ᠬᠤᠷᠢᠳᠤᠭᠠᠷ ᠵᠠᠭᠤᠨᠤ ᠳᠠᠯᠠᠭᠠᠳ ᠤᠨᠤ ᠰᠡᠭᠦᠯᠴᠢᠪᠠᠷ ᠪᠢᠴᠢᠭ᠌ᠳᠡᠭ᠌ᠰᠡᠨ ᠠ᠊·ᠤᠳᠽᠠᠷᠤᠨ ᠷᠤᠮᠠᠨ 《ᠮᠣᠷᠢᠲᠤ ᠴᠡᠷᠢᠭᠤᠨ ᠳᠠᠭᠤᠯᠠᠯ》 ᠨᠢ ᠴᠢᠯᠦᠭᠡᠯᠡᠬᠦ᠌ ᠳᠠᠢᠨᠤ ᠦᠶᠡᠶ᠋ᠢᠨ ᠨᠢᠭᠡ ᠪᠥᠯᠦᠭ ᠬᠤᠪᠢᠰᠭᠠᠯᠳᠤ ᠪᠠᠭᠠᠲᠤᠷᠴᠤᠳᠤᠨ ᠳᠦᠷᠢᠶ᠋ᠢ ᠪᠥᠲᠦᠭᠡᠭ᠌ᠰᠡᠨ ᠭᠦᠨ ᠵᠤᠵᠠᠭᠠᠨ ᠴᠠᠭ ᠦᠶᠡᠶ᠋ᠢᠨ ᠤᠨᠴᠠᠯᠢᠭᠲᠠᠢ ᠪᠥᠲᠦᠭᠡᠯ ᠪᠤᠯᠤᠨᠠ᠃ ᠲᠡᠳᠡᠭᠡᠷ ᠬᠤᠪᠢᠰᠭᠠᠯᠳᠤ ᠪᠠᠭᠠᠲᠤᠷᠤᠳᠤᠨ ᠳᠦᠷᠢᠳᠤ᠂ ᠲᠤᠬᠠᠢᠶ᠋ᠢᠨ ᠨᠡᠢᠭᠡᠮ ᠴᠠᠭ ᠦᠶᠡᠶ᠋ᠢᠨ ᠤᠯᠤᠰ ᠲᠥᠷᠦ᠍ᠶ᠋ᠢᠨ ᠡᠭᠦᠷᠭᠡᠯᠡᠯ ᠭᠤᠤᠯᠯᠠᠵᠦ᠍ ᠪᠠᠢᠳᠠᠭ ᠴᠤ᠌ ᠵᠤᠬᠢᠶᠠᠭ᠍ᠴᠢᠶ᠋ᠢᠨ ᠳᠦᠷᠢ ᠪᠥᠲᠦᠭᠡᠭ᠌ᠰᠡᠨ ᠠᠷᠭᠠ ᠤᠨᠴᠠᠯᠢᠭᠠᠴᠠᠨᠢ ᠦᠨᠳᠦᠰᠦᠲᠡᠨᠤ ᠱᠢᠨᠵᠢ᠂ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠶ᠋ᠢᠨ ᠳᠦᠷᠢᠶ᠋ᠢᠨ ᠤᠤᠷ ᠬᠡᠪᠢ ᠣᠯᠵᠤ ᠬᠠᠷᠠᠨᠠ᠃ ᠮᠣᠩᠭᠤᠯᠦᠨᠳᠦᠰᠦᠳᠡᠨᠤ ᠳᠤᠮᠤᠭ ᠦᠯᠢᠭᠡᠷ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠨᠢ ᠬᠤᠵᠢᠭᠤ ᠦᠶᠡᠶ᠋ᠢᠨ ᠤᠷᠠᠨ ᠵᠤᠬᠢᠶᠠᠯᠳᠤ ᠳᠦᠷᠢ ᠪᠠ ᠪᠥᠲᠦᠴᠡᠶ᠋ᠢᠨ ᠲᠠᠯᠠᠶ᠋ᠢᠨ ᠤᠤᠷ ᠬᠡᠪᠢ ᠬᠠᠩᠭᠠᠵᠤ ᠦᠭ᠌ᠭᠦᠭ᠌ᠰᠡᠨ ᠪᠠ ᠲᠡᠭᠦᠨᠤ ᠤᠷᠠᠨ ᠵᠤᠬᠢᠶᠠᠯᠳᠠᠬᠢ ᠨᠥᠯᠦᠭᠡᠨᠢ ᠭᠤᠤᠯᠳᠠᠭᠤ ᠳᠦᠷᠢ ᠬᠢᠭᠡᠳ ᠪᠥᠲᠦᠴᠡᠶ᠋ᠢᠨ ᠲᠠᠯᠠᠪᠠᠷ ᠢᠯᠡᠷᠡᠳᠡᠭ᠃ ᠰᠠᠬᠢᠭᠤᠯᠰᠤᠯᠢᠭ ᠴᠠᠭ ᠦᠶᠡ᠂ ᠪᠠᠭᠠᠲᠤᠷᠯᠢᠭ ᠴᠠᠭ ᠦᠶᠡ ᠪᠣᠯᠵᠤ ᠬᠦᠭ᠌ᠵᠢᠬᠦ᠌ᠶ᠋ᠢ ᠳᠠᠭᠠᠯᠳᠤᠨ ᠰᠠᠬᠢᠭᠤᠯᠰᠤᠨᠤ ᠲᠤᠬᠠᠢ ᠦᠯᠢᠭᠡᠷ ᠳᠤᠮᠤᠭᠨᠢ ᠬᠥᠮᠦᠨ ᠲᠥᠷᠦᠯᠬᠢᠲᠡᠨᠤ ᠬᠠᠮᠠᠭᠠᠯᠠᠭ᠍ᠴᠢᠶ᠋ᠢᠨ ᠲᠤᠬᠠᠢ ᠳᠤᠮᠤᠭ ᠪᠣᠯᠤᠨ ᠤᠯᠠᠷᠢᠵᠤ᠂ ᠬᠠᠷᠢᠨ ᠪᠠᠭᠠᠲᠤᠷᠯᠢᠭ ᠴᠠᠭ ᠦᠶᠡᠨᠢ ᠠᠷᠠᠳ ᠲᠥᠮᠡᠨᠤ ᠴᠠᠭ ᠦᠶᠡ ᠪᠣᠯᠵᠤ ᠬᠤᠪᠢᠷᠠᠬᠤ ᠦᠶᠡᠰᠲᠤ ᠲᠤᠮᠤᠭ ᠦᠯᠢᠭᠡᠷᠨᠢ ᠨᠡᠩ ᠢᠯᠡᠭᠦᠦ ᠢᠲᠡᠭᠡᠭᠦᠯᠬᠦ᠌ ᠬᠦᠴᠦᠨᠲᠠᠢ ᠪᠣᠯᠵᠤ ᠬᠤᠪᠢᠷᠠᠵᠠᠢ᠃ ᠭᠡᠪᠡᠴᠦ᠍ ᠪᠥᠬᠦᠢᠯᠡ ᠶᠠᠪᠤᠴᠠᠶ᠋ᠢ ᠬᠡᠯᠬᠢᠵᠦ᠍ ᠪᠠᠢᠭᠠᠨᠢ ᠮᠦᠨ ᠯᠠ ᠲᠡᠳᠡᠭᠡᠷ ᠠᠳᠠᠯᠢ ᠲᠥᠰᠦᠭᠡᠲᠡᠢ ᠳᠤᠮᠤᠭᠤᠨ ᠪᠥᠲᠦᠴᠠ᠂ ᠲᠡᠳᠡᠭᠡᠷ ᠦᠯᠢᠭᠡᠷᠤᠨ ᠡᠬᠢᠯᠡᠯᠲᠡ ᠥᠷᠨᠢᠯᠲᠡ ᠵᠢᠴᠢ ᠲᠡᠭᠦᠰᠭᠡᠯᠢ ᠬᠡᠷᠬᠢᠨ ᠵᠤᠬᠢᠶᠠᠨ ᠪᠠᠢᠭᠤᠯᠬᠤ ᠲᠤᠬᠠᠢ ᠠᠷᠭᠠ ᠮᠡᠷᠭᠡᠱᠢᠯ ᠪᠤᠯᠤᠨᠠ᠃ ᠷᠤᠮᠠᠨᠤ ᠳᠦᠷᠢᠶ᠋ᠢ ᠱᠢᠨᠵᠢᠯᠡᠵᠦ᠍ ᠦᠵᠡᠪᠡᠯ ᠵᠤᠬᠢᠶᠠᠭ᠍ᠴᠢᠶ᠋ᠢᠨ ᠳᠦᠷᠢᠶ᠋ᠢᠨ ᠱᠢᠰᠲ᠋ᠧᠮ ᠪᠠᠢᠷᠢᠱᠢᠭᠤᠯᠤᠯᠲᠠ᠂ ᠳᠦᠷᠢ ᠪᠥᠲᠦᠭᠡᠬᠦ᠌ ᠠᠷᠭᠠ ᠵᠢᠴᠢ ᠳᠦᠷᠢᠶ᠋ᠢᠨ ᠭᠤᠸᠠ ᠲᠠᠭᠠᠱᠢᠶᠠᠬᠤᠢᠶ᠋ᠢᠨ ᠤᠨᠴᠠᠯᠢᠭᠤᠨ ᠲᠠᠯᠠᠳᠤ᠂ ᠤᠯᠠᠮᠵᠢᠯᠠᠯᠠᠴᠠ ᠱᠢᠨᠡᠴᠢᠯᠡᠯᠳᠤ ᠬᠦᠷᠬᠦ᠌ ᠱᠢᠯᠵᠢᠯᠲᠡᠶ᠋ᠢᠨ ᠶᠠᠪᠤᠴᠠᠶ᠋ᠢ ᠰᠤᠨᠳᠠᠯᠠᠭ᠍ᠰᠠᠨ ᠪᠠᠢᠨᠠ᠃
ᠨᠢᠭᠡ᠂ ᠳᠦᠷᠢᠶ᠋ᠢᠨ ᠱᠢᠰᠲ᠋ᠧᠮᠤᠨ ᠬᠡᠪᠱᠢᠯ
ᠷᠤᠮᠠᠨ《ᠮᠤᠷᠢᠲᠤ ᠴᠡᠷᠢᠭᠤᠨ ᠳᠠᠭᠤᠯᠠᠯ》ᠤ᠋ᠨ ᠳᠦᠷᠢᠨᠢ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠶ᠋ᠢᠨ ᠳᠦᠷᠢᠶ᠋ᠢᠨ ᠬᠡᠪᠱᠢᠯᠲᠠᠢ ᠢᠵᠢᠯᠢᠳᠦᠬᠦ᠌ ᠲᠠᠯᠠ ᠪᠣᠢ᠃ ᠤᠢᠷᠠ ᠣᠳᠤ ᠦᠶᠡᠶ᠋ᠢᠨ ᠲᠤᠭᠤᠵᠢᠰᠲᠠᠬᠢ ᠪᠠᠭᠠᠲᠤᠷᠤᠨ ᠳᠦᠷᠢᠶ᠋ᠢ ᠱᠢᠭᠦᠮᠵᠢᠯᠡᠭ᠌ᠴᠢᠳᠠᠴᠠ ᠡᠷᠡ ᠴᠤᠤᠲᠠᠨ᠂ ᠪᠠᠭᠠᠲᠤᠷ ᠡᠷᠡ᠂ ᠰᠠᠢᠨ ᠡᠷᠡ᠂ ᠬᠠᠲᠠᠭᠤ ᠡᠷᠡ᠂ ᠱᠢᠯᠢᠶ᠋ᠢᠨ ᠰᠠᠢᠨ ᠡᠷᠡ ᠭᠡᠬᠦ᠌ ᠮᠡᠲᠦ᠍ᠪᠠᠷ ᠨᠡᠷᠡᠢᠳᠦᠭ᠌ᠰᠡᠭᠡᠷ ᠢᠷᠡᠵᠦ᠍᠂ ᠡᠳᠡᠭᠡᠷ ᠨᠡᠷᠡᠢᠳᠦᠯᠳᠤ ᠲᠤᠬᠢᠶᠠᠭ᠍ᠰᠠᠨ ᠳᠦᠷᠢᠨᠦᠭᠦᠳᠨᠢ ᠥᠭᠦᠯᠡᠯᠲᠡᠶ᠋ᠢᠨ ᠲᠠᠯᠠᠪᠠᠷ ᠤᠨᠴᠠᠭᠠᠢᠷᠠᠭ᠍ᠰᠠᠨ ᠪᠣᠯᠪᠠᠴᠤ᠌ ᠲᠡᠭᠦᠨᠤ ᠰᠣᠶᠣᠯᠤᠨ ᠰᠤᠷᠪᠤᠯᠵᠢᠨᠢ ᠨᠢᠭᠡ ᠪᠠᠢᠳᠠᠭ᠂ ᠳᠠᠷᠤᠢ ᠮᠤᠩᠭᠤᠯᠴᠤᠳᠤᠨ ᠪᠠᠭᠠᠲᠤᠷᠤᠨ ᠱᠢᠲᠦᠯᠭᠡ ᠪᠤᠶᠤ ᠪᠠᠭᠠᠲᠤᠷᠯᠢᠭ ᠦᠵᠡᠯᠤᠨ ᠵᠣᠷᠢᠭ ᠰᠠᠨᠠᠭᠠ ᠪᠤᠯᠤᠨᠠ᠃ ᠡᠨᠡ ᠬᠦ᠌ ᠦᠵᠡᠯ ᠰᠠᠨᠠᠭᠠᠨᠤ ᠨᠥᠯᠦᠭᠡᠯᠡᠯ ᠳᠤᠤᠷᠠ ᠠ᠊·ᠤᠳᠽᠠᠷᠠᠴᠠ ᠭᠤᠤᠯ ᠪᠠᠭᠠᠲᠤᠷ ᠬᠠᠳᠠᠨᠪᠠᠲᠤ ᠶ᠋ᠢᠨ ᠲᠤᠭᠤᠷᠢᠨᠳᠠᠬᠢ ᠢᠳᠡᠲᠡᠨ ᠪᠠᠭᠠᠲᠤᠷ ᠰᠡᠪᠡᠭ᠂ ᠪᠢᠯᠢᠭ᠌ᠲᠡᠨ ᠪᠠᠭᠠᠲᠤᠷ ᠪᠤᠯᠠᠭ᠂ ᠴᠢᠳᠠᠪᠤᠷᠢᠲᠠᠨ ᠪᠠᠭᠠᠲᠤᠷ ᠢᠳᠡᠷ᠂ ᠡᠮᠡᠭ᠌ᠲᠡᠢ ᠪᠠᠭᠠᠲᠤᠷ ᠤᠷᠠᠨᠲᠤᠳᠢ ᠵᠡᠷᠭᠡ ᠤᠳᠤᠬᠢᠴᠢ ᠮᠠᠶᠢᠭᠤᠨ ᠲᠤᠤᠯᠢᠰᠤᠨ ᠪᠠᠭᠠᠲᠤᠷᠤᠨ ᠳᠦᠷᠢᠶ᠋ᠢ ᠵᠤᠬᠢᠶᠠᠨ ᠪᠥᠲᠦᠭᠡᠭ᠌ᠰᠡᠨ ᠪᠠᠢᠳᠠᠭ᠃
ᠪ᠊·ᠪᠥᠷᠢᠨᠪᠠᠬᠢ ᠪᠠᠭ᠍ᠰᠢᠠᠴᠠ 《ᠮᠤᠩᠭᠤᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰᠤᠨ ᠱᠢᠯᠦᠭ ᠵᠦᠢ》 ᠳ᠋ᠡᠭᠡᠨ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰᠤᠨ ᠳᠦᠷᠢᠶ᠋ᠢᠨ ᠪᠥᠲᠦᠴᠡᠶ᠋ᠢ ᠶᠡᠭᠡ ᠲᠥᠯᠦᠪ ᠰᠠᠢᠨ ᠵᠦᠭᠤᠨ ᠪᠠᠭᠠᠲᠤᠷ᠂ ᠮᠠᠭᠤ ᠵᠦᠭᠤᠨ ᠪᠠᠭᠠᠲᠤᠷ ᠵᠢᠴᠢ ᠬᠦᠯᠦᠭ ᠮᠤᠷᠢᠨᠤ ᠳᠦᠷᠢ ᠬᠡᠮᠡᠬᠦ᠌ ᠭᠤᠷᠪᠠᠨ ᠲᠠᠯᠠᠳᠤ ᠬᠤᠷᠢᠶᠠᠩᠭᠤᠢᠯᠠᠵᠠᠢ᠃ ᠲᠤᠰ ᠷᠤᠮᠠᠨᠤ ᠳᠦᠷᠢᠨᠢ ᠮᠦᠨ ᠰᠠᠢᠨ ᠵᠦᠭᠤᠨ ᠪᠠᠭᠠᠲᠤᠷ — ᠡᠪ ᠬᠠᠮᠲᠦ ᠨᠠᠮ᠂ ᠮᠠᠭᠤ ᠵᠦᠭᠤᠨ ᠪᠠᠭᠠᠲᠤᠷ — ᠭᠤᠮᠢᠨᠳᠠᠩ᠂ ᠨᠡᠮᠡᠬᠦ᠌ ᠪᠠᠭᠠᠲᠤᠷᠤᠨ ᠤᠨᠤᠭᠠ — ᠬᠥᠯᠦᠭ ᠮᠤᠷᠢ ᠬᠡᠮᠡᠬᠦ᠌ ᠦᠨᠳᠦᠰᠦᠨ ᠬᠡᠪᠱᠢᠯᠤᠨ ᠳᠤᠤᠷᠠ ᠳᠦᠷᠢ ᠪᠥᠲᠦᠭᠡᠵᠠᠢ᠃《ᠶᠠᠭ ᠯᠠ ᠠᠭᠠᠷ ᠲᠡᠭ᠌ᠷᠢᠶ᠋ᠢ ᠵᠦᠰᠦᠭ᠌ᠰᠡᠨ ᠭᠢᠯᠪᠠᠭᠠ ᠱᠢᠭ᠋ᠢᠶᠠᠷ ᠠᠲᠠᠭᠠᠲᠠᠨ ᠳᠠᠢᠰᠤᠨᠤ ᠳᠤᠮᠳᠠ ᠤᠷᠤᠵᠤ᠂ ᠲᠤᠷᠭᠠᠨ ᠢᠷᠲᠦ ᠬᠤᠷᠴᠠ ᠰᠡᠯᠡᠮᠡᠪᠠᠷ ᠴᠠᠪᠴᠢᠬᠤᠳᠤ ᠨᠢᠳᠦ ᠭᠢᠯᠠᠰᠤᠮᠠ ᠬᠥᠬᠡ ᠭᠡᠷᠡᠯ ᠲᠠᠲᠠᠵᠤ ᠪᠠᠢᠭ᠍ᠰᠠᠨ》 ᠬᠠᠳᠠᠨᠪᠠᠲᠦ᠍ᠪᠠᠷ ᠤᠳᠤᠷᠢᠳᠤᠭᠤᠯᠤᠭ᠍ᠰᠠᠨ ᠨᠠᠢ᠍ᠮᠠᠨ ᠵᠠᠮᠤᠨ ᠴᠡᠷᠢᠭ ᠬᠢᠭᠡᠳ 《ᠴᠤᠯᠴᠢᠭᠠᠷ ᠲᠠᠷᠭᠤᠨ ᠴᠢᠷᠠᠢᠲᠠᠢ᠂ ᠠᠨᠢᠭᠠᠷ ᠨᠠᠷᠢᠨ ᠨᠢᠳᠦ᠍ᠲᠠᠢ᠂ ᠠᠭ᠍ᠰᠢᠭᠤᠨ ᠬᠠᠷᠠ ᠰᠠᠬᠠᠯᠲᠠᠢ᠂ ᠬᠤᠲᠠ ᠭᠠᠵᠠᠷᠤᠨ ᠬᠡᠷᠡᠮ ᠬᠠᠱᠢᠶᠠᠨ ᠳᠡᠭᠡᠷᠡ ᠨᠠᠭᠠᠵᠤ ᠪᠠᠢᠳᠠᠭ ᠵᠠᠷᠯᠠᠯᠤᠨ ᠵᠢᠷᠤᠭ ᠱᠢᠭ᠋》 ᠵᠠᠯᠢᠬᠠᠢ ᠳᠠᠷᠤᠭᠠ ᠵᠠᠯᠰᠠᠨᠢᠶᠠᠷ ᠲᠦᠷᠦᠭᠦᠯᠡᠭᠦᠯᠦᠭ᠌ᠰᠡᠨ ᠭᠤᠮᠢᠨᠳᠠᠩᠤᠨ ᠲᠡᠷᠰᠯᠡᠬᠦᠴᠤᠳᠤᠨ ᠬᠤᠭᠤᠷᠤᠨᠳᠤᠬᠢ ᠲᠡᠮᠡᠴᠡᠯᠤᠨ ᠲᠠᠢᠨᠢ ᠷᠤᠮᠠᠨᠳᠤ ᠵᠢᠷᠤᠭ᠍ᠯᠠᠵᠠᠢ᠃
ᠡᠭᠦᠨᠳᠤ ᠵᠡᠷᠭᠡᠳᠡ ᠮᠤᠷᠢᠨᠤ ᠳᠦᠷᠢᠨᠢ ᠪᠠᠰᠠ ᠷᠤᠮᠠᠨᠤ ᠳᠠᠯᠳᠠ ᠤᠷᠤᠨ ᠵᠠᠢᠳᠤ ᠠᠮᠢᠯᠠᠯᠢᠶᠠᠨ ᠣᠯᠵᠤ᠂ ᠪᠥᠬᠦᠢᠯᠡ ᠦᠢᠯᠡ ᠶᠠᠪᠤᠳᠠᠯᠤᠨ ᠥᠷᠨᠢᠯ ᠳᠤᠮᠳᠠ ᠤᠨᠴᠠ ᠵᠠᠷᠢᠮ ᠦᠯᠢᠭᠡᠷᠨᠢ ᠮᠤᠷᠢᠨᠤ ᠪᠤᠯᠢᠶᠠᠯᠳᠤᠭᠠᠨᠳᠤ ᠲᠥᠪᠯᠡᠷᠡᠳᠡᠭ᠃ 《ᠬᠠᠮᠤᠭ ᠬᠠᠢᠷᠠᠲᠠᠢ ᠪᠥᠳᠦᠭᠦᠨ ᠬᠠᠷᠠ ᠮᠤᠷᠢᠪᠠᠨ ᠠᠯᠳᠠᠭᠠᠳ ᠳᠡᠭᠡᠷᠡᠨᠢ ᠪᠠᠰᠠ ᠱᠢᠭᠦᠮᠵᠢᠯᠡᠭ᠌ᠳᠡᠭ᠌ᠰᠡᠨ》 ᠪᠤᠦ ᠱᠠᠨ ᠬᠤ᠌᠄ 《ᠪᠢ ᠶᠠᠮᠠᠷ ᠪᠤᠷᠤᠭᠤᠲᠠᠢ ᠶᠤᠮ᠂ ᠪᠢ ᠨᠢᠭᠡ ᠰᠠᠢᠨ ᠮᠣᠷᠢ ᠰᠤᠯᠢᠭ᠍ᠰᠠᠨᠨᠢ ᠶᠠᠭᠤᠨᠤ ᠲᠥᠯᠦᠭᠡ ᠶᠤᠮ》 ᠭᠡᠵᠦ᠍ ᠭᠤᠮᠤᠷᠬᠠᠵᠦ᠍ ᠪᠠᠢᠭ᠍ᠰᠠᠨᠢᠶᠠᠨ ᠭᠤᠮᠢᠨᠳᠠᠩᠤᠨ ᠲᠠᠩᠨᠠᠭᠤᠯ ᠪᠠᠳᠠᠢᠶ᠋ᠢᠨ ᠥᠳᠥᠭᠡᠯᠭᠡᠶ᠋ᠢ ᠰᠤᠨᠤᠰᠴᠤ᠌ ᠬᠠᠳᠠᠨᠪᠠᠲᠤᠶ᠋ᠢ ᠴᠤᠬᠢᠵᠣ ᠱᠢᠷᠬᠠᠲᠤᠭᠤᠯᠵᠠᠢ᠃ ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠷᠤᠮᠠᠨᠳᠤ ᠠᠭ᠍ᠲᠠ ᠬᠥᠯᠦᠭᠤᠨ ᠢᠯᠡᠷᠡᠬᠦ᠌ ᠬᠡᠯᠪᠡᠷᠢᠨᠢ ᠬᠦᠷᠲᠡᠯᠡ ᠵᠤᠬᠢᠶᠠᠯᠤᠨ ᠪᠠᠭᠠᠲᠤᠷᠲᠠᠢ ᠡᠩ ᠵᠡᠷᠭᠡᠴᠡᠨ᠂ ᠤᠨᠤᠭ᠍ᠰᠠᠨ ᠮᠣᠷᠢᠨᠢ ᠪᠠᠭᠠᠲᠤᠷᠤᠨ ᠴᠢᠮᠡᠭ ᠰᠦᠷᠢ ᠨᠡᠮᠡᠷᠢᠯᠡᠨ ᠤᠷᠠᠨ ᠵᠤᠬᠢᠶᠠᠯᠤᠨ ᠥᠨᠦᠷ ᠠᠮᠲᠠᠶ᠋ᠢ ᠥᠳᠭᠡᠷᠡᠭᠦᠯᠳᠡᠭ᠃ ᠵᠢᠱ᠌ᠢᠶᠡᠯᠡᠪᠡᠯ ᠷᠤᠮᠠᠨᠳᠤ᠄ 《ᠪᠤᠭᠤᠨ ᠴᠤᠬᠤᠷ ᠮᠤᠷᠢᠲᠠᠢ ᠨᠢᠭᠡ ᠪᠠᠢᠯᠳᠤᠭ᠍ᠴᠢ ᠭᠠᠪᠱᠢᠭᠠᠢᠯᠠᠨ ᠳᠠᠭᠠᠷᠢᠭ᠍ᠰᠠᠨ ᠴᠡᠷᠢᠭ ᠠᠩᠬᠢᠶ᠋ᠢᠨ ᠡᠮᠦᠨᠡ ᠭᠢᠯᠪᠠᠭᠠ ᠴᠠᠬᠢᠯᠭᠠᠨ ᠮᠡᠲᠦ ᠭᠡᠨᠡᠳᠲᠡ ᠢᠯᠡᠷᠡᠨ ᠭᠠᠷᠤᠯᠠ᠃ ᠠᠮᠢᠳᠤ ᠯᠤᠤ ᠱᠢᠭ᠋ ᠥᠨᠳᠦᠷ ᠴᠡᠭᠡᠵᠢᠲᠡᠢ ᠪᠤᠭᠤᠨ ᠴᠤᠬᠤᠷ ᠮᠤᠷᠢ ᠬᠦᠪᠴᠢᠨ ᠡᠴᠡ ᠰᠠᠯᠤᠭᠰᠠᠨ ᠰᠤᠮᠤ ᠮᠡᠲᠦ ᠳᠡᠭᠦᠯᠢᠬᠦ᠌ᠳᠤ ᠬᠥᠩᠭᠡᠨ ᠳᠥᠷᠪᠡᠨ ᠲᠤᠭᠤᠷᠠᠢᠪᠠᠷᠨᠢ ᠥᠰᠦᠷᠦᠭ᠌ᠰᠡᠨ ᠦᠶᠡᠷᠤᠨ ᠤᠰᠤ ᠮᠥᠩᠭᠦᠨ ᠴᠠᠭᠠᠨ ᠵᠢᠭᠦᠷ ᠳᠡᠯᠭᠡᠭ᠌ᠰᠡᠨ ᠶᠤᠮ ᠱᠢᠭ ᠴᠠᠢᠯᠵᠠᠨ ᠬᠠᠷᠠᠭ᠍ᠳᠠᠯᠠ》 ᠬᠡᠮᠡᠨ ᠳᠦᠷᠰᠦᠯᠡᠭ᠌ᠰᠡᠨᠨᠢ ᠬᠠᠳᠠᠨᠪᠠᠲᠤᠶ᠋ᠢᠨ ᠰᠦᠷ ᠵᠢᠪᠬᠤᠭᠠᠶ᠋ᠢ ᠤᠯᠠᠮ ᠨᠢᠭᠡ ᠳᠡᠭ᠌ᠲᠡᠷ ᠠᠬᠢᠭᠤᠯᠵᠠᠢ᠃ ᠨᠡᠩ ᠴᠤ᠌ ᠮᠤᠷᠢᠨᠤ ᠰᠠᠢᠬᠠᠨ᠂ ᠳᠠᠢᠨᠤ ᠵᠠᠩᠭᠢᠯᠠᠭᠠᠶ᠋ᠢᠨ ᠴᠠᠭᠲᠠᠬᠢ ᠬᠥᠯᠦᠭ ᠮᠤᠷᠢᠨᠤ ᠠᠴᠢ ᠭᠠᠪᠢᠶᠠ᠂ ᠮᠤᠷᠢᠨᠳᠤ ᠬᠠᠨᠳᠤᠭ᠍ᠰᠠᠨ ᠡᠭᠡᠨᠢᠭ᠌ᠰᠢᠯ ᠵᠡᠷᠭᠡᠨᠢ ᠷᠤᠮᠠᠨᠳᠤ ᠳᠠᠬᠢᠨ ᠳᠠᠪᠲᠠᠨ ᠢᠯᠡᠷᠡᠳᠡᠭ᠃ ᠡᠨᠡᠨᠢ ᠬᠥᠯᠦᠭ ᠮᠣᠷᠢ ᠪᠣᠯ ᠲᠤᠤᠯᠢᠶ᠋ᠢᠨ ᠪᠠᠭᠠᠲᠤᠷᠤᠨ ᠦᠬᠦᠵᠦ᠍ ᠰᠡᠭᠡᠬᠦ᠌ ᠬᠤᠪᠢ ᠵᠠᠶᠠᠭᠠᠲᠠᠢ ᠰᠠᠯᠵᠤ ᠪᠣᠯᠤᠰᠢ ᠦᠭᠡᠢ ᠪᠠᠷᠢᠯᠳᠤᠵᠤ ᠪᠠᠢᠬᠤ ᠲᠤᠯᠠ ᠲᠤᠤᠯᠢᠳᠤ ᠪᠠᠭᠠᠲᠤᠷᠢ ᠲᠠᠨᠢᠯᠴᠠᠭᠤᠯᠬᠤᠳᠤ ᠲᠡᠭᠦᠨᠤ ᠡᠴᠢᠭᠡ ᠡᠬᠡ᠂ ᠭᠡᠷ ᠨᠤᠲᠤᠭ᠂ ᠠᠵᠤ ᠠᠮᠢᠳᠤᠷᠠᠯ᠂ ᠠᠵᠢᠯ ᠦᠢᠯᠡᠰ᠂ ᠰᠦᠰᠥ᠍ ᠵᠣᠷᠢᠭ᠂ ᠬᠦᠴᠦᠨ ᠴᠢᠳᠠᠯ᠂ ᠵᠡᠷ ᠵᠡᠪᠰᠡᠭᠢ ᠬᠥᠯᠦᠭ ᠮᠤᠷᠢᠲᠠᠢ ᠨᠢ ᠬᠠᠮᠲᠤ ᠬᠦᠦᠷᠨᠢᠨ ᠢᠯᠡᠳᠭᠡᠳᠡᠭ ᠤᠯᠠᠮᠵᠢᠯᠠᠯᠲᠠᠢ ᠠᠮᠠ ᠰᠡᠭᠡᠷ ᠵᠣᠯᠭᠠᠵᠤ ᠪᠣᠢ᠃ ᠨᠡᠩ ᠢᠯᠠᠩᠭᠤᠶᠠ ᠪᠠᠭᠠᠲᠤᠷᠴᠤᠳᠤᠨ ᠦᠯᠢᠭᠡᠷᠲᠤ ᠭᠠᠭ᠍ᠴᠠᠬᠠᠨ ᠮᠣᠷᠢ ᠪᠣᠯ ᠠᠳᠤᠭᠤᠰᠤᠯᠢᠭ ᠱᠢᠨᠵᠢ᠂ ᠬᠥᠮᠦᠯᠢᠭ ᠱᠢᠨᠵᠢ᠂ ᠰᠠᠬᠢᠭᠤᠯᠰᠤᠯᠢᠭ ᠱᠢᠨᠵᠢᠶ᠋ᠢ ᠭᠤᠷᠮᠤᠰᠤᠯᠠᠨ ᠪᠥᠷᠢᠯᠳᠦᠭᠦᠯᠦᠭ᠌ᠰᠡᠨ ᠷᠢᠳᠢ ᠱᠢᠳᠢᠲᠠᠢ ᠳᠦᠷᠢ ᠪᠤᠯᠤᠨᠠ᠃
ᠲᠡᠢᠮᠦ᠍ᠠᠴᠠ ᠷᠤᠮᠠᠨ 《ᠮᠤᠷᠢᠲᠤ ᠴᠡᠷᠢᠭᠤᠨ ᠳᠠᠭᠤᠯᠠᠯ》 ᠤ᠋ᠨ ᠳᠦᠷᠢᠶ᠋ᠢᠨ ᠪᠦᠲᠦᠴᠡᠨᠢ ᠮᠣᠩᠭᠤᠯ ᠦᠨᠳᠦᠰᠦᠳᠡᠨᠤ ᠡᠷᠲᠡᠨᠤ ᠲᠤᠤᠯᠢᠶ᠋ᠢᠨ ᠳᠦᠷᠢᠶ᠋ᠢᠨ ᠪᠥᠲᠦᠴᠡᠲᠠᠢ ᠢᠵᠢᠯᠢᠰᠢᠨ᠂ ᠰᠠᠢᠨ ᠵᠦᠭᠤᠨ ᠪᠠᠭᠠᠲᠤᠷ᠂ ᠮᠠᠭᠤ ᠵᠦᠭᠤᠨ ᠪᠠᠭᠠᠲᠤᠷ᠂ ᠬᠥᠯᠦᠭ ᠮᠤᠷᠢ ᠬᠡᠮᠡᠬᠦ᠌ ᠭᠤᠷᠪᠠᠯᠠᠭ᠍ᠰᠠᠨ ᠱᠢᠰᠲ᠋ᠧᠮᠢ ᠪᠦᠷᠢᠯᠳᠦᠭᠦᠯᠵᠠᠢ᠃
ᠫᠷᠤᠤᠫ（Propp） ᠡᠴᠠ ᠲᠤᠭᠤᠵᠢᠰᠤᠨ ᠳᠦᠷᠢᠶ᠋ᠢᠨ ᠱᠢᠰᠲ᠋ᠧᠮᠢ 《ᠮᠠᠭᠤ ᠬᠥᠮᠦᠨ᠂ ᠠᠱᠢᠭ ᠬᠦᠷᠲᠡᠭᠡᠭ᠌ᠴᠢ᠂ ᠬᠠᠪᠰᠤᠷᠤᠭ᠍ᠴᠢ᠂ ᠡᠷᠢᠬᠦ᠌ ᠭᠡᠵᠦ᠍ ᠪᠣᠢ ᠬᠥᠮᠦᠨ ᠪᠤᠶᠤ ᠪᠣᠳᠠᠰ᠂ ᠲᠤᠮᠢᠯᠠᠭ᠍ᠴᠢ᠂ ᠪᠠᠭᠠᠲᠤᠷ᠂ ᠬᠠᠭᠤᠷᠮᠠᠭ ᠪᠠᠭᠠᠲᠤᠷ》 ᠬᠡᠵᠤ ᠳᠤᠯᠤᠭᠠᠨ ᠲᠥᠷᠦᠯᠳᠤ ᠠᠩᠬᠢᠯᠠᠵᠠᠢ᠂ ᠡᠨᠡᠨᠢ ᠬᠡᠷᠡᠭ ᠳᠡᠭᠡᠷᠡᠪᠠᠨ ᠵᠤᠬᠢᠶᠠᠯᠤᠨ ᠳᠦᠷᠢᠶ᠋ᠢ ᠰᠠᠢᠨ ᠮᠠᠭᠤ ᠬᠤᠶᠠᠷ ᠯᠡᠭᠧᠷᠲᠤ ᠬᠤᠪᠢᠶᠠᠭ᠍ᠰᠠᠨ ᠶᠠᠪᠤᠳᠠᠯ ᠮᠦᠨ᠃
ᠤᠷᠠᠨ ᠵᠤᠬᠢᠶᠠᠯᠳᠠᠬᠢ ᠪᠠᠭᠠᠲᠤᠷᠤᠨ ᠳᠦᠷᠢ ᠪᠤᠯ ᠠᠩᠬᠢᠳᠠ ᠴᠠᠭ ᠦᠶᠡᠶ᠋ᠢᠨ ᠱᠢᠲᠦᠭᠡᠨ ᠪᠣᠶᠤ ᠦᠨᠳᠦᠰᠦᠲᠡᠨᠤ ᠵᠣᠷᠢᠭ ᠰᠠᠨᠠᠭᠠᠨᠤ ᠪᠡᠯᠭᠡᠳᠡᠯ ᠳᠦᠷᠢ ᠪᠠᠢᠳᠠᠭ᠃ ᠲᠤᠤᠯᠢᠶ᠋ᠢᠨ ᠵᠤᠬᠢᠶᠠᠯᠤᠨ ᠲᠥᠭᠡᠮᠡᠯ ᠵᠢᠷᠦᠮ ᠭᠤᠷᠢᠮᠢ ᠦᠨᠳᠦᠰᠦᠯᠡᠪᠡᠯ ᠦᠯᠢᠭᠡᠷᠤᠨ ᠦᠢᠯᠡ ᠶᠠᠪᠤᠳᠠᠯᠨᠢ ᠳᠠᠩᠳᠠ ᠰᠠᠢᠨ ᠵᠦᠭᠤᠨ ᠪᠠᠭᠠᠲᠤᠷᠴᠤᠳᠤᠨ ᠢᠯᠠᠯᠲᠠᠪᠠᠷ ᠥᠨᠳᠦᠷᠯᠡᠳᠡᠭ᠃《ᠮᠣᠷᠢᠲᠤ ᠴᠡᠷᠢᠭᠤᠨ ᠳᠠᠭᠤᠯᠠᠯ》 ᠳ᠋ᠠᠬᠢ ᠰᠠᠢᠨ ᠵᠦᠭᠤᠨ ᠪᠠᠭᠠᠲᠤᠷ ᠡᠪ ᠬᠠᠮᠲᠤ ᠨᠠᠮᠤᠨᠬᠢᠨ᠂ 《ᠨᠠᠢ᠍ᠮᠠᠨ ᠵᠠᠮᠤᠨ ᠴᠡᠷᠢᠭᠤᠨ ᠬᠥᠬᠡ ᠬᠤᠪᠴᠠᠰᠤᠲᠠᠢ ᠨᠢᠭᠡᠨ ᠪᠥᠯᠦᠭ ᠮᠤᠷᠢᠲᠤ ᠴᠡᠷᠢᠭ ᠬᠤᠷᠮᠤᠰᠲᠠᠠᠴᠠ ᠪᠠᠭᠤᠵᠤ ᠢᠷᠡᠭ᠌ᠰᠡᠨ ᠰᠠᠬᠢᠭᠤᠯᠰᠤᠨ ᠴᠡᠷᠢᠭ ᠱᠢᠭ ᠲᠡᠭ᠌ᠷᠢ ᠳᠤᠷᠭᠢᠵᠤ ᠭᠠᠵᠠᠷ ᠳᠠᠢᠪᠢᠮᠠ ᠬᠠᠰᠭᠢᠷᠤᠨ᠂ ᠰᠦᠷᠦᠭ ᠳᠡᠭᠡᠷᠡᠮᠢ ᠠᠯᠠᠨ ᠳᠠᠭᠠᠷᠢᠨ ᠤᠷᠤᠯᠠ》᠂ ᠡᠨᠡ ᠦᠶᠡᠰᠲᠤ ᠲᠡᠷᠰᠯᠡᠬᠦ᠌ ᠡᠲᠡᠭᠡᠳ ᠭᠤᠮᠢᠨᠳᠠᠩᠤᠨᠬᠢᠨᠤ 《᠁ ᠪᠤᠷᠤᠭᠤᠯᠠᠨ ᠳᠤᠲᠠᠭᠠᠭ᠍ᠰᠠᠨ ᠳᠡᠭᠡᠷᠡᠮᠢ ᠪᠣᠯᠲᠠᠬᠤᠶ᠋ᠢᠨ ᠵᠠᠪ ᠦᠭᠡᠢ ᠱᠢᠭᠤᠳ ᠳᠠᠷᠤᠨ ᠤᠷᠤᠪᠠ᠃ ᠬᠤᠷᠴᠠ ᠰᠡᠯᠡᠮᠡ ᠭᠢᠯᠪᠠᠰᠭᠢᠬᠦ᠌ᠶ᠋ᠢᠨ ᠬᠤᠭᠤᠷᠤᠨᠳᠤ ᠨᠢᠭᠡ ᠭᠠᠢᠬᠠᠯ ᠡᠮᠡᠭᠡᠯᠠᠴᠠᠪᠠᠨ ᠬᠤᠪᠬᠤᠷᠠᠵᠤ ᠪᠠᠢᠲᠠᠯᠠ ᠲᠤᠯᠤᠭᠠᠢᠨᠢ ᠬᠠᠷᠢᠨ ᠠᠯᠳᠠ ᠳᠠᠯᠢᠮ ᠳᠡᠭᠡᠷᠡ ᠦᠰᠦᠷᠴᠢᠬᠡᠭ᠌ᠰᠡᠨ》 ᠪᠠᠢᠳᠠᠭ᠃ ᠷᠤᠮᠠᠨᠳᠤ ᠡᠢᠮᠦᠷᠬᠦᠤ ᠤᠳᠤᠬᠢᠴᠢ ᠤᠨᠴᠠᠯᠢᠭ ᠪᠥᠬᠦᠢ ᠦᠨᠳᠦᠰᠦᠲᠡᠨᠤ ᠱᠢᠲᠦᠭᠡᠨ ᠪᠣᠯᠵᠤ ᠤᠯᠠᠷᠢᠭ᠍ᠰᠠᠨ ᠨᠢᠭᠡ ᠪᠥᠯᠦᠭ ᠪᠠᠭᠠᠲᠤᠷᠤᠨ ᠳᠦᠷᠢᠶ᠋ᠢ ᠪᠥᠲᠦᠭᠡᠨ᠂ ᠷᠤᠮᠠᠨᠤ ᠦᠢᠯᠡ ᠬᠡᠷᠡᠭᠤᠨ ᠳ᠋ᠦᠩᠳᠤ ᠬᠠᠳᠠᠨᠪᠠᠲᠦ᠍ᠪᠠᠷ ᠲᠥᠯᠦᠭᠡᠯᠡᠭᠦᠯᠦᠭ᠌ᠰᠡᠨ《ᠰᠠᠢᠨ ᠵᠦᠭᠤᠨ ᠪᠠᠭᠠᠳᠤᠷᠴᠤᠳ》ᠤ᠋ᠨᠬᠢᠨᠤ ᠲᠠᠰᠤᠷᠬᠠᠢ ᠢᠯᠠᠯᠲᠠᠪᠠᠷ ᠲᠡᠭᠦᠰᠭᠡᠭ᠌ᠰᠡᠨᠨᠢ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠶ᠋ᠢᠨ ᠪᠠᠶᠠᠷᠲᠤ ᠲᠡᠭᠦᠰᠭᠡᠯᠤᠨ ᠪᠢᠴᠢᠯᠭᠡᠶ᠋ᠢᠨ ᠵᠤᠷᠱᠢᠯᠲᠠᠢ ᠬᠠᠪᠤᠯᠢᠭᠢᠶᠠᠷ ᠬᠠᠷᠠᠭᠠᠯᠵᠠᠭᠤᠯᠵᠠᠢ᠃
ᠬᠤᠶᠠᠷ᠂ ᠳᠦᠷᠢ ᠪᠥᠲᠦᠭᠡᠬᠦ᠌ ᠠᠷᠭᠠᠶ᠋ᠢᠨ ᠬᠡᠪᠱᠢᠯ
ᠬᠤᠷᠢᠳᠤᠭᠠᠷ ᠵᠠᠭᠤᠨᠤ ᠳᠦᠴᠢᠭᠡᠳ ᠤᠨᠤ ᠰᠡᠭᠦᠯᠴᠢ ᠲᠠᠪᠢᠭᠠᠳ ᠤᠨᠤ ᠡᠬᠢᠨᠢᠶᠠᠷ ᠨᠢᠭᠡᠨ ᠠᠭᠤᠤ ᠶᠡᠭᠡ ᠨᠡᠢᠭᠡᠮᠤᠨ ᠬᠤᠪᠢᠰᠭᠠᠯ ᠳᠤᠮᠳᠠᠳᠤ ᠤᠯᠤᠰᠲᠤ ᠨᠥᠷᠢᠨ ᠢᠷᠡᠬᠦ᠌ ᠦᠶᠡᠳᠤ ᠱᠢᠨᠡ ᠪᠠᠭᠠᠲᠤᠷᠤᠨ ᠳᠦᠷᠢ ᠬᠢᠭᠡᠳ ᠱᠢᠨᠡ ᠪᠠᠭᠠᠲᠤᠷᠯᠢᠭ ᠭᠤᠸᠠ ᠤᠬᠠᠮᠰᠠᠷᠢ ᠤᠷᠠᠢᠯᠠᠬᠤᠨᠢ ᠨᠢᠭᠡ ᠤᠳᠠᠭᠠᠨᠤ ᠪᠠᠭᠠᠲᠤᠷᠤᠨ ᠳᠦᠷᠢᠶ᠋ᠢᠨ ᠭᠤᠸᠠ ᠲᠠᠭᠠᠱᠢᠶᠠᠯᠤᠨ ᠲᠠᠨᠢᠯᠲᠠᠶ᠋ᠢᠨ ᠬᠤᠪᠢᠰᠭᠠᠯᠢ ᠪᠣᠢ ᠪᠣᠯᠭᠠᠵᠠᠢ ᠬᠡᠮᠡᠵᠤ ᠬᠢᠲᠠᠳ ᠡᠷᠳᠡᠮᠲᠡᠳᠠᠴᠠ ᠬᠤᠷᠢᠶᠠᠩᠭᠤᠢᠯᠠᠵᠠᠢ᠃ ᠤᠷᠠᠨ ᠵᠤᠬᠢᠶᠠᠯᠤᠨ ᠬᠦᠷᠢᠶᠠᠨᠳᠤ ᠠᠯᠢᠪᠠ ᠳᠦᠷᠢᠶ᠋ᠢᠨ ᠳᠤᠲᠤᠷᠠᠠᠴᠠ ᠵᠦᠪ ᠲᠠᠯᠠᠶ᠋ᠢᠨ ᠳᠦᠷᠢᠶ᠋ᠢ ᠳᠤᠪᠤᠢᠯᠭᠠᠬᠤ᠂ ᠵᠦᠪ ᠲᠠᠯᠠᠶ᠋ᠢᠨ ᠳᠦᠷᠢᠶ᠋ᠢᠨ ᠳᠤᠲᠤᠷᠠ ᠪᠠᠭᠠᠲᠤᠷᠤᠨ ᠳᠦᠷᠢᠶ᠋ᠢ ᠳᠤᠪᠤᠢᠯᠭᠠᠬᠤ᠂ ᠪᠠᠭᠠᠲᠤᠷᠤᠨ ᠳᠦᠷᠢᠶ᠋ᠢᠨ ᠲᠤᠳᠤᠷᠠᠠᠴᠠ ᠭᠤᠤᠯ ᠪᠣᠯᠬᠤ ᠪᠠᠭᠠᠲᠤᠷᠤᠨ ᠳᠦᠷᠢᠶ᠋ᠢ ᠳᠤᠪᠤᠢᠯᠭᠠᠬᠤ ᠪᠠ ᠲᠡᠷᠰᠯᠡᠬᠦᠴᠤᠳᠤᠨ ᠳᠦᠷᠢᠶ᠋ᠢ ᠤᠷᠠᠨ ᠵᠤᠬᠢᠶᠠᠯᠠᠴᠠ ᠬᠠᠰᠤᠵᠦ᠍ ᠬᠠᠶᠠᠬᠤ᠂ ᠬᠠᠰᠤᠵᠤ ᠪᠣᠯᠬᠤ ᠦᠭᠡᠢ ᠪᠣᠯ ᠮᠠᠭᠤᠬᠠᠢᠴᠢᠯᠠᠬᠤ ᠵᠤᠬᠢᠶᠠᠨ ᠪᠥᠲᠦᠭᠡᠬᠦ᠌ ᠬᠡᠪ ᠵᠠᠭ᠍ᠪᠤᠷ ᠪᠣᠢ ᠪᠤᠯᠵᠠᠢ᠃ ᠡᠨᠡᠨᠢ ᠳᠠᠷᠤᠢ ᠠ᠊·ᠤᠳᠽᠠᠷᠤᠨ ᠲᠤᠰ ᠷᠤᠮᠠᠨᠳᠤ ᠵᠠᠷᠤᠭ᠍ᠰᠠᠨ ᠠᠬᠤᠢᠴᠢ ᠦᠵᠡᠯᠤᠨ ᠵᠤᠬᠢᠶᠠᠨ ᠪᠥᠲᠦᠭᠡᠯᠭᠡᠶ᠋ᠢᠨ ᠠᠷᠭᠠ ᠪᠣᠯᠤᠨᠠ᠃
ᠡᠢᠨ ᠬᠦ᠌ ᠤᠯᠤᠰ ᠲᠥᠷᠦ᠍ᠳᠤ ᠦᠢᠯᠡᠴᠢᠯᠡᠬᠦ᠌ ᠡᠭᠦᠷᠭᠡᠯᠡᠯ ᠬᠦᠯᠢᠶᠡᠭ᠌ᠰᠡᠨ ᠵᠤᠬᠢᠶᠠᠨ ᠪᠥᠲᠦᠭᠡᠬᠦ᠌ ᠭᠤᠤᠯ ᠤᠷᠤᠰᠭᠠᠯ — ᠠᠬᠤᠢᠴᠢ ᠦᠵᠡᠯᠤᠨ ᠵᠤᠬᠢᠶᠠᠨ ᠪᠥᠲᠦᠭᠡᠬᠦ᠌ ᠠᠷᠭᠠᠳᠤ ᠬᠡᠪ ᠱᠢᠨᠵᠢᠲᠦ ᠤᠷᠴᠢᠨ ᠲᠤᠭᠤᠷᠢᠨᠳᠤ ᠬᠡᠪ ᠱᠢᠨᠵᠢᠲᠦ ᠳᠦᠷᠢᠶ᠋ᠢ ᠪᠥᠲᠦᠭᠡᠬᠦ᠌ ᠬᠠᠯᠠᠭᠤᠷᠠᠯᠤᠨ ᠳᠠᠯᠪᠠᠭᠠᠨ ᠳᠤᠤᠷᠠ᠂ ᠷᠤᠮᠠᠨᠳᠤ ᠬᠠᠳᠠᠨᠪᠠᠲᠦ ᠮᠡᠲᠦ᠍ᠶ᠋ᠢᠨ ᠥᠭᠡᠷᠡᠴᠢᠯᠡᠯᠲᠡᠶ᠋ᠢᠨ ᠤᠷᠠᠨ ᠵᠤᠬᠢᠶᠠᠯᠳᠠᠬᠢ ᠱᠢᠨᠡ ᠬᠥᠮᠦᠨᠤ ᠳᠦᠷᠢᠶ᠋ᠢ ᠪᠥᠲᠦᠭᠡᠬᠦ᠌ᠶ᠋ᠢ ᠵᠤᠷᠢᠭ᠍ᠰᠠᠨ ᠪᠠᠢᠨᠠ᠃ ᠲᠡᠳᠡᠭᠡᠷ ᠳᠦᠷᠢᠨᠦᠭᠦᠳᠨᠢ ᠨᠡᠢᠭᠡᠮ ᠵᠢᠷᠦᠮᠢ ᠬᠦᠷᠢᠶᠡᠯᠡᠭ᠌ᠰᠡᠨ ᠱᠢᠨᠵᠢᠪᠠᠷ ᠴᠢᠩᠭᠠ ᠪᠠᠢᠳᠠᠭ ᠤᠨᠴᠠᠯᠢᠭᠲᠠᠢ᠃
ᠷᠣᠮᠠᠨᠳᠠᠬᠢ ᠨᠡᠢᠭᠡᠮ ᠵᠢᠷᠦᠮᠲᠦ ᠴᠠᠭ ᠦᠶᠡᠶ᠋ᠢᠨ ᠬᠡᠪ ᠱᠢᠨᠵᠢᠲᠦ ᠳᠦᠷᠢ ᠭᠡᠪᠡᠯ ᠶᠠᠷᠢᠶᠠᠨ ᠦᠭᠡᠢ ᠭᠤᠤᠯ ᠳᠦᠷᠢ ᠬᠠᠳᠠᠨᠪᠠᠲᠤ ᠮᠦᠨ᠃ ᠶᠠᠳᠠᠭᠤ ᠪᠣᠭᠤᠯᠤᠨ ᠤᠳᠤᠮ ᠭᠠᠷᠤᠯᠲᠠᠢ ᠲᠡᠷᠡᠪᠡᠷ ᠳᠠᠷᠤᠩᠭᠤᠢᠯᠠᠬᠤ ᠬᠦᠴᠦᠨᠳᠤ ᠶᠡᠬᠡ ᠪᠡᠷ ᠬᠤᠷᠤᠰᠤᠨ᠂ ᠠᠷᠠᠳ ᠲᠥᠮᠡᠨᠢ ᠭᠠᠱᠢᠭᠤᠨ ᠵᠤᠪᠠᠯᠠᠴᠠ ᠴᠢᠯᠦᠭᠡᠯᠡᠵᠦ᠍ ᠪᠣᠢ ᠬᠤᠪᠢᠰᠭᠠᠯᠢ ᠦᠨᠡᠨ ᠰᠡᠳᠭᠢᠯᠠᠴᠠ ᠬᠠᠢᠷᠠᠯᠠᠨ᠂ ᠨᠠᠮᠤᠨ ᠵᠢᠯᠤᠭᠤᠳᠤᠯᠭᠠᠶ᠋ᠢ ᠡᠷᠡᠰᠲᠠᠭᠠᠨ᠂ ᠬᠤᠪᠢᠰᠭᠠᠯᠤᠨ ᠲᠥᠯᠦᠭᠡ ᠶᠠᠭᠤ ᠴᠤ᠌ ᠬᠢᠬᠦ᠌ᠠᠴᠠ ᠪᠤᠴᠠᠳᠠᠭ ᠦᠭᠡᠢ᠂ ᠡᠰ ᠪᠥᠬᠦᠨᠳᠤᠨᠢ ᠬᠤᠪᠢᠰᠭᠠᠯᠢ ᠬᠠᠢᠷᠠᠯᠠᠬᠤ ᠰᠡᠳᠭᠢᠯᠭᠡᠨ ᠪᠢᠯᠬᠠᠵᠤ᠂ ᠨᠤᠲᠤᠭᠤᠨᠢᠶᠠᠨ ᠬᠥᠮᠦᠰᠢ ᠴᠤ᠌ ᠨᠡᠢᠭᠡᠮ ᠲᠡᠦᠬᠡᠶ᠋ᠢᠨ ᠵᠦᠪ ᠵᠠᠮ ᠤᠷᠤᠭᠤ ᠢᠳᠡᠪᠬᠢᠯᠡᠨ ᠳᠠᠢᠴᠢᠯᠠᠭ᠍ᠰᠠᠨ ᠱᠢᠯᠢᠳᠡᠭ ᠬᠤᠪᠢᠰᠭᠠᠯᠲᠦ ᠪᠠᠭᠠᠲᠤᠷᠤᠨ ᠳᠦᠷᠢ ᠪᠣᠯᠪᠠ᠃
ᠥᠭᠡᠷᠡᠴᠢᠯᠡᠯᠲᠡᠶ᠋ᠢᠨ ᠤᠷᠠᠨ ᠵᠤᠬᠢᠶᠠᠯᠳᠠᠬᠢ ᠱᠢᠨᠡ ᠬᠦᠮᠦᠨᠤ ᠳᠦᠷᠢᠨᠢ ᠤᠯᠤᠰ ᠲᠥᠷᠦ᠍ᠶ᠋ᠢᠨ ᠱᠠᠭᠠᠷᠳᠠᠯᠭᠠᠠᠴᠠ ᠪᠣᠯᠵᠤ ᠳᠡᠭᠡᠳᠦ ᠬᠡᠮᠵᠢᠶᠡᠨᠤ ᠬᠠᠪᠲᠠᠭᠠᠢᠵᠢᠭ᠍ᠰᠠᠨ ᠱᠢᠨᠵᠢᠲᠠᠢ ᠪᠠᠢᠳᠠᠭ᠃ ᠷᠤᠮᠠᠨᠳᠤ᠂ ᠦᠨᠳᠦᠰᠦᠲᠡᠨᠤ ᠵᠠᠯᠢᠬᠠᠢ ᠵᠠᠯᠰᠠᠨ ᠮᠡᠲᠦ᠍ᠶ᠋ᠢᠨ ᠬᠥᠮᠦᠰᠤᠨ ᠳᠦᠷᠢᠨᠢ ᠤᠷᠪᠠᠭᠠᠨ ᠬᠦᠷᠪᠡᠭᠡᠨᠲᠠᠢ ᠪᠠᠢᠬᠤ ᠬᠤᠪᠢ ᠲᠠᠪᠢᠯᠠᠩᠠᠴᠠ ᠵᠠᠢᠳᠠᠵᠤ ᠴᠢᠳᠠᠭ᠍ᠰᠠᠨ ᠦᠭᠡᠢ ᠪᠠᠢᠬᠤᠳᠤ ᠪᠤᠰᠤᠳ ᠵᠦᠪ ᠲᠠᠯᠠᠶ᠋ᠢᠨ ᠳᠦᠷᠢᠨᠦᠭᠦᠳᠲᠤ ᠤᠢᠯᠠᠭᠠᠭ᠍ᠳᠠᠰᠢ ᠦᠭᠡᠢ ᠨᠠᠷᠢᠨ ᠪᠤᠳᠤᠯᠢᠶᠠᠨᠲᠠᠢ ᠵᠠᠩ ᠠᠭᠠᠰᠢᠲᠠᠢ ᠬᠦᠮᠦᠨ ᠪᠠᠢᠳᠠᠭ ᠦᠭᠡᠢ᠂ ᠴᠦᠮ ᠭᠠᠭ᠍ᠴᠠ ᠱᠢᠯᠢᠳᠡᠭ ᠲᠠᠯᠠᠨᠢ ᠤᠯᠠᠢᠮᠠ ᠴᠠᠢᠮᠠ ᠮᠡᠳᠡᠭ᠌ᠳᠡᠳᠡᠭ ᠬᠠᠪᠲᠠᠭᠠᠢ ᠮᠠᠶᠢᠭᠤᠨ ᠳᠦᠷᠢᠨᠦᠭᠦᠳ ᠶᠤᠮ᠃
ᠤᠷᠠᠨ ᠵᠤᠬᠢᠶᠠᠯᠤᠨ ᠳᠦᠷᠢᠶ᠋ᠢᠨ ᠬᠠᠪᠲᠠᠭᠠᠢ ᠱᠢᠨᠵᠢᠶ᠋ᠢᠨ ᠲᠤᠬᠠᠢ᠂《ᠳᠠᠯᠠᠭᠠᠳ ᠤᠨᠤ ᠦᠯᠢᠭᠡᠷ ᠳᠠᠭᠤᠷᠢᠶᠠᠯᠲᠤ ᠵᠥᠴᠦᠭᠡᠪᠠᠷ ᠭᠤᠤᠯ ᠤᠷᠤᠰᠭᠠᠯ ᠪᠣᠯᠭᠠᠵᠤ ᠪᠠᠢᠭ᠍ᠰᠠᠨ ᠤᠳᠭᠠ ᠵᠤᠬᠢᠶᠠᠯᠤᠨ ᠪᠥᠲᠦᠭᠡᠯᠳᠤ᠂ ᠪᠠᠭᠠᠲᠤᠷᠤᠨ ᠳᠦᠷᠢᠨᠢ ᠠᠯᠢᠪᠠ ᠬᠦᠴᠢᠷ ᠪᠡᠷᠬᠡᠱᠢᠶᠡᠯ ᠠᠶᠤᠯ ᠲᠦᠭ᠌ᠰᠢᠭᠦᠷᠢᠶ᠋ᠢ ᠢᠯᠠᠨ ᠳᠠᠪᠠᠳᠠᠭ ᠳᠦᠷᠢ ᠪᠣᠯᠵᠤ᠂ ᠶᠠᠪᠤᠬᠤ ᠳᠤᠰᠤᠮ ᠴᠣᠯᠭᠤᠢᠵᠢᠵᠤ ᠬᠢᠯᠪᠠᠷᠴᠢᠯᠠᠭ᠍ᠳᠠᠨ᠂ ᠪᠣᠳᠠᠲᠤ ᠠᠮᠢᠳᠤᠷᠠᠯᠳᠠᠬᠢ ᠬᠦᠮᠦᠨᠲᠠᠢ ᠤᠯᠠᠮᠠᠴᠠ ᠤᠯᠠᠮ ᠵᠥᠷᠢᠶᠡᠲᠠᠢ ᠪᠣᠯᠤᠨ ᠳᠡᠭᠡᠳᠦ ᠬᠡᠮᠵᠢᠶᠠᠨᠤ〈ᠬᠠᠪᠲᠠᠭᠠᠢᠵᠢᠭ᠍ᠰᠠᠨ〉 ᠱᠢᠨᠵᠢ ᠪᠥᠬᠦᠢ 〈ᠦᠨᠳᠦᠷ᠂ ᠲᠤᠮᠤ᠂ ᠲᠡᠭᠦᠰ〉 ᠬᠦᠮᠦᠨ ᠪᠣᠯᠵᠠᠢ》 ᠭᠡᠵᠦ᠍ ᠡᠷᠳᠡᠮᠲᠡᠳᠠᠴᠠ ᠵᠢᠭᠠᠵᠤ ᠭᠠᠷᠭᠠᠵᠠᠢ᠃ ᠲᠡᠳᠡᠭᠡᠷ ᠳᠦᠷᠢᠨᠦᠭᠦᠳ ᠶᠠᠪᠤᠬᠤ ᠳᠤᠰᠤᠮ ᠬᠤᠪᠢᠨᠴᠢᠷ ᠪᠣᠰᠤ᠂ ᠲᠡᠪᠴᠢᠶᠡᠷᠢᠲᠠᠢ᠂ ᠬᠦᠴᠢᠷ ᠪᠡᠷᠬᠡᠱᠢᠶᠡᠯᠤᠨ ᠡᠮᠦᠨᠡ ᠨᠡᠩ ᠭᠠᠪᠱᠢᠭᠠᠢ ᠪᠣᠯᠵᠤ ᠬᠤᠪᠢᠷᠠᠭᠠᠳ 《ᠰᠠᠬᠢᠭᠤᠯᠰᠤᠯᠢᠭ ᠴᠢᠨᠠᠷ》 ᠨᠢ ᠬᠠᠷᠢᠴᠠᠯᠠᠱᠢᠭᠦᠢ ᠥᠷᠭᠡᠵᠢᠨ ᠪᠣᠳᠠᠲᠠᠢᠠᠴᠠ ᠰᠠᠯᠤᠩᠬᠢᠷᠠᠭ᠍ᠰᠠᠨ ᠱᠢᠨᠵᠢᠲᠠᠢ ᠪᠣᠯᠵᠠᠢ᠃ ᠷᠤᠮᠠᠨᠳᠠᠬᠢ ᠬᠠᠮᠤᠭ ᠨᠡᠢᠲᠡᠯᠢᠭ ᠳᠦᠷᠢ ᠪᠣᠯ ᠳᠠᠷᠤᠢ ᠭᠤᠤᠯ ᠪᠠᠭᠠᠲᠤᠷ ᠬᠠᠳᠠᠨᠪᠠᠲᠤ᠌᠃ ᠲᠡᠷᠡ ᠪᠣᠯ ᠡᠪ ᠬᠠᠮᠲᠤ ᠵᠢᠨ ᠬᠤᠪᠢᠰᠭᠠᠯᠴᠢᠶ᠋ᠢᠨ ᠪᠠᠢᠪᠠᠰᠤ ᠵᠤᠬᠢᠬᠤ ᠠᠯᠢᠪᠠ ᠬᠡᠪ ᠰᠤᠷᠲᠠᠯᠢ ᠪᠥᠷᠢᠨ ᠪᠦᠷᠢᠳᠦᠭᠦᠯᠦᠭ᠌ᠰᠡᠨ ᠬᠦᠰᠡᠯᠡᠩᠤᠨ ᠳᠦᠷᠢ ᠪᠠᠢᠵᠤ᠂ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ᠂ ᠤᠬᠠᠭᠠᠨ ᠰᠠᠮᠪᠠᠭᠠᠲᠠᠢ᠂ ᠳᠠᠷᠤᠤ ᠬᠥᠩᠭᠡᠮᠰᠦᠭ᠂ ᠬᠦᠳᠡᠷ ᠲᠤᠮᠤ᠂ ᠠᠪᠢᠶᠠᠰ ᠴᠢᠳᠠᠪᠤᠷᠢᠲᠠᠢ ᠵᠡᠷᠭᠡ ᠠᠯᠢᠪᠠ ᠰᠠᠢᠨ ᠰᠠᠢᠬᠠᠨᠤ ᠲᠡᠮᠳᠡᠭᠢ ᠪᠡᠶᠡᠳᠡᠭᠡᠨ ᠪᠠᠭ᠍ᠲᠠᠭᠠᠭ᠍ᠰᠠᠨ᠂ ᠳᠤᠲᠠᠭ᠍ᠳᠠᠯᠲᠠᠢ ᠲᠠᠯᠠ ᠦᠨᠳᠦᠰᠦᠨᠳᠡᠭᠡᠨ ᠤᠷᠤᠰᠢᠬᠤ ᠦᠬᠡᠢ᠂ ᠲᠡᠭᠦᠯᠳᠡᠷ ᠬᠦᠮᠦᠨ ᠶᠤᠮ᠃
ᠵᠤᠬᠢᠶᠠᠬᠴᠢ ᠠ᠊·ᠤᠳᠽᠠᠷᠠᠴᠠ ᠳᠦᠷᠢᠶ᠋ᠢᠨ ᠵᠠᠩ ᠴᠢᠨᠠᠷᠢ ᠭᠤᠸᠠᠯᠢᠭ᠍ᠵᠢᠭᠤᠯᠤᠨ ᠤᠷᠠᠯᠠᠵᠤ᠂ ᠬᠠᠢᠷᠠ ᠰᠡᠳᠭᠢᠯᠭᠡᠨᠲᠠᠢ ᠬᠤᠯᠪᠤᠭ᠍ᠳᠠᠬᠤ ᠵᠦᠢᠯᠢ ᠭᠦᠨᠵᠡᠭᠡᠢᠷᠡᠭᠦᠯᠵᠦ᠍ ᠪᠢᠴᠢᠨ᠂ ᠳᠠᠯᠳᠠ ᠡᠴᠢᠨᠡ ᠵᠦᠢᠯᠡᠰᠢ ᠠᠭᠤᠳᠠᠯᠤᠨ ᠵᠠᠳᠠᠯᠬᠤᠪᠠᠷ ᠳᠠᠮᠵᠢᠭᠤᠯᠤᠨ ᠳᠦᠷᠢᠶ᠋ᠢ ᠴᠢᠳᠠᠮᠠᠭᠠᠢ ᠤᠷᠠᠯᠢᠭ᠍ᠵᠢᠭᠤᠯᠵᠤ ᠴᠢᠳᠠᠭ᠍ᠰᠠᠨᠠᠴᠠ᠂ ᠬᠠᠳᠠᠨᠪᠠᠲᠤᠶ᠋ᠢᠨ ᠳᠦᠷᠢᠨᠢ 《ᠰᠠᠬᠢᠭᠤᠯᠰᠤᠨ》 ᠪᠢᠰᠢ ᠬᠠᠷᠢᠨ ᠴᠢᠰᠤ ᠮᠢᠬᠠᠪᠠᠷ ᠪᠥᠲᠦᠭ᠌ᠰᠡᠨ ᠡᠭᠡᠯ ᠵᠢᠷᠤᠨ ᠪᠠᠭᠠᠳᠤᠷ ᠬᠦᠮᠦᠨᠤ ᠳᠦᠷᠢ ᠪᠣᠯᠵᠤ ᠴᠢᠳᠠᠵᠠᠢ᠃
ᠭᠤᠷᠪᠠ᠂ ᠳᠦᠷᠢᠶ᠋ᠢᠨ ᠭᠤᠸᠠ ᠲᠠᠭᠠᠱᠢᠶᠠᠬᠤᠢᠶ᠋ᠢᠨ ᠬᠡᠪᠱᠢᠯ
《ᠡᠩᠤᠨᠬᠢᠠᠴᠠ ᠤᠨᠴᠠᠭᠠᠢ ᠵᠢᠮᠡ ᠶᠤᠰᠤᠶ᠋ᠢ ᠬᠠᠢᠬᠤᠨᠢ ᠤᠢᠯᠠᠭᠠᠭ᠍ᠳᠠᠬᠤᠨᠤ ᠵᠠᠭ᠍ᠪᠤᠷᠢ ᠬᠥᠭᠡᠭᠡᠴᠡᠯᠳᠦᠭ᠌ᠴᠢ ᠡᠷᠲᠡᠨᠤ ᠤᠷᠠᠯᠢᠭᠤᠨ ᠤᠨᠴᠠᠯᠢᠭ ᠪᠠᠢᠵᠤ᠂ ᠣᠨᠴᠠᠭᠠᠢᠪᠠᠷ ᠡᠩᠤᠨ ᠵᠦᠢᠯᠢ ᠲᠤᠳᠤᠷᠠᠭᠤᠯᠬᠤ ᠪᠥᠭᠡᠳ ᠡᠩᠤᠨ ᠪᠤᠰᠤ ᠪᠠᠢᠬᠤᠶ᠋ᠢ ᠵᠤᠷᠢᠬᠤᠨᠢ ᠤᠢᠷᠠ ᠦᠶᠡᠶ᠋ᠢᠨ ᠤᠷᠠᠯᠢᠭ ᠶᠤᠮ》 ᠭᠡᠵᠦ᠍ ᠮᠠᠨᠤ ᠤᠯᠤᠰᠤᠨ ᠠᠯᠳᠠᠷᠲᠤ ᠭᠤᠸᠠ ᠵᠦᠢᠴᠢ ᠵᠸᠤ ᠯᠠᠢ ᠱᠢᠶᠠᠩ《ᠤᠳᠭᠠ ᠤᠷᠠᠯᠢᠭᠤᠨ ᠭᠤᠸᠠ ᠵᠦᠢ》 ᠬᠡᠮᠡᠬᠦ᠌ ᠨᠣᠮᠳᠠᠭᠠᠨ ᠪᠢᠴᠢᠭ᠌ᠰᠡᠨ ᠪᠠᠢᠳᠠᠭ᠃ ᠲᠤᠰ ᠷᠤᠮᠠᠨᠤ ᠳᠦᠷᠢᠶ᠋ᠢᠨ ᠭᠤᠸᠠ ᠲᠠᠭᠠᠱᠢᠶᠠᠬᠤᠢ ᠤᠨᠴᠠᠯᠢᠭᠨᠢ ᠲᠤᠤᠯᠢᠶ᠋ᠢᠨ ᠴᠠᠭ ᠦᠶᠡᠶ᠋ᠢᠨ ᠪᠠᠯᠠᠷᠯᠢᠭ ᠵᠤᠷᠱᠢᠯ ᠬᠢᠭᠡᠳ ᠤᠢᠷᠠ ᠦᠶᠡᠶ᠋ᠢᠨ ᠲᠤᠭᠤᠵᠢᠰᠤᠨ ᠵᠤᠬᠢᠶᠠᠯᠤᠨ ᠱᠢᠨᠡ ᠬᠥᠭᠡᠭᠡᠴᠡᠯᠳᠦᠯ ᠬᠤᠶᠠᠷᠢ ᠠᠮᠵᠢᠯᠲᠠᠲᠠᠢ ᠵᠣᠯᠭᠠᠭᠤᠯᠤᠭ᠍ᠰᠠᠨ ᠤᠯᠠᠮᠵᠢᠯᠠᠯ ᠱᠢᠨᠡᠴᠢᠯᠡᠯᠤᠨ ᠲᠡᠦᠬᠡᠨ ᠠᠴᠢ ᠬᠤᠯᠪᠤᠭ᠍ᠳᠠᠯᠲᠠᠢ᠃
ᠲᠤᠤᠯᠢᠶ᠋ᠢᠨ ᠪᠠᠭᠠᠲᠤᠷᠤᠨ ᠳᠦᠷᠢᠶ᠋ᠢᠨ ᠵᠠᠩ ᠴᠢᠨᠠᠷᠤᠨ ᠬᠡᠪᠱᠢᠯ ᠡᠴᠡ ᠦᠵᠡᠪᠡᠯ᠂ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰᠤᠨ ᠳᠦᠷᠢᠶ᠋ᠢᠨ ᠭᠤᠸᠠ ᠲᠠᠭᠠᠱᠢᠶᠠᠯᠤᠨ ᠬᠡᠪᠱᠢᠯᠠᠴᠠ ᠱᠢᠨᠡ ᠦᠶᠡᠶ᠋ᠢᠨ ᠤᠷᠠᠨ ᠵᠤᠬᠢᠶᠠᠯᠤᠨ ᠵᠤᠬᠢᠶᠠᠯᠤᠨ ᠪᠠᠭᠠᠲᠤᠷ ᠬᠦᠷᠲᠡᠯᠡ᠂ ᠬᠠᠳᠠᠨᠪᠠᠲᠤ᠌᠂ ᠢᠳᠡᠷ ᠮᠡᠲᠦ᠍ᠶ᠋ᠢᠨ ᠪᠠᠭᠠᠲᠤᠷᠴᠤᠳᠤᠨ ᠳᠦᠷᠢᠨᠢ ᠲᠤᠤᠯᠢᠶ᠋ᠢᠨ ᠪᠠᠭᠠᠲᠤᠷ᠂ ᠴᠢᠨᠠᠭ᠍ᠰᠢᠯᠠᠭᠠᠳ ᠬᠤᠵᠢᠭᠤ ᠦᠶᠡᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠪᠠᠭᠠᠲᠤᠷ ᠭᠠᠳᠠ ᠮᠡᠢᠷᠡᠨ ᠵᠡᠷᠭᠡ ᠬᠦᠮᠦᠰᠤᠨ ᠪᠤᠴᠠᠰᠢ ᠦᠭᠡᠢ ᠲᠡᠮᠡᠴᠡᠬᠦ᠌ ᠦᠵᠡᠯ ᠰᠠᠨᠠᠭᠠ ᠡᠷᠬᠡ ᠰᠦᠷᠢ ᠴᠤ᠌ ᠪᠥᠷᠢᠯᠳᠦᠭᠦᠯᠦᠭ᠌ᠰᠡᠨ ᠤᠷᠢᠳᠠᠯ ᠳᠤᠤᠷᠠ᠂ ᠬᠤᠪᠢᠰᠭᠠᠯᠲᠤ ᠳᠠᠪᠱᠢᠩᠭᠤᠢ ᠦᠵᠡᠯᠢ ᠠᠪᠴᠤ᠌ ᠠᠮᠢᠯᠠᠭ᠍ᠰᠠᠨ ᠶᠤᠮ᠃
ᠷᠤᠮᠠᠨᠳᠤ ᠥᠭᠦᠯᠡᠭ᠌ᠰᠡᠨᠢᠶᠠᠷ᠄《ᠬᠠᠳᠠᠨᠪᠠᠲᠤ ᠶᠡᠭᠡ ᠬᠢᠩᠭᠠᠨ ᠳᠠᠪᠠᠭᠠᠨᠳᠤ ᠵᠠᠮ ᠵᠠᠰᠠᠵᠤ᠂ ᠨᠥᠬᠡ ᠮᠠᠯᠲᠠᠭᠠᠳ᠂ ᠰᠡᠭᠦᠯᠡᠷᠨᠢ ᠹᠦᠱᠢᠨᠤ ᠨᠡᠭᠦᠷᠡᠰᠦᠨ ᠠᠭᠤᠷᠬᠠᠢᠳᠤ ᠨᠢᠭᠡᠨ ᠦᠶᠡ 〈ᠬᠠᠷᠠ ᠠᠵᠢᠯ〉 ᠬᠢᠵᠠᠢ᠃ ᠲᠡᠷᠡ ᠨᠠᠮᠤᠨ ᠨᠢᠭᠤᠴᠠ ᠤᠳᠤᠷᠢᠳᠤᠯᠭᠠᠶ᠋ᠢᠨ ᠳᠤᠤᠷᠠ ᠠᠭᠤᠷᠬᠠᠢᠶ᠋ᠢᠨ ᠠᠵᠢᠯᠴᠢᠨᠢ ᠳᠠᠭᠠᠭᠤᠯᠵᠤ ᠠᠵᠢᠯ ᠬᠠᠶᠠᠬᠤ ᠲᠡᠮᠡᠴᠡᠯ ᠶᠠᠪᠤᠭᠤᠯᠤᠭ᠍ᠰᠠᠨᠠᠴᠠ ᠪᠣᠯᠤᠭᠠᠳ 〈ᠶᠠᠫᠤᠨ ᠮᠠᠨᠵᠤᠶ᠋ᠢ ᠡᠰᠡᠷᠭᠦᠴᠡᠭ᠌ᠰᠡᠨ〉 〈ᠶᠠᠯᠠᠲᠠᠨ〉 ᠪᠣᠯᠤᠨ 〈ᠲᠤᠰᠠᠭᠠᠷᠯᠠᠬᠤ ᠭᠠᠵᠠᠷ〉 ᠭᠡᠰᠡᠨ ᠨᠡᠷᠡᠲᠠᠢ ᠭᠢᠨᠳᠠᠨᠳᠤ ᠳᠠᠷᠤᠭ᠍ᠳᠠᠪᠠ᠃ ᠁ ᠬᠡᠴᠢᠨᠡᠨ ᠤᠳᠠᠭ᠍ᠰᠠᠨᠢ ᠪᠤᠦ ᠮᠡᠳᠡ᠂ ᠡᠨᠡ ᠬᠦ᠌ ᠪᠣᠯᠤᠳ ᠲᠡᠮᠦᠷᠢᠶᠠᠷ ᠴᠢᠳᠭᠤᠭ᠍ᠰᠠᠨ ᠰᠠᠢᠨ ᠡᠷᠡ ᠭᠡᠨᠡᠳᠲᠡ ᠰᠡᠬᠡᠬᠡ ᠤᠷᠤᠮᠠᠭ᠍ᠴᠠ ᠦᠬᠦᠯᠤᠨ ᠳᠠᠪᠠᠭᠠᠨ ᠳᠡᠭᠡᠷᠡ ᠲᠡᠯᠴᠢᠯᠡᠨ ᠪᠠᠢᠵᠤ 〈ᠲᠥᠮᠡᠨ ᠦᠬᠦᠭᠡᠷᠤᠨ ᠨᠥᠬᠡ〉 ᠡᠴᠠ ᠳᠦᠩᠭᠡᠵᠢ ᠮᠥᠯᠬᠦᠨ ᠭᠠᠷᠤᠭᠠᠳ ᠁ ᠨᠠᠢ᠍ᠮᠠᠨ ᠵᠠᠮᠤᠨ ᠴᠡᠷᠢᠭᠲᠤ ᠤᠷᠤᠪᠠ᠃ ᠡᠯᠳᠡᠪᠤᠨ ᠬᠠᠯᠠ ᠦᠵᠡᠵᠦ᠍ ᠡᠷᠯᠢᠭᠤᠨ ᠲᠠᠮᠤᠶ᠋ᠢ ᠠᠮᠰᠠᠭ᠍ᠰᠠᠨ ᠨᠤᠭᠤᠷᠠᠰᠢ ᠦᠭᠡᠢ ᠬᠠᠳᠠᠨ ᠵᠤᠷᠢᠭ᠍ᠲᠤ ᠮᠤᠩᠭᠤᠯ ᠵᠠᠯᠠᠭᠤ᠂ ᠳᠡᠮᠡᠢ ᠤᠳᠠᠭ᠍ᠰᠠᠨ ᠦᠭᠡᠢᠪᠠᠷ ᠨᠢᠭᠡᠨ ᠡᠷᠡᠯᠬᠡᠭ ᠪᠠᠭᠠᠲᠤᠷ ᠪᠠᠢᠯᠳᠤᠭ᠍ᠴᠢ ᠪᠣᠯᠵᠤ ᠪᠣᠢᠵᠢᠵᠠᠢ》 ᠭᠡᠬᠦᠴᠢᠯᠡᠨ ᠬᠠᠳᠠᠨᠪᠠᠲᠤᠶ᠋ᠢᠨ ᠭᠠᠷᠤᠯ ᠲᠡᠦᠬᠡᠶ᠋ᠢ ᠵᠢᠷᠤᠭ᠍ᠯᠠᠵᠠᠢ᠃ ᠳᠠᠬᠢᠪᠠᠯ᠂《ᠪᠢᠳᠡ ᠪᠣᠯ ᠦᠨᠳᠦᠰᠦᠲᠡᠨᠤᠪᠠᠨ ᠰᠡᠷᠭᠦᠯ ᠮᠠᠨᠳᠤᠯ᠂ ᠡᠷᠬᠡ ᠴᠢᠯᠦᠭᠡᠶ᠋ᠢ ᠪᠣᠳᠤᠵᠤ ᠯᠠ ᠶᠠᠪᠤᠭᠠ ᠶᠤᠮ᠂ ᠡᠨᠡ ᠪᠣᠯ ᠲᠥᠪ ᠴᠢᠭᠡᠴᠢ ᠶᠠᠪᠤᠳᠠᠯ᠂ ᠨᠢᠭᠤᠵᠤ ᠳᠠᠯᠳᠠᠯᠠᠬᠤ ᠬᠡᠷᠡᠭ ᠤᠭ᠍ᠲᠤ ᠠᠯᠠᠭᠠ᠃ ᠨᠠᠢ᠍ᠮᠠᠨ ᠵᠠᠮᠤᠨ ᠴᠡᠷᠢᠭ ᠪᠢᠳᠡᠨᠳᠤ ᠰᠠᠢᠨ ᠪᠣᠯ ᠪᠢᠳᠡ ᠲᠡᠳᠡᠨᠲᠠᠢ ᠦᠨᠡᠨ ᠰᠡᠳᠭᠢᠯᠢᠶᠠᠷ ᠬᠤᠷᠱᠢᠵᠤ᠂ ᠡᠭᠦᠷᠢᠳᠡ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤᠨᠢ ᠵᠦᠢᠲᠡᠢ》 ᠭᠡᠵᠦ᠍ ᠦᠨᠳᠦᠰᠦᠲᠡᠨᠤᠪᠠᠨ ᠯᠠ ᠲᠥᠯᠦᠭᠡ ᠪᠣᠳᠤᠵᠤ ᠶᠠᠪᠤᠭ᠍ᠰᠠᠨ ᠢᠳᠡᠷ ᠬᠠᠷᠢᠨ ᠵᠠᠯᠰᠠᠨᠳᠤ ᠬᠠᠭᠤᠷᠲᠠᠵᠠᠢ᠃
ᠨᠡᠩ ᠵᠠᠯᠰᠠᠨ ᠮᠡᠲᠦ᠍ᠶ᠋ᠢᠨ ᠦᠨᠳᠦᠰᠦᠲᠡᠨᠢᠶᠠᠨ ᠬᠤᠳᠠᠯᠳᠤᠭ᠍ᠰᠠᠨ ᠵᠠᠯᠢᠬᠠᠢᠴᠤᠳᠤᠨ ᠳᠦᠷᠢᠨᠢ ᠨᠡᠷᠡ ᠦᠭᠡᠢ 《ᠤᠳᠤᠬᠢ ᠴᠠᠭ ᠦᠶᠡᠶ᠋ᠢᠨ ᠮᠠᠩᠭᠤᠰᠤᠨ ᠳᠦᠷᠢ》 ᠪᠣᠯᠤᠨ ᠬᠤᠪᠢᠷᠠᠵᠠᠢ᠃ ᠲᠡᠳᠡᠭᠡᠷ ᠮᠠᠩᠭᠤᠰ᠄ 《ᠲᠡᠭᠡᠪᠡᠯ ᠴᠢᠮᠢ᠋ᠢ ᠠᠮᠢᠳᠤ ᠪᠠᠷ ᠴᠢᠨᠢ ᠮᠤᠷᠢᠨᠳᠤ ᠴᠢᠷᠴᠤ᠌ ᠠᠯᠠᠨᠠ᠃ ᠡᠪ ᠬᠠᠮᠲᠤᠶ᠋ᠢ ᠦᠬᠦᠨ ᠳᠠᠭᠠᠭ᠍ᠰᠠᠨ ᠬᠥᠮᠦᠨᠤ ᠦᠷᠡ ᠳ᠋ᠦᠩᠢ ᠪᠤᠷᠭᠠᠰᠤᠲᠠᠢᠶ᠋ᠢᠨ ᠬᠥᠮᠦᠨ ᠪᠥᠬᠦᠨᠳᠤ ᠦᠵᠡᠭᠦᠯᠦᠨᠡ᠃ ᠦᠬᠦᠳᠡᠯ ᠬᠡᠭᠦᠷᠢ ᠴᠢᠨᠢ ᠦᠵᠡᠭ᠌ᠰᠡᠨ ᠪᠥᠬᠦᠨᠢ ᠴᠡᠴᠡᠷᠡᠭᠦᠯᠦᠨᠡ》 ᠬᠡᠮᠡᠨ ᠪᠤᠯᠠᠭᠢ ᠴᠢᠷᠴᠤ᠌ ᠠᠯᠠᠪᠠ᠃
ᠡᠭᠦᠨᠤ ᠳᠤᠲᠤᠷᠠ᠂ ᠪᠠᠭᠠᠲᠤᠷᠤᠨ ᠳᠦᠷᠢᠳᠤ ᠬᠤᠪᠢᠰᠭᠠᠯᠤᠨ ᠦᠵᠡᠯ ᠰᠠᠨᠠᠭᠠᠶ᠋ᠢ ᠬᠦᠯᠢᠶᠡᠭ᠌ᠰᠡᠨ ᠬᠡᠮᠵᠢᠶᠡ ᠪᠤᠶᠤ ᠴᠠᠭᠤᠨ ᠬᠤᠢᠨᠠ ᠤᠷᠢᠳᠤᠨ ᠵᠦᠷᠢᠶᠡᠠᠴᠠ ᠡᠭᠦᠰᠴᠤ᠌᠂ ᠲᠤᠭᠤᠵᠢᠰᠲᠤ ᠬᠤᠪᠢᠰᠭᠠᠯᠳᠤ ᠪᠠᠭᠠᠲᠤᠷ — ᠬᠠᠳᠠᠨᠪᠠᠲᠤ᠌᠂ ᠪᠦᠳᠦᠭᠦᠯᠢᠭ ᠡᠷᠡ — ᠢᠳᠡᠷ᠂ ᠦᠨᠳᠦᠰᠦᠲᠡᠨᠤ ᠪᠠᠭᠠᠲᠤᠷ — ᠰᠡᠪᠡᠭ ᠮᠡᠲᠦ᠍ᠶ᠋ᠢᠨ ᠵᠠᠩ ᠴᠢᠨᠠᠷᠤᠨ ᠨᠠᠷᠢᠨ ᠢᠯᠭᠠᠭᠠ ᠪᠥᠬᠦᠢ ᠳᠦᠷᠢᠨᠦᠭᠦᠳ ᠰᠠᠯᠪᠤᠷᠢᠯᠠᠨ ᠭᠠᠷᠴᠤ᠌ ᠢᠷᠡᠭ᠌ᠰᠡᠨ ᠪᠣᠯᠪᠠᠴᠤ᠌ ᠶᠡᠭᠡ ᠬᠠᠨᠳᠤᠰᠢᠶ᠋ᠢ ᠬᠠᠷᠱᠢᠯᠠᠭ᠍ᠰᠠᠨ ᠲᠠᠯᠠ ᠪᠠᠢᠬᠤ ᠦᠭᠡᠢ᠃
ᠲᠤᠤᠯᠢᠶ᠋ᠢᠨ ᠪᠠᠭᠠᠲᠤᠷᠤᠨ ᠳᠦᠷᠢᠶ᠋ᠢᠨ ᠤᠳᠤᠬᠢᠴᠢ ᠬᠤᠪᠢᠰᠤᠯ ᠡᠴᠡ ᠦᠵᠡᠪᠡᠯ᠂ ᠵᠤᠬᠢᠶᠠᠭ᠍ᠴᠢᠶ᠋ᠢᠨ ᠤᠬᠠᠮᠰᠠᠷᠲᠠᠬᠢ ᠤᠵᠤᠭᠤᠷ ᠡᠷᠲᠡᠨᠤ ᠳᠦᠷᠢᠶ᠋ᠢᠨ ᠭᠤᠸᠠ ᠰᠠᠢᠬᠠᠨᠤ ᠱᠢᠨᠵᠢᠳᠤ ᠵᠤᠬᠢᠬᠤ ᠬᠤᠪᠢᠰᠤᠯᠲᠠ ᠡᠭᠦᠰᠴᠠᠢ᠃ ᠳᠡᠭᠡᠷᠡ ᠳᠤᠷᠠᠳᠤᠭ᠍ᠰᠠᠨ ᠤᠳᠤᠬᠢᠴᠢ ᠱᠢᠨᠵᠢ ᠪᠥᠬᠦᠢ 《ᠰᠠᠢᠨ ᠮᠠᠭᠤ ᠵᠦᠭᠤᠨ ᠪᠠᠭᠠᠲᠤᠷ》 ᠤ᠋ᠨ ᠳᠦᠷᠢᠠᠴᠠ ᠭᠠᠳᠠᠨᠠ᠂ ᠵᠤᠬᠢᠶᠠᠭ᠍ᠴᠢᠶ᠋ᠢᠨ ᠪᠢᠷ ᠳᠤᠤᠷᠠᠬᠢ ᠡᠮᠡᠭ᠌ᠲᠡᠢᠴᠦᠳᠤᠨ ᠳᠦᠷᠢ ᠴᠤ᠌ ᠥᠭᠡᠷᠡᠴᠢᠯᠡᠭ᠌ᠳᠡᠵᠡᠢ᠃
ᠳᠠᠢᠰᠤᠨᠤ ᠰᠣᠮᠣᠨᠳᠤ ᠣᠨᠣᠭ᠍ᠳᠠᠴᠢᠬᠠᠭᠠᠳ《ᠵᠠᠯᠭᠠᠭᠠᠳ ᠶᠠᠪᠤᠶᠠ！ ᠠᠮᠢᠰᠭᠤᠭᠠᠲᠠᠢ ᠪᠠᠢᠭ᠍ᠰᠠᠨ ᠴᠠᠭᠲᠤ ᠯᠠᠪ ᠵᠠᠮᠤᠨ ᠲᠡᠭᠡᠭᠡᠷᠡ ᠪᠣᠯᠬᠤ ᠦᠭᠡᠢ！》 ᠬᠡᠵᠤ ᠲᠡᠮᠡᠴᠡᠭ᠌ᠰᠡᠨ ᠤᠷᠠᠨᠲᠤᠳᠢ᠂ ᠵᠠᠩᠭᠢᠯᠠᠭᠠᠶ᠋ᠢᠨ ᠴᠠᠭᠲᠤ《ᠴᠦᠨ ᠮᠸᠢᠪᠠᠨ ᠠᠪᠤᠷᠠᠶᠠ！ ᠨᠥᠬᠦᠳᠢᠶᠠᠨ ᠠᠪᠤᠷᠠᠶᠠ！》 ᠬᠡᠳ《ᠤᠬᠤᠰᠭᠢᠨ ᠪᠣᠰᠴᠤ᠌ ᠴᠤᠩᠬᠤᠨ ᠳᠡᠷᠭᠡᠳᠡ ᠬᠦᠷᠦᠭᠡᠳ ᠭᠠᠯ ᠬᠠᠷᠪᠤᠵᠤ ᠪᠠᠢᠭᠠ ᠴᠤᠩᠬᠤᠶ᠋ᠢ ᠣᠭ᠍ᠲᠣᠬᠠᠨ ᠴᠤ᠌ ᠲᠠᠲᠠᠭᠠᠯᠵᠠᠯ ᠦᠭᠡᠢ ᠪᠡᠶᠡᠪᠠᠷᠢᠶᠠᠨ ᠤᠴᠢᠵᠦ᠍ ᠪᠥᠭ᠌ᠯᠡᠭ᠌ᠰᠡᠨ》 ᠤᠷᠠᠨᠲᠤᠳᠢᠶ᠋ᠢᠨ ᠡᠵᠢ ᠳᠠᠷᠢᠮᠠ᠂ 《᠁ ᠬᠡᠷᠡᠮᠤᠨ ᠳᠡᠭᠡᠷᠡᠬᠢ ᠨᠢᠭᠤᠴᠠ ᠦᠭᠡᠪᠠᠷ ᠨᠠᠮᠤᠨ ᠮᠡᠳᠡᠭᠡ ᠬᠠᠷᠢᠯᠴᠠᠨ ᠤᠯᠠᠮᠵᠢᠯᠠᠨ ᠳᠠᠮᠵᠢᠭᠤᠯᠬᠤ》 ᠨᠠᠮᠤᠨ ᠬᠤᠯᠪᠣᠭᠠ ᠠᠪᠬᠤ ᠴᠢᠬᠤᠯᠠ ᠡᠭᠦᠷᠭᠡᠶ᠋ᠢ ᠳᠠᠭᠠᠭᠠᠵᠤ ᠠᠪᠤᠭ᠍ᠰᠠᠨ ᠴᠦᠨ ᠮᠸᠢ ᠡᠵᠢ ᠦᠬᠢᠨ ᠬᠤᠶᠠᠭᠤᠯᠠ᠂ ᠡᠳᠡᠭᠡᠷ ᠳᠦᠷᠢᠨᠦᠭᠦᠳᠨᠢ ᠡᠢᠰᠢ ᠲᠡᠢᠰᠢ ᠪᠤᠯᠢᠶᠠᠭ᠍ᠳᠠᠭᠠᠳ ᠪᠠᠢᠳᠠᠭ ᠪᠠᠭᠠᠲᠤᠷᠤᠨ ᠬᠥᠴᠦᠨᠤ ᠳᠤᠷᠠᠢᠯᠭᠠᠯᠤᠨ ᠪᠤᠳᠠᠰ ᠪᠢᠰᠢ᠂ ᠤᠶᠠᠨ ᠨᠠᠯᠠᠷᠬᠠᠢ ᠨᠢᠥᠯᠲᠤ ᠨᠣᠮᠣᠢ ᠨᠡᠢᠭᠡᠮᠤᠨ ᠪᠠᠭᠤᠷᠠᠢ ᠡᠲᠡᠭᠡᠳ ᠪᠢᠰᠢ᠂ ᠨᠠᠡᠭ ᠴᠦ᠍ ᠹᠸᠤᠳᠠᠯᠤᠨ ᠨᠡᠢᠭᠡᠮᠤᠨ ᠳᠠᠷᠤᠯᠠᠯ ᠳᠤᠤᠷᠠᠬᠢ ᠬᠡᠯᠡᠪᠠᠨ ᠠᠯᠳᠠᠭ᠍ᠰᠠᠳ ᠪᠢᠰᠢ᠂ ᠬᠠᠷᠢᠨ ᠦᠪᠡᠷᠤᠨ ᠪᠡᠶᠡᠳᠡᠭᠡᠨ ᠡᠵᠡᠨ ᠪᠣᠯᠳᠠᠭ᠂ ᠦᠵᠡᠯ ᠰᠠᠨᠠᠭᠠ ᠤᠬᠠᠭᠠᠨ ᠰᠠᠮᠪᠠᠭᠠᠲᠠᠢ ᠡᠷᠬᠡ ᠴᠢᠯᠦᠭᠡ ᠬᠠᠢᠷᠠ ᠬᠤᠷᠤᠰᠤᠯᠲᠠᠢ᠂ ᠬᠠᠶᠠ ᠵᠠᠷᠢᠮᠳᠠᠭᠠᠨ ᠡᠷᠡᠴᠦᠦᠯᠲᠠᠢ ᠮᠥᠷᠦ᠍ ᠵᠡᠷᠭᠡᠴᠡᠨ ᠴᠢᠰᠤ ᠠᠰᠭᠠᠯᠴᠠᠵᠤ ᠬᠤᠪᠢᠰᠭᠠᠯ ᠬᠢᠳᠡᠭ ᠲᠡᠮᠦᠷ ᠬᠡᠦᠬᠡᠨᠴᠤᠳᠤᠨ ᠳᠦᠷᠢ ᠪᠣᠯᠵᠦ᠍ ᠬᠤᠪᠢᠰᠴᠠᠢ᠃ ᠲᠡᠢᠮᠦ᠍ᠠᠴᠠ ᠷᠤᠮᠠᠨᠤ ᠭᠤᠸᠠ ᠲᠠᠭᠠᠱᠢᠶᠠᠬᠤᠢᠶ᠋ᠢᠨ ᠬᠠᠨᠳᠤᠰᠢᠨᠢ ᠲᠤᠤᠯᠢ ᠶ᠋ᠢᠨ ᠰᠦᠷᠯᠢᠭ ᠳᠡᠭᠡᠳᠦ ᠬᠡᠪ ᠨᠠᠮᠪᠠᠶ᠋ᠢ ᠬᠠᠳᠠᠭᠠᠯᠠᠭ᠍ᠰᠠᠨᠤ ᠰᠠᠭᠤᠷᠢᠨ ᠳᠡᠭᠡᠷᠡ ᠱᠢᠨᠡ ᠲᠡᠯᠡᠯᠲᠡᠲᠠᠢ ᠪᠠᠢᠵᠤ᠂ ᠰᠣᠩᠭᠤᠳᠠᠭ ᠱᠢᠨᠵᠢ ᠪᠠ ᠤᠳᠤᠬᠢᠴᠢ ᠱᠢᠨᠵᠢᠶ᠋ᠢᠨ ᠳᠠᠪᠬᠤᠷᠳᠠᠯᠢ ᠪᠡᠶᠡᠯᠡᠭᠦᠯᠵᠠᠢ᠃
ᠪᠠᠭ᠍ᠴᠠᠯᠠᠪᠠᠯ᠂ ᠠ᠊·ᠤᠳᠽᠠᠷᠤᠨ《ᠮᠣᠷᠢᠲᠤ ᠴᠡᠷᠢᠭᠤᠨ ᠳᠠᠭᠤᠯᠠᠯ》ᠬᠡᠬᠦ ᠷᠤᠮᠠᠨ ᠳ᠋ᠠᠭᠠᠨ᠂ ᠪᠠᠭᠠᠲᠤᠷᠤᠨ ᠲᠤᠤᠯᠢᠶ᠋ᠢᠨ ᠳᠦᠷᠢᠶ᠋ᠢᠨ ᠮᠣᠲ᠋ᠢᠹᠲᠤ ᠰᠠᠭᠤᠷᠢᠯᠠᠨ ᠰᠠᠢᠨ ᠮᠠᠭᠤ ᠬᠤᠶᠠᠷ ᠵᠦᠭᠤᠨ ᠪᠠᠭᠠᠲᠤᠷ ᠬᠢᠭᠡᠳ ᠬᠥᠯᠦᠭ ᠮᠤᠷᠢᠨᠤ ᠳᠦᠷᠢᠶ᠋ᠢ ᠵᠦᠢᠲᠡᠢ ᠪᠠᠢᠷᠢᠱᠢᠭᠤᠯᠤᠨ᠂ ᠠᠬᠤᠢᠴᠢ ᠦᠵᠡᠯᠤᠨ ᠵᠤᠬᠢᠶᠠᠨ ᠪᠥᠲᠦᠭᠡᠬᠦ᠌ ᠠᠷᠭᠠᠪᠠᠷ ᠳᠦᠷᠢ ᠪᠥᠲᠦᠭᠡᠭ᠌ᠰᠡᠨ ᠶᠤᠮ᠃