2023 ᠣᠨᠤ 10 ᠰᠠᠷᠠᠶᠢᠨ 10ᠤ ᠡᠳᠦᠷᠦᠨ ᠣᠷᠣᠶ᠂ ᠤᠷᠠᠳᠤᠨ ᠡᠮᠦᠨᠡᠲᠦ᠍ ᠬᠣᠰᠢᠭᠤᠨᠤ ᠨᠠᠢᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠨᠠᠢᠷ ᠵᠢᠴᠢ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠰᠢᠨᠡᠶᠢ ᠡᠭᠦᠳᠬᠦ᠌ ᠤᠷᠤᠯᠳᠤᠭᠠᠨᠤ ᠲᠥᠷᠥᠯ ᠵᠦᠢᠯᠦᠨ ᠨᠢᠭᠡ ᠪᠣᠯᠬᠤ ᠭᠱᠠᠨ ᠵᠠᠭᠤᠷᠠᠶᠢᠨ ᠬᠡᠯᠪᠡᠷᠢ ᠹᠢᠽᠢᠺᠦᠨ ᠤᠯᠤᠰᠤᠨ ᠭᠤᠤᠯᠳᠠᠯᠭᠠ ᠲᠠᠶ ᠲᠤᠷᠰᠢᠯᠲᠠᠶᠢᠨ ᠲᠠᠰᠤᠭᠤᠨ ᠵᠥᠬᠡᠶᠶᠢᠨ ᠰᠦᠷᠦᠭᠦᠨ ᠵᠢᠯᠣᠭᠣᠴᠢ ᠥᠬᠡᠶ ᠨᠢᠰᠬᠡᠯᠦᠨ ᠦᠵᠡᠭᠦᠯᠭᠡᠶᠢᠨ ᠠᠵᠢᠯᠯᠠᠭᠠ ᠤᠷᠠᠳᠤᠨ ᠡᠮᠦᠨᠡᠲᠦ᠍ ᠬᠣᠰᠢᠭᠤᠨᠤ ᠪᠡᠶᠡᠶᠢᠨ ᠲᠠᠮᠢᠷ ᠰᠣᠶᠣᠯᠤᠨ ᠠᠵᠤ ᠦᠢᠯᠡᠰᠦᠨ ᠬᠦᠷᠢᠶᠡᠯᠡᠩᠳᠦ ᠶᠠᠪᠤᠭᠳᠠᠪᠠ᠃ ᠪᠠᠶᠠᠨᠨᠠᠭᠤᠷ ᠬᠣᠲᠠᠶᠢᠨ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠶᠢᠨ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠬᠠᠮᠢᠶᠠᠷᠤᠯᠲᠠᠶᠢᠨ ᠰᠠᠯᠪᠤᠷᠢ ᠠᠩᠭᠢᠶᠢᠨ ᠤᠷᠠᠳᠤᠨ ᠡᠮᠦᠨᠡᠲᠦ᠍ ᠬᠣᠰᠢᠭᠤᠨᠤ ᠶᠡᠬᠡ ᠠᠩᠭᠢᠶᠢᠨ ᠠᠷᠠᠳᠤᠨ ᠲᠤᠰᠠᠯᠠᠬᠤ ᠴᠠᠭᠳᠠᠭᠠ ᠲᠤᠬᠠᠢ ᠵᠢᠨ ᠲᠠᠯᠠᠪᠤᠷ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠡᠮᠬᠢ ᠳᠢᠭᠯᠢᠮᠢ ᠬᠠᠮᠠᠭᠠᠯᠠᠵᠤ ᠪᠠᠢᠯᠠ᠃
ᠣᠷᠣᠶᠶᠢᠨ 8 ᠴᠠᠭ 10 ᠮᠢᠨᠦᠲᠦᠨ ᠦᠶᠡᠪᠡᠷ᠂ ᠶᠡᠬᠡ ᠠᠩᠭᠢᠶᠢᠨ ᠬᠣᠲᠠ ᠪᠠᠯᠭᠠᠰᠤᠨᠤ ᠬᠣᠶᠠᠳᠤᠭᠠᠷ ᠳᠤᠮᠳᠠ ᠠᠩᠭᠢᠶᠢᠨ ᠳᠠᠷᠤᠭᠠ ᠰᠢ ᠵᠢᠶᠠᠨ ᠵᠢᠶᠦ᠋ᠨ ᠠᠷᠠᠳᠤᠨ ᠲᠤᠰᠠᠯᠠᠬᠤ ᠴᠠᠭᠳᠠᠭᠠ ᠰᠦᠨ ᠹᠸᠢ᠂ ᠴᠢᠶᠣᠤ ᠠᠨ ᠳ᠋ᠸᠶᠢ ᠳᠠᠭᠠᠭᠤᠯᠤᠨ ᠬᠤᠷᠠᠯᠤᠨ ᠲᠠᠯᠠᠪᠠᠶᠳᠤ ᠲᠣᠭᠣᠷᠢᠨ ᠴᠠᠭᠳᠠᠵᠤ ᠬᠠᠮᠢᠶᠠᠷᠤᠨ ᠡᠵᠡᠮᠳᠡᠬᠦ᠌ ᠦᠶᠡᠳᠦ᠂ ᠨᠢᠭᠡᠨ ᠵᠢᠭᠠᠯ ᠬᠦᠦ ᠬᠡᠷᠦᠨ ᠬᠥᠮᠦᠨ ᠨᠢ ᠪᠠᠷᠠ ᠪᠤᠯᠤᠭᠰᠠᠨ ᠥᠬᠡᠶ ᠪᠡᠷ ᠭᠠᠭᠴᠠᠭᠠᠷᠢᠶᠡᠨ ᠭᠠᠳᠠᠭᠤᠷ ᠶᠠᠪᠤᠵᠤ᠂ ᠲᠤᠢᠯᠤᠨ ᠠᠶᠤᠯᠲᠠᠶ ᠪᠠᠢᠬᠤᠶᠢ ᠣᠯᠵᠤ ᠮᠡᠳᠡᠵᠡᠶ᠃ ᠰᠢ ᠵᠢᠶᠠᠨ ᠵᠢᠶᠦ᠋ᠨᠨᠡᠷ ᠠᠰᠠᠭᠤᠨ ᠯᠠᠪᠯᠠᠭᠰᠠᠨ ᠵᠢᠡᠨ ᠵᠢᠭᠠᠯ ᠭᠦᠦ ᠡᠨᠡ ᠵᠢᠯ 5 ᠨᠠᠰᠤᠲᠠᠢ᠂ ᠡᠵᠢᠪᠡᠨ ᠳᠠᠭᠠᠨ ᠲᠣᠭᠯᠠᠯᠲᠠ ᠦᠵᠡᠬᠦ᠌ᠪᠡᠷ ᠭᠠᠷᠴᠤ᠌ ᠢᠷᠡᠭᠡᠳ᠂ ᠲᠡᠷᠭᠡ ᠤᠯᠠᠨᠠᠴᠠ ᠪᠤᠯᠵᠤ᠂ ᠰᠢᠬᠠᠯᠳᠤᠵᠤ ᠪᠠᠢᠭᠰᠠᠨ ᠪᠠᠢᠳᠠᠯ ᠳᠣᠣᠷᠠ᠂ ᠡᠵᠢ ᠵᠢᠨ ᠵᠢᠡᠨ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ᠍ ᠲᠡᠷᠭᠡᠨᠡᠴᠡ ᠤᠨᠠᠪᠠ᠂ ᠭᠡᠪᠡᠴᠦ᠍ ᠡᠵᠢ ᠨᠢ ᠬᠠᠷᠢᠨ ᠥᠴᠦᠬᠡᠨ ᠴᠦ᠍ ᠰᠡᠷᠡᠵᠦ᠍ ᠮᠡᠳᠡᠭᠰᠡᠨ ᠦᠭᠡᠢᠪᠡᠷ ᠲᠡᠷᠭᠡ ᠪᠠᠨ ᠤᠨᠤᠵᠤ ᠦᠷᠭᠦᠯᠵᠢᠯᠡᠨ ᠤᠷᠤᠭᠰᠢᠯᠠᠪᠠ᠃
ᠪᠠᠢᠳᠠᠯᠢ ᠣᠢᠯᠠᠭᠠᠭᠰᠠᠨᠤ ᠳᠠᠷᠠᠭᠠ᠂ ᠳᠤᠮᠳᠠ ᠠᠩᠭᠢᠶᠢᠨ ᠠᠷᠠᠳᠤᠨ ᠴᠠᠭᠳᠠᠭᠠ ᠨᠢᠭᠡ ᠲᠠᠯᠠᠪᠠᠷ ᠬᠡᠦᠬᠡᠳᠢ ᠲᠠᠢᠳᠬᠤᠷᠠᠭᠤᠯᠵᠤ᠂ ᠨᠥᠭᠥᠭᠡ ᠲᠠᠯᠠᠪᠠᠷ ᠬᠡᠦᠬᠡᠳ ᠡᠴᠡ ᠬᠡᠷᠦᠨ ᠬᠠᠢ᠌ᠭ ᠪᠤᠶᠤ ᠬᠡᠷᠦᠨ ᠠᠬᠠᠮᠠᠳᠤᠨᠢᠶᠠᠨ ᠬᠠᠷᠢᠯᠴᠠᠬᠤ ᠠᠷᠭᠠᠶᠢ ᠮᠡᠳᠡᠬᠦ᠌ ᠡᠰᠡᠬᠦ᠌ᠶᠢ ᠠᠰᠠᠭᠤᠪᠠ᠃ ᠵᠢᠭᠠᠯ ᠬᠦᠦ ᠡᠵᠢᠶᠢᠨ ᠤᠲᠠᠰᠤᠨ ᠨᠣᠮᠧᠷᠢ ᠮᠡᠳᠡᠨᠡ ᠭᠡᠵᠦ᠍ ᠬᠡᠯᠡᠪᠡ᠃ ᠠᠷᠠᠳᠤᠨ ᠴᠠᠭᠳᠠᠭᠠ ᠲᠡᠷᠡ ᠳᠠᠷᠤᠶᠳᠤᠨᠢ ᠬᠡᠦᠬᠡᠳᠦᠨ ᠬᠡᠯᠡᠵᠦ ᠥᠭᠭᠦᠭᠰᠡᠨ ᠤᠲᠠᠰᠤ ᠪᠡᠷ ᠡᠵᠢᠲᠡᠶ ᠨᠢ ᠬᠠᠷᠢᠯᠴᠠᠪᠠ᠃ ᠬᠡᠦᠬᠡᠳᠤᠨ ᠡᠵᠢ ᠨᠢ ᠲᠣᠭᠲᠠᠭᠰᠠᠨ ᠭᠠᠵᠠᠷᠲᠤ᠌ ᠬᠦᠷᠦᠭᠰᠡᠨᠦ ᠳᠠᠷᠠᠭᠠ᠂ ᠠᠷᠠᠳᠤᠨ ᠴᠠᠭᠳᠠᠭᠠᠶᠢᠨ ᠬᠠᠪᠰᠤᠷᠤᠯᠭᠠᠳᠤ ᠲᠠᠯᠠᠷᠬᠠᠵᠤ ᠪᠠᠢᠬᠤᠪᠠᠨ ᠢᠯᠡᠳᠬᠡᠵᠦ᠍᠂ ᠵᠠᠮᠤᠨ ᠠᠭᠤᠯᠵᠠᠭᠤᠷᠲᠤ᠌ ᠤᠯᠠᠭᠠᠨ ᠳ᠋ᠧᠩ ᠬᠦᠯᠢᠶᠡᠬᠦ᠌ ᠦᠶᠡᠳᠦ ᠬᠡᠦᠬᠡᠳ ᠪᠠᠰᠠ ᠠᠷᠤ ᠰᠠᠭᠤᠳᠠᠯ ᠳᠡᠭᠡᠷᠡᠪᠡᠨ ᠪᠠᠢᠵᠤ᠂ ᠬᠡᠦᠬᠡᠳ ᠨᠢ ᠬᠡᠵᠢᠶᠡ ᠭᠤᠯᠭᠤᠵᠤ ᠤᠨᠠᠭᠰᠠᠨᠢ ᠣᠯᠵᠤ ᠮᠡᠳᠡᠭᠰᠡᠨ ᠦᠭᠡᠢ ᠭᠡᠵᠦ ᠶᠠᠷᠢᠪᠠ᠃
ᠡᠨᠳᠡ᠂ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠴᠠᠭᠳᠠᠭᠠ ᠥᠷᠭᠡᠨ ᠣᠯᠠᠨ ᠬᠡᠷᠦᠨ ᠠᠬᠠᠮᠠᠳᠨᠠᠷᠲᠤ᠌ ᠰᠠᠨᠠᠭᠤᠯᠬᠤ ᠨᠢ᠄ ᠡᠳᠦᠷ ᠲᠤᠲᠤᠮᠤᠨ ᠠᠮᠢᠳᠤᠷᠠᠯ ᠳᠤᠮᠳᠠ ᠬᠡᠦᠬᠡᠳᠦᠨ ᠠᠮᠤᠷ ᠲᠦᠪᠰᠢᠨᠦ ᠬᠥᠮᠦᠵᠢᠯᠢ ᠵᠠᠪᠠᠯ ᠴᠢᠩᠭᠠᠳᠬᠠᠬᠤᠶᠢᠨ ᠬᠠᠮᠲᠤ᠌ ᠬᠡᠦᠬᠡᠳᠲᠦ᠍ ᠬᠡᠷᠦᠨ ᠠᠬᠠᠮᠠᠳᠤᠨ ᠤᠲᠠᠰᠤᠨ ᠨᠣᠮᠧᠷᠢ ᠪᠠᠲᠤ᠌ ᠴᠡᠭᠡᠵᠢᠯᠡᠭᠦᠯᠵᠦ᠍᠂ ᠵᠠᠮ ᠲᠥᠭᠡᠷᠢᠬᠦ᠌᠂ ᠬᠡᠷᠦᠨ ᠠᠬᠠᠮᠠᠳ ᠡᠴᠡ ᠪᠠᠨ ᠰᠠᠯᠠᠬᠤ ᠵᠡᠷᠭᠡ ᠰᠠᠨᠠᠭᠠᠨᠳᠤ ᠥᠬᠡᠶ ᠪᠠᠢᠳᠠᠯ ᠭᠠᠷᠪᠠᠯ᠂ ᠠᠷᠠᠳᠤᠨ ᠴᠠᠭᠳᠠᠭᠠᠶᠢ ᠳᠠᠷᠤᠶ ᠲᠦᠷᠭᠡᠨ ᠡᠷᠢᠵᠦ ᠲᠠᠨᠲᠠᠶ ᠬᠠᠷᠢᠯᠴᠠᠬᠤᠳᠤ ᠲᠥᠬᠥᠮ ᠦᠵᠡᠭᠦᠯᠬᠦ᠌ ᠬᠡᠷᠡᠭᠲᠡᠶ！ ᠭᠡᠷᠦᠨ ᠠᠬᠠᠮᠠᠳ ᠬᠡᠦᠬᠡᠳᠢᠶᠡᠨ ᠭᠠᠭᠴᠠᠭᠠᠷ ᠳᠠᠭᠠᠭᠤᠯᠵᠤ ᠭᠠᠳᠠᠭᠰᠢ ᠭᠠᠷᠬᠤᠳᠠᠭᠠᠨ ᠰᠣᠨᠣᠷ ᠰᠡᠷᠡᠮᠵᠢ ᠪᠠ ᠠᠮᠤᠷ ᠲᠦᠪᠰᠢᠨᠦ ᠤᠬᠠᠮᠰᠠᠷᠢᠶᠠᠨ ᠳᠡᠭᠡᠭᠰᠢᠯᠡᠭᠦᠯᠵᠦ᠍᠂ ᠡᠢᠮᠦᠷᠬᠦᠦ ᠬᠡᠷᠡᠭ ᠳᠠᠬᠢᠨ ᠡᠭᠦᠰᠬᠦ᠌ᠡᠴᠡ ᠵᠠᠢᠯᠠᠰᠬᠢᠬᠦ᠌ ᠬᠡᠷᠡᠭᠲᠡᠢ᠃ ( ᠴᠢᠮᠡᠭᠡᠯᠡᠭᠴᠢ ᠄ ᠯᠢᠦ ᠰᠢᠨ )