ᠴᠠᠭᠠᠨ ᠰᠠᠷᠠᠪᠠᠷ ᠲᠦᠯᠤᠨ ᠳᠠᠭᠤᠨᠲᠠᠢ ᠱᠢᠨᠡᠯᠡᠬᠦ᠌ ᠭᠡᠵᠦ᠍ ᠵᠢᠷᠭᠠᠯ ᠰᠠᠨ᠃ ᠡᠨᠡ ᠵᠢᠯ ᠮᠠᠨᠤ ᠲᠦᠯ ᠲᠤᠰᠭᠤ ᠠᠵᠢᠯ ᠴᠠᠭᠠᠨ ᠰᠠᠷᠠᠶ᠋ᠢᠨ ᠡᠮᠦᠨᠡᠭᠡᠨ ᠡᠬᠢᠯᠡᠭ᠌ᠰᠡᠨ ᠪᠢᠯᠡ᠃ ᠡᠨᠡ ᠵᠢᠯ᠂ ᠪᠢ ᠲᠦᠯ ᠲᠤᠰᠭᠤ ᠪᠤᠯᠤᠭ᠍ᠰᠠᠨᠳᠠᠭᠠᠨ ᠶᠡᠭᠡ ᠪᠠᠶᠠᠷᠯᠠᠵᠦ᠍᠂ ᠪᠡᠯᠭᠡᠱᠢᠶᠡᠵᠦ᠍ ᠪᠠᠢᠭ᠍ᠰᠠᠨᠢᠶᠠᠨ ᠶᠠᠭᠤᠨ ᠨᠢᠭᠤᠬᠤ ᠪᠤᠢ ᠳ᠋ᠠ᠃ ᠬᠤᠳᠠ ᠭᠠᠵᠠᠷ ᠠᠵᠢᠯᠯᠠᠵᠤ ᠪᠠᠢᠭ᠍ᠰᠠᠨ ᠨᠠᠳᠠᠳᠤ ᠬᠦᠳᠡᠭᠡᠳᠡᠭᠡᠨ ᠲᠦᠯ ᠲᠤᠰᠭᠤ ᠭᠡᠭ᠌ᠴᠢ ᠤᠯᠳᠠᠰᠢ ᠦᠬᠡᠢ ᠵᠠᠪᠱᠢᠶᠠᠨ ᠪᠤᠯᠤᠨᠠ᠃
ᠱᠢᠨᠠᠶ᠋ᠢᠨ ᠨᠢᠭᠡᠨᠤ ᠨᠠᠷᠠᠨ ᠰᠠᠢᠬᠠᠨ ᠪᠦᠬᠦᠨᠢ ᠢᠪᠡᠭᠡᠨ ᠠᠯᠲᠠᠨ ᠰᠠᠴᠣᠷᠠᠭᠢᠶᠠᠨ ᠰᠠᠴᠣᠷᠠᠭᠤᠯᠤᠨᠠ᠃《ᠱᠢᠨᠡᠶ᠋ᠢᠨ ᠨᠢᠭᠡᠨᠳᠤ ᠲᠦᠯ ᠭᠠᠷᠪᠠᠯ ᠰᠦᠷᠦᠭ ᠵᠤᠵᠠᠭᠠᠷᠠᠬᠤᠶ᠋ᠢᠨ ᠪᠡᠯᠭᠡ》ᠬᠡᠬᠦ᠌ ᠪᠤᠭᠤᠷᠤᠯᠴᠤᠳᠤᠨ ᠦᠭᠡ ᠴᠢᠬᠢᠨᠳᠤ ᠮᠢᠨᠢ ᠲᠠᠭᠠᠳᠠᠢ᠃ ᠬᠤᠳᠠᠪᠠᠨ ᠡᠷᠬᠢᠬᠦ᠌ᠳᠤ ᠭᠤᠷᠪᠠᠨ ᠢᠮᠠᠭᠠ ᠢᠱᠢᠭᠡᠯᠡᠭ᠌ᠰᠡᠨ ᠪᠠᠢᠯᠠ᠃ ᠬᠦᠯ ᠭᠠᠵᠠᠷ ᠬᠦᠷᠬᠦ᠌ ᠦᠬᠡᠢ ᠪᠠᠶᠠᠷᠯᠠᠵᠦ᠍ ᠨᠠᠢ᠍ᠮᠠᠨ ᠨᠠᠰᠤᠳᠠᠢ ᠪᠠᠯᠴᠢᠷ ᠱᠢᠭ᠋ ᠯᠡ ᠪᠤᠯᠤᠭ᠍ᠰᠠᠨ ᠳ᠋ᠠ᠃ ᠴᠢᠨᠳᠠᠭᠠᠨ ᠴᠠᠭᠠᠨ ᠢᠱᠢᠭᠡ ᠮᠢᠨᠢ 《ᠰᠠᠢᠨ ᠱᠢᠨᠡᠯᠡᠪᠡᠤ》 ᠭᠡᠰᠡᠨ ᠱᠢᠭ ᠯᠡ ᠴᠢᠩᠬᠢᠨᠠᠲᠠᠯᠠ ᠮᠠᠢᠯᠠᠭᠠᠳ ᠵᠤᠭ᠍ᠰᠤᠨᠠ᠃ ᠭᠡᠳᠡᠰᠦᠨᠢ ᠪᠤᠮᠪᠠᠢᠭᠠᠳ ᠡᠬᠡᠪᠠᠨ ᠬᠦᠭᠦᠭ᠌ᠰᠡᠨᠨᠢ ᠢᠯᠡᠳᠳᠡ᠃ ᠤᠷᠴᠢᠮᠤᠨ ᠬᠡᠳᠦᠨ ᠵᠢᠯ ᠪᠡᠯᠴᠢᠭᠡᠷ ᠤᠰᠤ ᠰᠡᠷᠭᠦᠵᠦ ᠮᠠᠯ ᠰᠦᠷᠦᠭ ᠴᠤ᠌ ᠳᠠᠷᠭᠤ ᠬᠦᠴᠦ᠍ᠲᠠᠢ ᠪᠤᠯᠤᠭ᠍ᠰᠠᠨ ᠶᠤᠮ᠃ ᠡᠨᠡ ᠵᠢᠯᠤᠨ ᠮᠠᠯ ᠰᠦ ᠰᠠᠢᠲᠠᠢ ᠲᠦᠯᠯᠡᠭ᠌ᠰᠡᠨ ᠪᠤᠯᠬᠤᠷ ᠲᠥᠯᠤᠨ ᠬᠢᠨᠢ ᠪᠤᠢᠵᠢᠬᠤᠨᠢ ᠴᠤ᠌ ᠲᠦᠷᠭᠡᠨ ᠪᠠᠢᠯᠠ᠃
ᠦᠳᠡᠶ᠋ᠢᠨ ᠦᠶᠡᠪᠠᠷ᠂ ᠮᠠᠯ ᠡᠷᠬᠢᠬᠦ᠌ ᠭᠡᠳ ᠮᠤᠲ᠋ᠤᠷ ᠤᠨᠤᠨ ᠪᠡᠯᠴᠢᠭᠡᠷ ᠵᠦᠭ ᠶᠠᠪᠤᠯᠠ᠃ ᠨᠢᠭᠡ ᠪᠦᠲᠦᠬᠦᠨ ᠰᠤᠬᠠᠢ ᠡᠷᠬᠢᠲᠡᠯᠠ ᠴᠢᠬᠢᠨᠳᠤ ᠢᠱᠢᠭᠡ ᠮᠠᠢᠯᠠᠬᠤ ᠳᠠᠭᠤᠨ ᠰᠤᠨᠤᠰᠳᠠᠨᠠ᠃ ᠢᠮᠠᠭᠠ ᠢᠱᠢᠭᠡᠯᠡᠭ᠌ᠰᠡᠨ ᠶᠤᠮ ᠪᠤᠯᠪᠠᠤ ᠭᠡᠳ ᠮᠤᠲ᠋ᠤᠷᠢᠶᠠᠨ ᠤᠨᠲᠠᠷᠠᠭᠠᠭᠠᠳ ᠰᠠᠢᠨ ᠴᠢᠩᠨᠠᠭ᠍ᠰᠠᠨ ᠴᠢᠨᠢ ᠤᠢᠷᠠᠬᠠᠨ ᠨᠢᠭᠡ ᠢᠱᠢᠭᠡ ᠮᠠᠢᠯᠠᠵᠦ᠍ ᠪᠠᠢᠯᠠ᠃ ᠨᠢᠭᠡ ᠢᠮᠠᠭᠠ ᠬᠦᠳᠡᠭᠡ ᠢᠱᠢᠭᠡᠯᠡᠭ᠌ᠰᠡᠨ ᠪᠠᠢᠵᠡᠢ᠃ ᠬᠦᠳᠡᠭᠡᠠᠴᠠ ᠢᠱᠢᠭᠡ ᠤᠯᠤᠭ᠍ᠰᠠᠨ ᠪᠢ ᠴᠤ᠌ ᠤᠬᠠᠭᠠᠨ ᠦᠬᠡᠢ ᠪᠠᠶᠠᠷᠯᠠᠵᠦ᠍᠂ ᠢᠱᠢᠭᠡᠪᠠᠨ ᠲᠡᠪᠡᠷᠢᠭᠡᠳ ᠭᠡᠷ ᠵᠦᠭᠢᠶᠠᠨ ᠨᠢᠰᠭᠡᠯᠠ᠃ ᠮᠠᠨᠤ ᠬᠦᠳᠡᠭᠡᠪᠠᠷ 《ᠤᠯᠠᠭᠠᠨ ᠳᠡᠪᠡᠯᠲᠤ》 ᠤᠯᠠᠨ ᠪᠤᠯᠬᠤᠷ ᠠᠮᠠᠨᠳᠤᠨᠢ ᠬᠡᠱᠢᠭ ᠪᠤᠯᠭᠠᠭᠰᠠᠨ ᠦᠬᠡᠢᠳᠡᠭᠡᠨ ᠤᠯᠵᠠᠭᠤᠷᠬᠠᠪᠠ᠃ ᠤᠷᠤᠢ ᠢᠱᠢᠭᠡ ᠲᠠᠯᠪᠢᠬᠤ ᠪᠤᠯᠬᠤᠳᠤ ᠨᠦᠬᠦᠭᠡ ᠢᠮᠠᠭᠠ ᠪᠠᠰᠠ ᠢᠷᠡᠭᠡ ᠦᠬᠡᠢ ᠪᠡᠢᠵᠡᠢ᠃ ᠳᠡᠬᠦᠦ᠍ᠲᠠᠢᠪᠠᠨ ᠬᠤᠶᠠᠭᠤᠯᠠᠪᠠᠨ ᠢᠱᠢᠭᠡᠯᠡᠭ᠌ᠰᠡᠨ ᠭᠠᠵᠠᠷᠨᠢ ᠤᠴᠢᠬᠤᠳᠤ ᠨᠦᠬᠦᠭᠡ ᠢᠮᠠᠭᠠ ᠢᠱᠢᠭᠡᠯᠡᠭ᠌ᠰᠡᠨ ᠭᠠᠵᠠᠷᠢᠶᠠᠨ ᠰᠠᠬᠢᠨ ᠬᠡᠪᠳᠡᠵᠦ ᠢᠱᠢᠭᠡᠪᠠᠨ ᠬᠦᠯᠢᠶᠡᠨᠡ᠃ ᠠᠮᠢᠲᠠᠨᠤ ᠡᠬᠡ ᠭᠡᠳᠡᠭ ᠡᠢᠮᠦ᠍ ᠯᠡ ᠮᠤᠨᠳᠠᠭ ᠶᠤᠮ ᠡ᠃ ᠢᠱᠢᠭᠡᠪᠠᠨ ᠲᠠᠯᠪᠢᠵᠦ᠍ ᠪᠠᠷᠠᠭᠠᠳ ᠡᠪᠡᠰᠦᠨ ᠬᠠᠱᠢᠶᠠᠨᠳᠤᠪᠠᠨ ᠢᠯᠭᠠᠵᠦ᠍ ᠲᠠᠯᠪᠢᠭᠰᠠᠨ ᠭᠡᠬᠡᠯᠲᠠᠢ ᠢᠮᠠᠭᠠᠪᠠᠨ ᠳᠠᠭᠤᠵᠦ᠍ ᠢᠷᠡᠬᠦ᠌ᠳᠤ᠂ ᠨᠢᠭᠡ ᠢᠮᠠᠭᠠ ᠢᠱᠢᠭᠡᠯᠡᠬᠦ᠌ ᠭᠡᠳᠬᠡᠪᠳᠡᠵᠦ᠍ᠪᠠᠢᠪᠠ᠃ᠴᠠᠭᠤᠨᠳᠠᠷᠠᠭᠠ ᠳᠠᠬᠢᠨ ᠤᠴᠢᠬᠤᠳᠤ ᠪᠠᠰᠠ ᠯᠡ ᠬᠡᠪᠲᠡᠵᠦ᠍ ᠪᠠᠢᠪᠠ᠃ ᠪᠠᠷᠤᠭ ᠭᠡᠭᠡᠯᠨᠢ ᠡᠪᠭᠦᠢᠳᠡᠭ᠌ᠰᠡᠨ ᠪᠠᠢᠬᠠ ᠭᠡᠳ ᠨᠤᠲᠤᠭᠤᠨ ᠠᠷᠭᠠᠪᠠᠷ ᠬᠡᠳᠦ ᠬᠦᠯᠪᠡᠷᠢᠬᠦᠯᠵᠦ᠍ ᠲᠠᠯᠪᠢᠯᠠ᠃ ᠴᠠᠭᠤᠨ ᠳᠠᠷᠠᠭᠠ ᠳᠠᠬᠢᠨ ᠤᠴᠢᠬᠤᠳᠤ ᠪᠠᠰᠠ ᠯᠡ ᠬᠡᠪᠲᠡᠵᠦ᠍ ᠪᠠᠢᠭ᠍ᠰᠠᠨ ᠪᠤᠯᠬᠤᠷ ᠮᠦᠨ ᠯᠡ ᠬᠦᠯᠪᠡᠷᠢᠬᠦᠯᠵᠦ᠍ ᠲᠠᠯᠪᠢᠪᠠ᠃ ᠰᠦᠨᠢᠶ᠋ᠢᠨ ᠠᠷᠪᠠᠨ ᠴᠠᠭᠤᠨ ᠪᠠᠷᠤᠭᠢᠶᠠᠷ᠂ ᠪᠠᠰᠠ ᠨᠢᠭᠡ ᠤᠴᠢᠬᠤᠳᠤ ᠭᠤᠷᠪᠠᠨ ᠬᠦᠯ ᠴᠤᠬᠤᠢᠵᠦ᠍ ᠭᠠᠷᠤᠭ᠍ᠰᠠᠨ ᠬᠠᠷᠠᠭ᠍ᠳᠠᠨᠠ᠃ ᠭᠡᠭᠡᠯᠨᠢ ᠡᠪᠭᠦᠢᠳᠡᠵᠦ᠍ ᠢᠱᠢᠭᠡᠨᠢ ᠪᠦᠳᠡᠴᠢᠭᠡᠵᠡᠢ ᠭᠡᠳ ᠰᠠᠨᠳᠤᠷᠤᠭ᠍ᠰᠠᠨᠳᠡᠭᠡᠨ ᠡᠮᠦᠨᠠ ᠬᠤᠶᠠᠷ ᠬᠦᠯᠢᠨᠢ ᠤᠯᠵᠦ᠍ ᠠᠪᠤᠭᠠᠳ ᠱᠢᠭᠤᠳ ᠯᠡ ᠲᠠᠲᠠᠭᠠᠳ ᠭᠠᠷᠭᠠᠪᠠ᠃ ᠢᠱᠢᠭᠡᠨᠤ ᠬᠦᠵᠦᠬᠦᠦ᠍ᠨᠢ ᠮᠤᠷᠤᠢᠭᠠᠳ ᠯᠡ ᠭᠠᠷᠤᠭ᠍ᠰᠠᠨ᠃ ᠨᠦᠬᠦᠭᠡ ᠢᠱᠢᠭᠡ ᠠᠮᠢᠰᠭᠤᠭᠠ ᠦᠬᠡᠢ᠂ ᠵᠦᠪᠬᠡᠨ ᠵᠢᠷᠦᠭᠡᠨᠢ ᠯᠡ ᠦᠯᠦ᠍ ᠮᠡᠳᠡᠭ ᠴᠤᠬᠢᠯᠠᠵᠤ ᠪᠠᠢᠪᠠ᠃ 《ᠭᠡᠳᠡᠰᠦᠨᠳᠡᠭᠡᠨ ᠪᠦᠲᠡᠭ᠌ᠰᠡᠨ ᠢᠱᠢᠭᠡᠨᠤ ᠴᠢᠬᠢᠶ᠋ᠢᠨᠢ ᠦᠯᠢᠶᠡᠳᠡᠭ ᠶᠤᠮ ᠡ》ᠬᠡᠵᠦ᠍ ᠪᠤᠷᠬᠠᠨ ᠪᠤᠭᠤᠷᠤᠯᠤᠨ ᠦᠭᠡᠶ᠋ᠢ ᠰᠠᠨᠠᠭᠠᠳ ᠴᠢᠬᠢ ᠵᠢ ᠨᠢ ᠦᠯᠢᠶᠡᠭ᠌ᠰᠡᠨ ᠴᠢᠨᠢ ᠠᠮᠢᠰᠭᠤᠬᠤ ᠱᠢᠭ᠋ ᠪᠤᠯᠤᠯᠠ᠃ ᠭᠡᠪᠡᠴᠦ᠍ ᠦᠬᠦᠭ᠌ᠰᠡᠨ ᠭᠡᠮᠡᠷ ᠯᠡ ᠪᠠᠢᠪᠠ᠃ ᠬᠤᠪᠴᠠᠰᠤᠨᠳᠤ ᠤᠷᠢᠶᠠᠭᠠᠳ ᠲᠤᠯᠠᠭᠠᠨ ᠭᠡᠷᠲᠤ ᠤᠷᠤᠭᠤᠯᠵᠦ᠍ ᠲᠠᠯᠪᠢᠭᠠᠳ ᠬᠠᠷᠠᠵᠦ᠍ ᠵᠤᠭ᠍ᠰᠤᠯᠠ᠃ ᠠᠷᠪᠠᠭᠠᠳ ᠮᠢᠨᠦ᠋ᠲ ᠤᠨ ᠲᠠᠷᠠᠭᠠ ᠢᠱᠢᠭᠡ ᠨᠢᠳᠦ᠍ᠪᠠᠨ ᠨᠡᠭᠡᠭᠡᠳ ᠮᠠᠢᠯᠠᠵᠦ᠍ ᠡᠬᠢᠯᠡᠭ᠌ᠰᠡᠨ ᠮᠦᠷᠳᠡᠭᠡᠨ ᠬᠦᠯᠢᠶᠠᠨ ᠬᠦᠳᠡᠯᠭᠡᠵᠦ᠍ ᠭᠠᠷᠬᠤᠳᠤ ᠠᠮᠠᠪᠠᠷ ᠭᠠᠷᠬᠤ ᠱᠢᠬᠠᠭ᠍ᠰᠠᠨ ᠵᠢᠷᠦᠭᠡ ᠮᠢᠨᠢ ᠵᠢᠭᠠᠬᠠᠨ ᠨᠠᠮᠵᠢᠷᠠᠯᠠ᠃ ᠬᠡᠰᠡᠭ ᠪᠠᠢᠰᠭᠢᠭᠡᠳ ᠳᠠᠬᠢᠨ ᠬᠤᠳᠠ ᠡᠷᠬᠢᠬᠦ᠌ᠳᠤ ᠨᠦᠬᠦᠭᠡ ᠢᠮᠠᠭᠠ ᠪᠠᠰᠠ ᠨᠢᠭᠡ ᠢᠱᠢᠭᠡ ᠢᠱᠢᠭᠡᠯᠡᠴᠢᠬᠡᠭ᠌ᠰᠡᠨ ᠬᠡᠪᠲᠡᠵᠦ᠍ ᠪᠠᠢᠪᠠ᠃ ᠤᠤᠯᠨᠢ ᠢᠬᠡᠷᠡ ᠢᠱᠢᠭᠡ ᠪᠠᠢᠵᠡᠢ᠃ ᠬᠡᠷᠪᠡ ᠡᠬᠢᠨᠤ ᠢᠱᠢᠭᠡᠶ᠋ᠢᠨᠢ ᠲᠠᠲᠠᠵᠦ᠍ ᠭᠠᠷᠭᠠᠭᠠ ᠦᠬᠡᠢ ᠪᠤᠯ ᠢᠬᠡᠷᠡ ᠬᠤᠶᠠᠭᠤᠯᠠᠪᠠᠨ ᠠᠳᠡᠬᠦ᠌ᠪᠠᠷ ᠪᠠᠷᠠᠬᠤ ᠦᠬᠡᠢ ᠡᠭᠡᠨᠢ ᠴᠤ᠌ ᠠᠳᠡᠬᠦ᠌ ᠪᠠᠢᠭ᠍ᠰᠠᠨ᠃ ᠨᠢᠭᠡ ᠯᠡ ᠳᠡᠭᠡᠷᠠ ᠭᠤᠷᠪᠠᠨ ᠠᠮᠢ ᠠᠪᠤᠷᠠᠭ᠍ᠰᠨᠨ ᠱᠢᠨᠡᠶ᠋ᠢᠨ ᠨᠢᠭᠡᠨᠤ ᠦᠯᠢᠭᠡᠷᠲᠠᠢ ᠰᠦᠨᠢ ᠪᠠᠢᠯᠠ᠃
ᠲᠡᠷᠡ ᠵᠢᠯ ᠰᠤᠷᠪᠤᠯᠵᠢᠯᠠᠭᠠᠪᠠᠷ ᠨᠢᠭᠡ ᠮᠠᠯᠴᠢᠨ ᠠᠢᠯᠳᠤ ᠤᠴᠢᠬᠤᠳᠤ 《ᠮᠠᠯ ᠪᠤᠯ ᠮᠠᠯᠴᠢᠨ ᠬᠦᠮᠦᠨᠤ ᠪᠠᠩᠬᠢ ᠮᠦᠨ》 ᠭᠡᠵᠦ᠍ ᠶᠠᠷᠢᠭ᠍ᠰᠠᠨ ᠦᠬᠡ ᠰᠠᠨᠠᠭᠠᠨᠳᠤ ᠤᠷᠤᠵᠦ᠍ ᠢᠷᠡᠯᠠ᠃ 《ᠭᠠᠭ᠍ᠴᠨᠪᠠᠷ ᠭᠠᠵᠠᠷ ᠳᠦᠭᠦᠷᠭᠡᠨᠠ》 ᠭᠡᠵᠦ᠍ ᠮᠠᠯᠴᠢᠨ ᠲᠦᠮᠡᠨ ᠮᠠᠨᠢ ᠭᠠᠭ᠍ᠴᠨ ᠢᠱᠢᠭᠡᠶ᠋ᠢ ᠴᠤ᠌ ᠭᠡᠳ ᠮᠠᠯ ᠪᠤᠯᠭᠠᠬᠤ ᠭᠡᠵᠦ᠍ ᠠᠮᠢᠨᠠᠴᠠ ᠪᠠᠨ ᠢᠯᠡᠬᠦᠦ ᠬᠠᠢᠷᠠᠯᠠᠳᠠᠭ ᠰᠠᠨ᠃ ᠪᠢ ᠬᠠᠷᠢᠨ ᠰᠠᠨᠳᠤᠷᠴᠤ᠌ ᠪᠠᠯᠢᠳᠠᠬᠤᠳᠤᠪᠠᠨ ᠢᠱᠢᠭᠡᠶ᠋ᠢ ᠲᠠᠲᠠᠵᠦ᠍ ᠭᠠᠷᠭᠠᠭᠠᠳ ᠠᠶᠤᠵᠦ᠍ ᠰᠠᠭᠤᠯᠠ᠂ ᠶᠠᠭᠤ ᠨᠢᠭᠡᠶ᠋ᠢ ᠴᠤ᠌ ᠤᠬᠠᠭᠠᠷᠠᠵᠦ᠍ ᠠᠪᠤᠯᠠ᠂ ᠮᠠᠯᠴᠢᠨ ᠲᠦᠮᠡᠨᠤ ᠮᠠᠯᠢᠶᠠᠨ ᠬᠠᠢᠷᠠᠯᠠᠬᠤ ᠤᠬᠠᠭᠠᠨᠠᠴᠠ ᠦᠪᠯᠡᠵᠦ᠍ ᠠᠪᠬᠤ ᠴᠢᠬᠤᠯᠠᠳᠠᠢᠶ᠋ᠢ ᠮᠡᠳᠡᠯᠠ᠃ ᠨᠤᠲᠤᠭᠤᠨ ᠪᠤᠭᠤᠷᠤᠯᠴᠤᠳ ᠮᠠᠨᠢ ᠭᠡᠭᠡᠯᠨᠢ ᠡᠪᠭᠦᠢᠳᠡᠭ᠌ᠰᠡᠨ ᠮᠠᠯᠢ ᠬᠡᠳᠦᠭᠡᠨ ᠬᠦᠯᠪᠡᠷᠢᠭᠦᠯᠦᠭᠡᠳ ᠯᠡ ᠲᠦᠯᠯᠡᠬᠦᠯᠵᠦ᠍ ᠴᠢᠳᠠᠳᠠᠭ᠃ ᠪᠢ ᠬᠠᠷᠢᠨ ᠬᠡᠳᠦ ᠤᠳᠠᠭᠠ ᠬᠦᠯᠪᠡᠷᠢᠬᠦᠯᠦᠭᠡᠳ ᠴᠢᠳᠠᠭ᠍ᠰᠠᠨ ᠦᠬᠡᠢ᠃ ᠬᠦᠭᠡ ᠲᠡᠭ᠌ᠷᠢᠶ᠋ᠢᠨ ᠤᠷᠤᠨᠳᠤ ᠶᠠᠪᠤᠭ᠍ᠰᠠᠨ ᠪᠤᠭᠤᠷᠤᠯᠠᠴᠠ ᠬᠡᠴᠢᠨᠡᠬᠡᠨ ᠤᠯᠠᠨ ᠵᠦᠢᠯᠢ ᠲᠤᠲᠠᠭᠤ ᠰᠤᠷᠤᠭ᠍ᠰᠠᠨᠢᠶᠠᠨ ᠮᠡᠳᠡᠵᠦ᠍᠂ ᠲᠡᠷᠳᠡᠭᠡ ᠬᠤᠯᠠᠶ᠋ᠢᠨ ᠲᠡᠭ᠌ᠷᠢᠳᠤ ᠠᠨᠢᠪᠴᠢᠯᠠᠬᠤ ᠤᠳᠤᠶ᠋ᠢ ᠱᠢᠷᠳᠡᠬᠦ᠌ᠠᠴᠠ ᠦᠬᠡᠷᠡ ᠠᠷᠭᠠ ᠦᠬᠡᠢ᠃ ᠠᠵᠠ ᠪᠤᠯᠵᠦ᠍ ᠢᠬᠡᠷᠡ ᠬᠤᠶᠠᠷ ᠮᠠᠨᠢ ᠮᠠᠷᠭᠠᠰᠢ ᠦᠷᠯᠦᠭᠡᠨᠢ ᠴᠠᠩᠬᠢᠨᠠᠳᠠᠯᠠ ᠮᠠᠢᠯᠠᠵᠦ᠍ ᠬᠦᠦ ᠮᠢᠨᠤ ᠰᠡᠳᠭᠢᠯᠢ ᠳᠠᠢᠳᠭᠤᠷᠠᠭᠤᠯᠵᠦ᠍ ᠥᠭ᠌ᠬᠦᠯᠠ᠃ ᠡᠨᠡ ᠮᠦᠴᠡᠳᠤ ᠪᠢ ᠠᠮᠢ ᠭᠡᠳᠡᠭ ᠬᠡᠴᠢᠨᠡᠬᠡᠨ ᠭᠠᠢᠬᠠᠯᠳᠠᠢ᠂ ᠬᠡᠴᠢᠨᠡᠬᠡᠨ ᠡᠷᠬᠢᠮ ᠨᠠᠨᠳᠢᠨᠢ ᠮᠡᠳᠡᠷᠡᠭ᠌ᠰᠡᠨ ᠶᠤᠮ᠃
ᠲᠦᠯᠤᠨ ᠳᠠᠭᠤᠨ ᠨᠠᠳᠠᠳᠤ ᠤᠬᠠᠭᠠᠷᠠᠯ ᠬᠠᠢᠷᠠᠯᠠᠭ᠍ᠰᠠᠨ ᠲᠠᠷᠨᠢ ᠪᠠᠢᠵᠡᠢ᠃