ᠨᠡᠢ᠌ᠭᠡᠮ
✦ ᠲᠥᠷᠥᠶᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠ ᠣᠢᠷᠠᠳᠤ
《ᠪᠥᠬᠥ ᠠᠷᠠᠳᠤᠨ ᠪᠡᠶᠡ ᠴᠢᠭᠢᠷᠠᠭᠵᠢᠭᠤᠯᠬᠤ ᠲᠥᠯᠦᠪᠵᠢᠭᠦᠯᠭᠡ （2026 ︱ 2030 ᠣᠨ）》 ᠶ᠋ᠢ ᠳᠠᠷᠤᠮᠠᠯᠯᠠᠨ ᠲᠠᠷᠬᠠᠭᠠᠵᠤ᠂
ᠠᠷᠪᠠᠨ ᠲᠠᠪᠤᠳᠤᠭᠠᠷ ᠲᠠᠪᠤᠨ ᠵᠢᠯᠦᠨ ᠲᠥᠯᠦᠪᠵᠢᠭᠦᠯᠭᠡᠶᠢᠨ ᠬᠤᠭᠤᠴᠠᠭᠠᠨᠳᠠᠬᠢ ᠪᠥᠬᠥ ᠠᠷᠠᠳᠤᠨ ᠪᠡᠶᠡ
ᠴᠢᠭᠢᠷᠠᠭᠵᠢᠭᠤᠯᠬᠤ ᠬᠥᠭᠵᠢᠯᠲᠡᠶᠢ ᠨᠢᠭᠡᠳᠦᠯᠲᠡᠢ ᠲᠥᠯᠦᠪᠵᠢᠭᠦᠯᠦᠨ᠂ 2030 ᠣᠨᠤ ᠬᠥᠭᠵᠢᠯᠲᠡᠶᠢᠨ ᠬᠠᠷᠠᠯᠲᠠᠶᠢ
ᠲᠣᠳᠣᠷᠬᠠᠢᠯᠠᠵᠠᠢ᠃
✦ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠣᠭᠯᠠᠯᠲᠠᠶᠢᠨ ᠠᠵᠢᠯ
ᠲᠥᠷᠥᠯᠦᠨ ᠨᠡᠢᠭᠡᠮᠯᠢᠭᠦᠨ ᠲᠣᠭᠠ ᠪᠠᠷᠢᠮᠲᠠᠳᠤ ᠢᠯᠡᠷᠡᠭᠦᠯᠦᠭᠰᠡᠨᠢᠶᠡᠷ᠂ ᠡᠨᠡ ᠵᠢᠯᠦᠨ ᠳᠡᠭᠡᠷᠡ
ᠬᠠᠭᠠᠰ ᠵᠢᠯᠦᠨ ᠪᠥᠬᠥ ᠤᠯᠤᠰᠤᠨ ᠡᠵᠡᠩᠨᠡᠯᠲᠡᠶᠢᠨ ᠴᠢᠨᠠᠷᠲᠠᠢ ᠲᠣᠭᠯᠠᠯᠲᠠ （ᠵᠤᠭᠠ ᠴᠡᠨᠭᠬᠡᠬᠦᠨᠤ ᠲᠠᠯᠠᠪᠤᠷᠤᠨ ᠲᠣᠭᠯᠠᠯᠲᠠ ᠪᠠᠭᠲᠠᠬᠤ ᠦᠭᠡᠢ） ᠶ᠋ᠢᠨ ᠪᠢᠯᠧᠲᠦᠨ ᠣᠷᠣᠯᠭᠠ 304.08 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠲᠦ ᠬᠦᠷᠴᠦ᠂ ᠠᠳᠠᠯᠢ
ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 9.41% ᠪᠡᠷ ᠨᠡᠮᠡᠭᠳᠡᠵᠦ᠂ ᠦᠵᠡᠭᠴᠢᠳ ᠦ᠋ᠨ ᠲᠣᠭᠠ 9881.18 ᠲᠦᠮᠡᠨ ᠬᠥᠮᠥᠨ
ᠤᠳᠠᠭᠠᠳᠤ ᠬᠦᠷᠴᠦ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 5.28% ᠪᠡᠷ ᠨᠡᠮᠡᠭᠳᠡᠪᠡ᠃
✦ ᠣᠢᠷᠠᠶᠢᠨ ᠵᠢᠯ ᠡᠴᠡ ᠨᠠᠭᠠᠰᠢ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠪᠠᠴᠢᠮ
ᠪᠠᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠢᠩᠬᠢᠮ ᠳᠤᠤᠷᠠ ᠠᠭᠠᠷ ᠤ᠋ᠨ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠶᠢᠨ
ᠠᠵᠠ ᠲᠣᠬᠢᠶᠠᠯᠢ ᠠᠮᠵᠢᠵᠤ᠂ 《ᠵᠢᠯᠣᠭᠣᠴᠢ ᠦᠭᠡᠢ
ᠨᠢᠰᠬᠡᠯ + ᠪᠠᠴᠢᠮ ᠪᠠᠢᠳᠠᠯᠢ ᠠᠷᠭᠠᠴᠠᠭᠠᠨ ᠰᠢᠢᠳᠪᠦᠷᠢᠯᠡᠬᠦ》 ᠪᠣᠰᠣᠭᠠ ᠴᠣᠭᠴᠠᠲᠤ ᠠᠪᠤᠷᠠᠨ ᠲᠤᠰᠠᠯᠠᠬᠤ
ᠰᠢᠰᠲ᠋ᠸᠮᠢ ᠪᠦᠬᠦ ᠬᠦᠴᠦᠨᠢᠶᠡᠷᠢᠶᠡᠨ ᠪᠠᠢᠭᠤᠯᠵᠤ᠂ ᠤᠳᠤᠬᠠᠨ ᠪᠤᠯᠳᠠᠯᠠ ᠥᠪᠥᠷ ᠮᠣᠩᠭᠣᠯᠤᠨ ᠡᠯᠡ ᠱᠠᠲᠤᠨᠤ
ᠬᠢᠨ ᠡᠯᠡ ᠲᠦᠷᠦᠯᠦᠨ ᠵᠢᠯᠣᠭᠣᠴᠢ ᠦᠭᠡᠢ ᠨᠢᠰᠬᠡᠯᠢ ᠨᠡᠢ᠍ᠢᠳᠡ 185 ᠲᠣᠬᠢᠷᠠᠭᠤᠯᠵᠤ᠂ ᠵᠢᠯᠣᠭᠣᠴᠢ ᠦᠭᠡᠢ
ᠨᠢᠰᠬᠡᠯᠦᠨ ᠠᠵᠢᠯᠯᠠᠭᠠᠨᠤ ᠪᠣᠯᠪᠠᠰᠤᠷᠠᠯᠢ 230 ᠭᠠᠷᠤᠢ ᠬᠥᠮᠥᠨ ᠤᠳᠠᠭᠠ ᠥᠷᠨᠢᠭᠦᠯᠵᠦ᠂ 4 ᠡᠭᠡᠯᠵᠢᠶᠢᠨ ᠰᠣᠷᠢᠯᠲᠠᠶᠢ ᠵᠣᠬᠢᠶᠠᠨ
ᠪᠠᠢᠭᠤᠯᠤᠨ ᠦᠷᠨᠢᠬᠦᠯᠵᠦ᠂ ᠪᠠᠴᠢᠮ ᠪᠠᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠬᠠᠮᠢᠶᠠᠷᠤᠯᠲᠠᠶᠢᠨ ᠶᠠᠮᠤᠨᠲᠠᠢ ᠬᠠᠮᠵᠢᠯᠴᠠᠨ
5 ᠤᠳᠠᠭᠠᠶᠢᠨ ᠵᠢᠯᠣᠭᠣᠴᠢ ᠦᠭᠡᠢ
ᠨᠢᠰᠬᠡᠯᠦᠨ ᠰᠣᠷᠢᠯᠲᠠᠶᠢ ᠪᠡᠶᠡᠯᠡᠭᠦᠯᠪᠡ᠃
✦ ᠣᠢᠷᠠᠳᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠣᠰ
ᠱᠠᠲᠤᠨᠤ ᠡᠳ᠋ᠦᠨ ᠵᠠᠰᠠᠭ ᠠ᠋ᠴᠠ 2026 ᠣᠨᠤ ᠲᠤᠰᠬᠠᠢ ᠪᠡᠯᠡ ᠮᠥᠩᠭᠥ ᠡᠴᠡ 536 ᠲᠦᠮᠡᠨ
ᠲᠥᠭᠥᠷᠢᠭ ᠪᠠᠭᠤᠯᠭᠠᠵᠤ᠂ ᠨᠥᠬᠥᠴᠡᠯᠳᠦ ᠨᠡᠢᠴᠡᠬᠦ ᠦᠨᠳᠦᠰᠦᠨ ᠱᠠᠲᠤᠨ ᠳ᠋ᠤ ᠠᠵᠢᠯ ᠣᠯᠣᠭᠰᠠᠨ ᠶᠡᠬᠡ ᠳᠡᠭᠡᠳᠦ
ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳᠲᠦ ᠰᠤᠷᠤᠯᠭᠠᠶᠢᠨ ᠰᠦᠢᠳᠬᠡᠯᠦᠨ ᠨᠥᠬᠥᠪᠦᠷᠢ ᠪᠤᠶᠤ ᠰᠤᠷᠤᠯᠭᠠᠶᠢ ᠳᠤᠰᠠᠯᠠᠬᠤ
ᠵᠢᠭᠡᠯᠡᠯᠭᠡᠵᠢ ᠣᠷᠣᠯᠠᠨ ᠲᠥᠯᠥᠬᠦ ᠳ᠋ᠤ ᠬᠡᠷᠡᠭᠯᠡᠪᠡ᠃
✦ 24ᠦ ᠡᠳᠦᠷ᠂ ᠪᠥᠬᠥ ᠣᠷᠣᠨᠤ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ
ᠰᠢᠰᠲᠧᠮᠦᠨ ᠤᠰᠤᠨᠳᠤ ᠵᠢᠪᠬᠦᠶᠢ ᠰᠡᠷᠭᠡᠢᠯᠡᠬᠦ ᠵᠢᠴᠢ ᠵᠣᠨᠤ ᠠᠮᠠᠷᠠᠯᠲᠠᠶᠢᠨ ᠬᠤᠭᠤᠴᠠᠭᠠᠨᠤ ᠠᠮᠤᠷ ᠲᠦᠪᠰᠢᠨᠦ
ᠠᠵᠢᠯᠤᠨ ᠲᠣᠬᠢᠷᠠᠭᠤᠯᠤᠯᠲᠠᠶᠢᠨ ᠬᠤᠷᠠᠯ ᠬᠤᠷᠠᠯᠳᠤᠵᠤ᠂ ᠡᠯᠡ ᠭᠠᠵᠠᠷ ᠡᠯᠡ ᠰᠤᠷᠭᠠᠭᠤᠯᠢᠶᠢᠨ ᠬᠢᠨ ᠵᠤᠨᠤ
ᠠᠮᠠᠷᠠᠯᠲᠠ ᠶ᠋ᠢᠨ ᠬᠤᠭᠤᠴᠠᠭᠠᠨᠤ ᠰᠤᠷᠤᠭ᠍ᠴᠢᠳᠤᠨ ᠤᠰᠤᠨᠳᠤ ᠵᠢᠪᠬᠦᠶᠢ ᠰᠡᠷᠭᠡᠢᠯᠡᠬᠦ ᠠᠵᠢᠯᠢ ᠲᠣᠪᠣᠢᠮᠠ
ᠰᠠᠢᠲᠤᠷ ᠠᠳᠬᠤᠵᠤ᠂ ᠰᠠᠯᠠᠭᠠ ᠮᠥᠴᠢᠷ᠂ ᠰᠤᠷᠭᠠᠭᠤᠯᠢ᠂ ᠭᠡᠷ ᠪᠦᠯᠢ᠂ ᠨᠡᠢᠭᠡᠮᠦᠨ 《ᠳᠥᠷᠪᠡᠶᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ》 ᠰᠡᠷᠭᠡᠢᠯᠡᠨ
ᠡᠵᠡᠮᠳᠡᠬᠦ ᠲᠣᠣᠷᠢ ᠨᠢᠭ᠍ᠲᠠ ᠪᠠᠶ᠋ᠢᠭᠤᠯᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠱᠠᠭᠠᠷᠳᠠᠵᠠᠢ᠃
✦ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠤᠯᠤᠰ ᠲᠦᠷᠦ ᠬᠠᠤᠯᠢ
ᠴᠠᠭᠠᠵᠠᠶᠢᠨ ᠬᠣᠷᠢᠶᠠ ᠭᠠᠵᠢᠭᠤ ᠨᠣᠮᠯᠠᠯᠢ ᠡᠰᠡᠷᠭᠦᠴᠡᠬᠦ ᠰᠡᠷᠡᠮᠵᠢᠯᠡᠭᠦᠯᠬᠦ ᠬᠥᠮᠦᠵᠢᠯᠦᠨ ᠠᠵᠢᠯᠢ ᠯᠠᠪᠳᠠᠭᠤᠨ
ᠪᠠᠲᠤᠲᠠᠢ ᠠᠬᠢᠭᠤᠯᠵᠤ᠂ 2026 ᠣᠨᠤ ᠳᠡᠭᠡᠷᠡ ᠬᠠᠭᠠᠰ ᠵᠢᠯᠳᠦ᠂ ᠪᠦᠬᠦ ᠠᠢᠮᠠᠭᠤᠨ ᠬᠢᠨ ᠭᠠᠵᠢᠭᠤ ᠨᠣᠮᠯᠠᠯᠢ
ᠡᠰᠡᠷᠭᠦᠴᠡᠬᠦ ᠰᠡᠷᠡᠮᠵᠢᠯᠡᠭᠦᠯᠬᠦ ᠬᠥᠮᠦᠵᠢᠯᠦᠨ ᠤᠬᠠᠭᠤᠯᠭᠠᠶᠢᠨ ᠠᠵᠢᠯᠯᠠᠭᠠᠶᠢ ᠨᠡᠢ᠍ᠢᠳᠡ 160 ᠭᠠᠷᠤᠢ
ᠤᠳᠠᠭᠠ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠥᠷᠨᠢᠭᠦᠯᠵᠦ᠂ ᠤᠬᠠᠭᠤᠯᠬᠤ ᠮᠠᠲᠧᠷᠢᠶᠠᠯᠢ 2000 ᠭᠠᠷᠤᠢ ᠬᠤᠪᠢ ᠲᠠᠷᠬᠠᠭᠠᠵᠤ᠂
5 ᠲᠦᠮᠡ ᠭᠠᠷᠤᠢ ᠬᠥᠮᠥᠨᠢ ᠬᠠᠮᠤᠷᠴᠠᠢ᠃
ᠠᠵᠤ ᠠᠬᠤᠢ
✦ ᠣᠢᠷᠠᠶᠢᠨ ᠵᠢᠯᠡᠴᠡ ᠪᠠᠶᠠᠨᠨᠠᠭᠤᠷ ᠬᠤᠳᠠ ᠭᠠᠵᠠᠷ
ᠣᠷᠣᠨᠤ ᠪᠠᠢᠳᠠᠯᠳᠠᠭᠠᠨ ᠲᠣᠬᠢᠷᠠᠭᠤᠯᠤᠨ ᠣᠶᠤᠨᠲᠤ ᠬᠦᠯᠡᠮᠵᠢᠶᠢ ᠬᠥᠭᠵᠢᠭᠦᠯᠵᠦ᠂ ᠵᠢᠮᠢᠰ᠂ ᠢᠳᠡᠰᠢᠨ ᠨᠣᠭᠣᠭᠠ
ᠵᠡᠷᠭᠡ ᠤᠯᠠᠨ ᠵᠤᠷᠪᠤᠰ ᠣᠨᠴᠠᠯᠢᠭ᠍ᠲᠤ ᠠᠵᠤ ᠦᠢᠯᠡᠰᠦᠨ ᠪᠦᠰᠡᠶᠢ ᠲᠥᠯᠥᠪᠵᠢᠭᠦᠯᠦᠨ ᠪᠠᠢᠭᠤᠯᠵᠤ᠂ ᠣᠳᠣᠬᠠᠨᠳᠤ
ᠪᠥᠬᠥ ᠬᠣᠲᠠᠶᠢᠨ ᠳᠦᠬᠦᠭᠡᠷᠦᠮᠵᠢᠲᠦ ᠲᠠᠷᠢᠶᠠᠯᠠᠩᠤᠨ ᠲᠠᠯᠠᠪᠠᠶ ᠨᠡᠶ᠋ᠢᠲᠡ 32.71 ᠲᠦᠮᠡᠨ ᠮᠦ᠍ᠳᠦ ᠬᠦᠷᠴᠦ᠂
ᠳᠦᠬᠦᠭᠡᠷᠦᠮᠵᠢᠲᠦ ᠲᠠᠷᠢᠶᠠᠯᠠᠩᠤᠨ ᠬᠦᠷᠢᠶᠡᠯᠡᠩ ᠲᠣᠭᠣᠷᠢᠭ᠋ᠢ 224 ᠪᠠᠢᠭᠤᠯᠵᠤ᠂ ᠵᠢᠯᠦᠨ ᠦᠢᠯᠡᠳᠬᠦᠨᠦ
ᠶᠡᠷᠦᠩᠬᠡᠢ ᠥᠷᠲᠡᠭ ᠨᠢ ᠨᠢᠭᠡᠨᠲᠡ 26 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠢ ᠳᠠᠪᠠᠭᠰᠠᠨ ᠪᠠᠢᠨᠠ᠃
✦ ᠣᠢᠷᠠᠳᠤ ᠵᠠᠭᠤ ᠭᠠᠷᠤᠢ ᠭᠠᠵᠠᠷ ᠤᠷᠤᠰᠤᠭᠰᠠᠨ ᠪᠠᠷᠠᠭᠤᠨ
ᠯᠢᠶᠣᠤᠾᠧ ᠭᠣᠣᠯᠤᠨ ᠤᠰᠤ ᠲᠠᠷᠭᠤᠨ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠲᠥᠪᠲᠦ ᠤᠷᠤᠭᠰᠢᠲᠠᠢ ᠪᠠᠷ ᠬᠦᠷᠴᠦ᠂ 28 ᠵᠢᠯ
ᠤᠷᠤᠰᠬᠠᠯ ᠲᠠᠰᠤᠷᠠᠭᠰᠠᠨ ᠳᠠᠮᠵᠢᠭᠤᠯᠬᠤ ᠱᠤᠭᠤᠮᠢ ᠪᠦᠬᠦ ᠱᠤᠭᠤᠮᠢᠶᠠᠷ ᠨᠠᠪᠲᠠᠷᠡᠭᠦᠯᠵᠦ᠂ ᠬᠠᠲᠠᠭᠠᠳ 3 ᠵᠢᠯ
ᠪᠤᠯᠤᠭᠰᠠᠨ ᠲᠠᠷᠭᠤᠨ ᠤᠰᠤᠨ ᠴᠥᠭᠥᠷᠥᠮᠳᠦ ᠤᠰᠤ ᠬᠠᠨᠭᠭᠠᠭᠰᠠᠨ ᠪᠠᠢᠨᠠ᠃
ᠰᠣᠶᠣᠯ
✦ 24ᠦ ᠡᠳᠦᠷ᠂ 34 ᠳ᠋ᠤᠭᠡᠷ ᠬᠤᠭᠤᠴᠠᠭᠠᠨᠤ ᠪᠦᠬᠦ
ᠤᠯᠤᠰᠤᠨ ᠨᠣᠮ ᠪᠢᠴᠢᠭ ᠦ᠋ᠨ ᠠᠷᠠᠯᠵᠢᠶᠠᠨ ᠤ᠋ ᠦᠵᠡᠰᠬᠦᠯᠡᠩ ᠬᠠᠩᠵᠧᠦᠳᠦ ᠡᠬᠢᠯᠡᠵᠦ᠂ ᠲᠣᠰ ᠬᠤᠭᠤᠴᠠᠭᠠᠨᠤ
ᠦᠵᠡᠰᠬᠦᠯᠡᠩᠳᠤ 20 ᠭᠠᠷᠤᠢ ᠲᠦᠮᠡᠨ ᠵᠦᠢᠯᠦᠨ ᠨᠣᠮ ᠪᠢᠴᠢᠭᠢ ᠳᠡᠯᠭᠡᠨ ᠪᠣᠷᠣᠯᠠᠭᠤᠯᠵᠤ᠂ ᠡᠯᠠ ᠬᠤᠷᠠᠯᠤᠨ
ᠲᠠᠯᠠᠪᠠᠶᠳᠤ ᠤᠩᠰᠢᠯᠭᠠ ᠶ᠋ᠢ ᠳᠡᠯᠭᠡᠷᠡᠭᠦᠯᠬᠦ ᠠᠵᠢᠯᠯᠠᠭᠠ
ᠶ᠋ᠢ ᠮᠢᠩᠭᠠ ᠭᠠᠷᠤᠢ ᠤᠳᠠᠭᠠ ᠡᠷᠭᠢᠯᠡᠵᠦ᠂ ᠪᠦᠬᠦ ᠠᠷᠠᠳᠤᠨ ᠤᠩᠰᠢᠯᠭᠠ ᠶ᠋ᠢᠨ ᠬᠠᠯᠠᠭᠤᠨ ᠥᠷᠨᠢᠯ ᠢ᠋ ᠲᠠᠰᠤᠷᠠᠯᠲᠠ
ᠦᠭᠡᠢ ᠨᠡᠮᠡᠭᠳᠡᠭᠦᠯᠬᠦᠪᠤᠯᠤᠨᠠ᠃
✦ ᠣᠢᠷᠠᠶᠢᠨ ᠵᠢᠯᠡᠴᠡ ᠲᠦᠩᠯᠢᠶᠣᠣ ᠬᠤᠳᠠᠶᠢᠨ ᠳᠣᠲᠣᠭᠠᠳᠤᠶᠢ
ᠬᠠᠮᠠᠭᠠᠯᠠᠬᠤ ᠤᠯᠠᠭᠠᠨᠮᠥ᠋ᠴᠢᠷ ᠥᠷᠨᠢᠩᠭᠦᠢ ᠬᠥᠭᠵᠢᠵᠦ᠂ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠰᠣᠶᠣᠯᠤᠨ ᠪᠠᠢᠭᠤᠯᠤᠯᠲᠠᠶᠢ
ᠠᠬᠢᠭᠤᠯᠬᠤ ᠴᠢᠬᠤᠯᠠ ᠬᠦᠴᠦᠨ ᠪᠣᠯᠵᠠᠢ᠃ ᠣᠲᠣᠬᠠᠨ ᠪᠣᠯᠲᠠᠯᠠ ᠪᠥᠬᠥ ᠬᠣᠲᠠᠳᠤ ᠨᠢᠭᠡᠨᠲᠡ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ
ᠤᠯᠠᠭᠠᠨᠮᠥ᠋ᠴᠢᠷᠦᠨ 10 ᠰᠠᠯᠪᠤᠷᠢ ᠪᠠᠭᠠ ᠠᠩᠭᠢ ᠪᠠᠢᠭᠤᠯᠵᠤ᠂ 400 ᠭᠠᠷᠤᠢ ᠭᠡᠰᠢᠭᠦᠨᠲᠠᠢ ᠪᠠᠢᠵᠤ᠂ ᠨᠡᠶ᠋ᠢᠲᠡ
120 ᠲᠠᠯᠠᠪᠠᠢ ᠲᠣᠭᠯᠠᠯᠲᠠ ᠭᠠᠷᠭᠠᠵᠠᠢ᠃
✦ 25ᠤ ᠡᠳᠦᠷ᠂ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠣᠯᠪᠣᠭᠠᠲᠤ
ᠬᠣᠰᠢᠭᠤᠨᠤ 36 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ ᠨᠠᠭᠠᠳᠤᠮ ᠵᠢᠴᠢ ᠵᠤᠨᠤ ᠠᠮᠠᠷᠠᠯᠲᠠ ᠶ᠋ᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ
ᠤ᠋ᠨ ᠤᠯᠠᠷᠢᠯ ᠬᠥᠰᠢᠭᠡᠪᠡᠨ ᠰᠡᠬᠦᠪᠡ᠃
✦ 25ᠤ ᠡᠳᠦᠷ᠂ ᠣᠷᠳᠣᠰᠤᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ
ᠬᠢᠲᠠᠳ ᠡᠮ ᠡᠮᠨᠡᠯᠭᠡᠶᠢᠨ ᠰᠣᠶᠣᠯᠢ ᠣᠢᠯᠠᠭᠠᠬᠤ ᠠᠵᠢᠯᠯᠠᠭᠠ ᠵᠢᠴᠢ ᠨᠡᠢᠰᠯᠡᠯᠦᠨ ᠰᠤᠷᠤᠭ᠍ᠴᠢᠳᠤᠨ ᠰᠣᠯᠢᠯᠴᠠᠭᠠᠨᠤ
ᠴᠤᠭᠯᠠᠭᠠᠨ ᠣᠷᠳᠣᠰᠤᠨ ᠴᠢᠳᠠᠪᠤᠷᠢᠲᠠᠨᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠰᠢᠨᠡᠶᠢ ᠡᠭᠦᠳᠬᠦ
ᠲᠥᠪᠲᠦ ᠶᠠᠪᠤᠭᠳᠠᠪᠠ᠃
ᠲᠠᠮᠢᠷ
✦ ᠳᠡᠭᠡᠷᠡ ᠭᠠᠷᠠᠭ ᠪᠣᠯᠲᠠᠯᠠ᠂ 2026 ᠣᠨᠤ ᠦᠪᠦᠷ
ᠮᠣᠩᠭᠣᠯᠤᠨ ᠬᠦᠯ ᠪᠦᠮᠪᠦᠭᠡ ᠵᠢᠨ ᠬᠡᠲᠦ ᠳᠡᠰᠤᠨ ᠬᠣᠯᠪᠣᠭᠠᠲᠤ ᠤᠷᠤᠯᠳᠤᠭᠠᠨᠤ ᠪᠠᠢᠩᠭᠤᠶᠢᠨ ᠤᠷᠤᠯᠳᠤᠭᠠᠨᠢ
ᠦᠵᠡᠭᠰᠡᠨ ᠬᠥᠮᠥᠨᠦ ᠲᠣᠭᠠ 104.89 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠳᠤ ᠬᠦᠷᠴᠦ᠂ ᠰᠦᠯᠵᠢᠶᠡᠨ ᠳᠡᠭᠡᠷᠡᠬᠢ ᠰᠢᠭᠤᠳ
ᠨᠡᠪᠲᠡᠷᠡᠭᠦᠯᠭᠡᠶᠢ ᠦᠵᠡᠭᠰᠡᠨ ᠬᠥᠮᠥᠨᠦ ᠪᠥᠬᠥ ᠲᠣᠭᠠ 1.1 ᠳ᠋ᠦᠩᠰᠢᠭᠤᠷ ᠬᠥᠮᠥᠨ ᠤᠳᠠᠭᠠᠳᠤ ᠬᠦᠷᠴᠦ᠂
4.38 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭ ᠤ᠋ᠨ ᠬᠡᠷᠡᠭᠯᠡᠭᠡᠶᠢ ᠳᠠᠢᠴᠢᠯᠠᠵᠠᠢ᠃
✦ 25ᠤ ᠡᠳᠦᠷ᠂ 2026 ᠣᠨᠤ ᠪᠥᠬᠥ ᠤᠯᠤᠰᠤᠨ ᠬᠠᠲᠠᠭᠤ
ᠭᠠᠵᠠᠷ ᠤ᠋ᠨ ᠳᠡᠭᠡᠰᠦ ᠲᠠᠲᠠᠬᠤ ᠮᠠᠩᠯᠠᠢ ᠰᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨᠤ ᠡᠬᠢᠯᠡᠯᠲᠡᠶᠢᠨ ᠶᠣᠰᠣᠯᠠᠯ ᠵᠡᠭᠦᠨᠭᠠᠷ
ᠬᠣᠰᠢᠭᠤᠨ ᠳ᠋ᠤ ᠶᠠᠪᠤᠭᠳᠠᠵᠦ᠂ ᠤᠷᠤᠯᠳᠤᠭᠠᠨ ᠳ᠋ᠤ ᠪᠦᠬᠦ ᠤᠯᠤᠰᠤᠨ 10 ᠮᠤᠵᠢ ᠬᠣᠲᠠ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ
ᠣᠷᠣᠨᠤ 19 ᠲᠥᠯᠥᠭᠡᠯᠡᠭᠴᠢᠵᠢᠨ ᠠᠩᠭᠢ᠂ 313 ᠲᠠᠮᠢᠷᠴᠢᠨ ᠤᠷᠤᠯᠴᠠᠵᠠᠢ᠃
ᠳᠡᠯᠡᠬᠡᠢ
✦ ᠰᠢᠨᠬᠤᠸᠠ ᠬᠣᠷᠢᠶᠠ ᠵᠢᠨ ᠮᠡᠳᠡᠭᠡ ᠵᠢ
ᠦᠨᠳᠦᠰᠦᠯᠡᠪᠡᠯ᠂ ᠣᠯᠠᠨ ᠤᠯᠤᠰᠤᠨ ᠡᠷᠡᠭᠦᠦᠶᠢᠨ ᠬᠡᠷᠡᠭᠦᠨ ᠰᠢᠭᠦᠬᠦ ᠬᠣᠷᠢᠶᠠ ᠵᠢᠨ ᠪᠠᠢᠴᠠᠭᠠᠭ᠍ᠴᠢ ᠲᠤᠰᠢᠶᠠᠯᠲᠠᠨ
ᠺᠠᠯᠢᠮ·ᠬᠠᠨ 24ᠦ ᠡᠳᠦᠷ 《ᠬᠦᠨᠳᠦ ᠨᠣᠴᠢᠲᠠᠢ ᠵᠣᠬᠢᠰ ᠦᠭᠡᠢ ᠦᠶ᠋ᠯᠡ ᠠᠵᠢᠯᠯᠠᠭᠠ》 ᠵᠢᠴᠢ 《ᠬᠦᠨᠳᠦ ᠨᠣᠴᠢᠲᠠᠢ ᠬᠠᠷᠢᠭᠤᠴᠠᠯᠭᠠᠪᠠᠨ
ᠠᠯᠳᠠᠭᠰᠠᠨ》 ᠵᠠᠭᠠᠯᠳᠤᠯᠭᠠᠪᠠᠷ ᠲᠤᠰᠢᠶᠠᠯᠠᠴᠠᠪᠠᠨ ᠤᠭᠴᠠᠷᠠᠭᠳᠠᠪᠠ᠃
✦ ᠰᠢᠨᠬᠤᠸᠠ ᠬᠣᠷᠢᠶᠠ ᠵᠢᠨ ᠮᠡᠳᠡᠭᠡ ᠵᠢ
ᠦᠨᠳᠦᠰᠦᠯᠡᠪᠡᠯ᠂ ᠳᠡᠯᠡᠬᠡᠢᠶᠢᠨ ᠪᠠᠩᠬᠢ ᠶ᠋ᠢᠨ ᠨᠡᠢᠲᠡᠯᠡᠭᠰᠡᠨ ᠠᠩᠬᠠ ᠠᠯᠬᠤᠮᠤᠨ
ᠮᠡᠳᠡᠭᠦᠯᠦᠯᠲᠡ ᠡᠴᠡ ᠦᠵᠡᠪᠡᠯ᠂ 6 ᠰᠠᠷᠠᠶᠢᠨ 24ᠦ ᠡᠳᠦᠷ ᠸᠧᠨᠧᠽᠦ᠋ᠧᠯᠠᠳᠤ ᠡᠭᠦᠰᠦᠭᠰᠡᠨ ᠬᠣᠶᠠᠷ ᠤᠳᠠᠭᠠᠶᠢᠨ
ᠭᠠᠵᠠᠷ ᠬᠥᠳᠡᠯᠦᠯᠲᠡᠡᠴᠡ ᠪᠣᠯᠤᠭᠰᠠᠨ ᠰᠢᠭᠤᠳ ᠪᠣᠳᠠᠲᠤ ᠪᠣᠳᠠᠰᠤᠨ ᠬᠣᠬᠢᠷᠠᠯ ᠵᠢᠱ᠌ᠢᠯᠲᠡ ᠪᠡᠷ 196 ᠳ᠋ᠦᠩᠰᠢᠭᠤᠷ
ᠳ᠋ᠣᠯᠯᠠᠷᠲᠤ ᠬᠦᠷᠴᠦ᠂ ᠲᠠᠬᠢᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠬᠤ ᠥᠪᠡᠷᠦᠨ ᠦᠷᠳᠡᠭ ᠨᠢ ᠡᠨᠡ ᠲᠣᠭᠠᠨᠤ ᠬᠣᠶᠠᠷ ᠲᠠᠬᠢᠨ᠂
ᠴᠢᠨᠠᠭᠰᠢᠯᠠᠪᠠᠯ ᠨᠡᠩ ᠤᠯᠠᠨ ᠪᠠᠢᠵᠤ ᠮᠡᠳᠡᠨᠠ ᠭᠡᠵᠡᠢ᠃
ᠦᠢ᠍ᠯᠡᠴᠢᠯᠡᠭᠡ
✦ ᠥᠪᠥᠷ ᠮᠣᠩᠭᠣᠯᠤᠨ ᠦᠨᠳᠦᠰᠦᠲᠡᠨᠦ ᠶᠡᠬᠡ ᠰᠤᠷᠭᠠᠭᠤᠯᠢ
31 ᠠᠵᠢᠯᠳᠠᠨ ᠡᠯᠰᠡᠨᠠ᠃
ᠲᠠᠨᠤ ᠲᠤᠰᠠᠳᠤ
✦ ᠵᠤᠨᠤ ᠤᠯᠠᠷᠢᠯᠳᠤ ᠰᠢᠮᠠᠭᠤᠯ ᠬᠣᠷᠣᠬᠠᠢ ᠤᠯᠠᠨ
ᠪᠠᠢᠵᠦ᠂ ᠣᠷᠣᠢ ᠪᠣᠯᠬᠤᠳᠤ ᠡᠪᠡᠰᠦᠨ ᠪᠤᠲᠠ ᠮᠣᠳᠣᠨᠤ ᠰᠡᠭᠦᠳᠡᠷᠲᠦ ᠢᠯᠡᠭᠦᠦ ᠪᠥᠭᠡᠮᠨᠡᠷᠡᠳᠡᠭ᠃ ᠤᠷᠤᠢ
ᠭᠠᠳᠠᠭᠤᠷ ᠶᠠᠪᠤᠬᠤ ᠳ᠋ᠠᠭᠠᠨ ᠴᠢᠳᠠᠬᠤᠶᠢᠨ ᠬᠢᠷᠢᠪᠡᠷ ᠭᠦᠢᠬᠡᠨ ᠥᠩᠭᠡᠲᠡᠢ ᠤᠷᠲᠤ ᠬᠠᠨᠴᠤᠢᠲᠠᠢ ᠬᠤᠪᠴᠠᠰᠤ
ᠡᠮᠦᠰᠴᠦ᠂ ᠭᠠᠳᠠᠨᠠ ᠭᠠᠷᠬᠤ ᠴᠠᠭᠢ ᠪᠠᠭᠠᠰᠬᠠᠪᠠᠯ ᠵᠤᠬᠢᠨᠠ᠃ ᠭᠡᠷ ᠣᠷᠴᠢᠨ ᠲᠣᠭᠣᠷᠢᠨ ᠵᠢᠡᠨ ᠴᠡᠪᠡᠷ ᠰᠡᠷᠢᠭᠦᠨ
ᠪᠠᠢᠯᠭᠠᠵᠤ᠂ ᠴᠢᠬᠢᠭ ᠨᠤᠢᠳᠠᠨᠢ ᠴᠠᠭ ᠲᠤᠬᠠᠢ ᠳ᠋ᠤᠨᠢ ᠠᠷᠢᠯᠭᠠᠵᠤ᠂ ᠰᠢᠮᠠᠭᠤᠯᠤᠨ ᠦᠷᠡᠵᠢᠬᠦᠶᠢ ᠡᠬᠢ ᠡᠭᠦᠰᠦᠯᠡᠴᠡ
ᠨᠢ ᠬᠣᠷᠢᠭ᠍ᠯᠠᠪᠠᠯ ᠰᠠᠢᠨ ᠪᠠᠢᠳᠠᠭ᠃
ᠵᠠᠯᠭᠠᠭᠠᠳ 《ᠬᠦᠭᠰᠢᠨ ᠬᠤᠤᠬᠤᠡᠭ》 ᠬᠡᠬᠦ ᠲᠠᠭᠤᠤ ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ
ᠵᠢᠷᠭᠠᠭᠠᠶᠠ᠂ ᠲᠠ ᠪᠦᠬᠦᠨᠤ ᠬᠦᠯᠢᠶᠡᠨ ᠠᠪᠴᠤ᠌ ᠰᠤᠨᠤᠰᠤᠬ᠍ᠰᠠᠨ ᠳ᠋ᠤ ᠪᠠᠶᠠᠷᠯᠠᠯᠠ᠂ ᠪᠠᠶᠠᠷᠳᠠᠢ！
（ᠢᠷᠡᠯᠳᠡ᠄ ᠰᠢᠨᠬᠤᠧᠠ ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ
ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠵᠤ ᠠᠬᠤᠢ ᠵᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ
ᠲᠠᠪᠴᠠᠩ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ
ᠬᠤᠳᠠ᠂ ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ）