ᠪᠤᠯᠤᠩ ᠨᠡᠭᠡᠭᠡᠬᠦ᠌ ᠦᠭᠡ
ᠤᠷᠢᠬᠠᠨ ᠬᠠᠪᠤᠷ ᠰᠠᠭᠠᠲᠠᠵᠤ᠂ ᠴᠢᠷᠮᠠᠢᠨ ᠲᠡᠮᠡᠴᠡᠬᠦ ᠴᠠᠭ ᠬᠦᠷᠴᠦ ᠢᠷᠡᠯᠡ᠃ ᠣᠳᠣᠬᠠᠨᠳᠤ ᠪᠦᠬᠦ᠌ ᠣᠷᠣᠨᠤ ᠡᠯᠡ ᠭᠠᠵᠠᠷᠤᠨ ᠬᠢᠨ ᠪᠦᠬᠦ᠌ ᠤᠯᠤᠰᠤᠨ ᠬᠣᠶᠠᠷ ᠬᠤᠷᠠᠯᠤᠨ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠭᠦᠨᠵᠡᠭᠡᠢ ᠲᠤᠭᠤᠱᠢᠯᠠᠭᠤᠯᠤᠨ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠨᠠᠮᠤᠨ ᠬᠣᠷᠢᠢᠠᠡᠴᠡ ᠲᠣᠭ᠍ᠲᠠᠭᠠᠭ᠍ᠰᠠᠨ ᠡᠯᠡ ᠵᠦᠢᠯᠦᠨ ᠬᠠᠷᠠᠯᠲᠠ ᠡᠭᠦᠷᠭᠡᠶ᠋ᠢ ᠪᠦᠬᠦ ᠬᠦᠴᠦᠨᠢᠶᠡᠷᠢᠶᠡᠨ ᠴᠢᠷᠮᠠᠢᠨ ᠪᠡᠶᠡᠯᠡᠭᠦᠯᠵᠦ᠍᠂《ᠬᠠᠪᠤᠷ ᠡᠬᠢᠯᠡᠮᠡᠭ᠌ᠴᠡ ᠠᠵᠢᠯᠢᠶᠠᠨ ᠡᠬᠢᠯᠡᠭᠦᠯᠵᠦ᠍᠂ ᠡᠬᠢᠯᠡᠩᠭᠦᠳᠡ ᠪᠡᠨ ᠱᠢᠪᠲᠤᠯᠤᠯᠲᠠ ᠬᠢᠬᠦ᠌》 ᠴᠤᠭ ᠪᠠᠳᠠᠷᠠᠩᠭᠤᠢ ᠳᠦᠷᠰᠦ ᠪᠠᠢᠳᠠᠯᠢᠶᠠᠷ《ᠵᠢᠷᠭᠤᠭᠠᠨ ᠠᠵᠢᠯᠯᠠᠭᠠ》 ᠵᠢ ᠪᠣᠳᠠᠲᠠᠢᠳᠤ ᠨᠠᠢᠳᠠᠪᠤᠷᠢᠵᠢᠭᠤᠯᠤᠨ ᠦᠷᠡ ᠪᠦᠲᠦᠮᠵᠢ ᠭᠠᠷᠭᠠᠬᠤᠶ᠋ᠢ ᠪᠦᠬᠦ᠌ ᠬᠦᠴᠦᠨᠢᠶᠡᠷ ᠠᠬᠢᠭᠤᠯᠵᠤ ᠪᠠᠢᠨᠠ᠃ ᠦᠨᠦᠳᠦᠷᠡᠴᠡ ᠡᠬᠢᠯᠡᠨ ᠲᠤᠰ ᠰᠣᠨᠢᠨ 《ᠪᠥᠬᠥ᠌ ᠵᠢᠯ ᠵᠢᠡᠷ ᠵᠢᠡᠨ ᠠᠮᠵᠢᠯᠲᠠ ᠤᠯᠬᠤ ᠪᠠᠷ ᠳᠡᠮᠡᠴᠡᠵᠦ ᠱᠢᠨᠡ ᠠᠮᠵᠢᠯᠲᠠ ᠶ᠋ᠢ ᠳᠠᠬᠢᠨ ᠡᠭᠦᠳᠦᠶᠡ》 ᠭᠡᠬᠦ᠌ ᠪᠤᠯᠤᠩ ᠨᠡᠭᠡᠭᠡᠵᠦ᠍᠂ ᠠᠯᠢ ᠣᠯᠠᠨ 《ᠬᠥᠷ ᠬᠥᠭ᠌ᠵᠢᠶᠡᠨᠲᠡᠶ》᠂ ᠬᠥᠮᠦᠰᠢ ᠤᠷᠮᠠᠱᠢᠭᠤᠯᠤᠨ ᠵᠣᠷᠢᠭ᠍ᠵᠢᠭᠤᠯᠬᠤ ᠮᠡᠳᠡᠭᠡᠯᠡᠯᠢᠶᠡᠷ ᠳᠠᠮᠵᠢᠨ ᠪᠥᠬᠥ᠌ ᠣᠷᠣᠨᠤ ᠡᠯᠡ ᠭᠠᠵᠠᠷᠤᠨ ᠬᠢᠨ ᠭᠤᠤᠯᠳᠠᠯᠭᠠᠲᠠᠶ ᠲᠥᠷᠥᠯ ᠵᠦᠶ᠋ᠯᠢ 《ᠪᠥᠬᠥ᠌ ᠬᠦᠴᠦᠨᠢᠶᠡᠷᠢᠶᠡᠨ ᠡᠬᠢᠯᠡᠭᠦᠯᠵᠦ᠍》᠂ ᠱᠢᠨᠡ ᠠᠵᠤ ᠦᠶ᠋ᠯᠡᠰ ᠥᠷᠨᠢᠨ ᠬᠥᠭ᠌ᠵᠢᠵᠦ ᠪᠠᠢᠭᠠ ᠬᠥᠮᠦᠰᠤᠨ ᠰᠡᠳᠭᠢᠯᠢ ᠬᠥᠳᠡᠯᠭᠡᠮᠡ ᠦᠵᠡᠮᠵᠢᠶ᠋ᠢ ᠭᠦᠶ᠋ᠴᠡᠳ ᠳᠡᠯᠭᠡᠨ ᠦᠵᠡᠭᠦᠯᠬᠦ ᠪᠤᠯᠤᠨᠠ᠃
2025 ᠣᠨᠤ ᠤᠯᠤᠰᠤᠨ ᠨᠥᠬᠥᠪᠥᠷᠢᠶ᠋ᠢᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠨᠠᠢᠳᠠᠪᠤᠷᠢᠵᠢᠭᠤᠯᠤᠨ ᠬᠡᠷᠡᠭ᠌ᠵᠢᠭᠦᠯᠬᠦ᠌ᠶ᠋ᠢ ᠳᠠᠭᠠᠯᠳᠤᠨ ᠬᠡᠷᠡᠭ᠌ᠯᠡᠭᠡᠶ᠋ᠢ ᠬᠥᠭ᠌ᠵᠢᠭᠡᠬᠦ᠌ ᠲᠤᠰᠭᠠᠶ ᠠᠵᠢᠯᠯᠠᠭᠠᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠬᠦ᠌ᠶ᠋ᠢᠨ ᠲᠥᠯᠥᠭᠡ ᠣᠢᠷᠠᠳᠤ ᠬᠥᠬᠡᠬᠣᠲᠠᠶ᠋ᠢᠨ ᠬᠡᠷᠡᠭ᠌ᠯᠡᠭᠡᠨᠦ ᠵᠦᠶ᠋ᠯᠤᠨ ᠬᠠᠭᠤᠴᠢᠨᠢᠶᠠᠷ ᠱᠢᠨᠡᠶ᠋ᠢ ᠰᠣᠯᠢᠬᠤ ᠠᠵᠢᠯ ᠪᠥᠬᠥ᠌ ᠲᠠᠯᠠᠪᠠᠷ ᠡᠬᠢᠯᠡᠪᠡ᠃ ᠨᠢᠳᠤᠨᠤᠨᠲᠠᠶ ᠬᠠᠷᠢᠴᠠᠭᠤᠯᠪᠠᠯ ᠡᠨᠡ ᠵᠢᠯᠤᠨ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯ᠂ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠳᠤᠭᠤᠶ ᠲᠡᠷᠭᠡ᠂ ᠲᠣᠭᠠᠴᠢᠯᠠᠭ᠍ᠰᠠᠨ ᠦᠶ᠋ᠯᠡᠳᠬᠦᠨ᠂ ᠮᠠᠱᠢᠨ ᠲᠡᠷᠭᠡᠨᠦ ᠬᠠᠭᠤᠴᠢᠨᠢᠶᠠᠷ ᠱᠢᠨᠡᠶ᠋ᠢ ᠰᠣᠯᠢᠬᠤ ᠨᠥᠬᠥᠪᠥᠷᠢᠶ᠋ᠢᠨ ᠡᠷᠴᠢᠮ ᠰᠤᠯᠠᠷᠠᠭ᠍ᠰᠠᠨ ᠥᠬᠡᠶ ᠮᠥᠷᠲᠡᠭᠡᠨ ᠪᠠᠰᠠ ᠱᠢᠨᠡᠪᠡᠷ ᠨᠡᠮᠡᠭ᠌ᠳᠡᠭ᠌ᠰᠡᠨ ᠪᠠᠢᠨᠠ᠃ ᠡᠭᠦᠨᠳᠦ ᠭᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠳᠦ ᠨᠥᠬᠥᠪᠥᠷᠢ ᠥᠭ᠌ᠬᠦ ᠲᠥᠷᠥᠯ ᠵᠦᠢᠯᠢ ᠱᠢᠨᠡᠪᠡᠷ 6 ᠲᠥᠷᠥᠯ ᠨᠡᠮᠡᠭ᠌ᠳᠡᠭᠦᠯᠵᠦ᠍᠂ ᠨᠢᠳᠤᠨᠤᠨᠤ 12 ᠲᠣᠮᠣ ᠲᠥᠷᠥᠯᠦᠨ ᠨᠥᠬᠥᠪᠥᠷᠢ ᠥᠭ᠌ᠬᠦ ᠦᠢᠯᠡᠳᠬᠦᠨᠢ ᠪᠤᠳᠤᠪᠠᠯ ᠡᠨᠡ ᠵᠢᠯᠤᠨ ᠬᠠᠭᠤᠴᠢᠨᠢᠶᠠᠷ ᠱᠢᠨᠡᠶ᠋ᠢ ᠰᠣᠯᠢᠬᠤ ᠭᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠳᠦ ᠨᠥᠬᠥᠪᠥᠷᠢ ᠥᠭ᠌ᠬᠦ ᠲᠥᠷᠥᠯ ᠵᠦᠢᠯ 18 ᠲᠥᠷᠥᠯᠳᠦ ᠬᠦᠷᠴᠡᠢ᠃ ᠨᠥᠬᠥᠪᠥᠷᠢ ᠠᠰᠠᠷᠠᠮᠵᠢᠶ᠋ᠢᠨ ᠳᠠᠬᠢᠨ ᠨᠡᠮᠡᠭ᠌ᠳᠡᠯ ᠨᠢ ᠬᠣᠲᠠᠶ᠋ᠢᠨ ᠠᠷᠠᠳᠤᠨ ᠬᠡᠷᠡᠭ᠌ᠯᠡᠭᠡᠨᠦ ᠤᠷᠮᠠᠶ᠋ᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠳᠠᠢᠴᠢᠯᠠᠵᠤ᠂ ᠤᠷᠤᠨᠤ ᠲᠥᠪ ᠲᠤ᠌ 《ᠱᠢᠨᠡᠶᠢ ᠰᠤᠯᠢᠬᠤ ᠦᠷᠨᠢᠯᠲᠡ》 ᠢᠯᠡᠷᠡᠪᠡ᠃
ᠭᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠦᠨ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠬᠡᠷᠡᠭ᠌ᠯᠡᠭᠡ ᠬᠦᠭᠵᠢᠶᠡᠨᠲᠠᠢ ᠪᠤᠯᠪᠠ
3 ᠰᠠᠷᠠᠶ᠋ᠢᠨ 8 ᠤ᠋ ᠡᠳᠦᠷ᠂ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠳ᠋ᠦᠩ ᠭᠸ᠂ ᠰᠣ᠌ ᠨᠢᠩ ᠵᠡᠷᠭᠡ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠦᠨ ᠬᠤᠳᠠᠯᠳᠤᠭᠠ ᠳᠡᠯᠭᠡᠭᠦᠷᠲᠦ ᠬᠦᠷᠬᠦᠳᠤ ᠴᠠᠭᠠᠨ ᠰᠠᠷᠠᠶ᠋ᠢᠨ ᠳᠠᠷᠠᠭᠠᠬᠢ ᠬᠦᠭᠵᠢᠶᠡᠨ ᠦᠭᠡᠢ ᠤᠯᠠᠷᠢᠯᠳᠤ ᠴᠸ᠋ ᠨᠥᠬᠥᠪᠥᠷᠢ ᠲᠠᠢ ᠡᠴᠡ ᠪᠤᠯᠵᠤ ᠣᠯᠠᠨ ᠬᠦᠮᠦᠰ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯ ᠰᠣᠩᠭᠣᠵᠤ ᠬᠤᠳᠠᠯᠳᠤᠨ ᠠᠪᠬᠤ ᠪᠡᠷ ᠬᠦᠷᠦᠯᠴᠡᠨ ᠢᠷᠡᠵᠡᠭᠡᠭᠰᠡᠨ ᠪᠠᠢᠨᠠ᠃ ᠣᠯᠠᠩᠬᠢ ᠬᠡᠷᠡᠭ᠌ᠯᠡᠭ᠌ᠴᠢᠳ ᠣᠶᠤᠨᠴᠢ᠂ ᠡᠨᠧᠷᠭᠢ ᠠᠷᠪᠢᠯᠠᠬᠤ᠂ ᠴᠢᠨᠠᠷ ᠰᠠᠢᠲᠠᠶ ᠱᠢᠨᠡ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠢ ᠰᠣᠩᠭᠣᠵᠤ ᠪᠠᠢᠯᠠ᠃
ᠱᠢᠨᠡ ᠭᠡᠷ ᠳᠡᠭᠡᠨ ᠨᠡᠭᠦᠬᠦ᠌ᠪᠡᠷ ᠪᠡᠯᠡᠳᠭᠡᠵᠦ᠍ ᠪᠠᠢᠭᠠ ᠴᠧᠨ ᠠᠪᠠᠬᠠᠶ ᠲᠧᠯᠸᠢᠰ᠂ ᠬᠤᠪᠴᠠᠰᠤ ᠤᠬᠢᠶᠠᠬᠤ ᠮᠠᠱᠢᠨ᠂ ᠬᠥᠯᠳᠡᠭᠡᠭᠦᠷ᠂ ᠤᠰᠤ ᠬᠠᠯᠠᠭᠤᠯᠬᠤ ᠮᠠᠱᠢᠨ ᠵᠡᠷᠭᠡ ᠭᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯ ᠬᠤᠳᠠᠯᠳᠤᠨ ᠠᠪᠴᠠᠶ᠃ 《ᠪᠢ ᠤᠤᠯ ᠨᠢ ᠬᠠᠭᠤᠴᠢᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠢᠶᠡᠨ ᠱᠢᠨᠡ ᠭᠡᠷ ᠳᠡᠭᠡᠨ ᠨᠡᠭᠦᠯᠭᠡᠬᠦ᠌ᠪᠡᠷ ᠲᠥᠯᠥᠪᠯᠡᠵᠦ᠍ ᠪᠠᠢᠵᠠᠢ᠃ ᠭᠡᠪᠡᠴᠦ᠍ ᠤᠯᠤᠰ ᠡᠴᠡ ᠨᠥᠬᠥᠪᠥᠷᠢᠯᠡᠬᠦ᠌ ᠡᠷᠴᠢᠮ ᠡᠢᠮᠦ᠍ ᠶᠡᠬᠡ᠂ ᠬᠠᠭᠤᠴᠢᠨ ᠭᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠢ ᠲᠦᠷᠢᠶᠡᠰᠦᠨ ᠭᠡᠷᠲᠦ ᠦᠯᠡᠳᠡᠭᠡᠪᠡᠯ ᠪᠠᠰᠠ ᠵᠠᠯᠭᠠᠭᠠᠳ ᠬᠡᠷᠡᠭ᠌ᠯᠡᠵᠦ᠍ ᠪᠣᠯᠤᠨᠠ᠃ ᠡᠨᠡ ᠵᠠᠪᠱᠢᠶᠠᠨᠢᠶᠠᠷ ᠱᠢᠨᠡ ᠭᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯ ᠬᠤᠳᠠᠯᠳᠤᠭᠠᠳ ᠠᠪᠤᠴᠢᠬᠠᠶᠠ》 ᠭᠡᠵᠦ ᠪᠠᠢᠯᠠ᠃ ᠳᠡᠷᠡᠪᠡᠷ ᠤᠷᠢᠳ ᠬᠣᠵᠢᠳ 6 ᠭᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯ ᠬᠤᠳᠠᠯᠳᠤᠨ ᠠᠪᠴᠤ᠌᠂ 4 ᠲᠦᠮᠡ ᠭᠠᠷᠤᠶ ᠲᠥᠭᠥᠷᠢᠭ ᠵᠠᠷᠤᠴᠠᠭᠤᠯᠵᠠᠶ᠂ ᠨᠥᠬᠥᠪᠥᠷᠢᠶᠢᠨ ᠳᠡᠭᠡᠷᠡ ᠬᠤᠳᠠᠯᠳᠤᠭᠠᠴᠢᠨ᠂ ᠦᠢᠯᠡᠳᠪᠦᠷᠢᠶ᠋ᠢᠨ ᠬᠠᠷᠠᠭᠠᠯᠵᠠᠯᠲᠠᠶ ᠪᠣᠯᠬᠣᠷ ᠲᠦᠮᠡᠨ ᠱᠢᠬᠠᠮ ᠲᠥᠭᠥᠷᠢᠭ ᠠᠷᠪᠢᠯᠠᠵᠠᠶ ᠭᠡᠵᠦ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠭᠡᠯᠡᠨᠠ᠃
ᠳ᠋ᠦᠩ ᠭᠧ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠤᠨ ᠪᠣᠷᠣᠯᠠᠭᠤᠯᠭᠠᠶᠢᠨ ᠠᠵᠢᠯᠲᠠᠨᠤ ᠲᠠᠨᠢᠯᠴᠠᠭᠤᠯᠤᠭ᠍ᠰᠠᠨᠢᠶᠠᠷ᠂ ᠤᠯᠤᠰ ᠡᠴᠡ ᠱᠢᠨᠡ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯ ᠬᠤᠳᠠᠯᠳᠤᠨ ᠠᠪᠬᠤ ᠨᠥᠬᠥᠪᠥᠷᠢ᠂ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠤᠨ ᠬᠠᠭᠤᠴᠢᠨᠢᠶᠠᠷ ᠱᠢᠨᠡᠶ᠋ᠢ ᠰᠣᠯᠢᠬᠤ ᠨᠥᠬᠥᠪᠥᠷᠢ ᠥᠭ᠌ᠬᠦ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠨᠡᠢᠲᠡᠯᠡᠭ᠌ᠰᠡᠨ ᠡᠴᠡ ᠱᠢᠨᠡ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯ ᠬᠤᠳᠠᠯᠳᠤᠨ ᠠᠪᠬᠤ ᠪᠠ ᠬᠠᠭᠤᠴᠢᠨᠢᠶᠠᠷ ᠱᠢᠨᠡᠶ᠋ᠢ ᠰᠣᠯᠢᠬᠤ ᠬᠡᠷᠡᠭ᠌ᠯᠡᠭ᠌ᠴᠢᠳ ᠢᠯᠡᠳᠲᠡ ᠨᠡᠮᠡᠭ᠌ᠳᠡᠵᠦ᠍᠂ ᠡᠩᠦᠨ ᠦᠶᠡᠳᠦ ᠳᠡᠳᠦᠢ ᠬᠠᠯᠠᠮᠰᠢᠯ ᠪᠢᠰᠢ ᠪᠠᠢᠭᠰᠠᠨ ᠠᠶᠠᠭᠠ ᠤᠬᠢᠶᠠᠬᠤ ᠮᠠᠱᠢᠨ᠂ ᠬᠤᠷᠠᠮᠠᠯ ᠵᠤᠤᠬᠠ᠂ ᠭᠠᠵᠠᠷ ᠱᠦᠭᠦᠷᠳᠡᠬᠦ᠌ ᠮᠠᠱᠢᠨ ᠵᠡᠷᠭᠡ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠦᠨ ᠪᠣᠷᠣᠯᠠᠭᠤᠯᠭᠠ ᠴᠤ᠌ ᠶᠡᠬᠡᠪᠡᠷ ᠨᠡᠮᠡᠭ᠌ᠳᠡᠵᠡᠶ ᠭᠡᠵᠦ ᠳᠠᠨᠢᠯᠴᠠᠭᠤᠯᠪᠠ᠃
《ᠤᠯᠤᠰᠤᠨ ᠨᠥᠬᠥᠪᠥᠷᠢᠶ᠋ᠢᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠨᠡᠢᠲᠡᠯᠡᠭ᠌ᠰᠡᠨᠦ ᠳᠠᠷᠠᠭᠠ ᠳᠡᠯᠭᠡᠭᠦᠷᠲᠦ ᠢᠷᠡᠵᠦ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠢ ᠠᠰᠠᠭᠤᠨ ᠯᠠᠪᠯᠠᠵᠤ ᠬᠠᠭᠤᠴᠢᠨᠢᠶᠠᠷ ᠱᠢᠨᠡᠶ᠋ᠢ ᠰᠣᠯᠢᠬᠤ ᠬᠡᠷᠡᠭ᠌ᠯᠡᠭ᠌ᠴᠢᠳ ᠲᠠᠰᠤᠷᠠᠯᠲᠠ ᠥᠬᠡᠶ ᠣᠯᠠᠱᠢᠷᠠᠵᠤ᠂ ᠡᠳᠦᠷ ᠳᠤᠮᠳᠠᠴᠢᠶ᠋ᠢᠨ ᠭᠥᠯᠢᠶᠡᠨ ᠠᠪᠬᠤ ᠬᠡᠮᠵᠢᠶᠡ ᠨᠢ ᠤᠤᠯᠤᠨ ᠬᠢᠡᠴᠡ 3 ᠳᠠᠬᠢᠨ ᠱᠢᠬᠠᠮ ᠨᠡᠮᠡᠭ᠌ᠳᠡᠵᠦ᠍᠂ ᠪᠣᠷᠣᠯᠠᠭᠤᠯᠤᠯᠲᠠᠶ᠋ᠢᠨ ᠬᠡᠮᠵᠢᠶᠡ ᠴᠦ᠍ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 50% ᠪᠡᠷ ᠳᠡᠭᠡᠭ᠌ᠰᠢᠯᠡᠭ᠌ᠰᠡᠨ ᠪᠠᠢᠨᠠ》 ᠭᠡᠵᠦ᠍ ᠵᠦᠩ ᠱᠠᠨ ᠪᠠᠷᠠᠭᠤᠨ ᠵᠠᠮᠤᠨ ᠱᠢᠨᠬᠤᠸᠠ ᠨᠣᠮᠤᠨ ᠰᠠᠩᠳᠡᠬᠢ ᠰᠤ᠌ ᠨᠢᠩ ᠢ ᠭᠸᠦ ᠳᠡᠯᠭᠡᠭᠦᠷᠤᠨ ᠳᠠᠷᠤᠭᠠ ᠯᠢᠦ ᠶᠠᠨ ᠬᠣᠩ ᠬᠡᠯᠡᠪᠡ᠃
ᠯᠢᠦ ᠶᠠᠨ ᠬᠣᠩ᠂ ᠤᠯᠤᠰᠤᠨ ᠨᠥᠬᠥᠪᠥᠷᠢᠶ᠋ᠢᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢᠨ ᠶᠣᠰᠣᠭᠠᠷ ᠭᠠᠭ᠍ᠴᠠ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯᠨᠢ 20% ᠶ᠋ᠢᠨ ᠨᠥᠬᠥᠪᠥᠷᠢ ᠭᠥᠷᠳᠡᠵᠦ᠍ ᠪᠣᠯᠤᠨᠠ᠂ ᠬᠠᠮᠤᠭᠤᠨ ᠥᠨᠳᠥᠷᠲᠡᠬᠡᠨ 2000 ᠲᠥᠭᠥᠷᠢᠭᠤᠨ ᠨᠥᠬᠥᠪᠥᠷᠢ ᠦᠭᠭᠦᠨᠠ᠃ ᠡᠭᠦᠨ ᠡᠴᠡ ᠭᠠᠳᠠᠨᠠ ᠪᠠᠰᠠ ᠰᠤ᠌ ᠨᠢᠩ ᠨᠥᠬᠥᠪᠥᠷᠢ᠂ ᠪᠠᠩᠬᠢᠶ᠋ᠢᠨ ᠨᠥᠬᠥᠪᠥᠷᠢ᠂ ᠦᠢᠯᠡᠳᠪᠦᠷᠢᠶ᠋ᠢᠨ ᠨᠥᠬᠥᠪᠥᠷᠢ ᠵᠡᠷᠭᠡ ᠪᠠᠢᠵᠤ᠂ ᠬᠠᠮᠤᠭ ᠥᠨᠳᠥᠷᠲᠡᠬᠡᠨ 50% ᠶ᠋ᠢᠨ ᠬᠠᠷᠠᠭᠠᠯᠵᠠᠯᠲᠠᠶ᠃ ᠣᠳᠣᠬᠠᠨᠳᠤ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠪᠠ ᠠᠬᠤᠢ ᠳᠠᠯᠠᠪᠠᠢᠳᠦ ᠵᠡᠷᠭᠡᠪᠡᠷ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠨᠥᠬᠥᠪᠥᠷᠢ ᠥᠭ᠌ᠬᠦ ᠬᠡᠪᠴᠢᠶᠡᠶ᠋ᠢ ᠴᠦ᠍ ᠲᠠᠰᠤᠷᠠᠯᠲᠠ ᠥᠬᠡᠶ ᠥᠷᠭᠡᠳᠭᠡᠵᠦ᠍᠂ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠪᠠᠰᠠ ᠴᠤᠤᠷᠢᠶᠠᠶᠢᠨ ᠬᠠᠷᠠᠭᠠᠯᠵᠠᠯᠤᠨ ᠲᠡᠮᠳᠡᠭ ᠭᠠᠷᠭᠠᠬᠤ ᠵᠡᠷᠭᠡ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍ ᠪᠠᠢᠨᠠ᠃ ᠬᠡᠷᠡᠭ᠌ᠯᠡᠭ᠌ᠴᠢᠳ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠡᠴᠡ ᠭᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯ ᠬᠤᠳᠠᠯᠳᠤᠨ ᠠᠪᠤᠭ᠍ᠰᠠᠨ ᠴᠤ᠌ 《ᠶᠦᠨ ᠱᠠᠨ ᠹᠦ᠋》ᠳᠡᠭᠡᠷᠡ ᠡᠴᠡ ᠰᠦᠯᠵᠢᠶᠡᠨ ᠳᠡᠭᠡᠷᠡᠡᠴᠡ ᠬᠤᠳᠠᠯᠳᠤᠨ ᠠᠪᠬᠤ ᠲᠤᠰᠭᠠᠶ ᠬᠠᠷᠠᠭᠠᠯᠵᠠᠯᠤᠨ ᠲᠡᠮᠳᠡᠭ ᠠᠪᠴᠤ᠌ ᠪᠣᠯᠤᠨᠠ ᠭᠡᠵᠦ ᠳᠠᠨᠢᠯᠴᠠᠭᠤᠯᠪᠠ᠃
ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠳᠤᠭᠤᠢ ᠲᠡᠷᠭᠡᠶ᠋ᠢ ᠱᠢᠨᠡᠪᠡᠷ ᠰᠣᠯᠢᠬᠤ ᠨᠢ ᠬᠥᠮᠦᠰᠦᠨ ᠠᠩᠬᠠᠷᠤᠯᠢ ᠲᠠᠲᠠᠵᠤ ᠪᠤᠢ
3 ᠰᠠᠷᠠᠶ᠋ᠢᠨ 9 ᠤ᠋ ᠡᠳᠦᠷ᠂ ᠬᠣᠷᠢᠨᠭᠡᠷ ᠱᠢᠶᠠᠨᠤ ᠴᠧᠩ ᠭᠤᠸᠠᠨ ᠪᠠᠯᠭᠠᠰᠤᠶ᠋ᠢᠨ ᠱᠢᠨ ᠮᠢᠨ ᠵᠡᠭᠡᠯᠢᠶ᠋ᠢᠨ ᠱᠢᠶᠤᠤ ᠯᠢ ᠮᠠᠱᠢᠨ ᠲᠡᠷᠭᠡᠨᠦ ᠳᠡᠯᠭᠡᠭᠦᠷᠲᠦ ᠱᠢᠨᠡ ᠮᠠᠶᠢᠭᠤᠨ᠂ ᠭᠤᠴᠤ ᠬᠢᠴᠡᠳᠡᠢ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠳᠤᠭᠤᠢ ᠲᠡᠷᠭᠡᠶᠢ ᠭᠡᠷ ᠳᠦᠭᠦᠷᠡᠩ ᠲᠠᠯᠪᠢᠵᠤ᠂ ᠬᠡᠰᠡᠭ ᠮᠠᠱᠢᠨ ᠲᠡᠷᠭᠡᠨ ᠳᠡᠭᠡᠷᠡ ᠪᠠᠰᠠ ᠨᠥᠬᠥᠪᠥᠷᠢ ᠤᠯᠭᠤᠨᠠ ᠭᠡᠬᠦ ᠤᠬᠠᠭᠤᠯᠭᠠᠶ᠋ᠢᠨ ᠫᠠᠢᠰᠠ ᠡᠯᠭᠦᠭ᠌ᠰᠡᠨ ᠪᠠᠢᠯᠠ᠃
《ᠡᠨᠡ ᠬᠦ᠌ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠳᠤᠭᠤᠶ ᠲᠡᠷᠭᠡᠪᠡᠷ ᠠᠪᠴᠤ᠌ ᠬᠡᠯᠡᠪᠡᠯ᠂ ᠤᠤᠯ ᠦᠨᠡ ᠨᠢ 2099 ᠲᠥᠭᠥᠷᠢᠭ᠂ ᠵᠠᠰᠠᠭᠤᠨ ᠣᠷᠳᠣᠨᠤ ᠨᠥᠬᠥᠪᠥᠷᠢᠶ᠋ᠢ 500 ᠲᠥᠭᠥᠷᠢᠭ ᠭᠥᠷᠳᠡᠵᠦ᠍ ᠪᠣᠯᠤᠨᠠ᠂ ᠳᠠᠬᠢᠭᠠᠳ ᠬᠠᠭᠤᠴᠢᠨ ᠲᠡᠷᠭᠡᠶᠢ 300 ᠲᠥᠭᠥᠷᠢᠭᠢᠶᠡᠷ ᠲᠤᠯᠭᠠᠨ ᠬᠠᠰᠤᠪᠠᠯ᠂ ᠬᠡᠷᠡᠭ᠌ᠯᠡᠭ᠌ᠴᠢ1299 ᠲᠥᠭᠥᠷᠢᠭ ᠵᠠᠷᠤᠴᠠᠭᠤᠯᠪᠠᠯ ᠪᠣᠯᠴᠢᠬᠠᠨᠠ᠃ ᠪᠣᠷᠣᠯᠠᠭᠤᠯᠭᠠᠶ᠋ᠢ ᠠᠬᠢᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠲᠡᠷᠭᠡᠨᠦ ᠦᠶ᠋ᠯᠡᠳᠪᠦᠷᠢ ᠪᠠᠰᠠ ᠣᠯᠠᠨ ᠬᠡᠯᠪᠡᠷᠢᠶ᠋ᠢᠨ ᠲᠡᠷᠭᠡᠵᠢᠨ ᠬᠠᠷᠠᠭᠠᠯᠵᠠᠯᠤᠨ ᠠᠵᠢᠯᠯᠠᠭᠠ ᠭᠠᠷᠭᠠᠵᠠᠶ》 ᠭᠡᠵᠦ ᠮᠠᠰᠢᠨ ᠲᠡᠷᠭᠡᠨᠤ ᠠᠵᠢᠯ ᠲᠦᠷᠦᠯᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠲᠠᠨᠢᠯᠴᠠᠭᠤᠯᠪᠠ᠃
ᠤᠯᠤᠰᠤᠨ ᠬᠠᠮᠢᠶᠠ ᠪᠥᠬᠥᠶ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠦᠨᠳᠦᠰᠦᠯᠡᠪᠡᠯ᠂ ᠬᠠᠶᠠᠭᠳᠠᠮᠠᠯ ᠬᠠᠭᠤᠴᠢᠨ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠳᠤᠭᠤᠶ ᠲᠡᠷᠭᠡᠶ᠋ᠢ ᠲᠤᠱᠢᠶᠠᠨ ᠬᠤᠳᠠᠯᠳᠤᠬᠤᠵᠢᠨ ᠬᠠᠮᠲᠤ ᠬᠢᠷᠢ ᠲᠡᠩᠴᠡᠭ᠌ᠰᠡᠨ ᠱᠢᠨᠡ ᠲᠡᠷᠭᠡ ᠰᠣᠯᠢᠵᠤ ᠬᠤᠳᠠᠯᠳᠤᠨ ᠠᠪᠬᠤ ᠬᠤᠪᠢ ᠵᠢᠨ ᠬᠡᠷᠡᠭ᠌ᠯᠡᠭ᠌ᠴᠢᠳᠲᠦ ᠨᠢᠭᠡ ᠯᠡ ᠤᠳᠠᠭᠠᠶ᠋ᠢᠨ ᠴᠢᠨᠠᠷᠲᠠᠶ 500 ᠲᠥᠭᠥᠷᠢᠭᠦᠨ ᠬᠠᠭᠤᠴᠢᠨᠢᠶᠠᠷ ᠱᠢᠨᠡᠶ᠋ᠢ ᠰᠣᠯᠢᠬᠤ ᠲᠣᠭ᠍ᠲᠠᠭ᠍ᠰᠠᠨ ᠲᠣᠭᠠᠨᠤ ᠨᠥᠬᠥᠪᠥᠷᠢ ᠣᠯᠭᠣᠨᠠ᠃ ᠬᠠᠶᠠᠭᠳᠠᠮᠠᠯ ᠯᠢᠲ᠋ᠢ ᠳ᠋ᠢᠶᠠᠨ ᡂᠢᠶ᠋ᠢᠨ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠳᠤᠭᠤᠶ ᠲᠡᠷᠭᠡᠶ᠋ᠢ ᠲᠤᠱᠢᠶᠠᠨ ᠬᠤᠳᠠᠯᠳᠤᠭ᠍ᠰᠠᠨ ᠪᠥᠭᠡᠳ ᠲᠤᠭᠤᠯᠭᠠᠨ ᠬᠦᠴᠢᠯᠦᠨ ᠬᠡᠯᠬᠢᠶᠡ ᠳ᠋ᠢᠶᠠᠨ ᡂᠢᠶ᠋ᠢᠨ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠳᠤᠭᠤᠶ ᠲᠡᠷᠭᠡᠶ᠋ᠢ ᠰᠣᠯᠢᠵᠤ ᠠᠪᠤᠭ᠍ᠰᠠᠨ ᠬᠡᠷᠡᠭ᠌ᠯᠡᠭ᠌ᠴᠢᠳ ᠪᠠᠰᠠ ᠢᠯᠡᠭᠦᠴᠡ 100 ᠲᠥᠭᠥᠷᠢᠭᠦᠨ ᠨᠥᠬᠥᠪᠥᠷᠢ ᠣᠯᠵᠤ ᠪᠣᠯᠤᠨᠠ᠃
ᠬᠡᠷᠡᠭ᠌ᠯᠡᠭ᠌ᠴᠢᠳ ᠡᠷᠬᠡᠪᠰᠢ ᠬᠥᠬᠡᠬᠣᠲᠠᠶ᠋ᠢᠨ ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯᠤᠨ ᠲᠣᠪᠴᠢᠶᠠᠶ᠋ᠢᠨ ᠨᠡᠢᠲᠡᠯᠡᠭ᠌ᠰᠡᠨ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠳᠤᠭᠤᠶ ᠲᠡᠷᠭᠡᠶ᠋ᠢᠨ ᠬᠠᠭᠤᠴᠢᠨᠢᠶᠠᠷ ᠱᠢᠨᠡᠶ᠋ᠢ ᠰᠣᠯᠢᠬᠤ ᠪᠣᠷᠣᠯᠠᠭᠤᠯᠭᠠᠶ᠋ᠢᠨ ᠡᠭᠦᠳᠡᠨ ᠳᠡᠯᠭᠡᠭᠦᠷᠲᠦ ᠬᠦᠷᠴᠦ᠍ ᠬᠠᠭᠤᠴᠢᠨ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠳᠤᠭᠤᠶ ᠲᠡᠷᠭᠡᠪᠡᠨ ᠲᠤᠱᠢᠶᠠᠨ ᠬᠤᠳᠠᠯᠳᠤᠵᠤ᠂ ᠶᠦᠨ ᠱᠠᠨ ᠹᠦ᠋ App ᠵᠢᠡᠷ ᠳᠡᠮᠵᠢᠨ 《ᠥᠪᠥᠷ ᠮᠣᠩᠭᠣᠯᠤᠨ ᠬᠠᠭᠤᠴᠢᠨᠢᠶᠠᠷ ᠱᠢᠨᠡᠶ᠋ᠢ ᠰᠣᠯᠢᠬᠤ》 ᠵᠢᠵᠢᠭ ᠫᠷᠤᠭ᠌ᠷᠠᠮᠳᠤ ᠣᠷᠣᠵᠤ ᠮᠡᠳᠡᠭᠡ ᠵᠠᠩᠭᠢᠪᠠᠨ ᠲᠤᠱᠢᠶᠠᠵᠤ᠂ ᠳᠡᠯᠭᠡᠭᠦᠷᠤᠨ ᠬᠢᠨ ᠬᠣᠷᠢᠶᠠᠨ ᠠᠪᠬᠤ ᠶᠠᠪᠤᠴᠠᠵᠢ ᠪᠡᠶᠡᠯᠡᠭᠦᠯᠬᠦ᠌ᠶ᠋ᠢᠨ ᠬᠠᠮᠲᠤ ᠬᠢᠨᠠᠨ ᠬᠠᠷᠭᠤᠭᠤᠯᠵᠤ ᠪᠠᠲᠤᠯᠠᠭ᠍ᠰᠠᠨᠤ ᠳᠠᠷᠠᠭᠠ ᠲᠣᠭ᠍ᠲᠠᠭ᠍ᠰᠠᠨ ᠲᠣᠭᠠᠨᠤ ᠨᠥᠬᠥᠪᠥᠷᠢᠶ᠋ᠢᠨ ᠲᠡᠮᠳᠡᠭ᠌ᠲᠦ᠍ᠪᠡᠨ ᠠᠪᠴᠤ᠌ ᠪᠣᠯᠤᠨᠠ᠃ ᠱᠢᠨᠡ ᠲᠡᠷᠭᠡ ᠰᠣᠩᠭᠣᠵᠤ ᠬᠤᠳᠠᠯᠳᠤᠨ ᠠᠪᠬᠤ ᠦᠶᠡᠳᠦ ᠬᠡᠷᠡᠭ᠌ᠯᠡᠭ᠌ᠴᠢᠳ ᠶᠦᠨ ᠱᠠᠨ ᠹᠦ᠋ App ᠪᠡᠷ ᠳᠡᠮᠵᠢᠨ ᠺᠣᠳ᠋ ᠱᠢᠷᠪᠢᠵᠦ᠍ ᠲᠣᠭᠠᠴᠠᠭᠠ ᠬᠢᠬᠦ᠌ᠶ᠋ᠢ ᠪᠡᠶᠡᠯᠡᠭᠦᠯᠵᠦ᠍᠂ ᠬᠢᠯᠪᠠᠷᠬᠠᠨᠵᠢᠡᠷ ᠱᠢᠨᠡ ᠲᠡᠷᠭᠡ ᠬᠤᠳᠠᠯᠳᠤᠨ ᠠᠪᠬᠤᠶ᠋ᠢᠨ ᠬᠠᠮᠲᠤ ᠨᠥᠬᠥᠪᠥᠷᠢ ᠭᠥᠷᠳᠡᠵᠦ᠍ ᠪᠣᠯᠤᠨᠠ᠃
ᠲᠣᠭᠠᠴᠢᠯᠠᠭ᠍ᠰᠠᠨ ᠦᠢᠯᠡᠳᠬᠦᠨ ᠪᠣᠯᠤᠨ ᠱᠢᠨᠡ ᠡᠨᠧᠷᠭᠢᠶ᠋ᠢᠨ ᠮᠠᠱᠢᠨ ᠲᠡᠷᠭᠡᠨᠦ ᠪᠣᠷᠣᠯᠠᠭᠤᠯᠭᠠ ᠵᠢᠨ ᠬᠡᠮᠵᠢᠶᠡ ᠨᠡᠮᠡᠭ᠌ᠳᠡᠪᠡ
ᠬᠥᠬᠡᠬᠣᠲᠠᠶ᠋ᠢᠨ ᠴᠸᠨᠭ ᠱᠢᠨ ᠲᠣᠭᠠᠴᠢᠯᠠᠭ᠍ᠰᠠᠨ ᠠᠭᠤᠳᠠᠮ ᠲᠠᠯᠠᠪᠠᠢᠳᠤ ᠨᠢᠭᠡᠴᠢ ᠦᠨᠡ ᠨᠢ 6000 ᠲᠥᠭᠥᠷᠢᠭᠡᠴᠡ ᠬᠡᠲᠦᠷᠡᠬᠦ᠌ ᠦᠭᠡᠢ ᠲᠣᠭᠠᠴᠢᠯᠠᠭ᠍ᠰᠠᠨ ᠦᠢᠯᠡᠳᠬᠦᠨ ᠤᠢ᠍ᠢᠷᠠᠶ᠋ᠢᠨ ᠬᠤᠭᠤᠴᠠᠭᠠᠨᠤ ᠪᠣᠷᠣᠯᠠᠭᠤᠯᠭᠠ ᠰᠠᠢᠲᠠᠢ ᠲᠠᠸᠠᠷ ᠪᠣᠯᠪᠠ᠃
《ᠤᠯᠤᠰᠡᠴᠡ ᠨᠢᠭᠡᠴᠢ ᠦᠨᠡᠶ᠋ᠢ ᠬᠢᠵᠠᠭᠠᠷᠯᠠᠵᠤ᠂ 500 ᠲᠥᠭᠥᠷᠢᠭᠦᠨ ᠲᠦᠭᠡᠮᠡᠯ ᠬᠠᠷᠠᠭᠠᠯᠵᠠᠯᠤᠨ ᠲᠥᠷᠥᠶ᠋ᠢᠨ ᠪᠣᠳᠣᠯᠭᠠᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠦᠭ᠌ᠰᠡᠨ ᠨᠢ ᠬᠡᠷᠡᠭ᠌ᠯᠡᠭ᠌ᠴᠢᠳᠲᠦ ᠦᠨᠡᠨ ᠬᠦ᠌ ᠪᠣᠳᠠᠲᠤ ᠠᠱᠢᠭ ᠬᠦᠷᠲᠡᠭᠡᠵᠠᠢ》 ᠭᠡᠵᠦ᠍ ᠬᠦᠦ᠍ᠳᠡᠭᠡᠨ ᠺᠣᠮᠫᠢᠦ᠋ᠲ᠋ᠧᠷ ᠰᠣᠩᠭᠣᠵᠤ ᠪᠠᠢᠭ᠍ᠰᠠᠨ ᠵᠧᠩ ᠠᠪᠤᠭᠠᠶ ᠪᠠᠶᠠᠷᠲᠠᠢᠬᠠᠨ ᠬᠡᠯᠡᠵᠦ ᠪᠠᠢᠯᠠ᠃
ᠤᠯᠤᠰ ᠲᠠᠭᠠᠨ ᠦᠢᠯᠡᠳᠪᠦᠷᠢᠯᠡᠭᠰᠡᠨ ᠨᠢᠭᠡᠨ ᠲᠦᠷᠦᠯ ᠲᠡᠮᠳᠡᠭᠤᠨ ᠭᠠᠷ ᠤᠲᠠᠰᠤᠨᠤ ᠪᠣᠷᠣᠯᠠᠭᠤᠯᠤᠭ᠍ᠴᠢ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠂ 3000︱5000 ᠲᠥᠭᠥᠷᠢᠭᠦᠨ ᠪᠣᠷᠤᠯᠠᠭᠤᠯᠭᠠᠶᠢᠨ ᠦᠨᠡᠲᠠᠢ ᠭᠠᠷ ᠤᠲᠠᠰᠤ ᠬᠠᠮᠤᠭ ᠡᠴᠡ ᠬᠦᠷᠢᠶᠡᠯᠡᠯ ᠲᠠᠢ ᠪᠠᠢᠵᠦ᠂ ᠮᠠᠰᠢ ᠣᠯᠠᠨ ᠬᠡᠷᠡᠭᠯᠡᠭᠴᠢ ᠤᠯᠤᠰᠤᠨ ᠨᠥᠬᠥᠪᠦᠷᠢᠶᠢᠨ ᠲᠥᠷᠥᠶᠢᠨ ᠪᠣᠳᠣᠯᠭᠠ ᠵᠢ ᠵᠤᠷᠢᠵᠦ ᠢᠷᠡᠪᠠ᠃ ᠡᠨᠡ ᠤᠳᠠᠭᠠᠶᠢᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠨᠥᠬᠥᠪᠦᠷᠢᠶᠢᠨ ᠶᠠᠪᠤᠴᠠ ᠤᠯᠠᠮ ᠰᠢᠯᠢᠳᠡᠭᠵᠢᠨ ᠳᠥᠭᠥᠮ ᠳᠥᠲᠡ ᠪᠣᠯᠵᠤ᠂ ᠭᠠᠷ ᠤᠲᠠᠰᠤ ᠬᠤᠳᠠᠯᠳᠤᠨ ᠠᠪᠬᠤ ᠬᠡᠷᠡᠭᠯᠡᠭᠴᠢᠳ ᠵᠣᠬᠢᠬᠤ ᠮᠡᠳᠡᠭᠡ ᠵᠠᠩᠭᠢ ᠪᠡᠨ ᠬᠠᠩᠭᠠᠪᠠᠯ ᠳᠠᠷᠤᠢ ᠨᠥᠬᠥᠪᠦᠷᠢᠶᠢ ᠬᠦᠷᠲᠡᠵᠤ ᠪᠤᠯᠳᠠᠭ ᠭᠡᠪᠡ᠃
3 ᠰᠠᠷᠠᠶᠢᠨ 8ᠤ᠋ ᠡᠳᠦᠷ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠨᠢᠭᠡᠨ ᠰᠢᠨᠡ ᠡᠨᠧᠷᠭᠢᠶᠢᠨ ᠮᠠᠰᠢᠨ ᠲᠡᠷᠭᠡᠨᠦ 4S ᠳᠡᠯᠭᠡᠭᠦᠷᠲᠦ ᠬᠦᠷᠬᠦᠳᠦ ᠲᠡᠷᠭᠡ ᠰᠣᠩᠭᠣᠬᠤᠪᠠᠷ ᠮᠠᠰᠢ ᠤᠯᠠᠨ ᠬᠥᠮᠥᠰ ᠢᠷᠡᠵᠤ ᠪᠠᠢᠭᠠ ᠵᠢ ᠣᠯᠵᠤ ᠬᠠᠷᠠᠪᠠ᠃ ᠰᠠᠢᠬᠠᠨ ᠲᠣᠭᠣᠷᠢᠭ᠋ᠤᠨ ᠴᠢᠦ ᠱᠢ ᠨᠢᠭᠡᠳᠦᠭᠡᠷ ᠬᠤᠳᠠᠳᠤ ᠰᠠᠭᠤᠳᠠᠭ ᠴᠢᠶᠣᠤ ᠠᠪᠤᠭᠠᠢ ᠨᠢᠭᠡᠨ ᠪᠠᠭᠠ ᠴᠢᠳᠠᠮᠵᠢᠲᠤ ᠰᠢᠨᠡ ᠡᠨᠧᠷᠭᠢᠶᠢᠨ ᠮᠠᠰᠢᠨ ᠲᠡᠷᠭᠡ ᠬᠤᠳᠠᠯᠳᠤᠨ ᠠᠪᠴᠤ᠂ ᠶᠠᠭ ᠰᠠᠢᠬᠠᠨ ᠮᠠᠰᠢᠨ ᠲᠡᠷᠭᠡᠨᠦ ᠭᠠᠷ ᠭᠦᠢᠴᠡᠳᠬᠡᠯᠢᠶᠡᠨ ᠬᠢᠵᠦ ᠪᠠᠢᠪᠠ᠃ ᠴᠢᠶᠣᠤ ᠠᠪᠤᠭᠠᠢ ᠵᠢᠨ ᠲᠠᠨᠢᠯᠴᠠᠭᠤᠯᠬᠤ ᠪᠡᠷ᠂ ᠲᠡᠭᠦᠨᠳᠦ 8 ᠵᠢᠯ ᠭᠠᠷᠤᠢ ᠬᠡᠷᠡᠭᠯᠡᠭᠰᠡᠨ ᠲᠣᠰᠣ ᠰᠢᠳᠠᠭᠠᠬᠤ ᠰᠡᠥᠬᠡ ᠮᠠᠰᠢᠨ ᠲᠡᠢ ᠪᠠᠢᠵᠦ᠂ ᠰᠠᠷᠠ ᠪᠦᠷᠢᠶᠢᠨ ᠮᠢᠩᠭᠠ ᠰᠢᠬᠠᠮ ᠲᠥᠭᠥᠷᠢᠭᠦᠨ ᠲᠣᠰᠣᠨᠤ ᠵᠠᠷᠤᠳᠠᠯᠢ ᠲᠡᠷᠡ ᠦᠨᠡᠬᠡᠷ ᠳᠠᠭᠠᠭᠠᠬᠤ ᠦᠭᠡᠢ ᠪᠣᠯᠵᠠᠢ᠃ ᠤᠯᠤᠰᠡᠴᠡ ᠮᠠᠰᠢᠨ ᠲᠡᠷᠭᠡᠨᠤ ᠬᠠᠭᠤᠴᠢᠨᠢᠶᠠᠷ ᠰᠢᠨᠡᠶᠢ ᠰᠣᠯᠢᠬᠤ ᠨᠥᠬᠥᠪᠦᠷᠢᠶᠢᠨ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢ ᠨᠡᠢᠲᠡᠯᠡᠭᠰᠡᠨᠦ ᠳᠠᠷᠠᠭᠠ ᠰᠢᠨᠡ ᠡᠨᠧᠷᠭᠢᠶᠢᠨ ᠮᠠᠰᠢᠨ ᠲᠡᠷᠭᠡ ᠰᠣᠯᠢᠬᠤ ᠪᠣᠳᠣᠯ ᠣᠷᠣᠭᠰᠠᠨ ᠭᠡᠵᠤ ᠪᠠᠢᠪᠠ᠃
ᠡᠨᠡ4S ᠳᠡᠯᠭᠡᠭᠦᠷᠦᠨ ᠠᠵᠢᠯᠲᠠᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠂ ᠬᠥᠬᠡᠬᠣᠲᠠ ᠰᠢᠨᠡ ᠮᠠᠰᠢᠨ ᠲᠡᠷᠭᠡ ᠬᠤᠳᠠᠯᠳᠤᠨ ᠠᠪᠬᠤᠳᠤ ᠨᠥᠬᠥᠪᠦᠷᠢ ᠤᠯᠭᠤᠬᠤ ᠠᠵᠢᠯᠯᠠᠭᠠᠶᠢ ᠡᠬᠢᠯᠡᠭᠦᠯᠦᠭᠰᠡᠨᠡᠴᠡ ᠨᠠᠭᠠᠰᠢ ᠳᠡᠯᠭᠡᠭᠦᠷᠦᠨ ᠪᠣᠷᠤᠯᠠᠭᠤᠯᠭᠠᠶᠢᠨ ᠬᠡᠮᠵᠢᠶᠡ ᠲᠦᠷᠭᠡᠨ ᠨᠡᠮᠡᠭᠳᠡᠵᠦ᠂ ᠬᠣᠶᠠᠷ ᠡᠳᠦᠷᠲᠦ 50 ᠰᠢᠨᠡ ᠡᠨᠧᠷᠭᠢᠶᠢᠨ ᠮᠠᠰᠢᠨ ᠲᠡᠷᠭᠡ ᠬᠤᠳᠠᠯᠳᠤᠵᠤ᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ ᠢᠯᠡᠷᠬᠡᠢ ᠳᠠᠪᠠᠭᠰᠠᠨ ᠪᠠᠢᠨᠠ ᠭᠡᠵᠡᠢ᠃
ᠣᠢᠯᠠᠭᠠᠭᠰᠠᠨᠢᠶᠠᠷ᠂ ᠡᠨᠡ ᠵᠢᠯᠦᠨ ᠡᠬᠢᠨᠳᠦ ᠬᠥᠬᠡᠬᠣᠲᠠᠶᠢᠨ ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯᠤᠨ ᠲᠣᠪᠴᠢᠶᠠ ᠤᠯᠤᠰ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠯᠡ ᠲᠥᠷᠥᠯᠦᠨ ᠬᠡᠷᠡᠭᠯᠡᠭᠡᠨᠦ ᠨᠥᠬᠥᠪᠦᠷᠢᠶᠢᠨ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢ ᠢᠳᠡᠪᠬᠢᠲᠡᠢ ᠤᠬᠠᠭᠤᠯᠵᠤ᠂ ᠣᠷᠣᠨᠤ ᠲᠥᠪᠦᠨ ᠬᠡᠷᠡᠭᠯᠡᠭᠡᠨᠦ ᠵᠦᠢᠯᠦᠨ ᠵᠠᠬᠠ ᠳᠡᠯᠭᠡᠭᠦᠷ 《ᠰᠠᠢᠨ ᠡᠬᠢᠯᠡᠯᠲᠡ》 ᠵᠢ ᠤᠭᠲᠤᠵᠤ᠂ ᠵᠦᠪᠬᠡᠨ ᠴᠠᠭᠠᠨ ᠰᠠᠷᠠᠶᠢᠨ ᠠᠮᠠᠷᠠᠯᠲᠠᠶᠢᠨ ᠬᠤᠭᠤᠴᠠᠭᠠᠨᠳᠤ ᠳᠠᠷᠤᠢ ᠪᠥᠬᠥ ᠬᠣᠲᠠᠶᠢᠨ ᠭᠣᠣᠯᠳᠠᠯᠭᠠᠲᠠᠢ ᠬᠢᠨᠠᠨ ᠬᠡᠮᠵᠢᠭᠰᠡᠨ 60 ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠠᠵᠤ ᠠᠬᠤᠢᠯᠠᠯᠤᠨ ᠪᠣᠷᠤᠯᠠᠭᠤᠯᠭᠠᠶᠢᠨ ᠬᠡᠮᠵᠢᠶᠡ ᠨᠡᠶ᠋ᠢᠲᠡ 3.5 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠲᠦ ᠬᠦᠷᠴᠦ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 12.9 % ᠪᠡᠷ ᠨᠡᠮᠡᠭᠳᠡᠵᠡᠢ᠃