪᠤᠯᠪᠠᠷᠠᠢ ᠡᠮᠵᠡᠭ᠌ᠬᠡᠨ ᠬᠠᠢᠷᠠᠶ᠋ᠢᠨ ᠲᠤᠬᠠᠢ ᠦᠯᠢᠭᠡᠷᠢ ᠬᠦᠤᠷᠨᠢᠭ᠌ᠰᠡᠨ ᠪᠦᠳᠦᠭᠡᠯ ᠪᠤᠯᠤᠨᠠ᠃ ᠤᠷᠠᠨ ᠪᠦᠳᠦᠭᠡᠯᠢᠶᠠᠷ ᠲᠠᠮᠵᠢᠵᠤ᠂ ᠲᠡᠤᠬᠡᠶ᠋ᠢᠨ ᠦᠨᠡᠨ ᠬᠦᠮᠦᠨᠢ ᠲᠠᠨᠢᠵᠤ᠂ ᠲᠡᠤᠬᠡᠶ᠋ᠢᠨ ᠪᠤᠳᠠᠳᠠᠢ ᠮᠡᠳᠡᠯᠭᠡᠶ᠋ᠢ ᠰᠤᠷᠬᠤ ᠤᠴᠢᠷᠲᠠᠢ᠃ ᠲᠤᠰ ᠪᠦᠳᠦᠭᠡᠯᠨᠢ《 ᠬᠠᠢᠷᠠᠶ᠋ᠢᠨ ᠲᠤᠮᠤᠭ》 ᠭᠡᠬᠦ᠌ ᠭᠤᠤᠯ ᠠᠭᠤᠯᠭᠠᠪᠠᠨ ᠬᠠᠷᠠ ᠪᠡᠭᠡᠪᠠᠷ ᠪᠦᠳᠦᠭᠦᠨ ᠭᠠᠷᠴᠠᠭ᠍ᠯᠠᠨ ᠵᠡᠭᠦᠨ ᠭᠠᠷ ᠲᠠᠯᠠᠳᠤ ᠲᠡᠭᠡᠷᠠᠠᠴᠠ ᠵᠠᠬᠠᠯᠠᠵᠤ ᠪᠢᠴᠢᠭᠡᠳ᠂ ᠪᠦᠰᠡᠭᠦᠢ ᠬᠦᠮᠦᠨᠤ ᠬᠠᠢᠷᠠᠶ᠋ᠢᠨ ᠲᠤᠮᠤᠭᠲᠤ ᠭᠦᠨᠳᠦᠳᠭᠡᠯ ᠦᠵᠡᠭᠦᠯᠵᠤ ᠪᠠᠢᠭᠠᠪᠠᠨ ᠢᠯᠡᠷᠬᠡᠢᠯᠡᠵᠦ᠍᠂ ᠤᠩᠱᠢᠵᠦ᠍ ᠰᠤᠨᠢᠷᠬᠠᠭ᠍ᠰᠠᠳᠤᠨ ᠬᠠᠷᠠᠭᠠᠨᠳᠤ ᠰᠤᠨᠢᠷᠬᠠᠯᠤᠨ ᠵᠠᠢ ᠤᠯᠭᠤᠭ᠍ᠰᠠᠨ ᠪᠡ ᠮᠦᠷ ᠳᠤᠷᠤᠭ᠍ᠰᠢᠯᠠᠭᠤᠯᠵᠤ ᠲᠦᠷᠪᠡᠨ ᠮᠦᠷᠲᠤ ᠦᠯᠢᠭᠡᠷᠤᠨ ᠪᠦᠬᠦ᠌ ᠶᠠᠪᠤᠴᠠᠶ᠋ᠢ ᠨᠠᠷᠢᠨ ᠪᠢᠷᠢᠶᠠᠷ ᠪᠠᠭᠠ ᠬᠦᠶᠤᠯᠭᠡᠨ ᠪᠢᠴᠢᠯᠭᠡᠪᠠᠷ ᠪᠢᠴᠢᠵᠦ᠍ ᠲᠤᠱᠢᠶᠠᠵᠠᠢ᠃ ᠦᠯᠢᠭᠡᠷᠲᠤ ᠭᠠᠷᠳᠠᠭ ᠲᠡᠤᠬᠡᠨ ᠬᠦᠮᠦᠨ ᠪᠤᠯ ᠢᠯ ᠬᠠᠭᠠᠨᠳᠤ ᠤᠯᠤᠰᠢ ᠡᠭᠦᠰᠭᠡᠨ ᠪᠠᠢᠭᠤᠯᠤᠭ᠍ᠴᠢ ᠦᠯᠡᠬᠦ᠌ ᠬᠠᠭᠠᠨᠤ ᠬᠠᠢᠷᠠᠳᠠᠢ ᠬᠠᠳᠤᠨ ᠬᠤᠳᠤᠢ ᠪᠠᠢᠨᠠ᠃ ᠦᠯᠡᠬᠦ᠌ ᠬᠠᠭᠠᠨ ᠪᠠᠷᠠᠭᠤᠨᠱᠢᠯᠠᠬᠤᠳᠠᠭᠠᠨ ᠲᠤᠭᠤᠰ ᠨᠡᠷᠠᠲᠠᠢ ᠬᠠᠳᠤᠨᠢᠶᠠᠨ ᠲᠠᠭᠠᠭᠤᠯᠵᠤ ᠶᠠᠪᠤᠭ᠍ᠰᠠᠨ ᠮᠦᠷᠳᠡᠭᠡᠨ ᠬᠤᠳᠤᠢ ᠵᠡᠷᠭᠡ ᠬᠠᠳᠤᠳᠢᠶᠠᠨ ᠤᠭ ᠨᠤᠳᠤᠭ ᠤᠤᠭᠠᠯ ᠰᠠᠭᠤᠷᠢᠱᠢᠯᠳᠠᠭᠠᠨ ᠬᠤᠴᠤᠷᠭᠠᠭᠠᠳ ᠶᠠᠪᠤᠭ᠍ᠰᠠᠨ ᠶᠤᠮ᠃ ᠡᠮᠤᠨᠡ ᠲᠠᠯᠠᠳᠤ ᠬᠤᠱᠢᠭᠤᠯᠬᠤᠨᠢ ᠬᠠᠳᠠᠭᠤᠵᠢᠯᠲᠠᠢ ᠭᠡᠳᠡᠭ ᠭᠡᠳᠡᠯᠡ ᠠᠷᠤ ᠲᠠᠯᠠᠶ᠋ᠢ ᠰᠠᠬᠢᠵᠤ ᠨᠤᠳᠤᠭ ᠤᠰᠤᠪᠠᠨ ᠲᠠᠷᠤᠵᠤ ᠰᠠᠭᠤᠬᠤᠨᠢ ᠨᠡᠩ ᠪᠡᠷᠭᠡᠱᠢᠶᠡᠯᠲᠠᠢ ᠪᠠᠢᠳᠠᠭ᠃ ᠦᠯᠡᠬᠦ᠌ ᠬᠠᠭᠠᠨ ᠪᠠᠷᠠᠭᠤᠨᠱᠢᠯᠠᠭᠠᠳ ᠨᠡᠯᠢᠶᠡᠳ ᠡᠳᠦᠷ ᠬᠤᠨᠤᠭ ᠤᠨ ᠵᠢᠯᠢᠶᠠᠷ ᠲᠡᠮᠡᠴᠡᠨ ᠵᠢᠳᠭᠦᠵᠦ᠍ ᠢᠯ ᠬᠠᠭᠠᠨᠳᠤ ᠤᠯᠤᠰᠢ ᠪᠠᠢᠭᠤᠯᠤᠭ᠍ᠰᠠᠨᠤ ᠲᠠᠷᠠᠭᠠ᠂ ᠨᠤᠳᠤᠭ ᠲᠠᠭᠠᠨ ᠬᠤᠴᠤᠷᠤᠭ᠍ᠰᠠᠨ ᠬᠠᠳᠤᠳ ᠬᠡᠤᠬᠡᠳᠨᠢ ᠢᠯ ᠬᠠᠭᠠᠨᠳᠤ ᠤᠯᠤᠰᠤᠨ ᠵᠦᠭ᠂ ᠬᠠᠭᠠᠨᠢᠶᠠᠨ ᠵᠤᠷᠢᠵᠦ᠍ ᠬᠠᠳᠠᠪᠠᠨ ᠲᠦᠱᠢᠬᠦ᠌ᠪᠠᠷ ᠬᠤᠯᠨ ᠠᠶᠠᠨᠳᠤ ᠭᠠᠷᠴᠤ᠌ ᠤᠷᠳᠤ ᠵᠠᠮᠢ ᠡᠪᠬᠡᠨ ᠶᠠᠪᠤᠵᠤ᠂ ᠪᠠᠳᠠᠱᠬᠠᠨ ᠭᠡᠬᠦ᠌ ᠭᠠᠵᠠᠷᠤᠨ ᠬᠢᠵᠠᠭᠠᠷ ᠬᠦᠷᠬᠦ᠌ ᠦᠶᠡᠳᠤ ᠦᠯᠡᠬᠦ᠌ ᠬᠠᠭᠠᠨᠤ ᠦᠭᠡᠳᠡ ᠪᠤᠯᠤᠭ᠍ᠰᠠᠨ ᠠᠵᠠ ᠪᠤᠰᠤ ᠮᠡᠳᠡᠭᠡᠶ᠋ᠢ ᠤᠯᠵᠤ ᠰᠤᠨᠤᠰᠴᠠᠢ᠃ ᠡᠭᠦᠨᠳᠤ ᠬᠤᠳᠦᠢ ᠬᠠᠳᠤᠨ ᠤᠬᠢᠯᠠᠭ᠍ᠰᠠᠭᠠᠷ ᠪᠠᠢᠵᠤ ᠨᠢᠳᠦ᠍ᠨᠢ ᠰᠤᠬᠤᠷᠠᠯᠠ ᠭᠡᠳᠡᠭ ᠶᠠᠷᠢᠶᠠ ᠪᠤᠢ᠃ ᠡᠨᠡ ᠬᠦ᠌ ᠦᠨᠡᠨ ᠲᠡᠤᠬᠡᠳᠤ ᠤᠶᠠᠷᠠᠵᠤ ᠬᠠᠢᠯᠤᠭ᠍ᠰᠠᠨ ᠤᠷᠠᠨ ᠪᠦᠳᠦᠭᠡᠯᠴᠢ ᠦᠪᠡᠷᠤᠨ ᠡᠷᠭᠡ ᠦᠭᠡᠢ ᠬᠤᠶᠠᠷ ᠱᠠᠳ ᠱᠢᠯᠦᠭ ᠱᠢᠯᠦᠭ᠌ᠯᠡᠨ ᠬᠤᠳᠤᠢ ᠬᠠᠳᠤᠨᠤ ᠲᠤᠬᠠᠢᠶ᠋ᠢᠨ ᠦᠶᠡᠶ᠋ᠢᠨ ᠰᠡᠳᠭᠢᠯᠭᠡᠶ᠋ᠢ ᠢᠯᠡᠷᠬᠡᠢᠯᠡᠵᠡᠢ᠃ ᠦᠯᠢᠭᠡᠷᠤᠨ ᠠᠭᠤᠯᠭᠠᠠᠴᠠ ᠪᠠᠰᠠ ᠵᠢᠭᠠᠬᠠᠨ ᠵᠠᠢᠳᠠᠭᠤ ᠲᠦᠷᠪᠠᠨ ᠲᠣᠬᠤᠢ ᠴᠠᠭᠠᠰᠤᠨᠤ ᠨᠦᠭᠦᠭᠡ ᠬᠠᠭᠠᠰᠲᠤ ᠲᠤᠮᠳᠠᠶ᠋ᠢᠨ ᠪᠢᠷᠢᠶᠠᠷ ᠨᠢᠭᠡ ᠯᠠ ᠠᠮᠢᠰᠭᠤᠭᠠᠪᠠᠷ ᠬᠦᠶᠤᠯᠭᠡᠨ ᠪᠢᠴᠢᠬᠦᠳᠡᠭᠡᠨ ᠬᠤᠶᠠᠷ ᠤᠳᠠᠭᠠ ᠪᠡᠭᠡ ᠢᠳᠡᠭᠦᠯᠵᠦ᠍᠂ ᠭᠤᠷᠪᠠᠨ ᠮᠦᠷᠲᠤ ᠪᠢᠴᠢᠵᠦ᠍ ᠲᠠᠭᠤᠰᠭᠠᠭᠠᠳ᠂ ᠦᠯᠢᠭᠡᠷᠤᠨ ᠢᠳᠡᠶ᠋ᠢ ᠤᠷᠭᠢᠯᠳᠤ ᠬᠦᠷᠭᠡᠭ᠌ᠰᠡᠨ ᠮᠦᠷᠳᠡᠭᠡᠨ ᠪᠢᠴᠢᠯᠭᠡᠶ᠋ᠢ ᠤᠳᠭᠠᠴᠢᠯᠠᠨ ᠪᠦᠷᠢᠳᠭᠡᠵᠡᠢ᠃ 《ᠴᠢᠮᠡ ᠤᠷᠤᠭᠤ ᠲᠡᠮᠡᠤᠯᠤᠭ᠌ᠰᠡᠨ ᠰᠡᠳᠭᠢᠯ ᠮᠢᠨᠢ ᠪᠠᠳᠠᠱᠬᠠᠨᠤ ᠬᠢᠵᠠᠭᠠᠷᠢ ᠲᠤᠭᠤᠯᠤᠯᠠ᠂ ᠴᠢᠨᠦ᠍ ᠲᠦᠯᠦᠭᠡ ᠤᠷᠤᠰᠤᠭ᠍ᠰᠠᠨ ᠨᠢᠯᠪᠤᠰᠤ ᠲᠤᠷᠭᠠᠨ ᠬᠠᠷᠠᠶ᠋ᠢ ᠮᠢᠨᠢ ᠠᠯᠳᠠᠭᠤᠯᠤᠯᠠ》 ᠭᠡᠵᠦ᠍ ᠦᠰᠦᠭ ᠪᠢᠴᠢᠭ᠂ ᠦᠭᠡ ᠬᠡᠯᠡᠪᠠᠷ ᠢᠯᠡᠳᠭᠡᠵᠦ᠍ ᠴᠢᠳᠠᠰᠢ ᠦᠭᠡᠢ ᠬᠠᠷᠠᠮᠰᠡᠯ᠂ ᠡᠮᠬᠡᠨᠢᠯ᠂ ᠰᠠᠨᠠᠯ ᠮᠦᠷᠦᠭᠡᠳᠦᠯᠢᠶᠠᠷ ᠦᠶᠡᠷᠯᠡᠭ᠌ᠰᠡᠨ ᠰᠡᠳᠭᠢᠯᠢᠨᠢ ᠢᠯᠡᠳᠭᠡᠵᠡᠢ᠃ ᠪᠦᠳᠦᠭᠡᠯᠤᠨ ᠪᠠᠷᠠᠭᠤᠨ ᠵᠠᠬᠠᠳᠤ ᠴᠤᠬᠤᠯᠠᠪᠤᠷᠢᠶ᠋ᠢ ᠨᠢᠭᠡ ᠮᠦᠷᠢᠶᠠᠷ ᠲᠦᠭᠦᠮ ᠪᠤᠯᠪᠠᠴᠤ᠌ ᠲᠤᠳᠤᠷᠬᠠᠢ ᠪᠢᠴᠢᠭᠡᠳ᠂ ᠬᠤᠶᠠᠷ ᠨᠡᠷᠡᠶ᠋ᠢᠨ ᠲᠠᠮᠠᠭᠠᠶ᠋ᠢ ᠵᠤᠬᠢᠶᠠᠮᠵᠢᠶ᠋ᠢᠨᠢ ᠲᠠᠭᠠᠷᠠᠭᠤᠯᠵᠤ ᠵᠠᠷᠤᠭᠠᠳ᠂ ᠴᠢᠮᠡᠭ ᠪᠤᠯᠤᠭ᠍ᠰᠠᠨ 《ᠬᠠᠳᠤᠨ ᠤᠬᠠᠭᠠᠨ》 ᠭᠡᠬᠦ᠌ ᠲᠠᠮᠠᠭᠠᠶ᠋ᠢ 《ᠬᠠᠢᠷᠠ》 ᠭᠡᠬᠦ᠌ ᠦᠰᠦᠭᠤᠨ ᠬᠤᠳᠤᠢᠭ᠍ᠰᠠᠨ ᠭᠡᠰᠡᠭᠲᠤ ᠲᠦᠭᠦᠷᠬᠡᠨ ᠲᠠᠷᠤᠭᠠᠳ᠂ 《ᠪᠠᠷᠰ》 ᠬᠡᠬᠦ᠌ ᠲᠠᠮᠠᠭᠠᠶ᠋ᠢ ᠪᠦᠳᠦᠭᠡᠯᠤᠨ ᠲᠤᠮᠳᠠᠭᠤᠷ ᠪᠦᠰᠡᠯᠡᠭᠦᠷ ᠪᠤᠯᠭᠠᠵᠤ ᠲᠠᠷᠤᠵᠠᠢ᠃ ᠵᠠᠪ ᠸᠧᠽᠧᠷᠫᠦᠷᠳ᠋ᠤᠨ 《ᠲᠤᠷᠭᠠᠨ ᠵᠠᠮᠳᠠᠬᠢ ᠪᠠᠷᠰ ᠮᠡᠳᠦ ᠬᠠᠳᠤᠳ》 ᠭᠡᠰᠡᠨ ᠡᠷᠭᠦᠮᠵᠢᠯᠡᠯᠲᠠᠢ ᠠᠳᠠᠯᠢ 《 ᠪᠠᠷᠰ》 ᠲᠠᠮᠠᠭᠠ ᠵᠠᠩᠵᠤᠨ ᠪᠦᠰᠡᠪᠠᠷ ᠭᠡᠷᠡᠭ᠌ᠯᠡᠭ᠌ᠳᠡᠵᠡᠢ᠃ ᠲᠠᠪᠤᠳᠤᠭᠠᠷ ᠲᠠᠮᠠᠭᠠᠶ᠋ᠢ ᠪᠦᠬᠦᠢᠯᠠ ᠬᠠᠭᠤᠳᠠᠰᠤᠨᠤ ᠵᠡᠭᠦᠨ ᠲᠤᠤᠷᠠ ᠲᠠᠯᠠᠳᠤ ᠠᠶᠠᠯᠠᠵᠤ ᠶᠠᠪᠤᠭ᠍ᠰᠠᠨ ᠤᠷᠤ ᠮᠦᠷ ᠪᠤᠯᠭᠠᠵᠤ ᠡᠷᠳᠡᠨᠤ ᠮᠤᠷᠢ ᠬᠦᠯᠦᠭ᠌ᠰᠡᠨ ᠲᠡᠷᠭᠡᠳᠦ ᠲᠠᠮᠠᠭᠠᠶ᠋ᠢ ᠨᠢᠰᠭᠡᠨ ᠲᠠᠮᠠᠭᠠᠯᠠᠪᠠ ᠃ ᠲᠤᠰ ᠪᠦᠳᠦᠭᠡᠯᠳᠤ ᠲᠠᠪᠤᠨ ᠱᠢᠩᠬᠤᠨ ᠲᠠᠮᠠᠭᠠ ᠢᠩᠬᠢᠵᠦ᠍ ᠬᠡᠷᠡᠭ᠌ᠯᠡᠭ᠌ᠳᠡᠭ᠌ᠰᠡᠨ ᠪᠠᠢᠨᠠ ᠃
ᠬᠤᠶᠠᠷ᠂ ᠤᠷᠠᠨ ᠪᠢᠴᠢᠯᠭᠡᠶ᠋ᠢᠨ ᠤᠷᠠᠨ ᠰᠠᠨᠠᠭᠠ
ᠤᠷᠠᠨ ᠪᠢᠴᠢᠯᠭᠡᠶ᠋ᠢᠨ ᠪᠦᠳᠦᠭᠡᠯ ᠭᠡᠳᠦᠢᠪᠡᠷ ᠤᠯᠠᠨ ᠲᠦᠷᠦᠯᠤᠨ ᠦᠰᠦᠭ ᠪᠢᠴᠢᠭᠢᠶᠠᠷ ᠢᠯᠡᠷᠡᠳᠡᠭ ᠴᠤ᠌ ᠭᠡᠰᠡᠨ ᠮᠦᠨ ᠪᠠᠰᠠ ᠬᠠᠮᠳᠤᠶ᠋ᠢᠨ ᠦᠭᠡ ᠬᠡᠯᠡᠲᠠᠢ ᠪᠠᠢᠳᠠᠭ᠃ ᠳᠠᠷᠤᠢ ᠴᠠᠭᠠᠰᠤ᠂ ᠪᠡᠭᠡ᠂ ᠵᠢᠷᠤᠭᠠᠰᠤ᠂ ᠲᠠᠮᠠᠭᠠ ᠵᠡᠷᠭᠡᠶ᠋ᠢ ᠬᠠᠮᠳᠤᠶ᠋ᠢᠨ ᠦᠭᠡ᠂ ᠨᠡᠢᠳᠡᠶ᠋ᠢᠨ ᠶᠠᠷᠢᠶᠠ ᠪᠤᠯᠭᠠᠨ ᠠᠱᠢᠭ᠍ᠯᠠᠳᠠᠭ᠃
《 ᠲᠤᠮᠳᠠᠳᠤᠶ᠋ᠢᠨ ᠵᠠᠭᠦᠳᠦ 》
ᠪᠠᠶᠠᠭᠤᠳ ᠰᠤᠶᠤᠯᠤᠨ 《ᠲᠤᠮᠳᠠᠳᠤᠶ᠋ᠢᠨ ᠵᠡᠭᠦᠳᠦ》 ᠭᠡᠬᠦ᠌ ᠪᠦᠳᠦᠭᠡᠯ ᠪᠤᠯ ᠵᠠᠭ᠍ᠪᠤᠷ ᠵᠤᠬᠢᠶᠠᠮᠵᠢᠶ᠋ᠢᠨ ᠲᠠᠯᠠᠪᠠᠷ ᠦᠪᠡᠷᠮᠢᠴᠠ ᠤᠨᠴᠠᠯᠢᠭᠲᠠᠢ ᠤᠷᠠᠯᠠᠨ ᠵᠢᠱ᠌ᠢᠭ᠌ᠰᠡᠨ ᠪᠦᠳᠦᠭᠡᠯ ᠪᠤᠯᠤᠨᠠ᠃ ᠨᠢᠭᠡ ᠦᠵᠡᠬᠦ᠌ᠳᠤ ᠰᠠᠭᠠᠳᠠᠭ ᠬᠡᠯᠪᠡᠷᠢᠶ᠋ᠢᠨ ᠨᠠᠷᠠᠰᠤ ᠱᠢᠬ᠂ ᠪᠠᠰᠠ ᠬᠠᠷᠠᠪᠠᠯ ᠪᠤᠰᠤᠭᠠ ᠰᠤᠳᠠᠰᠤᠳᠠᠢ ᠪᠦᠰᠠ ᠲᠠᠷᠪᠠᠭᠤᠯ ᠮᠡᠳᠦ᠂ ᠲᠡᠬᠢᠨ ᠯᠠᠪᠯᠠᠪᠠᠯ ᠵᠢᠱᠢᠭᠦᠦ ᠲᠦᠷᠪᠠᠯᠵᠢᠨ ᠵᠢᠭ᠍ᠰᠠᠭᠠᠯ ᠠᠳᠠᠯᠢ᠃ ᠮᠤᠩᠭᠤᠯ ᠦᠰᠦᠭᠢ ᠲᠤᠭ᠍ᠳᠠᠭ᠍ᠰᠠᠨ ᠵᠠᠭ᠍ᠪᠤᠷᠲᠤ ᠤᠷᠤᠭᠤᠯᠤᠨ ᠤᠷᠠᠯᠠᠨ ᠪᠢᠴᠢᠬᠦ᠌ᠨᠢ ᠨᠢᠭᠡ ᠶᠤᠰᠤᠨᠤ ᠬᠦᠴᠢᠷ ᠠᠰᠠᠭᠤᠳᠠᠯ ᠶᠤᠮ᠃ ᠵᠢᠱᠢᠭᠦᠦ ᠲᠦᠷᠪᠠᠯᠵᠢᠨ ᠬᠡᠯᠪᠡᠷᠢᠳᠤ ᠵᠢᠭ᠍ᠰᠠᠭᠠᠬᠤᠳᠤ ᠲᠡᠬᠢᠨ ᠲᠠᠪᠳᠠᠨ ᠪᠢᠴᠢᠵᠦ᠍ ᠲᠤᠬᠢᠷᠠᠭᠤᠯᠬᠤ ᠦᠭᠡᠢ ᠪᠤᠯ ᠪᠦᠳᠦᠵᠦ᠍ ᠲᠡᠢᠯᠬᠦ᠌ ᠦᠭᠡᠢ᠃ ᠤᠴᠢᠷᠨᠢ ᠪᠤᠰᠤᠭᠠ ᠦᠰᠦᠭᠤᠨ ᠤᠷᠳᠤ ᠤᠬᠤᠷᠨᠢ ᠲᠡᠩᠴᠡᠭᠦᠦ ᠪᠢᠰᠢ ᠪᠤᠯᠬᠤᠷ ᠪᠢᠴᠢᠵᠦ᠍ ᠪᠠᠢᠳᠠᠯᠠ ᠲᠤᠳᠠᠭᠤ ᠪᠤᠯᠬᠤ᠂ ᠪᠦᠳᠦᠭᠡᠵᠦ᠍ ᠪᠠᠢᠳᠠᠯᠠ ᠢᠯᠡᠭᠦᠳᠡᠬᠦ᠌ ᠮᠡᠳᠦ ᠤᠴᠢᠷ ᠵᠦᠩᠳᠡᠭᠡᠨ ᠭᠠᠷᠳᠠᠭ᠃ ᠡᠢᠮᠦ᠍ᠠᠴᠠ ᠦᠰᠦᠭᠤᠨ ᠲᠤᠭᠠᠶ᠋ᠢ ᠪᠦᠷᠢᠳᠭᠡᠬᠦ᠂ ᠦᠰᠦᠭᠤᠨ ᠵᠠᠢᠶ᠋ᠢ ᠲᠤᠬᠢᠷᠠᠭᠤᠯᠬᠤ ᠵᠢᠴᠢ ᠠᠭ᠍ᠰᠢᠭᠠᠵᠤ ᠰᠤᠡᠭᠭᠠᠬᠤ ᠤᠶᠠᠨ ᠬᠠᠳᠠᠨ ᠤᠷᠠ ᠤᠬᠠᠭᠠᠨ ᠱᠠᠭᠠᠷᠳᠠᠭ᠍ᠳᠠᠨᠠ᠃ ᠢᠯᠠᠩᠭᠤᠶᠠ ᠬᠢᠴᠢᠶᠡᠩᠬᠦᠢ ᠪᠢᠴᠢᠯᠭᠡᠪᠠᠷ ᠪᠢᠴᠢᠬᠦ᠌ᠳᠤ ᠨᠡᠩ ᠬᠦᠴᠢᠷ᠃ 《ᠲᠤᠮᠳᠠᠳᠤᠶ᠋ᠢᠨ ᠵᠡᠭᠦᠳᠦ》 ᠭᠡᠬᠦ᠌ ᠪᠦᠳᠦᠭᠡᠯ ᠪᠤᠯ ᠬᠠᠭᠤᠳᠠᠰᠤ ᠨᠢᠭᠤᠷ ᠴᠡᠪᠡᠷ ᠲᠩᠱᠢᠭᠡᠨ ᠪᠦᠭᠡᠳ 《 ᠵᠢᠱᠢᠭᠦᠦ ᠲᠦᠷᠪᠡᠯᠵᠢᠨ ᠵᠢᠭ᠍ᠰᠠᠭᠠᠯ》 ᠨᠢ ᠲᠤᠰ ᠪᠦᠳᠦᠭᠡᠯᠤᠨ ᠶᠡᠭᠡᠩᠬᠢ ᠭᠡᠰᠡᠭᠢ ᠡᠵᠡᠯᠡᠨ ᠭᠤᠤᠯ ᠠᠭᠤᠯᠭᠠᠪᠠᠨ ᠲᠤᠪᠤᠢᠯᠭᠠᠨ ᠴᠢᠳᠠᠵᠠᠢ᠃ ᠮᠦᠷ ᠮᠦᠷᠤᠨ ᠬᠤᠭᠤᠷᠤᠨᠳᠤᠬᠢ ᠵᠠᠢᠨᠢ ᠲᠡᠩᠴᠡᠭᠦᠦ᠂ ᠱᠠᠳ ᠦᠭ᠌ᠰᠦᠨ ᠲᠡᠭᠡᠭ᠌ᠰᠢᠯᠡᠬᠦᠯᠭᠦᠶ᠋ᠢᠨ ᠲᠠᠭᠠᠤ ᠲᠤᠷᠤᠭ᠍ᠰᠢ ᠰᠤᠩᠭᠠᠨ ᠪᠢᠴᠢᠵᠦ᠍᠂ ᠴᠢᠭᠲᠡᠭᠡᠨ ᠬᠦᠷᠴᠤ᠌ ᠲᠠᠭ ᠵᠤᠭ᠍ᠰᠤᠭᠠᠳ᠂ ᠵᠢᠷᠭᠤᠳᠤᠭᠠᠷ ᠱᠠᠳᠢ ᠤᠷᠬᠢᠯᠳᠤ ᠬᠦᠷᠭᠡᠭᠡᠳ᠂ ᠵᠢᠱᠢᠭᠦᠯᠵᠢᠨᠤ ᠲᠤᠯᠭᠠᠭᠤᠷᠢ ᠪᠤᠯᠭᠠᠨ ᠪᠠᠭᠠᠨᠠᠳᠠᠭᠤᠯᠵᠤ᠂ ᠲᠡᠬᠢᠨ ᠤᠷᠳᠤᠳᠬᠠᠬᠰᠠᠨ ᠬᠡᠪᠠᠴᠠᠪᠠᠨ ᠪᠤᠭᠤᠨᠢᠰᠤᠭ᠍ᠰᠠᠭᠠᠷ ᠵᠢᠱᠢᠭᠦᠯᠵᠢᠨᠤ ᠨᠦᠬᠦᠭᠡ ᠦᠨᠴᠦᠭᠢ ᠲᠡᠩᠴᠡᠭᠦᠯᠦᠨ ᠲᠡᠭᠦᠰᠭᠡᠭ᠌ᠰᠡᠨ ᠪᠠᠢᠨᠠ᠃ ᠪᠠᠷᠠᠭᠤᠨ ᠭᠠᠷ ᠲᠠᠯᠠᠳᠤ ᠵᠢᠭᠠᠬᠠᠨ ᠵᠠᠢ ᠲᠠᠯᠪᠢᠵᠦ᠍ ᠬᠤᠶᠠᠷ ᠮᠦᠷ ᠴᠤᠬᠤᠯᠠᠪᠤᠷᠢᠶ᠋ᠢ ᠬᠦᠶᠤᠯᠭᠡᠨ ᠪᠢᠴᠢᠯᠭᠡᠪᠠᠷ ᠵᠢᠭ᠌ᠳᠡᠬᠡᠨ ᠵᠢᠭ᠍ᠰᠠᠭᠠᠭ᠍ᠰᠠᠨᠨᠢ ᠮᠠᠰᠢ ᠴᠢᠩᠭᠠ ᠵᠤᠬᠢᠶᠠᠮᠵᠢᠲᠠᠢ ᠪᠤᠯᠵᠠᠢ᠃ ᠲᠤᠰ ᠪᠦᠳᠦᠭᠡᠯᠢ ᠬᠦᠨᠳᠡᠯᠡᠨ ᠪᠤᠯᠭᠠᠵᠤ ᠦᠵᠡᠪᠡᠯ ᠬᠤᠶᠠᠷ ᠮᠦᠷ ᠴᠤᠬᠤᠯᠠᠪᠤᠷᠢᠶ᠋ᠢᠨ ᠦᠰᠦᠭᠤᠳᠨᠢ ᠲᠡᠭ᠌ᠰᠢ ᠲᠠᠯᠠᠪᠠᠢᠳᠤ ᠬᠡᠪᠢᠰ ᠲᠡᠪᠢᠰᠦᠭ᠌ᠰᠡᠨ ᠮᠡᠳᠦ᠃ ᠲᠠᠮᠠᠭᠠ ᠭᠡᠷᠡᠭ᠌ᠯᠡᠭ᠌ᠰᠡᠨᠨᠢ ᠠᠪᠤᠨ ᠦᠵᠡᠬᠦ᠌ᠳᠤ ᠮᠠᠰᠢ ᠶᠡᠷᠦᠮᠳᠡᠭ ᠪᠤᠯᠪᠠᠴᠤ᠌ ᠦᠨᠡᠨᠳᠡᠭᠡᠨ ᠶᠡᠷᠦᠮᠳᠡᠭ ᠪᠤᠰᠤ ᠃ ᠶᠡᠷᠦᠮᠳᠡᠭ ᠭᠡᠵᠤ ᠬᠡᠯᠡᠵᠤ ᠪᠠᠢᠭᠠᠨᠢ ᠬᠤᠶᠠᠷ ᠨᠡᠷᠡᠶ᠋ᠢᠨ ᠲᠠᠮᠠᠭᠠᠶ᠋ᠢ ᠶᠡᠷᠤᠶ᠋ᠢᠨ ᠶᠤᠰᠤᠪᠠᠷ ᠴᠤᠬᠤᠯᠠᠪᠤᠷᠢᠶ᠋ᠢᠨ ᠲᠤᠤᠷᠠ ᠲᠠᠯᠠᠳᠤ ᠲᠠᠷᠠᠭᠠᠯᠠᠨ ᠲᠠᠷᠤᠭ᠍ᠰᠠᠨᠢ ᠬᠡᠯᠡᠵᠤ ᠪᠤᠢ᠃ ᠭᠡᠳᠡᠯᠠ ᠴᠢᠮᠡᠭ᠌ᠯᠡᠯ ᠲᠠᠮᠠᠭᠠᠶ᠋ᠢ ᠰᠤᠩᠭᠤᠵᠤ ᠴᠢᠳᠠᠭ᠍ᠰᠠᠨ ᠮᠦᠷᠳᠡᠭᠡᠨ ᠭᠡᠷᠡᠭ᠌ᠯᠡᠵᠦ᠍ ᠴᠢᠳᠠᠪᠠ᠃ 《ᠨᠤᠮᠤᠨ ᠴᠠᠭᠠᠨ ᠪᠤᠶᠠᠨ》 ᠭᠡᠬᠦ᠌ ᠨᠠᠷᠢᠨ ᠤᠷᠳᠤ ᠲᠦᠷᠪᠠᠯᠵᠢᠨ ᠱᠢᠩᠬᠤᠨ ᠲᠠᠮᠠᠭᠠᠶ᠋ᠢ ᠵᠢᠱᠢᠭᠦᠯᠵᠢᠨ ᠵᠢᠭ᠍ᠰᠠᠭᠠᠯᠤᠨ ᠵᠡᠭᠦᠨ ᠵᠠᠬᠠᠶ᠋ᠢᠨ ᠲᠠᠭᠡᠷᠡ ᠲᠠᠯᠠᠳᠤ ᠵᠠᠷᠤᠭ᠍ᠰᠠᠨᠨᠢ ᠲᠤᠭ ᠱᠢᠭ᠋ ᠬᠤᠱᠢᠭᠤᠴᠢᠯᠡᠨ ᠨᠠᠮᠢᠷᠠᠨᠠ᠃ ᠲᠤᠭ ᠡᠷᠭᠦᠭ᠌ᠳᠡᠪᠡᠯ ᠵᠢᠭ᠍ᠰᠠᠭᠠᠯ ᠬᠦᠳᠡᠯᠬᠦ᠌ ᠪᠦᠷᠢᠶᠡ ᠦᠯᠢᠶᠡᠪᠡᠯ ᠴᠡᠷᠢᠭ ᠤᠷᠤᠭ᠍ᠰᠢᠯᠠᠬᠤ ᠮᠡᠳᠦ᠍ᠪᠠᠷ ᠢᠩᠭᠢᠵᠤ ᠲᠤᠬᠢᠷᠠᠭᠤᠯᠤᠭ᠍ᠰᠠᠨᠨᠢ ᠲᠤᠰ ᠪᠦᠳᠦᠭᠡᠯᠢ ᠪᠦᠬᠦᠢᠯᠡᠳᠤᠨᠢ ᠠᠮᠢᠯᠠᠭᠤᠯᠤᠭ᠍ᠰᠠᠨ ᠪᠠᠢᠨᠠ᠃ ᠪᠦᠳᠦᠭᠡᠯᠤᠨ ᠪᠠᠷᠠᠭᠤᠨ ᠲᠤᠤᠷᠠ ᠦᠨᠴᠦᠭᠢ ᠬᠤᠭᠤᠰᠤᠨ ᠬᠦᠨᠳᠡᠢ ᠦᠯᠡᠳᠡᠭᠡᠭ᠌ᠰᠡᠨᠨᠢ ᠮᠦᠨ ᠤᠴᠢᠷᠲᠠᠢ᠃ ᠡᠨᠡ ᠬᠦ᠌ ᠬᠦᠨᠳᠡᠢᠶ᠋ᠢᠨ ᠤᠴᠢᠷᠢ ᠭᠡᠢᠷᠡᠨᠡ ᠪᠠᠭ᠍ᠰᠢᠠᠴᠠ 《ᠨᠢᠭᠡ ᠵᠦᠢᠯᠤᠨ ᠭᠤᠸᠠ ᠰᠠᠢᠬᠠᠨᠤ ᠦᠵᠡᠭᠦᠯᠤᠪᠤᠷᠢ ᠪᠣᠶᠤ〈ᠠᠯᠳᠠᠨ ᠭᠤᠷᠪᠠᠯᠵᠢᠨᠤ ᠵᠠᠢ〉》ᠭᠡᠵᠦ᠍ ᠴᠢᠬᠤᠯᠠᠴᠢᠯᠡᠨ ᠶᠡᠷᠢᠵᠦ᠍ ᠪᠠᠢᠭ᠍ᠰᠠᠨ ᠪᠢᠯᠡ᠃ ᠶᠠᠭ ᠲᠡᠢᠮᠦ᠍ 《 ᠠᠯᠳᠠᠨ ᠭᠤᠷᠪᠡᠯᠵᠢᠨᠤ ᠵᠠᠢ》 ᠦᠯᠡᠳᠡᠭᠡᠭ᠌ᠰᠡᠨᠨᠢ ᠮᠠᠰᠢ ᠴᠢᠯᠦᠭᠡᠲᠠᠢ ᠪᠤᠯᠤᠭ᠍ᠰᠠᠨ ᠪᠠᠢᠨᠠ᠃
《ᠮᠤᠩᠭᠤᠯ ᠪᠦᠰᠡᠭᠦᠢ》
ᠭᠠᠩᠪᠤᠯᠤᠳᠤᠨ 《ᠮᠤᠩᠭᠤᠯ ᠪᠦᠰᠡᠭᠦᠢ》 ᠬᠡᠭᠦ᠌ ᠪᠦᠳᠦᠭᠡᠯ ᠪᠤᠯ ᠬᠦᠮᠦᠰᠤᠨ ᠬᠠᠷᠠᠭᠠᠳᠤ ᠦᠷᠳᠦᠮᠡᠭ᠌ᠴᠡ ᠠᠩᠬᠠᠨᠤ ᠰᠡᠷᠡᠯᠳᠤ ᠪᠤᠰᠤᠭᠠ ᠪᠡᠶᠡᠳᠦ ᠮᠡᠳᠡᠷᠡᠮᠵᠢ ᠦᠭ᠌ᠳᠡᠭ ᠪᠠᠢᠨᠠ᠃ ᠴᠠᠭᠠᠰᠤᠨᠤ ᠬᠤᠪᠢᠳᠤ ᠬᠠᠭᠤᠴᠢᠪᠳᠤᠷ ᠦᠩᠭᠡᠶ᠋ᠢᠨ ᠠᠷᠵᠠᠭᠠᠷ ᠴᠠᠭᠠᠰᠤᠶ᠋ᠢ ᠰᠤᠩᠭᠤᠵᠤ᠂ ᠴᠠᠭᠠᠰᠤᠨᠤ ᠭᠤᠤᠯ ᠲᠤᠮᠳᠠᠶ᠋ᠢ ᠪᠠᠷᠢᠮᠳᠠᠯᠠᠨ ᠭᠦᠢᠬᠡᠨ ᠪᠡᠭᠡᠪᠠᠷ 《ᠮᠤᠩᠭᠤᠯ ᠪᠦᠰᠡᠭᠦᠢ 》 ᠭᠡᠬᠦ᠌ ᠬᠤᠶᠠᠷ ᠦᠰᠦᠭᠢ ᠪᠦᠳᠦᠭᠦᠨ ᠪᠢᠷᠢᠶᠠᠷ ᠪᠤᠵᠠᠭᠠᠢ ᠪᠢᠴᠢᠵᠠᠢ᠃ ᠡᠨᠡᠨᠢ ᠰᠡᠩᠭᠡᠷᠡ ᠪᠠᠬᠢᠶ᠋ᠢᠨ ᠲᠤᠭᠤᠳᠠᠭ ᠦᠩᠭᠡ ᠪᠤᠳᠤᠭ ᠪᠠᠢᠵᠠᠢ᠃ ᠬᠦᠩᠭᠡᠨ ᠬᠦᠢᠬᠡᠨ᠂ ᠴᠠᠢᠪᠤᠷ ᠪᠤᠷᠤᠭ᠍ᠵᠢᠭᠤᠨ᠂ ᠲᠠᠷᠠᠭᠤ ᠮᠦᠷᠳᠡᠭᠡᠨ ᠲᠤᠷᠠᠢᠮᠠ ᠪᠤᠯᠵᠤ ᠴᠢᠳᠠᠵᠠᠢ᠃ 《ᠮᠤᠩᠭᠤᠯ ᠪᠦᠰᠡᠭᠦᠢ》 ᠬᠡᠬᠦ᠌ ᠬᠤᠶᠠᠷ ᠦᠰᠦᠭᠨᠢ ᠤᠨᠢᠶᠡᠷ ᠬᠦᠳᠡᠩ ᠲᠠᠳᠠᠵᠦ᠍ ᠡᠭᠦᠯᠡ ᠮᠠᠨᠠᠨᠤ ᠰᠡᠵᠢᠭᠦᠷᠢᠶᠠᠷ ᠰᠠᠨᠠᠭᠠᠨᠤ ᠦᠵᠦᠭᠦᠷᠲᠤ ᠬᠦᠷᠳᠡᠯᠡ ᠢᠯᠡᠷᠡᠭᠦᠯᠦᠭ᠌ᠰᠡᠨᠠᠴᠠ᠂ ᠬᠤᠯᠠᠶ᠋ᠢᠨ ᠬᠤᠯᠠ ᠴᠠᠭᠠᠨᠠ ᠴᠠᠭᠠᠨᠠᠠᠴᠠ ᠡᠷᠳᠡᠨᠤ ᠮᠤᠩᠭᠤᠯᠵᠢᠨ ᠭᠤᠸᠠ ᠬᠠᠳᠤᠳ ᠨᠠᠮᠪᠠᠳᠠᠢᠬᠠᠨ ᠮᠦᠷᠳᠡᠭᠡᠨ ᠲᠤᠷᠪᠢᠯᠢᠭ ᠠᠯᠬᠤᠨ ᠠᠢᠰᠤᠢ ᠭᠡᠮᠡᠷ᠃ ᠲᠤᠰ ᠪᠦᠳᠦᠭᠡᠯᠨᠢ ᠪᠦᠰᠡᠭᠦᠢ ᠬᠦᠮᠦᠨᠤ 《ᠤᠶᠠᠨ ᠵᠦᠭᠡᠯᠡᠨ ᠭᠠᠷ᠂ ᠤᠰᠭᠠᠯ ᠬᠤᠶᠠᠷ ᠨᠢᠳᠦ᠂ ᠡᠰᠡᠨᠢᠯ ᠵᠢᠷᠭᠠᠯᠤᠨ ᠭᠠᠯ᠂ ᠰᠡᠳᠭᠢᠯᠤᠨ ᠵᠤᠯᠠ》 ᠵᠡᠷᠭᠡ ᠡᠭᠡᠯ ᠵᠢᠷᠤᠨ ᠪᠦᠭᠡᠳ ᠡᠷᠬᠢᠮᠰᠦᠭ ᠪᠠᠢᠳᠠᠭ ᠤᠠᠬᠭᠠᠯᠢᠭ ᠴᠢᠨᠡᠷᠢ ᠱᠢᠯᠦᠭ᠌ᠯᠡᠭ᠌ᠰᠡᠨ ᠮᠦᠷ ᠪᠠᠳᠠᠭᠢ ᠲᠠᠪᠤᠨ ᠮᠦᠷᠲᠤ ᠪᠠᠭ᠍ᠳᠠᠭᠠᠨ ᠲᠡᠭᠡᠷᠡ ᠵᠠᠬᠠᠠᠴᠠ ᠲᠤᠤᠷᠠ ᠬᠦᠪᠡᠭᠡᠶ᠋ᠢ ᠰᠡᠭᠦᠯ ᠲᠠᠷᠤᠱᠢᠭᠤᠯᠤᠨ ᠲᠡᠩᠴᠡᠭᠦᠦ᠂ ᠲᠤᠮᠳᠠ ᠬᠢᠷᠢᠶ᠋ᠢᠨ ᠪᠢᠷᠢ ᠬᠡᠷᠡᠭ᠌ᠯᠡᠵᠦ᠍᠂ ᠬᠢᠴᠢᠶᠡᠩᠬᠦᠢ ᠪᠢᠴᠢᠯᠭᠡᠪᠠᠷ ᠤᠷᠠᠯᠠᠨ ᠪᠢᠴᠢᠭ᠌ᠰᠡᠨ ᠪᠠᠢᠨᠠ᠃ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠭᠡᠳᠤ ᠤᠷᠳᠤ ᠤᠬᠤᠷᠨᠢ ᠠᠳᠠᠯᠢ ᠪᠤᠰᠤ ᠦᠰᠦᠭᠤᠳᠢ ᠲᠡᠭᠡᠷᠡ ᠲᠤᠤᠷᠠ ᠬᠦᠪᠡᠭᠡᠶ᠋ᠢ ᠲᠡᠭ᠌ᠰᠢᠬᠡᠨ ᠡᠩ ᠵᠡᠷᠭᠡᠴᠡᠭᠦᠯᠦᠨ ᠪᠢᠴᠢᠬᠦ᠌ ᠪᠤᠯ ᠨᠢᠭᠡ ᠶᠤᠰᠤᠨᠤ ᠪᠤᠯᠪᠠᠰᠤᠷᠠᠯ ᠶᠤᠮ᠃ ᠲᠤᠰ ᠪᠦᠳᠦᠭᠡᠯᠤᠨ ᠲᠠᠪᠤᠳᠤᠭᠠᠷ ᠮᠦᠷᠤᠨ ᠰᠡᠭᠦᠯ ᠬᠤᠷᠢᠶᠠᠭ᠍ᠰᠠᠨᠨᠢ ᠡᠮᠤᠨᠡᠬᠢ ᠮᠦᠷᠠᠴᠠ ᠵᠢᠭᠠᠬᠠᠨ ᠲᠠᠳᠠᠭᠤ ᠪᠤᠯᠤᠭ᠍ᠰᠠᠨᠨᠢ ᠵᠦᠢᠳᠠᠢ ᠭᠡᠵᠦ᠍ ᠦᠵᠡᠵᠦ᠍ ᠪᠠᠢᠨᠠ᠃ ᠠᠭᠤᠯᠭᠠᠶ᠋ᠢᠨ ᠬᠠᠮᠤᠭᠤᠨ ᠰᠡᠭᠦᠯᠤᠨ ᠮᠦᠷ ᠲᠤᠷᠤᠭ᠍ᠰᠢᠯᠠᠪᠠᠯ ᠲᠠᠯᠠ ᠮᠦᠷᠦ᠍ᠪᠠᠨ ᠲᠠᠭᠠᠭᠠᠵᠤ ᠶᠠᠳᠠᠬᠤ ᠲᠠᠯᠵᠠᠢᠭ᠍ᠰᠠᠨ᠂ ᠠᠴᠢᠶᠠᠨᠳᠤ ᠲᠠᠷᠤᠭ᠍ᠳᠠᠭ᠍ᠰᠠᠨ ᠬᠦᠨᠳᠦ ᠲᠦᠷᠦᠭ᠌ᠳᠡᠯ ᠦᠭ᠌ᠳᠡᠭ᠃ ᠨᠢᠭᠡ ᠬᠤᠷᠤᠭᠤ ᠡᠰᠡᠭᠦᠯᠡ ᠲᠡᠭᠡᠭ᠌ᠰᠢ ᠲᠠᠳᠠᠰᠭᠢᠭᠰᠡᠨ ᠪᠠᠢᠪᠠᠯ ᠲᠤᠰ ᠪᠦᠳᠦᠭᠡᠯᠤᠨ ᠡᠷᠴᠢᠮᠢ ᠤᠯᠠᠮ ᠴᠢᠩᠭᠠᠷᠠᠭᠤᠯᠤᠭ᠍ᠰᠠᠨ ᠭᠡᠵᠦ᠍ ᠦᠵᠡᠵᠦ᠍ ᠪᠤᠯᠤᠨᠠ᠃ ᠪᠠᠷᠠᠭᠤᠨ ᠭᠠᠷ ᠲᠠᠯᠠᠳᠤ ᠬᠤᠶᠠᠷ ᠮᠦᠷ ᠵᠢᠵᠢᠭ ᠬᠦᠶᠤᠯᠭᠡᠨ ᠪᠢᠴᠢᠯᠭᠡᠪᠠᠷ ᠴᠤᠬᠤᠯᠠᠪᠤᠷᠢᠪᠠᠨ ᠬᠠᠳᠠᠭᠠᠳ᠂ ᠨᠠᠷᠠᠶ᠋ᠢᠨ ᠬᠤᠶᠠᠷ ᠲᠠᠮᠠᠭᠠᠪᠠᠨ ᠬᠡᠪᠤᠨ ᠶᠤᠰᠤᠭᠠᠷ ᠵᠠᠷᠤᠭ᠍ᠰᠠᠨ ᠪᠠᠢᠨᠠ᠃ ᠤᠷᠳᠤ ᠲᠦᠷᠪᠡᠯᠵᠢᠨ ᠬᠦᠳᠦᠯᠪᠤᠷᠢ ᠲᠠᠮᠠᠭᠠᠶ᠋ᠢ 《ᠤᠷᠠᠯᠢᠭ》᠂《ᠤᠶᠠᠨ》 ᠭᠡᠬᠦ᠌ ᠬᠤᠶᠠᠷ ᠦᠰᠦᠭᠤᠨ ᠵᠠᠢᠶ᠋ᠢ ᠨᠦᠭᠦᠵᠦ᠍ ᠲᠠᠷᠤᠬᠰᠠᠨᠨᠢ ᠲᠤᠬᠢᠷᠠᠮᠵᠢᠳᠠᠢ᠃
ᠭᠤᠷᠪᠠ᠂ ᠤᠷᠠᠨ ᠪᠢᠴᠢᠯᠭᠡ ᠵᠢᠨ ᠰᠡᠳᠭᠢᠯᠤᠨ ᠲᠠᠮᠢᠷ
ᠤᠷᠠᠨ ᠪᠢᠴᠢᠯᠭᠡᠳᠤ ᠤᠯᠠᠨ ᠲᠦᠷᠦᠯᠤᠨ ᠪᠢᠴᠢᠯᠭᠡᠶ᠋ᠢᠨ ᠠᠷᠭᠠ ᠮᠡᠷᠭᠡᠵᠢᠯ ᠪᠠᠢᠳᠠᠭ ᠪᠤᠯᠪᠠᠴᠤ᠌ ᠲᠤᠰ ᠤᠳᠠᠭᠠᠨᠤ ᠦᠵᠡᠰᠬᠦᠯᠡᠡᠭᠳᠤ ᠤᠷᠤᠯᠴᠠᠭ᠍ᠰᠠᠨ 44 ᠬᠤᠪᠢ ᠪᠦᠳᠦᠭᠡᠯᠤᠨ ᠪᠢᠴᠢᠯᠭᠡᠶ᠋ᠢᠨ ᠲᠦᠷᠦᠯ ᠵᠠᠨᠠᠷᠢᠶᠠᠷ ᠠᠪᠴᠤ᠌ ᠬᠡᠯᠡᠪᠡᠯ᠂ ᠬᠢᠴᠢᠶᠡᠩᠬᠦᠢ ᠪᠢᠴᠢᠯᠭᠡ᠂ ᠬᠦᠶᠤᠯᠭᠡᠨ ᠪᠢᠴᠢᠯᠭᠡ᠂ ᠦᠢᠭᠤᠷᠵᠢᠨ ᠪᠢᠴᠢᠯᠬᠡ᠂ ᠦᠵᠦᠭᠤᠨ ᠪᠢᠴᠢᠯᠭᠡ ᠮᠡᠳᠦ ᠬᠡᠳᠦᠬᠡᠨ ᠲᠦᠷᠦᠯᠤᠨ ᠪᠦᠳᠦᠭᠡᠯ ᠲᠡᠯᠭᠡᠭ᠌ᠳᠡᠵᠦ᠍ ᠪᠠᠢᠨᠠ᠃ ᠪᠢᠴᠢᠯᠭᠡᠶ᠋ᠢᠨ ᠲᠦᠷᠦᠯ ᠵᠠᠨᠠᠷ ᠬᠡᠳᠦᠢᠪᠡᠷ ᠬᠢᠵᠠᠭᠠᠷᠲᠠᠢ ᠬᠡᠪᠡᠴᠤ᠌ ᠬᠢᠵᠠᠭᠠᠷ ᠦᠭᠡᠢ ᠡᠷᠴᠢ ᠵᠤᠷᠢᠭ᠂ ᠡᠷᠢᠯ ᠬᠦᠰᠡᠯ ᠢᠯᠡᠳᠲᠡ ᠪᠠᠳᠠᠷᠠᠨ᠂ ᠡᠭᠦᠳᠦᠨ ᠪᠦᠳᠦᠭᠡᠬᠦ᠌ ᠤᠷᠠ ᠮᠡᠷᠭᠡᠵᠢᠯᠢ ᠬᠦᠭᠡᠭᠡᠴᠡᠯᠳᠦᠨ ᠵᠢᠳᠭᠦᠭᠡ ᠪᠦᠰᠡᠭᠦᠢᠴᠣᠳ ᠮᠠᠨᠢ ᠭᠠᠷ ᠦᠵᠡᠭᠦᠯᠦᠨ ᠱᠠᠯᠠᠮᠠᠭᠠᠢᠯᠠᠨ᠂ ᠤᠷᠠᠯᠢᠭᠤᠨ ᠦᠷᠭᠡᠨ ᠬᠠᠷᠭᠤᠢᠪᠠᠷ ᠴᠡᠭᠡᠵᠢ ᠲᠦᠷᠢᠨ ᠢᠷᠡᠬᠦ᠌ᠨᠢ ᠦᠨᠡᠬᠡᠷ ᠦᠩᠭᠡ ᠪᠦᠷᠢ ᠵᠢᠨ ᠴᠡᠴᠡᠭ ᠵᠡᠷᠭᠡᠪᠠᠷ ᠲᠡᠯᠭᠡᠷᠡᠵᠦ᠍᠂ ᠡᠷᠳᠡᠮᠳᠡᠨ ᠪᠦᠬᠦᠨ ᠴᠢᠯᠦᠭᠡᠲᠠᠢ ᠪᠢᠴᠢᠭ᠌ᠯᠡᠨ ᠤᠷᠠ ᠠᠪᠢᠶᠠᠰᠢᠶᠠᠨ ᠭᠠᠢᠬᠠᠭᠤᠯᠤᠭ᠍ᠰᠠᠨ ᠪᠠᠢᠳᠠᠭ᠃
《ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》 ᠤ᠋ ᠰᠤᠳᠤᠨ ᠦᠭᠦᠯᠡᠪᠤᠷᠢ
ᠰᠠᠷᠠᠨᠠᠴᠡᠴᠡᠭᠤᠨ ᠦᠢᠭᠤᠷᠵᠢᠨ ᠪᠢᠴᠢᠯᠭᠡᠶ᠋ᠢᠨ ᠪᠦᠳᠦᠭᠡᠯᠠᠴᠠ ᠰᠤᠨᠢᠷᠬᠠᠬᠤᠳᠤ ᠠᠭᠤᠯᠭᠠᠨᠢ ᠪᠢᠴᠢᠯᠭᠡᠲᠠᠢᠪᠠᠨ ᠵᠤᠬᠢᠴᠡᠵᠤ᠂ ᠪᠢᠴᠢᠯᠭᠡᠳᠡᠭᠡᠨ ᠲᠤᠬᠢᠷᠠᠭ᠍ᠰᠠᠨ ᠠᠭᠤᠯᠭᠠᠶ᠋ᠢ ᠰᠤᠩᠭᠤᠵᠦ᠍ ᠴᠢᠳᠠᠵᠠᠢ᠃ ᠤᠴᠢᠷᠨᠢ ᠡᠷᠳᠡᠨᠤ ᠪᠢᠴᠢᠯᠭᠡᠪᠠᠷ ᠪᠢᠴᠢᠬᠦᠳᠡᠭᠡᠨ ᠡᠷᠳᠡᠨᠤ ᠬᠡᠯᠡᠯᠭᠡᠲᠠᠢ ᠦᠭᠡ ᠦᠬᠦᠯᠡᠪᠦᠷᠢᠶ᠋ᠢ ᠰᠤᠩᠭᠤᠪᠡᠯ ᠡᠷᠳᠡᠨᠤ ᠦᠨᠦᠷ ᠠᠮᠳᠠᠶ᠋ᠢᠨᠢ ᠨᠡᠩ ᠦᠳᠭᠡᠷᠡᠭᠦᠯᠵᠦ᠍ ᠴᠢᠳᠠᠨᠠ᠃ 《ᠮᠦᠷᠡᠨᠤ ᠴᠢᠨᠠᠭᠤᠨ ᠮᠦᠰᠯᠠᠳᠤᠭᠦᠨ ᠮᠦᠨ ᠶᠤᠰᠤᠭᠠᠷ ᠶᠠᠪᠤᠳᠭᠤᠨ᠂ ᠠᠭᠤᠯᠠᠶ᠋ᠢᠨ ᠴᠢᠨᠠᠭᠤᠨ ᠠᠯᠭᠠᠰᠠᠯᠳᠤᠬᠤᠨ ᠠᠩᠬᠢᠳᠠ ᠦᠭᠡᠷᠡ ᠪᠤᠤ ᠰᠡᠳᠭᠢᠳᠬᠦᠨ》 ᠭᠡᠬᠦ᠌ 《 ᠮᠤᠩᠭᠤᠯᠤᠨ ᠨᠢᠭᠤᠴᠠ ᠲᠤᠪᠴᠢᠶᠠᠨ》 ᠤ᠋ ᠰᠤᠳᠤᠨ ᠦᠭᠦᠯᠡᠪᠤᠷᠢᠶ᠋ᠢ ᠤᠷᠠᠯᠢᠭ᠍ᠵᠢᠭᠤᠯᠤᠨ ᠪᠦᠳᠤᠭᠡᠯ ᠪᠤᠯᠭᠠᠭ᠍ᠰᠠᠨᠨᠢ ᠮᠠᠱᠢᠳᠠ ᠦᠪᠡᠷᠮᠢᠴᠠ ᠭᠤᠸᠠ ᠰᠠᠢᠬᠠᠨᠢ ᠬᠠᠷᠠᠭᠤᠯᠵᠤ ᠴᠢᠳᠠᠵᠠᠢ᠃ ᠦᠨᠦᠳᠦᠷᠤᠨ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠭᠡᠶ᠋ᠢᠨ ᠰᠡᠷᠭᠦᠯᠳᠡ ᠬᠦᠭ᠌ᠵᠢᠯᠳᠡᠶ᠋ᠢᠨ ᠶᠠᠪᠤᠴᠠᠳᠤ ᠬᠦᠮᠦᠰ ᠡᠷᠳᠡᠨᠤ ᠦᠢᠭᠤᠷᠵᠢᠨ ᠪᠢᠴᠢᠯᠭᠡᠶ᠋ᠢᠨ ᠬᠦᠨ ᠨᠦᠬᠡᠴᠡᠠᠴᠠ ᠬᠦᠨᠳᠦ ᠰᠡᠳᠦᠪᠢ ᠠᠭᠤᠳᠠᠯᠤᠨ ᠭᠠᠷᠭᠠᠵᠤ᠂ ᠤᠷᠠᠯᠠᠨ ᠪᠢᠴᠢᠵᠦ᠍᠂ ᠭᠠᠢᠬᠠᠭᠤᠯᠤᠨ ᠰᠤᠨᠢᠷᠬᠠᠭᠤᠯᠬᠤ ᠶᠠᠪᠤᠳᠡᠯᠢ ᠨᠢᠭᠡ ᠶᠤᠰᠤᠨᠤ ᠭᠤᠸᠠ ᠰᠠᠢᠬᠠᠨᠤ ᠬᠦᠭᠡᠭᠡᠴᠡᠯᠳᠦᠯ ᠪᠤᠯᠭᠠᠵᠤ ᠪᠠᠢᠨᠠ᠃ ᠰᠠᠷᠠᠨᠠᠴᠡᠴᠡᠭᠤᠨ ᠲᠤᠰ ᠪᠦᠳᠦᠭᠡᠯ ᠪᠤᠯ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠪᠤᠶᠤ ᠠᠷᠪᠠᠨ ᠲᠦᠷᠪᠠᠳᠤᠭᠡᠷ ᠵᠠᠭᠤᠨᠤ ᠦᠶᠡᠶ᠋ᠢᠨ ᠪᠢᠴᠢᠯᠭᠡᠶ᠋ᠢ ᠮᠥᠷᠳᠡᠭ᠌ᠰᠡᠨ ᠪᠢᠴᠢᠯᠭᠡ ᠪᠠᠢᠬᠠ᠃ ᠰᠠᠷᠠᠨᠠᠴᠡᠴᠡᠭᠤᠨ ᠲᠤᠰ ᠪᠦᠳᠦᠭᠡᠯᠢ ᠤᠷᠠᠯᠠᠬᠤᠢ ᠤᠬᠠᠭᠠᠨᠤ ᠲᠠᠯᠠᠠᠴᠠ ᠵᠠᠳᠠᠯᠵᠤ ᠦᠵᠡᠬᠦ᠌ᠳᠤ᠂ ᠭᠤᠤᠯ ᠠᠭᠤᠯᠭᠠᠨᠢ ᠬᠠᠭᠤᠳᠠᠰᠤᠨᠤ ᠵᠡᠭᠦᠨ ᠬᠠᠭᠠᠰ ᠲᠠᠯᠠᠶ᠋ᠢᠨ ᠶᠡᠬᠡᠩᠬᠢ ᠬᠡᠰᠡᠭᠲᠤ ᠲᠡᠭᠡᠷᠡ ᠲᠤᠤᠷᠠ ᠵᠡᠬᠦᠨ ᠪᠠᠷᠠᠭᠤᠨ ᠲᠠᠯᠠᠳᠤ ᠵᠤᠬᠢᠬᠤ ᠵᠠᠢ ᠠᠪᠤᠭᠠᠳ ᠲᠤᠮᠳᠠ ᠪᠠᠶᠠᠶ᠋ᠢ ᠡᠵᠡᠯᠡᠨ ᠭᠤᠷᠪᠠ ᠮᠦᠷᠯᠡᠨ ᠪᠢᠴᠢᠬᠦᠳᠡᠭᠡᠨ ᠭᠤᠤᠯ ᠮᠦᠷᠢ ᠲᠤᠷᠤᠭ᠍ᠰᠢ ᠵᠤᠬᠢᠬᠤ ᠬᠡᠮᠵᠢᠶᠡᠨᠳᠤ ᠬᠦᠷᠭᠡᠭᠡᠳ ᠵᠢᠯᠤᠭᠤᠶ᠋ᠢ ᠲᠠᠳᠠᠵᠤ ᠠᠮᠠᠭᠠᠢᠶ᠋ᠢᠨᠢ ᠵᠠᠯᠠᠵᠤ ᠮᠦᠷᠡᠨᠢ ᠲᠤᠭᠤᠷᠢᠵᠦ᠍ ᠠᠭᠤᠯᠠᠶ᠋ᠢ ᠠᠯᠤᠰᠯᠠᠵᠤ ᠪᠠᠢᠪᠠᠴᠤ᠌ ᠨᠢᠭᠡ ᠦᠵᠦᠭᠦᠷᠳᠤ ᠰᠡᠳᠭᠢᠯᠢ ᠪᠠᠷᠢᠵᠤ ᠪᠠᠢᠭᠠ ᠵᠤᠷᠢᠯ ᠲᠡᠮᠡᠤᠯᠤᠯᠢ ᠢᠯᠡᠳᠭᠡᠵᠠᠢ᠃ ᠪᠠᠷᠠᠭᠤᠨ ᠬᠠᠭᠠᠰ ᠴᠠᠭᠠᠰᠤᠨᠤ ᠭᠤᠤᠯᠢ ᠪᠠᠷᠢᠵᠦ᠍ ᠬᠠᠭᠤᠳᠠᠰᠤᠨ ᠲᠡᠭᠡᠷᠡᠠᠴᠠ ᠲᠤᠷᠤᠭ᠍ᠰᠢ᠂ ᠲᠤᠤᠷᠠᠠᠴᠠ ᠲᠡᠭᠡᠭ᠌ᠰᠢᠯᠡᠨ ᠭᠤᠷᠮᠤᠰᠤᠨ ᠨᠢᠭᠡ ᠴᠤᠭ᠍ᠴᠠᠰ ᠪᠠᠭᠠᠨᠠ ᠬᠡᠮᠡᠷ ᠴᠤᠬᠤᠯᠠᠪᠤᠷᠢᠪᠠᠷ ᠡᠷᠳᠡᠨᠤ ᠬᠡᠯᠡᠶ᠋ᠢ ᠤᠳᠤᠬᠢᠴᠢᠯᠡᠨ ᠪᠠᠭᠤᠯᠭᠠᠭ᠍ᠰᠠᠨ ᠪᠦᠭᠡᠳ ᠠᠯᠢ ᠨᠤᠮᠠᠴᠠ ᠡᠱᠢᠯᠡᠭ᠌ᠰᠡᠨᠢᠶᠠᠨ ᠲᠤᠱᠢᠶᠠᠭᠠᠳ᠂ ᠤᠨ ᠰᠠᠷᠠ ᠪᠠ ᠨᠠᠷᠠᠪᠠᠨ ᠪᠢᠴᠢᠭᠡᠳ ᠲᠡᠭᠦᠰᠭᠡᠭ᠌ᠰᠡᠨ ᠪᠠᠢᠨᠠ᠃ ᠲᠤᠤᠷᠠᠨᠢ ᠨᠢᠭᠡ ᠯᠡ ᠨᠠᠷᠠᠶ᠋ᠢᠨ ᠲᠠᠮᠠᠭᠠ （ ᠤᠯᠠᠭᠠᠨ ᠦᠰᠦᠭ᠌ᠳᠦ ᠲᠠᠮᠠᠭᠠ）ᠲᠠᠷᠤᠵᠠᠢ᠃ 《ᠪᠠᠳᠠᠷᠠᠨ ᠬᠦᠭ᠌ᠵᠢᠳᠦᠬᠡᠢ》ᠬᠡᠬᠦ᠌ ᠴᠢᠮᠡᠭ ᠲᠠᠮᠠᠭᠠᠶ᠋ᠢ ᠭᠤᠤᠯ ᠠᠭᠤᠯᠭᠠᠶ᠋ᠢᠨ ᠭᠤᠤᠯ ᠮᠦᠷᠤᠨ ᠲᠡᠭᠡᠷᠡ ᠲᠠᠯᠠᠳᠤ ᠵᠠᠷᠤᠭᠠᠳ᠂ ᠪᠠᠰᠠ ᠨᠢᠭᠡᠨ ᠪᠦᠰᠡᠯᠡᠭᠦᠷ ᠲᠠᠮᠠᠭᠠ 《ᠦᠯᠵᠡᠢ》 ᠶ᠋ᠢ ᠬᠦᠨᠳᠡᠢᠶ᠋ᠢ ᠨᠦᠬᠦᠵᠦ᠍ ᠲᠠᠷᠤᠭ᠍ᠰᠠᠨ ᠪᠢᠰᠢ᠂ ᠬᠠᠷᠢᠨ ᠵᠡᠭᠦᠨ ᠲᠠᠯᠠᠶ᠋ᠢᠨ ᠦᠰᠦᠭᠢ ᠨᠠᠭᠠᠯᠳᠤᠭᠤᠯᠤᠨ ᠲᠠᠷᠤᠭ᠍ᠰᠠᠨ ᠪᠠᠢᠨᠠ᠃ ᠡᠨᠡ ᠪᠦᠰᠡᠯᠡᠭᠦᠷ ᠲᠠᠮᠠᠭᠠᠶ᠋ᠢ ᠮᠠᠰᠢ ᠢᠴᠢᠮᠡᠬᠡᠢ ᠲᠠᠯᠳᠠᠬᠠᠨ ᠲᠠᠷᠤᠵᠠᠢ᠃ ᠢᠩᠬᠢᠵᠦ᠍ ᠨᠢᠭᠡ ᠪᠦᠳᠦᠭᠡᠯᠳᠤ ᠶᠠᠷᠤᠳᠡᠭᠡᠨ ᠡᠷᠡᠶ᠋ᠢᠨ ᠭᠤᠷᠪᠠᠨ ᠲᠠᠮᠠᠭᠠ ᠲᠠᠷᠤᠬᠤ ᠶᠤᠰᠤᠭᠠᠷ ᠵᠦᠢᠴᠢᠯᠡᠵᠡᠢ᠃
ᠬᠤᠯᠤᠰᠤᠨ ᠦᠵᠦᠭᠤᠨ ᠪᠦᠳᠦᠭᠡᠯ
ᠰᠧᠪᠢᠮᠧᠳᠡᠭᠤᠨ ᠲᠤᠰ ᠪᠦᠳᠦᠭᠡᠯ ᠪᠤᠯ ᠬᠤᠯᠤᠰᠤᠨ ᠦᠵᠦᠭᠤᠨ ᠪᠦᠳᠦᠭᠡᠯ ᠪᠤᠯᠤᠨᠠ᠃ ᠬᠤᠯᠤᠰᠤᠨ ᠦᠵᠦᠭᠤᠨ ᠪᠦᠳᠦᠭᠡᠯ ᠪᠤᠯ ᠬᠤᠪᠢᠶ᠋ᠢᠨ ᠭᠡᠰᠡᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠲᠠᠢ᠂ ᠪᠤᠰᠤᠳᠲᠤ ᠪᠠᠢᠳᠠᠭ ᠦᠭᠡᠢ᠂ ᠵᠦᠪᠬᠡᠨ ᠮᠠᠨᠳᠤ ᠯᠠ ᠪᠠᠢᠳᠠᠭ ᠬᠤᠪᠤᠷᠬᠠᠨ ᠴᠤᠬᠠᠭ ᠨᠢᠭᠡ ᠲᠦᠷᠦᠯᠤᠨ ᠲᠦᠷᠰᠤᠳᠤ ᠤᠷᠠᠯᠢᠭ ᠪᠤᠯᠤᠨᠠ᠃ ᠭᠡᠬᠦᠳᠡᠭᠡᠨ ᠢᠵᠠᠭᠤᠷ ᠤᠷᠠᠯᠢᠭᠤᠨ ᠨᠢᠭᠡ ᠬᠡᠯᠪᠡᠷᠢ᠂ ᠦᠨᠢ ᠤᠳᠠᠭᠠᠨ ᠲᠡᠤᠬᠡᠲᠠᠢ᠃ ᠡᠷᠳᠡᠨᠤ ᠬᠦᠮᠦᠰ ᠬᠤᠯᠤᠰᠤᠶ᠋ᠢ ᠢᠷᠯᠡᠵᠦ᠍ ᠪᠢᠴᠢᠬᠦ᠌ ᠪᠠᠭᠠᠵᠢ ᠪᠤᠯᠭᠠᠭ᠍ᠰᠠᠨᠢᠶᠠᠷ ᠬᠠᠳᠠᠭᠤ ᠦᠵᠦᠭᠤᠨ ᠪᠢᠴᠢᠯᠭᠡ ᠪᠤᠢ ᠪᠤᠯᠵᠤ᠂ ᠦᠷᠨᠢᠨ ᠬᠦᠭ᠌ᠵᠢᠨ ᠤᠯᠠᠮᠵᠢᠯᠠᠨ ᠲᠡᠯᠭᠡᠷᠡᠭ᠌ᠰᠡᠭᠡᠷ ᠦᠨᠦᠳᠦᠷ ᠬᠦᠷᠴᠤ᠌ ᠢᠷᠡᠭ᠌ᠰᠡᠨ ᠶᠤᠮ᠃ ᠬᠤᠯᠤᠰᠤᠨ ᠦᠵᠦᠭᠤᠨ ᠪᠢᠴᠢᠯᠭᠡᠨᠢ ᠮᠤᠩᠭᠤᠯ ᠦᠰᠦᠭᠤᠨ ᠤᠷᠠᠨ ᠪᠢᠴᠢᠯᠭᠡᠳᠤ ᠦᠪᠡᠷᠮᠢᠴᠡ ᠲᠤᠬᠢᠷᠠᠯᠴᠠᠯᠲᠠᠢ ᠪᠠᠢᠳᠠᠭᠢᠶᠠᠷᠢᠶᠠᠨ ᠮᠠᠰᠢ ᠤᠨᠴᠠᠯᠠᠭ᠍ᠳᠠᠨᠠ᠃ ᠪᠠᠰᠠ ᠮᠤᠩᠭᠤᠯᠴᠣᠳᠤᠨ ᠠᠮᠢᠳᠤᠷᠠᠯ ᠦᠢᠯᠡᠳᠦᠯᠭᠡ ᠲᠤᠮᠳᠠ ᠡᠷᠳᠡᠨᠤ ᠲᠡᠤᠭᠡ ᠨᠠᠮᠳᠠᠷᠢ ᠪᠢᠴᠢᠬᠦ᠂ ᠰᠤᠳᠤᠷ ᠨᠤᠮ ᠬᠠᠭᠤᠯᠬᠤ ᠵᠢᠴᠢ ᠬᠤᠤᠰ ᠤᠶᠠᠩᠭᠠ ᠪᠢᠴᠢᠬᠦ᠌ ᠬᠡᠬᠦ᠌ ᠮᠡᠳᠦ ᠤᠯᠠᠨ ᠲᠠᠯᠠᠪᠠᠷ ᠠᠴᠢ ᠲᠤᠰᠠᠪᠠᠨ ᠦᠵᠡᠭᠦᠯᠵᠦ᠍ ᠢᠷᠡᠭ᠌ᠰᠡᠨ ᠶᠤᠮ ᠃ ᠤᠳᠤᠶ᠋ᠢᠨ ᠬᠦᠮᠦᠰ ᠡᠨᠡ ᠬᠦ᠌ ᠬᠤᠯᠤᠰᠤᠨ ᠦᠵᠦᠭᠤᠨ ᠤᠷᠠᠨ ᠪᠢᠴᠢᠯᠭᠡ ᠵᠢ ᠤᠷᠠᠨ ᠪᠦᠳᠦᠭᠡᠯ ᠪᠤᠯᠭᠠᠨ ᠤᠷᠠᠯᠢᠭ᠍ᠵᠢᠭᠤᠯᠳ ᠲᠡᠯᠭᠡᠬᠦ᠌ᠳᠤ ᠦᠨᠡᠭᠡᠷ ᠭᠤᠶᠤᠮᠰᠤᠭ ᠰᠠᠢᠬᠠᠨ ᠤᠷᠠᠯᠢᠭ ᠪᠤᠯᠳᠠᠭ ᠠᠵᠢ᠃ ᠲᠤᠤᠷᠠ ᠪᠢᠳᠡ ᠰᠧᠪᠢᠮᠧᠳᠡᠭᠤᠨ ᠬᠤᠯᠤᠰᠤᠨ ᠦᠵᠦᠭᠤᠨ ᠪᠦᠳᠦᠭᠡᠯᠠᠴᠠ ᠨᠡᠷᠢᠨ ᠱᠢᠭᠦᠵᠦ᠍ ᠨᠢᠮᠪᠠᠢ ᠰᠤᠨᠢᠷᠬᠠᠶᠠ᠃ ᠶᠠᠭᠤᠨᠤ ᠡᠮᠤᠨᠡ ᠲᠤᠰ ᠪᠦᠳᠦᠭᠡᠯᠤᠨ ᠵᠠᠭ᠍ᠪᠤᠷᠨᠢ ᠭᠤᠢᠳᠠ ᠵᠢᠭ᠌ᠳᠡ᠂ ᠴᠡᠪᠡᠷ ᠴᠡᠮᠴᠡᠭᠡᠷ᠂ ᠲᠡᠭ᠌ᠰᠢ ᠱᠢᠯᠤᠭᠤᠨ ᠪᠠᠢᠨᠠ᠃ ᠲᠠᠷᠦᠢ ᠡᠷᠳᠡᠨᠤ ᠦᠶᠡᠶ᠋ᠢᠨ 《ᠲᠡᠭ᠌ᠰᠢ ᠲᠢᠭᠤᠨ ᠭᠤᠤᠯ ᠲᠠᠩᠬᠢᠮᠤᠨ ᠪᠢᠴᠢᠭᠡᠰᠤ》 ᠪᠤᠯᠤᠨᠠ᠃ ᠲᠤᠰ ᠪᠦᠳᠦᠭᠡᠯᠤᠨ ᠴᠠᠭᠠᠰᠤᠨᠢ ᠪᠤᠯᠭᠤᠭ᠍ᠰᠠᠨ ᠲᠤᠷᠭᠠᠨ ᠴᠠᠭᠠᠰᠤ᠂ ᠨᠠᠷᠢᠨ ᠪᠦᠳᠦᠭᠦᠨ ᠠᠳᠠᠯᠢ ᠪᠤᠰᠤ ᠭᠤᠷᠪᠠᠨ ᠵᠦᠢᠯᠤᠨ ᠬᠤᠯᠤᠰᠤᠨ ᠦᠵᠦᠭᠢ ᠡᠭᠡᠯᠵᠢᠯᠡᠨ ᠵᠠᠷᠤᠭ᠍ᠰᠠᠨ ᠪᠠᠢᠨᠠ᠃ ᠵᠡᠭᠦᠨ ᠵᠠᠬᠠᠶ᠋ᠢ ᠬᠦᠪᠡᠭᠡᠳᠠᠵᠦ᠍ ᠤᠯᠠᠭᠠᠨ ᠮᠦᠷᠠᠴᠠ ᠡᠬᠢᠯᠡᠵᠦ᠍ ᠡᠮᠤᠨᠡ ᠬᠦᠳᠦᠯᠪᠤᠷᠢᠳᠤ 《ᠬᠠᠨᠰᠦ᠋ᠮᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠭ᠍ᠰᠠᠨ ᠠᠬᠠᠮᠠᠳ ᠪᠠᠭ᠍ᠰᠢ ᠡᠬᠡ ᠰᠤᠷᠭᠠᠭᠤᠯᠢᠳᠠᠭᠠᠨ ᠲᠤᠷᠠᠰᠭᠠᠨ ᠪᠡᠯᠭᠡᠯᠡᠪᠡᠢ》ᠭᠡᠵᠤ ᠪᠦᠳᠦᠭᠡᠭ᠌ᠰᠡᠨ ᠵᠤᠷᠢᠯᠭᠠᠪᠠᠨ ᠮᠠᠰᠢ ᠬᠦᠨ ᠰᠡᠳᠭᠢᠯᠭᠡᠲᠠᠢᠪᠠᠷ ᠲᠤᠳᠤᠷᠬᠠᠢᠯᠠᠵᠠᠢ᠃ ᠪᠢᠴᠢᠬᠦᠳᠡᠭᠡᠨ ᠬᠤᠯᠤᠰᠤᠨ ᠨᠠᠷᠢᠨ ᠦᠵᠦᠭᠢᠶᠠᠷ ᠬᠠᠷᠠ ᠲᠢᠭᠤᠨ ᠦᠨᠳᠦᠰᠦᠨ ᠲᠡᠭ᠌ᠰᠢ ᠪᠢᠴᠢᠯᠭᠡᠶ᠋ᠢ ᠰᠤᠩᠭᠤᠵᠤ ᠠᠴᠤᠭ᠂ ᠭᠡᠳᠡᠰᠦ᠂ ᠱᠢᠯᠪᠢ ᠪᠦᠬᠦᠨᠢ ᠨᠢᠷᠤᠭᠤᠨᠳᠠᠭᠠᠨ ᠡᠭ᠌ᠴᠡᠯᠡᠭᠦᠯᠵᠦ᠍᠂ ᠦᠰᠦᠭᠤᠨ ᠤᠷᠬᠢᠴᠠᠶ᠋ᠢ ᠱᠢᠳᠮᠡᠭ ᠠᠷᠤᠭ᠍ᠰᠢ ᠵᠢᠱᠢᠭᠦᠦ ᠲᠤᠷᠤᠭ᠍ᠰᠢ ᠲᠠᠳᠠᠵᠤ ᠶᠠᠪᠤᠭᠤᠯᠤᠭᠠᠳ ᠲᠡᠬᠢᠨ ᠬᠤᠮᠢᠨ ᠪᠤᠴᠠᠭᠠᠭᠠᠳ ᠤᠭ᠍ᠵᠤᠮ ᠲᠡᠭᠦᠰᠭᠡᠭ᠌ᠰᠡᠨᠠᠴᠠ ᠮᠠᠰᠢ ᠬᠦᠴᠦᠳᠠᠢ ᠪᠤᠯᠵᠤ ᠴᠢᠳᠠᠵᠠᠢ᠃ ᠬᠤᠯᠤᠰᠤᠨ ᠦᠵᠦᠭᠤᠨ ᠲᠡᠭ᠌ᠰᠢ ᠰᠦᠯᠵᠢᠮᠡᠯ ᠪᠢᠴᠢᠯᠭᠡ ᠵᠢᠴᠢ ᠨᠠᠷᠢᠨ ᠦᠷᠭᠡᠨ ᠬᠤᠶᠠᠷ ᠬᠡᠪᠤᠨ ᠦᠵᠦᠭᠢᠶᠠᠷ ᠲᠡᠭᠡᠰᠦ ᠲᠠᠮᠤᠬᠤ ᠱᠢᠭ᠋ ᠭᠡᠵᠢᠭᠡ ᠭᠦᠷᠦᠬᠦ᠌ ᠠᠳᠠᠯᠢ ᠠᠷᠭᠠᠪᠠᠷ ᠤᠷᠠᠯᠠᠭ᠍ᠰᠠᠨ ᠪᠠᠢᠨᠠ᠃ ᠮᠠᠰᠢ ᠬᠦᠳᠡᠯᠦᠩᠬᠦᠢ ᠮᠦᠷᠳᠡᠭᠡᠨ ᠶᠡᠬᠡᠮᠰᠦᠭ᠂ ᠴᠢᠬᠢᠮᠠᠢ ᠮᠦᠷᠳᠡᠭᠡᠨ ᠴᠢᠯᠦᠭᠡᠲᠠᠢ᠂ ᠲᠦᠪ ᠴᠢᠭᠡᠴᠢ ᠮᠦᠷᠳᠡᠭᠡᠨ ᠠᠮᠢᠳᠤᠯᠢᠭ ᠪᠤᠯᠤᠭ᠍ᠰᠠᠨᠢᠶᠠᠷᠢᠶᠠᠨ ᠬᠠᠷᠠᠭᠠᠶ᠋ᠢ ᠪᠤᠯᠢᠶᠠᠨ᠂ ᠠᠩᠬᠠᠷᠤᠯᠢ ᠲᠡᠳᠡᠨᠠ᠃ ᠪᠠᠷᠠᠭᠤᠨ ᠵᠠᠬᠠᠶ᠋ᠢᠨ ᠴᠤᠬᠤᠯᠠᠪᠤᠷᠢᠶ᠋ᠢ ᠴᠤ᠌ ᠡᠮᠤᠨᠡᠬᠢ ᠬᠦᠳᠦᠯᠪᠦᠷᠢᠲᠠᠢᠪᠠᠨ ᠲᠡᠭᠡᠷᠡ ᠲᠠᠯᠠᠶ᠋ᠢ ᠵᠡᠷᠭᠡᠴᠡᠭᠦᠯᠦᠨ᠂ ᠤᠨ ᠰᠠᠷᠠ᠂ ᠬᠡᠨᠤ ᠱᠢᠯᠦᠭ᠂ ᠬᠡᠨ ᠰᠠᠢᠷᠠᠭᠦᠯᠦᠭ᠌ᠰᠡᠨᠢᠶᠠᠨ ᠬᠦᠢᠴᠡᠳ ᠪᠢᠴᠢᠵᠠᠢ᠃ ᠪᠢᠴᠢᠯᠭᠡᠶ᠋ᠢᠨ ᠬᠡᠪ ᠨᠠᠮᠪᠠᠨᠢ ᠡᠮᠤᠨᠡᠬᠢ ᠬᠦᠳᠦᠯᠪᠤᠷᠢᠲᠠᠢᠪᠠᠨ ᠠᠳᠠᠯᠢᠬᠠᠨ ᠤᠷᠠ ᠮᠡᠷᠭᠡᠵᠢᠯᠢᠶᠠᠷ ᠪᠢᠴᠢᠵᠦ᠍᠂ ᠵᠢᠭᠠᠬᠠᠨ ᠲᠤᠷᠤᠭ᠍ᠰᠢᠯᠠᠭᠤᠯᠵᠤ ᠲᠡᠭᠦᠰᠭᠡᠭ᠌ᠰᠡᠨᠨᠢ 《 ᠲᠡᠭ᠌ᠷᠢ ᠦᠨᠳᠦᠷ ᠭᠠᠵᠠᠷ ᠠᠭᠤᠳᠠᠮ》 ᠭᠡᠵᠤ ᠪᠤᠳᠤᠭ᠍ᠳᠠᠭᠤᠯᠤᠨᠠ᠃ ᠨᠢᠭᠡ ᠲᠠᠮᠠᠭᠠᠶ᠋ᠢᠨ ᠵᠠᠢᠠᠴᠠ ᠵᠢᠭᠠᠬᠠᠨ ᠢᠪᠴᠤᠤ ᠨᠠᠷᠠᠶ᠋ᠢᠨ ᠲᠠᠮᠠᠭᠠᠪᠠᠨ ᠲᠠᠷᠤᠵᠤ ᠤᠯᠠᠭᠠᠨ ᠦᠰᠦᠭ᠌ᠳᠦ ᠲᠠᠮᠠᠭᠠᠠᠴᠠᠪᠠᠨ ᠵᠤᠬᠢᠬᠤ ᠵᠠᠢᠳᠤ ᠴᠠᠭᠠᠨ ᠦᠰᠦᠭ᠌ᠳᠦ ᠲᠠᠮᠠᠭᠠᠪᠠᠨ ᠲᠠᠷᠤᠭ᠍ᠰᠠᠨ ᠪᠠᠢᠨᠠ᠃ ᠴᠢᠮᠡᠭ ᠲᠠᠮᠠᠭᠠ 《ᠠᠯᠳᠠᠨ ᠲᠤᠯᠭᠠ》 ᠤᠷᠤᠨᠢᠨᠢ ᠤᠯᠵᠤ ᠲᠠᠷᠤᠵᠠᠢ᠃ ᠰᠠᠢᠬᠠᠨ ᠤᠷᠠᠨ ᠪᠦᠳᠦᠭᠡᠯ ᠤᠯᠵᠤ ᠰᠤᠨᠢᠷᠬᠠᠬᠤᠳᠤ ᠨᠢᠳᠦ ᠪᠠᠶᠠᠰᠴᠤ᠌ ᠰᠡᠳᠭᠢᠯ ᠦᠨᠡᠭᠡᠷ ᠰᠡᠷᠭᠦᠳᠡᠭ ᠠᠵᠢ ᠃
ᠲᠤᠰ ᠤᠳᠠᠭᠠᠨᠤ 《ᠮᠤᠩᠭᠤᠯᠵᠢᠨ ᠭᠤᠸᠠ》 ᠰᠡᠳᠦᠪᠲᠦ ᠡᠮᠡᠭ᠌ᠳᠡᠢᠴᠦᠳᠤᠨ ᠮᠤᠩᠭᠤᠯ ᠤᠷᠠᠨ ᠪᠢᠴᠢᠯᠭᠡᠶ᠋ᠢᠨ ᠰᠦᠯᠵᠢᠶᠠᠨ ᠦᠵᠡᠰᠬᠦᠯᠡᠡᠭᠳᠤ ᠰᠤᠩᠭᠤᠭ᠍ᠳᠠᠭ᠍ᠰᠠᠨ ᠪᠦᠳᠦᠭᠡᠯᠤᠳ ᠪᠤᠯ ᠲᠠᠷᠤᠢ ᠪᠦᠰᠡᠬᠦᠢ ᠤᠷᠠᠨ ᠪᠢᠴᠢᠯᠭᠡᠳᠡᠳᠤᠨ ᠬᠢᠷᠢ ᠬᠡᠮᠵᠢᠶᠠ ᠵᠢ ᠬᠠᠷᠠᠭᠤᠯᠤᠬᠰᠡᠨ ᠬᠤᠷᠢᠶᠠᠡᠭᠭᠤᠢ ᠲᠦᠷᠰᠤ ᠭᠡᠵᠦ᠍ ᠬᠡᠯᠡᠵᠦ᠍ ᠪᠤᠯᠤᠨᠠ᠃ ᠤᠷᠠᠨ ᠵᠤᠬᠢᠶᠠᠯᠳᠤ 《ᠮᠢᠩᠭᠠᠨ ᠤᠩᠱᠢᠭ᠍ᠴᠢ ᠪᠠᠢᠪᠠᠯ ᠮᠢᠩᠭᠠᠨ ᠬᠠᠮᠢᠯᠲ ᠪᠠᠢᠨᠠ》 ᠭᠡᠳᠡᠭᠲᠠᠢ ᠠᠳᠠᠯᠢᠬᠠᠨ ᠤᠷᠠᠨ ᠪᠢᠴᠢᠯᠭᠡᠶ᠋ᠢᠨ ᠪᠦᠳᠦᠭᠡᠯᠢ ᠰᠤᠨᠢᠷᠬᠠᠬᠴᠢᠳ ᠴᠤ᠌ ᠲᠡᠢᠮᠦ᠍ ᠪᠠᠢᠳᠠᠭ᠃ ᠲᠤᠰ ᠤᠳᠠᠭᠠᠨᠤ ᠦᠵᠡᠰᠬᠦᠯᠡᠡᠭᠤᠨ ᠪᠠᠰᠠ ᠨᠢᠭᠡ ᠬᠢᠯᠡᠰ ᠴᠡᠭ ᠪᠤᠯ ᠠᠷᠪᠠ ᠶᠢᠰᠦᠨ ᠬᠤᠪᠢ ᠤᠬᠤᠷ ᠹᠢᠯᠢᠮ ᠦᠢᠯᠡᠳᠴᠤ᠌ ᠦᠵᠡᠰᠬᠦᠯᠡᠡᠭᠤᠨ ᠠᠬᠤᠢ ᠲᠠᠯᠠᠪᠠᠢᠳᠤ ᠲᠡᠯᠭᠡᠨ ᠦᠵᠡᠬᠦᠯᠦᠭᠰᠡᠨ ᠨᠢ ᠮᠤᠩᠭᠤᠯᠵᠢᠨ ᠭᠤᠸᠠ ᠪᠦᠰᠡᠭᠦᠢ ᠤᠷᠠᠨ ᠪᠢᠴᠢᠯᠭᠡᠴᠢᠨᠤ ᠬᠤᠪᠢ ᠬᠦᠮᠦᠨᠤ ᠬᠢᠨᠢ ᠦᠩᠭᠡ ᠲᠦᠷᠬᠦ᠂ ᠲᠠᠭᠤᠨ ᠬᠤᠭᠤᠯᠠᠢ᠂ ᠤᠩᠱᠢᠵᠦ᠍ ᠤᠶᠠᠩᠭᠠᠯᠠᠬᠤᠲᠠᠢᠪᠠᠨ ᠬᠠᠮᠳᠤᠷᠠᠭᠠᠳ ᠦᠢᠷᠡ ᠲᠤᠳᠤᠨᠤ ᠬᠠᠯᠠᠭᠤᠬᠠᠨ ᠬᠠᠢᠷᠠᠯᠠᠯᠳᠠᠢ ᠰᠠᠨᠠᠭ᠍ᠳᠠᠵᠤ᠂ ᠤᠳᠤᠬᠢ ᠴᠠᠭ ᠤᠨ ᠦᠡᠭᠭᠡ ᠪᠤᠳᠤᠭ ᠠᠭᠤᠰᠴᠤ ᠪᠢᠯᠡ᠃