— ᠡᠭᠦᠯᠡᠨ ᠬᠦᠯᠦᠭ • 2020 ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠲᠠᠭᠤᠤᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠳᠠᠬᠢ ᠤᠬᠠᠭᠤᠯᠭᠠᠶ᠋ᠢᠨ ᠲᠤᠭ᠍ᠯᠠᠯᠳᠠᠶ᠋ᠢᠨ ᠲᠠᠳᠠᠯᠠᠭᠠ
ᠡᠯᠪᠡᠭ ᠪᠠᠶᠠᠨᠤ ᠲᠠᠯᠠᠯᠤᠭᠠᠲᠠᠢ ᠦᠩᠱᠢᠭ ᠨᠠᠮᠤᠷᠤᠨ ᠡᠬᠢᠨ ᠰᠠᠷᠠ ᠦᠵᠦᠮᠦᠴᠢᠨ ᠨᠤᠲᠤᠭᠤᠨ ᠠᠭᠤᠯᠠ ᠲᠠᠯᠠᠳᠤ ᠤᠷᠳᠤᠶ᠋ᠢᠨ ᠲᠠᠭᠤᠤ ᠱᠢᠷᠤᠩᠬᠠᠢᠯᠠᠵᠦ᠍᠂ ᠬᠤᠷᠠᠭᠠᠨ ᠡᠭᠦᠯᠡᠰ ᠬᠦᠪᠪᠦᠯᠵᠡᠭ᠌ᠰᠡᠨ ᠬᠦᠬᠡᠮᠳᠦᠭ ᠲᠡᠭ᠌ᠷᠢᠲᠠᠢ ᠬᠠᠶᠠᠭᠠ ᠨᠡᠢᠯᠡᠭ᠌ᠰᠡᠨ ᠡᠩ ᠦᠭᠡᠢ ᠦᠷᠭᠡᠨ ᠲᠠᠯᠠᠶ᠋ᠢᠨ ᠦᠷᠦᠴᠡᠨᠳᠤ ᠦᠷᠡᠵᠢᠯᠳᠤ ᠰᠦᠷᠦᠭ ᠨᠠᠯᠠᠢᠨ ᠪᠡᠯᠴᠢᠭᠡᠳ ᠱᠢᠨᠡ ᠡᠷᠡᠨᠤ ᠵᠢᠪᠬᠤᠭᠠᠳᠤ ᠮᠠᠯᠴᠢᠳᠤᠨ ᠴᠢᠷᠠᠢᠳᠤ ᠪᠠᠶᠠᠷ ᠵᠢᠷᠭᠠᠯᠤᠨ ᠮᠦᠱᠢᠶᠡᠳᠤ ᠲᠤᠲᠤᠷᠠᠨᠠ᠃
8 ᠰᠠᠷᠠᠶ᠋ᠢᠨ 14 ᠤ ᠦᠳᠡᠶ᠋ᠢᠨ ᠬᠤᠢᠨᠠ᠂ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠤᠯᠢᠶᠠᠰᠤᠳᠠᠢ ᠪᠠᠯᠭᠠᠰᠤᠨᠤ ᠦᠵᠦᠮᠦᠴᠢᠨ ᠠᠭᠤᠳᠠᠮ ᠲᠠᠯᠠᠪᠠᠢᠳᠤ ᠳᠠᠭᠤᠤ ᠬᠤᠭᠤᠷ ᠴᠠᠯᠬᠢᠵᠦ᠍᠂ ᠦᠵᠦᠮᠦᠴᠢᠨ ᠵᠠᠰᠠᠯᠲᠠᠢ ᠮᠠᠯᠴᠢᠳ᠂ ᠨᠠᠢ᠍ᠮᠠᠨ ᠵᠦᠭᠤᠨ ᠬᠡᠢᠴᠢᠳ 《ᠠᠷᠪᠠᠨ ᠲᠤᠯᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠲᠤᠮᠳᠠᠳᠤ ᠤᠯᠤᠰ • ᠦᠪᠦᠷ ᠮᠤᠩᠭᠤᠯᠤᠨ ᠲᠠᠯᠠ ᠨᠤᠲᠤᠭᠤᠨ ᠰᠤᠶᠤᠯᠤᠨ ᠨᠠᠢᠷ》 ᠤᠨ ᠡᠭᠦᠯᠡᠨ ᠬᠦᠯᠦᠭ •2020 ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠲᠠᠭᠤᠤᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠤᠬᠠᠭᠤᠯᠭᠠᠶ᠋ᠢᠨ ᠲᠤᠭ᠍ᠯᠠᠯᠳᠠᠶ᠋ᠢᠨ ᠠᠬᠤᠢ ᠲᠠᠯᠠᠪᠠᠢᠳᠤ ᠬᠤᠷᠠᠨ ᠴᠤᠭ᠍ᠯᠠᠷᠠᠵᠠᠢ᠃
7 ᠰᠠᠷᠠᠶ᠋ᠢᠨ 28 ᠠᠴᠠ ᠡᠬᠢᠯᠡᠭ᠌ᠰᠡᠨ ᠡᠭᠦᠯᠡᠨ ᠬᠦᠯᠦᠭ •2020 ᠦᠪᠦᠷ ᠮᠤᠩᠭᠤᠯᠤᠨ ᠠᠷᠠᠳᠤᠨ ᠲᠠᠭᠤᠤᠶ᠋ᠢᠨ ᠤᠷᠤᠯᠳᠤᠭᠠᠨ ᠦᠨᠦᠳᠦᠷ ᠡᠢᠨ ᠬᠦ᠌ ᠲᠦᠮᠡ ᠪᠤᠮᠠᠨ ᠦᠵᠡᠭ᠌ᠴᠢᠳᠤᠨ ᠠᠩᠬᠠᠷᠤᠯᠢ ᠳᠠᠳᠠᠬ᠍ᠰᠠᠭᠠᠷ ᠤᠷᠳᠤ ᠲᠠᠭᠤᠨᠤ ᠦᠯᠦᠭᠡᠢ ᠬᠡᠮᠡᠭ᠌ᠳᠡᠭ᠌ᠰᠡᠨ ᠦᠵᠦᠮᠦᠴᠢᠨ ᠨᠤᠲᠤᠭᠲᠤ ᠰᠠᠭᠠᠳᠠᠯᠠ᠃
ᠴᠠᠭᠤᠨ ᠵᠡᠭᠦᠦ 4 ᠶ᠋ᠢ ᠵᠢᠭᠠᠬᠤᠳᠤ ᠲᠤᠭ᠍ᠯᠠᠯᠳᠠᠶ᠋ᠢᠨ ᠲᠠᠢᠰᠠᠨᠤ ᠲᠦᠪ ᠲᠡᠯᠭᠡᠴᠡ ᠲᠤᠯᠠᠢᠨ ᠭᠡᠷᠡᠯᠳᠤᠬᠦ᠌ ᠭᠱᠠᠨᠠ ᠬᠦᠭ᠌ᠵᠢᠮᠤᠨ ᠠᠶᠠᠰ ᠰᠤᠯᠢᠭ᠍ᠳᠠᠵᠤ᠂ ᠬᠦᠲᠦᠯᠦᠭ᠌ᠴᠢᠠᠴᠠ ᠲᠤᠭ᠍ᠯᠠᠯᠳᠠ ᠡᠬᠢᠯᠡᠭ᠌ᠰᠡᠨᠢ ᠵᠠᠷᠯᠠᠮᠠᠬ᠍ᠴᠠ ᠲᠠᠯᠠᠪᠠᠢ ᠲᠦᠭᠦᠷᠡᠩ ᠠᠯᠠᠭᠠ ᠲᠠᠱᠢᠯᠳᠠᠶ᠋ᠢᠨ ᠲᠠᠭᠤᠨ ᠨᠢᠵᠢᠭᠢᠨᠡᠵᠤ᠂ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠬᠠᠭᠤᠴᠢᠳ ᠬᠠᠮᠳᠤᠯᠢᠭᠤᠨᠬᠢᠨ 《ᠲᠦᠭᠦᠷᠡᠩᠵᠠᠭᠠᠨᠠ》 ᠲᠠᠭᠤᠤᠪᠠᠷ ᠲᠤᠭ᠍ᠯᠠᠯᠳᠠᠶ᠋ᠢᠨ ᠰᠠᠯᠬᠢᠶ᠋ᠢ ᠬᠠᠭᠠᠯᠤᠯᠠ᠃ ᠬᠦᠭᠡᠮᠡᠢᠶ᠋ᠢᠨ ᠭᠠᠢᠬᠠᠮᠱᠢᠭ᠍ᠳᠤ ᠠᠶᠠᠯᠭᠤ ᠤᠷᠢᠳᠤᠶ᠋ᠢᠨ ᠲᠡᠤᠬᠡᠶ᠋ᠢ ᠬᠥᠤᠷᠨᠢᠵᠤ᠂ ᠦᠵᠦᠮᠦᠴᠢᠨ ᠨᠤᠲᠤᠭᠤᠨ ᠲᠤᠮᠤᠭ᠍ᠳᠤ ᠪᠦᠬᠡᠶ᠋ᠢᠨ ᠠᠷᠰᠯᠠᠨ ᠵᠠᠭᠠᠨᠤ ᠬᠦᠴᠦᠳᠤ ᠲᠡᠪᠢᠯᠳᠡ ᠠᠮᠢᠯᠠᠨ᠂ ᠲᠠᠭᠤᠤ ᠤᠷᠠᠯᠢᠭᠤᠨ ᠷᠢᠲᠢ ᠱᠢᠲᠢᠶ᠋ᠢ ᠭᠠᠢᠬᠠᠭᠤᠯᠤᠨᠠ᠃ ᠵᠠᠯᠭᠠᠭᠠᠳ ᠤᠷᠳᠤᠶ᠋ᠢᠨ ᠲᠠᠭᠤᠤ 《ᠴᠠᠭᠠᠨ ᠲᠤᠬᠤᠢ ᠨᠤᠳᠤᠭ》 ᠤᠯᠠᠨᠤ ᠰᠤᠨᠤᠷᠲᠤ ᠬᠦᠷᠬᠦ᠌ᠳᠤ ᠲᠠᠯᠠᠪᠠᠢ ᠲᠠᠶᠠᠭᠠᠷ ᠨᠠᠮ ᠵᠢᠮ ᠪᠤᠯᠵᠤ᠂ ᠲᠠᠯᠠ ᠱᠢᠬᠢᠶᠠᠨ ᠠᠭᠤᠵᠢᠭᠤ ᠮᠤᠩᠭᠤᠯ ᠬᠦᠮᠦᠨᠤ ᠵᠢᠷᠦᠬᠡ ᠰᠡᠳᠭᠢᠯᠠᠴᠠ ᠤᠨᠳᠤᠷᠤᠭ᠍ᠰᠠᠨ ᠲᠡᠭ᠌ᠷᠢᠯᠢᠭ ᠡᠭᠡᠱᠢᠭ᠌ᠯᠡᠩᠤᠨ ᠭᠠᠢᠬᠠᠮᠱᠢᠬ᠍ᠳᠤ ᠠᠶᠠᠯᠭᠤ ᠦᠵᠡᠭ᠌ᠴᠢᠳᠤᠨ ᠡᠰ ᠪᠦᠬᠦᠨᠳᠤ ᠱᠢᠩᠬᠡᠨᠠ᠃ ᠮᠠᠨᠤ ᠤᠷᠤᠨᠤ ᠨᠡᠷᠡᠲᠤ ᠵᠠᠯᠠᠭᠤ ᠲᠠᠭᠤᠴᠢᠨ ᠤᠳᠭᠠᠨᠳᠤᠶᠠᠭᠠ 《ᠦᠵᠡᠰᠭᠦᠯᠡᠩᠳᠤ ᠰᠠᠢᠬᠠᠨ ᠦᠵᠦᠮᠦᠴᠢᠨ ᠨᠤᠲᠤᠭ》 ᠢᠶᠠᠨ ᠬᠠᠯᠬᠢᠵᠦ᠍ ᠴᠠᠯᠬᠢᠳᠠᠯᠠ ᠠᠶᠠ ᠪᠠᠷᠢᠬᠤᠳᠤ ᠤᠯᠠᠨᠤ ᠲᠤᠮᠳᠠ ᠬᠦᠨᠳᠦᠳᠭᠡᠯᠲᠠᠢ ᠰᠠᠭᠠᠳᠠᠭ᠍ᠰᠠᠨ ᠰᠤᠮᠢᠶᠠ ᠨᠠᠰᠤᠳᠠᠨ᠄ 《ᠮᠦᠨ ᠴᠤ᠌ ᠰᠠᠢᠬᠠᠨ ᠲᠠᠭᠤᠯᠠᠵᠤ ᠪᠠᠢᠨᠠ ᠱᠢᠦ》 ᠭᠡᠬᠦ᠌ ᠪᠦᠭᠡᠳ ᠨᠠᠮ ᠵᠠᠰᠠᠬᠠᠴᠠ ᠡᠨᠡ ᠮᠡᠳᠤ ᠤᠷᠤᠯᠳᠤᠭᠠᠨ ᠲᠤᠭ᠍ᠯᠠᠯᠳᠠᠶ᠋ᠢ ᠵᠤᠬᠢᠶᠠᠨ ᠪᠠᠢᠭᠤᠯᠵᠤ᠂ ᠦᠷᠭᠡᠨ ᠲᠦᠮᠡᠨᠳᠡᠭᠡᠨ ᠬᠦᠷᠳᠡᠭᠡᠯ ᠲᠠᠭᠠᠱᠢᠶᠠᠯ ᠪᠤᠯᠭᠠᠭ᠍ᠰᠠᠨᠢ ᠦᠨᠳᠦᠷ ᠦᠨᠡᠯᠡᠵᠦ᠍ ᠰᠠᠭᠤᠨᠠ᠃
ᠲᠠᠯᠠᠶ᠋ᠢᠨ ᠦᠷᠦᠴᠡᠨᠠᠴᠠ ᠴᠤᠤᠷᠢᠶᠠᠯᠠᠭ᠍ᠰᠠᠨ ᠤᠷᠳᠤᠶ᠋ᠢᠨ ᠲᠠᠭᠤᠨᠤ ᠱᠢᠷᠤᠩᠬᠠᠢ ᠠᠭᠤᠯᠠ ᠲᠠᠯᠠ ᠤᠰᠤ ᠮᠦᠷᠨᠨ ᠳᠡᠬᠡᠬᠦᠷ᠂ ᠢᠳᠡᠭᠡᠯ ᠨᠦᠬᠦᠷᠯᠡᠯᠤᠨ ᠲᠦᠷᠦᠬᠡᠶ᠋ᠢ ᠴᠢᠩᠭᠠᠯᠠᠭ᠍ᠰᠠᠭᠠᠷ ᠰᠡᠳᠭᠢᠯᠠᠴᠠ ᠰᠡᠳᠭᠢᠯᠳᠤ ᠵᠢᠷᠦᠬᠡᠨᠠᠴᠠ ᠵᠢᠷᠦᠬᠡᠨᠳᠤ ᠤᠶᠠᠩᠭᠠᠷᠠᠨᠠ᠃ ᠲᠤᠭ᠍ᠯᠠᠯᠳᠠᠶ᠋ᠢᠨ ᠠᠬᠤᠢ ᠲᠠᠯᠠᠪᠠᠢᠳᠤ ᠰᠠᠭᠠᠳᠠᠭ᠍ᠰᠠᠨ ᠦᠵᠡᠭ᠌ᠴᠢᠳ ᠨᠢᠵᠢᠬᠢᠨᠡᠭ᠌ᠰᠡᠨ ᠠᠯᠠᠭᠠ ᠲᠠᠱᠢᠯᠳᠠᠪᠠᠷᠢᠶᠠᠨ ᠲᠤᠭ᠍ᠯᠠᠭ᠍ᠴᠢᠳᠢᠶᠠᠨ ᠤᠷᠮᠠᠱᠢᠭᠤᠯᠤᠬ᠍ᠰᠠᠭᠠᠷ᠂ ᠲᠤᠭ᠍ᠯᠠᠯᠳᠠ ᠴᠤ᠌ ᠢᠳᠡ ᠭᠦᠭᠲᠠᠢ ᠦᠷᠭᠦᠯᠵᠢᠯᠡᠭ᠌ᠰᠡᠭᠡᠷ ᠁
ᠨᠠᠢᠷᠠᠯ ᠲᠠᠭᠤᠤ 《ᠠᠮᠤᠭᠤᠯᠠᠩ ᠲᠦᠷᠦᠶ᠋ᠢᠨ ᠲᠤᠪᠴᠢᠶᠠᠨ》 ᠬᠠᠨᠭ᠌ᠭᠢᠨᠠᠬᠤᠲᠠᠢ ᠵᠡᠷᠭᠡ ᠦᠵᠡᠭ᠌ᠴᠢ ᠤᠯᠠᠨ ᠴᠤ᠌ ᠬᠠᠮᠳᠤᠪᠠᠷ ᠲᠦᠷᠢᠯᠡᠭᠡ ᠡᠷᠭᠦᠨ ᠡᠭᠦᠰᠭᠡᠬᠦ᠌ᠨᠢ ᠨᠡᠩ ᠴᠤ᠌ ᠵᠢᠪᠬᠤᠭᠠᠯᠢᠭ ᠨᠠᠮᠪᠠᠳᠠᠢ᠃ ᠡᠨᠡ ᠨᠠᠢᠷᠠᠯ ᠲᠠᠭᠤᠤᠶ᠋ᠢ ᠳᠠᠭᠤᠯᠠᠬ᠍ᠰᠠᠨᠨᠢ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠤᠷᠳᠤᠶ᠋ᠢᠨ ᠲᠠᠭᠤᠨᠤ ᠨᠡᠢᠭᠡᠮᠯᠢᠭᠤᠨᠬᠢᠨ ᠪᠠᠢᠯᠠ᠃ ᠡᠳᠡ ᠨᠠᠷᠤᠨ ᠳᠤᠮᠳᠠᠠᠴᠠ ᠲᠦᠷᠪᠡᠨ ᠦᠶᠡᠪᠠᠷ ᠤᠷᠳᠤᠶ᠋ᠢᠨ ᠲᠠᠭᠤᠤᠶ᠋ᠢ ᠠᠪᠢᠶᠠᠰᠤᠯᠢᠭ ᠰᠠᠢᠬᠠᠨ ᠲᠠᠭᠤᠯᠠᠳᠠᠭ ᠵᠢᠪᠰᠧᠮᠠ ᠨᠠᠰᠤᠳᠠᠨᠲᠠᠢ ᠲᠤᠭ᠍ᠯᠠᠯᠳᠠᠶ᠋ᠢᠨ ᠵᠠᠪᠰᠠᠷ ᠵᠤᠭᠤᠭ᠍ᠳᠠᠬᠤᠳᠤ᠄ 《ᠤᠯᠠᠮᠵᠢᠯᠠᠯᠳᠤ ᠰᠠᠢᠬᠠᠨ ᠠᠷᠠᠳᠤᠨ ᠤᠷᠠᠯᠢᠭ ᠭᠡᠭ᠌ᠴᠢ ᠨᠠᠨᠳᠢᠩᠨᠠᠵᠤ ᠬᠢᠮᠠᠭᠠᠳᠠᠬᠤ ᠴᠢᠬᠤᠯᠠᠳᠠᠢ ᠦᠪ ᠶᠡᠭᠡ ᠡᠷᠳᠡᠨᠢ ᠱᠢᠤ᠂ ᠪᠢᠳᠡᠨᠤ ᠵᠠᠯᠠᠭᠤ ᠪᠠᠭᠠᠳᠤ ᠬᠠᠮᠢᠭᠠᠠᠴᠠ ᠡᠢᠮᠤ ᠰᠠᠢᠬᠠᠨ ᠲᠠᠢᠰᠠ᠂ ᠡᠢᠮᠤ ᠠᠱ᠌ᠢᠳᠠᠢ ᠵᠠᠪᠱᠢᠶᠠᠨ ᠪᠠᠢᠬᠤ ᠪᠢᠯᠡ᠂ ᠬᠠᠷᠢᠨ ᠤᠳᠤ ᠪᠤᠯ ᠵᠠᠯᠠᠭᠤ ᠪᠠᠭᠠ ᠬᠡᠤᠬᠡᠳ ᠲᠡᠭᠦᠤ ᠨᠠᠷᠲᠠᠭᠠᠨ ᠴᠢᠳᠠᠬᠤᠶ᠋ᠢᠨᠢᠶᠠᠨ ᠬᠢᠷᠢᠪᠠᠷ ᠵᠢᠭᠠᠵᠤ ᠰᠤᠷᠭᠠᠬᠤᠶ᠋ᠢ ᠬᠢᠴᠢᠶᠡᠵᠤ ᠶᠠᠪᠤᠨᠠ》 ᠭᠡᠵᠤ ᠦᠪᠡᠷᠤᠨ ᠰᠡᠳᠭᠢᠭ᠌ᠳᠡᠯᠢᠶᠠᠨ ᠶᠠᠷᠢᠵᠤ ᠪᠢᠯᠡ᠃
ᠲᠠᠭᠤᠤ ᠤᠷᠠᠯᠢᠭᠲᠤ ᠬᠢᠯᠢ ᠪᠠᠢᠳᠠᠭ ᠦᠭᠡᠢ ᠭᠡᠳᠡᠭ᠌ᠴᠢᠯᠡᠨ ᠲᠡᠯᠡᠭᠡᠢ ᠲᠠᠶᠠᠭᠠᠷ ᠭᠠᠢᠬᠠᠭ᠍ᠳᠠᠨ ᠪᠢᠱᠢᠷᠡᠭ᠌ᠳᠡᠭ᠌ᠰᠡᠨ ᠮᠤᠩᠭᠤᠯ ᠳᠠᠭᠤᠤ ᠤᠷᠠᠯᠢᠬᠢ ᠳᠠᠭᠤᠯᠠᠭᠠᠳ ᠪᠠᠷᠠᠰᠢ ᠦᠬᠡᠢ ᠰᠤᠨᠤᠰᠤᠭᠠᠳ ᠨᠡᠩ ᠴᠤ᠌ ᠬᠠᠨᠤᠰᠢ ᠦᠬᠡᠢ ᠡ᠃ 《ᠬᠠᠳᠠᠳᠤ ᠬᠤᠸᠠ》᠂ 《ᠴᠡᠩᠭᠡᠷ ᠬᠠᠨᠭ᠌ᠭᠠᠢ ᠨᠤᠲᠤᠭ》᠂ 《ᠬᠦᠬᠡ ᠲᠤᠷᠭᠠᠨ ᠲᠡᠪᠡᠯ》᠂ 《ᠮᠠᠯᠴᠢᠨ ᠲᠦᠮᠡᠨ ᠡᠪ ᠬᠠᠮᠳᠤ ᠨᠠᠮᠢᠶᠠᠨ ᠮᠠᠭ᠍ᠳᠠᠨ ᠲᠠᠭᠤᠯᠠᠨᠠ》 ᠵᠡᠷᠭᠡ ᠠᠷᠠᠳᠤᠨ ᠲᠤᠮᠳᠠ ᠦᠷᠭᠡᠨᠢᠶᠠᠷ ᠤᠯᠠᠮᠵᠢᠯᠠᠭ᠍ᠳᠠᠨ ᠲᠠᠭᠤᠯᠠᠭ᠍ᠳᠠᠭ᠍ᠰᠠᠨ ᠰᠤᠩᠭᠤᠳᠠᠭ ᠰᠠᠢᠬᠠᠨ ᠲᠠᠭᠤᠤᠨᠤᠭᠤᠳ ᠴᠦᠷᠬᠦᠯᠡᠭ᠌ᠰᠡᠬᠡᠷ ᠡᠨᠡ ᠤᠳᠠᠭᠠᠨᠤ ᠲᠤᠭ᠍ᠯᠠᠯᠳᠠ ᠴᠠᠭ ᠭᠠᠷᠤᠢ ᠶᠠᠪᠤᠭ᠍ᠳᠠᠭᠠᠳ ᠠᠮᠵᠢᠯᠳᠠᠲᠠᠢ ᠰᠠᠢᠬᠠᠨ ᠦᠨᠳᠦᠷᠯᠡᠪᠡ᠃
ᠠᠬᠤᠢ ᠲᠠᠯᠠᠪᠠᠢᠶ᠋ᠢᠨ ᠲᠤᠭ᠍ᠯᠠᠯᠳᠠᠶ᠋ᠢ ᠦᠪᠦᠷ ᠮᠤᠩᠭᠤᠯᠤᠨ ᠡᠳᠦᠷᠤᠨ ᠰᠤᠨᠢᠨᠤ ᠬᠤᠷᠢᠶᠠ ᠬᠢᠭᠡᠳ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠲᠦᠪ ᠬᠠᠮᠵᠢᠯᠴᠠᠨ᠂ ᠬᠦᠯᠦᠭ ᠱᠢᠯᠵᠢᠶᠡ᠂ ᠲᠠᠯᠠ ᠨᠤᠲᠤᠭᠤᠨ ᠡᠭᠦᠯᠡ ᠱᠢᠯᠵᠢᠶᠡᠪᠠᠷ ᠱᠢᠭᠤᠳ ᠲᠠᠮᠵᠢᠭᠤᠯᠵᠤ᠂ ᠪᠦᠬᠦ᠌ ᠤᠯᠤᠰᠤᠨ 24 ᠵᠠᠭᠤᠴᠢᠯᠠᠭᠤᠷ ᠢᠵᠢᠯᠢ ᠠᠯᠬᠤᠮᠢᠶᠠᠷ ᠲᠤᠬᠢᠶᠠᠶ᠋ᠢ ᠲᠠᠮᠵᠢᠭᠤᠯᠤᠨ ᠨᠡᠪᠲᠡᠷᠡᠭᠦᠯᠵᠦ᠍᠂ ᠦᠨᠳᠦᠰᠦᠳᠡᠨᠤ ᠲᠠᠭᠤᠤ ᠤᠷᠠᠯᠢᠭᠢ ᠲᠠᠭᠠᠱᠢᠶᠠᠨ ᠲᠡᠮᠵᠢᠳᠡᠭ ᠪᠦᠬᠦ᠌ ᠬᠦᠮᠦᠰᠲᠤ ᠰᠤᠨᠢᠷᠬᠠᠭᠤᠯᠤᠯᠠ᠃