ᠪᠡᠭᠡᠵᠢᠩᠦᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠤᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨ ᠢᠳᠡ ᠬᠦᠭ ᠲᠠᠢ ᠶᠠᠪᠤᠭᠳᠠᠵᠤ ᠪᠠᠢᠭᠠ ᠦᠶᠡᠰ ᠪᠦᠬᠦ᠌ ᠤᠯᠤᠰᠤᠨ ᠡᠯᠡ ᠭᠠᠵᠠᠷ ᠣᠷᠣᠨᠳᠤ ᠮᠥᠰᠥ᠍ ᠴᠠᠰᠤᠨᠤ ᠬᠥᠳᠡᠯᠭᠡᠭᠡᠨᠦ ᠬᠠᠯᠠᠭᠤᠷᠠᠯ ᠪᠣᠯᠵᠤ᠂ ᠬᠣᠲᠠ ᠬᠥᠳᠡᠭᠡ ᠭᠡᠰᠡᠨ ᠦᠭᠡᠢ᠂ ᠬᠥᠭ᠌ᠰᠢᠨ ᠨᠢᠯᠬᠠ ᠭᠡᠵᠦ ᠢᠯᠭᠠᠯ ᠦᠭᠡᠢ᠂ 《ᠭᠤᠷᠪᠠᠨ ᠳ᠋ᠦᠩᠱᠢᠭᠤᠷ ᠬᠥᠮᠥᠨᠢ ᠮᠥᠰᠥ᠍ ᠴᠠᠰᠤᠨᠤ ᠬᠥᠳᠡᠯᠭᠡᠭᠡᠨ ᠳᠦ ᠣᠷᠣᠯᠴᠠᠭᠤᠯᠬᠤ》 ᠬᠠᠷᠠᠯᠲᠠᠳᠤ ᠬᠦᠷᠭᠡᠬᠦ᠌ ᠵᠣᠷᠢᠯᠭᠠᠶ᠋ᠢ ᠳᠡᠮᠵᠢᠨ᠂ ᠤᠯᠠᠨ ᠲᠦᠮᠡᠨᠢ ᠳᠠᠢᠴᠢᠯᠠᠨ᠂ ᠮᠥᠰᠥ᠍ ᠴᠠᠰᠤᠨᠤ ᠨᠠᠭᠠᠳᠤᠮᠤᠨ ᠬᠠᠪᠤ ᠴᠡᠩᠬᠡᠯᠢ ᠡᠳ᠋ᠯᠡᠭᠦᠯᠤᠨᠠ᠃
ᠴᠠᠰᠤᠨ ᠲᠡᠬᠡᠷᠠ ᠨᠠᠭᠠᠤᠨᠴᠤ ᠨᠠᠷᠬᠢᠨᠠ
ᠲᠦᠩᠯᠢᠶᠤᠤ ᠬᠣᠲᠠᠶ᠋ᠢᠨ ᠵᠠᠷᠤᠳ ᠬᠣᠱᠢᠭᠤᠨᠤ ᠯᠦᠪᠸᠢ ᠪᠠᠯᠭᠠᠰᠤ ᠴᠦ᠍ ᠪᠠᠢᠭᠠᠯᠢᠶ᠋ᠢᠨ ᠨᠥᠬᠥᠴᠡᠯ ᠪᠠ ᠮᠥᠰᠥ᠍ ᠴᠠᠰᠤᠨᠤ ᠳᠠᠪᠠᠭᠤᠯᠢᠭ ᠲᠠᠭᠠᠨ ᠲᠦᠱᠢᠭ᠌ᠯᠡᠵᠦ᠍᠂ ᠶᠡᠷᠤᠩᠬᠡᠢ ᠳᠠᠯᠠᠪᠠᠢ ᠨᠢ 40 ᠮᠦ᠍ ᠵᠢᠨ ᠮᠥᠰᠥ᠍ ᠴᠠᠰᠤᠨᠤ ᠨᠠᠭᠠᠳᠤᠮᠤᠨ ᠲᠠᠯᠠᠪᠤᠷ ᠪᠠᠢᠭᠤᠯᠵᠤ᠂ ᠪᠠᠯᠭᠠᠰᠤᠨᠤ ᠠᠷᠠᠳᠢ ᠳᠠᠢᠴᠢᠯᠠᠨ ᠮᠥᠰᠥ᠍ ᠴᠠᠰᠤᠨᠤ ᠬᠥᠳᠡᠯᠭᠡᠭᠡᠨᠳᠦ ᠢᠳᠡᠪᠬᠢᠲᠡᠢ ᠣᠷᠣᠯᠴᠠᠭᠤᠯᠵᠤ᠂ ᠪᠦᠬᠦ᠌ ᠠᠷᠠᠳᠢᠶᠠᠷᠢᠶᠠᠨ ᠪᠡᠶᠡ ᠴᠢᠬᠢᠷᠠᠭ᠍ᠵᠢᠭᠤᠯᠬᠤ ᠲᠠᠢ ᠭᠦᠨᠵᠡᠭᠡᠢ ᠠᠭᠤᠰᠤᠯᠴᠠᠭᠤᠯᠤᠨ᠂ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠤᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠢ ᠪᠡᠯᠬᠡᠯᠡᠬᠦ ᠬᠦᠭᠵᠢᠶᠡᠨᠳᠦ ᠠᠭᠤᠷ ᠠᠮᠢᠰᠭᠤᠯᠢ ᠪᠣᠢ ᠪᠣᠯᠭᠠᠭ᠍ᠰᠠᠨ ᠪᠠᠢᠨᠠ᠃ ᠠᠬᠤᠢ ᠲᠠᠯᠠᠪᠤᠷᠤᠨ ᠨᠠᠭᠠᠳᠤᠮᠤᠨ ᠲᠥᠷᠥᠯ ᠵᠦᠢᠯ ᠡᠯᠪᠡᠭ ᠪᠠᠶᠠᠯᠢᠭ ᠪᠠᠢᠵᠤ᠂ ᠥᠨᠳᠥᠷ ᠬᠥᠲᠥᠯᠦᠨ ᠴᠠᠰᠤᠨ ᠴᠠᠭᠠᠷᠢᠭ᠂ ᠴᠠᠰᠤᠨ ᠳᠡᠭᠡᠷᠡ ᠪᠥᠮᠪᠥᠭᠡ ᠮᠥᠷᠭᠥᠯᠳᠦᠭᠦᠯᠬᠦ᠌᠂ ᠴᠠᠰᠤᠨ ᠳᠡᠭᠡᠷᠡᠬᠢ ᠮᠤᠲ᠋ᠤᠷ᠂ ᠴᠠᠰᠤᠨ ᠳᠡᠭᠡᠷᠡᠬᠢ ᠲᠠᠩᠺ᠂ ᠴᠠᠰᠤᠨ ᠴᠢᠷᠭᠠ ᠮᠥᠰᠥᠨ ᠲᠡᠷᠭᠡ᠋ … ᠵᠡᠷᠭᠡ ᠠᠯᠢ ᠤᠯᠠᠨᠵᠦᠢᠯᠢᠲᠣᠬᠢᠷᠠᠭᠤᠯᠵᠤ᠂ ᠤᠯᠠᠨ ᠲᠦᠮᠡᠨᠦ ᠮᠥᠰᠥ᠍ ᠴᠠᠰᠤᠨᠤ ᠬᠥᠳᠡᠯᠭᠡᠭᠡᠨ ᠨᠠᠭᠠᠳᠤᠮᠤᠨ ᠳᠤᠷᠠ ᠪᠠᠬᠠᠶ᠋ᠢ ᠬᠥᠭ᠌ᠵᠢᠭᠡᠵᠡᠢ᠃
ᠰᠤᠷᠪᠤᠯᠵᠢᠯᠠᠭ᠍ᠴᠢ ᠲᠤᠬᠠᠢ ᠶ᠋ᠢᠨ ᠲᠠᠯᠠᠪᠤᠷ ᠲᠦ᠍ ᠬᠦᠷᠴᠦ᠍᠂ ᠶᠠᠭ ᠯᠡ ᠬᠡᠦᠬᠡᠳ ᠭᠡᠮᠡᠷ ᠬᠥᠭᠡᠷᠦᠨ ᠨᠠᠭᠠᠳᠴᠤ᠌ ᠪᠠᠢᠭᠠ ᠨᠢᠭᠡᠨ ᠢᠳᠡᠷ ᠨᠠᠰᠤᠨᠤ ᠬᠥᠮᠥᠨᠢ ᠰᠤᠷᠪᠤᠯᠵᠢᠯᠠᠬᠤ ᠳᠤ ᠲᠡᠷᠡ᠄《ᠣᠳᠣᠬᠠᠨᠳᠤ ᠬᠢᠵᠢᠭᠦᠨ ᠪᠠᠢᠳᠠᠯᠠᠴᠠ ᠪᠣᠯᠵᠤ᠂ ᠭᠠᠳᠠᠭ᠍ᠰᠢ ᠭᠠᠷᠴᠤ᠌ ᠵᠤᠭᠠᠴᠠᠶᠠ ᠭᠡᠬᠦ᠌ᠳᠦ ᠳᠥᠭᠥᠮ ᠦᠭᠡᠢ ᠪᠣᠯᠵᠠᠢ᠃ ᠮᠠᠨᠤ ᠬᠣᠱᠢᠭᠤᠨ ᠲᠥᠪᠲᠦ ᠪᠠᠰᠠ ᠡᠢᠮᠦᠷᠬᠦᠦ ᠮᠥᠰᠥ᠍ ᠴᠠᠰᠤᠨᠤ ᠨᠠᠭᠠᠳᠤᠮᠤᠨ ᠲᠠᠯᠠᠪᠤᠷ ᠪᠠᠢᠭᠤᠯᠤᠭ᠍ᠳᠠᠭᠰᠠᠨ ᠨᠢ ᠮᠠᠨᠳᠤ ᠳᠤᠩ ᠰᠠᠢᠨ ᠨᠥᠬᠥᠴᠡᠯᠢ ᠠᠪᠴᠢᠷᠠᠵᠤ ᠦᠭᠴᠡᠢ᠂ ᠪᠢ ᠬᠡᠷᠤᠨ ᠬᠦᠮᠦᠰ ᠵᠢᠨᠨ ᠣᠷᠣᠯᠴᠠᠭᠤᠯᠵᠤ᠂ ᠪᠡᠶᠡ ᠮᠠᠬᠠᠪᠤᠳ ᠵᠢᠨᠨ ᠪᠤᠯᠪᠠᠰᠤᠷᠠᠭᠤᠯᠤᠭᠰᠠᠨ ᠲᠡᠳᠦᠢ ᠦᠬᠡᠢ᠂ ᠤᠳᠭᠠ ᠠᠭᠤᠯᠭᠠ ᠲᠠᠢ ᠪᠠᠷ ᠪᠠᠶᠠᠷᠳᠤ ᠴᠠᠭᠠᠨ ᠰᠠᠷᠠ ᠪᠠᠨ ᠦᠨᠭᠬᠡᠷᠡᠬᠦᠯᠵᠦ ᠪᠠᠢᠨᠠ》 ᠭᠡᠵᠦ᠍ ᠪᠠᠶᠠᠷᠯᠠᠨ ᠶᠠᠷᠢᠵᠦ ᠪᠠᠢᠯᠠ᠃