— ᠦᠪᠤᠷ ᠮᠤᠩᠭᠤᠯ ᠤᠯᠤᠰᠤᠨ ᠮᠠᠯᠤᠨ ᠠᠱᠢᠭ ᠱᠢᠮᠠ ᠲᠠᠷᠢᠶᠠᠯᠠᠩᠤᠨ ᠪᠦᠳᠦᠬᠡᠭ᠌ᠳᠡᠬᠦᠨᠤ ᠦᠢᠯᠡᠤᠨᠪᠤᠷᠢᠯᠡᠯᠤᠨ ᠴᠢᠬᠤᠯᠠ ᠰᠠᠭᠤᠷᠢᠨᠢ ᠪᠦᠳᠦᠬᠡᠨ ᠪᠠᠢᠭᠤᠯᠤᠭ᠍ᠰᠠᠨ ᠪᠤᠳᠠᠳᠤ ᠲᠡᠮᠳᠡᠭ᠌ᠯᠡᠯ
2020 ᠣᠨᠳᠤ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠮᠤ ᠪᠤᠳᠠᠭᠠᠨᠤ ᠤᠨᠠᠯᠲᠠ 732.8 ᠳ᠋ᠦᠩᠱᠢᠭᠤᠷ ᠵᠢᠩᠳᠤ ᠬᠦᠷᠴᠦ᠍᠂ 《ᠠᠷᠪᠠᠨ ᠳᠣᠯᠣᠭᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠡᠯᠪᠡᠭ ᠬᠤᠷᠢᠶᠠᠯᠲᠠ》 ᠤᠯᠪᠡ； ᠮᠢᠬᠠᠨᠤ ᠲᠥᠷᠥᠯᠤᠨ ᠭᠠᠷᠤᠯᠲᠠ 260.7 ᠲᠦᠮᠡᠨ ᠲᠣᠨᠳᠤ ᠬᠦᠷᠴᠦ᠍᠂ 《ᠠᠷᠪᠠᠨ ᠵᠢᠷᠭᠤᠭᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠲᠣᠭ᠍ᠲᠠᠭᠤᠨ ᠪᠠᠢᠬᠤ》 ᠶ᠋ᠢ ᠪᠡᠶᠡᠯᠡᠭᠦᠯᠪᠡ᠃ ᠲᠠᠯᠠ ᠨᠤᠲᠤᠭᠤᠨ ᠮᠢᠬᠠᠨᠤ ᠬᠤᠨᠢ ᠪᠣᠯᠤᠨ ᠨᠡᠷᠡᠨ ᠬᠤᠸᠠᠷ ᠵᠡᠷᠭᠡ ᠤᠯᠤᠰᠤᠨ ᠳᠡᠰᠤᠨ ᠬᠤᠶᠠᠷ ᠳᠠᠪᠠᠭᠤᠯᠢᠭ ᠤᠨᠴᠠᠯᠢᠬ᠍ᠳᠤ ᠠᠵᠤ ᠦᠢᠯᠡᠰᠤᠨ ᠰᠦᠷᠦᠭ᠌ᠵᠢᠯᠢ ᠱᠢᠨᠡᠪᠠᠷ ᠡᠭᠦᠳᠦᠨ ᠪᠠᠢᠭᠤᠯᠪᠠ ᠁
《ᠠᠮᠤ ᠪᠤᠳᠠᠭᠠᠨᠤ ᠬᠥᠮᠥᠷᠭᠡ》 ᠳᠤ ᠠᠮᠤ ᠪᠤᠳᠠᠭᠠ ᠳᠦᠭᠦᠷᠤᠨ᠂ 《ᠮᠢᠬᠠᠨᠤ ᠬᠥᠮᠥᠷᠭᠡ》 ᠳᠤ ᠮᠢᠬᠠ ᠡᠯᠪᠡᠭ ᠪᠠᠢᠯᠠ᠃ ᠶᠡᠷᠦ᠍ ᠪᠤᠰᠤᠶ᠋ᠢᠨ ᠣᠨ ᠵᠢᠯᠳᠤ ᠶᠡᠷᠦ᠍ ᠪᠤᠰᠤᠶ᠋ᠢᠨ ᠬᠢᠷᠢ ᠪᠦᠲᠦᠮᠵᠢᠶ᠋ᠢᠨ ᠬᠠᠭᠤᠳᠠᠰᠤᠶ᠋ᠢ ᠳᠤᠱᠢᠶᠠᠪᠡ᠃
ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩᠤᠨ ᠥᠪᠥᠷ ᠮᠣᠩᠭᠤᠯᠳᠠᠬᠢ ᠴᠢᠬᠤᠯᠠ ᠶᠠᠷᠢ᠊ ᠡᠶᠡ ᠴᠢᠬᠤᠯᠠ ᠵᠢᠭᠠᠪᠤᠷᠢᠶ᠋ᠢᠨ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠭᠦᠨᠵᠡᠭᠡᠢ ᠲᠤᠭᠤᠱᠢᠯᠠᠭᠤᠯᠵᠤ᠂ ᠣᠷᠣᠨ ᠳᠠᠶᠠᠭᠠᠷᠢᠶᠠᠨ ᠰᠡᠳᠭᠢᠯ ᠨᠢᠭᠡᠳᠦᠨ ᠬᠦᠴᠦᠪᠠᠨ ᠬᠠᠮᠲᠤᠳᠭᠠᠵᠤ᠂ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢᠨ ᠪᠠᠢᠷᠢ ᠲᠣᠭ᠍ᠲᠠᠭᠠᠯᠲᠠᠳᠤ ᠨᠡᠢᠴᠡᠭ᠌ᠰᠡᠨ᠂ ᠥᠪᠥᠷ ᠮᠣᠩᠭᠤᠯᠤᠨ ᠣᠨᠴᠠᠯᠢᠭᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ᠂ ᠠᠮᠢ ᠠᠬᠤᠢᠶ᠋ᠢ ᠤᠷᠢᠳᠢᠶᠠᠷ ᠪᠤᠳᠤᠯᠬᠢᠯᠠᠵᠤ᠂ ᠪᠣᠬᠢᠷᠲᠤᠯ ᠦᠭᠡᠢ ᠬᠥᠭ᠌ᠵᠢᠯᠲᠡᠪᠠᠷ ᠤᠳᠤᠷᠢᠳᠤᠮᠵᠢ ᠪᠣᠯᠭᠠᠭ᠍ᠰᠠᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭ᠌ᠵᠢᠯᠲᠡᠶ᠋ᠢᠨ ᠱᠢᠨᠡ ᠵᠠᠮᠢᠶᠠᠷ ᠵᠠᠮᠨᠠᠵᠤ ᠪᠢᠯᠡ᠃ ᠤᠯᠤᠰᠤᠨ ᠮᠠᠯᠤᠨ ᠠᠱᠢᠭ ᠱᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠴᠢᠬᠤᠯᠠ ᠰᠠᠭᠤᠷᠢᠨᠢ ᠪᠥᠲᠥᠭᠡᠨ ᠪᠠᠢᠭᠤᠯᠵᠤ᠂ ᠲᠦᠷᠭᠡᠨ ᠪᠥᠭᠡᠳ ᠳᠤᠭ᠍ᠳᠠᠭᠤᠨᠢᠶᠠᠷ ᠠᠬᠢᠭᠤᠯᠵᠤ ᠪᠤᠢ᠃
ᠦᠭ᠌ᠬᠢᠶᠡᠮᠦᠷ ᠬᠤᠷᠠ ᠱᠠᠬᠢᠵᠦ᠍ ᠡᠯᠪᠡᠭ ᠬᠤᠷᠢᠶᠠᠯᠳᠠᠶ᠋ᠢ ᠵᠦᠩᠨᠡᠯᠠ᠃ ᠬᠦᠰᠡᠯᠡᠩᠳᠦ ᠬᠥᠳᠡᠭᠡ ᠬᠦᠭ᠌ᠵᠢᠶᠡᠨᠳᠦ ᠨᠤᠳᠤᠭ ᠮᠠᠨᠢ ᠬᠠᠪᠤᠷᠤᠨ ᠤᠷᠢᠨᠳᠤ ᠦᠩᠬᠡᠵᠢᠵᠦ᠍᠂ ᠦᠪᠦᠷ ᠮᠤᠩᠭᠤᠯ ᠤᠷᠤᠨᠳᠤ ᠵᠦᠢᠯᠤᠨ ᠴᠡᠴᠡᠭ ᠮᠢᠷᠠᠯᠵᠠᠨᠡ᠃
ᠶᠡᠭᠡ ᠬᠥᠱᠢᠭᠡ ᠢᠷᠠᠬ᠍ᠳᠠᠯᠠ — ᠨᠢᠭᠡᠨ ᠰᠥᠨᠢᠶ᠋ᠢᠨ ᠤᠷᠢᠬᠠᠨ ᠰᠠᠯᠬᠢᠨᠳᠤ ᠲᠦᠮᠡᠨ ᠴᠡᠴᠡᠭ ᠠᠮᠢᠯᠠᠮᠤᠢ᠃ ᠶᠡᠭᠡ ᠲᠠᠯᠠ ᠶᠡᠭᠡ ᠬᠠᠨᠳᠤᠰᠢᠶ᠋ᠢ ᠪᠣᠳᠣᠯᠬᠢᠯᠠᠨ᠂ ᠪᠥᠬᠦ᠌ ᠲᠠᠯᠠᠪᠠᠷ ᠪᠠᠷᠢᠮᠵᠢᠶᠠᠯᠤᠭᠠ ᠬᠠᠷᠭᠤᠭᠤᠯᠵᠤ᠂ ᠠᠷᠭᠠ ᠪᠣᠳᠣᠯᠭᠠᠶ᠋ᠢ ᠲᠣᠭ᠍ᠲᠠᠭᠠᠨ ᠬᠡᠷᠡᠭ᠌ᠵᠢᠭᠦᠯᠵᠤ ᠵᠠᠩᠬᠢᠯᠠᠭᠠᠶ᠋ᠢ ᠤᠨᠢᠨ᠂ ᠬᠦᠴᠢᠷᠢ ᠱᠢᠢᠳᠪᠦᠷᠢᠯᠡᠨ ᠪᠠᠭᠠᠪᠠᠷ ᠶᠡᠭᠡᠶ᠋ᠢ ᠢᠯᠡᠨᠠ
ᠬᠥᠮᠦᠨ ᠳᠤᠮᠳᠠᠴᠢᠶ᠋ᠢᠨ ᠭᠠᠵᠠᠷ ᠱᠢᠷᠣᠶᠶ᠋ᠢᠨ ᠲᠠᠯᠠᠪᠠᠶᠨᠢ ᠪᠥᠬᠦ᠌ ᠤᠯᠤᠰᠤᠨᠬᠢᠠᠴᠠ 6.47 ᠳᠠᠬᠢᠨ ᠪᠠᠢᠵᠤ᠂ ᠬᠥᠮᠦᠨ ᠳᠤᠮᠳᠠᠴᠢᠶ᠋ᠢᠨ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠲᠠᠯᠠᠪᠠᠶᠨᠢ ᠪᠥᠬᠦ᠌ ᠤᠯᠤᠰᠤᠨᠬᠢᠠᠴᠠ 4.75 ᠳᠠᠬᠢᠨ ᠪᠠᠢᠳᠠᠭ᠃ ᠨᠡᠷᠡᠨᠤ ᠲᠤᠰᠤᠯᠲᠠ ᠭᠦᠢᠴᠡᠳ᠂ ᠪᠣᠷᠣᠭᠠᠨ ᠬᠢᠬᠡᠳ ᠬᠠᠯᠠᠭᠤᠨ ᠳᠠᠪᠬᠤᠴᠠᠭ᠍ᠰᠠᠨ ᠤᠯᠠᠷᠢᠯᠲᠠᠢ᠂ 《ᠰᠦᠶ᠋ᠢᠨ ᠱᠢᠵᠢᠷ ᠠᠯᠳᠠᠨ ᠪᠦᠰᠡ》 《ᠦᠵᠦᠮᠤᠨ ᠠᠷᠢᠬᠢᠨᠤ ᠱᠢᠵᠢᠷ ᠠᠯᠳᠠᠨ ᠪᠦᠰᠡ》 《ᠲᠥᠮᠥᠰᠥ᠍ ᠳᠠᠷᠢᠬᠤ ᠱᠢᠵᠢᠷ ᠠᠯᠳᠠᠨ ᠪᠦᠰᠡ》 《ᠮᠢᠬᠠᠨᠤ ᠬᠤᠨᠢᠨᠤ ᠠᠵᠤ ᠦᠢᠯᠡᠰᠤᠨ ᠪᠦᠰᠡ》 《ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠱᠢᠵᠢᠷ ᠠᠯᠳᠠᠨ ᠪᠦᠰᠡ》 ᠪᠠᠷᠠᠭᠤᠨᠠᠴᠠ ᠵᠡᠭᠦᠨᠰᠢ ᠵᠠᠯᠭᠠᠯᠳᠤᠨᠠ ᠁ ᠡᠨᠡ ᠪᠦᠬᠦᠨᠨᠢ ᠮᠠᠨᠤ ᠤᠷᠤᠨᠤ ᠤᠳᠤ ᠦᠶᠡᠶ᠋ᠢᠨ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠢ ᠬᠥᠭ᠌ᠵᠢᠭᠦᠯᠬᠦ᠌ ᠥᠪᠡᠷᠮᠢᠴᠡ ᠳᠠᠪᠠᠭᠤᠯᠢᠭ ᠲᠠᠯᠠ ᠪᠢᠯᠡ᠃
《ᠥᠪᠥᠷ ᠮᠣᠩᠭᠤᠯ ᠮᠠᠯ ᠠᠵᠤ ᠠᠬᠤᠶ ᠲᠠᠷᠢᠶᠠᠯᠠᠩᠢ ᠰᠠᠢᠲᠤᠷ ᠬᠥᠭ᠌ᠵᠢᠭᠦᠯᠵᠦ᠍᠂ ᠮᠠᠯ ᠠᠵᠤ ᠠᠬᠤᠶ ᠲᠠᠷᠢᠶᠠᠯᠠᠩᠤᠨ ᠣᠳᠣᠬᠢᠴᠢᠯᠠᠯᠲᠠᠶ᠋ᠢ ᠲᠦᠷᠭᠡᠳᠭᠡᠨ ᠠᠬᠢᠭᠤᠯᠵᠤ᠂ ᠮᠠᠯᠵᠢᠬᠤ ᠣᠷᠣᠨᠤ ᠰᠠᠢᠨ ᠪᠥᠭᠡᠳ ᠲᠦᠷᠭᠡᠨ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠪᠡ》᠃
《ᠤᠯᠠᠮᠵᠢᠯᠠᠯᠲᠤ ᠮᠠᠯ ᠠᠵᠤ ᠠᠬᠤᠢᠶ᠋ᠢ ᠤᠳᠤ ᠦ᠊ ᠡᠶᠡᠶ᠋ᠢᠨ ᠮᠠᠯ ᠠᠵᠤ ᠠᠬᠤᠢ ᠲᠡᠢᠰᠢ ᠬᠤᠪᠢᠷᠠᠭᠤᠯᠬᠤ ᠠᠯᠬᠤᠴᠠᠶ᠋ᠢ ᠲᠦᠷᠭᠡᠳᠭᠡᠵᠦ᠍᠂ ᠰᠠᠢᠨ ᠠᠷᠭᠠᠶ᠋ᠢ ᠰᠦᠪᠡᠭ᠌ᠴᠢᠯᠡᠵᠦ᠍᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠢ ᠬᠠᠪᠰᠤᠷᠤᠨ ᠠᠵᠤ ᠦᠢᠯᠡᠰᠤᠨ ᠦᠷᠡ ᠠᠱᠢᠭᠢ ᠨᠡᠩ ᠤᠯᠠᠨ ᠡᠳ᠋ᠯᠡᠭᠦᠯᠵᠦ᠍᠂ ᠳᠠᠭᠠᠭᠤᠯᠤᠭ᠍ᠴᠢ ᠠᠵᠤ ᠠᠬᠤᠢ᠍ᠢᠯᠠᠯ ᠵᠡᠷᠭᠡ ᠡᠵᠡᠩᠨᠡᠯᠲᠡᠶ᠋ᠢᠨ ᠭᠤᠣᠯ ᠴᠣᠭ᠍ᠴᠠᠲᠠᠢ ᠦᠨᠡᠨ ᠬᠦ᠌ ᠠᠱᠢᠭ ᠲᠤᠰᠠᠶ᠋ᠢᠨ ᠨᠢᠭ᠍ᠳᠠ ᠬᠠᠷᠢᠴᠠᠭᠠ ᠪᠦᠬᠦᠢ ᠬᠠᠮᠲᠤ ᠴᠣᠭ᠍ᠴᠠᠶ᠋ᠢ ᠪᠦᠷᠢᠯᠳᠦᠭᠦᠯᠪᠡ》᠃
《ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠣᠭᠤᠮᠲᠠ ᠱᠢᠪᠲᠤᠯᠬᠤᠶ᠋ᠢ ᠬᠥᠳᠡᠭᠡ ᠲᠣᠰᠭᠤᠨᠢ ᠬᠥᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠬᠦ᠌ᠯᠦᠭᠡ ᠣᠷᠭᠠᠨᠢᠭᠢᠶᠠᠷ ᠤᠶᠠᠯᠳᠤᠭᠤᠯᠵᠤ᠂ ᠬᠥᠳᠡᠭᠡ ᠲᠣᠰᠭᠤᠨ ᠮᠠᠯᠵᠢᠬᠤ ᠣᠷᠣᠨᠤ ᠠᠵᠤ ᠦᠢᠯᠡᠰᠤᠨ ᠬᠥᠭ᠌ᠵᠢᠯ ᠪᠠᠳᠠᠷᠠᠯ᠂ ᠠᠮᠢ ᠠᠬᠤᠢᠶ᠋ᠢᠨ ᠣᠷᠣᠱᠢᠨ ᠰᠠᠭᠤᠷᠢᠱᠢᠬᠤᠳᠤ ᠲᠣᠬᠢᠷᠠᠮᠵᠢᠲᠠᠢ᠂ ᠬᠥᠳᠡᠭᠡ ᠲᠣᠰᠭᠤᠨᠤ ᠵᠠᠩ ᠵᠠᠩᠱᠢᠯ ᠪᠣᠯᠪᠠᠰᠤᠨ᠂ ᠵᠠᠰᠠᠯᠲᠠ ᠪᠦᠲᠦᠮᠵᠢᠲᠡᠢ᠂ ᠠᠮᠢᠳᠤᠷᠠᠯ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠪᠠᠢᠬᠤᠶ᠋ᠢ ᠠᠬᠢᠭᠤᠯᠵᠤ᠂ ᠥᠷᠭᠡᠨ ᠤᠯᠠᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠭᠡᠷ ᠣᠷᠣᠨᠢ ᠪᠦᠬᠦ᠌ ᠲᠠᠯᠠᠪᠠᠷ ᠰᠠᠢᠲᠤᠷ ᠪᠦᠳᠦᠭᠡᠨ ᠪᠠᠢᠭᠤᠯᠵᠤ ᠪᠤᠢ》᠃
2014 ᠣᠨᠠᠴᠠ 2020 ᠣᠨ ᠪᠣᠯᠲᠠᠯᠠ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩ ᠥᠪᠥᠷ ᠮᠣᠩᠭᠤᠯᠳᠤ ᠤᠷᠢᠳ ᠬᠤᠵᠢᠳ ᠬᠤᠶᠠᠷ ᠤᠳᠠᠭᠠ ᠱᠢᠨᠵᠢᠯᠡᠨ ᠪᠠᠢᠴᠠᠭᠠᠵᠤ᠂ ᠭᠤᠷᠪᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠦᠬᠦ᠌ ᠤᠯᠤᠰᠤᠨ ᠠᠷᠠᠳᠤᠨ ᠲᠥᠯᠥᠭᠡᠯᠡᠭ᠌ᠴᠢᠳᠤᠨ ᠶᠡᠭᠡ ᠬᠤᠷᠠᠯᠤᠨ ᠥᠪᠥᠷ ᠮᠣᠩᠭᠤᠯᠤᠨ ᠲᠥᠯᠥᠭᠡᠯᠡᠭ᠌ᠴᠢᠳᠤᠨ ᠪᠦᠯᠬᠦᠮᠤᠨ ᠬᠢᠨᠠᠨ ᠵᠥᠪᠯᠡᠬᠦ᠌ᠳᠤ ᠣᠷᠣᠯᠴᠠᠵᠤ᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩ ᠬᠦᠳᠡᠭᠡ ᠳᠤᠰᠭᠤᠨ ᠮᠠᠯᠵᠢᠬᠤ ᠣᠷᠣᠨᠤ ᠬᠥᠭ᠌ᠵᠢᠯᠲᠡᠶ᠋ᠢ ᠤᠳᠠᠭᠠ ᠪᠤᠯᠭᠠᠨ ᠳᠤᠷᠠᠳᠤᠨ᠂ ᠬᠠᠯᠠᠭᠤᠨ ᠬᠦᠢᠳᠡᠨᠢ ᠪᠤᠯᠭᠤᠭᠠᠨ᠂ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢᠳᠤ ᠰᠠᠨᠠᠭᠠ ᠪᠤᠯᠵᠦ᠍᠂ ᠬᠦᠰᠡᠯ ᠨᠠᠢᠳᠠᠯᠭᠠᠪᠠᠨ ᠳᠠᠬᠢᠨ ᠳᠠᠬᠢᠨ ᠶᠠᠷᠢᠵᠦ᠍ ᠪᠢᠯᠡ᠃
ᠡᠷᠡᠯᠬᠡᠭ ᠪᠦᠷᠭᠦᠳ ᠰᠠᠯᠬᠢᠨᠤ ᠡᠷᠴᠢᠪᠠᠷ ᠬᠦᠬᠡ ᠣᠭ᠍ᠲᠠᠷᠭᠤᠶᠳᠤ ᠳᠡᠬᠦᠯᠢᠨᠡᠮ； ᠬᠦᠯᠭᠡ ᠣᠩᠭᠤᠴᠠ ᠬᠡᠷᠡᠯᠳᠦ ᠴᠠᠮᠬᠠᠭᠢ ᠵᠦᠭ᠌ᠯᠡᠨ ᠠᠨᠠᠪᠠᠳ ᠳᠠᠯᠠᠢᠪᠠᠷ ᠠᠶᠠᠯᠠᠨᠠᠮ᠃
《ᠤᠯᠤᠰᠤᠨ ᠴᠢᠬᠤᠯᠠ ᠡᠨᠧᠷᠭᠢᠶ᠋ᠢᠨ ᠰᠤᠷᠪᠤᠯᠵᠢ ᠪᠣᠯᠤᠨ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶ᠋ᠢᠨ ᠡᠬᠢ ᠪᠠᠶᠠᠯᠢᠭᠤᠨ ᠰᠠᠭᠤᠷᠢᠨ᠂ ᠮᠠᠯᠤᠨ ᠠᠱᠢᠭ ᠱᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠰᠠᠭᠤᠷᠢᠨᠢ ᠪᠦᠲᠦᠭᠡᠨ ᠪᠠᠢᠭᠤᠯᠬᠤ ᠠᠵᠢᠯᠢ ᠴᠢᠩᠭᠠ ᠠᠳᠭᠤᠵᠤ᠂ ᠠᠵᠤ ᠦᠢᠯᠡᠰᠤᠨ ᠪᠦᠲᠦᠴᠡᠶ᠋ᠢᠨ ᠲᠣᠬᠢᠷᠠᠭᠤᠯᠤᠯᠲᠠᠶ᠋ᠢᠨ ᠠᠯᠬᠤᠴᠠᠶ᠋ᠢ ᠲᠦᠷᠭᠡᠳᠭᠡᠨ᠂ ᠠᠵᠤ ᠦᠢᠯᠡᠰᠤᠨ ᠬᠡᠯᠬᠢᠶᠡᠶ᠋ᠢᠨ ᠬᠠᠩᠭᠠᠯᠭᠠᠶ᠋ᠢᠨ ᠬᠡᠯᠬᠢᠶᠡᠶ᠋ᠢ ᠱᠢᠯᠢᠳᠡᠭ᠌ᠵᠢᠭᠦᠯᠦᠨ ᠳᠡᠰ ᠳᠡᠪᠱᠢᠭᠦᠯᠬᠦ᠌ᠶ᠋ᠢ ᠶᠡᠭᠡᠪᠠᠷ ᠠᠬᠢᠭᠤᠯᠵᠤ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠤᠨ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ ᠬᠥᠳᠡᠯᠭᠡᠬᠦ᠌ ᠬᠦᠴᠦᠨᠤ ᠬᠥᠳᠡᠯᠭᠡᠭᠦᠷᠤᠨ ᠦᠢᠯᠡᠳᠦᠯᠢ ᠭᠦᠢᠴᠡᠳ ᠪᠠᠳᠠᠷᠠᠭᠤᠯᠵᠤ᠂ ᠠᠵᠤ ᠦᠢᠯᠡᠰᠤᠨ ᠪᠠᠢᠷᠢᠱᠢᠯ ᠪᠣᠯᠤᠨ ᠣᠷᠣᠨ ᠵᠠᠶᠶ᠋ᠢᠨ ᠪᠠᠢᠷᠢᠱᠢᠯᠢ ᠨᠢᠭᠡᠳᠦᠯᠲᠡᠶ ᠲᠥᠯᠥᠪᠵᠢᠭᠦᠯᠵᠤ᠂ ᠣᠳᠣ ᠦᠶᠡᠶ᠋ᠢᠨ ᠠᠵᠤ ᠦᠢᠯᠡᠰᠤᠨ ᠱᠢᠨᠡ ᠱᠢᠰᠲ᠋ᠧᠮᠢ ᠬᠦᠴᠦᠯᠡᠨ ᠪᠦᠷᠢᠯᠳᠦᠭᠦᠯᠦᠨᠡ》 ᠭᠡᠵᠦ᠍ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠨᠠᠮᠤᠨ ᠬᠤᠷᠢᠶᠠᠶ᠋ᠢᠨ ᠱᠦᠵᠢ᠂ ᠠᠷᠠᠳᠤᠨ ᠲᠥᠯᠥᠭᠡᠯᠡᠭ᠌ᠴᠢᠳᠤᠨ ᠶᠡᠭᠡ ᠬᠤᠷᠠᠯᠤᠨ ᠪᠠᠢᠩᠭᠤᠶ᠋ᠢᠨ ᠬᠤᠷᠢᠶᠠᠶ᠋ᠢᠨ ᠡᠷᠬᠢᠯᠡᠭ᠌ᠴᠢ ᠱ᠌ᠢᠲᠠᠢ ᠹᠧᠩ ᠴᠢᠩᠭᠠ ᠢᠳᠡᠯᠢᠭ ᠶᠠᠷᠢᠬ᠍ᠰᠠᠨ ᠪᠠᠢᠯᠠ᠃
《ᠥᠨᠳᠥᠷ ᠪᠠᠷᠢᠮᠵᠢᠶᠠᠲᠤ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠡᠭᠦᠷᠭᠡᠶ᠋ᠢ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢᠪᠠᠷ ᠪᠠᠢᠷᠢᠱᠢᠭᠤᠯᠵᠤ᠂ ᠣᠳᠣᠶ᠋ᠢᠨ ᠪᠠᠢᠭᠠ ᠤᠰᠤᠯᠠᠯᠲᠠᠶ᠋ᠢᠨ ᠭᠠᠵᠠᠷᠲᠤ ᠤᠰᠤ ᠪᠣᠷᠳᠣᠭᠤᠷᠢ ᠨᠢᠭᠡ ᠴᠤᠭ᠍ᠴᠠᠵᠢᠭᠤᠯᠤᠨ ᠥᠭᠡᠷᠡᠴᠢᠯᠡᠬᠦ᠌ ᠠᠵᠢᠯᠢ ᠭᠤᠣᠯᠳᠠᠯᠭᠠᠲᠠᠢᠪᠠᠷ ᠬᠢᠵᠦ᠍᠂ ᠮᠠᠱᠢᠨ ᠴᠠᠬᠢᠯᠭᠠᠨᠤ ᠬᠤᠳᠳᠤᠭᠢ ᠱᠢᠨᠡᠪᠠᠷ ᠮᠠᠯᠲᠠᠵᠤ ᠪᠣᠯᠬᠤ ᠦᠭᠡᠶ᠂ ᠤᠰᠤᠯᠠᠯᠲᠠᠶ᠋ᠢᠨ ᠲᠠᠯᠠᠪᠠᠶᠶ᠋ᠢ ᠱᠢᠨᠡᠪᠠᠷ ᠨᠡᠮᠡᠭ᠌ᠳᠡᠭᠦᠯᠬᠦ᠌ ᠦᠭᠡᠶ᠃ ᠬᠤᠵᠢᠷᠯᠢᠬ ᠭᠠᠵᠠᠷᠢ ᠰᠠᠢᠵᠢᠷᠠᠭᠤᠯᠬᠤ ᠪᠠ ᠥᠨᠳᠥᠷ ᠪᠠᠷᠢᠮᠵᠢᠶᠠᠲᠤ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠠᠵᠢᠯᠢ ᠨᠢᠭᠡ ᠴᠤᠭ᠍ᠴᠠᠵᠢᠭᠤᠯᠤᠨ ᠲᠥᠯᠥᠪᠵᠢᠭᠦᠯᠵᠦ᠍᠂ ᠨᠢᠭᠡ ᠴᠤᠭ᠍ᠴᠠᠵᠢᠭᠤᠯᠤᠨ ᠠᠬᠢᠭᠤᠯᠬᠤ ᠬᠡᠷᠡᠭ᠌ᠲᠡᠶ》 ᠭᠡᠵᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠨᠠᠮᠤᠨ ᠬᠤᠷᠢᠶᠠᠶ᠋ᠢᠨ ᠳᠡᠳ᠋ ᠱᠦᠵᠢ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠷᠢᠭᠦᠯᠡᠭ᠌ᠴᠢ ᠪᠦ᠋ ᠱᠢᠶᠤᠤ ᠯᠢᠨ ᠳᠠᠬᠢᠨ ᠳᠠᠪᠲᠠᠨ ᠴᠢᠬᠤᠯᠠᠴᠢᠯᠠᠵᠤ ᠪᠠᠢᠭ᠍ᠰᠠᠨ ᠶᠤᠮ᠃
ᠶᠡᠭᠡ ᠲᠠᠯᠠ ᠶᠡᠭᠡ ᠬᠠᠨᠳᠤᠰᠢᠶ᠋ᠢ ᠪᠣᠳᠣᠯᠬᠢᠯᠠᠨ᠂ ᠪᠦᠬᠦ᠌ ᠲᠠᠯᠠᠪᠠᠷ ᠪᠠᠷᠢᠮᠵᠢ᠊ ᠡᠶᠡ ᠪᠤᠯᠤᠨ ᠬᠦᠰᠦᠨᠦᠭ᠌ᠲᠦᠯᠦᠭᠡ ᠬᠠᠷᠭᠤᠭᠤᠯᠵᠤ᠂ ᠥᠨᠳᠥᠷᠲᠤ ᠵᠣᠭ᠍ᠰᠣᠨ ᠣᠷᠣᠨ ᠪᠠᠢᠷᠢᠪᠠᠨ ᠲᠣᠭ᠍ᠲᠠᠭᠠᠵᠤ᠂ ᠨᠢᠭᠡᠳᠦᠯᠲᠡᠢ ᠲᠥᠯᠥᠪᠵᠢᠭᠦᠯᠦᠨ ᠪᠠᠢᠷᠢᠯᠠᠭᠤᠯᠵᠤ᠂ ᠠᠷᠭᠠ ᠪᠤᠳᠤᠯᠭᠠ ᠲᠣᠭ᠍ᠲᠠᠭᠠᠨ ᠠᠷᠭᠠ ᠪᠤᠳᠤᠯᠭᠠ ᠬᠡᠷᠡᠭ᠌ᠵᠢᠭᠦᠯᠬᠦ᠌ᠶ᠋ᠢ ᠣᠨᠣᠴᠠᠲᠠᠢ ᠣᠨᠣᠭᠠᠵᠤ᠂ ᠬᠦᠴᠢᠷᠢ ᠱᠢᠢᠳᠪᠦᠷᠢᠯᠡᠨ ᠪᠠᠭᠠᠪᠠᠷ ᠶᠡᠭᠡᠶ᠋ᠢ ᠢᠯᠡᠪᠠ᠃
ᠠᠮᠤ ᠪᠤᠳᠠᠭᠠ ᠠᠮᠤᠷ ᠲᠦᠪᠱᠢᠨ ᠡᠰᠡᠭᠦ᠌？ ᠪᠤᠳᠠᠭᠠᠨ ᠠᠶᠠᠭᠠ ᠪᠠᠬᠢ ᠡᠰᠡᠭᠦ᠌？ ᠲᠠᠷᠢᠶᠠᠨ ᠭᠠᠵᠠᠷ ᠬᠢᠭᠡᠳ ᠳᠠᠷᠢᠶᠠᠨ ᠦᠷᠡ ᠪᠤᠯ ᠲᠡᠷᠭᠡᠨᠤ ᠬᠤᠶᠠᠷ ᠬᠦᠷᠳᠦ᠂ ᠱᠢᠪᠠᠭᠤᠨᠤ ᠬᠤᠶᠠᠷ ᠳᠠᠯᠠᠪᠴᠢ ᠮᠡᠳᠤ᠂ ᠵᠠᠩᠭᠢᠯᠠᠭᠠ ᠮᠦᠷᠳᠡᠭᠡᠨ ᠠᠮᠢᠨ ᠭᠠᠵᠠᠷ ᠪᠤᠯᠤᠨᠠ᠃
ᠲᠠᠷᠢᠶᠠᠨ ᠭᠠᠵᠠᠷᠤᠨ ᠲᠤᠭᠠ ᠬᠡᠮᠵᠢᠶᠡᠶ᠋ᠢ ᠦᠨᠡᠨ ᠬᠦ᠌ ᠪᠠᠲᠤᠯᠠᠵᠤ᠂ 《ᠲᠠᠷᠢᠶᠠᠯᠠᠩᠤᠨ ᠪᠤᠰᠤ ᠪᠣᠯᠭᠠᠬᠤ》 ᠶ᠋ᠢ ᠴᠠᠭᠠᠵᠠᠯᠠᠵᠤ᠂ 《ᠠᠮᠤ ᠪᠤᠳᠠᠭᠠᠨᠤ ᠪᠤᠰᠤ ᠪᠣᠯᠭᠠᠬᠤ》 ᠶ᠋ᠢ ᠰᠡᠷᠭᠡᠢᠯᠡᠬᠦ᠌ ᠬᠡᠷᠡᠭ᠌ᠲᠡᠶ； ᠲᠠᠷᠢᠶᠠᠨ ᠭᠠᠵᠠᠷᠤᠨ ᠶᠠᠰᠤ ᠴᠢᠨᠠᠷᠢ ᠳᠡᠭᠡᠭ᠌ᠰᠢᠯᠡᠭᠦᠯᠵᠦ᠍᠂ ᠥᠨᠳᠥᠷ ᠪᠠᠷᠢᠮᠵᠢᠶᠠᠲᠤ ᠲᠠᠷᠢᠶᠠᠨ ᠭᠠᠵᠠᠷᠢ ᠱᠢᠨᠡᠪᠠᠷ ᠪᠠᠢᠭᠤᠯᠵᠤ᠂ ᠬᠤᠵᠢᠷᠱᠢᠭ᠍ᠰᠠᠨ ᠲᠠᠷᠢᠶᠠᠨ ᠭᠠᠵᠠᠷᠢ ᠰᠠᠢᠵᠢᠷᠠᠭᠤᠯᠬᠤ ᠪᠠ ᠬᠠᠷᠠ ᠬᠥᠷᠥᠰᠥᠶ᠋ᠢ ᠬᠠᠮᠠᠭᠠᠯᠠᠬᠤ ᠴᠢᠨᠠᠷᠲᠠᠶ ᠲᠠᠷᠢᠶᠠᠯᠠᠬᠤᠶ᠋ᠢ ᠠᠬᠢᠭᠤᠯᠤᠨᠠ᠃ ᠠᠮᠤ ᠪᠤᠳᠠᠭᠠᠶ᠋ᠢ ᠳᠠᠷᠢᠶᠠᠨ ᠭᠠᠵᠠᠷᠲᠤ ᠬᠠᠳᠠᠭᠠᠯᠠᠨ᠂ ᠠᠮᠤ ᠪᠤᠳᠠᠭᠠᠶ᠋ᠢ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠢᠶᠠᠷ ᠬᠠᠳᠠᠭᠠᠯᠠᠵᠤ᠂ ᠠᠮᠤ ᠪᠤᠳᠠᠭᠠᠨᠤ ᠦᠢᠯᠡᠳᠪᠦᠷᠢᠯᠡᠯᠤᠨ 《ᠠᠮᠢᠨ ᠰᠤᠳᠠᠰᠤ》 ᠶ᠋ᠢ ᠪᠠᠲᠤᠳᠭᠠᠨᠠ᠃ 《13 · 5》 ᠶ᠋ᠢᠨ ᠲᠥᠯᠥᠪᠵᠢᠭᠦᠯᠭᠡᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ 4125 ᠲᠦᠮᠡᠨ ᠮᠥ᠍ ᠥᠨᠳᠥᠷ ᠪᠠᠷᠢᠮᠵᠢᠶᠠᠲᠤ ᠲᠠᠷᠢᠶᠠᠨ ᠭᠠᠵᠠᠷᠢ ᠪᠦᠳᠦᠭᠡᠨ ᠪᠠᠢᠭᠤᠯᠵᠤ᠂ 157.2 ᠲᠦᠮᠡᠨ ᠮᠥ᠍ ᠬᠤᠵᠢᠷᠱᠢᠭ᠍ᠰᠠᠨ ᠲᠠᠷᠢᠶᠠᠨ ᠭᠠᠵᠠᠷᠢ ᠰᠠᠢᠵᠢᠷᠠᠭᠤᠯᠪᠡ᠃
ᠦᠷᠡᠶ᠋ᠢᠨ ᠦᠢᠯᠡᠰᠤᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠠᠵᠢᠯᠯᠠᠭᠠ ᠪᠠ ᠤᠳᠤ ᠦᠶᠡᠶ᠋ᠢᠨ ᠦᠷᠡᠶ᠋ᠢᠨ ᠦᠢᠯᠡᠰᠢ ᠳᠡᠰ ᠳᠡᠪᠱᠢᠭᠦᠯᠬᠦ᠌ ᠢᠨᠵᠧᠨᠧᠷᠢᠩᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠦᠷᠡᠶ᠋ᠢᠨ ᠡᠬᠢ ᠪᠠᠶᠠᠯᠢᠭᠢ ᠬᠠᠮᠠᠭᠠᠯᠠᠨ ᠠᠱᠢᠬ᠍ᠯᠠᠬᠤᠶ᠋ᠢ ᠴᠢᠩᠭᠠᠳᠭᠠᠵᠤ᠂ ᠲᠠᠷᠢᠮᠠᠯ᠂ ᠤᠢ ᠮᠤᠳᠤ ᠡᠪᠡᠰᠦ ᠪᠠ ᠮᠠᠯ ᠵᠢᠭᠦᠷᠲᠡᠨᠤ ᠦᠷᠡᠶ᠋ᠢᠨ ᠡᠬᠢ ᠪᠠᠶᠠᠯᠢᠭᠤᠨ ᠬᠥᠮᠥᠷᠭᠡᠶ᠋ᠢ ᠪᠠᠢᠭᠤᠯᠵᠤ᠂ ᠡᠭᠦᠯᠳᠡᠷ ᠪᠤᠢᠵᠢᠭᠤᠯᠤᠯᠳᠠᠶ᠋ᠢᠨ ᠱᠢᠨᠡᠶ᠋ᠢ ᠡᠭᠦᠳᠬᠦ᠂ ᠰᠠᠢᠨ ᠡᠭᠦᠯᠳᠡᠷᠢ ᠦᠷᠡᠵᠢᠭᠦᠯᠦᠨ ᠪᠤᠢᠵᠢᠭᠤᠯᠬᠤ ᠴᠢᠳᠠᠪᠤᠷᠢᠶ᠋ᠢ ᠳᠡᠭᠡᠭ᠌ᠰᠢᠯᠡᠭᠦᠯᠵᠦ᠍᠂ ᠪᠤᠢᠵᠢᠭᠤᠯᠤᠨ ᠦᠷᠡᠵᠢᠭᠦᠯᠵᠦ᠍ ᠳᠡᠯᠭᠡᠷᠡᠭᠦᠯᠬᠦ᠌ᠶ᠋ᠢ ᠨᠢᠭᠡ ᠴᠤᠭ᠍ᠴᠠᠵᠢᠭᠤᠯᠤᠨ ᠠᠬᠢᠭᠤᠯᠤᠭ᠍ᠰᠠᠨ ᠪᠠᠢᠨᠠ᠃
ᠦᠷᠡ ᠪᠣᠯ ᠮᠠᠯ ᠠᠵᠤ ᠠᠬᠤᠶ ᠲᠠᠷᠢᠶᠠᠯᠠᠩᠤᠨ 《ᠴᠠᠬᠢᠮ ᠢᠯᠳᠠᠰᠤ》 ᠪᠣᠯᠬᠤᠷ ᠰᠠᠢᠳᠤᠷ ᠴᠢᠩᠭᠠ ᠠᠳᠭᠤᠬᠤ ᠬᠡᠷᠡᠭ᠌ᠲᠡᠶ᠃ ᠥᠪᠥᠷ ᠮᠣᠩᠭᠤᠯᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠠᠯᠠ ᠨᠤᠲᠤᠭᠤᠨ ᠬᠡᠷᠤᠨ ᠲᠡᠵᠢᠭᠡᠪᠦᠷᠢᠶ᠋ᠢᠨ ᠡᠭᠦᠯᠳᠡᠷᠤᠨ ᠱᠢᠨᠡᠶ᠋ᠢ ᠡᠭᠦᠳᠴᠦ᠍ ᠦᠷᠡᠵᠢᠭᠦᠯᠦᠨ ᠪᠤᠢᠵᠢᠭᠤᠯᠬᠤ ᠰᠠᠭᠤᠷᠢᠨ ᠪᠠ ᠤᠯᠤᠰᠤᠨ ᠲᠠᠰᠤᠨ ᠲᠥᠮᠥᠰᠥᠨᠤ ᠰᠠᠢᠨ ᠡᠭᠦᠯᠳᠡᠷᠢ ᠦᠷᠡᠵᠢᠭᠦᠯᠦᠨ ᠪᠤᠢᠵᠢᠭᠤᠯᠬᠤ 3 ᠰᠠᠭᠤᠷᠢᠨᠢ ᠪᠥᠲᠥᠭᠡᠨ ᠪᠠᠢᠭᠤᠯᠵᠤ᠂ ᠭᠤᠤᠯᠳᠠᠯᠭᠠᠲᠠᠢ ᠬᠦᠷᠢᠶᠡ ᠴᠠᠷᠠᠭᠠᠶ᠋ᠢᠨ ᠲᠣᠭᠤᠷᠢᠨᠳᠤ ᠲᠥᠪᠯᠡᠷᠡᠭᠦᠯᠦᠨ ᠪᠣᠭᠤᠮᠲᠠ ᠱᠢᠪᠲᠤᠯᠤᠨ᠂ ᠪᠠᠢᠨ ᠳᠠᠬᠢᠨ ᠪᠠᠢᠷᠢᠯᠠᠭᠤᠯᠵᠤ᠂ ᠵᠠᠯᠭᠠᠭᠠᠪᠠᠷ ᠨᠠᠢᠳᠠᠪᠤᠷᠢᠵᠢᠭᠤᠯᠤᠨ᠂ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠳᠡᠮᠵᠢᠯᠭᠡ᠂ ᠪᠠᠯᠠ ᠮᠥᠩᠭᠦᠶ᠋ᠢᠨ ᠪᠠᠲᠤᠯᠠᠭᠠ ᠤᠷᠢᠳ ᠡᠮᠦᠨᠡ ᠪᠠᠢᠭᠠ ᠥᠬᠡᠶ ᠶᠤᠮ᠃
ᠰᠦ ᠰᠠᠭᠠᠯᠢᠶ᠋ᠢᠨ ᠦᠢᠯᠡᠰᠢ ᠬᠥᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠭᠤᠷᠪᠠᠨ ᠵᠢᠯᠤᠨ ᠠᠵᠢᠯᠯᠠᠭᠠᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠬᠠᠲᠤᠨ ᠭᠤᠤᠯᠤᠨ ᠰᠠᠪᠠ ᠭᠠᠵᠠᠷ᠂ ᠨᠤᠨ ᠮᠥᠷᠡᠨᠤ ᠰᠠᠪᠠ ᠭᠠᠵᠠᠷ᠂ ᠪᠠᠷᠠᠭᠤᠨ ᠯᠢᠶᠣᠤ ᠾᠧ ᠭᠤᠤᠯᠤᠨ ᠰᠠᠪᠠ ᠭᠠᠵᠠᠷ ᠪᠣᠯᠤᠨ ᠬᠥᠯᠥᠨ ᠪᠤᠢᠷ᠂ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠲᠠᠯᠠ ᠨᠤᠲᠤᠭᠤᠨ ᠲᠠᠪᠤᠨ ᠶᠡᠭᠡ ᠰᠦ ᠰᠠᠭᠠᠯᠢᠶ᠋ᠢᠨ ᠢᠷᠡᠯᠲᠡᠶ᠋ᠢᠨ ᠰᠠᠭᠤᠷᠢᠨ ᠭᠠᠵᠠᠷᠢ ᠲᠥᠯᠥᠪᠵᠢᠭᠦᠯᠦᠨ ᠪᠥᠲᠥᠭᠡᠨ ᠪᠠᠢᠭᠤᠯᠤᠨ᠂ ᠳᠠᠷᠢᠵᠤ ᠲᠡᠵᠢᠭᠡᠬᠦ᠌ ᠡᠳ᠋ᠱᠢᠭᠦᠯᠬᠦ᠌ᠶ᠋ᠢ ᠨᠢᠭᠡ ᠴᠣᠭ᠍ᠴᠠᠵᠢᠭᠤᠯᠬᠤᠪᠠᠷ ᠪᠤᠢ᠃ ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠢᠳᠡᠭᠡᠨᠤ ᠣᠷᠣᠨ ᠨᠤᠲᠤᠭᠤᠨ ᠪᠠᠷᠢᠮᠵᠢᠶᠠᠶ᠋ᠢ ᠲᠣᠭ᠍ᠲᠠᠭᠠᠵᠤ᠂ ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠢᠳᠡᠭᠡᠨᠨᠢ ᠪᠥᠬᠦ᠌ ᠣᠷᠣᠨᠤ ᠴᠠᠭᠠᠨ ᠢᠳᠡᠭᠡᠨᠤ ᠭᠠᠷᠤᠯᠲᠠᠶ᠋ᠢᠨ 10 % ᠱᠢᠬᠠᠮᠢ ᠡᠵᠡᠯᠡᠪᠡ᠃
ᠬᠤᠪᠢᠷᠠᠯᠲᠠᠶ᠋ᠢ ᠠᠷᠭᠠᠴᠠᠭᠠᠨ᠂ ᠱᠢᠨᠡ ᠪᠠᠢᠳᠠᠯᠢ ᠨᠡᠭᠡᠭᠡᠵᠦ᠍᠂ 《ᠦᠨᠳᠦᠰᠦᠨ ᠪᠠᠢᠳᠠᠯ》 ᠢ ᠲᠣᠭ᠍ᠲᠠᠪᠤᠷᠢᠵᠢᠭᠤᠯᠤᠨ᠂ 《ᠣᠩᠭᠤᠴᠠ ᠳᠠᠷᠤᠬᠤ ᠴᠢᠯᠠᠭᠤ》 ᠶ᠋ᠢ ᠰᠠᠢᠲᠤᠷ ᠰᠠᠬᠢᠬᠤ ᠬᠡᠷᠡᠭ᠌ᠲᠡᠢ᠃ ᠬᠠᠮᠤᠭᠤᠨ ᠪᠣᠳᠠᠲᠠᠶ ᠠᠷᠭᠠ ᠬᠡᠮᠵᠢᠶᠡᠶ᠋ᠢ ᠠᠪᠴᠤ᠌᠂ ᠲᠠᠷᠢᠶᠠᠨ ᠭᠠᠵᠠᠷ ᠪᠣᠯᠤᠨ ᠨᠤᠲᠤᠭ ᠪᠡᠯᠴᠢᠭᠡᠷᠤᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠬᠠᠮᠤᠭᠤᠨ ᠴᠢᠩᠭᠠ ᠳᠦᠷᠢᠮᠢ ᠨᠠᠢᠳᠠᠪᠤᠷᠢᠵᠢᠭᠤᠯᠬᠤ ᠬᠡᠷᠡᠭ᠌ᠲᠡᠶ᠃ ᠵᠠᠮ ᠲᠣᠪ ᠲᠣᠳᠣᠷᠬᠠᠶ᠂ ᠠᠵᠢᠯᠯᠠᠭᠠ ᠡᠷᠡᠰ ᠪᠠᠲᠤ ᠬᠦᠴᠦᠨ ᠲᠡᠭᠦᠯᠳᠡᠷ ᠪᠠᠢᠬᠤ ᠬᠡᠷᠡᠭ᠌ᠳᠡᠢ᠃
《ᠲᠦᠮᠡᠨ ᠬᠡᠷᠡᠭ ᠳᠦᠷᠭᠡᠨ ᠦᠩᠬᠡᠷᠡᠯᠠ； ᠲᠩᠷᠢ ᠭᠠᠵᠠᠷ ᠤᠷᠴᠢᠵᠤ᠂ ᠴᠠᠭ ᠮᠥᠴᠡ ᠤᠷᠤᠰᠤᠨ ᠤᠳᠤᠯᠠ᠃ ᠲᠦᠮᠡᠨ ᠵᠢᠯ ᠬᠡᠳᠦᠷᠬᠡᠢ ᠤᠳᠠᠭᠠᠨ᠂ ᠵᠦᠪᠬᠡᠨ ᠥᠷᠯᠥᠭᠡ ᠦᠳᠡᠰᠢᠶ᠋ᠢ ᠯᠠ ᠲᠡᠮᠡᠴᠡᠰᠦᠬᠡᠢ》 ᠥᠷᠭᠡᠨ ᠤᠯᠠᠨ ᠺᠠᠳ᠋ᠷ ᠤᠯᠠᠨ ᠲᠦᠮᠡᠨ ᠦᠵᠡᠯ ᠰᠠᠨᠠᠭᠠ ᠪᠠ ᠦᠢᠯᠡ ᠠᠵᠢᠯᠯᠠᠭᠠᠪᠠᠨ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩᠤᠨ ᠥᠪᠥᠷ ᠮᠣᠩᠭᠤᠯᠤᠨ ᠲᠤᠬᠠᠢ ᠴᠢᠬᠤᠯᠠ ᠶᠠᠷᠢᠶᠠ ᠴᠢᠬᠤᠯᠠ ᠵᠢᠭᠠᠪᠤᠷᠢᠶ᠋ᠢᠨ ᠵᠣᠷᠢᠭ ᠰᠠᠨᠠᠭᠠᠲᠠᠢ ᠨᠢᠭᠡᠳᠭᠡᠵᠦ᠍᠂ ᠬᠦᠴᠢᠷᠢ ᠲᠤᠭᠤᠯᠤᠨ ᠪᠡᠷᠬᠡᠶ᠋ᠢ ᠳᠠᠪᠠᠵᠤ᠂ ᠪᠦᠯᠬᠦᠮᠳᠡᠨ ᠲᠡᠮᠡᠴᠡᠵᠦ᠍᠂ ᠬᠥᠭ᠌ᠵᠢᠯᠲᠡᠶ᠋ᠢᠨ ᠬᠠᠮᠤᠭᠤᠨ ᠶᠡᠭᠡ ᠶᠡᠷᠦᠩᠬᠡᠢ ᠬᠤᠷᠢᠶᠠᠭ᠍ᠴᠢ ᠲᠤᠭᠠᠶ᠋ᠢ ᠨᠢᠭ᠍ᠲᠠᠷᠠᠭᠤᠯᠬᠤ ᠬᠡᠷᠡᠭ᠌ᠳᠡᠢ᠃
ᠡᠶᠡᠪᠡᠷᠭᠦᠦ ᠰᠠᠯᠬᠢ ᠰᠦᠨᠢᠵᠢᠨ ᠦᠯᠢᠶᠡᠵᠦ᠍᠂ ᠮᠢᠩᠭᠠ ᠲᠦᠮᠡᠨ ᠱᠢᠨᠡ ᠴᠡᠴᠡᠭᠡᠰ ᠦᠷᠢᠰᠦᠯᠳᠦᠨ ᠲᠡᠯᠭᠡᠷᠡᠨᠡ᠃ ᠤᠯᠤᠰᠤᠨ ᠴᠢᠬᠤᠯᠠ ᠮᠠᠯᠤᠨ ᠠᠱᠢᠭ ᠱᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠰᠠᠭᠤᠷᠢᠨᠢ ᠪᠥᠲᠥᠭᠡᠨ ᠪᠠᠢᠭᠤᠯᠵᠤ᠂ ᠶᠡᠭᠡ ᠬᠥᠱᠢᠭᠡ ᠠᠯᠭᠤᠷᠢᠶᠠᠷ ᠨᠡᠭᠡᠭᠡᠭ᠌ᠳᠡᠪᠡ᠃
ᠭᠤᠢᠳᠠ ᠦᠵᠡᠭ᠌ᠳᠡᠯ ᠢᠯᠡᠷᠡᠯᠡ — ᠳᠣᠷᠣᠨᠠᠶ᠋ᠢᠨ ᠰᠠᠯᠬᠢ ᠤᠷᠢᠬᠠᠨ ᠬᠠᠪᠤᠷᠲᠤ ᠬᠤᠷᠠ ᠨᠡᠮᠡᠷᠢᠯᠡᠵᠦ᠍᠂ ᠬᠥᠯᠥᠰᠥᠨ ᠳᠤᠰᠤᠯᠲᠠᠢ ᠳᠠᠷᠢᠶᠠᠨ ᠳᠠᠯᠠᠩᠠᠴᠠ ᠠᠯᠳᠠ ᠤᠷᠭᠤᠮᠤᠢ᠃ 《ᠶᠡᠬᠡᠰᠭᠡᠬᠦ᠌》 ᠪᠠ 《ᠪᠢᠯᠬᠠᠬᠤ》 ᠶ᠋ᠢᠨ ᠦᠷᠠ ᠳ᠋ᠥᠩ ᠢᠯᠡᠷᠡᠬᠦᠶᠠ᠂ ᠥᠪᠥᠷ ᠮᠣᠩᠭᠤᠯᠢᠶᠠᠨ ᠬᠠᠢᠷᠠᠯᠠᠬᠤ ᠦᠬᠡᠢ ᠪᠠᠢᠬᠤᠶ᠋ᠢᠨ ᠠᠷᠭᠠ ᠦᠬᠡᠢ
ᠤᠯᠠᠭᠠᠨ ᠠᠷᠢᠬᠢ ᠪᠢᠱᠢᠯᠠᠭᠲᠠᠢ ᠲᠤᠬᠢᠷᠠᠨᠠ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠷᠢᠭᠦᠯᠡᠭ᠌ᠴᠢ ᠪᠦ᠋ ᠱᠢᠶᠤᠤ ᠯᠢᠨ ᠪᠡᠭᠡᠵᠢᠩᠳᠤ ᠶᠠᠪᠤᠭ᠍ᠳᠠᠭ᠍ᠰᠠᠨ ᠰᠦᠶ᠋ᠢᠨ ᠦᠢᠯᠡᠰᠢ ᠬᠥᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠰᠣᠨᠢᠨ ᠮᠡᠳᠡᠭᠡ ᠨᠡᠢᠲᠡᠯᠡᠬᠦ᠌ ᠬᠤᠷᠠᠯ ᠳᠡᠭᠡᠷᠡ ᠦᠪᠡᠷᠤᠨ ᠪᠡᠶᠡᠪᠠᠷᠢᠶᠠᠨ ᠱᠢᠨᠡ ᠰᠡᠪᠡᠭᠦᠨ ᠢᠳᠡᠬᠦ᠌ ᠠᠷᠭᠠᠶ᠋ᠢ ᠲᠠᠨᠢᠯᠴᠠᠭᠤᠯᠪᠠ᠃ ᠠᠭ᠍ᠱᠠᠨ ᠵᠠᠭᠤᠷᠠ᠂ ᠥᠪᠥᠷ ᠮᠣᠩᠭᠤᠯᠤᠨ ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠢᠳᠡᠭᠡᠨ ᠬᠠᠯᠠᠮᠱᠢᠯ ᠬᠠᠢᠯᠲᠠᠳᠤ ᠣᠷᠣᠪᠠ᠃
ᠨᠢᠳᠤᠨᠤᠨ᠂ ᠮᠠᠨᠤ ᠣᠷᠣᠨᠤ ᠰᠠᠭᠠᠯᠢᠶ᠋ᠢᠨ ᠦᠨᠢᠶᠡ 129 . 3 ᠲᠦᠮᠡᠨ ᠲᠣᠯᠣᠭᠠᠶ᠂ ᠦᠨᠢᠶᠡᠨ ᠰᠦᠶ᠋ᠢᠨ ᠭᠠᠷᠤᠯᠲᠠ 611 . 5 ᠲᠦᠮᠡᠨ ᠲᠣᠨᠳᠤ ᠬᠦᠷᠴᠦ᠍᠂ ᠲᠣᠰ ᠲᠣᠰ 5 . 6 % ᠪᠠ 5 . 9 % ᠪᠠᠷ ᠨᠡᠮᠡᠭ᠌ᠳᠡᠨ᠂ ᠦᠨᠢᠶᠡᠨ ᠰᠦᠶ᠋ᠢ ᠡᠳ᠋ᠱᠢᠭᠦᠯᠦᠨ ᠬᠤᠪᠢᠷᠠᠭᠤᠯᠬᠤ ᠴᠢᠳᠠᠪᠤᠷᠢ 700 ᠲᠦᠮᠡᠨ ᠲᠣᠨᠠᠴᠠ ᠳᠡᠭᠡᠭ᠌ᠰᠢ ᠪᠣᠯᠵᠣ᠂ ᠦᠨᠢᠶᠡᠨ ᠰᠦᠶ᠋ᠢᠨ ᠭᠠᠷᠤᠯᠲᠠ᠂ ᠡᠳ᠋ᠱᠢᠭᠦᠯᠬᠦ᠌ ᠴᠢᠳᠠᠪᠤᠷᠢ ᠵᠢᠴᠢ ᠴᠠᠭᠠᠨ ᠢᠳᠡᠭᠡᠨᠤ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠡᠵᠡᠯᠡᠬᠦ᠌ ᠨᠣᠷᠮᠠ ᠴᠥᠮ ᠪᠥᠬᠦ᠌ ᠤᠯᠤᠰᠤᠨ ᠲᠡᠷᠢᠭᠦᠨᠳᠤ ᠣᠷᠣᠪᠠ᠃
ᠢᠯᠢ᠂ ᠮᠧᠩ ᠨᠢᠤ ᠵᠡᠷᠭᠡ ᠨᠢᠭᠡ ᠪᠦᠯᠦᠭ ᠳᠡᠯᠡᠬᠡᠢᠶ᠋ᠢᠨ ᠨᠡᠷᠡᠳᠤ ᠰᠦᠶ᠋ᠢᠨ ᠠᠵᠤ ᠠᠬᠤᠢ᠍ᠢᠯᠠᠯ ᠦᠳᠲᠡᠷ ᠲᠦᠷᠭᠡᠨ ᠬᠥᠭ᠌ᠵᠢᠨ ᠮᠠᠨᠳᠤᠵᠤ᠂ ᠳᠤᠮᠳᠠ ᠪᠠᠭᠠ ᠬᠡᠪᠴᠢᠶᠡᠨᠤ ᠤᠨᠴᠠᠯᠢᠬ᠍ᠳᠤ ᠡᠳ᠋ᠱᠢᠭᠦᠯᠦᠯᠲᠡ ᠪᠠ ᠦᠨᠳᠦᠰᠦᠲᠡᠨᠤ ᠴᠠᠭᠠᠨ ᠢᠳᠡᠭᠡᠨ ᠡᠳ᠋ᠱᠢᠭᠦᠯᠬᠦ᠌ ᠠᠵᠤ ᠦᠢᠯᠡᠰ ᠦᠷᠭᠦᠯᠵᠢᠯᠡᠨ ᠪᠤᠵᠠᠭᠠᠢᠷᠠᠵᠤ᠂ ᠰᠦᠶ᠋ᠢᠨ ᠦᠢᠯᠡᠰ ᠭᠡᠬᠦ᠌ ᠡᠨᠡ ᠬᠦ᠌ ᠨᠡᠷᠡᠶ᠋ᠢᠨ ᠬᠠᠭᠤᠳᠠᠰᠤ ᠡᠢᠮᠦ᠍ ᠯᠡ ᠭᠤᠸᠠ ᠦᠵᠡᠰᠭᠦᠯᠡᠩ ᠪᠠᠢᠵᠤ᠂ ᠬᠠᠷᠢᠭᠤᠯᠲᠠᠨᠢ ᠵᠥᠪᠬᠡᠨ ᠠᠮᠳᠠᠯᠠᠬᠤᠶ᠋ᠢᠨ ᠲᠡᠳᠦᠢᠳᠤ ᠪᠢᠰᠢ ᠶᠤᠮ᠃
ᠠᠮᠳᠠᠯᠠᠮᠠᠬ᠍ᠴᠠ ᠳᠤᠭᠤᠴᠢᠬᠠᠯᠠ᠂ ᠢᠩᠬᠢᠬᠡᠳ ᠪᠡᠭᠡᠵᠢᠩᠤᠨ ᠠᠵᠤ ᠠᠬᠤᠢ᠍ᠢᠯᠠᠯᠳᠠᠨ ᠰᠠᠩ ᠶᠤᠸᠠᠢ ᠵᠢᠶᠦ᠋ᠨ ᠪᠣᠷᠣᠲᠣᠬᠤᠢᠶ᠋ᠢᠨ ᠭᠤᠯᠢᠷᠲᠠᠢ ᠬᠤᠪᠢ ᠪᠠᠷᠢᠯᠳᠤᠯᠭᠠᠲᠠᠢ ᠪᠤᠯᠪᠠ᠃ ᠲᠡᠷᠡ ᠵᠤᠤ ᠹᠧᠩ ᠪᠣᠷᠣᠲᠣᠬᠤᠢᠶ᠋ᠢᠨ ᠭᠤᠯᠢᠷᠤᠨ ᠦᠢᠯᠡᠰᠤᠨ ᠬᠢᠵᠠᠭᠠᠷᠳᠤ ᠺᠤᠮᠫᠠᠨᠢᠶ᠋ᠢᠨ ᠪᠡᠭᠡᠵᠢᠩ ᠲᠢᠶᠠᠨᠵᠢᠨ ᠾᠧᠪᠸᠢ ᠣᠷᠣᠨᠳᠠᠬᠢ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠡᠵᠡᠩᠨᠡᠨ ᠪᠣᠷᠣᠯᠠᠭᠤᠯᠬᠤ ᠬᠤᠳᠠᠯᠳᠤᠭᠠᠴᠢᠨ ᠪᠣᠯᠵᠤ᠂ ᠵᠢᠯ ᠪᠦᠷᠢᠶ᠋ᠢᠨ ᠪᠣᠷᠣᠯᠠᠭᠤᠯᠤᠯᠲᠠᠶ᠋ᠢᠨ ᠬᠡᠮᠵᠢᠶᠡᠨᠢ 2000 ᠭᠠᠷᠤᠶ ᠲᠦᠮᠡᠨ ᠲᠥᠭᠦᠷᠢᠭᠲᠤ ᠬᠦᠷᠪᠡ᠃
《ᠮᠥᠰᠥᠨ》 ᠳᠡᠭᠡᠷᠡ ᠲᠠᠷᠢᠵᠤ᠂ 《ᠭᠠᠯ》 ᠳᠤ ᠬᠤᠷᠢᠶᠠᠨᠠ᠃ ᠡᠩᠤᠨ ᠡᠷᠯᠢᠰᠡᠵᠢᠭᠦᠯᠦᠨ ᠡᠭᠦᠯᠳᠡᠷ ᠪᠤᠢᠵᠢᠭᠤᠯᠬᠤ ᠬᠢᠭᠡᠳ ᠮᠣᠯᠧᠺᠦ᠋ᠯᠤᠨ ᠠᠮᠢᠳᠤ ᠪᠣᠳᠠᠰᠤᠨ ᠮᠡᠷᠭᠡᠵᠢᠯᠢ ᠤᠶᠠᠯᠳᠤᠭᠤᠯᠤᠨ᠂ ᠵᠣᠣ ᠹᠧᠩ 5 ᠨᠣᠮᠧᠷᠲᠤ᠌᠂ ᠪᠠ ᠮᠠᠶ 13 ᠨᠣᠮᠧᠷᠲᠤ ᠵᠡᠷᠭᠡ ᠴᠢᠨᠠᠷ ᠰᠠᠢᠲᠠᠶ ᠲᠤᠰᠭᠠᠶ ᠬᠡᠷᠡᠭ᠌ᠯᠡᠭᠡᠨᠤ ᠪᠣᠭᠤᠳᠠᠶᠶ᠋ᠢᠨ ᠡᠭᠦᠯᠳᠡᠷᠢ ᠰᠣᠩᠭᠤᠨ ᠪᠤᠢᠵᠢᠭᠤᠯᠪᠠ； 《ᠣᠲᠣ ᠦ᠊ ᠡᠶᠡᠶ᠋ᠢᠨ ᠴᠢᠯᠠᠭᠤᠨ ᠳᠡᠬᠡᠷᠮᠠᠪᠠᠷ ᠡᠳ᠋ᠱᠢᠬᠦᠯᠦᠭ᠌ᠰᠡᠨ ᠬᠦᠢᠳᠡᠨ ᠨᠤᠨᠲᠠᠭ》 ᠤᠨ ᠲᠤᠰᠭᠠᠶ ᠠᠱᠢᠭᠤᠨ ᠦᠢᠯᠡᠳᠪᠦᠷᠢᠯᠡᠯᠤᠨ ᠱᠤᠭᠤᠮᠢ ᠪᠡᠶᠡᠪᠠᠨ ᠳᠠᠭᠠᠭᠠᠨ ᠰᠤᠳᠤᠯᠤᠨ ᠨᠡᠭᠡᠭᠡᠵᠦ᠍᠂ ᠴᠢᠯᠠᠭᠤᠨ ᠲᠡᠭᠡᠷᠮᠡᠪᠠᠷ ᠡᠳ᠋ᠱᠢᠬᠦᠯᠦᠭ᠌ᠰᠡᠨ ᠪᠦᠳᠦᠬᠡᠭ᠌ᠳᠡᠬᠦᠨᠤ ᠬᠠᠢᠷᠤᠨ ᠠᠭᠤᠯᠤᠭ᠍ᠳᠠᠴᠠᠨᠢ ᠪᠠᠷᠢᠮᠵᠢᠶᠠᠠᠴᠠ ᠬᠡᠲᠦᠷᠡᠭ᠌ᠰᠡᠨ ᠵᠡᠷᠭᠡ ᠠᠰᠠᠭᠤᠳᠠᠯᠢ ᠨᠢᠭᠡ ᠯᠡ ᠳᠡᠭᠡᠷᠡ ᠱᠢᠢᠳᠪᠦᠷᠢᠯᠡᠪᠡ᠃
ᠪᠣᠷᠣᠲᠣᠬᠤᠶᠶ᠋ᠢᠨ ᠭᠤᠯᠢᠷᠤᠨ ᠲᠥᠷᠥᠯ ᠵᠦᠢᠯ ᠣᠯᠠᠨᠠᠴᠠ ᠣᠷᠦ᠋ᠢᠯᠠᠵᠤ᠂ ᠱᠢᠤᠢ ᠢ ᠦᠬᠡᠷᠤᠨ ᠮᠢᠬᠠ ᠤᠮᠠᠷᠠᠲᠤ ᠲᠠᠩᠭᠢᠰᠤᠨ ᠬᠥᠯᠭᠡ ᠣᠩᠭᠤᠴᠠᠲᠤ ᠠᠩᠭᠢᠳᠤ ᠬᠦᠷᠴᠦ᠍᠂ ᠪᠣᠷᠣᠲᠣᠬᠤᠶᠶ᠋ᠢᠨ ᠬᠠᠷᠠ ᠠᠷᠢᠬᠢ ᠤᠯᠤᠰᠤᠨ ᠡᠭᠦᠳᠡᠠᠴᠠ ᠭᠠᠷᠴᠤ᠌᠂ ᠰᠠᠨ ᠫᠠᠩ ᠳ᠋ᠠᠨᠤ ᠤᠭ ᠠᠮᠲᠠᠳᠦ ᠭᠤᠸᠠᠶ᠋ᠢᠨ ᠦᠷᠡ ᠰᠦᠯᠵᠢᠶᠡᠨᠪᠠᠷ ᠲᠠᠷᠬᠠᠪᠠ ᠁ 2020 ᠣᠨᠳᠤ᠂ 《ᠲᠩᠷᠢᠶ᠋ᠢᠨ ᠬᠡᠱᠢᠭ᠌ᠲᠦ ᠪᠣᠷᠣᠲᠣᠬᠤᠶ》 ᠳᠤᠮᠳᠠᠳᠤ ᠤᠯᠤᠰᠤᠨ ᠣᠷᠣᠨ ᠪᠦᠰᠡᠶ᠋ᠢᠨ ᠲᠠᠷᠢᠶᠠᠯᠠᠩᠤᠨ ᠳᠦᠷᠢ ᠲᠥᠷᠬᠦ᠌ᠶ᠋ᠢᠨ ᠨᠠᠷᠠᠲᠤ ᠲᠡᠮᠳᠡᠭᠤᠨ ᠲᠡᠷᠢᠭᠦᠨᠳᠤ ᠣᠷᠣᠪᠠ᠃
ᠬᠠᠭᠤᠯᠪᠤᠷᠢᠯᠠᠵᠤ ᠪᠣᠯᠤᠰᠢ ᠥᠬᠡᠶ ᠶᠠᠰᠤ ᠴᠢᠨᠠᠷᠤᠨ ᠭᠧᠨᠢ ᠬᠠᠳᠠᠭᠠᠯᠠᠨ᠂ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ᠶ᠋ᠢ ᠱᠢᠨᠳᠠᠷᠠᠰᠢ ᠦᠭᠡᠢ ᠪᠠᠷᠢᠮᠳᠠᠯᠠᠯᠢᠶᠠᠷ ᠲᠤᠯᠤᠭᠠᠢᠯᠠᠭ᠍ᠴᠢ ᠠᠵᠤ ᠠᠬᠤᠢ᠍ᠢᠯᠠᠯᠢ ᠬᠦᠴᠦᠷᠬᠡᠭ᠌ᠵᠢᠭᠦᠯᠦᠨ᠂ ᠠᠵᠤ ᠦᠢᠯᠡᠰᠤᠨ ᠬᠦᠷᠢᠶᠡᠯᠡᠩ ᠲᠣᠭᠤᠷᠢᠭᠢ ᠪᠤᠵᠠᠭᠠᠢᠷᠠᠭᠤᠯᠵᠤ᠂ 《ᠥᠪᠥᠷ ᠮᠣᠩᠭᠤᠯ ᠲᠡᠮᠳᠡᠭ᠌ᠳᠦ》 ᠤᠨ ᠨᠡᠷᠡᠲᠦ ᠲᠥᠷᠥᠯ ᠲᠡᠮᠳᠡᠭ᠌ᠲᠦᠶ᠋ᠢ ᠱᠢᠯᠢᠳᠡᠭ᠌ᠵᠢᠭᠦᠯᠦᠨ᠂ ᠪᠥᠬᠦ᠌ ᠣᠷᠣᠨᠤ ᠭᠠᠵᠠᠷ ᠵᠦᠢᠶ᠋ᠢᠨ ᠲᠡᠮᠳᠡᠭ ᠪᠦ᠍ᠬᠦᠢ ᠲᠠᠸᠠᠷᠤᠨ ᠲᠡᠮᠳᠡᠭ 125 ᠪᠤᠯᠪᠠ᠃ 《ᠥᠪᠥᠷ ᠮᠣᠩᠭᠤᠯᠤᠨ ᠦᠨᠦᠷ ᠠᠮᠲᠠ》 ᠲᠦᠮᠡᠨ ᠭᠠᠵᠠᠷ ᠬᠠᠩᠬᠤᠯᠵᠤ᠂ ᠲᠩᠷᠢᠶ᠋ᠢᠨ ᠬᠡᠱᠢᠭ᠌ᠲᠦ ᠪᠣᠷᠣᠲᠣᠬᠤᠶ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠲᠤᠲᠤᠷᠭᠠ᠂ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠬᠤᠨᠢᠨ ᠮᠢᠬᠠ ᠵᠡᠷᠭᠡ ᠣᠷᠣᠨ ᠪᠦᠰᠡᠶ᠋ᠢᠨ ᠨᠡᠢᠲᠡᠶ᠋ᠢᠨ ᠬᠡᠷᠡᠭ᠌ᠯᠡᠭᠡᠨᠤ ᠨᠠᠷᠠᠲᠤ ᠲᠡᠮᠳᠡᠭ᠌ᠲᠦ ᠶᠠᠪᠤᠬᠤ ᠲᠤᠳᠤᠮ ᠬᠢᠯᠠᠯᠵᠠᠵᠤ᠂ ᠲᠦᠩᠯᠢᠶᠣᠤᠶ᠋ᠢᠨ ᠱᠢᠷᠠ ᠡᠷᠳᠡᠨᠢ ᠱᠢᠰᠢ᠂ ᠬᠤᠷᠴᠢᠨ ᠦᠬᠡᠷ᠂ ᠤᠯᠠᠭᠠᠨᠴᠠᠪᠤᠨ ᠲᠥᠮᠥᠰᠥ᠍ ᠵᠡᠷᠭᠡ ᠣᠷᠣᠨ ᠪᠦᠰᠡᠶ᠋ᠢᠨ ᠨᠡᠢᠲᠡᠶ᠋ᠢᠨ ᠬᠡᠷᠡᠭ᠌ᠯᠡᠭᠡᠨᠤ ᠨᠠᠷᠠᠲᠤ ᠲᠡᠮᠳᠡᠭ᠌ᠲᠦᠶ᠋ᠢᠨ ᠥᠷᠲᠡᠭ ᠵᠠᠭᠤᠨ ᠳ᠋ᠦᠩᠱᠢᠭᠤᠷ ᠲᠥᠭᠦᠷᠢᠭᠢ ᠳᠠᠪᠠᠪᠠ ᠁
2020 ᠣᠨᠳᠤ᠂ ᠪᠥᠬᠦ᠌ ᠣᠷᠣᠨᠤ ᠪᠣᠷᠣᠯᠠᠭᠤᠯᠤᠯᠲᠠᠶ᠋ᠢᠨ ᠣᠷᠣᠯᠭᠠᠨᠢ 500 ᠲᠦᠮᠡᠨ ᠲᠥᠭᠦᠷᠢᠭᠠᠴᠠ ᠳᠡᠭᠡᠭ᠌ᠰᠢᠬᠢ ᠮᠠᠯᠤᠨ ᠠᠱᠢᠭ ᠱᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠢ ᠡᠳ᠋ᠱᠢᠭᠦᠯᠤᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠠᠵᠤ ᠠᠬᠤᠢ᠍ᠢᠯᠠᠯᠤᠨ ᠪᠣᠷᠣᠯᠠᠭᠤᠯᠤᠯᠲᠠᠶ᠋ᠢᠨ ᠣᠷᠣᠯᠭᠠ 3725 ᠳ᠋ᠦᠩᠱᠢᠭᠤᠷ ᠲᠥᠭᠦᠷᠢᠭᠢ ᠪᠡᠶᠡᠯᠡᠭᠦᠯᠵᠦ᠍᠂ ᠮᠠᠯᠤᠨ ᠠᠱᠢᠭ ᠱᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠢ ᠡᠳ᠋ᠱᠢᠭᠦᠯᠵᠦ᠍ ᠤᠯᠠᠷᠢᠭᠤᠯᠬᠤ ᠨᠣᠷᠮᠠᠨᠢ 65% ᠳᠤ ᠬᠦᠷᠴᠦ᠍᠂ ᠰᠦᠶ᠋ᠢᠨ ᠦᠢᠯᠡᠰ᠂ ᠡᠷᠳᠡᠨᠢ ᠱᠢᠰᠢ ᠵᠡᠷᠬᠡ ᠮᠢᠩᠭᠠᠨ ᠳ᠋ᠦᠩᠱᠢᠭᠤᠷᠤᠨ ᠲᠠᠰᠤᠨ 2 ᠠᠵᠤ ᠦᠢᠯᠡᠰ᠂ ᠮᠢᠬᠠᠨᠤ ᠦᠬᠡᠷ᠂ ᠮᠢᠬᠠᠨᠤ ᠬᠤᠨᠢ᠂ ᠲᠥᠮᠥᠰᠥ᠍᠂ ᠡᠯᠳᠡᠪ ᠠᠮᠤ᠂ ᠪᠣᠭᠤᠳᠠᠶ᠂ ᠨᠡᠷᠡᠨ ᠬᠤᠸᠠᠷ᠂ ᠢᠮᠠᠭᠠᠨ ᠨᠤᠤᠯᠤᠭᠤᠷ᠂ ᠢᠳᠡᠱᠢᠨ ᠨᠣᠭᠤᠭᠠ ᠪᠠ ᠡᠪᠡᠰᠦᠨᠤ ᠦᠢᠯᠡᠰ ᠵᠡᠷᠬᠡ ᠵᠠᠭᠤᠨ ᠳ᠋ᠦᠩᠱᠢᠭᠤᠷᠤᠨ ᠲᠠᠰᠤᠨ 9 ᠠᠵᠤ ᠦᠢᠯᠡᠰᠢ ᠪᠤᠢᠵᠢᠭᠤᠯᠤᠨ ᠪᠦᠷᠢᠯᠳᠦᠭᠦᠯᠪᠠ᠃
ᠡᠢᠮᠦ᠍ ᠪᠤᠯᠬᠤᠷ ᠥᠪᠥᠷ ᠮᠣᠩᠭᠤᠯᠢᠶᠠᠨ ᠬᠠᠢᠷᠠᠯᠠᠬᠤ ᠦᠬᠡᠢ ᠪᠠᠢᠬᠤᠶ᠋ᠢᠨ ᠠᠷᠭᠠ ᠦᠬᠡᠢ᠃
ᠲᠦᠴᠢᠦᠸᠠᠨ ᠱᠢᠶᠠᠨᠤ ᠱᠦᠢ ᠴᠢᠤᠸᠠᠨ ᠪᠠᠯᠭᠠᠰᠤᠨᠤ ᠾᠧ ᠹᠠ ᠲᠣᠰᠭᠤᠨᠤ ᠠᠭᠤᠳᠠᠮ ᠲᠠᠯᠠᠪᠠᠢᠳᠤ᠂ ᠰᠠᠶᠢᠬᠠᠨ ᠠᠵᠢᠯᠯᠠᠵᠤ ᠪᠠᠷᠠᠭ᠍ᠰᠠᠨ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠪᠤᠴᠠᠭᠠᠨ ᠬᠤᠷᠢᠶᠠᠬᠤ ᠲᠡᠷᠭᠡ᠂ ᠲᠦᠷᠦᠯ ᠬᠤᠪᠢᠶᠠᠨ ᠱᠢᠯᠵᠢᠭᠦᠯᠦᠨ ᠵᠥᠭᠡᠭᠡᠪᠦᠷᠢᠯᠡᠬᠦ᠌ ᠲᠡᠷᠭᠡ᠂ ᠤᠳᠭᠤᠭᠤᠷ ᠲᠡᠷᠭᠡ᠂ ᠱᠦᠭᠦᠷᠳᠡᠬᠦ᠌ ᠲᠡᠷᠭᠡᠶ᠋ᠢ ᠲᠡᠷᠢ ᠲᠡᠭ᠌ᠰᠢ ᠵᠢᠭ᠍ᠰᠠᠭᠠᠵᠤ ᠪᠠᠢᠯᠠ᠃ ᠱᠢᠶᠠᠨᠠᠴᠠ ᠲᠡᠷᠭᠡ ᠪᠠ ᠬᠤᠭ ᠨᠣᠪᠰᠢᠶ᠋ᠢ ᠲᠥᠷᠥᠯ ᠬᠤᠪᠢᠶᠠᠬᠤ ᠲᠥᠬᠦᠭᠡᠷᠦᠮᠵᠢᠶ᠋ᠢ ᠲᠣᠬᠢᠷᠠᠭᠤᠯᠵᠤ᠂ ᠲᠣᠭ᠍ᠲᠠᠭ᠍ᠰᠠᠨ ᠴᠠᠭᠲᠤ ᠬᠤᠭ ᠨᠣᠪᠰᠢᠶ᠋ᠢ ᠴᠡᠪᠡᠷᠯᠡᠨ ᠲᠡᠭᠡᠭᠡᠪᠦᠷᠢᠯᠡᠨᠡ᠃
ᠱᠢᠶᠠᠨᠤ ᠨᠠᠮᠤᠨ ᠬᠤᠷᠢᠶᠠ ᠵᠠᠰᠠᠭᠤᠨ ᠤᠷᠳᠤᠨ ᠡᠨᠡ ᠬᠦ᠌ ᠴᠢᠬᠤᠯᠠ ᠠᠵᠢᠯᠳᠤ ᠢᠩᠬᠢᠵᠦ᠍ ᠬᠠᠨᠳᠤᠬ᠍ᠰᠠᠨᠨᠢ ᠤᠴᠢᠷᠳᠠᠢ᠃ ᠬᠥᠳᠡᠭᠡ ᠲᠣᠰᠭᠤᠨᠤ ᠣᠷᠣᠱᠢᠨ ᠰᠠᠭᠤᠷᠢᠱᠢᠬᠤ ᠣᠷᠴᠢᠨ ᠲᠣᠭᠤᠷᠢᠨᠢ ᠴᠡᠭ᠌ᠴᠡᠯᠡᠨ ᠵᠠᠰᠠᠬᠤᠨᠢ ᠪᠣᠳᠠᠲᠤ ᠬᠡᠷᠡᠭ᠌ᠴᠡᠭᠡ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠪᠠᠰᠠ ᠬᠥᠳᠡᠭᠡ ᠲᠣᠰᠭᠤᠨᠢ ᠬᠥᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠬᠦ᠌ ᠠᠯᠤᠰ ᠬᠡᠳᠤᠶ᠋ᠢᠨ ᠬᠦᠴᠦᠯᠡᠬᠦ᠌ ᠴᠡᠭ ᠪᠤᠯᠬᠤ ᠶᠤᠮ᠂ ᠡᠨᠡᠨᠢ ᠲᠣᠰᠭᠤᠨᠤ ᠳᠦᠷᠰᠦ ᠪᠠᠢᠳᠠᠯᠢ ᠬᠤᠪᠢᠷᠠᠭᠤᠯᠬᠤᠪᠠᠷ ᠪᠠᠷᠠᠬᠤ ᠦᠬᠡᠢ᠂ ᠨᠡᠩ ᠴᠤ᠌ ᠬᠥᠳᠡᠭᠡ ᠲᠣᠰᠭᠤᠨᠤ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠤᠨ ᠠᠷᠭᠠ ᠬᠡᠯᠪᠡᠷᠢᠶ᠋ᠢ ᠬᠤᠪᠢᠷᠠᠭᠤᠯᠬᠤ ᠪᠣᠯᠤᠨᠠ᠃ ᠨᠢᠳᠤᠨᠤᠨᠤ 8 ᠰᠠᠷᠠᠳᠤ᠂ ᠲᠦᠴᠢᠦᠸᠠᠨ ᠱᠢᠶᠠᠨ ᠪᠥᠬᠦ᠌ ᠤᠯᠤᠰᠤᠨ ᠬᠥᠳᠡᠭᠡ ᠲᠣᠰᠭᠤᠨᠤ ᠠᠮᠢᠳᠤᠷᠠᠯᠤᠨ ᠬᠤᠭ ᠨᠣᠪᠰᠢᠶ᠋ᠢ ᠲᠥᠷᠥᠯ ᠬᠤᠪᠢᠶᠠᠬᠤ ᠪᠠ ᠡᠬᠢ ᠪᠠᠶᠠᠯᠢᠭ᠍ᠵᠢᠭᠤᠯᠤᠨ ᠠᠱᠢᠬ᠍ᠯᠠᠬᠤ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠱᠢᠶᠠᠨᠢᠶᠠᠷ ᠦᠨᠡᠯᠡᠭ᠌ᠳᠡᠪᠡ᠃
2020 ᠣᠨᠳᠤ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠮᠠᠯᠵᠢᠬᠤ ᠲᠠᠷᠢᠶᠠᠯᠠᠬᠤ ᠣᠷᠣᠨᠤ ᠣᠷᠣᠱᠢᠨ ᠰᠠᠭᠤᠷᠢᠱᠢᠬᠤ ᠣᠷᠴᠢᠨ ᠲᠣᠭᠤᠷᠢᠨᠢ ᠴᠡᠭ᠌ᠴᠡᠯᠡᠨ ᠵᠠᠰᠠᠬᠤ ᠭᠤᠷᠪᠠᠨ ᠵᠢᠯᠤᠨ ᠠᠵᠢᠯᠯᠠᠭᠠᠨᠤ ᠡᠭᠦᠷᠭᠡᠪᠠᠨ ᠲᠡᠭᠦᠰ ᠠᠮᠵᠢᠯᠲᠠᠲᠠᠢ ᠪᠡᠶᠡᠯᠡᠭᠦᠯᠵᠦ᠍᠂ ᠠᠷᠢᠭᠤᠨ ᠴᠡᠪᠡᠷ ᠵᠣᠷᠯᠣᠩᠤᠨ ᠲᠦᠭᠡᠮᠡᠯᠵᠢᠭ᠌ᠰᠡᠨ ᠨᠣᠷᠮᠠ 35% ᠳᠤ ᠬᠦᠷᠴᠦ᠍᠂ ᠬᠠᠷᠠᠯᠲᠠᠪᠠᠨ ᠵᠠᠭᠤᠨᠤ ᠬᠠᠷᠢᠴᠠᠯᠢᠶᠠᠷ 3 ᠬᠤᠪᠢ ᠲᠠᠪᠠᠭᠤᠯᠵᠤ᠂ 97 .7% ᠶ᠋ᠢᠨ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠭᠠᠴᠠᠭᠠ ᠲᠣᠰᠭᠤᠨᠳᠤ ᠠᠮᠢᠳᠤᠷᠠᠯᠤᠨ ᠬᠤᠭ ᠨᠣᠪᠰᠢᠶ᠋ᠢ ᠬᠤᠷᠢᠶᠠᠨ ᠲᠡᠭᠡᠭᠡᠪᠦᠷᠢᠯᠡᠬᠦ᠌ ᠱᠢᠰᠲ᠋ᠧᠮᠢ ᠪᠠᠢᠭᠤᠯᠵᠤ᠂ 30 ᠲᠦᠮᠡᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠤᠤᠭᠤᠬᠤ ᠤᠰᠤ ᠹᠯᠣᠷ ᠠᠷᠰᠧᠨ ᠢᠣᠳ᠋ ᠪᠠᠷᠢᠮᠵᠢᠶᠠᠠᠴᠠ ᠬᠡᠲᠦᠷᠡᠭ᠌ᠰᠡᠨ ᠪᠠ ᠭᠠᠱᠢᠭᠤᠨ ᠱᠣᠷᠪᠣᠭ ᠤᠰᠤᠨᠤ ᠠᠰᠠᠭᠤᠳᠠᠯᠢ ᠱᠢᠢᠳᠪᠦᠷᠢᠯᠡᠪᠡ᠃ ᠬᠦᠳᠡᠭᠡ ᠲᠤᠰᠭᠤᠨ ᠮᠠᠯᠵᠢᠬᠤ ᠣᠷᠣᠨᠤ ᠵᠠᠰᠠᠮᠠᠯ ᠵᠠᠮᠢ 8071 ᠺᠢᠯᠣᠮᠧᠲᠷ ᠱᠢᠨᠡᠪᠠᠷ ᠳᠡᠪᠢᠰᠪᠠ᠃
ᠬᠠᠪᠤᠷᠤᠨ ᠡᠬᠢᠨᠢᠶᠠᠷ ᠠᠪᠠᠭᠠ ᠬᠤᠱᠢᠭᠤᠨᠤ ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠤᠨᠤ ᠥᠷᠭᠡᠨ ᠤᠨᠳᠤᠷᠤᠯ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠸᠠᠩ ᠽᠧ ᠮᠢᠨ ᠦᠷᠯᠦᠭᠡ ᠡᠷᠳᠡᠯᠡᠨ ᠠᠵᠢᠯᠯᠠᠨᠠ᠃ ᠲᠡᠷᠡ᠄ 《ᠥᠩᠭᠡᠷᠡᠭ᠌ᠰᠡᠨᠳᠤ ᠮᠠᠯᠢᠶᠠᠨ ᠪᠡᠯᠴᠢᠭᠡᠷᠯᠡᠭᠦᠯᠦᠨ ᠮᠠᠯᠵᠢᠵᠤ ᠪᠠᠢᠵᠠᠶ᠂ ᠦᠬᠡᠷ ᠬᠡᠳᠦᠢ ᠢᠳᠡᠵᠦ᠍ ᠳᠡᠢᠯᠪᠡᠯ ᠲᠡᠳᠦᠢ᠃ ᠣᠳᠣ ᠬᠠᠱᠢᠶᠠᠯᠠᠨ ᠲᠡᠵᠢᠭᠡᠵᠦ᠍ ᠪᠣᠷᠳᠣᠨ ᠲᠠᠷᠭᠤᠯᠠᠭᠤᠯᠬᠤ ᠪᠤᠯᠵᠦ᠍᠂ 7 ᠬᠠᠱᠢᠶᠠᠨᠳᠤ ᠬᠤᠪᠢᠶᠠᠨ ᠤᠷᠤᠭᠤᠯᠵᠦ᠍᠂ ᠲᠤᠭᠤᠯᠯᠠᠬᠤᠳᠤ ᠲᠤᠰᠭᠠᠶ ᠥᠷᠥᠭᠡ ᠭᠠᠷᠭᠠᠵᠦ᠍ ᠦᠭ᠌ᠴᠡᠢ᠂ ᠮᠡᠷᠭᠡᠵᠢᠯᠲᠡᠨ ᠬᠡᠷᠲᠤ ᠢᠷᠡᠵᠦ᠍ ᠦᠢᠯᠡᠴᠢᠯᠡᠳᠡᠭ ᠪᠤᠯᠤᠯᠠ》 ᠭᠡᠵᠦ᠍ ᠪᠠᠶᠠᠷᠳᠠᠢᠬᠠᠨ ᠲᠠᠨᠢᠯᠴᠠᠭᠤᠯᠪᠠ᠃
ᠥᠩᠭᠡᠷᠡᠭ᠌ᠰᠡᠨᠳᠤ ᠳᠤᠮᠳᠠᠴᠢᠪᠠᠷ 150 ᠮᠦ᠍ ᠪᠡᠯᠴᠢᠭᠡᠷᠲᠤ ᠨᠢᠭᠡ ᠦᠬᠡᠷ ᠲᠡᠵᠢᠭᠡᠵᠦ᠍ ᠪᠠᠢᠵᠠᠶ᠂ ᠣᠳᠣ 200 ᠭᠠᠷᠤᠶ ᠮᠦ᠍ ᠭᠠᠵᠠᠷᠲᠤ 300 ᠭᠠᠷᠤᠶ ᠦᠬᠡᠷ ᠲᠡᠵᠢᠭᠡᠵᠦ᠍᠂ ᠪᠡᠯᠴᠢᠭᠡᠷᠤᠨ ᠳᠠᠷᠤᠭᠠᠰᠦ ᠬᠦᠩᠬᠡᠷᠡᠵᠦ᠍᠂ ᠮᠠᠯᠴᠢᠳᠤᠨ ᠣᠷᠣᠯᠭᠠ ᠨᠡᠮᠡᠭ᠌ᠳᠡᠯᠠ᠃ ᠨᠣᠭᠤᠭᠠᠨ ᠥᠩᠭᠡᠶ᠋ᠢ ᠨᠡᠮᠡᠭ᠌ᠳᠡᠭᠦᠯᠵᠦ᠍᠂ ᠦᠷᠡ ᠠᠱᠢᠭᠢ ᠳᠡᠭᠡᠭ᠌ᠰᠢᠯᠡᠭᠦᠯᠦᠨᠠ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠤᠷᠱᠢᠯᠲᠠᠶ᠋ᠢᠨ ᠬᠤᠱᠢᠭᠤ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠠᠪᠠᠭᠠ ᠬᠤᠱᠢᠭᠤᠨᠤ ᠮᠠᠯᠵᠢᠬᠤ ᠣᠷᠣᠨᠤ ᠣᠳᠣᠬᠢᠴᠢᠯᠠᠯᠲᠠᠶ᠋ᠢᠨ ᠵᠠᠮᠢ ᠬᠠᠢᠨ ᠰᠦᠪᠡᠭ᠌ᠴᠢᠯᠡᠬᠦ᠌ᠳᠤ ᠡᠨᠡ ᠬᠦ᠌ ᠦᠨᠳᠦᠰᠦᠨ ᠵᠦᠢᠯᠢ ᠪᠠᠷᠢᠮᠲᠠᠯᠠᠭ᠍ᠰᠠᠭᠠᠷ ᠢᠷᠡᠵᠡᠶ᠃
ᠮᠠᠯ ᠠᠵᠤ ᠠᠬᠤᠢᠶ᠋ᠢᠨ ᠪᠦᠲᠦᠴᠡᠶ᠋ᠢᠨ ᠴᠢᠨᠠᠷᠲᠠᠢ ᠥᠭᠡᠷᠡᠴᠢᠯᠡᠯᠲᠡᠠᠴᠠ ᠮᠠᠯᠵᠢᠬᠤ ᠣᠷᠣᠨᠤ ᠣᠳᠣᠬᠢᠴᠢᠯᠠᠭ᠍ᠰᠠᠨ ᠬᠠᠮᠢᠶᠠᠷᠤᠯᠲᠠ ᠬᠦᠷᠲᠡᠯᠡ᠂ ᠭᠡᠷ ᠪᠦᠯᠢᠶ᠋ᠢᠨ ᠣᠶᠤᠨᠴᠢ ᠮᠠᠯᠵᠢᠯᠤᠨ ᠲᠠᠯᠠᠪᠠᠢᠶ᠋ᠢ ᠳᠡᠯᠭᠡᠷᠡᠭᠦᠯᠬᠦ᠌ᠠᠴᠠ ᠱᠢᠨᠡ ᠬᠡᠯᠪᠡᠷᠢᠶ᠋ᠢᠨ ᠮᠠᠯ ᠠᠵᠤ ᠠᠬᠤᠢᠶ᠋ᠢᠨ ᠡᠵᠡᠩᠨᠡᠯᠲᠡᠶ᠋ᠢᠨ ᠭᠤᠣᠯ ᠴᠣᠭ᠍ᠴᠠᠶ᠋ᠢ ᠪᠤᠢᠵᠢᠭᠤᠯᠬᠤ ᠬᠦᠷᠲᠡᠯᠡ᠂ ᠬᠡᠪᠴᠢᠶᠡᠵᠢᠭ᠌ᠰᠡᠨ ᠡᠵᠡᠩᠨᠡᠯᠲᠡᠶ᠋ᠢᠨ ᠲᠣᠭ᠍ᠲᠠᠴᠠᠶ᠋ᠢ ᠰᠦᠪᠡᠭ᠌ᠴᠢᠯᠡᠬᠦ᠌ᠠᠴᠠ ᠮᠠᠯᠵᠢᠬᠤ ᠣᠷᠣᠨᠤ ᠨᠡᠢᠭᠡᠮᠴᠢᠯᠡᠭ᠌ᠰᠡᠨ ᠦᠢᠯᠡᠴᠢᠯᠡᠭᠡᠶ᠋ᠢ ᠥᠷᠭᠡᠳᠭᠡᠬᠦ᠌ ᠬᠦᠷᠲᠡᠯᠡ ᠤᠳᠠᠭᠠᠨ ᠳᠠᠭᠠᠭᠠᠮᠠᠭᠠᠢ ᠵᠢᠳᠬᠦᠨ ᠴᠢᠷᠮᠠᠢᠵᠤ᠂ ᠮᠠᠯᠵᠢᠬᠤ ᠣᠷᠣᠨᠤ ᠦᠢᠯᠡᠳᠪᠦᠷᠢᠯᠡᠯ ᠬᠥᠭ᠌ᠵᠢᠨ᠂ ᠮᠠᠯᠴᠢᠳᠤᠨ ᠠᠮᠢᠳᠤᠷᠠᠯ ᠴᠢᠨᠡᠭᠡᠯᠢᠭ᠌ᠵᠢᠵᠦ᠍᠂ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢ ᠰᠠᠢᠵᠢᠷᠠᠬ᠍ᠰᠠᠨ ᠪᠠᠢᠳᠠᠯ ᠬᠠᠷᠢᠯᠴᠠᠨ ᠨᠢᠭᠡᠳᠬᠦ᠌ᠶ᠋ᠢ ᠪᠦᠬᠦ᠌ ᠬᠦᠴᠦᠨᠢᠶᠠᠷ ᠠᠬᠢᠭᠤᠯᠪᠠ᠃
2020 ᠣᠨᠳᠤ᠂ ᠮᠠᠨᠤ ᠣᠷᠣᠨᠤ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠣᠷᠣᠯᠭᠠᠶ᠋ᠢᠨ ᠨᠡᠮᠡᠭ᠌ᠳᠡᠯᠤᠨ ᠬᠤᠷᠳᠤᠴᠠ ᠪᠥᠬᠦ᠌ ᠤᠯᠤᠰᠤᠨ ᠳᠤᠮᠳᠠᠴᠢ ᠬᠢᠷᠢ ᠲᠦᠪᠱᠢᠨᠠᠴᠠ ᠵᠠᠭᠤᠨᠤ ᠬᠠᠷᠢᠴᠠᠯᠢᠶᠠᠷ 1. 5 ᠬᠤᠪᠢ ᠥᠨᠳᠥᠷ ᠪᠠᠢᠵᠤ᠂ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠬᠡᠷᠡᠭ᠌ᠯᠡᠭᠡᠨᠤ ᠦᠨᠡ ᠬᠠᠩᠰᠢᠶ᠋ᠢᠨ ᠥᠰᠥᠯᠲᠡᠶ᠋ᠢᠨ ᠬᠡᠮᠵᠢᠶᠡ ᠬᠢᠵᠠᠭᠠᠷᠯᠠᠬᠤ ᠬᠠᠷᠠᠯᠲᠠᠠᠴᠠ ᠳᠣᠤᠷᠠ ᠪᠣᠯᠪᠠ᠃ 《ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠲᠠᠪᠤᠨ ᠵᠢᠯ》 ᠤᠨ ᠲᠥᠯᠥᠪᠵᠢᠭᠦᠯᠭᠡᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠬᠥᠮᠦᠨ ᠳᠤᠮᠳᠠᠴᠢᠶ᠋ᠢᠨ ᠡᠵᠡᠮᠳᠡᠵᠦ᠍ ᠪᠣᠯᠬᠤ ᠣᠷᠣᠯᠭᠠ 10766 ᠲᠥᠭᠦᠷᠢᠭ ᠪᠠᠢᠭ᠍ᠰᠠᠨᠠᠴᠠᠪᠠᠨ 15283 ᠲᠥᠭᠦᠷᠢᠭ ᠪᠣᠯᠵᠣ ᠨᠡᠮᠡᠭ᠌ᠳᠡᠨ᠂ 2015 ᠣᠨᠤᠬᠢᠠᠴᠠ 4517 ᠲᠥᠭᠦᠷᠢᠭ ᠨᠡᠮᠡᠭ᠌ᠳᠡᠵᠦ᠍᠂ 41.9% ᠪᠠᠷ ᠨᠡᠮᠡᠭ᠌ᠳᠡᠪᠡ； 80.2 ᠲᠦᠮᠡᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠬᠥᠮᠦᠨ ᠠᠮᠠᠶ᠋ᠢ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠵᠤ᠂ 57 ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠬᠤᠱᠢᠭᠤ ᠱᠢᠶᠠᠨ᠂ 3681 ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠭᠠᠴᠠᠭᠠ ᠲᠣᠰᠭᠤᠨᠢ ᠪᠦᠬᠦᠨᠢ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠪᠠ᠃
ᠬᠦᠳᠡᠯᠮᠦᠷᠢ ᠵᠢᠳᠭᠦᠯᠤᠨ ᠬᠠᠷᠢᠭᠤᠳᠤ ᠦᠷᠠ ᠵᠢᠮᠢᠰ ᠡᠯᠪᠡᠭ᠃ ᠤᠯᠤᠰᠤᠨ ᠮᠠᠯᠤᠨ ᠠᠱᠢᠭ ᠱᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠴᠢᠬᠤᠯᠠ ᠰᠠᠭᠤᠷᠢᠨᠢ ᠪᠦᠲᠦᠭᠡᠨ ᠪᠠᠢᠭᠤᠯᠵᠤ᠂ ᠬᠢᠯᠠᠰ ᠴᠡᠭ ᠣᠯᠠᠨ ᠢᠯᠡᠷᠡᠡ 《ᠶᠡᠬᠡᠰᠭᠡᠬᠦ᠌》 ᠪᠠ 《ᠪᠢᠯᠬᠠᠬᠤ》 ᠶ᠋ᠢᠨ ᠦᠷᠠ ᠳ᠋ᠦᠩ ᠶᠠᠭ ᠢᠯᠡᠬᠡᠨ ᠪᠤᠯᠵᠦ᠍ ᠪᠠᠢᠨᠠ᠃
ᠨᠤᠭᠤᠭᠠᠨ ᠦᠩᠭᠡᠪᠠᠷ ᠳᠡᠪᠢᠰᠭᠡᠷᠯᠡᠯᠡ — ᠳᠦᠮᠡᠨ ᠪᠤᠳᠠᠰ ᠬᠠᠪᠤᠷ ᠤᠷᠭᠤᠵᠦ᠍ ᠨᠠᠮᠤᠷ ᠦᠷᠡᠯᠡᠨᠡᠮ᠃ ᠨᠠᠩ ᠰᠦᠷᠯᠢᠭ ᠰᠠᠢᠬᠠᠨ ᠠᠶᠠᠨ ᠨᠢᠭᠡᠨᠲᠡ ᠡᠬᠢᠯᠡᠵᠦ᠍᠂ ᠨᠠᠩ ᠴᠢᠩᠭᠠ ᠬᠦᠴᠦᠲᠡᠶ ᠠᠢᠵᠠᠮ ᠳᠠᠷᠠᠭᠠᠪᠠᠷ ᠡᠬᠡᠱᠢᠭ᠌ᠯᠡᠭ᠌ᠳᠡᠬᠦ᠌ ᠪᠤᠯᠤᠨᠠ
ᠤᠤᠯ ᠥᠩᠭᠡ᠂ ᠳᠡᠪᠢᠰᠭᠡᠷ ᠥᠩᠭᠡ᠂ ᠭᠦᠨ ᠥᠩᠭᠡ᠃ ᠥᠪᠥᠷ ᠮᠣᠩᠭᠤᠯᠳᠤ᠂ ᠨᠤᠭᠤᠭᠠᠨ ᠦᠩᠭᠡᠨᠢ ᠤᠯᠠᠨ ᠤᠳᠭᠠᠲᠠᠢ᠃
ᠨᠣᠭᠤᠭᠠᠨᠠᠴᠠ ᠪᠣᠯᠵᠤ ᠬᠦᠭ᠌ᠵᠢᠨᠠ᠂ ᠨᠣᠭᠤᠭᠠᠨᠠᠴᠠ ᠪᠣᠯᠵᠤ ᠰᠤᠯᠤᠩᠭᠠᠷᠠᠨᠠ᠃ 《ᠬᠤᠶᠠᠷ ᠤᠭᠤᠲᠠ ᠠᠮᠤ》᠂ 《ᠬᠤᠶᠠᠷ ᠦᠬᠡᠷ》᠂ 《ᠬᠦᠭ᠌ᠵᠢᠶᠡᠨᠳᠦ ᠵᠢᠭᠤᠯᠴᠢᠯᠠᠯ》᠂ ᠨᠣᠭᠤᠭᠠᠨ ᠥᠩᠭᠡᠪᠠᠷ ᠠᠢᠮᠠᠭᠢᠶᠠᠨ ᠪᠠᠢᠭᠤᠯᠬᠤᠶ᠋ᠢᠨ ᠦᠨᠳᠦᠰᠦ ᠪᠤᠯᠭᠠᠵᠤ᠂ ᠬᠥᠭ᠌ᠵᠢᠯᠲᠡᠶ᠋ᠢᠨ ᠰᠠᠭᠤᠷᠢ ᠪᠣᠯᠭᠠᠭ᠍ᠰᠠᠨ ᠬᠢᠩᠭᠠᠨ ᠠᠢᠮᠠᠭ᠂ ᠨᠣᠭᠤᠭᠠᠨ ᠥᠩᠭᠡᠠᠴᠠ ᠤᠯᠠᠷᠢᠨ ᠡᠭᠦᠰᠦᠭ᠌ᠰᠡᠨ 《ᠠᠷᠠᠯᠵᠢᠶᠠ》 ᠶ᠋ᠢ ᠬᠥᠷ ᠬᠥᠭ᠌ᠵᠢᠶᠡᠨᠲᠠᠢ ᠬᠢᠵᠦ᠍᠂ ᠠᠵᠤ ᠠᠬᠤᠶ ᠨᠡᠢᠭᠡᠮᠤᠨ ᠬᠥᠭ᠌ᠵᠢᠯᠲᠡ ᠪᠥᠬᠦ᠌ ᠲᠠᠯᠠᠪᠠᠷ ᠪᠣᠬᠢᠷᠲᠤᠯ ᠥᠬᠡᠶᠪᠠᠷ ᠬᠡᠯᠪᠡᠷᠢᠪᠠᠨ ᠬᠤᠪᠢᠷᠠᠭᠤᠯᠵᠤ᠂ ᠣᠳᠣᠬᠢ ᠪᠠᠢᠳᠠᠯᠳᠤ ᠢᠯᠠᠯᠲᠠ ᠣᠯᠵᠤ᠂ ᠢᠷᠡᠭᠡᠳᠦᠢᠳᠤ ᠨᠠᠩ ᠢᠯᠡᠭᠦᠤ ᠢᠯᠠᠯᠲᠠᠶ᠋ᠢ ᠤᠯᠬᠤ ᠪᠤᠯᠤᠨᠠ᠃
ᠨᠢᠭᠡ ᠡᠷᠳᠡᠨᠢ ᠱᠢᠰᠢ᠂ ᠲᠦᠩᠯᠢᠶᠣᠤ ᠬᠤᠲᠠᠶ᠋ᠢᠨ ᠬᠠᠩᠭᠠᠯᠭᠠᠶ᠋ᠢᠨ ᠲᠠᠯᠠᠶ᠋ᠢᠨ ᠪᠦᠲᠦᠴᠡᠶ᠋ᠢᠨ ᠴᠢᠨᠠᠷᠲᠠᠶ ᠥᠭᠡᠷᠡᠴᠢᠯᠡᠯᠲᠡᠶ᠋ᠢ ᠲᠣᠳᠣᠷᠬᠠᠶ ᠬᠠᠷᠠᠭᠤᠯᠤᠨᠠ； ᠦᠬᠡᠷ ᠬᠦᠷᠢᠶᠡᠨᠠᠴᠠ ᠭᠠᠷᠴᠤ᠌᠂ ᠮᠣᠳᠣᠶ᠋ᠢ ᠬᠦᠷᠢᠶᠡᠨᠳᠤ ᠣᠷᠣᠭᠤᠯᠵᠤ᠂ ᠠᠢᠯ ᠪᠣᠯᠭᠠᠨ ᠦᠬᠡᠷ ᠲᠡᠵᠢᠭᠡᠭ᠌ᠰᠡᠨ ᠴᠦ᠍ ᠦᠭᠡᠷ ᠬᠠᠷᠠᠭ᠍ᠳᠠᠬᠤ ᠦᠭᠡᠢ᠂ ᠵᠤᠭᠤᠰᠤᠨ ᠬᠠᠪᠳᠠᠭᠠ ᠲᠦᠨᠳᠦ᠋ᠢᠵᠦ᠍᠂ ᠣᠷᠴᠢᠨ ᠲᠣᠭᠤᠷᠢᠨ ᠭᠤᠶᠤ ᠪᠣᠯᠵᠠᠢ᠂ 《ᠤᠯᠠᠭᠠᠨ ᠦᠬᠡᠷᠤᠨ ᠨᠤᠲᠤᠭ》 ᠴᠢᠨᠠᠷ ᠰᠠᠢᠲᠠᠢ ᠬᠥᠭ᠌ᠵᠢᠯᠲᠡᠶ᠋ᠢᠨ ᠬᠤᠷᠳᠤᠴᠠᠪᠠᠨ ᠲᠦᠷᠭᠡᠳᠭᠡᠪᠡ᠃
ᠬᠡᠯᠪᠡᠷᠢᠪᠠᠨ ᠬᠤᠪᠢᠷᠠᠭᠤᠯᠬᠤ ᠪᠣᠯ ᠤᠯᠠᠮᠵᠢᠯᠠᠯᠲᠤ ᠮᠠᠯ ᠠᠵᠤ ᠠᠬᠤᠢᠠᠴᠠ ᠤᠳᠤ ᠦ᠊ ᠡᠶᠡᠶ᠋ᠢᠨ ᠮᠠᠯ ᠠᠵᠤ ᠠᠬᠤᠢ ᠲᠡᠢᠰᠢ ᠤᠷᠤᠭ᠍ᠰᠢᠯᠠᠬᠤᠳᠤ ᠵᠠᠪᠠᠯ ᠬᠠᠷᠢᠭᠤᠯᠬᠤ ᠰᠡᠳᠦᠪ ᠪᠣᠯᠤᠨᠠ᠃ ᠲᠠᠯᠠ ᠨᠤᠲᠤᠭᠲᠤ ᠠᠭᠤᠷᠬᠠᠶᠶ᠋ᠢᠨ ᠨᠡᠭᠡᠭᠡᠨ ᠬᠥᠭ᠌ᠵᠢᠭᠦᠯᠦᠯᠲᠡᠶ᠋ᠢᠨ ᠲᠥᠷᠥᠯ ᠵᠦᠢᠯᠢ ᠱᠢᠨᠡᠪᠠᠷ ᠭᠠᠷᠭᠠᠬᠤ ᠥᠬᠡᠶ᠂ ᠬᠤᠨᠢ ᠢᠮᠠᠭᠠ᠂ ᠦᠬᠡᠷᠢ ᠬᠦᠭ᠌ᠵᠢᠭᠦᠯᠬᠦ᠌ᠶ᠋ᠢ ᠴᠢᠬᠤᠯᠠᠴᠢᠯᠠᠨ᠂ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭ ᠬᠥᠮᠦᠨ ᠮᠠᠯ ᠡᠶᠡ ᠵᠣᠬᠢᠴᠠᠩᠭᠤᠶ ᠬᠠᠮᠲᠤ ᠣᠷᠣᠱᠢᠬᠤ ᠬᠡᠪ ᠵᠠᠭ᠍ᠪᠤᠷᠢ ᠬᠠᠩᠭᠠᠪᠠ᠃
ᠲᠦᠷᠦᠯ ᠲᠡᠮᠳᠡᠭᠢᠶᠠᠷ ᠳᠠᠭᠠᠭᠤᠯᠤᠨ᠂ ᠬᠡᠯᠬᠢᠶᠡᠵᠢᠯᠢ ᠤᠷᠳᠤᠳᠭᠠᠨ᠂ ᠭᠤᠷᠪᠠᠨ ᠠᠵᠤ ᠦᠢᠯᠡᠰᠢ ᠭᠦᠨᠵᠡᠬᠡᠢ ᠠᠭᠤᠰᠤᠯᠴᠠᠭᠤᠯᠵᠦ᠍᠂ ᠬᠦᠳᠡᠭᠡ ᠲᠤᠰᠭᠤᠨᠤ ᠬᠦᠭ᠌ᠵᠢᠬᠦᠯᠦᠨ ᠮᠠᠨᠳᠤᠭᠤᠯᠬᠤᠶ᠋ᠢ ᠡᠨᠧᠷᠬᠢᠶ᠋ᠢ ᠬᠦᠳᠡᠯᠭᠡᠭ᠌ᠴᠢ ᠡᠨᠧᠷᠬᠢᠶ᠋ᠢ ᠬᠦᠭ᠌ᠵᠢᠭᠡᠨ᠂ ᠦᠷᠭᠡᠨ ᠬᠠᠷᠠᠭᠠᠰᠤᠠᠴᠠ ᠤᠳᠤ ᠦᠶᠡᠶ᠋ᠢᠨ ᠬᠦᠳᠡᠭᠡ ᠠᠵᠤ ᠠᠬᠤᠢᠶ᠋ᠢ ᠴᠤᠭ᠍ᠴᠠᠯᠠᠵᠦ᠍᠂ ᠬᠦᠨᠴᠡ ᠰᠡᠳᠭᠢᠬᠦᠢᠪᠠᠷ ᠪᠤᠬᠢᠷᠳᠤᠯ ᠦᠬᠡᠢ ᠬᠠᠭᠤᠳᠠᠰᠤᠶ᠋ᠢ ᠪᠢᠴᠢᠭ᠌ᠯᠡᠨ᠂ 《ᠪᠤᠭᠤᠮᠲᠠᠶ᠋ᠢᠨ ᠭᠠᠳᠠᠨᠠᠬᠢ ᠠᠮᠤ ᠪᠤᠳᠠᠭᠠᠨᠤ ᠬᠦᠮᠦᠷᠬᠡ》 ᠪᠠᠶᠠᠨᠨᠠᠭᠤᠷᠨᠢ ᠪᠤᠬᠢᠷᠳᠤᠯ ᠦᠬᠡᠢ ᠵᠦᠢᠯᠢ ᠠᠯᠳᠠ ᠪᠤᠯᠭᠠᠬᠤ ᠲᠦᠯᠬᠢᠬᠦᠷᠢ ᠡᠷᠢᠵᠦ᠍ ᠤᠯᠪᠠ᠃
ᠵᠤᠯ ᠵᠢᠷᠭᠠᠯ ᠡᠬᠦᠳᠡᠨᠳᠤ ᠢᠷᠡᠯᠡ᠃ 《ᠡᠨᠡ ᠪᠤᠯ ᠦᠨᠦᠳᠤᠷᠤᠨ ᠬᠠᠳᠤᠬ᠍ᠰᠠᠨ ᠪᠢᠴᠢᠬᠠᠨ ᠴᠠᠭᠠᠨ ᠨᠤᠭᠤᠭᠠ᠂ ᠨᠡᠢᠳᠡ 300 ᠵᠢᠩ᠂ ᠯᠦᠩ ᠹᠧᠩ ᠢᠳᠡᠱᠢᠨ ᠨᠤᠭᠤᠭᠠ ᠪᠦᠭᠡᠮᠢᠶᠠᠷ ᠬᠤᠳᠠᠯᠳᠤᠬᠤ ᠵᠠᠬᠠᠳᠤ ᠬᠦᠷᠭᠡᠬᠦ᠌ᠪᠠᠷ ᠪᠡᠯᠡᠳᠭᠡᠵᠦ᠍ ᠪᠠᠢᠨᠠ᠃ ᠮᠠᠨᠠᠢᠬᠢᠨ ᠨᠡᠢᠳᠡ 8 ᠲᠤᠯᠠᠭᠠᠨ ᠬᠦᠯᠡᠮᠵᠢᠲᠠᠢ᠂ ᠨᠢᠳᠤᠨᠤᠨᠤ ᠤᠷᠤᠯᠭᠠ ᠰᠠᠢᠨ᠃ ᠡᠪᠦᠯᠤᠨ ᠲᠠᠷᠢᠬ᠍ᠰᠠᠨ ᠬᠦᠯᠡᠮᠵᠢᠶ᠋ᠢᠨ ᠢᠳᠡᠱᠢᠨ ᠨᠤᠭᠤᠭᠠ ᠵᠢᠮᠢᠰᠶ᠋ᠢᠨ ᠵᠠᠬᠠᠳᠤ ᠭᠠᠷᠬᠤ ᠬᠦᠭ᠌ᠵᠢᠶᠡᠨᠳᠡᠢ ᠴᠠᠬ ᠪᠤᠯᠤᠯᠠ᠂ ᠤᠷᠭᠤᠴᠡᠶ᠋ᠢᠨ ᠪᠠᠢᠳᠡᠯᠠᠴᠠ ᠦᠵᠡᠬᠦ᠌ᠳᠤ ᠡᠨᠡ ᠵᠢᠯᠤᠨ ᠤᠷᠤᠯᠭᠠ ᠴᠦ᠍ ᠨᠡᠯᠢᠶᠡᠳ ᠰᠠᠢᠨ ᠪᠤᠯᠤᠨᠠ！》 ᠭᠡᠵᠦ᠍ ᠠᠯᠠᠱᠠ ᠵᠡᠬᠦᠨ ᠬᠤᠱᠢᠭᠤᠨᠤ ᠪᠡᠶᠡᠨᠨᠠᠭᠤᠷ ᠪᠠᠯᠭᠠᠰᠤᠨᠤ ᠬᠦᠳᠡᠭᠡ ᠭᠠᠴᠠᠭᠠᠨᠤ ᠬᠦᠯᠡᠮᠵᠢᠶ᠋ᠢᠨ ᠲᠠᠷᠢᠮᠠᠯᠤᠨ ᠤᠷᠤᠨᠤ ᠲᠡᠷᠢᠵᠦ᠍ ᠤᠷᠭᠤᠭᠤᠯᠬᠤ ᠡᠷᠦᠬᠡᠶ᠋ᠢᠨ ᠵᠠᠩ ᠯᠢ ᠶᠡᠷᠢᠪᠡ᠃
《ᠮᠠᠨᠤ ᠠᠳᠡᠬᠢ ᠤᠯᠠᠭᠠᠨ ᠬᠠᠯᠢᠰᠤᠲᠤ ᠲᠦᠮᠦᠰᠦᠶ᠋ᠢᠨ ᠶᠠᠰᠦ ᠴᠢᠨᠠᠷ ᠰᠠᠢᠨ᠂ ᠨᠢᠳᠤᠨᠤᠨᠤ ᠨᠢᠭᠡᠨ ᠤᠳᠠᠭᠠᠨᠤ ᠲᠠᠷᠢᠶᠠᠯᠠᠩᠢ ᠲᠤᠰᠠᠯᠠᠬᠤ ᠬᠦᠳᠡᠯᠭᠡᠭᠡᠨᠢ ᠵᠦᠪᠬᠡᠨ 3 ᠡᠳᠦᠷᠲᠤ ᠰᠦᠯᠵᠢᠶᠡᠨ ᠳᠡᠭᠡᠷᠠ ᠬᠡᠳᠦᠨ ᠲᠦᠮᠡᠨ ᠵᠠᠬᠢᠶᠠᠯᠠᠭᠠᠶ᠋ᠢ ᠲᠤᠰᠴᠦ᠍ ᠬᠤᠳᠠᠯᠳᠤᠬ᠍ᠰᠠᠨ ᠪᠠᠢᠨᠠ᠃ ᠤᠳᠤ ᠡᠯᠧᠺᠳ᠋ᠷᠦᠨ ᠬᠤᠳᠠᠯᠳᠤᠭᠠᠲᠠᠢ ᠪᠤᠯᠵᠦ᠍᠂ ᠬᠡᠷᠠᠴᠠᠪᠠᠨ ᠭᠠᠷᠬᠤ ᠦᠬᠡᠢᠪᠠᠷ ᠲᠡᠷᠢᠶᠠᠯᠠᠩᠤᠨ ᠪᠦᠳᠦᠭᠡᠭ᠌ᠳᠡᠬᠦᠨᠢᠶᠠᠨ ᠭᠠᠵᠠᠷ ᠪᠤᠯᠭᠠᠨᠳᠤ ᠬᠤᠳᠠᠯᠳᠤᠬᠤ ᠪᠤᠯᠵᠠᠢ》 ᠭᠡᠵᠦ᠍ ᠱᠠᠩᠲᠤ ᠱᠢᠶᠠᠨᠤ ᠯᠢᠦᠢ ᠸᠠ ᠲᠠᠷᠢᠶᠠᠯᠠᠩᠤᠨ ᠱᠢᠨᠵᠢᠯᠡᠭᠡ ᠮᠡᠷᠬᠡᠵᠢᠯᠤᠨ ᠬᠢᠵᠠᠭᠠᠷᠳᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠤᠮᠫᠠᠨᠢᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠡᠦ ᠵᠠᠨ ᠵᠢᠶᠠᠩ ᠬᠡᠯᠡᠪᠡ᠃ ᠺᠤᠮᠫᠠᠨᠢᠨᠢ 2016 ᠤᠨᠤ 5 ᠰᠠᠷᠠᠳᠤ ᠳ᠋ᠦᠩ ᠵᠢᠩ᠂ ᠲᠢᠶᠠᠨ ᠮᠤᠤ ᠵᠡᠷᠭᠡ ᠲᠠᠪᠴᠡᠩᠳᠤ 《ᠦᠪᠦᠷ ᠮᠤᠩᠭᠤᠯ ᠳᠡᠮᠳᠡᠭ᠌ᠲᠤ ᠯᠢᠦᠢ ᠸᠠ》 ᠨᠡᠷᠡᠮᠵᠢᠲᠤ ᠳᠡᠯᠭᠡᠭᠦᠷ ᠨᠡᠭᠡᠭᠡᠭ᠌ᠰᠡᠨᠤ ᠳᠠᠷᠠᠭᠠ᠂ ᠰᠦᠯᠵᠢᠶᠠᠨᠤ ᠪᠤᠷᠤᠯᠠᠭᠤᠯᠭᠠᠨᠢ ᠶᠡᠷᠦᠩᠬᠡᠢ ᠪᠤᠷᠤᠯᠠᠭᠤᠯᠭᠠᠶ᠋ᠢᠨᠢᠶᠠᠨ ᠭᠤᠷᠪᠡᠨᠤ ᠨᠢᠬᠡᠶ᠋ᠢ ᠡᠵᠡᠯᠡᠵᠡᠢ᠃
《ᠪᠤᠳᠤᠯᠭᠠᠶ᠋ᠢᠨ ᠤᠬᠠᠭᠠᠨ》 ᠢ ᠬᠡᠷᠡᠭ᠌ᠯᠡᠭ᠌ᠰᠡᠨ ᠮᠠᠯᠵᠢᠯᠤᠨ ᠲᠠᠯᠠᠪᠡᠢᠨᠢ ᠶᠠᠮᠠᠷᠬᠠᠨ ᠦᠯᠢᠭᠡᠷ ᠤᠴᠠᠷᠠᠯᠲᠠᠢ ᠪᠤᠯᠤᠬ᠍ᠰᠠᠨ ᠪᠤᠢ？ ᠤᠳᠤᠬ ᠬᠤᠱᠢᠭᠤᠨᠤ ᠤᠯᠠᠭᠠᠨ ᠪᠠᠯᠭᠠᠰᠤᠨᠤ ᠰᠠᠢᠬᠠᠨᠲᠠᠯᠠ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠬᠠᠨ · ᠳᠡᠯᠭᠡᠷ ᠬᠤᠨᠢᠨᠤ ᠬᠠᠱᠢᠶᠠᠨᠳᠤᠪᠠᠨ 《ᠬᠤᠨᠢ ᠲᠤᠭᠠᠯᠠᠬᠤ》 ᠮᠠᠱᠢᠨ ᠤᠬ᠍ᠰᠠᠷᠠᠵᠦ᠍᠂ ᠬᠤᠨᠢ ᠪᠤᠯᠭᠠᠨᠳᠤ 《ᠪᠡᠶᠠᠶ᠋ᠢᠨ ᠦᠨᠡᠮᠯᠡᠯ》 ᠵᠡᠬᠦᠯᠭᠡᠵᠦ᠍᠂ ᠲᠤᠭ᠍ᠲᠠᠬ᠍ᠰᠠᠨ ᠭᠠᠵᠠᠷᠢᠶᠠᠷ ᠦᠩᠬᠡᠷᠡᠬᠦᠯᠬᠦ᠌ᠳᠤ 《ᠴᠡᠭᠢᠯᠭᠠᠨ ᠨᠢᠳᠤᠨ》 ᠳᠤ ᠦᠵᠡᠭ᠌ᠳᠡᠨ᠂ ᠬᠤᠨᠢᠨᠤ ᠲᠤᠭᠠ᠂ ᠡᠷᠡᠬᠦᠯ ᠮᠡᠨᠳᠤ ᠵᠡᠷᠭᠡ ᠲᠤᠭᠠ ᠪᠠᠷᠢᠮᠲᠠᠨᠢ ᠴᠠᠭ ᠲᠤᠬᠠᠢᠳᠤᠨᠢ 《ᠮᠦ᠍ ᠵᠠᠩ ᠭᠦᠢ》 APP ᠳᠤ ᠳᠠᠮᠵᠢᠭᠤᠯᠤᠬ᠍ᠳᠠᠨᠠ᠃ 《ᠡᠬᠦᠨᠢ ᠤᠶᠤᠨᠴᠢ ᠮᠠᠯᠵᠢᠯᠤᠨ ᠦᠢᠯᠡᠰ ᠬᠡᠨᠠ》 ᠬᠡᠵᠦ᠍ ᠲᠠᠷᠡ ᠬᠡᠯᠡᠪᠡ᠃
ᠤᠷᠤᠬ᠍ᠰᠢᠯᠲᠡᠶ᠋ᠢᠨ ᠠᠯᠬᠤᠭᠠ ᠡᠢᠮᠦ᠍ ᠯᠡ ᠡᠷᠴᠢ ᠬᠦᠴᠦᠳᠡᠢ； ᠰᠠᠢᠨ ᠰᠠᠢᠬᠠᠨ ᠲᠦᠷᠬᠦ᠌ ᠡᠢᠮᠦ᠍ ᠯᠡ ᠲᠤᠪ ᠳᠤᠳᠤᠬᠠᠨ； ᠨᠤᠮᠢᠨ ᠨᠤᠭᠤᠭᠠᠨ ᠠᠭᠤᠯᠠ ᠤᠰᠤ᠂ ᠦᠵᠡᠮᠵᠢᠨᠢ ᠭᠤᠢᠳᠡ ᠬᠦᠮᠦᠨ ᠠᠷᠠᠳᠨᠢ ᠳᠤᠲᠤᠨᠤ᠂ ᠱᠢᠯᠦᠭ᠌ᠯᠢᠭ ᠰᠠᠢᠬᠠᠨ ᠰᠠᠭᠤᠷᠢᠱᠢᠯ᠂ ᠱᠢᠯᠦᠭ᠌ᠴᠢᠶ᠋ᠢᠨ ᠪᠢᠷᠤᠨ ᠦᠵᠦᠬᠦᠷᠲᠠᠬᠢ ᠷᠤᠮᠠᠨᠲ᠋ᠢᠭ ᠬᠡᠢᠰᠪᠦᠷᠢ ᠮᠦᠷᠦᠭᠡᠳᠦᠯ ᠪᠢᠰᠢ᠂ ᠬᠠᠷᠢᠨ ᠲᠤᠭᠠᠨᠠᠴᠠ ᠴᠢᠨᠡᠷ᠂ ᠶᠡᠭᠡᠠᠴᠠ ᠬᠦᠴᠦᠷᠭᠡᠭ ᠪᠤᠯᠤᠭᠠ ᠨᠢᠳᠦ ᠬᠢᠯᠡᠰᠦᠮᠠ ᠪᠤᠳᠠᠳᠤ ᠤᠷᠤᠱᠢᠬᠤᠢ ᠮᠦᠨ᠃
ᠦᠢᠯᠡᠳᠪᠦᠷᠢᠯᠡᠯᠤᠨ ᠭᠠᠵᠷᠢ ᠴᠡᠪᠡᠷᠱᠢᠬᠦᠯᠪᠡ᠃ ᠬᠢᠮᠢᠶ᠋ᠢᠨ ᠪᠤᠷᠳᠤᠭᠤᠷ᠂ ᠲᠠᠷᠢᠶᠠᠯᠠᠩᠤᠨ ᠡᠮᠢ ᠬᠡᠷᠡᠭ᠌ᠯᠡᠬᠦ᠌ ᠬᠡᠮᠵᠢᠶᠠ 3 ᠵᠢᠯ ᠲᠠᠷᠠᠭᠠᠯᠠᠨ ᠰᠦᠷᠬᠡᠬᠦ᠌ ᠨᠡᠮᠡᠭ᠌ᠳᠡᠯᠲᠠᠢ ᠪᠤᠯᠵᠦ᠍᠂ ᠦᠨᠳᠦᠷ ᠦᠷᠠ ᠠᠱᠢᠬ᠍ᠲᠤ ᠤᠰᠤ ᠠᠷᠪᠢᠯᠠᠬᠤ ᠲᠠᠯᠠᠪᠡᠢᠨᠢ 2811 ᠲᠦᠮᠡᠨ ᠮᠦ᠍ᠳᠤ ᠬᠦᠷᠴᠦ᠍᠂ ᠡᠰᠢ ᠰᠦᠷᠡᠯᠢ ᠶᠡᠷᠦᠩᠬᠡᠢᠯᠡᠨ ᠠᠱᠢᠬ᠍ᠯᠠᠬᠤ ᠨᠤᠷᠮᠠᠨᠢ 85% ᠢ ᠳᠠᠪᠠᠵᠦ᠍᠂ ᠰᠦᠯᠢᠶᠤᠤ ᠪᠦᠷᠬᠦᠪᠴᠢᠢ ᠬᠤᠷᠢᠶᠠᠨ ᠠᠪᠤᠬ᠍ᠰᠠᠨ ᠨᠤᠷᠮᠠᠨᠢ 80% ᠳᠤ ᠬᠦᠷᠴᠦ᠍᠂ ᠭᠡᠷᠤᠨ ᠲᠡᠵᠢᠭᠡᠪᠦᠷᠢᠶ᠋ᠢᠨ ᠢᠯᠭᠠᠭᠠᠳᠠᠰᠦᠶ᠋ᠢ ᠶᠡᠷᠦᠩᠬᠡᠢᠯᠡᠨ ᠠᠱᠢᠬ᠍ᠯᠠᠬᠤ ᠨᠤᠷᠮᠠᠨᠢ 86.58% ᠳᠤ ᠬᠦᠷᠴᠡᠢ᠃
ᠨᠡᠮᠡᠵᠦ᠍ ᠬᠠᠰᠤᠬᠤᠶ᠋ᠢ ᠬᠤᠪᠢᠰᠭᠠᠪᠠ᠃ 2020 ᠤᠨᠳᠤ ᠪᠤᠬᠢᠷᠳᠤᠯ ᠦᠬᠡᠢ᠂ ᠤᠷᠭᠠᠨᠢᠭ ᠪᠤᠯᠤᠨ ᠭᠠᠵᠠᠷ ᠵᠦᠢᠶ᠋ᠢᠨ ᠢᠯᠡᠷᠬᠡᠢᠯᠡᠯᠳᠦ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠤ ᠪᠠᠢᠭᠤᠯᠤᠯᠭᠠ 1005 ᠪᠤᠯᠵᠦ᠍᠂ ᠪᠦᠲᠦᠭᠡᠭ᠌ᠳᠡᠬᠦᠨᠤ ᠶᠡᠷᠦᠩᠬᠡᠢ ᠲᠤᠭᠠ 2136 ᠳᠤ ᠬᠦᠷᠴᠦ᠍᠂ ᠶᠡᠷᠦᠩᠬᠡᠢ ᠬᠡᠮᠵᠢᠶᠠᠨᠢ 913.21 ᠲᠦᠮᠡᠨ ᠲᠤᠨᠳᠤ ᠬᠦᠷᠪᠡ᠃ ᠤᠷᠭᠠᠨᠢᠭ ᠪᠤᠲᠦᠭᠡᠭ᠌ᠳᠡᠬᠦᠨᠤ ᠭᠠᠷᠤᠯᠲᠠ ᠪᠦᠬᠦ᠌ ᠤᠯᠤᠰᠤᠨ ᠲᠡᠷᠢᠬᠦᠨᠳᠤ ᠤᠷᠤᠵᠦ᠍᠂ ᠦᠨᠢᠶᠡᠨ ᠰᠦ᠂ ᠬᠤᠨᠢᠨ ᠮᠢᠬᠠ᠂ ᠢᠮᠠᠭᠠᠨ ᠨᠤᠤᠰᠤ᠂ ᠡᠪᠡᠰᠦᠨᠤ ᠦᠢᠯᠡᠰᠤᠨ ᠭᠠᠷᠤᠯᠲᠠ ᠪᠦᠷ ᠪᠦᠬᠦ᠌ ᠤᠯᠤᠰᠤᠨ ᠲᠡᠷᠢᠬᠦᠨᠳᠤ ᠤᠷᠤᠵᠦ᠍᠂ ᠪᠦᠬᠦ᠌ ᠤᠯᠤᠰᠤᠨ ᠬᠡᠷᠡᠭ᠌ᠯᠡᠭᠡᠨᠤ ᠵᠠᠬᠠ ᠳᠡᠯᠭᠡᠬᠦᠷᠤᠨ ᠲᠦᠷᠪᠡᠨᠤ ᠨᠢᠭᠡ ᠤᠷᠴᠢᠮᠤᠨ ᠬᠤᠨᠢᠨ ᠮᠢᠬᠠ᠂ ᠲᠠᠪᠤᠨᠤ ᠨᠢᠭᠡ ᠤᠷᠴᠢᠮᠤᠨ ᠦᠨᠢᠶᠡᠨ ᠰᠦᠶ᠋ᠢ ᠦᠪᠦᠷ ᠮᠤᠩᠭᠤᠯ ᠬᠠᠩᠭᠠᠳᠠᠭ᠃
ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠢᠶᠠᠷ ᠬᠦᠭ᠌ᠵᠢᠬᠦᠯᠪᠡ᠃ ᠲᠠᠷᠢᠶᠠᠯᠠᠩᠤᠨ ᠱᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯᠤᠨ ᠲᠠᠪᠱᠢᠯᠲᠠᠶ᠋ᠢᠨ ᠨᠤᠷᠮᠠ 57% ᠳᠤ ᠬᠦᠷᠪᠡ； ᠲᠠᠷᠢᠮᠠᠯᠤᠨ ᠵᠦᠢᠯᠡᠰᠤᠨ ᠲᠠᠷᠢᠵᠦ᠍ ᠬᠤᠷᠢᠶᠠᠬᠤ ᠠᠵᠢᠯᠤᠨ ᠶᠡᠷᠦᠩᠬᠡᠢ ᠮᠧᠬᠠᠨᠢᠬ᠍ᠵᠢᠯᠲᠠᠶ᠋ᠢᠨ ᠬᠡᠮᠵᠢᠶᠠᠨᠢ 86% ᠪᠠᠢᠬ᠍ᠰᠠᠨᠠᠴᠠᠪᠠᠨ ᠪᠦᠬᠦ᠌ ᠤᠯᠤᠰᠤᠨ ᠳᠤᠮᠳᠠᠴᠢ ᠲᠦᠪᠱᠢᠨᠠᠴᠠ 15 ᠵᠠᠭᠤᠨᠤ ᠬᠤᠪᠢ ᠲᠠᠪᠠᠵᠡᠢ； ᠪᠤᠭᠤᠳᠠᠢ᠂ ᠡᠷᠳᠡᠨᠢ ᠱᠢᠰᠢ᠂ ᠲᠦᠮᠦᠰᠦ ᠭᠡᠬᠦ᠌ ᠭᠤᠷᠪᠠᠨ ᠶᠡᠭᠡ ᠲᠠᠷᠢᠮᠠᠯᠤᠨ ᠲᠠᠷᠢᠵᠦ᠍ ᠬᠤᠷᠢᠶᠠᠬᠤ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠮᠧᠬᠠᠨᠢᠬ᠍ᠵᠢᠯᠲᠠᠶ᠋ᠢᠨ ᠨᠤᠷᠮᠠᠨᠢ ᠲᠤᠰ ᠲᠤᠰ 99%᠂ 90% ᠪᠤᠯᠤᠨ 82% ᠲᠤ ᠬᠦᠷᠴᠡᠢ᠃
《ᠠᠷᠪᠡᠨ ᠲᠦᠷᠪᠡᠳᠦᠭᠡᠷ ᠲᠠᠪᠤᠨ ᠵᠢᠯ》 ᠤᠨ ᠡᠬᠢᠯᠡᠯᠲᠡᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠱᠢᠨᠡ ᠬᠦᠭ᠌ᠵᠢᠯᠳᠡᠶ᠋ᠢᠨ ᠱᠠᠳᠤ ᠦᠶᠡᠶ᠋ᠢ ᠤᠨᠤᠪᠴᠢᠲᠠᠢ ᠡᠵᠡᠮᠱᠢᠵᠦ᠍᠂ ᠱᠢᠨᠠ ᠬᠦᠭ᠌ᠵᠢᠯᠳᠡᠶ᠋ᠢᠨ ᠤᠢ᠍ᠢᠯᠠᠭᠠᠬ᠍ᠳᠠᠬᠤᠨᠢ ᠬᠦᠨᠵᠡᠭᠡᠢ ᠲᠤᠭᠤᠱᠢᠯᠠᠭᠤᠯᠤᠨ᠂ ᠱᠢᠨᠠ ᠬᠦᠭ᠌ᠵᠢᠯᠳᠡᠶ᠋ᠢᠨ ᠪᠠᠢᠳᠠᠯᠳᠤ ᠲᠦᠷᠭᠡᠨ ᠠᠭᠤᠰᠤᠯᠴᠠᠵᠦ᠍᠂ ᠤᠯᠤᠰᠤᠨ ᠴᠢᠬᠤᠯᠠ ᠮᠠᠯᠤᠨ ᠠᠱᠢᠬ ᠱᠢᠮᠠ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠰᠠᠭᠤᠷᠢᠨ ᠭᠠᠵᠠᠷᠢ ᠪᠠᠢᠭᠤᠯᠬᠤᠳᠤ᠂ ᠶᠠᠭᠤ ᠬᠢᠬᠦ᠌ ᠪᠤᠢ？ ᠬᠡᠷᠬᠢᠨ ᠬᠢᠬᠦ᠌ ᠪᠤᠢ？ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠨᠠᠮᠤᠨ ᠬᠤᠷᠢᠶᠠ ᠵᠠᠰᠠᠭᠤᠨ ᠤᠷᠳᠤᠨ ᠬᠦᠭ ᠠᠢᠵᠠᠮᠢ ᠳᠤᠬ᠍ᠳᠠᠭᠠᠵᠦ᠍ ᠪᠠᠢᠨᠠ᠃
《ᠨᠤᠭᠤᠭᠠᠨ ᠦᠩᠭᠡ ᠪᠤᠯ ᠮᠠᠨᠤ ᠬᠠᠮᠤᠭᠤᠨ ᠶᠡᠭᠡ ᠡᠳ᠋ ᠪᠠᠶᠠᠯᠢᠭ ᠮᠦᠨ᠂ ᠰᠠᠢᠨ ᠰᠠᠢᠬᠠᠨ ᠠᠮᠢ ᠠᠬᠤᠢᠶ᠋ᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠪᠤᠯ ᠬᠠᠮᠤᠭᠠᠴᠠ ᠠᠱᠢᠬ ᠬᠦᠷᠳᠡᠭᠡᠬᠦ᠌ ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠪᠤᠶᠠᠨ ᠵᠢᠷᠭᠠᠯ ᠮᠦᠨ᠂ ᠪᠢᠳᠡ ᠡᠷᠬᠡᠪᠰᠢ ᠲᠠᠯᠠ ᠨᠤᠲᠤᠭ᠂ ᠤᠢ ᠱᠢᠭᠤᠢ᠂ ᠭᠤᠤᠯ ᠮᠦᠷᠡᠨ᠂ ᠨᠠᠭᠤᠷ ᠪᠦᠷᠢᠲᠦᠪᠠᠨ ᠰᠠᠢᠳᠤᠷ ᠬᠠᠮᠠᠭᠠᠯᠠᠨ᠂ ᠦᠪᠦᠷ ᠮᠤᠩᠭᠤᠯᠤᠨ ᠡᠨᠡᠬᠦ᠌ ᠨᠤᠮᠢᠨ ᠨᠤᠭᠤᠭᠠᠨ᠂ ᠬᠦᠬᠡᠮᠳᠦᠭ᠂ ᠠᠷᠢᠭᠤᠨ ᠲᠠᠭ᠍ᠱᠢᠨ ᠠᠭᠤᠯᠠ ᠤᠰᠤᠪᠠᠨ ᠬᠠᠮᠠᠭᠠᠯᠠᠨ᠂ ᠬᠦᠮᠦᠨ ᠪᠠᠢᠭᠠᠯᠢ ᠡᠶᠡ ᠵᠤᠬᠢᠴᠠᠩᠭᠤᠢ ᠬᠠᠮᠳᠤᠪᠡᠷ ᠤᠷᠤᠱᠢᠬᠤ ᠦᠵᠡᠰᠭᠦᠯᠡᠩᠲᠤ ᠰᠠᠢᠬᠠᠨ ᠭᠡᠷ ᠤᠷᠤᠨᠢᠶᠠᠨ ᠴᠢᠷᠮᠠᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠬᠤ ᠬᠡᠷᠡᠭ᠌ᠳᠡᠢ᠃》
《ᠪᠤᠬᠢᠷᠳᠤᠯ ᠦᠬᠡᠢ ᠤᠨᠴᠠᠯᠢᠬ᠍ᠲᠤ ᠦᠪᠡᠷᠮᠢᠴᠡ ᠲᠠᠪᠠᠭᠤᠯᠢᠬ ᠤᠳᠤᠬᠢᠴᠢᠯᠠᠬ᠍ᠰᠠᠨ ᠠᠵᠦ᠍ ᠦᠢᠯᠡᠰᠤᠨ ᠱᠢᠰᠲ᠋ᠧᠮᠢ ᠪᠠᠢᠭᠤᠯᠵᠦ᠍᠂ 〈ᠬᠤᠶᠠᠷ ᠰᠠᠭᠤᠷᠢᠨ〉 ᠤ ᠪᠤᠬᠢᠷᠳᠤᠯ ᠦᠬᠡᠢ ᠬᠦᠭ᠌ᠵᠢᠯᠲᠠᠶ᠋ᠢᠨ ᠴᠢᠨᠠᠷ ᠰᠠᠢᠲᠠᠢ ᠬᠦᠭ᠌ᠵᠢᠯᠳᠡᠶ᠋ᠢ ᠠᠬᠢᠭᠤᠯᠬᠤ ᠬᠡᠷᠡᠭ᠌ᠳᠡᠢ᠃ ᠠᠮᠢ ᠠᠬᠤᠢᠶ᠋ᠢ ᠲᠡᠷᠢᠬᠦᠨᠳᠤ ᠲᠠᠯᠪᠢᠬᠤ᠂ ᠪᠤᠬᠢᠷᠳᠤᠯ ᠦᠬᠡᠢ ᠬᠦᠭ᠌ᠵᠢᠯᠳᠡᠪᠠᠷ ᠠᠵᠤ ᠦᠢᠯᠡᠰᠤᠨ ᠬᠡᠯᠪᠡᠷᠢᠪᠠᠨ ᠬᠤᠪᠢᠷᠠᠭᠤᠯᠤᠨ ᠲᠠᠰ ᠲᠡᠪᠱᠢᠬᠦ᠌ᠶ᠋ᠢ ᠤᠳᠤᠷᠢᠳᠤᠨ ᠠᠬᠢᠭᠤᠯᠬᠤᠶ᠋ᠢ ᠪᠠᠷᠢᠮᠲᠠᠯᠠᠵᠤ᠂ ᠡᠨᠧᠷᠬᠢ ᠪᠤᠯᠤᠨ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢᠨ ᠡᠬᠢ ᠪᠠᠶᠠᠯᠢᠭᠤᠨ ᠰᠠᠭᠤᠷᠢᠨ ᠭᠠᠵᠠᠷᠢ ᠱᠢᠯᠢᠭ᠌ᠳᠡᠵᠢᠬᠦᠯᠤᠨ ᠲᠠᠰ ᠲᠠᠪᠱᠢᠬᠦ᠌ᠶ᠋ᠢ ᠠᠭᠢᠭᠤᠯᠵᠦ᠍᠂ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭ᠌ᠳᠡᠬᠦᠨ ᠮᠠᠯᠤᠨ ᠠᠱᠢᠬ ᠱᠢᠮᠠᠶ᠋ᠢᠨ ᠰᠠᠭᠤᠷᠢᠨ ᠭᠠᠵᠠᠷᠤᠨ ᠴᠢᠨᠠᠷ ᠰᠠᠢᠳᠠᠢ ᠦᠨᠳᠦᠷ ᠦᠷᠠ ᠠᠱᠢᠬ᠍ᠲᠤ ᠬᠡᠯᠪᠡᠷᠢᠶ᠋ᠢᠨ ᠬᠤᠪᠢᠷᠠᠭᠤᠯᠤᠯᠲᠠᠶ᠋ᠢ ᠠᠬᠢᠭᠤᠯᠵᠦ᠍᠂ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢᠨ ᠴᠢᠨᠠᠷᠲᠠᠢ ᠱᠢᠨᠠᠪᠠᠷ ᠮᠠᠨᠳᠤᠬ᠍ᠰᠠᠨ ᠠᠵᠤ ᠦᠢᠯᠡᠰ ᠪᠤᠯᠤᠨ ᠲᠡᠷᠢᠬᠦᠨᠤ ᠦᠢᠯᠡᠳᠬᠦ᠌ ᠦᠢᠯᠡᠰᠤᠨ ᠠᠵᠦ᠍ ᠦᠢᠯᠡᠰᠤᠨ ᠬᠦᠭ᠌ᠵᠢᠯᠳᠡᠶ᠋ᠢ ᠠᠬᠢᠭᠤᠯᠤᠨ᠂ ᠤᠳᠤ ᠦᠶᠡᠶ᠋ᠢᠨ ᠦᠢᠯᠡᠴᠢᠯᠡᠭᠡᠨᠤ ᠦᠢᠯᠡᠰᠢ ᠬᠦᠭ᠌ᠵᠢᠬᠦᠯᠵᠦ᠍᠂ ᠲᠤᠭᠠᠴᠢᠯᠠᠬ᠍ᠰᠠᠨ ᠬᠦᠭ᠌ᠵᠢᠯᠳᠡᠶ᠋ᠢ ᠠᠬᠢᠭᠤᠯᠵᠤ᠂ ᠰᠠᠭᠤᠷᠢ ᠲᠦᠬᠦᠭᠡᠷᠦᠮᠵᠢᠶ᠋ᠢᠨ ᠪᠠᠢᠭᠤᠯᠤᠯᠲᠠᠶ᠋ᠢ ᠨᠢᠬᠡᠳᠦᠯᠳᠡᠢ ᠲᠦᠯᠦᠪᠵᠢᠬᠦᠯᠦᠨ ᠠᠬᠢᠭᠤᠯᠵᠦ᠍᠂ ᠤᠯᠠᠨ ᠡᠱᠢᠳᠤ ᠬᠦᠭ᠌ᠵᠢᠯᠳᠡ᠂ ᠤᠯᠠᠨ ᠲᠦᠢᠯᠱᠢᠷᠠᠯᠢᠶᠠᠷ ᠲᠤᠯᠭᠠᠭᠤᠷᠢᠯᠠᠯ ᠪᠤᠯᠭᠠᠬ᠍ᠰᠠᠨ ᠤᠳᠤ ᠦᠶᠡᠶ᠋ᠢᠨ ᠠᠵᠦ᠍ ᠦᠢᠯᠡᠰᠤᠨ ᠱᠢᠨᠠ ᠱᠢᠰᠲ᠋ᠧᠮᠢ ᠪᠦᠷᠢᠯᠳᠦᠬᠦᠯᠵᠦ᠍᠂ ᠤᠯᠤᠰᠤᠨ ᠠᠮᠢ ᠠᠬᠤᠢᠶ᠋ᠢᠨ ᠠᠮᠤᠷ ᠲᠦᠪᠱᠢᠨ ᠪᠤᠯᠤᠨ ᠡᠨᠧᠷᠬᠢᠶ᠋ᠢᠨ ᠠᠮᠤᠷ ᠲᠦᠪᠱᠢᠨ᠂ ᠠᠮᠤ ᠪᠤᠳᠠᠭᠠᠨᠤ ᠠᠮᠤᠷ ᠲᠦᠪᠱᠢᠨ᠂ ᠠᠵᠤ ᠦᠢᠯᠡᠰᠤᠨ ᠠᠮᠤᠷ ᠲᠦᠪᠱᠢᠨᠢ ᠨᠡᠩ ᠰᠠᠢᠨ ᠪᠠᠳᠤᠯᠠᠬᠤ ᠬᠡᠷᠡᠭ᠌ᠳᠡᠢ》᠃
ᠲᠦᠮᠡᠨ ᠪᠤᠳᠠᠰ ᠬᠠᠪᠤᠷ ᠠᠮᠢᠯᠠᠨ ᠨᠠᠮᠤᠷ ᠦᠷᠡᠯᠡᠨᠠ᠃ ᠤᠯᠤᠰᠤᠨ ᠴᠢᠬᠤᠯᠠ ᠮᠠᠯᠤᠨ ᠠᠱᠢᠬ ᠱᠢᠮᠠ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠤ ᠰᠠᠭᠤᠷᠢᠨᠢ ᠪᠠᠢᠭᠤᠯᠬᠤ ᠨᠡᠩ ᠤᠷᠳᠤ ᠵᠠᠮᠨᠠᠯ ᠨᠢᠭᠡᠨᠳᠡ ᠡᠬᠢᠯᠡᠪᠡ᠂ ᠨᠡᠩ ᠬᠦᠴᠦᠳᠡᠢ ᠠᠢᠵᠠᠮ ᠴᠤᠬᠢᠯᠭᠠ ᠠᠷᠤᠳᠤ ᠪᠤᠢ᠃
ᠭᠤᠢᠳᠠ ᠦᠵᠡᠭ᠌ᠳᠡᠯ ᠢᠯᠡᠷᠡᠯᠡ — ᠲᠤᠷᠤᠨᠠᠶ᠋ᠢᠨ ᠤᠷᠢᠬᠠᠨ ᠰᠠᠯᠬᠢᠨᠳᠤ ᠬᠠᠪᠤᠷᠤᠨ ᠬᠤᠷᠠ ᠪᠠᠭᠤᠵᠤ᠂ ᠬᠥᠯᠥᠰᠥᠨ ᠳᠤᠰᠤᠯᠲᠠᠢ ᠳᠠᠷᠢᠶᠠᠨ ᠳᠠᠯᠠᠩᠠᠴᠠ ᠠᠯᠳᠠ ᠤᠷᠭᠤᠨᠠ᠃ 《ᠶᠡᠬᠡᠰᠭᠡᠬᠦ᠌》 ᠪᠠ 《ᠪᠢᠯᠬᠠᠬᠤ》 ᠶ᠋ᠢᠨ ᠨᠦᠯᠦᠭᠡᠯᠡᠯ ᠢᠯᠡᠳᠳᠡ ᠢᠯᠡᠷᠡᠵᠤ᠂ ᠥᠪᠥᠷ ᠮᠣᠩᠭᠤᠯᠢᠶᠠᠨ ᠬᠠᠢᠷᠠᠯᠠᠬᠤ ᠬᠦᠢᠴᠡᠳ ᠳᠠᠨᠢᠯᠳᠠᠲᠠᠢ ᠪᠤᠯᠤᠯᠠ