ᠡᠪᠦᠯᠤᠨ ᠨᠢᠭᠡᠨ ᠦᠷᠯᠦᠭᠡ ᠠᠨᠵᠢᠯ ᠡᠷᠳᠡᠬᠡᠨ ᠭᠡᠭᠴᠢ ᠰᠤᠷᠭᠠᠭᠤᠯᠢ ᠳ᠋ᠤ ᠪᠠᠨ ᠬᠦᠷᠴᠦ ᠵᠢᠵᠢᠭᠦᠷᠢᠶᠡᠨ ᠬᠢᠪᠡ᠃ ᠨᠠᠢᠵᠠ ᠨᠦᠬᠦᠳ ᠨᠢ ᠪᠦᠷ ᠢᠷᠡᠭᠡ ᠦᠭᠡᠢ ᠪᠤᠯᠬᠤᠷ ᠨᠠᠮ ᠵᠢᠮ ᠪᠠᠢᠯᠠ᠃ ᠡᠨᠡ ᠪᠤᠯ ᠲᠡᠭᠦᠨᠤ ᠤᠯᠠᠨ ᠵᠢᠯᠢᠶᠡᠷ ᠪᠠᠷᠢᠮᠳᠠᠯᠠᠬᠰᠠᠭᠠᠷ ᠢᠷᠡᠭᠰᠡᠨ ᠵᠠᠩᠰᠢᠯ ᠶᠤᠮ᠃ ᠠᠨᠵᠢᠯ ᠤᠳᠤ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ ᠮᠤᠩᠭᠤᠯ ᠦᠨᠳᠦᠰᠦᠲᠠᠨᠤ ᠰᠤᠷᠭᠠᠭᠤᠯᠢ ᠵᠢᠨ ᠠᠩᠬᠠ ᠵᠡᠷᠭᠡ ᠵᠢᠨ ᠬᠤᠶᠠᠳᠤᠭᠠᠷ ᠤᠨᠤ ᠰᠤᠷᠤᠭᠴᠢ ᠪᠤᠯᠵᠠᠢ᠃ ᠲᠡᠷᠡ ᠪᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠳ᠋ᠤ ᠪᠠᠢᠬᠤ ᠡᠴᠡ ᠪᠠᠨ ᠰᠤᠷᠤᠯᠭᠠ ᠮᠤᠷᠠᠯ ᠬᠤᠤᠰᠯᠠᠵᠤ᠂ ᠪᠤᠰᠤᠳᠢ ᠬᠠᠪᠰᠤᠷᠬᠤ ᠪᠡᠷ ᠵᠢᠷᠭᠠᠯ ᠵᠢᠡᠨ ᠪᠤᠯᠭᠠᠳᠠᠭ ᠬᠠᠯᠠᠭᠤᠨ ᠰᠡᠳᠬᠢᠯᠳᠤ ᠪᠠᠭᠠᠴᠤᠳᠤᠨ ᠬᠤᠰᠢᠭᠤᠴᠢ ᠠᠩᠬᠢ ᠵᠢᠨ ᠬᠡᠰᠢᠬᠦᠨ ᠶᠤᠮ᠃
— ᠮᠠᠨᠤ ᠤᠯᠤᠰᠤᠨ ᠪᠠᠭᠠᠴᠤᠳᠤᠨ ᠬᠤᠰᠢᠭᠤᠴᠢ ᠠᠩᠬᠢ ᠵᠢᠨ ᠬᠠᠮᠢᠶᠠ ᠪᠦᠬᠦᠢ ᠲᠦᠷᠢᠮ ᠲᠤᠭᠳᠠᠭᠠᠯ ᠳ᠋ᠤ᠂ ᠪᠦᠬᠦᠯᠢ 6 ᠨᠠᠰᠤ ᠡᠴᠡ 14 ᠨᠠᠰᠤ ᠬᠦᠷᠳᠡᠯᠡᠬᠢ ᠬᠡᠦᠬᠡᠳ ᠪᠠᠭᠠᠴᠤᠳ ᠪᠤᠯ ᠪᠦᠷ ᠬᠤᠰᠢᠭᠤᠴᠢ ᠠᠩᠬᠢ ᠵᠢᠨ ᠬᠡᠰᠢᠬᠦᠨᠳᠤ ᠲᠤᠭᠠᠴᠠᠭᠳᠠᠨᠠ᠃ ᠡᠢᠮᠦ ᠡᠴᠡ ᠠᠨᠵᠢᠯ ᠤᠳᠤ ᠪᠤᠯᠳᠠᠯᠠ ᠪᠠᠰᠠ ᠮᠠᠨᠤ ᠶᠡᠭᠡ ᠠᠩᠬᠢ ᠵᠢᠨ ᠶᠡᠭᠡ ᠪᠠᠭᠠ ᠠᠵᠢᠯᠯᠠᠭᠠ ᠳ᠋ᠤ ᠪᠦᠷ ᠢᠳᠡᠪᠬᠢᠲᠠᠢ ᠤᠷᠤᠯᠴᠠᠳᠠᠭᠢᠶᠡᠷ ᠪᠠᠷᠠᠬᠤ ᠦᠭᠡᠢ᠂ ᠨᠠᠩᠴᠤ ᠲᠠᠭᠠᠭᠤᠯᠬᠤ ᠦᠢᠯᠡᠳᠦᠯ ᠦᠵᠡᠬᠦᠯᠵᠦ ᠪᠤᠢ᠃ ᠭᠤᠤᠯ ᠰᠡᠳᠦᠪᠳᠤ ᠠᠩᠬᠢ ᠵᠢᠨ ᠬᠤᠷᠠᠯ᠂ ᠶᠠᠷᠢᠶᠠᠨᠤ ᠤᠷᠤᠯᠳᠤᠭᠠᠨ ᠁ ᠠᠵᠢᠯᠯᠠᠭᠠ ᠪᠦᠬᠦᠨᠢ ᠲᠡᠷᠡ ᠪᠦᠷ ᠰᠠᠢᠬᠠᠨ ᠵᠤᠬᠢᠴᠠᠭᠤᠯᠵᠦ᠂ ᠪᠠᠭᠰᠢ ᠨᠠᠷᠢᠶᠡᠨ ᠬᠠᠮᠵᠢᠵᠦ ᠮᠠᠰᠢ ᠰᠠᠢᠨ ᠪᠡᠶᠡᠯᠡᠬᠦᠯᠳᠡᠭ ᠬᠡᠵᠦ ᠲᠤᠰ ᠰᠤᠷᠭᠠᠭᠤᠯᠢ ᠵᠢᠨ ᠶᠡᠭᠡ ᠠᠩᠬᠢ ᠵᠢᠨ ᠬᠠᠪᠰᠤᠷᠤᠨ ᠵᠢᠯᠤᠭᠤᠳᠤᠭᠴᠢ ᠯᠢᠩᠬᠤᠠ ᠪᠠᠭᠰᠢ ᠶᠠᠷᠢᠵᠦ ᠭᠠᠷᠤᠯᠠ᠃
ᠠᠨᠵᠢᠯ ᠬᠡᠷᠡᠭ ᠪᠤᠳᠠᠰᠢ ᠠᠵᠢᠵᠦ ᠰᠢᠨᠵᠢᠬᠦ ᠳ᠋ᠤ ᠪᠠᠨ ᠮᠠᠰᠢ ᠬᠢᠷᠠᠬᠠᠢ ᠪᠦᠭᠡᠳ ᠶᠡᠬᠡ ᠤᠷᠤᠯᠳᠤᠯᠭᠠ ᠲᠠᠢ ᠪᠠᠢᠳᠠᠭ᠃ ᠨᠢᠭᠡ ᠤᠳᠠᠭᠠ ᠲᠡᠷᠡ ᠠᠮᠠᠷᠠᠯᠳᠠ ᠪᠠᠷ ᠬᠦᠳᠡᠭᠡ ᠤᠴᠢᠭᠠᠳ ᠠᠨᠢᠶᠠ ᠵᠢᠨᠢᠶᠡᠨ ᠠᠭᠠᠬᠢᠮᠠ ᠬᠠᠯᠠᠭᠤᠨ ᠨᠠᠷᠠᠨᠳᠤ ᠬᠦᠯᠦᠰᠦ ᠤᠷᠤᠰᠬᠠᠨ ᠠᠵᠢᠯᠯᠠᠵᠤ ᠪᠠᠢᠭᠠ ᠵᠢ ᠦᠵᠡᠭᠡᠳ ᠮᠠᠰᠢ ᠦᠷᠦᠪᠳᠦᠪᠡ᠃ ᠲᠡᠷᠡᠬᠡᠨ ᠵᠠᠭᠤᠷᠠ ᠲᠡᠷᠡ ᠪᠡᠷ ᠠᠨᠢᠶᠠᠶᠢᠨᠢᠶᠡᠨ ᠮᠠᠯᠠᠭᠠᠢ ᠵᠢ ᠬᠦᠷᠢᠨᠤ ᠭᠠᠳᠠᠨᠠᠬᠢ ᠲᠤᠶᠠᠭᠠ᠂ ᠰᠠᠯᠬᠢ ᠰᠢᠭᠤᠷᠭᠠ ᠵᠢ ᠤᠯᠠᠮ ᠰᠠᠢᠨ ᠬᠠᠯᠬᠠᠯᠠᠵᠦ ᠲᠡᠢᠯᠬᠦ ᠪᠡᠷ ᠦᠭᠡᠷᠡᠴᠢᠯᠡᠵᠦ ᠦᠭᠬᠦ ᠵᠢ ᠪᠤᠳᠤᠵᠤ ᠠᠮᠵᠢᠪᠠ᠃ ᠲᠡᠭᠡᠭᠡᠳ ᠲᠡᠷᠡ 2 ᠰᠠᠷᠠ ᠭᠠᠷᠤᠢ ᠤᠷᠤᠯᠳᠤᠵᠤ᠂ ᠤᠯᠠᠨ ᠲᠤᠷᠰᠢᠯᠳᠠ ᠬᠢᠬᠦ ᠪᠠᠷ ᠲᠡᠮᠵᠢᠨ ᠡᠴᠦᠰᠲᠤ ᠪᠠᠨ ᠤᠯᠠᠨ ᠴᠢᠳᠡᠪᠬᠢᠳᠤ ᠮᠠᠯᠠᠭᠠᠢ ᠵᠤᠬᠢᠶᠠᠨ ᠭᠠᠷᠭᠠᠵᠠᠢ᠃
— ᠲᠡᠷᠡ ᠮᠠᠯᠠᠭᠠᠢ ᠵᠢ ᠵᠤᠬᠢᠶᠠᠬᠤ ᠳ᠋ᠤ ᠪᠢ ᠮᠠᠰᠢ ᠤᠯᠠᠨ ᠲᠤᠷᠰᠢᠯᠳᠠᠶᠢᠨ ᠮᠠᠲ᠋ᠸᠷᠢᠶᠠᠯ ᠴᠤᠬᠯᠠᠭᠤᠯᠵᠤ᠂ ᠤᠯᠠᠨ ᠲᠤᠷᠰᠢᠯᠳᠠ ᠬᠢᠵᠡᠢ᠃ ᠡᠨᠡ ᠶᠠᠪᠤᠴᠠ ᠳ᠋ᠤ ᠪᠢ ᠠᠳᠠᠯᠢ ᠪᠤᠰᠤ ᠮᠠᠲ᠋ᠸᠷᠢᠶᠠᠯᠤᠨ ᠦᠢᠯᠡᠳᠦᠯ ᠬᠡᠷᠡᠭᠴᠡᠭᠡ᠂ ᠤᠨᠴᠠᠯᠢᠭ ᠰᠢᠨᠵᠢ ᠵᠢ ᠤᠢᠯᠠᠭᠠᠵᠤ᠂ ᠪᠠᠶᠠᠷᠯᠠᠬᠤ ᠳ᠋ᠤ ᠪᠠᠨ ᠪᠠᠶᠠᠷᠯᠠᠵᠤ᠂ ᠪᠠᠴᠢᠮᠳᠠᠬᠤ ᠳ᠋ᠤ ᠪᠠᠨ ᠪᠠᠴᠢᠮᠳᠠᠵᠤ ᠪᠠᠢᠬᠰᠠᠨ᠃ ᠭᠡᠪᠡᠴᠦ ᠬᠠᠯᠠᠰᠢᠷᠠᠯ ᠦᠭᠡᠢ ᠤᠷᠤᠯᠳᠤᠭᠰᠠᠭᠠᠷ ᠪᠠᠢᠵᠤ ᠡᠴᠦᠰ ᠲᠸ᠋ ᠪᠠᠨ ᠰᠠᠨᠠᠭᠠᠨ ᠳ᠋ᠤ ᠪᠠᠨ ᠬᠦᠷᠦᠯᠡ ᠬᠡᠵᠦ ᠠᠨᠵᠢᠯ ᠬᠡᠯᠡᠨᠡ᠃
ᠠᠨᠵᠢᠯᠤᠨ ᠡᠬᠦᠳᠦᠭᠰᠡᠨ ᠡᠨᠡᠬᠦ ᠤᠯᠠᠨ ᠴᠢᠳᠠᠪᠬᠢᠳᠤ ᠮᠠᠯᠠᠭᠠᠢ ᠨᠢ ᠠᠷᠪᠠᠨ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠰᠦᠩ ᠴᠢᠩ ᠯᠢᠩ ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠰᠢᠨᠠ ᠡᠬᠦᠳᠦᠯᠲᠠ ᠵᠢᠨ ᠱᠠᠩᠨᠠᠯᠢ ᠬᠦᠷᠳᠡᠵᠠᠢ᠃ ᠡᠬᠦᠨ ᠡᠴᠡ ᠭᠠᠳᠠᠨᠠ ᠲᠡᠷᠡ ᠪᠠᠰᠠ ᠤᠷᠢᠳ ᠬᠤᠵᠢᠳ ᠰᠤᠷᠭᠠᠭᠤᠯᠢ ᠵᠢᠨ ᠲᠡᠰᠤᠨ ᠰᠢᠯᠢᠳᠡᠭ ᠲᠡᠬᠦᠰᠬᠦ ᠰᠤᠷᠤᠭᠴᠢ（ᠪᠠᠭᠠ ᠰᠤᠷᠭᠠᠭᠤᠯᠢ ）᠂ ᠰᠢᠯᠢᠳᠡᠭ ᠠᠩᠬᠢ ᠵᠢᠨ ᠺᠠᠳ᠋ᠷ（ᠪᠠᠭᠠ ᠰᠤᠷᠭᠠᠭᠤᠯᠢ ）᠂ 2024 ᠤᠨᠤ ᠲᠦᠩᠯᠢᠶᠤᠤ ᠬᠤᠲᠠ ᠵᠢᠨ《ᠰᠢᠨᠠ ᠴᠠᠭ ᠦᠶᠠ ᠵᠢᠨ ᠰᠤᠳᠤᠨ ᠪᠠᠭᠠᠴᠤᠳ》᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ《ᠤᠯᠠᠭᠠᠨ ᠪᠦᠴᠠᠳᠠᠨᠤ ᠬᠦᠬᠢᠬᠦᠯᠦᠯᠤᠨ ᠲᠡᠮᠳᠡᠭ》 ᠤ᠋ᠨ ᠲᠦᠷᠪᠠᠨ ᠤᠳᠤᠳᠤ ᠲᠡᠮᠳᠡᠭ ᠵᠡᠷᠭᠡ ᠱᠠᠩᠨᠠᠯᠢ ᠲᠤᠰᠴᠤ᠂ ᠠᠬᠠᠰ ᠵᠠᠬᠠᠰ ᠠᠴᠢᠳᠤ ᠪᠠᠭᠰᠢ ᠨᠠᠷ ᠵᠢᠡᠨ ᠪᠠᠶᠠᠷᠯᠠᠭᠤᠯᠵᠦ᠂ ᠠᠨᠲᠠ ᠨᠦᠬᠦᠳᠤᠨ ᠵᠢᠡᠨ ᠲᠠᠭᠤᠷᠢᠶᠠᠯ ᠪᠤᠯᠵᠦ ᠶᠠᠪᠤᠨᠠ᠃
ᠲᠦᠷᠦᠬᠦᠭᠡᠨ᠂ 2025 ᠤᠨᠤ ᠬᠤᠶᠠᠳᠤᠭᠠᠷ ᠤᠯᠠᠷᠢᠯᠤᠨ《ᠦᠪᠦᠷ ᠮᠤᠨᠭᠭᠤᠯᠤᠨ ᠰᠠᠢᠨ ᠬᠦᠮᠦᠨᠤ ᠨᠡᠷᠡᠰᠤᠨ ᠵᠢᠬᠰᠠᠭᠠᠯᠲᠠ》ᠵᠢᠴᠢ《ᠰᠢᠨᠡ ᠴᠠᠭ ᠦᠶᠡ ᠵᠢᠨ ᠰᠤᠳᠤᠨ ᠪᠠᠭᠠᠴᠤᠳ》ᠢ᠋ ᠨᠡᠢᠲᠡᠯᠡᠬᠦ ᠶᠤᠰᠤᠯᠠᠯ ᠰᠢᠯᠢ ᠵᠢᠨ ᠭᠤᠤᠯ ᠠᠢᠮᠠᠭᠤᠨ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨᠳᠤ ᠶᠠᠪᠤᠬᠳᠠᠵᠤ᠂ ᠳᠦᠷᠪᠡᠳ ᠬᠤᠰᠢᠭᠤᠨᠤ ᠮᠤᠨᠭᠭᠤᠯ ᠦᠨᠳᠦᠰᠦᠲᠡᠨᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠰᠤᠳᠤᠠᠤᠬᠠᠭᠠᠨ《ᠰᠢᠨᠡ ᠴᠠᠭ ᠦᠶᠡ ᠵᠢᠨ ᠰᠤᠳᠤᠨ ᠪᠠᠭᠠᠴᠤᠳ》ᠵᠢᠨᠷ ᠦᠨᠡᠯᠡᠭᠳᠡᠪᠡ᠃
— ᠪᠢ ᠦᠪᠦᠷ ᠮᠤᠨᠭᠭᠤᠯᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ 《ᠰᠢᠨᠡ ᠴᠠᠭ ᠦᠶᠡ ᠵᠢᠨ ᠰᠤᠳᠤᠨ ᠪᠠᠭᠠᠴᠤᠳ》ᠵᠢᠨᠷ ᠰᠤᠨᠭᠭᠤᠬᠳᠠᠭᠰᠠᠨᠳᠤ ᠪᠠᠨ ᠪᠠᠶᠠᠷᠳᠠᠢ ᠪᠠᠢᠨᠠ᠃ ᠡᠬᠦᠨ ᠡᠴᠡ ᠬᠤᠢᠰᠢ ᠤᠯᠠᠮ ᠴᠢᠷᠮᠠᠢᠨ ᠰᠤᠷᠤᠯᠴᠠᠵᠤ᠂ ᠨᠡᠷᠡ ᠨᠢᠳᠡᠷ ᠲᠸ᠋ ᠪᠠᠨ ᠨᠡᠢᠴᠡᠭᠰᠡᠨ ᠰᠤᠳᠤᠨ ᠪᠠᠭᠠᠴᠤᠳ ᠪᠤᠯᠤᠨᠠ ᠭᠡᠵᠤ ᠰᠤᠳᠤᠠᠤᠬᠠᠭᠠᠨ ᠳᠠᠷᠤᠤᠬᠠᠨ ᠶᠠᠷᠢᠨᠠ᠃
— ᠰᠤᠳᠤᠠᠤᠬᠠᠭᠠᠨ ᠶᠡᠷᠦ ᠨᠢ ᠨᠠᠰᠤ ᠬᠤᠷᠠᠭ ᠨᠠᠢᠵᠠ ᠨᠦᠬᠦᠳ ᠡᠴᠡ ᠪᠠᠨ ᠳᠠᠷᠤᠤ ᠬᠢᠴᠢᠶᠡᠨᠭᠬᠦᠢ᠂ ᠯᠠᠪᠳᠠᠭᠤᠨ ᠬᠢᠨᠠᠮᠠᠭᠠᠢ ᠪᠠᠢᠳᠠᠭ᠃ ᠲᠡᠷᠡ ᠵᠠᠪ ᠴᠢᠯᠦᠭᠡ ᠪᠠᠨ ᠠᠰᠢᠭᠯᠠᠨ ᠶᠠᠭ ᠯᠠ ᠪᠢᠴᠢᠬᠠᠨ ᠪᠠᠬᠰᠢ ᠭᠡᠮᠡᠷ ᠬᠠᠮᠳᠤ ᠨᠦᠬᠦᠳᠤᠨᠢᠶᠡᠨ ᠤᠨᠴᠠᠯᠢᠭᠢ ᠦᠨᠳᠦᠰᠦᠯᠡᠨ᠂ ᠠᠩᠬᠢ ᠨᠡᠢᠳᠡᠶᠢᠨ ᠡᠯᠡ ᠵᠦᠢᠯᠤᠨ ᠠᠵᠢᠯᠯᠠᠭᠠ ᠵᠢ ᠰᠠᠢᠳᠤᠷ ᠲᠤᠬᠢᠷᠠᠭᠤᠯᠵᠤ ᠴᠢᠳᠠᠳᠠᠭ ᠭᠡᠵᠤ ᠠᠨᠭᠬᠢ ᠵᠢᠨ ᠡᠷᠬᠢᠯᠡᠭᠴᠢ ᠨᠢ ᠱ᠌ᠢᠷᠦ ᠪᠠᠬᠰᠢ ᠰᠤᠷᠤᠬᠴᠢ ᠪᠡᠷ ᠵᠢᠨᠨ ᠤᠮᠤᠬᠰᠢᠨᠠ᠃
ᠨᠢᠭᠡ ᠵᠢ ᠵᠢᠭᠠᠪᠠᠯ ᠭᠤᠷᠪᠠ ᠵᠢ ᠰᠤᠷᠤᠨᠠ ᠭᠡᠳᠡᠭ ᠪᠢᠴᠢᠬᠠᠨ ᠰᠤᠳᠤᠠᠤᠬᠠᠭᠠᠨᠢ ᠬᠡᠯᠡᠭᠰᠡᠨ ᠪᠠᠢᠵᠤ ᠮᠡᠳᠡᠨᠡ᠃ ᠨᠢᠭᠡᠳᠦᠭᠡᠷ ᠤᠨᠤ ᠨᠢᠭᠡᠨ ᠤᠳᠠᠭᠠᠨᠤ ᠠᠩᠬᠢ ᠨᠡᠢᠳᠡᠶᠢᠨ ᠴᠡᠪᠡᠷᠯᠡᠭᠡ ᠳ᠋ᠤ ᠪᠠᠬᠰᠢ ᠨᠢ ᠪᠢᠴᠢᠭᠤᠨ ᠬᠤᠷᠭᠤ ᠪᠠᠨ ᠴᠡᠪᠡᠷᠯᠡᠵᠦ ᠲᠡᠭᠰᠢᠯᠡᠭᠡᠷᠡᠢ ᠭᠡᠵᠤ ᠨᠢᠭᠡ ᠯᠡ ᠤᠳᠠᠭᠠ ᠬᠡᠯᠡᠭᠰᠡᠨ ᠡᠴᠡ ᠬᠤᠢᠰᠢ ᠲᠡᠭᠦᠨᠤ ᠰᠢᠷᠡᠭᠡ ᠰᠠᠨᠳᠠᠯᠢ᠂ ᠨᠤᠮ ᠲᠡᠪᠳᠡᠷ ᠬᠡᠵᠢᠶᠡᠳᠡ ᠲᠡᠷᠢ ᠲᠡᠭᠰᠢ ᠪᠤᠯᠤᠬᠰᠠᠨ ᠪᠠᠢᠯᠠ᠃
ᠰᠤᠳᠤᠠᠤᠬᠠᠭᠠᠨ ᠶᠠᠷᠢᠶᠠ ᠢᠯᠡᠳᠭᠡᠯ᠂ ᠤᠷᠠᠨ ᠤᠨᠭᠰᠢᠯᠭᠠ᠂ ᠳᠠᠭᠤᠤ ᠬᠦᠭᠵᠢᠮ᠂ ᠪᠡᠶᠡ ᠵᠢᠨ ᠲᠠᠮᠢᠷᠤᠨ ᠲᠠᠯᠠ ᠪᠡᠷ ᠠᠪᠢᠶᠠᠰᠯᠢᠭ ᠪᠠᠢᠵᠤ᠂ ᠤᠯᠠᠨᠤ ᠪᠠᠬᠠᠷᠬᠠᠳᠠᠭ《ᠠᠢᠯᠤᠨ ᠬᠡᠤᠬᠡᠳ》 ᠶᠤᠮ᠃ 2021 — 2022 ᠤᠨᠤ ᠰᠤᠷᠤᠯᠭᠠ ᠵᠢᠨ ᠵᠢᠯᠳᠤ ᠨᠢᠭᠡᠳᠦᠭᠡᠷ ᠤᠨ ᠪᠠᠢᠬᠰᠠᠨ ᠰᠤᠳᠤᠠᠤᠬᠠᠭᠠᠨ ᠰᠤᠷᠭᠠᠭᠤᠯᠢ ᠵᠢᠨᠢᠶᠡᠨ ᠭᠤᠷᠪᠠᠨ ᠰᠠᠢᠲᠠᠢ ᠰᠤᠷᠤᠬᠴᠢ ᠪᠡᠷ ᠰᠤᠨᠭᠭᠤᠬᠳᠠᠵᠤ᠂ 2022 ᠤᠨᠳᠤ《ᠪᠦᠬᠦ ᠬᠤᠰᠢᠭᠤᠨᠤ ᠰᠢᠯᠢᠳᠡᠭ ᠪᠠᠭᠠᠴᠤᠳᠤᠨ ᠬᠤᠰᠢᠭᠤᠴᠢ ᠠᠨᠭᠬᠢ ᠵᠢᠨ ᠭᠡᠰᠢᠬᠦᠨ》ᠵᠢᠨᠷ ᠦᠨᠡᠯᠡᠭᠳᠡᠵᠤ᠂ ᠪᠠᠰᠠ ᠰᠤᠷᠭᠠᠭᠤᠯᠢ ᠵᠢᠨ ᠲᠡᠰᠤᠨ ᠰᠢᠯᠢᠳᠡᠭ ᠠᠨᠭᠬᠢ ᠵᠢᠨ ᠳᠠᠷᠤᠭᠠ᠂ ᠰᠢᠯᠢᠳᠡᠭ ᠪᠠᠭᠠᠴᠤᠳᠤᠨ ᠬᠤᠰᠢᠭᠤᠴᠢ ᠠᠨᠭᠬᠢ ᠵᠢᠨ ᠶᠡᠬᠡ ᠠᠨᠭᠬᠢ ᠵᠢᠨ ᠳᠠᠷᠤᠭᠠ ᠵᠡᠷᠭᠡ ᠤᠯᠠᠨ ᠢᠷᠠᠭᠤ ᠠᠯᠳᠠᠷ ᠬᠦᠷᠳᠡᠵᠡᠢ᠃
ᠰᠤᠳᠤᠠᠤᠬᠠᠭᠠᠨ ᠪᠡᠶᠡ ᠪᠡᠨ ᠲᠠᠭᠠᠭᠠᠬᠤ ᠴᠢᠳᠠᠪᠤᠷᠢ ᠪᠡᠷ ᠴᠢᠩᠭᠠ ᠪᠠᠢᠵᠤ᠂ ᠦᠪᠡᠷᠤᠨ ᠤᠴᠢᠷᠢᠶᠡᠨ ᠦᠪᠡᠷᠢᠶᠡᠨ ᠰᠢᠢᠳᠪᠦᠷᠢᠯᠡᠭᠦ ᠪᠡᠷ ᠴᠢᠷᠮᠠᠢᠳᠠᠭ᠃ ᠲᠡᠭᠦᠨᠢ ᠳᠦᠷᠪᠡᠳᠦᠭᠡᠷ ᠤᠨ ᠪᠠᠢᠬᠤ ᠳ᠋ᠤ ᠨᠢᠭᠡᠨ ᠡᠳᠦᠷ ᠭᠡᠨᠡᠳᠲᠡ 《ᠰᠤᠳᠤᠠᠤᠬᠠᠭᠠᠨ ᠮᠢᠨᠦ ᠲᠤᠯᠤᠭᠠᠢ ᠵᠢ ᠴᠤᠬᠢᠪᠠ》ᠭᠡᠬᠦ ᠴᠤᠤᠷᠬᠠᠯ ᠲᠠᠷᠬᠠᠪᠠ᠃ ᠡᠬᠦᠨᠢ ᠰᠤᠨᠤᠰᠤᠬᠰᠠᠨ ᠪᠠᠬᠰᠢ ᠪᠤᠯᠤᠨ ᠰᠤᠳᠤᠠᠤᠬᠠᠭᠠᠨ ᠪᠦᠷ ᠮᠡᠯ ᠭᠠᠢᠬᠠᠪᠠ᠂ ᠤᠴᠢᠷ ᠨᠢ ᠰᠤᠳᠤᠠᠤᠬᠠᠭᠠᠨ ᠪᠤᠰᠤᠳᠢ ᠵᠤᠳᠤᠬᠤ ᠪᠠᠢᠳᠤᠭᠠᠢ᠂ ᠬᠡᠭᠵᠢᠭᠦᠨ ᠦᠭᠡ ᠴᠸ᠋ ᠬᠡᠯᠡᠳᠡᠭ ᠦᠭᠡᠢ᠃ ᠪᠠᠬᠰᠢ ᠨᠦᠬᠦᠳ ᠨᠢ ᠡᠨᠡ ᠤᠴᠢᠷᠢ ᠶᠠᠭᠠᠬᠢᠵᠤ ᠰᠢᠢᠳᠪᠦᠷᠢᠯᠡᠬᠦ ᠪᠢᠯᠡ ᠭᠡᠮᠡᠨ ᠠᠷᠭᠠ ᠪᠤᠳᠤᠵᠤ ᠪᠠᠢᠲᠠᠯᠠ᠂ ᠰᠤᠳᠤᠠᠤᠬᠠᠭᠠᠨ ᠦᠪᠡᠷ ᠵᠢᠨᠨ ᠰᠢᠢᠳᠪᠦᠷᠢᠯᠡᠴᠢᠭᠡᠯᠡ᠃ ᠲᠡᠷᠡ ᠨᠦᠭᠦᠭᠡ ᠬᠡᠤᠬᠡᠳᠢ ᠡᠷᠢᠵᠤ ᠤᠴᠢᠭᠠᠳ 《ᠴᠢᠮᠠ ᠵᠢ ᠴᠤᠬᠢᠬᠰᠠᠨ ᠨᠢ ᠪᠢ ᠮᠦᠨᠤᠤ ？ ᠲᠠ ᠡᠨᠳᠡᠬᠦᠷᠡᠭᠰᠡᠨ ᠪᠠᠢᠬᠠ ？》 ᠭᠡᠵᠤ ᠨᠢᠭᠤᠷᠳᠠᠨ ᠠᠰᠠᠭᠤᠪᠠ᠃ ᠨᠦᠬᠦᠭᠡ ᠬᠡᠤᠬᠡᠳ ᠴᠸ᠋ ᠪᠤᠰᠤᠳᠢ ᠬᠢᠯᠢᠰᠳᠡᠭᠦᠯᠦᠭᠰᠡᠨᠢᠶᠡᠨ ᠮᠡᠳᠡᠵᠦ᠂ ᠰᠤᠳᠤᠠᠤᠬᠠᠭᠠᠨ ᠳ᠋ᠤ ᠪᠤᠷᠤᠭᠤ ᠮᠡᠳᠡᠷᠡᠭᠰᠡᠨ ᠪᠠᠢᠯᠠ᠃ ᠲᠡᠷᠡ ᠮᠠᠨᠢ ᠢᠩᠭᠢᠵᠦ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠤᠴᠢᠷ ᠶᠠᠪᠤᠳᠠᠯᠢ ᠰᠢᠢᠳᠪᠦᠷᠢᠯᠡᠳᠡᠭ ᠵᠤᠷᠢᠭ ᠲᠠᠢ ᠪᠦᠭᠡᠳ ᠪᠠᠰᠠ ᠨᠠᠢᠵᠠ ᠨᠦᠬᠦᠳ ᠵᠢᠨᠨ ᠦᠷᠬᠦᠯᠵᠢ ᠬᠠᠪᠰᠤᠷᠳᠠᠭ᠃
《ᠦᠪᠡᠷᠤᠨ ᠪᠡᠶᠡ ᠪᠠᠨ ᠴᠢᠨᠭᠭᠠ ᠱᠠᠭᠠᠷᠳᠠᠵᠤ ᠴᠢᠳᠠᠪᠠᠯ ᠰᠠᠶᠢ ᠪᠤᠰᠤᠳᠢ ᠱᠠᠭᠠᠷᠳᠠᠵᠤ ᠪᠤᠯᠳᠠᠭ》 ᠭᠡᠳᠡᠭ ᠪᠤᠯ ᠰᠤᠳᠤᠠᠤᠬᠠᠭᠠᠨᠤ ᠦᠷᠬᠦᠯᠵᠢ ᠬᠡᠯᠡᠳᠡᠭ ᠦᠭᠡ᠂ ᠲᠡᠷᠡ ᠮᠦᠨ ᠴᠸ᠋ ᠡᠨᠡ ᠶᠤᠰᠤᠭᠠᠷ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠳᠤ ᠪᠠᠨ ᠮᠡᠷᠡᠢᠵᠦ ᠶᠠᠪᠤᠨᠠ᠃