ᠤᠶᠠᠩᠭᠠ （ᠴᠢᠪᠠᠭᠠ ᠵᠢᠨ ᠬᠤᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠰᠤᠷᠤᠭᠴᠢ）
ᠦᠨᠳᠦᠷ ᠳᠤᠮᠳᠠᠳᠤᠶ᠋ᠢᠨ ᠭᠤᠷᠪᠠᠨ ᠵᠢᠯ ᠬᠠᠷᠪᠤᠭ᠍ᠰᠠᠨ ᠰᠤᠮᠤ ᠱᠢᠭ᠋ ᠬᠤᠷᠳᠤᠨ ᠥᠩᠭᠡᠷᠡᠴᠢᠬᠡᠯᠡ᠃ ᠬᠦᠮᠦᠨ ᠬᠠᠷᠠᠯᠲᠠ ᠬᠡᠳᠦᠢ ᠶᠡᠬᠡ ᠪᠤᠯ ᠲᠡᠳᠦᠢ ᠬᠤᠯᠠ ᠠᠶᠠᠯᠠᠳᠠᠭᠤᠨ ᠤᠴᠢᠷ ᠪᠢ ᠥᠪᠡᠷᠤᠨ ᠬᠦᠰᠡᠵᠦ᠍ ᠰᠠᠨᠠᠭ᠍ᠰᠠᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ ᠤᠷᠤᠬᠤ ᠭᠡᠵᠦ᠍ ᠡᠨᠡ ᠭᠤᠷᠪᠠᠨ ᠵᠢᠯ ᠳ᠋ᠤ ᠴᠥᠬᠦᠷᠡᠰᠢ ᠦᠭᠡᠢ ᠴᠢᠷᠮᠠᠢᠭᠰᠠᠭᠠᠷ ᠢᠷᠡᠭ᠌ᠰᠡᠨ ᠶᠤᠮ᠃ ᠥᠩᠭᠡᠷᠡᠭ᠌ᠰᠡᠨ ᠭᠤᠷᠪᠠᠨ ᠵᠢᠯᠢᠶᠠᠨ ᠡᠷᠬᠢᠴᠡᠬᠦᠯᠬᠦ ᠳ᠋ᠤ ᠲᠡᠳᠡᠭᠡᠷ ᠰᠡᠷᠢᠬᠦᠯᠬᠡᠳᠦ ᠴᠠᠭ ᠵᠢᠡᠷ ᠡᠷᠲᠡᠯᠡᠨ ᠪᠤᠰᠳᠠᠭ ᠦᠷᠤᠨ ᠬᠡᠬᠡ᠂ ᠬᠦᠢᠲᠡᠨ ᠤᠰᠤᠪᠠᠷ ᠨᠢᠭᠤᠷᠢᠶᠠᠨ ᠤᠬᠢᠶᠠᠨ ᠨᠣᠢᠷᠢᠶᠠᠨ ᠰᠡᠷᠭᠦᠭᠡᠨ ᠳᠠᠪᠲᠠᠳᠠᠭ ᠰᠦᠨᠢᠶ᠋ᠢᠨ ᠨᠠᠮᠵᠢᠭᠤᠨ᠂ ᠴᠢᠳᠠᠬᠤ ᠦᠭᠡᠢ ᠮᠡᠳᠡᠬᠦ᠌ ᠦᠭᠡᠢ ᠪᠠᠨ ᠠᠰᠠᠭᠤᠬᠤᠪᠠᠷ ᠬᠦᠷᠳᠡᠭ ᠪᠠᠭ᠍ᠰᠢᠶ᠋ᠢᠨ ᠠᠯᠪᠠᠨ ᠭᠡᠷ ᠵᠢᠴᠢ ᠬᠠᠮᠲᠤ ᠨᠦᠬᠦᠳᠲᠠᠢ ᠪᠠᠨ ᠰᠡᠳᠦᠪ ᠶᠠᠷᠢᠯᠴᠠᠨ ᠬᠠᠷᠢᠯᠴᠠᠨ ᠠᠰᠠᠭᠤᠳᠠᠭ ᠠᠩᠭᠢᠶ᠋ᠢᠨ ᠥᠨᠴᠥᠭ ᠪᠣᠯᠤᠩ ᠁ ᠡᠨᠡ ᠪᠦᠬᠦᠨ ᠨᠢᠳᠦᠨᠳᠤ ᠢᠯᠡᠬᠡᠨ᠃ ᠡᠳᠡᠭᠡᠷ ᠴᠠᠭ ᠮᠥᠴᠡ ᠪᠦᠷᠢ ᠪᠢ ᠭᠡᠭᠡᠨ ᠰᠠᠷᠠᠭᠤᠯ ᠢᠷᠡᠭᠡᠳᠦᠢᠶ᠋ᠢᠨᠢᠶᠠᠨ ᠲᠥᠯᠥᠭᠡ ᠴᠢᠷᠮᠠᠢᠵᠤ ᠢᠷᠡᠭᠰᠡᠨ ᠤᠴᠢᠷᠠᠴᠠ ᠵᠦᠳᠡᠷᠡᠯᠳᠡᠢ ᠴᠤ᠌ ᠭᠡᠰᠡᠨ ᠵᠢᠷᠭᠠᠯᠲᠠᠢ ᠰᠠᠨᠠᠭ᠍ᠳᠠᠨᠠ᠃
《ᠰᠠᠨᠠᠵᠤ ᠶᠠᠪᠤᠪᠠᠯ ᠪᠦᠲᠦᠨᠡ᠂ ᠰᠠᠵᠢᠯᠠᠵᠤ ᠶᠠᠪᠤᠪᠠᠯ ᠬᠦᠷᠦᠨᠡ》 ᠭᠡᠳᠡᠭ᠌ᠴᠢᠯᠡᠨ ᠪᠢᠳᠡᠨᠳᠤ ᠬᠠᠮᠤᠭ ᠡᠴᠦᠰᠤᠨ ᠱᠢᠪᠲᠤᠯᠤᠯᠲᠠᠶ᠋ᠢᠨ ᠬᠠᠭᠠᠰᠬᠠᠨ ᠰᠠᠷᠠᠶᠢᠨ ᠵᠠᠢ ᠦᠯᠡᠳᠡᠵᠦ᠍ ᠪᠠᠢᠭᠠ ᠪᠣᠯᠬᠤᠷ ᠪᠢᠳᠡ ᠡᠷᠬᠡᠪᠰᠢ ᠳᠡᠭᠡᠳᠦ ᠬᠡᠮᠵᠢᠶᠡᠪᠠᠷ ᠰᠡᠳᠭᠢᠯᠢᠶᠠᠨ ᠲᠦᠪᠯᠡᠷᠡᠬᠦᠯᠵᠦ᠂ ᠡᠳᠡᠭᠡᠷ ᠡᠳᠦᠷ ᠬᠤᠨᠤᠭᠲᠤ ᠬᠢᠴᠢᠶᠡᠯᠤᠨ ᠳᠡᠪᠲᠡᠷᠤ᠋ᠨ ᠠᠭᠤᠯᠭᠠ ᠳ᠋ᠠᠭᠠᠨ ᠪᠤᠴᠠᠬᠤ ᠬᠡᠷᠡᠭ᠌ᠲᠡᠢ ᠭᠡᠵᠦ᠍ ᠪᠣᠳᠣᠵᠤ ᠪᠠᠢᠨᠠ᠃ ᠬᠢᠴᠢᠶᠡᠯᠤᠨ ᠳᠡᠪᠲᠡᠷᠤᠨ ᠦᠨᠳᠦᠰᠦᠨ ᠮᠡᠳᠡᠯᠭᠡᠪᠠᠨ ᠪᠠᠳᠤᠳᠬᠠᠵᠤ᠂ ᠮᠡᠳᠡᠯᠬᠡ ᠵᠢᠨ ᠴᠡᠭ ᠵᠢᠡᠨ ᠰᠠᠢᠳᠤᠷ ᠬᠤᠯᠪᠤᠵᠤ ᠴᠢᠳᠠᠭ᠍ᠰᠠᠨᠤ ᠰᠠᠭᠤᠷᠢᠨ ᠳᠡᠭᠡᠷᠡ ᠪᠢᠳᠡ ᠰᠠᠶᠢ ᠤᠯᠤᠰᠤᠨ ᠱᠢᠯᠭᠠᠯᠲᠠᠶ᠋ᠢᠨ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠴᠢᠳᠠᠪᠤᠷᠢᠶ᠋ᠢᠨ ᠪᠠᠢᠴᠠᠭᠠᠯᠲᠠᠳᠤ ᠰᠤᠷᠤᠭ᠍ᠰᠠᠨ ᠮᠡᠳᠡᠯᠭᠡᠪᠠᠨ ᠠᠮᠢᠳᠤᠯᠢᠭᠢᠶᠠᠷ ᠬᠡᠷᠡᠭ᠌ᠯᠡᠵᠦ᠍ ᠴᠢᠳᠠᠨᠠ᠃ ᠡᠭᠦᠨᠤ ᠬᠠᠮᠲᠤ ᠰᠡᠳᠦᠪᠤᠨ ᠬᠡᠯᠪᠡᠷᠢ ᠲᠤᠢᠯᠤᠨ ᠴᠢᠬᠤᠯᠠ ᠭᠡᠳᠡᠭᠢ ᠣᠢᠯᠠᠭᠠᠬᠤ ᠬᠡᠷᠡᠭ᠌ᠲᠡᠢ᠃ ᠤᠯᠤᠰᠤᠨ ᠱᠢᠯᠭᠠᠯᠲᠠᠶ᠋ᠢᠨ ᠬᠢᠵᠠᠭᠠᠷᠲᠠᠢ ᠴᠠᠭᠲᠤ ᠥᠪᠡᠷᠤᠨ ᠪᠤᠢ ᠪᠦᠬᠦᠢ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠮᠡᠳᠡᠯᠭᠡᠪᠠᠨ ᠤᠶᠠᠯᠳᠤᠭᠤᠯᠤᠨ ᠬᠡᠷᠡᠭ᠌ᠯᠡᠬᠦ᠌ ᠤᠴᠢᠷᠠᠴᠠ ᠪᠢᠳᠡ ᠵᠠᠪᠠᠯ ᠠᠯᠢ ᠰᠡᠳᠦᠪᠢ ᠶᠠᠭᠠᠬᠢᠵᠤ ᠰᠡᠳᠭᠢᠵᠦ᠍ ᠬᠡᠷᠬᠢᠨ ᠬᠠᠷᠢᠭᠤᠯᠪᠠᠯ ᠵᠣᠬᠢᠬᠤ ᠭᠡᠳᠡᠭᠢ ᠮᠡᠳᠡᠬᠦ᠌ ᠬᠡᠷᠡᠭ᠌ᠲᠡᠢ᠂ ᠭᠦᠢᠴᠡᠳ ᠪᠣᠯᠪᠠᠰᠤᠷᠠᠩᠭᠤᠢ ᠪᠣᠯᠤᠭ᠍ᠰᠠᠨ ᠬᠦᠮᠦᠨ ᠰᠠᠶᠢ ᠦᠪᠡᠷᠤᠨ ᠣᠯᠵᠤ ᠳᠡᠢᠯᠬᠦ᠌ ᠬᠤᠪᠢᠪᠠᠨ ᠣᠰᠤᠯᠳᠤᠯ ᠦᠭᠡᠢ ᠣᠯᠵᠤ ᠴᠢᠳᠠᠨᠠ᠂ ᠡᠢᠮᠦ᠍ᠠᠴᠠ ᠪᠢᠳᠡ ᠡᠨᠡ ᠬᠠᠭᠠᠰ ᠰᠠᠷᠠ ᠳ᠋ᠤ ᠮᠦᠨ ᠴᠤ᠌ ᠬᠢᠵᠦ᠍ ᠥᠩᠭᠡᠷᠡᠭ᠌ᠰᠡᠨ ᠰᠡᠳᠦᠪᠤᠳᠢᠶᠠᠨ ᠳᠠᠬᠢᠨ ᠤᠷᠪᠠᠭᠤᠯᠵᠤ ᠪᠠᠳᠤᠳᠬᠠᠵᠤ ᠦᠵᠡᠪᠡᠯ ᠵᠤᠬᠢᠨᠠ᠃
ᠤᠯᠤᠰᠤᠨ ᠱᠢᠯᠭᠠᠯᠲᠠ ᠡᠳᠦᠷ ᠡᠴᠡ ᠡᠳᠦᠷ ᠣᠢᠷᠠᠲᠤᠭᠠᠳ ᠢᠷᠡᠭᠰᠡᠨ ᠴᠸ᠋ ᠪᠢᠳᠡ ᠬᠡᠲᠦᠷᠬᠡᠢ ᠶᠠᠭᠠᠷᠠᠵᠤ ᠪᠠᠯᠠᠭ ᠠᠯᠳᠠᠨ ᠰᠠᠨᠳᠤᠷᠴᠤ ᠶᠠᠭᠤ ᠶᠠᠭᠤᠨᠳ᠋ᠠᠭᠠᠨ ᠵᠠᠪᠳᠤᠬᠤ ᠦᠭᠡᠢ ᠪᠠᠢᠵᠤ ᠪᠣᠯᠬᠤ ᠦᠭᠡᠢ᠂ ᠡᠨᠡ ᠬᠡᠰᠡᠭ ᠬᠤᠭᠤᠴᠠᠭᠠᠨᠳᠤ ᠪᠢᠳᠡ ᠵᠠᠪᠠᠯ ᠰᠤᠷᠤᠯᠴᠠᠵᠤ ᠠᠮᠠᠷᠠᠬᠤᠪᠠᠨ ᠵᠤᠬᠢᠰᠲᠠᠢ ᠲᠤᠬᠢᠷᠠᠭᠤᠯᠬᠤ ᠬᠡᠷᠡᠭ᠌ᠲᠡᠢ᠃ ᠨᠠᠳᠠᠪᠠᠷ ᠠᠪᠴᠤ᠌ ᠬᠡᠯᠡᠪᠡᠯ ᠥᠷᠯᠦᠭᠡ ᠳ᠋ᠡᠬᠡᠨ ᠡᠷᠲᠡ ᠪᠣᠰᠪᠠᠯ ᠤᠷᠤᠢᠳ᠋ᠠᠭᠠᠨ ᠲᠡᠳᠦᠢ ᠤᠷᠤᠢ ᠪᠣᠯᠳᠠᠭ ᠦᠭᠡᠢ᠂ ᠪᠠᠰᠠ ᠤᠷᠤᠢᠳ᠋ᠠᠭᠠᠨ ᠤᠷᠤᠢᠬᠠᠨ ᠪᠤᠯᠳᠠᠯᠠ ᠳᠠᠪᠲᠠᠴᠢᠬᠠᠭ᠍ᠰᠠᠨ ᠶᠤᠮ ᠪᠣᠯ ᠬᠤᠶᠠᠳᠡᠬᠢ ᠥᠷᠯᠥᠭᠡᠳ᠋ᠡᠬᠡᠨ ᠶᠡᠬᠡ ᠡᠷᠲᠡ ᠪᠣᠰᠳᠠᠭ ᠦᠭᠡᠢ᠂ ᠪᠢᠳᠡ ᠬᠦᠢᠴᠡᠳ ᠠᠮᠠᠷᠠᠪᠠᠯ ᠰᠠᠶᠢ ᠳᠠᠷᠢᠬᠢ ᠳᠤᠯᠤᠭᠠᠢ ᠰᠡᠷᠬᠡᠭ ᠪᠠᠢᠵᠤ ᠡᠳᠦᠷᠤᠨ ᠬᠢᠴᠢᠶᠡᠯ ᠳᠠᠪᠲᠠᠯᠭᠠᠶ᠋ᠢᠨᠢᠶᠡᠨ ᠴᠢᠨᠠᠷᠢ ᠪᠠᠲᠤᠯᠠᠵᠤ ᠴᠢᠳᠠᠨᠠ᠃ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠳᠤ ᠤᠷᠤᠯᠴᠠᠬᠤᠨᠢ ᠪᠠᠰᠠ ᠲᠤᠢᠯᠤᠨ ᠴᠢᠬᠤᠯᠠ᠂ ᠨᠢᠭᠡ ᠴᠤ᠌ ᠭᠡᠰᠡᠨ ᠬᠥᠯᠥᠷᠡᠲᠡᠯᠡᠪᠠᠨ ᠨᠠᠭᠠᠳᠴᠢᠬᠠᠪᠠᠯ ᠪᠡᠶᠡ ᠮᠠᠬᠠᠪᠤᠳ ᠴᠢᠩᠭᠠᠷᠠᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠴᠡᠭᠡᠵᠢ ᠤᠩᠭᠤᠢᠨ ᠰᠡᠳᠭᠢᠯ ᠰᠠᠨᠠᠭᠠ ᠴᠤ᠌ ᠠᠭᠤᠵᠢᠷᠠᠨᠠ᠂ ᠡᠢᠮᠦ᠍ᠠᠴᠠ ᠪᠢᠳᠡ ᠪᠡᠷᠬᠡ ᠬᠠᠳᠠᠭᠤᠵᠢᠯᠳᠠᠢ ᠡᠴᠦᠰᠤᠨ ᠰᠢᠪᠳᠤᠯᠤᠯᠳᠠᠶᠢᠨ ᠡᠳᠦᠷ ᠬᠤᠨᠤᠭᠤᠳᠲᠤ ᠴᠤ᠌ ᠭᠡᠰᠡᠨ ᠠᠵᠢᠯᠯᠠᠵᠤ ᠠᠮᠠᠷᠠᠬᠤ ᠬᠡᠪ ᠤ᠋ᠨ ᠵᠤᠷᠱᠢᠯᠢᠶᠠᠨ ᠠᠯᠳᠠᠬᠤ ᠦᠭᠡᠢᠪᠠᠷ ᠴᠢᠷᠮᠠᠢᠪᠠᠯ ᠪᠤᠯᠴᠢᠬᠠᠨᠠ᠃
ᠦᠨᠳᠦᠷ ᠭᠤᠷᠪᠠ ᠬᠡᠮᠡᠭ᠌ᠴᠢ ᠬᠢᠭᠡᠳ ᠪᠠᠷᠠᠳᠠᠭ ᠦᠭᠡᠢ ᠰᠡᠳᠦᠪ᠂ ᠱᠢᠯᠭᠠᠭᠠᠳ ᠲᠠᠭᠤᠰᠳᠠᠭ ᠦᠭᠡᠢ ᠱᠢᠯᠭᠠᠯᠲᠠᠪᠠᠷ ᠪᠦᠷᠢᠯᠳᠦᠭ᠌ᠰᠡᠨ ᠲᠤᠢᠯᠤᠨ ᠣᠬᠤᠷᠬᠠᠨ ᠪᠥᠭᠡᠳ ᠶᠠᠭᠠᠷᠠᠯᠲᠠᠢ ᠨᠢᠭᠡᠨ ᠵᠢᠯ ᠪᠣᠯᠣᠨᠠ᠃ ᠬᠡᠳᠦᠢᠪᠡᠷ ᠶᠠᠳᠠᠷᠠᠯᠲᠠᠢ ᠪᠣᠯᠪᠠᠴᠤ᠌ ᠴᠠᠭᠢ ᠨᠢᠭᠡ ᠴᠦ᠍ ᠲᠠᠯᠠᠭᠠᠷ ᠥᠩᠭᠡᠷᠡᠭᠡᠳᠡᠭ ᠦᠭᠡᠢ ᠪᠣᠯᠬᠤᠷ ᠮᠠᠰᠢ ᠤᠳᠭᠠ ᠠᠭᠤᠯᠭᠠᠲᠠᠢ ᠰᠠᠨᠠᠭ᠍ᠳᠠᠳᠠᠭ᠃ ᠮᠢᠨᠦ ᠨᠢᠭᠡ ᠡᠳᠦᠷᠤᠨ ᠰᠤᠷᠤᠯᠴᠠᠯᠭᠠ ᠭᠡᠪᠡᠯ ᠦᠷᠯᠦᠬᠡ ᠵᠢᠨ ᠳᠠᠪᠳᠠᠯᠭᠠ ᠡᠴᠡ ᠡᠬᠢᠯᠡᠨᠡ᠃ ᠦᠳᠡᠶ᠋ᠢᠨ ᠡᠮᠦᠨᠡᠬᠢ ᠬᠢᠴᠢᠶᠡᠯᠤᠨ ᠳᠠᠷᠠᠭᠠ ᠦᠳᠡᠶ᠋ᠢᠨ ᠤᠨᠲᠠᠯᠭᠠ ᠡᠴᠡ ᠪᠠᠨ ᠡᠮᠦᠨᠡ ᠴᠤ᠌ ᠬᠠᠭᠠᠰ ᠴᠠᠭ ᠬᠤᠷᠢᠨ ᠮᠢᠨᠦ᠋ᠲ ᠭᠠᠷᠭᠠᠨ ᠬᠢᠴᠢᠶᠡᠯᠤᠨ ᠳᠡᠪᠲᠡᠷᠢᠶᠠᠨ ᠡᠷᠭᠢᠭᠦᠯᠦᠨ ᠦᠵᠡᠨᠡ᠃ ᠦᠳᠡᠶ᠋ᠢᠨ ᠬᠤᠢᠨᠠᠬᠢ ᠬᠢᠴᠢᠶᠡᠯᠢᠶᠠᠨ ᠣᠷᠣᠵᠤ ᠳᠠᠭᠤᠰᠤᠭᠠᠳ ᠤᠷᠤᠢᠶ᠋ᠢᠨ ᠬᠤᠭᠤᠯᠠᠨᠤ ᠳᠠᠷᠠᠭᠠᠬᠢ ᠲᠡᠷᠡ ᠬᠡᠰᠡᠭ ᠰᠤᠯᠠ ᠰᠡᠯᠡᠭᠦᠤ ᠴᠠᠭᠲᠠᠭᠠᠨ ᠨᠢᠭᠡ ᠡᠳᠦᠷᠤᠨ ᠣᠯᠣᠯᠲᠠᠪᠠᠨ ᠳ᠋ᠦᠩᠨᠡᠵᠦ᠍᠂ ᠤᠷᠤᠢᠶ᠋ᠢᠨ ᠳᠠᠪᠲᠠᠯᠭᠠ ᠶᠠᠭᠤ ᠳᠠᠪᠲᠠᠬᠤ ᠴᠢᠬᠤᠯᠠ ᠲᠠᠢᠪᠠᠨ ᠲᠤᠭᠳᠠᠨᠠ᠃ ᠳᠠᠪᠲᠠᠯᠭᠠ ᠪᠠᠭᠤᠭᠠᠳ ᠪᠠᠢᠷᠢᠳ᠋ᠠᠭᠠᠨ ᠬᠠᠷᠢᠭ᠍ᠰᠠᠨ ᠬᠤᠢᠨᠠ ᠳᠡᠩᠳᠡᠭᠦᠦ ᠶᠡᠭᠡ ᠶᠠᠳᠠᠷᠠᠭᠠ ᠦᠭᠡᠢ ᠪᠣᠯ ᠪᠠᠰᠠ ᠵᠢᠭᠠᠬᠠᠨ ᠰᠠᠭᠤᠭᠠᠳ ᠳᠠᠪᠲᠠᠳᠠᠭ᠂ ᠭᠡᠪᠡᠴᠦ᠍ ᠬᠡᠳᠦ ᠤᠷᠤᠢᠳᠠᠬᠤ ᠨᠢ ᠳᠠᠷᠠᠭᠠ ᠡᠳᠦᠷᠤᠨ ᠬᠢᠴᠢᠶᠡᠯᠢ᠋ ᠬᠠᠷᠰᠢᠯᠠᠬᠤ ᠪᠤᠯᠬᠤᠷ ᠪᠢ ᠶᠡᠷᠦ ᠨᠢ ᠬᠡᠳᠦ ᠤᠷᠤᠢ ᠪᠤᠯᠳᠠᠭ ᠦᠬᠡᠢ᠃ ᠡᠢᠮᠦᠷᠬᠦᠤ ᠬᠠᠯᠠᠰᠢᠷᠠᠯ ᠦᠭᠡᠢ ᠴᠦᠬᠦᠷᠡᠰᠢ ᠦᠭᠡᠢ ᠴᠢᠷᠮᠠᠢᠬᠰᠠᠨᠤ ᠬᠠᠷᠢᠭᠤ ᠳ᠋ᠤ ᠦᠪᠤᠷ ᠮᠤᠩᠭᠤᠯᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠳᠤ ᠰᠢᠯᠭᠠᠨ ᠤᠷᠤᠬᠤ ᠬᠦᠰᠡᠯ ᠮᠢᠨᠢ ᠯᠠᠪ ᠲᠡᠷᠭᠡᠯᠰᠢᠨᠡ᠃
ᠭᠤᠷᠪᠠᠨ ᠵᠢᠯ ᠬᠡᠳᠦᠢᠪᠡᠷ ᠬᠠᠷᠪᠤᠭ᠍ᠰᠠᠨ ᠰᠤᠮᠤ ᠱᠢᠭ᠋ ᠬᠤᠷᠳᠤᠨ ᠥᠩᠭᠡᠷᠡᠭ᠌ᠰᠡᠨ ᠪᠣᠯᠪᠠᠴᠤ᠌ ᠪᠠᠭ᠍ᠰᠢ ᠨᠠᠷ᠂ ᠬᠠᠮᠲᠤ ᠨᠦᠬᠦᠳᠲᠠᠢᠪᠠᠨ ᠥᠩᠭᠡᠷᠡᠭᠦᠯᠦᠭ᠌ᠰᠡᠨ ᠴᠠᠭ ᠮᠥᠴᠡᠮᠠᠨᠢ ᠰᠡᠳᠭᠢᠯᠳᠤ ᠮᠢᠨᠢ ᠭᠦᠨᠠᠴᠠ ᠭᠦᠨ ᠬᠠᠳᠠᠩᠱᠢᠯᠠ᠃ ᠢᠷᠡᠭᠡᠳᠦᠢᠶ᠋ᠢᠨᠢᠶᠠᠨ ᠲᠥᠯᠥᠭᠡ ᠤᠯᠠᠨ ᠪᠣᠳᠤᠯ ᠳ᠋ᠤ ᠠᠪᠳᠠᠵᠤ᠂ ᠰᠤᠷᠤᠯᠭᠠ ᠬᠢᠴᠢᠶᠡᠯ ᠬᠦᠴᠢᠷᠳᠡᠯ ᠲᠤᠯᠭᠠᠷᠠᠵᠤ ᠪᠠᠢᠬᠤᠳᠤ ᠪᠦᠷ ᠪᠠᠭ᠍ᠰᠢ ᠨᠠᠷ ᠪᠠ ᠬᠠᠮᠳᠤ ᠨᠦᠬᠦᠳ ᠮᠢᠨᠢ ᠳᠡᠷᠭᠡᠳᠡ ᠪᠠᠢᠵᠤ ᠨᠠᠮᠠᠶ᠋ᠢ ᠮᠣᠬᠤᠷᠳᠠᠯᠠᠴᠠ ᠵᠠᠢᠯᠠᠭᠤᠯᠤᠬᠰᠠᠨ᠂ ᠪᠢ ᠦᠨᠢ ᠡᠭᠦᠷᠢᠲᠡ ᠡᠳᠡᠭᠡᠷᠢ ᠳᠤᠷᠠᠰᠴᠤ᠌ ᠶᠠᠪᠤᠬᠤ ᠪᠥᠭᠡᠳ ᠬᠡᠵᠢᠶᠡᠲᠡ ᠬᠦᠨᠳᠦᠲᠦ ᠪᠠᠭ᠍ᠰᠢ ᠨᠠᠷ᠂ ᠬᠠᠢᠷᠠᠲᠤ ᠨᠦᠬᠦᠳᠲᠡᠭᠡᠨ ᠲᠠᠯᠠᠷᠬᠠᠵᠤ ᠶᠠᠪᠤᠨᠠ᠃
《ᠬᠤᠯᠠ ᠬᠡᠮᠡᠨ ᠪᠦᠦ ᠴᠥᠬᠦ᠌ ᠶᠠᠪᠤᠪᠠᠰᠤ ᠬᠦᠷᠦᠶᠤ᠂ ᠬᠦᠨᠳᠦ ᠬᠡᠮᠡᠨ ᠪᠤᠦ ᠠᠶᠤ ᠡᠷᠭᠦᠪᠡᠰᠦ ᠳᠠᠭᠠᠭᠠᠶᠣ》 ᠭᠡᠳᠡᠭ᠌ᠴᠢᠯᠡᠨ ᠭᠤᠷᠪᠠᠨ ᠵᠢᠯᠤᠨ ᠲᠤᠷᠰᠢ ᠪᠠᠭ᠍ᠰᠢ ᠠᠬᠠᠮᠠᠳ᠂ ᠨᠠᠢᠵᠠ ᠨᠦᠬᠦᠳᠤᠨᠢᠶᠠᠨ ᠬᠠᠯᠠᠮᠵᠢᠯᠠᠯ ᠳᠤᠤᠷᠠ᠂ ᠦᠪᠡᠷᠤᠨ ᠬᠦᠴᠦ᠍ ᠬᠥᠯᠥᠰᠦᠪᠠᠨ ᠤᠷᠤᠰᠭᠠᠨ ᠣᠢᠭᠠ ᠦᠭᠡᠢ ᠴᠢᠷᠮᠠᠢᠭ᠍ᠰᠠᠨᠤ ᠳ᠋ᠦᠩᠳᠤ᠂ ᠪᠢᠳᠡ ᠪᠦᠬᠦᠨ ᠯᠠᠪ ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠱᠢᠯᠭᠠᠯᠲᠠᠶ᠋ᠢᠨ ᠦᠨᠳᠦᠷ ᠠᠮᠵᠢᠯᠲᠠᠳ᠋ᠤ ᠬᠠᠮᠳᠤ ᠳ᠋ᠠᠭᠠᠨ ᠬᠦᠷᠴᠦ ᠴᠢᠳᠠᠨᠠ ᠭᠡᠳᠡᠭᠲᠤ ᠢᠳᠡᠬᠡᠯ ᠳᠠᠢ ᠪᠠᠢᠨᠠ᠃