ᠬᠦᠷᠦᠰᠦᠲᠦ ᠳᠡᠯᠡᠬᠡᠢ ᠬᠠᠪᠤᠷᠤᠨ ᠠᠭᠤᠷ ᠪᠢᠯᠬᠠᠵᠤ
ᠬᠦᠷ ᠴᠠᠰᠤᠨ ᠬᠠᠶᠠᠯᠠᠬᠤᠶ᠋ᠢᠨ ᠳᠠᠭᠠᠤ ᠬᠠᠢᠯᠤᠨᠠ
《ᠬᠤᠷᠠ ᠤᠰᠤ 》 ᠡᠬᠡ ᠭᠠᠵᠠᠷ ᠰᠠᠭᠠᠲᠠᠬᠤᠳᠤ
ᠬᠦᠬᠡᠬᠤᠲᠡᠨᠠ ᠭᠡᠨᠡᠳᠲᠡ ᠬᠢᠵᠢᠭ ᠳᠡᠯᠭᠡᠷᠡᠯᠡ
ᠬᠦᠬᠡ ᠤᠭ᠍ᠲᠠᠷᠭᠤᠢᠳᠤ ᠬᠤᠷᠤᠮᠬᠠᠨ ᠵᠠᠭᠤᠷᠠ
ᠬᠦᠪᠰᠦᠭᠡᠷ ᠡᠭᠦᠯᠡ ᠨᠡᠲᠦᠢᠨ ᠪᠦᠷᠭᠦᠯᠡ
ᠬᠦᠭᠡᠮᠲᠦᠭ ᠰᠦᠷᠯᠢᠭ ᠳᠠᠯᠠᠨ ᠬᠠᠷᠠ
ᠬᠦᠳᠡᠩ ᠮᠠᠨᠠᠨ ᠤᠨᠢᠶᠠᠷᠲᠤᠨ ᠲᠠᠲᠠᠯᠠ
ᠬᠠᠲᠠᠭᠤ ᠰᠦᠷᠡᠬᠡᠢ ᠠᠶᠤᠯ ᠲᠦᠭ᠌ᠰᠢᠭᠦᠷᠢ
ᠬᠠᠮᠤᠭ ᠠᠷᠠᠳᠢ ᠠᠶᠤᠯᠭᠠᠨ ᠰᠦᠷᠳᠡᠭᠦᠯᠦᠯᠡ
ᠬᠠᠯᠳᠠᠪᠤᠷᠢᠲᠤ ᠬᠢᠵᠢᠭᠲᠤ ᠨᠡᠷᠪᠡᠭ᠌ᠳᠡᠭ᠌ᠰᠡᠳ
ᠬᠡᠲᠦᠬᠡᠨ ᠡᠳᠦᠷᠲᠤ ᠵᠠᠭᠤ ᠲᠠᠪᠠᠯᠠ
ᠠᠷᠠᠳ ᠲᠦᠮᠡᠨᠤ ᠠᠮᠢ ᠨᠠᠰᠤ
ᠠᠯᠢᠪᠠ ᠪᠦᠬᠦᠨᠠᠴᠠ ᠡᠷᠬᠢᠮ
ᠠᠶᠤᠯᠲᠤ ᠬᠢᠵᠢᠭᠢ ᠤᠰᠠᠳᠭᠠᠬᠤᠨᠢ
ᠡᠷᠬᠢᠮ ᠳᠡᠭᠡᠲᠦ ᠬᠠᠷᠢᠭᠤᠴᠠᠯᠭᠠ
ᠨᠠᠮ ᠵᠠᠰᠠᠭᠠᠴᠠ ᠤᠳᠤᠷᠢᠳᠤᠯᠭᠠᠪᠠᠨ ᠴᠢᠩᠭᠠᠳᠭᠠᠨ
ᠨᠡᠢᠭᠡᠮ ᠨᠡᠢᠲᠡᠪᠠᠷᠢᠶᠠᠨ ᠬᠢᠵᠢᠭᠲᠠᠢ ᠲᠡᠮᠡᠴᠡᠨᠡ
ᠡᠪ ᠬᠠᠮᠲᠤ ᠨᠠᠮᠤᠨ ᠭᠡᠱᠢᠭᠦᠨ ᠭᠠᠪᠱᠢᠭᠠᠢᠯᠠᠨ
ᠡᠯᠡ ᠱᠠᠲᠤᠨᠤ ᠺᠠᠳ᠋ᠷ ᠢᠳᠡᠪᠬᠢᠯᠡᠨ ᠤᠷᠤᠯᠴᠠᠨᠠ
ᠪᠦᠭᠡᠮᠨᠡᠷᠡᠨ ᠰᠠᠭᠤᠭ᠍ᠰᠠᠨ ᠲᠤᠭᠤᠷᠢᠭ ᠪᠤᠯᠭᠠᠨᠤ
ᠪᠦᠭᠦᠳᠡ ᠰᠠᠭᠤᠭᠠᠯᠢ ᠠᠷᠠᠳ ᠨᠢᠭᠡᠪᠦᠷᠢᠳᠤ
ᠪᠦᠭᠡᠮ ᠬᠦᠴᠢᠯᠤᠨ ᠪᠠᠢᠴᠠᠭᠠᠯᠲᠠ ᠬᠢᠯᠡ
ᠪᠠᠴᠢᠮ ᠬᠠᠯᠳᠠᠪᠤᠷᠢᠯᠠᠭ᠍ᠰᠠᠳᠢ ᠡᠷᠢᠨ ᠲᠤᠳᠤᠯᠠᠯᠠ
ᠦᠪᠦᠷ ᠮᠤᠩᠭᠤᠯᠤᠨ ᠡᠯᠡ ᠭᠠᠵᠠᠷᠠᠴᠠ
ᠡᠮᠴᠢ ᠰᠤᠪᠢᠯᠠᠭ᠍ᠴᠢᠳ ᠬᠦᠬᠡᠬᠤᠲᠡᠳᠤ ᠬᠤᠷᠠᠨᠠ
ᠦᠷᠡᠭ᠌ᠳᠡᠯ ᠰᠦᠢᠲᠦᠯᠢ ᠦᠯᠦ᠍ ᠬᠠᠢᠬᠤᠷᠤᠨ
ᠡᠪᠡᠳᠴᠢᠲᠡᠨᠢ ᠠᠪᠤᠷᠠᠨ ᠡᠷᠡᠯᠬᠡᠭ᠌ᠯᠡᠨ ᠲᠡᠮᠡᠴᠡᠨᠡ
ᠰᠠᠭᠤᠭᠠᠯᠢ ᠪᠠᠭᠠ ᠲᠤᠭᠤᠷᠢᠭ ᠪᠤᠯᠭᠠᠨᠳᠤ
ᠰᠠᠢᠨ ᠳᠤᠷᠠᠶ᠋ᠢᠨ ᠦᠢᠯᠡᠴᠢᠯᠡᠭ᠌ᠴᠢ ᠮᠤᠩᠭᠠᠨᠢᠨᠠ
ᠰᠦᠷᠡᠬᠡᠢ ᠦᠷᠪᠢᠰᠦᠯᠢ ᠰᠦᠨᠦᠭᠡᠬᠦ᠌ᠪᠠᠷ
ᠰᠦᠨᠢ ᠡᠳᠦᠷ ᠦᠭᠡᠢ ᠰᠡᠷᠭᠡᠢᠯᠡᠨ ᠶᠠᠭᠠᠷᠠᠨᠠ
ᠠᠢᠮᠠᠭ ᠬᠤᠲᠠ ᠬᠤᠱᠢᠭᠤ ᠱᠢᠶᠠᠨᠤ ᠬᠢᠨᠢ
ᠤᠨᠴᠠ ᠭᠠᠷᠤᠯᠲᠠᠪᠠᠷᠢᠶᠠᠨ ᠳᠤᠰᠠᠯᠠᠨ ᠳᠡᠮᠵᠢᠨᠡ
ᠤᠯᠤᠰ ᠬᠤᠪᠢᠶ᠋ᠢᠨ ᠠᠵᠤ ᠠᠬᠤᠢᠯᠠᠯᠲᠠᠳ
ᠡᠳ᠋ ᠮᠦᠩᠭᠦ᠌ ᠲᠠᠸᠠᠷᠢᠶᠠᠨ ᠬᠠᠨᠳᠢᠪᠯᠠᠨᠠ
ᠪᠠᠷᠠᠭᠠ ᠲᠡᠭᠡᠭᠡᠪᠦᠷᠢᠯᠡᠭ᠌ᠰᠡᠨ ᠲᠡᠷᠭᠡᠨᠤᠭᠦᠳ
ᠪᠠᠷᠲᠠᠭᠠ ᠳᠠᠪᠠᠨ ᠬᠦᠬᠡᠬᠤᠲᠡᠶ᠋ᠢ ᠴᠢᠭ᠌ᠯᠡᠨᠡ
ᠪᠠᠴᠢᠮ ᠬᠡᠷᠡᠭ᠌ᠰᠡᠬᠦ᠌ ᠡᠳ᠋ ᠪᠤᠳᠠᠰᠢ
ᠪᠠᠭᠠᠬᠠᠨ ᠴᠤ᠌ ᠰᠠᠭᠠᠲᠠᠯ ᠦᠭᠡᠢ ᠬᠦᠷᠭᠡᠵᠦ ᠦᠭ᠌ᠭᠦᠨᠡ
ᠲᠦᠮᠡᠨ ᠤᠯᠠᠨ ᠬᠦᠴᠦ᠍ ᠬᠠᠮᠲᠤᠷᠠᠨ
ᠲᠦᠢᠳᠭᠡᠷ ᠲᠢᠳᠢᠮᠯᠢᠭᠢ ᠰᠡᠷᠭᠡᠢᠯᠡᠶᠡ
ᠲᠦᠢᠪᠡᠭᠡᠵᠦ᠍ ᠦᠢᠮᠡᠭᠦᠯᠳᠡᠭ ᠬᠢᠵᠢᠭᠤᠨ ᠬᠤᠤᠷᠢ
ᠲᠤᠢᠯᠪᠤᠷᠢᠲᠠᠢ ᠠᠷᠢᠯᠭᠠᠨ ᠤᠰᠠᠳᠭᠠᠶᠠ
ᠰᠠᠮᠠᠭᠤᠨ ᠸᠢᠷᠦ᠋ᠰ ᠤᠳᠠᠯ ᠦᠭᠡᠢ ᠳᠠᠷᠤᠩᠭᠤᠢᠯᠠᠭ᠍ᠳᠠᠨ
ᠰᠠᠷᠠᠭᠤᠯ ᠭᠡᠭᠡᠨ ᠲᠤᠶᠠᠭᠠ ᠯᠠᠪᠲᠠᠢ ᠰᠠᠴᠤᠷᠠᠬᠤ ᠶᠤᠮ
ᠰᠡᠳᠭᠢᠯ ᠨᠢᠭᠡᠲᠦᠨ ᠬᠦᠬᠡᠬᠤᠲᠡᠪᠠᠨ ᠬᠠᠮᠠᠭᠠᠯᠠᠵᠤ
ᠰᠠᠶᠠ ᠲᠦᠮᠡᠨᠢᠶᠠᠨ ᠠᠮᠤᠭᠤᠯᠠᠩ ᠵᠢᠷᠭᠠᠭᠤᠯᠤᠶᠠ
ᠬᠦᠬᠡᠬᠤᠲᠡ ᠮᠢᠨᠢ ᠂ ᠴᠢᠷᠮᠠᠢ ᠴᠢᠷᠮᠠᠢ！
ᠬᠤᠷᠤᠢ！ ᠬᠤᠷᠤᠢ ！ ᠬᠤᠷᠤᠢ！