3 ᠰᠠᠷᠠᠶᠢᠨ 11ᠤ᠋ ᠡᠳᠦᠷ᠂ ᠨᠢᠭᠡᠨ ᠠᠶᠠᠨᠴᠢᠨ ᠬᠠᠤᠯᠢ ᠪᠤᠰᠤ ᠪᠠᠷ ᠬᠤᠸᠠᠷ ᠫᠤᠤᠵᠢᠩ ᠠᠪᠴᠤ ᠭᠠᠯᠲᠤ ᠲᠡᠷᠭᠡᠨᠳᠦ ᠰᠠᠭᠤᠬᠤᠪᠠᠷ ᠪᠡᠯᠡᠳᠬᠡᠵᠦ᠂ ᠬᠥᠬᠡᠬᠣᠲᠠᠶᠢᠨ ᠲᠡᠮᠦᠷ ᠵᠠᠮᠤᠨ ᠴᠠᠭᠳᠠᠭᠠᠨᠤ ᠲᠠᠯᠠᠶᠢᠨ ᠬᠢᠨᠳᠦ ᠬᠠᠤᠯᠢ ᠶᠣᠰᠣᠭᠠᠷ ᠰᠢᠢᠳᠬᠡᠭᠳᠡᠪᠡ᠃
ᠲᠤᠬᠠᠢᠶᠢᠨ ᠡᠳᠦᠷᠦᠨ 13 ᠴᠠᠭ 30 ᠮᠢᠨᠦ᠋ᠲᠲᠦ᠂ ᠬᠥᠬᠡᠬᠣᠲᠠᠶᠢᠨ ᠲᠡᠮᠦᠷ ᠵᠠᠮᠤᠨ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠭᠠᠵᠠᠷᠤᠨ ᠵᠦᠸᠸ ᠽᠢ ᠵᠡᠬᠦᠨ ᠲᠡᠷᠭᠡᠨ ᠥᠷᠲᠡᠭᠡᠨᠦ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢᠶᠢᠨ ᠴᠠᠭᠳᠠᠭᠠ ᠨᠠᠷ ᠵᠢᠵᠢᠭᠦᠷᠯᠡᠵᠦ ᠪᠠᠢᠬᠤᠳᠠᠭᠠᠨ ᠠᠮᠤᠷ ᠲᠦᠪᠰᠢᠨᠦ ᠪᠠᠢᠴᠠᠭᠠᠭ᠍ᠴᠢᠶᠢᠨ ᠬᠡᠷᠡᠭ ᠤ᠋ᠨ ᠮᠡᠳᠡᠬᠦᠯᠦᠯᠳᠡ ᠵᠢ ᠲᠤᠰᠴᠤ᠂ ᠠᠶᠠᠨᠴᠢᠳ ᠰᠢᠦᠢ ᠣᠪᠣᠭᠲᠤᠶᠢᠨ ᠪᠣᠭᠴᠣᠨᠳᠤ ᠬᠤᠸᠠᠷ ᠫᠤᠤᠵᠢᠩ ᠠᠪᠴᠤ ᠶᠠᠪᠤᠭᠠ ᠰᠡᠵᠢᠭᠲᠡᠢ ᠬᠠᠮᠵᠢᠨ ᠰᠢᠢᠳᠪᠦᠷᠢᠯᠡᠭᠦᠵᠢ ᠬᠦᠰᠡᠪᠡ᠃ ᠲᠤᠬᠠᠢ ᠶ᠋ᠢᠨ ᠲᠠᠯᠠᠪᠤᠷᠲᠤ ᠬᠦᠷᠦᠭᠰᠡᠨᠦ ᠳᠠᠷᠠᠭᠠ᠂ ᠴᠠᠭᠳᠠᠭᠠ ᠨᠠᠷ ᠰᠢᠦᠢ ᠣᠪᠣᠭᠲᠤ ᠶ᠋ᠢᠨ ᠠᠪᠴᠤ ᠶᠠᠪᠤᠭᠠ ᠪᠤᠬᠴᠤ ᠪᠤᠭᠤᠳᠠᠯ ᠢ᠋ ᠪᠠᠢᠴᠠᠭᠠᠭᠰᠠᠨᠳᠤ᠂ ᠲᠡᠭᠦᠨᠦ ᠪᠣᠭᠴᠣᠨ ᠡᠴᠨ ᠬᠤᠸᠠᠷ ᠫᠤᠤᠵᠢᠩᠢ᠋ ᠪᠠᠢᠴᠠᠭᠠᠨ ᠭᠠᠷᠭᠠᠪᠠ᠃ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠲᠣᠭᠲᠠᠭᠠᠯ ᠢ᠋ ᠦᠨᠳᠦᠰᠦᠯᠡᠨ᠂ ᠠᠷᠠᠳᠤᠨ ᠴᠠᠭᠳᠠᠭᠠ ᠲᠡᠷᠡ ᠳᠠᠷᠤᠢ ᠳ᠋ᠤᠨᠢ ᠫᠤᠤᠵᠢᠩ ᠢ᠋ ᠬᠤᠷᠢᠶᠠᠮᠵᠢᠯᠠᠪᠠ᠃
ᠠᠷᠠᠳᠤᠨ ᠴᠠᠭᠳᠠᠭᠠ ᠵᠢᠨ ᠯᠠᠪᠯᠠᠨ ᠠᠰᠠᠭᠤᠭᠰᠠᠨ ᠢ᠋ᠶ᠋ᠠᠷ᠂ ᠰᠢᠦᠢ ᠣᠪᠣᠭᠲᠤ ᠡᠩᠦᠨ ᠦᠶᠡᠳᠦ ᠭᠠᠯᠲᠤ ᠲᠡᠷᠭᠡᠨᠳᠦ ᠰᠠᠭᠤᠬᠤ ᠨᠢ ᠨᠡᠯᠢᠶᠡᠳ ᠴᠥᠭᠡᠨ᠂ ᠬᠠᠮᠢᠶᠠ ᠪᠦᠬᠦᠢ ᠲᠦᠷᠢᠮ ᠲᠣᠭᠲᠠᠭᠠᠯ ᠢ᠋ ᠰᠠᠢᠳᠤᠷ ᠣᠢᠯᠠᠭᠠᠬᠤ ᠦᠭᠡᠢ᠂ ᠲᠡᠭᠦᠨᠦ ᠦᠵᠡᠬᠦ ᠪᠡᠷ ᠥᠪᠡᠷᠦᠨ ᠪᠡᠶᠡᠳᠡᠭᠡᠨ ᠠᠪᠴᠤ ᠶᠠᠪᠤᠭᠠ ᠬᠤᠸᠠᠷ ᠫᠤᠤᠵᠢᠩ ᠪᠣᠯ ᠡᠳᠦᠷ ᠲᠤᠲᠤᠮᠤᠨ ᠠᠮᠢᠳᠤᠷᠠᠯᠤᠨ ᠳᠤᠮᠳᠠ ᠦᠷᠭᠦᠯᠵᠢ ᠲᠣᠬᠢᠶᠠᠯᠳᠤᠳᠠᠭ ᠡᠳ᠋ ᠪᠣᠳᠠᠰ ᠪᠣᠯᠬᠣᠷ ᠶᠠᠮᠠᠷ ᠴᠤ᠌ ᠠᠶᠤᠯ ᠦᠭᠡᠢ ᠶᠤᠮ᠃ ᠠᠷᠠᠳ ᠤ᠋ᠨ ᠴᠠᠭᠳᠠᠭᠠ ᠰᠢᠦᠢ ᠣᠪᠣᠭᠲᠤᠠᠴᠠ ᠬᠤᠸᠠᠷ ᠫᠤᠤᠵᠢᠩ ᠠᠪᠴᠤ ᠶᠠᠪᠤᠭᠠ ᠵᠣᠷᠢᠯᠭᠠᠶᠢ ᠠᠰᠠᠭᠤᠭᠰᠠᠨᠳᠤ᠂ ᠰᠢᠦᠢ ᠣᠪᠣᠭᠲᠤ ᠬᠥᠬᠡᠬᠣᠲᠠᠳᠤ ᠨᠢᠭᠡᠨ ᠳᠡᠯᠭᠡᠭᠦᠷ ᠫᠦᠰᠡᠶᠢ ᠲᠦᠷᠢᠶᠡᠰᠦᠯᠡᠨ ᠠᠪᠴᠠᠢ᠂ ᠡᠭᠦᠳᠡᠪᠡᠨ ᠨᠡᠭᠡᠭᠡᠬᠦ ᠦᠶᠡᠳᠦ ᠫᠤᠤᠵᠢᠩ ᠲᠠᠯᠪᠢᠬᠤ ᠰᠠᠨᠠᠭᠠᠲᠠᠢ ᠪᠠᠢᠭᠰᠠᠨ ᠪᠣᠯᠬᠣᠷ ᠴᠠᠭᠠᠨ ᠰᠠᠷᠠᠳᠦ ᠲᠠᠯᠪᠢᠵᠦ ᠪᠠᠷᠠᠬᠰᠠᠠ ᠦᠭᠡᠢ ᠬᠤᠸᠠᠷ ᠫᠤᠤᠵᠢᠩᠢᠶᠠᠨ ᠪᠡᠶᠠᠳ᠋ᠡᠬᠡᠨ ᠠᠪᠴᠤ ᠶᠠᠪᠤᠬᠰᠠᠨ ᠨᠢ ᠡᠨᠡ ᠪᠠᠢᠯᠠ᠃
《ᠬᠤᠸᠠᠷ ᠫᠤᠤᠵᠢᠩ᠂ ᠰᠫᠢᠷᠲ᠂ ᠴᠢᠶᠢᠦ ᠮᠡᠲᠦᠶᠢᠨ ᠡᠳ᠋ ᠪᠣᠳᠠᠰ ᠪᠣᠯ ᠴᠥᠮ ᠬᠢᠯᠪᠡᠷᠬᠠᠨ ᠨᠣᠴᠤᠵᠦ ᠳᠡᠯᠪᠡᠷᠡᠬᠦ ᠡᠳ᠋ ᠪᠣᠳᠠᠰᠪᠤᠯᠤᠨᠠ᠂ ᠪᠢᠳᠡ ᠬᠡᠳᠦᠢᠪᠡᠷ ᠠᠮᠢᠳᠤᠷᠠᠯᠤᠨ ᠳᠤᠮᠳᠠ ᠦᠷᠭᠦᠯᠵᠢ ᠲᠣᠬᠢᠶᠠᠯᠳᠤᠳᠠᠭ ᠪᠣᠯᠪᠠᠴᠤ ᠭᠠᠯᠲᠤ ᠲᠡᠷᠭᠡᠨᠳᠦ ᠠᠪᠴᠤ ᠭᠠᠷᠴᠦ ᠪᠣᠯᠬᠤ ᠦᠭᠡᠢ ᠶᠤᠮ᠃》 ᠠᠷᠠᠳᠤᠨ ᠴᠠᠭᠳᠠᠭᠠ ᠰᠢᠦᠢ ᠣᠪᠣᠭᠲᠤᠳᠤ ᠭᠠᠯᠲᠤ ᠲᠡᠷᠭᠡᠨᠳᠦ ᠰᠠᠭᠤᠬᠤ ᠳ᠋ᠤ ᠠᠪᠴᠤ ᠶᠠᠪᠤᠵᠦ ᠪᠤᠯᠬᠤ ᠪᠠ ᠴᠠᠭᠠᠵᠠᠯᠠᠵᠤ ᠬᠢᠵᠠᠭᠠᠷᠯᠠᠬᠤ ᠡᠳ᠋ ᠪᠣᠳᠠᠰᠤᠨ ᠲᠤᠬᠠᠢ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠲᠣᠭᠲᠠᠭᠠᠯᠢ ᠨᠠᠷᠢᠨ ᠲᠣᠳᠣᠷᠬᠠᠢ ᠲᠠᠢᠯᠪᠤᠷᠢᠯᠠᠵᠤ ᠥᠭᠴᠤ᠂ ᠰᠢᠦᠢ ᠣᠪᠣᠭᠲᠤ ᠴᠤ᠌ ᠥᠪᠡᠷᠦᠨ ᠪᠤᠷᠤᠭᠤ ᠪᠠᠨ ᠲᠠᠨᠢᠵᠤ ᠣᠯᠣᠭᠰᠠᠨ ᠪᠠᠢᠨᠠ᠃ ᠬᠥᠬᠡᠬᠣᠲᠠᠶᠢᠨ ᠲᠡᠮᠦᠷ ᠵᠠᠮᠤᠨ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠭᠠᠵᠠᠷᠠᠴᠠ ᠰᠢᠦᠢ ᠣᠪᠣᠭᠲᠤᠳᠤ 200 ᠲᠥᠭᠥᠷᠢᠭᠢᠶᠡᠷ ᠲᠣᠷᠭᠠᠬᠤ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠰᠢᠢᠳᠬᠡᠯ ᠥᠭᠭᠦᠭᠰᠡᠨ ᠪᠥᠭᠡᠳ ᠲᠡᠭᠦᠨᠦ ᠠᠪᠴᠤ ᠶᠠᠪᠤᠭᠠ ᠬᠤᠸᠠᠷ ᠫᠤᠤᠵᠢᠩᠢ ᠬᠠᠤᠯᠢ ᠶᠣᠰᠣᠭᠠᠷ ᠬᠣᠷᠢᠶᠠᠮᠵᠢᠯᠠᠪᠠ᠃
ᠬᠥᠬᠡᠬᠣᠲᠠᠶᠢᠨ ᠲᠡᠮᠦᠷ ᠵᠠᠮᠤᠨ ᠴᠠᠭᠳᠠᠭᠠ ᠥᠷᠭᠡᠨ ᠣᠯᠠᠨ ᠠᠶᠠᠨᠴᠢᠳᠲᠤ᠂ ᠭᠠᠯᠲᠤ ᠲᠡᠷᠭᠡᠨᠳᠦ ᠰᠠᠭᠤᠵᠤ ᠭᠠᠳᠠᠭ᠍ᠰᠢ ᠭᠠᠷᠬᠤᠳᠠᠭᠠᠨ ᠡᠯᠡ ᠵᠦᠢᠯᠦᠨ ᠬᠢᠯᠪᠠᠷᠬᠠᠨ ᠨᠤᠴᠤᠵᠤ ᠲᠡᠯᠪᠡᠷᠡᠬᠦ ᠠᠶᠤᠯᠲᠠᠢ ᠡᠳ᠋ ᠪᠣᠳᠠᠰ ᠪᠠ ᠡᠯᠡ ᠵᠦᠢᠯᠦᠨ ᠵᠠᠬᠢᠷᠤᠨ ᠬᠠᠮᠢᠶᠠᠷᠬᠤ ᠪᠠᠭᠠᠵᠢ ᠬᠡᠷᠡᠭᠰᠡᠯᠢ ᠠᠪᠴᠤ ᠶᠠᠪᠤᠵᠤᠪᠤᠯᠬᠤ ᠦᠭᠡᠢ᠂ ᠲᠦᠷ ᠴᠠᠭᠤᠨ ᠪᠣᠯᠭᠣᠮᠵᠢ ᠦᠭᠡᠢᠡᠴᠡ ᠪᠣᠯᠵᠤ ᠬᠠᠤᠯᠢ ᠴᠠᠭᠠᠵᠠᠶᠢ ᠵᠥᠷᠢᠴᠡᠵᠦ᠂ ᠠᠶᠠᠨ ᠵᠠᠮᠢᠶᠠᠨ ᠰᠠᠭᠠᠲᠠᠭᠠᠬᠤ ᠡᠴᠨ ᠵᠠᠢᠯᠠᠰᠬᠢᠬᠦ ᠬᠡᠷᠡᠭᠳᠡᠢ ᠭᠡᠵᠦ ᠰᠠᠨᠠᠭᠤᠯᠵᠤ ᠪᠤᠢ᠃