ᠤᠢᠷᠠ ᠳ᠋ᠸ᠋᠂ ᠴᠢᠩ ᠱᠦᠢ ᠡᠾᠸ ᠰᠢᠶᠠᠨ ᠤ᠋ ᠲᠤᠳᠤᠭᠠᠳᠤ ᠵᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠡᠷᠡᠬᠦᠦ ᠵᠢᠨ ᠬᠡᠷᠡᠭᠢ ᠲᠠᠩᠨᠠᠨ ᠪᠠᠢᠴᠠᠭᠠᠬᠤ ᠶᠡᠬᠡ ᠠᠩᠬᠢ ᠤᠯᠠᠨ ᠲᠦᠮᠡᠨ ᠤ᠋ ᠢᠯᠡᠴᠢᠯᠡᠨ ᠮᠡᠳᠡᠬᠦᠯᠦᠯᠳᠡ ᠵᠢ ᠲᠤᠰᠴᠤ᠂ 《ᠯᠠᠮᠠ ᠵᠢᠨ ᠲᠤᠬᠤᠢ ᠪᠠᠯᠭᠠᠰᠤᠨ ᠳ᠋ᠸ᠋ ᠨᠢᠬᠡ ᠪᠦᠯᠦᠭ ᠬᠦᠮᠦᠨ ᠪᠠᠭᠠᠵᠢ ᠬᠡᠷᠡᠭᠯᠡᠬᠦᠷ ᠠᠪᠴᠤ᠂ ᠦᠷᠬᠦᠯᠵᠢ ᠤᠷᠤᠢ ᠰᠦᠨᠢ ᠪᠡᠷ ᠬᠦᠳᠡᠯᠦᠯᠴᠡᠵᠦ᠂ ᠲᠤᠷᠠ ᠪᠡᠷ ᠵᠢᠡᠨ ᠬᠤᠯᠠᠭᠠᠢᠯᠠᠨ ᠮᠠᠯᠳᠠᠵᠤ ᠪᠠᠢᠬᠤ ᠮᠠᠭᠠᠳ ᠦᠬᠡᠢ᠂ ᠲᠤᠳᠤᠭᠠᠳᠤ ᠵᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠ ᠡᠴᠨ ᠪᠠᠢᠴᠠᠭᠠᠬᠤ ᠪᠤᠯᠪᠠᠤ》 ᠬᠡᠪᠡ᠃
ᠲᠤᠰ ᠰᠦᠪᠡᠭᠴᠢ ᠵᠢ ᠤᠯᠤᠬᠰᠠᠨ ᠤ᠋ ᠲᠠᠷᠠᠭᠠ᠂ ᠡᠷᠡᠬᠦᠦ ᠵᠢᠨ ᠬᠡᠷᠡᠭ ᠢ ᠲᠠᠩᠨᠠᠨ ᠪᠠᠢᠴᠠᠭᠠᠬᠤ ᠶᠡᠬᠡ ᠠᠩᠬᠢ ᠪᠠᠷᠢᠨ ᠴᠠᠬᠳᠠᠭᠠ ᠵᠢ ᠵᠤᠬᠢᠶᠠᠨ ᠪᠠᠢᠭᠤᠯᠤᠨ ᠯᠠᠮᠠ ᠵᠢᠨ ᠲᠤᠬᠤᠢ ᠪᠠᠯᠭᠠᠰᠤᠨ ᠳ᠋ᠸ᠋ ᠤᠴᠢᠭᠤᠯᠪᠠ᠃ ᠵᠢᠬᠰᠠᠭᠠᠨ ᠪᠠᠢᠴᠠᠭᠠᠭᠠᠳ᠂ ᠴᠠᠬᠳᠠᠭᠠ ᠨᠠᠷ ᠯᠠᠮᠠ ᠵᠢᠨ ᠲᠤᠬᠤᠢ ᠪᠠᠯᠭᠠᠰᠤᠨ ᠤ᠋ ᠨᠢᠬᠡᠨ ᠠᠭᠤᠯᠠᠨ ᠳ᠋ᠸ᠋ ᠠᠩᠬᠠᠷᠤᠯ ᠵᠢᠡᠨ ᠬᠠᠨᠳᠤᠭᠤᠯᠪᠠ᠃ ᠲᠤᠰ ᠠᠭᠤᠯᠠ ᠮᠠᠰᠢ ᠡᠭᠴᠡ᠂ ᠵᠠᠮ ᠴᠢᠬᠤᠯ᠂ ᠶᠠᠪᠤᠬᠤ ᠳ᠋ᠸ᠋ ᠬᠦᠴᠢᠷᠳᠡᠢ ᠪᠠᠢᠵᠤ᠂ 3 ᠬᠤᠯᠠᠭᠠᠢᠯᠠᠵᠤ ᠮᠠᠯᠳᠠᠬᠰᠠᠨ ᠨᠦᠬᠡ ᠲᠠᠢ ᠪᠠᠢᠯᠠ᠃ ᠨᠢᠬᠡ ᠤᠷᠤᠢ ᠰᠠᠬᠢᠵᠤ ᠬᠦᠯᠢᠶᠡᠬᠦ ᠪᠡᠷ ᠲᠠᠮᠵᠢᠭᠤᠯᠤᠨ᠂ ᠴᠠᠬᠳᠠᠭᠠ ᠨᠠᠷ ᠲᠠᠷᠠᠭᠠ ᠡᠳᠦᠷ ᠤ᠋ᠨ ᠬᠢᠨᠢ ᠦᠷᠯᠦᠬᠡ ᠡᠷᠳᠡ ᠬᠢᠯᠠᠪ ᠴᠢᠯᠠᠪ ᠬᠢᠭᠰᠡᠨ ᠰᠡᠵᠢᠭᠯᠡᠯᠳᠡᠢ ᠬᠡᠳᠦᠨ ᠬᠦᠮᠦᠨ ᠢ ᠢᠯᠡᠷᠡᠬᠦᠯᠵᠦ᠂ ᠡᠷᠳᠡᠨ ᠤ᠋ ᠰᠡᠬᠡᠷᠳᠡᠨ ᠤ᠋ ᠴᠢᠯᠠᠭᠤᠵᠢᠮᠠᠯᠢ ᠬᠤᠯᠠᠭᠠᠢᠯᠠᠨ ᠮᠠᠯᠳᠠᠬᠰᠠᠨ 9 ᠶᠠᠯᠠ ᠵᠢᠨ ᠰᠡᠵᠢᠭᠳᠡᠨᠢ ᠲᠤᠬᠠᠢ ᠵᠢᠨ ᠲᠠᠯᠠᠪᠠᠢ ᠳ᠋ᠤᠨᠢ ᠪᠠᠷᠢᠪᠴᠢᠯᠠᠪᠠ᠃
ᠰᠢᠬᠦᠵᠦ ᠠᠰᠠᠭᠤᠬᠰᠠᠨ ᠵᠢᠡᠷ ᠡᠨᠡ ᠪᠤᠯ ᠨᠠᠷᠢᠨ ᠲᠦᠯᠦᠪᠯᠡᠬᠡ ᠲᠠᠢ᠂ ᠠᠵᠢᠯ ᠤ᠋ᠨ ᠬᠤᠪᠢᠶᠠᠷᠢᠯᠠᠯ ᠲᠤᠳᠤᠷᠬᠠᠢ ᠡᠷᠳᠡᠨ ᠤ᠋ ᠰᠡᠬᠡᠷᠳᠡᠨ ᠤ᠋ ᠴᠢᠯᠠᠭᠤᠵᠢᠮᠠᠯᠢ ᠬᠤᠯᠠᠭᠠᠢᠯᠠᠨ ᠮᠠᠯᠳᠠᠵᠤ ᠫᠠᠨᠽᠠᠯᠠᠬᠰᠠᠨ ᠡᠪᠰᠡᠯ ᠪᠦᠯᠦᠭ ᠪᠤᠯᠬᠤ ᠵᠢ ᠤᠯᠵᠤ ᠮᠡᠳᠡᠪᠡ᠃ ᠶᠠᠯᠠ ᠵᠢᠨ ᠰᠡᠵᠢᠭᠳᠡᠨ ᠤ᠋ ᠲᠤᠰᠢᠶᠠᠬᠰᠠᠨ ᠵᠢᠡᠷ᠂ ᠲᠡᠳᠡᠨᠦᠰ ᠬᠤᠶᠠᠷ ᠲᠤᠭᠤᠢᠯᠠᠩ ᠬᠤᠪᠢᠶᠠᠵᠤ᠂ ᠨᠢᠬᠡ ᠲᠤᠭᠤᠢᠯᠠᠩ ᠨᠢ ᠨᠦᠬᠡᠨ ᠵᠠᠮ ᠮᠠᠯᠳᠠᠵᠤ ᠡᠷᠳᠡᠨ ᠤ᠋ ᠰᠡᠬᠡᠷᠳᠡᠨ ᠤ᠋ ᠴᠢᠯᠠᠭᠤᠵᠢᠮᠠᠯ ᠢ ᠬᠤᠯᠠᠭᠠᠢᠯᠠᠨ ᠮᠠᠯᠳᠠᠵᠤ᠂ ᠨᠦᠬᠦᠬᠡ ᠨᠢᠬᠡ ᠲᠤᠭᠤᠢᠯᠠᠩ ᠨᠢ ᠬᠤᠯᠠᠭᠠᠢᠯᠠᠨ ᠮᠠᠯᠳᠠᠬᠰᠠᠨ ᠡᠷᠳᠡᠨ ᠤ᠋ ᠰᠡᠬᠡᠷᠳᠡᠨ ᠤ᠋ ᠴᠢᠯᠠᠭᠤᠵᠢᠮᠠᠯᠢ ᠲᠤᠬᠳᠠᠬᠤ ᠰᠢᠶᠠᠨ ᠤ᠋ ᠯᠢ ᠤᠪᠤᠬᠳᠤ᠂ ᠸᠠᠩ ᠤᠪᠤᠬᠳᠤ ᠳ᠋ᠸ᠋ ᠬᠤᠳᠠᠯᠳᠤᠨ ᠦᠭᠴᠦ ᠲᠤᠮᠳᠠ ᠡᠴᠨ ᠨᠢ ᠠᠰᠢᠬ ᠤᠯᠳᠠᠬ᠃ ᠴᠠᠬᠳᠠᠭᠠ ᠨᠠᠷ ᠪᠠᠷᠢᠨ ᠲᠤᠬᠳᠠᠬᠤ ᠰᠢᠶᠠᠨ ᠳ᠋ᠸ᠋ ᠬᠦᠷᠴᠦ ᠪᠤᠵᠠᠷ ᠡᠳ᠋ᠢ ᠬᠤᠷᠢᠶᠠᠬᠰᠠᠨ ᠶᠠᠯᠠ ᠵᠢᠨ ᠰᠡᠵᠢᠭᠳᠡᠨ ᠯᠢ ᠤᠪᠤᠬᠳᠤ᠂ ᠸᠠᠩ ᠤᠪᠤᠬᠳᠤ ᠵᠢ ᠪᠠᠷᠢᠪᠴᠢᠯᠠᠪᠠ᠃ ᠡᠨᠳᠡ ᠬᠦᠷᠦᠬᠡᠳ ᠡᠨᠡ ᠬᠦ᠌ ᠡᠷᠳᠡᠨ ᠤ᠋ ᠰᠡᠬᠡᠷᠳᠡᠨ ᠤ᠋ ᠴᠢᠯᠠᠭᠤᠵᠢᠮᠠᠯ ᠢ ᠬᠤᠯᠠᠭᠠᠢᠯᠠᠨ ᠮᠠᠯᠳᠠᠬᠰᠠᠨ ᠬᠡᠷᠡᠭ ᠢ ᠰᠢᠢᠳᠪᠦᠷᠢᠯᠡᠵᠦ᠂ ᠨᠡᠢᠳᠡ 120 ᠭᠠᠷᠤᠢ ᠺᠢᠯᠦᠭᠷᠡᠮ ᠴᠢᠯᠠᠭᠤᠵᠢᠮᠠᠯᠢ ᠬᠤᠷᠢᠶᠠᠮᠵᠢᠯᠠᠨ᠂ 12 ᠶᠠᠯᠠ ᠵᠢᠨ ᠰᠡᠵᠢᠭᠳᠡᠨᠢ ᠪᠠᠷᠢᠪᠴᠢᠯᠠᠪᠠ᠃
ᠶᠠᠯᠠ ᠵᠢᠨ ᠰᠡᠵᠢᠭᠳᠡᠨ ᠤ᠋ ᠮᠠᠯᠳᠠᠬᠰᠠᠨ ᠵᠦᠢᠯᠡᠰ ᠨᠢ ᠬᠦᠬᠦᠳᠡᠨ ᠠᠮᠢᠳᠠᠨ ᠤ᠋ ᠶᠠᠰᠤᠨ ᠤ᠋ ᠴᠢᠯᠠᠭᠤᠵᠢᠮᠠᠯ ᠶᠤᠮ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠬᠡᠷᠢᠰ᠂ ᠪᠤᠭᠤ᠂ ᠵᠠᠭᠠᠨ᠂ ᠦᠬᠡᠷ᠂ ᠬᠤᠨᠢ ᠵᠡᠷᠬᠡ ᠠᠮᠢᠳᠠᠨ ᠦᠬᠦᠭᠰᠡᠨ ᠤ᠋ ᠲᠠᠷᠠᠭᠠ ᠭᠠᠵᠠᠷ ᠲᠦ᠍ ᠪᠤᠯᠠᠬᠳᠠᠵᠤ ᠪᠦᠷᠢᠯᠳᠦᠭᠰᠡᠨ ᠴᠢᠯᠠᠭᠤᠵᠢᠮᠠᠯ ᠪᠤᠯᠤᠨᠠ᠃ ᠲᠤᠰᠬᠠᠢ ᠮᠡᠷᠬᠡᠵᠢᠯᠳᠡᠨ ᠡᠴᠨ ᠪᠠᠷᠢᠴᠠᠭᠠᠨ ᠳ᠋ᠸ᠋ ᠦᠯᠡᠳᠡᠭᠡᠭᠰᠡᠨ ᠴᠢᠯᠠᠭᠤᠵᠢᠮᠠᠯ ᠳ᠋ᠸ᠋ ᠬᠢᠨᠠᠨ ᠲᠤᠬᠳᠠᠭᠠᠯᠳᠠ ᠬᠢᠬᠡᠳ᠂ ᠴᠦᠮ ᠤᠯᠤᠰ ᠡᠴᠨ ᠬᠠᠮᠠᠭᠠᠯᠠᠵᠤ ᠪᠠᠢᠭᠠ ᠡᠷᠳᠡᠨ ᠤ᠋ ᠰᠡᠬᠡᠷᠳᠡᠨᠤ᠋ ᠴᠢᠯᠠᠭᠤᠵᠢᠮᠠᠯ ᠪᠠᠢᠵᠤ᠂ ᠡᠳᠡᠬᠡᠷ ᠴᠢᠯᠠᠭᠤᠵᠢᠮᠠᠯ ᠨᠢ ᠡᠷᠳᠡᠨ ᠤ᠋ ᠰᠡᠬᠡᠷᠳᠡᠨ ᠤ᠋ ᠬᠤᠪᠢᠰᠤᠯᠳᠠ᠂ ᠡᠷᠳᠡᠨ ᠤ᠋ ᠭᠠᠵᠠᠷ ᠵᠦᠢ᠂ ᠡᠷᠳᠡᠨ ᠤ᠋ ᠤᠷᠴᠢᠨ ᠲᠤᠭᠤᠷᠢᠨᠢ ᠰᠤᠳᠤᠯᠬᠤ ᠳ᠋ᠸ᠋ ᠴᠦᠮ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ᠋ ᠰᠤᠳᠤᠯᠭᠠᠨ ᠤ᠋ ᠦᠨᠡ ᠦᠷᠳᠡᠭ ᠲᠠᠢ ᠶᠤᠮ᠃
ᠴᠠᠬᠳᠠᠭᠠ ᠵᠢᠨ ᠰᠠᠨᠠᠭᠤᠯᠤᠮᠵᠢ᠄ ᠡᠷᠳᠡᠨ ᠤ᠋ ᠰᠡᠬᠡᠷᠳᠡᠨ ᠤ᠋ ᠴᠢᠯᠠᠭᠤᠵᠢᠮᠠᠯ ᠢ ᠬᠤᠯᠠᠭᠠᠢᠯᠠᠨ ᠮᠠᠯᠳᠠᠬᠤ ᠪᠤᠯ ᠬᠠᠤᠯᠢ ᠡᠴᠨ ᠵᠦᠷᠢᠴᠡᠭᠰᠡᠨ ᠠᠵᠢᠯᠯᠠᠭᠠ ᠪᠤᠯᠤᠨᠠ᠃ ᠲᠤᠷᠠ ᠪᠡᠷ ᠵᠢᠡᠨ ᠴᠢᠯᠠᠭᠤᠵᠢᠮᠠᠯᠢ ᠬᠤᠯᠠᠭᠠᠢᠯᠠᠨ ᠮᠠᠯᠳᠠᠬᠤ ᠨᠢ ᠡᠷᠳᠡᠨ ᠤ᠋ ᠰᠡᠬᠡᠷᠳᠡᠨ ᠤ᠋ ᠴᠢᠯᠠᠭᠤᠵᠢᠮᠠᠯᠢ ᠬᠤᠯᠠᠭᠠᠢᠯᠠᠨ ᠮᠠᠯᠳᠠᠬᠰᠠᠨ ᠶᠠᠯᠠ ᠬᠢᠭᠰᠡᠨ ᠵᠢᠡᠷ ᠰᠡᠵᠢᠭᠯᠡᠭᠳᠡᠵᠦ᠂ ᠲᠤᠷᠠ ᠪᠡᠷ ᠵᠢᠡᠨ ᠡᠷᠳᠡᠨ ᠤ᠋ ᠴᠢᠯᠠᠭᠤᠵᠢᠮᠠᠯᠢ ᠬᠤᠳᠠᠯᠳᠤᠨ ᠠᠪᠬᠤ ᠨᠢ ᠬᠠᠤᠯᠢ ᠵᠢ ᠵᠦᠷᠢᠴᠡᠨᠡ᠃