《 ᠵᠠᠩ ᠡᠪᠦᠬᠡ ᠡ᠂ ᠲᠠᠨᠤ ᠰᠠᠳᠤᠨ ᠢ᠋ ᠴᠢᠨᠢ ᠡᠷᠢᠭᠡᠳ ᠤᠯᠴᠢᠬᠠᠵᠠᠢ！》
《ᠵᠠᠩ ᠡᠪᠦᠭᠡ ᠠ᠋᠂ ᠲᠠᠨᠤ ᠨᠤᠲᠤᠭ ᠵᠢᠶᠠᠩᠰᠤ ᠮᠤᠵᠢᠶᠢᠨ ᠴᠠᠩᠵᠸᠦ ᠬᠣᠲᠠᠳᠤ ᠪᠠᠢᠨᠠ ！ 》
《ᠵᠠᠩ ᠡᠪᠦᠬᠡ ᠡ᠂ ᠲᠦᠷᠦᠯ ᠰᠠᠳᠤᠨ ᠵᠢᠡᠨ ᠲᠠᠨᠢᠵᠤ ᠠᠪᠬᠤ ᠴᠠᠬ ᠵᠢᠡᠨ ᠵᠦᠪᠳᠡᠯᠴᠡᠵᠦ ᠪᠤᠯᠤᠨᠠ ！》
ᠴᠠᠭᠠᠨ ᠰᠠᠷᠠᠶᠢᠨ ᠡᠬᠢᠪᠡᠷ᠂ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠ ᠡᠴᠨ ᠢᠷᠡᠬᠦᠯᠦᠭᠰᠡᠨ ᠤᠳᠠᠰᠤ ᠬᠦᠬᠡᠬᠤᠳᠠ ᠳ᠋ᠸ᠋ ᠰᠠᠭᠤᠭᠠ ᠵᠠᠩ ᠵᠢᠢ ᠫᠢᠩ ᠤ᠋ᠨ ᠰᠡᠳᠬᠢᠯ ᠢ᠋ ᠲᠤᠬᠳᠤᠯᠤᠭᠤᠯᠤᠨᠠ ᠃ ᠡᠨᠡ ᠬᠦ᠌ ᠪᠠᠯᠴᠢᠷ ᠪᠠᠭᠠᠡᠴᠨ ᠥᠪᠥᠷ ᠮᠣᠩᠭᠣᠯᠳᠤ ᠥᠰᠴᠦ ᠪᠣᠢᠵᠢᠭ᠍ᠰᠠᠨ ᠡᠮᠦᠨᠡᠲᠦ ᠣᠷᠣᠨᠤ ᠬᠥᠮᠥᠨ ᠵᠢᠷᠠ ᠵᠢᠨ ᠲᠠᠪᠠᠭᠠ ᠲᠠᠪᠠᠵᠤ ᠵᠠᠵᠢᠨ ᠦᠰᠦ ᠪᠤᠭᠤᠷᠤᠯᠳᠤᠬᠤ ᠪᠡᠷ ᠰᠠᠶᠢ ᠲᠦᠷᠦᠭᠰᠡᠨ ᠨᠤᠳᠤᠬ ᠵᠢᠡᠨ ᠤᠯᠵᠤ ᠮᠡᠳᠡᠯᠡ᠃
《ᠡᠢᠮᠦ ᠲᠦᠷᠭᠡᠨ ᠰᠠᠢᠨ ᠴᠢᠮᠡᠭᠡ ᠢᠷᠡᠨᠡ ᠭᠡᠵᠦ ᠦᠨᠡᠬᠡᠷ ᠪᠣᠳᠣᠵᠤ ᠣᠯᠣᠭᠰᠠᠨ ᠦᠭᠡᠢ᠂ ᠳᠣᠲᠣᠭᠠᠳᠤ ᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠ ᠠ᠋ᠴᠠ ᠲᠥᠷᠥᠯ ᠰᠠᠳᠤᠨ ᠢ᠋ ᠮᠢᠨᠢ ᠡᠷᠢᠵᠦ ᠥᠭᠭᠦᠭᠰᠡᠨᠳᠦ ᠪᠠᠶᠠᠷᠯᠠᠵᠤ ᠪᠠᠢᠨᠠ》 ᠬᠡᠵᠦ 66 ᠨᠠᠰᠤᠲᠠᠢ ᠵᠠᠩ ᠵᠢᠢ ᠫᠢᠩ ᠲᠤᠬᠳᠤᠯᠤᠩᠭᠤᠢ ᠬᠡᠯᠡᠨᠡ᠃
ᠵᠠᠩ ᠵᠢᠢ ᠫᠢᠩ ᠪᠣᠯ 《ᠤᠯᠤᠰᠤᠨ ᠬᠡᠦᠬᠡᠳ》 ᠶᠤᠮ᠃ 60 ᠭᠠᠷᠤᠢ ᠵᠢᠯᠦᠨ ᠡᠮᠦᠨᠡ᠂ ᠲᠡᠷᠡ 《ᠤᠯᠤᠰᠤᠨ ᠬᠦᠴᠦᠨ》 ᠵᠢᠡᠷ ᠡᠷᠡᠬᠦᠯ ᠴᠢᠬᠢᠷᠠᠭ ᠦᠰᠦᠨ ᠪᠤᠢᠵᠢᠵᠤ᠂ 60 ᠭᠠᠷᠤᠢ ᠵᠢᠯ ᠤ᠋ᠨ ᠲᠠᠷᠠᠭᠠ᠂ ᠲᠡᠷᠡ 《ᠤᠯᠤᠰᠤᠨ ᠬᠦᠴᠦᠨ ᠵᠢᠡᠷ》 ᠲᠦᠷᠦᠭᠰᠡᠨ ᠨᠤᠳᠤᠬ ᠵᠢᠡᠨ ᠡᠷᠢᠵᠦ ᠤᠯᠪᠠ᠃
ᠲᠡᠭᠷᠢ ᠭᠠᠵᠠᠷ ᠢ ᠲᠤᠭᠳᠤᠯᠤᠭᠤᠯᠤᠮᠠ ᠶᠡᠬᠡ ᠬᠠᠢᠷᠠ ᠵᠢᠨ ᠲᠤᠤᠯᠢᠰ
ᠳᠡᠭᠡᠷᠡ ᠵᠠᠭᠤᠨᠤ ᠲᠠᠪᠢᠭᠠᠳ ᠣᠨᠤ ᠰᠡᠭᠦᠯᠴᠢ ᠵᠢᠷᠠᠭᠠᠳ ᠣᠨᠤ ᠡᠬᠢᠪᠡᠷ᠂ ᠱᠠᠩᠬᠠᠢ᠂ ᠵᠢᠶᠠᠩᠰᠤ ᠵᠡᠷᠭᠡ ᠭᠠᠵᠠᠷᠤᠨ ᠥᠨᠥᠴᠢᠨ ᠬᠡᠦᠬᠡᠳᠦᠨ ᠬᠦᠷᠢᠶᠡᠯᠡᠩ ᠠᠮᠤ ᠪᠤᠳᠠᠭᠠ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠢᠳᠠᠯ ᠳ᠋ᠸ᠋ ᠲᠤᠯᠭᠠᠷᠠᠪᠠ᠃ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠨᠠᠮᠤᠨ ᠬᠣᠷᠢᠶᠠ ᠪᠣᠯᠣᠨ ᠵᠠᠰᠠᠭᠤᠨ ᠣᠷᠳᠣᠨ ᠰᠠᠨᠠᠭᠠᠴᠢᠯᠠᠭᠠ ᠡᠴᠡ ᠪᠠᠨ ᠡᠷᠬᠦᠳᠡᠯ ᠭᠠᠷᠭᠠᠵᠤ᠂ ᠡᠮᠦᠨᠡᠲᠦ ᠣᠷᠣᠨᠤ 3000 ᠭᠠᠷᠤᠢ ᠥᠨᠥᠴᠢᠨ ᠬᠡᠦᠬᠡᠳ ᠢ᠋ ᠦᠨᠢᠶᠡᠨ ᠰᠦ ᠪᠣᠯᠣᠨ ᠤᠯᠠᠭᠠᠨ ᠢᠳᠡᠭᠡᠨ ᠬᠠᠷᠢᠴᠠᠩᠭᠤᠢ ᠭᠦᠢᠴᠡᠳ ᠥᠪᠥᠷ ᠮᠣᠩᠭᠣᠯᠳᠤ ᠲᠤᠰᠴᠤ ᠠᠪᠴᠢᠷᠠᠨ ᠦᠷᠡᠴᠢᠯᠡᠨ ᠲᠡᠵᠢᠬᠡᠵᠡᠢ᠂ ᠥᠪᠥᠷ ᠮᠣᠩᠭᠣᠯᠳᠤ ᠢᠷᠡᠭᠰᠡᠨ ᠡᠲᠡᠭᠡᠷ ᠬᠡᠦᠬᠡᠳ ᠢ᠋ 《ᠤᠯᠤᠰᠤᠨ ᠬᠡᠦᠬᠡᠳ》 ᠬᠡᠮᠡᠳᠡᠭ᠃
ᠪᠦᠬᠦ ᠣᠷᠣᠨ ᠲᠠᠶᠠᠭᠠᠷ ᠬᠥᠮᠥᠨᠦ ᠬᠦᠴᠦ᠂ ᠪᠣᠳᠠᠰᠤᠨ ᠬᠦᠴᠦ᠂ ᠡᠳ᠋ᠦᠨ ᠬᠦᠴᠦᠶᠢ ᠱᠠᠯᠠᠪᠳᠠᠨ ᠪᠡᠯᠡᠳᠬᠡᠵᠦ᠂ ᠬᠡᠦᠬᠡᠳᠢ ᠲᠤᠰᠴᠤ ᠵᠥᠭᠡᠭᠡᠪᠦᠷᠢᠯᠡᠬᠦ ᠠᠵᠢᠯᠢ ᠪᠠᠢᠷᠢᠯᠠᠭᠤᠯᠪᠠ᠃ ᠬᠡᠦᠬᠡᠳᠢ ᠬᠦᠯᠢᠶᠡᠨ ᠠᠪᠬᠤ ᠡᠭᠦᠷᠭᠡᠲᠠᠢ ᠠᠢᠮᠠᠭ᠂ ᠬᠣᠰᠢᠭᠤ ᠪᠦᠬᠦᠨᠳᠦ ᠨᠢᠯᠬᠠ ᠬᠡᠦᠬᠡᠳᠢ ᠠᠰᠠᠷᠠᠬᠤ ᠬᠦᠷᠢᠶᠡᠯᠡᠩᠢ ᠪᠠᠴᠢᠮ ᠪᠠᠢᠭᠤᠯᠵᠤ᠂ ᠬᠡᠦᠬᠡᠳᠢ ᠢᠷᠡᠬᠦᠡᠴᠡ ᠡᠮᠦᠨᠡ ᠠᠯᠢᠪᠠ ᠪᠡᠯᠡᠳᠬᠡᠯᠢ ᠰᠠᠢᠲᠤᠷ ᠬᠢᠪᠡ᠃
《ᠤᠯᠤᠰᠤᠨ ᠬᠡᠤᠬᠡᠳ》 ᠯᠢ ᠱ᠌ᠢ ᠶᠢᠩᠢ ᠬᠡᠷ ᠲᠦ᠍ᠨᠢ ᠬᠦᠷᠬᠡᠵᠦ ᠪᠠᠢᠭᠠ ᠨᠢ
ᠵᠢᠵᠢᠭ ᠣᠷᠣ᠌᠂ ᠬᠥᠨᠵᠢᠯᠡ ᠳᠡᠪᠢᠰᠬᠡᠷ᠂ ᠳᠡᠷᠡ᠂ ᠪᠡᠶᠡ ᠤᠬᠢᠶᠠᠬᠤ ᠰᠠᠪᠠ ᠁ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠩᠰᠠ ᠡᠪᠬᠡᠮᠡᠯᠦᠨ ᠣᠷᠳᠣᠨᠳ᠋ᠸ᠋ ᠬᠠᠳᠠᠭᠠᠯᠠᠬᠳᠠᠵᠤ ᠪᠠᠢᠭᠠ 《1960 ᠣᠨᠤ᠋ ᠡᠷᠬᠦᠨ ᠲᠡᠵᠢᠭᠡᠭᠰᠡᠨ ᠬᠡᠦᠬᠡᠳᠦᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢ᠋ ᠬᠤᠳᠠᠯᠳᠤᠨ ᠠᠪᠬᠤ ᠵᠠᠷᠤᠳᠠᠯᠤᠨ ᠨᠠᠷᠢᠨ ᠬᠦᠰᠦᠨᠦᠭᠲᠦ》 ᠳ᠋ᠸ᠋ ᠲᠤᠬᠠᠢᠶᠢᠨ ᠦᠶᠡᠶᠢᠨ ᠥᠪᠥᠷ ᠮᠣᠩᠭᠣᠯᠤᠨ ᠠᠷᠠᠳ ᠲᠦᠮᠡᠨᠦ ᠬᠡᠦᠬᠡᠳ ᠤᠳ ᠲᠸ᠋ ᠦᠭᠬᠦᠭᠰᠡᠨ ᠬᠠᠢᠷᠠ ᠬᠠᠯᠠᠮᠵᠢ ᠵᠢ ᠲᠣᠳᠣᠷᠬᠠᠢ ᠲᠡᠮᠳᠡᠭᠯᠡᠵᠦ ᠪᠣᠶ᠃
ᠨᠢᠯᠬᠠ ᠬᠡᠦᠬᠡᠳᠦᠨ ᠡᠷᠡᠭᠦᠯ ᠮᠡᠨᠳᠦ ᠪᠠ ᠠᠮᠤᠷ ᠲᠦᠪᠰᠢᠨᠢ ᠨᠡᠩ ᠰᠠᠢᠨ ᠪᠠᠲᠤᠯᠠᠬᠤᠶᠢᠨ ᠲᠦᠯᠦᠭᠡ᠂ ᠨᠢᠯᠬᠠ ᠬᠡᠦᠬᠡᠳᠢ ᠠᠰᠠᠷᠠᠬᠤ ᠬᠦᠷᠢᠶᠡᠯᠡᠩᠡᠴᠡ ᠵᠠᠯᠠᠭᠤ ᠢᠳᠡᠷ ᠡᠮᠡᠭᠲᠡᠢᠴᠦᠳᠢ ᠡᠯᠰᠡᠨ ᠪᠣᠯᠪᠠᠰᠤᠷᠠᠯ ᠬᠦᠷᠳᠡᠭᠡᠵᠦ᠂ ᠪᠦᠬᠦ ᠰᠡᠳᠬᠢᠯ ᠪᠦᠬᠦ ᠵᠣᠷᠢᠭ᠋ᠢᠶᠠᠷ ᠬᠡᠦᠬᠡᠳᠢ ᠠᠰᠠᠷᠠᠨ ᠬᠠᠷᠠᠭᠠᠯᠵᠠᠭᠤᠯᠪᠠ᠃
ᠤᠯᠠᠭᠠᠨᠴᠠᠪᠤᠨ ᠳᠥᠷᠪᠡᠳ ᠬᠣᠰᠢᠭᠤᠨᠳᠤ᠂ ᠲᠤᠬᠠᠢᠶᠢᠨ ᠦᠶᠡᠳᠦ 20 ᠨᠠᠰᠤ ᠬᠦᠷᠦᠭᠡᠳᠦᠢ ᠲᠦᠬᠦᠢᠮᠡ ᠠᠰᠠᠷᠠᠭ᠍ᠴᠢ ᠪᠣᠯᠵᠤ᠂ 28 ᠬᠡᠦᠬᠡᠳᠦᠨ 《ᠡᠵᠢ》 ᠪᠤᠯᠵᠠᠢ᠃ ᠲᠡᠭᠦᠨᠦ ᠨᠠᠷᠢᠨ ᠨᠢᠮᠪᠠᠢ ᠬᠠᠷᠠᠭᠠᠯᠵᠠᠯ ᠳᠣᠣᠷᠠ᠂ ᠡᠪᠡᠳᠴᠢᠨ ᠡᠮᠭᠡᠭᠲᠠᠢ 28 ᠬᠡᠦᠬᠡᠳ ᠮᠠᠯᠵᠢᠬᠤ ᠣᠷᠣᠨᠤ ᠠᠮᠢᠳᠤᠷᠠᠯᠳ᠋ᠸ᠋ ᠮᠠᠰᠢ ᠲᠦᠷᠭᠡᠨᠢᠶᠡᠷ ᠵᠣᠬᠢᠴᠠᠵᠤ᠂ ᠪᠦᠷ ᠡᠷᠡᠭᠦᠯ ᠴᠢᠭᠢᠷᠠᠭᠢᠶᠠᠷ ᠲᠡᠵᠢᠭᠡᠭᠰᠡᠨ ᠡᠴᠢᠭᠡ ᠡᠬᠡᠶᠢᠨᠢᠶᠡᠨ ᠭᠡᠷᠲᠦ ᠤᠴᠢᠵᠠᠢ᠃
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠳᠠᠩᠰᠠ ᠡᠪᠬᠡᠮᠡᠯ ᠦᠨ ᠤᠷᠳᠤᠨ ᠳ᠋ᠦ ᠬᠠᠳᠠᠭᠠᠯᠠᠬᠳᠠᠵᠦ ᠪᠠᠢᠭᠠ 《ᠭᠤᠷᠪᠠᠨ ᠮᠢᠩᠭᠠᠨ ᠦᠨᠦᠴᠢᠨ ᠬᠡᠤᠬᠡᠳᠢ ᠦᠷᠡᠴᠢᠯᠡᠨ ᠲᠡᠵᠢᠬᠡᠭᠰᠡᠨ》 ᠬᠠᠮᠢᠶᠠ ᠪᠦᠬᠦᠢ ᠲᠠᠩᠰᠠ ᠡᠪᠬᠡᠮᠡᠯ
ᠬᠡᠷᠡᠯ ᠵᠢᠷᠤᠭᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ
ᠳᠠᠩᠰᠠ ᠡᠪᠬᠡᠮᠡᠯ ᠦᠨ ᠤᠷᠳᠤᠨ ᠬᠠᠩᠭᠠᠪᠠ
ᠲᠠᠯᠠ ᠨᠤᠲᠤᠭᠤᠨ ᠪᠣᠷᠣᠭᠵᠢᠭᠤᠨ ᠴᠠᠭᠠᠪᠤᠷ ᠮᠠᠯᠴᠢᠳ᠂ ᠵᠠᠷᠢᠮ ᠨᠢ ᠮᠣᠷᠢ ᠤᠨᠤᠵᠤ᠂ ᠵᠠᠷᠢᠮ ᠨᠢ ᠦᠬᠡᠷ ᠲᠡᠷᠬᠡ ᠬᠡᠯᠢᠨ᠂ ᠵᠠᠷᠢᠮ ᠨᠢ ᠬᠡᠳᠦᠨ ᠵᠠᠭᠤᠨ ᠭᠠᠵᠠᠷ ᠶᠠᠪᠠᠭᠠᠨ ᠢᠷᠡᠵᠦ᠂ ᠬᠡᠦᠬᠡᠳᠦᠳᠢ ᠡᠷᠭᠦᠨ ᠲᠡᠵᠢᠭᠡᠵᠦ᠂ ᠬᠡᠦᠬᠡᠳᠦᠳᠲᠸ᠋ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠭᠡᠷ ᠪᠦᠯᠢ ᠤᠯᠭᠤᠨ ᠦᠭᠪᠡ᠃
ᠳᠤᠮᠳᠠᠳᠤ ᠤᠯᠤᠰᠤᠨ ᠶᠡᠬᠡ ᠬᠠᠭᠠᠰᠢ ᠲᠤᠭᠤᠯᠵᠤ ᠥᠪᠥᠷ ᠮᠣᠩᠭᠣᠯᠳᠤ ᠢᠷᠡᠭᠰᠡᠨ 3000 ᠭᠠᠷᠤᠢ ᠬᠡᠦᠬᠡᠳ ᠡᠭᠦᠨᠡᠴᠡ ᠡᠬᠢᠯᠡᠨ ᠡᠨᠡ ᠬᠦ᠌ ᠬᠠᠯᠠᠭᠤᠨ ᠬᠥᠷᠥᠰᠥᠨᠳᠦ ᠦᠨᠳᠦᠰᠦ ᠬᠠᠳᠬᠤᠵᠤ᠂ ᠡᠷᠡᠭᠦᠯ ᠴᠢᠭᠢᠷᠠᠭᠢᠶᠠᠷ ᠦᠰᠦᠨ ᠪᠤᠢᠵᠢᠵᠤ᠂ ᠡᠷᠡ ᠵᠢᠨ ᠴᠡᠬᠡᠯ ᠳ᠋ᠸ᠋ ᠬᠦᠷᠴᠡᠢ᠃
60 ᠭᠠᠷᠤᠢ ᠵᠢᠯ ᠦᠩᠬᠡᠷᠡᠴᠢᠭᠡᠯᠡ᠃ ᠥᠩᠭᠡᠷᠡᠭᠰᠡᠨᠦ ᠬᠡᠦᠬᠡᠳᠤᠳ ᠦᠳᠡᠯᠵᠦ ᠬᠦᠭᠰᠢᠷᠡᠵᠦ᠂ 《ᠬᠠᠮᠢᠭᠠ ᠡᠴᠨ ᠢᠷᠡᠭᠰᠡᠨ ᠵᠢᠡᠨ ᠮᠡᠳᠡᠬᠦ》 ᠬᠡᠬᠦ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠤᠯᠠᠮᠢᠶᠠᠷ ᠴᠢᠩᠭᠠᠷᠠᠵᠠᠢ ᠃
ᠵᠢᠷᠦᠬᠡ ᠰᠡᠳᠬᠢᠯᠤᠨ ᠬᠡᠯᠬᠢᠶᠡ ᠲᠠᠢ ᠲᠦᠷᠦᠯ ᠰᠠᠳᠤᠨ ᠵᠢᠡᠨ ᠡᠷᠢᠬᠦ ᠠᠶᠠᠨ
65 ᠨᠠᠰᠤᠲᠠᠢ ᠯᠢᠶᠠᠩ ᠶᠢᠨ ᠮᠧᠢ ᠪᠠᠰᠠ 《ᠤᠯᠤᠰᠤᠨ ᠬᠡᠦᠬᠡᠳ》 ᠶᠤᠮ᠃ 《ᠦᠪᠦᠷ ᠮᠤᠩᠭᠤᠯ ᠳ᠋ᠸ᠋ ᠠᠩᠬᠠ ᠢᠷᠡᠬᠦ ᠦᠶᠡᠳᠦ ᠮᠢᠨᠤ ᠪᠡᠶᠡ ᠮᠠᠭᠤ ᠪᠠᠢᠬᠰᠠᠨ᠂ ᠲᠡᠵᠢᠭᠡᠭᠰᠡᠨ ᠡᠵᠢ ᠮᠢᠨᠢ ᠠᠵᠢᠯᠢᠶᠠᠨ ᠬᠠᠶᠠᠵᠤ ᠨᠠᠮᠠ ᠵᠢ ᠬᠠᠷᠠᠭᠠᠯᠵᠠᠵᠤ᠂ ᠠᠯᠢ ᠠᠮᠳᠠᠳᠠᠢ ᠰᠢᠮᠡᠳᠡᠢ ᠪᠡᠨ ᠢᠳᠡᠬᠦᠯᠵᠦ ᠲᠡᠩᠭᠡᠷᠡᠬᠦᠯᠵᠦ ᠠᠪᠤᠭᠰᠠᠨ᠂ ᠲᠡᠵᠢᠭᠡᠭᠰᠡᠨ ᠠᠪᠤ ᠡᠵᠢᠶᠢᠨ ᠮᠢᠨᠢ ᠬᠠᠢᠷᠠ ᠬᠠᠯᠠᠮᠵᠢ ᠨᠢ ᠨᠠᠳᠠᠳᠤ ᠭᠡᠷ ᠪᠦᠯᠢᠶᠢᠨ ᠬᠠᠯᠠᠭᠤᠨ ᠳᠤᠯᠠᠭᠠᠨᠢ ᠮᠡᠳᠡᠷᠡᠭᠦᠯᠵᠡᠢ》᠃ ᠪᠠᠭᠠ ᠨᠠᠰᠤᠪᠠᠨ ᠡᠷᠭᠢᠴᠡᠭᠦᠯᠬᠦᠳᠦ᠂ ᠯᠢᠶᠠᠩ ᠶᠢᠨ ᠮᠧᠢ᠄ 《ᠪᠢ ᠲᠤᠷᠭᠠᠨ ᠲᠡᠭᠡᠷᠡ ᠲᠤᠬᠯᠠᠵᠤ ᠦᠰᠴᠡᠢ᠂ ᠲᠡᠵᠢᠭᠡᠭᠰᠡᠨ ᠠᠪᠤ ᠡᠵᠢ ᠵᠢᠨ ᠮᠢᠨᠢ ᠠᠴᠢ ᠡᠨᠡᠷᠢᠯ ᠠᠭᠯᠠᠭ ᠠᠭᠤᠯᠠᠨ ᠡᠴᠨ ᠦᠨᠳᠦᠷ᠂ ᠬᠡᠷᠪᠡ ᠢᠷᠡᠬᠦ ᠲᠦᠷᠦᠯ ᠬᠡᠵᠦ ᠪᠠᠢᠬᠤᠳᠤ ᠬᠦᠷᠪᠡᠯ᠂ ᠪᠢ ᠪᠠᠰᠠ ᠲᠡᠳᠡᠨᠦ ᠥᠬᠢᠨ ᠪᠤᠯᠤᠨᠠ》 ᠭᠡᠵᠦ ᠰᠡᠳᠬᠢᠯ ᠬᠥᠳᠡᠯᠦᠨ ᠬᠡᠯᠡᠨᠡ ᠃
ᠲᠡᠵᠢᠭᠡᠭᠰᠡᠨ ᠡᠴᠢᠭᠡ ᠡᠬᠡᠶᠢᠨᠢᠶᠡᠨ ᠬᠠᠢᠷᠠ ᠬᠠᠯᠠᠮᠵᠢ ᠪᠡᠷ᠂ ᠯᠢᠶᠠᠩ ᠶᠢᠨ ᠮᠧᠶ ᠥᠪᠥᠷ ᠮᠣᠩᠭᠣᠯᠳᠤ ᠵᠣᠯ ᠵᠢᠷᠭᠠᠯᠲᠠᠢ ᠠᠵᠤ ᠲᠦᠷᠦᠵᠦ᠂ ᠡᠳᠦᠬᠡ ᠦᠷᠡ ᠠᠴᠢ ᠨᠠᠷ ᠨᠢ ᠭᠡᠷ ᠳᠦᠭᠦᠷᠡᠩ ᠪᠣᠯᠵᠠᠢ᠃ ᠲᠡᠵᠢᠭᠡᠭᠰᠡᠨ ᠡᠴᠢᠭᠡ ᠡᠬᠡ ᠨᠢ ᠨᠠᠰᠤ ᠪᠠᠷᠠᠭᠰᠠᠨᠤ ᠳᠠᠷᠠᠭᠠ᠂ ᠯᠢᠶᠠᠩ ᠶᠢᠨ ᠮᠧᠶ ᠳ᠋ᠸ᠋ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ ᠪᠣᠳᠣᠯ ᠲᠦᠷᠦᠭᠳᠡᠪᠡ᠃ 《ᠥᠪᠡᠷᠦᠨ ᠦᠨᠡᠨ ᠨᠠᠰᠤᠪᠠᠨ ᠮᠡᠳᠡᠵᠦ᠂ ᠬᠠᠮᠢᠭᠠ ᠲᠥᠷᠥᠭᠰᠡᠨᠢᠶᠡᠨ ᠮᠡᠳᠡᠶᠡ ᠭᠡᠰᠡᠨ ᠶᠤᠮ᠂ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠭᠡᠳ ᠪᠦᠳᠦᠮᠵᠢ ᠦᠬᠡᠢ ᠪᠠᠢᠵᠤ ᠮᠡᠳᠡᠨᠡ᠂ ᠭᠡᠪᠡᠴᠦ ᠬᠠᠷᠠᠮᠰᠠᠯ ᠦᠯᠡᠳᠡᠭᠡᠬᠦ ᠦᠭᠡᠢ ᠭᠡᠵᠦ ᠠᠷᠪᠠᠭᠠᠳ ᠵᠢᠯᠦᠨ ᠡᠮᠦᠨᠡ ᠪᠢ ᠮᠠᠰᠢ ᠣᠯᠠᠨ ᠬᠠᠨᠢ ᠨᠦᠬᠦᠳᠲᠠᠢᠪᠠᠨ ᠬᠠᠮᠲᠤ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ ᠤᠷᠲᠤ ᠠᠶᠠᠨ ᠳ᠋ᠸ᠋ ᠮᠤᠷᠳᠠᠭᠰᠠᠨ ᠶᠤᠮ》 ᠬᠡᠵᠦ ᠶᠠᠷᠢᠨᠠ᠃
ᠱᠢᠯᠢᠶ᠋ᠢᠨ ᠭᠣᠣᠯ ᠠᠢᠮᠠᠭᠤᠨ ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠨᠤ ᠡᠷᠡᠭᠦᠦ᠍ᠶ᠋ᠢᠨ ᠬᠡᠷᠡᠭᠢ ᠲᠠᠩᠨᠠᠨ ᠪᠠᠢᠴᠠᠭᠠᠬᠤ ᠰᠠᠯᠪᠤᠷᠢ ᠠᠩᠭᠢᠶ᠋ᠢᠨ ᠮᠡᠷᠭᠡᠵᠢᠯᠦᠨ ᠶᠡᠬᠡ ᠠᠩᠭᠢᠶ᠋ᠢᠨ ᠠᠷᠠᠳᠤᠨ ᠴᠠᠭ᠍ᠳᠠᠭᠠ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ᠌ ᠬᠦᠰᠡᠯ ᠲᠡᠶ 《ᠤᠯᠤᠰᠤᠨ ᠬᠡᠦᠬᠡᠳ》 ᠲᠣ᠌ ᠴᠢᠰᠤᠨᠤ ᠦᠯᠢᠭᠡᠷ ᠴᠤᠭ᠍ᠯᠠᠭᠤᠯᠵᠤ ᠥᠭ᠌ᠴᠦ ᠪᠠᠢᠭᠠ ᠨᠢ
2010 ᠣᠨᠳᠤ 《ᠤᠮᠠᠷᠠᠲᠤᠶᠢᠨ ᠰᠢᠨᠡ ᠰᠣᠨᠢᠨ》 ᠪᠣᠯᠣᠨ ᠮᠧᠩ ᠨᠢᠦ ᠪᠦᠯᠦᠭᠯᠡᠯ 《 ᠡᠮᠦᠨᠡᠲᠦ ᠣᠷᠣᠨᠤ ᠭᠤᠷᠪᠠᠨ ᠮᠢᠩᠭᠠᠨ ᠥᠨᠥᠴᠢᠨ ᠬᠡᠦᠬᠡᠳ》 ᠤ᠋ᠨ ᠲᠦᠷᠦᠯ ᠰᠠᠳᠤᠨ ᠢ᠋ ᠨᠢ ᠡᠷᠢᠵᠦ ᠥᠭᠬᠦ ᠨᠡᠶ᠋ᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠠᠵᠢᠯᠯᠠᠭᠠᠶᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ 40 《ᠤᠯᠤᠰᠤᠨ ᠬᠡᠦᠬᠡᠳ》 ᠢ᠋ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠱᠠᠩᠬᠠᠢ᠂ ᠢᠰᠢᠩ᠂ ᠥᠰᠢ ᠵᠡᠷᠭᠡ ᠭᠠᠵᠠᠷᠢᠶᠠᠷ ᠠᠰᠠᠭᠤᠨ ᠰᠤᠷᠪᠤᠯᠵᠢᠯᠠᠪᠠ᠃
ᠲᠦᠷᠦᠭᠦᠦ ᠬᠡᠳᠦᠨ ᠵᠢᠯᠳᠦ᠂ ᠵᠠᠭᠤ ᠰᠢᠬᠠᠮ 《ᠤᠯᠤᠰᠤᠨ ᠬᠡᠦᠬᠡᠳ》ᠤᠷᠢᠳ ᠬᠣᠵᠢᠳ ᠪᠦᠯᠬᠦᠮ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠱᠠᠩᠬᠠᠢ᠂ ᠵᠢᠶᠠᠩᠰᠤ ᠵᠡᠷᠭᠡ ᠭᠠᠵᠠᠷᠲᠤ ᠬᠦᠷᠴᠦ᠂ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠰᠠᠢᠨ ᠲᠤᠷᠠᠴᠤᠳ ᠤ᠋ᠨ ᠬᠠᠪᠰᠤᠷᠤᠯᠭᠠᠪᠠᠷ ᠵᠡᠭᠡᠯᠢ ᠭᠤᠳᠤᠮᠵᠢᠪᠠᠷ ᠶᠠᠪᠤᠵᠤ ᠲᠦᠷᠦᠯ ᠰᠠᠳᠤᠨᠢᠶᠠᠨ ᠡᠷᠢᠪᠡ᠃ ᠭᠡᠪᠡᠴᠦ ᠥᠪᠡᠷᠦᠨ ᠪᠡᠶᠡ ᠪᠠ ᠠᠷᠠᠳᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠬᠦᠴᠦᠨᠳᠦ ᠲᠦᠰᠢᠭᠯᠡᠨ᠂ ᠲᠦᠷᠦᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ ᠨᠢ ᠶᠠᠭ ᠯᠠ ᠠᠨᠠᠪᠠᠳ ᠳᠠᠯᠠᠢᠡᠴᠡ ᠵᠡᠭᠦᠦ ᠡᠷᠢᠵᠦ ᠪᠠᠢᠬᠤ ᠰᠢᠭ᠋ᠪᠠᠢᠵᠤ᠂ ᠠᠮᠵᠢᠯᠲᠠ ᠤᠯᠬᠤ ᠳ᠋ᠸ᠋ ᠮᠠᠰᠢ ᠪᠡᠷᠬᠡ ᠪᠠᠢᠯᠠ᠃
2021 ᠣᠨᠳᠤ᠂ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠰᠠᠯᠠᠭᠠ ᠮᠥᠴᠢᠷ ᠡᠴᠡ 《ᠠᠭᠤᠯᠵᠠᠯᠳᠠ ᠵᠢᠨ ᠠᠵᠢᠯᠯᠠᠭᠠ》 ᠵᠢ ᠥᠷᠨᠢᠭᠦᠯᠵᠦ᠂ ᠪᠥᠬᠥ ᠤᠯᠤᠰᠤᠨ ᠮᠡᠬᠡᠯᠡᠨ ᠬᠤᠳᠠᠯᠳᠤᠬᠤ ᠠᠵᠢᠯᠯᠠᠭᠠᠳᠤ ᠴᠣᠬᠢᠯᠲᠠ ᠥᠭᠬᠦ DNAᠵᠢᠨ ᠳ᠋ᠠᠢᠲ᠋ᠠ ᠬᠥᠮᠥᠷᠭᠡᠶᠢ ᠠᠰᠢᠭ᠍ᠯᠠᠨ ᠠᠯᠠᠭᠠ ᠪᠣᠯᠤᠭᠰᠠᠨ ᠬᠡᠦᠬᠡᠳᠢ ᠪᠥᠬᠥ ᠲᠠᠯᠠᠪᠠᠷ ᠡᠷᠢᠪᠡ᠃ ᠡᠨᠡ ᠬᠦ᠌ ᠠᠵᠢᠯᠯᠠᠭᠠ ᠨᠢ 《ᠤᠯᠤᠰᠤᠨ ᠬᠡᠦᠬᠡᠳ》 ᠤ᠋ᠨ ᠠᠩᠬᠠᠷᠤᠯᠢ ᠲᠠᠲᠠᠵᠠᠢ ᠃
ᠲᠥᠷᠥᠯ ᠰᠠᠳᠤᠨ ᠵᠢᠡᠨ ᠡᠷᠢᠬᠦ᠌ ᠠᠵᠢᠯᠤᠨ ᠲᠣᠭ᠍ᠲᠠᠴᠠᠶ᠋ᠢ ᠲᠡᠭᠦᠯᠳᠡᠷᠵᠢᠭᠦᠯᠬᠦ᠌ ᠲᠤᠬᠠᠶ ᠰᠤᠳᠤᠯᠤᠨ ᠶᠠᠷᠢᠯᠴᠠᠵᠤ ᠪᠠᠢᠭᠠ ᠨᠢ
ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭ ᠪᠣᠯ ᠲᠤᠬᠠᠢᠶᠢᠨ ᠵᠢᠯᠳᠦ 《ᠤᠯᠤᠰᠤᠨ ᠬᠡᠦᠬᠡᠳ》 ᠢ᠋ ᠨᠡᠯᠢᠶᠡᠳ ᠤᠯᠠᠨ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠠᠢᠮᠠᠭ ᠬᠤᠳᠠᠶᠢᠨ ᠨᠢᠭᠡ ᠪᠣᠯᠣᠨᠠ᠂ ᠵᠠᠷᠢᠮ ᠬᠦᠮᠦᠰ ᠬᠣᠢᠨᠠ ᠬᠣᠢᠨᠠᠡᠴᠨᠪᠠᠨ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠᠳ᠋ᠸ᠋ ᠬᠦᠷᠴᠦ᠂ 《ᠠᠭᠤᠯᠵᠠᠯᠳᠠ ᠵᠢᠨ ᠠᠵᠢᠯᠯᠠᠭᠠ》 ᠪᠡᠷ ᠳᠠᠮᠵᠢᠨ ᠲᠦᠷᠦᠯ ᠰᠠᠳᠤᠨᠢᠶᠠᠨ ᠡᠷᠢᠵᠦ ᠣᠯᠬᠤᠶᠢ ᠬᠦᠰᠡᠵᠡᠢ᠃
ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠵᠠᠬᠢᠷᠭᠠᠶᠢᠨ ᠳᠡᠳ᠋ ᠳᠠᠷᠤᠭᠠ᠂ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠶᠢᠨ ᠳᠠᠷᠤᠭᠠ ᠼᠤᠤ ᠸᠸᠨ ᠴᠢᠩ᠂ DNAᠵᠢᠨ ᠲᠣᠭᠠ ᠪᠠᠷᠢᠮᠲᠠᠪᠠᠷ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ ᠪᠣᠯ ᠣᠳᠣᠬᠠᠨᠤ ᠣᠨᠣᠪᠴᠢᠲᠤ ᠴᠢᠨᠠᠷᠢᠶᠠᠷ ᠬᠠᠮᠤᠭᠤᠨ ᠥᠨᠳᠥᠷ ᠠᠷᠭᠠ ᠪᠠᠷᠢᠯ ᠮᠥᠨ᠂ ᠭᠡᠪᠡᠴᠦ ᠬᠣᠶᠠᠷ ᠲᠠᠯᠠᠶᠢᠨ DNAᠵᠢᠨ ᠲᠣᠭᠠ ᠪᠠᠷᠢᠮᠲᠠᠶᠢ ᠴᠥᠮ ᠳ᠋ᠠᠢᠲ᠋ᠠ ᠬᠥᠮᠥᠷᠭᠡᠳᠦ ᠣᠷᠣᠭᠤᠯᠬᠤ ᠪᠣᠯ ᠤᠷᠢᠲᠠᠯ ᠨᠥᠬᠥᠴᠡᠯ ᠪᠣᠯᠣᠨᠠ᠃ 2009 ᠣᠨᠳᠤ ᠪᠠᠢᠭᠤᠯᠤᠭᠰᠠᠨ ᠪᠥᠬᠥ ᠤᠯᠤᠰᠤᠨ ᠮᠡᠬᠡᠯᠡᠨ ᠬᠤᠳᠠᠯᠳᠤᠬᠤ ᠠᠵᠢᠯᠯᠠᠭᠠᠳᠤ ᠴᠣᠬᠢᠯᠲᠠ ᠥᠭᠬᠦ DNAᠵᠢᠨ ᠳ᠋ᠠᠢᠲ᠋ᠠ ᠬᠥᠮᠥᠷᠭᠡ ᠨᠢ ᠰᠠᠭᠤᠷᠢ ᠲᠣᠭᠠ ᠪᠠᠷᠢᠮᠲᠠᠵᠢ ᠬᠠᠩᠭᠠᠵᠠᠢ ᠬᠡᠵᠦ ᠲᠠᠨᠢᠯᠴᠠᠭᠤᠯᠪᠠ᠃
《2021 ᠣᠨᠳᠦ᠂ ᠲᠦᠷᠦᠯ ᠰᠠᠳᠤᠨ ᠵᠢᠡᠨ ᠡᠷᠢᠬᠦ ᠬᠦᠰᠡᠯᠲᠠᠢ 〈ᠤᠯᠤᠰᠤᠨ ᠬᠡᠦᠬᠡᠳ〉 ᠰᠠᠭᠤᠭᠠ ᠭᠠᠵᠠᠷᠤᠨᠢᠶᠠᠨ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢᠳᠤ ᠪᠦᠷᠢᠳᠬᠡᠭᠦᠯᠵᠦ᠂ ᠴᠢᠰᠤᠨᠤ ᠦᠯᠢᠭᠡᠷ ᠠᠪᠤᠭᠤᠯᠤᠭᠰᠠᠨᠤ ᠳᠠᠷᠠᠭᠠ ᠮᠠᠨᠤ ᠡᠨᠳᠡ ᠬᠦᠷᠭᠡᠵᠦ ᠰᠢᠯᠭᠠᠨ ᠪᠠᠢᠴᠠᠭᠠᠵᠤ ᠬᠢᠨᠠᠨ ᠲᠣᠭᠲᠠᠭᠠᠬᠤ ᠪᠠ ᠵᠠᠳᠠᠯᠤᠯᠲᠠ ᠬᠢᠯᠭᠡᠭᠰᠡᠨᠳᠦ᠂ ᠲᠤᠬᠠᠢ ᠶ᠋ᠢᠨ ᠵᠢᠯᠳᠦ ᠪᠠᠷᠢᠨ 2 ᠬᠥᠮᠥᠨ ᠰᠠᠳᠤᠨᠢᠶᠠᠨ ᠠᠮᠵᠢᠯᠳᠠ ᠲᠠᠢ ᠡᠷᠢᠵᠦ ᠤᠯᠪᠠ》 ᠭᠡᠵᠦ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠶᠢᠨ ᠡᠷᠡᠭᠦᠦᠶᠢᠨ ᠬᠡᠷᠡᠭᠢ ᠲᠠᠩᠨᠠᠨ ᠪᠠᠢᠴᠠᠭᠠᠬᠤ ᠰᠠᠯᠪᠤᠷᠢ ᠠᠩᠭᠢᠶᠢᠨ ᠡᠷᠡᠭᠦᠦᠶᠢᠨ ᠬᠡᠷᠡᠭᠦᠨ ᠮᠡᠷᠭᠡᠵᠢᠯᠦᠨ ᠶᠡᠬᠡ ᠠᠩᠭᠢᠶᠢᠨ ᠳᠠᠷᠤᠭᠠ ᠠᠭᠤᠳᠠᠮ ᠬᠡᠯᠡᠨᠡ᠃
ᠲᠦᠬᠦᠢᠮᠡ （ᠡᠮᠦᠨᠡ ᠮᠥᠷᠦᠨ ᠪᠠᠷᠠᠭᠤᠨᠠᠴᠠ ᠭᠤᠷᠪᠠᠳᠤᠭᠠᠷ） ᠪᠣᠯᠤᠨ 《 ᠤᠯᠤᠰᠤᠨ ᠬᠡᠦᠬᠡᠳ 》
ᠬᠡᠷᠡᠯ ᠵᠢᠷᠤᠭ ᠢ ᠤᠯᠠᠭᠠᠨᠴᠠᠪ ᠬᠣᠲᠠ ᠶ᠋ᠢᠨ
ᠨᠢᠭᠡᠳᠦᠮᠡᠯ ᠹᠷᠣᠨᠲ ᠤᠨ ᠬᠡᠯᠲᠡᠰ ᠬᠠᠩᠭᠠᠪᠠ
2023 ᠣᠨᠤ 4 ᠰᠠᠷᠠᠳᠤ᠂ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠ 《ᠤᠯᠤᠰᠤᠨ ᠬᠡᠦᠬᠡᠳ》 ᠤ᠋ᠨ ᠲᠥᠷᠥᠯ ᠰᠠᠳᠤᠨ ᠢ ᠡᠷᠢᠬᠦ ᠲᠤᠰᠬᠠᠢ ᠠᠩᠭᠢ ᠪᠠᠢᠭᠤᠯᠵᠤ᠂ ᠠᠭᠤᠳᠠᠮᠤᠨ ᠳᠠᠭᠠᠭᠤᠯᠤᠭᠰᠠᠨ ᠮᠡᠷᠭᠡᠵᠢᠯᠦᠨ ᠴᠠᠭᠳᠠᠭᠠ ᠨᠠᠷ ᠴᠢᠰᠤᠨᠤ ᠥᠯᠢᠭᠡᠷ ᠠᠪᠤᠬᠰᠠᠨ ᠣᠯᠠᠨ ᠲᠦᠮᠡᠨᠲᠠᠢ ᠰᠢᠭᠤᠳ ᠬᠠᠷᠢᠴᠠᠪᠠ᠃ ᠭᠡᠬᠦᠳᠡᠭᠡᠨ ᠴᠢᠰᠤᠨᠤ ᠦᠯᠢᠭᠡᠷ ᠠᠪᠬᠤ ᠨᠢ ᠵᠥᠪᠬᠡᠨ ᠠᠩᠬᠠᠨᠤ ᠠᠯᠬᠤᠮ ᠲᠡᠳᠦᠢ ᠶᠤᠮ᠃ ᠪᠠᠰᠠ ᠴᠢᠰᠤᠨᠤ ᠦᠯᠢᠭᠡᠷ ᠢ᠋ ᠵᠠᠳᠠᠯᠬᠤ᠂ ᠲᠣᠭᠠ ᠪᠠᠷᠢᠮᠲᠠ ᠶ᠋ᠢ ᠬᠠᠷᠢᠴᠠᠭᠤᠯᠬᠤ᠂ ᠮᠡᠳᠡᠭᠡ ᠵᠠᠩᠭᠢ ᠶ᠋ᠢ ᠬᠠᠷᠭᠤᠭᠤᠯᠬᠤ᠂ ᠬᠦᠮᠦᠰ ᠢ᠋ ᠰᠢᠭ᠌ᠰᠢᠨ ᠪᠠᠢᠴᠠᠭᠠᠬᠤ ᠵᠡᠷᠭᠡ ᠶᠡᠬᠡ ᠬᠡᠮᠵᠢᠶᠡᠨᠦ ᠪᠤᠳᠤᠯᠢᠶᠠᠨᠲᠠᠢ ᠠᠵᠢᠯ ᠢ᠋ ᠬᠢᠬᠦ ᠬᠡᠷᠡᠭᠲᠡᠢ᠂ ᠲᠥᠷᠥᠯ ᠰᠠᠳᠤᠨ ᠢ᠋ ᠡᠷᠢᠬᠦ ᠬᠣᠶᠠᠷ ᠭᠠᠵᠠᠷ ᠤ᠋ᠨ ᠳᠣᠲᠣᠭᠠᠳᠤ ᠶ᠋ᠢ ᠬᠠᠮᠠᠭᠠᠯᠠᠬᠤ ᠰᠠᠯᠠᠭᠠ ᠮᠥᠴᠢᠷ ᠵᠤᠯᠭᠠᠯᠴᠠᠬᠤ ᠬᠡᠷᠡᠭᠳᠡᠢ᠂ ᠪᠤᠯᠤᠮᠵᠢ ᠲᠠᠢ ᠭᠡᠷᠦᠨ ᠤᠳᠤᠮᠤᠨ ᠬᠡᠪᠴᠢᠶᠡ ᠶ᠋ᠢ ᠣᠯᠵᠤ ᠮᠡᠳᠡᠬᠦᠡᠴᠡ ᠠᠪᠤᠭᠠᠳ ᠣᠨᠣᠪᠴᠢᠲᠠᠶ ᠲᠣᠭᠲᠠᠭᠠᠬᠤ ᠬᠦᠷᠲᠡᠯᠡ ᠶᠡᠷᠦᠳᠡᠭᠡᠨ ᠬᠡᠳᠦᠨ ᠰᠠᠷᠠ ᠶ᠋ᠢᠨ ᠴᠠᠭ ᠬᠡᠷᠡᠭᠰᠡᠳᠡᠭ ᠠᠵᠢ᠃
ᠲᠤᠰᠬᠠᠢ ᠠᠵᠢᠯᠤᠨ ᠭᠦᠨᠵᠡᠭᠡᠢᠷᠡᠨ ᠠᠬᠢᠬᠤᠶᠢ ᠳᠠᠭᠠᠯᠳᠤᠨ᠂ ᠮᠡᠷᠭᠡᠵᠢᠯᠦᠨ ᠴᠠᠭᠳᠠᠭᠠ ᠨᠠᠷ ᠴᠢᠰᠤᠨᠤ ᠥᠯᠢᠭᠡᠷ ᠴᠤᠭᠯᠠᠭᠤᠯᠬᠤ᠂ ᠰᠢᠯᠭᠠᠨ ᠪᠠᠢᠴᠠᠭᠠᠵᠤ ᠬᠢᠨᠠᠨ ᠲᠣᠭᠲᠠᠭᠠᠬᠤ᠂ ᠲᠣᠭᠠ ᠪᠠᠷᠢᠮᠲᠠᠶᠢ ᠵᠠᠳᠠᠯᠬᠤ ᠡᠴᠨ ᠠᠪᠤᠭᠠᠳ ᠬᠠᠮᠤᠬ ᠤ᠋ᠨ ᠰᠡᠬᠦᠯ ᠳ᠋ᠤᠨᠢ ᠲᠥᠷᠥᠯ ᠰᠠᠳᠤᠨᠤ ᠬᠠᠷᠢᠴᠠᠭᠠᠶᠢ ᠲᠣᠭᠲᠠᠭᠠᠬᠤ ᠬᠦᠷᠲᠡᠯᠡᠬᠢ ᠠᠵᠢᠯᠤᠨ ᠲᠣᠭᠲᠠᠴᠠᠶᠢ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠪᠠᠢᠭᠤᠯᠵᠠᠢ᠃ ᠲᠡᠳᠡ ᠨᠠᠷ ᠵᠢᠶᠠᠩᠰᠤ᠂ ᠱᠠᠩᠬᠠᠢ᠂ ᠠᠨᠾᠦ᠋ᠢ ᠵᠡᠷᠭᠡ ᠭᠠᠵᠠᠷᠤᠨ ᠲᠦᠷᠦᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ ᠰᠠᠢᠨ ᠲᠤᠷᠠᠴᠤᠳ ᠲᠠᠢ ᠲᠤᠰᠬᠠᠢ ᠠᠵᠢᠯᠤᠨ ᠲᠣᠭᠲᠠᠴᠠᠶᠢ ᠪᠠᠢᠭᠤᠯᠵᠤ᠂ ᠰᠠᠢᠨ ᠲᠤᠷᠠᠴᠤᠳ ᠲᠦ᠍ ᠬᠠᠨᠳᠤᠭᠤᠯᠤᠨ ᠴᠢᠰᠤᠨᠤ ᠦᠯᠢᠭᠡᠷ ᠴᠤᠭᠯᠠᠭᠤᠯᠬᠤ ᠪᠠ DNAᠵᠢᠨ ᠪᠠᠢᠴᠠᠭᠠᠯᠲᠠᠶᠢᠨ ᠮᠠᠲᠧᠷᠢᠶᠠᠯᠢ ᠬᠠᠳᠠᠭᠠᠯᠠᠬᠤ ᠪᠣᠯᠪᠠᠰᠤᠷᠠᠯ ᠦᠷᠨᠢᠬᠦᠯᠵᠦ᠂ ᠲᠦᠷᠦᠯ ᠰᠠᠳᠤᠨᠢᠶᠠᠨ ᠡᠷᠢᠵᠦ ᠤᠯᠬᠤ ᠪᠦᠲᠦᠮᠵᠢᠶᠢ ᠶᠡᠬᠡᠪᠡᠷ ᠳᠡᠭᠡᠭᠰᠢᠯᠡᠭᠦᠯᠪᠡ᠃ ᠡᠲᠡᠭᠡᠷ ᠰᠠᠢᠨ ᠲᠤᠷᠠᠴᠤᠳ ᠤ᠋ᠨ ᠣᠯᠠᠩᠬᠢ ᠨᠢ ᠲᠤᠬᠠᠢᠶᠢᠨ ᠵᠢᠯᠳᠦ ᠬᠡᠦᠬᠡᠳᠢᠶᠡᠨ ᠬᠦᠷᠭᠡᠭᠰᠡᠨ ᠭᠡᠷ ᠪᠦᠯᠢᠵᠢᠨ ᠬᠢᠨ ᠪᠠᠢᠵᠤ᠂ ᠲᠠᠳᠠᠨᠦᠰ ᠪᠤᠰᠤᠳᠢ ᠬᠠᠪᠰᠤᠷᠤᠨ ᠲᠥᠷᠥᠯ ᠰᠠᠳᠤᠨᠢ ᠨᠢ ᠡᠷᠢᠬᠦ ᠵᠢᠨ ᠬᠠᠮᠲᠤ ᠪᠠᠰᠠ ᠥᠪᠡᠷᠦᠨ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠵᠦ ᠣᠯᠬᠤᠶᠢ ᠬᠦᠰᠡᠮᠵᠢᠯᠡᠭᠰᠡᠭᠡᠷ ᠪᠤᠢ᠃
DNA ᠶ᠋ᠢᠨ ᠲᠣᠭᠠ ᠪᠠᠷᠢᠮᠲᠠᠳ᠋ᠤ ᠵᠠᠳᠠᠯᠤᠯᠳᠠ ᠬᠢᠨᠡ
ᠬᠡᠷᠡᠯ ᠵᠢᠷᠤᠭᠢ ᠵᠧᠵᠢᠶᠠᠩ ᠮᠤᠵᠢ ᠵᠢᠨ ᠲᠠᠢ ᠵᠧᠦ
ᠬᠤᠳᠠ ᠵᠢᠨ ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠ ᠵᠢᠨ
ᠯᠦ᠍ ᠴᠢᠶᠤᠤ ᠬᠤᠪᠢᠶᠠᠷᠢ ᠳᠤᠪᠴᠢᠶᠠ ᠬᠠᠩᠭᠠᠪᠠ
ᠵᠠᠯᠭᠠᠭᠠ ᠪᠠᠷ ᠪᠢᠴᠢᠭᠳᠡᠬᠦ ᠤᠴᠠᠷᠠᠨ ᠵᠤᠯᠭᠠᠯᠳᠠ ᠵᠢᠨ ᠦᠯᠢᠬᠡᠷ
ᠵᠢᠶᠠᠩᠰᠦ ᠮᠤᠵᠢᠶ᠋ᠢᠨ ᠢᠱᠢᠩ ᠬᠣᠲᠠᠳᠤ ᠰᠠᠭᠤᠭᠠ ᠵᠸᠦ ᠯᠢᠦ ᠵᠢᠶᠦ᠋ᠨ ᠪᠤᠯ ᠰᠠᠳᠤᠨ ᠵᠢᠡᠨ ᠡᠷᠢᠬᠦ ᠰᠠᠢᠨ ᠲᠤᠷᠠᠴᠤᠤᠯ ᠪᠢᠯᠡ᠃ 1960 ᠣᠨᠤ ᠤᠷᠢᠳ ᠬᠣᠵᠢᠳᠢᠶᠠᠷ ᠲᠡᠭᠦᠨᠦ ᠬᠡᠷ ᠪᠦᠯᠢ ᠵᠢᠨ ᠬᠢᠨ ᠬᠡᠦᠬᠡᠳ ᠵᠢᠡᠨ ᠬᠦᠷᠬᠡᠭᠰᠡᠨ ᠪᠢᠯᠡ᠃ ᠡᠢᠮᠦᠷᠬᠦᠦ ᠭᠡᠷ ᠪᠦᠯᠢ ᠴᠠᠡᠭ᠌ᠵᠸᠤ᠂ ᠰᠦᠵᠧᠦ᠂ ᠱᠠᠩᠬᠠᠶ ᠵᠡᠷᠭᠡ ᠭᠠᠵᠠᠷᠲᠤ ᠪᠦᠷ ᠪᠠᠢᠵᠤ᠂ 20 ᠭᠠᠷᠤᠢ ᠵᠢᠯᠦᠨ ᠡᠮᠦᠨᠡ ᠡᠴᠡ ᠡᠯᠡ ᠭᠠᠵᠠᠷ ᠤᠷᠤᠨ ᠵᠠᠯᠭᠠᠭᠠᠪᠠᠷ 《ᠲᠦᠷᠦᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ᠌ ᠪᠦᠯᠬᠦᠮ》 ᠪᠠᠢᠭᠤᠯᠤᠭᠰᠠᠨ ᠠᠵᠢ᠃
2023 ᠣᠨᠤ ᠴᠠᠭᠠᠨ ᠰᠠᠷᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠵᠸᠦ ᠯᠢᠦ ᠵᠢᠶᠦ᠋ᠨ 《ᠤᠯᠤᠰᠤᠨ ᠬᠡᠦᠬᠡᠳ》 ᠭᠡᠬᠦ᠌ ᠲᠧᠯᠸᠢᠰ ᠵᠦᠴᠦᠭᠡᠶ᠋ᠢ ᠰᠤᠨᠢᠷᠬᠠᠨ ᠦᠵᠡᠵᠦ᠂ ᠲᠥᠷᠥᠯ ᠰᠠᠳᠤᠨᠨᠢ ᠥᠪᠥᠷ ᠮᠣᠩᠭᠣᠯᠳᠤ ᠪᠠᠢᠬᠤ ᠪᠣᠯᠤᠯᠴᠠᠭᠠᠲᠠᠶ ᠭᠡᠳᠡᠭᠢ ᠮᠡᠳᠡᠵᠡᠶ᠃ ᠲᠡᠷᠡ ᠢᠱᠢᠩ ᠬᠣᠲᠠᠶ᠋ᠢᠨ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ᠌ ᠰᠠᠢᠨ ᠲᠤᠷᠠᠴᠤᠳᠤᠨ ᠪᠦᠯᠬᠦᠮᠳᠦ ᠣᠷᠣᠵᠤ᠂ ᠬᠠᠨᠢᠳᠠᠳ ᠲᠠᠢ ᠪᠡᠨ ᠢᠱᠢᠩᠤᠨ ᠡᠷᠬᠢᠨ ᠲᠣᠭᠣᠷᠢᠨᠤ ᠭᠠᠵᠠᠷ ᠣᠷᠣᠨᠤ ᠲᠤᠰᠬᠤᠨ ᠪᠤᠯᠭᠠᠨ ᠵᠢᠡᠷ ᠲᠣᠭᠣᠷᠢᠨ ᠦᠵᠡᠵᠦ᠍᠂ ᠠᠯᠢ ᠠᠢᠯ ᠨᠢ ᠬᠡᠦᠬᠡᠳᠢᠶᠡᠨ ᠬᠦᠷᠭᠡᠵᠦ᠍ ᠥᠩᠭᠡᠷᠡᠭ᠌ᠰᠡᠨᠢ ᠰᠤᠷᠠᠭ᠍ᠯᠠᠵᠤ᠂ ᠳᠠᠬᠢᠭᠠᠳ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ᠌ ᠪᠤᠳᠤᠯ ᠲᠠᠢ ᠣᠯᠠᠨ ᠲᠦᠮᠡᠨ ᠤ᠋ ᠴᠢᠰᠤᠨᠤ ᠥᠯᠢᠭᠡᠷ ᠢ ᠴᠤᠬᠯᠠᠭᠤᠯᠤᠨ᠂ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠᠳᠤ ᠢᠯᠡᠭᠡᠪᠡ᠃
2023 ᠣᠨᠤ ᠵᠤᠨ ᠂ ᠵᠸᠦ ᠯᠢᠦ ᠵᠢᠶᠦ᠋ᠨ 260 ᠭᠠᠷᠤᠢ ᠡᠷᠦᠭᠡᠶ᠋ᠢᠨ ᠴᠢᠰᠤᠨᠤ ᠦᠯᠢᠭᠡᠷ ᠢ ᠠᠪᠤᠪᠠ᠃ ᠴᠢᠰᠤᠨᠤ ᠦᠯᠢᠭᠡᠷ ᠢ ᠢᠯᠡᠭᠡᠭᠡᠳ ᠰᠠᠷᠠ ᠭᠠᠷᠤᠶ ᠪᠣᠯᠤᠭ᠍ᠰᠠᠨᠤ ᠳᠠᠷᠠᠭᠠ᠂ 4 ᠭᠡᠷ ᠪᠦᠯᠢ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠠᠮᠵᠢᠯᠳᠠ ᠳᠠᠢ ᠡᠷᠢᠨ ᠤᠯᠵᠤ᠂ 《ᠤᠯᠤᠰᠤᠨ ᠬᠡᠦᠬᠡᠳ》 ᠤ᠋ᠤᠨ ᠲᠦᠷᠦᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ᠌ ᠰᠠᠢ᠌ᠨ ᠲᠤᠷᠠᠴᠤᠳ ᠤ᠋ᠨ ᠬᠠᠪᠰᠤᠷᠤᠯᠭᠠ ᠳᠣᠣᠷᠠ ᠲᠦᠷᠦᠭᠰᠡᠨ ᠨᠤᠳᠤᠭ ᠵᠢᠡᠨ ᠤᠯᠵᠤ ᠮᠡᠳᠡᠪᠡ᠃
2023 ᠣᠨᠤ 12 ᠰᠠᠷᠠᠶ᠋ᠢᠨ 31 ᠤ᠋ ᠡᠳᠦᠷ᠂ ᠯᠢ ᠶᠦᠩ ᠵᠢᠶᠠᠩᠰᠦ ᠮᠤᠵᠢᠶ᠋ᠢᠨ ᠯᠢ ᠶᠠᠩ ᠬᠣᠲᠠᠶ᠋ᠢᠨ ᠳ᠋ᠠᠢ ᠲᠧᠦ ᠪᠠᠯᠭᠠᠰᠤᠨᠤ ᠲᠢᠶᠠᠨ ᠯᠦᠸᠧ ᠸᠧᠶ ᠲᠣᠰᠭᠣᠨᠳᠤ ᠬᠦᠷᠴᠦ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠲᠠᠨᠢᠵᠤ᠂ 97 ᠨᠠᠰᠤᠲᠠᠶ ᠲᠥᠷᠥᠭ᠌ᠰᠡᠨ ᠡᠵᠢᠲᠡᠶᠪᠡᠨ ᠵᠤᠯᠭᠠᠪᠠ᠃
ᠬᠡᠮᠡᠷᠯᠢᠭ ᠲᠤᠭ ᠬᠦᠷᠭᠡᠵᠦ᠍ ᠪᠠᠢᠭᠠ ᠨᠢ
ᠢᠷᠡᠯᠳᠡ ᠵᠢ ᠳᠤᠳᠤᠷᠬᠠᠢᠯᠠᠬᠰᠠᠨ ᠦᠬᠡᠢ
ᠬᠡᠷᠡᠯ ᠵᠢᠷᠤᠭᠤᠳ ᠢ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠤᠨ
ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠ ᠬᠠᠩᠭᠠᠪᠠ
2024 ᠤᠨ ᠤ᠋ 1 ᠰᠠᠷᠠ ᠵᠢᠨ 12 ᠤ᠋ᠨ ᠡᠳᠦᠷ᠂ ᠸᠠᠩ ᡁᠢ ᠴᠢᠶᠠᠩ ᠵᠢᠶᠠᠩᠰᠤ ᠮᠤᠵᠢ ᠵᠢᠨ ᠴᠠᠩᠵᠸᠦ ᠬᠤᠳᠠ ᠵᠢᠨ ᠡᠦ ᠵᠢᠨ ᠲᠤᠭᠤᠷᠢᠬ ᠤ᠋ᠨ ᠼᠦᠢ ᠤᠪᠤᠬᠳᠤ ᠵᠢᠨ ᠲᠤᠰᠬᠤᠨ ᠳ᠋ᠸ᠋ 64 ᠵᠢᠯ ᠠᠶᠠᠷᠯᠠᠨ ᠰᠠᠯᠤᠬᠰᠠᠨ ᠬᠤᠶᠠᠷ ᠠᠬᠠ᠂ ᠨᠢᠬᠡ ᠡᠬᠡᠴᠢ ᠲᠠᠢ ᠪᠡᠨ ᠤᠴᠠᠷᠠᠨ ᠵᠤᠯᠭᠠᠪᠠ᠃
《ᠪᠠᠭᠠ ᠪᠠᠯᠴᠢᠷ ᠲᠸ᠋ ᠤᠯᠤᠰ ᠡᠴᠨ ᠮᠠᠨᠤᠰ ᠢ ᠬᠠᠮᠢᠶᠠᠷᠤᠬᠰᠠᠨ ᠦᠬᠡᠢ ᠪᠤᠯ᠂ ᠴᠠᠢᠯᠭᠠᠨ ᠴᠠᠭᠠᠪᠤᠷ ᠦᠪᠦᠷ ᠮᠤᠩᠭᠤᠯ ᠤ᠋ᠨ ᠠᠷᠠᠳ ᠲᠦᠮᠡᠨ ᠮᠠᠨᠤᠰ ᠢ᠋ ᠦᠷᠠᠴᠢᠯᠠᠨ ᠲᠡᠵᠢᠭᠡᠭᠰᠡᠨ ᠦᠬᠡᠢ ᠪᠤᠯ ᠪᠢᠳᠡ ᠬᠦᠮᠦᠨ ᠪᠤᠯᠵᠤ ᠲᠡᠢᠯᠬᠦ ᠦᠬᠡᠢ᠃ ᠡᠳᠦᠬᠡ ᠤᠯᠤᠰ ᠡᠴᠨ ᠮᠠᠨᠤᠰ ᠤ᠋ᠨ ᠰᠠᠳᠤᠨ ᠢ᠋ ᠡᠷᠢᠵᠦ ᠦᠭᠴᠦ ᠪᠠᠢᠨᠠ᠂ ᠬᠤᠶᠠᠷ ᠭᠠᠵᠠᠷ ᠤ᠋ᠨ ᠴᠠᠬᠳᠠᠭᠠ ᠪᠤᠯᠤᠨ ᠰᠠᠢᠨ ᠲᠤᠷᠠᠴᠤᠳ ᠶᠡᠬᠡ ᠬᠦᠴᠦ ᠬᠦᠳᠡᠯᠮᠦᠷᠢ ᠵᠠᠷᠤᠴᠠᠭᠤᠯᠤᠬᠰᠠᠨ᠂ ᠶᠡᠬᠡ ᠪᠠᠶᠠᠷᠯᠠᠯᠠ！》 ᠬᠡᠵᠦ ᠸᠠᠩ ᡁᠢ ᠴᠢᠶᠠᠩ ᠰᠡᠳᠭᠢᠯ ᠳᠣᠭ᠍ᠳᠣᠯᠤᠨ ᠬᠡᠯᠡᠨᠡ᠃
《 ᠤᠯᠤᠰᠤᠨ ᠬᠡᠦᠬᠡᠳ》 ᠤ᠋ᠨ ᠲᠦᠷᠦᠯ ᠰᠠᠳᠤᠨ ᠢ᠋ ᠨᠢ ᠡᠷᠢᠵᠦ ᠦᠭᠬᠦ ᠠᠵᠢᠯᠯᠠᠭᠠ ᠵᠢᠨ ᠪᠠᠶᠠᠷᠤᠨ ᠴᠢᠮᠡᠭᠡ ᠲᠠᠰᠤᠷᠠᠯᠲᠠ ᠥᠬᠡᠶ ᠤᠯᠠᠮᠵᠢᠯᠠᠭ᠍ᠳᠠᠬᠤᠶ᠋ᠢ ᠳᠠᠭᠠᠯᠳᠤᠨ᠂ 《ᠤᠯᠤᠰᠤᠨ ᠬᠡᠦᠬᠡᠳ》 ᠡᠯᠡ ᠭᠠᠵᠠᠷᠡᠴᠨ ᠴᠢᠰᠤᠨᠤ ᠦᠯᠢᠬᠡᠷ ᠵᠢᠡᠨ ᠢᠯᠡᠬᠡᠵᠦ᠂ 《ᠤᠯᠤᠰᠤᠨ ᠬᠦᠴᠦᠨ》 ᠳ᠋ᠸ᠋ ᠲᠦᠰᠢᠭᠯᠡᠨ ᠲᠦᠷᠦᠯ ᠰᠠᠳᠤᠨᠢᠶᠠᠨ ᠡᠷᠢᠵᠦ᠍ ᠤᠯᠬᠤᠶ᠋ᠢ ᠬᠦᠰᠡᠮᠵᠢᠯᠡᠨᠡ᠃
1 ᠰᠠᠷᠠᠶ᠋ᠢᠨ 22 ᠤ᠋ᠨ ᠡᠳᠦᠷ᠂ ᠵᠠᠩ ᠵᠶ᠋ᠢ ᠫᠢᠩᠢ ᠪᠠᠭ᠍ᠲᠠᠭᠠᠭ᠍ᠰᠠᠨ ᠬᠥᠬᠡᠬᠣᠲᠠᠳᠤ ᠠᠮᠢᠳᠤᠷᠠᠭᠠ 10 ᠭᠠᠷᠤᠢ 《ᠤᠯᠤᠰᠤᠨ ᠬᠡᠦᠬᠡᠳ》 ᠴᠢᠰᠤᠨ ᠤ᠋ ᠦᠯᠢᠬᠡᠷ ᠵᠢᠡᠨ ᠠᠪᠴᠤ᠂ ᠱᠢᠯᠢᠶ᠋ᠢᠨ ᠭᠣᠣᠯ ᠠᠢᠮᠠᠭᠤᠨ ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠᠨ ᠳ᠋ᠸ᠋ ᠢᠯᠡᠭᠡᠪᠡ᠃ ᠰᠠᠳᠤᠨᠢᠶᠠᠨ ᠡᠷᠢᠬᠦ᠌ ᠲᠤᠰᠭᠠᠶ ᠠᠩᠭᠢᠶ᠋ᠢᠨ ᠡᠳᠦᠷ ᠰᠥᠨᠢ ᠥᠬᠡᠶ ᠴᠢᠷᠮᠠᠢᠯᠭᠠᠪᠠᠷ ᠳᠡᠮᠵᠢᠨ᠂ ᠰᠠᠷᠠ ᠪᠣᠯᠤᠭᠠ ᠥᠬᠡᠶᠪᠡᠷ ᠵᠠᠩ ᠵᠢᠶ ᠫᠢᠩ ᠪᠣᠯᠤᠨ ᠨᠥᠭᠥᠭᠡ ᠨᠢᠭᠡ 《ᠤᠯᠤᠰᠤᠨ ᠬᠡᠦᠬᠡᠳ》 ᠲᠦ᠍ ᠰᠠᠳᠤᠨ ᠢ᠋ ᠨᠢ ᠡᠷᠢᠵᠦ ᠤᠯᠵᠤ ᠦᠭᠬᠦᠯᠡ᠃
《 ᠣᠲᠣ ᠪᠣᠯᠲᠠᠯᠠ᠂ ᠠᠷᠪᠠᠨ ᠬᠡᠳᠦᠨ 〈ᠤᠯᠤᠰᠤᠨ ᠬᠡᠦᠬᠡᠳ〉 ᠮᠠᠨᠤ ᠲᠤᠰᠭᠠᠶ ᠠᠩᠭᠢᠶ᠋ᠢᠨ ᠠᠵᠢᠯᠯᠠᠭᠠᠪᠠᠷ ᠳᠡᠮᠵᠢᠨ ᠰᠠᠳᠤᠨᠢᠶᠠᠨ ᠡᠷᠢᠵᠦ ᠤᠯᠪᠠ᠃ 〈ᠤᠯᠤᠰᠤᠨ ᠬᠡᠦᠬᠡᠳ〉 ᠤ᠋ᠳ ᠶᠠᠪᠤᠬᠤ ᠲᠤᠳᠤᠮ ᠨᠠᠰᠤ ᠠᠬᠢᠵᠤ᠂ ᠪᠢᠳᠡ ᠶᠡᠷᠦᠨᠢ ᠲᠡᠳᠡᠨ ᠤ᠋ ᠰᠠᠳᠤᠨ ᠢ᠋ ᠨᠢ ᠬᠤᠷᠳᠤᠬᠠᠨ ᠤᠯᠵᠤ ᠦᠭᠬᠦ ᠵᠢ ᠬᠦᠰᠡᠳᠡᠭ᠃ ᠪᠢᠳᠡ ᠴᠠᠬ ᠮᠦᠴᠡ ᠲᠠᠢ ᠤᠷᠤᠯᠳᠤᠨ ᠨᠡᠩ ᠤᠯᠠᠨ 〈ᠤᠯᠤᠰᠤᠨ ᠬᠡᠦᠬᠡᠳ〉 ᠲᠦ᠍ ᠬᠠᠪᠰᠤᠷᠤᠨ ᠤᠴᠠᠷᠠᠨ ᠵᠤᠯᠭᠠᠬᠤ ᠮᠦᠷᠦᠬᠡᠳᠦᠯ ᠢ᠋ ᠨᠢ ᠪᠡᠶᠡᠯᠡᠬᠦᠯᠬᠦ ᠪᠡᠷ ᠴᠢᠷᠮᠠᠢᠨᠠ 》 ᠭᠡᠵᠦ᠍ ᠠᠭᠤᠳᠠᠮ ᠶᠠᠷᠢᠨᠠ᠃
ᠳᠤᠭᠠᠴᠢᠯᠳᠠ
65 ᠵᠢᠯᠦᠨ ᠲᠠᠷᠠᠭᠠ ᠪᠢ ᠡᠵᠢ ᠳ᠋ᠡᠭᠡᠨ ᠲᠠᠬᠢᠨ ᠵᠤᠯᠭᠠᠯᠠ
ᠲᠤᠭᠠᠴᠢᠭᠴᠢ ᠄ ᠯᠢ ᠶᠦᠩ
ᠮᠢᠨᠦ᠍ ᠴᠡᠭᠡᠵᠢᠯᠡᠵᠦ᠍ ᠪᠠᠢᠬᠤᠪᠠᠷ᠂ ᠮᠢᠨᠦ᠍ ᠭᠡᠷ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠤᠨ ᠰᠥᠨᠢᠳ ᠪᠠᠷᠠᠭᠤᠨ ᠬᠣᠱᠢᠭᠤᠨᠤ ᠵᠢᠷᠦᠬᠡ ᠪᠠᠯᠭᠠᠰᠤᠨᠤ ᠴᠢᠤᠸᠠᠨ ᠱᠧᠩ ᠲᠣᠰᠭᠣᠨᠳᠤ ᠪᠠᠢᠨᠠ᠃ ᠡᠷᠭᠦᠭ᠌ᠰᠡᠨ ᠡᠴᠢᠭᠡ ᠡᠬᠡ ᠶᠡᠷᠦ᠍ᠡᠴᠡ ᠮᠢᠨᠦ᠍ ᠪᠡᠶᠡᠶ᠋ᠢᠨ ᠭᠠᠷᠤᠯᠢ ᠨᠠᠳᠠᠳᠤ ᠬᠡᠯᠡᠵᠦ᠍ ᠥᠩᠭᠡᠷᠡᠭ᠌ᠰᠡᠨ ᠦᠭᠡᠢ᠃ ᠦᠭᠡᠯᠡᠢ ᠪᠤᠯᠬᠤ ᠶ᠋ᠢ ᠳᠠᠭᠠᠯᠳᠤᠨ᠂ ᠪᠢ ᠠᠭᠠᠵᠢᠮᠢᠶᠠᠷ ᠥᠪᠡᠷᠢᠪᠡᠨ 《ᠤᠯᠤᠰᠤᠨ ᠬᠡᠦᠬᠡᠳ》 ᠭᠡᠳᠡᠭᠢᠶᠡᠨ ᠮᠡᠳᠡᠵᠡᠢ᠃
ᠡᠷᠭᠦᠭ᠌ᠰᠡᠨ ᠠᠪᠤ ᠡᠵᠢ ᠨᠠᠰᠤ ᠪᠠᠷᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠪᠢ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ᠌ ᠪᠣᠳᠣᠯ ᠣᠷᠣᠪᠠ᠃ 2021 ᠣᠨᠳᠤ᠂ ᠮᠢᠨᠦ᠍ ᠥᠬᠢᠨ ᠨᠠᠳᠠᠳᠤ᠂ ᠤᠯᠤᠰᠠᠴᠠ ᠶᠠᠭ 《ᠲᠦᠷᠦᠯ ᠰᠠᠳᠤᠨᠶ᠋ᠢᠡᠨ ᠡᠷᠢᠬᠦ ᠠᠵᠢᠯᠯᠠᠭᠠ》 ᠥᠷᠨᠢᠭᠦᠯᠵᠦ᠍ ᠪᠠᠢᠨᠠ᠂ ᠨᠠᠳᠠ ᠱᠢᠭ᠋ ᠲᠦᠷᠦᠭᠰᠡᠨ ᠡᠴᠢᠭᠡ ᠡᠭᠡᠡᠴᠡᠪᠡᠨ ᠰᠠᠯᠤᠭᠠᠳ ᠣᠯᠠᠨ ᠵᠢᠯ ᠪᠤᠯᠵᠤ ᠪᠠᠢᠭᠠ ᠬᠥᠮᠦᠨ ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠰᠠᠯᠠᠭᠠ ᠮᠥᠴᠢᠷᠲᠦ ᠣᠴᠢᠵᠤ ᠳᠠᠩᠰᠠᠯᠠᠭᠤᠯᠵᠤ ᠪᠣᠯᠤᠨᠠ᠂ ᠴᠢᠰᠤᠨᠤ ᠥᠯᠢᠭᠡᠷ ᠴᠤᠭ᠍ᠯᠠᠭᠤᠯᠬᠤ᠂ DNA ᠶ᠋ᠢᠨ ᠲᠣᠭᠠ ᠪᠠᠷᠢᠮᠲᠠᠶ᠋ᠢ ᠵᠠᠳᠠᠯᠵᠤ ᠬᠠᠷᠢᠴᠠᠭᠤᠯᠬᠤᠪᠠᠷ ᠳᠡᠮᠵᠢᠨ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠵᠦ᠍ ᠪᠣᠯᠤᠨᠠ ᠭᠡᠳᠡᠭᠢ ᠬᠡᠯᠡᠵᠦ ᠦᠭᠪᠡ᠃ 2023 ᠣᠨᠤ 11 ᠰᠠᠷᠠᠶ᠋ᠢᠨ 23 ᠤ᠋ ᠡᠳᠦᠷ ᠂ ᠪᠢ ᠲᠦᠷᠦᠯ ᠰᠠᠳᠤᠨᠤ ᠰᠤᠷᠠᠭ ᠴᠢᠮᠡᠭᠡ ᠪᠡᠨ ᠲᠤᠭᠤᠯᠵᠠᠢ᠃
2023 ᠣᠨᠤ 12 ᠰᠠᠷᠠᠶ᠋ᠢᠨ 31ᠤ᠋ ᠡᠳᠦᠷ ᠂ ᠵᠢᠶᠠᠩᠰᠦ ᠮᠤᠵᠢᠶ᠋ᠢᠨ ᠯᠢ ᠶᠠᠩ ᠬᠣᠲᠠᠶ᠋ᠢᠨ ᠳ᠋ᠠᠶ ᠳᠧᠦ ᠪᠠᠯᠭᠠᠰᠤᠨᠤ ᠱᠠᠨ ᠴᠢᠶᠠᠨ ᠲᠣᠰᠭᠣᠨᠤ ᠲᠢᠶᠠᠨ ᠯᠦᠸᠧ ᠸᠧᠶ ᠳ᠋ᠤ᠂ 65 ᠵᠢᠯᠦᠨ ᠳᠠᠷᠠᠭᠠ᠂ ᠲᠥᠷᠥᠭ᠌ᠰᠡᠨ ᠡᠵᠢ ᠱ᠌ᠢ ᠪᠠ ᠮᠧᠶᠲᠠᠢ ᠠᠭᠤᠯᠵᠠᠵᠤ᠂ ᠠᠬᠠ ᠡᠭᠡᠴᠢ ᠪᠠ ᠬᠤᠶᠠᠷ ᠲᠡᠬᠦᠦ ᠲᠠᠢ ᠪᠠᠨ ᠠᠭᠤᠯᠵᠠᠵᠠᠢ᠃ 97 ᠨᠠᠰᠤᠳᠠᠢ ᠡᠵᠢ ᠮᠢᠨᠢ ᠨᠠᠳᠠᠳᠤ ᠪᠠᠶᠠᠷᠳᠤ ᠠᠭᠤᠯᠵᠠᠯᠳᠠ ᠵᠢᠨ ᠪᠤᠭᠤᠷᠰᠤᠭ ᠢᠳᠡᠬᠦᠯᠦᠭᠰᠡᠨ᠃
ᠳᠡᠭᠦᠦ ᠮᠢᠨᠢ ᠬᠠᠷᠢᠵᠤ ᠢᠷᠡᠯᠠ
ᠲᠤᠭᠠᠴᠢᠭᠴᠢ ᠄ ᠢᠦᠢ ᠷᠧᠨ ᠵᠢᠶᠸ
ᠪᠢ ᠵᠢᠶᠠᠩᠰᠦ ᠮᠤᠵᠢᠶ᠋ᠢᠨ ᠥᠰᠢ ᠬᠣᠲᠠᠶ᠋ᠢᠨ ᠢᠱᠢᠩ ᠬᠣᠲᠠᠳᠤ ᠠᠮᠢᠳᠤᠷᠠᠳᠠᠭ᠃ 60 ᠭᠠᠷᠤᠢ ᠵᠢᠯᠦᠨ ᠡᠮᠦᠨᠡ᠂ ᠠᠮᠢᠳᠤᠷᠠᠯᠤᠨ ᠭᠠᠴᠢᠭ᠍ᠳᠠᠯᠠᠴᠠ ᠪᠤᠯᠵᠤ᠂ ᠠᠪᠤ ᠡᠵᠢ ᠮᠢᠨᠢ ᠭᠤᠷᠪᠠᠬᠠᠨ ᠨᠠᠰᠤᠲᠠᠢ ᠳᠡᠭᠦᠦ᠍ᠶ᠋ᠢ ᠱᠠᠩᠬᠠᠢᠳᠤ ᠬᠦᠷᠭᠡᠪᠡ᠃ ᠳᠡᠭᠦᠦᠵᠢ ᠮᠢᠨᠢ ᠡᠷᠢᠵᠦ᠍ ᠠᠪᠴᠢᠷᠠᠬᠤ ᠪᠤᠳᠤᠯ ᠡᠵᠢᠶᠢᠨ ᠰᠡᠳᠬᠢᠯ ᠡᠴᠡ ᠶᠡᠷᠦ ᠭᠠᠷᠤᠭᠰᠠᠨ ᠦᠭᠡᠢ᠂ ᠭᠡᠲᠡᠯᠡ ᠡᠨᠡ ᠪᠤᠯ 《ᠠᠨᠠᠪᠠᠳ ᠲᠠᠯᠠᠢ ᠡᠴᠡ ᠵᠡᠭᠦᠦ ᠡᠷᠢᠵᠦ ᠪᠠᠢᠬᠤ》 ᠮᠡᠳᠦ᠂ ᠬᠠᠮᠢᠭᠠᠠᠴᠠ ᠡᠷᠢᠬᠦ᠌ᠪᠡᠨ ᠮᠡᠳᠡᠬᠦ᠌ ᠦᠭᠡᠢ᠃ ᠡᠴᠢᠭᠡ ᠡᠬᠡ ᠨᠠᠰᠤ ᠪᠠᠷᠠᠭ᠍ᠰᠠᠨᠤ ᠳᠠᠷᠠᠭᠠ᠂ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ᠌ ᠨᠢ ᠨᠠᠩ ᠬᠦᠴᠢᠷᠲᠡᠶ ᠪᠣᠯᠪᠠ᠃ 2023 ᠣᠨᠤ 12 ᠰᠠᠷᠠᠳᠤ᠂ ᠲᠥᠷᠥᠯ ᠰᠠᠳᠤᠨᠢᠶᠠᠨ ᠡᠷᠢᠬᠦ᠌ ᠰᠠᠢᠨ ᠲᠤᠷᠠᠴᠤᠤᠯ ᠵᠸᠤ ᠯᠢᠦ ᠵᠢᠶᠦ᠋ᠨ ᠨᠠᠮᠠᠶ᠋ᠢ ᠡᠷᠢᠵᠦ᠍ ᠢᠷᠡᠭᠡᠳ᠂ ᠬᠡᠦᠬᠡᠳᠢᠶᠡᠨ ᠬᠦᠷᠭᠡᠵᠦ᠍ ᠥᠩᠭᠡᠷᠡᠭ᠌ᠰᠡᠨ ᠡᠰᠡᠬᠦ᠌ᠶ᠋ᠢ ᠠᠰᠠᠭᠤᠭᠠᠳ᠂ ᠮᠢᠨᠦ᠍ ᠳᠡᠭᠦᠦ᠍ᠶ᠋ᠢ ᠡᠷᠢᠵᠦ᠍ ᠣᠯᠬᠤ ᠪᠤᠯᠤᠮᠵᠢ ᠲᠠᠢ ᠭᠡᠵᠦ ᠬᠡᠯᠡᠵᠦ ᠦᠭᠪᠡ᠂ ᠢᠨᠭᠭᠢᠭᠡᠳ ᠴᠢᠰᠤᠨᠤ ᠦᠯᠢᠭᠡᠷ ᠠᠪᠤᠭᠠᠳ ᠳᠡᠮᠡᠶ ᠤᠳᠠᠭ᠍ᠰᠠᠨ ᠥᠬᠡᠶ ᠰᠠᠢᠨ ᠴᠢᠮᠡᠭᠡ ᠲᠤᠭᠤᠯᠵᠠᠢ᠃ ᠥᠪᠥᠷ ᠮᠣᠩᠭᠣᠯᠤᠨ ᠦᠬᠠᠶ ᠬᠣᠲᠠᠳᠤ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠯᠢ ᠱ᠌ᠢ ᠶᠢᠩ ᠪᠣᠯ ᠳᠠᠷᠤᠢ ᠮᠢᠨᠦ᠍ ᠲᠥᠷᠥᠭ᠌ᠰᠡᠨ ᠳᠡᠭᠦᠦ ᠪᠠᠢᠵᠠᠢ！
ᠲᠤᠬᠠᠢᠶᠢᠨ ᠵᠢᠯ ᠳᠡᠭᠦᠦ᠍ᠶ᠋ᠢ ᠮᠢᠨᠢ ᠱᠠᠩᠬᠠᠢᠶ᠋ᠢᠨ ᠥᠨᠥᠴᠢᠨ ᠬᠡᠦᠬᠡᠳᠦᠨ ᠬᠦᠷᠢᠶᠡᠯᠡᠩᠳᠦ ᠬᠦᠷᠭᠡᠭᠰᠡᠨ ᠡᠴᠡ 《ᠭᠤᠷᠪᠠᠨ ᠮᠢᠩᠭᠠᠨ ᠥᠨᠥᠴᠢᠨ ᠬᠡᠦᠬᠡᠳ》 ᠤ᠋ᠨ ᠨᠢᠭᠡ ᠪᠣᠯᠵᠦ᠂ ᠥᠪᠥᠷ ᠮᠣᠩᠭᠣᠯᠤᠨ ᠱᠢᠯᠢᠶ᠋ᠢᠨ ᠭᠣᠣᠯ ᠠᠢᠮᠠᠭᠲᠤ ᠬᠦᠷᠭᠡᠭᠳᠡᠵᠦ᠂ ᠴᠠᠢᠯᠭᠠᠨ ᠰᠡᠳᠬᠢᠯ ᠲᠠᠶ ᠡᠷᠭᠦᠭᠰᠡᠨ ᠡᠴᠢᠭᠡ ᠡᠭᠡ ᠨᠢ ᠠᠰᠠᠷᠠᠨ ᠲᠡᠵᠢᠭᠡᠵᠦ᠍ ᠥᠰᠭᠡᠪᠡ᠃ ᠡᠨᠡ ᠵᠢᠯᠦᠨ 1 ᠰᠠᠷᠠᠶ᠋ᠢᠨ 1ᠤ᠋ ᠡᠳᠦᠷ ᠪᠣᠯ ᠳᠡᠭᠦᠦ ᠮᠢᠨᠢ ᠨᠤᠲᠤᠭᠲᠠᠭᠠᠨ ᠬᠠᠷᠢᠵᠤ ᠲᠥᠷᠥᠯ ᠰᠠᠳᠤᠨᠲᠠᠢ ᠪᠠᠨ ᠲᠠᠨᠢᠯᠴᠠᠭᠰᠠᠨ ᠡᠳᠦᠷ ᠪᠣᠯᠤᠨᠠ᠃
ᠨᠠᠮ ᠪᠠ ᠤᠯᠤᠰᠤᠨ ᠠᠴᠢ ᠪᠡᠷ ᠲᠦᠷᠦᠯ ᠰᠠᠳᠤᠨ ᠵᠢᠡᠨ ᠡᠷᠢᠵᠦ ᠤᠯᠤᠯᠠ
ᠲᠤᠭᠠᠴᠢᠬᠴᠢ ᠄ ᠸᠠᠩ ᡁᠢ ᠴᠢᠶᠠᠩ
ᠪᠢ ᠡᠨᠡ ᠵᠢᠯ 66 ᠨᠠᠰᠤᠲᠠᠶ᠂ 《ᠤᠯᠤᠰᠤᠨ ᠬᠡᠦᠬᠡᠳ》 ᠪᠤᠯᠤᠨᠠ᠃ 60 ᠭᠠᠷᠤᠢ ᠵᠢᠯᠦᠨ ᠡᠮᠦᠨᠡ ᠂ ᠪᠢ ᠥᠪᠥᠷ ᠮᠣᠩᠭᠣᠯᠳᠤ ᠢᠷᠡᠬᠦ᠌ᠳᠦ ᠠᠷᠠᠢ ᠬᠣᠶᠠᠷ ᠨᠠᠰᠤ ᠬᠦᠷᠦᠭᠡ ᠦᠭᠡᠢ ᠪᠠᠢᠵᠠᠢ᠃ ᠪᠠᠭᠠᠶ᠋ᠢᠨ ᠦᠶᠡᠶ᠋ᠢᠨ ᠳᠤᠷᠠᠰᠤᠮᠵᠢᠳᠤ᠂ ᠪᠢ ᠱᠢᠯᠢᠶ᠋ᠢᠨ ᠭᠣᠣᠯᠤᠨ ᠲᠠᠯᠠ ᠨᠤᠲᠤᠭᠲᠤ ᠡᠷᠭᠦᠭᠰᠡᠨ ᠡᠴᠢᠭᠡ ᠢᠷᠦᠭᠡᠯᠳᠦ ᠪᠣᠯᠤᠨ ᠡᠵᠢ ᠭᠤᠸᠠᠨ ᠵᠢᠶᠦ᠋ᠨ ᠷᠦ᠋ ᠵᠢᠨ ᠨᠠᠷᠢᠨ ᠨᠢᠮᠪᠠᠢ ᠠᠷᠠᠴᠢᠯᠠᠭᠠ ᠲᠤᠳᠤᠮᠳᠠᠯᠭᠠ ᠳᠣᠣᠷᠠ ᠦᠰᠦᠨ ᠪᠣᠢᠵᠢᠭ᠍ᠰᠠᠨ ᠶᠤᠮ᠃
ᠲᠣᠮᠣ ᠪᠣᠯᠤᠭ᠍ᠰᠠᠨᠤ ᠳᠠᠷᠠᠭᠠ᠂ ᠪᠢ ᠰᠠᠶᠢ ᠥᠪᠡᠷᠢᠪᠡᠨ 《ᠤᠯᠤᠰᠤᠨ ᠬᠡᠦᠬᠡᠳ》 ᠭᠡᠳᠡᠭᠢᠶᠡᠨ ᠮᠡᠳᠡᠵᠡᠢ᠃ ᠬᠥᠮᠦᠨᠡᠴᠡ ᠰᠣᠨᠣᠰᠭᠤᠳᠤ᠂ ᠲᠤᠬᠠᠶᠶ᠋ᠢᠨ ᠵᠢᠯ ᠡᠷᠭᠦᠭ᠌ᠰᠡᠨ ᠠᠪᠤ ᠢᠷᠦᠭᠡᠯᠳᠦ ᠬᠣᠶᠠᠷ ᠨᠠᠰᠤ ᠬᠦᠷᠦᠭᠡᠳᠦᠢ ᠨᠠᠮᠠᠶ᠋ᠢ ᠡᠯᠢᠭᠡᠨᠳᠡᠭᠡᠨ ᠲᠡᠪᠡᠷᠢᠵᠦ᠍᠂ ᠨᠥᠭᠥᠭᠡ ᠭᠠᠷᠢᠶᠠᠷᠢᠶᠠᠨ ᠴᠤᠯᠪᠤᠭᠤᠷᠢᠶᠠᠨ ᠴᠢᠩᠭᠠᠯᠠᠵᠤ᠂ ᠮᠣᠷᠢ ᠤᠨᠤᠵᠤ ᠬᠡᠷᠲᠡᠬᠡᠨ ᠳᠠᠭᠠᠭᠤᠯᠵᠤ ᠬᠠᠷᠢᠭᠰᠠᠨ ᠭᠡᠨᠡ᠃ ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠠᠢᠭᠤᠯᠭᠠ ᠶ᠋ᠢᠨ ᠥᠷᠨᠢᠭᠦᠯᠦᠭ᠌ᠰᠡᠨ 《ᠲᠦᠷᠦᠯ ᠰᠠᠳᠤᠨᠶ᠋ᠢᠡᠨ ᠡᠷᠢᠬᠦ ᠠᠵᠢᠯᠯᠠᠭᠠ》 ᠳᠤᠮᠳᠠ᠂ ᠳᠣᠲᠣᠭᠠᠳᠤᠶ᠋ᠢ ᠬᠠᠮᠠᠭᠠᠯᠠᠬᠤ ᠠᠷᠠᠳᠤᠨ ᠴᠠᠭ᠍ᠳᠠᠭᠠ ᠪᠣᠯᠤᠨ ᠰᠠᠢᠨ ᠲᠤᠷᠠᠴᠤᠳ ᠪᠢᠳᠡᠨᠦ ᠰᠠᠳᠤᠨ ᠲᠥᠷᠥᠯ ᠡᠷᠢᠬᠦ᠌ ᠬᠦᠴᠦᠷᠬᠡᠭ ᠶᠡᠬᠡ ᠲᠦᠱᠢᠭ ᠲᠤᠯᠭᠠᠭᠤᠷᠢ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
1 ᠰᠠᠷᠠᠶ᠋ᠢᠨ 12ᠤ᠋ᠨ ᠡᠳᠦᠷ᠂ ᠪᠢ ᠥᠪᠡᠷᠦᠨ ᠲᠦᠷᠦᠭ᠌ᠰᠡᠨ ᠨᠤᠲᠤᠭ ᠵᠢᠶᠠᠩᠰᠦ ᠮᠤᠵᠢᠶ᠋ᠢᠨ ᠴᠠᠩᠵᠸᠦ ᠬᠤᠲᠠᠶ᠋ᠢᠨ ᠦ᠋ᠶ᠋ᠢᠨ ᠲᠣᠭᠣᠷᠢᠭᠤᠨ ᠼᠦᠢ ᠵᠢᠶᠠ ᠼᠦᠨ ᠲᠣᠰᠭᠣᠨᠳᠠᠭᠠᠨ ᠬᠠᠷᠢᠵᠤ᠂ ᠰᠠᠯᠤᠭᠠᠳ 64 ᠵᠢᠯ ᠪᠤᠯᠵᠤ ᠪᠠᠢᠭᠠ ᠬᠣᠶᠠᠷ ᠠᠬᠠ᠂ ᠨᠢᠭᠡ ᠡᠭᠡᠴᠢᠲᠡᠶᠪᠡᠨ ᠠᠭᠤᠯᠵᠠᠯᠠ᠃
（ ᠲᠤᠰ ᠰᠣᠨᠢᠨᠤ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠯᠢ ᠼᠦᠨ ᠰᠢᠶᠠ ᠡᠮᠬᠢᠯᠡᠪᠡ )