ᠲᠦᠷᠦᠬᠦᠬᠡᠨ ᠸᠠᠩ ᠠᠪᠠᠬᠠᠢ ᠨᠢᠬᠡᠨ ᠠᠵᠢᠯᠳᠠᠨ ᠡᠯᠰᠡᠬᠦ ᠰᠦᠯᠵᠢᠶᠡᠨᠤ ᠲᠠᠪᠴᠠᠩ ᠲᠡᠭᠡᠷᠡ ᠲᠤᠪᠴᠢ ᠨᠠᠮᠳᠠᠷ ᠵᠢᠡᠨ ᠲᠤᠰᠢᠶᠠᠬᠰᠠᠨ ᠤ᠋ ᠲᠠᠷᠠᠭᠠ᠂ ᠨᠢᠬᠡᠨ ᠺᠤᠮᠫᠠᠨᠢ ᠵᠢᠨ ᠦᠢᠯᠡᠴᠢᠯᠡᠭᠴᠢ ᠭᠡᠮᠡᠭᠰᠡᠨ ᠬᠦᠮᠦᠨ ᠤ᠋ ᠤᠳᠠᠰᠤ ᠵᠢ ᠲᠤᠰᠪᠠ᠃ ᠤᠳᠠᠰᠤᠨ ᠲᠡᠭᠡᠷᠡ᠂ ᠦᠢᠯᠡᠴᠢᠯᠡᠭᠴᠢ ᠡᠴᠨ ᠸᠠᠩ ᠠᠪᠠᠬᠠᠢ ᠳ᠋ᠸ᠋᠂ ᠰᠦᠯᠵᠢᠶᠡᠨᠤ ᠨᠡᠪᠳᠡᠷᠡᠬᠦᠯᠦᠭᠴᠢ ᠳ᠋ᠸ᠋ ᠱᠠᠩᠨᠠᠯ ᠦᠭᠪᠡᠯ ᠬᠠᠷᠢᠭᠤ ᠤᠯᠭᠤᠮᠵᠢ ᠦᠭᠭᠦᠨᠡ ᠬᠡᠪᠡ᠃ ᠲᠤᠷᠰᠢᠵᠤ ᠦᠵᠡᠶᠡ ᠬᠡᠰᠡᠨ ᠪᠤᠳᠤᠯ ᠵᠢᠡᠷ ᠸᠠᠩ ᠠᠪᠠᠬᠠᠢ ᠨᠦᠬᠦᠬᠡ ᠡᠳᠡᠬᠡᠳ ᠤ᠋ᠨ ᠵᠢᠡᠨ ᠱᠠᠭᠠᠷᠳᠠᠯᠭᠠ ᠪᠡᠷ ᠨᠢᠬᠡᠨ ᠵᠤᠭᠤᠬᠳᠠᠬᠤ ᠵᠦᠬᠡᠯᠡᠨ ᠲᠤᠨᠤᠬᠢ ᠪᠠᠭᠤᠯᠭᠠᠨ ᠤᠬᠰᠠᠷᠠᠪᠠ᠃
ᠲᠠᠷᠠᠭᠠ ᠨᠢ᠂ ᠸᠠᠩ ᠠᠪᠠᠬᠠᠢ ᠦᠢᠯᠡᠴᠢᠯᠡᠭᠴᠢ ᠵᠢᠨ ᠵᠢᠯᠤᠭᠤᠳᠤᠯᠭᠠ ᠪᠡᠷ᠂ ᠰᠦᠯᠵᠢᠶᠡᠨ ᠤ᠋ ᠨᠡᠪᠳᠡᠷᠡᠬᠦᠯᠦᠭᠴᠢ ᠳ᠋ᠸ᠋ ᠪᠢᠯᠸᠲ ᠦᠭᠴᠦ᠂ ᠲᠠᠷᠠᠭᠠᠯᠠᠨ ᠬᠡᠳᠦᠨ ᠡᠬᠦᠷᠬᠡ ᠵᠢ ᠪᠡᠶᠡᠯᠡᠬᠦᠯᠦᠭᠰᠡᠨ ᠤ᠋ ᠲᠠᠷᠠᠭᠠ᠂ ᠲᠡᠷᠡ ᠬᠠᠷᠢᠭᠤ ᠤᠯᠭᠤᠮᠵᠢ ᠤᠯᠵᠠᠢ᠃ ᠶᠠᠬ ᠡᠨᠡ ᠦᠶᠡ ᠳ᠋ᠸ᠋᠂ ᠦᠢᠯᠡᠴᠢᠯᠡᠭᠴᠢ ᠡᠴᠨ ᠸᠠᠩ ᠠᠪᠠᠬᠠᠢ ᠳ᠋ᠸ᠋᠂ 《ᠤᠷᠤᠯᠠᠨ ᠦᠭᠬᠦ ᠬᠦᠷᠦᠩᠬᠡ ᠦᠭᠪᠡᠯ ᠨᠡᠩ ᠶᠡᠬᠡ ᠠᠰᠢᠬ ᠤᠯᠵᠤ ᠪᠤᠯᠤᠨᠠ》 ᠬᠡᠪᠡ᠃ ᠸᠠᠩ ᠠᠪᠠᠬᠠᠢ ᠤᠯᠠᠨ ᠶᠠᠭᠤᠮᠠ ᠪᠤᠳᠤᠯ ᠦᠬᠡᠢ ᠪᠡᠷ ᠨᠦᠬᠦᠬᠡ ᠡᠳᠡᠬᠡᠳ ᠤ᠋ᠨ ᠵᠢᠡᠨ ᠱᠠᠭᠠᠷᠳᠠᠯᠭᠠ ᠪᠡᠷ 10 ᠲᠦᠮᠡᠨ ᠲᠦᠬᠦᠷᠢᠭ ᠪᠡᠯᠡᠳᠬᠡᠨ ᠬᠦᠷᠬᠡᠬᠦ ᠪᠡᠷ ᠪᠤᠯᠪᠠ᠃
ᠡᠨᠡ ᠦᠶᠡ ᠳ᠋ᠸ᠋ ᠴᠠᠬᠳᠠᠭᠠ ᠨᠠᠷ ᠡᠴᠨ ᠰᠦᠯᠵᠢᠶᠡᠨᠤ ᠮᠡᠬᠡᠯᠡᠯᠢ ᠡᠰᠡᠷᠬᠦᠴᠡᠬᠦ ᠰᠦᠪᠡᠭᠴᠢ ᠵᠢ ᠦᠨᠳᠦᠰᠦᠯᠡᠨ ᠸᠠᠩ ᠠᠪᠠᠬᠠᠢ ᠵᠢᠨ ᠪᠠᠢᠳᠠᠯᠢ ᠮᠡᠳᠡᠵᠦ᠂ ᠤᠯᠠᠨ ᠭᠠᠵᠠᠷ ᠤ᠋ᠨ ᠲᠤᠳᠤᠭᠠᠳᠤ ᠵᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠ ᠵᠢᠨ ᠬᠠᠮᠵᠢᠯᠴᠠᠭᠠ ᠪᠡᠷ᠂ ᠴᠠᠬᠳᠠᠭᠠ ᠨᠠᠷ ᠸᠠᠩ ᠠᠪᠠᠬᠠᠢ ᠳᠠᠢ ᠬᠠᠷᠢᠯᠴᠠᠵᠦ᠂ ᠨᠠᠷᠢᠨ ᠪᠠᠢᠳᠠᠯᠢ ᠮᠡᠳᠡᠭᠦᠯᠬᠦ ᠪᠡᠷ ᠳᠠᠮᠵᠢᠨ᠂ ᠸᠠᠩ ᠠᠪᠠᠬᠠᠢ ᠦᠪᠡᠷ ᠤ᠋ᠨ ᠮᠡᠭᠡᠯᠡᠭᠳᠡᠭᠰᠡᠨ ᠵᠢᠡᠨ ᠤᠯᠵᠤ ᠮᠡᠳᠡᠵᠡᠢ᠃
ᠴᠠᠬᠳᠠᠭᠠ ᠨᠠᠷᠤᠨ ᠬᠠᠮᠵᠢᠯᠴᠠᠭᠠ ᠪᠡᠷ ᠸᠠᠩ ᠠᠪᠠᠬᠠᠢ ᠮᠡᠬᠡᠯᠡᠯᠤᠨ 《ᠤᠨᠠᠭᠤᠯᠢ》 ᠡᠴᠡ ᠵᠠᠢᠯᠠᠪᠠ᠃ 《ᠡᠨᠡ ᠵᠤᠭᠤᠰᠢ ᠪᠢ ᠰᠦᠯᠵᠢᠶᠡᠨ ᠡᠴᠨ ᠵᠢᠬᠡᠯᠡᠭᠰᠡᠨ ᠶᠤᠮ᠂ ᠶᠡᠬᠡ ᠠᠰᠢᠬ ᠤᠯᠬᠤ ᠬᠡᠵᠦ ᠰᠢᠨᠤᠬᠠᠢᠷᠠᠭᠠᠳ ᠡᠰᠡᠯᠡ ᠮᠡᠬᠡᠯᠡᠭᠳᠡᠬᠦ ᠰᠢᠬᠠᠵᠠᠢ᠂ ᠴᠠᠬᠳᠠᠭᠠ ᠨᠠᠷ ᠤ᠋ᠨ ᠵᠤᠭᠤᠰ ᠮᠦᠩᠬᠦ ᠵᠢ ᠡᠬᠡᠬᠦᠯᠦᠨ ᠠᠪᠴᠢᠷᠠᠵᠤ ᠦᠭᠬᠦᠭᠰᠡᠨ ᠳ᠋ᠸ᠋ ᠪᠠᠶᠠᠷᠯᠠᠯᠠ》 ᠬᠡᠵᠦ ᠸᠠᠩ ᠠᠪᠠᠬᠠᠢ ᠰᠡᠳᠬᠢᠯ ᠲᠤᠬᠳᠤᠯᠤᠨ ᠶᠠᠷᠢᠨᠠ᠃
ᠴᠠᠬᠳᠠᠭᠠ ᠨᠠᠷ ᠡᠴᠨ᠄ 《ᠰᠦᠯᠵᠢᠶᠡᠨ ᠲᠡᠭᠡᠷᠡ ᠠᠵᠢᠯ ᠡᠷᠢᠬᠦ ᠳ᠋ᠡᠬᠡᠨ ᠡᠷᠬᠡᠪᠰᠢ ᠠᠵᠢᠯᠳᠠᠨ ᠡᠯᠰᠡᠬᠦ ᠵᠢᠩᠬᠢᠨᠢ ᠰᠦᠯᠵᠢᠶᠡ ᠵᠢᠨ ᠳᠠᠪᠴᠠᠩ ᠵᠢᠡᠷ ᠲᠠᠮᠵᠢᠨ ᠠᠵᠢᠯ ᠡᠷᠢᠬᠦ ᠴᠢᠬᠤᠯᠠᠳᠠᠢ᠂ ᠠᠵᠢᠯᠳᠠᠨ ᠡᠯᠰᠡᠬᠦ ᠠᠵᠤ ᠠᠬᠤᠢᠯᠠᠯ ᠤ᠋ᠨ ᠠᠯᠪᠠᠨ ᠤ᠋ ᠰᠦᠯᠵᠢᠶᠡ᠂ ᠠᠯᠪᠠᠨ ᠤ᠋ ᠲᠠᠯᠠ ᠵᠢᠨ ᠤᠳᠠᠰᠤ ᠵᠡᠷᠬᠡ ᠵᠢ ᠬᠠᠷᠭᠤᠭᠤᠯᠬᠤ ᠪᠡᠷ ᠲᠠᠮᠵᠢᠨ ᠦᠨᠡᠨ ᠪᠤᠳᠠᠳᠠᠢ ᠡᠰᠡᠬᠦ ᠵᠢ ᠨᠢ ᠯᠠᠪᠯᠠᠬᠤ ᠴᠢᠬᠤᠯᠠᠳᠠᠢ᠃ ᠤᠯᠠᠨ ᠵᠢᠡᠷ ᠵᠢᠡᠨ ᠡᠯᠡ ᠵᠦᠢᠯ ᠤ᠋ᠨ ᠰᠦᠯᠵᠢᠶᠡᠨ ᠤ᠋ ᠮᠡᠬᠡᠯᠡᠯᠢ ᠢᠯᠭᠠᠨ ᠲᠠᠨᠢᠬᠤ ᠮᠡᠳᠡᠯᠬᠡ ᠵᠢ ᠰᠤᠷᠤᠯᠴᠠᠨ᠂ ᠦᠪᠡᠷᠢ ᠪᠡᠨ ᠬᠠᠮᠠᠭᠠᠯᠠᠬᠤ ᠤᠬᠠᠮᠰᠠᠷ ᠵᠢᠡᠨ ᠲᠡᠭᠡᠭᠰᠢᠯᠡᠬᠦᠯᠪᠡᠯ ᠵᠤᠬᠢᠨᠠ》 ᠬᠡᠵᠦ ᠰᠠᠨᠠᠭᠤᠯᠵᠤ ᠪᠠᠢᠨᠠ᠃