10 ᠰᠠᠷᠠ ᠵᠢᠨ 18 ᠤ᠋ ᠡᠳᠦᠷ᠂ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭᠰᠢ ᠵᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠬᠡᠵᠢᠯᠤᠨ ᠳᠡᠦᠬᠡ ᠰᠤᠳᠤᠯᠬᠤ ᠬᠦᠷᠢᠶᠡᠯᠡᠩ ᠡᠴᠡ ᠭᠤᠤᠯᠯᠠᠨ ᠡᠷᠬᠢᠯᠡᠵᠤ᠂ ᠰᠢᠯᠢ ᠵᠢᠨ ᠭᠤᠤᠯ ᠠᠵᠢᠯ ᠮᠡᠷᠬᠡᠵᠢᠯᠤᠨ ᠳᠡᠬᠡᠳᠤ ᠰᠤᠷᠭᠠᠭᠤᠯᠢ ᠵᠢᠨ 《ᠮᠤᠩᠭᠤᠯ ᠠᠳᠤᠭᠤ》 ᠰᠡᠳᠬᠦᠯᠤᠨ ᠨᠠᠢᠷᠠᠭᠤᠯᠬᠤ ᠬᠡᠯᠳᠡᠰ ᠡᠴᠡ ᠬᠠᠮᠵᠢᠨ ᠡᠷᠬᠢᠯᠡᠭᠰᠡᠨ 《ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠ》 ᠵᠢᠴᠢ ᠠᠳᠤᠭᠤᠨ ᠰᠤᠶᠤᠯᠤᠨ ᠤᠯᠠᠨ ᠬᠠᠷᠠᠭᠠᠰᠤᠳᠤ ᠡᠷᠳᠡᠮ ᠰᠢᠨᠵᠢᠯᠡᠬᠡᠨᠤ ᠬᠤᠷᠠᠯ ᠬᠦᠬᠡᠬᠤᠳᠠ ᠳ᠋ᠤ ᠶᠠᠪᠤᠭᠳᠠᠪᠠ᠃
《ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠ》 ᠵᠢᠨ ᠡᠬᠢ ᠡᠬᠦᠰᠦᠯ ᠪᠠ ᠭᠤᠤᠯ ᠠᠭᠤᠯᠤᠭᠳᠠᠬᠤᠨ ᠢ᠋ ᠬᠦᠨᠵᠡᠬᠡᠢ ᠠᠭᠤᠳᠠᠯᠵᠤ᠂ ᠠᠳᠤᠭᠤᠨ ᠰᠤᠶᠤᠯᠤᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠨ ᠳ᠋ᠡᠬᠢ ᠬᠤᠰᠢᠭᠤᠷᠠᠯ ᠦᠷᠠ ᠪᠦᠳᠦᠬᠡᠯᠤᠨ ᠳᠤᠬᠠᠢ ᠰᠤᠯᠢᠯᠴᠠᠨ᠂ ᠠᠳᠤᠭᠤᠨ ᠰᠤᠶᠤᠯᠤᠨ ᠰᠢᠯᠢᠳᠡᠭ ᠦᠪ ᠬᠦᠷᠦᠩᠬᠡ ᠵᠢ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠵᠤ᠂ ᠠᠳᠤᠭᠤᠨ ᠰᠤᠶᠤᠯᠤᠨ ᠬᠠᠮᠢᠶᠠ ᠪᠦᠬᠦᠢ ᠰᠤᠳᠤᠯᠭᠠᠨ ᠢ᠋ ᠬᠦᠨᠵᠡᠬᠡᠢᠷᠡᠬᠦᠯᠦᠨ ᠠᠬᠢᠭᠤᠯᠬᠤ ᠵᠢᠨ ᠲᠦᠯᠦᠬᠡ ᠳᠤᠰ ᠤᠳᠠᠭᠠ ᠵᠢᠨ ᠡᠷᠳᠡᠮ ᠰᠢᠨᠵᠢᠯᠡᠬᠡᠨ ᠤ᠋ ᠬᠤᠷᠠᠯ ᠢ᠋ ᠬᠤᠷᠠᠯᠳᠤᠭᠤᠭᠰᠠᠨ ᠪᠠᠢᠨᠠ᠃
ᠣᠷᠣᠨᠤ ᠳᠣᠲᠣᠨᠠ ᠭᠠᠳᠠᠨᠠᠠᠴᠠ ᠢᠷᠡᠭᠰᠡᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨ ᠡᠷᠳᠡᠮᠲᠡᠳ ᠨᠢᠭᠡ ᠲᠠᠩᠬᠢᠮᠳᠤ ᠬᠤᠷᠠᠨ ᠴᠤᠭᠯᠠᠷᠠᠵᠤ᠂ ᠮᠣᠩᠭᠣᠯ ᠮᠣᠷᠢᠨᠤ ᠵᠣᠷᠢᠭ᠋ ᠰᠠᠨᠠᠭᠠ ᠵᠢᠨ ᠠᠭᠤᠯᠤᠭᠳᠠᠬᠤᠨᠢ ᠠᠭᠤᠳᠠᠯᠬᠤ᠂ ᠠᠳᠤᠭᠤ ᠮᠠᠯᠵᠢᠬᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯ ᠲᠡᠦᠬᠡ ᠰᠣᠶᠣᠯᠢ ᠬᠠᠢᠨ ᠰᠦᠪᠡᠭᠴᠢᠯᠡᠬᠦ᠂ ᠠᠳᠤᠭᠤᠨ ᠦᠢᠯᠡᠰᠦᠨ ᠬᠥᠭᠵᠢᠯᠲᠡᠶᠢᠨ ᠠᠷᠭᠠ ᠵᠠᠮᠢ ᠬᠠᠢᠨ ᠰᠦᠪᠡᠭᠴᠢᠯᠡᠬᠦ᠂ ᠠᠳᠤᠭᠤᠨᠤ ᠭᠣᠣᠯ ᠰᠡᠳᠦᠪᠲᠦ ᠰᠣᠶᠣᠯ ᠤᠷᠠᠯᠢᠭ᠋ᠤᠨ ᠪᠦᠲᠦᠭᠡᠯᠢ ᠵᠣᠬᠢᠶᠠᠨ ᠪᠦᠲᠦᠭᠡᠬᠦ᠂ ᠠᠳᠤᠭᠤᠨᠰᠣᠶᠣᠯᠤᠨ ᠰᠤᠳᠤᠯᠭᠠᠨᠤ ᠰᠢᠨᠡ ᠦᠷᠡ ᠪᠦᠲᠦᠭᠡᠯᠢ ᠳᠡᠯᠭᠡᠷᠡᠭᠦᠯᠬᠦ ᠵᠡᠷᠭᠡ ᠭᠣᠣᠯ ᠰᠡᠳᠦᠪᠦᠨ ᠲᠣᠭᠣᠷᠢᠨᠳᠤ 17 ᠡᠷᠳᠡᠮᠳᠡᠨ ᠰᠤᠳᠤᠯᠭᠠᠳᠠᠨ ᠠᠳᠠᠯᠢ ᠪᠤᠰᠤ ᠬᠠᠷᠭᠠᠠᠰᠤ ᠡᠴᠡ ᠢᠯᠡᠳᠬᠡᠯ ᠬᠢᠵᠦ ᠪᠤᠳᠤᠯ ᠰᠠᠨᠠᠯ ᠵᠢᠡᠨ ᠬᠤᠪᠢᠶᠠᠯᠴᠠᠨ᠂ ᠮᠣᠩᠭᠣᠯ ᠮᠣᠷᠢᠨᠤ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠪᠠᠳᠠᠷᠠᠭᠤᠯᠬᠤ᠂ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ᠂ ᠠᠵᠤ ᠦᠢᠯᠡᠰᠦᠨ ᠬᠥᠭᠵᠢᠯᠲᠡᠳᠦ ᠦᠢᠯᠡᠴᠢᠯᠡᠬᠦ ᠵᠡᠷᠭᠡ ᠲᠠᠯᠠᠪᠠᠷ ᠪᠦᠲᠦᠮᠵᠢᠲᠡᠶ ᠪᠥᠭᠡᠳ ᠭᠦᠨᠵᠡᠭᠡᠢ ᠬᠠᠢᠨ ᠰᠦᠪᠡᠭᠴᠢᠯᠡᠯᠲᠡ ᠬᠢᠵᠡᠢ᠃
ᠬᠤᠷᠠᠯ ᠨᠢ ᠪᠦᠬᠦ ᠤᠯᠤᠰᠤᠨ ᠬᠡᠪᠴᠢᠶᠠ ᠳᠠᠢ ᠶᠠᠪᠤᠭᠳᠠᠵᠤ᠂ ᠲᠦᠪᠤᠨ ᠦᠨᠳᠦᠰᠦᠳᠡᠨᠤ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠤᠷᠤᠨ ᠤ᠋ ᠳᠤᠳᠤᠷᠠᠬᠢ ᠶᠡᠬᠡ ᠳᠡᠬᠡᠳᠤ ᠰᠤᠷᠭᠠᠭᠤᠯᠢ ᠵᠢᠴᠢ ᠡᠯᠠ ᠠᠢᠮᠠᠭ ᠬᠤᠳᠠ᠂ ᠬᠦᠬᠡᠨᠠᠭᠤᠷ᠂ ᠰᠢᠨᠵᠢᠶᠡᠩ ᠵᠡᠷᠬᠡ ᠭᠠᠵᠠᠷ ᠡᠴᠡ ᠢᠷᠡᠭᠰᠡᠨ ᠳᠤᠰᠬᠠᠢ ᠮᠡᠷᠬᠡᠵᠢᠯᠳᠡᠨ ᠡᠷᠳᠡᠮᠳᠡᠨ ᠰᠤᠳᠤᠯᠭᠠᠳᠠᠨ ᠮᠠᠯᠴᠢᠨ 70 ᠭᠠᠷᠤᠢ ᠬᠦᠮᠦᠨ ᠤᠷᠤᠯᠴᠠᠪᠠ᠃
ᠬᠤᠷᠠᠯ ᠳᠡᠬᠡᠷᠡ 《ᠮᠤᠩᠭᠤᠯ ᠠᠳᠤᠭᠤ ᠰᠤᠳᠤᠯᠤᠯ》 — 2023 ᠤᠨ ᠤ᠋ ᠪᠦᠬᠦ ᠤᠷᠤᠨᠤ ᠠᠳᠤᠭᠤᠨ ᠰᠤᠶᠤᠯᠤᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯᠤᠨ ᠦᠬᠦᠯᠡᠯᠤᠨ ᠳᠡᠬᠦᠪᠦᠷᠢ ᠵᠢ ᠳᠠᠷᠬᠠᠭᠠᠭᠰᠠᠨ ᠪᠠᠢᠨᠠ᠃ ᠳᠤᠰ ᠳᠡᠬᠦᠪᠦᠷᠢ ᠨᠢ ᠳᠡᠦᠬᠡ ᠰᠤᠷᠪᠤᠯᠵᠢᠰ ᠳᠡᠬᠢ ᠮᠤᠩᠭᠤᠯ ᠠᠳᠤᠭᠤ᠂ ᠠᠳᠤᠭᠤ ᠰᠤᠳᠤᠯᠤᠯᠤᠨ ᠨᠤᠮ ᠬᠡᠪᠯᠡᠯ᠂ ᠠᠳᠤᠭᠤᠨ ᠳ᠋ᠤ ᠬᠤᠯᠪᠤᠭᠳᠠᠭᠰᠠᠨ ᠵᠠᠩ ᠦᠢᠯᠡ᠂ ᠦᠯᠢᠬᠡᠷ ᠳᠤᠮᠤᠭ᠂ ᠳᠠᠭᠤᠤ ᠪᠦᠵᠢᠭ᠂ ᠭᠠᠵᠠᠷ ᠤᠰᠤᠨ ᠤ᠋ ᠨᠡᠷᠡᠢᠳᠦᠯ᠂ ᠮᠤᠷᠢᠨ ᠤ᠋ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠵᠡᠷᠬᠡ ᠤᠯᠠᠨ ᠳᠠᠯᠠ ᠵᠢᠨ ᠠᠭᠤᠯᠭᠠ ᠵᠢ ᠬᠠᠮᠤᠷᠴᠤ᠂ ᠮᠤᠩᠭᠤᠯ ᠠᠳᠤᠭᠤ ᠰᠤᠳᠤᠯᠤᠯᠤᠨ ᠴᠢᠨᠠᠭᠰᠢᠳᠠ ᠵᠢᠨ ᠬᠦᠭᠵᠢᠯᠳᠡ ᠳ᠋ᠤ ᠡᠷᠳᠡᠮ ᠰᠢᠨᠵᠢᠯᠡᠬᠡᠨᠤ ᠦᠨᠠ ᠦᠷᠳᠡᠭ ᠪᠠ ᠪᠤᠳᠠᠳᠤ ᠬᠡᠷᠡᠭᠯᠡᠬᠡᠨᠤ ᠠᠴᠢ ᠬᠤᠯᠪᠤᠭᠳᠠᠯ ᠳᠠᠢ ᠶᠤᠮ᠃ 《〈ᠮᠤᠩᠭᠤᠯ ᠠᠳᠤᠭᠤ〉 ᠰᠡᠳᠬᠦᠯ ᠨᠢ 2025 ᠤᠨ ᠤ᠋ ᠡᠬᠢ ᠪᠡᠷ 〈ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ ᠰᠠᠨᠠᠭᠠ〉 ᠪᠡᠷ ᠭᠤᠤᠯ ᠰᠡᠳᠦᠪᠯᠡᠬᠦᠨ ᠪᠤᠯᠭᠠᠭᠰᠠᠨ ᠳᠤᠰᠬᠠᠢ ᠳ᠋ᠤᠭᠠᠷ ᠵᠢᠡᠨ ᠬᠡᠪᠯᠡᠬᠦᠯᠬᠦ ᠪᠡᠷ ᠪᠡᠯᠡᠳᠬᠡᠵᠦ᠂ ᠳᠤᠰᠬᠠᠢ ᠨᠠᠢᠷᠠᠭᠤᠯᠬᠤ ᠺᠤᠮᠢᠰ ᠪᠠᠢᠭᠤᠯᠵᠤ᠂ ᠬᠠᠭᠠᠰ ᠵᠢᠯ ᠭᠠᠷᠤᠢ ᠵᠢᠨ ᠬᠤᠭᠤᠴᠠᠭᠠᠨ ᠳ᠋ᠤ ᠡᠬᠡ ᠪᠢᠴᠢᠭ ᠡᠯᠰᠡᠬᠦ᠂ ᠡᠬᠡ ᠪᠢᠴᠢᠭ ᠵᠢᠡᠨ ᠨᠠᠢᠷᠠᠭᠤᠯᠬᠤ᠂ ᠪᠠᠷᠯᠬᠤ ᠱᠠᠳᠤᠨ ᠳ᠋ᠤ ᠤᠷᠤᠵᠤ᠂ ᠡᠨᠡ ᠤᠳᠠᠭᠠ ᠵᠢᠨ ᠬᠤᠷᠠᠯ ᠳᠡᠬᠡᠷᠡ ᠳᠤᠰᠬᠠᠢ ᠳ᠋ᠤᠭᠠᠷᠤᠨ ᠡᠬᠡ ᠪᠢᠴᠢᠭ ᠵᠢᠡᠨ ᠡᠷᠳᠡᠮᠳᠡᠨ ᠪᠠᠭᠰᠢ ᠵᠢᠡᠷ ᠬᠢᠨᠠᠯᠳᠠ ᠬᠢᠯᠬᠡᠬᠦ ᠵᠢᠴᠢ ᠳᠤᠰᠬᠠᠢ ᠰᠠᠨᠠᠯ ᠵᠦᠪᠯᠡᠯᠬᠡ ᠠᠪᠬᠤ ᠵᠢ ᠵᠤᠷᠢᠵᠠᠢ》 ᠬᠡᠵᠦ 《ᠮᠤᠩᠭᠤᠯ ᠠᠳᠤᠭᠤ》 ᠰᠡᠳᠬᠦᠯᠤᠨ ᠡᠷᠬᠢᠯᠡᠨ ᠨᠠᠢᠷᠠᠭᠤᠯᠤᠭᠴᠢ ᠪᠦᠷᠢᠨᠪᠢᠯᠢᠭ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳ᠋ᠡᠬᠡᠨ ᠬᠡᠯᠡᠪᠡ᠃
