6 ᠰᠠᠷᠠᠶᠢᠨ 30ᠤ ᠡᠳᠦᠷ᠂
ᠴᠤᠤᠯ ᠭᠣᠣᠯᠤᠨ ᠤᠰᠤᠶᠢ ᠯᠢᠶᠣᠤᠾᠧ ᠭᠣᠣᠯᠳᠤ ᠲᠠᠲᠠᠬᠤ ᠢᠵᠸᠨ᠋ᠸᠷᠢᠩᠤᠨ ᠪᠠᠷᠢᠯᠭᠠᠳᠤ ᠪᠥᠬᠥ ᠱᠤᠭᠤᠮᠢᠶᠠᠷ
ᠲᠤᠷᠰᠢᠨ ᠤᠰᠤ ᠨᠡᠪᠲᠡᠷᠡᠭᠦᠯᠪᠡ᠂ ᠡᠨᠡ ᠨᠢ ᠲᠣᠰ ᠢᠨᠵᠸᠨ᠋ᠸᠷᠢᠩ ᠨᠢᠭᠡᠨᠲᠡ ᠪᠥᠬᠥ ᠱᠤᠭᠤᠮᠢᠶᠠᠷ ᠤᠰᠤ ᠨᠡᠪᠲᠡᠷᠡᠭᠦᠯᠬᠦ
ᠴᠢᠳᠠᠪᠤᠷᠢ ᠲᠠᠢ ᠪᠣᠯᠤᠭᠰᠠᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃
ᠴᠤᠤᠯ ᠭᠣᠣᠯᠤᠨ ᠤᠰᠤᠶᠢ ᠯᠢᠶᠣᠤᠾᠧ ᠭᠣᠣᠯᠳᠤ ᠲᠠᠲᠠᠬᠤ
ᠢᠨᠵᠸᠨ᠋ᠸᠷᠢᠩ ᠨᠢ ᠲᠥᠷᠥᠶᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠡᠴᠠ ᠲᠣᠭᠲᠠᠭᠠᠭᠰᠠᠨ 《ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠲᠠᠪᠤᠨ ᠵᠢᠯᠦᠨ ᠲᠥᠯᠦᠪᠵᠢᠭᠦᠯᠭᠡ》 ᠵᠢᠨ ᠬᠤᠭᠤᠴᠠᠭᠠᠨᠳᠤ ᠬᠡᠷᠡᠭᠵᠢᠭᠦᠯᠬᠦ 172 ᠵᠦᠢᠯ ᠦᠨ ᠤᠰᠤ ᠠᠷᠪᠢᠯᠠᠵᠤ ᠤᠰᠤ ᠬᠠᠩᠭᠠᠬᠤ
ᠴᠢᠬᠤᠯᠠ ᠶᠡᠬᠡ ᠤᠰᠤᠨ ᠠᠰᠢᠭ᠍ᠯᠠᠯᠲᠠ ᠵᠢᠨ ᠢᠨᠵᠸᠨ᠋ᠸᠷᠢᠩᠤᠨ ᠨᠢᠭᠡ ᠪᠠᠢᠵᠤ᠂ ᠤᠯᠤᠰᠤᠨ ᠤᠰᠤᠨᠤ ᠲᠣᠣᠷᠤᠨ
ᠭᠣᠣᠯᠯᠠᠭ᠍ᠴᠢ ᠢᠨᠵᠸᠨ᠋ᠸᠷᠢᠩ ᠳᠤ ᠬᠠᠷᠢᠶᠠᠯᠠᠭᠳᠠᠨᠠ᠃ ᠢᠨᠵᠸᠨ᠋ᠸᠷᠢᠩᠤᠨ ᠴᠣᠬᠣᠯᠠᠪᠤᠷᠢᠯᠠᠭᠰᠠᠨ ᠶᠡᠷᠦᠩᠬᠡᠢ
ᠪᠡᠯᠡ ᠣᠷᠣᠭᠤᠯᠤᠯᠲᠠ ᠨᠢ 311.55 ᠳ᠋ᠦᠩᠰᠢᠭᠤᠷ
ᠲᠥᠭᠥᠷᠢᠭᠲᠦ ᠬᠦᠷᠴᠦ᠂ ᠮᠠᠨᠤ ᠤᠷᠤᠨᠤ ᠣᠳᠣ᠌ ᠪᠣᠯᠲᠠᠯᠠᠬᠢ ᠪᠡᠯᠡ ᠣᠷᠣᠭᠤᠯᠤᠯᠲᠠᠶᠢᠨ ᠬᠡᠪᠴᠢᠶᠡᠪᠠᠷ ᠬᠠᠮᠤᠭᠤᠨ
ᠶᠡᠬᠡ ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠢᠨᠵᠸᠨ᠋ᠸᠷᠢᠩ ᠪᠣᠯᠣᠨᠠ᠃
ᠴᠤᠤᠯ ᠭᠣᠣᠯᠤᠨ ᠤᠰᠤᠶᠢ
ᠯᠢᠶᠣᠤᠾᠧ ᠭᠣᠣᠯᠳᠤ ᠲᠠᠲᠠᠬᠤ ᠢᠨᠵᠸᠨ᠋ᠸᠷᠢᠩᠤᠨ ᠪᠠᠷᠢᠯᠭᠠ ᠨᠢ ᠭᠣᠣᠯᠳᠠᠭᠤ ᠤᠰᠤᠨᠤ ᠡᠬᠢ ᠰᠤᠷᠪᠤᠯᠵᠢᠶᠢᠨ
ᠪᠠᠷᠢᠯᠭᠠ ᠪᠠ ᠤᠰᠤ ᠳᠠᠮᠵᠢᠭᠤᠯᠬᠤ ᠪᠠᠷᠢᠯᠭᠠ ᠬᠣᠶᠠᠷ ᠬᠡᠰᠡᠭᠢᠶᠡᠷ ᠪᠦᠷᠢᠯᠳᠦᠵᠡᠢ᠃ ᠭᠣᠣᠯ ᠱᠤᠭᠤᠮᠤᠨ ᠪᠠᠷᠢᠯᠭᠠ
ᠨᠢ ᠥᠨᠳᠡᠭᠡᠨ ᠣᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠲᠥᠪᠡᠴᠡ ᠡᠮᠦᠨᠡᠰᠢᠪᠠᠨ ᠲᠦᠩᠯᠢᠶᠣᠣ ᠬᠤᠲᠠᠶᠢᠨ ᠬᠣᠷᠴᠢᠨ ᠲᠣᠭᠣᠷᠢᠭ᠋
ᠬᠦᠷᠲᠡᠯᠡ ᠪᠦᠬᠦ ᠤᠷᠳᠤ ᠨᠢ 391.036 ᠺᠢᠯᠣᠮᠧᠲᠷ ᠪᠠᠢᠨᠠ； ᠰᠠᠯᠪᠤᠷᠢ ᠱᠤᠭᠤᠮᠤᠨ
ᠪᠠᠷᠢᠯᠭᠠ ᠨᠢ ᠨᠡᠢᠲᠡ 9 ᠵᠤᠷᠪᠤᠰ᠂ ᠪᠦᠬᠦ ᠤᠷᠳᠤ ᠨᠢ 395.265 ᠺᠢᠯᠣᠮᠧᠲᠷ ᠪᠠᠢᠵᠤ᠂ ᠲᠤᠰ ᠲᠤᠰ ᠬᠢᠩᠭᠠᠨ
ᠠᠢᠮᠠᠭ᠂ ᠲᠦᠩᠯᠢᠶᠣᠣ ᠬᠤᠲᠠ ᠬᠣᠶᠠᠷ ᠭᠠᠵᠠᠷᠤᠨ 8 ᠬᠣᠰᠢᠭᠤ ᠰᠢᠶᠠᠨ ᠬᠤᠲᠠ ᠲᠣᠭᠣᠷᠢᠭ᠋᠂ 10 ᠠᠵᠤ ᠦᠢᠯᠡᠳᠪᠦᠷᠢᠶᠢᠨ
ᠬᠦᠷᠢᠶᠡᠯᠡᠩ ᠲᠣᠭᠣᠷᠢᠭ᠋ᠢ ᠬᠣᠯᠪᠣᠵᠠᠢ᠃ ᠢᠨᠵᠸᠨ᠋ᠸᠷᠢᠩᠤᠨ ᠪᠠᠷᠢᠯᠭᠠ ᠵᠢᠨ ᠣᠯᠠᠨ ᠵᠢᠯᠦᠨ ᠳᠤᠮᠳᠠᠴᠢ ᠤᠰᠤ
ᠬᠠᠩᠭᠠᠬᠤ ᠬᠡᠮᠵᠢᠶᠡ 4.36 ᠳ᠋ᠦᠩᠰᠢᠭᠤᠷ ᠪᠣᠰᠣᠭᠠ ᠳᠥᠷᠪᠡᠯᠵᠢᠨ ᠮᠧᠲᠷᠲᠤ ᠬᠦᠷᠴᠦ᠂ ᠵᠢᠯ ᠪᠦᠷᠢ ᠬᠢᠩᠭᠠᠨ
ᠠᠢᠮᠠᠭᠲᠤ 1.49 ᠳ᠋ᠦᠩᠰᠢᠭᠤᠷ ᠪᠣᠰᠣᠭᠠ ᠳᠥᠷᠪᠡᠯᠵᠢᠨ ᠮᠧᠲᠷ ᠤᠰᠤ ᠬᠠᠩᠭᠠᠵᠤ᠂ ᠲᠦᠩᠯᠢᠶᠣᠣ ᠬᠤᠲᠠᠳᠤ
2.87 ᠳ᠋ᠦᠩᠰᠢᠭᠤᠷ ᠪᠣᠰᠣᠭᠠ ᠳᠥᠷᠪᠡᠯᠵᠢᠨ ᠮᠧᠲᠷ ᠤᠰᠤ ᠬᠠᠩᠭᠠᠬᠤ ᠪᠣᠯᠣᠨᠠ᠃
ᠴᠤᠤᠯ ᠭᠣᠣᠯᠤᠨ ᠤᠰᠤᠶᠢ
ᠯᠢᠶᠣᠤᠾᠧ ᠭᠣᠣᠯᠳᠤ ᠲᠠᠲᠠᠬᠤ ᠢᠨᠵᠸᠨ᠋ᠸᠷᠢᠩᠢ ᠪᠠᠢᠭᠤᠯᠵᠤ ᠳᠠᠭᠤᠰᠤᠭᠰᠠᠨᠤ ᠳᠠᠷᠠᠭᠠ᠂ ᠴᠤᠤᠯ ᠭᠣᠣᠯᠤᠨ
ᠳᠣᠣᠷᠠ ᠤᠷᠤᠰᠬᠠᠯᠤᠨ ᠲᠠᠷᠢᠶᠠᠯᠠᠩᠤᠨ ᠤᠰᠤᠯᠠᠯᠲᠠ ᠶᠢᠨ ᠨᠥᠬᠥᠴᠡᠯᠢ ᠰᠠᠢᠵᠢᠷᠠᠭᠤᠯᠵᠤ᠂ ᠤᠰᠤ ᠬᠦᠷᠳᠡᠬᠦ
ᠣᠷᠣᠨᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ ᠬᠡᠷᠡᠭᠯᠡᠬᠦ ᠤᠰᠤᠨ ᠤ ᠠᠰᠠᠭᠤᠳᠠᠯᠢ ᠰᠢᠢᠳᠪᠦᠷᠢᠯᠡᠨ᠂ ᠪᠠᠷᠠᠭᠤᠨ
ᠯᠢᠶᠣᠤᠾᠧ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷᠤᠨ ᠭᠠᠵᠠᠷ ᠳᠣᠣᠷᠠᠬᠢ ᠤᠰᠤᠶᠢ ᠬᠡᠲᠦᠷᠡᠲᠡᠯᠡ ᠲᠠᠲᠠᠵᠤ ᠬᠡᠷᠡᠭᠯᠡᠭᠰᠡᠨ
ᠪᠠᠢᠳᠠᠯᠢ ᠪᠦᠲᠦᠮᠵᠢᠲᠠᠶ ᠨᠠᠮᠳᠠᠭᠤᠯᠵᠤ᠂ ᠮᠠᠨᠤ ᠤᠷᠤᠨᠤ ᠵᠡᠭᠦᠨ ᠬᠡᠰᠡᠭᠦᠨ ᠭᠠᠵᠠᠷ ᠣᠷᠣᠨᠤ ᠠᠵᠤ ᠠᠬᠤᠢ
ᠨᠡᠢᠭᠡᠮᠦᠨ ᠦᠷᠭᠦᠯᠵᠢᠯᠡᠨ ᠬᠥᠭᠵᠢᠬᠦᠶᠢ ᠠᠬᠢᠭᠤᠯᠬᠤ᠂ ᠤᠮᠠᠷᠠᠲᠤ ᠬᠢᠯᠢᠶᠢᠨ ᠠᠮᠢ ᠠᠬᠤᠢᠶᠢᠨ ᠠᠮᠤᠷ ᠲᠦᠪᠰᠢᠨᠦ
ᠬᠠᠯᠬᠠᠪᠴᠢᠶᠢ ᠪᠠᠲᠤ ᠴᠣᠭᠴᠠᠯᠠᠬᠤᠳᠤ ᠲᠤᠢᠯᠤᠨ ᠴᠢᠬᠤᠯᠠ ᠶᠡᠬᠡ ᠠᠴᠢ ᠬᠣᠯᠪᠣᠭᠳᠠᠯᠲᠠᠢ ᠶᠤᠮ᠃
ᠢᠷᠡᠯᠲᠡ᠄ ᠰᠢᠨᠬᠤᠸᠠ
ᠬᠤᠷᠢᠶᠠ᠂ ᠲᠠᠯᠠ ᠨᠤᠲᠤᠬᠤᠨ ᠡᠭᠦᠯᠡ ᠰᠢᠯᠵᠢᠶᠡ