ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮ ᠪᠠᠢᠭᠤᠯᠤᠭᠳᠠᠭᠰᠠᠨ 104 ᠵᠢᠯᠦᠨ ᠤᠢᠶᠢᠨ ᠲᠠᠰᠢᠷᠠᠮᠳᠤ᠂ ᠡᠨᠡ ᠬᠦ᠌ 《ᠥᠷᠭᠡᠨ ᠤᠯᠠᠨ ᠵᠠᠯᠠᠭᠤᠴᠤᠳᠢ ᠲᠥᠯᠥᠭᠡᠯᠡᠵᠦ᠂ ᠥᠷᠭᠡᠨ ᠤᠯᠠᠨ ᠵᠠᠯᠠᠭᠤᠴᠤᠳᠤᠨ ᠬᠦᠷᠢᠶᠡᠯᠡᠯᠢ ᠣᠯᠵᠤ᠂ ᠥᠷᠭᠡᠨ ᠤᠯᠠᠨ ᠵᠠᠯᠠᠭᠤᠴᠤᠳᠲᠤ ᠲᠦᠰᠢᠭᠯᠡᠬᠦ》ᠳᠡᠯᠡᠬᠡᠢᠶᠢᠨ ᠬᠠᠮᠤᠭᠤᠨ ᠶᠡᠬᠡ ᠲᠦᠷᠦᠶᠢᠨ ᠨᠠᠮ ᠰᠦᠷ ᠳᠠᠯᠠᠢᠴᠠᠲᠠᠢ ᠠᠭᠤᠤ ᠶᠡᠬᠡ ᠦᠢᠯᠡᠰᠢ ᠬᠥᠲᠥᠯᠥᠨ ᠳᠠᠭᠠᠭᠤᠯᠵᠤ᠂ ᠶᠠᠭ ᠴᠤᠭ ᠵᠢᠪᠬᠤᠭᠠ ᠪᠠᠳᠠᠷᠠᠩᠭᠤᠢ᠂ ᠤᠷᠢ ᠵᠠᠯᠠᠭᠤ ᠦᠶᠡ ᠳ᠋ᠡᠭᠡᠨ ᠪᠠᠢᠬᠤ ᠶᠤᠮ᠃
ᠬᠦᠴᠦᠷᠬᠡᠭ ᠤᠯᠤᠰᠤᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ᠂ ᠦᠨᠳᠦᠰᠦᠲᠡᠨᠦ ᠰᠡᠷᠭᠦᠨ ᠮᠠᠨᠳᠤᠯᠲᠠᠶᠢᠨ ᠴᠠᠭ ᠦᠶᠡᠶᠢᠨ ᠠᠶᠠᠨᠳᠤ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠶᠡᠷᠦ ᠨᠢ ᠵᠠᠯᠠᠭᠤᠴᠤᠳᠢ ᠲᠦᠢᠯᠢᠶᠡᠷ ᠬᠠᠯᠠᠮᠵᠢᠯᠠᠳᠠᠭ᠃ ᠵᠠᠯᠠᠭᠤᠴᠤᠳᠢ ᠬᠠᠯᠠᠮᠵᠢᠯᠠᠨ ᠬᠠᠢᠷᠠᠯᠠᠵᠤ᠂ ᠵᠠᠯᠠᠭᠤ ᠨᠠᠰᠤᠶᠢ ᠮᠠᠭᠲᠠᠨ ᠰᠠᠢᠰᠢᠶᠠᠵᠤ᠂ ᠵᠠᠯᠠᠭᠤᠴᠤᠳᠢ ᠰᠡᠩᠬᠡᠷᠡᠭᠦᠯᠵᠦ᠂ ᠵᠠᠯᠠᠭᠤ ᠨᠠᠰᠤᠶᠢ ᠬᠥᠭᠵᠢᠭᠡᠨᠡ᠃ ᠶᠡᠷᠦᠩᠬᠡᠢ ᠱᠦᠵᠢ᠄ 《ᠵᠠᠯᠠᠭᠤ ᠨᠠᠰᠤᠨᠤ ᠬᠦᠴᠦᠨ ᠴᠢᠳᠠᠯ᠂ ᠵᠠᠯᠠᠭᠤ ᠨᠠᠰᠤᠨᠤ ᠣᠷᠭᠢᠯᠤᠮᠠ ᠬᠠᠯᠠᠭᠤᠨ ᠰᠡᠳᠭᠢᠯᠭᠡ᠂ ᠵᠠᠯᠠᠭᠤ ᠨᠠᠰᠤᠨᠤ ᠡᠭᠦᠳᠦᠨ ᠪᠦᠲᠦᠭᠡᠯᠲᠡ ᠪᠣᠯ ᠢᠮᠠᠭᠲᠠ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠡᠷᠡᠮᠡᠬᠡᠢᠯᠡᠨ ᠤᠷᠤᠭᠰᠢᠯᠠᠵᠤ᠂ ᠳᠡᠯᠡᠬᠡᠢᠶᠢᠨ ᠦᠨᠳᠦᠰᠦᠲᠡᠨᠦ ᠳᠤᠮᠳᠠ ᠰᠡᠬᠦᠢᠨ ᠰᠦᠨᠳᠡᠷᠯᠡᠬᠦ ᠵᠢ ᠠᠬᠢᠭᠤᠯᠬᠤ ᠰᠦᠷ ᠳᠠᠯᠠᠢᠴᠠᠲᠠᠢ ᠬᠦᠴᠦᠨ ᠮᠥᠨ！》 ᠭᠡᠵᠦ ᠭᠦᠨ ᠰᠡᠳᠭᠢᠯᠭᠡ ᠲᠠᠢ ᠪᠡᠷ ᠬᠡᠯᠡᠪᠡ᠃
（ᠨᠢᠭᠡ） ᠵᠠᠯᠠᠭᠤ ᠨᠠᠰᠤᠪᠠᠨ ᠬᠡᠷᠬᠢᠨ ᠦᠯᠦ ᠬᠥᠰᠡᠷᠳᠡᠭᠦᠯᠬᠦ ᠪᠤᠢ？
《ᠬᠤᠪᠢ ᠬᠥᠮᠥᠨᠦ ᠬᠦᠰᠡᠯᠡᠩ ᠬᠥᠭᠡᠭᠡᠴᠡᠯᠳᠦᠯᠢᠶᠡᠨ ᠨᠠᠮ ᠪᠠ ᠤᠯᠤᠰᠤᠨ ᠠᠵᠢᠯ ᠦᠢᠯᠡᠰᠲᠦ ᠠᠭᠤᠰᠤᠯᠴᠠᠭᠤᠯᠤᠨᠠ》
1981 ᠣᠨᠤ ᠰᠡᠭᠦᠯᠴᠢᠪᠡᠷ᠂ 28 ᠨᠠᠰᠤᠲᠠᠢ ᠰᠢ ᠵᠢᠨ ᠫᠢᠩ ᠨᠢᠭᠡ ᠨᠠᠰᠤᠨᠤ ᠪᠡᠨ ᠨᠢᠭᠡᠨ ᠶᠡᠷᠦ ᠪᠤᠰᠤᠶᠢᠨ ᠰᠣᠩᠭᠣᠯᠲᠠ ᠬᠢᠵᠡᠢ — ᠲᠥᠪᠦᠨ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠬᠤᠷᠢᠶᠠ ᠵᠢᠨ ᠠᠯᠪᠠᠨ ᠲᠢᠩᠬᠢᠮᠦᠨ ᠨᠠᠷᠢᠨ ᠪᠢᠴᠢᠭᠡᠴᠢᠶᠢᠨ ᠠᠵᠢᠯᠤᠨ ᠪᠠᠢᠷᠢᠡᠴᠡᠪᠠᠨ ᠰᠠᠯᠵᠤ᠂ ᠦᠨᠳᠦᠰᠦᠨ ᠱᠠᠲᠤᠨᠳᠤ ᠬᠦᠷᠴᠦ ᠲᠤᠰᠢᠶᠠᠯ ᠡᠭᠦᠷᠭᠡᠯᠡᠨ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠪᠠ᠃ ᠡᠨᠡ ᠨᠢ ᠤᠳᠤᠷᠢᠳᠤᠯᠭᠠ ᠪᠣᠯᠣᠨ ᠲᠥᠷᠥᠯ ᠰᠠᠳᠤᠨ ᠨᠠᠢᠵᠠ ᠨᠥᠬᠥᠳᠢ ᠨᠢ ᠶᠡᠬᠡ ᠪᠡᠷ ᠭᠠᠢᠬᠠᠰᠢ ᠠᠯᠳᠠᠭᠤᠯᠪᠠ᠃
ᠲᠡᠷᠡ ᠦᠶᠡᠳᠦ᠂ ᠶᠡᠬᠡ ᠬᠡᠮᠵᠢᠶᠡᠨᠦ ᠰᠡᠬᠡᠭᠡᠲᠡᠳ ᠬᠤᠲᠠᠳᠤ ᠪᠤᠴᠠᠨ ᠢᠷᠡᠵᠦ᠂ ᠤᠯᠠᠨ ᠵᠢᠯᠦᠨ ᠬᠠᠲᠠᠭᠤ ᠪᠡᠷᠬᠡᠰᠢᠶᠡᠯᠲᠦ ᠠᠮᠢᠳᠤᠷᠠᠯ ᠨᠢ ᠨᠢᠭᠡ ᠪᠦᠯᠦᠭ ᠬᠥᠮᠥᠰᠢ 《ᠨᠦᠬᠥᠪᠦᠷᠢ ᠬᠦᠷᠲᠡᠬᠦ ᠰᠡᠳᠬᠢᠴᠡ》 ᠲᠠᠢ ᠪᠣᠯᠭᠠᠵᠤ᠂ ᠠᠮᠤᠷ ᠵᠢᠮᠤᠷ ᠲᠠᠭᠠᠯᠠᠮᠵᠢᠲᠠᠢ ᠠᠮᠢᠳᠤᠷᠠᠯᠳᠤ ᠰᠢᠨᠤᠭᠤᠯᠵᠠᠢ᠃ 《ᠮᠠᠨᠤ ᠡᠨᠡ ᠦᠶᠡᠶᠢᠨ ᠬᠥᠮᠥᠰ ᠡᠢᠮᠦ ᠠᠷᠭᠠᠪᠠᠷ ᠠᠯᠳᠠᠭᠰᠠᠨ ᠵᠠᠯᠠᠭᠤ ᠨᠠᠰᠤᠪᠠᠨ ᠨᠥᠬᠥᠪᠦᠷᠢᠯᠡᠬᠦ ᠶᠣᠰᠣᠲᠠᠢ ᠭᠡᠵᠢ ᠦᠦ？》 ᠥᠭᠡᠷᠡᠴᠢᠯᠡᠯᠲᠡᠶᠢᠨ ᠡᠬᠢᠨᠦ ᠦᠶᠡᠳᠦ᠂ ᠠᠯᠢᠪᠠ ᠦᠢᠯᠡᠰᠢᠶᠡᠨ ᠬᠥᠭᠵᠢᠭᠦᠯᠬᠦ ᠴᠢᠬᠤᠯᠠᠲᠠᠢ ᠪᠠᠢᠭᠰᠠᠨ ᠵᠠᠩᠭᠢᠯᠠᠭᠠᠶᠢᠨ ᠦᠶᠡᠳᠦ ᠵᠤᠭᠰᠤᠵᠤ᠂ ᠮᠥᠨ ᠯᠡ ᠶᠠᠳᠠᠭᠤ ᠬᠣᠭᠣᠰᠤᠨ ᠪᠠᠢᠭᠰᠠᠨ ᠨᠤᠲᠤᠭᠤᠨ ᠠᠬᠠ ᠳᠡᠭᠦᠦ ᠨᠠᠷᠢᠶᠡᠨ ᠳᠤᠷᠠᠰᠤᠨ ᠰᠠᠨᠠᠭᠠᠯᠵᠠᠵᠤ᠂ ᠵᠠᠯᠠᠭᠤᠴᠤᠳ ᠠᠰᠠᠭᠤᠨ ᠪᠣᠳᠣᠯᠬᠢᠯᠠᠵᠤ ᠪᠠᠢᠯᠠ᠃
《ᠠᠷᠠᠳ ᠲᠦᠮᠡᠨ ᠡᠴᠡ ᠬᠤᠯᠠᠳᠠᠵᠤ ᠲᠡᠳᠡᠨᠦ ᠲᠥᠯᠥᠭᠡ ᠠᠮᠢ ᠪᠡᠶᠡᠪᠡᠨ ᠵᠣᠷᠢᠭᠤᠯᠤᠨᠠ ᠭᠡᠬᠦ ᠬᠣᠭᠣᠰᠤᠨ ᠶᠠᠷᠢᠶᠠ ᠨᠢ ᠨᠠᠮᠠ ᠵᠢ ᠬᠣᠭᠣᠰᠤᠨ ᠰᠠᠨᠠᠭᠳᠠᠭᠤᠯᠵᠤ᠂ ᠰᠠᠨᠠᠭᠠ ᠠᠮᠤᠷ ᠦᠭᠡᠢ ᠪᠠᠢᠯᠭᠠᠵᠤ᠂ ᠲᠡᠷᠡ ᠦᠶᠡ ᠳ᠋ᠦ ᠪᠢ ᠨᠢᠭᠡ ᠵᠦᠢᠯᠦᠨ ᠤᠷᠢᠶᠠᠯᠠᠯᠢᠤᠯᠵᠤ ᠮᠡᠳᠡᠷᠡᠭᠰᠡᠨ ᠶᠤᠮ》᠃ ᠡᠢᠮᠦᠷᠬᠦ ᠤᠭ ᠰᠠᠨᠠᠭᠠᠶᠢ ᠡᠪᠦᠷᠯᠡᠨ᠂ ᠰᠢ ᠵᠢᠨ ᠫᠢᠩ ᠨᠥᠬᠥᠷ ᠵᠧᠩ ᠳ᠋ᠢᠩᠳᠦ ᠬᠦᠷᠴᠦ ᠲᠤᠰᠢᠶᠠᠯ ᠡᠭᠦᠷᠭᠡᠯᠡᠨ᠂ ᠠᠷᠠᠳ ᠲᠦᠮᠡᠨᠦ ᠳᠤᠮᠳᠠᠭᠦᠨᠵᠡᠭᠡᠢᠷᠡᠨ ᠥᠪᠡᠷᠦᠨ ᠦᠷᠳᠡᠭᠢᠶᠡᠨ ᠡᠷᠢᠯᠬᠢᠯᠡᠬᠦᠪᠡᠷ ᠵᠤᠷᠢᠭ ᠰᠢᠭᠤᠳᠴᠠᠢ᠃
28 ᠨᠠᠰᠤᠲᠠᠢ᠂ ᠶᠠᠭ ᠴᠤᠭ ᠵᠢᠪᠬᠤᠭᠠ ᠪᠠᠳᠠᠷᠠᠩᠭᠤᠢ ᠦᠶᠡ᠃
ᠡᠨᠡ ᠨᠢ ᠶᠠᠭ ᠥᠪᠡᠷᠢᠪᠡᠨ 《ᠬᠣᠷᠢᠨ ᠨᠠᠢ᠍ᠮᠠᠨ ᠵᠢᠷᠤᠯᠭᠠ ᠲᠠᠢ ᠰᠤᠷᠤᠭᠴᠢ》 ᠬᠡᠮᠡᠭᠳᠡᠭᠰᠡᠨ ᠵᠠᠯᠠᠭᠤ ᠨᠠᠰᠤᠨᠤ ᠮᠠᠤ ᠽᠧ ᠳ᠋ᠦᠩᠤᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠠᠩᠬᠠᠳᠤᠭᠠᠷ ᠶᠡᠬᠡ ᠬᠤᠷᠠᠯᠳᠤ ᠣᠷᠣᠯᠴᠠᠬᠤ ᠦᠶᠡᠶᠢᠨ ᠨᠠᠰᠤ ᠪᠣᠯᠣᠨᠠ᠃ 1921 ᠣᠨᠤ ᠵᠤᠨ᠂ ᠳᠤᠮᠳᠠᠴᠢᠪᠠᠷ 28 ᠨᠠᠰᠤᠲᠠᠢ ᠨᠢᠭᠡ ᠪᠦᠯᠦᠭ ᠲᠡᠷᠢᠭᠦᠨᠦ ᠬᠥᠮᠥᠰ ᠬᠠᠮᠲᠤᠶᠢᠨ ᠬᠦᠰᠡᠯ ᠵᠣᠷᠢᠯᠲᠠᠡᠴᠡ ᠪᠣᠯᠵᠤ ᠬᠠᠮᠲᠤ ᠴᠤᠭᠯᠠᠷᠠᠵᠤ᠂ ᠲᠡᠨᠢᠭᠡᠷ ᠠᠭᠤᠳᠠᠮ ᠨᠤᠲᠤᠭ ᠲᠡᠪᠢᠰᠭᠡᠷ ᠲᠡᠬᠢ ᠮᠠᠨᠳᠤᠯ ᠲᠤᠷᠤᠢᠳᠠᠯᠢ ᠬᠡᠨ ᠲᠤᠭᠲᠠᠭᠠᠵᠤᠬᠡᠨ ᠡᠵᠡᠨ ᠮᠡᠳᠡᠵᠦ ᠪᠠᠢᠬᠤ ᠪᠤᠢ ᠭᠡᠵᠦ ᠠᠰᠠᠭᠤᠵᠤ᠂ ᠭᠠᠯᠪᠠ ᠶᠢᠷᠲᠢᠨᠴᠦ ᠵᠢ ᠰᠢᠨᠡᠳᠭᠡᠭᠰᠡᠨ ᠲᠡᠦᠬᠡᠶᠢᠨ ᠠᠭᠤᠤ ᠦᠢᠯᠡᠰᠢ ᠡᠬᠢᠯᠡᠭᠦᠯᠪᠡ᠃
ᠡᠷᠲᠡᠨᠡᠴᠡ ᠠᠪᠤᠭᠠᠳ ᠪᠠᠭᠠᠲᠤᠷ ᠬᠥᠮᠥᠰ ᠵᠠᠯᠠᠭᠤᠴᠤᠳᠤᠨ ᠲᠤᠮᠳᠠ ᠡᠴᠡ ᠴᠤᠯᠭᠤᠷᠠᠨ ᠭᠠᠷᠴᠤ ᠢᠷᠡᠳᠡᠭ᠃ ᠨᠢᠭᠡ ᠤᠳᠠᠭᠠᠶᠢᠨ ᠶᠡᠬᠡ ᠬᠤᠷᠠᠯ ᠳᠡᠭᠡᠷᠡ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠨᠢᠭᠡ ᠯᠡ ᠠᠮᠢᠰᠬᠤᠭᠠᠪᠠᠷ ᠠᠯᠢ ᠤᠯᠠᠨ ᠦᠩᠭᠡ ᠭᠡᠷᠡᠯ ᠲᠠᠢ ᠬᠦᠮᠦᠰᠤᠨ ᠨᠡᠷᠡᠶᠢ ᠬᠡᠯᠡᠵᠦ ᠭᠠᠷᠭᠠᠪᠠ —
《ᠡᠪ ᠬᠠᠮᠲᠤ ᠨᠠᠮᠤᠨ ᠲᠤᠩᠬᠠᠭ》 ᠢ᠋ ᠨᠡᠢᠲᠡᠯᠡᠬᠦ ᠦᠶᠡᠳᠦ ᠮᠠᠷᠺᠰ 30 ᠨᠠᠰᠤᠲᠠᠢ᠂ ᠡᠩᠭᠧᠯᠰ 28 ᠨᠠᠰᠤᠲᠠᠢ ᠪᠠᠢᠪᠠ᠃ ᠯᠧᠨᠢᠨ ᠬᠤᠪᠢᠰᠬᠠᠯᠲᠤ ᠬᠥᠳᠡᠯᠭᠡᠭᠡᠨᠳᠦ ᠠᠩᠬᠠ ᠣᠷᠣᠯᠴᠠᠬᠤ ᠦᠶᠡᠰ 17 ᠨᠠᠰᠤᠲᠠᠢ᠃ ᠨᠢᠶᠦ᠋ᠲ᠋ᠥᠨ ᠪᠣᠯᠣᠨ ᠯᠠᠢ᠍ᠢᠪᠨᠢᠼ ᠢᠯᠭᠠᠷᠠᠯ ᠴᠣᠮᠬᠠᠷᠠᠯᠢ ᠢᠯᠡᠷᠡᠭᠦᠯᠬᠦ ᠦᠶᠡᠳᠦ ᠲᠤᠰ ᠲᠤᠰ 22 ᠨᠠᠰᠤᠲᠠᠢ᠂ 28 ᠨᠠᠰᠤᠲᠠᠢ ᠪᠠᠢᠪᠠ᠂ ᠳ᠋ᠠᠷᠸᠢᠨ ᠳᠡᠯᠡᠬᠡᠢᠶᠢᠨ ᠪᠥᠮᠪᠥᠷᠴᠡᠭᠢ ᠲᠣᠭᠣᠷᠢᠨ ᠠᠶᠠᠯᠠᠵᠤ ᠡᠬᠢᠯᠡᠬᠦ ᠦᠶᠡᠳᠦ 22 ᠨᠠᠰᠤᠲᠠᠢ ᠪᠠᠢᠪᠠ᠂ ᠠᠢᠨᠰᠲᠧᠨ ᠢᠪᠴᠤᠤ ᠤᠳᠬᠠ ᠵᠢᠨ ᠬᠠᠷᠢᠴᠠᠩᠭᠤᠢ ᠤᠨᠤᠯᠢ ᠳᠤᠷᠠᠳᠬᠤ ᠦᠶᠡᠳᠦ 26 ᠨᠠᠰᠤᠲᠠᠢ ᠪᠠᠢᠪᠠ᠃ ᠵᠢᠶᠠ ᠢ 《ᠪᠠᠷᠠᠭᠤᠨ ᠬᠠᠨ ᠤᠯᠤᠰᠤᠨ ᠦᠶᠡᠶᠢᠨ ᠬᠠᠮᠤᠭᠤᠨ ᠰᠠᠢᠨ ᠤᠯᠤᠰ ᠲᠥᠷᠥᠶᠢᠨ ᠥᠭᠦᠯᠡᠯ》ᠵᠢᠡᠨ ᠪᠢᠴᠢᠬᠦ ᠦᠶᠡᠳᠦ 30 ᠨᠠᠰᠤ ᠬᠦᠷᠦᠭᠡ ᠦᠭᠡᠢ ᠪᠠᠢᠵᠤ᠂ ᠸᠠᠩ ᠪᠥᠸᠧ ᠮᠢᠩᠭᠠᠨ ᠭᠠᠯᠪᠠᠶᠢᠨ ᠨᠡᠷᠡᠲᠦ ᠵᠣᠬᠢᠶᠠᠯ 《ᠲᠧᠩ ᠸᠠᠩ ᠭᠧ ᠲᠠᠭᠳᠤ ᠵᠢᠨ ᠣᠷᠣᠰᠢᠯ》 ᠵᠢᠡᠨ ᠪᠢᠴᠢᠬᠦ ᠦᠶᠡᠳᠦ ᠰᠠᠶᠢ 20 ᠭᠠᠷᠤᠢ ᠨᠠᠰᠤᠲᠠᠢ ᠪᠠᠢᠵᠠᠢ ᠁
ᠲᠡᠦᠬᠡᠨ ᠳᠡᠭᠡᠷᠡ ᠬᠡᠴᠢᠨᠡᠨ ᠤᠯᠠᠨ ᠠᠭᠤᠤ ᠦᠢᠯᠡᠰ ᠡᠢᠮᠦᠷᠬᠦ ᠵᠠᠯᠠᠭᠤ ᠨᠠᠰᠤᠨᠤ ᠤᠨ ᠵᠢᠯᠡᠴᠡ ᠡᠭᠦᠰᠦᠭᠰᠡᠨ ᠪᠤᠢ᠂ ᠬᠡᠴᠢᠨᠡᠨ ᠤᠯᠠᠨ ᠪᠣᠭᠳᠠ ᠮᠡᠷᠭᠡᠳ ᠭᠠᠷᠮᠠᠭᠠᠢ ᠪᠠᠭᠠᠲᠤᠷ ᠵᠠᠯᠠᠭᠤ ᠨᠠᠰᠤᠨᠳᠠᠭᠠᠨ ᠲᠠᠷᠤᠢ ᠴᠠᠭᠤᠨ ᠪᠠᠢᠳᠠᠯᠢ ᠠᠵᠢᠨ ᠬᠤᠪᠢᠷᠠᠯᠲᠠᠶᠢ ᠮᠡᠳᠡᠵᠤ᠂ ᠵᠣᠷᠢᠭ᠍ᠲᠠᠢᠪᠠᠷ ᠪᠤᠰᠤᠳᠡᠴᠡ ᠲᠦᠷᠦᠭᠦᠯᠡᠬᠦ ᠠᠭᠤᠳᠠᠮᠴᠢ ᠰᠡᠳᠬᠢᠯᠭᠡ ᠵᠢ ᠢᠯᠡᠷᠡᠭᠦᠯᠦᠭᠰᠡᠨ ᠪᠤᠢ᠃ ᠮᠠᠨᠤ ᠨᠠᠮ ᠠᠷᠠᠳ ᠲᠦᠮᠡᠨᠢ ᠤᠳᠤᠷᠢᠳᠤᠨ ᠬᠤᠪᠢᠰᠬᠠᠯ᠂ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠ᠂ ᠥᠭᠡᠷᠡᠴᠢᠯᠡᠯᠲᠡ ᠬᠢᠭᠰᠡᠨ ᠠᠭᠤᠤ ᠶᠡᠬᠡ ᠲᠡᠦᠬᠡᠨ ᠶᠠᠪᠤᠴᠠᠳᠤ ᠵᠠᠯᠠᠭᠤ ᠪᠠᠭᠠᠲᠤᠷᠴᠤᠳ ᠨᠡᠩ ᠴᠤ᠌ ᠬᠤᠢᠨᠠ ᠬᠤᠢᠨᠠ ᠡᠴᠡ ᠪᠡᠨ ᠴᠣᠯᠭᠣᠷᠠᠨ ᠭᠠᠷᠤᠭᠰᠠᠨ ᠶᠤᠮ᠃ ᠬᠥᠮᠥᠨᠦ ᠨᠢᠭᠡ ᠨᠠᠰᠤᠨᠤ 《ᠰᠢᠵᠢᠷ ᠠᠯᠲᠠᠨ ᠴᠠᠭ ᠦᠶᠡ》 ᠪᠡᠨ ᠬᠡᠷᠬᠢᠨ ᠡᠵᠡᠮᠳᠡᠬᠦ ᠪᠤᠢ？ ᠴᠠᠭ ᠦᠶᠡᠶᠢ ᠠᠯᠤᠰᠯᠠᠭᠰᠠᠨ ᠮᠥᠩᠬᠡᠶᠢᠨ ᠠᠰᠠᠭᠤᠯᠲᠠ ᠨᠢ ᠶᠠᠭ ᠯᠡ ᠥᠨᠳᠥᠷᠲᠦ ᠡᠯᠭᠦᠭᠳᠡᠭᠰᠡᠨ ᠭᠡᠭᠡᠨ ᠲᠣᠯᠢ ᠰᠢᠭ᠂ ᠦᠶᠡ ᠦᠶᠡᠶᠢᠨ ᠵᠠᠯᠠᠭᠤᠴᠤᠳᠤᠨ ᠣᠶᠤᠨ ᠰᠠᠨᠠᠭᠠᠶᠢ ᠭᠡᠷᠡᠯᠲᠦᠭᠦᠯᠦᠨᠡ᠃
ᠬᠥᠮᠥᠨᠦ ᠠᠮᠢᠳᠤᠷᠠᠯᠤᠨ ᠵᠠᠩᠭᠢᠯᠠᠭᠠ ᠵᠢᠨ ᠴᠠᠭ ᠦᠶᠡ ᠨᠢ ᠵᠥᠪᠬᠡᠨ ᠬᠡᠳᠦᠬᠡᠨ ᠠᠯᠬᠤᠮ ᠪᠠᠢᠨᠠ᠃ ᠪᠣᠭᠳᠠ ᠮᠡᠷᠭᠡᠳ ᠪᠤᠯᠬᠤ ᠪᠡᠷ ᠵᠤᠷᠢᠭ ᠰᠢᠭᠤᠳᠪᠠᠰᠤ ᠪᠣᠭᠳᠠ ᠮᠡᠷᠭᠡᠳ ᠪᠣᠯᠣᠮᠤᠢ᠃
2017 ᠣᠨᠤ 《5·4》 ᠡᠴᠡ ᠡᠮᠦᠨᠡᠬᠡᠨ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠯᠤᠰ ᠲᠥᠷᠥ ᠬᠠᠤᠯᠢ ᠴᠠᠭᠠᠵᠠᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ 《ᠤᠭ ᠰᠠᠨᠠᠭᠠᠪᠠᠨ ᠥᠯᠥ ᠮᠠᠷᠲᠠᠵᠤ ᠨᠠᠮᠢᠶᠠᠨ ᠳᠠᠭᠠᠬᠤ》 ᠭᠣᠣᠯ ᠰᠡᠳᠦᠪᠲᠦ ᠡᠪᠯᠡᠯᠦᠨ ᠡᠳᠦᠷᠦᠨ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠵᠤ᠂ ᠰᠤᠷᠤᠭ᠍ᠴᠢᠳᠲᠠᠢ ᠵᠢᠶᠣᠣ ᠢᠦᠢ ᠯᠦ᠍ᠶᠢᠨ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠰᠤᠷᠤᠯᠴᠠᠬᠤ ᠲᠤᠬᠠᠢ ᠶᠠᠷᠢᠯᠴᠠᠵᠤ᠂ ᠲᠡᠳᠡᠨᠢ 《ᠵᠣᠷᠢᠭ᠋ ᠰᠢᠭᠤᠳᠬᠤ ᠨᠢ ᠠᠯᠢᠪᠠ ᠪᠦᠬᠦᠨᠢ ᠡᠬᠢᠯᠡᠬᠦᠯᠬᠦᠶᠢᠨ ᠤᠷᠢᠲᠠᠯ ᠮᠥᠨ》 ᠭᠡᠵᠦ ᠵᠣᠷᠢᠭ᠍ᠵᠢᠭᠤᠯᠪᠠ᠃
1966 ᠣᠨᠳᠤ ᠠᠩᠬᠠ ᠵᠡᠷᠭᠡᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳᠤ ᠰᠤᠷᠤᠯᠴᠠᠵᠤ ᠪᠠᠢᠭᠰᠠᠨ ᠰᠢ ᠵᠢᠨ ᠫᠢᠩ ᠮᠦ᠍ ᠴᠢᠩ ᠵᠡᠷᠭᠡ ᠨᠥᠬᠥᠳᠦᠨ ᠰᠤᠷᠪᠤᠯᠵᠢᠯᠠᠨ ᠪᠢᠴᠢᠭᠰᠡᠨ 《ᠰᠢᠶᠠᠨᠤ ᠨᠠᠮᠤᠨ ᠬᠤᠷᠢᠶᠠ ᠵᠢᠨ ᠱᠦᠵᠢᠶᠢᠨ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ — ᠵᠢᠶᠣᠣ ᠢᠦᠢ ᠯᠦ᠍》 ᠵᠢ ᠤᠩᠰᠢᠭᠠᠳ ᠭᠦᠨ ᠰᠡᠳᠬᠢᠯ ᠬᠥᠳᠡᠯᠪᠡ᠃ ᠲᠡᠷᠡ ᠡᠷᠭᠢᠴᠡᠭᠦᠯᠬᠦᠳᠡᠭᠡᠨ᠄ 《ᠡᠨᠡ ᠬᠦ᠌ ᠶᠠᠪᠤᠳᠠᠯ ᠨᠠᠮᠠᠶᠢ ᠨᠥᠯᠥᠭᠡᠯᠡᠭᠰᠡᠭᠡᠷ ᠢᠷᠡᠵᠡᠢ᠃ ᠵᠠᠰᠠᠭᠤᠨ ᠠᠵᠢᠯ ᠬᠢᠵᠦ᠂ ᠰᠢᠶᠠᠨᠤ ᠨᠠᠮᠤᠨ ᠬᠤᠷᠢᠶᠠ ᠵᠢᠨ ᠱᠦᠵᠢᠶᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ᠂ ᠰᠡᠭᠦᠯᠡᠷ ᠨᠢ ᠶᠡᠷᠦᠩᠬᠡᠢ ᠱᠦᠵᠢᠶᠢᠨ ᠲᠤᠰᠢᠶᠠᠯᠢ ᠡᠭᠦᠷᠭᠡᠯᠡᠭᠰᠡᠨ ᠬᠦᠷᠲᠡᠯᠡ᠂ ᠵᠢᠶᠣᠣ ᠢᠦᠢ ᠯᠦ᠍ᠶᠢᠨ ᠵᠣᠷᠢᠭ᠋ ᠰᠠᠨᠠᠭᠠ ᠨᠢ ᠢᠮᠠᠭᠲᠠ ᠬᠡᠷᠡᠯᠳᠦ ᠴᠠᠮᠬᠠᠬ ᠪᠣᠯᠣᠭᠰᠠᠭᠠᠷ ᠢᠷᠡᠵᠠᠢ》 ᠭᠡᠵᠡᠢ᠃
《ᠵᠢᠶᠣᠣ ᠢᠦᠢ ᠯᠦ᠍ ᠨᠥᠬᠥᠷᠦᠨ ᠦᠶ᠋ᠯᠡ ᠠᠵᠢᠯᠯᠠᠭᠠᠶᠢ ᠬᠤᠷᠢᠶᠠᠩᠭᠤᠢᠯᠠᠪᠠᠯ᠂ ᠲᠠᠷᠤᠢ ᠨᠠᠮᠢᠶᠠᠨ ᠡᠷᠡᠰ ᠳᠠᠭᠠᠭᠰᠠᠨ ᠶᠠᠪᠤᠳᠠᠯ ᠪᠣᠯᠣᠨᠠ᠂ ᠲᠡᠷᠡ ᠨᠠᠰᠤᠨ ᠲᠤᠷᠰᠢᠲᠠᠪᠠᠨ ᠨᠠᠮᠤᠨ ᠬᠦᠴᠢᠷ ᠵᠣᠪᠠᠭᠤᠷᠢᠶᠢ ᠬᠤᠪᠢᠶᠠᠯᠴᠠᠵᠤ᠂ ᠨᠠᠮᠤᠨ ᠲᠥᠯᠥᠭᠡ ᠬᠡᠷᠡᠯ ᠭᠢᠯᠪᠠᠭᠠ ᠨᠡᠮᠡᠷᠢᠯᠡᠭᠰᠡᠨ ᠶᠤᠮ》᠃ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠦᠭᠡ ᠦᠨᠡᠨᠴᠢ ᠰᠡᠳᠬᠢᠯᠭᠡ ᠭᠦᠨᠢᠶᠡᠷ ᠰᠤᠷᠤᠭ᠍ᠴᠢᠳᠲᠤ᠂ ᠡᠨᠡ ᠬᠦ᠌ ᠤᠭ ᠰᠠᠨᠠᠭᠠᠪᠠᠨ ᠦᠯᠦ ᠮᠠᠷᠲᠠᠬᠤ ᠪᠣᠯ ᠮᠠᠨᠤ ᠤᠯᠤᠰᠤᠨ ᠥᠷᠭᠡᠨ ᠤᠯᠠᠨ ᠵᠠᠯᠠᠭᠤᠴᠤᠳᠤᠨ ᠤᠯᠤᠰ ᠲᠦᠷᠦᠶᠢᠨ ᠰᠣᠩᠭᠣᠯᠲᠠ ᠮᠥᠨ᠂ ᠪᠠᠰᠠ ᠴᠤ᠌ ᠮᠠᠨᠤ ᠤᠯᠤᠰᠤᠨ ᠥᠷᠭᠡᠨ ᠤᠯᠠᠨ ᠵᠠᠯᠠᠭᠤᠴᠤᠳᠤᠨ ᠨᠢᠭᠡ ᠨᠠᠰᠤᠨᠤ ᠴᠢᠭᠯᠡᠯ ᠮᠥᠨ ᠭᠡᠵᠦ ᠬᠡᠯᠡᠪᠡ᠃
《ᠵᠣᠷᠢᠭ᠋ ᠰᠢᠭᠤᠳᠬᠤ ᠦᠭᠡᠢ ᠪᠣᠯ ᠳᠡᠯᠡᠬᠡᠢ ᠳ᠋ᠠᠬᠢᠨᠳᠤ ᠪᠦᠲᠦᠭᠡᠵᠦ ᠳᠡᠶ᠋ᠢᠯᠬᠦ ᠶᠠᠪᠤᠳᠠᠯ ᠭᠡᠵᠦ ᠠᠯᠠᠭᠠ》᠂ ᠶᠡᠷᠦᠩᠬᠡᠢ ᠱᠦᠵᠢ ᠪᠣᠭᠳᠠ ᠮᠡᠷᠭᠡᠳᠦᠨ ᠦᠭᠡᠶᠢ ᠡᠰᠢᠯᠡᠨ ᠬᠡᠷᠡᠭᠯᠡᠬᠦ ᠪᠤᠯᠭᠠᠨ᠂ 《ᠵᠣᠷᠢᠭ᠋ ᠰᠢᠭᠤᠳᠬᠤ》 ᠵᠢᠨ ᠴᠢᠬᠤᠯᠠ ᠴᠢᠨᠠᠷᠢ ᠴᠢᠬᠤᠯᠠᠴᠢᠯᠠᠳᠠᠭ᠃
《ᠬᠡᠷᠪᠡ ᠪᠢᠳᠡ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠲᠥᠯᠥᠭᠡ ᠬᠠᠮᠤᠭᠠᠴᠠ ᠢᠯᠡᠭᠦᠦ ᠠᠵᠢᠯᠯᠠᠵᠤ ᠳᠡᠶ᠋ᠢᠯᠬᠦ ᠠᠵᠢᠯ ᠲᠦᠷᠦᠯᠢ ᠰᠣᠩᠭᠣᠪᠠᠯ᠂ ᠬᠦᠨᠳᠦ ᠡᠭᠦᠷᠭᠡ ᠪᠢᠳᠡᠨᠢ ᠳᠠᠷᠤᠵᠤ ᠳᠡᠶ᠋ᠢᠯᠬᠦ ᠦᠭᠡᠢ ᠶᠤᠮ᠂ ᠤᠴᠢᠷ ᠨᠢ ᠡᠨᠡ ᠪᠣᠯ ᠤᠯᠠᠨᠤ ᠲᠥᠯᠥᠭᠡ ᠭᠠᠷᠭᠠᠭᠰᠠᠨ ᠦᠷᠡᠭᠳᠡᠯ ᠮᠥᠨ》᠂ 《ᠮᠠᠨᠤ ᠦᠢᠯᠡᠰ ᠨᠠᠮ ᠵᠢᠮᠢᠶᠡᠷ ᠣᠷᠣᠰᠢᠬᠤ ᠪᠣᠯᠣᠨᠠ᠂ ᠭᠡᠪᠡᠴᠦ ᠲᠡᠷᠡ ᠨᠢ ᠦᠢᠯᠡᠳᠦᠯᠢᠶᠡᠨ ᠡᠭᠦᠷᠢᠳᠡ ᠪᠠᠳᠠᠷᠠᠭᠤᠯᠬᠤ ᠪᠤᠯᠤᠨᠠ᠂ ᠬᠠᠷᠢᠨ ᠪᠢᠳᠡᠨᠤ ᠴᠢᠨᠳᠠᠷᠲᠤ ᠬᠠᠨᠳᠤᠵᠤ᠂ ᠡᠷᠬᠢᠮ ᠳᠡᠭᠡᠳᠦ ᠬᠥᠮᠥᠰ ᠬᠠᠯᠠᠭᠤᠨ ᠨᠢᠯᠪᠤᠰᠤ ᠪᠡᠨ ᠤᠨᠠᠭᠠᠨᠠ》᠃ 1835 ᠣᠨᠳᠤ᠂ 17 ᠨᠠᠰᠤᠲᠠᠢ ᠮᠠᠷᠺᠰ ᠥᠨᠳᠥᠷ ᠵᠡᠷᠭᠡᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠲᠡᠭᠦᠰᠬᠦ ᠵᠣᠬᠢᠶᠠᠯᠳᠠᠭᠠᠨ ᠢᠩᠭᠢᠵᠦ ᠪᠢᠴᠢᠵᠡᠢ᠃
ᠮᠠᠷᠺᠰᠤᠨ ᠮᠡᠨᠳᠦᠯᠡᠭᠰᠡᠨ 200 ᠵᠢᠯᠦᠨ ᠤᠢᠶᠢ ᠳᠤᠷᠠᠰᠬᠠᠬᠤ ᠶᠡᠬᠡ ᠬᠤᠷᠠᠯ ᠳᠡᠭᠡᠷᠡ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠴᠢᠬᠤᠯᠠ ᠶᠠᠷᠢᠶᠠ ᠲᠠᠯᠪᠢᠬᠤᠳᠠᠭᠠᠨ 《ᠵᠠᠯᠠᠭᠤᠴᠤᠳᠤᠨ ᠠᠵᠢᠯ ᠮᠡᠷᠭᠡᠵᠢᠯ ᠰᠣᠩᠭᠣᠬᠤ ᠦᠶᠡᠶᠢᠨ ᠪᠣᠳᠣᠯᠬᠢᠯᠠᠯ》 ᠭᠡᠬᠦ ᠵᠣᠬᠢᠶᠠᠯᠢ ᠡᠰᠢᠯᠡᠪᠡ᠃ ᠲᠡᠷᠡ᠂ ᠮᠠᠷᠺᠰ ᠨᠢᠭᠡ ᠨᠠᠰᠤᠨᠳᠠᠭᠠᠨ ᠭᠡᠰᠦᠨ ᠲᠡᠨᠦᠭᠦᠴᠢᠯᠡᠬᠦ ᠬᠦᠴᠢᠷ ᠵᠣᠪᠠᠭᠤᠷᠢ᠂ ᠶᠠᠳᠠᠭᠤ ᠬᠣᠭᠣᠰᠤᠨ ᠡᠪᠡᠳᠴᠢᠨ ᠵᠣᠪᠠᠯᠠᠩᠤᠨ ᠲᠠᠷᠴᠢᠯᠠᠭᠠᠯᠢ ᠬᠠᠰᠢᠷᠠᠲᠠᠯᠠ ᠠᠮᠰᠠᠭᠰᠠᠨ ᠶᠤᠮ᠂ ᠭᠡᠪᠡᠴᠦ ᠲᠡᠷᠡ ᠤᠭ ᠰᠠᠨᠠᠭᠠᠪᠠᠨ ᠦᠯᠦ ᠮᠠᠷᠲᠠᠵᠤ᠂ ᠵᠤᠷᠢᠭ ᠰᠢᠭᠤᠳᠤᠨ ᠴᠥᠬᠥᠷᠡᠰᠢ ᠦᠭᠡᠢ ᠲᠡᠮᠡᠴᠡᠵᠦ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠴᠢᠯᠦᠭᠡᠯᠡᠯᠲᠡᠶᠢᠨ ᠡᠷᠬᠢᠮ ᠳᠡᠭᠡᠳᠦ ᠬᠦᠰᠡᠯᠡᠩᠦᠨ ᠲᠥᠯᠥᠭᠡ ᠡᠷᠡᠯᠬᠡᠭᠯᠡᠨ ᠲᠡᠮᠡᠴᠡᠵᠦ᠂ ᠨᠢᠭᠡ ᠨᠠᠰᠤᠨᠤ ᠠᠭᠤᠤ ᠶᠡᠬᠡ ᠠᠮᠵᠢᠯᠲᠠ ᠪᠦᠲᠦᠮᠵᠢ ᠵᠢ ᠲᠡᠮᠡᠴᠡᠨ ᠤᠯᠵᠠᠢ᠃
ᠬᠦᠰᠡᠯᠡᠩ ᠢᠲᠡᠭᠡᠯ ᠪᠢᠰᠢᠷᠡᠯ ᠨᠢ ᠢᠷᠡᠭᠡᠳᠦᠢᠶᠢᠨ ᠴᠢᠭᠯᠡᠯᠢ ᠵᠢᠯᠣᠭᠣᠳᠤᠨᠠ᠃ ᠵᠠᠯᠠᠭᠤᠴᠤᠳ ᠠᠯᠤᠰ ᠬᠡᠲᠦᠶᠢᠨ ᠬᠦᠰᠡᠯ ᠵᠣᠷᠢᠯᠲᠠ ᠲᠠᠢ ᠪᠠᠢᠵᠤ᠂ ᠡᠷᠡᠯᠬᠡᠭᠯᠡᠨ ᠤᠷᠤᠭᠰᠢᠯᠠᠬᠤ ᠳᠠᠯᠳᠠ ᠬᠦᠴᠦᠨᠢᠶᠡᠨ ᠬᠥᠭᠵᠢᠭᠡᠪᠡᠯ᠂ ᠵᠠᠯᠠᠭᠤ ᠨᠠᠰᠤ ᠵᠠᠯᠠᠭᠤᠷ ᠦᠭᠡᠢ ᠵᠠᠪᠢ ᠰᠢᠭ ᠲᠣᠭᠲᠠᠪᠤᠷᠢ ᠦᠭᠡᠢ ᠪᠠᠢᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ᠃
2014 ᠣᠨᠳᠤ᠂ ᠪᠠᠷᠠᠭᠤᠨ ᠣᠷᠣᠨᠢ ᠳᠡᠮᠵᠢᠬᠦ ᠰᠤᠷᠭᠠᠨ ᠬᠥᠮᠦᠵᠢᠯᠢ ᠳᠡᠮᠵᠢᠬᠦ ᠨᠢᠭᠡ ᠪᠦᠯᠦᠭ ᠲᠡᠭᠦᠰᠬᠦ ᠰᠤᠷᠤᠭ᠍ᠴᠢᠳᠤᠨ ᠲᠥᠯᠥᠭᠡᠯᠡᠭᠴᠢ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩᠳᠦ ᠵᠠᠬᠢᠳᠠᠯ ᠪᠢᠴᠢᠵᠦ᠂ ᠳᠤᠷᠠᠲᠠᠶᠠ 《ᠤᠯᠠᠭᠠᠨ ᠰᠤᠬᠠᠢ᠂ ᠭᠠᠯᠰᠠᠩ ᠴᠡᠴᠡᠭ》 ᠰᠢᠭ ᠪᠠᠷᠠᠭᠤᠨ ᠣᠷᠣᠨᠳᠤ ᠦᠨᠳᠦᠰᠦᠯᠡᠵᠦ᠂ ᠰᠢᠨᠲᠠᠷᠠᠰᠢ ᠦᠭᠡᠢ᠂ ᠬᠦᠴᠢᠷᠡᠴᠡ ᠠᠶᠤᠬᠤ ᠦᠭᠡᠢ᠂ ᠡᠭᠡᠯ ᠵᠢᠷᠦᠨ ᠬᠥᠮᠥᠨ ᠪᠣᠯᠵᠤ᠂ ᠥᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠳᠡᠪᠢᠰᠬᠡᠷᠲᠦ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠣᠯᠭᠣᠨᠠ ᠭᠡᠵᠦ ᠢᠯᠡᠳᠬᠡᠪᠡ᠃ ᠶᠡᠷᠦᠩᠬᠡᠢ ᠱᠦᠵᠢᠶᠢᠨ ᠬᠠᠷᠢᠭᠤ ᠵᠠᠬᠢᠳᠠᠯᠳᠤ ᠴᠢᠩ ᠦᠨᠡᠨᠴᠢ ᠰᠡᠳᠬᠢᠯᠭᠡ ᠪᠢᠯᠬᠠᠵᠤ᠄《ᠰᠠᠢᠨ ᠬᠦᠪᠡᠭᠦᠳ ᠦᠬᠢᠳᠦᠨ ᠬᠦᠰᠡᠯ ᠵᠣᠷᠢᠯᠲᠠ ᠲᠦᠷᠪᠡᠨ ᠵᠦᠭᠲᠦ ᠪᠤᠢ᠂ ᠬᠦᠰᠡᠯ ᠵᠣᠷᠢᠭ᠋ᠲᠠᠢ ᠪᠣᠯ ᠡᠷᠡᠮᠡᠬᠡᠢᠯᠡᠨ ᠲᠡᠮᠡᠴᠡᠪᠡᠴᠦ ᠬᠠᠷᠠᠮᠰᠠᠬᠤ ᠦᠭᠡᠢ》 ᠭᠡᠵᠡᠢ᠃
ᠬᠠᠨ ᠭᠠᠷᠤᠳᠢ ᠠᠯᠤᠰᠢ ᠵᠤᠷᠢᠨ ᠲᠦᠮᠡᠨ ᠭᠠᠵᠠᠷᠢ ᠲᠤᠭᠤᠯᠤᠨᠠ᠃ ᠵᠠᠯᠠᠭᠤ ᠨᠠᠰᠤᠨᠤ ᠥᠳᠥ ᠵᠢᠭᠦᠷ ᠨᠢ ᠬᠡᠵᠢᠶᠡᠳᠡ ᠴᠠᠭ ᠦᠶᠡᠲᠠᠢ ᠵᠡᠷᠭᠡᠪᠡᠷ ᠤᠷᠤᠭᠰᠢᠯᠠᠵᠤ᠂ ᠵᠠᠯᠠᠭᠤᠴᠤᠳᠤᠨ ᠬᠦᠰᠡᠯ ᠵᠣᠷᠢᠭ᠋ ᠨᠢ ᠵᠠᠢᠯᠠᠰᠢ ᠦᠭᠡᠢ ᠤᠯᠤᠰ ᠣᠷᠣᠨᠲᠠᠢ ᠰᠡᠳᠭᠢᠯ ᠨᠢᠭᠡᠲᠦᠨ ᠵᠡᠷᠭᠡᠪᠡᠷ ᠤᠷᠤᠭᠰᠢᠯᠠᠬᠤ ᠶᠤᠮ᠃
ᠳᠡᠯᠡᠬᠡᠢ ᠳ᠋ᠠᠬᠢᠨ ᠰᠠᠮᠠᠭᠤᠨ ᠲᠡᠪᠵᠢᠶᠡᠨ ᠲᠠᠢ ᠦᠶᠡᠳᠦ᠂ ᠵᠠᠯᠠᠭᠤᠴᠤᠳ ᠲᠦᠷᠦᠭᠦᠯᠡᠨ ᠰᠡᠬᠡᠭᠡᠷᠡᠵᠦ᠂ ᠭᠠᠷ ᠡᠷᠭᠦᠨ ᠥᠨᠳᠥᠷ ᠬᠠᠰᠬᠢᠷᠴᠤ᠂ ᠤᠴᠢ ᠪᠠᠮᠪᠠᠷᠢᠶᠠᠷ ᠦᠷᠦᠨ ᠭᠡᠭᠡᠶᠢ ᠭᠡᠷᠡᠯᠲᠦᠭᠦᠯᠦᠨᠡ； ᠣᠷᠭᠢᠯᠤᠮᠠ ᠬᠠᠯᠠᠭᠤᠨ ᠰᠡᠳᠬᠢᠯᠭᠡ ᠪᠢᠯᠬᠠᠭᠰᠠᠨ ᠣᠨ ᠰᠠᠷᠠ ᠪᠣᠯ ᠵᠠᠯᠠᠭᠤᠴᠤᠳᠤᠨ《 ᠤᠷᠢ ᠵᠠᠯᠠᠭᠤ ᠨᠠᠰᠤᠪᠠᠨ ᠡᠬᠡ ᠤᠯᠤᠰᠲᠠᠭᠠᠨ ᠵᠣᠷᠢᠭᠤᠯᠬᠤ》 ᠣᠮᠣᠭ ᠵᠣᠷᠢᠭ᠋ ᠪᠠᠢᠵᠤ᠂ 《ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠡᠢᠰᠢ ᠤᠷᠤᠭᠰᠢᠯᠠᠵᠤ᠂ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠲᠡᠢᠰᠢ ᠤᠷᠤᠭᠰᠢᠯᠠᠵᠤ᠂ ᠡᠵᠡᠭᠦᠢ ᠲᠠᠯᠠ ᠲᠡᠢᠰᠢ ᠤᠷᠤᠭᠰᠢᠯᠠᠬᠤ》 ᠪᠡᠷ ᠵᠤᠷᠢᠭ ᠰᠢᠭᠤᠳᠤᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨᠠ； ᠬᠠᠭᠤᠴᠢᠨᠢ ᠥᠭᠡᠷᠡᠴᠢᠯᠡᠵᠦ ᠰᠢᠨᠡᠶᠢ ᠪᠠᠶ᠋ᠢᠭᠤᠯᠬᠤ ᠴᠠᠭ ᠦᠶᠡᠪᠤᠯ᠂ ᠵᠠᠯᠠᠭᠤᠴᠤᠳᠤᠨ ᠵᠣᠷᠢᠭ᠍ᠲᠠᠢᠪᠠᠷ ᠥᠭᠡᠷᠡᠴᠢᠯᠡᠯᠲᠡᠶᠢᠨ ᠭᠠᠪᠰᠢᠭᠠᠢᠯᠠᠭ᠍ᠴᠢ ᠪᠣᠯᠵᠤ᠂ ᠬᠡᠪ ᠰᠤᠷᠲᠠᠯᠢ ᠡᠭᠦᠳᠴᠦ᠂ 《ᠪᠦᠯᠬᠦᠮᠳᠡᠵᠡᠭᠡᠵᠦ᠂ ᠳᠤᠮᠳᠠᠳᠤᠪᠠᠨ ᠮᠠᠨᠳᠤᠭᠤᠯᠬᠤ》 ᠬᠦᠴᠦᠷᠬᠡᠭ ᠲᠠᠭᠤᠨᠢ ᠬᠠᠩᠭᠢᠨᠠᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠪᠤᠯᠤᠨᠠ᠃
ᠬᠠᠭᠤᠴᠢᠨ ᠳᠤᠮᠳᠠᠳᠤ ᠤᠯᠤᠰᠡᠴᠡ ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰ ᠬᠦᠷᠲᠡᠯᠡ᠂ ᠰᠢᠨᠡ ᠵᠠᠯᠠᠭᠤᠴᠤᠳᠡᠴᠡ ᠰᠢᠨᠡ ᠴᠠᠭ ᠦᠶᠡᠶᠢᠨ ᠵᠠᠯᠠᠭᠤᠴᠤᠳ ᠬᠦᠷᠲᠡᠯᠡ᠂ ᠵᠠᠭᠤᠨ ᠵᠢᠯ ᠤᠷᠤᠭᠤᠳᠠᠵᠤ ᠪᠠᠢᠭᠰᠠᠨᠡᠴᠡᠪᠠᠨ ᠰᠡᠷᠭᠦᠨ ᠮᠠᠨᠳᠤᠯᠲᠠ ᠲᠡᠢᠰᠢ ᠤᠷᠤᠭᠰᠢᠯᠠᠬᠤ ᠬᠦᠷᠲᠡᠯᠡ᠂ ᠨᠢᠭᠡ ᠦᠶᠡᠶᠢᠨ ᠬᠥᠮᠥᠰᠲᠦ ᠨᠢᠭᠡ ᠦᠶᠡᠶᠢᠨ ᠬᠥᠮᠥᠰᠦᠨ ᠤᠴᠠᠷᠠᠯ ᠲᠣᠬᠢᠶᠠᠯᠲᠠᠢ᠂ ᠨᠢᠭᠡ ᠦᠶᠡᠶᠢᠨ ᠬᠥᠮᠥᠰᠲᠦ ᠨᠢᠭᠡ ᠦᠶᠡᠶᠢᠨ ᠬᠥᠮᠥᠰᠦᠨ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠯᠲᠠᠢ ᠶᠤᠮ᠃
《ᠪᠢᠳᠡᠨᠳᠦ ᠲᠤᠯᠭᠠᠷᠠᠵᠤ ᠪᠠᠢᠭᠠ ᠰᠢᠨᠡ ᠴᠠᠭ ᠦᠶᠡ ᠪᠣᠯ ᠣᠢᠷᠠ ᠦᠶᠡᠡᠴᠡ ᠨᠠᠭᠠᠰᠢᠬᠢ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠬᠥᠭᠵᠢᠯᠲᠡᠶᠢᠨ ᠬᠠᠮᠤᠭᠤᠨ ᠰᠠᠢᠨ ᠴᠠᠭ ᠦᠶᠡ ᠪᠣᠯᠬᠤ ᠪᠥᠭᠡᠳ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠠᠭᠤᠤ ᠶᠡᠬᠡ ᠰᠡᠷᠭᠦᠨ ᠮᠠᠨᠳᠤᠯᠲᠠᠶᠢ ᠪᠡᠶᠡᠯᠡᠭᠦᠯᠬᠦ ᠬᠠᠮᠤᠭᠤᠨ ᠵᠠᠩᠭᠢᠯᠠᠭᠠᠶᠢᠨ ᠴᠠᠭ ᠦᠶᠡ ᠪᠣᠯᠣᠨᠠ》᠃
ᠤᠷᠢ ᠵᠠᠯᠠᠭᠤ ᠨᠠᠰᠤᠪᠠᠨ ᠠᠯᠲᠠᠨ ᠰᠢᠷᠭᠠᠯ ᠴᠠᠭ ᠦᠶᠡᠳᠦ ᠵᠣᠷᠢᠭᠤᠯᠤᠨᠠ᠃ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩᠦᠨ ᠬᠦᠰᠡᠯ ᠨᠠᠶ᠋ᠢᠳᠠᠯᠭᠠ ᠨᠢ ᠬᠥᠮᠥᠰᠢ ᠵᠣᠷᠢᠭ᠍ᠵᠢᠭᠤᠯᠤᠨᠠ᠄《ᠵᠠᠯᠠᠭᠤᠴᠤᠳ ᠡᠷᠡᠯᠬᠡᠭ ᠵᠣᠷᠢᠭ᠋ᠢ ᠡᠪᠦᠷᠯᠡᠨ ᠭᠠᠪᠢᠶᠠ ᠪᠠᠶ᠋ᠢᠭᠤᠯᠬᠤ ᠨᠢ ᠶᠠᠭ ᠴᠠᠭᠲᠠᠭᠠᠨ ᠲᠣᠬᠢᠶᠠᠯᠳᠤᠵᠤ ᠪᠤᠢ᠂ ᠡᠨᠡ ᠦᠶᠡᠳᠦ ᠬᠦᠴᠦᠯᠡᠨ ᠲᠡᠮᠡᠴᠡᠬᠦ ᠦᠭᠡᠢ ᠪᠣᠯ ᠶᠠᠮᠠᠷ ᠴᠠᠭ ᠦᠶᠡᠶᠢ ᠬᠦᠯᠢᠶᠡᠬᠦ ᠪᠤᠢ᠂ ᠡᠢᠨ ᠬᠦ᠌ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠯ᠂ ᠪᠢ ᠬᠢᠬᠦ ᠦᠭᠡᠢ ᠥᠭᠡᠷᠡ ᠬᠡᠨ ᠬᠢᠬᠦ ᠪᠤᠢ！》᠃
2020 ᠣᠨᠤ 9 ᠰᠠᠷᠠᠳᠤ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠪᠣᠷᠣᠭᠠᠨᠤ ᠳᠤᠮᠳᠠ ᠬᠤᠨᠠᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠶᠤᠸᠠᠢ ᠯᠦ᠍ ᠪᠢᠴᠢᠭᠦᠨ ᠬᠦᠷᠢᠶᠡᠯᠡᠩᠳᠦ ᠬᠦᠷᠪᠡ᠃
ᠶᠡᠷᠦᠩᠬᠡᠢ ᠱᠦᠵᠢ ᠢᠷᠡᠭᠰᠡᠨᠢ ᠰᠣᠨᠣᠰᠤᠭᠠᠳ ᠵᠠᠯᠠᠭᠤ ᠰᠤᠷᠤᠭ᠍ᠴᠢᠳ ᠨᠣᠮᠤᠨ ᠰᠠᠩ᠂ ᠬᠢᠴᠢᠶᠡᠯᠦᠨ ᠭᠡᠷ᠂ ᠲᠤᠷᠰᠢᠯᠲᠠᠶᠢᠨ ᠲᠠᠰᠤᠭᠡᠴᠡ ᠬᠦᠷᠦᠯᠴᠡᠨ ᠢᠷᠡᠵᠦ᠂ ᠶᠣᠰᠣᠯᠠᠯᠤᠨ ᠲᠠᠩᠬᠢᠮᠤᠨ ᠡᠮᠦᠨᠡ ᠲᠠᠯᠠᠳᠤ ᠴᠤᠭᠯᠠᠷᠠᠵᠤ᠂ ᠪᠠᠶᠠᠷᠯᠠᠯᠳᠤᠨ ᠭᠦᠯᠢᠶᠡᠵᠡᠭᠡᠪᠡ᠃
ᠡᠨᠡ ᠬᠦ᠌ ᠪᠠᠢᠳᠠᠯᠢ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠦᠵᠡᠭᠡᠳ᠄《〈 ᠴᠦ᠋ ᠤᠯᠤᠰ ᠡᠴᠡ ᠡᠷᠳᠡᠮᠲᠡᠨ ᠴᠢᠳᠠᠪᠤᠷᠢᠲᠠᠨ ᠴᠤᠯᠭᠤᠷᠠᠨ ᠭᠠᠷᠴᠤ ᠶᠤᠸᠠᠢ ᠯᠤ᠌ ᠪᠢᠴᠢᠭᠤᠨ ᠬᠦᠷᠢᠶᠡᠯᠡᠨᠭ ᠨᠡᠨᠭ ᠴᠤ᠌ ᠡᠷᠳᠡᠮᠲᠡᠨ ᠮᠡᠷᠭᠡᠨ ᠴᠤᠭᠯᠠᠷᠠᠭᠰᠠᠨ ᠭᠠᠵᠠᠷ ᠪᠤᠯᠤᠮᠤᠢ〉》᠂ 《ᠮᠠᠨᠤ ᠬᠣᠶᠠᠳᠤᠭᠠᠷ ᠵᠠᠭᠤᠨ ᠵᠢᠯᠤᠨ ᠬᠠᠷᠠᠯᠲᠠ ᠬᠦᠷᠲᠡᠯᠡ᠂ ᠪᠠᠰᠠ 30 ᠵᠢᠯ ᠪᠠᠢᠨᠠ᠂ ᠲᠠ ᠨᠠᠷ ᠡᠨᠡ ᠬᠦ᠌ ᠴᠠᠭ ᠦᠶᠡᠶᠢᠨ ᠪᠤᠤᠬᠢᠶᠠ ᠳᠠᠮᠵᠢᠭᠤᠯᠬᠤ ᠭᠣᠣᠯᠯᠠᠭ᠍ᠴᠢ ᠬᠦᠴᠦᠨ ᠪᠣᠯᠬᠤ ᠶᠣᠰᠣᠲᠠᠢ》 ᠭᠡᠵᠦ ᠰᠡᠳᠬᠢᠯ ᠳᠤᠭᠳᠤᠯᠤᠨ ᠬᠡᠯᠡᠪᠡ᠃
ᠶᠡᠷᠦᠩᠬᠡᠢ ᠱᠦᠵᠢ ᠤᠯᠠᠨ ᠤᠳᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠳᠦ ᠣᠷᠣᠵᠤ᠂ ᠵᠠᠯᠠᠭᠤᠴᠤᠳᠲᠠᠢ ᠬᠠᠮᠲᠤ ᠨᠢᠭᠡ ᠲᠠᠩᠬᠢᠮᠳᠤ ᠴᠤᠭᠯᠠᠷᠠᠵᠤ᠂ 《ᠴᠠᠭᠤᠨ ᠰᠠᠢᠬᠠᠨᠳᠦ ᠲᠠᠭᠠᠷᠠᠭᠰᠠᠨ》 ᠲᠤᠬᠠᠢ ᠠᠭᠤᠵᠢᠷᠠᠲᠠᠯᠠ ᠶᠠᠷᠢᠯᠴᠠᠵᠤ᠂ 《ᠡᠭᠦᠨᠦ ᠲᠥᠯᠥᠭᠡ ᠲᠡᠮᠡᠴᠡᠭᠡᠷᠡᠢ》 ᠭᠡᠵᠦ ᠵᠣᠷᠢᠭ᠍ᠵᠢᠭᠤᠯᠵᠤ᠂ ᠵᠠᠯᠠᠭᠤ ᠨᠠᠰᠤᠨᠤ ᠬᠦᠰᠡᠯ ᠵᠡᠭᠦᠳᠦᠵᠢᠨ ᠡᠬᠡ ᠭᠠᠵᠠᠷᠲᠤ ᠦᠨᠳᠦᠰᠦᠯᠡᠵᠦ᠂ ᠴᠠᠭ ᠦᠶᠡᠳ᠋ᠤ ᠦᠶᠡᠯᠡᠬᠦ ᠲᠠᠭᠤᠨᠢ ᠰᠤᠨᠤᠰᠪᠠ᠃
2018 ᠣᠨᠤ ᠲᠠᠪᠤᠨ ᠰᠠᠷᠠᠶᠢᠨ ᠲᠦᠷᠪᠡᠨᠡᠴᠡ ᠡᠮᠦᠨᠡᠬᠡᠨ᠂ ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠤᠬ᠍ᠴᠢ ᠰᠦᠩ ᠰᠢ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠳᠡᠭᠡᠷᠡ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩᠳᠦ ᠥᠪᠡᠷᠦᠨ ᠴᠡᠷᠢᠭᠲᠦ ᠣᠷᠣᠵᠤ ᠠᠷᠠᠳᠤᠨ ᠬᠡᠦᠬᠡᠳ ᠳᠡᠭᠦᠦ ᠨᠠᠷ ᠴᠡᠷᠢᠭ ᠪᠣᠯᠤᠭᠰᠠᠨ ᠥᠩᠭᠡᠷᠡᠯᠲᠡ ᠪᠠ ᠲᠥᠷᠥᠭᠳᠡᠯᠢᠶᠡᠨ ᠬᠠᠷᠢᠭᠤ ᠮᠡᠳᠡᠭᠦᠯᠪᠡ᠃
ᠲᠡᠷᠡ᠂ ᠨᠣᠮ ᠤᠩᠰᠢᠵᠦ ᠪᠠᠢᠬᠤ ᠳ᠋ᠠᠭᠠᠨ 《ᠲᠣᠭᠣᠰᠣᠲᠤ ᠶᠢᠷᠲᠢᠨᠴᠦ ᠳ᠋ᠦ᠍ᠷ ᠬᠦᠷᠴᠦ᠂ ᠤᠯᠠᠨᠲᠠᠢ ᠬᠠᠮᠲᠤ ᠭᠤᠨᠢᠭ᠍ᠯᠠᠨ ᠪᠠᠶᠠᠰᠴᠤ ᠶᠠᠪᠤᠬᠤᠶᠠ᠂ ᠰᠠᠶᠢ ᠡᠭᠡᠯ ᠶᠢᠷᠲᠢᠨᠴᠦᠵᠢᠨ ᠥᠭᠡᠷᠡ ᠨᠢᠭᠡᠨ ᠶᠠᠨᠭᠵᠦ ᠲᠦᠷᠬᠦ ᠵᠢ ᠤᠯᠵᠤ ᠬᠠᠷᠠᠮᠤᠢ》 ᠭᠡᠬᠦ ᠪᠠᠳᠠᠭᠢ ᠤᠩᠰᠢᠭᠠᠳ ᠮᠠᠰᠢ ᠰᠡᠳᠬᠢᠯ ᠬᠥᠳᠡᠯᠪᠡ ᠭᠡᠵᠡᠢ᠃ ᠶᠡᠷᠦᠩᠬᠡᠢ ᠱᠦᠵᠢ᠂ ᠡᠨᠡ ᠪᠣᠯ ᠨᠢᠭᠡᠨ ᠠᠬᠠᠮᠠᠳ ᠬᠤᠪᠢᠰᠬᠠᠯᠴᠢᠶᠢᠨ ᠪᠢᠴᠢᠭᠰᠡᠨ ᠰᠢᠯᠦᠭ ᠪᠣᠯᠣᠨᠠ᠂ ᠲᠡᠷᠡ ᠵᠠᠯᠠᠭᠤᠳᠠᠭᠠᠨ ᠡᠨᠡ ᠰᠢᠯᠦᠭᠢ ᠤᠩᠰᠢᠭᠠᠳ ᠪᠠᠰᠠ ᠮᠠᠰᠢ ᠰᠡᠳᠬᠢᠯ ᠬᠥᠳᠡᠯᠦᠭᠰᠡᠨ ᠶᠤᠮ᠂ ᠡᠨᠡ ᠦᠭᠡ ᠨᠢ ᠲᠡᠭᠦᠨ ᠲᠠᠢ ᠬᠠᠮᠲᠤ ᠪᠡᠷ ᠰᠡᠬᠡᠭᠡᠲᠡᠨ ᠵᠠᠯᠠᠭᠤᠴᠤᠳᠤᠨ ᠣᠨ ᠰᠠᠷᠠᠶᠢ ᠥᠩᠭᠡᠷᠡᠭᠦᠯᠵᠡᠢ ᠭᠡᠵᠦ ᠬᠠᠷᠢᠭᠤᠯᠪᠠ᠃
《ᠮᠠᠨᠤ ᠤᠷᠤᠰᠢᠨ ᠲᠤᠭᠲᠠᠨᠢᠵᠤ ᠪᠠᠢᠭᠠ ᠡᠨᠡ ᠬᠦ᠌ ᠬᠤᠪᠢᠯᠭᠠᠨ ᠣᠷᠣᠨᠤ ᠥᠩ ᠰᠢᠮᠡᠯᠢᠭ ᠬᠥᠷᠥᠰᠥ ᠰᠢᠷᠣᠢ ᠲᠠᠪᠤᠨ ᠮᠢᠩᠭᠠ ᠭᠠᠷᠤᠢ ᠵᠢᠯᠦᠨ ᠳᠤᠮᠳᠠᠳᠤᠶᠢᠨ ᠪᠣᠯᠪᠠᠰᠤᠨᠢ ᠪᠤᠢ ᠪᠣᠯᠭᠠᠵᠤ᠂ ᠡᠷᠢᠨ ᠵᠠᠭᠤᠨᠤ ᠭᠠᠢᠬᠠᠮᠰᠢᠭ᠍ᠲᠤ ᠣᠨ ᠰᠠᠷᠠᠶᠢ ᠭᠡᠷᠡᠴᠢᠯᠡᠪᠡ᠂ ᠡᠬᠡ ᠤᠯᠤᠰᠤᠨ ᠠᠭᠤᠯᠠ ᠤᠰᠤ᠂ ᠡᠪᠡᠰᠦ ᠮᠣᠳᠣ᠌ ᠪᠣᠯᠭᠠᠨᠳᠤ ᠴᠥᠮ ᠨᠢᠭᠡ ᠵᠦᠢᠯᠤᠨ ᠵᠣᠷᠢᠭ᠋ ᠰᠠᠨᠠᠭᠠ᠂ ᠨᠢᠭᠡ ᠵᠦᠢᠯᠤᠨ ᠬᠦᠴᠦᠨ ᠴᠢᠳᠠᠯ ᠠᠭᠤᠯᠤᠭᠳᠠᠵᠤ ᠪᠠᠢᠨᠠ》᠃
2022 ᠣᠨᠤ 4 ᠰᠠᠷᠠᠳᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳᠤᠨ ᠲᠥᠯᠥᠭᠡᠯᠡᠭᠴᠢᠳᠲᠠᠢ ᠶᠠᠷᠢᠯᠴᠠᠬᠤᠳᠠᠭᠠᠨ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠵᠠᠯᠠᠭᠤᠶᠢᠨ ᠦᠶᠡᠶᠢᠨ ᠥᠩᠭᠡᠷᠡᠯᠲᠡᠪᠡᠨ ᠡᠷᠭᠢᠴᠡᠭᠦᠯᠵᠦ᠂ ᠥᠷᠭᠡᠨ ᠤᠯᠠᠨ ᠵᠠᠯᠠᠭᠤᠴᠤᠳᠢ 《ᠬᠥᠯᠢᠶᠡᠷᠢᠶᠡᠨ ᠡᠬᠡ ᠤᠯᠤᠰᠤᠨ ᠡᠬᠡ ᠭᠠᠵᠠᠷᠢ ᠬᠡᠮᠵᠢᠵᠦ᠂ ᠨᠢᠳᠦᠪᠡᠷᠢᠶᠡᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠢᠯᠡᠷᠡᠭᠦᠯᠵᠦ᠂ ᠴᠢᠬᠢᠪᠡᠷᠢᠶᠡᠨ ᠠᠷᠠᠳ ᠲᠦᠮᠡᠨᠦ ᠬᠦᠰᠡᠯ ᠱᠠᠭᠠᠷᠳᠠᠯᠭᠠᠶᠢ ᠰᠣᠨᠣᠰᠴᠤ᠂ ᠳᠣᠲᠣᠭᠠᠳᠤ ᠰᠡᠳᠬᠢᠯᠢᠶᠡᠷᠢᠶᠡᠨ ᠴᠠᠭ ᠦᠶᠡᠶᠢᠨ ᠰᠤᠳᠠᠰᠤᠶᠢ ᠮᠡᠳᠡᠷᠡᠵᠦ᠂ ᠡᠬᠡ ᠤᠯᠤᠰᠲᠠᠢ ᠪᠠᠨ ᠴᠢᠰᠤ ᠮᠢᠬᠠᠨᠤ ᠪᠠᠷᠢᠯᠳᠤᠯᠭᠠ ᠲᠠᠢ ᠪᠠᠢᠬᠤ᠂ ᠠᠷᠠᠳ ᠲᠦᠮᠡᠨᠲᠠᠢ ᠠᠮᠢᠰᠬᠤᠭᠠᠪᠠᠨ ᠨᠢᠭᠡᠳᠬᠡᠵᠦ ᠬᠤᠪᠢ ᠵᠠᠶᠠᠭᠠᠪᠠᠨ ᠬᠠᠮᠲᠤᠳᠬᠠᠬᠤ ᠬᠠᠢᠷᠠ ᠰᠡᠳᠬᠢᠯᠭᠡᠪᠡᠨ ᠰᠤᠷᠤᠯᠭᠠᠶᠢᠨ ᠪᠦᠬᠦ ᠶᠠᠪᠤᠴᠠᠳᠤ ᠲᠤᠭᠤᠰᠢᠯᠠᠭᠤᠯᠵᠤ᠂ ᠠᠵᠢᠯ ᠦᠢᠯᠡᠰᠦᠨ ᠬᠥᠭᠡᠭᠡᠴᠡᠯᠳᠦᠯᠳᠡᠭᠡᠨ ᠠᠭᠤᠰᠤᠯᠴᠠᠭᠤᠯᠬᠤ ᠬᠡᠷᠡᠭᠲᠡᠢ》 ᠭᠡᠵᠦ ᠭᠦᠨ ᠰᠡᠳᠬᠢᠯᠭᠡᠲᠠᠢᠪᠡᠷ ᠵᠠᠬᠢᠪᠠ᠃
ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ ᠬᠡᠷᠬᠢᠨ ᠣᠰᠣᠯᠳᠠᠵᠤ ᠪᠤᠯᠬᠤ ᠪᠤᠢ᠂ ᠬᠥᠮᠥᠨᠦ ᠠᠮᠢᠳᠤᠷᠠᠯ ᠳ᠋ᠤ ᠬᠡᠷᠬᠢᠨ ᠬᠠᠷᠠᠮᠰᠠᠯ ᠦᠯᠡᠳᠡᠭᠡᠵᠦ ᠪᠤᠯᠬᠤ ᠪᠤᠢ？ ᠭᠡᠷ ᠪᠦᠯᠢ ᠪᠤᠯᠤᠨ ᠤᠯᠤᠰ ᠤᠷᠤᠨ᠂ ᠬᠤᠪᠢ ᠬᠦᠮᠦᠨ ᠪᠤᠯᠤᠨ ᠬᠠᠮᠲᠤ ᠨᠡᠢᠲᠡ᠂ ᠬᠥᠮᠥᠨᠦ ᠠᠮᠢᠳᠤᠷᠠᠯᠤᠨ ᠤᠴᠠᠷᠠᠯ ᠳᠤᠬᠢᠶᠠᠯ ᠪᠤᠯᠤᠨ ᠴᠠᠭ ᠦᠶᠡᠶᠢᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠰᠣᠯᠪᠢᠴᠠᠵᠤ᠂ 《ᠬᠤᠯᠠᠵᠢᠨ ᠬᠠᠷᠠᠴᠠ ᠪᠠᠢᠮᠠᠨᠵᠢᠨ ᠰᠠᠶᠢ ᠶᠡᠬᠡ ᠵᠢ ᠪᠦᠲᠦᠭᠡᠵᠦ ᠳᠡᠢᠯᠦᠮᠤᠢ》 ᠭᠡᠳᠡᠭ ᠬᠤᠪᠢᠰᠤᠩᠭᠤᠢ ᠠᠷᠭᠠ ᠠᠭᠤᠯᠤᠭᠳᠠᠵᠤ ᠪᠠᠢᠨᠠ᠃
ᠶᠠᠭ ᠯᠢ ᠳᠡ ᠵᠤᠤᠶᠢᠨ 《ᠵᠠᠯᠠᠭᠤ ᠨᠠᠰᠤ》 ᠭᠡᠬᠦ ᠵᠣᠬᠢᠶᠠᠯᠳᠤ ᠬᠡᠯᠡᠭᠰᠡᠨᠴᠢᠯᠡᠨ᠄ 《ᠤᠷᠢ ᠵᠠᠯᠠᠭᠤ ᠨᠠᠰᠤᠪᠠᠷᠢᠶᠠᠨ ᠤᠷᠢ ᠵᠠᠯᠠᠭᠤ ᠭᠡᠷ ᠪᠦᠯᠢ᠂ ᠤᠷᠢ ᠵᠠᠯᠠᠭᠤ ᠤᠯᠤᠰ ᠣᠷᠣᠨ᠂ ᠤᠷᠢ ᠵᠠᠯᠠᠭᠤ ᠦᠨᠳᠦᠰᠦᠲᠡᠨ᠂ ᠤᠷᠢ ᠵᠠᠯᠠᠭᠤ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ᠂ ᠤᠷᠢ ᠵᠠᠯᠠᠭᠤ ᠳᠡᠯᠡᠬᠡᠢᠶᠢᠨ ᠪᠥᠮᠪᠥᠷᠴᠡᠭ᠂ ᠤᠷᠢ ᠵᠠᠯᠠᠭᠤ ᠣᠷᠴᠢᠯᠠᠩᠢ ᠡᠭᠦᠳᠦᠨ ᠪᠠᠢᠭᠤᠯᠵᠤ᠂ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠬᠦ ᠪᠡᠷ ᠳᠠᠮᠵᠢᠨ ᠬᠢᠵᠠᠭᠠᠷ ᠦᠭᠡᠢ ᠪᠠᠶᠠᠷ ᠪᠠᠬᠠᠳᠤᠯᠢ ᠡᠷᠢᠯᠬᠢᠯᠡᠵᠦ ᠠᠮᠢᠳᠤᠷᠠᠯ ᠳ᠋ᠤ ᠤᠳᠬᠠ ᠠᠭᠤᠯᠭᠠ ᠨᠡᠮᠡᠷᠢᠯᠡᠨᠡ》᠃
ᠲᠤᠬᠠᠢᠶᠢᠨ ᠵᠢᠯ ᠲᠠᠴᠢᠷ ᠨᠢᠮᠭᠡᠨ ᠰᠢᠷᠠ ᠬᠥᠷᠥᠰᠥᠨ ᠳᠡᠭᠡᠷᠡ᠂ ᠲᠥᠭᠡᠷᠢᠭᠳᠡᠯ᠂ ᠡᠷᠡᠭᠡᠯᠵᠡᠯᠢᠶᠡᠨ ᠲᠠᠶᠠᠭᠳᠠᠵᠤ ᠢᠲᠡᠭᠡᠯ ᠲᠡᠭᠦᠯᠳᠡᠷ ᠪᠠᠢᠪᠠ； ᠵᠠᠯᠠᠭᠤᠳᠠᠭᠠᠨ ᠮᠠᠷᠺᠰ ᠯᠧᠨᠢᠨᠦ ᠦᠵᠡᠯᠢ ᠤᠩᠰᠢᠵᠤ᠂ ᠵᠤᠪ ᠵᠤᠵᠠᠭᠠᠨ ᠨᠣᠮ ᠤᠩᠰᠢᠭ᠍ᠰᠠᠨ ᠲᠡᠮᠳᠡᠭᠯᠡᠯ ᠪᠢᠴᠢᠵᠦ᠂ 《ᠦᠭᠡᠢᠰᠬᠡᠯᠦᠨ ᠦᠭᠡᠢᠰᠬᠡᠯᠳᠦ ᠬᠦᠷᠴᠦ᠂ ᠬᠠᠭᠤᠴᠢᠨᠢᠶᠠᠨ ᠳᠠᠪᠲᠠᠵᠤ ᠰᠢᠨᠡᠶᠢ ᠰᠤᠷᠤᠨᠠ》； ᠭᠠᠳᠠᠭᠠᠳᠤᠳᠤ ᠭᠠᠷᠬᠤ᠂ ᠠᠵᠢᠯᠤᠨ ᠰᠣᠩᠭᠣᠯᠲᠠᠳᠤ ᠲᠤᠯᠭᠠᠷᠠᠬᠤ ᠳ᠋ᠠᠭᠠᠨ᠂ ᠡᠴᠦᠰᠲᠡᠬᠡᠨ 《ᠦᠢᠯᠡᠰ ᠪᠦᠲᠦᠭᠡᠬᠦ ᠰᠠᠨᠠᠭᠠᠲᠠᠢ》 ᠡᠴᠡ ᠪᠣᠯᠵᠤ ᠤᠯᠤᠰᠤᠨ ᠳᠣᠲᠣᠭᠠᠳᠤᠳᠤ ᠦᠯᠡᠳᠡᠪᠡ ᠁ ᠤᠯᠠᠨ ᠵᠢᠯᠤᠨ ᠲᠤᠵᠢ᠂ ᠰᠢ ᠵᠢᠨ ᠫᠢᠩ ᠵᠠᠯᠠᠭᠤᠴᠤᠳᠤᠨ ᠪᠤᠳᠤᠯᠢ ᠭᠦᠨᠵᠡᠭᠡᠢ ᠣᠢᠯᠠᠭᠠᠵᠤ᠂ ᠨᠡᠩ ᠴᠤ᠌ ᠥᠪᠡᠷᠦᠨ ᠥᠩᠭᠡᠷᠡᠯᠲᠡᠪᠡᠷᠢᠶᠡᠨ ᠵᠠᠯᠠᠭᠤᠴᠤᠳᠤᠨ ᠶᠠᠪᠤᠵᠤ ᠰᠠᠭᠤᠬᠤᠶᠢ ᠬᠥᠲᠥᠯᠥᠨ ᠵᠢᠯᠣᠭᠣᠳᠪᠠ᠃
ᠶᠠᠭᠤᠨᠳᠤ 《ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠬᠦ ᠪᠡᠷ ᠳᠠᠮᠵᠢᠨ ᠬᠢᠵᠠᠭᠠᠷ ᠦᠭᠡᠢ ᠪᠠᠶᠠᠷ ᠪᠠᠬᠠᠳᠤᠯᠢ ᠡᠷᠢᠯᠬᠢᠯᠡᠵᠦ ᠠᠮᠢᠳᠤᠷᠠᠯ ᠳ᠋ᠤ ᠤᠳᠬᠠ ᠠᠭᠤᠯᠭᠠ ᠨᠡᠮᠡᠷᠢᠯᠡᠬᠦ》 ᠪᠣᠶ？
ᠬᠤᠪᠢ ᠬᠥᠮᠥᠨᠦ ᠨᠢᠭᠡ ᠳᠤᠰᠤᠯ ᠤᠰᠤ᠂ ᠵᠥᠪᠬᠡᠨ ᠦᠨᠳᠦᠰᠦᠲᠡᠨᠦ ᠬᠦᠰᠡᠯᠡᠩᠦᠨ ᠳᠠᠯᠠᠢᠳᠦ ᠨᠡᠢᠯᠡᠨ ᠣᠷᠣᠪᠠᠯ ᠰᠠᠶᠢ ᠡᠭᠦᠷᠢᠳᠡ ᠰᠢᠷᠭᠢᠬᠦ ᠦᠭᠡᠢ； ᠵᠠᠯᠠᠭᠤ ᠨᠠᠰᠤᠨᠤ ᠨᠢᠭᠡ ᠬᠤᠯᠤᠰᠤᠨ ᠣᠩᠭᠣᠴᠠ᠂ ᠵᠥᠪᠬᠡᠨ ᠴᠠᠭ ᠦᠶᠡᠶᠢᠨ ᠤᠷᠤᠭᠰᠢᠯᠠᠯᠲᠠᠶᠢᠨ ᠳᠠᠪᠠᠯᠭᠠᠨ ᠳᠡᠭᠡᠷᠡ ᠰᠡᠯᠢᠪᠡᠯ ᠰᠠᠶᠢ ᠯᠠᠪᠳᠠᠭᠤᠨ ᠠᠶᠠᠯᠠᠬᠤ ᠪᠤᠯᠤᠨᠠ᠃
（ᠬᠣᠶᠠᠷ） ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ ᠶᠠᠭᠤᠨᠤ ᠲᠦᠯᠦᠭᠡ ᠬᠦᠴᠦᠯᠡᠬᠦ ᠴᠢᠬᠤᠯᠠᠲᠠᠢ ᠪᠤᠢ？
《ᠪᠣᠳᠠᠲᠠᠢ ᠶᠠᠪᠤᠳᠠᠯᠳᠤ ᠬᠦᠴᠦᠯᠡᠵᠦ᠂ ᠮᠡᠳᠡᠬᠦᠢ ᠬᠢᠬᠦᠢᠶᠢ ᠨᠢᠭᠡᠳᠬᠡᠬᠦ ᠳᠡᠭᠡᠷᠡ ᠬᠦᠴᠦᠯᠡᠬᠦ ᠬᠡᠷᠡᠭᠲᠡᠢ》
ᠰᠢᠰᠲᠸᠮ ᠲᠠᠢ ᠰᠤᠷᠤᠯᠴᠠᠯᠭᠠ ᠪᠡᠷ ᠳᠠᠮᠵᠢᠨ ᠬᠡᠷᠡᠭ ᠪᠤᠳᠠᠰᠤᠨ ᠮᠦᠨ ᠴᠢᠨᠠᠷᠢ ᠲᠠᠨᠢᠵᠤ ᠮᠡᠳᠡᠨᠡ᠃ 《ᠵᠠᠯᠠᠭᠤᠴᠤᠳ ᠶᠠᠭ ᠰᠠᠢᠬᠠᠨ ᠰᠤᠷᠤᠯᠴᠠᠯᠭᠠᠶᠢᠨ ᠰᠢᠵᠢᠷ ᠠᠯᠳᠠᠨ ᠴᠠᠭ ᠦᠶᠡᠳᠦ ᠪᠠᠢᠨᠠ᠂ ᠰᠤᠷᠤᠯᠴᠠᠯᠭᠠᠶᠢ ᠲᠡᠷᠢᠭᠦᠨ ᠴᠢᠬᠤᠯᠠ ᠡᠭᠦᠷᠭᠡ᠂ ᠨᠢᠭᠡ ᠵᠦᠢᠯᠦᠨ ᠬᠠᠷᠢᠭᠤᠴᠠᠯᠭᠠ᠂ ᠨᠢᠭᠡ ᠵᠦᠢᠯᠦᠨ ᠤᠶᠤᠨ ᠰᠠᠨᠠᠭᠠᠨᠤ ᠬᠥᠭᠡᠭᠡᠴᠡᠯᠳᠦᠯ᠂ ᠨᠢᠭᠡ ᠵᠦᠢᠯᠦᠨ ᠠᠮᠢᠳᠤᠷᠠᠯᠤᠨ ᠠᠷᠭᠠ ᠬᠡᠯᠪᠡᠷᠢ ᠪᠣᠯᠭᠠᠪᠠᠯ ᠵᠣᠬᠢᠨᠠ》᠃
ᠰᠤᠷᠬᠤᠢᠵᠢᠨ ᠵᠠᠮ ᠳ᠋ᠤᠷ ᠶᠠᠭᠤᠨᠤ ᠤᠷᠢᠳ ᠵᠢᠮᠡ ᠶᠣᠰᠣᠨᠢ ᠮᠡᠳᠡᠮᠤᠢ； ᠵᠢᠮᠡ ᠶᠤᠰᠤᠨᠢ ᠮᠡᠳᠡᠬᠦᠢ ᠳ᠋ᠤᠷ ᠨᠤᠮ ᠰᠤᠳᠤᠷ ᠤᠨᠭᠰᠢᠮᠤᠢ᠃
ᠠᠨᠭᠬᠠ ᠱᠠᠨᠰᠢᠶᠢᠨ ᠬᠣᠢᠲᠤ ᠬᠡᠰᠡᠭᠲᠦ ᠬᠦᠷᠴᠦ ᠪᠠᠷᠢᠭᠠᠳᠠ ᠳ᠋ᠤ ᠪᠠᠭᠤᠵᠤ ᠪᠠᠢᠬᠤ ᠳ᠋ᠤ᠂ ᠲᠣᠰᠬᠣᠨᠤ ᠬᠥᠮᠥᠰᠤᠨ ᠰᠡᠬᠡᠭᠡᠲᠡᠨ ᠵᠠᠯᠠᠭᠤᠴᠤᠳᠤᠨ ᠳᠣᠲᠣᠷᠠ ᠨᠠᠰᠤᠪᠠᠷ ᠬᠠᠮᠤᠭᠤᠨ ᠪᠠᠭᠠ ᠪᠠᠢᠭᠰᠠᠨ ᠰᠢ ᠵᠢᠨ ᠫᠢᠩᠦᠨ ᠲᠤᠬᠠᠢ ᠠᠩᠬᠠᠨᠤ ᠰᠠᠭᠤᠭᠳᠠᠯ ᠭᠡᠪᠡᠯ᠂ 《ᠡᠨᠡ ᠲᠤᠷᠠᠩᠬᠠᠢ ᠥᠨᠳᠥᠷ ᠵᠠᠯᠠᠭᠤ ᠬᠣᠶᠠᠷ ᠬᠦᠨᠳᠦ ᠬᠠᠢᠷᠴᠠᠭ ᠲᠠᠢ ᠪᠠᠢᠳᠠᠭ》᠃
ᠬᠣᠶᠠᠷ ᠬᠠᠢᠷᠴᠠᠭ ᠳᠣᠲᠣᠷᠠ ᠨᠢ ᠳᠦᠭᠦᠷᠲᠡᠯᠡ ᠨᠣᠮ ᠰᠠᠪᠠᠯᠠᠭᠰᠠᠨ ᠪᠠᠢᠪᠠ᠃
ᠠᠭᠤᠯᠠᠨᠳᠤ ᠭᠠᠷᠴᠤ ᠬᠣᠨᠢ ᠬᠠᠷᠢᠭᠤᠯᠤᠭᠰᠠᠨ ᠴᠤ᠌ ᠲᠡᠷᠡ᠂ ᠲᠠᠷᠢᠶᠠᠨ ᠠᠵᠢᠯᠤᠨ ᠵᠠᠪᠰᠠᠷᠲᠤ ᠴᠤ᠌ ᠲᠡᠷᠡ᠂ ᠰᠢ ᠵᠢᠨ ᠫᠢᠩᠤᠨ ᠭᠠᠷ ᠡᠴᠡ ᠶᠡᠷᠦ ᠨᠢ ᠨᠤᠮ ᠪᠢᠴᠢᠭ ᠰᠠᠯᠬᠤ ᠦᠭᠡᠢ ᠪᠠᠢᠳᠠᠭ᠃ 30 ᠭᠠᠵᠠᠷ ᠶᠠᠪᠠᠭᠠᠨᠶᠠᠪᠤᠵᠤ 《ᠹᠠᠦ᠋ᠰᠲ》 ᠭᠡᠬᠦ ᠨᠤᠮᠢ ᠵᠢᠭᠡᠯᠡᠵᠦ᠂ ᠪᠠᠰᠠ 《ᠶᠠᠭᠠᠬᠢᠬᠤ ᠪᠤᠢ？》 ᠭᠡᠬᠦ ᠨᠤᠮᠤᠨ ᠭᠣᠣᠯ ᠪᠠᠭᠠᠲᠤᠷ ᠷᠠᠾᠮᠸᠲ᠋ᠤᠹᠢ ᠳᠠᠭᠤᠷᠢᠶᠠᠵᠤ ᠵᠣᠷᠢᠭ᠋ ᠰᠠᠨᠠᠭᠠᠪᠠᠨ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠪᠠ᠃ ᠨᠤᠲᠤᠭᠤᠨ ᠠᠬᠠ ᠳᠡᠭᠦᠦ ᠨᠠᠷᠦᠨ ᠴᠡᠭᠡᠵᠢᠯᠡᠵᠦ ᠪᠠᠢᠬᠤᠪᠠᠷ᠄ ᠰᠢ ᠵᠢᠨ ᠫᠢᠩ ᠨᠢᠭᠡ ᠡᠳᠦᠷ ᠠᠵᠢᠯ ᠬᠢᠴᠢᠬᠡᠭᠡᠳ᠂ ᠣᠷᠣᠢ ᠨᠢ ᠪᠠᠰᠠ ᠨᠡᠭᠦᠷᠡᠰᠦᠨ ᠲᠤᠰᠤᠨᠤ ᠳ᠋ᠧᠩ ᠠᠰᠠᠭᠠᠵᠤ 《ᠲᠣᠭᠣᠰᠬᠠ ᠰᠢᠭ᠋ ᠵᠤᠵᠠᠭᠠᠨ ᠨᠣᠮ》 ᠤᠨᠭᠰᠢᠳᠠᠭ᠃
ᠪᠣᠳᠠᠰᠤᠨ ᠪᠠ ᠰᠣᠶᠣᠯᠤᠨ ᠠᠮᠢᠳᠤᠷᠠᠯ ᠶᠠᠳᠠᠭᠤ ᠬᠣᠭᠣᠰᠤᠨ ᠪᠠᠢᠭᠰᠠᠨ ᠴᠠᠭ ᠦᠶᠡ ᠳ᠋ᠤ᠂ ᠪᠤᠢ᠍ᠢᠳᠠ ᠪᠥᠭᠯᠡᠭᠦᠦ ᠪᠥᠭᠡᠳ ᠡᠵᠡᠭᠦᠢ ᠰᠢᠷᠠ ᠬᠥᠷᠥᠰᠥᠲᠦ ᠥᠨᠳᠥᠷᠯᠢᠭ ᠳᠡᠭᠡᠷᠡ᠂ ᠵᠠᠯᠠᠭᠤ ᠰᠢ ᠵᠢᠨ ᠫᠢᠩ 《ᠨᠢᠭᠡ ᠶᠠᠭᠤᠮᠠ ᠵᠢ ᠮᠡᠳᠡᠬᠦ ᠦᠭᠡᠢ ᠪᠣᠯᠪᠠᠰᠤ ᠭᠦᠨᠡ ᠢᠴᠢᠭᠦᠷᠢ ᠲᠦᠷᠦᠭᠳᠡᠵᠦ᠂ ᠡᠷᠳᠡᠮ ᠮᠡᠳᠡᠯᠭᠡ ᠵᠢ ᠤᠮᠲᠠᠭᠠᠰᠴᠤ ᠪᠠᠢᠭᠠ ᠮᠡᠲᠦ ᠰᠤᠷᠤᠯᠴᠠᠬᠤ》 ᠣᠪᠣᠷᠢᠶᠠᠷ ᠨᠣᠮᠤᠨ ᠲᠠᠯᠠᠢᠳᠦ ᠱᠤᠮᠪᠠᠵᠤ᠂ ᠬᠠᠢᠨ ᠰᠦᠪᠡᠭᠴᠢᠯᠡᠳᠡᠭ ᠪᠠᠢᠵᠠᠢ᠃
《ᠬᠦᠯᠢᠴᠡᠩᠭᠦᠢ ᠪᠤᠰᠤ ᠵᠠᠩᠢ ᠢᠯᠠᠨ ᠳᠠᠪᠠᠵᠤ᠂ ᠰᠡᠳᠬᠢᠯᠢᠶᠡᠨ ᠲᠣᠭᠲᠠᠭᠤᠨ ᠪᠣᠯᠭᠠᠵᠤ ᠪᠠᠢᠭᠠᠳ ᠰᠣᠩᠭᠣᠳᠠᠭ ᠵᠣᠬᠢᠶᠠᠯᠢ ᠢᠯᠡᠭᠦᠬᠡᠨ ᠤᠩᠰᠢᠵᠤ᠂ ᠲᠡᠭᠦᠨᠦ ᠤᠴᠢᠷ ᠶᠣᠰᠣ᠌ᠶᠢ ᠢᠯᠡᠭᠦᠬᠡᠨ ᠮᠡᠳᠡᠬᠦ ᠬᠡᠷᠡᠭᠲᠡᠢ》᠂《ᠰᠢᠷᠭᠠᠭᠤ ᠰᠤᠷᠤᠯᠴᠠᠵᠤ᠂ ᠡᠷᠳᠡᠮ ᠮᠡᠳᠡᠯᠭᠡ ᠰᠤᠷᠬᠤᠳᠠᠭᠠᠨ ᠴᠢᠳᠠᠮᠠᠭᠠᠢ ᠪᠠᠢᠵᠤ᠂ ᠰᠤᠷᠤᠭᠰᠠᠨ ᠮᠡᠳᠡᠯᠭᠡᠪᠡᠨ ᠰᠡᠳᠬᠢᠯ ᠵᠢᠷᠦᠬᠡᠨᠳᠡᠭᠡᠨ ᠰᠢᠩᠭᠡᠭᠡᠵᠦ᠂ ᠥᠪᠡᠷᠦᠨ ᠦᠵᠡᠯᠲᠡ ᠲᠠᠨᠢᠯᠲᠠᠪᠠᠨ ᠪᠦᠷᠢᠯᠳᠦᠭᠦᠯᠬᠦᠶᠢ ᠴᠢᠬᠤᠯᠠᠴᠢᠯᠠᠬᠤ ᠬᠡᠷᠡᠭᠲᠡᠢ》᠂ 《ᠦᠰᠦᠭᠲᠠᠢ ᠨᠣᠮᠢ ᠢᠯᠡᠭᠦᠬᠡᠨ ᠤᠩᠰᠢᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ ᠦᠰᠦᠭ ᠦᠭᠡᠢ ᠨᠣᠮᠢ ᠴᠤ᠌ ᠢᠯᠡᠭᠦᠬᠡᠨ ᠤᠩᠰᠢᠵᠤ᠂ ᠬᠥᠮᠥᠨᠦ ᠠᠮᠢᠳᠤᠷᠠᠯᠤᠨ ᠲᠤᠷᠰᠢᠯᠭᠠ ᠪᠠ ᠨᠡᠢᠭᠡᠮᠦᠨ ᠮᠡᠳᠡᠯᠭᠡᠶᠢ ᠰᠤᠷᠤᠯᠴᠠᠬᠤᠶᠢ ᠴᠢᠬᠤᠯᠠᠴᠢᠯᠠᠬᠤ ᠬᠡᠷᠡᠭᠲᠡᠢ》 ᠁ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠴᠢᠩ ᠰᠡᠳᠬᠢᠯᠡᠴᠡᠪᠡᠨ ᠶᠠᠷᠢᠵᠤ᠂ ᠵᠠᠯᠠᠭᠤᠴᠤᠳᠲᠤ ᠥᠪᠡᠷᠦᠨ ᠣᠢᠯᠠᠭᠠᠯᠲᠠ ᠪᠠ ᠪᠣᠳᠣᠯᠬᠢᠯᠠᠯᠢᠶᠠᠨ ᠤᠯᠠᠮᠵᠢᠯᠠᠪᠠ᠃
ᠵᠠᠯᠠᠭᠤᠴᠤᠳ ᠬᠡᠷᠬᠢᠨ ᠴᠢᠳᠠᠪᠤᠷᠢᠲᠠᠨ ᠪᠣᠯᠵᠤ᠂ ᠬᠥᠮᠥᠨᠦ ᠠᠮᠢᠳᠤᠷᠠᠯᠤᠨ ᠵᠠᠮ ᠳ᠋ᠠᠭᠠᠨ ᠬᠡᠷᠬᠢᠨ ᠯᠠᠪᠳᠠᠭᠤᠨ ᠲᠣᠭᠲᠠᠭᠤᠨᠢᠶᠠᠷ ᠬᠤᠯᠠ ᠠᠶᠠᠯᠠᠬᠤ ᠪᠤᠢ？ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ᠄《ᠶᠣᠰᠣ᠌ ᠰᠤᠷᠲᠠᠬᠤᠨᠢ ᠪᠤᠢ ᠪᠣᠯᠭᠠᠬᠤᠪᠠᠷ ᠤᠷᠢᠲᠠᠯ ᠪᠣᠯᠭᠠᠵᠤ᠂ ᠪᠡᠶᠡᠪᠡᠨ ᠵᠠᠰᠠᠬᠤᠪᠠᠷ ᠦᠨᠳᠦᠰᠦ ᠪᠣᠯᠭᠠᠬᠤ ᠬᠡᠷᠡᠭᠲᠡᠢ᠂ ᠡᠨᠡ ᠪᠣᠯ ᠴᠢᠳᠠᠪᠤᠷᠢᠲᠠᠨᠤ ᠦᠰᠦᠨ ᠪᠣᠶ᠋ᠢᠵᠢᠯᠲᠠᠶᠢᠨ ᠦᠨᠳᠦᠰᠦᠨ ᠯᠣᠭᠢᠭ᠋ ᠮᠥᠨ》 ᠭᠡᠵᠦ ᠨᠢᠭᠡ ᠦᠭᠦᠯᠡᠪᠦᠷᠢ ᠪᠡᠷ ᠬᠤᠷᠢᠶᠠᠨᠭᠭᠤᠢᠯᠠᠨ ᠬᠡᠯᠡᠪᠡ᠃
《ᠵᠢᠷᠤᠬᠠᠢᠲᠤ ᠨᠣᠮ》 ᠳ᠋ᠤ᠌ 《ᠬᠦᠷᠦᠰᠦᠲᠦ ᠳᠡᠯᠡᠬᠡᠢ ᠦᠷᠭᠡᠨ ᠠᠭᠤᠳᠠᠮ᠂ ᠡᠷᠳᠡᠮᠲᠡᠨ ᠮᠡᠷᠭᠡᠳ ᠡᠷᠳᠡᠮ ᠨᠤᠮ ᠰᠤᠷᠴᠤ ᠬᠦᠨᠳᠤ ᠡᠭᠦᠷᠭᠡ ᠡᠭᠦᠷᠬᠡᠯᠡᠮᠤᠢ》 ᠭᠡᠵᠦ ᠪᠢᠴᠢᠭᠰᠡᠨ ᠪᠠᠢᠳᠠᠭ᠂ 《ᠶᠡᠬᠡ ᠰᠤᠷᠲᠠᠬᠤᠶ》 ᠵᠢᠨ ᠡᠬᠢᠨᠤ ᠵᠤᠬᠢᠶᠠᠯᠳᠦ 《ᠶᠡᠬᠡ ᠰᠤᠷᠲᠠᠬᠤᠶᠶᠢᠨ ᠶᠣᠰᠣᠨ ᠮᠣᠷᠠᠯ ᠰᠤᠷᠲᠠᠬᠤᠨᠢ ᠮᠡᠳᠡᠬᠦᠢ ᠳ᠋ᠤᠷ ᠠᠮᠣᠢ》 ᠭᠡᠵᠦ ᠪᠢᠴᠢᠵᠡᠢ᠂ 《ᠶᠣᠰᠣᠯᠠᠯᠲᠤ ᠨᠣᠮ》 ᠳ᠋ᠤ᠌ 《ᠪᠡᠶᠡᠪᠡᠨ ᠵᠠᠰᠠᠵᠤ ᠦᠭᠡ ᠶᠠᠷᠢᠶᠠᠪᠠᠨ ᠦᠢᠯᠡᠳᠦᠯᠭᠡᠵᠢᠭᠦᠯᠦᠮᠦᠢ᠂ ᠡᠭᠦᠨᠢ ᠰᠠᠢᠨ ᠶᠠᠪᠤᠳᠠᠯ ᠬᠡᠮᠡᠮᠦᠢ》 ᠁ ᠡᠨᠡ ᠪᠤᠯ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠮᠢᠩᠭᠠᠨ ᠵᠢᠯ ᠦᠷᠭᠦᠯᠵᠢᠯᠡᠭᠰᠡᠨ ᠪᠡᠶᠡᠪᠡᠨ ᠵᠠᠰᠠᠬᠤ ᠶᠤᠰᠤᠨ ᠮᠦᠨ᠃
ᠳᠣᠲᠣᠷᠠᠪᠠᠨ ᠢᠲᠡᠭᠡᠯ ᠵᠤᠷᠢᠭᠲᠠᠢ ᠪᠠᠢᠪᠠᠯ ᠰᠠᠶᠢ ᠬᠤᠯᠠ ᠶᠠᠪᠤᠵᠤ ᠴᠢᠳᠠᠨᠠ᠃ ᠰᠢ ᠵᠢᠨ ᠫᠢᠩ ᠨᠥᠬᠥᠷ ᠵᠸᠩ ᠳ᠋ᠢᠩ ᠳ᠋ᠤ᠌ ᠬᠦᠷᠴᠦ ᠲᠤᠰᠢᠶᠠᠯ ᠡᠭᠦᠷᠭᠡᠯᠡᠭᠰᠡᠨᠦ ᠳᠠᠷᠠᠭᠠ᠂ ᠠᠯᠪᠠᠨ ᠭᠡᠷᠲᠡᠬᠡᠨ ᠨᠢᠭᠡᠨ ᠤᠷᠠᠨ ᠪᠢᠴᠢᠯᠭᠡᠶᠢᠨ ᠪᠦᠲᠦᠭᠡᠯ ᠡᠯᠭᠦᠵᠦ᠂《ᠳᠤᠳᠤᠨᠤ ᠪᠤᠯᠪᠠᠴᠦ ᠰᠦᠯᠪᠡᠭᠡᠯᠡᠬᠦ ᠦᠭᠡᠢ᠂ ᠡᠶᠡ ᠲᠠᠢ ᠠᠳᠠᠯᠠ ᠠᠳᠠᠯᠢ ᠪᠤᠰᠤ》 ᠭᠡᠬᠦ ᠪᠢᠴᠢᠭᠡᠰᠦ ᠪᠢᠴᠢᠵᠦ᠂ ᠤᠬᠠᠮᠰᠠᠷᠡᠴᠡᠪᠠᠨ ᠡᠷᠳᠡᠮᠲᠡᠨ ᠮᠡᠷᠭᠡᠳᠦᠨ ᠵᠠᠩ ᠰᠤᠷᠲᠠᠯᠢᠶᠠᠷ ᠥᠪᠡᠷᠢᠪᠡᠨ ᠱᠠᠭᠠᠷᠳᠠᠵᠤ᠂ ᠪᠡᠶᠡ ᠪᠠᠨ ᠵᠠᠰᠠᠵᠤ ᠭᠡᠷᠵᠢᠡᠨ ᠲᠤᠳᠤᠮᠳᠠᠵᠤ᠂ ᠤᠯᠤᠰᠵᠢᠡᠨ ᠵᠠᠰᠠᠵᠤ ᠲᠡᠯᠡᠬᠡᠢ ᠵᠢ ᠲᠤᠬᠳᠠᠭᠤᠨ ᠪᠤᠯᠭᠠᠬᠤ ᠭᠡᠰᠡᠨ ᠬᠥᠭᠡᠭᠡᠴᠡᠯᠳᠦᠯᠢᠶᠡᠨ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠢᠨᠠ᠃
2014 ᠣᠨᠤ 5 ᠰᠠᠷᠠᠶᠢᠨ 4 ᠤ᠋ ᠡᠳᠦᠷ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢᠳᠤ ᠬᠦᠷᠴᠦ᠂ 《ᠬᠥᠮᠥᠨᠦ ᠠᠮᠢᠳᠤᠷᠠᠯᠤᠨ ᠠᠨᠭᠬᠠᠨᠤ ᠠᠯᠬᠤᠮᠵᠢᠡᠨ ᠰᠠᠢᠲᠤᠷ ᠠᠯᠬᠤᠬᠤ ᠬᠡᠷᠡᠭᠲᠡᠢ》 ᠭᠡᠬᠦ ᠠᠮᠢᠳᠤᠯᠢᠭ᠋ ᠵᠦᠢᠷᠯᠡᠯᠢᠶᠡᠷ᠂ ᠨᠢᠭᠡ ᠬᠥᠮᠥᠨᠦ ᠦᠰᠦᠨ ᠪᠣᠶ᠋ᠢᠵᠢᠯᠲᠠᠶᠢᠨ ᠡᠬᠢᠨᠦ ᠬᠤᠭᠤᠴᠠᠭᠠᠨᠳᠤ ᠵᠥᠪ ᠦᠷᠳᠡᠭᠦᠨ ᠬᠠᠨᠳᠤᠰᠢᠶᠢ ᠪᠤᠢ ᠪᠣᠯᠭᠠᠬᠤᠶᠢᠨ ᠴᠢᠬᠤᠯᠠ ᠴᠢᠨᠠᠷᠢ ᠵᠢᠭᠠᠵᠤ ᠭᠠᠷᠭᠠᠪᠠ᠃
ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ 《ᠰᠢᠷᠭᠠᠭᠤ ᠰᠤᠷᠤᠯᠴᠠᠬᠤ᠂ ᠶᠣᠰᠣ᠌ ᠰᠤᠷᠲᠠᠬᠤᠨ ᠰᠤᠷᠬᠤ᠂ ᠢᠯᠭᠠᠨ ᠲᠣᠳᠣᠯᠠᠬᠤ᠂ ᠦᠨᠡᠨᠴᠢ ᠰᠢᠳᠤᠷᠭᠤ ᠪᠠᠢᠬᠤ》 ᠨᠠᠢ᠍ᠮᠠᠨ ᠦᠰᠦᠭᠦᠨ ᠰᠤᠷᠭᠠᠯ ᠦᠭᠡᠡᠴᠡ ᠪᠦᠬᠦ ᠤᠯᠤᠰᠤᠨ ᠵᠠᠯᠠᠭᠤᠴᠤᠳᠤᠨ ᠬᠣᠯᠪᠣᠭᠠ ᠰᠤᠷᠤᠭ᠍ᠴᠢᠳᠤᠨ ᠬᠣᠯᠪᠣᠭᠠᠳᠤ ᠢᠯᠡᠭᠡᠭᠰᠡᠨ ᠪᠠᠶᠠᠷᠤᠨ ᠵᠠᠬᠢᠳᠠᠯᠳᠡᠬᠢ 《ᠠᠯᠤᠰ ᠬᠡᠳᠤᠶᠢᠨ ᠬᠦᠰᠡᠯᠡᠩᠲᠠᠢ ᠪᠠᠢᠬᠤ᠂ ᠮᠣᠷᠠᠯ ᠴᠢᠳᠠᠪᠤᠷᠢᠶᠢ ᠵᠡᠷᠭᠡ ᠪᠡᠷ ᠴᠢᠬᠤᠯᠠᠴᠢᠯᠠᠬᠤ᠂ ᠶᠣᠰᠣ᠌ ᠰᠤᠷᠲᠠᠬᠤᠨᠢ ᠵᠡᠷᠭᠡ ᠪᠡᠷ ᠰᠤᠷᠤᠯᠴᠠᠬᠤ᠂ ᠵᠣᠷᠢᠭ᠍ᠲᠠᠢᠪᠠᠷ ᠵᠠᠮ ᠨᠡᠭᠡᠭᠡᠬᠦ》 ᠭᠡᠬᠦ ᠠᠷᠪᠠᠨ ᠵᠢᠷᠭᠤᠭᠠᠨ ᠦᠭᠡ ᠬᠦᠷᠲᠡᠯᠡ ᠁ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠰᠢᠨᠡ ᠴᠠᠭ ᠦᠶᠡᠶᠢᠨ ᠰᠠᠢᠨ ᠵᠠᠯᠠᠭᠤᠴᠤᠳᠢ ᠬᠥᠮᠥᠵᠢᠭᠦᠯᠬᠦ ᠴᠠᠭ ᠦᠶᠡᠶᠢᠨ ᠰᠡᠳᠦᠪᠢ ᠭᠦᠨᠵᠡᠭᠡᠢ ᠪᠣᠳᠣᠯᠬᠢᠯᠠᠵᠤ᠂ ᠥᠷᠭᠡᠨ ᠤᠯᠠᠨ ᠵᠠᠯᠠᠭᠤᠴᠤᠳᠲᠤ ᠶᠣᠰᠣ᠌ ᠰᠤᠷᠲᠠᠬᠤᠨᠢᠶᠠᠷ ᠪᠡᠶᠡᠪᠡᠨ ᠵᠠᠰᠠᠬᠤ ᠠᠮᠢᠳᠤᠷᠠᠬᠤᠢᠶᠢᠨ ᠪᠠᠢᠷᠢᠰᠢᠯᠢ ᠵᠢᠭᠠᠵᠤ ᠥᠭᠭᠦᠭᠰᠡᠨ ᠪᠠᠢᠨᠠ᠃
ᠶᠣᠰᠣ᠌ ᠮᠣᠷᠠᠯᠢ ᠵᠦᠭᠡᠷ ᠰᠠᠭᠤᠭᠠᠳ ᠬᠣᠭᠣᠰᠤᠨ ᠶᠠᠷᠢᠵᠤ ᠪᠣᠯᠬᠤ ᠦᠭᠡᠢ᠃ ᠵᠠᠯᠠᠭᠤ ᠨᠠᠰᠤ ᠪᠣᠯ ᠨᠢᠭᠡᠨ ᠴᠤᠭ ᠪᠠᠳᠠᠷᠠᠩᠭᠤᠢ ᠲᠡᠮᠳᠡᠭ ᠦᠭᠡ ᠮᠥᠨ᠂ ᠨᠡᠩ ᠴᠤ᠌ ᠨᠢᠭᠡᠨ ᠡᠬᠢᠯᠡᠨ ᠬᠢᠬᠦ ᠦᠢᠯᠡ ᠦᠭᠡ ᠮᠥᠨ᠂ ᠡᠷᠬᠡᠪᠰᠢ 《ᠪᠣᠳᠠᠲᠠᠢ ᠶᠠᠪᠤᠳᠠᠯ ᠳ᠋ᠤ ᠬᠦᠴᠦᠯᠡᠵᠦ᠂ ᠮᠡᠳᠡᠬᠦᠢ ᠬᠢᠬᠦᠢᠶᠢ ᠨᠢᠭᠡᠳᠬᠡᠬᠦ ᠳᠡᠭᠡᠷᠡ ᠬᠦᠴᠦᠯᠡᠬᠦ ᠬᠡᠷᠡᠭᠲᠡᠢ》᠃
ᠯᠢᠶᠠᠩ ᠵᠢᠶᠠ ᠾᠧ ᠶᠡᠬᠡ ᠪᠠᠷᠢᠭᠠᠳᠠᠶᠢᠨ ᠨᠠᠮᠤᠨ ᠡᠭᠦᠷᠦᠨ ᠱᠦᠵᠢᠶᠢᠨ ᠲᠤᠰᠢᠶᠠᠯᠢ ᠬᠠᠷᠢᠭᠤᠴᠠᠵᠤ ᠪᠠᠢᠬᠤᠳᠠᠭᠠᠨ᠂ ᠰᠢ ᠵᠢᠨ ᠫᠢᠩ ᠨᠥᠬᠥᠷ ᠰᠣᠨᠢᠨ ᠳᠡᠭᠡᠷᠡᠡᠴᠡ ᠰᠸᠴᠤᠸᠠᠨᠤ ᠠᠷᠠᠳ ᠲᠦᠮᠡᠨ ᠤ᠋ ᠲᠤᠮᠳᠠ ᠨᠠᠮᠤᠭᠤᠨ ᠬᠡᠢᠶᠢ ᠠᠰᠢᠭ᠍ᠯᠠᠬᠤᠶᠢ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠵᠣᠬᠢᠶᠠᠯᠢ ᠤᠩᠰᠢᠭᠠᠳ ᠮᠠᠰᠢ ᠰᠡᠳᠬᠢᠯ ᠳᠣᠭᠳᠣᠯᠪᠠ᠃ ᠲᠡᠷᠡ ᠶᠠᠪᠠᠭᠠᠨᠢᠶᠠᠷ ᠬᠡᠳᠦᠨ ᠠᠷᠪᠠᠨ ᠭᠠᠵᠠᠷᠤᠨ ᠠᠭᠤᠯᠠᠨ ᠵᠠᠮᠢ᠋ ᠶᠠᠪᠤᠵᠤ ᠶᠠᠨᠴᠤᠸᠠᠨ ᠰᠢᠶᠠᠨᠤ ᠲᠥᠪᠲᠦ ᠬᠦᠷᠴᠦ᠂ ᠰᠢᠶᠠᠨᠤ ᠳᠡᠮᠵᠢᠯᠭᠡᠶᠢ ᠣᠯᠬᠤ ᠪᠡᠷ ᠴᠢᠷᠮᠠᠢᠪᠠ᠃ ᠲᠠᠷᠠᠭᠠ ᠨᠢ᠂ ᠰᠢ ᠵᠢᠨ ᠫᠢᠩ ᠵᠡᠷᠭᠡ 6 ᠬᠥᠮᠥᠨ ᠮᠢᠩᠭᠠᠨ ᠭᠠᠵᠠᠷ ᠠᠶᠠᠯᠠᠵᠤ ᠰᠸᠴᠤᠸᠠᠨᠳᠤ ᠬᠦᠷᠴᠦ 《ᠨᠣᠮ ᠵᠠᠯᠠᠵᠤ》᠂ 40 ᠡᠳᠦᠷᠲᠦ 5 ᠭᠠᠵᠠᠷ ᠣᠷᠣᠨᠤ 17 ᠰᠢᠶᠠᠨᠢᠶᠠᠷ ᠶᠠᠪᠤᠵᠤ᠂ ᠨᠠᠮᠤᠭᠤᠨ ᠬᠡᠢᠶᠢᠨ ᠲᠠᠲᠠᠭᠠᠯᠳᠤ ᠬᠦᠷᠬᠦ ᠪᠦᠷᠢ᠂ ᠲᠡᠳᠡ ᠪᠦᠷ ᠱᠠᠲᠤ ᠪᠡᠷ ᠳᠣᠲᠣᠷᠠ ᠨᠢ ᠣᠷᠣᠵᠤ ᠦᠵᠡᠵᠦ᠂ ᠡᠳᠦᠷ ᠨᠢ ᠰᠢᠨᠵᠢᠯᠡᠨ ᠪᠠᠢᠴᠠᠭᠠᠵᠤ᠂ ᠰᠦᠨᠢ ᠨᠢ ᠳ᠋ᠦᠩᠨᠡᠯᠳᠡ ᠬᠢᠳᠡᠭ ᠪᠠᠢᠪᠠ᠃
ᠰᠣᠷᠣᠭᠰᠠᠨ ᠮᠡᠳᠡᠯᠭᠡᠪᠡᠨ ᠠᠪᠴᠤ ᠯᠢᠶᠠᠩ ᠵᠢᠶᠠ ᠾᠧᠳᠦ ᠬᠠᠷᠢᠭ᠍ᠰᠠᠨᠤ ᠳᠠᠷᠠᠭᠠ᠂ ᠰᠢ ᠵᠢᠨ ᠫᠢᠩ ᠵᠢᠯᠣᠭᠣᠳᠤᠭ᠍ᠴᠢ᠂ ᠮᠡᠷᠭᠡᠵᠢᠯᠲᠡᠨ ᠪᠣᠯᠤᠭᠰᠠᠨ ᠪᠥᠭᠡᠳ ᠪᠠᠰᠠ ᠪᠠᠷᠢᠯᠭᠠᠶᠢᠨ ᠠᠵᠢᠯᠲᠠᠨ ᠪᠣᠯᠵᠤ᠂ ᠨᠤᠲᠤᠭᠤᠨ ᠠᠬᠠ ᠳᠡᠭᠦᠦ ᠨᠠᠷᠢᠶᠡᠨ ᠳᠠᠭᠠᠭᠤᠯᠤᠨ ᠳᠠᠬᠢᠨ ᠳᠠᠪᠲᠠᠨ ᠦᠢᠯᠡᠳᠦᠯᠭᠡᠵᠢᠭᠦᠯᠵᠦ᠂ ᠱᠠᠨᠰᠢᠶᠢᠨ ᠠᠩᠬᠠᠳᠠᠭ᠍ᠴᠢ ᠨᠠᠮᠤᠭᠤᠨ ᠬᠡᠢᠶᠢᠨ ᠴᠥᠭᠥᠷᠥᠮᠢ ᠪᠠᠢᠭᠤᠯᠵᠤ᠂ 《ᠨᠠᠮᠤᠭᠤᠨ ᠬᠡᠢ ᠴᠢᠨᠯᠢᠩ ᠳᠠᠪᠠᠭᠠᠶᠢ ᠳᠠᠪᠠᠬᠤ ᠦᠭᠡᠢ》 ᠭᠡᠬᠦ ᠬᠡᠯᠡᠯᠭᠡᠶᠢ ᠡᠪᠳᠡᠪᠡ᠃
ᠮᠡᠳᠡᠬᠦᠪᠡᠷ ᠬᠢᠬᠦᠶᠢ ᠠᠬᠢᠭᠤᠯᠬᠤ᠂ ᠦᠢᠯᠡ ᠠᠵᠢᠯᠯᠠᠭᠠᠪᠠᠷ ᠮᠡᠳᠡᠯᠭᠡᠶᠢ ᠡᠷᠢᠯᠬᠢᠯᠡᠬᠦ ᠪᠣᠯ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩᠦᠨ ᠢᠮᠠᠭᠲᠠ ᠪᠠᠷᠢᠮᠳᠠᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠵᠠᠩ ᠴᠢᠨᠠᠷ ᠪᠣᠯᠣᠨᠠ᠂ ᠮᠥᠨ ᠴᠦ᠍ ᠥᠷᠭᠡᠨ ᠤᠯᠠᠨ ᠵᠠᠯᠠᠭᠤᠴᠤᠳᠲᠤ ᠢᠮᠠᠭᠲᠠ ᠲᠠᠯᠪᠢᠭ᠍ᠰᠠᠭᠠᠷ ᠢᠷᠡᠭᠰᠡᠨ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠪᠣᠯᠣᠨᠠ᠃
1985 ᠣᠨᠳᠤ᠂ ᠰᠢᠶᠠᠮᠧᠨ ᠶᠡᠬᠡ ᠰᠤᠷᠭᠠᠭᠤᠯᠢᠳᠤ ᠰᠤᠷᠤᠯᠴᠠᠵᠤ ᠪᠠᠢᠭᠰᠠᠨ ᠵᠠᠩ ᠬᠣᠩ ᠯᠢᠶᠠᠩ ᠲᠤᠬᠠᠢᠶᠢᠨ ᠦᠶᠡᠳᠦ ᠰᠢᠶᠠᠮᠧᠨ ᠬᠤᠳᠠᠶᠢᠨ ᠨᠠᠮᠤᠨ ᠬᠤᠷᠢᠶᠠ ᠵᠢᠨ ᠪᠠᠢᠩᠭᠤᠶᠢᠨ ᠭᠡᠰᠢᠭᠦᠨ᠂ ᠬᠤᠳᠠᠶᠢᠨ ᠳᠡᠳ᠋ ᠳᠠᠷᠤᠭᠠ ᠪᠠᠢᠭᠰᠠᠨ ᠰᠢ ᠵᠢᠨ ᠫᠢᠩᠲᠠᠢ ᠲᠠᠨᠢᠯᠴᠠᠭᠰᠠᠨ ᠪᠥᠭᠡᠳ ᠦᠷᠭᠦᠯᠵᠢ ᠰᠢ ᠵᠢᠨ ᠫᠢᠩ ᠨᠥᠬᠥᠷᠦᠨ ᠵᠢᠯᠣᠭᠣᠳᠤᠯᠭᠠ ᠪᠠ ᠬᠠᠪᠰᠤᠷᠤᠯᠭᠠᠶᠢ ᠣᠯᠳᠠᠭ᠃
ᠠᠩᠬᠠ ᠤᠳᠠᠭᠠ ᠠᠭᠤᠯᠵᠠᠬᠤᠳᠤ᠂ ᠰᠢ ᠵᠢᠨ ᠫᠢᠩ ᠨᠥᠬᠥᠷᠦᠨ ᠨᠢᠭᠡ ᠦᠭᠡ ᠵᠠᠩ ᠬᠣᠩ ᠯᠢᠶᠠᠩᠤᠨ ᠰᠡᠳᠬᠢᠯᠳᠦ ᠭᠦᠨ ᠬᠠᠳᠠᠩᠰᠢᠵᠠᠢ᠄《ᠲᠠ ᠨᠠᠷ ᠬᠡᠳᠦᠢᠪᠡᠷ ᠮᠠᠰᠢ ᠤᠯᠠᠨ ᠨᠣᠮ ᠤᠩᠰᠢᠭ᠍ᠰᠠᠨ ᠪᠣᠯᠪᠠᠴᠤ ᠨᠣᠮ ᠳᠣᠲᠣᠷᠡᠬᠢ ᠮᠠᠰᠢ ᠤᠯᠠᠨ ᠮᠡᠳᠡᠯᠭᠡ ᠨᠢ 〈ᠢᠯᠡᠭᠦᠴᠡ〉ᠪᠠᠢᠨᠠ᠂ ᠭᠠᠭᠴᠠ ᠬᠦ᠌ ᠤᠯᠠᠨ ᠲᠦᠮᠡᠨᠦ ᠦᠢᠯᠡᠳᠦᠯᠭᠡᠲᠠᠢ ᠤᠶᠠᠯᠳᠤᠭᠤᠯᠪᠠᠯ ᠰᠠᠶᠢ 〈ᠢᠯᠡᠭᠦᠴᠡ〉 ᠵᠦᠢᠯᠡᠰ ᠢ᠋ ᠨᠢ ᠰᠢᠬᠠᠨ ᠭᠠᠷᠭᠠᠵᠤ ᠴᠢᠳᠠᠨᠠ᠃ ᠨᠣᠮ ᠪᠢᠴᠢᠭ ᠳᠡᠭᠡᠷᠡᠬᠢ ᠮᠡᠳᠡᠯᠭᠡᠶᠢ 〈ᠰᠢᠬᠠᠪᠠᠯ〉 ᠰᠠᠶᠢ ᠮᠡᠳᠡᠯᠭᠡᠶᠢ 〈ᠦᠨᠡᠨ ᠪᠤᠳᠠᠳᠠᠢ ᠬᠡᠷᠡᠭᠴᠡᠭᠡ〉 ᠲᠠᠢ ᠪᠣᠯᠭᠠᠵᠤ ᠴᠢᠳᠠᠨᠠ》᠃
1990 ᠣᠨᠳᠤ᠂ ᠹᠦᠵᠧᠦ ᠬᠤᠳᠠᠶᠢᠨ ᠨᠠᠮᠤᠨ ᠬᠤᠷᠢᠶᠠ ᠵᠢᠨ ᠱᠦᠵᠢ ᠪᠠᠢᠭᠰᠠᠨ ᠰᠢ ᠵᠢᠨ ᠫᠢᠩ ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢᠡᠴᠡ ᠹᠦᠵᠢᠶᠠᠨᠳ᠋ᠤ ᠬᠦᠷᠴᠦ ᠨᠡᠢᠭᠡᠮᠦᠨ ᠦᠢᠯᠡᠳᠦᠯᠭᠡᠬᠢᠭᠰᠡᠨ ᠪᠦᠯᠬᠦᠮᠤ᠋ᠨ ᠰᠤᠷᠤᠭ᠍ᠴᠢᠳᠲᠠᠢ ᠶᠠᠷᠢᠯᠴᠠᠪᠠ᠃ ᠰᠤᠷᠤᠭᠴᠢᠳ ᠤ᠋ᠨ ᠬᠠᠯᠠᠭᠤᠨ ᠬᠠᠷᠠᠴᠠᠵᠢ ᠬᠠᠷᠠᠭᠠᠳ᠄《ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠤᠬ᠍ᠰᠠᠨ ᠮᠡᠳᠡᠯᠭᠡ ᠵᠢ ᠬᠡᠲᠦᠢᠳᠦᠭᠰᠡᠨ᠂ ᠲᠡᠭᠦᠰ ᠴᠢᠳᠠᠪᠤᠷᠢᠪᠡᠷ ᠦᠵᠡᠵᠦ ᠪᠣᠯᠬᠤ ᠦᠭᠡᠢ᠂ ᠭᠠᠭᠴᠠ ᠬᠦ᠌ ᠨᠡᠢᠭᠡᠮ ᠳᠡᠭᠡᠷᠡ ᠤᠯᠠᠨ ᠲᠦᠮᠡᠨᠲᠠᠢ ᠨᠢᠭ᠍ᠲᠠᠷᠠᠨ ᠪᠦᠯᠬᠦᠮᠳᠡᠵᠦ᠂ ᠬᠠᠮᠲᠤᠪᠠᠷ ᠴᠢᠷᠮᠠᠢᠪᠠᠯ ᠰᠠᠶᠢ ᠨᠡᠢᠭᠡᠮᠦᠨ ᠬᠠᠷᠢᠭᠤᠴᠠᠯᠭᠠᠲᠤ ᠰᠡᠳᠬᠢᠯᠭᠡᠶᠢ ᠪᠤᠢ ᠪᠣᠯᠭᠠᠵᠤ ᠴᠢᠳᠠᠨᠠ᠂ ᠰᠠᠶᠢ ᠦᠨᠡᠨ ᠤᠬᠠᠭᠠᠨ ᠢ᠋ ᠤᠯᠵᠤ ᠴᠢᠳᠠᠨᠠ》 ᠭᠡᠪᠡ᠃
ᠴᠠᠭᠠᠰᠤᠨ ᠳᠡᠭᠡᠷᠡᠡᠴᠡ ᠣᠯᠵᠤ ᠮᠡᠳᠡᠭᠰᠡᠨ ᠨᠢ ᠡᠴᠦᠰᠲᠡᠬᠡᠨ ᠭᠦᠢᠬᠡᠨ ᠰᠠᠨᠠᠭᠳᠠᠨᠠ᠂ ᠤᠴᠢᠷ ᠤᠬᠠᠭᠠᠨᠢ ᠮᠡᠳᠡᠬᠦᠳᠦ ᠥᠪᠡᠷᠢᠶᠡᠨ ᠬᠢᠬᠦ ᠬᠡᠷᠡᠭᠲᠡᠢ᠃ ᠲᠡᠭᠡᠪᠡᠯ ᠦᠨᠳᠦᠰᠦᠨ ᠱᠠᠲᠤᠨᠤ ᠨᠢᠭᠡᠳᠦᠭᠡᠷ ᠹᠷᠣᠨᠲᠲᠤ ᠣᠴᠢᠵᠤ᠂ ᠠᠷᠠᠳ ᠲᠦᠮᠡᠨᠦ ᠳᠡᠷᠭᠡᠳᠡ ᠣᠴᠢᠬᠤ ᠬᠡᠷᠡᠭᠳᠡᠢ᠃
《ᠲᠠᠷᠢᠶᠠᠨ ᠴᠢᠬᠢ ᠵᠢ ᠳ᠋ᠦᠩᠰᠡ ᠪᠡᠷ ᠲᠠᠷᠤᠪᠠᠯ ᠰᠠᠶᠢ ᠨᠠᠩ ᠭᠦᠨ ᠪᠤᠯᠠᠭᠳᠠᠵᠤ᠂ ᠨᠠᠩ ᠪᠠᠲᠤ ᠦᠨᠳᠦᠰᠦᠯᠡᠵᠦ᠂ ᠰᠠᠯᠬᠢ ᠪᠣᠷᠣᠭᠠᠨᠤ ᠳᠤᠮᠳᠠ ᠤᠢᠴᠢᠬᠤ ᠦᠭᠡᠢ᠂ ᠵᠣᠭᠰᠣᠵᠤ ᠴᠢᠳᠠᠨᠠ᠃ ᠵᠠᠯᠠᠭᠤᠴᠤᠳ ᠴᠤ᠌ ᠦᠨᠳᠦᠰᠦᠨ ᠱᠠᠲᠤᠨᠳᠤ ᠦᠨᠳᠦᠰᠦᠯᠡᠵᠦ᠂ ᠰᠠᠭᠤᠷᠢᠪᠠᠨ ᠪᠠᠲᠤᠳᠬᠠᠪᠠᠯ᠂ ᠬᠣᠢᠨᠠᠬᠢ ᠵᠠᠮ ᠳ᠋ᠠᠭᠠᠨ ᠰᠠᠶᠢ ᠨᠠᠩ ᠯᠠᠪᠳᠠᠭᠤᠨ ᠨᠠᠩ ᠬᠣᠯᠠ ᠶᠠᠪᠤᠵᠤ ᠴᠢᠳᠠᠨᠠ᠃ ᠦᠨᠳᠦᠰᠦᠨ ᠱᠠᠲᠤᠨᠳᠤ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠵᠤ᠂ ᠠᠷᠠᠳ ᠲᠦᠮᠡᠨᠦ ᠳᠤᠮᠳᠠ ᠭᠦᠨᠵᠡᠭᠡᠢᠷᠡᠬᠦ ᠪᠣᠯ ᠵᠠᠯᠠᠭᠤ ᠨᠠᠰᠤᠨᠤ ᠬᠦᠴᠦᠨ ᠴᠢᠳᠠᠯᠤᠨ ᠡᠬᠢ ᠪᠤᠯᠠᠭ ᠮᠥᠨ᠃
ᠥᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡᠶᠢᠨ ᠡᠬᠢᠨᠦ ᠦᠶᠡᠳᠦ᠂ ᠶᠠᠭ ᠰᠠᠢᠬᠠᠨ ᠭᠤᠴᠢᠨ ᠨᠠᠰᠤᠳᠠᠢ ᠵᠸᠩᠳᠢᠩ ᠰᠢᠶᠠᠨᠤ ᠨᠠᠮᠤᠨ ᠬᠤᠷᠢᠶᠠ ᠵᠢᠨ ᠱᠦᠵᠢ ᠰᠢ ᠵᠢᠨ ᠫᠢᠩ ᠰᠤᠷᠪᠤᠯᠵᠢᠯᠠᠬᠤᠪᠠᠷ ᠢᠷᠡᠭᠰᠡᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠄《〈ᠳᠤᠮᠳᠠᠳᠤ ᠤᠯᠤᠰᠤᠨ ᠵᠠᠯᠠᠭᠤᠴᠤᠳ〉 ᠰᠡᠳᠬᠦᠯ ᠳᠡᠭᠡᠷᠡ 〈ᠠᠮᠢᠳᠤᠷᠠᠯᠤᠨ ᠵᠠᠮ ᠶᠠᠭᠠᠬᠢᠭᠠᠳ ᠶᠠᠪᠤᠬᠤ ᠳᠤᠳᠤᠮ ᠢᠪᠴᠤᠷᠠᠵᠤ ᠪᠠᠢᠬᠤ〉 ᠲᠤᠬᠠᠢ ᠮᠠᠷᠭᠤᠯᠳᠤᠵᠤ ᠪᠠᠢᠭᠰᠠᠨ ᠪᠢᠰᠢ ᠦᠦ？ ᠲᠠ ᠦᠨᠡᠨᠡᠴᠡ ᠵᠥᠪᠢ ᠡᠷᠢᠵᠦ ᠮᠢᠨᠤ ᠦᠢᠯᠡᠳᠦᠯᠭᠡ ᠪᠣᠯᠣᠨ ᠲᠥᠷᠥᠭᠳᠡᠯᠢ ᠪᠢᠴᠢ᠂ ᠮᠢᠨᠦ ᠦᠨᠳᠦᠰᠦᠨ ᠱᠠᠲᠤᠨᠤ ᠵᠠᠯᠠᠭᠤ ᠺᠠᠳ᠋ᠷᠤᠨ ᠵᠣᠭᠰᠣᠴᠠᠡᠴᠡ ᠶᠠᠷᠢᠶᠠ ᠲᠠᠯᠪᠢᠭ᠍ᠰᠠᠨᠢᠶᠠᠷ ᠪᠤᠳᠤᠴᠢᠬᠠ》 ᠭᠡᠵᠦ ᠬᠡᠯᠡᠪᠡ᠃
ᠬᠠᠷᠢᠭᠤᠯᠲᠠᠶᠢᠨ ᠬᠠᠭᠤᠳᠠᠰᠤᠶᠢ ᠠᠮᠢᠳᠤ ᠴᠣᠪᠣᠭᠣᠯᠢᠭ᠋ ᠦᠢᠯᠡᠳᠦᠯᠭᠡᠶᠢᠨ ᠳᠤᠮᠳᠠ ᠪᠢᠴᠢᠭᠯᠡᠨᠡ —
ᠬᠥᠳᠡᠭᠡ ᠲᠣᠰᠬᠣᠨᠳᠤ ᠬᠦᠷᠴᠦ ᠰᠢᠨᠵᠢᠯᠡᠨ ᠪᠠᠢᠴᠠᠭᠠᠬᠤ ᠳ᠋ᠠᠭᠠᠨ᠂ ᠨᠤᠲᠤᠭᠤᠨ ᠠᠬᠠ ᠳᠡᠭᠦᠦ ᠨᠠᠷᠦᠨ ᠲᠠᠷᠢᠶᠠᠨ ᠴᠢᠬᠢ ᠠᠷᠴᠢᠵᠤ ᠪᠠᠢᠬᠤ ᠲᠠᠭᠠᠷᠠᠯᠳᠤᠵᠤ᠂ ᠲᠡᠷᠡᠪᠡᠷ ᠬᠠᠨᠴᠤᠢ ᠰᠢᠮᠠᠯᠠᠨ ᠨᠤᠲᠤᠭᠤᠨ ᠠᠬᠠ ᠳᠡᠭᠦᠦ ᠨᠠᠷᠲᠠᠢᠪᠡᠨ ᠬᠠᠮᠳᠤ ᠠᠵᠢᠯᠯᠠᠬᠤᠶᠢᠨ ᠳᠠᠭᠠᠤ ᠶᠠᠷᠢᠯᠴᠠᠵᠤ᠂ ᠪᠡᠶᠡᠪᠡᠷᠢᠶᠡᠨ ᠬᠡᠪ ᠳᠦᠷᠢᠮ ᠪᠣᠯᠵᠤ ᠪᠠᠢᠭᠤᠯᠭᠠᠶᠢᠨ ᠺᠠᠳ᠋ᠷᠢ 《ᠦᠨᠳᠦᠰᠦᠨ ᠱᠠᠲᠤᠨᠳᠤ ᠬᠦᠷᠴᠦ ᠪᠠᠢᠴᠠᠭᠠᠯᠲᠠ ᠬᠢᠵᠦ᠂ ᠡᠴᠦᠰ ᠲᠦ᠍ᠨᠢ ᠲᠤᠯᠲᠠᠯᠠ ᠪᠠᠢᠴᠠᠭᠠᠵᠤ᠂ ᠪᠠᠢᠳᠠᠯᠢ ᠪᠡᠶᠡᠪᠡᠷᠢᠶᠡᠨ ᠣᠢᠯᠠᠭᠠᠵᠤ᠂ ᠰᠢᠭᠤᠳ ᠲᠤᠰᠬᠠᠯᠢ ᠰᠣᠨᠣᠰᠴᠤ᠂ 〈ᠡᠬᠢ ᠡᠭᠦᠰᠦᠯ〉 ᠢ᠋ ᠨᠢ ᠡᠷᠢᠯᠬᠢᠯᠡᠬᠦ ᠬᠡᠷᠡᠭᠲᠡᠢ》 ᠭᠡᠵᠦ ᠱᠠᠭᠠᠷᠳᠠᠪᠠ；
ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠠᠵᠤ ᠠᠬᠤᠢ ᠪᠠ ᠲᠠᠷᠢᠶᠠᠯᠠᠩᠤᠨ ᠲᠠᠯᠠᠪᠠᠷ 《ᠨᠢᠭᠡ ᠯᠡ ᠲᠠᠯᠠᠶᠢ ᠠᠳᠬᠤᠬᠤ》 ᠣᠳᠣᠬᠢ ᠪᠠᠢᠳᠠᠯ ᠪᠠ ᠲᠠᠷᠢᠶᠠᠴᠢᠳᠤᠨ ᠠᠮᠢᠳᠤᠷᠠᠯᠤᠨ ᠬᠦᠴᠢᠷᠳᠡᠯᠢ ᠣᠢᠯᠠᠭᠠᠵᠤ ᠮᠡᠳᠡᠭᠡᠳ᠂ ᠭᠠᠵᠠᠷ ᠣᠷᠣᠨ᠂ ᠮᠤᠵᠢ᠂ ᠪᠡᠭᠡᠵᠢᠩᠳᠦ ᠣᠴᠢᠵᠤ᠂ ᠠᠷᠠᠳ ᠢᠷᠭᠡᠳᠢ ᠥᠨᠳᠥᠷ ᠦᠨᠡᠪᠡᠷ ᠲᠠᠲᠠᠪᠤᠷᠢᠯᠠᠨ ᠬᠤᠳᠠᠯᠳᠤᠵᠤ ᠠᠪᠬᠤ ᠬᠦᠨᠳᠦ ᠳᠠᠷᠤᠯᠲᠠᠡᠴᠡ ᠴᠢᠯᠦᠭᠡᠯᠡᠵᠦ ᠭᠠᠷᠭᠠᠪᠠ；
ᠬᠥᠳᠡᠭᠡ ᠲᠣᠰᠬᠣᠨᠤ ᠵᠠᠯᠠᠭᠤᠴᠤᠳᠤᠨ ᠲᠠᠸᠠᠷᠤᠨ ᠦᠢᠯᠡᠳᠪᠦᠷᠢᠯᠡᠯᠦᠨ ᠠᠰᠠᠭᠤᠳᠠᠯᠢ ᠠᠳᠬᠤᠭᠰᠠᠨ ᠲᠤᠬᠠᠢ ᠲᠤᠰᠬᠠᠭᠰᠠᠨ ᠵᠠᠬᠢᠳᠠᠯᠢ ᠣᠯᠣᠭᠰᠠᠨ ᠤ᠋ ᠲᠠᠷᠠᠭᠠ᠂ ᠨᠢᠭᠡᠳᠦᠭᠡᠷ ᠲᠤᠰᠬᠠᠯ ᠨᠢ ᠲᠠᠷᠤᠢ ᠴᠢᠳᠠᠪᠤᠷᠢᠲᠠᠨ ᠢ᠋ ᠣᠯᠵᠤ ᠮᠡᠳᠡᠭᠰᠡᠨ ᠪᠠᠶᠠᠷ ᠪᠠᠶᠠᠰᠤᠯ ᠪᠠᠢᠵᠤ᠂ ᠪᠠᠢᠳᠠᠯᠢ ᠬᠢᠨᠠᠨ ᠪᠠᠢᠴᠠᠭᠠᠵᠤ᠂ ᠨᠦᠬᠦᠭᠡ ᠡᠲᠡᠭᠡᠳᠢᠶᠡᠷᠢᠶᠡᠨ ᠲᠣᠰᠬᠣᠨᠤ ᠲᠠᠸᠠᠷᠤᠨ ᠦᠢᠯᠡᠳᠪᠦᠷᠢᠯᠡᠯ ᠢ ᠠᠳᠬᠤᠭᠤᠯᠬᠤᠪᠠᠷ ᠱᠠᠭᠠᠷᠳᠠᠪᠠ ᠁
ᠵᠸᠩᠳᠢᠩ ᠳ᠋ᠤ᠌ ᠠᠵᠢᠯᠯᠠᠭᠰᠠᠨ ᠭᠤᠷᠪᠠᠨ ᠵᠢᠯ ᠭᠠᠷᠤᠢ ᠳ᠋ᠤ᠂ ᠰᠢ ᠵᠢᠨ ᠫᠢᠩ ᠨᠥᠬᠥᠷ ᠪᠦᠬᠦ ᠰᠢᠶᠠᠨᠤ ᠲᠣᠰᠬᠣᠨ ᠪᠣᠯᠭᠠᠨᠢᠶᠠᠷ ᠶᠠᠪᠤᠵᠤ᠂ ᠺᠠᠳ᠋ᠷ ᠤᠯᠠᠨ ᠲᠦᠮᠡᠨᠲᠠᠢ ᠨᠢᠭ᠍ᠲᠠᠷᠠᠨ ᠪᠦᠯᠬᠦᠮᠳᠡᠵᠦ᠂ ᠦᠨᠳᠦᠰᠦᠨ ᠱᠠᠲᠤᠨᠤ ᠬᠦᠰᠡᠨ ᠡᠷᠡᠮᠡᠯᠵᠡᠵᠦ ᠪᠠᠢᠭᠠ ᠲᠥᠯᠥᠪᠯᠡᠭᠡᠶᠢ ᠤᠨᠢᠯᠠᠵᠤ᠂ ᠬᠥᠭᠵᠢᠯᠲᠡᠶᠢ ᠡᠷᠢᠯᠬᠢᠯᠡᠵᠦ᠂ ᠵᠸᠩᠳᠢᠩᠢ ᠴᠠᠭ ᠦᠶᠡᠶᠢᠨ ᠶᠡᠬᠡ ᠤᠷᠤᠰᠬᠠᠯᠢ ᠬᠥᠭᠡᠭᠡᠵᠦ ᠭᠦᠢᠴᠡᠭᠦᠯᠵᠦ᠂ ᠵᠠᠮᠢ ᠨᠢ ᠶᠠᠪᠤᠬᠤ ᠲᠤᠳᠤᠮ ᠥᠷᠭᠡᠨ ᠳᠠᠷᠳᠠᠩ ᠪᠣᠯᠭᠠᠪᠠ᠃
ᠴᠢᠩ ᠤᠯᠤᠰᠤᠨ ᠬᠥᠮᠥᠨ ᠵᠧᠩ ᠪᠠᠨ ᠴᠢᠶᠣᠤᠶᠢᠨ ᠠᠯᠳᠠᠷᠲᠤ ᠰᠢᠯᠦᠭ 《ᠬᠤᠯᠤᠰᠤ ᠴᠢᠯᠠᠭᠤ》 ᠳ᠋ᠤ᠌᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠭᠦᠨ ᠲᠥᠷᠥᠭᠳᠡᠯᠲᠠᠢ ᠪᠠᠢᠵᠤ᠂ ᠬᠡᠳᠦᠨ ᠦᠰᠦᠭ ᠵᠠᠰᠠᠵᠤ᠂ ᠲᠤᠬᠠᠢᠶᠢᠨ ᠵᠢᠯᠳᠦ ᠬᠥᠳᠡᠭᠡ ᠪᠠᠭᠤᠭᠰᠠᠨ ᠲᠥᠷᠥᠭᠳᠡᠯᠢᠶᠡᠨ ᠢᠯᠡᠳᠬᠡᠪᠡ᠄《ᠦᠨᠳᠦᠰᠦᠨ ᠱᠠᠲᠤᠨᠳᠤ ᠭᠦᠨᠵᠡᠭᠡᠢᠷᠡᠬᠦᠶᠢ ᠰᠤᠯᠠᠷᠠᠭᠤᠯᠤᠯ ᠦᠭᠡᠢ ᠴᠢᠩᠭᠠ ᠠᠳᠬᠤᠵᠤ᠂ ᠤᠯᠠᠨ ᠲᠦᠮᠡᠨᠦ ᠳᠤᠮᠳᠠ ᠦᠨᠳᠦᠰᠦᠯᠡᠨᠡ᠃ ᠮᠢᠩᠭᠠᠨ ᠪᠡᠷᠬᠡ ᠲᠦᠮᠡᠨ ᠴᠣᠬᠢᠯᠲᠠᠳᠤ ᠬᠠᠳᠠᠨ ᠪᠠᠲᠤ ᠬᠡᠪᠢᠶᠡᠷᠢᠶᠡᠨ᠂ ᠰᠠᠯᠬᠢ ᠪᠣᠷᠣᠭᠠᠨᠢ ᠬᠠᠢᠬᠤᠷᠤᠯ ᠦᠭᠡᠢ ᠴᠢᠷᠮᠠᠢᠨ ᠤᠷᠤᠭᠰᠢᠯᠠᠨᠠ》᠃
ᠤᠯᠠᠨ ᠵᠢᠯᠦᠨ ᠲᠠᠷᠠᠭᠠ᠂ ᠥᠩᠭᠡᠷᠡᠭᠰᠡᠨᠢᠶᠡᠨ ᠡᠷᠭᠢᠴᠡᠭᠦᠯᠬᠦᠳᠡᠭᠡᠨ᠂ ᠲᠡᠷᠡ᠄ 《ᠬᠥᠮᠥᠨᠦ ᠶᠢᠷᠲᠢᠨᠴᠦ᠂ ᠦᠨᠳᠦᠰᠦᠨ ᠱᠠᠲᠤᠨᠳᠤ ᠪᠠᠢᠨᠠ》᠃
2023 ᠣᠨᠤ 3 ᠰᠠᠷᠠᠳᠤ᠂ ᠪᠦᠬᠦ ᠤᠯᠤᠰᠤᠨ ᠬᠣᠶᠠᠷ ᠬᠤᠷᠠᠯᠤᠨ ᠵᠢᠶᠠᠩᠰᠤᠶᠢᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮᠦᠨ ᠬᠢᠨᠠᠨ ᠵᠥᠪᠯᠡᠬᠦ ᠠᠬᠤᠢ ᠲᠠᠯᠠᠪᠠᠢᠳᠤ᠂ 《ᠨᠠᠶᠠᠭᠠᠳ ᠣᠨᠡᠴᠡ ᠰᠡᠭᠦᠯᠡᠷ ᠲᠦᠷᠦᠭᠰᠡᠨ》 ᠬᠥᠷᠥᠰᠥ ᠰᠢᠷᠣᠢᠶᠢᠨ ᠤᠬᠠᠭᠠᠨᠤ ᠮᠠᠰᠲᠧᠷ ᠸᠧᠢ ᠴᠢᠶᠣᠤ ᠲᠥᠯᠥᠭᠡᠯᠡᠭᠴᠢ ᠶᠡᠷᠦᠩᠬᠡᠢ ᠱᠦᠵᠢᠳᠦ ᠥᠪᠡᠷᠦᠨ ᠰᠤᠷᠤᠭᠰᠠᠨᠢᠶᠠᠨ ᠬᠡᠷᠡᠭᠯᠡᠵᠦ᠂ ᠨᠤᠲᠤᠭᠲᠠᠭᠠᠨ ᠪᠤᠴᠠᠵᠤ ᠦᠢᠯᠡᠰ ᠪᠣᠰᠬᠠᠵᠤ ᠲᠣᠭᠠᠴᠢᠯᠠᠭᠰᠠᠨ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠲᠠᠷᠢᠮᠠᠯᠤᠨ ᠮᠡᠷᠭᠡᠵᠢᠯᠲᠡᠨ ᠪᠣᠯᠤᠭᠰᠠᠨ ᠥᠩᠭᠡᠷᠡᠯᠲᠡᠪᠡᠨ ᠶᠠᠷᠢᠵᠤ ᠥᠭᠪᠡ᠃
ᠶᠡᠷᠦᠩᠬᠡᠢ ᠱᠦᠵᠢ᠄ 《ᠸᠧᠢ ᠴᠢᠶᠣᠤ ᠰᠢᠭ᠋ ᠡᠢᠮᠦ ᠨᠥᠬᠥᠳ ᠬᠥᠳᠡᠭᠡᠳᠦ ᠣᠴᠢᠬᠤ ᠨᠢ ᠮᠠᠰᠢ ᠰᠠᠢᠨ！》 ᠭᠡᠵᠦ ᠮᠠᠭᠳᠠᠨ ᠰᠠᠢᠰᠢᠶᠠᠪᠠ᠃
ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ᠂ ᠬᠠᠮᠢᠭᠠ ᠬᠦᠴᠦ ᠲᠠᠯᠪᠢᠵᠤ᠂ ᠬᠡᠨᠳᠦ ᠵᠤᠷᠢᠭᠤᠯᠵᠤ᠂ ᠬᠡᠷᠬᠢᠨ ᠰᠡᠳᠬᠢᠯ ᠲᠠᠯᠪᠢᠬᠤ ᠪᠤᠢ？
ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠥᠷᠭᠡᠨ ᠤᠯᠠᠨ ᠵᠠᠯᠠᠭᠤᠴᠤᠳᠲᠤ ᠬᠡᠪ ᠳᠠᠭᠤᠷᠢᠶᠠᠯ ᠦᠵᠡᠭᠦᠯᠵᠦ᠂ ᠰᠤᠷᠭᠠᠯ ᠦᠭᠡ ᠪᠡᠯᠡᠭᠯᠡᠪᠡ᠃
（ᠭᠤᠷᠪᠠ） ᠵᠠᠯᠠᠭᠤ ᠨᠠᠰᠤᠨ ᠳᠠᠭᠠᠨ ᠬᠡᠷᠬᠢᠨ ᠭᠡᠷᠡᠯ ᠭᠢᠯᠪᠠᠭᠠᠰᠠᠴᠤᠷᠠᠭᠤᠯᠬᠤ ᠪᠤᠢ？
《ᠵᠠᠯᠠᠭᠤ ᠨᠠᠰᠤ ᠳᠠᠪᠲᠠᠯᠲᠠᠪᠠᠷ ᠬᠡᠷᠡᠯ ᠭᠢᠯᠪᠠᠭᠠᠪᠠᠨ ᠰᠠᠴᠤᠷᠠᠭᠤᠯᠵᠤ᠂ ᠬᠥᠮᠥᠨᠦ ᠠᠮᠢᠳᠤᠷᠠᠯ ᠲᠡᠮᠡᠴᠡᠯᠢᠶᠡᠷ ᠬᠥᠭᠵᠢᠨ ᠮᠠᠨᠳᠤᠨᠠ》
ᠨᠢᠭᠡ ᠦᠶᠡᠶᠢᠨ ᠬᠥᠮᠥᠨ ᠨᠢᠭᠡ ᠦᠶᠡᠶᠢᠨ ᠬᠥᠮᠥᠨᠦ ᠵᠠᠯᠠᠭᠤ ᠨᠠᠰᠤᠲᠠᠢ᠃
ᠣᠳᠣᠬᠠᠨᠤ ᠵᠠᠯᠠᠭᠤ ᠨᠢᠭᠡ ᠦᠶᠡᠶᠢᠨ ᠬᠢᠨ ᠤ᠋ ᠦᠰᠦᠨ ᠪᠣᠢᠵᠢᠯᠳᠡ ᠳ᠋ᠤ ᠡᠬᠡ ᠤᠯᠤᠰᠤᠨ ᠬᠦᠴᠦᠷᠬᠡᠭᠵᠢᠨ ᠮᠠᠨᠳᠤᠬᠤ ᠳᠠᠭᠠᠯᠳᠤᠵᠤ᠂ ᠥᠷᠭᠡᠨ ᠠᠭᠤᠳᠠᠮ ᠬᠠᠷᠠᠭᠠ ᠪᠠ ᠥᠷᠭᠡᠨ ᠠᠭᠤᠳᠠᠮ ᠣᠷᠣᠨ ᠵᠠᠢᠲᠠᠢ ᠪᠠᠢᠵᠤ᠂ ᠪᠠᠰᠠ ᠦᠰᠦᠨ ᠪᠣᠢᠵᠢᠬᠤ ᠡᠪᠡᠷᠰᠢᠶᠡᠯ ᠪᠠ ᠲᠥᠭᠡᠷᠢᠭᠳᠡᠯᠲᠠᠢ ᠶᠤᠮ᠃
ᠵᠠᠷᠢᠮ ᠨᠢ ᠠᠮᠢᠳᠤᠷᠠᠯᠤᠨ 《ᠪᠠᠭᠠ ᠠᠵᠠ ᠵᠠᠪᠰᠢᠶᠠᠨ》 ᠳ᠋ᠤ ᠰᠣᠭᠲᠣᠭᠤᠷᠠᠵᠤ᠂ ᠬᠤᠪᠢ ᠨᠡᠮᠡᠷᠢ ᠵᠢᠨ 《ᠴᠢᠳᠠᠪᠬᠢ ᠪᠠ ᠦᠨᠡᠶᠢᠨ ᠬᠠᠷᠢᠴᠠᠯ》 ᠢ᠋ ᠬᠥᠭᠡᠭᠡᠴᠡᠯᠳᠦᠳᠡᠭ； ᠵᠠᠷᠢᠮ ᠨᠢ ᠠᠮᠠᠨ ᠳᠡᠭᠡᠷᠡᠪᠡᠨ 《ᠪᠦᠷ ᠪᠤᠯᠤᠨᠠ》 ᠭᠡᠵᠦ᠂ ᠳᠣᠲᠣᠷᠠᠪᠠᠨ ᠬᠠᠷᠢᠨ 《ᠳᠤᠷᠠ ᠦᠭᠡᠢ》 ᠪᠠᠢᠵᠤ᠂《ᠪᠦᠷᠢᠮᠦᠰᠦᠨ ᠬᠤᠢᠷᠭᠤᠰᠢᠵᠤ ᠴᠢᠳᠠᠬᠤ ᠦᠭᠡᠢ》᠂ ᠪᠠᠰᠠ 《ᠦᠷᠢᠰᠦᠯᠳᠦᠭᠡᠳ ᠭᠠᠷᠬᠤ ᠦᠭᠡᠢ》 ᠵᠢᠨ ᠲᠤᠮᠳᠠ 《ᠲᠠᠬᠢᠨ ᠲᠠᠪᠳᠠᠨᠠ》； ᠪᠠᠰᠠ 《ᠳᠥᠲᠡ ᠵᠠᠮ ᠡᠷᠢᠬᠦ》᠂ 《ᠵᠠᠪᠰᠢᠶᠠᠨᠢ ᠳᠠᠯᠢᠮᠳᠠᠭᠤᠯᠵᠤ》᠂ ᠤᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠳ᠋ᠤ ᠨᠡᠷᠡ ᠮᠠᠨᠳᠤᠵᠤ ᠭᠡᠨᠡᠳᠲᠡ ᠪᠠᠶᠠᠵᠢᠬᠤᠶᠢ ᠬᠦᠰᠡᠨᠡ ᠁
《ᠵᠠᠷᠢᠮ ᠵᠠᠯᠠᠭᠤᠴᠤᠳ ᠵᠠᠯᠠᠭᠤ ᠨᠠᠰᠤᠨ ᠳ᠋ᠠᠭᠠᠨ ᠲᠠᠷᠤᠢ ᠵᠠᠯᠬᠠᠭᠤ᠂ ᠬᠣᠢᠷᠭᠤ᠂ ᠭᠠᠵᠢᠭᠤ ᠵᠢ ᠰᠤᠷᠪᠠ᠃ ᠪᠠᠰᠠ ᠵᠠᠷᠢᠮ ᠵᠠᠯᠠᠭᠤᠴᠤᠳ ᠨᠢ ᠰᠠᠨᠠᠭᠠ ᠨᠢ ᠶᠡᠬᠡ ᠴᠢᠳᠠᠯ ᠨᠢ ᠪᠠᠭᠠ᠂ ᠬᠦᠪᠰᠦᠯᠵᠡᠨ ᠬᠦᠭᠡᠷᠴᠦ᠂ ᠬᠡᠢ ᠪᠤᠳᠤᠯᠳᠠᠭᠠᠨ ᠰᠠᠭᠠᠲᠠᠵᠤ᠂ ᠦᠢᠯᠡᠳᠦᠯᠭᠡᠡᠴᠡ ᠬᠣᠢᠷᠭᠤᠰᠢᠵᠤ᠂ ᠴᠢᠨᠠᠭᠰᠢᠯᠠᠪᠠᠯ ᠲᠡᠭᠷᠢ ᠳᠡᠭᠡᠷᠡᠡᠴᠡ ᠱᠠᠯᠪᠢᠩ ᠤᠨᠠᠬᠤ᠂ ᠨᠢᠭᠡ ᠯᠡ ᠲᠡᠭᠡᠷᠡ ᠠᠯᠢᠪᠠ ᠵᠢ ᠪᠦᠲᠦᠭᠡᠬᠦᠪᠠᠷ ᠭᠣᠷᠢᠳᠠᠵᠤ ᠪᠠᠢᠨᠠ》᠃ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ᠄《ᠵᠢᠷᠭᠠᠯ ᠴᠡᠩᠭᠡᠯᠢ ᠬᠥᠭᠡᠭᠡᠴᠡᠯᠳᠦᠵᠦ᠂ ᠵᠦᠭᠡᠷ ᠰᠠᠭᠤᠵᠤ ᠪᠡᠯᠡᠨᠢ ᠢᠳᠡᠬᠦ ᠶᠠᠮᠠᠷᠪᠠ ᠪᠣᠳᠣᠯ ᠰᠡᠳᠬᠢᠯᠭᠡ᠂ ᠤᠷᠤᠭᠰᠢᠯᠠᠨ ᠳᠠᠪᠰᠢᠬᠤᠶᠢ ᠪᠤᠳᠤᠬᠤ ᠦᠭᠡᠢ᠂ ᠬᠥᠳᠡᠯᠮᠦᠷᠢᠯᠡᠬᠦ ᠦᠭᠡᠢᠪᠡᠷ ᠣᠯᠬᠤ ᠶᠠᠮᠠᠷᠪᠠ ᠪᠣᠳᠣᠯ ᠰᠡᠳᠬᠢᠯᠭᠡ ᠨᠢ ᠤᠯᠤᠰ ᠣᠷᠣᠨ ᠪᠠ ᠦᠨᠳᠦᠰᠦᠲᠡᠨᠦ ᠬᠥᠭᠵᠢᠯᠲᠡᠳᠦ ᠴᠥᠮ ᠬᠣᠣᠷ ᠬᠥᠨᠥᠭᠡᠯᠲᠠᠢ᠂ ᠵᠠᠯᠠᠭᠤ ᠬᠤᠪᠢ ᠬᠥᠮᠥᠨᠦ ᠦᠰᠦᠨ ᠪᠣᠶ᠋ᠢᠵᠢᠯᠲᠠᠳᠤ ᠴᠤ᠌ ᠠᠰᠢᠭ᠋ ᠦᠭᠡᠢ ᠶᠤᠮ》 ᠭᠡᠵᠦ ᠭᠦᠨ ᠬᠦᠨᠵᠡᠭᠡᠢ ᠵᠢᠭᠠᠵᠤ ᠭᠠᠷᠭᠠᠪᠠ᠃
ᠵᠠᠯᠠᠭᠤ ᠨᠠᠰᠤ ᠪᠣᠯ ᠬᠥᠮᠥᠨᠦ ᠠᠮᠢᠳᠤᠷᠠᠯᠤᠨ ᠬᠠᠪᠤᠷ᠂ ᠬᠥᠮᠥᠨᠦ ᠠᠮᠢᠳᠤᠷᠠᠯᠤᠨ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠴᠠᠭ ᠦᠶᠡ ᠮᠥᠨ᠃ ᠴᠠᠭ ᠦᠶᠡᠶᠢᠨ ᠬᠦᠴᠦᠲᠦ ᠤᠷᠤᠰᠬᠠᠯ ᠳᠤᠮᠳᠠ᠂ ᠵᠠᠯᠠᠭᠤᠴᠤᠳ ᠬᠡᠷᠬᠢᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠬᠥᠰᠡᠷᠳᠡᠭᠦᠯᠬᠦ ᠦᠭᠡᠢ᠂ ᠵᠠᠯᠠᠭᠤ ᠨᠠᠰᠤᠨᠳᠠᠭᠠᠨ ᠬᠡᠷᠬᠢᠨ ᠭᠡᠷᠡᠯ ᠭᠢᠯᠪᠠᠭᠠᠰᠠᠴᠤᠷᠠᠭᠤᠯᠬᠤ ᠪᠤᠢ？
80 ᠭᠠᠷᠤᠢ ᠵᠢᠯᠦᠨ ᠡᠮᠦᠨᠡ᠂ ᠮᠠᠤ ᠽᠸ ᠳ᠋ᠦᠩ ᠨᠥᠬᠥᠷ᠄ 《ᠶᠠᠭᠤᠶᠢ ᠵᠢᠱ᠌ᠢᠶᠡᠴᠢ ᠵᠠᠯᠠᠭᠤᠴᠤᠳ ᠭᠡᠬᠦ ᠪᠤᠢ？ ᠶᠠᠷᠢᠶᠠᠨ ᠦᠭᠡᠢ ᠡᠭᠦᠷᠢᠳᠡ ᠲᠡᠮᠡᠴᠡᠬᠦ ᠡᠨᠡ ᠬᠦ᠌ ᠵᠤᠷᠪᠤᠰ ᠢ᠋ ᠪᠠᠷᠢᠮᠳᠠᠯᠠᠭᠰᠠᠨ ᠪᠠᠢᠬᠤ ᠬᠡᠷᠡᠭᠲᠡᠢ》 ᠭᠡᠪᠡ᠃
ᠰᠢᠨᠡ ᠴᠠᠭ ᠦᠶᠡᠳᠦ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ᠄《ᠪᠢᠳᠡᠨᠦ ᠠᠮᠢᠳᠤᠷᠠᠯᠤᠨ ᠨᠥᠬᠥᠴᠡᠯ ᠰᠠᠢᠵᠢᠷᠠᠭᠰᠠᠨ ᠪᠣᠯᠪᠠᠴᠤ ᠲᠡᠮᠡᠴᠡᠯᠦᠨ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠥᠴᠥᠬᠡᠨ ᠴᠦ᠍ ᠰᠤᠯᠠᠷᠠᠭᠤᠯᠵᠤ ᠪᠣᠯᠬᠤ ᠦᠭᠡᠢ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠠᠯᠠᠭᠤᠴᠤᠳᠤᠨ ᠡᠭᠦᠷᠢᠳᠡ ᠲᠡᠮᠡᠴᠡᠬᠦ ᠰᠠᠢᠨ ᠤᠯᠠᠮᠵᠢᠯᠠᠯᠢᠶᠠᠨ ᠥᠴᠥᠬᠡᠨ ᠴᠦ᠍ ᠲᠠᠶᠠᠭᠳᠠᠵᠤ ᠪᠣᠯᠬᠤ ᠦᠭᠡᠢ》 ᠭᠡᠵᠦ ᠤᠷᠢᠶᠠᠯᠠᠪᠠ᠃
ᠵᠠᠯᠠᠭᠤ ᠨᠠᠰᠤᠨᠳᠠᠭᠠᠨ ᠬᠡᠷᠬᠢᠨ ᠭᠡᠷᠡᠯ ᠭᠢᠯᠪᠠᠭᠠ ᠰᠠᠴᠤᠷᠠᠭᠤᠯᠬᠤ ᠪᠤᠢ？ 《ᠡᠩ ᠲᠡᠷᠢᠭᠦᠨᠳᠦ 〈ᠥᠪᠡᠷᠢᠶᠡᠨ ᠵᠣᠪᠠᠯᠠᠩ ᠡᠷᠢᠬᠦ〉 ᠬᠡᠷᠡᠭᠲᠡᠢ》᠃
ᠲᠤᠬᠠᠢᠶᠢᠨ ᠵᠢᠯᠳᠦ᠂ ᠯᠢᠶᠠᠩ ᠵᠢᠶᠠ ᠾᠧᠶᠢᠨ ᠨᠤᠲᠤᠭᠤᠨ ᠠᠬᠠ ᠳᠡᠭᠦᠦ ᠨᠠᠷᠦᠨ ᠨᠢᠳᠦᠨᠳᠦ ᠰᠢ ᠵᠢᠨ ᠫᠢᠩ ᠪᠣᠯ 《ᠬᠠᠯᠠ ᠵᠤᠪᠠᠯᠠᠩ ᠶᠡᠬᠡ ᠠᠮᠰᠠᠭᠰᠠᠨ》 ᠰᠠᠢᠨ ᠵᠠᠯᠠᠭᠤ ᠪᠣᠯᠣᠨᠠ᠃
ᠤᠷᠲᠤ ᠬᠤᠭᠤᠴᠠᠭᠠᠪᠠᠷ ᠰᠢᠨᠡ ᠰᠣᠷᠭᠣᠭ ᠢᠳᠡᠰᠢᠨ ᠨᠣᠭᠣᠭᠠ ᠣᠯᠵᠤ ᠢᠳᠡᠬᠦ ᠦᠭᠡᠢ᠂ ᠬᠣᠭᠣᠯᠠᠢ ᠠᠮᠠ ᠬᠠᠳᠠᠵᠤ ᠪᠠᠢᠬᠤ ᠳ᠋ᠦ᠂ ᠨᠤᠲᠤᠭᠤᠨ ᠬᠥᠮᠥᠰᠦᠨ ᠬᠦᠷᠭᠡᠭᠰᠡᠨ ᠳᠠᠷᠤᠰᠢᠯᠠᠭᠰᠠᠨ ᠨᠣᠭᠣᠭᠠ ᠪᠣᠯ ᠳᠠᠷᠤᠢ ᠬᠠᠮᠤᠭ ᠰᠠᠢᠨ ᠠᠮᠲᠠᠲᠤ ᠢᠳᠡᠭᠡᠨ ᠪᠣᠯᠣᠨᠠ； ᠲᠡᠰᠬᠢᠮᠡ ᠬᠦᠢᠲᠡᠨ ᠡᠳᠦᠷ ᠲᠣᠰᠬᠣᠨᠤ ᠠᠷᠠᠳᠢᠶᠠᠨ ᠳᠠᠭᠠᠭᠤᠯᠤᠨ ᠬᠤᠳᠳᠤᠭ ᠮᠠᠯᠲᠠᠵᠤ᠂ ᠬᠠᠮᠤᠭ ᠲᠡᠷᠢᠭᠦᠨᠳᠦ ᠬᠤᠳᠳᠤᠭᠲᠤ ᠣᠷᠣᠵᠤ᠂ ᠶᠠᠰᠤ ᠵᠢᠩᠭᠢᠨᠡᠮᠡ ᠬᠦᠢᠲᠡᠨ ᠰᠢᠪᠠᠷᠲᠤ ᠭᠢᠰᠬᠢᠵᠦ ᠠᠵᠢᠯ ᠬᠢᠨᠡ ᠁
ᠮᠥᠷᠥᠨ ᠳᠡᠭᠡᠷᠡᠬᠢ ᠠᠷᠠᠰᠤ ᠱᠠᠭᠠᠷᠠᠲᠠᠯᠠ ᠠᠵᠢᠯᠯᠠᠵᠤ᠂ ᠬᠦᠨᠳᠦ ᠡᠭᠦᠷᠭᠡᠶᠢ ᠡᠭᠦᠷᠭᠡᠯᠡᠨ᠂ 《ᠲᠠᠪᠤᠨ ᠪᠣᠭᠣᠮᠲᠠ》 ᠵᠢ ᠳᠠᠪᠠᠵᠤ᠂ ᠰᠥᠰᠥ ᠵᠣᠷᠢᠭ᠋ᠢᠶᠠᠨ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠤᠭᠠᠳ ᠰᠠᠶᠢ 《ᠠᠷᠠᠳ ᠲᠦᠮᠡᠨᠢ ᠵᠢᠩᠬᠢᠨᠢ ᠣᠢᠯᠠᠭᠠᠭᠰᠠᠨ》 ᠶᠤᠮ᠃
ᠵᠢᠨᠭᠬᠢᠨᠢ ᠠᠮᠵᠢᠯᠲᠠᠵᠢ ᠬᠦᠴᠢᠷ ᠪᠡᠷᠬᠡᠰᠢᠶᠡᠯᠢ ᠲᠤᠭᠤᠯᠵᠤ ᠣᠯᠳᠠᠭ᠂ ᠵᠠᠯᠠᠭᠤᠴᠤᠳ ᠳᠦᠭᠦᠮ ᠳᠦᠳᠡ ᠵᠠᠮᠢ ᠬᠦᠭᠡᠭᠡᠴᠡᠯᠳᠦᠵᠦ ᠪᠤᠯᠬᠤ ᠦᠭᠡᠢ᠃
ᠨᠡᠢᠭᠡᠮᠦᠨ ᠡᠳ᠋ ᠪᠣᠳᠠᠰ ᠡᠯᠪᠡᠭ ᠳᠡᠯᠪᠡᠭ ᠪᠠᠢᠳᠠᠭ ᠡᠴᠡ ᠤᠳᠤᠬᠢ ᠪᠠᠢᠳᠠᠯᠳᠠᠭᠠᠨ ᠰᠡᠳᠬᠢᠯ ᠬᠠᠨᠤᠵᠤ᠂ ᠴᠠᠭ ᠦᠶᠡᠶᠢᠨ ᠬᠤᠪᠢᠷᠠᠯᠲᠠ ᠳᠤᠮᠳᠠ ᠵᠣᠭᠰᠣᠨ ᠠᠵᠢᠭ᠍ᠯᠠᠵᠤᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠬᠤᠪᠢᠰᠤᠯᠲᠠᠶᠢᠨ ᠤᠷᠤᠰᠬᠠᠯ ᠳᠤᠮᠳᠠ ᠳᠠᠪᠠᠯᠭᠠᠨ ᠰᠥᠷᠴᠦ᠂ ᠬᠥᠭᠵᠢᠯᠲᠡᠶᠢᠨ ᠥᠨᠳᠥᠷᠯᠢᠭ ᠳᠡᠭᠡᠷᠡ ᠳᠠᠬᠢᠨᠲᠠ ᠨᠣᠶᠠᠨ ᠣᠷᠭᠢᠯᠳᠤ ᠠᠪᠠᠷᠢᠬᠤ ᠨᠢ 《ᠥᠪᠡᠰᠦᠪᠡᠨ ᠵᠣᠪᠠᠯᠠᠩ ᠡᠷᠢᠵᠦ》 ᠪᠠᠢᠭᠠ ᠶᠠᠪᠤᠳᠠᠯ ᠪᠤᠯᠬᠤ ᠨᠢ ᠳᠠᠮᠵᠢᠭ᠋ ᠦᠭᠡᠢ ᠶᠤᠮ᠃ ᠭᠡᠲᠡᠯᠡ᠂ 《ᠵᠥᠪᠬᠡᠨ ᠲᠠᠭᠠᠯᠠᠮᠵᠢᠲᠠᠢ ᠠᠮᠢᠳᠤᠷᠠᠬᠤᠶᠢ ᠪᠣᠳᠣᠵᠤ ᠪᠠᠢᠬᠤ ᠨᠢ ᠡᠭᠡᠯ ᠶᠡᠷᠦᠮᠳᠡᠭ ᠬᠥᠭᠡᠭᠡᠴᠡᠯᠳᠦᠯ ᠪᠣᠯᠣᠨᠠ᠃ ᠪᠢ 〈ᠵᠣᠪᠠᠯᠠᠩᠤᠨ ᠳᠠᠯᠠᠢ〉 ᠳ᠋ᠤ᠌ ᠣᠷᠣᠬᠤᠪᠠᠷ ᠪᠡᠯᠡᠳᠬᠡᠵᠦ ᠪᠠᠢᠨᠠ》᠃
2022 ᠣᠨᠤ 6 ᠰᠠᠷᠠᠳᠤ᠂ ᠰᠸᠴᠤᠸᠠᠨᠤ ᠢ ᠪᠢᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠴᠢᠦ ᠱᠢ ᠬᠤᠷᠠᠯᠤᠨ ᠲᠠᠩᠬᠢᠮᠳᠤ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳᠲᠠᠢ ᠳᠣᠲᠣᠨᠣ᠌ᠪᠠᠷ ᠶᠠᠷᠢᠯᠴᠠᠪᠠ᠃ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠤ ᠨᠢᠭᠡ ᠰᠤᠷᠤᠭ᠍ᠴᠢ ᠴᠡᠷᠢᠭᠲᠦ ᠣᠷᠣᠵᠤ ᠥᠩᠭᠡᠷᠡᠭᠰᠡᠨᠢ ᠰᠣᠨᠣᠰᠤᠭᠠᠳ ᠶᠡᠷᠦᠩᠬᠡᠢ ᠱᠦᠵᠢ ᠲᠤᠢᠯᠢᠶᠠᠷ ᠪᠠᠶᠠᠷᠯᠠᠵᠤ᠄ 《ᠡᠢᠮᠦ ᠥᠩᠭᠡᠷᠡᠯᠲᠡᠲᠠᠢ ᠪᠠᠢᠳᠠᠭ ᠨᠢ ᠮᠠᠰᠢ ᠰᠠᠢᠨ ᠤᠴᠢᠷ᠂ ᠪᠣᠯᠣᠳ ᠲᠡᠮᠦᠷᠢ ᠢᠩᠭᠢᠵᠦ ᠳᠠᠪᠲᠠᠨ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠶᠤᠮ》 ᠭᠡᠵᠦ ᠵᠤᠷᠢᠭᠵᠢᠭᠤᠯᠪᠠ᠃
ᠡᠨᠡ ᠰᠤᠷᠤᠭ᠍ᠴᠢᠵᠢᠨ ᠨᠡᠷᠡ ᠯᠢᠦ ᠵᠢᠶᠠᠩ ᠭᠡᠳᠡᠭ᠃ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠬᠤᠭᠤᠴᠠᠭᠠᠨᠳᠠᠭᠠᠨ᠂ ᠲᠡᠷᠡ ᠴᠡᠷᠢᠭᠦᠨ ᠬᠤᠸᠠᠷᠠᠨᠳᠤ ᠣᠷᠣᠵᠤ᠂ ᠵᠡᠪᠰᠡᠭᠲᠦ ᠴᠠᠭᠳᠠᠭᠠᠶᠢᠨ ᠰᠢᠨᠵᠢᠶᠠᠩᠤᠨ ᠶᠡᠷᠦᠩᠬᠡᠢ ᠠᠩᠭᠢᠶᠢᠨ ᠪᠠᠶᠠᠨᠭᠣᠣᠯᠤᠨ ᠰᠠᠯᠪᠤᠷᠢ ᠠᠩᠭᠢᠶᠢᠨ ᠪᠥᠸᠧ ᠬ᠍ᠤ ᠳᠤᠮᠳᠠ ᠠᠩᠭᠢᠳᠤ 2 ᠵᠢᠯᠦᠨ ᠴᠡᠷᠢᠭᠤᠨ ᠠᠮᠢᠳᠤᠷᠠᠯᠢ ᠥᠩᠭᠡᠷᠡᠭᠦᠯᠵᠡᠢ᠃
ᠰᠢᠨᠵᠢᠶᠠᠩᠳᠤ ᠰᠠᠶᠢ ᠬᠦᠷᠬᠦ ᠣᠶ᠋ᠢᠶᠠᠳᠤ᠂ ᠨᠡᠯᠦᠭᠡᠷ ᠶᠡᠬᠡ ᠭᠣᠪᠢᠶᠢ ᠬᠠᠷᠠᠭᠠᠳ᠂ ᠯᠢᠦ ᠵᠢᠶᠠᠩ ᠲᠣᠯᠣᠭᠠᠢ ᠳᠦᠭᠦᠷᠡᠩ 《ᠪᠢ ᠶᠠᠭᠠᠬᠢᠭᠠᠳ ᠡᠨᠳᠡ ᠢᠷᠡᠭᠰᠡᠨ ᠪᠣᠶ》 ᠭᠡᠳᠡᠭ ᠪᠣᠳᠣᠯ ᠲᠥᠷᠥᠭᠳᠡᠪᠡ᠃ ᠭᠡᠲᠡᠯᠡ᠂ ᠬᠥᠮᠥᠨᠦ ᠠᠮᠢᠳᠤᠷᠠᠯ ᠵᠦᠭᠡᠷ ᠢᠳᠡᠬᠦ ᠵᠣᠪᠠᠯᠠᠩ ᠭᠡᠵᠦ ᠪᠠᠢᠳᠠᠭ ᠦᠭᠡᠢ᠃
ᠯᠢᠦ ᠵᠢᠶᠠᠩ ᠲᠡᠭᠦᠰᠬᠦ ᠤᠯᠠᠷᠢᠯᠤᠨ ᠡᠯᠡ ᠰᠢᠯᠭᠠᠯᠲᠠᠳᠤ ᠴᠣᠯᠭᠣᠷᠠᠨ ᠭᠠᠷᠴᠤ᠂ ᠮᠠᠰᠢ ᠣᠯᠠᠨ ᠠᠵᠢᠯᠲᠠᠨ ᠡᠯᠰᠡᠬᠦ ᠨᠢᠭᠡᠴᠢ ᠲᠡᠭᠦᠨᠦ ᠴᠡᠷᠢᠭᠲᠦ ᠣᠷᠣᠭᠰᠠᠨ ᠥᠩᠭᠡᠷᠡᠯᠲᠡᠶᠢ ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠡᠢ᠃
ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ᠂ 《ᠵᠠᠯᠠᠭᠤ ᠨᠠᠰᠤᠨᠳᠠᠭᠠᠨ ᠬᠠᠯᠠ ᠠᠮᠰᠠᠬᠤᠶᠢ ᠰᠣᠩᠭᠣᠪᠠᠯ ᠯᠠᠪ ᠣᠯᠣᠯᠲᠠᠲᠠᠢ ᠪᠣᠯᠣᠨᠠ》 ᠭᠡᠵᠦ ᠬᠡᠯᠡᠪᠡ᠃ 《 ᠬᠦᠴᠢᠷ》ᠢ᠋ ᠠᠮᠰᠠᠪᠠᠯ ᠴᠠᠭ ᠮᠥᠴᠡ ᠠᠶᠠᠨᠳᠠᠭᠠᠨ ᠠᠮᠵᠢᠯᠲᠠ ᠣᠯᠣᠯᠲᠠᠶᠢ ᠱᠠᠩᠨᠠᠨᠠ᠃ ᠡᠢ᠍ᠢᠨ ᠬᠦ᠌ 《ᠬᠦᠴᠢᠷ ᠵᠣᠪᠠᠯᠠᠩ ᠪᠠ ᠪᠠᠶᠠᠷ ᠪᠠᠶᠠᠰᠤᠯᠬᠤᠤᠰᠯᠠᠭᠰᠠᠨ ᠵᠠᠯᠠᠭᠤ ᠨᠠᠰᠤ》 ᠨᠢ ᠵᠠᠯᠠᠭᠤ ᠨᠠᠰᠤᠨᠤ ᠪᠠᠢᠪᠠᠰᠤ ᠵᠣᠬᠢᠬᠤ ᠦᠨᠦᠷ ᠠᠮᠲᠠ ᠪᠣᠯᠤᠭᠰᠠᠨ ᠪᠠᠢᠨᠠ᠃
ᠵᠠᠯᠠᠭᠤ ᠨᠠᠰᠤᠨᠳᠠᠭᠠᠨ ᠬᠡᠷᠬᠢᠨ ᠭᠡᠷᠡᠯ ᠭᠢᠯᠪᠠᠭᠠ ᠰᠠᠴᠤᠷᠠᠭᠤᠯᠬᠤ ᠪᠤᠢ？ 《〈ᠶᠠᠭᠠᠷᠠᠬᠤ〉 ᠵᠢ ᠴᠡᠭᠡᠷᠯᠡᠨᠡ᠂ ᠠᠮᠵᠢᠯᠲᠠ ᠤᠯᠬᠤᠵᠢ ᠶᠠᠭᠠᠷᠠᠵᠤ ᠪᠤᠯᠬᠤ ᠦᠭᠡᠢ》᠃
《ᠡᠨᠡ ᠨᠢ ᠶᠠᠭ ᠨᠢᠭᠡᠨ ᠠᠪᠤᠷᠭᠤ ᠬᠦᠴᠦᠲᠡᠨ᠂ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭᠠᠨᠤ ᠬᠦᠨᠳᠦ ᠡᠷᠭᠦᠯᠲᠡᠶᠢᠨ ᠮᠠᠩᠯᠠᠢᠲᠠᠢ ᠠᠳᠠᠯᠢ᠂ ᠲᠡᠷᠡ ᠵᠠᠭᠤᠨ ᠺᠢᠯᠣᠭ᠌ᠷᠠᠮ᠂ ᠬᠣᠶᠠᠷ ᠵᠠᠭᠤᠨ ᠺᠢᠯᠣᠭ᠌ᠷᠠᠮ ᠡᠷᠭᠦᠵᠦ ᠴᠢᠳᠠᠨᠠ᠂ ᠭᠡᠪᠡᠴᠦ ᠠᠷᠪᠠᠨ ᠺᠢᠯᠣᠭ᠌ᠷᠠᠮ᠂ ᠬᠣᠷᠢᠨ ᠺᠢᠯᠣᠭ᠌ᠷᠠᠮ ᠡᠷᠭᠦᠬᠦᠡᠴᠡ ᠡᠬᠢᠯᠡᠭᠰᠡᠨ ᠶᠤᠮ》᠃ 2010 ᠣᠨᠤ 1 ᠰᠠᠷᠠᠳᠤ᠂ ᠬᠤᠸᠠ ᠵᠦᠩ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠨᠢᠭᠡ ᠤᠳᠠᠭᠠᠶᠢᠨ ᠭᠣᠣᠯ ᠰᠡᠳᠦᠪᠲᠦ ᠨᠠᠮᠤᠨ ᠡᠳᠦᠷᠦᠨ ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠬᠤᠳᠠᠭᠠᠨ᠂ ᠰᠢ ᠵᠢᠨ ᠫᠢᠩ ᠨᠥᠬᠥᠷ ᠰᠤᠷᠤᠭ᠍ᠴᠢᠳᠲᠤ ᠪᠠᠭᠠ ᠶᠠᠪᠤᠳᠠᠯᠡᠴᠡ ᠡᠬᠢᠯᠡᠨ ᠬᠢᠵᠦ᠂ 《ᠬᠡᠲᠦᠷᠬᠡᠢ ᠳᠡᠭᠡᠭᠦᠷ ᠰᠠᠨᠠᠭᠠᠷᠬᠠᠵᠤ ᠪᠣᠯᠬᠤ ᠦᠭᠡᠢ》 ᠭᠡᠵᠦ ᠰᠠᠨᠠᠭᠤᠯᠵᠠᠢ᠃
ᠵᠠᠮ ᠬᠡᠳᠦᠢ ᠬᠤᠯᠠ ᠪᠣᠯᠪᠠᠴᠤ᠂ ᠶᠠᠪᠤᠪᠠᠰᠤ ᠬᠦᠷᠤᠮᠤᠢ； ᠶᠠᠪᠤᠳᠠᠯ ᠬᠡᠳᠦᠢ ᠪᠡᠷᠭᠡ ᠪᠣᠯᠪᠠᠴᠤ᠂ ᠬᠢᠪᠡᠰᠦ ᠪᠦᠲᠦᠮᠤᠢ᠃ ᠦᠰᠦᠨ ᠪᠣᠢᠵᠢᠬᠤ ᠵᠠᠮ ᠳᠡᠭᠡᠷᠡ᠂ ᠤᠷᠤᠭᠰᠢᠯᠠᠬᠤ ᠠᠯᠬᠤᠮ ᠪᠣᠯᠭᠠᠨ ᠪᠦᠷ ᠮᠠᠭᠲᠠᠭᠤᠰᠢᠲᠠᠢ； ᠴᠠᠭ ᠦᠶᠡᠶᠢᠨ ᠤᠷᠲᠤ ᠮᠦᠷᠡᠨᠳᠤ᠂ ᠪᠠᠭᠴᠠ ᠭᠡᠷᠡᠯ ᠪᠦᠷᠢ ᠦᠨᠭᠭᠡ ᠲᠤᠳᠤᠷᠠᠨ ᠭᠢᠯᠠᠯᠵᠠᠨᠠ᠃
ᠡᠯᠡ ᠠᠵᠢᠯ ᠲᠦᠷᠦᠯᠢ ᠠᠵᠢᠬᠤᠶᠠ᠂ ᠬᠡᠴᠢᠨᠡᠨ ᠤᠯᠠᠨ ᠦᠭᠡ ᠳᠠᠭᠤᠨ ᠦᠭᠡᠢ ᠠᠵᠢᠯᠤᠨ ᠪᠠᠢᠷᠢᠳᠤ ᠵᠠᠯᠠᠭᠤᠴᠤᠳᠤᠨ ᠬᠦᠴᠦ ᠬᠥᠯᠥᠰᠦᠦᠯᠡᠳᠡᠵᠦ᠂ ᠬᠡᠴᠢᠨᠡᠨ ᠤᠯᠠᠨ ᠰᠦᠷ ᠳᠠᠯᠠᠢᠴᠠᠲᠠᠢ ᠠᠵᠢᠯ ᠦᠢᠯᠡᠰᠲᠦ ᠵᠠᠯᠠᠭᠤᠴᠤᠳᠤᠨ ᠨᠠᠨᠳᠢᠨ ᠵᠤᠷᠢᠭᠤᠯᠤᠯ ᠰᠢᠩᠭᠡᠵᠦ ᠪᠠᠢᠳᠠᠭ ᠠᠵᠢ᠃
2023 ᠣᠨᠤ 7 ᠰᠠᠷᠠᠳᠤ᠂ ᠵᠢᠶᠠᠩᠰᠤᠶᠢᠨ ᠨᠠᠨᠵᠢᠩᠳᠤ ᠰᠢᠨᠵᠢᠯᠡᠨ ᠪᠠᠢᠴᠠᠭᠠᠬᠤᠳᠠᠭᠠᠨ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠡᠨᠧᠷᠭᠢᠶᠢᠨ ᠢᠨᠲ᠋ᠸᠷ ᠰᠦᠯᠵᠢᠶᠡᠨᠦ ᠬᠦᠷᠢᠶᠡᠨᠦ ᠳᠡᠭᠡᠳᠦ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠠᠵᠤ ᠠᠬᠤᠢᠯᠠᠯ ᠨᠠᠨ ᠷᠦᠢ ᠪᠦᠯᠦᠭᠯᠡᠯᠳᠦ ᠬᠦᠷᠴᠦ᠂ ᠵᠠᠯᠠᠭᠤ ᠰᠤᠳᠤᠯᠤᠨ ᠨᠡᠭᠡᠭᠡᠬᠦ ᠠᠵᠢᠯᠲᠠᠳᠲᠠᠢ ᠳᠣᠲᠣᠨᠣ᠌ᠪᠠᠷ ᠶᠠᠷᠢᠯᠴᠠᠪᠠ᠃
ᠠᠵᠤ ᠠᠬᠤᠢᠯᠠᠯᠤᠨ ᠣᠶᠤᠨᠴᠢ ᠦᠢᠯᠡᠳᠬᠦ ᠦᠢᠯᠡᠳᠪᠦᠷᠢᠵᠢᠨ ᠲᠣᠭᠣᠷᠢᠭ᠋ᠲᠤ᠂ ᠤᠯᠠᠨᠢᠶᠠᠷᠢᠶᠠᠨ ᠬᠦᠷᠢᠶᠡᠯᠡᠨ ᠢᠷᠡᠵᠦ᠂ ᠶᠡᠷᠦᠩᠬᠡᠢ ᠱᠦᠵᠢᠲᠠᠢ ᠮᠡᠨᠳᠦᠴᠢᠯᠡᠬᠦᠳᠦ ᠵᠠᠯᠠᠭᠤ ᠨᠠᠰᠤᠨᠤ ᠠᠭᠤᠷ ᠠᠮᠢᠰᠬᠤᠯ ᠪᠢᠯᠬᠠᠨᠠ᠃
ᠣᠯᠠᠨᠤ ᠴᠣᠭ ᠵᠣᠷᠢᠭ᠋ ᠪᠠᠳᠠᠷᠠᠩᠭᠤᠢ᠂ ᠢᠲᠡᠭᠡᠯ ᠵᠣᠷᠢᠭ᠋ ᠲᠡᠭᠦᠯᠳᠡᠷ ᠪᠠᠢᠬᠤᠶᠢ ᠬᠠᠷᠠᠭᠠᠳ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ᠄
《ᠪᠢᠳᠡ ᠶᠡᠬᠡ ᠴᠢᠳᠠᠪᠤᠷᠢᠲᠠᠨ ᠣᠷᠣᠢ ᠠᠮᠵᠢᠯᠲᠠ ᠤᠯᠳᠠᠭ ᠭᠡᠵᠦ ᠬᠡᠯᠡᠳᠡᠭ᠂ ᠶᠡᠬᠡ ᠴᠢᠳᠠᠪᠤᠷᠢᠲᠠᠨ ᠭᠡᠭᠴᠢ ᠶᠠᠭᠤ ᠪᠤᠢ？ ᠲᠡᠳᠡᠭᠡᠷ ᠬᠠᠮᠤᠭᠤᠨ ᠰᠠᠢᠨ ᠵᠦᠢᠯ᠂ ᠬᠠᠮᠤᠭᠤᠨ ᠤᠬᠢ ᠰᠢᠯᠢᠳᠡᠭ ᠵᠦᠢᠯᠢ ᠪᠣᠯ ᠴᠥᠮ ᠨᠢᠭᠡ ᠯᠡ ᠳᠣᠣᠷᠠ ᠪᠦᠲᠦᠭᠡᠵᠦ ᠴᠢᠳᠠᠬᠤ ᠪᠢᠰᠢ᠂ ᠴᠥᠮ ᠮᠠᠰᠢ ᠶᠡᠬᠡ ᠬᠦᠴᠦ ᠣᠷᠣᠭᠤᠯᠬᠤ ᠬᠡᠷᠡᠭᠲᠡᠢ᠂ ᠴᠢᠨᠠᠭᠰᠢᠯᠠᠪᠠᠯ ᠨᠢᠭᠡ ᠨᠠᠰᠤᠨᠤ ᠤᠶᠤᠨ ᠴᠢᠳᠠᠯᠢᠶᠠᠨ ᠴᠤ᠌ ᠵᠠᠷᠤᠴᠠᠭᠤᠯᠳᠠᠭ᠃ ᠤᠯᠠᠨᠢᠶᠠᠷᠢᠶᠠᠨ ᠠᠯᠤᠰ ᠬᠡᠳᠤᠶᠢᠨ ᠵᠣᠷᠢᠯᠲᠠᠲᠠᠢ᠂ ᠯᠠᠪᠳᠠᠭᠤᠨ ᠪᠠᠲᠤᠲᠠᠢᠪᠠᠷ᠂ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠤᠷᠤᠭᠰᠢᠯᠠᠵᠤ᠂ ᠠᠷᠪᠠᠨ ᠵᠢᠯᠳᠤ ᠨᠢᠭᠡ ᠰᠡᠯᠡᠮᠡ ᠪᠢᠯᠡᠭᠦᠳᠡᠬᠦ ᠵᠣᠷᠢᠭ᠋ᠢᠶᠠᠷ᠂ 〈ᠨᠢᠭᠡ ᠨᠠᠰᠤᠪᠠᠷᠢᠶᠠᠨ ᠨᠢᠭᠡ ᠶᠠᠪᠤᠳᠠᠯᠢ ᠪᠦᠲᠦᠭᠡᠬᠦ〉 ᠪᠠᠷᠢᠮᠲᠠᠯᠠᠯᠢᠶᠠᠷ ᠦᠨᠡ ᠦᠷᠳᠡᠭᠲᠠᠢ ᠬᠥᠮᠥᠨᠦ ᠠᠮᠢᠳᠤᠷᠠᠯᠢ ᠴᠣᠭᠴᠠᠯᠠᠬᠤᠶᠢ ᠬᠦᠰᠡᠵᠦ ᠪᠠᠢᠨᠠ》 ᠭᠡᠵᠦ ᠬᠦᠰᠡᠯ ᠨᠠᠢᠳᠠᠯᠭᠠ ᠲᠠᠯᠪᠢᠨ ᠭᠡᠯᠡᠪᠡ᠃
ᠵᠠᠯᠠᠭᠤ ᠨᠠᠰᠤᠨᠳᠠᠭᠠᠨ ᠬᠡᠷᠬᠢᠨ ᠭᠡᠷᠡᠯ ᠭᠢᠯᠪᠠᠭᠠ ᠰᠠᠴᠤᠷᠠᠭᠤᠯᠬᠤ ᠪᠤᠢ？ 《ᠵᠣᠷᠢᠭ᠍ᠲᠠᠢᠪᠠᠷ ᠬᠣᠰᠢᠭᠤᠴᠢ ᠪᠣᠯᠬᠤ ᠬᠡᠷᠡᠭᠲᠡᠢ》᠃
ᠵᠠᠯᠠᠭᠤᠴᠤᠳᠲᠤ ᠬᠠᠮᠤᠭᠡᠴᠡ ᠢᠯᠡᠭᠦᠦ ᠭᠠᠪᠰᠢᠭᠠᠢᠯᠠᠬᠤ ᠵᠣᠷᠢᠭ᠋ᠲᠠᠢ ᠶᠤᠮ᠃
ᠯᠢᠶᠠᠩ ᠵᠢᠶᠠ ᠾᠧᠳᠦ ᠲᠡᠮᠦᠷᠤᠨ ᠦᠢᠯᠡᠰᠦᠨ ᠬᠣᠷᠰᠢᠶᠠ᠂ ᠣᠶᠣᠳᠠᠯᠤᠨ ᠬᠣᠷᠰᠢᠶᠠ᠂ ᠣᠷᠣᠯᠠᠨ ᠪᠣᠷᠣᠯᠠᠭᠤᠯᠬᠤ ᠳᠡᠯᠭᠡᠭᠦᠷ ᠡᠷᠬᠢᠯᠡᠵᠦ᠂ ᠬᠥᠳᠡᠯᠮᠦᠷᠢ ᠬᠦᠴᠦᠨᠢ ᠴᠢᠯᠦᠭᠡᠯᠡᠵᠦ᠂ ᠲᠣᠰᠬᠣᠨᠤ ᠠᠷᠠᠳᠲᠤ ᠳᠥᠭᠥᠮ ᠦᠵᠡᠭᠦᠯᠪᠡ； ᠵᠧᠩᠳ᠋ᠢᠩᠳᠦ 《ᠬᠠᠭᠠᠰ ᠬᠣᠲᠠ ᠳᠡᠭᠦᠷᠭᠡᠶᠢᠨ ᠬᠡᠯᠪᠡᠷᠢ》 ᠵᠢᠨ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠶᠢᠨ ᠵᠠᠮᠢ ᠪᠦᠲᠦᠭᠡᠯᠴᠢᠪᠡᠷ ᠳᠤᠷᠠᠳᠤᠨ ᠭᠠᠷᠭᠠᠪᠠ； ᠰᠢᠶᠠᠮᠧᠨᠳᠤ ᠮᠠᠨᠤ ᠤᠯᠤᠰᠤᠨ ᠣᠷᠣᠨ ᠨᠤᠲᠤᠭᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠬᠠᠮᠤᠭ ᠡᠷᠲᠡᠨᠦ ᠨᠢᠭᠡ ᠬᠤᠪᠢ 15 ᠵᠢᠯ ᠠᠯᠤᠰᠯᠠᠭᠰᠠᠨ ᠠᠵᠤ ᠠᠬᠤᠢ ᠨᠡᠢᠭᠡᠮᠦᠨ ᠬᠥᠭᠵᠢᠯᠲᠡᠶᠢᠨ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶᠢᠨ ᠲᠥᠯᠦᠪᠵᠢᠭᠦᠯᠭᠡᠶᠢ ᠤᠳᠤᠷᠢᠳᠤᠨ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠪᠠ ᠁ ᠵᠠᠯᠠᠭᠤ ᠨᠠᠰᠤᠨᠤ ᠰᠢ ᠵᠢᠨ ᠫᠢᠩᠦᠨ ᠰᠢᠨᠡᠶᠢ ᠡᠭᠦᠳᠬᠦ ᠤᠬᠠᠮᠰᠠᠷ᠂ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶᠢᠨ ᠰᠡᠳᠬᠢᠬᠦᠢ ᠨᠢ ᠵᠠᠯᠠᠭᠤ ᠬᠦᠰᠡᠯ ᠵᠡᠭᠦᠳᠦᠪᠡᠨ ᠬᠥᠭᠡᠭᠡᠴᠡᠯᠳᠦᠭᠴᠢᠳᠦ ᠵᠢᠱ᠌ᠢᠶᠡ ᠦᠵᠡᠭᠦᠯᠪᠡ᠄ 《ᠵᠠᠯᠠᠭᠤᠴᠤᠳ ᠪᠣᠯ ᠨᠡᠢᠭᠡᠮ ᠳᠡᠭᠡᠷᠡᠬᠢ ᠬᠠᠮᠤᠭᠤᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠲᠠᠢ᠂ ᠬᠠᠮᠤᠭᠤᠨ ᠪᠦᠲᠦᠭᠡᠯᠴᠢ ᠴᠢᠨᠠᠷᠲᠠᠢ ᠬᠦᠮᠦᠰ ᠮᠥᠨ᠂ ᠰᠢᠨᠡᠶᠢ ᠡᠭᠦᠳᠴᠦ ᠡᠭᠦᠳᠦᠨ ᠪᠦᠲᠦᠭᠡᠬᠦ ᠡᠮᠦᠨᠡ ᠡᠩᠨᠡᠭᠡᠨᠳᠦ ᠶᠠᠪᠤᠬᠤ ᠶᠣᠰᠣᠲᠠᠢ》᠃
2025 ᠣᠨᠤ ᠡᠬᠢᠨᠦ ᠵᠢᠯᠳᠦ᠂ ᠵᠡᠭᠦᠨ ᠬᠣᠢᠲᠤᠶᠢᠨ ᠶᠠᠩᠭᠠᠷ ᠪᠥᠵᠢᠭ ᠦᠰᠦᠷᠳᠡᠭ ᠨᠢᠭᠡ ᠪᠦᠯᠦᠭ ᠬᠥᠮᠥᠨ ᠳᠦᠷᠰᠦᠲᠦ ᠮᠠᠰᠢᠨ ᠬᠥᠮᠥᠨ ᠨᠡᠷᠡ ᠭᠠᠷᠤᠭᠰᠠᠨ ᠪᠥᠭᠡᠳ ᠬᠠᠩᠵᠧᠦᠶᠢᠨ ᠢᠦᠢ ᠱᠣ᠌ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠡᠭᠦᠳᠦᠭᠴᠢ ᠸᠠᠩ ᠰᠢᠩ ᠰᠢᠩ ᠴᠤ᠌ ᠨᠡᠷᠡ ᠠᠯᠳᠠᠷᠰᠢᠵᠠᠢ᠃
2 ᠰᠠᠷᠠᠶᠢᠨ 17ᠤ᠋ ᠡᠳᠦᠷ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠠᠷᠠᠳᠤᠨ ᠡᠵᠡᠩᠨᠡᠯᠲᠡᠶᠢᠨ ᠠᠵᠤ ᠠᠬᠤᠢᠯᠠᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯᠳᠤ ᠣᠷᠣᠯᠴᠠᠵᠤ᠂ 《ᠶᠡᠷᠡᠭᠡᠳ ᠣᠨᠡᠴᠡ ᠰᠡᠭᠦᠯᠡᠷ ᠲᠦᠷᠦᠭᠰᠡᠳ》ᠪᠤᠯᠬᠤ ᠸᠠᠩ ᠰᠢᠩ ᠰᠢᠩ ᠪᠣᠯ ᠶᠠᠷᠢᠶᠠ ᠲᠠᠯᠪᠢᠬᠤ ᠲᠥᠯᠥᠭᠡᠯᠡᠭᠴᠢᠶᠢᠨ ᠨᠢᠭᠡ ᠪᠣᠯᠣᠨᠠ᠃ ᠲᠡᠷᠡ ᠶᠠᠷᠢᠶᠠᠨᠳᠠᠭᠠᠨ᠄ 《ᠮᠠᠨᠤ ᠠᠵᠤ ᠠᠬᠤᠢᠯᠠᠯ ᠪᠣᠯᠣᠨ ᠪᠢᠳᠡ ᠥᠪᠡᠷᠢᠶᠡᠨ ᠴᠥᠮ ᠳᠤᠮᠳᠠᠳᠤ ᠤᠯᠤᠰᠲᠤ ᠲᠦᠷᠦᠵᠦ ᠥᠰᠦᠭᠰᠡᠨ ᠶᠤᠮ》 ᠭᠡᠵᠦ ᠳᠤᠭᠳᠤᠯᠤᠨ ᠬᠡᠯᠡᠪᠡ ᠃
ᠶᠠᠷᠢᠯᠴᠠᠬᠤ ᠬᠤᠷᠠᠯ ᠲᠡᠭᠦᠰᠬᠦ ᠦᠶᠡᠳᠦ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠠᠷᠠᠳᠤᠨ ᠡᠵᠡᠩᠨᠡᠯᠲᠡᠶᠢᠨ ᠠᠵᠤ ᠠᠬᠤᠢᠯᠠᠯᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨᠤ ᠲᠥᠯᠥᠭᠡᠯᠡᠭᠴᠢᠳᠦᠨ ᠳᠤᠮᠳᠠ ᠬᠦᠷᠴᠦ᠂ ᠤᠯᠠᠨᠲᠠᠢ ᠨᠢᠭᠡᠳ ᠨᠢᠭᠡᠪᠡᠷ ᠭᠠᠷ ᠠᠳᠬᠤᠪᠠ᠃ ᠸᠠᠩ ᠰᠢᠩ ᠰᠢᠩ ᠲᠠᠢ ᠠᠭᠤᠯᠵᠠᠭᠠᠳ᠂ ᠶᠡᠷᠦᠩᠬᠡᠢ ᠱᠦᠵᠢ ᠢᠨᠢᠶᠡᠮᠰᠦᠭᠯᠡᠨ᠄ 《ᠴᠢ ᠪᠣᠯ ᠬᠠᠮᠤᠭᠤᠨ ᠵᠠᠯᠠᠭᠤ ᠨᠢ ᠶᠤᠮ᠃ ᠤᠯᠤᠰ ᠣᠷᠣᠨᠤ ᠰᠢᠨᠡ ᠡᠭᠦᠳᠦᠯᠲᠡ ᠨᠢ ᠵᠠᠯᠠᠭᠤ ᠨᠢᠭᠡ ᠦᠶᠡᠶᠢᠨ ᠬᠢᠨᠦ ᠬᠦᠴᠦᠨ ᠴᠢᠳᠠᠯᠢᠶᠠᠨ ᠡᠷᠭᠦᠬᠦᠶᠢ ᠱᠠᠭᠠᠷᠳᠠᠨᠠ ᠰᠢᠤ》 ᠭᠡᠵᠦ ᠬᠡᠯᠡᠪᠡ᠃
ᠣᠳᠣᠬᠠᠨᠳᠤ᠂ ᠪᠦᠬᠦ ᠪᠥᠮᠪᠥᠷᠴᠡᠭᠦᠨ ᠰᠢᠨᠡ ᠨᠢᠭᠡ ᠡᠭᠡᠯᠵᠢᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭ᠌ᠨᠢᠢᠠ᠋ ᠮᠡᠷᠭᠡᠵᠢᠯᠦᠨ ᠬᠤᠪᠢᠰᠬᠠᠯ ᠪᠣᠯᠣᠨ ᠠᠵᠤ ᠦᠢᠯᠡᠰᠦᠨ ᠬᠤᠪᠢᠰᠤᠯᠲᠠ ᠥᠷᠨᠢᠨ ᠬᠥᠭᠵᠢᠵᠦ ᠪᠠᠢᠨᠠ᠂ ᠴᠠᠭ ᠦᠶᠡ ᠨᠢ ᠰᠢᠪᠲᠤᠯᠤᠯᠲᠠ ᠬᠢᠵᠦ ᠰᠢᠨᠡᠶᠢ ᠡᠭᠦᠳᠬᠦᠳᠦ ᠨᠡᠩ ᠥᠨᠳᠥᠷ ᠱᠠᠭᠠᠷᠳᠠᠯᠭᠠ ᠳᠤᠷᠠᠳᠴᠤ᠂ ᠰᠢᠨᠡ ᠴᠠᠭ ᠦᠶᠡᠶᠢᠨ ᠵᠠᠯᠠᠭᠤᠴᠤᠳ ᠵᠣᠷᠢᠭ᠍ᠲᠠᠢᠪᠠᠷ ᠪᠤᠰᠤᠳᠡᠴᠡ ᠲᠦᠷᠦᠭᠦᠯᠡᠬᠦ ᠣᠮᠣᠭ ᠵᠣᠷᠢᠭ᠋᠂ ᠨᠢᠯᠬᠠ ᠲᠤᠭᠤᠯ ᠪᠠᠷᠰᠡᠴᠡ ᠠᠶᠤᠬᠤ ᠦᠭᠡᠢ ᠡᠷᠴᠢ ᠵᠣᠷᠢᠭ᠋ᠢᠶᠠᠨ ᠪᠠᠲᠤᠯᠠᠵᠤ᠂ ᠰᠢᠨᠡᠶᠢ ᠡᠭᠦᠳᠴᠦ ᠡᠭᠦᠳᠦᠨ ᠪᠦᠲᠦᠭᠡᠬᠦᠶᠢ ᠵᠠᠯᠠᠭᠤ ᠨᠠᠰᠤᠨᠤ ᠠᠯᠤᠰᠤᠨ ᠠᠶᠠᠯᠠᠯᠤᠨ ᠬᠥᠳᠡᠯᠭᠡᠬᠦ ᠬᠦᠴᠦᠨ᠂ ᠵᠠᠯᠠᠭᠤ ᠨᠠᠰᠤᠨᠤ ᠡᠷᠡᠯᠬᠡᠭᠯᠡᠨ ᠲᠡᠮᠡᠴᠡᠬᠦ ᠡᠨᠧᠷᠭᠢ ᠪᠣᠯᠭᠠᠬᠤᠶᠢ ᠨᠡᠩ ᠱᠠᠭᠠᠷᠳᠠᠵᠤ ᠪᠠᠢᠨᠠ᠃
ᠳᠡᠭᠡᠷᠡ ᠵᠠᠭᠤᠨᠤ ᠨᠠᠶᠠᠭᠠᠳ ᠣᠨᠳᠤ᠂ 《ᠭᠤᠴᠢᠨ ᠨᠠᠰᠤ》 ᠭᠡᠬᠦ ᠮᠡᠳᠡᠭᠡᠯᠡᠯᠦᠨ ᠤᠷᠠᠨ ᠵᠣᠬᠢᠶᠠᠯᠳᠤ ᠵᠠᠯᠠᠭᠤ ᠨᠠᠰᠤᠨᠤ ᠰᠢ ᠵᠢᠨ ᠫᠢᠩ ᠪᠧᠢ ᠳ᠋ᠠᠢ ᠾᠧ ᠭᠣᠣᠯᠤᠨ ᠬᠥᠪᠡᠭᠡᠨᠳᠦ ᠠᠩᠬᠠ ᠤᠳᠠᠭᠠ ᠳᠠᠯᠠᠢ ᠳᠡᠭᠡᠷᠡ ᠳᠠᠪᠠᠯᠭᠠᠨ ᠥᠭᠰᠥᠭᠰᠡᠨ ᠦᠯᠢᠭᠡᠷᠢ ᠪᠢᠴᠢᠪᠡ —
《ᠲᠡᠷᠡ ᠬᠡᠳᠦᠢᠪᠡᠷ ᠥᠴᠥᠬᠡᠨ ᠴᠦ᠍ ᠲᠤᠷᠰᠢᠯᠭᠠ ᠦᠭᠡᠢ ᠪᠣᠯᠪᠠᠴᠤ᠂ ᠨᠢᠭᠡ ᠵᠦᠢᠯᠦᠨ ᠰᠠᠯᠬᠢ ᠳᠠᠪᠠᠯᠭᠠᠨᠤ ᠳᠤᠮᠳᠠ ᠲᠡᠮᠡᠴᠡᠬᠦ ᠴᠢᠩᠭᠠ ᠬᠦᠰᠡᠯ ᠨᠢ ᠲᠡᠭᠦᠨᠢ ᠪᠣᠰᠴᠤ ᠵᠣᠭᠰᠣᠨ᠂ ᠬᠠᠯᠭᠢᠯᠠᠨ ᠳᠠᠪᠠᠯᠭᠠᠯᠠᠬᠤ ᠳᠠᠯᠠᠢᠶᠢᠨ ᠳᠠᠪᠠᠯᠭᠠᠨ ᠵᠦᠭ ᠤᠷᠤᠭᠰᠢᠯᠠᠭᠤᠯᠵᠠᠢ》᠃
ᠭᠠᠪᠰᠢᠭᠠᠢᠯᠠᠭ᠍ᠴᠢ ᠳᠠᠪᠠᠯᠭᠠᠨᠤ ᠡᠮᠦᠨᠡ ᠵᠣᠭᠰᠣᠵᠤ᠂ ᠲᠡᠮᠡᠴᠡᠭᠴᠢ ᠡᠭᠦᠷᠢᠳᠡ ᠤᠷᠢ ᠵᠠᠯᠠᠭᠤ ᠪᠡᠷ ᠵᠢᠡᠨ᠃
ᠵᠠᠯᠠᠭᠤ ᠨᠠᠰᠤ ᠪᠣᠯ ᠶᠡᠷᠦ ᠨᠢ ᠠᠮᠠᠷᠬᠠᠨ ᠥᠩᠭᠡᠷᠡᠳᠡᠭ ᠨᠠᠰᠤ ᠪᠢᠰᠢ᠂ ᠬᠠᠷᠢᠨ ᠨᠢᠭᠡ ᠵᠦᠢᠯᠦᠨ ᠰᠡᠳᠬᠢᠴᠡᠵᠢᠨ ᠪᠠᠢᠳᠠᠯ ᠮᠥᠨ᠃ ᠣᠮᠣᠭ ᠵᠣᠷᠢᠭ᠋ᠢᠶᠠᠨ ᠬᠠᠯᠠᠬᠤ ᠦᠭᠡᠢ᠂ ᠴᠤᠭ ᠰᠦᠯᠳᠡᠪᠡᠨ ᠠᠯᠳᠠᠬᠤ ᠦᠭᠡᠢ᠂ ᠰᠥᠰᠥ ᠵᠣᠷᠢᠭ᠋ᠢᠶᠠᠨ ᠰᠤᠯᠠᠷᠠᠭᠤᠯᠬᠤ ᠦᠭᠡᠢ᠂ ᠬᠥᠮᠥᠨ ᠪᠣᠯᠭᠠᠨᠤ ᠲᠡᠮᠡᠴᠡᠯᠤᠨ ᠳᠦᠷᠢ ᠳᠦᠷᠬᠦ ᠪᠣᠯ ᠳᠠᠷᠤᠢ ᠵᠠᠯᠠᠭᠤ ᠨᠠᠰᠤᠨᠤ ᠳᠦᠷᠢ ᠳᠦᠷᠬᠦ ᠮᠦᠨ᠃
《ᠨᠠᠷᠠ ᠮᠠᠨᠳᠤᠬᠤᠶᠠ᠂ ᠵᠠᠮ ᠰᠠᠷᠠᠭᠤᠯ ᠳᠠᠷᠳᠠᠩ ᠪᠣᠯᠣᠮᠤᠢ᠃ ᠭᠣᠣᠯᠡᠴᠡ ᠳᠠᠯᠳᠠ ᠤᠷᠤᠰᠬᠠᠯ ᠭᠠᠷᠴᠤ᠂ ᠨᠡᠯᠦᠭᠡᠷ ᠳᠠᠯᠠᠢᠳᠦ ᠴᠢᠳᠬᠤᠯᠠᠨᠠ》᠃ ᠵᠠᠭᠤᠨ ᠵᠢᠯᠦᠨ ᠡᠮᠦᠨᠡ᠂ ᠤᠷᠢᠳᠤᠰ ᠢᠩᠭᠢᠵᠦ 《ᠪᠠᠭᠠᠴᠤᠳᠤᠨ ᠳᠤᠮᠳᠠᠳᠤ ᠤᠯᠤᠰ》 ᠢ᠋ ᠳᠦᠷᠰᠦᠯᠡᠵᠦ ᠪᠠᠢᠵᠠᠢ᠃
ᠥᠨᠥᠳᠥᠷ᠂ ᠲᠡᠦᠬᠡᠶᠢᠨ ᠤᠷᠬᠢᠯᠡᠴᠡ ᠪᠠᠷᠠᠯᠠᠬᠤᠶᠠ᠂ ᠳᠤᠮᠳᠠᠳᠤᠶᠢᠨ ᠬᠥᠪᠡᠭᠦᠳ ᠥᠬᠢᠳᠦᠨ ᠤᠷᠢ ᠵᠠᠯᠠᠭᠤ ᠵᠢᠪᠬᠤᠭᠠ ᠪᠠᠳᠠᠷᠠᠵᠦ᠂ ᠵᠠᠭᠤᠨ ᠵᠢᠯᠦᠨ ᠲᠣᠮᠣ᠌ ᠨᠠᠮᠤᠨ ᠡᠷᠴᠢ ᠬᠦᠴᠦᠨ ᠤᠷᠬᠢᠯᠤᠨ᠂ ᠣᠳᠣᠬᠢᠴᠢᠯᠠᠭᠰᠠᠨ ᠤᠯᠤᠰᠲᠤ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠪᠢᠯᠬᠠᠨᠠ᠃
《ᠨᠢᠭᠡ ᠦᠨᠳᠦᠰᠦᠲᠡᠨ ᠭᠠᠭᠴᠠ ᠬᠦ᠌ ᠵᠠᠯᠠᠭᠤᠴᠤᠳ ᠲᠦ᠍ ᠬᠦᠰᠡᠯ ᠨᠠᠢᠳᠠᠯᠭᠠ ᠲᠠᠯᠪᠢᠨ᠂ ᠤᠷᠢ ᠵᠠᠯᠠᠭᠤ ᠪᠠᠢᠳᠠᠯ ᠵᠢᠡᠨ ᠥᠨᠢ ᠡᠭᠦᠷᠢᠳᠡ ᠬᠠᠳᠠᠭᠠᠯᠠᠪᠠᠯ ᠰᠠᠶᠢ ᠬᠥᠭᠵᠢᠨ ᠮᠠᠨᠳᠤᠵᠤ ᠴᠢᠳᠠᠨᠠ》᠃ ᠮᠠᠨᠤ ᠦᠨᠳᠦᠰᠦᠲᠡᠨ ᠴᠤᠭ ᠪᠠᠳᠠᠷᠠᠩᠭᠤᠢ᠂ ᠮᠠᠨᠤ ᠦᠢᠯᠡᠰᠤᠨ ᠢᠷᠡᠭᠡᠳᠦᠢ ᠭᠡᠭᠡᠨ ᠰᠠᠷᠠᠭᠤᠯ ᠶᠤᠮ᠃
（ᠰᠤᠷᠪᠤᠯᠵᠢᠯᠠᠭ᠍ᠴᠢ ᠵᠦ᠍ ᠵᠢᠢ ᠴᠠᠢ ᠭᠤᠤ ᠯᠧᠢ ᠳ᠋ᠦᠩ ᠪᠥᠸᠧ ᠲᠢᠩ ᠬᠤ᠌ ᠮᠧᠩ ᠰᠢᠤᠸᠠᠢ）
（ᠰᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠪᠡᠭᠡᠵᠢᠩᠦᠨ 7 ᠰᠠᠷᠠᠶᠢᠨ 1ᠤ᠋ ᠴᠠᠬᠢᠯᠭᠠᠨ ᠮᠡᠳᠡᠭᠡ）