ᠰᠦᠷ ᠳᠠᠯᠠᠢᠴᠠᠲᠠᠢ ᠲᠡᠦᠬᠡᠶ᠋ᠢᠨ ᠤᠷᠳᠤ ᠠᠶᠠᠨᠳᠤ᠂ ᠣᠨ ᠵᠢᠯᠤ᠋ᠨ ᠭᠦᠨ ᠵᠤᠵᠠᠭᠠᠨ ᠬᠠᠯᠠᠮᠵᠢᠶᠢ ᠬᠦᠷᠳᠡᠭᠰᠡᠨ ᠨᠢᠭᠡᠨ ᠭᠠᠵᠠᠷ ᠪᠤᠢ — ᠲᠠᠷᠤᠢ ᠪᠤᠭᠤᠲᠤ ᠬᠤᠳᠠᠶ᠋ᠢᠨ ᠵᠢᠦᠶᠤᠸᠠᠨ ᠲᠣᠭᠣᠷᠢᠭ ᠪᠤᠯᠤᠨᠠ᠃
ᠲᠡᠷᠡ ᠨᠢ ᠶᠠᠭ ᠨᠢᠭᠡᠨ ᠵᠤᠵᠠᠭᠠᠨ ᠲᠡᠦᠬᠡᠶ᠋ᠢᠨ ᠨᠣᠮ ᠱᠢᠭ᠋ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠶᠠᠪᠤᠯᠴᠠᠭᠠ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠤᠨ ᠬᠥᠭ᠌ᠵᠢᠯ ᠪᠠᠳᠠᠷᠠᠯᠢ᠋ ᠳᠦᠭᠦᠷᠡᠩ ᠪᠢᠴᠢᠭᠯᠡᠭᠰᠡᠨ ᠪᠠᠢᠨᠠ᠃ ᠵᠣᠣ ᠤᠯᠤᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮ᠂ ᠮᠠ ᠤ᠋ᠤᠢ ᠵᠢᠨ ᠡᠷᠲᠡᠨᠦ ᠬᠣᠲᠠ᠂ ᠵᠣᠣ ᠵᠢᠨ ᠲᠤᠬᠤᠢ ᠵᠢᠨ ᠬᠠᠨ ᠤᠯᠤᠰᠤᠨ ᠪᠤᠯᠠᠰᠢ ᠨᠤᠭᠤᠳ᠂ ᠶᠠᠨ ᠵᠢᠶᠠ ᠯᠢᠶᠠᠩᠤᠨ ᠪᠠᠭᠤᠷᠢ ᠁ ᠵᠡᠷᠭᠡ ᠣᠨᠴᠠᠭᠠᠶ ᠰᠣᠶᠣᠯᠤᠨ ᠲᠡᠮᠳᠡᠭᠦᠳ ᠨᠢ ᠶᠠᠭ ᠯᠠ ᠨᠣᠮᠤᠨ ᠬᠡᠷᠡᠯ ᠰᠠᠴᠤᠷᠠᠩᠭᠤᠶ ᠬᠠᠭᠤᠳᠠᠰᠤ ᠱᠢᠭ᠋ᠢᠶᠡᠷᠡᠨᠡ ᠬᠦ᠌ ᠨᠤᠲᠤᠭ ᠳᠡᠪᠢᠰᠭᠡᠷᠦᠨ ᠥᠩᠭᠡᠷᠡᠭ᠌ᠰᠡᠨᠦ ᠬᠡᠷᠡᠯ ᠰᠠᠴᠤᠷᠠᠩᠭᠤᠶ ᠲᠡᠦᠬᠡ ᠪᠠ ᠤᠯᠠᠷᠢᠯ ᠬᠤᠪᠢᠷᠠᠯᠢ ᠲᠣᠭᠠᠴᠢᠵᠤ ᠪᠠᠢᠨᠠ᠃
ᠵᠢᠤᠶᠤᠸᠠᠨ ᠲᠤᠭᠤᠷᠢᠭ ᠪᠤᠯ ᠪᠠᠢᠯᠳᠤᠭᠠᠨᠲᠤ ᠤᠯᠤᠰᠤᠨ ᠦᠶᠡᠵᠢᠨ ᠵᠣᠣ ᠤᠯᠤᠰ ᠬᠢᠯᠢ ᠵᠢᠨ ᠲᠤᠳᠤᠷᠠᠬᠢ ᠵᠢᠤᠶᠤᠸᠠᠨ ᠰᠢᠶᠠᠨᠳᠦ ᠵᠢᠤᠶᠤᠸᠠᠨ ᠬᠣᠲᠠ ᠵᠢ ᠪᠠᠢᠭᠤᠯᠵᠤ᠂ ᠴᠢᠨ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠤ ᠮᠥᠨ ᠬᠦ᠌ ᠦᠷᠬᠦᠯᠵᠢᠯᠡᠨ ᠬᠡᠷᠡᠭᠯᠡᠵᠦ ᠵᠢᠤᠶᠤᠸᠠᠨ ᠵᠢᠶᠦ᠋ᠨᠢ ᠪᠠᠢᠭᠤᠯᠪᠠ᠃ ᠣᠨ ᠵᠢᠯ ᠤ᠋ᠨ ᠤᠷᠳᠤ ᠠᠶᠠᠨ ᠳ᠋ᠤ᠂ ᠲᠡᠷᠡ ᠨᠢ ᠮᠢᠩᠭᠠᠨ ᠵᠢᠯᠦᠨ ᠡᠷᠲᠡᠨᠦ ᠵᠢᠶᠦ᠋ᠨᠦ ᠠᠮᠢᠨ ᠰᠤᠳᠠᠰᠤᠶ᠋ᠢ ᠵᠠᠯᠭᠠᠮᠵᠢᠯᠠᠵᠤ᠂ ᠬᠤᠪᠢᠷᠠᠯ ᠶᠡᠬᠡᠳᠡᠢ ᠤᠨ ᠵᠢᠯ ᠤ᠋ᠳ ᠲᠤ᠌ ᠠᠯᠳᠠᠷ ᠨᠡᠷᠡ ᠨᠢ ᠪᠠᠯᠠᠷᠠᠰᠢ ᠦᠭᠡᠢ ᠪᠡᠷ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠤᠮᠵᠢᠶ᠋ᠢ ᠠᠴᠢᠶᠠᠯᠠᠵᠤ ᠪᠠᠢᠨᠠ᠃
ᠡᠨᠡ ᠬᠣᠲᠠᠳᠤ ᠠᠮᠢᠳᠣᠷᠠᠵᠤ ᠪᠠᠢᠭᠠ ᠬᠥᠮᠦᠰ ᠢᠮᠠᠭ᠍ᠲᠠ ᠠᠵᠢᠯᠴᠢ ᠬᠥᠳᠡᠯᠮᠦᠷᠢᠴᠢ ᠬᠣᠶᠠᠷ ᠭᠠᠷᠢᠶᠠᠷᠢᠶᠠᠨ ᠬᠦᠰᠡᠯ ᠵᠡᠭᠦᠳᠦ᠍ᠶ᠋ᠢᠨ ᠵᠢᠷᠤᠭ ᠲᠦᠰᠦᠪ ᠢ᠋ ᠵᠢᠷᠤᠭᠯᠠᠵᠤ᠂ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠳ᠋ᠡᠬᠢ ᠲᠡᠷᠡ ᠬᠦ᠌ ᠳᠤᠷᠠᠰᠤᠮᠵᠢᠪᠠᠨ ᠪᠠᠲᠤ ᠰᠠᠬᠢᠵᠤ᠂ ᠤᠷᠴᠢᠯ ᠶᠡᠬᠡᠳᠡᠢ ᠣᠨ ᠵᠢᠯᠢ᠋ ᠲᠡᠮᠳᠡᠭᠯᠡᠵᠦ ᠰᠤᠶᠤᠯ ᠤ᠋ᠨ ᠤᠯᠠᠮᠵᠢᠯᠠᠯ ᠢ᠋ ᠦᠷᠭᠦᠯᠵᠢᠯᠡᠭᠦᠯᠦᠨᠡ᠃
ᠴᠢᠨ ᠤᠯᠤᠰ ᠬᠠᠨ ᠤᠯᠤᠰᠤᠨ ᠦᠶᠡᠳᠦ ᠵᠢᠶᠦ᠋ᠨ ᠪᠠᠢᠭᠤᠯᠵᠤ ᠤᠮᠠᠷᠠᠲᠤᠶ᠋ᠢ ᠡᠪᠯᠡᠵᠦ ᠵᠠᠰᠠᠪᠠ
ᠱᠢᠷᠣᠶᠶ᠋ᠢᠨ ᠬᠡᠷᠡᠮ᠂ ᠡᠷᠲᠡᠨᠦ ᠬᠣᠲᠠ᠂ ᠣᠨ ᠰᠠᠷᠠᠶ᠋ᠢᠨ ᠳᠤᠷᠠᠰᠤᠮᠵᠢ᠃ 2300 ᠭᠠᠷᠤᠶ ᠵᠢᠯᠦᠨ ᠡᠮᠦᠨᠡ᠂ ᠵᠣᠣ ᠤᠯᠤᠰ ᠤ᠋ᠨ ᠡᠸ᠋ ᠯᠢᠩ ᠸᠠᠩ ᠮᠤᠨᠢ ᠠᠭᠤᠯᠠᠶ᠋ᠢᠨ ᠡᠮᠦᠨᠡ ᠬᠣᠷᠮᠣᠶᠳᠤ ᠣᠷᠳᠣ ᠴᠠᠭᠠᠨ ᠬᠡᠷᠡᠮ ᠪᠠᠷᠢᠵᠤ᠂ ᠵᠢᠦᠶᠤᠸᠠᠨ ᠣᠷᠣᠨᠢ ᠬᠠᠮᠠᠭᠠᠯᠠᠪᠠ᠃
ᠵᠢᠦᠶᠤᠸᠠᠨᠤ ᠬᠠᠭᠤᠴᠢᠨ ᠪᠠᠭᠤᠷᠢ ᠨᠢ ᠮᠠ ᡂᠢᠶ᠋ᠢᠨ ᠡᠷᠲᠡᠨᠦ ᠬᠤᠳᠠᠳᠤ ᠪᠠᠢᠵᠤ᠂ ᠤᠳᠤᠶ᠋ᠢᠨ ᠵᠢᠦᠶᠤᠸᠠᠨ ᠲᠣᠭᠣᠷᠢᠭᠤᠨ ᠮᠠ ᡂᠢ ᠪᠠᠯᠭᠠᠰᠤᠨᠤ ᠡᠷᠲᠡᠨᠦ ᠬᠤᠳᠠ ᠲᠣᠰᠭᠣᠨᠳᠤ ᠪᠠᠢᠷᠢᠯᠠᠵᠤ᠂ ᠪᠤᠭᠤᠲᠤ ᠣᠷᠣᠨᠤ ᠬᠠᠮᠤᠭᠤᠨ ᠤᠳᠠᠭᠠᠨ ᠲᠡᠦᠬᠡᠲᠡᠶ᠂ ᠬᠡᠪᠴᠢᠶᠡᠪᠡᠷ ᠬᠠᠮᠤᠭᠤᠨ ᠶᠡᠬᠡ ᠡᠷᠲᠡᠨᠦ ᠬᠤᠳᠠᠶ᠋ᠢᠨ ᠪᠠᠭᠤᠷᠢ ᠪᠣᠯᠤᠨᠠ᠃
ᠰᠤᠷᠪᠤᠯᠵᠢᠯᠠᠭ᠍ᠴᠢᠳ ᠡᠷᠲᠡᠨᠦ ᠬᠣᠲᠠᠶ᠋ᠢᠨ ᠬᠠᠮᠠᠭᠠᠯᠠᠭ᠍ᠴᠢ ᠵᠢᠶ ᠶᠦᠩ ᠭᠤᠸᠠᠩᠢ᠋ ᠲᠠᠭᠠᠵᠤ ᠡᠷᠲᠡᠨᠦ ᠬᠣᠲᠠᠶ᠋ᠢᠨ ᠡᠮᠦᠨᠡ ᠬᠡᠷᠡᠮᠳᠦ ᠬᠦᠷᠴᠦ᠍ ᠢᠷᠡᠪᠡ᠃ ᠣᠲᠣᠡᠴᠡ 2000 ᠭᠠᠷᠤᠶ ᠵᠢᠯᠦᠨ ᠡᠮᠦᠨᠡᠬᠢ ᠱᠢᠷᠣᠶᠶ᠋ᠢᠨ ᠬᠣᠲᠠᠶ᠋ᠢᠨ ᠬᠡᠷᠡᠮ ᠳᠡᠭᠡᠷᠡ ᠵᠣᠭ᠍ᠰᠣᠵᠤ᠂ ᠵᠶ᠋ᠢ ᠶᠦᠩ ᠭᠤᠸᠠᠩ᠄ 《 ᠮᠠ ᡂᠢᠶ᠋ᠢᠨ ᠡᠷᠲᠡᠨᠦ ᠬᠤᠳᠠ ᠵᠢ 〈ᠯᠢᠦᠢ〉 ᠦᠰᠦᠭᠦᠨ ᠬᠡᠯᠪᠡᠷᠢᠪᠡᠷ ᠪᠠᠢᠷᠢᠱᠢᠭᠤᠯᠵᠤ᠂ ᠬᠣᠢᠲᠤ ᠬᠤᠳᠠ ᠪᠣᠯᠤᠨ ᠡᠮᠦᠨᠡ ᠬᠤᠳᠠ ᠭᠡᠵᠦ᠍ ᠬᠤᠪᠢᠶᠠᠳᠠᠭ᠃ ᠬᠤᠢᠳᠤ ᠬᠣᠲᠠᠶᠢᠨᠢ ᠪᠠᠢᠯᠳᠤᠭᠠᠨᠲᠤ ᠤᠯᠤᠰᠤᠨ ᠦᠶᠡᠳᠦ ᠵᠣᠣ ᠤᠯᠤᠰ ᠪᠠᠢᠭᠤᠯᠵᠤ᠂ ᠵᠢᠤᠶᠤᠸᠠᠨ ᠰᠢᠶᠠᠨ ᠭᠡᠵᠦ᠍᠂ ᠴᠢᠨ ᠤᠯᠤᠰᠤᠨ ᠦᠶᠡᠳᠦ ᠵᠢᠤᠶᠤᠸᠠᠨ ᠵᠢᠶᠦ᠋ᠨ ᠭᠡᠵᠦ ᠨᠡᠷᠡᠢᠳᠪᠠ》 ᠭᠡᠵᠦ ᠲᠠᠨᠢᠯᠴᠠᠭᠤᠯᠪᠠ᠃
ᠴᠢᠨ ᠤᠯᠤᠰᠤᠨ ᠡᠬᠢᠨᠦ ᠦᠶᠡᠳᠦ᠂ ᠴᠢᠨ ᠱ᠌ᠢ ᠬᠤᠸᠠᠩ ᠮᠸᠡᠭ ᠲᠢᠶᠠᠨᠳᠤ ᠵᠠᠷᠯᠢᠭ ᠪᠠᠭᠤᠯᠭᠠᠨ 30 ᠲᠦᠮᠡᠨ ᠴᠡᠷᠢᠭ ᠬᠥᠳᠡᠯᠭᠡᠨ ᠤᠮᠠᠷᠠᠰᠢ ᠾᠦᠩᠨᠦ᠍ᠶ᠋ᠢ ᠴᠣᠬᠢᠪᠠ᠃ 《ᠴᠢᠨ ᠤᠯᠤᠰᠢ ᠥᠭᠦᠯᠡᠬᠦ᠌ ᠨᠢ》 ᠳ᠋ᠦ ᠲᠡᠮᠳᠡᠭ᠌ᠯᠡᠭ᠌ᠰᠡᠨᠢᠶᠡᠷ᠄《ᠴᠢᠨ ᠤᠯᠤᠰᠤᠨ ᠴᠡᠷᠢᠭ ᠾᠦᠩᠨᠦ᠍ᠶ᠋ᠢ ᠳᠣᠯᠣᠭᠠᠨ ᠵᠠᠭᠤ ᠭᠠᠷᠤᠶ ᠭᠠᠵᠠᠷ ᠤᠬᠤᠷᠢᠭᠤᠯᠤᠨ ᠳᠠᠢᠯᠠᠵᠤ᠂ ᠾᠦᠩᠨᠦ᠍ᠶ᠋ᠢᠨ ᠴᠡᠷᠢᠭ ᠡᠮᠦᠨᠡᠰᠢᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠠᠷᠭᠠ ᠪᠤᠰᠤ ᠠᠳᠤᠭᠤ ᠬᠠᠷᠢᠭᠤᠯᠵᠤ᠂ ᠴᠡᠷᠢᠭ ᠪᠠᠢᠯᠳᠤᠭᠴᠢ ᠨᠤᠮᠤᠪᠠᠨ ᠳᠠᠯᠡᠵᠤ ᠴᠢᠳᠠᠬᠤ ᠦᠭᠡᠢ ᠭᠣᠮᠣᠳᠠᠯ ᠲᠣᠭᠠᠴᠢᠬᠤ ᠪᠣᠯᠪᠠ》ᠭᠡᠪᠡ᠃ ᠴᠢᠨ ᠤᠯᠤᠰ ᠵᠢᠷᠭᠤᠭᠠᠨ ᠤᠯᠤᠰᠢ ᠮᠥᠬᠥᠭᠡᠨ᠂ ᠳᠡᠯᠡᠬᠡᠶ ᠳ᠋ᠠᠬᠢᠨᠢ ᠨᠢᠭᠡᠳᠭᠡᠵᠦ᠍᠂ ᠪᠦᠬᠦ᠌ ᠤᠯᠤᠰᠲᠤ ᠭᠤᠴᠢᠨ ᠵᠢᠷᠭᠤᠭᠠᠨ ᠵᠢᠶᠦ᠋ᠨ ᠪᠠᠢᠭᠤᠯᠵᠤ᠂ ᠵᠢᠦᠶᠤᠸᠠᠨ ᠵᠢᠶᠦ᠋ᠨ ᠬᠠᠮᠤᠭ ᠤᠮᠠᠷᠠᠲᠤ ᠬᠢᠵᠠᠭᠠᠷᠲᠤ ᠪᠠᠢᠪᠠ᠃
ᠵᠢᠤᠶᠤᠸᠠᠨ ᠵᠢᠶᠦ᠋ᠨ ᠬᠠᠲᠤᠨ ᠭᠣᠣᠯᠢ ᠲᠦᠱᠢᠵᠦ᠍᠂ ᠮᠤᠨᠢ ᠠᠭᠤᠯᠠᠶ᠋ᠢ ᠬᠠᠪᠢᠳᠠᠨ᠂ ᠱᠢᠶᠠᠨᠶᠠᠩᠢ ᠪᠠᠷᠠᠯᠠᠵᠤ᠂ ᠵᠦᠩᠶᠤᠸᠠᠨ ᠣᠷᠣᠨᠢ ᠰᠠᠬᠢᠵᠦ ᠪᠠᠢᠬᠰᠠᠨ ᠪᠣᠯᠬᠣᠷ ᠪᠠᠢᠯᠳᠤᠬᠤ ᠪᠣᠳᠣᠯᠭᠠᠶ᠋ᠢᠨ ᠪᠠᠢᠷᠢ ᠰᠠᠭᠤᠷᠢ ᠨᠢ ᠲᠤᠢᠯᠤᠨ ᠴᠢᠬᠤᠯᠠ ᠪᠠᠢᠬᠰᠠᠨ ᠶᠤᠮ᠃ ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢᠨ ᠡᠳ᠋ ᠪᠣᠳᠠᠰᠤᠨ ᠲᠡᠭᠡᠭᠡᠪᠦᠷᠢᠶ᠋ᠢ ᠴᠢᠩᠭᠠᠳᠭᠠᠬᠤᠶ᠋ᠢᠨ ᠲᠥᠯᠥᠭᠡ ᠴᠢᠨ ᠱ᠌ᠢ ᠬᠤᠸᠠᠩ ᠱᠢᠶᠠᠨᠶᠠᠩ ᠡᠴᠡ ᠵᠢᠦᠶᠤᠸᠠᠨ ᠣᠷᠣᠨᠳᠤ ᠱᠢᠭᠤᠳ ᠨᠡᠪᠲᠡᠷᠡᠬᠦ᠌ ᠴᠢᠨ ᠤᠯᠤᠰᠤᠨ ᠱᠢᠯᠤᠭᠤᠨ ᠵᠠᠮᠢ ᠪᠠᠢᠭᠤᠯᠵᠤ᠂ ᠡᠷᠲᠡᠨᠦ ᠨᠢᠭᠡᠳᠦᠭᠡᠷ 《ᠲᠦᠷᠭᠡᠨᠦ ᠵᠠᠮ》 ᠬᠡᠮᠡᠭ᠌ᠳᠡᠪᠡ᠃ ᠵᠢᠦᠶᠤᠸᠠᠨ ᠪᠣᠯ ᠴᠢᠨ ᠤᠯᠤᠰᠤᠨ ᠱᠢᠯᠤᠭᠤᠨ ᠵᠠᠮ ᠤ᠋ᠨ ᠬᠣᠢᠲᠤ ᠦᠵᠦᠭᠦᠷᠦᠨ ᠲᠡᠭᠦᠰᠭᠡᠯ ᠤ᠋ᠨ ᠴᠡᠭ ᠮᠦᠨ᠃
ᠬᠠᠨ ᠤᠯᠤᠰᠤᠨ ᠡᠬᠢᠨᠦ ᠦᠶᠡᠳᠦ ᠾᠦᠩᠨᠦ᠍ ᠵᠢᠦᠶᠤᠸᠠᠨ ᠣᠷᠣᠨᠢ ᠡᠵᠡᠯᠡᠪᠡ᠃ 70 ᠭᠠᠷᠤᠶ ᠵᠢᠯᠦᠨ ᠳᠠᠷᠠᠭᠠ᠂ ᠬᠠᠨ ᠡᠦ ᠳ᠋ᠢ ᠬᠠᠭᠠᠨ ᠾᠦᠩᠨᠦ᠍ᠶ᠋ᠢ ᠳᠠᠬᠢᠨ ᠢᠯᠠᠵᠦ᠂ ᠵᠢᠦᠶᠤᠸᠠᠨ ᠵᠢᠶᠦ᠋ᠨᠢ ᠦᠶᠤᠸᠠᠨ ᠵᠢᠶᠦ᠋ᠨ ᠭᠡᠵᠦ᠍ ᠬᠠᠯᠠᠭᠠᠳ᠂ ᠵᠢᠶᠦ᠋ᠨ ᠤ᠋ ᠲᠦᠪᠢ ᠵᠢᠦᠶᠤᠸᠠᠨᠳᠤ ᠪᠠᠢᠭᠤᠯᠵᠠᠶ᠃
ᠬᠠᠨ ᠤᠯᠤᠰ ᠬᠢᠭᠡᠳ ᠾᠦᠩᠨᠦ ᠳᠠᠢᠳᠤᠭᠰᠠᠨ 100 ᠭᠠᠷᠤᠶ ᠵᠢᠯᠦᠨ ᠳᠠᠷᠠᠭᠠ᠂ ᠪᠠᠷᠠᠭᠤᠨ ᠬᠠᠨ ᠤᠯᠤᠰᠤᠨ ᠰᠡᠭᠦᠯᠴᠢᠪᠡᠷ ᠾᠦᠩᠨᠦ᠍ᠶ᠋ᠢᠨ ᠳᠣᠲᠣᠭᠠᠳᠤ ᠳ᠋ᠤ ᠵᠥᠷᠢᠴᠡᠯ ᠮᠥᠷᠭᠥᠯᠳᠦᠭᠡᠨ ᠡᠭᠦᠰᠴᠦ᠍᠂ ᠬᠠᠨ ᠤᠯᠤᠰ ᠾᠦᠩᠨᠦ᠍ᠶ᠋ᠢᠨ ᠬᠠᠷᠢᠴᠠᠭᠠ ᠬᠤᠪᠢᠷᠠᠯᠲᠠ ᠭᠠᠷᠴᠠᠶ᠃ ᠠᠯᠳᠠᠷᠲᠤ ᠲᠡᠦᠬᠡᠶ᠋ᠢᠨ ᠤᠬᠠᠭᠠᠨᠲᠠᠨ ᠹᠠᠨ ᠸᠸᠨ ᠯᠠᠨ ᠠᠪᠤᠭᠠᠢ 《ᠳᠤᠮᠳᠠᠳᠤ ᠤᠯᠤᠰᠤᠨ ᠨᠡᠪᠲᠡᠷᠬᠡᠢ ᠲᠡᠦᠬᠡ》 ᠳ᠋ᠤ᠄《ᠬᠠᠨ ᠤᠯᠤᠰ ᠤ᠋ᠨ ᠱᠢᠤᠸᠠᠨ ᠳ᠋ᠢ ᠬᠠᠭᠠᠨᠤ ᠦᠶᠡᠳᠦ᠂ ᠾᠦᠩᠨᠦ᠍ᠶ᠋ᠢᠨ ᠨᠣᠶᠠᠷᠬᠠᠭ᠍ᠴᠢ ᠠᠩᠭᠢᠶ᠋ᠢᠨ ᠳᠣᠲᠣᠭᠠᠳᠤᠳᠤ ᠬᠦᠨᠳᠦ ᠨᠣᠴᠢᠲᠠᠢ ᠵᠠᠭᠤᠷᠠᠯᠳᠤᠭᠠᠨ ᠭᠠᠷᠴᠤ᠌᠂ ᠲᠠᠪᠤᠨ ᠴᠠᠨ ᠢᠦᠢ ᠨᠣᠶᠠᠷᠬᠠᠬᠤ ᠡᠷᠬᠡᠶ᠋ᠢ ᠪᠤᠯᠢᠶᠠᠯᠳᠤᠪᠠ᠃ 《ᠲᠠᠪᠤᠨ ᠴᠠᠨ ᠢᠦᠢ ᠵᠢᠨ ᠦᠷᠢᠰᠦᠯᠳᠦᠭᠡᠨ》 ᠨᠢ ᠬᠤ᠌ ᠬᠠᠨ ᠶᠧ ᠴᠠᠨ ᠢᠦᠢᠶ᠋ᠢᠨ ᠲᠠᠮᠢᠷ ᠲᠡᠩᠬᠡᠭᠡᠶ᠋ᠢ ᠨᠢ ᠮᠠᠭᠤᠳᠠᠭᠤᠯᠵᠤ᠂ ᠬᠠᠨ ᠤᠯᠤᠰᠡᠴᠡ ᠲᠡᠮᠵᠢᠯᠭᠡ ᠬᠦᠰᠡᠵᠡᠢ᠃ ᠨᠡᠢᠲᠡᠶ᠋ᠢᠨ ᠣᠨ ᠲᠣᠭᠠᠯᠠᠯᠡᠴᠡ ᠡᠮᠦᠨᠡ 33 ᠣᠨᠳᠤ᠂ ᠬᠤ᠌ ᠬᠠᠨ ᠶᠧ ᠴᠠᠨ ᠢᠦᠢ ᠭᠤᠷᠪᠠᠳᠠᠬᠢ ᠤᠳᠠᠭᠠ ᠬᠠᠭᠠᠨ ᠳ᠋ᠤ ᠪᠠᠷᠠᠳᠠᠵᠤ᠂ ᠥᠪᠡᠷᠢᠶᠡᠨ ᠬᠠᠨ ᠤᠯᠤᠰᠤᠨ ᠬᠦᠷᠭᠡᠨ ᠪᠤᠯᠵᠤ᠂ ᠵᠤᠤ ᠵᠢᠨ ᠲᠤᠬᠤᠢ ᠵᠢᠨ ᠬᠠᠨ ᠤᠯᠤᠰᠤᠨ ᠤᠩᠭᠤᠨᠡᠴᠡ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ 《ᠲᠩᠷᠢᠡᠴᠡ ᠵᠠᠶᠠᠭᠠᠭᠰᠠᠨ ᠴᠠᠨ ᠢᠦᠢ》 ᠲᠤᠰᠬᠤᠭᠤᠷ ᠸᠠᠭᠠᠷ ᠨᠢ ᠶᠠᠭ ᠡᠨᠡ ᠬᠦ᠌ ᠲᠡᠦᠬᠡᠶ᠋ᠢᠨ ᠪᠣᠳᠠᠲᠤ ᠭᠡᠷᠡᠴᠢ ᠪᠣᠯᠤᠨᠠ᠃
ᠪᠤᠭᠤᠲᠤᠶ᠋ᠢᠨ ᠮᠦᠽᠧᠶᠶ᠋ᠢᠨ ᠳᠠᠷᠤᠭᠠ ᠵᠠᠩ ᠬᠠᠶ ᠪᠢᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠄ 《ᠵᠣᠣ ᠵᠢᠨ ᠲᠤᠬᠤᠢ ᠵᠢᠨ ᠬᠠᠨ ᠤᠯᠤᠰᠤᠨ ᠪᠤᠯᠠᠰᠢ ᠨᠤᠭᠤᠳ ᠨᠢ ᠲᠣᠰ ᠲᠣᠰ 1954 ᠣᠨ᠂ 1981 ᠣᠨ᠂ 1983 ᠣᠨ᠂ 1984 ᠣᠨ᠂ 1993 ᠣᠨᠳᠤ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ 〈ᠲᠩᠷᠢᠡᠴᠡ ᠵᠠᠶᠠᠭᠠᠭᠰᠠᠨ ᠴᠠᠨ ᠢᠦᠢ〉 ᠲᠤᠰᠬᠤᠭᠤᠷ ᠸᠠᠭᠠᠷ ᠪᠣᠯ ᠬᠤ᠌ ᠬᠠᠨ ᠶᠧ ᠴᠠᠨ ᠢᠦᠢ ᠵᠢᠨ ᠬᠠᠨ ᠤᠯᠤᠰᠲᠤ ᠪᠠᠭᠤᠵᠤ ᠦᠭᠭᠦᠭᠰᠡᠨ ᠪᠣᠳᠠᠲᠤ ᠭᠡᠷᠡᠴᠢ ᠮᠥᠨ᠃ ᠡᠭᠦᠨᠳᠦ᠂ 1954 ᠣᠨ᠂ 1981 ᠣᠨᠳᠤ ᠪᠠᠰᠠ 〈ᠴᠠᠨ ᠢᠦᠢ ᠤᠷᠤᠭ ᠪᠤᠯᠤᠯᠴᠠᠨ ᠡᠪᠰᠡᠬᠦ〉ᠲᠤᠰᠬᠤᠭᠤᠷ ᠸᠠᠭᠠᠷᠢ ᠮᠠᠯᠲᠠᠨ ᠭᠠᠷᠭᠠᠵᠤ᠂ ᠵᠤᠤ ᠵᠢᠶᠦ᠋ᠨ ᠪᠣᠭᠣᠮᠲᠠᠡᠴᠡ ᠭᠠᠷᠤᠭ᠍ᠰᠠᠨ᠂ ᠬᠠᠨ ᠤᠯᠤᠰ ᠾᠦᠩᠨᠦ ᠤᠷᠤᠭ ᠪᠠᠷᠢᠯᠳᠤᠭ᠍ᠰᠠᠨ ᠢ᠋ ᠲᠤᠰᠬᠠᠵᠤ᠂ ᠪᠠᠷᠠᠭᠤᠨ ᠬᠠᠨ ᠤᠯᠤᠰᠤᠨ ᠬᠣᠢᠲᠤ ᠬᠡᠰᠡᠭᠦᠨ ᠦᠶᠤᠸᠠᠨ ᠵᠢᠶᠦ᠋ᠨ ᠵᠡᠷᠭᠡ ᠭᠠᠵᠠᠷᠲᠤ ᠡᠩᠬᠡ ᠲᠠᠢᠪᠤᠩ ᠴᠡᠴᠡᠭ᠌ᠯᠡᠨ ᠬᠥᠭ᠌ᠵᠢᠭ᠌ᠰᠡᠨ ᠪᠠᠢᠳᠠᠯ ᠢᠯᠡᠷᠡᠭ᠌ᠰᠡᠨ ᠲᠡᠦᠬᠡᠨ ᠪᠣᠳᠠᠲᠤ ᠪᠠᠢᠳᠠᠯᠢ ᠲᠤᠰᠭᠠᠪᠠ》 ᠭᠡᠵᠦ ᠬᠡᠯᠡᠪᠡ᠃
ᠪᠤᠭᠤᠲᠤᠶ᠋ᠢᠨ ᠮᠦᠽᠧᠢᠶ᠋ᠢᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠢ ᠬᠤᠷᠢᠶᠠᠨ ᠴᠤᠭ᠍ᠯᠠᠭᠤᠯᠵᠤ ᠬᠠᠳᠠᠭᠠᠯᠠᠬᠤ ᠬᠡᠯᠲᠡᠰᠦᠨ ᠠᠵᠢᠯᠳᠠᠨ ᠳ᠋ᠢᠩ ᠵᠢᠶ᠍ᠸ᠄ 《ᠦᠶᠤᠸᠠᠨ ᠵᠢᠶᠦ᠋ᠨ ᠪᠣᠯ ᠬᠤ᠌ ᠬᠠᠨ ᠶᠧ ᠴᠠᠨ ᠢᠦᠢᠶ᠋ᠢᠨ ᠬᠠᠨ ᠤᠯᠤᠰᠲᠤ ᠪᠠᠭᠤᠵᠤ ᠦᠭᠴᠤ ᠬᠠᠭᠠᠨ ᠳ᠋ᠤ ᠪᠠᠷᠠᠳᠠᠭᠰᠠᠨ ᠠᠩᠬᠠᠳᠠᠭ᠍ᠴᠢ ᠬᠠᠨ ᠤᠯᠤᠰᠤᠨ ᠵᠢᠶᠦ᠋ᠨ ᠱᠢᠶᠠᠨ ᠪᠣᠯᠤᠨᠠ᠂ ᠮᠥᠨ ᠴᠦ᠍ ᠵᠤᠤ ᠵᠢᠶᠦ᠋ᠨ ᠪᠣᠭᠣᠮᠲᠠᠪᠠᠷ ᠭᠠᠷᠤᠭᠰᠠᠨ ᠤ᠋ ᠲᠠᠷᠠᠭᠠ ᠦᠩᠭᠡᠷᠡᠭᠰᠡᠨ ᠬᠠᠨ ᠤᠯᠤᠰᠤᠨ ᠬᠠᠮᠤᠭᠦᠨ ᠰᠡᠭᠦᠯᠴᠢᠶ᠋ᠢᠨ ᠵᠢᠶᠦ᠋ᠨ ᠱᠢᠶᠠᠨ ᠪᠣᠯᠤᠨᠠ》 ᠭᠡᠵᠦ ᠬᠡᠯᠡᠪᠡ᠃
ᠨᠠᠷᠢᠯᠢᠭ ᠰᠠᠢᠬᠠᠨ ᠬᠥᠬᠡ ᠬᠤᠸᠠᠷᠲᠤ ᠱᠠᠭᠠᠵᠠᠩ ᠰᠠᠪᠠ ᠨᠢ ᠬᠥᠭ᠌ᠵᠢᠯ ᠪᠠᠳᠠᠷᠠᠯᠢ ᠭᠡᠷᠡᠴᠢᠯᠡᠪᠡ
ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠪᠣᠯ ᠲᠡᠦᠬᠡᠶ᠋ᠢᠨ 《ᠠᠮᠢᠳᠤ ᠴᠢᠯᠠᠭᠤᠵᠢᠮᠠᠯ》ᠮᠥᠨ᠃ ᠶᠤᠸᠠᠨ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠤ᠂ ᠵᠢᠦᠶᠤᠸᠠᠨ ᠨᠢ ᠨᠢᠭᠡᠨᠲᠡ ᠬᠥᠭ᠌ᠵᠢᠶᠡᠨ ᠨᠠᠷᠭᠢᠶᠠᠨᠲᠠᠶ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠲᠥᠪ ᠪᠣᠯᠵᠠᠶ᠃ ᠶᠠᠨ ᠵᠢᠶᠠ ᠯᠢᠶᠠᠩᠤᠨ ᠪᠠᠭᠤᠷᠢᠶ᠋ᠢ ᠠᠭᠤᠳᠠᠯᠤᠨ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠨᠢ᠂ ᠶᠤᠸᠠᠨ ᠤᠯᠤᠰᠤᠨ ᠵᠢᠦᠶᠤᠸᠠᠨᠤ ᠬᠤᠳᠠᠯᠳᠤᠭᠠᠴᠢᠳ ᠬᠤᠷᠠᠨ ᠴᠤᠭ᠍ᠯᠠᠷᠠᠵᠤ᠂ ᠳᠡᠯᠭᠡᠭᠦᠷ ᠫᠦᠰᠡ ᠰᠡᠬᠦᠢᠨ ᠰᠦᠨᠳᠡᠷᠯᠡᠭ᠌ᠰᠡᠨ ᠦᠪᠡᠳᠡᠭ᠌ᠰᠢ ᠦᠵᠡᠮᠵᠢ ᠵᠢ ᠬᠦᠮᠦᠰ ᠲᠤ᠌ ᠲᠡᠯᠭᠡᠨ ᠦᠵᠡᠭᠦᠯᠵᠦ᠂ ᠤᠯᠤᠰᠤᠨ ᠲᠠᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯ ᠶᠤᠸᠠᠨ ᠤᠯᠤᠰᠤᠨ ᠬᠥᠬᠡ ᠬᠤᠸᠠᠷᠲᠠᠶ ᠵᠡᠯᠡᠯᠡᠭᠰᠡᠨ ᠮᠠᠨᠳᠠᠷᠠᠸᠠ ᠴᠡᠴᠡᠭᠦᠨ ᠬᠡᠲᠡᠶ ᠱᠠᠭᠠᠵᠠᠩ ᠰᠠᠪᠠᠶ᠋ᠢ ᠢᠯᠡᠷᠡᠭᠦᠯᠦᠭᠰᠡᠨ ᠨᠢ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠤᠮᠠᠷᠠᠲᠤᠶ᠋ᠢᠨ ᠲᠠᠯᠠ ᠨᠤᠲᠤᠭ ᠬᠢᠭᠡᠳ ᠵᠦᠩᠶᠤᠸᠠᠨ ᠣᠷᠣᠨᠤ ᠬᠣᠭᠣᠷᠣᠨᠳᠣᠬᠢ ᠤᠯᠠᠨ ᠠᠷᠪᠢᠨ ᠠᠷᠠᠯᠵᠢᠶᠠᠨᠤ ᠶᠠᠪᠤᠯᠴᠠᠭᠠ ᠪᠠ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠᠶ᠋ᠢ ᠲᠤᠰᠭᠠᠭ᠍ᠰᠠᠨ ᠪᠠᠢᠨᠠ᠃
ᠶᠠᠨ ᠵᠢᠶᠠ ᠯᠢᠶᠠᠩᠤᠨ ᠪᠠᠭᠤᠷᠢ ᠨᠢ ᠵᠢᠦᠶᠤᠸᠠᠨ ᠲᠣᠭᠣᠷᠢᠭᠤᠨ ᠮᠠ ᠤ᠋ᠤᠢ ᠪᠠᠯᠭᠠᠰᠤᠨᠤ ᠶᠠᠨ ᠵᠢᠶᠠ ᠯᠢᠶᠠᠩ ᠲᠣᠰᠭᠣᠨᠤ ᠡᠮᠦᠨᠡ ᠲᠠᠯᠠᠶ᠋ᠢᠨ ᠲᠠᠢᠰᠠ ᠵᠢᠨ ᠲᠡᠨᠳᠡ ᠪᠠᠢᠷᠢᠯᠠᠵᠤ᠂ ᠣᠲᠣ ᠲᠠᠷᠢᠶᠠᠨ ᠭᠠᠵᠠᠷ ᠪᠣᠯᠪᠠ᠃ ᠪᠤᠭᠤᠲᠤᠶ᠋ᠢᠨ ᠮᠦᠽᠧᠶᠶ᠋ᠢᠨ ᠳᠡᠳ᠋ ᠳᠠᠷᠤᠭᠠ ᠶᠧ ᠶᠦᠩ ᠱᠧᠩ ᠲᠠᠨᠢᠯᠴᠠᠭᠤᠯᠬᠤᠳᠠᠭᠠᠨ᠂ ᠶᠠᠨ ᠵᠢᠶᠠ ᠯᠢᠶᠠᠩᠤᠨ ᠪᠠᠭᠤᠷᠢᠶ᠋ᠢᠨ ᠶᠡᠷᠦᠩᠬᠡᠶ ᠲᠠᠯᠠᠪᠠᠶ ᠨᠢ ᠪᠠᠷᠤᠭ 40 ᠲᠦᠮᠡᠨ ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠪᠠᠢᠵᠤ᠂ 2006 ᠣᠨᠳᠤ᠂ ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢᠳ ᠪᠠᠭᠤᠷᠢᠶ᠋ᠢ 2 ᠲᠦᠮᠡ ᠭᠠᠷᠤᠶ ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠮᠠᠯᠲᠠᠨ ᠠᠭᠤᠳᠠᠯᠵᠤ᠂ ᠱᠠᠭᠠᠵᠠᠩ᠂ ᠸᠠᠭᠠᠷ᠂ ᠵᠡᠰ᠂ ᠲᠡᠮᠦᠷ᠂ ᠶᠠᠰᠤ᠂ ᠴᠢᠯᠠᠭᠤ᠂ ᠬᠠᠰ᠂ ᠪᠣᠯᠣᠷ᠂ ᠱᠢᠯ᠂ ᠮᠠᠨᠤ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠶᠠᠰᠤ ᠴᠢᠨᠠᠷᠤ᠋ᠨ ᠡᠯᠡ ᠵᠦᠶ᠋ᠯᠦᠨ ᠪᠠᠭᠠᠵᠢ ᠬᠡᠷᠡᠭ᠌ᠰᠡᠯ ᠢ᠋ ᠲᠦᠮᠡ ᠭᠠᠷᠤᠶ ᠵᠦᠶ᠋ᠯ ᠢᠯᠡᠷᠡᠭᠦᠯᠪᠡ᠃
《ᠶᠤᠸᠠᠨ ᠤᠯᠤᠰ ᠤ᠋ᠨ ᠦᠶᠡ ᠳ᠋ᠤ᠂ ᠶᠠᠨ ᠵᠢᠶᠠ ᠯᠢᠶᠠᠩ ᠪᠣᠯ ᠳᠣᠷᠣᠨᠠᠳᠠᠬᠢᠨ ᠥᠷᠥᠨᠡᠳᠠᠬᠢᠨ ᠢ᠋ ᠨᠡᠪᠳᠡᠷᠡᠯᠴᠡᠬᠦᠯᠵᠦ᠂ ᠵᠦᠩᠶᠤᠸᠠᠨ ᠣᠷᠣᠨ ᠪᠣᠯᠤᠨ ᠭᠣᠪᠢᠶ᠋ᠢᠨ ᠠᠷᠤᠶ᠋ᠢᠨ ᠭᠠᠵᠠᠷ ᠣᠷᠣᠨᠢ ᠨᠡᠪᠲᠡᠷᠡᠭᠦᠯᠬᠦ᠌ ᠴᠢᠬᠤᠯᠠ ᠵᠠᠮ ᠪᠠᠢᠵᠤ᠂ ᠬᠤᠳᠠᠯᠳᠤᠭᠠᠴᠢᠳ ᠬᠤᠷᠠᠨ ᠴᠤᠭ᠍ᠯᠠᠷᠠᠵᠤ᠂ ᠲᠡᠮᠡᠭᠡᠨ ᠵᠢᠩ ᠰᠦᠯᠵᠢᠯᠳᠦᠨ᠂ ᠡᠮᠦᠨᠡᠰᠢ ᠤᠮᠠᠷᠠᠰᠢ ᠬᠦᠷᠭᠡᠬᠦ ᠬᠥᠪᠥᠩ ᠣᠯᠣᠰᠣ ᠲᠣᠷᠭᠠ ᠳᠤᠷᠳᠤᠩ᠂ ᠠᠷᠠᠰᠤ ᠨᠣᠣᠰᠣ ᠠᠮᠤ ᠪᠤᠳᠠᠭᠠ᠂ ᠱᠠᠭᠠᠵᠠᠩ ᠰᠠᠪᠠ ᠴᠠᠶ ᠱᠢᠬᠢᠷ ᠵᠡᠷᠭᠡ ᠶᠡᠬᠡ ᠬᠡᠮᠵᠢᠶᠡᠨᠦ ᠲᠠᠸᠠᠷᠢ ᠪᠦᠷ ᠡᠨᠳᠡ ᠳᠠᠮᠵᠢᠭᠤᠯᠤᠨ ᠵᠥᠭᠡᠭᠡᠪᠦᠷᠢᠯᠡᠵᠦ᠍ ᠠᠷᠠᠯᠵᠢᠶᠠᠯᠠᠳᠠᠭ᠂ ᠢᠯᠠᠩᠭᠤᠶᠠ ᠬᠥᠬᠡ ᠬᠤᠸᠠᠷᠲᠤ ᠱᠠᠭᠠᠵᠠᠩ ᠰᠠᠪᠠ ᠨᠢ ᠭᠠᠳᠠᠭᠠᠳᠤᠳᠤ ᠪᠣᠷᠣᠯᠠᠭᠤᠯᠭᠠ ᠰᠠᠢᠲᠠᠶ ᠪᠠᠢᠵᠤ᠂ ᠶᠤᠸᠠᠨ ᠤᠯᠤᠰᠤᠨ ᠭᠠᠳᠠᠭᠠᠳᠤ ᠠᠷᠠᠯᠵᠢᠶᠠᠨᠤ ᠲᠤᠯᠭᠠᠭᠤᠷᠢ ᠲᠠᠸᠠᠷ ᠪᠣᠯᠵᠦ ᠪᠠᠢᠪᠠ》 ᠭᠡᠵᠦ᠍ ᠶᠧ ᠶᠦᠩ ᠱᠧᠩ ᠬᠡᠯᠡᠪᠡ᠃
ᠶᠤᠸᠠᠨ ᠤᠯᠤᠰᠤᠨ ᠰᠡᠭᠦᠯᠴᠢᠪᠡᠷ᠂ ᠳᠠᠢᠨ ᠳᠠᠵᠢᠨ ᠪᠠ ᠪᠠᠢᠭᠠᠯᠢᠶ᠋ᠢᠨ ᠭᠠᠶ ᠭᠠᠮᠱᠢᠭ ᠵᠡᠷᠭᠡᠶ᠋ᠢᠨ ᠨᠥᠯᠥᠭᠡᠪᠡᠷ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠪᠠᠶᠠᠨ ᠬᠤᠳᠠᠯᠳᠤᠭᠠᠴᠢᠳ ᠰᠢᠯᠵᠢᠵᠦ ᠶᠠᠪᠤᠬᠤᠡᠴᠡᠪᠠᠨ ᠡᠮᠦᠨᠡ ᠠᠪᠴᠤ᠌ ᠶᠠᠪᠤᠵᠤ ᠲᠡᠢᠯᠬᠦ ᠦᠭᠡᠶ ᠨᠠᠷᠢᠯᠢᠭ ᠰᠠᠢᠬᠠᠨ ᠡᠳ᠋ ᠬᠡᠷᠡᠭ᠌ᠰᠡᠯᠢᠶᠡᠨ ᠲᠤᠰ ᠭᠠᠵᠠᠷ ᠲᠠᠭᠠᠨ ᠪᠤᠯᠠᠵᠤ᠂ ᠬᠣᠵᠢᠮ ᠭᠡᠷ ᠣᠷᠣᠨᠳᠠᠭᠠᠨ ᠲᠠᠬᠢᠨ ᠪᠤᠴᠠᠬᠤᠪᠠᠷ ᠪᠡᠯᠡᠳᠭᠡᠪᠡ᠃
1972 ᠣᠨᠤ ᠨᠠᠮᠤᠷᠤᠨ ᠰᠡᠭᠦᠯᠴᠢᠪᠡᠷ᠂ ᠶᠠᠨ ᠵᠢᠶᠠ ᠯᠢᠶᠠᠩ ᠲᠣᠰᠭᠣᠨᠤ ᠲᠠᠷᠢᠶᠠᠴᠢᠨ ᠶᠠᠨ ᠱᠢᠶᠤᠤ ᠷᠦᠩ ᠲᠠᠷᠢᠶᠠᠨ ᠭᠠᠵᠠᠷᠢᠶᠠᠨ ᠲᠡᠭ᠌ᠰᠢᠯᠡᠵᠦ᠍ ᠪᠠᠢᠬᠤ ᠳ᠋ᠠᠭᠠᠨ ᠲᠡᠮᠤᠷ ᠬᠦᠷᠵᠡ ᠳ᠋ᠤᠨᠢ ᠨᠢᠭᠡᠨ ᠬᠠᠲᠠᠭᠤ ᠪᠣᠳᠠᠰ ᠮᠦᠷᠭᠦᠪᠡ᠃ ᠲᠡᠷᠡ ᠱᠢᠷᠠ ᠱᠢᠷᠣᠶᠶ᠋ᠢ ᠮᠠᠯᠳᠠᠭᠰᠠᠨ ᠳ᠋ᠤ ᠨᠢᠭᠡᠨ ᠴᠠᠭᠠᠨ ᠦᠩᠭᠡ ᠵᠢᠨ ᠬᠥᠬᠡ ᠬᠤᠸᠠᠷᠲᠠᠶ ᠲᠣᠮᠣ ᠱᠠᠭᠠᠵᠠᠩ ᠯᠣᠩᠬᠣ ᠢᠯᠡᠷᠡᠭᠦᠯᠪᠡ᠃ ᠰᠡᠭᠦᠯᠡᠷ ᠨᠢ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠲᠤᠰᠭᠠᠢ ᠮᠡᠷᠭᠡᠵᠢᠯᠲᠡᠨᠦ ᠬᠢᠨᠠᠨ ᠲᠣᠭ᠍ᠲᠠᠭᠠᠭ᠍ᠰᠠᠨᠢᠶᠠᠷ᠂ ᠡᠨᠡ ᠬᠦ᠌ ᠱᠠᠭᠠᠵᠠᠩ ᠰᠠᠪᠠ ᠪᠣᠯ ᠥᠪᠥᠷ ᠮᠣᠩᠭᠣᠯ ᠳ᠋ᠤ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠰᠠᠪᠠᠶ᠋ᠢᠨ ᠬᠡᠯᠪᠡᠷᠢ ᠨᠢ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠲᠦᠨ᠂ ᠣᠨᠴᠠᠯᠢᠭ ᠨᠢ ᠬᠠᠮᠤᠭᠤᠨ ᠢᠯᠡᠷᠬᠡᠢ ᠶᠤᠸᠠᠨ ᠤᠯᠤᠰᠤᠨ ᠦᠶᠡᠶ᠋ᠢᠨ ᠬᠦᠬᠡ ᠬᠤᠸᠠᠷᠲᠤ ᠱᠠᠭᠠᠵᠠᠩ ᠰᠠᠪᠠ ᠪᠣᠯᠬᠤ ᠪᠥᠭᠡᠳ ᠮᠠᠨᠤ ᠤᠯᠤᠰᠲᠤ ᠬᠣᠪᠣᠷᠬᠠᠨ ᠪᠠᠢᠳᠠᠭ ᠶᠤᠸᠠᠨ ᠤᠯᠤᠰᠤᠨ ᠬᠦᠬᠡ ᠬᠤᠸᠠᠷᠲᠤ ᠲᠤᠮᠤ ᠬᠡᠯᠪᠡᠷᠢᠶ᠋ᠢᠨ ᠰᠠᠪᠠ ᠬᠡᠷᠡᠭ᠌ᠰᠡᠯ ᠪᠣᠯᠤᠨᠠ᠃ ᠢᠩᠭᠢᠭᠡᠳ ᠲᠣᠮᠣ ᠱᠠᠭᠠᠵᠠᠩ ᠰᠠᠪᠠ ᠨᠢ ᠳᠡᠯᠡᠬᠡᠶ ᠳ᠋ᠠᠬᠢᠨᠳᠤ ᠠᠯᠳᠠᠷᠱᠢᠵᠤ᠂ ᠶᠤᠸᠠᠨ ᠤᠯᠤᠰᠤᠨ ᠦᠶᠡᠶ᠋ᠢᠨ ᠬᠥᠬᠡ ᠬᠤᠸᠠᠷᠲᠠᠶ ᠵᠡᠯᠡᠯᠡᠭᠰᠡᠨ ᠮᠠᠨᠳᠠᠷᠠᠸᠠ ᠴᠡᠴᠡᠭᠦᠨ ᠬᠡᠲᠡᠶ ᠱᠠᠭᠠᠵᠠᠩ ᠰᠠᠪᠠ ᠭᠡᠬᠦ ᠵᠢᠩᠬᠢᠨᠢ ᠨᠡᠷᠡ ᠲᠠᠢ ᠪᠤᠯᠵᠤ᠂ ᠪᠤᠭᠤᠲᠤᠶ᠋ᠢᠨ ᠮᠦᠽᠧᠶᠶ᠋ᠢᠨ ᠴᠤᠬᠠᠭ ᠡᠷᠳᠡᠨᠢ ᠪᠣᠯᠵᠠᠶ᠃
ᠪᠤᠭᠤᠲᠤᠶ᠋ᠢᠨ ᠮᠦᠽᠧᠢᠶ᠋ᠢᠨ ᠬᠤᠷᠢᠶᠠᠨ ᠴᠤᠭ᠍ᠯᠠᠭᠤᠯᠵᠤ ᠬᠠᠳᠠᠭᠠᠯᠠᠬᠤ ᠬᠡᠯᠲᠡᠰᠦᠨ ᠯᠢᠦ ᠸᠧᠢ᠄ 《ᠶᠤᠸᠠᠨ ᠤᠯᠤᠰᠤᠨ ᠦᠶᠡᠶ᠋ᠢᠨ ᠬᠥᠬᠡ ᠬᠤᠸᠠᠷᠲᠠᠶ ᠵᠡᠯᠡᠯᠡᠭᠰᠡᠨ ᠮᠠᠨᠳᠠᠷᠠᠸᠠ ᠴᠡᠴᠡᠭᠦᠨ ᠬᠡᠲᠡᠶ ᠱᠠᠭᠠᠵᠠᠩ ᠰᠠᠪᠠ ᠨᠢ ᠬᠡᠳᠦᠨ ᠵᠠᠭᠤᠨ ᠵᠢᠯᠦᠨ ᠤᠬᠢᠶᠠᠯᠢ ᠥᠩᠭᠡᠷᠡᠭᠦᠯᠵᠦ᠍᠂ ᠤᠳᠤ ᠪᠣᠯᠲᠠᠯᠠ ᠮᠥᠨ ᠪᠦᠷᠢᠨ ᠪᠦᠲᠦᠨ ᠴᠢᠨᠠᠷᠢᠶᠠᠨ ᠪᠠᠲᠤᠯᠠᠵᠤ ᠪᠤᠢ᠂ ᠲᠡᠭᠦᠨᠦ ᠥᠪᠡᠷᠮᠢᠴᠡ ᠤᠷᠠᠯᠢᠭᠤᠨ ᠬᠡᠪ ᠨᠠᠮᠪᠠ᠂ ᠨᠠᠷᠢᠯᠢᠭ ᠬᠢᠴᠡᠪᠦᠬᠦᠢ ᠤᠷᠠ ᠮᠡᠷᠭᠡᠱᠢᠯ ᠪᠣᠯᠤᠨ ᠭᠦᠨ ᠵᠤᠵᠠᠭᠠᠨ ᠲᠡᠦᠬᠡᠶ᠋ᠢᠨ ᠠᠭᠤᠯᠤᠭ᠍ᠳᠠᠬᠤᠨ ᠨᠢ ᠪᠢᠳᠡᠨᠳᠦ ᠶᠤᠸᠠᠨ ᠤᠯᠤᠰᠤᠨ ᠸᠠᠭᠠᠷ ᠱᠠᠭᠠᠵᠠᠩᠤᠨ ᠤᠷᠠᠯᠢᠭᠢ ᠰᠤᠳᠤᠯᠬᠤ ᠴᠢᠬᠤᠯᠠ ᠮᠠᠲ᠋ᠧᠷᠢᠶᠠᠯ ᠬᠠᠩᠭᠠᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠨᠡᠩ ᠴᠤ᠌ ᠶᠠᠨ ᠵᠢᠶᠠ ᠯᠢᠶᠠᠩᠤᠨ ᠶᠤᠸᠠᠨ ᠤᠯᠤᠰᠤᠨ ᠦᠶᠡᠶ᠋ᠢᠨ ᠬᠥᠭ᠌ᠵᠢᠯ ᠪᠠᠳᠠᠷᠠᠯᠳᠤ ᠪᠠᠢᠳᠠᠯᠢ ᠲᠤᠰᠭᠠᠵᠠᠢ》 ᠭᠡᠪᠡ᠃
ᠠᠮᠢᠳᠤᠯᠢᠭᠢᠶᠡᠷ ᠤᠯᠠᠮᠵᠢᠯᠠᠵᠤ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠳ᠋ᠤ ᠬᠦᠴᠦᠨ ᠨᠡᠮᠡᠷᠢᠯᠡᠨᠡ
ᠵᠢᠤᠶᠤᠸᠠᠠ ᠲᠣᠭᠣᠷᠢᠭ ᠲᠤ᠌ ᠬᠦᠨᠳᠡᠯᠡᠨ ᠭᠤᠯᠳᠤ ᠵᠡᠭᠡᠯᠢ ᠭᠡᠵᠦ ᠪᠤᠢ᠂ ᠬᠥᠨᠳᠡᠯᠡᠨ ᠵᠡᠭᠡᠯᠢᠶ᠋ᠢᠨ ᠤᠷᠲᠤ ᠨᠢ 857 ᠮᠧᠲ᠋ᠷ᠂ 210 ᠳᠡᠯᠭᠡᠭᠦᠷ ᠲᠠᠢ ᠭᠤᠯᠳᠤ ᠵᠡᠭᠡᠯᠢᠶ᠋ᠢᠨ ᠣᠷᠳᠣ ᠨᠢ 215 ᠮᠧᠲ᠋ᠷ᠂ 60 ᠳᠡᠯᠭᠡᠭᠦᠷᠲᠡᠶ᠃ ᠡᠨᠳᠡᠬᠢ ᠨᠢ ᠵᠢᠦᠶᠤᠸᠠᠨ ᠲᠣᠭᠣᠷᠢᠭᠤᠨ ᠬᠠᠭᠤᠴᠢᠨ ᠵᠡᠭᠡᠯᠢ ᠭᠤᠳᠤᠮᠵᠢ ᠪᠣᠯᠬᠤ ᠪᠥᠭᠡᠳ ᠬᠥᠭ᠌ᠵᠢᠶᠡᠨ ᠨᠠᠷᠭᠢᠶᠠᠨᠲᠠᠶ ᠬᠤᠳᠠᠯᠳᠤᠭᠠᠨᠤ ᠲᠥᠪ ᠪᠠᠢᠵᠤ᠂ ᠴᠠᠭ ᠦᠶᠡᠶ᠋ᠢᠨ ᠰᠣᠯᠢᠭ᠍ᠳᠠᠯᠤᠨ ᠳᠤᠮᠳᠠ ᠬᠥᠮᠦᠰᠦᠨ ᠳᠤᠷᠠᠰᠤᠮᠵᠢᠶ᠋ᠢ ᠠᠴᠢᠶᠠᠯᠠᠵᠤ ᠪᠠᠢᠳᠠᠭ᠃
2015 ᠣᠨᠡᠴᠡ ᠡᠮᠦᠨᠡ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠰᠠᠭᠤᠭᠠᠯᠢ ᠠᠷᠠᠳ ᠡᠨᠳᠡᠬᠢᠶ᠋ᠢ 《ᠶᠠᠪᠠᠭᠠᠨ ᠵᠡᠭᠡᠯᠢ》 ᠭᠡᠵᠦ ᠨᠡᠷᠡᠯᠡᠨᠡ᠂ ᠵᠡᠭᠡᠯᠢ ᠳᠡᠭᠡᠷᠡ ᠨᠢᠭᠡ ᠪᠦᠯᠦᠭ ᠵᠢᠵᠢᠭ ᠬᠣᠭᠣᠯᠠᠨ ᠭᠡᠷ᠂ ᠲᠡᠮᠦᠷᠯᠢᠭ ᠪᠦᠷᠢᠨ ᠪᠠᠷᠠᠭᠠ ᠵᠡᠷᠭᠡ ᠬᠤᠳᠠᠯᠳᠤᠭᠠ ᠳᠡᠯᠭᠡᠭᠦᠷ ᠲᠠᠷᠬᠠᠵᠤ ᠪᠠᠢᠪᠠ᠃
2015 ᠣᠨᠳᠤ ᠂ ᠵᠢᠦᠶᠤᠸᠠᠨ ᠲᠣᠭᠣᠷᠢᠭᠤᠨ ᠨᠠᠮᠤᠨ ᠬᠣᠷᠢᠶᠠ ᠂ ᠵᠠᠰᠠᠭᠤᠨ ᠣᠷᠳᠣᠨ ᠨᠠᠨᠵᠢᠩᠤᠨ ᠶᠡᠷᠦᠩᠬᠡᠢᠯᠡᠭ᠌ᠴᠢᠶ᠋ᠢᠨ ᠣᠷᠳᠣᠨᠤ ᠪᠠᠭᠤᠷᠢᠶ᠋ᠢᠨ ᠪᠠᠷᠢᠯᠭᠠ ᠨᠤᠭᠤᠳᠢᠶᠡᠷ ᠯᠠᠪᠯᠠᠯᠲᠠ ᠪᠣᠯᠭᠠᠵᠤ᠂ ᠤᠨᠴᠠᠯᠢᠬ᠍ᠳᠤ ᠢᠳᠡᠭᠡᠨ ᠤᠮᠳᠠᠭᠠᠨᠤ ᠵᠡᠭᠡᠯᠢᠶ᠋ᠢ ᠲᠥᠯᠥᠪᠵᠢᠭᠦᠯᠦᠨ ᠪᠠᠢᠭᠤᠯᠵᠤ᠂ ᠤᠨᠴᠠᠯᠢᠬ᠍ᠳᠤ ᠠᠮᠲᠠᠲᠤ ᠢᠳᠡᠭᠡᠨᠦ ᠵᠡᠭᠡᠯᠢ᠂ ᠬᠦᠷ ᠬᠦᠭᠵᠢᠶᠡᠨᠳᠤ ᠴᠤᠭ᠍ᠯᠠᠭᠠ ᠮᠠᠢᠮᠠᠢ᠂ ᠴᠢᠨ ᠤᠯᠤᠰ ᠬᠠᠨ ᠤᠯᠤᠰᠤᠨ ᠰᠣᠶᠣᠯᠤᠨ ᠠᠬᠤᠢ ᠪᠠᠢᠳᠠᠯᠤᠨ ᠵᠡᠭᠡᠯᠢ᠂ ᠢᠳᠡᠭᠡᠨ ᠡᠳ᠋ᠱᠢᠭᠦᠯᠬᠦ᠌ ᠵᠢᠴᠢ ᠰᠤᠳᠤᠯᠤᠨ ᠨᠡᠭᠡᠭᠡᠬᠦ᠌ ᠲᠥᠪ ᠵᠡᠷᠭᠡᠶ᠋ᠢ ᠪᠠᠢᠭᠤᠯᠪᠠ᠃ 2022 ᠣᠨᠳᠤ᠂ ᠬᠦᠨᠳᠡᠯᠡᠨ ᠭᠤᠯᠳᠤ ᠵᠡᠭᠡᠯᠢᠶ᠋ᠢ ᠳᠡᠰ ᠳᠡᠪᠱᠢᠭᠦᠯᠦᠨ ᠥᠭᠡᠷᠡᠴᠢᠯᠡᠬᠦ᠌ᠪᠡᠷ ᠳᠠᠮᠵᠢᠨ᠂ 《ᠵᠢᠦᠶᠤᠸᠠᠨ》 ᠤ᠋ ᠦᠨᠦᠷ ᠠᠮᠲᠠᠶ᠋ᠢ ᠬᠠᠳᠠᠭᠠᠯᠠᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠵᠢᠦᠶᠤᠸᠠᠨᠤ ᠴᠢᠨ ᠤᠯᠤᠰ ᠬᠠᠨ ᠤᠯᠤᠰᠤᠨ ᠡᠷᠲᠡᠨᠦ ᠵᠢᠶᠦ᠋ᠨᠦ ᠣᠨᠴᠠᠯᠢᠭ᠍ᠲᠤ ᠰᠣᠶᠣᠯᠤᠨ ᠡᠯᠧᠮᠧᠨ᠋ᠲᠢ ᠴᠢᠩᠭᠠᠳᠭᠠᠵᠠᠢ᠃
ᠬᠢᠲᠠᠳ ᠬᠤᠪᠴᠠᠰᠤᠶ᠋ᠢᠨ ᠦᠵᠡᠭᠦᠯᠭᠡ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠦᠵᠡᠭᠦᠯᠭᠡ᠂ ᠦᠨᠳᠦᠰᠦᠲᠡᠨᠦ ᠣᠨᠴᠠᠯᠢᠭᠲᠠᠶ ᠵᠡᠭᠡᠯᠢ ᠭᠤᠳᠤᠮᠵᠢᠶ᠋ᠢᠨ ᠲᠣᠭ᠍ᠯᠠᠯᠲᠠ ᠁ ᠠᠯᠢ ᠤᠯᠠᠨ ᠭᠣᠢᠳᠠ ᠰᠠᠢᠬᠠᠨ ᠠᠵᠢᠯᠯᠠᠭᠠ ᠨᠢ ᠬᠥᠨᠳᠡᠯᠡᠨ ᠭᠤᠯᠳᠤ ᠵᠡᠭᠡᠯᠢᠶ᠋ᠢ ᠭᠣᠣᠯ ᠬᠦᠴᠦᠨ ᠪᠣᠯᠭᠠᠵᠤ᠂ ᠬᠦᠷ ᠬᠦᠭᠵᠢᠶᠡᠨ ᠤ᠋ ᠲᠤᠮᠳᠠ ᠵᠢᠦᠶᠤᠸᠠᠨ ᠲᠤᠭᠤᠷᠢᠭ ᠤ᠋ᠨ ᠵᠢᠭᠤᠯᠴᠢᠯᠠᠯᠤᠨ ᠠᠵᠤ ᠠᠬᠤᠢᠶ᠋ᠢᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢ ᠪᠠᠳᠠᠷᠠᠭᠤᠯᠪᠠ᠃
ᠦᠵᠡᠮᠵᠢᠶ᠋ᠢᠨ ᠣᠷᠣᠨ ᠦᠵᠡᠮᠵᠢᠶ᠋ᠢᠨ ᠴᠡᠭ᠂ ᠬᠥᠳᠡᠭᠡ ᠲᠣᠰᠭᠣᠨᠤ ᠭᠥᠯᠢᠶᠡᠨ ᠠᠪᠬᠤ ᠡᠷᠦᠬᠡ᠂ ᠡᠷᠲᠡᠨᠦ ᠬᠣᠲᠠ᠂ ᠰᠥᠨᠢᠶ᠋ᠢᠨ ᠬᠣᠲᠠ ᠵᠡᠭᠡᠯᠢ ᠲᠣᠭᠣᠷᠢᠭ ᠵᠡᠷᠭᠡ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠡᠬᠢ ᠪᠠᠶᠠᠯᠢᠭᠢ ᠨᠡᠢᠳᠭᠡᠵᠦ᠍᠂ ᠵᠢᠦᠶᠤᠸᠠᠨ ᠲᠣᠭᠣᠷᠢᠭᠨᠢ ᠵᠢᠭᠤᠯᠴᠢᠯᠠᠯᠤᠨ ᠦᠶ᠋ᠯᠡᠳᠬᠦᠨᠦ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢ ᠦᠷᠭᠦᠯᠵᠢᠯᠡᠨ ᠠᠬᠢᠭᠤᠯᠵᠤ᠂ 《ᠬᠣᠲᠠᠶ᠋ᠢᠨ ᠲᠡᠭᠦᠷᠭᠡᠶ᠋ᠢ ᠨᠢᠭᠡ ᠴᠣᠭ᠍ᠴᠠᠵᠢᠭᠤᠯᠬᠤ᠂ ᠡᠳᠦᠷ ᠰᠥᠨᠢᠦᠭᠡᠢ ᠡᠵᠡᠩᠨᠡᠬᠦ᠌᠂ ᠣᠯᠠᠨ ᠦᠶ᠋ᠯᠡᠰᠢ ᠠᠭᠤᠰᠤᠯᠴᠠᠭᠤᠯᠬᠤ᠂ ᠪᠥᠬᠥ᠌ ᠴᠠᠭ ᠪᠥᠬᠥ᠌ ᠤᠯᠠᠷᠢᠯ》 ᠤ᠋ᠨ ᠵᠢᠭᠤᠯᠴᠢᠯᠠᠯᠤᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠱᠢᠨᠡ ᠪᠠᠢᠷᠢᠱᠢᠯᠢ ᠪᠠᠢᠭᠤᠯᠪᠠ᠃
ᠬᠠᠲᠤᠨ ᠭᠤᠤᠯᠤᠨ ᠤᠩᠰᠢᠭᠤ ᠰᠣᠶᠣᠯᠤᠨ ᠬᠦᠷᠢᠶᠡᠯᠡᠩ ᠪᠣᠯ ᠬᠠᠲᠤᠨ ᠭᠤᠤᠯᠤᠨ ᠰᠣᠶᠣᠯᠳᠤ ᠲᠦᠱᠢᠭ᠌ᠯᠡᠨ ᠪᠠᠢᠭᠤᠯᠤᠭ᠍ᠰᠠᠨ ᠬᠠᠯᠠᠮᠱᠢᠯ ᠦᠵᠡᠮᠵᠢᠶ᠋ᠢᠨ ᠭᠠᠵᠠᠷ ᠪᠣᠯᠤᠨᠠ᠂ ᠬᠠᠲᠤᠨ ᠭᠤᠤᠯᠤᠨ ᠬᠥᠪᠡᠭᠡᠨᠳᠡᠬᠢ ᠬᠣᠷᠢᠨᠭᠡᠷ ᠪᠠᠯᠭᠠᠰᠤᠨᠤ ᠱᠢᠨ ᠾᠧ ᠲᠣᠰᠭᠣᠨᠳᠤ ᠪᠠᠢᠷᠢᠯᠠᠵᠤ ᠪᠣᠶ᠃ ᠴᠡᠴᠡᠷᠯᠢᠭᠦᠨ ᠳᠣᠲᠣᠷᠠ ᠬᠠᠮᠤᠭᠡᠴᠡ ᠠᠯᠳᠠᠷᠲᠠᠶ ᠨᠢ ᠬᠠᠲᠤᠨ ᠭᠤᠤᠯᠤᠨ ᠤᠩᠰᠢᠭᠤ ᠤᠷᠠᠨ ᠳᠠᠷᠬᠠᠨᠤ ᠮᠦᠽᠧᠶ ᠪᠣᠯᠤᠨᠠ᠂ ᠪᠠᠷᠤᠭ 30 ᠠᠳᠠᠯᠢ ᠪᠤᠰᠤ ᠲᠥᠷᠥᠯᠦᠨ ᠤᠷᠠᠨ ᠳᠠᠷᠬᠠᠨᠤ ᠦᠶ᠋ᠯᠡᠳᠭᠡᠯ ᠪᠠᠢᠵᠤ᠂ ᠴᠤᠭ᠍ᠯᠠᠭᠤᠯᠤᠭ᠍ᠰᠠᠨ ᠠᠷᠠᠳᠤᠨ ᠵᠠᠩ ᠦᠶ᠋ᠯᠡᠶ᠋ᠢᠨ ᠡᠳ᠋ ᠪᠣᠳᠠᠰ ᠨᠢ ᠴᠥᠮ ᠬᠥᠬᠡᠬᠣᠲᠠ ᠪᠤᠭᠤᠲᠤ ᠣᠷᠳᠣᠰᠤᠨ ᠡᠷᠬᠢᠨ ᠲᠣᠭᠣᠷᠢᠨᠤ ᠬᠠᠲᠤᠨ ᠭᠤᠤᠯᠤᠨ ᠰᠣᠶᠣᠯᠲᠠᠶ ᠬᠣᠯᠪᠣᠭᠠᠲᠠᠶ ᠪᠠᠢᠳᠠᠭ᠃
ᠡᠯᠳᠡᠭᠦᠷᠴᠢᠨᠤ ᠦᠢᠯᠡᠳᠭᠡᠯᠦᠨ ᠡᠮᠦᠨᠡ᠂ ᠯᠢ ᠱᠠ᠂ ᠬᠠᠲᠤᠨ ᠭᠤᠤᠯᠤᠨ ᠤᠰᠤᠨ ᠲᠡᠭᠡᠭᠡᠪᠦᠷᠢ ᠨᠢ ᠪᠤᠭᠤᠲᠤᠶ᠋ᠢᠨ ᠬᠤᠳᠠᠯᠳᠤᠭᠠᠨᠤ ᠦᠶ᠋ᠯᠡᠰᠦᠨ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠵᠠᠢ᠃ ᠠᠷᠠᠰᠤ ᠨᠤᠤᠰᠤ ᠪᠣᠯ ᠬᠠᠭᠤᠴᠢᠨ ᠪᠤᠭᠤᠲᠤᠶ᠋ᠢᠨ ᠴᠢᠬᠤᠯᠠ ᠲᠤᠯᠭᠠᠭᠤᠷᠢ ᠠᠵᠤ ᠦᠶ᠋ᠯᠡᠰ ᠮᠥᠨ᠃ ᠪᠤᠭᠤᠲᠤᠶ᠋ᠢᠨ ᠠᠷᠠᠰᠤ ᠨᠣᠣᠰᠣᠨᠤ ᠠᠷᠠᠯᠵᠢᠶᠠ ᠬᠥᠭ᠌ᠵᠢᠶᠡᠨᠲᠡᠶ ᠪᠣᠯᠪᠠᠯ᠂ ᠪᠦᠬᠦᠢᠯᠡ ᠵᠠᠬᠠ ᠳᠡᠯᠭᠡᠭᠦᠷ ᠳᠠᠷᠤᠢ ᠬᠥᠭ᠌ᠵᠢᠯ ᠪᠠᠳᠠᠷᠠᠯᠲᠠᠶ ᠪᠣᠯᠤᠨᠠ᠂ ᠡᠢᠮᠦ᠍ᠡᠴᠡ 《ᠠᠷᠠᠰᠤ ᠨᠣᠣᠰᠣᠨᠤ ᠠᠷᠠᠯᠵᠢᠶᠠ ᠬᠥᠭ᠌ᠵᠢᠪᠡᠯ ᠠᠯᠢᠪᠠ ᠦᠢᠯᠡᠰ ᠬᠥᠭ᠌ᠵᠢᠨᠡ》 ᠭᠡᠳᠡᠭ ᠬᠡᠯᠡᠯᠭᠡ ᠪᠤᠢ ᠭᠡᠵᠦ ᠲᠠᠨᠢᠯᠴᠠᠭᠤᠯᠪᠠ᠃
ᠵᠢᠭᠤᠯᠴᠢᠯᠠᠯᠤᠨ ᠬᠥᠭ᠌ᠵᠢᠶᠡᠨᠲᠡᠶ ᠤᠯᠠᠷᠢᠯᠳᠤ᠂ ᠬᠠᠲᠤᠨ ᠭᠤᠤᠯᠤᠨ ᠤᠩᠰᠢᠭᠤ ᠰᠣᠶᠣᠯᠤᠨ ᠬᠦᠷᠢᠶᠡᠯᠡᠩᠦᠨ ᠵᠢᠭᠤᠯᠴᠢᠯᠠᠬᠰᠠᠳᠤᠨ ᠲᠣᠭᠠ ᠳᠥᠴᠢ ᠲᠠᠪᠢᠨ ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠᠳᠤ ᠬᠦᠷᠴᠦ᠍᠂ ᠵᠣᠨᠤ ᠤᠯᠠᠷᠢᠯᠤᠨ ᠢᠳᠡᠭᠡᠨ ᠤᠮᠳᠠᠭᠠᠨᠤ ᠲᠣᠭᠣᠷᠢᠭᠤᠨ ᠡᠳᠦᠷᠦᠨ ᠡᠵᠡᠩᠨᠡᠯᠲᠡᠶ᠋ᠢᠨ ᠵᠤᠭᠤᠰᠦᠨ ᠲᠣᠭᠠ 10 ᠭᠠᠷᠤᠶ ᠲᠦᠮᠡᠨ ᠲᠥᠭᠥᠷᠢᠭᠲᠦ ᠬᠦᠷᠳᠡᠭ᠃ ᠪᠠᠶᠠᠷ ᠳᠤᠷᠠᠰᠭᠠᠯ ᠠᠮᠠᠷᠠᠯᠲᠠᠶ᠋ᠢᠨ ᠡᠳᠦᠷ ᠪᠣᠯᠬᠤ ᠪᠦᠷᠢ᠂ ᠵᠢᠭᠤᠯᠴᠢᠯᠠᠭᠰᠠᠳ ᠬᠤᠷᠠᠨ ᠴᠤᠭ᠍ᠯᠠᠷᠠᠵᠤ᠂ ᠲᠣᠰᠭᠣᠨᠤ ᠨᠠᠰᠤᠲᠠᠢᠴᠤᠳ ᠲᠣᠰᠭᠣᠨᠤ ᠵᠠᠬᠠᠳᠤ ᠵᠣᠭ᠍ᠰᠣᠨ ᠬᠥᠷ ᠬᠥᠭ᠌ᠵᠢᠶᠡᠨᠢ ᠰᠣᠨᠢᠷᠬᠠᠨᠡ᠂ ᠲᠡᠳᠡᠨᠦ ᠬᠡᠯᠡᠬᠦ᠌ᠪᠡᠷ᠂ ᠲᠣᠰᠭᠣᠨᠳᠤ ᠶᠡᠷᠦ᠍ᠡᠴᠡ ᠡᠢᠮᠦ᠍ ᠬᠥᠷ ᠬᠥᠭ᠌ᠵᠢᠶᠡᠨᠲᠡᠶ ᠪᠠᠢᠵᠤ ᠥᠩᠭᠡᠷᠡᠭ᠌ᠰᠡᠨ ᠥᠬᠡᠶ ᠭᠡᠨᠡ᠃
ᠡᠷᠲᠡᠨᠦ ᠵᠢᠶᠦ᠋ᠨ ᠱᠢᠨᠡ ᠬᠤᠳᠠ᠂ ᠵᠢᠦᠶᠤᠸᠠᠨ ᠲᠤᠭᠤᠷᠢᠭ ᠨᠢ ᠬᠡᠷᠡᠯᠳᠤ ᠰᠤᠪᠤᠳ ᠱᠢᠭ᠋ᠢᠶᠡᠷ ᠪᠤᠭᠤᠲᠤᠵᠢᠨ ᠳᠤᠮᠳᠠᠳᠤ ᠤᠯᠤᠰ ᠲᠡᠢᠰᠢ ᠤᠷᠤᠭ᠍ᠰᠢᠯᠠᠬᠤ᠂ ᠳᠡᠯᠡᠬᠡᠢ ᠳ᠋ᠠᠬᠢᠨᠳᠤ ᠬᠠᠨᠳᠤᠬᠤ ᠪᠠᠰᠠ ᠨᠢᠭᠡᠨ ᠬᠤᠳᠠᠶ᠋ᠢᠨ ᠨᠡᠷᠡᠶ᠋ᠢᠨ ᠬᠠᠭᠤᠳᠠᠰᠤ ᠪᠤᠯᠵᠤ ᠪᠠᠢᠨᠠ᠃