ᠮᠦᠷᠦᠭᠡᠳᠦᠯ ᠠᠰᠠᠬᠤ ᠱᠢᠭ᠋ ᠪᠠᠳᠤᠴᠠᠭᠠᠨ᠎ᠤ ᠨᠠᠪᠴᠢ ᠤᠯᠠᠢᠨ᠎ᠠ
2025-11-12 10:41:52
ᠵᠣᠬᠢᠶᠠᠭ᠍ᠴᠢ᠄
ᠨᠤᠮᠢᠨ
ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄
★★★☆☆

ᠦᠯᠢᠭᠡᠷ ᠠᠮᠳᠠᠱᠢᠬᠤ ᠮᠡᠲᠦ ᠨᠠᠮᠤᠷ ᠭᠦᠨᠱᠢᠨ᠎ᠡ

ᠦᠩᠭᠡ᠎ᠨᠢ ᠢᠯᠭᠠᠷᠠᠭ᠍ᠰᠠᠨ ᠵᠢᠷᠤᠭ ᠪᠤᠯᠵᠦ᠍ ᠪᠠᠢᠭᠠᠯᠢ ᠠᠯᠠᠭ᠍ᠰᠢᠨ᠎ᠠ

ᠮᠦᠩᠬᠡ᠎ᠶ᠋ᠢᠨ ᠪᠤᠰᠤ ᠴᠠᠭ ᠬᠤᠭᠤᠴᠠᠭᠠᠨ᠎ᠤ ᠵᠢᠭᠦᠷ ᠡᠯᠡᠭᠡᠵᠦ᠍

ᠮᠦᠷᠦᠭᠡᠳᠦᠯ ᠠᠰᠠᠬᠤ ᠱᠢᠭ᠋ ᠪᠠᠳᠤᠴᠠᠭᠠᠨ᠎ᠤ ᠨᠠᠪᠴᠢᠰ ᠤᠯᠠᠢᠨ᠎ᠠ


ᠭᠦᠭ᠌ᠵᠢᠮ ᠡᠬᠢᠯᠡᠬᠦ᠌ ᠮᠡᠲᠦ ᠱᠢᠪᠠᠭᠤᠳ ᠡᠭᠡᠱᠢᠭ᠌ᠯᠡᠨ᠎ᠡ

ᠭᠦᠭ᠎ᠲᠤᠨᠢ ᠤᠶᠠᠷᠠᠵᠦ᠍ ᠨᠠᠭᠤᠷ ᠨᠢᠯᠪᠤᠰᠤᠷᠠᠨ᠎ᠠ

ᠬᠦᠮᠤᠨ᠎ᠤ ᠰᠡᠳᠭᠢᠯ᠎ᠢ ᠠᠶᠠᠷᠬᠠᠨ ᠬᠦᠨᠳᠡᠵᠦ᠍

ᠬᠦᠭ᠌ᠵᠢᠭ᠌ᠰᠡᠨ ᠭᠠᠯ᠎ᠤᠨ ᠰᠤᠷ ᠱᠢᠭ᠋ ᠪᠠᠳᠤᠴᠠᠭᠠᠨ᠎ᠤ ᠨᠠᠪᠴᠢᠰ ᠤᠯᠠᠢᠨ᠎ᠠ


ᠨᠠᠢᠷ ᠦᠷᠭᠦᠯᠵᠢᠯᠡᠬᠦ᠌ ᠱᠢᠭ ᠤᠯᠠᠷᠢᠯ ᠦᠩᠭᠡᠱᠢᠨ᠎ᠡ

ᠨᠠᠢᠷᠠᠭ ᠦᠳᠭᠡᠷᠡᠵᠦ᠍ ᠰᠡᠷᠡᠯ ᠢᠭ᠌ᠳᠦᠯᠦᠨ᠎ᠡ

ᠨᠤᠴᠤᠵᠦ᠍ ᠭᠦᠭ᠌ᠵᠢᠬᠦ᠌ ᠰᠡᠳᠭᠢᠬᠦᠢ᠎ᠶ᠋ᠢ ᠦᠢᠮᠡᠭᠦᠯᠵᠦ᠍

ᠨᠢᠭᠤᠴᠠ᠎ᠪᠠᠨ ᠵᠠᠳᠠᠯᠬᠤ ᠱᠢᠭ᠋ ᠪᠠᠳᠤᠴᠠᠭᠠᠨ᠎ᠤ ᠨᠠᠪᠴᠢᠰ ᠤᠯᠠᠢᠨ᠎ᠠ


ᠱᠢᠯᠦᠭ ᠲᠦᠷᠦᠬᠦ᠌ ᠱᠢᠭ ᠰᠡᠳᠭᠢᠯ ᠲᠤᠩᠭᠠᠯᠠᠭ᠍ᠰᠢᠨ᠎ᠠ

ᠱᠢᠷᠡᠮᠦᠨ ᠲᠤᠭᠤᠭᠠᠨ᠎ᠳᠤ ᠦᠷᠦᠮ᠎ᠡ ᠦᠳᠭᠡᠷᠡᠨ᠎ᠡ

ᠱᠢᠯ ᠬᠤᠨᠲᠠᠭ᠎ᠠ᠎ᠶ᠋ᠢ ᠰᠠᠷᠠ ᠡᠰᠡᠷᠭᠦᠯᠡᠨ ᠲᠦ᠋ᠱᠢᠬᠦ᠌᠎ᠳᠤ

ᠱᠢᠵᠢᠷ ᠲᠤᠶᠠᠭ᠎ᠠ ᠪᠠᠳᠤᠴᠠᠭᠠᠨ᠎ᠤ ᠨᠠᠪᠴᠢᠰ ᠱᠢᠭ᠋ ᠠᠰᠭᠠᠷᠠᠨ᠎ᠠ


ᠰᠠᠯᠬᠢ ᠵᠢᠩᠳᠡᠬᠦ᠌ ᠮᠡᠲᠦ ᠴᠠᠭ ᠡᠷᠭᠢᠨ᠎ᠡ

ᠰᠠᠨᠴᠢᠭ᠎ᠤᠨ ᠬᠢᠷᠠᠭᠤ ᠨᠠᠰᠦ ᠨᠡᠮᠡᠨ᠎ᠡ

ᠰᠠᠨᠠᠭᠠᠨ᠎ᠤ ᠴᠠᠭᠠᠨ ᠮᠠᠨᠠᠨ ᠤᠢᠳᠭᠠᠷ ᠤᠷᠢᠶᠠᠯᠭᠠᠵᠦ᠍

ᠰᠠᠨᠰᠠᠷ᠎ᠤᠨ ᠦᠢᠯᠡ᠎ᠶ᠋ᠢ ᠱᠢᠲᠠᠭᠠᠬᠤ ᠮᠡᠲᠦ ᠪᠠᠳᠤᠴᠠᠭᠠᠨ᠎ᠤ ᠨᠠᠪᠴᠢᠰ ᠤᠯᠠᠢᠨ᠎ᠠ


ᠴᠢᠮᠠᠶ᠋ᠢ ᠰᠠᠨᠠᠬᠤ ᠱᠢᠬ ᠨᠠᠪᠴᠢᠰ ᠰᠡᠮᠡᠷᠡᠨ᠎ᠡ

ᠴᠠᠢ ᠪᠠᠭᠤᠬᠤ ᠵᠠᠭᠤᠷ᠎ᠠ᠎ᠵᠢᠷᠦᠬᠡᠨ᠎ᠳᠤ ᠢᠷᠡᠨ᠎ᠡ

ᠴᠢᠪ ᠬᠤᠯᠠ᠎ᠶ᠋ᠢᠨ ᠮᠦᠷᠦᠭᠡᠳᠦᠯ᠎ᠢ ᠲᠤᠳᠤᠷᠠᠭᠤᠯᠵᠦ᠍

ᠴᠡᠴᠡᠭ᠎ᠤᠨ ᠢᠨᠢᠶᠡᠳᠦ ᠱᠢᠭ ᠪᠠᠳᠤᠴᠠᠭᠠᠨ᠎ᠤ ᠨᠠᠪᠴᠢᠰ ᠤᠯᠠᠢᠨ᠎ᠠ

ᠣᠷᠴᠢᠭᠤᠯᠤᠭ᠍ᠴᠢ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠵᠣᠣ ᠱᠦ᠍ ᠭᠤᠸᠠᠩ
ᠲᠤᠮᠳᠠᠳᠤ ᠤᠯᠤᠰ᠎ᠤᠨ ᠮᠤᠩᠭᠤᠯ ᠬᠡᠯᠡᠡ᠎ᠤ ᠰᠤᠨᠢᠠ ᠮᠠᠳᠡᠭᠡ᠎ᠶ᠋ᠢᠨ ᠰᠦᠯᠵᠢᠶ᠎ᠠ
ᠢᠷᠡᠯᠲᠡ᠄
ᠬᠤᠪᠢᠶᠠᠯᠴᠠᠬᠤ᠄

2008-2025 © ᠳᠤᠮᠳᠠᠳᠤ ᠤᠯᠤᠰ᠎ᠤᠨ ᠮᠤᠩᠭᠤᠯ ᠬᠡᠯᠡᠨ᠎ᠤ ᠰᠤᠨᠢᠨ ᠮᠡᠳᠡᠭᠡᠨ᠎ᠤ ᠰᠦᠯᠵᠢᠶ᠎ᠡ ᠦᠮᠴᠢᠯᠡᠯ᠎ᠤᠨ ᠡᠷᠬᠡ᠎ᠲᠠᠢ

ᠵᠤᠬᠢᠶᠠᠭᠴᠢ᠎ᠶᠢᠨ ᠡᠷᠬᠡ ᠬᠠᠤᠯᠢ᠎ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ᠎ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ᠎ᠶᠢ ᠬᠠᠲᠠᠭᠤ ᠬᠤᠷᠢᠭᠯᠠᠨ᠎ᠠ

ᠬᠠᠷᠢᠯᠴᠠᠬᠤ ᠤᠲᠠᠰᠤ᠄0471-6635435

ᠢᠮᠧᠯ᠄mgyxww@163.com   蒙ICP备10000005号