2025 ᠣᠨᠤ ᠨᠠᠶ᠋ᠮᠠᠨ ᠰᠠᠷᠠ ᠵᠢᠨ ᠲᠡᠷᠭᠡᠯ ᠪᠠᠶᠠᠷ᠂ ᠤᠯᠤᠰᠤᠨ ᠪᠠᠶᠠᠷᠤᠨ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠪᠤᠭᠤᠲᠤ ᠬᠣᠲᠠ《ᠬᠦᠷ ᠬᠦᠭᠵᠢᠶᠡᠨᠳᠤ ᠪᠤᠭᠤᠳᠤ ᠬᠤᠳᠠ·ᠳᠤᠮᠳᠠᠳᠤ ᠪᠠᠨ ᠮᠠᠭᠳᠠᠨ ᠳᠠᠭᠤᠯᠠᠶᠠ》 ᠭᠡᠬᠦ᠌ 10 ᠶᠡᠬᠡ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠵᠢᠯᠯᠠᠭᠠ ᠲᠤᠬᠢᠷᠠᠭᠤᠯᠵᠤ᠂ ᠪᠥᠬᠥ᠌ ᠬᠣᠲᠠᠶ᠋ᠢᠨ ᠦᠵᠡᠮᠵᠢᠶ᠋ᠢᠨ ᠭᠠᠵᠠᠷ᠂ ᠰᠥᠨᠢᠶ᠋ᠢᠨ ᠵᠠᠬᠠ ᠵᠡᠭᠡᠯᠢ ᠲᠣᠭᠣᠷᠢᠭ᠂ ᠬᠤᠳᠠᠯᠳᠤᠭᠠᠨᠤ ᠲᠠᠯᠠᠪᠤᠷ ᠵᠡᠷᠭᠡ ᠲᠠᠯᠠᠪᠤᠷ ᠭᠠᠵᠠᠷᠲᠤ 120 ᠭᠠᠷᠤᠶ ᠵᠦᠶ᠋ᠯᠦᠨ᠂ 600 ᠭᠠᠷᠤᠶ ᠲᠠᠯᠠᠪᠠᠢ ᠤᠳᠠᠭᠠᠨᠤ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠶ ᠠᠵᠢᠯᠯᠠᠭᠠᠶ᠋ᠢ ᠲᠥᠪᠯᠡᠷᠡᠭᠦᠯᠦᠨ ᠦᠷᠨᠢᠭᠦᠯᠵᠤ᠂ 10 ᠵᠤᠷᠪᠤᠰ ᠰᠣᠳᠣᠨ ᠵᠢᠭᠤᠯᠴᠢᠯᠠᠯᠤᠨ ᠵᠠᠮ ᠱᠤᠭᠤᠮᠢ ᠵᠡᠷᠭᠡ ᠪᠡᠷ ᠭᠠᠷᠭᠠᠵᠤ᠂ ᠪᠥᠬᠥ᠌ ᠦᠵᠡᠮᠵᠢ᠂ ᠣᠯᠠᠨ ᠬᠠᠷᠠᠭᠠᠰᠤᠪᠠᠷ ᠵᠢᠭᠤᠯᠴᠢᠯᠠᠭ᠍ᠰᠠᠳᠲᠤ ᠠᠮᠠᠷᠠᠯᠲᠠᠶ᠋ᠢᠨ ᠦᠪᠡᠳᠡᠭ᠌ᠰᠢ ᠳᠠᠢᠯᠠᠯᠭᠠᠶ᠋ᠢ ᠳᠡᠪᠱᠢᠭᠦᠯᠵᠦ᠍ ᠥᠭ᠌ᠬᠦ ᠪᠣᠯᠤᠨᠠ᠃
10 ᠶᠡᠬᠡ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠵᠢᠯᠯᠠᠭᠠ ᠳ᠋ᠤ ᠬᠢᠯᠠᠰ ᠴᠡᠭ ᠲᠠᠰᠤᠷᠠᠯᠳᠠ ᠦᠭᠡᠢ ᠢᠯᠡᠷᠡᠨᠠ᠃ ᠲᠩᠷᠢᠶ᠋ᠢᠨ ᠳᠣᠣᠷᠠᠬᠢ ᠬᠠᠳᠤᠨ ᠭᠣᠣᠯᠤᠨ ᠨᠢᠭᠡᠳᠦᠭᠡᠷ ᠲᠣᠰᠭᠣᠨ᠂ ᠨᠠᠨ ᠬᠠᠢ ᠨᠤᠭᠤ ᠭᠠᠵᠠᠷᠤᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨ ᠵᠡᠷᠭᠡ 《ᠬᠠᠳᠤᠨ ᠭᠣᠣᠯ ᠤ᠋ᠨ ᠠᠶᠠ ᠳᠠᠭᠤᠤ》ᠠᠬᠤᠢ ᠲᠠᠯᠠᠪᠠᠢᠳᠤ ᠮᠢᠩᠭᠠᠨ ᠬᠥᠮᠦᠨᠦ ᠴᠠᠬᠢᠯᠭᠠᠨ ᠠᠶᠠ ᠵᠢ ᠬᠠᠩᠭᠢᠨᠠᠭᠤᠯᠵᠤ᠂ ᠬᠦᠷ ᠬᠦᠭᠵᠢᠶᠡᠨᠳᠤ ᠳᠠᠭᠤᠤ ᠬᠥᠭ᠌ᠵᠢᠮ ᠤ᠋ᠨ ᠨᠠᠢᠷ ᠢ᠋ ᠤᠯᠠᠨ ᠳ᠋ᠤ ᠡᠷᠭᠦᠪᠡ； ᠪᠤᠭᠤᠳᠤ ᠵᠢᠨ ᠬᠦᠪᠦᠩ ᠤ᠋ᠨ ᠦᠢᠯᠡᠳᠪᠦᠷᠢ 1958᠂ ᠪᠤᠭᠤᠳᠤ ᠵᠢᠨ ᠶᠠᠪᠠᠭᠠᠨ ᠵᠡᠭᠡᠯᠢ ᠵᠡᠷᠭᠡ ᠵᠢᠨ《ᠵᠡᠭᠡᠯᠢ ᠭᠤᠳᠤᠮᠵᠢ》 ᠵᠢᠨ ᠠᠬᠤᠢ ᠲᠠᠯᠠᠪᠠᠢ ᠳ᠋ᠤ᠂ ᠨᠠᠢ᠍ᠮᠠᠨ ᠰᠠᠷᠠᠶ᠋ᠢᠨ ᠲᠡᠷᠭᠡᠯ ᠪᠠᠶᠠᠷᠤᠨ 《ᠰᠠᠷᠠᠨᠳᠤ ᠮᠥᠷᠭᠥᠬᠦ᠌ ᠶᠣᠰᠣᠯᠠᠯ》᠂ ᠤᠯᠤᠰᠤᠨ ᠪᠠᠶᠠᠷᠤᠨ ᠵᠠᠯᠠᠭᠤᠴᠤᠳᠤᠨ ᠵᠠᠬᠠ ᠳᠡᠯᠭᠡᠭᠦᠷ ᠵᠡᠷᠭᠡ ᠠᠵᠢᠯᠯᠠᠭᠠ ᠲᠤᠬᠢᠷᠠᠭᠤᠯᠵᠤ᠂ 《ᠡᠷᠲᠡᠨᠦ ᠵᠠᠩᠰᠢᠯ ᠪᠣᠯᠤᠨ ᠤᠳᠤ ᠴᠠᠭ ᠤ᠋ᠨ ᠤᠷᠤᠰᠭᠠᠯ》 ᠤ᠋ᠨ ᠭᠣᠢᠳᠠ ᠰᠠᠢᠬᠠᠨ ᠶᠠᠷᠢᠯᠴᠠᠭᠠᠶ᠋ᠢ ᠦᠵᠡᠭᠦᠯᠪᠡ； ᠸᠠᠨ ᠳ᠋ᠠ ᠠᠭᠤᠳᠠᠮ ᠲᠠᠯᠠᠪᠠᠢ᠂ ᠮᠤᠤ ᠶᠧ ᠲᠢᠶᠠᠨ ᠳ᠋ᠢ ᠵᠡᠷᠭᠡ 《ᠬᠤᠳᠠᠯᠳᠤᠭᠠᠨᠤ ᠲᠣᠭᠣᠷᠢᠭ》 ᠤ᠋ᠨ ᠠᠬᠤᠢ ᠲᠠᠯᠠᠪᠠᠢᠳᠦ᠂ ᠱᠣᠭ ᠶᠠᠷᠢᠶᠠ ᠰᠣᠨᠣᠰᠴᠤ᠌᠂ ᠱᠣᠣᠮᠠᠢ ᠱᠣᠭ ᠵᠦᠴᠦᠭᠡ ᠦᠵᠡᠵᠦ᠍᠂ ᠬᠤᠳᠠᠶ᠋ᠢᠨ ᠠᠷᠠᠳᠤᠨ ᠳᠠᠭᠤᠤ ᠳᠠᠭᠤᠯᠠᠵᠤ᠂ ᠢᠨᠢᠶᠡᠳᠤ ᠪᠠᠶᠡᠷ ᠵᠢᠡᠷ ᠪᠢᠯᠬᠠᠨᠠ； ᠰᠠᠢᠬᠠᠨᠲᠠᠯᠠ᠂ ᠪᠤᠭᠤᠲᠤᠶ᠋ᠢᠨ ᠡᠷᠲᠡᠨᠦ ᠬᠣᠲᠠ ᠵᠡᠷᠭᠡ ᠦᠵᠡᠮᠵᠢ ᠵᠢᠨ ᠤᠷᠤᠨ ᠤ᠋ ᠠᠬᠤᠢ ᠲᠠᠯᠠᠪᠠᠢ ᠳ᠋ᠤ᠂ 《ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠮᠢᠨᠦ ᠨᠤᠲᠤᠭ》ᠭᠡᠬᠦ᠌ ᠤᠯᠤᠰᠤᠨ ᠪᠠᠶᠠᠷᠤᠨ ᠳᠠᠭᠤᠤ ᠬᠥᠭ᠌ᠵᠢᠮᠦᠨ ᠴᠤᠭ᠍ᠯᠠᠭᠠᠨ᠂ ᠪᠤᠭᠤᠲᠤᠶ᠋ᠢᠨ ᠮᠢᠩᠭᠠᠨ ᠳ᠋ᠧᠩᠦᠨ ᠴᠤᠭ᠍ᠯᠠᠭᠠᠨ᠂ ᠲᠤᠤᠷᠠᠶ ᠤᠯᠢᠶᠠᠰᠤ ᠵᠢᠨ ᠤᠢ ᠪᠡᠷ ᠥᠪᠡᠷ ᠵᠢᠡᠨ ᠲᠡᠷᠭᠡ ᠵᠢᠯᠤᠭᠤᠳᠴᠤ ᠲᠤᠭᠤᠷᠢᠬᠤ ᠵᠡᠷᠭᠡ ᠠᠵᠢᠯᠯᠠᠭᠠ ᠭᠠᠷᠭᠠᠪᠠ； ᠵᠢᠦᠶᠤᠸᠠᠨᠤ ᠾᠧᠩ ᠱᠤ᠌ ᠵᠡᠭᠡᠯᠢ᠂ ᠳ᠋ᠦᠩ ᠳ᠋ᠡ ᠱᠠᠨ ᠤᠷᠠᠯᠢᠭᠤᠨ ᠲᠥᠪ ᠵᠡᠷᠭᠡ《ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠠᠮᠲᠠᠲᠤ ᠢᠳᠡᠭᠡᠨ》 ᠤ᠋ ᠠᠬᠤᠶ ᠲᠠᠯᠠᠪᠠᠢᠳᠤ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠠᠮᠲᠠᠲᠤ ᠢᠳᠡᠭᠡᠨᠢ ᠠᠮᠲᠠᠯᠠᠵᠤ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠤᠯᠠᠮᠵᠢᠯᠠᠯ ᠢ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠵᠤ ᠪᠤᠯᠤᠨᠠ； ᠪᠤᠭᠤᠲᠤᠶ᠋ᠢᠨ ᠶᠡᠬᠡ ᠲᠢᠶᠠᠲᠷ᠂ ᠪᠠᠭᠠ ᠲᠢᠶᠠᠲᠷ ᠵᠡᠷᠭᠡ 《ᠲᠢᠶᠠᠲᠷᠤᠨ ᠮᠠᠭ᠍ᠲᠠᠭᠠᠯ》ᠤ᠋ᠨ ᠠᠬᠤᠢ ᠲᠠᠯᠠᠪᠠᠢᠳᠤ᠂ ᠤᠯᠤᠰᠤᠨ ᠪᠠᠶᠠᠷᠤᠨ ᠨᠠᠢᠷᠠᠯ ᠬᠥᠭ᠌ᠵᠢᠮᠦᠨ ᠦᠳᠡᠱᠢᠯᠡᠭᠡ᠂ ᠵᠤᠭᠤᠭ ᠤ᠋ᠨ ᠱᠤᠹ᠂ ᠬᠡᠦᠬᠡᠳᠦᠨ ᠵᠦᠴᠦᠭᠡ ᠲᠤᠬᠢᠷᠠᠭᠤᠯᠵᠤ᠂ ᠡᠯᠡ ᠨᠠᠰᠤᠨᠤ ᠵᠢᠭᠤᠯᠴᠢᠯᠠᠭᠰᠠᠳ ᠲᠤ᠌ ᠴᠥᠮ ᠬᠠᠪᠤ ᠴᠡᠩᠭᠡᠯᠢ ᠣᠯᠭᠣᠨᠠ； ᠪᠤᠭᠤᠲᠤᠶ᠋ᠢᠨ ᠮᠦᠽᠧᠢ᠂ ᠤᠷᠠᠨ ᠵᠢᠷᠤᠭᠤᠨ ᠣᠷᠳᠣᠨ ᠵᠡᠷᠭᠡ 《ᠰᠣᠶᠣᠯᠤᠨ ᠦᠵᠡᠰᠭᠦᠯᠡᠩ》 ᠤ᠋ᠨ ᠠᠬᠤᠢ ᠲᠠᠯᠠᠪᠠᠢᠳᠤ᠂ 《ᠡᠭᠡ ᠤᠯᠤᠰᠤᠨ ᠮᠡᠨᠳᠦᠯᠡᠭ᠌ᠰᠡᠨ ᠡᠳᠦᠷᠢ ᠬᠠᠮᠲᠤᠪᠠᠷ ᠪᠡᠯᠭᠡᠯᠡᠵᠤ ᠲᠡᠤᠬᠡᠨ ᠳᠤᠷᠠᠰᠬᠠᠯ ᠢ᠋ ᠤᠯᠠᠮᠵᠢᠯᠠᠬᠤᠢ》ᠣᠨᠴᠠᠭᠠᠢ ᠦᠵᠡᠰᠭᠦᠯᠡᠩ᠂ ᠤᠯᠤᠰᠤᠨ ᠪᠠᠶᠠᠷ ᠪᠠ ᠨᠠᠢ᠍ᠮᠠᠨ ᠰᠠᠷᠠᠶ᠋ᠢᠨ ᠲᠡᠷᠭᠡᠯ ᠪᠠᠶᠠᠷᠤᠨ ᠤᠷᠠᠯᠢᠭᠤᠨ ᠪᠦᠲᠦᠭᠡᠯᠦᠨ ᠴᠤᠭ᠍ᠯᠠᠭᠠᠨ ᠲᠤᠬᠢᠷᠠᠭᠤᠯᠵᠤ᠂ ᠬᠤᠳᠠᠶ᠋ᠢᠨ ᠭᠦᠨ ᠵᠤᠵᠠᠭᠠᠨ ᠰᠣᠶᠣᠯᠤᠨ ᠠᠭᠤᠯᠤᠭᠳᠠᠬᠤᠨ ᠢ᠋ ᠦᠵᠡᠭᠦᠯᠪᠡ；ᠸᠠᠩ ᠷᠦᠸᠸ ᠹᠸᠢ ᠵᠢᠨ ᠳᠤᠷᠠᠰᠭᠠᠯᠤᠨ ᠣᠷᠳᠣᠨ᠂ ᠲᠢᠶᠠᠨ ᠾᠧ ᠵᠢᠮᠢᠰ ᠲᠡᠭᠦᠬᠦ᠌ ᠬᠦᠷᠢᠶᠡᠯᠡᠩ ᠵᠡᠷᠭᠡ《ᠬᠡᠦᠬᠡᠳᠦᠨ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠵᠤᠭᠠ ᠴᠡᠩᠭᠡᠯ》ᠤ᠋ᠨ ᠠᠬᠤᠢ ᠲᠠᠯᠠᠪᠠᠢᠳᠤ᠂ ᠭᠠᠢᠬᠠᠮᠱᠢᠭ᠍ᠲᠤ ᠣᠨ ᠰᠠᠷᠠᠶ᠋ᠢ ᠲᠠᠬᠢᠨ ᠡᠷᠭᠢᠴᠡᠭᠦᠯᠬᠦ᠂ ᠬᠠᠯᠠᠭᠤᠨ ᠪᠦᠰᠡᠨᠦ ᠪᠣᠷᠣᠭᠠᠨᠲᠤ ᠤᠢᠶ᠋ᠢᠨ ᠬᠠᠴᠢᠨ ᠭᠠᠢᠬᠠᠮᠱᠢᠭ᠍ᠲᠤ ᠠᠮᠢᠳᠠᠨ ᠵᠡᠷᠭᠡ ᠠᠵᠢᠯᠯᠠᠭᠠ ᠲᠤᠬᠢᠷᠠᠭᠤᠯᠵᠤ᠂ ᠵᠢᠭᠤᠯᠴᠢᠯᠠᠭᠰᠠᠳ ᠤ᠋ᠨ ᠤᠯᠤᠰ ᠵᠢᠡᠨ ᠬᠠᠢᠷᠠᠯᠠᠬᠤ ᠤᠭ ᠰᠠᠨᠠᠭᠠ ᠵᠢ ᠪᠠᠳᠤᠳᠬᠠᠵᠤ᠂ ᠡᠬᠡ ᠪᠠᠢᠭᠠᠯᠢᠶ᠋ᠢ ᠨᠡᠩ ᠳᠣᠲᠣᠨᠣᠴᠢᠯᠠᠬᠤ ᠪᠤᠯᠭᠠᠪᠠ；ᠪᠤᠭᠤᠲᠤ ᠳ᠋ᠡᠬᠢ ᠪᠠᠷᠠᠭᠤᠨ ᠪᠤᠭᠤᠮᠳᠠ ᠪᠡᠷ ᠭᠠᠷᠤᠭᠰᠠᠨ ᠲᠡᠦᠬᠡ ᠰᠣᠶᠣᠯᠤᠨ ᠵᠡᠭᠡᠯᠢ ᠲᠣᠭᠣᠷᠢᠭ᠂ ᠪᠤᠭᠤᠲᠤᠶ᠋ᠢᠨ ᠵᠢᠨ ᠵᠢᠶᠸ ᠵᠡᠭᠡᠯᠢ ᠵᠡᠷᠭᠡ《ᠪᠠᠷᠠᠭᠤᠨ ᠪᠤᠭᠤᠮᠳᠠ ᠪᠡᠷ ᠭᠠᠷᠤᠭᠰᠠᠨ ᠲᠦᠷᠦᠯ ᠰᠠᠳᠤᠨᠢᠶᠠᠨ ᠡᠷᠬᠢᠨ ᠦᠵᠡᠬᠦ᠌》 ᠠᠬᠤᠢ ᠲᠠᠯᠠᠪᠠᠢᠳᠦ᠂ 《ᠬᠠᠭᠤᠴᠢᠨ ᠪᠤᠭᠤᠲᠤ》 ᠵᠢᠨ ᠰᠣᠶᠣᠯᠤᠨ ᠲᠣᠭ᠍ᠯᠠᠯᠲᠠ᠂ ᠤᠯᠠᠮᠵᠢᠯᠠᠯᠲᠤ ᠵᠠᠩ ᠦᠢᠯᠡᠶ᠋ᠢ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ ᠵᠡᠷᠭᠡ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠵᠢᠭᠤᠯᠴᠢᠯᠠᠭᠰᠠᠳᠲᠤ ᠪᠠᠷᠠᠭᠤᠨ ᠪᠤᠭᠤᠮᠳᠠ ᠪᠡᠷ ᠭᠠᠷᠤᠭᠰᠠᠨ ᠰᠣᠶᠣᠯᠤᠨ ᠭᠦᠨ ᠵᠤᠵᠠᠭᠠᠨ ᠰᠠᠭᠤᠷᠢ ᠪᠠ ᠤᠯᠠᠮᠵᠢᠯᠠᠯᠢ ᠮᠡᠳᠡᠷᠡᠭᠦᠯᠦᠨᠠ； ᠲᠤᠤ ᠮᠠ ᠭᠸᠦ ᠲᠠᠷᠢᠶᠠᠯᠠᠩᠤᠨ ᠡᠳ᠋ᠯᠡᠩ᠂ ᠬᠡᠭᠡᠷᠡ ᠪᠠᠭᠤᠳᠠᠯᠯᠠᠬᠤ ᠭᠠᠵᠠᠷ ᠵᠡᠷᠭᠡ《ᠬᠥᠳᠡᠭᠡ ᠲᠣᠰᠭᠣᠨᠤ ᠪᠠᠶᠠᠷ ᠬᠦᠷ》 ᠤ᠋ᠨ ᠠᠬᠤᠢ ᠲᠠᠯᠠᠪᠠᠢ ᠳ᠋ᠤ᠂ ᠱᠣᠭ ᠵᠦᠴᠦᠭᠡ᠂ ᠪᠣᠳᠠᠲᠤ ᠦᠵᠡᠭ᠌ᠳᠡᠯᠲᠦ ᠵᠦᠴᠦᠭᠡ᠂ ᠬᠡᠭᠡᠷᠡ ᠪᠠᠭᠤᠳᠠᠯᠯᠠᠬᠤ ᠵᠡᠷᠭᠡ ᠵᠢ ᠲᠤᠬᠢᠷᠠᠭᠤᠯᠵᠤ᠂ ᠵᠢᠭᠤᠯᠴᠢᠯᠠᠭᠰᠠᠳ ᠢ᠋ 《ᠲᠣᠭᠣᠷᠢᠨ ᠦᠵᠡᠭ᠌ᠴᠢ》 ᠡᠴᠡ 《ᠣᠷᠣᠯᠴᠠᠭ᠍ᠴᠢ》 ᠪᠣᠯᠭᠠᠵᠤ᠂ ᠪᠠᠶᠠᠷ ᠪᠠᠶᠠᠰᠤᠯᠢ ᠡᠳ᠋ᠯᠡᠭᠦᠯᠦᠨᠡ᠃
《ᠬᠤᠪᠢᠰᠭᠠᠯᠤᠨ ᠤᠯᠠ ᠮᠦᠷ·ᠤᠭ ᠰᠠᠨᠠᠭᠠ ᠵᠢᠨ ᠭᠠᠵᠠᠷ》᠂ 《ᠪᠤᠯᠤᠳ ᠳᠠᠮᠤᠷᠦᠨ ᠨᠢᠷᠤᠭᠤ· ᠪᠤᠯᠤᠳ ᠬᠤᠳᠠᠶ᠋ᠢᠨ ᠦᠳᠡᠰᠢ》᠂ 《ᠲᠠᠯᠠ ᠨᠤᠲᠤᠭ ᠤᠨ ᠨᠠᠮᠤᠷ·ᠮᠠᠯᠵᠢᠯ ᠤ᠋ᠨ ᠳᠠᠭᠤᠤ》᠂《ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠳᠣᠲᠣᠨᠠ ᠭᠠᠳᠠᠨᠠ·ᠬᠢᠯᠢ ᠬᠢᠵᠠᠭᠠᠷ ᠤ᠋ᠨ ᠬᠠᠢᠷᠠ ᠰᠡᠳᠭᠢᠯᠭᠡ》᠂ 《ᠬᠠᠳᠤᠨ ᠭᠣᠣᠯ ᠤᠨ ᠬᠦᠪᠡᠬᠡ·ᠡᠷᠲᠡᠨᠦ ᠦᠩᠬᠡ》᠂《ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪ ᠢ ᠬᠠᠢᠬᠤᠢ·ᠤᠷᠠᠨ ᠳᠠᠷᠬᠠᠨᠤ ᠰᠡᠳᠭᠢᠯ》᠂ 《ᠦᠵᠡᠰᠭᠦᠯᠡᠩᠳᠤ ᠨᠠᠢᠷᠠᠮᠳᠠᠭᠤ ᠬᠥᠳᠡᠭᠡ ᠲᠣᠰᠭᠣᠨ·ᠡᠯᠪᠡᠭ ᠬᠤᠷᠢᠶᠠᠯᠲᠠᠶ᠋ᠢᠨ ᠳᠠᠢᠯᠠᠯᠭᠠ》᠂ 《ᠪᠠᠷᠠᠭᠤᠨ ᠪᠣᠭᠣᠮᠲᠠᠶ᠋ᠢᠨ ᠬᠠᠢᠷᠠ ᠰᠡᠳᠭᠢᠯᠭᠡ·ᠨᠤᠲᠤᠭ ᠪᠤᠴᠠᠬᠤ ᠵᠠᠮ》᠂《ᠤᠷᠤᠰᠬᠠᠯᠳᠤ ᠵᠡᠭᠡᠯᠢ·ᠠᠮᠢᠳᠤᠷᠠᠯ ᠤ᠋ᠨ ᠠᠭᠤᠷ ᠠᠮᠢᠰᠬᠤᠯ》᠂ 《ᠰᠤᠶᠤᠯ ᠤ᠋ᠨ ᠦᠯᠡᠳᠡᠭᠳᠡᠯ》 ᠵᠡᠷᠭᠡ 10 ᠰᠤᠳᠤᠨ ᠵᠢᠭᠤᠯᠴᠢᠯᠠᠯ ᠤ᠋ᠨ ᠱᠤᠭᠤᠮ ᠨᠢ ᠥᠪᠡᠷᠮᠢᠴᠡ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠳᠤᠷᠠᠰᠤᠮᠵᠢ ᠵᠢ ᠬᠤᠯᠪᠤᠵᠤ᠂ ᠥᠷᠭᠡᠨ ᠣᠯᠠᠨ ᠵᠢᠭᠤᠯᠴᠢᠯᠠᠭᠰᠠᠳ ᠲᠤ᠌ ᠬᠠᠳᠤᠨ ᠭᠤᠤᠯ ᠤᠨ ᠰᠦᠷᠯᠢᠭ ᠰᠠᠢᠬᠠᠨ᠂ ᠠᠵᠤ ᠦᠢᠯᠡᠳᠪᠦᠷᠢᠶ᠋ᠢᠨ ᠰᠠᠭᠤᠷᠢ᠂ ᠪᠠᠷᠠᠭᠤᠨ ᠪᠤᠭᠤᠮᠳᠠ ᠵᠢᠨ ᠵᠠᠩ ᠦᠢᠯᠡ᠂ ᠬᠤᠳᠠᠶ᠋ᠢᠨ ᠠᠷᠠᠳ ᠤ᠋ᠨ ᠠᠮᠢᠳᠤᠷᠠᠯ ᠢ᠋ ᠤᠢᠯᠠᠭᠠᠭᠤᠯᠵᠤ᠂ 《ᠨᠢᠭᠡ ᠱᠤᠭᠤᠮ ᠵᠢᠡᠷ ᠤᠯᠠᠨ ᠵᠦᠢᠯ ᠢ᠋ ᠬᠠᠷᠠᠭᠤᠯᠬᠤ》 ᠵᠢ ᠪᠡᠶᠡᠯᠡᠭᠦᠯᠪᠡ᠃
ᠬᠠᠲᠤᠨ ᠭᠤᠤᠯ ᠡᠴᠡ ᠵᠡᠭᠡᠯᠢ ᠲᠣᠭᠣᠷᠢᠭ ᠬᠦᠷᠲᠡᠯᠡ᠂ ᠬᠤᠳᠠᠯᠳᠤᠭᠠᠨᠤ ᠲᠣᠭᠣᠷᠢᠭ ᠡᠴᠡ ᠬᠥᠳᠡᠭᠡ ᠲᠣᠰᠭᠣᠨ ᠬᠦᠷᠲᠡᠯᠡ᠂ ᠪᠤᠭᠤᠲᠤ ᠬᠣᠲᠠ ᠡᠯᠪᠡᠭ ᠪᠠᠶᠠᠯᠢᠭ ᠣᠯᠠᠨ ᠡᠱᠢᠲᠦ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠤᠨ ᠠᠵᠢᠯᠯᠠᠭᠠ ᠪᠠᠷ ᠠᠮᠠᠷᠠᠯᠲᠠ ᠶ᠋ᠢᠨ ᠡᠳᠦᠷᠦᠨ ᠬᠡᠷᠡᠭ᠌ᠯᠡᠭᠡᠶ᠋ᠢ ᠬᠥᠭ᠌ᠵᠢᠭᠡᠪᠡ᠃ ᠤᠮᠠᠷᠠᠲᠤ ᠬᠢᠯᠢᠶ᠋ᠢᠨ ᠪᠤᠭᠤᠳᠤ ᠲᠠ ᠨᠠᠷ ᠵᠢᠡᠨ ᠪᠠᠶᠠᠷᠯᠠᠨ ᠤᠭᠳᠤᠬᠤ ᠴᠢᠩ ᠦᠨᠡᠨᠴᠢ ᠤᠷᠢᠯᠭᠠ ᠶ᠋ᠢ ᠨᠢᠭᠡᠨᠲᠡ ᠲᠠᠷᠬᠠᠭᠠᠵᠤ᠂ ᠳᠦᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠣᠪᠬᠢᠰᠤᠨ ᠵᠢᠭᠤᠯᠴᠢᠯᠠᠭ᠍ᠰᠠᠳ ᠡᠨᠡ ᠤᠳᠠᠭᠠᠨ ᠤ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠦᠪᠡᠳᠡᠭ᠌ᠰᠢ ᠳᠠᠢᠯᠠᠯᠭᠠᠳᠤ ᠣᠷᠣᠯᠴᠠᠬᠤᠶ᠋ᠢ ᠬᠦᠯᠢᠶᠡᠵᠦ᠍ ᠪᠠᠢᠨᠠ᠃