ᠨᠡᠷᠡ ᠪᠠᠨ ᠡᠷᠡ ᠱᠢᠭ ᠡᠷᠭᠦᠵᠦ᠍ ᠡᠷᠡᠮᠡᠭ ᠪᠤᠰᠤᠭᠠ ᠶᠠᠪᠤᠭ᠍ᠲᠤᠨ ᠭᠡᠵᠦ᠍
ᠨᠡᠷᠡ ᠪᠠᠷ ᠳᠠᠭᠤᠳᠠᠵᠤ ᠪᠠᠢᠭᠠᠳ ᠠᠪᠤ ᠮᠢᠨᠢ ᠰᠣᠷᠭᠠᠳᠠᠭ ᠪᠠᠢᠭ᠍ᠰᠠᠨ
ᠨᠢᠭᠡᠯᠬᠡᠨ ᠤᠳᠭᠠᠲᠠᠢ ᠲᠡᠷᠡ ᠦᠭᠡᠶ᠋ᠢ ᠪᠠᠲᠦ ᠴᠡᠭᠡᠵᠢᠯᠡᠵᠦ᠍ ᠪᠢ
ᠨᠠᠰᠤᠨ ᠲᠤᠷᠰᠢᠳᠠ ᠵᠤᠭᠰᠤᠭᠠ ᠶᠠᠪᠤᠬᠤ ᠵᠢ ᠰᠢᠳᠦᠳᠡᠭ ᠪᠤᠯᠤᠭᠰᠠᠨ
ᠨᠠᠷᠠᠨᠤ ᠭᠡᠷᠡᠯ ᠡᠮᠲᠡᠷᠡᠴᠢᠭᠡᠬᠦ᠌ ᠪᠣᠯᠪᠠᠤ ᠬᠡᠮᠡᠨ ᠠᠪᠤ ᠮᠢᠨᠢ
ᠨᠠᠪᠴᠢᠨ ᠲᠤᠮᠳᠠᠪᠠᠨ ᠨᠠᠮᠵᠢᠭᠤᠨ ᠠᠯᠬᠤᠳᠠᠭ ᠪᠠᠢᠯᠠ
ᠨᠠᠪᠴᠢᠨᠤ ᠵᠡᠭᠦᠳᠦ᠍ᠶ᠋ᠢ ᠡᠪᠳᠡᠴᠢᠭᠡᠬᠦ᠌ ᠪᠠᠢᠪᠠᠤ ᠭᠡᠭ᠌ᠰᠡᠭᠡᠷ
ᠨᠢᠷᠤᠭᠤᠨ ᠲᠡᠭᠡᠷᠡᠪᠠᠨ ᠨᠠᠮᠠᠶ᠋ᠢ ᠠᠪᠴᠤ᠌ ᠡᠭᠦᠷᠳᠡᠭ ᠪᠠᠢᠯᠠ
ᠠᠭᠤᠯᠠ ᠶᠤᠮ ᠪᠣᠯ ᠤᠷᠭᠤᠭ᠍ᠰᠠᠨ ᠭᠠᠵᠠᠷᠲᠠᠭᠠᠨ ᠬᠦᠨᠳᠦ ᠭᠡᠨᠡᠮ
ᠠᠪᠤ ᠮᠢᠨᠢ ᠤᠨᠠᠭ᠍ᠰᠠᠨ ᠱᠢᠷᠤᠢᠳᠠᠭᠠᠨ ᠬᠦᠨᠳᠦ᠍ᠨᠢ ᠬᠢᠵᠠᠭᠠᠷ ᠦᠭᠡᠢ
ᠠᠪᠤᠶ᠋ᠢᠨ ᠮᠢᠨᠢ ᠠᠯᠠᠭᠠᠪᠠᠨ ᠪᠢᠲᠡᠭᠦᠯᠡᠵᠦ᠍ ᠤᠤᠭᠤᠳᠠᠭ ᠤᠰᠤᠨᠠᠴᠠ
ᠠᠷᠢᠭ ᠴᠠᠭᠠᠨ ᠡᠭᠦᠯᠡᠰ ᠴᠠᠢᠯᠵᠠᠨ ᠳᠡᠯᠭᠡᠷᠡᠬᠦ᠌ᠨᠢ ᠦᠵᠦᠭᠦᠷ ᠦᠭᠡᠢ
ᠬᠤᠢᠳᠦ ᠬᠢᠶᠠᠭ᠍ᠲᠤᠶ᠋ᠢᠨ ᠭᠡᠬᠦ᠌ ᠨᠢᠭᠡᠨ ᠠᠢᠯᠤᠨ ᠵᠡᠭᠦᠨ ᠬᠦᠨᠳᠡᠢᠳᠤ
ᠬᠤᠶᠠᠷ ᠬᠡᠰᠡᠭ ᠱᠢᠰᠢᠶ᠋ᠢᠨ ᠲᠠᠷᠢᠶᠠ ᠬᠦᠮᠦᠨ ᠰᠠᠴᠠᠭᠤ ᠬᠠᠯᠢᠭᠤᠷᠠᠨᠠ
ᠳᠦᠷᠪᠡᠨ ᠪᠦᠳᠦᠭᠦᠨ ᠱᠠᠷᠢᠶᠠᠷ ᠲᠠᠲᠠᠭᠤᠯᠳᠠᠭ ᠮᠣᠳᠣᠨ ᠲᠡᠷᠭᠡᠨᠤ
ᠳᠦᠭᠦᠷᠲᠡᠯᠡ ᠠᠴᠢᠶᠠᠯᠠᠭ᠍ᠰᠠᠨ ᠬᠥᠳᠥᠯᠤᠨ ᠪᠣᠷᠣ ᠵᠠᠮ ᠬᠠᠶᠠᠭᠠᠷᠠᠨᠠ
ᠠᠪᠤᠶ᠋ᠢᠨ ᠮᠢᠨᠢ ᠭᠬᠢᠷ ᠦᠭᠡᠢ ᠲᠤᠰᠤᠯ ᠲᠤᠰᠤᠯ ᠠᠷᠢᠭᠤᠨ ᠬᠦᠯᠦᠰᠦ
ᠠᠴᠢᠶᠠᠲᠠᠢ ᠲᠡᠷᠭᠡᠪᠠᠨ ᠳᠠᠭᠠᠭ᠍ᠰᠠᠭᠠᠷ ᠠᠩᠭᠢᠯᠣᠨ ᠪᠦᠮᠪᠦᠷᠢᠳᠡᠭ
ᠠᠭᠤᠯᠠ ᠠᠳᠠᠯᠢ ᠣᠪᠣᠭᠠᠷᠠᠬᠤ ᠠᠷᠪᠠᠨ ᠬᠦᠮᠦᠷᠭᠡ ᠠᠯᠲᠠᠨ ᠪᠤᠷᠴᠠᠭ
ᠠᠯᠲᠠᠩᠬ᠍ᠸᠠ ᠴᠡᠴᠡᠭ ᠱᠢᠭ ᠠᠪᠤᠶ᠋ᠢᠨ ᠴᠢᠷᠠᠢ ᠲᠡᠭᠡᠷᠡ ᠲᠡᠯᠭᠡᠷᠡᠳᠡᠭ
ᠤᠳᠤᠳᠤᠨ ᠭᠢᠯᠪᠠᠭᠠ ᠨᠢᠳᠦ᠍ᠶ᠋ᠢ ᠢᠯᠪᠢᠨ ᠲᠣᠷᠮᠣᠯᠵᠠᠭᠠᠳ
ᠤᠨᠲᠠᠭᠠᠳ ᠶᠠᠭᠠᠬᠢᠭ᠍ᠰᠠᠨ ᠨᠦᠢᠷ ᠬᠦᠷᠳᠡᠭ ᠦᠭᠡᠢ ᠶᠤᠮ ᠪᠢᠯᠡ
ᠠᠭᠠᠷ ᠳᠦᠭᠦᠷᠡᠩ ᠲᠤᠨᠤᠯᠵᠠᠨ ᠬᠢᠯᠠᠯᠵᠠᠬᠤ ᠮᠡᠴᠢᠳᠤᠨ ᠲᠤᠮᠳᠠ
ᠠᠯᠢ ᠨᠢᠭᠡᠨᠢ ᠠᠪᠤᠶ᠋ᠢᠨ ᠮᠢᠨᠢ ᠠᠷᠢᠶᠠᠪᠠᠯᠣ ᠭᠠᠷᠠᠭ ᠶᠤᠮ ᠪᠢᠯᠡ
ᠬᠦᠦ ᠴᠢᠨᠢ ᠪᠢ ᠥᠨᠥᠳᠥᠷ ᠲᠤᠯᠤᠭᠠᠨ ᠪᠠᠳᠠᠭ ᠱᠢᠯᠦᠭ ᠪᠢᠴᠢᠯᠡ
ᠬᠦᠰᠡᠯᠳᠤ ᠴᠢᠨᠢ ᠬᠤᠴᠤᠷᠤᠭ᠍ᠰᠠᠨ ᠬᠢᠶᠠᠭ᠍ᠲᠤᠶ᠋ᠢᠨ ᠡᠨᠡ ᠦᠳᠡᠰᠢ
ᠬᠦᠢᠰᠦᠪᠠᠨ ᠡᠷᠢᠬᠦ᠌ ᠶᠤᠮᠱᠢᠭ ᠲᠤᠯᠤᠭᠠᠨ ᠪᠤᠷᠬᠠᠨ ᠣᠳᠣ ᠭᠠᠷᠤᠯᠠ
ᠬᠦᠨᠳᠦᠳᠦ ᠠᠪᠤ ᠮᠢᠨᠢ ᠲᠤᠮᠳᠠᠨᠢ ᠰᠠᠭᠤᠭᠠᠳ ᠵᠠᠯᠪᠠᠷᠢᠵᠤ ᠪᠠᠢᠮᠠᠷ