《ᠪᠦᠰᠡᠬᠦᠢ ᠬᠦᠮᠦᠨ ᠶᠢᠷᠳᠢᠨᠴᠦ᠍ᠶ᠋ᠢ ᠦᠬᠡᠷᠡᠪᠠᠷ ᠰᠡᠳᠭᠢᠳᠡᠭ》 ᠬᠡᠭ᠌ᠴᠢᠪᠠᠷ ᠪᠦᠰᠡᠬᠦᠢ ᠢᠷᠠᠭᠤ ᠨᠠᠢᠷᠠᠭ᠍ᠴᠢᠳᠤᠨ ᠢᠷᠠᠭᠤ ᠨᠠᠢᠷᠠᠭ᠂ ᠤᠷᠠᠨ ᠵᠤᠬᠢᠶᠠᠯᠤᠨ ᠲᠤᠬᠠᠢ᠂ ᠬᠠᠢᠷᠠ ᠬᠦᠰᠡᠯ᠂ ᠠᠮᠢᠳᠤᠷᠠᠯ ᠦᠢᠯᠡᠰᠤᠨ ᠲᠤᠬᠠᠢ ᠪᠤᠳᠤᠯ ᠲᠦᠷᠦᠭ᠌ᠳᠡᠯᠨᠢ ᠮᠦᠨ ᠴᠦ᠍ ᠦᠪᠡᠷᠤᠨ ᠬᠢᠨᠢ ᠲᠦᠰᠦᠬᠡᠯᠡᠭ᠌ᠰᠡᠨ 《ᠭᠤᠸᠠ ᠰᠠᠢᠬᠠᠨᠤ ᠶᠢᠷᠳᠢᠨᠴᠦ᠍》 ᠬᠡᠬᠦ᠌ ᠳᠤ ᠠᠬᠠᠳᠠᠮᠠᠷ ᠦᠬᠡᠢ᠃ ᠠᠯᠠᠱᠠ ᠨᠤᠳᠤᠭᠤᠨ ᠪᠦᠰᠡᠬᠦᠢ ᠢᠷᠠᠭᠤ ᠨᠠᠢᠷᠠᠬ᠍ᠴᠢ ᠬᠤᠨᠭ᠌ ᠵᠢᠨᠬᠤᠸᠠᠷ᠂ ᠤᠷᠢᠶᠠᠩᠬᠠᠢ ᠵ·ᠰᠡᠷᠭᠦᠯᠡᠩ᠂ ᠨᠠᠮᠵᠢᠯᠤᠨ ᠰᠤᠯᠤᠩᠭᠤᠸᠠ ᠨᠠᠷ ᠪᠤᠯ ᠢᠷᠠᠭᠤ ᠨᠠᠢᠷᠠᠭᠤᠨ ᠬᠤᠪᠢᠳᠤ ᠦᠪᠡᠷ ᠦᠪᠡᠷᠤᠨᠢᠶᠠᠨ ᠭᠤᠸᠠ ᠰᠠᠢᠬᠠᠨᠤ ᠶᠢᠷᠳᠢᠨᠴᠦ᠍ᠶ᠋ᠢ ᠤᠷᠠᠯᠠᠵᠦ᠍ ᠪᠦᠳᠦᠬᠡᠵᠦ᠍ ᠶᠠᠪᠤᠭᠠ ᠠᠪᠢᠶᠠᠰᠳᠠᠨ ᠶᠤᠮ᠃
ᠴᠡᠴᠡᠭ ᠲᠠᠢ ᠲᠠᠨᠵᠢ ᠶ᠋ᠢᠨ ᠰᠤᠯᠤᠩᠭᠠ ᠪᠤᠶᠤ ᠬᠤᠨᠭ᠌ ᠵᠢᠨᠬᠤᠸᠠᠷ ᠤᠨ ᠲᠤᠳᠤᠭᠠᠳᠦ ᠶᠢᠷᠳᠢᠨᠴᠦ᠍
《ᠪᠦᠰᠡᠬᠦᠢ ᠬᠦᠮᠦᠨᠤ ᠢᠷᠡᠭᠤ ᠨᠠᠢᠷᠠᠭ ᠬᠡᠭ᠌ᠴᠢ ᠡᠭᠡᠨᠡᠭ᠌ᠳᠡ ᠦᠯᠦ᠍ ᠲᠠᠳᠠᠷᠠᠬᠤ᠂ ᠬᠡᠵᠢᠶᠡᠳᠡ ᠬᠠᠯᠬᠢᠮᠠ ᠴᠠᠯᠬᠢᠮᠠ ᠬᠠᠢᠷᠠᠶ᠋ᠢᠨ ᠤᠷᠤᠰᠭᠠᠯ ᠪᠠᠢᠬᠤ ᠶᠤᠰᠤᠳᠠᠢ᠃ ᠰᠡᠳᠭᠢᠯᠤᠨ ᠭᠡᠭᠡᠶ᠋ᠢ ᠴᠠᠮᠬᠠᠭ ᠪᠤᠯᠭᠠᠨ ᠲᠤᠶᠠᠭᠠᠷᠠᠭᠤᠯᠵᠦ᠍᠂ ᠰᠡᠷᠡᠯᠤᠨ ᠬᠤᠷᠴᠠᠶ᠋ᠢ ᠤᠷᠤᠰᠭᠠᠯ ᠱᠢᠭ᠋ ᠴᠠᠯᠬᠢᠯᠠᠭᠤᠯᠤᠨ᠂ ᠳᠤᠷᠠᠰᠤᠯ ᠮᠦᠷᠦᠭᠡᠳᠦᠯᠢ ᠵᠢᠷᠦᠭᠡᠨ ᠳᠤᠭ᠍ᠳᠤᠯᠤᠯᠢᠶᠠᠷ ᠤᠶᠠᠩᠭᠠᠷᠠᠭᠤᠯᠵᠤ᠂ ᠤᠬᠠᠭᠠᠨᠤ ᠷᠢᠳᠢᠶ᠋ᠢ ᠰᠤᠪᠤᠳ ᠱᠢᠭ᠋ ᠪᠠᠳᠮᠠᠯᠠᠭᠤᠯᠬᠤ ᠢᠷᠠᠭᠤ ᠨᠠᠢᠷᠠᠭᠲᠤ ᠪᠢ ᠵᠢᠷᠦᠭᠡᠨ ᠭᠤᠤᠯᠠᠴᠠᠪᠠᠨ ᠬᠠᠢᠷᠠᠳᠠᠢ ᠁》 ᠡᠨᠡ ᠪᠤᠯ ᠢᠷᠡᠭᠤ ᠨᠠᠢᠷᠠᠬ᠍ᠴᠢ ᠬᠤᠩ ᠵᠢᠨᠬᠤᠸᠠᠷᠤᠨ ᠦᠬᠡ᠂ ᠮᠦᠨ ᠴᠦ᠍ ᠲᠦᠰᠦᠬᠡᠯᠡᠯᠤᠨ ᠬᠢᠨᠢ ᠨᠢᠬᠡᠨ ᠵᠦᠭ᠂ ᠮᠡᠳᠡᠷᠡᠮᠵᠢᠶ᠋ᠢᠨ ᠬᠢᠨᠢ ᠨᠢᠬᠡᠨ ᠵᠦᠡᠭ ᠪᠠᠢᠯᠠ᠃ ᠬᠤᠷᠴᠢᠨ ᠨᠤᠳᠤᠭᠤᠨ ᠤᠤᠭᠠᠯ᠂ ᠡᠵᠡᠨᠠ ᠨᠤᠳᠤᠭᠲᠤ ᠤᠳᠠᠭᠠᠨ ᠵᠢᠯ ᠪᠠᠭ᠍ᠰᠢᠯᠠᠬ᠍ᠰᠠᠨ ᠭᠠᠷᠮᠠᠭᠠᠢ ᠠᠷᠠᠳᠤᠨ ᠪᠠᠭ᠍ᠰᠢ᠂ ᠢᠷᠠᠭᠤ ᠨᠠᠢᠷᠠᠬ᠍ᠴᠢ ᠬᠤᠩ ᠵᠢᠨᠬᠤᠸᠠᠷ ᠢ ᠤᠷᠠᠨ ᠪᠦᠳᠦᠬᠡᠯᠤᠨ ᠬᠢᠨᠢ ᠲᠠᠯᠠᠠᠴᠠᠨᠢ ᠶᠠᠷᠢᠪᠠᠯ ᠦᠨᠡᠬᠡᠷ 《ᠬᠡᠵᠢᠶᠡᠳᠡ ᠬᠠᠯᠬᠢᠮᠠ ᠴᠠᠯᠭᠢᠮᠠ ᠬᠠᠢᠷᠠᠶ᠋ᠢᠨ ᠤᠷᠤᠰᠭᠠᠯ》 ᠠᠪᠠᠢ᠃
ᠬᠤᠩ ᠵᠢᠨᠬᠤᠸᠠᠷ 1988 ᠤᠨᠳᠤ 《ᠡᠵᠡᠨᠡ ᠮᠢᠨᠢ》 ᠬᠡᠮᠡᠬᠦ᠌ ᠤᠤᠭᠠᠨ ᠪᠦᠳᠦᠬᠡᠯᠢᠶᠠᠨ ᠰᠤᠨᠢᠨᠳᠤ ᠨᠠᠢᠳᠠᠯᠠᠭᠦᠯᠵᠦ᠍᠂ 《ᠢᠷᠠᠭᠤ ᠵᠤᠬᠢᠰᠳᠦ》ᠵᠢᠨ ᠡᠷᠢᠯ ᠳᠤ ᠭᠠᠷᠤᠬ᠍ᠰᠠᠨᠠᠴᠠ ᠢᠨᠠᠬ᠍ᠰᠢ 200 ᠭᠠᠷᠤᠢ ᠬᠠᠢᠷᠠᠶ᠋ᠢᠨ ᠱᠢᠯᠦᠭ ᠨᠠᠢᠳᠠᠯᠠᠬᠦᠯᠵᠦ᠍᠂ 《ᠡᠭᠡᠨᠡᠭ᠌ᠳᠡ ᠦᠯᠦ᠍ ᠲᠠᠳᠠᠷᠠᠬᠤ》ᠶ᠋ᠢᠨ ᠪᠠᠭ᠍ᠠᠳᠤᠯᠢ ᠢᠷᠠᠭᠤ ᠨᠠᠢᠷᠠᠭᠤᠨ ᠪᠠᠭ᠍ᠠᠳᠠᠳᠲᠠᠭᠠᠨ ᠭᠦᠷᠬᠡᠭ᠌ᠰᠡᠭᠡᠷ ᠢᠷᠡᠵᠡᠢ᠃ 《ᠮᠢᠨᠦ᠍ ᠱᠢᠯᠦᠭᠤᠨ ᠰᠦᠭ ᠰᠦᠨᠡᠰᠦᠨᠢ ᠢᠨᠠᠭ ᠳᠤᠷᠠᠯᠠᠯ》 ᠬᠡᠵᠦ᠍ ᠬᠡᠯᠡᠳᠡᠭ ᠲᠡᠷᠡ ᠪᠡᠷ 《ᠪᠢ ᠬᠠᠢᠷᠠᠶ᠋ᠢᠨ ᠱᠢᠯᠦᠭ ᠪᠢᠴᠢᠭᠦ᠌ ᠳᠤᠷᠠᠳᠠᠢ᠃ ᠶᠠᠭᠤᠨᠳᠤ ᠬᠡᠳᠡᠭᠢ ᠢᠷᠠᠭᠤ ᠨᠠᠢᠷᠠᠬ᠍ᠴᠢ ᠤ ·ᠴᠤᠯᠮᠤᠨᠤ ᠦᠬᠡᠪᠠᠷ ᠬᠡᠯᠡᠪᠡᠯ᠂ ᠬᠠᠢᠷᠠ ᠳᠤᠷᠠᠯᠠᠯ ᠪᠤᠯ ᠵᠢᠷᠦᠭᠡᠨᠤ ᠳᠤᠶᠠᠭᠠ ᠶᠤᠮ᠂ ᠵᠠᠶᠠᠭᠠ ᠳᠠᠪᠢᠯᠠᠩᠤᠨ ᠡᠭᠦᠳᠡᠨᠳᠤ ᠰᠦᠨᠢᠵᠢᠨ ᠠᠰᠠᠵᠤ ᠬᠤᠨᠤᠳᠠᠭ ᠶᠤᠮ᠃ ᠢᠨᠠᠭ ᠳᠤᠷᠠᠯᠠᠯ ᠪᠤᠯ ᠤᠷᠴᠢᠯᠠᠩᠤᠨ ᠠᠮᠢᠳᠤ ᠤᠰᠤ ᠶᠤᠮ᠂ ᠠᠵᠨ ᠵᠢᠷᠭᠠᠯᠠᠩᠤᠨ ᠪᠠᠭᠤᠴᠠᠨᠳᠤ ᠡᠳᠦᠷᠵᠢᠨ ᠠᠰᠭᠠᠷᠠᠨ ᠬᠤᠷᠠᠳᠠᠭ ᠶᠤᠮ᠃ ᠴᠢᠮᠠᠳᠠᠭᠠᠨ ᠬᠠᠢᠷᠠᠳᠠᠢ ᠱᠢᠦ ᠭᠡᠵᠦ᠍ ᠬᠡᠯᠡᠭᠦᠪᠠᠷ ᠴᠢᠨᠢ ᠽᠠᠮᠪᠦᠯᠢᠩ ᠬᠤᠷᠸᠠ ᠭᠡᠷᠡᠯᠳᠦᠴᠢᠭᠡᠳᠡᠭᠲᠤᠨᠢ ᠪᠢ ᠢᠨᠠᠭᠤᠨ ᠱᠢᠯᠦᠭ ᠪᠢᠴᠢᠬᠦ᠌ ᠳᠤᠷᠠᠳᠠᠢ᠃ ᠴᠢᠮᠠᠶ᠋ᠢᠪᠠᠨ ᠶᠠᠭᠠᠬᠢᠬᠤᠶ᠋ᠢᠨ ᠴᠦ᠍ ᠠᠷᠭᠠ ᠦᠭᠡᠢ ᠰᠠᠨᠠᠬᠤ ᠶᠤᠮ ᠪᠢᠯᠨ ᠭᠡᠭᠦᠪᠠᠷ ᠴᠢᠨᠢ ᠰᠡᠳᠭᠢᠯ ᠵᠢᠷᠦᠭᠡ ᠤᠶᠠᠰᠴᠢᠬᠠᠳᠠᠭ ᠪᠤᠯᠬᠤᠷ ᠪᠢ ᠢᠨᠠᠭᠤᠨ ᠱᠢᠯᠦᠭ ᠪᠢᠴᠢᠭᠦ᠌ ᠳᠤᠷᠠᠳᠠᠢ ᠬᠡᠮᠡᠭ᠌ᠰᠡᠨ ᠪᠠᠢᠳᠠᠭ᠃ ᠶᠡᠷᠦᠨᠢ ᠭᠡᠯᠨ ᠭᠡᠯᠡᠨ ᠤ ᠪᠠᠨ ᠰᠤᠳᠤᠨ ᠭᠠᠢᠬᠠᠮᠱᠢᠭᠢᠶᠠᠷ᠂ ᠬᠠᠢᠷᠠ ᠬᠠᠢᠷᠠᠶ᠋ᠢᠨᠢᠶᠠᠨ ᠬᠠᠯᠬᠢᠶᠠᠨᠢᠶᠠᠷ ᠵᠢᠷᠦᠭᠡᠨᠠᠴᠠ ᠵᠢᠷᠦᠭᠡ ᠤᠷᠤᠭᠤ᠂ ᠵᠡᠭᠦᠳᠦᠨᠠᠴᠠ ᠭᠦᠰᠡᠯ ᠤᠷᠤᠭᠤ᠂ ᠬᠠᠷᠠᠴᠠᠨᠠᠴᠠ ᠬᠠᠷᠠᠴᠠ ᠤᠷᠤᠭᠤ᠂ ᠬᠠᠮᠤᠭ ᠪᠤᠳᠠᠰᠠᠴᠠ ᠬᠠᠨ ᠳᠡᠯᠡᠬᠡᠢ ᠤᠷᠤᠭᠤ ᠠᠰᠭᠠᠷᠠᠬᠤ ᠴᠡᠴᠡᠭᠤᠨ ᠳᠡᠯᠭᠡᠷᠡᠯᠲᠠᠢ᠂ ᠱᠢᠪᠠᠭᠤᠳᠤᠨ ᠵᠢᠷᠬᠢᠶᠡᠨᠲᠠᠢ᠂ ᠨᠠᠭᠤᠷᠤᠨ ᠴᠡᠯᠬᠢᠶᠡᠨᠲᠠᠢ᠂ ᠨᠢᠯᠪᠤᠰᠤᠨ ᠪᠦᠮᠪᠤᠷᠢᠯᠲᠠᠢ᠂ ᠳᠤᠷᠠᠯᠠᠯᠤᠨ ᠱᠢᠪᠠᠨᠠᠯᠲᠠᠢ᠂ ᠳᠤᠷᠠᠰᠤᠯᠤᠨ ᠴᠢᠪᠬᠠᠳᠠᠯᠲᠠᠢ᠂ ᠠᠷᠢᠬᠢᠨᠤ ᠦᠨᠦᠷᠲᠠᠢ᠂ ᠠᠢᠷᠠᠭᠤᠨ ᠠᠮᠳᠠᠲᠠᠢ᠂ ᠭᠦᠰᠡᠯᠤᠨ ᠲᠡᠪᠳᠡᠷᠢᠬᠡᠨᠲᠠᠢ᠂ ᠭᠦᠭ᠌ᠵᠢᠯᠤᠨ ᠵᠢᠷᠤᠭᠲᠠᠢ᠂ ᠪᠤᠳᠤᠯᠤᠨ ᠴᠤᠤᠷᠢᠶᠠᠲᠠᠢ᠂ ᠪᠤᠷᠤᠭᠠᠨᠤ ᠱᠠᠬᠢᠶᠠᠨᠲᠠᠢ᠂ ᠭᠦᠯᠦᠭᠤᠨ ᠳᠦᠪᠡᠷᠭᠡᠨᠲᠠᠢ᠂ ᠭᠦᠰᠡᠷᠤᠨ ᠳᠤᠭᠤᠰᠤᠲᠠᠢ᠂ ᠰᠠᠢᠨᠤ ᠢᠷᠦᠭᠡᠯᠲᠠᠢ᠂ ᠰᠠᠯᠬᠢᠨᠤ ᠮᠢᠷᠠᠯᠵᠠᠭᠠᠨ ᠲᠠᠢ᠂ ᠰᠡᠳᠭᠢᠯᠤᠨ ᠢᠷᠠᠭᠤ ᠰᠤᠨᠤᠰᠭᠤᠯᠠᠩ ᠪᠤᠯ ᠮᠢᠨᠤ ᠪᠠᠭ᠍ᠠᠷᠬᠠᠳᠠᠭ ᠢᠨᠠᠭ ᠬᠠᠢᠷᠠᠶ᠋ᠢᠨ ᠱᠢᠯᠦᠭ ᠶᠤᠮ᠂ ᠲᠠᠢᠮᠤᠳᠡᠭᠡᠨ ᠵᠢᠷᠦᠬᠡᠨᠤ ᠭᠤᠤᠯᠠᠴᠠᠪᠠᠨ ᠬᠠᠢᠷᠠᠳᠠᠢ》 ᠬᠡᠮᠡᠨ ᠤᠴᠢᠷᠯᠠᠵᠦ᠍ ᠪᠢᠯᠡ᠃
ᠬᠤᠩ ᠵᠢᠨᠬᠤᠸᠠᠷ ᠲᠤᠮᠳᠠᠳᠦ ᠰᠤᠷᠭᠠᠭᠤᠯᠢᠳᠤ ᠰᠤᠷᠤᠯᠴᠠᠵᠦ᠍ ᠪᠠᠢᠬᠤ ᠦᠶᠡᠠᠴᠠᠪᠠᠨ ᠨᠤᠮᠳᠤ ᠬᠤᠷᠤᠬᠠᠢᠳᠠᠢ ᠪᠤᠯᠤᠬ᠍ᠰᠠᠨ ᠪᠦᠬᠡᠳ ᠱᠢᠯᠦᠭ ᠵᠤᠬᠢᠶᠠᠯ ᠤᠷᠤᠯᠳᠤᠬᠤ ᠪᠠᠭ᠍ᠠᠳᠠᠢ ᠪᠤᠯᠵᠠᠢ᠃ ᠱᠢᠯᠦᠭ ᠪᠢᠴᠢᠭᠦ᠌ ᠤᠷᠮᠠᠰ ᠢᠨᠢ ᠭᠦᠭ᠌ᠵᠢᠬᠡᠵᠦ᠍ ᠲᠦᠷᠡᠯᠵᠡᠭᠦᠯᠦᠭ᠌ᠰᠡᠨᠨᠢ 《ᠨᠢᠭᠡᠨ ᠳᠠᠪᠬᠤᠷ ᠠᠰᠠᠷ》 ᠪᠤᠯᠤᠨ 《ᠤᠯᠠᠭᠠᠨ ᠠᠰᠠᠷᠤᠨ ᠵᠡᠭᠦᠳᠦᠨ》 ᠵᠡᠷᠬᠡ ᠡᠷᠳᠡᠨᠤ ᠤᠷᠠᠨ ᠵᠤᠬᠢᠶᠠᠯ ᠡᠷᠴᠢ ᠬᠦᠴᠦᠨ ᠦᠭ᠌ᠴᠦ ᠪᠠᠢᠪᠠᠢ᠃ 《ᠬᠠᠰᠤᠨ ᠪᠦᠰᠡᠶ᠋ᠢ ᠱᠢᠭᠤᠢᠳᠤᠷ ᠡᠯᠬᠦᠬᠦᠶᠡ ᠭᠦᠭᠡᠷᠦᠭᠦᠢ ᠰᠦᠨᠡᠰᠦᠨ ᠡᠷᠬᠢᠴᠡᠮᠦᠢ᠂ ᠠᠯᠳᠠᠨ ᠬᠠᠳᠭᠤᠭᠤᠷᠢ ᠴᠠᠰᠤᠨᠠ ᠪᠤᠯᠠᠬᠤᠶᠠ ᠴᠡᠴᠡᠭ ᠮᠦᠴᠢᠷ ᠵᠤᠯᠭᠠᠷᠠᠨᠠᠮ ᠁》 ᠭᠡᠵᠦ᠍ ᠠᠪᠤᠷᠭᠤ ᠪᠦᠳᠦᠬᠡᠯᠤᠨ ᠮᠦᠷ ᠪᠠᠳᠠᠭᠤᠳ ᠢ ᠳᠠᠭᠤᠷᠢᠶᠠᠵᠤ ᠪᠢᠴᠢᠵᠦ᠍ ᠪᠠᠢᠭ᠍ᠰᠠᠨᠢᠶᠠᠷ ᠰᠡᠳᠭᠢᠯᠤᠨ ᠬᠢᠨᠢ ᠳᠦᠱᠢᠭ᠂ ᠬᠠᠢᠷᠠᠶ᠋ᠢᠨ ᠠᠷᠭᠠᠳᠠᠯ ᠰᠤᠶᠤᠷᠬᠠᠭ᠍ᠰᠠᠨ ᠨᠤᠮ ᠰᠤᠳᠤᠷᠲᠠᠭᠠᠨ ᠲᠠᠯᠠᠷᠬᠠᠳᠠᠭ ᠮᠦᠷᠳᠡᠭᠡᠨ 《ᠤᠪᠠᠳᠢᠰᠳᠦ ᠶᠢᠷᠳᠢᠨᠴᠦ᠍》 ᠬᠡᠮᠡᠳᠡᠭ ᠢᠷᠠᠭᠤ ᠨᠠᠢᠷᠠᠭᠲᠤ ᠪᠠᠢᠩᠭᠤ ᠲᠠᠯᠠᠷᠬᠠᠵᠦ᠍ ᠶᠠᠪᠤᠳᠠᠭ ᠪᠠᠢᠨᠠ᠃ ᠬᠡᠬᠦ᠌ᠳᠡᠭᠡᠨ 《ᠲᠠ ᠢᠷᠠᠭᠤ ᠨᠠᠢᠷᠠᠭ ᠢ ᠶᠠᠭᠠᠬᠢᠵᠦ᠍ ᠲᠦᠰᠦᠬᠡᠯᠡᠳᠡᠭ ᠪᠤᠢ？ ᠴᠤᠬᠤᠮ ᠶᠠᠭᠤ ᠰᠠᠨ ᠪᠤᠯ？》 ᠬᠡᠬᠦ᠌ᠳᠤ᠂ ᠲᠤᠳᠤᠷᠬᠠᠢ ᠬᠠᠷᠢᠭᠤᠯᠳᠠ ᠦᠭ᠌ᠭᠦᠬᠡ ᠦᠬᠡᠢ᠃ 《ᠢᠷᠡᠭᠤ ᠨᠠᠢᠷᠠᠬ᠍ᠴᠢ ᠬᠠᠢᠷᠬᠠᠨ ᠫᠷᠣᠹᠧᠰᠰᠣᠷ 〈ᠱᠢᠯᠦᠭ ᠶᠠᠭᠤ ᠪᠤᠢ？ ᠭᠡᠭᠦ᠌ ᠠᠰᠠᠭᠤᠯᠳᠠᠨᠢ ᠶᠠᠭ ᠯᠨ ᠪᠤᠷᠬᠠᠨ ᠶᠠᠭᠤ ᠪᠤᠢ？ ᠳ᠋ᠧᠪᠡᠵᠠᠨ ᠬᠠᠮᠢᠭᠠ ᠪᠠᠢᠬᠤ ᠪᠤᠢ？ ᠭᠡᠭᠦ᠌ ᠠᠰᠠᠭᠤᠯᠳᠠᠲᠠᠢ ᠠᠳᠠᠯᠢ ᠶᠤᠮ᠂ ᠱᠢᠯᠦᠭ ᠪᠤᠯ ᠦᠨᠡᠨᠳᠡᠭᠡᠨ ᠶᠢᠯᠸᠢ ᠶᠤᠮ〉 ᠬᠡᠰᠡᠨ ᠦᠬᠡ ᠪᠤᠢ᠃ ᠮᠢᠨᠤ ᠬᠤᠪᠢᠳᠤ ᠴᠡᠴᠡᠷᠬᠡᠵᠦ᠍ ᠴᠢᠳᠠᠬᠤ ᠦᠬᠡᠢᠨᠢ ᠡ》 ᠬᠡᠵᠦ᠍ ᠪᠢᠯᠡ᠃ ᠬᠠᠷᠢᠨ ᠢᠷᠠᠭᠤ ᠨᠠᠢᠷᠠᠭᠤᠨ ᠲᠤᠬᠠᠢ ᠤᠢᠯᠠᠭᠠᠯᠳᠠ ᠲᠦᠷᠦᠭ᠌ᠳᠡᠯᠤᠨᠢᠶᠠᠨ ᠨᠢᠬᠡᠨ ᠵᠤᠬᠢᠶᠠᠯᠳᠠᠭᠠᠨ ᠲᠡᠷᠡ ᠪᠡᠷ 《ᠢᠷᠠᠭᠤ ᠨᠠᠢᠷᠠᠭᠤᠨ ᠳᠤᠬᠠᠢ ᠤᠨᠤᠯᠵᠢᠬᠤᠨ ᠶᠠᠷᠢᠵᠦ᠍ ᠴᠢᠳᠠᠳᠠᠭ ᠦᠭᠡᠢ ᠪᠢ᠃ ᠵᠢᠷᠦᠭᠡᠨᠠᠴᠠ ᠴᠠᠯᠬᠢᠯᠠᠭ᠍ᠰᠠᠨ᠂ ᠪᠤᠳᠤᠯᠠᠴᠠ ᠬᠠᠯᠬᠢᠯᠠᠭ᠍ᠰᠠᠨ᠂ ᠰᠠᠨᠠᠭᠠᠨᠠᠴᠠ ᠴᠡᠴᠡᠭ᠌ᠯᠡᠭ᠌ᠰᠡᠨ᠂ ᠬᠠᠷᠠᠴᠠᠨᠠᠴᠠ ᠮᠡᠯᠮᠡᠷᠡᠭ᠌ᠰᠡᠨ᠂ ᠬᠠᠢᠷᠠᠠᠴᠠ ᠤᠨᠳᠤᠷᠤᠬ᠍ᠰᠠᠨ᠂ ᠳᠤᠷᠠᠯᠠᠯᠠᠴᠠ ᠳᠡᠯᠭᠡᠷᠡᠭ᠌ᠰᠡᠨ᠂ ᠭᠦᠷᠦᠰᠦᠨᠠᠴᠠ ᠬᠦᠪᠦᠷᠡᠭ᠌ᠰᠡᠨ᠂ ᠭᠦᠮᠦᠨ ᠪᠠᠢᠭᠠᠯᠢᠠᠴᠠ ᠰᠤᠯᠤᠩᠭᠠᠷᠠᠭ᠍ᠰᠠᠨ ᠴᠡᠭᠡᠵᠢᠨᠤ ᠳᠤᠭ᠍ᠳᠤᠯᠤᠯ᠂ ᠴᠢᠰᠦᠨᠤ ᠤᠷᠬᠢᠯᠤᠯᠢ ᠶᠠᠭᠠᠬᠢᠵᠦ᠍ ᠤᠨᠤᠯᠵᠢᠭᠤᠯᠵᠦ᠍ ᠶᠠᠷᠢᠬᠤ ᠪᠢᠯᠨ᠃ ᠱᠢᠯᠦᠭ ᠪᠤᠯ ᠦᠨᠡᠨᠳᠡᠭᠡᠨ ᠰᠡᠳᠭᠢᠯᠤᠨ ᠲᠠᠯᠠᠪᠴᠢ᠂ ᠤᠶᠤᠨ ᠪᠢᠯᠢᠭᠤᠨ ᠤᠪᠠᠳᠢᠰ ᠶᠤᠮ》 ᠬᠡᠰᠡᠨ ᠪᠠᠢᠯᠠ᠃ ᠡᠨᠡᠨᠢ ᠦᠨᠡᠬᠡᠷ ᠨᠢᠬᠡᠨ ᠡᠷᠳᠡᠮᠳᠡᠨᠤ ᠢᠷᠠᠭᠤ ᠨᠠᠢᠷᠠᠭᠤᠨ ᠲᠤᠬᠠᠢ ᠬᠡᠯᠡᠭ᠌ᠰᠡᠨ 《ᠮᠦᠩᠬᠡᠶ᠋ᠢᠨ ᠪᠤᠷᠬᠠᠨᠯᠢᠭ᠂ ᠲᠠᠷᠨᠢᠯᠢᠭ᠂ ᠱᠢᠳᠢᠯᠢᠭ ᠴᠢᠨᠡᠷ ᠪᠠᠢᠳᠠᠯᠢᠶᠠᠷ ᠬᠦᠮᠦᠨᠤ ᠲᠤᠳᠤᠭᠠᠳᠦ ᠶᠢᠷᠳᠢᠨᠴᠦ᠍ᠶ᠋ᠢ ᠠᠷᠢᠭᠤᠰᠭᠠᠨ᠂ ᠭᠭᠢᠷ ᠪᠤᠷᠳᠠᠭᠢ ᠴᠡᠪᠡᠷᠯᠡᠵᠦ᠍ ᠴᠢᠳᠠᠬᠤ ᠤᠪᠠᠳᠢᠰᠲᠠᠢ ᠶᠤᠮ》 ᠬᠡᠰᠡᠨ ᠦᠬᠡᠲᠠᠢ ᠢᠵᠢᠯᠬᠡᠨ ᠰᠠᠨᠠᠬ᠍ᠳᠠᠯᠠ᠃
ᠬᠤᠩ ᠵᠢᠨᠬᠤᠸᠠᠷ ᠠᠯᠠᠱᠠ ᠢᠷᠠᠭᠤ ᠨᠠᠢᠷᠠᠭ᠍ᠴᠢᠳᠤᠨᠢᠶᠠᠨ ᠤᠷᠠᠨ ᠪᠦᠳᠦᠬᠡᠯᠤᠳᠢ ᠮᠠᠱᠢᠳᠠ ᠪᠠᠭ᠍ᠠᠷᠬᠠᠨ ᠤᠩᠱᠢᠳᠠᠭ ᠪᠠᠢᠨᠠ᠃ ᠪᠤᠶᠠᠨᠪᠠᠳᠤ᠂ ᠮ·ᠼᠠᠳᠠᠨᠪᠠᠯᠤᠨ ᠢᠨᠠᠭᠤᠨ ᠱᠢᠯᠦᠭᠤᠳ ᠢ ᠪᠤᠯ 《ᠵᠢᠷᠦᠭᠡᠨ ᠳᠡᠭᠡᠷᠡᠪᠠᠨ ᠳᠠᠯᠪᠢᠵᠦ᠍ ᠤᠩᠱᠢᠳᠠᠭ》 ᠬᠡᠵᠦ᠍ ᠬᠡᠯᠡᠬᠦ᠌ ᠲᠤᠷᠠᠳᠠᠢ᠃ 《ᠢᠨᠠᠭᠤᠨ ᠱᠢᠯᠦᠭᠢ ᠤᠬᠠᠭᠠ ᠦᠭᠡᠢ ᠬᠠᠢᠷᠠᠯᠠᠵᠤ ᠤᠩᠱᠢᠳᠠᠭ ᠢ ᠮᠢᠨᠢ ᠤᠢᠯᠠᠭᠠᠭᠠᠷᠠᠢ！ ᠪᠦᠰᠡᠭᠦᠢ ᠭᠦᠮᠦᠨᠤ ᠰᠡᠳᠭᠢᠯ ᠡᠮᠵᠡᠭ᠌ᠬᠡᠨ ᠤᠶᠠᠬᠠᠨ ᠪᠤᠯᠤᠭᠠᠳ ᠴᠤ᠌ ᠳᠡᠷᠨ ᠪᠤᠯᠪᠠ ᠤᠤ᠂ ᠬᠦᠬᠡᠷᠦᠬᠦᠢ！ ᠮ ·ᠼᠠᠳᠠᠨᠪᠠᠯ ᠠᠬ᠍ᠰᠠᠨᠤ ᠮᠠᠨᠢ ᠱᠢᠯᠦᠭ ᠦᠯᠢᠭᠡᠷᠯᠢᠭ᠂ ᠳᠤᠮᠤᠭ᠍ᠯᠢᠭ᠂ ᠤᠶᠠᠩᠭᠠᠯᠢᠭ ᠪᠠᠢᠳᠠᠭ᠃ ᠬᠠᠷᠢᠨ ᠪᠤᠶᠠᠨᠪᠠᠳᠤᠶ᠋ᠢᠨ ᠢᠷᠠᠭᠤ ᠨᠠᠢᠷᠠᠭ ᠤᠬᠠᠭᠠᠯᠢᠭ᠂ ᠢᠷᠠᠭᠤᠯᠢᠭ᠂ ᠡᠷᠴᠢᠮᠯᠢᠭ ᠰᠠᠨᠠᠬ᠍ᠳᠠᠳᠠᠭ᠃ ᠲᠡᠳᠡᠬᠡᠷ ᠱᠢᠯᠦᠭᠤᠨ ᠷᠢᠳᠢ ᠱᠢᠳᠢᠲᠠᠢ ᠦᠭᠡ ᠦᠭᠦᠯᠡᠪᠤᠷᠢᠨᠢ ᠳᠡᠩᠳᠡ ᠨᠠᠮᠠᠶ᠋ᠢ ᠰᠤᠬ᠍ᠳᠤᠭᠤᠷᠠᠯᠳᠤ ᠤᠨᠠᠭᠠᠳᠠᠭ ᠮᠦᠷᠳᠡᠭᠡᠨ ᠤᠩᠱᠢᠬᠤ ᠪᠦᠷᠢ ᠶᠠᠭᠠᠬᠢᠳᠠᠭ ᠴᠦ᠍ ᠪᠢᠯᠨ ᠳ᠋ᠠ ᠭᠡᠵᠦ᠍ ᠰᠡᠳᠭᠢᠯᠤᠨ ᠳᠤᠭ᠍ᠳᠤᠯᠤᠯᠢᠶᠠᠨ ᠳᠠᠷᠤᠵᠤ ᠴᠢᠳᠠᠳᠠᠭ ᠦᠭᠡᠢ ᠬᠠᠶᠨᠳᠠᠭᠠᠨ ᠠᠰᠭᠠᠷᠠᠭᠤᠯᠵᠤ ᠮᠡᠯᠮᠡᠷᠡᠭᠦᠯᠵᠤ ᠪᠠᠢᠭ᠍ᠰᠠᠨ ᠮᠢᠨᠢ ᠦᠨᠡᠨ！ ᠡᠢᠮᠦ᠍ ᠰᠠᠢᠬᠠᠨ ᠢᠷᠠᠭᠤ ᠨᠠᠢᠷᠠᠭ᠍ᠴᠢᠳ ᠤᠯᠠᠨ ᠭᠠᠷᠬᠤ ᠪᠤᠯᠳᠤᠭᠠᠢ ᠭᠡᠵᠦ᠍ ᠬᠦᠰᠡᠳᠡᠭ ᠶᠤᠮ ᠳ᠋ᠠ》 ᠬᠡᠵᠦ᠍ ᠪᠠᠢᠬ᠍ᠰᠠᠨ᠃
ᠬᠤᠨᠭ᠌ ᠵᠢᠨᠬᠤᠸᠠᠷ 《ᠴᠡᠴᠡᠭᠲᠠᠢ ᠳᠡᠨᠵᠢ ᠰᠤᠯᠤᠩᠭᠠᠲᠠᠢ᠂ ᠱᠢᠯᠦᠭᠲᠠᠢ ᠠᠮᠢᠳᠤᠷᠠᠯ ᠤᠶᠠᠩᠭᠠᠲᠠᠢ》 ᠬᠡᠮᠡᠨ ᠦᠪᠡᠷᠢᠪᠠᠨ ᠪᠠᠢᠩᠭᠤ ᠴᠡᠨᠡᠭ᠌ᠯᠡᠵᠦ᠍᠂ ᠬᠦᠰᠡᠵᠦ᠍ ᠲᠡᠮᠡᠤᠯᠵᠦ᠍᠂ ᠰᠠᠨᠠᠵᠦ᠍ ᠪᠤᠳᠤᠭ᠍ᠰᠠᠨᠢᠶᠠᠨ ᠬᠦᠢᠴᠡᠬᠡᠵᠦ᠍ ᠢᠷᠡᠵᠡᠢ᠃ ᠲᠡᠷᠡ ᠪᠡᠷ ᠲᠦᠴᠢ ᠱᠢᠬᠠᠮ ᠵᠢᠯ ᠢᠷᠡᠭᠤ ᠨᠠᠢᠷᠠᠭᠢᠶᠠᠷ ᠤᠶᠤᠨ ᠰᠡᠳᠭᠢᠯᠢᠶᠠᠨ ᠬᠡᠷᠡᠯᠳᠦᠭᠦᠯᠵᠦ᠍ ᠢᠷᠡᠬᠦ᠌ᠳᠡᠭᠡᠨ ᠦᠪᠡᠷᠤᠨ ᠪᠠᠭ᠍ᠠᠷᠬᠠᠯᠤᠨ ᠵᠦᠭᠢᠶᠠᠨ ᠶᠡᠷᠤᠨᠢ ᠦᠬᠡᠷᠡᠴᠢᠯᠡᠭᠡ ᠦᠬᠡᠢ ᠪᠠᠷᠢᠮᠳᠠᠯᠠᠵᠦ᠍ ᠢᠷᠡᠭ᠌ᠰᠡᠨᠨᠢ ᠨᠢᠬᠡᠨ ᠨᠢᠭᠤᠴᠠ ᠬᠡᠯᠳᠡᠢ᠃ ᠲᠡᠷᠡ ᠴᠦ᠍ ᠮᠦᠷᠳᠡᠯᠡᠪᠠᠨ ᠬᠠᠢᠷᠠᠶ᠋ᠢᠨ ᠱᠢᠯᠦᠭᠤᠳᠨᠢ ᠮᠦᠩᠬᠡᠶ᠋ᠢᠨ ᠤᠰᠤ ᠠᠮᠰᠠᠬ᠍ᠰᠠᠨ ᠮᠡᠳᠦ ᠬᠡᠵᠢᠶᠡᠳᠡ ᠭᠠᠯ ᠵᠠᠯᠠᠭᠤᠶ᠋ᠢᠨ ᠴᠤᠭ ᠵᠤᠯᠪᠤᠭᠠᠪᠠᠨ ᠬᠠᠳᠠᠭᠠᠯᠠᠵᠦ᠍ ᠴᠢᠳᠠᠬ᠍ᠰᠠᠨᠨᠢ ᠮᠦᠨ ᠴᠦ᠍ ᠭᠠᠢᠬᠠᠯᠳᠠᠢ ᠠᠵᠢ᠃ ᠢᠷᠡᠭᠤ ᠨᠠᠢᠷᠠᠬ᠍ᠴᠢ ᠭᠠᠯᠪᠠᠭᠠᠳᠤᠷ 《ᠲᠤᠷᠠᠯᠠᠯ ᠴᠡᠴᠡᠭ᠌ᠯᠡᠭ᠌ᠰᠡᠨ ᠦᠳᠡᠰᠢ》 ᠬᠡᠮᠡᠬᠦ᠌ ᠱᠢᠯᠦᠭᠲᠤᠨᠢ ᠦᠨᠡᠯᠡᠯᠳᠡ ᠦᠭ᠌ᠴᠦ᠂ 《ᠬᠤᠨᠭ᠌ ᠵᠢᠨᠬᠤᠸᠠᠷ ᠪᠤᠯ ᠬᠠᠢᠷᠠᠶ᠋ᠢᠨ ᠱᠢᠳᠢᠪᠠᠷ ᠦᠪᠡᠷᠤᠨᠢᠶᠠᠨ ᠶᠢᠷᠳᠢᠨᠴᠦ᠍ᠶ᠋ᠢ ᠤᠷᠠᠯᠠᠵᠦ᠍ ᠶᠠᠪᠤᠭᠠ ᠪᠦᠰᠡᠬᠦᠢ ᠨᠠᠢᠷᠠᠬ᠍ᠴᠢ》 ᠬᠡᠵᠦ᠍ ᠦᠨᠡᠯᠡᠯᠳᠡ ᠦᠭ᠌ᠴᠦ ᠪᠠᠢᠬ᠍ᠰᠠᠨᠨᠢ ᠶᠠᠭᠠᠬᠢᠬᠤᠶ᠋ᠢᠨ ᠠᠷᠭᠠ ᠦᠬᠡᠢ ᠤᠨᠤᠭᠠᠵᠦ᠍ ᠬᠡᠯᠡᠭ᠌ᠰᠡᠨ ᠦᠬᠡ ᠪᠠᠢᠯᠠ᠃
ᠭᠤᠪᠢ ᠶ᠋ᠢᠨ ᠬᠠᠢᠺᠦᠴᠢ ᠪᠤᠶᠤ ᠵ᠊ ·ᠰᠡᠷᠭᠦᠯᠡᠩ ᠤᠨ ᠰᠡᠳᠭᠢᠳᠡᠭ ᠲᠤᠩᠭᠠᠯᠠᠭ ᠬᠢᠵᠠᠭᠠᠷ
ᠡᠴᠢᠬᠡ ᠲᠡᠭ᠌ᠷᠢᠶ᠋ᠢᠨ ᠬᠡᠱᠢᠭ ᠬᠠᠢᠷᠠᠯᠠᠬ᠍ᠰᠠᠨ
ᠲᠠᠪᠤᠨ ᠡᠷᠳᠡᠨᠢᠶ᠋ᠢᠨ ᠢᠷᠡᠭᠤ ᠡᠬᠡᠱᠢᠭ᠌ᠯᠡᠩᠲᠠᠢ
ᠡᠷᠳᠡᠨᠢᠳᠦ ᠪᠦᠬᠦᠨᠤ ᠬᠦᠬᠦᠨᠠᠴᠠ ᠤᠨᠳᠤᠷᠤᠭ᠍ᠰᠠᠨ
ᠲᠠᠷᠠᠭ ᠠᠢᠷᠠᠭᠤᠨ ᠠᠩᠬᠢᠯᠤᠮᠠ ᠦᠨᠦᠷᠲᠠᠢ
ᠴᠢᠳᠦᠷᠤᠨ ᠰᠤᠮᠤᠨᠠᠴᠠ ᠡᠷᠴᠢᠯᠡᠵᠦ᠍ ᠪᠤᠰᠤᠭ᠍ᠰᠠᠨ
ᠲᠠᠬ᠍ᠰᠢᠬᠤ ᠵᠡᠬᠡᠷᠡᠶ᠋ᠢᠨ ᠠᠮᠤᠭᠤᠯᠠᠩ ᠵᠠᠶᠠᠭᠠᠲᠠᠢ
ᠲᠡᠭ᠌ᠰᠢ ᠪᠤᠰᠤᠭᠠ ᠦᠵᠡᠰᠭᠦᠯᠡᠩᠳᠦ ᠲᠡᠭᠦᠯᠳᠡᠷ ᠪᠢᠴᠢᠭᠠᠴᠠ
ᠴᠠᠮᠨᠠᠵᠦ᠍ ᠪᠠᠭᠤᠬ᠍ᠰᠠᠨ ᠤᠩᠭᠤᠳ ᠪᠢᠯᠢᠭᠲᠠᠢ
ᠴᠡᠴᠡᠨ ᠲᠤᠤᠯᠢᠶ᠋ᠢᠨ ᠲᠤᠮᠤᠭ᠍ᠳᠦ ᠡᠬᠡ ᠬᠡᠯᠡᠪᠠᠷ
ᠴᠢᠮᠠᠳᠠᠭᠠᠨ ᠪᠢ ᠲᠠᠪᠠᠯ ᠤᠶᠤᠵᠦ᠍ ᠯᠠ ᠶᠠᠪᠤᠨᠠ ᠮᠦᠩᠬᠡᠶ᠋ᠢᠨ ᠡᠬᠡ ᠤᠷᠤᠨ ᠮᠢᠨᠤ！
ᠡᠨᠡ ᠬᠦ᠌ ᠡᠬᠡ ᠤᠷᠤᠨᠳᠠᠭᠠᠨ 《ᠴᠠᠢᠯᠭᠠᠨ ᠲᠦᠮᠠᠨᠤ ᠵᠢᠷᠦᠬᠡᠨ ᠬᠡᠲᠠᠢ》 ᠲᠠᠪᠠᠯ ᠤᠶᠤᠵᠦ᠍᠂ 《ᠴᠠᠬᠢᠯᠬᠤ ᠬᠦᠯᠦᠭᠤᠨᠢᠶᠠᠨ ᠬᠤᠷᠳᠦ᠍ᠶ᠋ᠢ ᠬᠤᠷᠤᠢᠯᠠᠬ᠍ᠰᠠᠨ》 ᠢᠷᠠᠭᠤ ᠨᠠᠢᠷᠠᠬ᠍ᠴᠢ ᠪᠤᠯ ᠠᠯᠠᠱᠠ ᠪᠠᠷᠠᠭᠤᠨ ᠬᠤᠱᠢᠭᠤᠨᠤ ᠠᠯᠳᠠᠨᠴᠤᠭ ᠰᠤᠮᠤᠨᠤ ᠮᠠᠯᠴᠢᠨ ᠪᠦᠰᠡᠬᠦᠢ ᠤᠷᠢᠶᠠᠩᠬᠠᠢ ᠵᠠᠮᠫᠠᠯᠠᠢᠶ᠋ᠢᠨ ᠰᠡᠷᠭᠦᠯᠡᠩ ᠪᠢᠯᠡ᠃
《ᠪᠦᠰᠡᠬᠦᠢᠴᠤᠳ ᠤᠷᠴᠢᠯᠠᠩᠢ ᠬᠠᠢᠷᠠᠪᠠᠷ ᠲᠦᠰᠦᠬᠡᠯᠡᠵᠦ᠍᠂ ᠠᠮᠢᠳᠤᠷᠠᠯᠢ ᠵᠢᠷᠦᠬᠡᠪᠠᠷᠢᠶᠠᠨ ᠰᠡᠳᠭᠢᠳᠡᠭ》 ᠤ᠋ᠨ ᠡᠷᠴᠢᠪᠠᠷ ᠵ᠊·ᠰᠡᠷᠭᠦᠯᠡᠩ ᠨᠡᠯᠢᠶᠡᠳ ᠡᠷᠳᠡ᠂ ᠲᠠᠷᠤᠢ 2000 ᠤᠨᠠᠴᠠ ᠡᠬᠢᠯᠡᠵᠦ᠍ ᠦᠪᠡᠷᠤᠨ ᠬᠡᠰᠡᠨ ᠮᠡᠳᠡᠷᠡᠬᠦᠢ ᠰᠡᠳᠭᠢᠬᠦᠢᠶ᠋ᠢᠨ ᠶᠢᠷᠳᠢᠨᠴᠦ᠍ᠳᠡᠭᠡᠨ ᠦᠪᠡᠷᠤᠨ ᠬᠡᠰᠡᠨ ᠰᠠᠨᠠᠭᠠ ᠠᠬᠤᠢᠪᠠᠨ ᠪᠦᠳᠦᠬᠡᠵᠦ᠍᠂ ᠬᠦᠬᠡᠷᠦᠬᠦᠨ ᠴᠡᠮᠴᠡᠬᠡᠷ᠂ ᠤᠷᠠᠨ ᠤᠬᠠᠭᠠᠯᠢᠭ ᠱᠢᠯᠦᠭᠤᠳᠢᠶᠠᠨ ᠠᠷᠠᠳ ᠲᠦᠮᠠᠨᠳᠡᠭᠡᠨ ᠭᠦᠷᠬᠡᠭ᠌ᠰᠡᠭᠡᠷ ᠢᠷᠡᠵᠡᠢ᠃ ᠬᠠᠷᠢᠨ ᠤᠢᠷᠠᠶ᠋ᠢᠨ ᠵᠢᠯ ᠨᠡᠬᠡᠢ ᠬᠡᠮᠡᠬᠦ᠌ ᠪᠢᠷᠤᠨ ᠨᠡᠷᠡᠪᠠᠷᠢᠶᠠᠨ ᠪᠦᠳᠦᠬᠡᠯᠢᠶᠠᠨ ᠨᠠᠢᠳᠠᠯᠠᠬᠦ᠌ ᠪᠤᠯᠤᠬ᠍ᠰᠠᠨᠨᠢ ᠲᠡᠬᠦᠨᠤ ᠬᠤᠪᠢᠳᠤ ᠱᠢᠨᠠ ᠨᠢᠬᠡᠨ ᠡᠬᠢᠯᠡᠯᠳᠡ ᠪᠠᠢᠬ᠍ᠰᠠᠨ ᠰᠠᠨ ᠪᠤᠯᠪᠠ ᠤᠤ⁈ ᠲᠡᠷᠡ ᠪᠡᠷ ᠪᠦᠬᠦ᠌ ᠤᠯᠤᠰᠤᠨ 《ᠰᠦᠶ᠋ᠢᠨ ᠰᠠᠴᠤᠯᠢ》 ᠮᠠᠯᠴᠢᠳᠤᠨ ᠤᠷᠠᠨ ᠵᠤᠬᠢᠶᠠᠯᠤᠨ ᠤᠷᠤᠯᠳᠤᠭᠠᠨ᠂ ᠪᠦᠬᠦ᠌ ᠤᠯᠤᠰᠤᠨ ᠨᠠᠢ᠍ᠮᠠᠨ ᠮᠤᠵᠢ ᠤᠷᠤᠨᠤ 《ᠡᠯᠡᠰᠦᠨᠤ ᠡᠷᠢᠶᠠ》 ᠱᠢᠯᠦᠭᠤᠨ ᠤᠷᠤᠯᠳᠤᠭᠠᠨ ᠵᠡᠷᠬᠡ ᠤᠯᠤᠰ᠂ ᠤᠷᠤᠨᠤ ᠬᠡᠪᠴᠢᠶᠡᠨᠤ ᠤᠷᠠᠨ ᠵᠤᠬᠢᠶᠠᠯᠤᠨ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨᠳᠤ ᠤᠯᠠᠨᠳᠠ ᠱᠠᠩᠨᠠᠯ ᠬᠦᠭᠢᠭᠦᠯᠦᠯ ᠬᠦᠷᠳᠡᠭ᠌ᠰᠡᠨ ᠪᠦᠬᠡᠳ ᠤᠯᠠᠨ ᠤᠯᠤᠰᠤᠨ ᠬᠠᠢᠺᠦ᠋ ᠰᠡᠳᠬᠦᠯ ᠲᠡᠬᠡᠷᠡ ᠪᠦᠳᠦᠬᠡᠯᠤᠳᠨᠢ ᠰᠤᠩᠭᠤᠬ᠍ᠳᠠᠨ ᠨᠠᠢᠳᠠᠯᠡᠭ᠌ᠳᠡᠵᠦ᠍᠂ ᠮᠤᠩᠭᠤᠯ ᠬᠠᠢᠺᠦ᠋ ᠪᠤᠶᠤ ᠭᠤᠪᠢᠶ᠋ᠢᠨ ᠬᠠᠢᠺᠦ᠋ᠶ᠋ᠢᠨ ᠤᠷᠠᠨ ᠮᠡᠳᠡᠷᠡᠮᠵᠢᠶ᠋ᠢᠨ ᠬᠦᠭ ᠠᠢᠵᠠᠮᠢᠶᠠᠷ ᠲᠡᠯᠡᠬᠡᠢᠶ᠋ᠢᠨ ᠤᠯᠠᠨ ᠤᠯᠤᠰᠤᠨ ᠱᠢᠯᠦᠭᠤᠨ ᠪᠠᠭ᠍ᠠᠳᠠᠳᠤᠨ ᠪᠠᠭ᠍ᠠᠷᠬᠠᠯ ᠲᠠᠭᠠᠱᠢᠶᠠᠯᠢ ᠬᠦᠭ᠌ᠯᠡᠵᠦ᠍ ᠦᠵᠡᠵᠡᠢ᠃ ᠬᠡᠭᠦᠳᠡᠭᠡᠨ ᠤᠷᠠᠨ ᠪᠦᠳᠦᠬᠡᠯᠤᠨ ᠤᠨᠳᠤᠷᠤᠭᠠ ᠰᠠᠢᠳᠠᠢ ᠴᠦ᠍ ᠡᠬᠡᠯ ᠲᠠᠷᠤᠤ ᠲᠡᠷᠡ ᠯᠡ ᠬᠡᠪᠢᠶᠠᠷᠢᠶᠠᠨ᠄ 《〈ᠮᠤᠩᠭᠤᠯ ᠮᠦᠰᠦ〉 ᠬᠡᠬᠦ᠌ ᠠᠩᠬᠠᠨᠤ ᠪᠦᠳᠦᠬᠡᠯᠢᠶᠠᠨ ᠰᠤᠨᠢᠨᠳᠤ ᠨᠠᠢᠳᠠᠯᠠᠭᠦᠯᠦᠬᠡᠳ ᠶᠡᠭᠡ ᠤᠷᠮᠠ ᠠᠪᠤᠬ᠍ᠰᠠᠨ ᠰᠠᠨ᠂ ᠤᠢᠭᠠ ᠦᠬᠡᠢ ᠤᠷᠤᠯᠳᠤᠯᠭᠠᠶ᠋ᠢᠨ ᠤᠷᠮᠠᠳᠤ ᠡᠳᠦᠬᠡ ᠬᠤᠶᠠᠷ ᠨᠤᠮᠲᠠᠢ ᠪᠤᠯᠤᠬ᠍ᠰᠠᠨ᠂ ᠪᠠᠰᠠ ᠨᠢᠬᠡ ᠨᠤᠮᠢᠶᠠᠨ ᠬᠡᠪᠯᠡᠯᠳᠤ ᠦᠭ᠌ᠴᠢᠬᠡᠭᠡᠳ ᠪᠠᠢᠨᠠ᠃ ᠨᠢᠬᠡ ᠰᠠᠢᠬᠠᠨ ᠤᠷᠠᠨ ᠪᠦᠳᠦᠬᠡᠯᠴᠢ ᠪᠤᠯᠤᠶᠠ ᠬᠡᠪᠡᠯ ᠢᠯᠡᠬᠦᠦ ᠤᠩᠱᠢᠬᠤ ᠴᠢᠬᠤᠯᠠᠳᠠᠢ ᠶᠤᠮ ᠪᠠᠢᠨᠠ ᠯᠠᠢ᠂ ᠪᠢ ᠪᠤᠯ ᠨᠤᠮ ᠤᠩᠱᠢᠬᠤ ᠲᠠᠯᠠᠪᠠᠷ ᠮᠠᠰᠢ ᠲᠤᠳᠠᠮᠠᠭ ᠪᠠᠢᠭᠠ ᠬᠦᠮᠦᠨ ᠱᠢᠤ᠃ 〈ᠵᠠᠪ ᠦᠬᠡᠢ᠂ ᠵᠠᠯᠬᠠᠭᠤ〉 ᠬᠤᠶᠠᠷᠲᠠᠭᠠᠨ ᠲᠡᠷᠤᠯᠠᠬ᠍ᠳᠠᠭᠠᠳ ᠬᠡᠳᠦᠬᠡᠨ ᠨᠤᠮ ᠤᠩᠱᠢᠬ᠍ᠰᠠᠨ ᠶᠤᠮ》 ᠬᠡᠵᠦ᠍ ᠪᠠᠢᠬ᠍ᠰᠠᠨ ᠪᠢᠯᠡ᠃
《ᠨᠠᠮᠢᠷᠠᠭᠠ ᠴᠡᠩᠬᠡᠷ ᠪᠤᠷᠤᠭᠠᠨᠤ ᠲᠤᠰᠤᠯᠢᠶᠠᠷ ᠨᠠᠮᠠᠶ᠋ᠢ ᠲᠦᠰᠦᠬᠡᠯᠡᠬᠡᠷᠡᠢ！ ᠲᠡᠷᠡ ᠮᠢᠨᠤ ᠲᠤᠳᠤᠭᠠᠳᠦ ᠤᠷᠤᠱᠢᠬᠤᠢᠶ᠋ᠢᠨ ᠬᠡᠯᠪᠡᠷᠢ ᠶᠤᠮ》᠂ 《ᠦᠬᠡ ᠤᠯᠢᠬᠤᠳᠤ ᠲᠡᠭ᠌ᠷᠢ ᠱᠢᠷᠬᠠᠳᠤᠨᠠ》᠂ 《ᠮᠤᠳᠤᠳ ᠨᠠᠪᠴᠢᠪᠠᠷ ᠤᠬᠢᠯᠠᠬᠤᠳᠤ \ ᠨᠠᠮᠤᠷ ᠮᠢᠨᠤ ᠵᠢᠷᠦᠬᠡᠨᠳᠤ ᠢᠴᠡᠬᠡᠯᠡᠳᠡᠭ \ ᠭᠤᠨᠢᠭᠢᠶᠠᠨ ᠨᠢᠭᠤᠬᠤ ᠬᠡᠵᠦ᠍ ᠁》 ᠬᠡᠮᠡᠨ ᠭᠠᠢᠬᠠᠯᠳᠠᠢ ᠰᠡᠳᠭᠢᠳᠡᠭ ᠵ᠊·ᠰᠡᠷᠭᠦᠯᠡᠩ ᠮᠠᠨᠢ ᠬᠤᠯᠠᠨᠤ ᠱᠢᠯᠦᠭᠤᠳᠢ ᠪᠠᠭ᠍ᠠᠷᠬᠠᠨ ᠤᠩᠱᠢᠳᠠᠭ ᠨᠢᠬᠡᠨ ᠠᠪᠠᠢ᠃
《 ᠲᠠᠯᠢ ᠬᠤᠶᠠᠷ ᠵᠢᠬᠦᠷᠢᠶᠠᠨ
ᠲᠡᠮᠵᠢᠭᠤᠯᠤᠭᠠᠳ ᠪᠤᠴᠠᠯᠠ᠂ ᠲᠤᠭᠤᠷᠤᠤ ᠱᠢᠪᠠᠭᠤ
ᠬᠠᠮᠢᠭᠠ ᠤᠴᠢᠵᠦ᠍ ᠪᠠᠭᠤᠬᠤ ᠪᠤᠯ？
ᠬᠠᠷᠢᠶ᠋ᠢᠨ ᠨᠤᠳᠤᠭᠠᠴᠠ ᠭᠤᠶᠤᠬᠤᠨᠢ ᠪᠤᠯ
ᠦᠬᠢᠨ ᠰᠡᠪᠡᠯᠬᠡ ᠱᠢᠭ ᠦᠳᠦᠯᠢᠭ ᠵᠢᠬᠦᠷ
ᠤᠷᠤᠭ ᠡᠬᠦᠯᠡᠰᠤᠨ ᠨᠠᠭᠠᠨᠠ ᠴᠠᠭᠠᠨᠠ ᠬᠢᠯᠠᠰᠭᠢᠵᠦ᠍
ᠬᠦᠷᠬᠦ᠌ ᠪᠤᠯᠤᠭᠠ ᠦᠬᠡᠢ ᠭᠠᠵᠠᠷᠤᠨ ᠵᠦᠭ ᠦᠬᠡᠳᠡ
ᠬᠡᠤᠬᠡᠨ ᠬᠦᠮᠦᠨᠤᠬᠢ ᠱᠢᠭ ᠭᠤᠨᠢᠭ᠍ᠳᠦ ᠲᠠᠭᠤ ᠬᠠᠳᠠᠭᠠᠨᠠ ᠁ ᠬᠡᠵᠦ᠍ ᠮᠠᠰᠢ ᠡᠮᠵᠡᠭ᠌ᠯᠡᠩᠭᠦᠢ ᠪᠢᠴᠢᠭ᠌ᠰᠡᠨ ᠪᠠᠢᠭᠠ ᠶᠤᠮ᠃ ᠢᠩᠬᠢᠬᠡᠳ ᠪᠤᠳᠤᠬᠤᠪᠠᠷ ᠡᠮᠡᠭ᠌ᠳᠡᠢ ᠬᠦᠮᠦᠨ ᠤᠷᠠᠨ ᠵᠤᠬᠢᠶᠠᠯᠴᠢ ᠪᠤᠯᠤᠨᠠ ᠬᠡᠳᠡᠭ ᠬᠠᠳᠠᠭᠤᠬᠠᠨ ᠦᠢᠯᠡ ᠴᠦ᠍ ᠶᠤᠮ ᠱᠢᠭ ᠰᠠᠨᠠᠬ᠍ᠳᠠᠳᠠᠭ》 ᠬᠡᠵᠦ᠍ ᠲᠡᠷᠡ ᠪᠡᠷ ᠪᠠᠰᠠ ᠡᠮᠵᠡᠭ᠌ᠯᠡᠨᠡ᠃ ᠤᠷᠠᠨ ᠪᠦᠳᠦᠬᠡᠯᠴᠢ ᠬᠦᠮᠦᠨ ᠡᠮᠵᠡᠭ᠌ᠯᠡᠵᠦ᠍ ᠪᠠᠢᠳᠠᠭᠨᠢ ᠰᠡᠷᠡᠬᠦᠢ ᠮᠡᠳᠡᠷᠡᠬᠦᠢᠨᠢ ᠴᠡᠨᠡᠭ ᠠᠪᠴᠦ᠍ ᠪᠠᠢᠬᠤᠶ᠋ᠢᠨ ᠬᠢᠨᠢ ᠨᠢᠬᠡᠨ ᠢᠯᠡᠷᠡᠯ ᠰᠠᠨ ᠪᠤᠯᠪᠠ ᠤᠤ⁈ ᠱᠢᠨᠠᠯᠵᠦ᠍ ᠪᠠᠢᠵᠦ᠍ ᠶᠢᠷᠳᠢᠨᠴᠦ᠍ᠶ᠋ᠢ ᠮᠡᠳᠡᠷᠡᠬᠦ᠌ ᠬᠡᠭ᠌ᠴᠢ ᠨᠢᠬᠡ ᠪᠤᠳᠤᠪᠠᠯ ᠦᠨᠡᠬᠡᠷ ᠪᠦᠰᠡᠬᠦᠢ ᠬᠦᠮᠦᠨᠳᠤ ᠬᠠᠳᠠᠭᠤᠬᠠᠨ ᠦᠢᠯᠡ ᠪᠠᠢᠵᠦ᠍ ᠲᠠᠭᠠᠷᠠᠨᠠ᠃ ᠲᠡᠷᠡᠪᠡᠷ ᠤᠷᠴᠢᠮᠤᠨ ᠵᠢᠯᠠᠴᠠ 《ᠬᠦᠮᠦᠨ ᠲᠦᠷᠦᠯᠬᠢᠳᠡᠨᠤ ᠢᠷᠠᠭᠤ ᠨᠠᠢᠷᠠᠭᠤᠨ ᠲᠤᠮᠤ ᠰᠤᠶᠤᠯ᠂ ᠦᠨᠡᠳᠦ ᠵᠦᠢᠯ （ᠯᠤᠮᠪᠠᠶ᠋ᠢᠨ ᠨᠢᠮᠠᠶ᠋ᠢᠨ ᠦᠬᠡ） ᠬᠡᠮᠡᠭ᠌ᠳᠡᠭ᠌ᠰᠡᠨ ᠬᠠᠢᠺᠦ᠋ ᠱᠢᠯᠦᠭ ᠪᠤᠶᠤ ᠮᠤᠩᠭᠤᠯ ᠬᠠᠢᠺᠦ᠋ ᠬᠡᠳᠡᠭ ᠤᠷᠤᠰᠭᠠᠯᠳᠤ ᠠᠪᠢᠶᠠᠰ ᠪᠢᠯᠢᠭᠢᠶᠠᠨ ᠰᠤᠷᠢᠵᠦ᠍᠂ 《ᠴᠡᠴᠡᠭᠤᠨ ᠱᠢᠬᠦᠳᠡᠷᠢ \ ᠴᠢᠮᠡᠭᠡ ᠦᠬᠡᠢ ᠤᠨᠠᠨᠠ \ ᠮᠢᠨᠤ ᠨᠢᠯᠪᠤᠰᠤ》᠂ 《ᠴᠢᠮᠠᠶ᠋ᠢ ᠪᠢ ᠲᠦᠷ ᠮᠠᠷᠳᠠᠶᠠ \ ᠡᠷᠬᠢᠬᠦ᠌ ᠲᠦᠷᠦᠯ ᠱᠢᠭᠢᠶᠠᠨ》 ᠁ ᠬᠡᠮᠡᠨ 《ᠡᠮᠵᠡᠭ᠌ᠯᠡᠵᠦ᠍》᠂ 《ᠲᠡᠯᠡᠭᠡᠢᠶ᠋ᠢᠨ ᠮᠤᠩᠭᠤᠯ ᠬᠠᠢᠺᠦ᠋》 ᠰᠡᠳᠬᠦᠯᠤᠨ ᠬᠠᠭᠤᠳᠠᠰᠤᠨᠳᠤ ᠭᠤᠪᠢᠶ᠋ᠢᠨ ᠤᠶᠠᠩᠭᠠᠶ᠋ᠢ ᠨᠦᠬᠦᠵᠡᠢ᠃ ᠲᠡᠷᠡ ᠴᠦ᠍ ᠮᠦᠷᠳᠡᠯᠠᠪᠠᠨ ᠨᠠᠯᠢᠶᠡᠳ ᠬᠡᠳᠦᠨ ᠰᠠᠷᠠᠶ᠋ᠢᠨ ᠬᠢᠨᠢ ᠱᠢᠯᠢᠳᠡᠭ ᠬᠠᠢᠺᠦᠴᠢᠪᠠᠷ ᠲᠤᠳᠤᠷᠠᠬ᠍ᠰᠠᠨ ᠪᠠᠢᠨᠠ᠃ ᠲᠡᠢᠨ ᠬᠦ᠌ ᠨᠡᠷᠡᠳᠦ ᠱᠢᠯᠦᠭ᠌ᠴᠢ ᠲ·ᠰᠠᠴᠠᠨ᠄ 《 ᠁ ᠨᠡᠬᠡᠢ ᠪᠤᠯ ᠤᠢᠷᠠᠶ᠋ᠢᠨ ᠵᠢᠯᠳᠤ ᠱᠢᠯᠦᠭᠢᠶᠠᠷ ᠲᠡᠯᠭᠡᠷᠡᠵᠦ᠍᠂ ᠱᠢᠯᠦᠭᠢᠶᠠᠷ ᠠᠮᠢᠰᠭᠤᠵᠦ᠍ ᠶᠠᠪᠤᠭᠠ ᠪᠦᠰᠡᠬᠦᠢ ᠱᠢᠯᠦᠭ᠌ᠴᠢ ᠶᠤᠮ᠃ ᠬᠠᠢᠺᠦ᠋ ᠱᠢᠯᠦᠭᠤᠨ ᠦᠷᠦᠬᠡᠨ ᠴᠦ᠍ ᠁ ᠬᠡᠰᠡᠨ 〈ᠪᠢ ᠪᠠᠢᠬᠤ ᠯᠠ ᠬᠡᠷᠡᠭ᠌ᠳᠡᠢ〉 ᠬᠡᠰᠡᠨ ᠱᠢᠭᠢᠶᠠᠨ ᠪᠠᠢᠩᠭᠤ ᠪᠠᠢᠳᠠᠭ》 ᠬᠡᠵᠦ᠍ ᠦᠨᠡᠯᠡᠭ᠌ᠰᠡᠨ ᠪᠠᠢᠳᠠᠭ ᠃ ᠢᠩᠬᠢᠬᠡᠳ ᠮᠦᠷᠳᠡᠪᠡᠯ ᠵ᠊·ᠰᠡᠷᠬᠦᠯᠡᠩᠤᠨ ᠬᠠᠢᠺᠦ᠋ ᠪᠦᠳᠦᠬᠡᠯᠨᠢ ᠶᠡᠭᠠᠬᠢᠬᠤᠶ᠋ᠢᠨ ᠠᠷᠭᠠ ᠦᠬᠡᠢ ᠱᠢᠨᠠ ᠨᠢᠬᠡᠨ ᠲᠡᠭ᠌ᠳᠡᠷᠲᠤ ᠭᠠᠷᠤᠬ᠍ᠰᠠᠨᠢ ᠵᠦᠢᠴᠢᠯᠠᠵᠦ᠍ ᠪᠤᠯᠬᠤ ᠠᠵᠢ᠃ ᠬᠡᠳᠡᠯᠡ ᠲᠡᠷᠡ ᠪᠡᠷ 《ᠬᠠᠢᠺᠦ᠋ᠨᠢ ᠮᠤᠩᠭᠤᠯ ᠤᠷᠠᠨ ᠵᠤᠬᠢᠶᠠᠯᠤᠨ ᠶᠡᠭᠡ ᠡᠷᠳᠡᠨᠤ ᠵᠠᠨᠠᠷ ᠶᠤᠮ ᠱᠢᠭ᠋ ᠰᠠᠨᠠᠬ᠍ᠳᠠᠬ᠍ᠰᠠᠨ᠂ ᠮᠠᠨᠠᠢᠬᠢᠨᠤ 〈ᠶᠢᠷᠳᠢᠨᠴᠦ᠍ᠶ᠋ᠢᠨ ᠭᠤᠷᠪᠠ〉 ᠬᠡᠳᠡᠭᠲᠠᠢ ᠶᠡᠭᠡ ᠤᠢᠷᠠᠬᠠᠨ ᠶᠤᠮ ᠳ᠋ᠠ᠃ ᠮᠠᠰᠢ ᠴᠦᠬᠡᠨ ᠦᠬᠡᠪᠠᠷ ᠮᠠᠰᠢ ᠤᠯᠠᠨ ᠰᠠᠨᠠᠭᠠᠶ᠋ᠢ ᠭᠠᠷᠭᠠᠵᠦ᠍ ᠴᠢᠳᠠᠬᠤᠢᠴᠠ ᠢᠷᠡᠭᠤ ᠵᠤᠬᠢᠰᠳᠦ ᠨᠠᠢᠷᠠᠭ᠃ ᠶᠠᠭᠤᠮᠠᠶ᠋ᠢ ᠤᠷᠤᠯᠳᠤᠭᠠᠳ ᠯᠠ ᠪᠠᠢᠪᠠᠯ ᠵᠦᠭ ᠭᠠᠷᠬᠤ ᠯᠠ ᠶᠤᠮ ᠪᠠᠢᠨᠠ᠃ ᠬᠠᠢᠺᠦ᠋ ᠪᠢᠴᠢᠬᠡᠳ ᠵᠤᠬᠢᠬᠤ ᠠᠮᠵᠢᠯᠳᠠᠲᠠᠢ ᠯᠠ ᠶᠠᠪᠤᠨᠠ᠃ 〈ᠴᠢᠷᠮᠠᠢᠯᠭᠠ ᠬᠦᠮᠦᠨᠢ ᠭᠤᠮᠤᠳᠠᠭᠠᠳᠠᠭ ᠦᠬᠡᠢ〉 ᠬᠡᠳᠡᠭ ᠦᠨᠠᠨ ᠶᠤᠮ ᠳ᠋ᠠ》 ᠬᠡᠵᠦ᠍ ᠮᠦᠨ ᠯᠠ ᠡᠬᠡᠯ ᠲᠠᠷᠤᠤ ᠬᠡᠪᠢᠶᠠᠷᠢᠶᠠᠨ ᠬᠡᠳᠦᠬᠡᠨ ᠦᠬᠡᠪᠠᠷ ᠬᠠᠷᠢᠭᠤᠯᠳᠠ ᠦᠭ᠌ᠭᠦᠨᠠ᠃
ᠵ·ᠰᠡᠷᠭᠦᠯᠡᠩᠤᠨ 《ᠴᠢᠳᠦᠷ ᠱᠢᠯᠦᠭ》 ᠲᠡᠬᠦᠪᠦᠷᠢᠶ᠋ᠢᠨ ᠬᠢᠨᠢ ᠲᠦᠷᠦᠬᠡ ᠮᠢᠯᠢᠶᠠᠵᠦ᠍ ᠢᠷᠠᠭᠤ ᠨᠠᠢᠷᠠᠬ᠍ᠴᠢ᠂ ᠳ᠋ᠤᠺᠲ᠋ᠤᠷ ᠠᠯᠳᠠᠨᠴᠢᠯᠠᠭᠤ 《ᠤᠳᠦ ᠶᠠᠭ ᠰᠦᠷᠦᠭᠤᠨᠢᠶᠠᠨ ᠲᠡᠷᠬᠡᠳᠡ ᠬᠡᠬᠡᠷᠡᠶ᠋ᠢᠨ ᠰᠠᠯᠬᠢᠪᠠᠷ ᠪᠡᠶᠡᠪᠠᠨ ᠠᠷᠢᠭᠤᠯᠠᠵᠦ᠍ ᠶᠠᠪᠤᠭᠠ ᠱᠢᠯᠦᠭ᠌ᠴᠢᠶ᠋ᠢᠨ ᠮᠠᠨᠢ ᠰᠡᠳᠭᠢᠯᠠᠴᠠᠨᠢ ᠰᠦᠨᠤ ᠦᠨᠦᠷ᠂ ᠱᠢᠯᠦᠭᠠᠴᠠᠨᠢ ᠨᠤᠳᠤᠭᠤᠨ ᠦᠨᠦᠷ ᠬᠠᠩᠬᠤᠯᠵᠦ᠍ ᠪᠤᠢ ᠁》 ᠬᠡᠵᠡᠢ᠃ ᠨᠤᠳᠤᠭᠤᠨ ᠦᠨᠦᠷ ᠬᠠᠨᠭ᠌ ᠲᠠᠳᠠᠬ᠍ᠰᠠᠨ ᠠᠶᠠᠰ ᠠᠶᠠᠰᠭᠠᠨ ᠢᠷᠡᠭᠤ ᠨᠠᠢᠷᠠᠭᠤᠨ ᠵᠦᠬᠡᠯᠡᠨ ᠰᠠᠯᠬᠢ ᠯᠠ ᠠᠯᠤᠰ ᠡᠷᠳᠡᠨᠤ ᠵᠦᠡᠭ ᠰᠤᠪᠢᠡᠭ ᠪᠠᠢᠵᠦ᠍ ᠲᠠᠭᠠᠷᠠᠨᠠ ᠁
《ᠮᠦᠩᠭᠦᠨ ᠬᠤᠨ》 ᠤ᠋ ᠵᠢᠪᠬᠤᠭᠠ ᠪᠤᠶᠤ ᠰᠤᠯᠤᠩᠭᠤᠸᠠ ᠶ᠋ᠢᠨ ᠲᠦᠰᠦᠬᠡᠯᠡᠳᠡᠭ ᠤᠷᠤᠨ ᠵᠠᠢ
ᠬᠠᠨᠠᠭᠠᠷ ᠦᠷᠬᠡᠨ ᠪᠡᠶᠡ ᠴᠢᠨᠢ ᠠᠷᠭᠤᠮᠠᠭ ᠬᠦᠯᠦᠭᠤᠨ ᠴᠢᠮᠡᠭ
ᠬᠠᠢᠷᠠ ᠲᠤᠨᠤᠷᠠᠬ᠍ᠰᠠᠨ ᠬᠠᠷᠠᠴᠠ ᠴᠢᠨᠢ ᠮᠢᠨᠤ ᠰᠡᠳᠭᠢᠯᠤᠨ ᠡᠬᠡᠱᠢᠭ
ᠬᠠᠶᠠ ᠠᠶᠠᠯᠬᠤ ᠲᠠᠭᠤᠤ ᠴᠢᠨᠢ 《ᠡᠷᠳᠡᠨᠢ ᠵᠠᠰᠠᠭᠤᠨ ᠤᠨᠠᠭᠠ》
ᠬᠠᠯᠠᠭᠤᠬᠠᠨ ᠱᠢᠷᠭᠠᠯ ᠴᠠᠢᠨᠢ 《ᠲᠤᠩᠭᠠᠯᠠᠭ ᠲᠠᠮᠢᠷ》 ᠤ᠋ᠨ ᠦᠯᠢᠬᠡᠷ ᠁
ᠡᠨᠡ ᠪᠤᠯ 《ᠮᠦᠩᠭᠦᠨ ᠬᠤᠨ》 ᠡᠷᠭᠦᠮᠵᠢᠯᠡᠯᠳᠤ ᠪᠦᠰᠡᠭᠦᠢ ᠢᠷᠠᠭᠤ ᠨᠠᠢᠷᠠᠭ᠍ᠴᠢ᠂ ᠠᠯᠠᠱᠠ ᠠᠢᠮᠠᠭᠤᠨ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠲᠦᠪᠤᠨ ᠮᠤᠩᠭᠤᠯ ᠷᠠᠳᠢᠦ᠌ᠶ᠋ᠢᠨ ᠨᠠᠢᠷᠠᠭᠤᠯᠤᠭ᠍ᠴᠢ᠂ ᠬᠦᠳᠦᠯᠦᠭ᠌ᠴᠢ ᠨᠠᠮᠵᠢᠯᠤᠨ ᠰᠤᠯᠤᠩᠭᠤᠸᠠᠶ᠋ᠢᠨ ᠦᠨᠦᠬᠢ ᠠᠯᠳᠠᠷᠳᠠᠢ ᠪᠦᠳᠦᠬᠡᠯ —《ᠴᠢᠮᠠᠶ᠋ᠢ ᠪᠢ ᠴᠠᠬᠢᠭᠤᠷ ᠲᠡᠮᠤᠷ ᠬᠡᠳᠡᠭ ᠰᠠᠨ》 ᠤ᠋ ᠨᠢᠬᠡ ᠪᠠᠳᠠᠭ ᠶᠤᠮ᠃ 《〈ᠴᠠᠬᠢᠭᠤᠷ ᠲᠠᠮᠤᠷ〉 ᠲᠦ᠍ ᠡᠢᠮᠤ ᠭᠠᠯᠲᠠᠢ ᠱᠢᠯᠦᠭ ᠪᠢᠴᠢᠵᠦ᠍ ᠭᠠᠯ ᠠᠶᠠᠨᠤᠬᠢᠨᠢᠶᠠᠨ ᠪᠠᠶᠠᠰᠭᠠᠨᠠ ᠬᠡᠭ᠌ᠴᠢ ᠶᠠᠮᠠᠷ ᠶᠡᠭᠡ ᠠᠵᠠ ᠪᠤᠢ》 ᠬᠡᠮᠡᠨ ᠢᠷᠠᠭᠤ ᠨᠠᠢᠷᠠᠬ᠍ᠴᠢᠳᠤᠨᠢᠶᠠᠨ ᠪᠠᠭ᠍ᠠᠷᠬᠠᠯᠢ ᠲᠦᠷᠦᠭᠦᠯᠦᠭ᠌ᠰᠡᠨ ᠪᠦᠬᠦ᠌ ᠤᠷᠤᠨᠤ ᠤᠳᠭᠠ ᠵᠤᠬᠢᠶᠠᠯᠤᠨ ᠠᠷᠪᠠᠨ ᠱᠢᠨᠠ ᠤᠳᠤᠨᠤ ᠨᠢᠬᠡ ᠪᠤᠯᠬᠤ ᠨᠠᠮᠵᠢᠯᠤᠨ ᠰᠤᠯᠤᠩᠭᠤᠸᠠ ᠡᠢᠨ ᠬᠦ᠌ ᠤᠷᠠᠨ ᠪᠦᠳᠦᠬᠡᠯᠤᠨ ᠬᠤᠪᠢᠳᠤ ᠤᠨᠳᠤᠷᠤᠭᠠ ᠰᠠᠢᠳᠠᠢ᠂ ᠤᠶᠠᠩᠭᠠᠯᠢᠭ ᠰᠠᠨᠠᠭᠠ᠂ ᠲᠠᠩᠰᠤᠭ ᠮᠡᠳᠡᠷᠡᠮᠵᠢ᠂ ᠱᠢᠨᠡᠯᠢᠭ ᠰᠡᠳᠭᠢᠮᠵᠢᠪᠠᠷᠢᠶᠠᠨ ᠢᠷᠡᠭᠤ ᠨᠠᠢᠷᠠᠭᠤᠨ ᠶᠡᠭᠡ ᠦᠷᠬᠦᠬᠡᠨᠤ ᠬᠠᠭᠠᠯᠭᠠᠶ᠋ᠢ ᠤᠮᠤᠬ᠍ᠳᠠᠢ ᠲᠡᠳᠡᠨ ᠤᠷᠤᠵᠦ᠍ ᠢᠷᠡᠭ᠌ᠰᠡᠨ ᠠᠪᠠᠢ᠃
ᠨᠠᠮᠵᠢᠯᠤᠨ ᠰᠤᠯᠤᠩᠭᠤᠸᠠ 2013 ᠤᠨᠳᠤ ᠲᠡᠯᠡᠬᠡᠢᠶ᠋ᠢᠨ ᠢᠷᠠᠭᠤ ᠨᠠᠢᠷᠠᠭᠤᠨ ᠡᠳᠤᠷᠢ ᠲᠡᠮᠳᠡᠭ᠌ᠯᠡᠭ᠌ᠰᠡᠨ ᠠᠯᠠᠱᠠ ᠢᠷᠠᠭᠤ ᠨᠠᠢᠷᠠᠭᠤᠨ ᠨᠠᠭᠠᠳᠤᠮᠳᠤ 《ᠬᠦᠬᠡ ᠮᠤᠷᠢᠨ ᠵᠢᠯ ᠪᠤᠶᠤ ᠮᠢᠨᠤ ᠠᠮᠢ ᠨᠠᠰᠤᠨᠤ ᠦᠷᠬᠦᠯᠵᠢᠯᠡᠯ》 ᠬᠡᠮᠡᠬᠦ᠌ ᠤᠤᠭᠠᠨ ᠪᠦᠳᠦᠬᠡᠯᠢᠶᠠᠷᠢᠶᠠᠨ ᠱᠢᠢᠳᠪᠦᠷᠢᠳᠦ ᠤᠷᠤᠯᠳᠤᠭᠠᠨᠳᠤ ᠲᠡᠪᠢᠭ᠌ᠰᠡᠨᠠᠴᠠ ᠤᠷᠮᠠᠪᠠᠨ ᠮᠢᠯᠢᠶᠠᠯᠭᠠᠵᠤ᠂ ᠡᠨᠡ ᠬᠦ᠌ 《ᠬᠡᠵᠢᠶᠡ ᠴᠦ᠍ ᠬᠦᠷᠴᠦ᠍ ᠲᠡᠢᠯᠦᠰᠢ ᠦᠬᠡᠢ ᠤᠷᠤᠨ ᠵᠠᠢ᠂ ᠲᠠᠭᠠᠭᠠᠵᠦ᠍ ᠴᠢᠳᠠᠰᠢ ᠦᠬᠡᠢ ᠭᠠᠢᠬᠠᠮᠱᠢᠬ᠍ᠳᠦ ᠤᠨᠢᠰᠤᠭᠠ》 （ᠦᠪᠡᠷᠤᠨ ᠬᠢᠨᠢ ᠦᠬᠡ） ᠬᠡᠮᠡᠬᠦ᠌ ᠢᠷᠠᠭᠤ ᠨᠠᠢᠷᠠᠭᠲᠠᠢ ᠬᠤᠪᠢ ᠢᠷᠦᠬᠡᠯᠲᠠᠢ ᠪᠤᠯᠤᠬ᠍ᠰᠠᠨᠢᠶᠠᠷ᠂ 2014 ᠤᠨᠳᠤ ᠪᠤᠯᠤᠭ᠍ᠰᠠᠨ ᠪᠦᠬᠦ᠌ ᠤᠯᠤᠰᠤᠨ ᠭᠤᠷᠪᠠᠳᠤᠭᠠᠷ ᠤᠳᠠᠭᠠᠨᠤ 《ᠦᠯᠡᠮᠵᠢᠶ᠋ᠢᠨ ᠴᠢᠨᠡᠷ》 ᠪᠦᠰᠡᠬᠦᠢ ᠢᠷᠠᠭᠤ ᠨᠠᠢᠷᠠᠭ᠍ᠴᠢᠳᠤᠨ ᠲᠡᠮᠡᠴᠡᠭᠡᠨᠳᠤ 《ᠴᠢᠮᠠᠶ᠋ᠢ ᠪᠢ ᠴᠠᠬᠢᠭᠤᠷ ᠲᠠᠮᠦᠷ ᠭᠡᠳᠡᠭ ᠰᠠᠨ》 ᠱᠢᠯᠦᠭᠢᠶᠠᠷᠢᠶᠠᠨ ᠬᠤᠶᠠᠳᠤᠭᠠᠷ ᠪᠠᠢᠷᠢᠨᠳᠤ ᠲᠤᠳᠤᠷᠠᠵᠤ᠂ 《ᠮᠦᠩᠭᠦᠨ ᠬᠤᠨ》 ᠡᠷᠭᠦᠮᠵᠢᠯᠡᠯᠢ ᠬᠦᠯᠢᠶᠡᠪᠡ᠃ ᠮᠦᠨ ᠲᠤᠰ ᠤᠨᠳᠤ ᠪᠦᠬᠦ᠌ ᠤᠷᠤᠨᠤ ᠠᠷᠪᠠᠨ ᠱᠢᠯᠢᠳᠡᠭ ᠤᠳᠭᠠ ᠵᠤᠬᠢᠶᠠᠯᠤᠨ ᠱᠢᠨᠡ ᠤᠳᠤᠨᠢᠶᠠᠷ ᠡ᠊ᠩᠬᠡᠷᠢᠶᠠᠨ ᠮᠢᠯᠢᠶᠠᠯᠭᠠᠵᠠᠢ᠃ 2016 ᠤᠨᠳᠤ ᠢᠷᠡᠭᠤ ᠨᠠᠢᠷᠠᠭᠤᠨ ᠵᠠᠯᠠᠭᠤᠰᠲᠠᠢᠪᠠᠨ ᠬᠠᠮᠳᠤᠷᠠᠨ 《ᠠᠯᠠᠱᠠ ᠵᠠᠯᠠᠭᠤᠰᠤᠨ ᠢᠷᠠᠭᠤ ᠨᠠᠢᠷᠠᠭ》 ᠨᠤᠮᠢᠶᠠᠨ ᠬᠡᠪᠯᠡᠭᠦᠯᠵᠤ᠂ 2019 ᠤᠨᠳᠤ ᠮᠤᠩᠭᠤᠯ ᠤᠯᠤᠰᠲᠤ 《ᠤᠳᠭᠠᠶ᠋ᠢᠨ ᠴᠡᠩᠬᠡᠷ ᠠᠯᠠᠱᠠ》 ᠬᠡᠮᠡᠬᠦ᠌ ᠮᠦᠨ ᠬᠦ᠌ ᠢᠷᠠᠭᠤ ᠨᠠᠢᠷᠠᠭᠤᠨ ᠵᠠᠯᠠᠭᠤᠰᠲᠠᠢᠪᠠᠨ ᠬᠠᠮᠲᠤᠷᠠᠨ ᠪᠦᠲᠤᠬᠡᠭᠰᠡᠨ ᠢᠷᠠᠭᠤ ᠨᠠᠢᠷᠠᠭᠤᠨ ᠲᠡᠭᠦᠪᠦᠷᠢᠪᠠᠨ ᠺᠢᠷᠢᠯᠢᠶᠠᠷ ᠬᠡᠪᠯᠡᠭᠦᠯᠦᠭ᠌ᠰᠡᠨ ᠪᠠᠢᠯᠠ᠃ 《ᠪᠠᠯᠴᠢᠷᠬᠠᠨ ᠨᠠᠰᠤᠲᠠᠢ ᠮᠢᠨᠢ ᠦᠶᠡᠷᠬᠡᠵᠤ ᠬᠤᠴᠤᠷᠤᠭ᠍ᠰᠠᠨ ᠪᠠᠭᠠᠪᠠᠭᠠᠢ ᠬᠠᠷᠠ》 （ᠨᠠᠢᠷᠠᠭᠤᠯᠤᠯ）᠂ 《ᠵᠢᠶᠤᠤ ᠳ᠋ᠢ ᠭᠤᠤ》 （ᠨᠠᠢᠷᠠᠭᠤᠯᠤᠯ）᠂ 《ᠴᠢᠨᠤ ᠲᠤᠬᠠᠢ ᠪᠤᠳᠤᠬᠤ ᠲᠤᠷᠠᠳᠠᠢ ᠪᠢ》 （ᠱᠢᠯᠦᠭ）᠂ 《ᠰᠠᠷᠠᠨᠤ ᠲᠠᠤᠯᠠᠢ》 （ᠱᠢᠯᠦᠭ） ᠵᠡᠷᠭᠡ ᠪᠦᠳᠦᠬᠡᠯᠤᠳᠨᠢ ᠨᠤᠮ ᠰᠡᠳᠬᠦᠯᠳᠤ ᠰᠤᠩᠭᠤᠬ᠍ᠳᠠᠨ᠂ ᠤᠩᠱᠢᠭ᠍ᠴᠢ ᠲᠦᠮᠠᠨᠤᠪᠠᠨ ᠰᠤᠨᠢᠷᠬᠠᠯ ᠪᠠᠭ᠍ᠠᠷᠬᠠᠯᠢ ᠲᠠᠳᠠᠵᠦ᠍᠂ ᠢᠷᠡᠭᠤ ᠨᠠᠢᠷᠠᠬ᠍ᠴᠢ᠂ ᠤᠳᠭᠠ ᠵᠤᠬᠢᠶᠠᠯᠤᠨ ᠱᠢᠭᠦᠮᠵᠢᠯᠡᠭ᠌ᠴᠢ ᠲᠠᠭᠤᠳᠠᠭᠠᠴᠢ ᠡᠩᠬᠡᠬᠠᠳᠠᠶ᠋ᠢᠨ ᠦᠬᠡᠪᠠᠷ ᠬᠡᠯᠡᠪᠡᠯ᠂ 《ᠤᠷᠠᠨ ᠵᠤᠬᠢᠶᠠᠯᠤᠨ ᠦᠨᠠ ᠴᠠᠨᠠᠶ᠋ᠢ ᠪᠦᠰᠡᠬᠦᠢ ᠬᠦᠮᠦᠨᠤ ᠤᠬᠠᠭᠠᠨ ᠠᠪᠢᠶᠠᠰᠢᠶᠠᠷᠢᠶᠠᠨ ᠬᠠᠮᠠᠭᠠᠯᠠᠬᠤᠳᠤ ᠤᠷᠤᠯᠴᠠᠵᠦ᠍ ᠡᠬᠢᠯᠡᠨ》᠂ 《ᠲᠡᠬᠦᠰᠭᠡᠯ ᠦᠬᠡᠢ ᠡᠬᠢᠯᠡᠯ》 ᠨᠢ ᠲᠡᠬᠦᠯᠳᠡᠷ ᠪᠤᠯᠵᠦ᠍ ᠴᠢᠳᠠᠵᠠᠢ᠃ ᠢᠷᠡᠭᠤ ᠨᠠᠢᠷᠠᠬ᠍ᠴᠢ᠂ ᠤᠳᠭᠠ ᠵᠤᠬᠢᠶᠠᠯᠤᠨ ᠱᠢᠭᠦᠮᠵᠢᠯᠡᠭ᠌ᠴᠢ ᠵᠡᠬᠦᠠᠭᠠᠷ ᠪᠤᠶᠠᠨᠪᠠᠳᠦ 《ᠤᠶᠠᠷᠠᠮᠠᠳᠠᠭᠠᠢ᠂ ᠮᠡᠳᠡᠷᠡᠮᠡᠳᠡᠬᠡᠢ᠂ ᠲᠤᠬ᠍ᠳᠤᠯᠤᠮᠠᠳᠠᠭᠠᠢ᠂ ᠲᠤᠷᠠᠯᠠᠮᠠᠳᠠᠭᠠᠢ ᠪᠠᠰᠠ ᠢᠯᠳᠠᠮᠬᠠᠨ᠂ ᠡᠩᠭᠦᠷᠡᠢᠬᠡᠨ ᠠᠭᠠᠳ ᠪᠦᠰᠡᠬᠦᠢ ᠪᠤᠯ ᠲᠡᠷᠡ ᠴᠢᠭᠢᠶᠠᠷᠢᠶᠠᠨ ᠪᠤᠷᠬᠠᠨᠤ ᠲᠡᠷᠡᠯᠡᠭ᠌ᠰᠡᠨ ᠢᠷᠡᠭᠤ ᠨᠠᠢᠷᠠᠭ ᠪᠠᠢᠳᠠᠭ ᠪᠦᠯᠦᠬᠡ᠃ ᠴᠦᠬᠡᠨ ᠠᠪᠠᠴᠦ᠍ ᠰᠤᠯᠤᠩᠭᠤᠸᠠᠶ᠋ᠢᠨ ᠱᠢᠯᠦᠭᠠᠴᠠ ᠡᠨᠡ ᠪᠦᠬᠦᠨ ᠬᠠᠩᠭᠠᠯᠳᠠᠳᠠᠢ》 ᠬᠡᠵᠦ᠍ ᠦᠨᠳᠦᠷ ᠦᠨᠡᠯᠡᠯᠳᠡ ᠦᠭ᠌ᠴᠦ ᠪᠠᠢᠬ᠍ᠰᠠᠨ ᠶᠤᠮ᠃
《ᠴᠦᠬᠡᠨ ᠬᠡᠳᠦᠨ ᠱᠢᠯᠦᠭᠲᠡᠭᠡᠨ ᠪᠢ ᠦᠷᠡᠵᠢᠨ ᠭᠠᠭ᠍ᠴᠠ ᠬᠦᠦ᠍ ᠪᠠᠨ ᠱᠢᠭ ᠬᠠᠢᠷᠠᠳᠠᠢ》᠃ ᠡᠨᠡ ᠪᠤᠯ ᠨᠠᠮᠵᠢᠯᠤᠨ ᠰᠤᠯᠤᠩᠭᠤᠸᠠᠶ᠋ᠢᠨ ᠬᠠᠢᠷᠠ ᠬᠦᠰᠡᠯᠤᠨ ᠰᠤᠷᠢᠨᠵᠢᠨ ᠬᠦᠷᠦ᠍᠃ ᠲᠡᠷᠡᠪᠡᠷ 《ᠮᠢᠨᠤ ᠬᠤᠪᠢᠳᠤ ᠱᠢᠯᠦᠭ ᠪᠢᠴᠢᠨᠡ ᠭᠡᠳᠡᠭ ᠲᠠᠢᠳᠭᠤᠷᠠᠯ ᠶᠤᠮ᠃ ᠪᠦᠰᠡᠬᠦᠢ ᠬᠦᠮᠦᠨᠤ ᠰᠡᠳᠭᠢᠯ ᠤᠶᠠᠨ ᠡᠮᠵᠡᠭ᠂ ᠮᠡᠳᠡᠷᠡᠮᠡᠳᠡᠭᠡᠢ ᠤᠴᠢᠷ ᠠᠵᠢᠯ ᠠᠮᠢᠳᠤᠷᠠᠯ᠂ ᠬᠠᠢᠷᠠ ᠰᠡᠳᠭᠢᠯ᠂ ᠭᠤᠨᠢᠭ ᠲᠤᠨᠢᠷᠬᠠᠯ᠂ ᠬᠦᠰᠡᠯ ᠮᠦᠷᠦᠭᠡᠳᠦᠯ᠂ ᠲᠤᠷᠠᠰᠤᠮᠵᠢ ᠲᠤᠷᠠᠳᠭᠠᠯ ᠭᠡᠳ ᠯᠡ ᠠᠮᠢᠳᠤ ᠶᠠᠪᠤᠬᠤᠶ᠋ᠢᠨ ᠪᠤᠶᠠᠨ ᠵᠠᠶᠠᠭᠠᠨᠳᠤ ᠵᠢᠷᠦᠬᠡ ᠰᠡᠳᠭᠢᠯᠢᠶᠠᠨ ᠠᠷᠭᠠᠳᠠᠵᠤ ᠪᠦᠪᠡᠢᠯᠡᠵᠤ᠂ ᠠᠮᠢᠳᠤᠷᠠᠯ ᠠᠬᠤᠢᠪᠠᠨ ᠠᠷᠠᠴᠢᠯᠠᠵᠤ ᠲᠤᠳᠤᠮᠳᠠᠵᠤ ᠪᠠᠢᠬᠤᠶ᠋ᠢᠨ ᠬᠠᠮᠤᠭᠤᠨ ᠲᠤᠬᠢᠷᠠᠭ᠍ᠰᠠᠨ ᠠᠷᠭᠠᠶ᠋ᠢᠨ ᠨᠢᠭᠡᠨᠢ ᠱᠢᠯᠦᠭ ᠪᠢᠴᠢᠬᠦ᠌ ᠶᠤᠮ᠃ ᠪᠦᠷᠬᠦᠭ ᠲᠡᠭ᠌ᠷᠢ ᠪᠦᠳᠡᠢᠵᠤ ᠪᠦᠳᠡᠢᠵᠤ ᠪᠤᠷᠤᠭᠠᠱᠢᠵᠤ ᠴᠢᠳᠠᠬᠤ ᠦᠭᠡᠢ ᠱᠢᠨᠠᠯᠵᠦ᠍ ᠪᠠᠢᠬᠤᠨᠢ ᠮᠢᠨᠤ ᠱᠢᠯᠦᠭ ᠪᠢᠴᠢᠬᠦ᠌ᠶ᠋ᠢᠨ ᠱᠢᠯᠳᠠᠭᠠᠨ ᠶᠤᠮ᠃ ᠲᠡᠭᠡᠭᠡᠳ ᠯᠡ ᠵᠢᠷᠦᠭᠡ ᠰᠡᠳᠭᠢᠯᠳᠤ ᠪᠠᠢᠭ᠍ᠰᠠᠨ ᠲᠡᠷᠡ ᠬᠠᠷᠠ ᠪᠠᠷᠠᠭᠠᠨ ᠡᠭᠦᠯᠡ ᠱᠢᠭ ᠪᠦᠬᠦᠨ ᠴᠠᠭᠠᠰᠤᠨ ᠲᠡᠭᠡᠷᠡ ᠱᠢᠯᠦᠭ ᠪᠤᠯᠤᠨ ᠱᠠᠭᠢᠵᠤ᠂ ᠰᠡᠳᠭᠢᠯ ᠵᠢᠷᠦᠬᠡ ᠮᠢᠨᠢ ᠴᠡᠯᠮᠡᠭ ᠤᠭ᠍ᠳᠠᠷᠭᠤᠢ ᠮᠡᠳᠦ ᠴᠡᠯᠮᠡᠳᠡᠭ ᠪᠤᠯᠬᠤᠷ ᠪᠢ ᠱᠢᠯᠦᠭ ᠪᠢᠴᠢᠬᠦ᠌ ᠲᠤᠷᠠᠳᠠᠢ᠃ ᠡᠳᠦᠷ ᠰᠦᠨᠢᠶ᠋ᠢᠨ ᠲᠤᠷᠰᠢ ᠲᠤᠩᠱᠢᠵᠤ ᠪᠠᠢᠵᠤ ᠬᠦᠤᠪᠠᠨ ᠲᠦᠷᠦᠭᠦᠯᠬᠦ᠌ᠳᠡᠭᠡᠨ ᠨᠡᠳᠡᠳᠤ ᠶᠠᠭ ᠱᠢᠯᠦᠭ ᠪᠢᠴᠢᠬᠦ᠌ᠲᠠᠢ ᠡᠭᠡᠭᠡ ᠢᠵᠢᠯᠭᠡᠨ ᠮᠡᠳᠡᠷᠡᠮᠵᠢ ᠲᠦᠷᠦᠵᠤ ᠪᠢᠯᠡ᠃ ᠶᠠᠭᠠᠬᠢᠵᠤ ᠵᠤᠪᠠᠵᠤ ᠱᠢᠨᠠᠯᠤᠭ᠍ᠰᠠᠨ ᠴᠦ᠍ ᠭᠡᠯᠡ ᠡᠬᠡ ᠬᠦᠮᠦᠨ ᠦᠷᠡᠶ᠋ᠢᠨᠢᠶᠠᠨ ᠴᠠᠰᠭᠢᠭ᠍ᠰᠠᠨ ᠠᠩᠬᠠᠨᠤ ᠲᠠᠭᠤᠶ᠋ᠢ ᠰᠤᠨᠤᠰᠭᠤ ᠲᠡᠷᠡ ᠭᠱᠠᠨᠳᠤ ᠶᠠᠭᠠᠬᠢᠵᠤ ᠰᠡᠳᠭᠢᠯ ᠠᠮᠤᠷᠵᠢᠨ ᠪᠠᠶᠠᠰᠳᠠᠭᠢ᠂ ᠲᠤᠳᠤᠷᠠ ᠪᠠᠴᠢᠭᠤᠷᠠᠭᠠᠳ ᠦᠬᠦᠮᠡᠷ ᠪᠤᠳᠤᠭ᠍ᠳᠠᠬᠤ ᠦᠶᠡ ᠪᠠᠢᠭ᠍ᠰᠠᠨ ᠴᠦ᠍ ᠱᠢᠯᠦᠭ ᠪᠢᠴᠢᠭᠡᠳ ᠭᠠᠷᠬᠤᠳᠤ ᠶᠠᠭᠠᠬᠢᠵᠤ ᠰᠡᠳᠭᠢᠯ ᠲᠠᠢᠪᠤᠱᠢᠷᠠᠨ ᠪᠠᠶᠠᠰᠳᠠᠭ ᠲᠡᠷᠡ ᠯᠠ ᠮᠡᠳᠡᠷᠡᠮᠵᠢᠶ᠋ᠢ ᠡᠬᠡ ᠬᠦᠮᠦᠨ᠂ ᠪᠦᠰᠡᠭᠦᠢ ᠢᠷᠠᠭᠤ ᠨᠠᠢᠷᠠᠭ᠍ᠴᠢ ᠬᠤᠶᠠᠷ ᠯᠡ ᠵᠢᠷᠦᠬᠡ ᠰᠡᠳᠭᠢᠯᠢᠶᠠᠷᠢᠶᠠᠨ᠂ ᠲᠤᠳᠤᠭᠠᠳᠦ ᠠᠷᠠᠨᠱᠢᠨ ᠴᠢᠨᠠᠷᠢᠶᠠᠷᠢᠶᠠᠨ ᠮᠡᠳᠡᠷᠡᠳᠡᠭ ᠪᠠᠢᠬᠠ》 ᠬᠡᠰᠡᠨᠨᠢ ᠡᠷᠬᠡ ᠦᠬᠡᠢ ᠡᠮᠵᠡᠭ᠌ᠯᠡᠬᠦᠨ ᠴᠦ᠍ ᠶᠤᠮ ᠱᠢᠭ᠂ ᠱᠢᠳᠢᠯᠢᠭ ᠴᠦ᠍ ᠶᠤᠮ ᠱᠢᠭ᠂ ᠨᠢᠭᠤᠴᠠᠯᠢᠭ ᠴᠦ᠍ ᠶᠤᠮ ᠱᠢᠭ᠋ ᠰᠠᠨᠠᠬ᠍ᠳᠠᠬᠤ ᠮᠦᠷᠳᠡᠭᠡᠨ ᠤᠶᠤᠨ ᠰᠠᠨᠠᠭᠠᠯᠢᠭ ᠤᠴᠢᠷᠠᠴᠠ ᠢᠷᠠᠭᠤ ᠨᠠᠢᠷᠠᠭ ᠤᠷᠤᠨ ᠵᠠᠢ ᠠᠪᠴᠦ᠍ ᠡᠬᠢᠯᠡᠳᠡᠭᠤᠨ ᠲᠦᠷᠦᠭ᠌ᠳᠡᠯᠢ ᠮᠡᠳᠡᠷᠡᠬᠦᠯᠦᠨᠠ᠃ 《ᠢᠷᠡᠭᠤ ᠨᠠᠢᠷᠠᠭᠢ ᠪᠦᠳᠦᠬᠡᠬᠦᠢ ᠬᠡᠭ᠌ᠴᠢ ᠨᠢᠭᠤᠴᠠᠶ᠋ᠢᠨ ᠨᠢᠭᠤᠴᠠ》 ᠬᠡᠮᠡᠬᠦ᠌ ᠠᠯᠳᠠᠷᠳᠠᠢ ᠦᠬᠡ ᠪᠤᠢ᠃ 《ᠶᠠᠭᠤᠨᠤ ᠲᠦᠷᠦᠭᠦᠦ ᠱᠢᠯᠦᠭᠲᠡᠭᠡᠨ ᠠᠶᠠᠯᠭᠤ ᠤᠷᠤᠭᠤᠯ》 ᠬᠡᠰᠡᠨ ᠦᠬᠡ ᠴᠦ᠍ ᠪᠤᠢ᠂ ᠠᠶᠠᠯᠭᠤ ᠦᠬᠡᠢ ᠪᠤᠯ ᠱᠢᠯᠦᠭ ᠦᠬᠡᠢ᠂ ᠪᠦᠰᠡᠬᠦᠢ ᠢᠷᠠᠭᠤ ᠨᠠᠢᠷᠠᠬ᠍ᠴᠢᠳᠤᠨ ᠮᠠᠨᠢ ᠢᠷᠠᠭᠤ ᠨᠠᠢᠷᠠᠭ ᠠᠰᠳᠠᠭᠠᠨ ᠨᠢᠬᠡᠨ ᠬᠦᠭ ᠠᠶᠠᠯᠭᠤᠲᠠᠢ ᠪᠠᠢᠳᠠᠭᠤᠨ ᠬᠢᠨᠢ ᠨᠢᠭᠤᠴᠠᠨᠢ ᠶᠠᠭᠤ ᠰᠠᠨ ᠪᠤᠯ？
ᠲᠡᠷᠡ ᠪᠡᠷ ᠪᠠᠰᠠ 《ᠱᠢᠯᠦᠭ ᠮᠢᠨᠤ ᠭᠤᠨᠢᠭ ᠤᠢᠳᠭᠠᠷᠤᠨ ᠲᠠᠢᠳᠬᠤᠷᠠᠭᠤᠯᠤᠯ ᠪᠤᠯᠪᠠᠴᠦ᠍ ᠭᠡᠭᠡᠨ ᠲᠤᠯᠠᠭᠠᠨ ᠨᠠᠷᠠ ᠮᠢᠨᠢ ᠶᠤᠮ》 ᠬᠡᠨᠡ᠃ ᠶᠠᠭᠠᠬᠢᠭᠠᠳ ᠬᠡᠪᠡᠯ᠂ 《ᠱᠢᠯᠦᠭ ᠮᠢᠨᠢ ᠪᠠᠢᠭᠠ ᠦᠭᠡᠢ ᠰᠠᠨ ᠪᠤᠯ ᠬᠡᠴᠢᠨᠡᠨ ᠤᠯᠠᠨ ᠬᠠᠷᠠᠩᠭᠤᠢ ᠰᠦᠨᠢᠪᠠᠷ ᠨᠢᠯᠪᠤᠰᠤᠨ ᠲᠤᠮᠳᠠ ᠡᠡᠭᠰᠡᠷᠡᠬᠦ᠌ ᠡᠰᠡᠬᠦᠯᠡ ᠭᠠᠱᠢᠭᠤᠨ ᠲᠠᠷᠠᠰᠤᠨᠳᠤ ᠱᠢᠷᠡᠳᠡᠵᠤ᠂ ᠭᠤᠨᠢᠭ ᠵᠤᠪᠠᠯᠠᠩᠤᠨ ᠲᠤᠮᠳᠠ ᠡᠨᠡ ᠪᠡᠶᠡ᠂ ᠡᠮᠵᠡᠭ᠌ᠬᠡᠨ ᠵᠢᠷᠦᠬᠡᠪᠠᠨ ᠲᠠᠮᠳᠤᠭ᠍ᠯᠠᠬᠤ ᠪᠠᠢᠭ᠍ᠰᠠᠨ ᠪᠤᠯ⁈ ᠱᠢᠯᠦᠭ ᠮᠢᠨᠢ ᠪᠠᠢᠭ᠍ᠰᠠᠨᠠᠴᠠ ᠪᠢ ᠡᠷᠢᠶᠠᠨ ᠪᠠᠷᠠᠭᠠᠨ ᠠᠮᠢᠳᠤᠷᠠᠯᠤᠨ ᠲᠤᠮᠳᠠᠭᠤᠷ ᠡᠷᠴᠢ ᠬᠦᠴᠦ᠍ᠲᠠᠢ᠂ ᠬᠡᠬᠡᠯᠢᠭ ᠦᠩᠭᠡᠯᠢᠭ ᠲᠤᠭᠤᠯᠤᠭ᠍ᠰᠠᠭᠠᠷ ᠢᠷᠡᠭ᠌ᠰᠡᠨ᠂ ᠲᠤᠭᠤᠯᠤᠭ᠍ᠰᠠᠭᠠᠷ ᠯᠠ ᠪᠠᠢᠬᠤ ᠪᠤᠯᠤᠨᠠ᠃ ᠴᠠᠭ ᠬᠤᠭᠤᠴᠠᠭᠠ ᠵᠠᠯᠠᠭᠤ ᠨᠠᠰᠤᠶ᠋ᠢ ᠮᠢᠨᠢ ᠡᠯᠡᠭᠡᠵᠤ ᠪᠤᠯᠤᠨᠠ᠂ ᠴᠠᠭᠢᠶᠠᠨ ᠤᠯᠤᠭᠠ ᠦᠭᠡᠢ ᠲᠤᠷᠠᠯᠠᠯ ᠠᠷᠢᠭᠤᠨ ᠬᠠᠢᠷᠠᠶ᠋ᠢ ᠮᠢᠨᠢ ᠬᠢᠰᠭᠢᠯᠡᠵᠤ ᠪᠤᠯᠤᠨᠠ᠂ ᠴᠠᠢᠶ᠋ᠢᠨ ᠰᠠᠢᠬᠠᠨ ᠠᠨᠳᠠ ᠵᠢᠰᠦ ᠪᠤᠷᠤᠭᠤᠯᠠᠨ ᠤᠳᠴᠦ᠍ ᠪᠤᠯᠤᠨᠠ᠂ ᠴᠠᠳᠢᠭ ᠲᠡᠤᠬᠡᠶ᠋ᠢᠨ ᠰᠠᠳᠤᠨ ᠴᠠᠭᠠᠰᠢᠪᠠᠨ ᠬᠠᠨᠳᠤᠨ ᠤᠷᠪᠠᠵᠤ ᠪᠤᠯᠤᠨᠠ᠃ ᠬᠠᠷᠢᠨ ᠮᠢᠨᠤ ᠱᠢᠯᠦᠭ ᠮᠦᠩᠬᠡᠳᠡ ᠮᠢᠨᠤ ᠲᠡᠷᠭᠡᠳᠡ ᠢᠳᠡᠭᠡᠯᠤᠨ ᠪᠠᠳᠤ ᠰᠠᠬᠢᠶᠠᠶ᠋ᠢ ᠦᠨᠡᠨᠴᠢᠪᠠᠷ ᠰᠠᠬᠢᠵᠤ ᠪᠠᠢᠭᠠ ᠪᠤᠯᠬᠤᠷ ᠨᠠᠮᠵᠢᠯᠤᠨ ᠰᠤᠯᠤᠩᠭᠤᠸᠠ ᠪᠢ ᠬᠡᠵᠢᠶᠡᠳᠡ ᠦᠩᠭᠡᠯᠢᠭ᠂ ᠦᠭᠡᠳᠡᠪᠠᠨ᠂ ᠬᠡᠢᠮᠦᠷᠢᠳᠡᠢ᠂ ᠬᠡᠬᠡᠯᠢᠭ᠂ ᠤᠬᠠᠭᠠᠯᠢᠭ ᠪᠠᠢᠬᠤ ᠪᠤᠯᠤᠨᠠ》 ᠬᠡᠵᠦ᠍ ᠪᠢᠯᠡ᠃ ᠲᠡᠬᠦᠨᠳᠤ ᠠᠪᠴᠦ᠍ ᠬᠡᠯᠡᠪᠡᠯ᠂ ᠢᠷᠠᠭᠤ ᠨᠠᠢᠷᠠᠭᠨᠢ ᠬᠡᠢᠮᠤᠷᠢ ᠵᠢᠪᠬᠤᠭᠠ᠂ ᠦᠩᠬᠡᠯᠢᠭ᠂ ᠬᠡᠬᠡᠯᠢᠭ ᠪᠠᠢᠬᠤᠶ᠋ᠢᠨ ᠬᠢᠨᠢ ᠨᠢᠬᠡᠨ ᠡᠷᠴᠢ ᠬᠦᠴᠦ᠍᠂ ᠮᠦᠨ ᠴᠦ᠍ ᠮᠡᠳᠡᠷᠡᠬᠦᠢ᠂ ᠲᠤᠰᠭᠤᠢ᠂ ᠦᠷᠦᠱᠢᠶᠡᠬᠦᠢ᠂ ᠠᠷᠢᠭᠤᠰᠭᠤᠢ᠂ ᠡᠶᠡᠯᠰᠡᠬᠦᠢ ᠁ ᠶ᠋ᠢᠨ ᠢᠯᠴᠢ ᠡᠷᠴᠢ ᠠᠪᠬᠤ ᠶᠡᠭᠡ ᠶᠢᠷᠳᠢᠨᠴᠦ᠍ ᠠᠵᠢᠶᠠᠮ᠃
ᠡᠨᠳᠡ 《ᠴᠦᠬᠡᠨ ᠬᠡᠳᠦᠨ ᠪᠦᠰᠡᠬᠦᠢ ᠨᠠᠢᠷᠠᠭ᠍ᠴᠢ ᠡᠷᠡᠴᠤᠳᠤᠨ ᠤᠬ᠍ᠳᠦ ᠰᠠᠨᠠᠭᠠᠨᠳᠤ ᠤᠷᠤᠳᠠᠭ ᠦᠬᠡᠢ ᠵᠦᠢᠯᠡᠰᠢ ᠮᠡᠳᠡᠷᠡᠵᠦ᠍ ᠪᠢᠴᠢᠵᠦ᠍ ᠴᠢᠳᠠᠳᠠᠭᠲᠤᠨᠢ ᠪᠠᠶᠠᠷᠯᠠᠳᠠᠭ》 ᠬᠡᠰᠡᠨ ᠦᠬᠡ ᠡᠷᠬᠡ ᠦᠬᠡᠢ ᠰᠠᠨᠠᠭᠠᠨᠳᠤ ᠤᠷᠤᠵᠦ᠍ ᠢᠷᠡᠯᠡ᠃ 《ᠬᠡᠷᠡᠯᠤᠨ ᠪᠤᠷᠤ ᠱᠢᠪᠠᠭᠤᠳ ᠵᠢᠬᠦᠷᠲᠡᠭᠡᠨ ᠭᠠᠯᠲᠠᠢ ᠶᠤᠮ ᠱᠢᠭ᠋ ᠲᠡᠭ᠌ᠷᠢ ᠪᠦᠯᠢᠶᠡᠰᠭᠡᠨ ᠨᠢᠰᠦᠯᠳᠦᠵᠦ᠍᠂ ᠬᠡᠬᠡᠨ ᠦᠷᠯᠦᠬᠡᠶ᠋ᠢ ᠡᠷᠳᠡᠰᠭᠡᠨᠠ᠂ ᠬᠡᠷᠡᠯᠳᠦ ᠡᠳᠦᠷ ᠢ ᠤᠷᠳᠤᠰᠭᠠᠨᠠ》 ᠬᠡᠵᠦ᠍ ᠢᠷᠡᠭᠤ ᠨᠠᠢᠷᠠᠭᠲᠤ ᠭᠠᠷᠳᠠᠭ ᠱᠢᠭ᠋ᠢᠶᠠᠨ ᠲᠡᠳᠡᠨᠤ ᠢᠷᠠᠭᠤ ᠨᠠᠢᠷᠠᠭ ᠴᠦ᠍ ᠵᠢᠬᠦᠷᠲᠡᠭᠡᠨ ᠭᠠᠯᠲᠠᠢ ᠱᠢᠪᠠᠭᠤᠳ ᠮᠡᠳᠦ ᠲᠡᠭ᠌ᠷᠢ ᠪᠦᠯᠢᠶᠡᠰᠭᠡᠨ ᠨᠢᠰᠦᠯᠳᠦᠬᠦ᠌ ᠢᠯᠴᠢ ᠬᠡᠷᠠᠯᠲᠠᠢ ᠬᠡᠳᠡᠭᠲᠤ ᠡᠷᠡᠬᠡᠯᠵᠡᠯ ᠦᠬᠡᠢ ᠢᠳᠡᠭᠡᠨᠡᠮ᠃