8 ᠰᠠᠷᠠᠶᠢᠨ 8ᠤ ᠡᠳᠦᠷᠡᠴᠡ
12ᠤ ᠡᠳᠦᠷ ᠪᠣᠯᠲᠠᠯᠠ᠂ 2025 ᠣᠨᠤ
ᠤᠯᠠᠭᠠᠨᠴᠠᠪ ᠬᠣᠲᠠᠶᠢᠨ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ 《ᠲᠠᠯᠠ ᠨᠤᠲᠤᠭᠤᠨ
ᠠᠶᠠᠯᠠᠯ》 ᠨᠠᠭᠠᠳᠤᠮ ᠪᠠ ᠤᠯᠠᠭᠠᠨᠴᠠᠪ ᠬᠣᠲᠠᠶᠢᠨ ᠮᠣᠩᠭᠣᠯ ᠮᠣᠷᠢᠨᠤ ᠲᠠᠰ ᠠ᠋ᠴᠠ ᠳᠠᠪᠠᠭᠰᠠᠨ ᠬᠣᠯᠪᠣᠭᠠᠲᠤ ᠤᠷᠤᠯᠳᠤᠭᠠᠨ ᠳᠥᠷᠪᠡᠳ
ᠬᠣᠰᠢᠭᠤᠨᠤ ᠭᠡᠭᠡᠨᠲᠠᠯᠠ ᠲᠠᠯᠠ ᠨᠤᠲᠤᠭᠤᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶᠢᠨ ᠣᠷᠣᠨᠳᠤ ᠶᠠᠪᠤᠭᠳᠠᠨᠠ᠃
ᠲᠤᠰ ᠤᠳᠠᠭᠠᠨᠤ ᠠᠵᠢᠯᠯᠠᠭᠠ
ᠨᠢ ᠤᠯᠠᠮᠵᠢᠯᠠᠯᠲᠤ ᠨᠠᠭᠠᠳᠤᠮᠤᠨ ᠬᠤᠷᠠᠯᠢᠶᠠᠷ ᠰᠠᠭᠤᠷᠢ ᠪᠣᠯᠭᠠᠵᠤ᠂ ᠡᠬᠢᠯᠡᠯᠲᠡᠶᠢᠨ
ᠶᠣᠰᠣᠯᠠᠯᠳᠤ 《ᠴᠠᠭ ᠬᠤᠭᠤᠴᠠᠭᠠ ᠪᠠ ᠣᠷᠣᠨ ᠵᠠᠢᠶᠢᠨ ᠠᠭᠤᠰᠤᠯᠴᠠᠯᠤᠨ ᠬᠡᠯᠪᠡᠷᠢ》 ᠵᠢᠨ ᠲᠠᠯᠠᠪᠠᠢᠳᠤ ᠣᠷᠣᠬᠤ ᠶᠣᠰᠣᠯᠠᠯ᠂ 《ᠤᠯᠠᠨ
ᠡᠰᠢᠲᠦ ᠤᠷᠠᠯᠢᠭ᠋ᠢ ᠤᠶᠠᠯᠳᠤᠭᠤᠯᠬᠤ》ᠲᠣᠭᠯᠠᠯᠲᠠᠶᠢᠨ ᠵᠢᠭ᠍ᠰᠠᠭᠠᠯ
ᠵᠢᠡᠷ ᠤᠯᠠᠭᠠᠨᠴᠠᠪᠤᠨ 《ᠡᠷᠲᠡᠨ ᠡᠳᠦᠭᠡᠬᠢ ᠶᠢ
ᠠᠭᠤᠰᠤᠯᠴᠠᠭᠤᠯᠤᠭᠰᠠᠨ᠂ ᠨᠡᠭᠡᠭᠡᠯᠲᠡᠲᠡᠢ ᠪᠠᠭᠲᠠᠭᠠᠮᠵᠢᠲᠠᠢ》 ᠰᠣᠶᠣᠯᠤᠨ ᠬᠡᠪ ᠨᠠᠮᠪᠠᠶᠢ
ᠢᠯᠡᠷᠡᠭᠦᠯᠦᠨᠡ᠃ ᠨᠠᠭᠠᠳᠤᠮ ᠳ᠋ᠤ VR ᠰᠢᠩᠭᠡᠭᠡᠯᠲᠡᠶᠢ ᠠᠩᠬᠠ ᠬᠡᠷᠡᠭᠯᠡᠵᠤ᠂ ᠵᠢᠭᠤᠯᠴᠢᠯᠠᠭᠰᠠᠳ ᠬᠠᠮᠢᠭᠠ ᠪᠠᠢᠭᠰᠠᠨ ᠴᠤ᠌᠂
ᠵᠥᠪᠬᠡᠨ VR ᠲᠥᠬᠦᠭᠡᠷᠦᠮᠵᠢ ᠬᠡᠷᠡᠭᠰᠡᠪᠡᠯ
ᠳᠠᠷᠤᠢ ᠡᠬᠢᠯᠡᠯᠲᠡᠶᠢᠨ ᠶᠣᠰᠣᠯᠠᠯᠤᠨ ᠠᠬᠤᠢ ᠲᠠᠯᠠᠪᠠᠶᠳᠤ 《ᠬᠦᠷᠴᠦ》᠂ ᠡᠬᠢᠯᠡᠯᠳᠡ ᠵᠢᠨ ᠶᠤᠰᠤᠯᠠᠯᠢ 180 ᠭᠷᠡᠳᠦ᠋ᠰ ᠵᠢᠡᠷ ᠰᠤᠨᠢᠷᠬᠠᠵᠤ ᠪᠣᠯᠣᠨᠠ᠃
5 ᠡᠳᠦᠷᠦᠨ
ᠬᠤᠭᠤᠴᠠᠭᠠᠲᠠᠢ《ᠲᠠᠯᠠ ᠨᠤᠲᠤᠭᠤᠨ ᠠᠶᠠᠯᠠᠯ》ᠨᠠᠭᠠᠳᠤᠮᠳᠤ᠂《ᠡᠷᠡᠶᠢᠨ ᠭᠤᠷᠪᠠᠨ ᠨᠠᠭᠠᠳᠤᠮ》ᠤᠨ ᠤᠷᠤᠯᠳᠤᠭᠠᠨᠤ ᠲᠣᠭᠣᠷᠢᠭ᠋ ᠢ᠋ ᠪᠥᠬᠥ ᠡᠳᠦᠷᠢᠶᠡᠷ ᠨᠡᠭᠡᠭᠡᠯᠳᠡ ᠬᠢᠵᠥ᠂ ᠵᠢᠭᠤᠯᠴᠢᠯᠠᠭᠰᠠᠳ
ᠲᠠᠯᠠ ᠨᠤᠲᠤᠭᠤᠨ ᠣᠮᠣᠭ ᠪᠠᠬᠠᠳᠤᠯᠲᠤ ᠰᠡᠳᠬᠢᠯᠭᠡᠶᠢ ᠪᠡᠶᠡᠪᠡᠷᠢᠶᠡᠨ ᠮᠡᠳᠡᠷᠡᠵᠦ ᠪᠣᠯᠣᠨᠠ᠃ 《ᠰᠠᠨᠰᠠᠷ·ᠨᠡᠭᠦᠳᠡᠯ ᠮᠠᠯᠵᠢᠯ》 ᠤᠷᠠᠯᠢᠭ᠋ᠤᠨ ᠴᠤᠭᠯᠠᠭᠠ ᠨᠢ 《ᠦᠵᠡᠮᠦᠷᠢᠲᠠᠢ᠂
ᠲᠥᠷᠥᠭᠳᠡᠯᠲᠠᠢ᠂ ᠣᠷᠣᠯᠴᠠᠵᠤ ᠪᠣᠯᠬᠤ》 ᠪᠡᠷ ᠭᠣᠣᠯ ᠣᠢᠯᠠᠭᠠᠭᠳᠠᠬᠤᠨ
ᠵᠢᠡᠨ ᠪᠣᠯᠭᠠᠵᠤ᠂ ᠥᠷᠭᠡᠨ ᠠᠭᠤᠳᠠᠮ ᠲᠠᠯᠠ ᠨᠤᠲᠤᠭᠲᠤ ᠶᠤᠭᠠ᠂ ᠳᠠᠭᠤᠨ ᠵᠠᠰᠠᠯᠤᠨ ᠠᠶᠠᠯᠠᠯᠢᠶᠠᠨ ᠡᠬᠢᠯᠡᠭᠦᠯᠵᠦ᠂
ᠢᠰᠡᠭᠡᠢᠶᠢᠨ ᠤᠷᠠᠯᠢᠭ᠋᠂ ᠬᠠᠳᠬᠤᠮᠠᠯ ᠵᠡᠷᠭᠡ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠤᠷᠠ ᠮᠡᠷᠭᠡᠵᠢᠯᠢ
ᠰᠢᠰᠲᠧᠮᠲᠠᠢ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠵᠠᠰᠠᠯ ᠵᠢᠮᠰᠡᠭ᠂ ᠰᠣᠶᠣᠯᠤᠨ
ᠪᠦᠲᠦᠭᠡᠯᠴᠢ ᠡᠭᠦᠳᠦᠯᠲᠡ᠂ ᠺᠣᠹᠧ᠂ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠣᠨᠴᠠᠯᠢᠭ᠋ᠲᠠᠢ ᠠᠮᠲᠠᠲᠤ ᠢᠳᠡᠭᠡᠨ ᠵᠡᠷᠭᠡᠶᠢ
ᠠᠭᠤᠰᠤᠯᠴᠠᠭᠤᠯᠵᠤ᠂ ᠬᠢᠯᠢ ᠠᠯᠤᠰᠯᠠᠨ ᠠᠭᠤᠰᠤᠯᠴᠠᠭᠰᠠᠨ ᠰᠣᠶᠣᠯᠤᠨ ᠣᠢᠯᠠᠭᠠᠯᠲᠠᠶᠢᠨ ᠦᠵᠡᠭᠳᠡᠯᠢ ᠪᠤᠢ ᠪᠣᠯᠭᠠᠨᠠ᠃
ᠢᠳᠡᠷ᠂ NAAN ᠬᠠᠮᠳᠤᠯᠢᠭ ᠳᠠᠭᠤᠤ ᠤᠷᠠᠯᠢᠭ᠋ᠢᠶᠠᠷ
ᠬᠥᠭᠥᠷᠭᠡ ᠪᠣᠯᠭᠠᠵᠤ᠂ ᠲᠠᠯᠠ ᠨᠤᠲᠤᠭᠤᠨ ᠰᠣᠶᠣᠯ ᠪᠣᠯᠣᠨ ᠤᠳᠤ ᠦᠶᠡᠶᠢᠨ ᠤᠷᠠᠯᠢᠭ᠋ᠤᠨ ᠤᠷᠤᠰᠬᠠᠯᠢ ᠭᠦᠨᠵᠡᠭᠡᠢ
ᠬᠣᠯᠪᠣᠨᠠ᠃ ᠭᠡᠷ ᠪᠦᠯᠢ ᠵᠢᠨ ᠲᠣᠭᠣᠷᠢᠭ᠋ᠲᠤ ᠬᠡᠦᠬᠡᠳᠦᠨ ᠴᠤᠭᠯᠠᠭᠠ ᠮᠠᠢᠮᠠᠢ᠂ ᠲᠠᠯᠠ ᠨᠤᠲᠤᠭ ᠡᠴᠡ ᠡᠷᠳᠡᠨᠢ
ᠬᠠᠢᠬᠤ᠂ ᠵᠢᠷᠤᠭ ᠵᠢᠷᠤᠬᠤ᠂ ᠭᠡᠷ ᠪᠦᠯᠢᠶᠢᠨ ᠪᠤᠤᠬᠢᠶᠠ ᠳᠠᠮᠵᠢᠭᠤᠯᠬᠤ ᠵᠡᠷᠭᠡ ᠰᠣᠨᠢᠷᠬᠠᠯᠲᠠᠢ ᠠᠵᠢᠯᠯᠠᠭᠠᠶᠠᠪᠤᠭᠳᠠᠭᠤᠯᠤᠨᠠ᠃
4 ᠡᠳᠦᠷᠦᠨ ᠬᠤᠭᠤᠴᠠᠭᠠᠲᠠᠢ ᠮᠣᠩᠭᠣᠯ
ᠮᠣᠷᠢᠨᠤ ᠲᠡᠰᠠᠴᠠ ᠳᠠᠪᠠᠭᠰᠠᠨ ᠬᠣᠯᠪᠣᠭᠠᠲᠤ ᠤᠷᠤᠯᠳᠤᠭᠠᠨᠳᠤ ᠤᠷᠤᠯᠳᠤᠭᠠᠨ ᠡᠬᠢᠯᠡᠬᠦ ᠶᠣᠰᠣᠯᠠᠯ᠂ ᠲᠤᠰᠬᠠᠢ
ᠮᠡᠷᠭᠡᠵᠢᠯᠦᠨ ᠤᠷᠤᠯᠳᠤᠭᠠᠨ᠂ ᠵᠢᠭᠤᠯᠴᠢᠯᠠᠭᠰᠠᠳᠤᠨ ᠨᠠᠭᠠᠳᠤᠮ ᠴᠡᠩᠭᠡᠯ᠂ ᠮᠣᠷᠢᠨ ᠮᠡᠷᠭᠡᠵᠢᠯᠦᠨ ᠲᠣᠭᠯᠠᠯᠲᠠ
ᠵᠡᠷᠭᠡ 5 ᠶᠡᠬᠡ ᠲᠦᠷᠦᠯᠦᠨ ᠠᠵᠢᠯᠯᠠᠭᠠ
ᠶᠠᠪᠤᠭᠳᠠᠭᠤᠯᠵᠤ᠂ ᠮᠣᠩᠭᠣᠯ ᠮᠣᠷᠢᠨᠤ ᠤᠷᠤᠯᠳᠤᠭᠠᠨ᠂ ᠡᠬᠦᠯᠳᠡᠷ ᠰᠠᠢᠵᠢᠷᠠᠭᠤᠯᠤᠭᠰᠠᠨ ᠮᠣᠷᠢᠨᠤ ᠤᠷᠤᠯᠳᠤᠭᠠᠨ᠂
ᠳᠠᠭᠠ ᠵᠢᠨ ᠤᠷᠤᠯᠳᠤᠭᠠᠨ᠂ ᠮᠣᠷᠢ ᠤᠨᠤᠵᠤ ᠰᠤᠷ ᠬᠠᠷᠪᠤᠬᠤ᠂ ᠰᠠᠭᠠᠳ ᠦᠨᠭᠭᠡᠷᠡᠬᠡᠬᠦ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠤᠷᠤᠯᠳᠤᠭᠠᠨᠤ
ᠲᠦᠷᠦᠯ ᠵᠦᠢᠯᠢ ᠲᠣᠬᠢᠷᠠᠭᠤᠯᠪᠠ᠃
8 ᠰᠠᠷᠠᠶᠢᠨ
8ᠤ ᠡᠳᠦᠷ᠂ ᠳᠥᠷᠪᠡᠳ ᠬᠣᠰᠢᠭᠤᠨᠤ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠨᠢᠭᠡᠳᠦᠭᠡᠷ
ᠨᠣᠮᠧᠷᠲᠤ ᠬᠠᠮᠤᠭᠤᠨ ᠭᠣᠶᠣ᠌ ᠵᠠᠰᠠᠮᠠᠯ ᠵᠠᠮ ᠵᠢᠩᠬᠢᠨᠢᠪᠡᠷ ᠠᠰᠢᠭ᠍ᠯᠠᠯᠲᠠᠳᠤ ᠣᠷᠣᠬᠤ ᠪᠣᠯᠣᠨᠠ᠃ ᠵᠠᠰᠠᠮᠠᠯ
ᠵᠠᠮᠤᠨ ᠪᠥᠬᠥ ᠣᠷᠳᠣ᠌ ᠨᠢ 222 ᠺᠢᠯᠣᠮᠧᠲᠷ᠂ ᠡᠭᠦᠨᠳᠦ ᠰᠣᠯᠣᠩᠭᠠᠨ
ᠵᠠᠮ 66 ᠺᠢᠯᠣᠮᠧᠲᠷ ᠪᠠᠢᠵᠤ᠂ ᠵᠠᠮ ᠳᠠᠭᠠᠤᠳᠤ ᠣᠨᠴᠠᠯᠢᠭ᠍ᠲᠤ ᠦᠵᠡᠮᠵᠢᠶᠢᠨ
ᠴᠡᠭ 9 ᠪᠣᠶ᠃ ᠳᠥᠷᠪᠡᠳ ᠤ᠋ᠨ ᠲᠠᠯᠠ ᠨᠤᠲᠤᠭ᠂ ᠭᠡᠭᠡᠨᠲᠠᠯᠠ ᠵᠢᠭᠤᠯᠴᠢᠯᠠᠯᠤᠨ
ᠦᠵᠡᠮᠵᠢᠶᠢᠨ ᠣᠷᠣᠨ᠂ ᠰᠢᠷᠠᠮᠥ᠋ᠷᠡᠨᠦ ᠰᠦᠮᠡ᠂ ᠬᠤᠪᠢᠯᠭᠠᠨ ᠣᠩᠭᠣᠴᠠ ᠰᠢᠷᠢᠰ ᠨᠢᠰᠬᠦ ᠣᠩᠭᠣᠴᠠᠶᠢᠨ ᠭᠣᠣᠯ
ᠪᠠᠭᠤᠯᠳᠠ ᠵᠢᠨ ᠲᠠᠯᠠᠪᠤᠷ᠂ ᠨᠤᠮᠤᠭᠠᠨ ᠠᠭᠤᠯᠠ ᠵᠡᠷᠭᠡ ᠦᠵᠡᠮᠵᠢᠶᠢᠨ ᠣᠷᠣᠨᠢᠶᠠᠷ ᠮᠤᠷᠤᠯᠵᠠᠨ ᠥᠩᠭᠡᠷᠡᠨᠡ᠃
ᠢᠷᠡᠯᠳᠡ᠄ ᠰᠢᠨᠬᠤᠸᠠ ᠰᠦᠯᠵᠢᠶᠡ