10 ᠰᠠᠷᠠᠶᠢᠨ 23ᠤ᠋ ᠡᠳᠦᠷ᠂ ᠬᠦᠬᠡᠬᠤᠳᠠ ᠵᠢᠨ ᠲᠤᠳᠤᠭᠠᠳᠤ ᠵᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠤᠯᠠᠭᠠᠨᠴᠠᠪ ᠵᠡᠭᠦᠨ ᠵᠠᠮᠳ᠋ᠡᠬᠢ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢ ᠥᠪᠥᠷ ᠮᠣᠩᠭᠣᠯᠤᠨ ᠴᠠᠭᠳᠠᠭᠠᠶᠢᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠴᠢᠨ ᠰᠢᠶᠣᠣ ᠬᠣᠶ ᠪᠠᠭ᠍ᠰᠢᠲᠠᠢ ᠬᠠᠮᠲᠤᠷᠠᠨ᠂ ᠬᠣᠰᠢᠭᠤᠴᠢ ᠵᠠᠮᠤᠨ ᠪᠠᠭᠠ ᠰᠤᠷᠭᠠᠭᠤᠯᠢᠳᠤ ᠬᠦᠷᠴᠦ᠂ 《ᠬᠡᠷᠬᠢᠨ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠳᠣᠷᠣᠮᠵᠢᠯᠠᠯᠢ ᠢᠯᠭᠠᠨ ᠲᠠᠨᠢᠬᠤ ᠪᠠ ᠠᠷᠭᠠᠴᠠᠭᠠᠬᠤ ᠪᠤᠢ》 ᠬᠡᠬᠦ ᠲᠤᠰᠬᠠᠢ ᠰᠡᠳᠦᠪᠲᠦ ᠲᠠᠢᠯᠤᠮᠵᠢ ᠬᠢᠪᠡ᠃
ᠲᠠᠢᠯᠤᠮᠵᠢ ᠡᠬᠢᠯᠡᠮᠡᠭᠴᠡ᠂ ᠴᠢᠨ ᠰᠢᠶᠤᠤ ᠬᠤᠢ ᠡᠴᠨ 6 ᠲᠥᠷᠥᠯᠦᠨ ᠡᠳᠦᠷ ᠲᠤᠲᠤᠮᠤᠨ ᠦᠶ᠋ᠯᠡ ᠠᠵᠢᠯᠯᠠᠭᠠᠶᠢᠨ ᠠᠰᠠᠭᠤᠯᠲᠠᠪᠡᠷ ᠰᠤᠷᠤᠬ᠍ᠴᠢᠳᠤᠨ ᠰᠤᠨᠢᠭᠤᠴᠢ ᠰᠡᠳᠬᠢᠯᠢ ᠳᠠᠳᠠᠵᠦ᠂ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠠᠭᠤᠯᠭᠠᠲᠠᠢ ᠤᠶᠠᠯᠳᠤᠭᠤᠯᠤᠨ᠂ ᠠᠮᠢᠳᠤᠯᠢᠭ᠋ ᠱᠣᠭ ᠵᠢᠷᠤᠭᠤᠨ ᠲᠠᠢᠯᠪᠤᠷᠢᠪᠠᠷ ᠲᠠᠮᠵᠢᠨ᠂ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠳᠣᠷᠣᠮᠵᠢᠯᠠᠯᠤᠨ ᠠᠳᠠᠯᠢ ᠪᠤᠰᠤ ᠲᠥᠷᠥᠯ ᠭᠡᠯᠪᠡᠷᠢᠶᠢ ᠲᠣᠳᠣᠷᠬᠠᠢ ᠵᠠᠭᠠᠭᠯᠠᠨ ᠲᠣᠭᠲᠠᠭᠠᠪᠠ᠃ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠳᠣᠷᠣᠮᠵᠢᠯᠠᠯ ᠨᠢ ᠵᠥᠪᠭᠡᠨ ᠴᠤᠬᠢᠵᠤ ᠬᠠᠷᠢᠶᠠᠬᠤ ᠵᠢ ᠬᠡᠯᠡᠬᠦ ᠪᠢᠰᠢ᠂ ᠪᠠᠰᠠ ᠦᠭᠡ ᠬᠡᠯᠡᠨᠦ ᠳᠣᠷᠣᠮᠵᠢᠯᠠᠯ （ᠵᠢᠱ᠌ᠢᠶᠡᠯᠡᠪᠡᠯ ᠪᠤᠰᠤᠳᠲᠤ ᠳᠣᠷᠣᠮᠵᠢᠯᠠᠯᠤᠨ ᠴᠢᠨᠠᠷᠲᠠᠢ ᠬᠤᠴᠢ ᠨᠡᠷᠡ ᠥᠭᠬᠦ）᠂ ᠨᠡᠢᠭᠡᠮᠦᠨ ᠬᠠᠷᠢᠯᠴᠠᠭᠠᠨᠤ ᠳᠣᠷᠣᠮᠵᠢᠯᠠᠯ （ᠵᠢᠱ᠌ᠢᠶᠡᠯᠡᠪᠡᠯ ᠵᠣᠷᠢᠭᠤᠳᠠ ᠬᠠᠮᠲᠤ ᠰᠤᠷᠤᠬ᠍ᠴᠢᠪᠡᠨ ᠭᠠᠭᠴᠠᠭᠠᠷᠳᠠᠭᠤᠯᠬᠤ）᠂ ᠰᠦᠯᠵᠢᠶᠡᠨᠦ ᠳᠣᠷᠣᠮᠵᠢᠯᠠᠯ （ᠵᠢᠱ᠌ᠢᠶᠡᠯᠡᠪᠡᠯ ᠪᠤᠰᠤᠳᠤᠨ ᠴᠤᠤᠷᠬᠠᠯᠢ ᠲᠠᠷᠬᠠᠭᠠᠬᠤ） ᠵᠡᠷᠭᠡ ᠣᠯᠠᠨ ᠵᠦᠢᠯᠦᠨ ᠭᠡᠯᠪᠡᠷᠢᠶᠢ ᠪᠠᠭᠲᠠᠭᠠᠨᠠ᠃ ᠲᠠᠢᠯᠤᠮᠵᠢᠲᠡᠭᠡᠷᠡᠬᠢ 《ᠲᠦᠷᠭᠡᠨ ᠮᠠᠭᠠᠳᠯᠠᠯᠲᠠ》 ᠵᠢᠨ ᠭᠣᠭᠴᠣᠭᠠᠳᠤ᠂ ᠴᠢᠨ ᠰᠢᠶᠤᠤ ᠬᠤᠢ ᠡᠴᠨ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠪᠣᠳᠠᠲᠤ ᠪᠠᠢᠳᠠᠯᠳᠤ ᠣᠢᠷᠠᠲᠤᠭᠰᠠᠨ ᠣᠯᠠᠨ ᠠᠰᠠᠭᠤᠳᠠᠯᠢ ᠲᠣᠬᠢᠷᠠᠭᠤᠯᠵᠤ᠂ ᠰᠤᠷᠤᠬ᠍ᠴᠢᠳ ᠢᠳᠡᠪᠬᠢᠲᠡᠢᠪᠡᠷ ᠭᠠᠷ ᠡᠷᠭᠦᠵᠦ᠂ ᠥᠪᠡᠷᠦᠨ ᠦᠵᠡᠯᠲᠡᠪᠡᠨ ᠶᠠᠷᠢᠵᠤ ᠰᠤᠯᠢᠯᠴᠠᠨ ᠬᠤᠪᠢᠶᠠᠯᠴᠠᠪᠠ᠃ ᠴᠢᠨ ᠰᠢᠶᠤᠤ ᠬᠤᠢ ᠡᠴᠨ ᠪᠠᠰᠠ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠳᠣᠷᠣᠮᠵᠢᠯᠠᠯᠢ ᠬᠡᠷᠬᠢᠨ ᠠᠷᠭᠠᠴᠠᠭᠠᠬᠤ ᠲᠤᠬᠠᠢ ᠮᠡᠳᠡᠯᠬᠡ ᠵᠢ ᠵᠢᠭᠠᠵᠤ ᠦᠭᠪᠡ᠃ 《ᠪᠢ ᠳᠣᠷᠣᠮᠵᠢᠯᠠᠯᠳᠤ ᠣᠷᠤᠯᠴᠠᠬᠤ ᠦᠭᠡᠢ᠂ ᠬᠦᠢᠲᠡᠮᠰᠦᠭ ᠵᠢᠡᠷ ᠬᠠᠷᠠᠵᠤ ᠵᠤᠬᠰᠤᠬᠤ ᠦᠬᠡᠢ᠂ ᠪᠤᠰᠤᠳᠢ ᠭᠦᠨᠳᠦᠳᠭᠡᠵᠦ᠂ ᠳᠣᠷᠣᠮᠵᠢᠯᠠᠯᠢ ᠣᠯᠵᠤ ᠮᠡᠳᠡᠪᠡᠯ ᠰᠠᠨᠠᠭᠠᠴᠢᠯᠠᠭᠠᠡᠴᠨ ᠪᠠᠨ ᠮᠡᠳᠡᠭᠦᠯᠦᠨᠡ！》 ᠲᠠᠢᠯᠤᠮᠵᠢ ᠰᠢᠪᠲᠤᠷᠭᠠᠨᠳᠠᠭᠠᠨ ᠣᠷᠣᠬᠤ ᠦᠶᠡᠰ᠂ ᠰᠤᠷᠤᠬᠴᠢᠳ ᠪᠦᠬᠦᠳᠡᠬᠡᠷ ᠵᠢᠡᠨ ᠪᠠᠷᠠᠭᠤᠨ ᠨᠢᠳᠤᠷᠭᠠᠪᠠᠨ ᠵᠠᠩᠭᠢᠳᠴᠤ᠂ ᠴᠢᠨ ᠰᠢᠶᠤᠤ ᠬᠤᠢ ᠵᠢᠨ ᠲᠠᠭᠠᠭᠤᠯᠭᠠ ᠲᠤᠤᠷᠠ 《ᠳᠣᠷᠣᠮᠵᠢᠯᠠᠯᠢ ᠡᠰᠡᠷᠭᠦᠴᠡᠬᠦ ᠨᠥᠭᠦᠷᠰᠡᠭ ᠭᠡᠷᠡ》 ᠶ᠋ᠢ ᠲᠥᠪ ᠴᠢᠩᠭᠠᠪᠠᠷ ᠤᠩᠰᠢᠪᠠ᠃
ᠲᠠᠢᠯᠤᠮᠵᠢ ᠲᠡᠭᠡᠷᠡ᠂ ᠴᠢᠨ ᠰᠢᠶᠤᠤ ᠬᠤᠢ ᠪᠠᠰᠠ ᠺᠠᠷᠲ᠋ᠣᠨ ᠵᠢᠷᠤᠭᠢ ᠠᠰᠢᠭ᠍ᠯᠠᠨ᠂ ᠰᠤᠷᠤᠬ᠍ᠴᠢᠳᠲᠤ 110 （ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠬᠡᠷᠡᠭ ᠮᠡᠳᠡᠭᠦᠯᠬᠦ）᠂ 120 （ᠲᠦᠷᠭᠡᠨ ᠠᠪᠤᠷᠠᠯᠳᠠᠶᠢᠨ ᠲᠥᠪ）᠂ 122 （ᠵᠠᠮ ᠬᠠᠷᠢᠯᠴᠠᠭᠠᠨᠤ ᠡᠨᠳᠡᠯᠦᠨ ᠬᠡᠷᠡᠭ ᠮᠡᠳᠡᠭᠦᠯᠬᠦ） ᠵᠡᠷᠭᠡ 6 ᠲᠥᠷᠥᠯᠦᠨ ᠬᠡᠷᠡᠭᠯᠡᠭᠡᠨᠦ ᠲᠤᠰᠠᠯᠠᠮᠵᠢ ᠭᠤᠶᠤᠴᠢᠯᠠᠬᠤ ᠤᠲᠠᠰᠤᠶᠢᠨ ᠬᠡᠷᠡᠭᠯᠡᠯᠳᠡ ᠵᠢ ᠠᠮᠢᠳᠤᠯᠢᠭ᠋ ᠳᠦᠷᠰᠦᠯᠢᠭᠢᠶᠡᠷ ᠲᠦᠭᠡᠮᠡᠯᠵᠢᠭᠦᠯᠪᠡ᠃