ᠠᠪᠤᠶ᠋ᠢᠨ ᠪᠠᠶᠠᠷᠤᠨ ᠡᠳᠤᠷ
ᠠᠯᠠᠭ ᠦᠷᠡᠪᠠᠨ ᠰᠠᠨᠠᠵᠦ᠍ ᠤᠶᠠᠷᠠᠪᠠ
ᠠᠯᠳᠠᠨ ᠰᠦᠨᠡᠰᠦᠶ᠋ᠢ ᠮᠢᠨᠢ ᠠᠪᠤᠭᠠᠳ ᠶᠠᠪᠤᠴᠢᠬᠠᠯᠠ ᠴᠢ ᠮᠢᠨᠢ
ᠠᠵᠠ ᠵᠢᠷᠭᠠᠯᠤᠨ ᠲᠡᠭ᠌ᠷᠢ ᠬᠡᠯᠪᠡᠢᠵᠦ᠍
ᠠᠯᠢᠪᠠ ᠬᠦᠰᠡᠯᠢ ᠮᠢᠨᠢ ᠡᠭᠦᠷᠦᠭᠡᠳ ᠶᠠᠪᠤᠴᠢᠬᠠᠯᠠ ᠴᠢ ᠮᠢᠨᠢ
ᠨᠠᠮᠠᠶ᠋ᠢ ᠰᠡᠳᠭᠢᠯᠤᠨ ᠲᠡᠩᠬᠡᠭᠡᠲᠠᠢ ᠪᠣᠯᠭᠠᠭ᠍ᠰᠠᠨ ᠤᠳᠠᠭᠠᠲᠠᠢ
ᠨᠠᠮᠠᠶ᠋ᠢ ᠮᠥᠷᠥᠭᠡᠳᠦᠯᠤᠨ ᠰᠤᠯᠤᠩᠭᠠᠪᠠᠷ ᠭᠡᠷᠡᠯᠳᠦᠭᠦᠯᠵᠦ᠍ ᠲᠡᠪᠡᠷᠢᠭᠦᠯᠦᠭ᠌ᠰᠡᠨ ᠬᠡᠱᠢᠭᠲᠠᠢ
ᠨᠠᠮᠠᠶ᠋ᠢ ᠲᠦᠭᠦᠷᠡᠩ ᠬᠦᠰᠡᠯᠢᠶᠠᠷ ᠴᠠᠯᠬᠢᠭᠤᠯᠵᠦ᠍ ᠠᠯᠬᠤᠭᠤᠯᠤᠭ᠍ᠰᠠᠨ ᠦᠯᠢᠭᠡᠷᠲᠠᠢ
ᠨᠠᠮᠠᠶ᠋ᠢ ᠠᠪᠤᠶ᠋ᠢᠨ ᠮᠦᠱᠢᠶᠡᠯᠢᠶᠠᠷ ᠪᠠᠶᠠᠨ ᠵᠢᠷᠭᠠᠭᠠᠭ᠍ᠰᠠᠨ ᠤᠶᠠᠩᠭᠠᠲᠠᠢ
ᠬᠦᠦ ᠮᠢᠨᠢ ᠴᠢ ᠯᠡ ᠨᠠᠳᠠᠳᠤᠪᠠᠨ
ᠬᠦᠰᠡᠯᠤᠨ ᠨᠠᠷᠠ ᠪᠠᠢᠯᠠ ᠳ᠋ᠠ
ᠭᠠᠭ᠍ᠴᠠᠬᠠᠨ ᠦᠭᠡᠨᠳᠤ ᠴᠢᠨᠢ ᠡᠮᠵᠡᠭ᠌ᠯᠡᠨ ᠪᠡᠶᠡᠪᠠᠨ ᠴᠢᠩᠨᠠᠵᠦ᠍ ᠶᠠᠪᠤᠯᠠ
ᠭᠠᠭ᠍ᠴᠠᠬᠠᠨ ᠲᠤᠷᠠᠯᠠᠯᠳᠤ ᠴᠢᠨᠢ ᠤᠶᠠᠩᠭᠠᠷᠠᠨ ᠵᠡᠭᠦᠳᠦ᠍ᠪᠠᠷᠢᠶᠠᠨ ᠮᠦᠱᠢᠶᠡᠵᠦ᠍ ᠶᠠᠪᠤᠯᠠ
ᠭᠠᠭ᠍ᠴᠠᠬᠠᠨ ᠰᠠᠨᠠᠭᠠᠨᠳᠤ ᠴᠢᠨᠢ ᠨᠡᠢᠴᠡᠬᠦᠯᠬᠦ᠌ ᠬᠡᠮᠡᠨ
ᠰᠡᠳᠭᠢᠯᠢᠶᠠᠨ ᠵᠦᠳᠡᠭᠡᠳᠡᠭ ᠪᠣᠯᠣᠯᠠ
ᠬᠦᠦ ᠮᠢᠨᠢ ᠨᠠᠳᠠ ᠳ᠋ᠠᠭᠠᠨ ᠠᠮᠢ ᠭᠤᠣᠯ ᠪᠠᠢᠯᠠ
ᠬᠦᠷᠡᠩ ᠵᠢᠷᠦᠬᠡᠨᠤ ᠮᠢᠨᠢ ᠤᠶᠠᠩᠭᠠ ᠴᠣᠬᠢᠯᠭᠠ ᠪᠠᠢᠯᠠ
ᠠᠪᠤᠶ᠋ᠢᠨ ᠪᠠᠶᠠᠷ ᠪᠣᠯᠬᠤᠪᠠᠷ ᠬᠦᠦ᠍ᠪᠠᠨ ᠰᠠᠨᠠᠵᠦ᠍ ᠮᠥᠷᠥᠭᠡᠳᠦᠨᠡ
ᠠᠵᠠ ᠵᠢᠷᠭᠠᠯᠤᠨ ᠲᠡᠭ᠌ᠷᠢ ᠬᠡᠯᠪᠡᠢᠭᠡᠳ
ᠠᠯᠢᠪᠠ ᠮᠥᠷᠥᠭᠡᠳᠦᠯᠢ ᠮᠢᠨᠢ ᠠᠪᠤᠭᠠᠳ ᠶᠠᠪᠤᠴᠢᠬᠠᠭ᠍ᠰᠠᠨ ᠱᠢᠭ᠋
ᠠᠯᠠᠭ ᠨᠢᠳᠦ᠍ᠶ᠋ᠢ ᠨᠢᠯᠪᠤᠰᠤ ᠪᠦᠷᠬᠦᠯᠡ
ᠬᠦᠦ᠍ ᠪᠠᠨ ᠰᠠᠨᠠᠵᠦ᠍ ᠶᠠᠪᠤᠬᠤᠳᠤ ᠪᠣᠳᠣᠯ ᠴᠡᠯᠮᠡᠭ᠌ᠰᠢᠨ ᠬᠥᠯ ᠬᠦᠩᠭᠡᠷᠡᠳᠡᠭ ᠪᠠᠢᠯᠠ
ᠬᠦᠦ᠍ ᠪᠠᠨ ᠢᠳᠡᠭᠡᠵᠦ᠍ ᠪᠠᠶᠠᠰᠭᠤᠳᠤ ᠬᠦᠢᠳᠡᠨ ᠮᠠᠷᠳᠠᠬ᠍ᠳᠠᠵᠦ᠍
ᠰᠡᠳᠭᠢᠯᠤᠨ ᠵᠠᠩᠭᠢᠷᠠᠭᠠ ᠠᠷᠢᠯᠵᠦ᠍ ᠣᠷᠬᠢᠳᠠᠭ ᠪᠠᠢᠯᠠ
ᠬᠦᠦ᠍ᠶ᠋ᠢᠨᠢᠶᠠᠨ ᠰᠡᠷᠭᠦᠯᠡᠩ ᠦᠭᠡᠨᠳᠤ ᠰᠡᠳᠭᠢᠯ ᠨᠢᠯᠬᠠᠷᠠᠨ ᠨᠠᠢᠷᠠᠭ ᠲᠥᠷᠥᠳᠡᠭ ᠪᠠᠢᠯᠠ
ᠬᠦᠦ᠍ ᠪᠠᠨ ᠰᠠᠨᠠᠵᠦ᠍ ᠤᠮᠤᠬ᠍ᠰᠢᠵᠦ᠍ ᠶᠠᠪᠤᠬᠤᠳᠤ
ᠠᠪᠤᠶ᠋ᠢᠨ ᠵᠢᠷᠭᠠᠯᠢᠶᠠᠷ ᠲᠦᠭᠦᠷᠡᠩ ᠵᠠᠯᠠᠭᠤᠵᠢᠳᠠᠭ ᠪᠠᠢᠯᠠ
ᠠᠪᠤᠶ᠋ᠢᠨ ᠪᠠᠶᠠᠷᠤᠨ ᠡᠳᠤᠷ ᠬᠦᠦ᠍ ᠪᠠᠨ ᠰᠠᠨᠠᠵᠦ᠍ ᠮᠥᠷᠥᠭᠡᠳᠦᠨᠡ
ᠴᠢ ᠮᠢᠨᠢ ᠨᠠᠳᠠ ᠳ᠋ᠤ ᠭᠡᠨᠡᠳᠳᠡ ᠢᠷᠡᠭᠡᠳ ᠭᠡᠨᠡᠳᠳᠡ ᠪᠤᠴᠠᠭ᠍ᠰᠠᠨ ᠭᠡᠷᠡᠯᠳᠤ ᠤᠳᠤᠨ ᠪᠠᠢᠯᠠ
ᠴᠢ ᠮᠢᠨᠢ ᠨᠠᠳᠠ ᠳ᠋ᠤ ᠠᠮᠢᠳᠤᠷᠠᠯᠢ ᠱᠢᠯᠦᠭᠤᠨ ᠠᠮᠳᠠᠪᠠᠷ ᠪᠠᠶᠠᠰᠭᠠᠭ᠍ᠰᠠᠨ
ᠬᠠᠢᠷᠠᠶ᠋ᠢᠨ ᠮᠥᠷᠥᠭᠡᠳᠦᠯ ᠪᠠᠢᠯᠠ
ᠴᠢ ᠮᠢᠨᠢ ᠨᠠᠮᠠᠶ᠋ᠢ ᠲᠦᠮᠡᠨᠤ ᠲᠤᠮᠳᠠ ᠲᠠᠭᠤᠤᠲᠠᠢ ᠶᠠᠪᠤᠭᠤᠯᠤᠭ᠍ᠰᠠᠨ
ᠬᠦᠰᠡᠯᠤᠨ ᠨᠠᠢᠷᠠᠭ ᠪᠠᠢᠯᠠ
ᠴᠢ ᠮᠢᠨᠢ ᠮᠢᠨᠤ ᠢᠳᠡᠭᠡᠯ ᠲᠠᠢ ᠠᠮᠢᠳᠤᠷᠠᠬᠤᠶ᠋ᠢᠨ ᠬᠠᠢᠷᠠᠶᠢᠨ ᠭᠤᠣᠯ ᠪᠠᠢᠯᠠ
ᠬᠦᠦ ᠮᠢᠨᠢ ᠠᠪᠤᠳᠠᠭᠠᠨ ᠤᠶᠠᠩᠭᠠ ᠨᠠᠢᠷᠠᠭ ᠪᠠᠢᠯᠠ
ᠠᠪᠤᠨᠢ ᠴᠢᠮᠠᠶ᠋ᠢ ᠰᠠᠨᠠᠵᠦ᠍ ᠮᠥᠷᠥᠭᠡᠳᠦᠯ ᠲᠠᠢ ᠠᠮᠢᠳᠤᠷᠠᠨᠠ
ᠠᠪᠤᠨᠢ ᠴᠢᠮᠠᠶ᠋ᠢ ᠪᠤᠳᠤᠵᠦ᠍ ᠢᠳᠡᠭᠡᠯ ᠲᠠᠢ ᠶᠠᠪᠤᠨᠠ
ᠠᠯᠢ ᠨᠢᠭᠡ ᠠᠵᠠ ᠵᠢᠷᠭᠠᠯ ᠡᠯᠢᠭᠡᠨᠳᠤ ᠮᠢᠨᠢ ᠨᠠᠭᠠᠯᠳᠤᠪᠠᠯ
ᠬᠦᠦ᠍ᠶ᠋ᠢᠨ ᠮᠢᠨᠢ ᠥᠭ᠌ᠭᠦᠭ᠌ᠰᠡᠨ ᠬᠠᠢᠷᠠ ᠪᠠᠢᠵᠠᠢ ᠬᠡᠮᠡᠨ ᠨᠠᠨᠳᠢᠩᠨᠠᠵᠦ᠍ ᠶᠠᠪᠤᠨᠠ
ᠠᠯᠢ ᠨᠢᠭᠡᠨ ᠲᠤᠷᠠᠯᠠᠯᠤᠨ ᠤᠶᠠᠩᠭᠠ ᠰᠡᠳᠭᠢᠯᠢ ᠮᠢᠨᠢ ᠭᠡᠷᠡᠯᠳᠦᠭᠦᠯᠪᠡᠯ
ᠬᠦᠦ ᠮᠢᠨᠢ ᠶᠠᠪᠤᠭᠤᠯᠤᠭ᠍ᠰᠠᠨ ᠲᠤᠷᠠᠯᠠᠯ ᠪᠠᠢᠵᠠᠢ ᠬᠡᠮᠡᠨ ᠬᠠᠢᠷᠠᠯᠠᠵᠦ᠍ ᠶᠠᠪᠤᠨᠠ
ᠠᠪᠤᠨᠢ ᠬᠡᠵᠢᠶᠡᠳᠡ ᠴᠢᠮᠠᠶ᠋ᠢ ᠰᠠᠨᠠᠵᠦ᠍ ᠰᠠᠢᠬᠠᠨ ᠠᠮᠢᠳᠤᠷᠠᠨᠠ ᠬᠦᠦ ᠮᠢᠨᠢ